| ᠮᠠᠰᠢᠨ ᠳᠡᠷᠭᠡ᠂ ᠮᠤᠲ᠋ᠤᠷ ᠳᠡᠷᠭᠡ ᠠᠷᠤ ᠬᠤᠷᠴᠢᠨ ᠮᠤᠩᠭᠤᠯ ᠨᠤᠳᠤᠭ ᠲᠤ ᠤᠷᠤᠵᠤ ᠢᠷᠡᠬᠦ ᠠᠴᠠ ᠡᠮᠦᠨᠡ᠂ | ᠮᠤᠷᠢ ᠪᠤᠯ ᠬᠠᠮᠤᠭ ᠠᠴᠠ ᠬᠤᠷᠳᠤᠨ ᠤᠨᠤᠭᠠ ᠬᠦᠯᠦᠭ ᠪᠤᠯᠵᠤ᠂ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠳᠤᠨᠢ | ᠦᠷᠭᠡᠨ ᠢᠶᠠᠷ ᠬᠡᠷᠡᠭᠯᠡᠭᠳᠡᠵᠦ᠂ ᠳᠡᠦᠬᠡᠳᠦ ᠴᠢᠨᠠᠷᠳᠠᠢ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠮᠤᠷᠢ ᠶᠢ | ᠡᠳ᠋ᠯᠡᠵᠦ ᠤᠨᠤᠬᠤ ᠳᠤ ᠡᠷᠬᠡᠪᠰᠢ ᠡᠮᠡᠭᠡᠯ ᠪᠠᠶᠢᠬᠤ ᠬᠡᠷᠡᠭᠲᠠᠢ᠃ | ᠨᠢᠬᠡ᠂ ᠬᠠᠩᠭᠠᠢ ᠡᠮᠡᠭᠡᠯ | ᠬᠠᠩᠭᠠᠢ ᠡᠮᠡᠭᠡᠯ ᠢ ᠬᠢᠬᠦ ᠳᠤ ᠮᠤᠳᠤ ᠶᠢ ᠰᠤᠩᠭᠤᠨᠠ᠃ ᠭᠤᠤᠯᠳᠠᠭᠤ ᠶᠠᠷᠠ ᠬᠡᠰᠢᠭᠦᠦ ᠦᠭᠡᠢ ᠬᠤᠰᠤ᠂ | ᠤᠳᠠ᠂ ᠲᠤᠮᠤ ᠵᠡᠷᠭᠡ ᠮᠤᠳᠤ ᠶᠢ ᠰᠤᠩᠭᠤᠨᠠ᠃ ᠬᠠᠩᠭᠠᠢ ᠡᠮᠡᠭᠡᠯ ᠨᠢ ᠪᠦᠬᠦᠷᠭᠡᠨ ᠤ ᠬᠤᠶᠠᠷ ᠮᠤᠳᠤ᠂ ᠬᠠᠪᠳᠠᠭᠠᠢ | ᠶᠢᠨ ᠬᠤᠶᠠᠷ ᠮᠤᠳᠤ᠂ ᠭᠤᠤᠯ ᠤᠨ ᠨᠢᠭᠡ ᠮᠤᠳᠤ ᠵᠡᠷᠭᠡ ᠳᠠᠪᠤᠨ ᠮᠤᠳᠤ ᠪᠤᠶᠤ ᠲᠦᠷᠪᠡᠨ ᠮᠤᠳᠤ ᠪᠠᠷ ᠪᠦᠷᠢᠯᠳᠦᠨᠡ᠃ | ᠡᠮᠡᠭᠡᠯ ᠤᠨ ᠡᠮᠦᠨᠡ ᠪᠦᠬᠦᠷᠭᠡ ᠶᠢ ᠡᠷᠡ ᠰᠠᠯᠠᠭᠠ ᠮᠤᠳᠤ ᠪᠠᠷ ᠬᠢᠵᠦ ᠠᠷᠤ ᠶᠢᠨ ᠪᠦᠬᠦᠷᠭᠡ ᠶᠢ ᠤᠨᠵᠢᠷᠠᠭᠠ | ᠲᠤᠬᠤᠢ ᠮᠤᠳᠤ ᠪᠤᠶᠤ ᠠᠯᠴᠠᠭᠠᠢ ᠰᠠᠯᠠᠭᠠ ᠮᠤᠳᠤ ᠪᠠᠷ ᠬᠢᠳᠡᠭ᠃ ᠪᠦᠬᠦᠷᠭᠡ ᠶᠢ ᠠᠰᠬᠠᠨ ᠮᠤᠳᠤ ᠪᠠᠷ ᠤᠬᠤᠵᠤ | ᠴᠠᠪᠴᠢᠵᠤ ᠬᠢᠵᠦ ᠪᠤᠯᠬᠤ ᠦᠭᠡᠢ᠃ ᠤᠴᠢᠷ ᠨᠢ ᠮᠤᠳᠤᠨ ᠤ ᠰᠢᠷᠭᠡᠭ ᠨᠢ ᠠᠰ ᠰᠢᠯᠤᠭᠤᠨ ᠪᠤᠯᠬᠤᠷ ᠪᠠᠬᠢᠯᠢᠭ᠌ | ᠦᠭᠡᠢ ᠬᠤᠭᠤᠷᠠᠵᠤ ᠬᠠᠭᠠᠷᠠᠵᠤ ᠮᠡᠳᠡᠨᠡ᠃ ᠬᠤᠶᠠᠷ ᠬᠠᠪᠳᠠᠭᠠᠯ ᠤᠨ ᠮᠤᠳᠤ ᠨᠢ ᠭᠤᠤᠯ ᠤᠨ ᠮᠤᠳᠤ ᠲᠠᠢ ᠪᠠᠨ | ᠦᠷᠭᠦᠯᠵᠢ ᠭᠠᠷᠪᠠᠯ ᠲᠦᠷᠪᠡᠨ ᠮᠤᠳᠤᠨ ᠤ ᠡᠮᠡᠭᠡᠯ᠂ ᠬᠡᠷᠪᠡ ᠬᠠᠪᠳᠠᠭᠠᠢ ᠤᠨ ᠮᠤᠳᠤ ᠨᠢ ᠭᠤᠤᠯ ᠤᠨ ᠮᠤᠳᠤ ᠲᠠᠢ | ᠦᠷᠭᠦᠯᠵᠢ ᠭᠠᠷᠴᠤ ᠬᠦᠷᠬᠦ ᠦᠭᠡᠢ ᠪᠤᠯ ᠳᠤᠮᠳᠠ ᠨᠢ ᠦᠭᠡᠷᠡ ᠮᠤᠳᠤ ᠪᠠᠷ ᠭᠤᠤᠯ ᠬᠢᠳᠡᠭ᠂ ᠡᠶᠢᠮᠦ ᠡᠮᠡᠭᠡᠯ ᠢ | ᠳᠠᠪᠤᠨ ᠮᠤᠳᠤᠨ ᠤ ᠡᠮᠡᠭᠡᠯ ᠭᠡᠳᠡᠭ᠃ | ᠬᠤᠶᠠᠷ᠂ ᠬᠠᠩᠭᠠᠢ ᠡᠮᠡᠭᠡᠯ ᠢ ᠬᠢᠬᠦ ᠳᠤ ᠡᠮᠡᠭᠡᠯ ᠤᠨ ᠶᠡᠭᠡ ᠪᠠᠭᠠ ᠪᠦᠬᠦᠷᠭᠡᠨ ᠤ ᠦᠨᠳᠦᠷ ᠤᠬᠤᠷ ᠭᠡᠵᠦ | ᠲᠤᠭᠳᠠᠭᠰᠠᠨ ᠬᠡᠮᠵᠢᠶᠡ ᠦᠭᠡᠢ ᠮᠤᠳᠤᠨ ᠤ ᠬᠦᠷᠴᠡ ᠶᠢ ᠦᠵᠡᠵᠦ ᠬᠢᠳᠡᠭ᠃ | ᠡᠮᠡᠭᠡᠯ ᠤᠨ ᠮᠤᠳᠤ ᠶᠢ ᠨᠡᠶᠢᠯᠡᠭᠦᠯᠵᠦ ᠬᠢᠬᠦ ᠳᠤ᠂ ᠡᠮᠡᠭᠡᠯ ᠤᠨ ᠬᠤᠶᠠᠷ ᠬᠠᠪᠳᠠᠭᠠᠯ ᠮᠤᠳᠤ ᠪᠠᠨ ᠴᠠᠪᠴᠢᠵᠤ | ᠵᠠᠰᠠᠭᠠᠳ ᠭᠤᠤᠯ ᠮᠤᠳᠤ ᠪᠠᠨ ᠬᠠᠪᠳᠠᠭᠠᠯ ᠲᠠᠢ ᠨᠡᠶᠢᠯᠡᠭᠦᠯᠵᠦ ᠴᠡᠪᠡᠤ ᠪᠠᠷ ᠨᠠᠭᠠᠨᠠ᠃ ᠬᠠᠪᠳᠠᠭᠠᠯ ᠤᠨ ᠮᠤᠳᠤ ᠶᠢ | ᠬᠤᠶᠠᠷ ᠦᠵᠦᠭᠦᠷ ᠲᠤᠨᠢ ᠠᠰ ᠬᠡᠷᠴᠢᠯᠡᠭᠡᠰᠦ ᠭᠠᠷᠭᠠᠵᠤ ᠵᠠᠰᠠᠭᠠᠳ ᠪᠦᠬᠦᠷᠭᠡᠨ ᠤ ᠬᠤᠶᠠᠷ ᠭᠤᠶᠠ ᠶᠢᠨ ᠦᠵᠦᠭᠦᠷ ᠢ | ᠴᠠᠪᠴᠢᠨ ᠵᠠᠰᠠᠵᠤ ᠬᠠᠪᠳᠠᠭᠠᠯ ᠤᠨ ᠬᠦᠨᠳᠡᠯᠡᠨ ᠬᠡᠷᠴᠢᠯᠡᠭᠡᠰᠦ ᠳᠤ ᠳᠠᠭᠠᠷᠠᠭᠤᠯᠵᠤ ᠴᠠᠪᠠᠤ ᠪᠠᠷ ᠨᠠᠭᠠᠵᠤ | ᠨᠡᠶᠢᠯᠡᠭᠦᠯᠦᠨᠡ᠂ ᠪᠦᠬᠦᠷᠭᠡᠨ ᠤ ᠭᠤᠶᠠ ᠶᠢᠨ ᠳᠤᠳᠤᠷᠠ ᠳᠠᠯᠠ ᠶᠢᠨ ᠬᠤᠷᠮᠤᠢ ᠳᠤ ᠬᠠᠪᠳᠠᠭᠠᠯ ᠲᠠᠢ ᠳᠠᠪᠬᠤᠷ | ᠴᠤᠭᠤᠯᠵᠤ ᠪᠦᠮᠪᠦᠷᠢᠬᠡᠨ ᠵᠤᠷᠭᠤᠭᠰᠠᠨ ᠬᠤᠯᠤᠰᠤ ᠳᠤ ᠴᠠᠪᠠᠤ ᠲᠦᠷᠬᠢᠵᠤ ᠬᠠᠳᠠᠵᠤ ᠬᠤᠯᠪᠤᠨᠠ᠂ ᠬᠤᠶᠠᠷ | ᠪᠦᠬᠦᠷᠭᠡᠨ ᠤ ᠬᠤᠶᠠᠷ ᠳᠠᠯᠠ ᠶᠢᠨ ᠭᠤᠶᠠ ᠶᠢ ᠬᠠᠪᠳᠠᠭᠠᠯ ᠤᠨ ᠮᠤᠳᠤ ᠲᠠᠢ ᠳᠠᠪᠬᠤᠷ ᠴᠤᠭᠤᠯᠵᠤ ᠤᠯᠤᠩ ᠵᠢᠷᠢᠮ | ᠤᠨ ᠤᠭᠴᠤᠷᠭᠠ ᠶᠢᠨ ᠰᠤᠷ ᠳᠠᠭᠠᠷᠠᠭᠤᠯᠬᠤ ᠨᠦᠬᠡ ᠴᠤᠭᠤᠯᠤᠨᠠ᠃ ᠬᠠᠪᠳᠠᠭᠠᠯ ᠤᠨ ᠳᠤᠮᠳᠠ ᠬᠡᠰᠡᠭ ᠤᠨ ᠳᠤᠤᠷᠠ | ᠳᠠᠯᠠ ᠳᠤ ᠲᠦᠷᠦᠭᠡᠨ ᠰᠤᠷ ᠳᠠᠭᠠᠷᠠᠭᠤᠯᠵᠤ ᠨᠢᠮᠭᠡᠨ ᠬᠦᠨᠳᠡᠯᠡᠨ ᠨᠦᠬᠡ ᠴᠤᠭᠤᠯᠤᠨᠠ᠂ ᠬᠠᠪᠳᠠᠭᠠᠯ ᠤᠨ ᠬᠤᠶᠠᠷ | ᠦᠵᠦᠭᠦᠷ ᠭᠠᠨᠵᠤᠭᠠ ᠳᠠᠳᠠᠬᠤ ᠬᠤᠶᠠᠷ ᠬᠤᠶᠠᠷ ᠨᠠᠷᠢᠨ ᠨᠦᠬᠡ ᠴᠤᠭᠤᠯᠤᠨᠠ᠂ ᠭᠤᠤᠯ ᠮᠤᠳᠤᠨ ᠤ ᠬᠤᠶᠠᠷ ᠳᠠᠯᠠ | ᠶᠢᠨ ᠰᠦᠪᠡᠭᠡ ᠶᠢᠨ ᠤᠷᠴᠢᠮ ᠳᠠᠪᠰᠠ ᠶᠢ ᠬᠠᠳᠠᠬᠤ ᠬᠤᠶᠠᠷ ᠬᠤᠶᠠᠷ ᠨᠠᠷᠢᠨ ᠨᠦᠬᠡ ᠴᠤᠭᠤᠯᠤᠨᠠ᠃ ᠬᠠᠩᠭᠠᠢ | ᠡᠮᠡᠭᠡᠯ ᠢ ᠬᠢᠬᠦ ᠳᠤ ᠬᠠᠪᠳᠠᠭᠠᠯ ᠤᠨ ᠬᠤᠶᠠᠷ ᠦᠵᠦᠭᠦᠷ ᠢ ᠳᠡᠭᠡᠭᠰᠢ ᠮᠠᠳᠠᠭᠠᠷ ᠴᠠᠪᠴᠢᠨᠠ᠃ ᠡᠭᠦᠨ ᠳᠤ ᠬᠠᠪᠳᠠᠭᠠᠯ | ᠤᠨ ᠡᠮᠦᠨᠡ ᠳᠠᠯᠠ ᠶᠢᠨ ᠦᠵᠦᠭᠦᠷ ᠢ ᠬᠤᠶᠠᠷ ᠬᠤᠷᠤᠭᠤ ᠰᠢᠷᠭᠤᠵᠤ ᠪᠠᠭᠳᠠᠬᠤ᠂ ᠠᠷᠤ ᠳᠠᠯᠠ ᠶᠢᠨ ᠦᠵᠦᠭᠦᠷ ᠢ | ᠨᠢᠭᠡ ᠬᠤᠷᠤᠭᠤ ᠰᠢᠷᠭᠤᠵᠤ ᠪᠠᠭᠳᠠᠠᠬᠤ ᠪᠠᠷ ᠬᠢᠨᠡ᠃ ᠬᠠᠪᠳᠠᠭᠠᠯ ᠤᠨ ᠬᠤᠶᠠᠷ ᠦᠵᠦᠭᠦᠷ ᠤᠨ ᠬᠤᠭᠤᠷᠤᠨᠳᠤᠬᠢ | ᠬᠦᠨᠳᠡᠯᠡᠨ ᠵᠠᠢ ᠶᠢ ᠳᠡᠩᠴᠡᠭᠦᠯᠦᠨᠡ᠂ ᠡᠮᠦᠨᠡ ᠳᠠᠯᠠ ᠶᠢᠨ ᠬᠠᠪᠳᠠᠭᠠᠯ ᠤᠨ ᠳᠤᠮᠳᠠᠬᠢ ᠵᠠᠢ ᠶᠢ ᠭᠠᠷ ᠤᠨ ᠨᠢᠳᠤᠷᠭᠠ | ᠬᠦᠨᠳᠡᠯᠡᠨ ᠢᠶᠠᠷ ᠪᠠᠭᠳᠠᠬᠤ ᠪᠠᠷ᠂ ᠠᠷᠤ ᠳᠠᠯᠠ ᠶᠢᠨ ᠬᠠᠪᠳᠠᠭᠠᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠶᠢ ᠡᠷᠡᠬᠡᠢ ᠬᠤᠷᠤᠭᠤ | ᠪᠠᠨ ᠬᠦᠨᠳᠡᠯᠡᠨ ᠠᠳᠬᠤᠭᠰᠠᠨ ᠨᠢᠳᠤᠷᠭᠠ ᠪᠠᠭᠳᠠᠬᠤ ᠵᠠᠢ ᠲᠠᠢ ᠬᠢᠨᠡ᠃ ᠡᠶᠢᠮᠦ ᠶᠠᠩᠵᠤ ᠬᠡᠯᠪᠡᠷᠢ ᠪᠠᠷ ᠨᠡᠶᠢᠯᠡᠭᠦᠯᠵᠦ | ᠬᠢᠭᠰᠡᠨ ᠡᠮᠡᠭᠡᠯ ᠮᠤᠷᠢᠨ ᠨᠢᠷᠤᠭᠤ ᠳᠤ ᠵᠠᠭᠤᠳᠠᠯ ᠰᠠᠶᠢᠳᠠᠢ᠂ ᠮᠤᠷᠢᠨ ᠤ ᠭᠤᠤᠯ᠂ ᠰᠦᠪᠡᠭᠡ ᠶᠢ ᠳᠠᠷᠤᠵᠤ ᠳᠠᠭᠠᠷᠢ | ᠭᠠᠷᠭᠠᠬᠤ ᠦᠭᠡᠢ ᠰᠠᠶᠢᠨ ᠲᠠᠢ᠃ | ᠭᠤᠷᠪᠠ᠂ ᠡᠮᠡᠭᠡᠯ ᠤᠨ ᠬᠡᠷᠡᠭᠰᠡᠯ | ᠡᠮᠡᠭᠡᠯ ᠤᠨ ᠬᠡᠷᠡᠭᠰᠡᠯ ᠳᠤ᠂ ᠳᠡᠪᠰᠡ᠂ ᠳᠡᠭᠡᠯ᠂ ᠬᠦᠯᠢᠮ᠂ ᠲᠤᠬᠤᠮ᠂ ᠲᠦᠷᠦᠭᠡ᠂ ᠭᠠᠨᠵᠤᠭᠠ᠂ ᠤᠯᠤᠩ᠂ | ᠵᠢᠷᠢᠮ ᠵᠡᠷᠭᠡ ᠪᠠᠶᠢᠳᠠᠭ᠃ ᠳᠡᠪᠰᠡ ᠶᠢ ᠨᠢᠮᠭᠡᠨ ᠢᠰᠡᠭᠡᠢ ᠪᠠᠷ ᠬᠤᠶᠠᠷ ᠪᠦᠬᠦᠷᠭᠡ ᠪᠠ ᠭᠤᠤᠯ ᠮᠤᠳᠤ ᠲᠠᠢ | ᠳᠠᠭᠠᠷᠠᠭᠤᠯᠤᠨ ᠡᠰᠬᠡᠭᠡᠳ᠂ ᠬᠠᠷᠠ ᠦᠭᠡᠳᠡᠩ ᠪᠤᠶᠤ ᠳᠠᠩᠽᠢᠷᠦ᠋ᠩ ᠢᠶᠠᠷ ᠭᠠᠳᠠᠷᠯᠠᠵᠤ ᠬᠢᠨᠡ᠃ ᠪᠠᠰᠠ ᠪᠤᠯᠢᠭᠠᠷᠢ | ᠶᠢᠨ ᠠᠷᠠᠰᠤ ᠪᠠᠷ ᠳᠡᠪᠰᠡᠯᠡᠳᠡᠭ ᠪᠠᠶᠢᠨᠠ᠃ ᠡᠮᠡᠭᠡᠯ ᠤᠨ ᠬᠤᠶᠠᠷ ᠲᠡᠭᠡᠯ ᠢ ᠪᠤᠯᠢᠭᠠᠷᠢ ᠪᠠᠷ ᠬᠢᠵᠤ᠂ ᠳᠡᠭᠡᠷᠡ ᠳᠠᠯᠠ | ᠨᠢ ᠳᠡᠭᠰᠢ ᠭᠤᠵᠤᠭᠤᠷ᠂ ᠲᠤᠤᠷᠠ ᠳᠠᠯᠠ ᠨᠢ ᠲᠦᠭᠦᠷᠢᠭ ᠬᠡᠯᠪᠡᠷᠢᠳᠠᠢ᠂ ᠳᠡᠭᠡᠯ ᠢ ᠬᠤᠶᠠᠷ ᠰᠤᠷ ᠢᠶᠠᠷ ᠬᠤᠯᠪᠤᠵᠤ | ᠳᠡᠪᠰᠡ ᠶᠢᠨ ᠳᠤᠤᠭᠤᠷ ᠰᠢᠷᠭᠤᠭᠤᠯᠵᠤ ᠳᠡᠭᠦᠵᠢᠯᠡᠨᠡ᠃ ᠡᠮᠡᠭᠡᠯ ᠳᠤ ᠬᠤᠶᠠᠷ ᠪᠤᠯᠢᠭᠠᠷᠢ ᠬᠦᠯᠢᠮ ᠬᠡᠷᠭᠡᠯᠡᠵᠦ ᠳᠡᠭᠡᠷᠡ | ᠳᠠᠯᠠ ᠨᠢ ᠳᠡᠭᠰᠢ᠂ ᠲᠤᠤᠷᠠ ᠳᠠᠯᠠ ᠨᠢ ᠲᠦᠭᠦᠷᠢᠭ ᠬᠡᠯᠪᠡᠷᠢᠳᠠᠢ᠃ ᠳᠡᠭᠰᠢ ᠳᠠᠯᠠ ᠪᠠᠷ ᠨᠢ ᠨᠡᠶᠢᠯᠡᠭᠦᠯᠵᠦ ᠬᠤᠯᠪᠤᠵᠤ | ᠡᠮᠡᠭᠡᠯ ᠤᠨ ᠳᠤᠤᠷᠠ ᠳᠠᠭᠠᠷᠠᠭᠤᠯᠤᠨᠠ᠃ ᠭᠡᠬᠦ ᠳᠡᠭᠡᠨ ᠤᠯᠤᠩ᠂ ᠵᠢᠷᠢᠮ ᠤᠨ ᠤᠭᠴᠤᠷᠭᠠ ᠲᠠᠢ ᠠᠰᠯᠠᠭᠤᠯᠵᠤ | ᠨᠦᠬᠡ ᠦᠯᠡᠳᠡᠭᠡᠨᠡ᠃ ᠬᠦᠯᠢᠮ ᠤᠨ ᠤᠷᠳᠤ ᠶᠢᠨ ᠬᠡᠮᠵᠢᠶᠡ ᠨᠢ ᠲᠦᠷᠦᠭᠡ ᠠᠴᠠ ᠲᠤᠷᠤᠭᠰᠢ ᠢᠯᠡᠭᠦᠦ ᠭᠠᠷᠤᠭᠰᠠᠨ | ᠪᠠᠶᠢᠬᠤ ᠬᠡᠷᠡᠭᠳᠠᠢ᠃ ᠲᠤᠬᠤᠮ ᠢ 3-4 ᠵᠢᠩ ᠮᠤᠷᠢᠨ ᠳᠡᠯ ᠪᠤᠶᠤ ᠢᠮᠠᠭᠠᠨ ᠤᠩᠭᠠᠰᠤ ᠪᠠᠷ ᠤᠷᠳᠤ ᠲᠦᠷᠪᠡᠯᠵᠢᠨ | ᠬᠢᠵᠦ᠂ ᠤᠷᠳᠤ ᠬᠤᠶᠠᠷ ᠳᠠᠯᠠ ᠳᠤᠨᠢ ᠬᠦᠪᠡᠭᠡ ᠭᠠᠷᠭᠠᠵᠤ ᠬᠢᠭᠡᠳ ᠬᠦᠯᠢᠮ ᠤᠨ ᠳᠤᠣᠷᠠ ᠳᠡᠪᠢᠰᠦᠨᠡ᠃ ᠲᠤᠬᠤᠮ | ᠢ ᠮᠤᠷᠢᠨ ᠳᠡᠯ ᠪᠤᠶᠤ ᠢᠮᠠᠭᠠᠨ ᠤᠩᠭᠠᠰᠤ ᠪᠠᠷ ᠬᠢᠬᠦ ᠨᠢ ᠮᠤᠷᠢᠨ ᠶᠢᠨ ᠬᠦᠯᠦᠰᠦᠨ ᠳᠤ ᠬᠠᠳᠠᠭᠤᠷᠠᠬᠤ ᠦᠭᠡᠢ ᠰᠠᠶᠢᠨ | ᠪᠠᠶᠢᠳᠠᠭ᠃ ᠡᠮᠡᠭᠡᠯ ᠤᠨ ᠬᠤᠶᠠᠷ ᠲᠦᠷᠦᠭᠡ ᠶᠢ ᠬᠠᠷᠠ ᠳᠡᠮᠦᠷ ᠪᠤᠶᠤ ᠦᠩᠭᠡᠳᠦ ᠳᠡᠮᠦᠷᠯᠢᠭ ᠢᠶᠠᠷ ᠴᠢᠳᠬᠤᠬᠤ ᠪᠤᠶᠤ | ᠳᠡᠪᠳᠠᠵᠤ ᠬᠢᠳᠡᠭ᠃ ᠲᠦᠷᠦᠭᠡᠨ ᠰᠤᠷ ᠢ ᠬᠤᠶᠠᠷ ᠬᠤᠷᠤᠭᠤ ᠦᠷᠭᠡᠨ ᠵᠦᠰᠦᠭᠰᠡᠨ ᠰᠤᠷ ᠢ ᠨᠤᠭᠤᠯᠤᠨ | ᠳᠠᠪᠬᠤᠷᠯᠠᠵᠤ᠂ ᠪᠢᠳᠡᠭᠦᠦ ᠳᠠᠯᠠ ᠳᠤᠨᠢ ᠳᠡᠮᠦᠷ ᠭᠤᠷᠭᠢ ᠳᠠᠭᠠᠷᠠᠭᠤᠯᠵᠤ ᠨᠦᠭᠦᠭᠡ ᠦᠵᠦᠭᠦᠷ ᠨᠢ ᠭᠤᠷᠭᠢ ᠶᠢᠨ | ᠨᠦᠬᠡ ᠭᠠᠷᠭᠠᠵᠤ ᠲᠦᠷᠦᠭᠡᠨ ᠤ ᠰᠡᠨᠵᠢ ᠪᠠᠷ ᠰᠢᠷᠭᠤᠭᠤᠯᠵᠤ ᠬᠠᠪᠳᠠᠭᠠᠯ ᠤᠨ ᠬᠦᠨᠳᠡᠯᠡᠨ ᠨᠦᠬᠡᠨ ᠠᠴᠠ ᠬᠡᠯᠬᠢᠨ | ᠠᠪᠴᠤ ᠭᠤᠷᠭᠢ ᠠᠴᠠ ᠳᠡᠪᠡᠭᠡᠯᠡᠵᠦ ᠳᠠᠯᠪᠢᠨᠠ᠃ ᠡᠮᠡᠭᠡᠯ ᠳᠤ ᠭᠤᠴᠢᠨ ᠬᠤᠶᠠᠷ ᠭᠠᠨᠵᠤᠭᠠ ᠬᠡᠷᠡᠭᠯᠡᠵᠦ᠂ ᠬᠤᠷᠢᠨ | ᠳᠦᠷᠪᠡ ᠨᠢ ᠪᠦᠳᠦᠭᠦᠨ᠂ ᠨᠠᠢᠮᠠ ᠨᠢ ᠨᠠᠷᠢᠨ ᠭᠠᠨᠵᠤᠭᠠ ᠳᠠᠭᠠᠷᠠᠭᠤᠯᠤᠨᠠ᠃ ᠡᠮᠡᠭᠡᠯ ᠳᠤ ᠬᠤᠶᠠᠷ ᠤᠯᠤᠩ᠂ | ᠬᠤᠶᠠᠷ ᠵᠢᠷᠢᠮ ᠬᠡᠷᠡᠭᠯᠡᠳᠡᠭ᠃ ᠤᠯᠤᠩ ᠢ ᠬᠠᠷᠠ ᠴᠠᠭᠠᠨ ᠵᠢᠰᠦᠮ ᠤᠨ ᠮᠤᠷᠢᠨ ᠳᠡᠯ ᠢᠶᠠᠷ ᠰᠤᠯᠤᠭᠠᠢ ᠪᠠᠷᠠᠭᠤᠨ | ᠡᠷᠴᠢᠮᠳᠠᠢ ᠨᠠᠷᠢᠨ ᠳᠡᠭᠡᠰᠦ ᠳᠡᠮᠦᠵᠦ᠂ ᠬᠠᠷᠠ᠂ ᠴᠠᠭᠠᠨ ᠢ ᠠᠯᠠᠭᠯᠠᠵᠤ ᠰᠤᠯᠤᠭᠠᠢ ᠪᠠᠷᠠᠭᠤᠨ ᠢ ᠰᠤᠯᠪᠢᠴᠠᠭᠤᠯᠤᠨ | ᠨᠠᠢᠮᠠᠨ ᠮᠦᠷ ᠢᠶᠠᠷ ᠬᠠᠪᠳᠠᠭᠠᠶᠢᠯᠠᠨ ᠤᠷᠤᠨᠠ᠃ ᠡᠨᠡ ᠨᠢ ᠤᠯᠤᠩ ᠤᠨ ᠤᠷᠪᠠᠵᠤ ᠬᠦᠷᠪᠡᠬᠦ ᠶᠢ ᠰᠡᠷᠭᠡᠶᠢᠯᠡᠨᠡ᠃ | ᠤᠯᠤᠩ ᠤᠨ ᠳᠤᠤᠷᠠ ᠦᠵᠦᠭᠦᠷ ᠲᠤ ᠭᠤᠷᠭᠢ ᠳᠠᠭᠠᠷᠠᠭᠤᠯᠵᠤ ᠤᠯᠤᠩ ᠲᠠᠢ ᠠᠳᠠᠯᠢ ᠦᠷᠭᠡᠨ ᠰᠤᠷ ᠢᠶᠠᠷ ᠤᠯᠤᠩ | ᠤᠨ ᠦᠵᠦᠭᠦᠷ ᠢ ᠪᠢᠳᠡᠭᠦᠯᠡᠨ ᠤᠶᠤᠨᠠ᠃ ᠤᠯᠤᠩ ᠤᠨ ᠳᠡᠭᠡᠷᠡ ᠳᠠᠯᠠ ᠶᠢᠨ ᠦᠵᠦᠭᠦᠷ᠂ ᠡᠪᠡᠷ ᠳᠡᠪᠡᠭᠡ | ᠳᠠᠭᠠᠷᠠᠭᠤᠯᠵᠤ᠂ ᠡᠮᠡᠭᠡᠯ ᠤᠨ ᠪᠤᠷᠤᠭᠤ ᠳᠠᠯᠠ ᠶᠢᠨ ᠬᠤᠶᠠᠷ ᠤᠭᠴᠤᠷᠭᠠᠨ ᠰᠤᠷ ᠠᠴᠠ ᠳᠡᠪᠡᠭᠡᠯᠡᠨᠡ᠃ ᠡᠨᠡ ᠨᠢ | ᠤᠯᠤᠩ ᠢ ᠰᠠᠭᠠᠵᠤ ᠳᠠᠯᠪᠢᠬᠤ ᠳᠤ ᠳᠤᠰᠠᠳᠠᠢ᠃ ᠵᠢᠷᠢᠮ ᠢ ᠨᠢᠮᠭᠡᠨ ᠰᠤᠷ ᠢ ᠨᠠᠷᠢᠬᠠᠨ ᠵᠦᠰᠦᠵᠦ᠂ ᠨᠠᠢᠮᠠᠨ ᠰᠤᠷ | ᠢᠶᠠᠷ ᠨᠦᠬᠡ ᠲᠠᠢ ᠵᠢᠷᠢᠮ ᠬᠦᠷᠦᠬᠦ ᠪᠤᠶᠤ ᠲᠦᠷᠪᠡ᠂ ᠵᠢᠷᠭᠤᠭᠠᠨ ᠰᠤᠷ ᠢᠶᠠᠷ ᠨᠦᠬᠡ ᠦᠭᠡᠢ ᠵᠢᠷᠢᠮ ᠢ ᠬᠡᠵᠢᠭᠡᠴᠢᠯᠡᠨ | ᠬᠦᠷᠦᠵᠦ ᠡᠮᠡᠭᠡᠯ ᠤᠨ ᠵᠦᠪ ᠳᠠᠯᠠ ᠶᠢᠨ ᠬᠤᠶᠠᠷ ᠤᠭᠴᠤᠷᠭᠠ ᠶᠢᠨ ᠰᠤᠷ ᠠᠴᠠ ᠤᠶᠠᠵᠤ ᠳᠠᠯᠪᠢᠨᠠ᠃ | ᠲᠦᠷᠪᠡ᠂ ᠡᠮᠡᠭᠡᠯ ᠤᠨ ᠵᠠᠰᠠᠯ ᠴᠢᠮᠡᠭ | ᠡᠮᠡᠭᠡᠯ ᠢ ᠮᠦᠩᠭᠦ ᠪᠤᠯᠤ ᠴᠠᠭᠠᠨ ᠭᠠᠤᠯᠢ ᠪᠠᠷ ᠬᠤᠶᠠᠷ ᠪᠦᠬᠦᠷᠭᠡ ᠬᠠᠪᠳᠠᠭᠠᠯ ᠲᠠᠢ ᠡᠷᠭᠢᠨ ᠲᠤᠭᠤᠷᠢᠨ | ᠬᠦᠪᠡᠭᠡᠯᠡᠨᠡ᠃ ᠮᠦᠩᠭᠦ ᠪᠠᠷ ᠬᠦᠪᠡᠭᠡᠯᠡᠭᠰᠡᠨ ᠢ ᠨᠢ ᠮᠦᠩᠭᠦᠨ ᠡᠮᠡᠭᠡᠯ᠂ ᠭᠠᠤᠯᠢ ᠪᠠᠷ ᠬᠦᠪᠡᠭᠡᠯᠡᠭᠰᠡᠨ ᠢ ᠨᠢ ᠴᠠᠭᠠᠨ | ᠭᠠᠤᠯᠢ ᠶᠢᠨ ᠵᠠᠰᠠᠯ ᠲᠠᠢ ᠡᠮᠡᠭᠡᠯ ᠭᠡᠵᠦ ᠬᠡᠯᠡᠳᠡᠭ᠃ ᠢᠩᠭᠢᠵᠦ ᠦᠪᠴᠢ ᠬᠦᠪᠡᠭᠡᠯᠡᠭᠰᠡᠨ ᠡᠮᠡᠭᠡᠯ ᠢ ᠨᠠᠢᠮᠠᠨ ᠬᠦᠳᠡᠭᠡ | ᠲᠠᠢ ᠡᠮᠡᠭᠡᠯ ᠬᠢᠨᠡ᠃ ᠡᠮᠡᠭᠡᠯ ᠢ ᠪᠤᠯᠢᠭᠠᠷᠢ ᠪᠤᠶᠤ ᠪᠦᠰ ᠢᠶᠠᠷ ᠳᠡᠪᠢᠰᠭᠡᠷᠯᠡᠳᠡᠭ᠂ ᠪᠦᠰ ᠢᠶᠠᠷ ᠳᠡᠪᠢᠰᠭᠡᠷᠯᠡᠭᠰᠡᠨ | ᠳᠡᠪᠰᠡ ᠶᠢᠨ ᠭᠤᠤᠯ ᠳᠤ ᠪᠤᠶᠠᠨ ᠦᠰᠦᠭ ᠤᠨ ᠬᠡ ᠤᠭᠠᠯᠵᠠ᠂ ᠬᠤᠶᠠᠷ ᠪᠦᠬᠦᠷᠭᠡ ᠶᠢᠨ ᠳᠠᠬᠢᠮ ᠤᠷᠴᠢᠮ | ᠪᠠᠭᠪᠠᠭ᠋ᠠᠢ ᠬᠡ ᠤᠭᠠᠯᠵᠠ᠂ ᠬᠤᠶᠠᠷ ᠳᠠᠯᠠ ᠶᠢᠨ ᠬᠤᠷᠮᠤᠢ ᠳᠤ ᠦᠯᠵᠡᠢ ᠵᠠᠩᠭᠢᠶᠠ ᠬᠡ ᠤᠭᠠᠯᠵᠠ ᠴᠤᠭᠤᠯᠵᠤ᠂ | ᠤᠭᠤᠭᠠᠨ ᠤᠯᠠᠭᠠᠨ ᠲᠤᠷᠭᠠ ᠪᠠᠷ ᠳᠡᠪᠢᠰᠬᠡᠷᠯᠡᠵᠦ ᠴᠤᠭᠤᠯᠤᠮᠠᠯ ᠤᠨ ᠬᠦᠪᠡᠭᠡ ᠶᠢ ᠳᠠᠷᠤᠵᠤ ᠱᠠᠭᠠᠯᠠᠵᠤ ᠤᠶᠤᠨᠠ᠃ | ᠡᠭᠦᠨ ᠢ ᠪᠦᠰᠡ ᠳᠡᠪᠰᠡ ᠭᠡᠨᠡ᠂ ᠤᠳᠤ ᠨᠢᠭᠡ ᠨᠢ ᠪᠤᠯᠢᠭᠠᠷᠢ ᠪᠠᠷ ᠳᠡᠪᠢᠰᠭᠡᠷᠯᠡᠨᠡ᠃ ᠳᠡᠪᠰᠡ ᠶᠢ ᠡᠮᠡᠭᠡᠯ ᠲᠠᠢ | ᠬᠤᠯᠪᠤᠬᠤ ᠳᠤ ᠮᠦᠩᠭᠦ ᠪᠤᠶᠤ ᠴᠠᠭᠠᠨ ᠭᠠᠤᠯᠢ ᠶᠢᠨ ᠲᠦᠷᠪᠡᠨ ᠳᠠᠷᠤᠴᠠ ᠪᠠᠷ ᠳᠠᠷᠤᠵᠤ ᠬᠤᠯᠪᠤᠨᠠ᠃ ᠪᠤᠯᠢᠭᠠᠷᠢ | ᠶᠢᠨ ᠳᠡᠭᠡᠯ ᠤᠨ ᠭᠠᠳᠠᠭᠤᠷ ᠨᠢᠮᠭᠡᠨ ᠨᠤᠭᠤᠭᠠᠨ ᠳᠡᠰᠡᠮᠡ ᠪᠠᠷ ᠬᠦᠪᠡᠭᠡᠯᠡᠵᠦ ᠭᠤᠤᠯ ᠳᠤᠮᠳᠠ ᠨᠢ ᠲᠤᠮᠤ ᠰᠢᠭ᠋ | ᠮᠦᠩᠭᠦ᠂ ᠭᠠᠤᠯᠢ ᠶᠢᠨ ᠳᠠᠷᠤᠴᠠ ᠳᠠᠷᠤᠵᠤ ᠳᠡᠭᠦᠨ ᠤ ᠭᠠᠳᠠᠭᠤᠷ ᠭᠤᠤᠯ ᠤᠨ ᠳᠠᠷᠤᠴᠠ ᠠᠴᠠ ᠪᠠᠭᠠ ᠰᠢᠭ᠋ ᠳᠠᠪᠤᠨ | ᠳᠠᠷᠤᠴᠠ ᠳᠠᠷᠤᠨᠠ᠂ ᠭᠤᠤᠯ ᠳᠠᠷᠤᠴᠠ ᠶᠢᠨ ᠭᠠᠳᠠᠭᠤᠷ ᠠᠷᠪᠠᠨ ᠭᠤᠷᠪᠠᠨ ᠵᠢᠵᠢᠭ ᠳᠤᠪᠤᠷᠤᠤ ᠰᠠᠭᠤᠯᠭᠠᠨᠠ᠃ | ᠳᠠᠪᠤᠨ ᠳᠠᠷᠤᠴᠠ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠵᠠᠢ ᠳᠤ ᠠᠷᠪᠠᠨ ᠳᠠᠪᠤᠨ ᠵᠢᠵᠢᠭ ᠳᠤᠪᠤᠷᠤᠤ ᠰᠠᠭᠤᠯᠭᠠᠵᠤ ᠳᠡᠭᠡᠯ ᠤᠨ | ᠭᠠᠳᠠᠷ ᠬᠦᠪᠡᠭᠡ ᠶᠢ ᠲᠤᠭᠤᠷᠠᠭᠤᠯᠤᠨ ᠭᠤᠴᠢᠨ ᠬᠤᠶᠠᠷ ᠵᠢᠵᠢᠭ ᠲᠤᠪᠤᠷᠤᠤ ᠳᠠᠷᠤᠵᠤ ᠨᠢᠭᠡ ᠳᠡᠪᠡᠯ ᠳᠤ ᠨᠡᠶᠢᠳᠡ | ᠵᠢᠷᠭᠤᠭᠠᠨ ᠳᠠᠷᠤᠴᠠ ᠵᠢᠷᠠᠨ ᠪᠠᠭᠠ ᠳᠤᠪᠤᠷᠤᠤ ᠬᠡᠷᠡᠭᠯᠡᠳᠡᠭ᠃ ᠳᠡᠭᠡᠯ ᠢ ᠨᠡᠪᠳᠡᠯᠵᠦ ᠭᠠᠷᠤᠭᠰᠠᠨ ᠳᠠᠷᠤᠴᠠ ᠶᠢᠨ | ᠰᠡᠨᠵᠢ ᠶᠢ ᠨᠠᠷᠢᠨ ᠰᠤᠷ ᠢᠶᠠᠷ ᠬᠤᠯᠪᠤᠵᠤ ᠤᠶᠠᠬᠤ ᠶᠢᠨ ᠳᠠᠭᠠᠤ ᠨᠢᠮᠭᠡᠨ ᠠᠷᠠᠰᠤ ᠪᠠᠷ ᠳᠤᠪᠤᠷᠤᠤ᠂ ᠳᠠᠷᠤᠴᠠ ᠶᠢᠨ | ᠰᠡᠨᠵᠢ ᠶᠢ ᠳᠠᠷᠤᠵᠤ ᠳᠤᠳᠤᠷᠯᠠᠨᠠ᠃ ᠬᠦᠯᠢᠮ ᠤᠨ ᠭᠠᠳᠠᠷ ᠬᠦᠪᠡᠭᠡ ᠶᠢ ᠨᠤᠭᠤᠭᠠᠨ ᠳᠠᠰᠤᠮ ᠢᠶᠠᠷ ᠬᠦᠪᠡᠭᠡᠯᠡᠬᠦ | ᠪᠤᠶᠤ ᠵᠢᠵᠢᠭ ᠳᠤᠪᠤᠷᠤᠤ ᠳᠠᠷᠤᠨᠠ᠃ ᠲᠤᠬᠤᠮ ᠤᠨ ᠬᠤᠶᠠᠷ ᠳᠠᠯᠠ ᠶᠢᠨ ᠬᠦᠪᠡᠭᠡ ᠶᠢ ᠪᠤᠤ ᠤᠯᠠᠭᠠᠨ ᠦᠩᠭᠡᠳᠠᠢ | ᠦᠭᠡᠳᠡᠩ ᠪᠤᠶᠤ ᠳᠠᠩᠽᠢᠷᠦ᠋ᠩ ᠪᠠᠷ ᠬᠦᠪᠡᠭᠡᠯᠡᠵᠦ ᠤᠶᠤᠨᠠ᠃ ᠡᠮᠡᠭᠡᠯ ᠤᠨ ᠬᠠᠪᠳᠠᠭᠠᠯ ᠤᠨ ᠭᠠᠨᠵᠤᠭᠠ ᠳᠠᠳᠠᠬᠤ | ᠨᠦᠬᠡᠨ ᠤ ᠬᠦᠪᠡᠭᠡ ᠶᠢ ᠪᠠᠭᠪᠠᠭ᠋ᠠᠢ ᠬᠡᠯᠪᠡᠷᠢ ᠲᠠᠢ ᠨᠢᠮᠭᠡᠨ ᠭᠠᠤᠯᠢ ᠪᠠᠷ ᠳᠠᠷᠤᠵᠤ ᠬᠠᠳᠠᠬᠤ ᠶᠢᠨ ᠳᠠᠭᠠᠤ ᠭᠠᠨᠵᠤᠭᠠ | ᠶᠢᠨ ᠨᠦᠬᠡ ᠪᠠᠷ ᠰᠡᠨᠵᠢ ᠲᠠᠢ ᠭᠠᠤᠯᠢ ᠶᠢᠨ ᠱᠤᠪᠵᠢ ᠳᠠᠭᠠᠷᠠᠭᠤᠯᠵᠤ ᠱᠤᠪᠵᠢ ᠶᠢᠨ ᠦᠵᠦᠭᠦᠷ ᠢ ᠬᠠᠪᠳᠠᠭᠠᠯ ᠤᠨ | ᠳᠤᠤᠷᠠ ᠳᠠᠯᠠ ᠳᠤ ᠬᠠᠳᠠᠵᠤ ᠲᠤᠭᠳᠠᠭᠠᠨᠠ᠃ ᠱᠤᠪᠵᠢ ᠶᠢᠨ ᠰᠡᠨᠵᠢ ᠳᠤ ᠭᠠᠷᠠᠬᠠ ᠳᠠᠭᠠᠷᠠᠭᠤᠯᠵᠤ ᠨᠢᠬᠡ ᠬᠠᠷᠠᠬᠠᠨ | ᠠᠴᠠ ᠲᠦᠷᠪᠡᠨ ᠭᠠᠨᠵᠤᠭᠠ ᠬᠤᠶᠠᠷ ᠬᠠᠪᠳᠠᠭᠠᠯ ᠤᠨ ᠨᠠᠢᠮᠠᠨ ᠱᠤᠪᠵᠢ ᠶᠢᠨ ᠨᠠᠢᠮᠠᠨ ᠬᠠᠷᠠᠬᠠᠨ ᠠᠴᠠ ᠨᠡᠶᠢᠳᠡ | ᠭᠤᠴᠢᠨ ᠬᠤᠶᠠᠷ ᠭᠠᠨᠵᠤᠭᠠ ᠰᠦᠪᠡᠯᠡᠵᠦ ᠳᠡᠭᠦᠵᠢᠯᠡᠨᠡ᠃ ᠡᠭᠦᠨ ᠳᠤ ᠨᠠᠢᠮᠠᠨ ᠭᠠᠨᠵᠤᠭᠠ ᠶᠢ ᠨᠠᠷᠢᠨ ᠬᠢᠵᠤ ᠡᠮᠡᠭᠡᠯ | ᠳᠡᠭᠡᠷᠡ ᠠᠴᠢᠭᠰᠠᠨ ᠠᠴᠢᠶᠠ ᠶᠢ ᠳᠠᠷᠤᠭᠤᠯᠵᠤ ᠤᠶᠠᠬᠤ ᠪᠠᠷ ᠪᠡᠯᠡᠳᠬᠡᠨᠡ᠃ ᠭᠠᠨᠵᠤᠭᠠ ᠶᠢᠨ ᠰᠤᠷ ᠢ ᠢᠮᠠᠭᠠᠨ ᠤ | ᠡᠪᠡᠷ ᠢᠶᠠᠷ ᠬᠢᠭᠰᠡᠨ ᠪᠦᠳᠦᠭᠦᠨ᠂ ᠳᠤᠮᠳᠠ᠂ ᠨᠠᠷᠢᠨ ᠭᠤᠷᠪᠠᠨ ᠨᠦᠬᠡ ᠪᠠᠷ ᠰᠠᠪᠬᠠᠷᠳᠠᠨ ᠳᠠᠳᠠᠵᠤ ᠨᠠᠷᠢᠨ ᠪᠤᠯᠭᠠᠨᠠ᠃ | ᠭᠠᠨᠵᠤᠭᠠ ᠶᠢᠨ ᠤᠭ ᠬᠡᠪ ᠢ ᠠᠯᠳᠠᠭᠤᠯᠬᠤ ᠦᠭᠡᠢ ᠶᠢᠨ ᠲᠦᠯᠦᠭᠡ ᠳᠤᠤᠷᠠ ᠦᠵᠦᠭᠦᠷ ᠪᠠ ᠳᠤᠮᠳᠠ ᠠᠴᠠ | ᠳᠤᠤᠭᠤᠷ ᠬᠡᠰᠡᠭ ᠲᠤ ᠭᠠᠤᠯᠢ ᠪᠤᠶᠤ ᠮᠦᠩᠭᠦ ᠪᠠᠷ ᠭᠤᠷᠪᠠ ᠭᠤᠷᠪᠠᠨ ᠪᠦᠯᠡᠵᠡᠭ ᠳᠠᠭᠠᠷᠠᠭᠤᠯᠤᠨᠠ᠃ ᠵᠦᠪ ᠳᠠᠯᠠ | ᠶᠢᠨ ᠠᠷᠤ ᠶᠢᠨ ᠬᠠᠪᠳᠠᠭᠠᠯ ᠤᠨ ᠭᠠᠨᠵᠤᠭᠠ ᠶᠢ ᠳᠠᠳᠠᠬᠤ ᠳᠠᠭᠠᠨ ᠰᠤᠷ ᠭᠤᠭᠴᠤᠭᠠ ᠳᠠᠭᠠᠷᠠᠭᠤᠯᠵᠤ ᠴᠢᠳᠤᠷ | ᠭᠠᠨᠵᠤᠭᠠᠯᠠᠬᠤ ᠪᠠᠷ ᠵᠤᠬᠢᠶᠠᠨᠠ᠃ | ᠮᠤᠷᠢᠨ ᠡᠮᠡᠭᠡᠯ ᠨᠢ ᠮᠤᠩᠭᠤᠯᠴᠤᠳ ᠤᠨ ᠠᠳᠤᠭᠤᠨ ᠰᠤᠶᠤᠯ ᠤᠨ ᠨᠢᠭᠡ ᠪᠦᠷᠢᠯᠳᠦᠭᠦᠨ ᠪᠤᠯᠬᠤ ᠪᠦᠭᠡᠳ | ᠪᠠᠶᠠᠯᠢᠭ ᠰᠠᠶᠢᠬᠠᠨ ᠶᠤᠰᠤ ᠤᠴᠢᠷ ᠠᠬᠤᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠪᠠᠬᠢᠯᠢᠭ᠌ ᠨᠢᠭᠳᠠ ᠴᠢᠨᠠᠷ᠂ ᠵᠠᠷᠤᠳᠠᠯ | ᠬᠡᠷᠡᠭᠰᠡᠯᠳᠦ ᠴᠢᠨᠠᠷ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠴᠢᠨᠠᠷ ᠪᠠ ᠭᠤᠸᠠ ᠰᠠᠶᠢᠬᠠᠨ ᠤ ᠤᠬᠠᠭᠠᠨ ᠵᠡᠷᠭᠡ ᠤᠯᠠᠨ ᠠᠭᠤᠯᠭᠠ | ᠪᠠᠭᠳᠠᠨᠠ᠃ | | ᠡᠪᠴᠢᠭᠦᠴᠢᠨ · ᠳᠣᠨᠤᠷᠤᠪ ᠤᠨ ︽ᠠᠷᠣ ᠬᠤᠷᠴᠢᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ︾ | ᠭᠡᠬᠦ | ᠨᠣᠮ ᠠᠴᠠ ᠰᠤᠩᠭᠤᠪᠠ |