| ᠠᠳᠡᠭᠦᠷᠡᠯ | ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | 9.8 ᠶᠢᠨ ᠰᠤᠷᠤᠭᠴᠢ ᠡ᠊ · ᠬᠠᠩᠭᠠᠢ | | ᠬᠦᠭᠡᠷᠦᠬᠦᠨ ᠴᠤᠪᠤᠭᠤ ᠬᠡᠤᠬᠡᠳ ᠤᠨ ᠪᠤᠳᠤᠯ ᠵᠠᠶᠢᠳᠠᠵᠤ ᠂ ᠨᠡᠶᠢᠭᠡᠮ ᠢ ᠲᠠᠨᠢᠵᠤ ᠡᠬᠢᠯᠡᠵᠤ ᠪᠠᠶᠢᠭᠠ ᠪᠢ | ᠨᠢᠭᠡᠨᠲᠡ ᠪᠢᠴᠢᠬᠠᠨ ︽ᠲᠤᠮᠤ ᠬᠦᠮᠦᠨ︾ ᠤ ᠡᠩᠨᠡᠭᠡᠨ ᠳᠤ ᠠᠯᠬᠤᠨ ᠤᠷᠤᠪᠠ᠃ ᠦᠩᠭᠡᠷᠡᠭᠰᠡᠨ ᠶᠠᠪᠤᠳᠠᠯ ᠢᠶᠠᠨ | ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤ ᠳᠤ ᠵᠠᠷᠢᠮ ᠳᠤ ᠪᠠᠨ ᠪᠠᠶᠠᠷ᠂ ᠵᠠᠷᠢᠮ ᠳᠤ ᠪᠠᠨ ᠬᠠᠷᠠᠮᠰᠠᠯ᠂ ᠲᠡᠭᠦᠨᠴᠢᠯᠡᠨ ᠭᠤᠨᠢᠭ ᠤᠨ | ᠰᠡᠳᠬᠢᠯ ᠲᠦᠷᠦᠭᠳᠡᠳᠡᠭ᠃ | ᠨᠠᠮᠠ ᠶᠢ ᠲᠠᠪᠤᠳᠤᠭᠠᠷ ᠤᠨ ᠪᠠᠶᠢᠬᠤ ᠳᠤ ᠶᠤᠮ ᠰᠠᠨ᠃ ᠲᠡᠷᠡ ᠦᠶᠡ ᠳᠤ ᠶᠠᠭᠠᠬᠢᠭᠠᠳ ᠴᠤ ᠶᠤᠮ ᠪᠤᠤ | ᠮᠡᠳᠡ᠂ ᠲᠠᠩᠳᠠ ᠪᠠᠭᠰᠢ ᠶᠢᠨ ᠲᠤᠷᠭᠠᠭᠤᠯᠢ ᠶᠢ ᠬᠦᠷᠳᠡᠵᠤ ᠦᠷᠭᠦᠯᠵᠢ ᠰᠤᠷᠭᠠᠭᠤᠯᠢ ᠳᠤ ᠦᠯᠡᠳᠡᠳᠡᠭ ᠪᠠᠶᠢᠯᠠ᠃ | ᠲᠡᠷᠡ ᠦᠶᠡᠰ ᠤᠴᠠᠭᠠᠷ ᠪᠤᠬᠢᠨᠢᠳᠤᠯ᠂ ᠰᠡᠳᠬᠢᠯ ᠤᠨ ᠦᠭᠡ ᠪᠠᠨ ᠬᠡᠯᠡᠬᠦ ᠰᠡᠳᠬᠢᠯ ᠢ ᠮᠡᠳᠡᠭᠴᠢ᠂ ᠤᠭᠤᠨᠤ ᠶᠢᠨ | ᠬᠤᠶᠠᠷ ᠡᠪᠡᠷ ᠰᠢᠭ ᠢᠵᠢᠯᠢᠰᠢᠨ ᠲᠠᠰᠤᠭᠰᠠᠨ — ᠡᠳᠤᠷ ᠤᠨ ᠲᠡᠮᠲᠡᠭᠯᠡᠯ ᠲᠡᠭᠡᠷᠡ ᠪᠠᠨ ᠯᠡ ᠪᠢᠴᠢᠳᠡᠭ ᠲᠠᠳᠬᠠᠯ | ᠲᠠᠢ ᠪᠤᠯᠪᠠ᠃ ᠪᠠᠶᠠᠷ ᠭᠤᠨᠢᠭ ᠪᠦᠬᠦᠨ ᠢᠶᠠᠨ ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠤᠴᠢᠷ ᠠᠴᠠ | ᠪᠢ ᠲᠡᠭᠦᠨ ᠢ ᠪᠠᠨ ᠠᠮᠢᠨ ᠠᠴᠠ ᠪᠠᠨ ᠢᠯᠡᠭᠦᠤ ᠦᠵᠡᠳᠡᠭ᠃ | ᠨᠢᠭᠡᠨ ᠡᠳᠦᠷ ᠪᠢ ᠪᠠᠰᠠ ᠯᠠ ᠤᠭ ᠤᠨ ᠢᠶᠠᠨ ᠰᠢᠭ ᠢᠶᠠᠷ ᠲᠠᠰᠬᠠᠯ ᠢᠶᠠᠨ ᠲᠤᠳᠠᠭᠤ ᠬᠢᠭᠡᠳ ᠪᠠᠭᠰᠢ ᠳᠤ | ᠲᠠᠭᠤᠳᠠᠭᠳᠠᠵᠤ ᠠᠯᠪᠠᠨ ᠭᠡᠷ ᠲᠤ ᠨᠢ ︽ᠦᠩᠭᠡ ᠭᠡᠷᠡᠯᠳᠠᠢ︾ ᠪᠠᠷ ᠦᠪᠡᠷ ᠤᠨ ︽ᠢᠷᠠᠭᠤ ᠠᠯᠳᠠᠷᠳᠤ︾ ᠬᠡᠳᠤᠨ | ᠴᠠᠭ ᠢᠶᠠᠨ ᠦᠩᠭᠡᠷᠡᠭᠡᠭᠡᠳ ᠨᠠᠷᠠ ᠤᠨᠠᠬᠤ ᠦᠶᠡ ᠪᠠᠷ ᠰᠠᠶ᠋ᠢ ᠬᠢᠵᠤ ᠪᠠᠷᠠᠵᠤ ᠭᠡᠷ ᠵᠦᠭ ᠢᠶᠠᠨ ᠠᠯᠬᠤᠪᠠ᠃ ᠠᠯᠳᠠᠨ | ᠰᠢᠷᠭᠠᠯ ᠨᠠᠮᠤᠷ ᠮᠤᠳᠤᠨ ᠲᠡᠭᠡᠷᠡ ᠬᠦᠭᠡᠷᠦᠨ ᠲᠤᠭᠯᠠᠨᠠ᠃ ᠭᠡᠳᠡᠯᠡ ᠡᠨᠡ ᠪᠦᠬᠦᠨ ᠮᠢᠨᠤ ᠰᠡᠳᠬᠢᠯ ᠤᠨ ᠭᠤᠨᠢᠭ ᠢ | ᠠᠷᠢᠯᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠵᠠᠮ ᠤᠨ ᠬᠠᠵᠠᠭᠤᠳᠠᠬᠢ ᠮᠤᠳᠤᠨ ᠤ ᠰᠢᠷᠭᠠᠯ ᠨᠠᠪᠴᠢᠰ ᠬᠠᠶᠠ ᠰᠠᠯᠬᠢᠨ ᠤ | ᠦᠵᠦᠭᠦᠷ ᠢ ᠲᠠᠭᠠᠵᠤ ᠬᠡᠶᠢᠰᠤᠨ ᠪᠠᠭᠤᠬᠤ ᠨᠢ ᠮᠢᠨᠤ ᠰᠡᠳᠬᠢᠯ ᠢ ᠨᠡᠩ ᠬᠦᠨᠳᠤ ᠪᠤᠯᠭᠠᠪᠠ᠃ ᠭᠡᠷ ᠲᠤ ᠪᠠᠨ | ᠬᠦᠷᠴᠦ ᠢᠷᠡᠬᠦ ᠳᠤ ᠡᠭᠦᠳᠡᠨ ᠭᠠᠳᠠᠨᠠ ᠠᠴᠠ ᠠᠩᠬᠢᠯᠤᠮᠠ ᠦᠨᠦᠷ ᠦᠨᠦᠷᠳᠤᠨᠡ᠃ ᠭᠡᠷ ᠲᠤ ᠪᠠᠨ ᠤᠷᠤᠵᠤ | ᠦᠵᠡᠬᠦ ᠳᠤ ᠡᠵᠢ ᠮᠢᠨᠢ ᠠᠮᠳᠠᠳᠤ ᠰᠠᠶᠢᠬᠠᠨ ᠪᠤᠳᠠᠭᠠ ᠨᠤᠭᠤᠭᠠ ᠪᠡᠯᠡᠳᠭᠡᠭᠡᠳ ᠲᠠᠯᠪᠢᠵᠠᠢ᠃ ᠪᠢ ᠰᠢᠷᠡᠭᠡ ᠦᠭᠡᠳᠡ | ᠨᠢᠭᠡ ᠰᠢᠷᠪᠢᠭᠡᠳ ᠦᠷᠦᠭᠡᠨ ᠳᠤ ᠪᠠᠨ ᠤᠷᠤᠯᠠ᠃ ᠬᠡᠳᠤᠶᠢᠪᠡᠷ ᠡᠨᠡ ᠡᠷᠡᠨ ᠤ ᠬᠤᠭᠤᠯᠠ ᠨᠢ ᠮᠢᠨᠤ ᠬᠠᠮᠤᠭ ᠤᠨ | ᠲᠤᠷᠠᠳᠠᠢ ᠬᠤᠭᠤᠯᠠ ᠵᠠᠭᠤᠰᠢ ᠪᠠᠶᠢᠭᠰᠠᠨ ᠴᠦ ᠪᠢ ᠢᠳᠡᠵᠦ ᠤᠷᠤᠬᠤ ᠦᠭᠡᠢ᠂ ᠢᠳᠡᠬᠦ ᠤᠷᠮᠠ ᠴᠦ ᠦᠭᠡᠢ᠃ | ᠦᠷᠦᠭᠡᠨ ᠳᠤ ᠪᠠᠨ ᠤᠷᠤᠭᠠᠳ ᠵᠢᠭᠠᠬᠠᠨ ᠠᠮᠠᠷᠠᠵᠤ ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ ᠢᠶᠠᠨ ᠡᠷᠢᠯᠡ᠃ ᠭᠡᠪᠡᠴᠤ ᠬᠡᠳᠦᠢ | ᠡᠷᠢᠭᠰᠡᠨ ᠴᠦ ᠤᠯᠳᠠᠭᠰᠠᠨ ᠦᠭᠡᠢ᠃ ᠡᠨᠡ ᠦᠶᠡᠰ ᠬᠦᠯ ᠪᠦᠮᠪᠦᠭᠡᠨ ᠳᠤ ᠬᠤᠷᠤᠬᠠᠶᠢᠳᠠᠢ ᠲᠡᠭᠦᠦ ᠮᠢᠨᠢ ᠨᠢᠭᠡ ᠪᠡᠶᠡ | ᠬᠦᠯᠦᠰᠦᠨ ᠤ ᠦᠨᠦᠷ ᠰᠡᠩᠬᠢᠨᠡᠭᠦᠯᠦᠨ ᠤᠷᠤᠵᠤ ᠢᠷᠡᠪᠡ᠃ ᠪᠢ᠄ ︽ᠮᠢᠨᠤ ᠲᠡᠭᠦᠦ ᠠᠬᠠ ᠶᠢᠨ ᠢᠶᠠᠨ ᠡᠳᠦᠷ ᠤᠨ | ᠲᠡᠮᠲᠡᠭᠯᠡᠯ ᠢ ᠤᠯᠵᠤ ᠦᠵᠡᠭᠰᠡᠨ ᠤᠤ︖ ᠬᠠᠷᠠ ᠦᠩᠭᠡᠳᠠᠢ ᠁︾ ᠭᠡᠬᠦ ᠳᠤ ᠠᠬᠠ ᠡ᠂ ᠦᠴᠦᠭᠡᠳᠦᠷ | ᠪᠢᠴᠢᠭ ᠤᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠴᠢᠨᠢ ᠪᠠᠶᠢᠭᠰᠠᠨ ᠰᠢᠭ︾ ᠭᠡᠵᠤ ᠲᠡᠷᠡ ᠮᠤᠳᠤᠨ ᠰᠢᠷᠡᠭᠡ ᠶᠢ ᠵᠢᠭᠠᠨᠠ᠃ ᠪᠢ | ᠮᠤᠬᠤᠳᠠᠯᠠ ᠡᠷᠢᠭᠰᠡᠨ ᠴᠦ ᠤᠯᠤᠭᠰᠠᠨ ᠦᠭᠡᠢ ᠲᠤᠯᠠ ᠮᠢᠨᠤ ᠰᠡᠳᠬᠢᠯ ᠢ ᠠᠭᠤᠯᠠ ᠲᠠᠷᠤᠭᠰᠠᠨ ᠮᠡᠳᠤ ᠨᠡᠩ ᠬᠦᠨᠳᠦ | ᠪᠤᠯᠪᠠ᠃ ᠮᠢᠨᠤ ᠡᠳᠤᠷ ᠤᠨ ᠲᠡᠮᠲᠡᠭᠯᠡᠯ ᠢ ᠬᠡᠷᠪᠡ ᠲᠡᠭᠦᠦ ᠮᠢᠨᠢ ᠠᠪᠤᠭᠠᠳ ᠠᠪᠤ ᠡᠵᠢ ᠳᠤ ᠦᠵᠡᠭᠦᠯᠦᠭᠰᠡᠨ ᠪᠤᠯ ᠪᠢ | ᠴᠦ ᠪᠠᠷᠠᠭᠰᠠᠨ ᠬᠡᠷᠡᠭ ᠡ᠃ ᠪᠢ ᠬᠡᠳᠦᠶᠢᠪᠡᠷ ᠲᠡᠭᠦᠦ ᠪᠠᠨ ᠠᠪᠤᠯᠠ ᠭᠡᠵᠦ ᠢᠳᠡᠭᠡᠬᠦ ᠦᠭᠡᠢ ᠪᠤᠯᠪᠠᠴᠤ ᠦᠪᠡᠷ ᠤᠨ | ᠡᠷᠬᠡ ᠦᠭᠡᠢ ᠰᠡᠵᠢᠭ ᠲᠦᠷᠦᠯᠡ᠃ | ᠬᠡᠳᠤᠨ ᠡᠳᠤᠷ ᠤᠨ ᠲᠠᠷᠠᠭᠠ ᠠᠪᠤ ᠡᠵᠢ ᠬᠠᠴᠢᠨ ᠪᠤᠯᠤᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠪᠠ᠃ ᠲᠠᠩᠳᠠ ᠮᠢᠨᠤ | ᠰᠤᠷᠤᠯᠭᠠ ᠠᠮᠢᠳᠤᠷᠠᠯ ᠢ ᠬᠠᠯᠠᠮᠵᠢᠯᠠᠬᠤ ᠪᠤᠯᠵᠤ ᠬᠠᠶᠠ ᠵᠠᠷᠢᠮ ᠳᠤ ᠪᠠᠨ ᠰᠤᠷᠭᠠᠭᠤᠯᠢ ᠳᠤ ᠤᠴᠢᠵᠤ ᠪᠠᠭᠰᠢ ᠲᠠᠢ | ᠴᠦ ᠠᠭᠤᠯᠵᠠᠳᠠᠭ ᠪᠤᠯᠵᠠᠢ ᠃ ᠡᠭᠦᠨ ᠤ ᠵᠡᠷᠭᠡ ᠪᠠᠷ ᠲᠡᠭᠦᠦ ᠴᠦ ᠲᠤᠩ ᠶᠡᠭᠡ ᠬᠤᠪᠢᠷᠠᠯᠳᠠ ᠭᠠᠷᠤᠯᠠ᠃ ᠲᠡᠭᠦᠨ ᠤ | ᠰᠤᠯᠠ ᠵᠠᠷᠤᠬᠤ ᠵᠤᠭᠤᠰ ᠤᠨ ᠬᠠᠳᠠᠭᠠᠯᠠᠮᠵᠢ ᠦᠳᠳᠡᠷ ᠲᠦᠷᠭᠡᠨ ᠨᠡᠮᠡᠭᠳᠡᠵᠤ ᠪᠠᠶᠢᠯᠠ᠃ ᠪᠠᠷᠤᠭ ᠯᠠ ᠮᠢᠨᠤ ᠵᠤᠭᠤᠰ | ᠤᠨ ᠬᠡᠳᠦᠨ ᠲᠠᠬᠢᠨ ᠪᠤᠯᠬᠤ ᠰᠢᠬᠠᠪᠠ᠃ ᠡᠭᠦᠨ ᠢ ᠦᠵᠡᠭᠰᠡᠨ ᠪᠢ ᠲᠡᠭᠦᠦ ᠯᠠᠪ ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ ᠢ ᠡᠵᠢ ᠳᠤ | ᠦᠵᠡᠭᠦᠯᠵᠠᠢ ᠭᠡᠵᠤ ᠪᠠᠳᠤᠯᠠᠭᠠ ᠲᠠᠢ ᠪᠤᠳᠤᠪᠠ᠃ | ᠡᠨᠡ ᠡᠳᠦᠷ ᠤᠨ ᠨᠠᠷᠠ ᠠᠯᠢ ᠵᠦᠭ ᠠᠴᠠ ᠮᠠᠨᠳᠤᠭᠰᠠᠨ ᠢ ᠪᠤᠤ ᠮᠡᠳᠡ᠃ ᠪᠢ ᠡᠨᠡ ᠡᠳᠦᠷ ᠬᠠᠷᠢᠨ ᠪᠠᠭᠰᠢ | ᠶᠢᠨ ᠭᠠᠷ ᠠᠴᠠ ᠮᠤᠯᠳᠤᠷᠠᠵᠤ ᠲᠤᠳᠤᠷᠠ ᠲᠤᠩ ᠪᠠᠶᠠᠷᠳᠠᠢ ᠪᠠᠶᠢᠯᠠ᠃ ᠭᠡᠷ ᠲᠤ ᠪᠠᠨ ᠬᠦᠷᠬᠦ ᠳᠤ ᠡᠭᠦᠳᠡ | ᠨᠡᠭᠡᠭᠡᠯᠳᠡᠳᠡᠢ ᠪᠠᠶᠢᠵᠦ ᠱᠠᠭᠠᠶᠢᠨ ᠦᠵᠡᠪᠡᠯ ᠡᠵᠢ ᠲᠡᠭᠦᠦ ᠲᠠᠢ ᠨᠢᠭᠡ ᠶᠠᠭᠤᠮᠠ ᠶᠠᠷᠢᠯᠴᠠᠵᠤ ᠪᠠᠶᠢᠪᠠ᠃ ᠭᠡᠨᠡᠳᠳᠡ | ᠪᠢ ᠨᠢᠭᠡ ᠶᠠᠭᠤᠮᠠ ᠤᠯᠵᠤ ᠦᠵᠡᠯᠡ — ᠡᠵᠢ ᠮᠢᠨᠤ ︽ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ︾ ᠢ ᠲᠡᠭᠦᠦ ᠳᠤ ᠦᠭᠴᠤ | ᠪᠠᠶᠢᠪᠠ᠃ ᠡᠭᠦᠨ ᠢ ᠦᠵᠡᠭᠰᠡᠨ ᠪᠢ ᠬᠢᠯᠢᠩ ᠤᠨ ᠭᠠᠯ ᠪᠠᠳᠠᠷᠠᠵᠤ ᠤᠷᠤᠢ ᠪᠤᠯᠵᠤ ᠪᠠᠶᠢᠭᠠᠳ ᠮᠡᠳᠡᠶᠡ ᠭᠡᠵᠤ ᠰᠢᠳᠤ | ᠵᠠᠭᠤᠯᠠ᠃ ᠤᠷᠤᠢ ᠶᠢᠨ ᠬᠤᠭᠤᠯᠠ ᠪᠠᠨ ᠬᠠᠯᠳᠤ ᠮᠦᠯᠳᠤ ᠢᠳᠡᠭᠡᠳ ᠦᠷᠦᠭᠡᠨ ᠳᠤ ᠪᠠᠨ ᠤᠷᠤᠪᠠ᠃ ᠡᠭᠦᠳᠡ | ᠤᠷᠤᠮᠠᠭᠴᠠ ᠮᠢᠨᠤ ᠲᠡᠭᠦᠦ ︽ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ︾ ᠢ ᠤᠷᠤᠯᠳᠤᠵᠤ ᠪᠠᠶᠢᠬᠤ ᠶᠢ ᠤᠯᠵᠤ ᠦᠵᠡᠪᠡ᠃ ᠮᠢᠨᠤ | ᠤᠳᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠤᠨᠤᠭ ᠤᠨ ᠬᠢᠯᠢᠩ ᠲᠡᠷᠡ ᠭᠱᠠᠨ ᠳᠤ ᠪᠤᠴᠠᠯᠵᠤ ᠪᠠᠷᠢᠨ ᠲᠤᠤᠷᠠ ᠨᠢ ᠭᠦᠶᠦᠵᠦ | ᠤᠴᠢᠭᠠᠳ ᠭᠠᠷ ᠠᠴᠠ ᠨᠢ ︽ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ︾ ᠢᠶᠠᠨ ᠰᠢᠭᠦᠷᠤᠨ ᠠᠪᠴᠤ ᠠᠭᠤᠷᠯᠠᠭᠰᠠᠨ ᠤ ᠬᠢ ᠶᠤᠮ ᠤᠤ | ᠡᠰᠡᠭᠦᠯᠡ ᠭᠠᠷ ᠵᠦᠷᠢᠭᠰᠡᠨ ᠤ ᠬᠢ ᠶᠤᠮ ᠤᠤ ᠪᠤᠤ ᠮᠡᠳᠡ ᠶᠠᠭ ᠰᠠᠶᠢᠬᠠᠨ ᠲᠡᠭᠦᠦ ᠶᠢᠨ ᠮᠢᠨᠢ ᠪᠤᠨᠲᠤᠭᠤᠷ | ᠬᠦᠭᠡᠷᠦᠬᠦᠨ ᠬᠠᠴᠠᠷ ᠲᠡᠭᠡᠷᠡ ᠨᠢ ᠲᠠᠪᠤᠨ ᠬᠤᠷᠤᠭᠤᠨ ᠤ ᠤᠷᠤᠮ ᠦᠯᠡᠳᠡᠪᠡ᠃ ᠭᠡᠪᠡᠴᠦ ᠪᠢ ᠡᠭᠦᠨ ᠢ ᠬᠠᠶᠢᠬᠤᠷᠤᠯ | ᠦᠭᠡᠢ ᠪᠠᠷ᠄ ︽ᠴᠢ ᠮᠢᠨᠤ ︿ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ﹀ ᠢᠶᠠᠷ ᠶᠠᠭᠤ ᠬᠢᠭᠰᠡᠨ ᠪᠤᠢ︖ ᠡᠵᠢ ᠳᠤ ᠴᠢ ᠦᠵᠡᠭᠦᠯᠵᠦ… | ︾ ᠭᠡᠵᠤ ᠲᠤᠯᠭᠠᠨ ᠰᠢᠬᠠᠯᠠ᠃ ᠲᠡᠭᠦᠦ ᠵᠠᠶᠢᠷᠳᠤᠭᠰᠠᠨ ᠨᠢᠲᠤ ᠪᠠᠷ ᠨᠠᠮᠠ ᠶᠢ ᠰᠢᠷᠳᠡᠵᠦ᠄ ︽ᠠᠬᠠ ᠡ ᠁ | ᠲᠡᠷᠡ ︿ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ﹀ ᠁ ᠢ ᠪᠢ ᠲᠠᠨ ᠳᠤ ᠠᠪᠴᠤ ᠦᠭᠭᠦᠭᠰᠡᠨ ᠰᠢᠤ︕︾ ᠭᠡᠳ ᠡᠭᠡᠷ ᠲᠠᠲᠠᠨ | ᠤᠬᠢᠯᠠᠪᠠ᠃ ᠪᠢ ᠲᠡᠮᠲᠡᠭᠯᠡᠯ ᠤᠨ ᠲᠡᠪᠲᠡᠷ ᠢ ᠤᠷᠪᠠᠭᠤᠯᠵᠤ ᠦᠵᠡᠭᠰᠡᠨ ᠳᠤ ᠲᠡᠭᠡᠷᠡ ᠨᠢ᠄ ︽ᠠᠬᠠ ᠮᠢᠨᠢ ᠪᠢᠳᠡᠭᠡᠢ | ᠵᠤᠪᠠ᠂ ᠡᠭᠦᠨ ᠢ ᠲᠡᠭᠦᠦ ᠨᠢ ᠪᠡᠯᠡᠭ ᠪᠤᠯᠭᠠᠨ ᠲᠠᠨ ᠳᠤ ᠬᠦᠷᠭᠡᠶᠡ︕︾ ᠭᠡᠰᠡᠨ ᠬᠠᠵᠠᠭᠠᠢ ᠮᠤᠰᠢᠭᠠᠢ ᠬᠡᠳᠦᠨ | ᠦᠰᠦᠭ ᠪᠠᠶᠢᠯᠠ᠃ ᠪᠢ ᠲᠠᠬᠢᠨ ᠲᠡᠮᠲᠡᠭᠯᠡᠯ ᠤᠨ ᠲᠡᠪᠲᠡᠷ ᠢ ᠨᠠᠷᠢᠪᠴᠢᠯᠠᠨ ᠦᠵᠡᠭᠰᠡᠨ ᠳᠤ ᠴᠤ᠋ ᠰᠢᠨᠡ ᠮᠦᠷᠳᠡᠭᠡᠨ | ᠲᠡᠭᠡᠷᠡ ᠨᠢ ᠠᠷᠪᠠᠨ ᠲᠤᠯᠤᠭᠠᠨ ᠲᠦᠭᠦᠷᠢᠭ ᠭᠡᠰᠡᠨ ᠪᠢᠴᠢᠭᠡᠰᠦᠳᠠᠢ ᠪᠠᠶᠢᠯᠠ᠃ ᠡᠭᠦᠨ ᠢ ᠦᠵᠡᠭᠡᠳ ᠮᠢᠨᠤ ᠲᠤᠳᠤᠷᠠ | ᠫᠠᠯ ᠬᠢᠪᠡ᠃ ᠤᠤᠯ ᠨᠢ ᠲᠡᠭᠦᠦ ᠶᠢᠨ ᠮᠢᠨᠢ ᠵᠤᠭᠤᠰ ᠴᠤᠭᠯᠠᠭᠤᠯᠤᠭᠰᠠᠨ ᠨᠢ ᠬᠠᠷᠢᠨ ᠮᠢᠨᠤ ᠲᠦᠯᠦᠭᠡ ᠶᠤᠮ ᠪᠠᠶᠢᠵᠠᠢ | ᠃ ᠡᠨᠡ ᠠᠷᠪᠠᠨ ᠲᠤᠯᠤᠭᠠᠨ ᠲᠦᠭᠦᠷᠢᠭ ᠪᠤᠯ ᠬᠦᠭᠡᠷᠦᠬᠦᠢ ᠲᠡᠭᠦᠦ ᠶᠢᠨ ᠮᠢᠨᠢ ᠬᠡᠳᠦᠨ ᠭᠠᠷᠠᠭ ᠤᠨ ᠰᠤᠯᠠ ᠵᠠᠷᠤᠬᠤ | ᠵᠤᠭᠤᠰ ᠶᠤᠮ᠃ ᠲᠡᠭᠦᠦ ᠮᠢᠨᠢ ᠮᠠᠭᠤ ᠠᠬᠠ ᠳᠤ ᠪᠠᠨ ︽ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ︾ ᠠᠪᠴᠤ ᠦᠭᠭᠦᠨᠡ | ᠭᠡᠳ ᠁ | ᠪᠢ ᠲᠡᠭᠦᠦ ᠶᠢᠨ ᠴᠢᠷᠠᠢ ᠶᠢ ᠬᠠᠷᠠᠯᠠ᠂ ᠲᠠᠪᠤᠨ ᠬᠤᠷᠤᠭᠤᠨ ᠤ ᠤᠪ ᠤᠯᠠᠭᠠᠨ ᠮᠦᠷ ᠬᠠᠴᠠᠷ ᠲᠡᠭᠡᠷᠡ ᠨᠢ | ᠲᠤᠳᠤᠷᠠᠵᠤ ᠨᠢᠭᠤᠷ ᠨᠢ ᠬᠠᠪᠤᠳᠤᠯᠠ᠃ ᠪᠢ᠄ ︽ᠲᠡᠭᠦᠦ ᠮᠢᠨᠢ ᠠᠭᠤᠴᠢᠯᠠᠭᠠᠷᠠᠢ︕ ᠠᠬᠠ ᠨᠢ ᠴᠢᠮᠠ ᠶᠢ | ᠬᠢᠯᠢᠰᠳᠡᠭᠦᠯᠪᠡ᠂ ᠮᠢᠨᠤ ᠲᠡᠭᠦᠦ ᠠᠬᠠ ᠪᠠᠨ ᠠᠭᠤᠴᠢᠯᠠᠵᠤ ᠪᠤᠯᠤᠨᠠ ᠤᠤ︖︾ ᠭᠡᠬᠦ ᠳᠤ ᠲᠡᠭᠦᠦ ᠬᠠᠷᠢᠨ᠄ ︽ᠮᠠᠨ | ᠤ ᠪᠠᠭᠰᠢ ᠬᠡᠯᠡᠭᠰᠡᠨ᠂ ᠪᠤᠰᠤᠳ ᠢ ᠠᠭᠤᠴᠢᠯᠠᠳᠠᠭ ᠬᠡᠤᠬᠡᠳ ᠪᠤᠯ ᠰᠠᠶᠢᠨ ᠬᠡᠤᠬᠡᠳ᠂ ᠡᠶᠢᠮᠤ ᠠᠴᠠ ᠪᠢ ᠴᠢᠮᠠ ᠶᠢ | ᠠᠭᠤᠴᠢᠯᠠᠨᠠ᠂ ᠢᠩᠬᠢᠪᠡᠯ ᠪᠢ ᠰᠠᠶᠢᠨ ᠬᠡᠤᠬᠡᠳ ᠪᠤᠯᠴᠢᠬᠠᠨᠠ︾ ᠭᠡᠯᠡ᠃ ᠡᠨᠡᠬᠦ ᠦᠭᠡ ᠶᠢ ᠰᠤᠨᠤᠰᠤᠭᠠᠳ ᠪᠢ | ᠨᠢᠯᠪᠤᠰᠤᠨ ᠬᠦᠮᠦᠨ ᠪᠤᠯᠪᠠ᠃ ᠤᠷᠤᠰᠤᠭᠰᠠᠨ ᠨᠢᠯᠪᠤᠰᠤ ᠬᠠᠴᠠᠷ ᠢ ᠲᠠᠭᠠᠵᠤ ᠠᠮᠠᠨ ᠳᠤ ᠠᠮᠳᠠᠯᠠᠭᠳᠠᠬᠤ ᠳᠤ | ᠱᠤᠷᠪᠤᠭ ᠪᠢᠰᠢ ᠬᠠᠷᠢᠨ ᠭᠠᠰᠢᠭᠤᠨ ᠪᠠᠶᠢᠪᠠ᠃ | ᠪᠤᠨᠳᠤᠭᠤᠷ ᠲᠡᠭᠦᠦ ᠶᠢᠨ ᠮᠢᠨᠢ ᠨᠢᠯᠬᠠᠰᠠᠭ ᠪᠤᠳᠤᠯ ᠬᠦᠭᠡᠷᠦᠬᠦᠢ︕ | ᠬᠡᠳᠦᠨ ᠡᠳᠦᠷ ᠤᠨ ᠲᠠᠷᠠᠭᠠ ᠪᠢ ︽ᠡᠳᠦᠷ ᠤᠨ ᠲᠡᠮᠲᠡᠭᠯᠡᠯ︾ ᠢᠶᠠᠨ ᠨᠤᠮ ᠤᠨ ᠬᠤᠷᠭᠤᠨ ᠠᠴᠠ ᠤᠯᠵᠤ | ᠠᠪᠤᠯᠠ᠃ | ᠤᠶᠤᠨ ᠲᠠᠷᠢᠬᠢᠨ ᠤ ᠬᠠᠳᠠᠭᠠᠰᠤ᠂ ᠰᠡᠳᠬᠢᠯ ᠵᠢᠷᠦᠬᠡᠨ ᠤ ᠰᠢᠷᠬᠠᠯᠠᠭᠠ ᠪᠤᠯᠤᠭᠰᠠᠨ ᠡᠨᠡ ᠶᠠᠪᠤᠳᠠᠯ ᠢ | ᠪᠤᠳᠤᠬᠤ ᠪᠦᠷᠢ ᠭᠡᠮᠰᠢᠯ ᠤᠨ ᠭᠦᠨ ᠬᠦᠪ ᠳᠤ ᠤᠨᠠᠨᠠ᠃ ᠬᠦᠭᠡᠷᠦᠬᠦᠨ ᠲᠡᠭᠦᠦ ᠶᠢᠨ ᠮᠢᠨᠢ ᠪᠤᠨᠲᠤᠭᠤᠷ ᠬᠠᠴᠠᠷ | ᠲᠠᠬᠢ ᠲᠠᠪᠤᠨ ᠬᠤᠷᠤᠭᠤᠨ ᠤ ᠮᠦᠷ ᠨᠢ ᠲᠡᠭᠦᠨ ᠤ ᠬᠠᠴᠠᠷ ᠲᠡᠭᠡᠷᠡ ᠪᠢᠰᠢ ᠮᠢᠨᠤ ᠵᠢᠷᠦᠬᠡᠨ ᠲᠡᠭᠡᠷᠡ | ᠲᠠᠮᠠᠭᠠᠯᠠᠭᠳᠠᠵᠠᠢ᠃ | | ※ ᠲᠤᠰ ᠵᠤᠬᠢᠶᠠᠯ ᠲᠦᠷᠪᠡᠳᠦᠬᠡᠷ ᠣᠲᠠᠭᠠᠨ ᠤ ᠨᠠᠢᠮᠠᠨ ᠰᠢᠷᠭᠠ ᠵᠤᠬᠢᠶᠠᠯ ᠤᠨ ᠣᠷᠣᠯᠲᠤᠭᠠᠨ ᠳᠤ | ᠬᠤᠶᠠᠲᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ | ᠵᠢᠯᠤᠭᠤᠲᠤᠭᠰᠠᠨ ᠪᠠᠭᠰᠢ— ᠹᠦᠰᠢᠶᠤᠤ | | |