| ᠵᠢᠳᠭᠦᠯ ᠲᠡᠮᠡᠤᠯᠤᠯ— ᠵᠢᠷᠦᠬᠡᠨ ᠬᠠᠶᠢᠷᠠ | ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠲᠠᠪᠠᠯᠭᠠᠨ | | ᠠᠯᠲᠠᠨ ᠨᠠᠷᠠᠨ ᠵᠤᠷᠰᠢᠯ ᠢᠶᠠᠷ ᠢᠶᠠᠨ ᠪᠠᠶᠢᠭᠠᠯᠢ ᠲᠡᠯᠡᠬᠡᠢ ᠳᠤ ᠬᠠᠶᠢᠷᠠ ᠪᠠᠨ ᠬᠦᠷᠳᠡᠭᠡᠬᠦ ᠪᠠᠷ ᠠᠭᠤᠯᠠ ᠶᠢᠨ | ᠴᠠᠭᠠᠨᠠ ᠠᠴᠠ ᠮᠦᠰᠢᠶᠡᠨ ᠲᠤᠲᠤᠷᠠᠨᠠ᠃ | ᠰᠢᠳᠤᠷᠭᠤ ᠭᠤᠸᠠᠢ ᠦᠷᠯᠦᠭᠡ ᠶᠢᠨ ᠨᠠᠷᠠᠨ ᠤ ᠤᠯᠠᠪᠢᠷ ᠲᠤᠶᠠᠭᠠᠨ ᠳᠤ ᠬᠤᠨᠢᠳ ᠢᠶᠠᠨ ᠪᠡᠯᠴᠢᠭᠡᠷ ᠲᠤ | ᠵᠠᠯᠠᠭᠠᠳ᠂ ᠵᠦᠭᠡᠯᠡᠨ ᠰᠠᠯᠬᠢᠨ ᠳᠤ ᠢᠯᠪᠢᠭᠦᠯᠦᠭᠰᠡᠭᠡᠷ ᠭᠡᠷ ᠵᠦᠭ ᠢᠶᠠᠨ ᠪᠤᠴᠠᠯᠠ᠃ ︽ᠤᠷᠤᠢ ᠤᠨᠳᠠᠪᠠᠯ ᠨᠢᠭᠡ ᠶᠢ | ᠰᠤᠨᠤᠰᠤᠨᠠ᠂ ᠡᠷᠳᠡ ᠪᠤᠰᠪᠠᠯ ᠨᠢᠭᠡ ᠶᠢ ᠦᠵᠡᠨᠡ︾ ᠭᠡᠳᠡᠭ ᠢᠶᠠᠷ ᠰᠢᠳᠤᠷᠭᠤ ᠳᠤ ᠡᠨᠡ ᠦᠷᠯᠦᠭᠡ ᠶᠢᠨ | ᠬᠠᠴᠢᠷᠬᠠᠭᠳᠠᠭᠰᠠᠨ ᠤᠴᠢᠷ ᠪᠤᠯ ᠴᠡᠩᠬᠡᠯ ᠭᠤᠸᠠᠢ ᠶᠢᠨ ᠭᠠᠳᠠᠨᠠ ᠬᠦᠮᠦᠨ ᠤ ᠪᠠᠷᠠ ᠦᠭᠡᠢ᠂ ᠬᠤᠯᠠᠩ ᠠᠴᠠ ᠨᠢ | ᠤᠳᠤᠭᠠ ᠰᠤᠭᠤᠨᠠᠭᠯᠠᠬᠤ ᠶᠢ ᠴᠤ ᠤᠯᠵᠤ ᠬᠠᠷᠠᠭᠰᠠᠨ ᠦᠭᠡᠢ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠡᠭᠦᠨ ᠢᠶᠠᠨ ᠴᠠᠢ ᠴᠢᠨᠠᠵᠤ | ᠪᠠᠶᠢᠭᠰᠠᠨ ᠡᠬᠡᠨᠡᠷ ᠲᠤ ᠪᠠᠨ ᠶᠠᠷᠢᠪᠠᠯ ᠡᠬᠡᠨᠡᠷ ᠨᠢ᠄ ︽ᠦᠴᠦᠭᠡᠳᠦᠷ ᠤᠷᠤᠢ ᠬᠤᠶᠠᠭᠤᠯᠠ ᠪᠠᠨ ᠪᠠᠰᠠ ᠯᠡ | ᠪᠠᠯᠭᠤᠴᠢᠬᠠᠭᠰᠠᠨ ᠪᠠᠶᠢᠯᠭᠦᠢ︾ ᠭᠡᠵᠦ ᠡᠰᠡ ᠰᠤᠨᠢᠷᠬᠠᠭᠰᠠᠨ ᠲᠦᠷᠢ ᠪᠠᠷ ᠬᠡᠯᠡᠭᠰᠠᠨ ᠴᠦ ᠲᠡᠭᠦᠨ ᠳᠤ ᠶᠠᠭᠤ ᠨᠢᠭᠡ | ᠪᠤᠲᠤᠭᠲᠠᠨ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠮᠤᠷᠢ ᠪᠠᠨ ᠤᠨᠤᠮᠠᠭᠴᠠ ᠴᠡᠩᠬᠡᠯ ᠤᠨ ᠭᠡᠷ ᠢ ᠴᠢᠭᠯᠡᠯᠡ᠂᠂᠂᠂ | ᠤᠤᠯ ᠨᠢ ᠡᠮᠦᠨᠡ ᠬᠤᠶᠠᠷ ᠡᠳᠦᠷ ᠤᠨ ᠴᠡᠩᠬᠡᠯ ᠤᠨ ᠬᠡᠯᠡᠵᠦ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠨᠢ ᠡᠨᠡ ᠦᠷᠯᠦᠭᠡ ᠶᠢᠨ | ᠪᠠᠶᠢᠳᠠᠯ ᠲᠠᠢ ᠯᠠᠪ ᠬᠤᠯᠪᠤᠭᠳᠠᠯ ᠲᠠᠢ ᠭᠡᠵᠦ ᠲᠡᠷᠡ ᠪᠤᠳᠤᠭᠰᠠᠨ ᠪᠠᠶᠢᠵᠠᠢ᠃ ᠲᠡᠷᠡ ᠡᠳᠦᠷ ᠰᠢᠳᠤᠷᠭᠤ ᠬᠤᠨᠢᠳ | ᠤᠨ ᠢᠶᠠᠨ ᠵᠠᠬᠠ ᠳᠤ ᠰᠠᠭᠤᠵᠤ ᠪᠠᠶᠢᠬᠤ ᠳᠤ ᠴᠡᠩᠬᠡᠯ ᠭᠤᠸᠠᠢ ᠬᠤᠨᠢ ᠢᠮᠠᠭᠠᠳ ᠢ ᠨᠢ ᠪᠦᠭᠡᠮᠨᠡᠷᠡᠭᠦᠯᠦᠨ ᠮᠤᠲ᠋ᠤᠷ | ᠢᠶᠠᠷ ᠲᠡᠭᠦᠨ ᠤ ᠵᠠᠬᠠ ᠳᠤ ᠲᠠᠯᠪᠢᠨ ᠪᠠᠭᠤᠵᠤ ᠬᠡᠯᠡᠭᠰᠡᠨ ᠨᠢ᠄ ︽ᠲᠡᠷᠡ ᠬᠦᠳᠡᠭᠡ ᠶᠢᠨ ᠨᠠᠰᠤ ᠪᠠᠷ ᠢᠶᠠᠨ ᠮᠠᠯ ᠤᠨ | ᠲᠤᠭᠤᠰᠤ ᠦᠨᠦᠷᠳᠦᠬᠦ ᠡᠨᠡᠬᠦ ᠠᠮᠢᠳᠤᠷᠠᠯ ᠢ ᠵᠢᠷᠦᠬᠡᠨ ᠠᠴᠠ ᠪᠠᠨ ᠲᠤᠭᠤᠨ ᠶᠠᠳᠠᠬᠤ ᠪᠤᠯᠵᠤ ᠬᠤᠳᠠ ᠤᠷᠤᠨ ᠬᠤᠪᠢ | ᠶᠢᠨ ᠦᠢᠯᠡᠰ ᠡᠷᠬᠢᠯᠡᠵᠦ ᠬᠦᠯ ᠲᠤᠭᠳᠠᠨᠢᠬᠤ ᠪᠠᠷ ᠰᠢᠢᠳᠦᠭᠰᠡᠨ︾ ᠭᠡᠨᠡ᠃ ᠲᠡᠭᠡᠭᠡᠳ ᠭᠠᠵᠠᠷ ᠨᠤᠳᠤᠭ ᠢᠶᠠᠨ | ᠬᠤᠳᠠᠯᠳᠤᠨ ᠪᠡᠯᠡ ᠪᠤᠯᠭᠠᠬᠤ ᠰᠠᠨᠠᠭᠠ ᠪᠠᠨ ᠰᠢᠳᠤᠷᠭᠤ ᠳᠤ ᠴᠤᠬᠤᠶᠢᠯᠭᠠᠬᠤ ᠳᠤ ᠰᠢᠳᠤᠷᠭᠤ ᠰᠤᠨᠤᠰᠤᠭᠠᠳ ᠦᠯᠦ | ᠲᠠᠭᠠᠰᠢᠶᠠᠨ᠄ ︽ᠬᠦᠨᠳᠡᠯᠡᠨ ᠨᠤᠳᠤᠭ᠂ ᠬᠦᠯ ᠤᠯᠠᠨᠲᠠᠢ ᠭᠠᠵᠠᠷ ᠭᠡᠨᠡᠳᠲᠡ ᠬᠦᠯ ᠠᠯᠳᠠᠪᠠᠯ ︿ᠡᠯᠵᠢᠭᠡ ᠴᠤ ᠦᠭᠡᠢ᠂ | ᠭᠤᠷᠪᠠᠨ ᠯᠠᠩ ᠴᠤ ᠦᠭᠡᠢ﹀ ᠪᠤᠯᠤᠨᠠ᠂ ᠬᠠᠷᠢᠨ ᠭᠠᠵᠠᠷ ᠨᠤᠳᠤᠭ ᠪᠠᠶᠢᠪᠠᠯ ᠭᠠᠴᠢᠭᠳᠠᠭᠳᠠᠭᠰᠠᠨ ᠴᠠᠭ ᠲᠤ ᠴᠢᠨᠢ | ᠲᠡᠭᠷᠢ ᠲᠦᠰᠢᠭ ᠪᠢᠰᠢᠦ︾ ᠭᠡᠬᠦ ᠳᠤ ︽ᠡᠨᠡ ᠭᠤᠪᠢ ᠨᠤᠳᠤᠭ ᠲᠤ ᠦᠨᠳᠦᠷ ᠦᠷᠳᠡᠭ ᠬᠠᠳᠠᠬᠤ ᠬᠦᠮᠦᠨ | ᠬᠠᠷᠠᠬᠠᠨ ᠮᠡᠨᠳᠦᠯᠡᠭᠡ ᠦᠭᠡᠢ︾ ᠭᠡᠵᠦ ᠡᠰᠡ ᠲᠠᠭᠠᠰᠢᠶᠠᠭᠰᠠᠨ ᠮᠠᠶ᠋ᠢᠭ ᠢᠶᠠᠷ ᠬᠡᠯᠡᠬᠦ ᠳᠤ ᠰᠢᠳᠤᠷᠭᠤ᠄ ︽ᠲᠡᠭᠡᠳᠦᠰ | ᠠᠴᠠ ᠦᠪᠯᠡᠭᠰᠡᠨ ᠡᠨᠡ ᠯᠡ ᠭᠠᠵᠠᠷ ᠨᠤᠳᠤᠭ ᠪᠢᠳᠡᠨ ᠢ ᠡᠳᠦᠭᠡ ᠳᠤ ᠬᠦᠷᠳᠡᠯᠡ ᠡᠰᠡᠨ ᠮᠡᠨᠳᠦ ᠰᠠᠶᠢᠨ ᠰᠠᠶᠢᠬᠠᠨ | ᠤᠷᠤᠩᠨᠠᠭᠤᠯᠵᠤ ᠪᠠᠶᠢᠨᠠ᠃ ᠲᠠ ᠰᠠᠶᠢᠬᠠᠨ ᠲᠤᠩᠭᠠᠨ ᠪᠤᠲᠤᠪᠠᠯ ᠬᠤᠲᠠ ᠣᠷᠤᠬᠤ ᠭᠡᠰᠡᠨ ᠪᠤᠲᠤᠯ ᠤᠨ ᠢᠶᠠᠨ ᠱᠠᠯ | ᠲᠡᠮᠡᠢ ᠶᠢ ᠮᠡᠲᠡᠭᠦ ᠪᠤᠯᠤᠨᠠ︾ ᠭᠡᠰᠡᠨ ᠵᠦᠪᠯᠡᠮᠵᠢ ᠨᠢ ᠴᠡᠩᠬᠡᠯ ᠤᠨ ᠬᠤᠳᠠ ᠤᠷᠤᠬᠤ ᠠᠤᠭᠠ ᠵᠤᠷᠢᠯᠳᠠ ᠶᠢ ᠨᠢ | ᠬᠤᠪᠢᠷᠠᠭᠤᠯᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ᠂ ︽ᠪᠢ ᠦᠴᠦᠭᠡᠳᠦᠷ ᠬᠤᠳᠠ ᠤᠷᠤᠵᠤ ᠶᠤᠰᠤᠳᠠᠢ ᠨᠢᠲᠦ ᠨᠡᠬᠡᠬᠡᠯᠠ᠂ ᠲᠡᠷᠡ | ᠬᠦᠮᠦᠨ ᠤᠯᠠᠨ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨ ᠭᠡᠵᠦ ᠮᠠᠶᠢᠮᠠᠢ ᠬᠢᠪᠡᠯ ᠯᠠᠪ ᠪᠦᠳᠦᠨᠡ︾ ᠭᠡᠵᠦ ᠬᠡᠶᠢᠷᠬᠡᠨ ᠶᠠᠷᠢᠨᠠ ︽ᠴᠡᠭᠡᠯ | ᠤᠨ ᠤᠰᠤ ᠰᠢᠷᠭᠢᠵᠦ᠂ ᠴᠡᠭᠡᠨ ᠴᠢᠯᠠᠭᠤ ᠬᠠᠭᠠᠷᠠᠪᠠ︾ ᠭᠡᠵᠦ ᠰᠡᠷᠡᠵᠦ ᠮᠡᠳᠡᠭᠰᠡᠨ ᠰᠢᠳᠤᠷᠭᠤ ᠭᠤᠸᠠᠢ ᠢᠯᠡᠭᠦᠦ | ᠬᠡᠯᠡᠭᠡᠳ ᠦᠭᠡᠨ ᠤ ᠭᠠᠷᠤᠵᠠ ᠭᠡᠳ ᠬᠡᠯᠡ ᠪᠠᠨ ᠬᠠᠵᠠᠪᠠ᠃ ᠭᠡᠬᠦ ᠳᠤ ᠦᠨᠦ ᠲᠡᠭᠦᠨ ᠢ ᠴᠡᠩᠬᠡᠯ ᠤᠨ ᠭᠡᠷ ᠵᠦᠭ | ᠲᠤᠪᠲᠤᠯᠭᠠᠭᠰᠠᠨ ᠲᠡᠭᠦᠨ ᠠᠴᠠ ᠴᠤ ᠠᠶᠤᠮᠰᠢᠭᠲᠠᠢ ᠶᠠᠪᠤᠳᠠᠯ ᠪᠤᠯ ᠵᠡᠭᠦᠨ ᠰᠤᠮᠤ ᠶᠢᠨ ᠬᠢᠨᠢ ᠨᠤᠳᠤᠭ ᠢᠶᠠᠨ | ᠦᠨᠳᠦᠷ ᠦᠨᠡ ᠪᠠᠷ ᠭᠠᠳᠠᠨᠠ ᠠᠴᠠ ︽ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠲᠠ︾ ᠬᠢᠬᠦ ᠪᠠᠷ ᠢᠷᠡᠭᠰᠡᠨ ᠠᠷᠠᠯᠵᠢᠶᠠᠴᠢᠳ ᠲᠤ | ᠬᠤᠳᠠᠯᠳᠤᠭᠠᠳ ᠲᠡᠷᠡ ᠨᠡᠷᠡᠳᠦ ᠰᠢᠨᠵᠢᠯᠡᠵᠦ ᠰᠤᠳᠤᠯᠳᠠᠭ ᠨᠢ ᠠᠯᠲᠠ ᠭᠠᠷᠬᠤ ᠡᠷᠳᠡᠨᠢᠳᠦ ᠨᠤᠳᠤᠭ︾ ᠭᠡᠵᠦ | ᠬᠦᠮᠦᠨ ᠠᠷᠠᠳ ᠢ ᠨᠢ ᠬᠡᠢ ᠪᠠᠷ ᠪᠠᠶᠠᠷᠯᠠᠭᠤᠯᠵᠤ ᠠᠯᠲᠠ ᠶᠢ ᠨᠢ ᠠᠪᠴᠤ ᠪᠠᠷᠠᠮᠠᠭᠴᠠ ᠪᠠᠷᠠ ᠲᠠᠰᠤ ᠵᠢᠯᠢᠢᠵᠦ | ᠣᠷᠬᠢᠯᠠ᠃ ᠲᠡᠭᠡᠭᠡᠳ ᠰᠡᠭᠴᠢᠭᠳᠡᠭᠰᠡᠨ ᠭᠠᠵᠠᠷ ᠤᠨ ᠵᠠᠷᠢᠮ ᠬᠡᠰᠡᠭ ᠲᠤ ᠨᠢ ᠤᠰᠤᠨ ᠰᠤᠷᠪᠤᠯᠵᠢ ᠲᠠᠰᠤᠷᠠᠵᠤ᠂ | ᠵᠠᠷᠢᠮ ᠤᠰᠤᠨ ᠰᠤᠷᠪᠤᠯᠵᠢ ᠳᠤ ᠨᠢ ᠬᠤᠤᠷᠳᠤ ᠡᠯᠧᠮᠧᠨ᠋ᠲ ᠬᠤᠯᠢᠯᠳᠤᠨ ᠨᠤᠳᠤᠭ ᠲᠦᠮᠡᠨ ᠤ ᠬᠢᠨᠢ ᠠᠮᠢᠳᠤᠷᠠᠯ | ᠠᠬᠤᠢ ᠳᠤ ᠯᠤᠳᠤ ᠶᠡᠭᠡ ᠰᠦᠬᠡᠷᠬᠦ ᠨᠦᠯᠦᠭᠡ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ ᠰᠢᠳᠤᠷᠭᠤ ᠭᠤᠸᠠᠢ ᠴᠡᠩᠬᠡᠯ ᠢ ᠵᠤᠭᠤᠰ | ᠮᠦᠩᠭᠦ ᠳᠤ ᠰᠢᠨᠤᠬᠠᠶᠢᠷᠠᠨ ᠨᠤᠳᠤᠭ ᠢᠶᠠᠨ ᠲᠡᠶᠢᠮᠦᠷᠬᠦ ︽ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠲᠠ︾ ᠬᠢᠭᠴᠢᠳ ᠲᠤ | ᠬᠤᠳᠠᠯᠳᠤᠬᠤ ᠠᠴᠠ ᠠᠶᠤᠨ ᠴᠡᠩᠬᠡᠯ ᠤᠨ ᠭᠡᠷ ᠵᠦᠭ ᠲᠤᠪᠳᠤᠯᠭᠠᠵᠤ ᠪᠠᠶᠢᠬᠤ ᠨᠢ ᠡᠨᠡ ᠠᠵᠠᠢ᠃ | ︽ᠨᠤᠬᠠᠢ ᠪᠠᠨ ᠬᠤᠷᠢ ᠡ︕︾ ᠭᠡᠵᠦ ᠬᠡᠳᠦᠨᠲᠡ ᠲᠤᠤᠭᠠᠷᠬᠤ ᠳᠤ ᠴᠡᠩᠬᠡᠯ ᠭᠤᠸᠠᠢ ᠨᠢᠳᠦ ᠪᠠᠨ | ᠨᠤᠬᠤᠯᠠᠭᠰᠠᠭᠠᠷ ᠭᠠᠷᠴᠤ ᠢᠷᠡᠪᠡ᠃ ᠰᠢᠳᠤᠷᠭᠤ᠄ ︽ᠦᠴᠦᠭᠡᠳᠦᠷ ᠰᠦᠨᠢ ᠤᠨᠲᠠᠭᠰᠠᠨ ᠦᠭᠡᠢ ᠤᠤ︖ ᠰᠠᠶ᠋ᠢ | ᠪᠤᠰᠴᠤ ᠪᠠᠶᠢᠭᠠ ᠴᠢᠨᠢ ᠡᠨᠡ ᠤᠤ︖︾ ᠭᠡᠬᠦ ᠳᠤ ᠴᠡᠩᠬᠡᠯ ᠭᠤᠸᠠᠢ ᠮᠠᠷᠰᠠᠭᠠᠨᠠᠨ ᠢᠨᠢᠶᠡᠵᠦ᠄ ︽ᠦᠴᠦᠭᠡᠳᠦᠷ | ᠬᠤᠳᠠ ᠤᠷᠤᠵᠤ ᠭᠡᠷ ᠦᠵᠡᠯᠡ᠂ ᠬᠤᠳᠠ ᠶᠢᠨ ᠠᠰᠠᠷ ᠤᠨ ᠤᠷᠴᠢᠮ ᠤᠨ ᠬᠢᠮᠳᠠᠷᠠᠯ ᠢ ᠲᠠᠯᠢᠮᠳᠠᠭᠤᠯᠤᠨ ᠵᠠᠪᠳᠤᠵᠤ | ᠠᠪᠬᠤ ᠰᠠᠨᠠᠭᠠ ᠲᠠᠢ᠂ ᠲᠡᠭᠡᠭᠡᠳ ᠦᠴᠦᠭᠡᠳᠦᠷ ᠦᠵᠡᠬᠦ ᠪᠠᠷ ᠤᠴᠢᠭᠠᠳ ᠢᠷᠡᠳᠡᠯᠠ ᠨᠢᠭᠡᠨᠲᠡ ᠰᠦᠨᠢ ᠲᠤᠮᠳᠠ | ᠪᠤᠯᠴᠢᠬᠠᠵᠠᠢ︾ ᠭᠡᠵᠦ ᠬᠡᠯᠡᠯᠴᠡᠭᠰᠡᠭᠡᠷ ᠭᠡᠷ ᠲᠤ ᠤᠷᠤᠪᠠ᠃ ᠲᠡᠭᠡᠬᠦ ᠳᠤ ᠴᠡᠩᠬᠡᠯ ᠤᠨ ᠡᠬᠡᠨᠡᠷ ᠶᠠᠭ ᠰᠠᠶᠢᠬᠠᠨ ᠭᠠᠷ | ᠤᠳᠠᠰᠤ ᠪᠠᠷ ᠶᠠᠮᠠᠷ ᠨᠢᠭᠡᠨ ᠬᠦᠮᠦᠨ ᠲᠠᠢ ᠬᠢᠳᠠᠳ ᠢᠶᠠᠷ ᠱᠤᠯᠤᠭᠠᠨᠠᠨᠠ᠃ ᠡᠭᠦᠨ ᠢ ᠪᠠᠷᠤᠭᠯᠠᠭᠰᠠᠨ ᠰᠢᠳᠤᠷᠭᠤ | ᠭᠤᠸᠠᠢ ᠬᠤᠷᠳᠤᠨ ᠤᠴᠢᠵᠤ ᠶᠠᠷᠢᠯᠴᠠᠭᠠ ᠶᠢ ᠲᠠᠰᠤᠯᠬᠤ ᠪᠠᠷ ᠭᠠᠷ ᠤᠳᠠᠰᠤ ᠶᠢ ᠨᠢ ᠠᠪᠬᠤ ᠭᠡᠬᠦ ᠳᠤ ᠴᠡᠩᠬᠡᠯ ᠤᠨ | ᠡᠬᠡᠨᠡᠷ ᠨᠢ ᠶᠠᠷᠢᠬᠤ ᠪᠠᠨ ᠵᠤᠭᠰᠤᠭᠠᠳ᠂ ᠰᠤᠴᠢᠨ ᠭᠠᠶᠢᠬᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠰᠢᠳᠤᠷᠭᠤ ᠶᠢ ᠰᠢᠷᠳᠡᠪᠡ᠃ ᠲᠡᠷᠡ | ᠲᠤᠩ ᠴᠤ ᠡᠷᠡᠰᠬᠡᠨ ᠲᠠᠭᠤ ᠪᠠᠷ᠄ ︽ᠲᠠ ᠭᠠᠵᠠᠷ ᠢᠶᠠᠨ ᠬᠤᠳᠠᠯᠳᠤᠬᠤ ᠭᠡᠵᠦ ᠶᠠᠷᠢᠯᠴᠠᠵᠤ ᠪᠠᠶᠢᠭᠠ ᠪᠢᠵᠠ︖ ᠪᠢ | ᠨᠤᠳᠤᠭ ᠢ ᠴᠢᠨᠢ ᠠᠪᠤᠶᠠ᠂ ᠬᠠᠩᠰᠢ ᠪᠠᠨ ᠲᠤᠭᠳᠠᠭᠠ ︾ ᠭᠡᠪᠡ᠃ ᠲᠡᠭᠦᠨ ᠤ ᠬᠡᠯᠡᠬᠦ ᠶᠢ ᠰᠤᠨᠤᠰᠤᠭᠰᠠᠨ ᠴᠡᠩᠬᠡᠯ | ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠮᠡᠯᠡᠷᠡᠨ ᠭᠠᠶᠢᠬᠠᠭᠰᠠᠨ ᠪᠤᠯᠪᠠᠴᠤ ᠨᠢᠭᠤᠷ ᠲᠤ ᠨᠢ ᠮᠦᠰᠢᠶᠡᠲᠦ ᠲᠤᠲᠤᠷᠠᠯᠠ᠃ ᠰᠢᠳᠤᠷᠭᠤ | ᠡᠮᠦᠨᠡᠬᠡᠨ ᠪᠡᠯᠴᠢᠭᠡᠷ ᠢᠶᠠᠨ ᠲᠠᠷᠢᠶᠠᠨ ᠭᠠᠵᠠᠷ ᠢᠶᠠᠷ ᠬᠤᠳᠠᠯᠳᠤᠬᠤ ᠭᠡᠵᠦ ᠪᠠᠶᠢᠭᠰᠠᠨ ᠵᠢᠷᠭᠠᠯ ᠤᠨ ᠪᠡᠯᠴᠢᠭᠡᠷ ᠢ | ᠬᠤᠳᠠᠯᠳᠤᠨ ᠠᠪᠴᠤ ᠮᠦᠩᠭᠦ ᠵᠤᠭᠤᠰ ᠨᠢ ᠮᠡᠬᠦᠰ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠶᠠᠭᠠᠬᠢᠭᠰᠠᠨ ᠴᠤ ᠡᠭᠦᠨ ᠢ ᠦᠨᠦ ︽ | ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠲᠠ︾ ᠬᠢᠳᠡᠭ ᠬᠦᠮᠦᠰ ᠤᠨ ᠭᠠᠷ ᠲᠤ ᠤᠷᠤᠭᠤᠯᠵᠤ ᠪᠤᠯᠬᠤ ᠦᠭᠡᠢ ᠬᠡᠮᠡᠨ ᠪᠤᠲᠤᠵᠤ | ᠠᠮᠵᠢᠨ ᠭᠤᠷᠪᠠᠨ ᠡᠳᠦᠷ ᠤᠨ ᠵᠠᠢ ᠶᠢ ᠭᠤᠶᠤᠴᠢᠯᠠᠨ ᠤᠯᠵᠤ᠂ ᠴᠡᠩᠭᠡᠯ ᠲᠠᠢ ᠭᠡᠷᠡ ᠲᠤᠭᠳᠠᠪᠠ᠃ | ᠰᠢᠳᠤᠷᠭᠤ ᠮᠤᠷᠢ ᠪᠠᠨ ᠬᠠᠳᠠᠷᠢᠭᠤᠯᠤᠭᠰᠠᠭᠠᠷ ᠭᠡᠷ ᠵᠦᠭ ᠢᠶᠠᠨ ᠪᠤᠴᠠᠯᠠ᠃ ᠨᠤᠳᠤᠭ ᠤᠨ ᠵᠦᠭᠡᠯᠡᠨ ᠰᠠᠯᠬᠢᠨ | ᠤ ᠢᠯᠪᠢᠯᠲᠡ ᠴᠡᠭᠡᠵᠢ ᠶᠢ ᠨᠢ ᠤᠩᠭᠤᠶᠢᠯᠭᠠᠵᠤ ᠴᠠᠭᠠᠨᠠ ᠠᠴᠠ ᠨᠢ ᠶᠠᠮᠠᠷ ᠨᠢᠭᠡᠨ ᠬᠦᠰᠡᠯ ᠲᠤᠭᠳᠤᠯᠤᠯ ᠰᠡᠳᠬᠢᠯ ᠢ | ᠨᠢ ᠲᠦᠯᠬᠢᠯᠡᠨᠡ᠃ ᠬᠦᠷᠡᠩᠳᠦᠨ ᠬᠠᠷᠠᠭᠳᠠᠬᠤ ᠠᠭᠤᠯᠠᠰ ᠢᠶᠠᠨ ᠪᠠᠷᠠᠯᠠᠭᠰᠠᠭᠠᠷ᠄ ︽ᠠᠮᠢᠳᠤ ᠬᠦᠮᠦᠨ ᠳᠤ | ᠶᠠᠭᠠᠬᠢᠭᠰᠠᠨ ᠴᠤ ᠠᠷᠭᠠ ᠤᠯᠳᠠᠬᠤ ᠪᠠᠶᠢᠯᠭᠦᠢ᠂ ᠲᠡᠭᠡᠳᠦᠰ ᠠᠴᠠ ᠦᠪᠯᠡᠭᠰᠡᠨ ᠮᠦᠩᠬᠡ ᠶᠢᠨ ᠬᠦᠷᠦᠩᠭᠡ — | ᠭᠠᠵᠠᠷ ᠨᠤᠳᠤᠭ ᠢᠶᠠᠨ ᠪᠤᠤ ᠯᠡ ᠲᠠᠯᠬᠢᠳᠠᠭᠤᠯᠤᠶᠠ︾ ᠭᠡᠵᠦ ᠲᠡᠷᠡ ᠪᠠᠳᠤ ᠪᠤᠳᠤᠪᠠ᠂᠂᠂᠂ | ᠭᠡᠷ ᠲᠤ ᠪᠠᠨ ᠤᠶᠢᠷᠠᠳᠤᠨ ᠤᠴᠢᠬᠤ ᠳᠤ ︽ᠠᠪᠤ ᠡ᠂ ᠠᠪᠤ ᠡ︾ ᠭᠡᠵᠦ ᠵᠢᠭᠠᠯ ᠬᠦᠦ ᠨᠢ ᠲᠠᠰᠬᠠᠯ ᠢᠶᠠᠨ | ᠪᠠᠷᠢᠨ ᠲᠤᠰᠤᠨ ᠢᠷᠡᠵᠤ ︽ᠭᠤᠪᠢ ᠭᠡᠳᠡᠭ ᠦᠭᠡ ᠪᠠᠷ ︿ᠪᠢ ᠭᠤᠪᠢ ᠨᠤᠳᠤᠭ ᠲᠤ ᠪᠠᠨ ᠬᠠᠶᠢᠷᠠᠲᠠᠢ﹀ ᠭᠡᠵᠦ | ᠦᠭᠦᠯᠡᠪᠦᠷᠢ ᠵᠤᠬᠢᠶᠠᠪᠠᠯ ᠲᠠᠭᠠᠷᠠᠨᠠ ᠤᠤ︖︾ ᠭᠡᠵᠦ ᠠᠰᠠᠭᠤᠨᠠ᠂ ᠰᠢᠳᠤᠷᠭᠤ ᠭᠤᠸᠠᠢ᠄ ︽ᠮᠢᠨᠦ ᠬᠦᠦ ᠲᠤᠩ | ᠤᠨᠤᠪᠴᠢᠲᠠᠢ ᠰᠠᠶᠢᠬᠠᠨ ᠵᠤᠬᠢᠶᠠᠵᠠᠢ︾ ᠭᠡᠵᠦ ᠪᠠᠶᠠᠷᠯᠠᠨ ᠬᠡᠯᠡᠪᠡ᠃ ᠲᠡᠭᠡᠭᠡᠳ ︽ᠮᠢᠨᠦ ᠬᠦᠦ ᠨᠤᠳᠤᠭ ᠢᠶᠠᠨ ᠦᠨᠡᠨ | ᠬᠠᠶᠢᠷᠠᠯᠠᠬᠤ ᠤᠤ︖︾ ᠭᠡᠵᠦ ᠠᠰᠠᠭᠤᠬᠤ ᠳᠤ ︽ᠦ᠂ ᠮᠠᠨ ᠤ ᠨᠤᠳᠤᠭ ᠲᠤ ᠬᠡᠳᠦᠶᠢᠪᠡᠷ ᠬᠤᠳᠠ ᠭᠠᠵᠠᠷ | ᠪᠠᠶᠢᠳᠠᠭ ᠭᠤᠶᠤ ᠭᠤᠶᠤ ᠲᠤᠭᠯᠠᠭᠠᠮ ᠦᠭᠡᠢ ᠪᠤᠯᠪᠠᠴᠤ ᠭᠦᠶᠦᠨ ᠲᠤᠭᠯᠠᠳᠠᠭ ᠠᠳᠠᠷ ᠬᠡᠭᠡᠷᠡ ᠲᠠᠢ᠂ ᠪᠦᠳᠦᠭᠦᠨ | ᠪᠦᠳᠦᠭᠦᠨ ᠮᠠᠩᠬᠠ ᠲᠠᠢ᠂ ᠪᠠᠰᠠ ᠮᠢᠨᠦ ᠬᠦᠭᠡᠷᠦᠬᠦᠨ ᠢᠰᠢᠭᠡ ᠬᠤᠷᠠᠭᠠ ᠪᠠᠶᠢᠬᠤ ᠪᠢᠰᠢᠦ︕︾ ᠭᠡᠵᠦ | ᠬᠠᠩᠭᠢᠨᠠᠲᠠᠯᠠ ᠶᠠᠷᠢᠵᠦ ᠭᠠᠷᠪᠠ᠃ ᠬᠦᠦ ᠶᠢᠨ ᠢᠶᠠᠨ ᠶᠠᠷᠢᠭᠰᠠᠨ ᠢ ᠰᠤᠨᠤᠰᠤᠭᠰᠠᠨ ᠰᠢᠳᠤᠷᠭᠤ ᠭᠤᠸᠠᠢ᠄ ︽ᠲᠡᠶᠢᠮᠦ | ᠡ᠂ ᠦᠷᠡ ᠨᠢ ᠪᠤᠯᠤᠭᠰᠠᠨ ᠬᠦᠮᠦᠨ ᠠᠷᠠᠳ ᠢᠶᠠᠨ ᠡᠭᠦᠷᠦᠨ ᠡᠭᠦᠷᠦᠭᠰᠡᠭᠡᠷ ᠪᠦᠭᠲᠦᠶᠢᠭᠰᠡᠨ ᠭᠠᠵᠠᠷ ᠨᠤᠳᠤᠭ ᠲᠤ | ᠪᠠᠨ ᠠᠪᠤ ᠨᠢ ᠮᠠᠯ ᠬᠠᠷᠢᠭᠤᠯᠵᠤ ᠶᠠᠪᠤᠭᠰᠠᠨ᠂ ᠮᠢᠨᠦ ᠬᠦᠦ ᠬᠤᠵᠢᠮ ᠡᠨᠡ ᠨᠤᠳᠤᠭ ᠲᠤ ᠪᠠᠨ ᠤᠳᠤ ᠬᠠᠷᠢᠭᠤᠯᠵᠤ | ᠭᠢᠯᠠᠯᠵᠠᠭᠤᠯᠤᠨᠠ ᠳ᠋ᠠ︾ ᠭᠡᠵᠦ ᠤᠮᠤᠭ ᠲᠡᠭᠦᠯᠳᠡᠷ ᠶᠠᠷᠢᠬᠤ ᠳᠤ ᠬᠦᠦ ᠨᠢ᠄ ︽ᠠᠪᠤ ᠶᠠᠭᠤ ᠶᠠᠷᠢᠨᠠ ᠪᠤᠢ︖ | ᠪᠢ ᠤᠶᠢᠯᠠᠭᠠᠵᠤ ᠶᠠᠳᠠᠨᠠ︾ ᠭᠡᠬᠦ ᠳᠤ ︽ᠮᠢᠨᠦ ᠬᠦᠦ ᠬᠤᠵᠢᠮ ᠤᠶᠢᠯᠠᠭᠠᠴᠢᠬᠠᠬᠤ ᠶᠤᠮ︾ ᠭᠡᠵᠦ | ᠬᠡᠯᠡᠯᠴᠡᠭᠰᠡᠭᠡᠷ ᠭᠡᠷ ᠲᠤ ᠪᠠᠨ ᠤᠷᠤᠪᠠ᠃ | ᠰᠢᠳᠤᠷᠭᠤ ᠶᠢᠨ ᠨᠤᠳᠤᠭ ᠢᠶᠠᠨ ᠭᠡᠰᠡᠨ ᠵᠢᠳᠬᠦᠯ ᠲᠡᠮᠡᠦᠯᠦᠯ ᠨᠢ ᠡᠶᠢᠮᠦᠷᠬᠦ ᠵᠢᠷᠦᠬᠡᠨ ᠬᠠᠶᠢᠷᠠ ᠶᠢ ᠨᠢ ᠬᠠᠷᠠᠮ | ᠦᠭᠡᠢ ᠶᠡᠭᠦᠯᠡᠭᠦᠯᠵᠦ ᠪᠠᠶᠢᠭᠠ ᠨᠢ ᠡᠨᠡ ᠶᠤᠮ ᠰᠠᠨᠵᠠᠢ᠃ | ᠡᠨᠡ ᠦᠶᠡᠰ ᠨᠠᠷᠠ ᠨᠢᠭᠡᠨᠲᠡ ᠦᠨᠳᠦᠷ ᠲᠤ ᠮᠠᠨᠳᠤᠵᠤ᠂ ᠲᠦᠮᠡᠨ ᠪᠤᠳᠠᠰ ᠢᠶᠠᠨ ᠲᠡᠭᠰᠢ ᠬᠠᠶᠢᠷᠠᠯᠠᠶᠠ ᠭᠡᠰᠡᠨ | ᠰᠢᠭ ᠭᠡᠷᠡᠯ ᠭᠢᠯᠪᠠᠭᠠ ᠪᠠᠨ ᠬᠠᠷᠠᠮ ᠦᠭᠡᠢ ᠰᠠᠴᠤᠷᠠᠭᠤᠯᠤᠨᠠ᠃ | | ※ ᠲᠤᠰ ᠵᠤᠬᠢᠶᠠᠯ ᠲᠠᠪᠤᠲᠤᠭᠠᠷ ᠣᠲᠠᠭᠠᠨ ᠤ ᠨᠠᠢᠮᠠᠨ ᠰᠢᠷᠭᠠ ᠵᠤᠬᠢᠶᠠᠯ ᠤᠨ ᠣᠷᠣᠯᠲᠤᠭᠠᠨ ᠳᠤ | ᠭᠤᠷᠪᠠᠲᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ — ᠡᠷᠲᠡᠨᠢᠴᠡᠴᠡᠭ | |