| 2049 ᠤᠨ ᠤ ᠨᠢᠭᠡᠨ ᠡᠳᠤᠷ | ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ | 8.7 ᠶᠢᠨ ᠰᠤᠷᠤᠭᠴᠢ ᠠᠶᠠᠯᠭᠤᠨ | | | ᠡᠨᠡ ᠡᠳᠤᠷ ᠪᠤᠯ 2049 ᠤᠨ ᠤ 10 ᠳ᠋ᠤᠭᠠᠷ ᠰᠠᠷᠠ ᠶᠢᠨ 9 ᠤ ᠡᠳᠤᠷ᠃ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ | ᠵᠠᠭᠤᠨ ᠵᠢᠯ ᠤᠨ ᠤᠢ ᠶᠢᠨ ᠪᠠᠶᠠᠷ ᠤᠨ ᠠᠮᠠᠷᠠᠯᠳᠠ ᠶᠢᠨ ᠡᠳᠤᠷ ᠢᠶᠠᠨ ᠰᠠᠶ᠋ᠢᠬᠠᠨ ᠦᠩᠭᠡᠷᠡᠭᠦᠯᠦᠭᠡᠳ ᠠᠵᠢᠯ ᠳᠠᠭᠠᠨ | ᠭᠠᠷᠤᠭᠰᠠᠨ ᠡᠬᠢᠨ ᠤ ᠡᠳᠤᠷ ᠶᠤᠮ᠃ ᠪᠢ ᠦᠷᠯᠦᠭᠡ ᠡᠷᠳᠡ ᠪᠤᠰᠤᠭᠠᠳ ᠲᠡᠷᠭᠡᠨ ᠲᠤᠬᠢᠶᠠ ᠪᠠᠷ ᠠᠵᠢᠯᠯᠠᠬᠤ | ᠬᠦᠰᠦᠨᠦᠭᠳᠤ ᠪᠠᠨ ᠦᠵᠡᠭᠰᠡᠨ ᠳᠤ ᠡᠨᠡ ᠡᠳᠤᠷ ᠨᠢ ᠶᠠᠭ ᠮᠠᠨ ᠤ ᠺᠤᠮᠫᠠᠨᠢ ᠶᠢᠨ ᠤᠷᠢᠯᠭᠠ ᠪᠠᠷ ᠢᠷᠡᠭᠰᠡᠨ ᠠᠮᠧᠷᠢᠺᠠ | ᠶᠢᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠮᠡᠷᠭᠡᠵᠢᠯᠳᠡᠨ ᠢᠨᠵᠧᠨᠧᠷ᠂ ᠮᠠᠨ ᠤ ᠺᠤᠮᠫᠠᠨᠢ ᠶᠢᠨ ᠡᠭᠦᠳᠦᠭᠰᠡᠨ ᠤᠶᠤᠨᠴᠢ ᠪᠠᠷ ᠮᠠᠯ | ᠮᠠᠯᠵᠢᠬᠤ ᠰᠢᠰᠲ᠋ᠧᠮ ᠤᠨ ᠦᠪᠤᠷ ᠮᠤᠩᠭᠤᠯ ᠤᠨ ᠮᠠᠯᠵᠢᠬᠤ ᠤᠷᠤᠨ ᠳᠠᠬᠢ ᠠᠵᠢᠯᠯᠠᠬᠤ ᠰᠢᠰᠲ᠋ᠧᠮ ᠢ ᠲᠤᠭᠤᠷᠢᠨ | ᠦᠵᠡᠵᠤ ᠪᠠᠶᠢᠴᠠᠭᠠᠨ ᠰᠤᠳᠤᠯᠤᠯᠳᠠ ᠬᠢᠬᠦ ᠪᠠᠷ ᠶᠠᠪᠤᠬᠤ ᠡᠳᠤᠷ ᠪᠤᠯᠤᠨᠠ᠃ | ᠪᠢᠳᠡ ᠪᠡᠭᠡᠵᠢᠩ ᠠᠴᠠ ᠰᠢᠨᠡ ᠡᠨᠧᠷᠬᠢᠳᠤ ᠤᠶᠤᠨᠴᠢ ᠲᠡᠷᠭᠡᠨ ᠳᠤ ᠰᠠᠭᠤᠵᠤ᠂ ᠮᠢᠨᠤ ᠲᠦᠷᠦᠭᠰᠡᠨ ᠨᠤᠲᠤᠭ | ᠦᠪᠤᠷ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠲᠤᠭ ᠤᠷᠤᠭᠤ ᠲᠠᠪᠬᠢᠭᠤᠯᠤᠯᠠ᠃ | ᠡᠨᠡ ᠲᠡᠷᠬᠡ ᠪᠤᠯ ᠮᠠᠨ ᠤ ᠺᠤᠮᠫᠠᠨᠢ ᠶᠢᠨ ᠡᠭᠦᠳᠦᠨ ᠪᠦᠳᠦᠭᠡᠭᠰᠡᠨ ᠰᠢᠨᠡ ᠡᠨᠧᠷᠭᠢᠳᠤ ᠤᠶᠤᠨᠴᠢ ᠮᠠᠰᠢᠨ | ᠲᠡᠷᠭᠡ ᠪᠤᠯᠤᠨᠠ᠃ ᠲᠤᠰ ᠮᠠᠰᠢᠨ ᠲᠡᠷᠭᠡ ᠨᠢ ᠬᠦᠮᠤᠨ ᠤ ᠤᠶᠤᠨ ᠤᠬᠠᠭᠠᠨ ᠲᠠᠢ᠂ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠲᠠᠢ | ᠪᠠᠶᠢᠳᠠᠭ ᠠᠵᠢ᠃ ᠲᠡᠷᠡ ᠪᠤᠯ ᠮᠢᠨᠤ ᠠᠵᠢᠯ ᠠᠮᠢᠳᠤᠷᠠᠯ ᠳᠠᠬᠢ ᠦᠨᠡᠨᠴᠢ ᠰᠢᠳᠤᠷᠭᠤ ᠬᠠᠪᠰᠤᠷᠤᠭᠴᠢ ᠶᠤᠮ᠃ ᠲᠡᠷᠡ | ᠮᠢᠨᠤ ᠡᠳᠤᠷ ᠤᠨ ᠠᠵᠢᠯ ᠢ ᠲᠤᠬᠢᠷᠠᠭᠤᠯᠵᠤ ᠰᠠᠨᠠᠭᠤᠯᠵᠤ ᠦᠭᠳᠡᠭ ᠪᠦᠭᠡᠳ ᠮᠠᠰᠢᠨ ᠬᠦᠮᠤᠨ ᠰᠢᠭ ᠨᠠᠮᠠ ᠶᠢ | ᠬᠠᠪᠰᠤᠷᠳᠠᠭ᠃ ᠲᠡᠷᠭᠡᠨ ᠤ ᠤᠶᠤᠨᠴᠢ ᠮᠠᠰᠢᠨ ᠳᠤ ᠦᠪᠡᠷ ᠤᠨ ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠬᠤ ᠶᠠᠪᠤᠵᠤ ᠰᠠᠭᠤᠬᠤ ᠴᠠᠭ | ᠤᠨ ᠲᠤᠬᠢᠷᠠᠭᠤᠯᠭᠠ ᠪᠠᠨ ᠤᠷᠤᠭᠤᠯᠴᠢᠬᠠᠳᠠᠭ ᠤᠴᠢᠷ ᠴᠠᠭ ᠲᠤᠬᠠᠢ ᠳᠤ ᠨᠢ ᠲᠤᠬᠢᠶᠠᠯᠠᠳᠠᠭ᠂ ᠰᠠᠭᠤᠬᠤ ᠬᠦᠮᠤᠰ | ᠤᠨ ᠰᠡᠳᠬᠢᠯᠭᠡ ᠶᠢᠨ ᠬᠤᠪᠢᠷᠠᠯᠳᠠ᠂ ᠪᠡᠶᠡ ᠮᠠᠬᠠᠪᠤᠳ ᠤᠨ ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠬᠤᠷᠳᠤᠨ ᠤᠳᠠᠭᠠᠨ ᠢᠶᠠᠨ | ᠦᠪᠡᠷᠳᠡᠭᠡᠨ ᠡᠵᠡᠮᠰᠢᠳᠡᠭ ᠠᠴᠠ ᠭᠠᠲᠠᠨᠠ ᠴᠠᠭ ᠠᠭᠠᠷ ᠤᠨ ᠬᠤᠪᠢᠷᠠᠯᠳᠠ ᠶᠢ ᠲᠠᠭᠠᠵᠤ ᠲᠡᠷᠭᠡᠨ ᠲᠤᠳᠤᠷᠠᠬᠢ | ᠲᠤᠯᠠᠭᠠᠨ ᠢᠶᠠᠨ ᠲᠤᠬᠢᠷᠠᠭᠤᠯᠳᠠᠭ᠃ ᠪᠠᠰᠠ ᠵᠠᠮ ᠳᠤ ᠲᠤᠬᠢᠶᠠᠯᠳᠤᠵᠤ ᠮᠡᠳᠡᠬᠦ ᠬᠠᠷᠰᠢ ᠰᠠᠭᠠᠳ ᠢ ᠤᠷᠢᠳᠴᠢᠯᠠᠨ | ᠮᠡᠳᠡᠷᠡᠵᠤ ᠵᠠᠶᠢᠯᠠᠬᠤ ᠪᠤᠶᠤ ᠵᠤᠭᠰᠤᠬᠤ ᠴᠢᠳᠠᠮᠵᠢ ᠲᠠᠢ᠂ ᠶᠠᠳᠠᠷᠠᠭᠰᠠᠨ ᠦᠶᠡ ᠳᠤ ᠠᠮᠠᠷᠠᠭᠠᠬᠤ᠂ ᠤᠨᠳᠠᠭᠰᠠᠨ ᠦᠶᠡ | ᠳᠤ ᠰᠡᠷᠢᠭᠡᠬᠦ ᠵᠡᠷᠭᠡ ᠤᠯᠠᠨ ᠮᠡᠳᠡᠷᠡᠮᠵᠢ ᠲᠠᠢ ᠤᠶᠤᠨᠴᠢ ᠮᠠᠰᠢᠨ ᠲᠡᠷᠭᠡ ᠶᠤᠮ᠃ | ᠤᠳᠠᠭᠰᠠᠨ ᠴᠦ ᠦᠭᠡᠢ ᠦᠪᠤᠷ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠲᠤᠭ ᠲᠤ ᠬᠦᠷᠴᠤ ᠢᠷᠡᠯᠡ᠃ ᠠᠷᠪᠠᠳᠤᠭᠠᠷ ᠰᠠᠷᠠ | ᠶᠢᠨ ᠲᠠᠯᠠ ᠨᠤᠲᠤᠭ ᠭᠡᠵᠤ ᠨᠤᠮᠢᠨ ᠨᠤᠭᠤᠭᠠᠨ ᠦᠩᠭᠡ ᠪᠠᠨ ᠠᠯᠳᠠᠨ ᠰᠢᠷᠭᠠᠯ ᠦᠩᠭᠡ ᠪᠠᠷ ᠰᠤᠯᠢᠵᠤ᠂ ᠦᠩ | ᠰᠢᠮᠡᠯᠢᠭ ᠡᠪᠡᠰᠤ ᠪᠡᠯᠴᠢᠭᠡᠷ ᠨᠠᠮᠤᠷ ᠤᠨ ᠬᠤᠩᠭᠤᠷ ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ ᠨᠠᠮᠢᠯᠵᠠᠨ ᠬᠠᠯᠢᠭᠤᠷᠠᠬᠤ ᠨᠢ ᠤᠰᠤᠨ ᠤ | ᠲᠠᠪᠠᠯᠭᠠᠨ ᠰᠢᠭ᠋ ᠦᠶᠡᠯᠵᠡᠩᠭᠡᠨ ᠬᠠᠷᠠᠭᠳᠠᠨᠠ᠃ ᠰᠦᠷᠦᠭ ᠰᠦᠷᠦᠭ ᠭᠠᠯᠠᠭᠤ ᠰᠢᠪᠠᠭᠤᠳ ᠨᠠᠭᠤᠷ ᠤᠨ ᠤᠰᠤᠨ ᠳᠤ | ᠭᠠᠩᠭᠠᠨᠠᠯᠳᠤᠬᠤ ᠨᠢ ᠶᠠᠭ ᠯᠠ ᠡᠮᠤᠨᠡᠰᠢ ᠨᠡᠭᠦᠭᠦ ᠪᠡᠯᠡᠳᠭᠡᠯ ᠢᠶᠠᠨ ᠬᠢᠵᠤ ᠪᠠᠶᠢᠭᠠ ᠰᠢᠭ᠋᠂ ᠪᠠᠰᠠᠴᠤ ᠡᠨᠡ ᠰᠠᠶᠢᠬᠠᠨ | ᠨᠤᠲᠤᠭ ᠤᠰᠤᠨ ᠠᠴᠠ ᠪᠠᠨ ᠰᠠᠯᠵᠤ ᠶᠠᠳᠠᠵᠤ ᠪᠠᠶᠢᠭᠠ ᠴᠦ ᠶᠤᠮᠰᠢᠭ᠃ ᠦᠨᠡᠭᠡᠷ ᠦᠯᠢᠭᠡᠷ ᠲᠡᠤᠬᠡᠨ ᠳᠤ ᠭᠠᠷᠳᠠᠭ | ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠲᠠᠯᠠ ᠤᠲᠤᠭ ᠢ ᠰᠠᠨᠠᠭᠳᠠᠭᠤᠯᠤᠨᠠ᠃ | ᠡᠨᠡᠬᠦ ᠦᠵᠡᠮᠵᠢ ᠶᠢ ᠠᠩᠬᠠᠷᠤᠨ ᠰᠤᠨᠢᠷᠬᠠᠭᠰᠠᠨ ᠠᠮᠧᠷᠢᠺᠠ ᠶᠢᠨ ᠢᠨᠵᠧᠨᠧᠷ᠄ ︽ᠶᠠᠭᠠᠬᠢᠭᠰᠠᠨ ᠰᠠᠶᠢᠬᠠᠨ | ᠨᠤᠲᠤᠭ ᠤᠰᠤᠨ ᠪᠤᠢ︾ ᠭᠡᠵᠤ ᠭᠠᠶᠢᠬᠠᠰᠢ ᠠᠯᠳᠠᠪᠠ᠃ ᠲᠡᠷᠡ᠄ ︽ᠲᠠᠨ ᠤ ᠠᠳᠡᠬᠢ ᠮᠤᠩᠭᠤᠯ ᠤᠨ ᠲᠠᠯᠠ | ᠨᠤᠲᠤᠭ ᠤᠤᠯ ᠠᠴᠠ ᠪᠠᠨ ᠡᠶᠢᠮᠤ ᠭᠤᠶᠤ ᠪᠠᠶᠢᠭᠰᠠᠨ ᠶᠤᠮ ᠤᠤ︾ ᠭᠡᠵᠤ ᠨᠠᠮᠠ ᠠᠴᠠ ᠠᠰᠠᠭᠤᠪᠠ᠃ ᠪᠢ ᠬᠠᠷᠢᠭᠤ | ᠳᠤ ᠨᠢ᠄ ︽ᠨᠠᠮᠠ ᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠡᠶᠢᠮᠤ ᠪᠠᠶᠢᠭᠰᠠᠨ ᠦᠭᠡᠢ᠂ ᠲᠠᠯᠠ ᠨᠤᠲᠤᠭ ᠲᠠᠴᠢᠷᠳᠠᠨ ᠮᠠᠭᠤᠳᠠᠵᠤ᠂ | ᠠᠳᠡ ᠲᠡᠨᠳᠡ ᠠᠭᠤᠷᠬᠠᠢ ᠮᠠᠯᠳᠠᠵᠤ᠂ ᠪᠠᠶᠢᠭᠠᠯᠢ ᠠᠮᠢ ᠠᠬᠤᠢ ᠬᠦᠨᠳᠤ ᠨᠤᠴᠢᠳᠠᠢ ᠡᠪᠳᠡᠭᠳᠡᠨ ᠪᠤᠬᠢᠷᠳᠤᠵᠤ᠂ ᠭᠤᠤᠯ | ᠭᠤᠷᠤᠬᠠ᠂ ᠨᠠᠭᠤᠷ ᠱᠠᠩᠳᠠ ᠬᠠᠳᠠᠨ ᠰᠢᠷᠬᠢᠵᠤ᠂ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠴᠦ ᠤᠳᠤ ᠶᠢᠨ ᠰᠢᠭ᠋ ᠪᠠᠶᠠᠷ ᠵᠢᠷᠭᠠᠯ | ᠲᠠᠢ ᠪᠠᠶᠢᠭᠰᠠᠨ ᠦᠭᠡᠢ᠃ ᠤᠶᠢᠷᠠ ᠶᠢᠨ ᠵᠢᠯ ᠤᠳ ᠲᠤ ᠤᠯᠤᠰ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠰᠠᠶᠢᠨ ᠢᠶᠠᠷ | ᠲᠤᠷᠠ ᠲᠠᠪᠠ ᠪᠠᠷ ᠢᠶᠠᠨ ᠠᠭᠤᠷᠬᠠᠢ ᠮᠠᠯᠳᠠᠬᠤ ᠶᠢ ᠬᠤᠷᠢᠭᠯᠠᠨ ᠵᠤᠭᠰᠤᠭᠠᠵᠤ᠂ ᠠᠮᠢ ᠠᠬᠤᠢ ᠶᠢ ᠬᠠᠮᠠᠭᠠᠯᠠᠨ ᠲᠠᠯᠠ | ᠨᠤᠲᠤᠭ ᠢ ᠰᠡᠷᠭᠦᠭᠡᠭᠰᠡᠨ ᠢᠶᠠᠷ ᠠᠭᠤᠷ ᠠᠮᠢᠰᠬᠤᠯ ᠲᠡᠭᠰᠢᠷᠡᠨ ᠰᠠᠶᠢᠵᠢᠷᠠᠵᠤ᠂ ᠠᠮᠢ ᠠᠬᠤᠢ ᠲᠠᠬᠢᠨ ᠰᠢᠨᠡᠳᠦᠭᠰᠡᠨ | ᠪᠠᠶᠢᠭᠠ ᠶᠤᠮ︾ ᠭᠡᠵᠤ ᠬᠠᠷᠢᠭᠤᠯᠪᠠ᠃ | ᠡᠶᠢᠨ ᠬᠦ ᠭᠦᠭᠵᠢᠯᠳᠠᠢ ᠶᠠᠷᠢᠯᠴᠠᠭᠰᠠᠭᠠᠷ ᠨᠢᠭᠡ ᠮᠡᠳᠡᠬᠦ ᠳᠤ ᠵᠤᠷᠢᠭᠰᠠᠨ ᠭᠠᠵᠠᠷ ᠲᠤ ᠪᠠᠨ ᠬᠦᠷᠴᠦ ᠲᠡᠷᠭᠡ | ᠵᠤᠭᠰᠤᠪᠠ᠃ | ᠪᠢᠳᠡ ᠨᠤᠲᠤᠭ ᠤᠨ ᠮᠠᠯᠴᠢᠨ ᠪᠠᠳᠤ ᠶᠢᠨ ᠡᠭᠦᠳᠡᠨ ᠳᠤ ᠬᠦᠷᠴᠤ ᠢᠷᠡᠭᠰᠡᠨ ᠪᠠᠶᠢᠵᠠᠢ᠃ ᠭᠡᠷ ᠤᠨ ᠡᠵᠡᠨ | ᠮᠠᠨ ᠢ ᠤᠭᠳᠤᠨ ᠭᠠᠷᠴᠤ ᠢᠷᠡᠭᠡᠳ ᠨᠤᠲᠤᠭ ᠤᠨ ᠮᠤᠩᠭᠤᠯ ᠵᠠᠩᠰᠢᠯ ᠢᠶᠠᠷ ᠢᠶᠠᠨ ᠮᠠᠨᠤᠰ ᠲᠠᠢ ᠮᠡᠨᠳᠤᠴᠢᠯᠡᠨ | ᠵᠤᠯᠭᠠᠵᠤ᠂ ᠲᠤᠳᠤᠭᠰᠢ ᠵᠠᠯᠠᠪᠠ᠃ | ᠲᠡᠲᠡᠨ ᠤ ᠬᠢ ᠭᠡᠵᠤ ᠦᠨᠳᠤᠷ ᠠᠭᠤᠯᠠ ᠶᠢ ᠲᠦᠰᠢᠵᠤ᠂ ᠦᠷᠭᠡᠨ ᠲᠠᠯᠠ ᠶᠢ ᠪᠠᠷᠠᠯᠠᠨ᠂ ᠤᠭᠠᠯᠵᠠᠨ ᠭᠤᠤᠯ | ᠤᠨ ᠲᠡᠨᠵᠢᠨ ᠳᠤ ᠠᠶᠢᠯ ᠠᠴᠠ ᠵᠠᠶᠢᠳᠠᠭᠤ ᠰᠠᠭᠤᠭᠰᠠᠨ ᠬᠤᠶᠠᠷ ᠠᠶᠢᠯ ᠤᠨ ᠨᠢᠭᠡ ᠨᠢ ᠪᠠᠶᠢᠵᠠᠢ᠃ ᠬᠤᠶᠠᠷ ᠲᠠᠪᠬᠤᠷ | ᠴᠡᠪᠡᠷᠭᠡᠨ ᠠᠰᠠᠷ ᠨᠢ ᠰᠡᠯᠡᠭᠦᠴᠡᠯ ᠤᠨ ᠤᠷᠳᠤᠨ ᠭᠡᠮᠡᠷ ᠭᠤᠶᠤ ᠬᠡᠬᠡᠨᠴᠢᠷ ᠮᠦᠷᠳᠡᠭᠡᠨ ᠬᠠᠵᠠᠭᠤ ᠳᠤ ᠨᠢ | ᠤᠳᠤᠬᠢᠴᠢᠯᠠᠭᠰᠠᠨ ᠮᠠᠯᠵᠢᠯ ᠤᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠲᠠᠢ᠂ ᠶᠡᠭᠡ ᠪᠠᠭᠠ ᠮᠠᠰᠢᠨ ᠲᠡᠷᠬᠡ ᠪᠠ ᠮᠠᠯᠵᠢᠯ ᠳᠤ | ᠭᠡᠷᠡᠭᠯᠡᠳᠡᠭ ᠮᠠᠰᠢᠨ ᠨᠤᠭᠤᠳ ᠲᠠᠢ᠂ ᠡᠭᠦᠳᠡᠨ ᠠᠴᠠ ᠪᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠡᠪᠡᠰᠤ ᠪᠡᠯᠴᠢᠭᠡᠷ ᠲᠠᠢ ᠪᠠᠶᠠᠨ | ᠲᠠᠩᠰᠤᠭ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠠᠵᠢ᠃ | ᠭᠡᠷ ᠲᠤ ᠨᠢ ᠤᠷᠤᠭᠠᠳ ᠵᠦᠭᠡᠯᠡᠨ ᠢᠰᠡᠷᠢ ᠲᠡᠭᠡᠷᠡ ᠨᠢ ᠰᠠᠭᠤᠮᠠᠭᠴᠠ ᠤᠶᠤᠨᠴᠢ ᠮᠠᠰᠢᠨ ᠬᠦᠮᠤᠨ ᠮᠠᠨ ᠳᠤ | ᠴᠠᠢ ᠠᠶᠠᠭᠠᠯᠠᠵᠤ ᠦᠭᠪᠡ᠃ ᠭᠡᠷᠭᠡᠢ ᠨᠢ ᠭᠡᠵᠤ ᠭᠤᠸᠠᠯᠢᠭ ᠪᠦᠰᠡᠭᠦᠢ ᠶᠡᠭᠡ ᠯᠠ ᠶᠠᠷᠢᠶᠠ ᠵᠤᠭᠤᠭ ᠲᠠᠢ ᠬᠦᠮᠤᠨ᠂ | ᠡᠨᠡ ᠲᠡᠷᠡ ᠪᠠᠨ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠵᠡᠷᠭᠡ ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠲᠤᠪᠴᠢ ᠪᠠᠨ ᠲᠤᠪᠰᠢᠨ ᠲᠡᠯᠭᠡᠴᠡ ᠲᠡᠭᠡᠷᠡ ᠨᠢ | ᠤᠶᠤᠨᠴᠢ ᠮᠠᠰᠢᠨ ᠮᠠᠯᠵᠢᠯ ᠲᠡᠭᠡᠷᠡ ᠠᠵᠢᠯᠯᠠᠵᠤ ᠪᠠᠶᠢᠬᠤ ᠶᠢ ᠮᠠᠨ ᠳᠤ ᠰᠤᠨᠢᠷᠬᠠᠭᠤᠯᠪᠠ᠃ ᠡᠨᠡ ᠦᠶᠡ ᠶᠠᠭ ᠦᠳᠡ | ᠠᠶᠠᠳᠠᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ᠂ ᠮᠠᠯ ᠢᠶᠠᠨ ᠤᠰᠤᠯᠠᠵᠤ ᠪᠠᠶᠢᠭᠰᠠᠨ ᠠᠵᠢ᠃ ᠲᠡᠯᠭᠡᠴᠡ ᠲᠡᠭᠡᠷᠡ ᠨᠢ ᠤᠶᠤᠨᠴᠢ | ᠮᠠᠰᠢᠨ ᠬᠦᠮᠤᠨ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ | ᠪᠠᠳᠤ ᠮᠠᠨ ᠳᠤ᠄ ︽ᠮᠠᠨ ᠤ ᠮᠠᠯᠵᠢᠯ ᠲᠡᠭᠡᠷᠡ ᠬᠡᠷᠡᠭᠯᠡᠵᠤ ᠪᠠᠶᠢᠭᠠ ᠤᠶᠤᠨᠴᠢ ᠮᠠᠰᠢᠨ ᠨᠤᠭᠤᠳ ᠤᠨ | ᠤᠯᠠᠩᠭᠢ ᠨᠢ ᠲᠠᠨ ᠤ ᠺᠤᠮᠫᠠᠨᠢ ᠶᠢᠨ ᠡᠭᠦᠳᠤᠨ ᠪᠦᠳᠦᠭᠡᠭᠰᠡᠨ ᠮᠠᠰᠢᠨ ᠶᠤᠮ᠂ ᠵᠠᠷᠢᠮ ᠮᠠᠰᠢᠨ ᠢ ᠨᠢ ᠪᠢ ᠦᠪᠡᠷ ᠢᠶᠠᠨ | ᠰᠤᠳᠤᠯᠤᠨ ᠭᠠᠷᠭᠠᠵᠤ ᠠᠵᠢᠯᠯᠠᠭᠤᠯᠵᠤ ᠪᠠᠶᠢᠭᠠ ᠶᠤᠮ︾ ᠭᠡᠵᠤ ᠪᠠᠶᠠᠰᠤᠩᠭᠤᠢ ᠶᠠᠷᠢᠵᠤ ᠪᠠᠶᠢᠯᠠ᠃ ᠦᠨᠡᠭᠡᠷ ᠲᠡᠶᠢᠮᠤ | ᠪᠠᠶᠢᠭᠰᠠᠨ ᠠᠵᠢ᠃ ᠦᠷᠯᠦᠭᠡ ᠡᠷᠳᠡ ᠮᠠᠯ ᠢᠶᠠᠨ ᠪᠡᠯᠴᠢᠭᠡᠷ ᠲᠤ ᠵᠠᠯᠠᠬᠤ᠂ ᠦᠳᠡ ᠳᠤ ᠬᠤᠳᠳᠤᠭ ᠲᠡᠭᠡᠷᠡ ᠮᠠᠯ | ᠢᠶᠠᠨ ᠤᠰᠤᠯᠠᠬᠤ᠂ ᠤᠷᠤᠢ ᠳᠠᠭᠠᠨ ᠮᠠᠯ ᠢᠶᠠᠨ ᠬᠤᠳᠠᠯᠠᠬᠤ᠂ ᠡᠪᠡᠰᠤ ᠪᠤᠷᠳᠤᠭᠠ ᠦᠭᠭᠦ᠂ ᠪᠠᠭᠠᠰᠤ ᠰᠢᠭᠡᠰᠤ ᠶᠢ ᠨᠢ | ᠠᠷᠢᠯᠭᠠᠬᠤ᠂ ᠭᠡᠮ ᠬᠢᠵᠢᠭ ᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠪᠠ ᠡᠮᠨᠡᠬᠦ᠂ ᠰᠦ ᠰᠠᠭᠠᠯᠢ᠂ ᠲᠤᠭᠠ ᠲᠤᠯᠤᠭᠠᠢ ᠠᠪᠬᠤ | ᠭᠡᠬᠦ ᠮᠡᠳᠤ ᠶᠢᠨ ᠠᠵᠢᠯ ᠤᠳ ᠢ ᠪᠦᠷ ᠯᠠ ᠤᠶᠤᠨᠴᠢ ᠮᠠᠰᠢᠨ ᠬᠦᠢᠴᠡᠳᠭᠡᠵᠤ ᠪᠠᠶᠢᠭᠠ ᠶᠤᠮ ᠭᠡᠨᠡ᠃ | ᠦᠨᠡᠬᠡᠷ ᠲᠡᠶᠢᠮᠤ ᠶᠤᠮ ᠪᠠᠶᠢᠨᠠ᠂ ᠲᠡᠯᠭᠡᠴᠡ ᠲᠡᠭᠡᠷᠡ ᠨᠢ ᠦᠵᠡᠭᠳᠡᠯ ᠰᠤᠯᠢᠭᠳᠠᠵᠤ᠂ ᠵᠢᠯᠤᠭᠤᠴᠢ ᠦᠭᠡᠢ | ᠮᠠᠰᠢᠨ ᠡᠪᠡᠰᠤ ᠬᠠᠳᠤᠵᠤ ᠲᠡᠭᠡᠭᠡᠵᠤ ᠪᠠᠶᠢᠨᠠ᠃ ᠪᠠᠰᠠ ᠮᠠᠯ ᠰᠦᠷᠦᠭ ᠤᠨ ᠲᠡᠭᠡᠭᠦᠷᠬᠢ ᠠᠭᠠᠷ ᠢᠶᠠᠷ ᠵᠢᠵᠢᠭ ᠨᠢᠰᠭᠡᠯ | ᠰᠢᠭ᠋ ᠶᠠᠭᠤᠮᠠ ᠡᠷᠭᠢᠯᠳᠤᠵᠤ ᠪᠠᠶᠢᠨᠠ᠂ ᠲᠡᠷᠡ ᠨᠢ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠵᠤ ᠵᠠᠯᠠᠵᠤ ᠪᠠᠶᠢᠭᠠ ᠤᠶᠤᠨᠴᠢ ᠮᠠᠰᠢᠨ ᠶᠤᠮ | ᠪᠠᠶᠢᠨᠠ᠃ ᠤᠳᠤ ᠶᠢᠨ ᠮᠠᠯᠴᠢᠳ ᠭᠡᠷ ᠠᠴᠠ ᠪᠠᠨ ᠤᠶᠤᠨᠴᠢ ᠮᠠᠰᠢᠨ ᠢᠶᠠᠨ ᠠᠵᠢᠯᠯᠠᠭᠤᠯᠵᠤ᠂ ᠲᠤᠬᠢᠷᠠᠭᠤᠯᠵᠤ᠂ | ᠬᠢᠨᠠᠵᠤ ᠪᠠᠶᠢᠴᠠᠭᠠᠪᠠᠯ ᠪᠤᠯᠴᠢᠬᠠᠳᠠᠭ ᠶᠤᠮ ᠪᠠᠶᠢᠨᠠ᠃ | ᠪᠠᠳᠤ ᠪᠢᠳᠡ ᠬᠤᠶᠠᠷ ᠪᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠶᠤᠮ᠃ ᠬᠤᠵᠢᠮ ᠨᠢ ᠪᠢ ᠶᠡᠭᠡ | ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠴᠤ᠂ ᠠᠰᠫᠢᠷᠠᠨᠲ᠂ ᠳ᠋ᠤᠺᠲ᠋ᠤᠷ ᠢᠶᠠᠨ ᠦᠵᠡᠭᠡᠳ ᠨᠡᠶᠢᠰᠯᠡᠯ ᠪᠡᠭᠡᠵᠢᠩ ᠳᠤ ᠤᠳᠤ ᠶᠢᠨ | ᠡᠨᠡ ᠺᠤᠮᠫᠠᠨᠢ ᠳᠤ ᠠᠵᠢᠯᠯᠠᠭᠠᠳ ᠬᠤᠷᠢ ᠭᠠᠷᠤᠢ ᠵᠢᠯ ᠪᠤᠯᠵᠤ ᠪᠠᠶᠢᠨᠠ᠃ ᠪᠠᠳᠤ ᠬᠠᠷᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ | ᠲᠡᠭᠦᠰᠴᠤ᠂ ᠳ᠋ᠤᠺᠲ᠋ᠤᠷ ᠢᠶᠠᠨ ᠲᠡᠭᠦᠰᠦᠭᠡᠳ ᠶᠡᠭᠡ ᠬᠤᠳᠠ ᠳᠤ ᠦᠯᠡᠳᠡᠭᠰᠡᠨ ᠦᠭᠡᠢ᠂ ᠠᠯᠪᠠᠨ ᠠᠵᠢᠯ ᠭᠡᠵᠤ | ᠡᠷᠢᠭᠰᠡᠨ ᠴᠦ ᠦᠭᠡᠢ ᠬᠦᠳᠡᠭᠡ ᠳᠤ ᠪᠠᠨ ᠬᠠᠷᠢᠵᠤ ᠢᠷᠡᠭᠡᠳ ᠮᠠᠯᠴᠢᠨ ᠳ᠋ᠤᠺᠲ᠋ᠤᠷ ᠪᠤᠯᠵᠤ᠂ ᠶᠡᠭᠡ ᠦᠢᠯᠡᠰ | ᠪᠦᠳᠦᠭᠡᠵᠤ ᠪᠠᠶᠢᠨᠠ᠂ ᠦᠨᠡᠭᠡᠷ ᠠᠮᠠᠷ ᠦᠭᠡᠢ᠃ | ᠠᠮᠧᠷᠢᠺᠠ ᠶᠢᠨ ᠨᠠᠶᠢᠵᠠ ᠪᠠᠳᠤ ᠶᠢᠨ ᠭᠡᠷ ᠤᠨ ᠲᠤᠳᠤᠷᠠ ᠭᠠᠳᠠᠨᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠬᠢᠭᠡᠳ ᠤᠷᠴᠢᠨ | ᠲᠤᠭᠤᠷᠢᠨ ᠤ ᠠᠭᠤᠯᠠ ᠤᠰᠤᠨ ᠤ ᠦᠵᠡᠮᠵᠢ ᠶᠢ ᠰᠤᠨᠢᠷᠬᠠᠭᠠᠳ ᠶᠡᠬᠡᠳᠡ ᠭᠠᠶᠢᠬᠠᠵᠤ᠄ ︽ᠪᠢ ᠲᠠᠨ ᠤ ᠲᠤᠮᠳᠠᠳᠤ | ᠤᠯᠤᠰ ᠤᠨ ᠦᠪᠤᠷ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠲᠤᠭ ᠢ ᠰᠠᠶᠢᠬᠠᠨ ᠭᠡᠵᠤ ᠰᠤᠨᠤᠰᠴᠤ ᠪᠠᠶᠢᠭᠰᠠᠨ᠂ ᠭᠡᠪᠡᠴᠤ ᠲᠠᠨ ᠤ | ᠮᠤᠩᠭᠤᠯ ᠭᠠᠵᠠᠷ ᠤᠨ ᠮᠠᠯᠵᠢᠬᠤ ᠤᠷᠤᠨ ᠳᠤ ᠰᠢᠨᠡ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠡᠳᠤᠢ ᠭᠦᠭᠵᠢᠭᠰᠡᠨ ᠬᠡᠮᠵᠢᠶᠡᠨ ᠬᠦᠷᠦᠯᠡ | ᠭᠡᠵᠤ ᠰᠠᠨᠠᠭᠠ ᠵᠡᠭᠦᠳᠦᠨ ᠳᠤ ᠴᠦ ᠤᠷᠤᠭᠠ ᠦᠭᠡᠢ᠂ ᠵᠠᠷᠢᠮ ᠲᠠᠯᠠ ᠶᠢᠨ ᠮᠡᠷᠭᠡᠵᠢᠯ ᠴᠢᠨᠢ ᠮᠠᠨ ᠤ ᠠᠮᠧᠷᠢᠺᠠ ᠠᠴᠠ | ᠴᠦ ᠲᠠᠪᠠᠵᠤ ᠪᠠᠶᠢᠨᠠ ᠰᠢᠤ︾ ᠭᠡᠵᠤ ᠱᠠᠭᠰᠢᠨ ᠮᠠᠭᠳᠠᠵᠤ ᠪᠠᠶᠢᠯᠠ᠃ | ᠪᠠᠳᠤ ᠶᠢᠨ ᠬᠢ ᠠᠴᠠ ᠪᠤᠴᠠᠬᠤ ᠦᠶᠡ ᠳᠤ ᠠᠮᠧᠷᠢᠺᠠ ᠨᠠᠶᠢᠵᠠ ᠪᠠᠳᠤ ᠲᠠᠢ ᠬᠠᠯᠠᠭᠤᠮᠰᠤᠭ ᠢᠶᠠᠷ ᠭᠠᠷ | ᠠᠳᠬᠤᠵᠤ᠂ ᠰᠠᠯᠬᠤ ᠶᠤᠰᠤ ᠬᠦᠴᠡᠳᠭᠡᠬᠦ ᠵᠠᠭᠤᠷᠠ᠂ ᠠᠮᠧᠷᠢᠺᠠ ᠤᠯᠤᠰ ᠲᠤ ᠮᠤᠷᠢᠯᠠᠨ ᠰᠠᠭᠠᠳᠠᠵᠤ ᠲᠤᠷᠰᠢᠯᠭᠠ | ᠰᠤᠯᠢᠯᠴᠠᠬᠤ ᠶᠢ ᠨᠠᠶᠢᠳᠠᠵᠤ ᠪᠠᠶᠢᠯᠠ᠃ | ᠵᠠᠮ ᠵᠠᠭᠤᠷᠠ ᠠᠮᠧᠷᠢᠺᠠ ᠨᠠᠶᠢᠵᠠ ᠮᠠᠨᠤᠰ ᠲᠠᠢ ᠵᠤᠭᠤᠳᠠᠬᠤ ᠵᠠᠭᠤᠷᠠ ᠪᠡᠭᠡᠵᠢᠩ ᠳᠤ ᠬᠦᠷᠪᠡᠯ ᠮᠠᠨ ᠤ ᠺᠤᠮᠫᠠᠨᠢ | ᠲᠠᠢ ᠤᠷᠳᠤᠮᠵᠢ ᠶᠢᠨ ᠴᠢᠨᠠᠷᠳᠠᠢ ᠮᠡᠷᠭᠡᠵᠢᠯ ᠤᠨ ᠬᠠᠮᠳᠤᠷᠠᠨ ᠠᠵᠢᠯᠯᠠᠬᠤ ᠭᠡᠷᠡ ᠲᠤᠭᠳᠠᠨᠠ ᠭᠡᠵᠤ ᠢᠳᠡᠭᠡᠯ ᠲᠠᠢ | ᠶᠠᠷᠢᠵᠤ ᠪᠠᠶᠢᠯᠠ᠃ ᠪᠢ ᠴᠦ ᠭᠡᠰᠡᠨ ᠦᠪᠡᠷ ᠤᠨ ᠺᠤᠮᠫᠠᠨᠢ ᠳᠤ ᠪᠠᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠢᠳᠡᠭᠡᠯ ᠲᠠᠢ ᠪᠤᠯᠵᠤ᠂ | ᠮᠠᠨ ᠤ ᠡᠬᠡ ᠤᠷᠤᠨ ᠲᠦᠷᠦᠭᠰᠡᠨ ᠨᠤᠲᠤᠭ ᠤᠨ ᠢᠶᠠᠨ ᠢᠷᠡᠭᠡᠳᠦᠢ ᠳᠤ ᠨᠡᠩ ᠢᠯᠡᠭᠦᠤ ᠬᠦᠰᠡᠯ ᠡᠷᠡᠮᠡᠯᠵᠡᠯᠡᠯ ᠲᠠᠢ᠂ | ᠤᠮᠤᠭᠰᠢᠯ ᠲᠠᠢ ᠪᠤᠯᠵᠤ᠂ ᠤᠷᠤᠭᠰᠢ ᠵᠠᠮ ᠢᠶᠠᠨ ᠡᠯᠭᠦᠯᠡ᠃ | ᠵᠢᠯᠤᠭᠤᠲᠤᠭᠰᠠᠨ ᠪᠠᠭᠰᠢ—ᠡᠷᠲᠡᠨᠢᠴᠡᠴᠡᠭ | |