| ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠨᠠᠷᠠᠳᠠᠢ | ᠠᠩᠬᠠ ᠲᠣᠮᠳᠠᠳᠣ ᠳᠤ ᠳᠡᠪᠰᠢᠨᠠ ᠭᠡᠵᠦ ᠪᠠᠶᠠᠷᠯᠠᠭᠰᠠᠨ ᠬᠦᠷ ᠪᠠᠶᠠᠷ ᠤᠨ ᠴᠠᠭᠠᠨᠠ ᠪᠠᠰᠠ ᠠᠯᠢ ᠬᠡᠵᠢᠶᠡᠨ | ᠤ ᠲᠣᠷᠠᠯᠠᠵᠤ ᠪᠠᠶᠢᠭᠰᠠᠨ ᠭᠠᠷ ᠣᠲᠠᠰᠤ ᠴᠦ ᠪᠠᠭᠳᠠᠵᠦ ᠪᠠᠶᠢᠭᠰᠠᠨ ᠶᠣᠮ᠃ ᠠᠩᠬᠠ ᠳᠣᠮᠳᠠᠳᠣ ᠳᠤ ᠣᠷᠣᠪᠠᠯ | ᠪᠠᠶᠢᠷᠢ ᠳᠤ ᠰᠠᠭᠤᠨᠠ᠂ ᠰᠠᠷᠠ ᠬᠤᠷᠢ ᠬᠤᠨᠤᠭ ᠲᠤ ᠨᠢᠭᠡ ᠣᠳᠠᠭᠠ ᠭᠡᠷ ᠲᠤ ᠪᠠᠨ ᠣᠯᠵᠦ ᠬᠠᠷᠢᠬᠤ ᠣᠴᠢᠷ ᠠᠪᠤ | ᠡᠵᠢ ᠮᠢᠨᠢ ᠯᠡᠪᠲᠠᠢ ᠭᠠᠷ ᠣᠲᠠᠰᠣ ᠠᠪᠴᠣ ᠦᠭᠭᠦᠨᠡ ᠭᠡᠳᠡᠭ ᠢ ᠪᠢ ᠬᠦᠰᠡᠭᠡᠳ ᠣᠲᠠᠭᠰᠠᠨ ᠶᠣᠮ᠃ | ᠲᠡᠭᠡᠭᠡᠳ ᠯᠡ ᠰᠠᠨᠠᠭᠰᠠᠨ ᠶᠠᠭᠤᠮᠠ ᠰᠠᠨᠠᠭᠠ ᠪᠠᠷ ᠪᠦᠲᠦᠵᠦ᠂ ᠬᠦᠭᠡᠷᠦᠬᠦᠨ ᠭᠡᠭᠴᠢ ᠭᠠᠷ ᠣᠲᠠᠰᠣ ᠲᠠᠢ | ᠪᠣᠯᠣᠯᠠ᠃ ᠬᠠᠮᠲᠦ ᠰᠣᠷᠣᠯᠭᠠᠲᠠᠳ ᠲᠤ ᠪᠠᠨ ᠨᠢᠭᠡ ᠮᠦᠷ ᠣᠲᠠᠰᠣᠳᠠᠵᠦ᠂ ᠭᠠᠷ ᠣᠲᠠᠰᠤ ᠲᠠᠢ ᠪᠣᠯᠣᠭᠰᠠᠨ ᠢᠶᠠᠨ | ᠲᠣᠩᠬᠠᠭᠯᠠᠭᠠᠳ ᠴᠢᠨᠠᠭᠰᠢ ᠣᠬᠤᠷ ᠹᠢᠯᠢᠮ᠂ ᠪᠢᠴᠢᠯ ᠲᠣᠭᠯᠠᠭᠠᠮ ᠁ ᠭᠡᠳ ᠪᠦᠬᠦ ᠬᠡᠷᠡᠭᠴᠡᠭᠡ ᠶᠢ ᠨᠢ | ᠰᠣᠳᠣᠯᠵᠦ ᠭᠠᠷᠪᠠ᠂ ᠰᠣᠷᠮᠠᠭᠠᠢ ᠴᠦ ᠪᠣᠯᠣᠯᠠ᠃ | ᠲᠡᠭᠡᠲᠡᠯᠡ ︽ᠭᠠᠢ ᠭᠠᠵᠠᠷ ᠲᠣᠣᠷᠠ ᠠᠴᠠ︾ ᠭᠡᠳᠡᠭ ᠢᠶᠠᠷ ᠰᠢᠨᠡ ᠰᠣᠷᠭᠠᠭᠤᠯᠢ ᠳᠤ ᠣᠴᠢᠭᠰᠠᠨ ᠨᠢᠭᠡᠳᠦᠭᠡᠷ ᠡᠳᠦᠷ | ᠠᠴᠠ ᠡᠨᠡ ᠰᠣᠷᠭᠠᠭᠤᠯᠢ ᠶᠢᠨ ︽ᠰᠣᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠭᠠᠷ ᠣᠲᠠᠰᠣ ᠵᠠᠷᠣᠵᠦ ᠪᠣᠯᠬᠤ ᠦᠭᠡᠢ︾ | ᠭᠡᠳᠡᠭ ᠬᠠᠲᠠᠭᠤ ᠲᠣᠭᠲᠠᠭᠠᠯ ᠲᠠᠢ ᠣᠴᠠᠷᠠᠨᠠ ᠭᠡᠵᠦ ᠬᠡᠨ ᠮᠡᠳᠡᠯᠡ ᠳ᠋ᠠ ᠁ | ᠨᠢᠭᠡ | ᠡᠨᠡ ᠣᠷᠣᠢ ᠪᠣᠯ ᠭᠠᠷ ᠣᠲᠠᠰᠣ ᠦᠭᠡᠢ ᠨᠢᠭᠡᠳᠦᠭᠡᠷ ᠣᠷᠣᠢ ︐ ᠶᠠᠭ ᠨᠢᠭᠡ ᠶᠠᠭᠤᠮᠠ ᠲᠣᠳᠠᠭᠰᠠᠨ ᠰᠢᠭ᠋᠂ | ᠠᠪᠤ ᠪᠠᠨ ᠲᠣᠩ ᠰᠠᠨᠠᠯᠠ᠂ ᠣᠲᠠᠰᠣᠳᠠᠶᠠ ᠭᠡᠵᠦ ᠲᠦᠢᠯ ᠢᠶᠠᠷ ᠪᠣᠳᠣᠭᠰᠠᠨ︔ ᠨᠦᠭᠦᠭᠡ ᠲᠠᠯᠠ ᠪᠠᠷ ᠪᠣᠳᠣᠬᠤ ᠳᠤ | ᠪᠠᠰᠠ ᠴᠦ ᠲᠣᠩ ᠠᠮᠠᠷᠬᠠᠨ ᠶᠣᠮ ᠰᠢᠭ᠋᠂ ᠨᠢᠭᠡ ᠠᠵᠢᠯ ᠲᠣᠳᠠᠭᠤ ᠬᠢᠬᠦ ᠪᠣᠯᠵᠠᠢ᠃ ᠡᠨᠡ ᠲᠡᠷᠡ ᠶᠠᠪᠣᠳᠠᠯ ᠳᠤ | ᠰᠠᠨᠠᠭᠠ ᠪᠣᠯᠬᠤ ᠪᠠᠨ ᠪᠣᠯᠢᠵᠦ᠂ ᠣᠨᠲᠠᠯᠭᠠ ᠠᠴᠠ ᠡᠮᠦᠨᠡᠬᠢ ᠠᠷᠪᠠᠨ ᠮᠢᠨᠦ᠋ᠲ ᠲᠤ ᠦᠪᠡᠷ ᠤᠨ ᠲᠣᠷᠠᠲᠠᠢ ᠨᠣᠮ | ᠢᠶᠠᠨ ᠦᠵᠡᠵᠦ᠂ ᠲᠣᠷᠠᠲᠠᠢ ᠠᠵᠢᠯ ᠢᠶᠠᠨ ᠬᠢᠵᠦ᠂ ᠲᠣᠩ ᠡᠷᠬᠡ ᠴᠢᠯᠦᠭᠡᠲᠡᠢ ᠰᠠᠨᠠᠭᠳᠠᠯᠠ᠃ | ᠬᠤᠶᠠᠷ | ᠨᠢᠭᠡᠨᠲᠡ ᠬᠤᠶᠠᠳᠣᠭᠠᠷ ᠣᠷᠣᠢ ᠪᠣᠯᠣᠭᠰᠠᠨ ᠴᠦ ᠲᠠᠰᠤᠭᠠ ᠦᠭᠡᠢ᠂ ᠡᠮᠦᠨᠡ ᠨᠢ ᠪᠠᠶᠢᠷᠢ ᠳᠤ ᠪᠠᠨ | ᠢᠷᠡᠭᠰᠡᠭᠡᠷ ᠯᠡ ᠡᠵᠢ ᠳᠤ ᠪᠠᠨ ᠭᠠᠷ ᠣᠲᠠᠰᠣ ᠪᠠᠷ ᠣᠬᠤᠷ ᠴᠢᠮᠡᠭᠡ ᠶᠠᠪᠣᠭᠤᠯᠵᠦ ᠯᠡ ᠪᠠᠶᠢᠵᠠᠢ᠃ ᠡᠵᠢ ᠪᠠᠨ | ᠰᠠᠨᠠᠭᠰᠠᠨ ᠰᠡᠳᠬᠢᠯᠭᠡ ᠪᠠᠨ ᠵᠦᠪᠬᠡᠨ᠄ ︽ᠪᠢ ᠴᠢᠮᠠ ᠶᠢ ᠰᠠᠨᠠᠵᠦ ᠪᠠᠶᠢᠨᠠ᠂ ᠡᠵᠢ ᠡ︾ ᠭᠡᠵᠦ ᠢᠯᠡᠳᠬᠡᠳᠡᠭ | ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠣᠳᠣ ᠬᠠᠷᠢᠨ ᠣᠨᠳᠣᠣ ᠪᠣᠯᠴᠢᠬᠠᠭᠰᠠᠨ ᠰᠢᠦ᠂ ᠪᠠᠶᠢᠷᠢ ᠳᠤ ᠪᠠᠨ ᠬᠠᠷᠢᠭᠠᠳ ᠣᠷᠣ ᠳᠡᠭᠡᠷᠡ | ᠪᠠᠨ ᠬᠡᠪᠲᠡᠭᠡᠳ ᠰᠡᠳᠬᠢᠯ ᠳᠤ ᠪᠠᠨ ᠪᠣᠳᠣᠳᠠᠭ᠃ ᠬᠦᠮᠦᠨ ᠬᠦᠮᠦᠨ ᠤ ᠬᠤᠭᠤᠷᠣᠨᠳᠣᠬᠢ ᠬᠠᠶᠢᠷᠠ ᠨᠢ ᠭᠠᠷ ᠣᠲᠠᠰᠣ | ᠶᠢᠨ ᠠᠭᠠᠷ ᠤᠨ ᠲᠣᠯᠭᠢᠶᠠᠨ ᠦᠭᠡᠢ ᠴᠦ ᠭᠡᠰᠡᠨ ᠰᠡᠳᠬᠢᠯ ᠤᠨ ᠭᠦᠨ ᠳᠠᠬᠢ ᠴᠢᠩ ᠦᠨᠡᠨᠴᠢ ᠪᠣᠳᠣᠯ ᠢᠶᠠᠷ ᠰᠡᠮᠬᠡᠨ | ᠲᠠᠷᠬᠠᠵᠦ ᠲᠡᠶᠢᠯᠳᠡᠭ ᠢ ᠮᠡᠳᠡᠯᠡ᠃ ᠬᠡᠳᠦᠶᠢᠪᠡᠷ ᠡᠨᠡ ᠦᠶᠡ ᠳᠤ ᠪᠢ ᠲᠡᠳᠡᠨ ᠲᠠᠢ ᠬᠠᠷᠢᠯᠴᠠᠵᠦ ᠴᠢᠳᠠᠬᠤ ᠦᠭᠡᠢ | ᠪᠣᠯᠪᠠᠴᠤ ᠲᠡᠳᠡ ᠯᠡᠪᠲᠡᠢ ᠨᠠᠮᠠ ᠶᠢ ᠰᠠᠨᠠᠵᠦ ᠪᠠᠶᠢᠨᠠ ᠭᠡᠰᠡᠨ ᠢ ᠪᠢ ᠢᠲᠡᠭᠡᠨᠡ᠃ | ᠵᠠᠷᠢᠮ ᠦᠶᠡ ᠳᠤ ᠪᠢ ᠨᠠᠶᠢᠵᠠ ᠨᠦᠭᠦᠳ ᠤᠨ ᠬᠤᠭᠤᠷᠣᠨᠳᠣᠬᠢ ᠪᠠᠭᠠᠬᠠᠨ ᠶᠠᠪᠣᠳᠠᠯ ᠢ ᠴᠦ | ᠰᠢᠢᠳᠪᠣᠷᠢᠯᠠᠵᠦ ᠲᠡᠶᠢᠯᠬᠦ ᠦᠭᠡᠢ᠂ ᠡᠵᠢ ᠠᠴᠠ ᠪᠠᠨ ᠬᠠᠪᠰᠣᠷᠣᠯᠭᠠ ᠬᠦᠰᠡᠶᠡ ᠭᠡᠵᠦ ᠰᠠᠨᠠᠳᠠᠭ ᠴᠦ ᠲᠡᠳᠡᠨ ᠲᠠᠢ | ᠬᠠᠷᠢᠯᠴᠠᠵᠦ ᠲᠡᠶᠢᠯᠬᠦ ᠦᠭᠡᠢ ᠣᠴᠢᠷ ᠠᠴᠠ ᠪᠡᠶᠡ ᠪᠠᠨ ᠲᠠᠭᠠᠭᠠᠵᠦ ᠦᠪᠡᠷᠲᠡᠭᠡᠨ ᠰᠢᠢᠳᠪᠦᠷᠢᠯᠡᠴᠢᠬᠡᠳᠡᠭ ᠪᠣᠯᠵᠡᠢ᠃ | ᠭᠠᠷ ᠣᠲᠠᠰᠤ ᠦᠭᠡᠢ ᠨᠢ ᠪᠠᠰᠠ ᠰᠠᠶᠢᠨ ᠲᠠᠢ ᠴᠦ ᠶᠣᠮ ᠦᠦ︖ ᠪᠢ ᠠᠭᠠᠵᠢᠮ ᠢᠶᠠᠷ ᠲᠡᠭᠡᠵᠦ ᠪᠣᠳᠣᠬᠤ ᠪᠣᠯᠵᠡᠢ᠃ | | ᠭᠤᠷᠪᠠ | ᠮᠠᠨ ᠤ ᠪᠠᠶᠢᠷᠢ ᠶᠢᠨ ᠬᠢᠨ ᠪᠦᠷ ᠭᠠᠷ ᠣᠲᠠᠰᠤ ᠦᠭᠡᠢ᠂ ᠡᠬᠢᠨ ᠳᠤ ᠪᠠᠨ ᠣᠨᠲᠠᠯᠭᠠ ᠠᠴᠠ ᠡᠮᠦᠨᠡᠬᠢ | ᠠᠷᠪᠠᠨ ᠮᠢᠨᠦ᠋ᠲ ᠲᠤ ᠪᠦᠷ ᠦᠪᠡᠷ ᠤᠨ ᠭᠡᠷ ᠤᠨ ᠠᠬᠠᠮᠠᠳ ᠲᠠᠢ ᠪᠠᠨ ᠵᠣᠭᠤᠭᠳᠠᠵᠦ᠂ ᠬᠤᠭᠤᠷᠣᠨᠲᠦ ᠳᠤ ᠪᠠᠨ | ᠲᠡᠮᠡᠢ ᠶᠠᠷᠢᠯᠴᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠣᠳᠣ ᠲᠠᠶᠢᠮᠦ ᠪᠢᠰᠢ ᠪᠣᠯᠣᠭᠰᠠᠨ ᠰᠢᠦ᠃ ᠪᠢᠳᠠ ᠣᠨᠲᠠᠬᠤ ᠠᠴᠠ | ᠪᠠᠨ ᠡᠮᠦᠨᠡ ᠪᠠᠶᠠᠷᠲᠠᠢ ᠪᠠᠷ ᠵᠤᠭᠤᠭ ᠢᠶᠠᠨ ᠲᠡᠯᠭᠡᠵᠦ᠂ ᠪᠠᠭᠰᠢ ᠶᠢᠨ ᠰᠢᠮᠡ ᠲᠠᠢ ᠶᠠᠷᠢᠭᠰᠠᠨ ᠬᠢᠴᠢᠶᠡᠯ ᠠᠴᠠ | ᠡᠬᠢᠯᠡᠨ᠂ ᠬᠦᠦ ᠰᠤᠷᠤᠭᠴᠢ ᠶᠢᠨ ᠭᠠᠷᠭᠠᠭᠰᠠᠨ ᠡᠯᠳᠡᠪ ᠶᠠᠩᠵᠦ ᠶᠢᠨ ᠱᠤᠭ ᠢ ᠶᠠᠷᠢᠯᠴᠠᠨ ᠬᠦᠭᠡᠷᠦᠯᠳᠦᠳᠡᠭ᠃ | ᠭᠡᠪᠡᠴᠦ ᠲᠡᠷᠡ ᠨᠢ ᠣᠨᠲᠠᠯᠭᠠ ᠶᠢᠨ ᠴᠠᠭ ᠢ ᠣᠭᠳᠣᠬᠠᠨ ᠴᠦ ᠨᠦᠯᠦᠭᠡᠯᠡᠭᠦ ᠦᠭᠡᠢ᠂ ᠣᠨᠲᠠᠬᠤ ᠴᠠᠭ ᠪᠣᠯᠣᠭᠰᠠᠭᠠᠷ | ᠪᠦᠷ ᠠᠮᠲᠠᠲᠦ ᠨᠣᠶᠢᠷ ᠲᠤ ᠪᠠᠨ ᠣᠷᠣᠴᠢᠬᠠᠳᠠᠭ᠃ | ᠭᠠᠷ ᠣᠲᠠᠰᠤ ᠦᠭᠡᠢ ᠪᠣᠯᠣᠭᠰᠠᠨ ᠴᠢᠨᠢ ᠪᠢ ᠦᠪᠡᠷ ᠤᠨ ᠰᠣᠷᠣᠭᠴᠢ ᠠᠮᠢᠳᠣᠷᠠᠯ ᠳᠤ ᠪᠠᠨ ᠪᠦᠷ ᠴᠦ | ᠠᠭᠤᠰᠣᠨ ᠣᠷᠣᠯᠠ᠃ | ᠲᠦᠷᠪᠡ | ᠡᠨᠡ ᠬᠡᠳᠦᠨ ᠡᠳᠦᠷ ᠢᠶᠠᠷ ᠲᠠᠮᠵᠢᠨ ᠪᠢ ᠬᠦᠮᠦᠨ ᠪᠤᠯᠭᠠᠨ ᠳᠤ ᠴᠦᠮ ᠦᠪᠡᠷ ᠤᠨ ᠭᠡᠰᠡᠨ ᠣᠷᠣᠨ ᠵᠠᠢ | ᠪᠠᠶᠢᠬᠤ ᠬᠡᠷᠡᠭᠲᠡᠢ ᠭᠡᠰᠡᠨ ᠢ ᠮᠡᠳᠡᠵᠡᠢ᠃ | ᠣᠨᠲᠠᠯᠭᠠ ᠠᠴᠠ ᠡᠮᠦᠨᠡᠬᠢ ᠠᠷᠪᠠᠨ ᠮᠢᠨᠦ᠋ᠲ ᠭᠠᠷ ᠣᠲᠠᠰᠤ ᠪᠠᠶᠢᠬᠤ ᠦᠶᠡ ᠳᠤ ᠪᠠᠨ ᠪᠣᠰᠣᠳ ᠤᠨ | ᠣᠲᠠᠰᠤ ᠶᠢ ᠲᠣᠰᠬᠤ ᠪᠣᠶᠣ ᠭᠡᠷ ᠲᠤ ᠪᠠᠨ ᠪᠠᠶᠢᠨ ᠪᠠᠶᠢᠨ ᠣᠲᠠᠰᠣᠳᠠᠵᠦ ᠠᠷᠦ ᠭᠡᠷ ᠤᠨ ᠶᠠᠪᠣᠳᠠᠯ ᠳᠤ ᠰᠠᠨᠠᠭᠠ | ᠪᠣᠯᠣᠨ ᠦᠪᠡᠷ ᠤᠨ ᠬᠢᠬᠦ ᠴᠢᠬᠤᠯᠠ ᠲᠠᠢ ᠵᠦᠢᠯ ᠢᠶᠠᠨ ᠣᠯᠵᠦ ᠬᠢᠬᠦ ᠦᠭᠡᠢ ᠪᠠᠶᠢᠵᠡᠢ᠃ ᠣᠳᠣ ᠭᠠᠷ ᠣᠲᠠᠰᠣ | ᠦᠭᠡᠢ ᠪᠣᠯᠣᠭᠰᠠᠨ ᠴᠢᠨᠢ ᠡᠨᠡᠬᠦ ᠣᠬᠤᠷᠬᠠᠨ ᠠᠷᠪᠠᠨ ᠮᠢᠨᠦ᠋ᠲ ᠨᠢ ᠦᠨᠡᠨ ᠬᠦ ᠮᠢᠨᠦᠬᠢ ᠪᠣᠯᠴᠢᠬᠠᠵᠠᠢ᠃ ᠬᠦᠮᠦᠨ | ᠪᠣᠯᠭᠠᠨ ᠳᠤ ᠴᠦᠮ ᠦᠪᠡᠷ ᠤᠨ ᠬᠡᠰᠡᠨ ᠣᠷᠣᠨ ᠵᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠂ ᠣᠴᠢᠷ ᠨᠢ ᠪᠢᠳᠡ ᠦᠪᠡᠷ ᠤᠨ ᠣᠷᠣᠨ | ᠵᠠᠢ ᠠᠴᠠ ᠪᠠᠨ ᠵᠢᠩᠬᠢᠨᠢ ᠪᠠᠶᠠᠷ ᠴᠡᠩᠭᠡᠯ ᠢ ᠣᠯᠵᠣ ᠡᠳ᠋ᠯᠡᠵᠦ ᠲᠡᠶᠢᠯᠦᠨᠡ᠃ ᠪᠢ ᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠨᠡᠩ | ᠴᠢᠷᠮᠠᠶᠢᠵᠦ᠂ ᠡᠨᠡᠬᠦ ᠣᠷᠣᠨ ᠵᠠᠢ ᠪᠠᠨ ᠣᠯᠠᠮ ᠦᠷᠭᠡᠳᠬᠡᠨ᠂ ᠲᠡᠭᠦᠨ ᠢᠶᠠᠷ ᠢᠶᠠᠨ ᠪᠣᠰᠣᠳ ᠢ ᠴᠦ ᠨᠦᠯᠦᠭᠡᠯᠡᠵᠦ | ᠲᠡᠶᠢᠯᠬᠦ ᠪᠠᠷ ᠴᠢᠷᠮᠠᠶᠢᠨᠠ᠃ | ᠪᠢ ᠭᠠᠷ ᠣᠲᠠᠰᠤ ᠦᠭᠡᠢ ᠡᠳᠦᠷ ᠤᠳ ᠲᠤ ᠲᠠᠯᠠᠷᠬᠠᠬᠤ ᠶᠣᠰᠣᠲᠠᠢ᠃ ᠣᠴᠢᠷ ᠨᠢ ᠪᠢ ᠡᠨᠡ | ᠬᠤᠭᠤᠷᠣᠨᠳᠦ ᠪᠡᠶᠡ ᠳᠡᠭᠡᠨ ᠨᠡᠩ ᠢᠳᠡᠬᠡᠯ ᠲᠠᠢ ᠪᠣᠯᠵᠤ᠂ ᠪᠡᠶᠡ ᠪᠠᠨ ᠲᠠᠭᠠᠭᠠᠵᠦ ᠣᠯᠠᠨ ᠣᠴᠢᠷ ᠢ ᠰᠢᠢᠳᠪᠦᠷᠢᠯᠡᠵᠦ | ᠲᠡᠶᠢᠯᠬᠦ ᠪᠣᠯᠵᠡᠢ᠂ ᠨᠡᠩ ᠣᠨᠴᠠᠭᠠᠶᠢᠯᠠᠨ ᠨᠠᠳᠠ ᠣᠬᠤᠷᠬᠠᠨ ᠴᠦ ᠭᠡᠰᠡᠨ ᠦᠪᠡᠷ ᠲᠤ ᠮᠢᠨᠢ ᠬᠠᠷᠢᠶᠠᠯᠠᠭᠳᠠᠬᠤ ᠴᠠᠭ | ᠮᠦᠴᠡ᠂ ᠣᠷᠣᠨ ᠵᠠᠢ ᠲᠠᠢ ᠪᠣᠯᠵᠡᠢ᠃ | ※ ᠲᠤᠰ ᠵᠤᠬᠢᠶᠠᠯ ᠲᠦᠷᠪᠡᠳᠦᠬᠡᠷ ᠣᠲᠠᠭᠠᠨ ᠤ ᠨᠠᠢᠮᠠᠨ ᠰᠢᠷᠭᠠ ᠵᠤᠬᠢᠶᠠᠯ ᠤᠨ | ᠣᠷᠣᠯᠲᠤᠭᠠᠨ ᠳᠤ ᠭᠤᠷᠪᠠᠲᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ — ᠲᠤᠶᠠᠭᠠ | | |