| ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠵᠠᠮᠴᠠᠭᠠᠨ | | ᠮᠠᠩᠨᠠᠢ ᠳᠤ ᠡᠯᠭᠦᠭᠰᠡᠨ ᠨᠠᠷᠠᠨ ᠤ ᠬᠤᠷᠴᠠ ᠬᠡᠷᠡᠯ ᠳᠤ ᠬᠠᠪᠤᠷ ᠤᠨ ᠬᠤᠩᠭᠠᠷᠯᠠᠭᠰᠠᠨ ᠴᠠᠰᠤ ᠬᠠᠶᠢᠯᠵᠦ᠂ | ᠦᠰᠬᠦ ᠲᠦᠯᠵᠢᠭᠦ ᠨᠤᠭᠤᠭᠠᠨ ᠳᠤ ᠰᠢᠮᠡ ᠦᠭᠭᠦ ᠨᠢ ᠰᠠᠶᠢᠰᠢᠶᠠᠯᠳᠠᠢ ᠪᠤᠯᠪᠠᠴᠤ ᠡᠨᠡ ᠪᠦᠬᠦᠨ ᠳᠤ ᠰᠤᠭᠳᠤᠭᠤᠷᠠᠬᠤ | ᠴᠢᠯᠦᠭᠡ ᠲᠠᠢ ᠬᠦᠮᠦᠨ ᠨᠢᠭᠡ ᠴᠦ ᠪᠠᠶᠢᠭᠰᠠᠨ ᠦᠭᠡᠢ᠃ ᠬᠦᠪᠬᠦ ᠡᠭᠦᠯᠡ ᠶᠢᠨ ᠲᠤᠤᠭᠤᠷ᠂ ᠵᠤᠭᠰᠤᠭᠠ ᠮᠤᠳᠤᠨ ᠤ | ᠲᠡᠭᠡᠭᠦᠷ ᠨᠢᠰᠦᠨ ᠦᠩᠭᠡᠷᠡᠬᠦ ᠭᠠᠯᠠᠭᠤᠳ ᠤᠨ ᠲᠠᠭᠤᠨ ᠪᠠ ᠡᠭᠡ ᠨᠤᠳᠤᠭ ᠤᠨ ᠦᠨᠴᠦᠭ ᠪᠤᠯᠤᠩ ᠠᠴᠠ | ᠴᠤᠬᠤᠶᠢᠬᠤ ᠨᠠᠬᠢᠶᠠ ᠭᠠᠵᠠᠷ ᠪᠤᠯᠢᠶᠠᠯᠳᠤᠨ ᠤᠷᠭᠤᠵᠦ ᠠᠯᠠᠭ ᠲᠡᠯᠡᠭᠡᠢ ᠠᠮᠢᠯᠠᠯ ᠤᠨ ᠬᠦᠴᠦᠨ ᠢᠶᠠᠷ ᠪᠢᠯᠬᠠᠨᠠ᠃ | ᠠᠭᠤᠯᠠᠨ ᠠᠴᠠ ᠰᠤᠭᠤᠷᠠᠬᠤ ᠨᠠᠷᠠ ᠲᠠᠢ ᠤᠷᠤᠯᠳᠤᠨ ᠪᠠᠳᠤᠨᠠᠰᠤᠨ ᠨᠠᠷᠢᠨ ᠬᠦᠷᠳᠦᠳᠦ ᠮᠤᠲ᠋ᠤᠷ ᠤᠨ ᠢᠶᠠᠨ | ᠬᠤᠷᠳᠤᠴᠠ ᠶᠢ ᠨᠡᠮᠡᠨ ᠲᠠᠪᠬᠢᠬᠤ ᠨᠢ ᠠᠶᠢᠯ ᠤᠨ ᠨᠤᠬᠠᠳ ᠢ ᠦᠢᠮᠡᠭᠦᠯᠵᠦ᠂ ᠤᠷᠤᠨ ᠳᠤ ᠪᠠᠨ ᠰᠢᠷᠭᠤᠭᠰᠠᠨ | ᠬᠦᠮᠦᠰ ᠤᠨ ᠠᠳᠠ ᠶᠢ ᠬᠦᠷᠭᠡᠬᠦ ᠪᠤᠯᠪᠠᠴᠦ ᠠᠵᠢᠯ ᠤᠨ ᠦᠵᠦᠭᠦᠷ ᠢ ᠦᠵᠡᠬᠦ ᠭᠡᠵᠤ ᠰᠤᠭᠤ ᠦᠰᠦᠷᠦᠨ | ᠪᠤᠰᠴᠠᠭᠠᠪᠠ᠃ ᠲᠦᠳᠡᠯ ᠦᠭᠡᠢ ᠠᠶᠢᠯ ᠤᠨ ᠬᠦᠪᠡᠭᠡ ᠵᠠᠬᠠ ᠠᠴᠠ ᠲᠷᠠᠺᠲ᠋ᠤᠷ ᠮᠠᠰᠢᠨ ᠫᠠᠷᠴᠢᠬᠢᠨᠠᠵᠤ ᠡᠬᠢᠯᠡᠭᠡᠳ | ᠠᠶᠢᠯ ᠢᠶᠠᠷ ᠢᠶᠠᠨ ᠰᠡᠷᠢᠭᠰᠡᠨ ᠲᠦᠯᠦᠪ ᠲᠠᠢ ᠪᠤᠯᠪᠠ᠃ | ᠬᠤᠳᠤᠭᠤᠷ ᠤᠨ ᠬᠦᠮᠦᠰ ᠪᠤᠷᠳᠤᠭᠠᠨ ᠭᠠᠵᠠᠷ ᠵᠦᠭ ᠢᠶᠠᠨ ᠬᠦᠷᠵᠡ ᠭᠤᠤᠲᠤᠤ ᠡᠷᠬᠢᠭᠦᠯᠵᠦ ᠬᠦᠶᠦᠯᠳᠦᠨ | ᠪᠠᠳᠤᠨᠠᠰᠤᠨ ᠠᠴᠠ ᠴᠦ ᠲᠤᠳᠠᠭᠤ ᠦᠭᠡᠢ ᠶᠠᠭᠠᠷᠠᠵᠦ ᠪᠠᠶᠢᠯᠠ᠃ ᠴᠠᠰᠤ ᠮᠦᠰᠦ ᠬᠡᠰᠴᠦ ᠡᠳᠦᠷ ᠢᠷᠡᠭᠦᠶᠡ | ᠲᠤᠯᠠᠭᠠᠷᠠᠬᠤ ᠲᠤᠯᠠ ᠠᠳᠡᠬᠢ ᠬᠦᠮᠦᠰ ᠪᠤᠷᠳᠤᠭᠠᠨ ᠭᠠᠵᠠᠷ ᠤᠨ ᠬᠦᠷᠦᠰᠦ ᠶᠢ ᠨᠣᠷᠭᠠᠬᠤ ᠭᠡᠵᠤ ᠦᠢᠮᠡᠯᠳᠤᠭ᠍ᠰᠡᠨ ᠨᠢ | ᠡᠨᠡ᠃ ᠰᠢᠪᠡᠷ ᠰᠢᠷᠦᠢ ᠨᠠᠭᠠᠯᠳᠤᠭᠰᠠᠨ ᠬᠠᠯᠳᠠᠷ ᠮᠠᠯᠠᠭᠠᠢ ᠪᠠᠨ ᠬᠠᠵᠠᠭᠠᠢ ᠲᠠᠷᠤᠵᠦ᠂ ᠶᠠᠩᠵᠤᠤᠷ ᠵᠠᠭᠤᠭᠰᠠᠨ ᠨᠢᠭᠡ | ᠬᠦᠮᠦᠨ ᠮᠤᠲ᠋ᠤᠷ ᠠᠴᠠ ᠪᠠᠨ ᠪᠠᠭᠤᠵᠦ ᠪᠠᠳᠤᠨᠠᠰᠤᠨ ᠵᠦᠭ ᠰᠠᠵᠢᠯᠠᠪᠠ᠃ ᠠᠵᠢᠯ ᠳᠤ ᠪᠠᠨ ᠲᠠᠷᠤᠭᠳᠠᠭᠰᠠᠨ | ᠪᠠᠳᠤᠨᠠᠰᠤᠨ ᠡᠨᠡ ᠪᠦᠬᠦᠨ ᠢ ᠁ ᠠᠩᠬᠠᠷᠬᠤ ᠵᠠᠪ ᠪᠠᠶᠢᠭᠰᠠᠨ ᠦᠭᠡᠢ᠃ ᠪᠣᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠵᠠᠷ ᠤᠨ | ᠤᠰᠤ ᠶᠢ ᠬᠠᠰᠢᠵᠦ ᠵᠠᠯᠠᠭᠰᠠᠭᠠᠷ ᠨᠢᠭᠡ ᠦᠨᠳᠡᠶᠢᠬᠦ ᠳᠤ ᠬᠡᠳᠦᠨ ᠠᠯᠴᠠᠮ ᠬᠤᠯᠠ ᠠᠴᠠ ︽ᠬᠦᠶ᠋ᠢ︾ ᠭᠡᠬᠦ | ᠠᠭᠰᠢᠭᠤᠨ ᠬᠤᠭᠤᠯᠠᠢ ᠰᠤᠨᠤᠰᠳᠠᠪᠠ᠃ ᠲᠡᠷᠡ ᠵᠦᠭ ᠬᠠᠷᠠᠬᠤ ᠳᠤ ᠠᠬᠠ ᠦᠯᠵᠡᠶᠢᠬᠤᠲᠤᠭ ᠦᠭᠡᠳᠡ ᠠᠴᠠ ᠨᠢ | ᠨᠢᠭᠡ ᠭᠤᠲᠤᠯᠢ ᠶᠠᠩᠵᠤᠤᠷ ᠭᠠᠷᠭᠠᠨ ᠬᠠᠵᠠᠭᠤ ᠳᠤ ᠨᠢ ᠢᠷᠡᠵᠦ ᠰᠠᠭᠤᠪᠠ᠃ ᠬᠡᠳᠦᠨ ᠡᠳᠦᠷ ᠡᠨᠡ ᠶᠠᠭᠤᠮᠠ ᠲᠠᠢ | ᠨᠤᠴᠤᠯᠳᠤᠭᠰᠠᠭᠠᠷ ᠪᠠᠶᠢᠵᠤ ᠶᠠᠰᠤ ᠰᠢᠷᠪᠤᠰᠤ ᠨᠢ ᠰᠤᠨᠤᠭᠰᠠᠨ ᠪᠠᠲᠤᠨᠠᠰᠤᠨ ︽ᠶᠤᠬᠤ︾ ᠭᠡᠵᠤ ᠲᠠᠭᠤ ᠠᠯᠳᠠᠭᠰᠠᠨ | ᠢᠶᠠᠨ ᠰᠠᠭᠤᠵᠤ᠂ ᠶᠠᠩᠵᠤᠤᠷ ᠢ ᠨᠢ ᠠᠰᠠᠭᠠᠵᠦ ᠰᠢᠨᠤᠯᠳᠠᠶᠢᠬᠠᠨ ᠰᠤᠷᠤᠭᠰᠠᠨ ᠢᠶᠠᠨ ᠬᠠᠮᠠᠷ ᠠᠮᠠ ᠠᠴᠠ ᠨᠢ ᠬᠦᠭᠡ | ᠤᠳᠤᠭᠠ ᠪᠠᠭᠠᠬᠢᠭᠤᠯᠵᠦ ᠰᠠᠨᠠᠭᠠ ᠨᠢ ᠠᠮᠤᠷᠠᠭᠰᠠᠨ ᠪᠤᠯᠤᠯᠳᠠᠢ᠂ ︽ᠪᠤᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠵᠠᠷ ᠴᠢᠨᠢ ᠶᠠᠭᠠᠬᠢᠵᠦ | ᠪᠠᠶᠢᠨᠠ︖ ᠤᠰᠤᠯᠠᠭᠠᠳ ᠠᠶᠠᠳᠠᠪᠠ ᠦᠦ︖︾ ᠭᠡᠪᠠᠯ᠄ ︽ᠬᠠᠬᠢᠷ ᠤᠨ ᠤᠰᠤ ᠢᠷᠡᠬᠦ ᠶᠢ ᠨᠢ ᠵᠠᠪᠳᠤᠵᠦ ᠬᠡᠳᠦᠨ | ᠬᠦᠮᠦᠨ ᠢᠶᠠᠷ ᠬᠠᠪᠰᠤᠷᠤᠭᠤᠯᠵᠦ ᠪᠠᠶᠢᠭᠠᠳ ᠦᠵᠦᠭᠦᠷᠯᠡᠴᠢᠭᠡᠭᠰᠡᠨ ᠶᠤᠮ ᠡ︕ ᠴᠢᠨᠤᠬᠢ ᠴᠢᠨᠢ ᠶᠠᠭᠠᠬᠢᠪᠠ︖︾ | ᠭᠡᠳ ᠦᠯᠵᠡᠶᠢᠬᠤᠲᠤᠭ ᠶᠠᠩᠵᠤᠤᠷ ᠢᠶᠠᠨ ᠰᠤᠷᠤᠳᠠᠯᠠ᠄ ︽ᠤᠳᠤ ᠡᠨᠡ ᠬᠡᠰᠡᠭ ᠢ ᠨᠢ ᠤᠰᠤᠯᠠᠪᠠᠯ | ᠦᠵᠦᠭᠦᠷᠯᠡᠴᠢᠭᠡᠨᠠ︾ ᠬᠡᠳ ᠠᠯᠤᠰ ᠢ ᠰᠢᠷᠳᠡᠪᠠ᠃ | ᠦᠯᠵᠡᠶᠢᠬᠤᠲᠤᠭ ᠰᠤᠷᠤᠵᠦ ᠲᠠᠭᠤᠰᠤᠭᠰᠠᠨ ᠶᠠᠩᠵᠤᠤᠷ ᠤᠨ ᠢᠶᠠᠨ ᠭᠠᠯ ᠢ ᠲᠠᠷᠦᠵᠦ ᠲᠠᠯᠪᠢᠭᠰᠠᠨ ᠢᠶᠠᠨ᠄ | ︽ᠤᠶᠢᠷᠠ ᠳᠤ ᠦᠷᠦᠭᠡᠰᠦᠨ ᠡᠪᠡᠷ ᠲᠠᠢ ᠬᠦᠷᠡᠩ ᠱᠠᠷ ᠦᠵᠡᠭᠰᠡᠨ ᠦᠭᠡᠢ ᠦᠦ︖ ᠰᠦᠷᠦᠭ ᠠᠴᠠ ᠪᠠᠨ | ᠰᠠᠯᠤᠭᠠᠳ ᠬᠠᠮᠢᠭᠠ ᠲᠤᠨᠢᠯᠴᠢᠬᠠᠭᠰᠠᠨ ᠪᠤᠯ︖ ᠬᠡᠳᠦᠨ ᠡᠳᠦᠷ ᠰᠤᠷᠠᠭ ᠦᠭᠡᠢ ᠰᠠᠭᠤᠵᠦ ᠪᠠᠶᠢᠨᠠ᠃ ᠵᠠ᠂ | ᠶᠠᠪᠤᠶᠠ᠂ ᠦᠵᠡᠪᠠᠯ ᠬᠡᠯᠡᠭᠡᠳ ᠦᠭ︕︾ ᠭᠡᠵᠤ ᠬᠦᠨᠳᠦ ᠪᠦᠭᠰᠡ ᠪᠠᠨ ᠲᠠᠭᠠᠭᠠᠵᠦ ᠶᠠᠳᠠᠮᠠ ᠡᠷᠭᠦᠭᠰᠡᠭᠡᠷ ᠮᠤᠲ᠋ᠤᠷ | ᠵᠦᠭ ᠢᠶᠠᠨ ᠰᠠᠵᠢᠯᠠᠪᠠ᠃ ᠠᠷᠤ ᠳᠤ ᠨᠢ ᠬᠤᠴᠤᠷᠤᠭᠰᠠᠨ ᠪᠠᠳᠤᠨᠠᠰᠤᠨ ᠤ ᠭᠠᠷ ᠤᠳᠠᠰᠤ ᠨᠢ ᠲᠤᠤᠭᠠᠷᠬᠤ ᠳᠤ ᠠᠯᠢ | ᠪᠠᠶᠢᠳᠠᠭ ᠬᠠᠷᠮᠠᠨ ᠢᠶᠠᠨ ᠤᠬᠤᠴᠢᠯᠠᠭᠰᠠᠭᠠᠷ ᠡᠷᠢᠵᠦ ᠤᠯᠤᠭᠠᠳ ᠤᠳᠠᠰᠤ ᠪᠠᠨ ᠲᠤᠰᠪᠠᠯ ᠴᠠᠭᠠᠳᠤᠬᠢ ᠨᠢ᠄ ︽ᠬᠦᠶ᠋ᠢ | ᠂ ᠠᠶᠢᠯ ᠳᠤ ᠰᠢᠨᠠ ᠮᠠᠶ᠋ᠢᠭ ᠤᠨ ᠴᠠᠬᠢᠯᠭᠠᠨ ᠤᠰᠤ ᠲᠠᠳᠠᠬᠤ ᠮᠠᠰᠢᠨ ᠭᠡᠵᠤ ᠬᠡᠯᠡᠯᠴᠡᠭᠡᠨ ᠪᠤᠯᠵᠤ ᠪᠠᠶᠢᠨᠠ᠃ ᠴᠠᠭ | ᠲᠤ ᠭᠤᠴᠢᠭᠠᠳ ᠮᠤ᠋ ᠪᠤᠷᠳᠤᠭᠠᠨ ᠭᠠᠵᠠᠷ ᠤᠰᠤᠯᠠᠴᠢᠬᠠᠳᠠᠭ ᠶᠤᠮ ᠭᠡᠨᠠ︾ ᠬᠡᠳᠡᠭ ᠨᠢ ᠪᠦᠰᠡᠭᠦᠢ ᠶᠢᠨ ᠬᠢᠨᠢ ᠳᠠᠭᠤ | ᠪᠠᠶᠢᠯᠠ᠃ ᠶᠠᠩᠵᠤᠤᠷ ᠰᠤᠷᠤᠭᠰᠠᠨ ᠪᠠᠲᠤᠨᠠᠰᠤᠨ ᠡᠭᠦᠨ ᠢ ᠨᠢ ᠴᠢᠩᠨᠠᠭᠠᠳ᠄ ︽ᠲᠡᠭᠡᠪᠠᠯ ᠴᠦ ᠡᠨᠡ ᠮᠠᠭᠤ ᠨᠤᠪᠰᠢ | ᠠᠴᠠ ᠵᠠᠶᠢᠳᠠᠬᠤ ᠨᠢ ᠪᠠᠶᠢᠨᠠ᠃ ᠡᠷᠳᠡᠭᠡᠨ ᠲᠡᠷᠡ ᠶᠠᠭᠤᠮᠠ ᠶᠢ ᠠᠪᠴᠦ ᠲᠠᠯᠪᠢᠶᠠ᠂ ᠤᠷᠴᠢᠮ ᠰᠤᠷᠠᠭᠯᠠᠵᠦ ᠪᠠᠢ︕ | ᠬᠦᠶ᠋ᠢ᠂ ᠠᠬᠠ ᠨᠢᠭᠡ ᠦᠷᠦᠭᠡᠰᠦᠨ ᠡᠪᠡᠷ ᠲᠠᠢ ᠬᠦᠷᠡᠩ ᠱᠠᠷ ᠢᠶᠠᠨ ᠬᠡᠭᠡᠴᠢᠭᠡᠭᠰᠡᠨ ᠭᠡᠨᠠ᠂ ᠠᠵᠢᠭᠯᠠᠵᠦ ᠪᠠᠢ︕︾ | ᠭᠡᠳ ᠤᠳᠠᠰᠤ ᠪᠠᠨ ᠲᠠᠷᠤᠮᠠᠭᠴᠠ ᠤᠰᠤ ᠵᠦᠭ ᠢᠶᠠᠨ ᠣᠴᠢᠨ ᠬᠠᠰᠢᠵᠦ ᠵᠠᠯᠠᠵᠦ ᠡᠬᠢᠯᠡᠪᠠ᠃ | ᠨᠠᠷᠠᠨ ᠵᠢᠷᠭᠠᠬᠤ ᠠᠴᠠ ᠵᠠᠪᠳᠤᠵᠦ ᠡᠨᠡ ᠠᠵᠢᠯ ᠢᠶᠠᠨ ᠦᠵᠦᠭᠦᠷᠯᠡᠴᠢᠭᠡᠭᠡᠳ ᠤᠰᠤᠨ ᠬᠤᠭᠤᠯᠠᠢ ᠪᠠᠨ | ᠡᠪᠭᠡᠵᠦ ᠶᠠᠩᠵᠤᠤᠷ ᠠᠰᠠᠭᠠᠨ ᠠᠮᠠᠷᠠᠪᠠ᠃ ᠪᠠᠷᠠᠭᠤᠨ ᠬᠤᠶᠢᠨᠠᠬᠢ ᠡᠭᠦᠯᠡ ᠤᠯᠠᠶᠢᠨ ᠬᠠᠷᠠᠭᠳᠠᠵᠦ ᠬᠡᠷ ᠵᠦᠭ ᠢᠶᠠᠨ | ᠪᠤᠴᠠᠬᠤ ᠮᠠᠰᠢᠳ ᠤᠨ ᠲᠠᠭᠤᠨ ᠲᠤᠳᠤᠬᠠᠨ ᠰᠤᠨᠤᠰᠳᠠᠵᠦ ᠪᠠᠶᠢᠯᠠ᠃ ᠰᠤᠷᠤᠵᠦ ᠲᠠᠭᠤᠰᠤᠭᠰᠠᠨ ᠶᠠᠩᠵᠤᠤᠷ ᠢᠶᠠᠨ | ᠤᠰᠤᠨ ᠳᠤ ᠴᠤᠬᠢᠵᠦ ᠤᠷᠤᠭᠤᠯᠤᠭᠠᠳ ᠠᠵᠢᠯ ᠳᠤ ᠪᠠᠨ ᠤᠷᠤᠶᠠ ᠭᠡᠵᠤ ᠪᠤᠳᠤᠭᠰᠠᠨ ᠴᠦ ᠪᠡᠶᠡ ᠰᠦᠷᠡᠬᠡᠢ | ᠶᠠᠳᠠᠷᠠᠭᠰᠠᠨ ᠲᠤᠯᠠ ᠮᠠᠷᠭᠠᠰᠢ ᠵᠠᠯᠭᠠᠵᠦ ᠬᠢᠬᠦ ᠪᠠᠷ ᠲᠦᠯᠦᠪᠯᠡᠵᠦ ᠮᠤᠲ᠋ᠤᠷ ᠢᠶᠠᠨ ᠭᠠᠯᠯᠠᠨ ᠭᠡᠷ ᠵᠦᠭ ᠢᠶᠠᠨ ᠴᠢᠭᠯᠡᠪᠠ᠃ | ᠨᠠᠷᠠ ᠵᠢᠷᠭᠠᠳᠠᠯᠠ ᠪᠠᠳᠤᠨᠠᠰᠤᠨ ᠶᠠᠭ ᠭᠡᠷ ᠤᠨ ᠭᠠᠳᠠᠨᠠ ᠪᠠᠭᠤᠪᠠ᠃ | ᠰᠡᠭᠦᠯ ᠢᠶᠠᠨ ᠨᠢᠷᠤᠭᠤᠨ ᠳᠤ ᠪᠠᠨ ᠠᠴᠢᠭᠰᠠᠨ ᠬᠠᠯᠳᠠᠷ ᠬᠦᠯᠦᠭᠡ ᠡᠰᠡᠷᠭᠦ ᠠᠴᠠ ᠨᠢ ᠬᠦᠶᠦᠵᠦ ᠢᠷᠡᠮᠡᠭᠴᠡ | ᠮᠠᠭᠠᠵᠢᠵᠦ ᠮᠠᠯᠳᠠᠭᠠᠳ ᠰᠢᠪᠡᠷ ᠱᠠᠯᠴᠠᠭ ᠲᠠᠢ ᠬᠤᠪᠴᠠᠰᠤ ᠶᠢ ᠨᠢ ᠤᠷᠠᠮᠠᠷ ᠰᠢᠬᠠᠵᠦ ᠠᠯᠢᠶᠠᠷᠬᠠᠬᠤ ᠶᠢ ᠨᠢ | ᠪᠠᠳᠤᠨᠠᠰᠤᠨ ᠵᠠᠩᠨᠠᠵᠦ ᠨᠢᠭᠡ ᠲᠡᠶᠢᠰᠢ ᠨᠢ ᠶᠠᠪᠤᠭᠤᠯᠪᠠ᠃ ᠠᠷᠪᠠᠨ ᠠᠯᠴᠠᠮ ᠳᠤ ᠶᠠᠭᠤᠮᠠ ᠬᠠᠷᠠᠭᠳᠠᠬᠤ ᠦᠭᠡᠢ | ᠪᠤᠯᠬᠤ ᠦᠶᠡ ᠳᠤ ᠲᠧᠯᠸᠢᠰ ᠤᠨ ᠲᠠᠭᠤᠨ ᠠᠴᠠ ᠤᠨᠳᠤᠤ ᠶᠠᠭᠤᠮᠠ ᠰᠤᠨᠤᠰᠳᠠᠬᠤ ᠦᠭᠡᠢ᠂ ᠡᠨᠡ ᠭᠡᠷ ᠤᠳᠠᠭᠰᠠᠨ | ᠦᠭᠡᠢ ᠲᠠᠭᠤ ᠴᠢᠮᠡᠭᠡ ᠲᠠᠰᠤᠷᠠᠵᠦ ᠳ᠋ᠧᠩ ᠴᠦ ᠤᠨᠳᠠᠷᠠᠪᠠ᠃ ᠪᠤᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠵᠠᠷ ᠦᠷᠡ ᠤᠷᠤᠭᠤᠯᠬᠤ | ᠭᠡᠵᠤ ᠬᠡᠳᠦᠨ ᠡᠳᠦᠷ ᠶᠠᠭᠠᠷᠠᠯᠠ᠂ ᠬᠡᠳᠦᠨ ᠭᠠᠷᠠᠭ ᠤᠨ ᠲᠠᠷᠠᠭᠠ ᠲᠠᠷᠢᠭᠰᠠᠨ ᠠᠮᠤ ᠲᠦᠭᠡ ᠴᠤᠬᠤᠶᠢᠵᠤ ᠨᠢᠳᠦᠨ ᠳᠤ | ᠠᠶᠠᠳᠠᠢ ᠬᠠᠷᠠᠭᠳᠠᠪᠠ᠂ ᠲᠡᠭᠡᠷᠡ ᠬᠡᠳᠦᠨ ᠭᠠᠷᠠᠭ ᠤᠨ ᠡᠮᠦᠨᠠ ᠤᠰᠤᠯᠠᠭᠰᠠᠨ ᠪᠤᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠵᠠᠷ | ᠬᠠᠯᠠᠭᠤᠨ ᠨᠠᠷᠠᠨ ᠤ ᠲᠤᠤᠷᠠ ᠬᠠᠳᠠᠵᠦ ᠬᠠᠭᠤᠷᠠᠶᠢᠰᠢᠭᠠᠳ ᠰᠦᠷᠡᠭᠡᠢ ᠲᠤᠭᠤᠰᠤ ᠲᠡᠭᠳᠡᠵᠦ ᠡᠨᠡ ᠬᠡᠳᠦᠨ ᠡᠳᠦᠷ | ᠶᠤᠰᠤᠳᠠᠢ ᠨᠢᠳᠦ ᠨᠡᠭᠡᠭᠡᠬᠦ ᠳᠤ ᠬᠦᠴᠢᠷᠳᠡᠪᠠ᠃ ᠠᠨᠵᠢᠰᠦᠨ ᠬᠤᠰᠢᠭᠤᠨ ᠤ ᠬᠢ ᠯᠠ ᠤᠴᠢᠷ ᠪᠢᠵᠠ︕ | ᠲᠡᠭᠷᠢ ᠭᠠᠵᠠᠷ ᠢ ᠬᠤᠯᠪᠤᠭᠰᠠᠨ ᠰᠢᠭᠤᠷᠭᠠᠨ ᠳᠤ ᠶᠢᠷᠲᠢᠨᠴᠦ ᠤᠷᠪᠠᠮᠠᠷ ᠪᠤᠯᠵᠦ ᠠᠷᠪᠠᠨ ᠠᠯᠴᠠᠮ ᠳᠤ | ᠠᠮᠢᠳᠤ ᠶᠠᠭᠤᠮᠠ ᠬᠤᠪᠤᠷ ᠬᠠᠷᠠᠭᠳᠠᠵᠦ ᠨᠢᠳᠦ ᠨᠡᠭᠡᠭᠡᠬᠦ ᠳᠤ ᠬᠦᠴᠢᠷᠳᠠᠨᠠ᠃ ᠪᠠᠳᠤᠨᠠᠰᠤᠨ ᠬᠡᠳᠦᠨ ᠡᠳᠦᠷ ᠡᠪᠡᠰᠦ | ᠪᠤᠷᠳᠤᠭᠠ ᠶᠢ ᠨᠢ ᠬᠠᠰᠤᠵᠦ᠂ ᠬᠡᠳᠡᠰᠦ ᠬᠦᠵᠡᠭᠡ ᠨᠢ ᠲᠤᠮᠳᠠᠷᠠᠭᠰᠠᠨ ᠰᠦᠷᠦᠭ ᠮᠠᠯ ᠤᠨ ᠢᠶᠠᠨ ᠪᠦᠭᠰᠡ ᠠᠴᠠ | ᠲᠠᠭᠠᠵᠦ ᠶᠠᠪᠤᠬᠤ ᠨᠢ ᠦᠨᠡᠨ ᠳᠤ ᠪᠠᠨ ᠨᠢᠭᠤᠵᠦ ᠬᠠᠪᠴᠢᠵᠦ ᠪᠠᠶᠢᠭᠠ ᠨᠢ ᠡᠨᠡ ᠡ᠂ ᠡᠳᠦᠢ ᠶᠡᠭᠡ ᠰᠠᠯᠬᠢ ᠲᠠᠢ | ᠡᠳᠦᠷ ᠦᠨᠦ ︽ᠴᠢᠳᠭᠦᠷ︾ ᠤᠳ ᠡᠭᠦᠷ ᠲᠤ ᠪᠠᠨ ᠡᠷᠳᠡ ᠰᠢᠷᠭᠤᠴᠢᠬᠠᠭᠰᠠᠨ ᠲᠤᠯᠠ ᠠᠳᠤᠭᠤ ᠮᠠᠯ ᠢ ᠪᠠᠷᠢᠬᠤ | ᠪᠠᠷ ᠢᠷᠡᠬᠦ ᠠᠮᠢᠳᠠᠨ ᠠᠯᠠᠭᠠ᠃ ᠲᠡᠷᠡ ᠮᠠᠩᠬᠠ ᠪᠣᠯᠬᠤ ᠳᠠᠭᠠᠨ ᠠᠶᠠᠳᠠᠭᠰᠠᠨ ᠭᠠᠵᠠᠷ ᠲᠡᠭᠡᠭᠦᠷ ᠲᠤᠭᠤᠰᠤ | ᠪᠤᠳᠠᠷᠠᠭᠤᠯᠤᠨ ᠠᠯᠬᠤᠬᠤ ᠳᠤ ᠪᠠᠨ ᠪᠤᠯᠠᠭᠳᠠᠮᠠᠷ ᠪᠤᠯᠤᠭᠰᠠᠨ ᠡᠭᠡ ᠨᠤᠲᠤᠭ ᠢᠶᠠᠨ ᠬᠠᠷᠠᠭᠠᠳ ᠡᠯᠢᠭᠡ ᠵᠢᠷᠦᠭᠡ ᠨᠢ | ᠰᠢᠮᠰᠢᠷᠡᠨᠠ᠃ | ︽ᠴᠠᠭ ᠮᠦᠴᠡ ᠬᠦᠮᠦᠨ ᠢ ᠬᠦᠯᠢᠶᠡᠳᠡᠭ ᠦᠭᠡᠢ︾ ᠬᠡᠳᠡᠭ ᠮᠡᠷᠭᠡᠳ ᠤᠨ ᠦᠭᠡ ᠦᠨᠡᠨ ᠪᠠᠶᠢᠵᠦ ᠬᠡᠳᠦᠨ | ᠵᠢᠯ ᠦᠩᠭᠡᠷᠡᠴᠢᠭᠡᠯᠠ᠃ ᠡᠨᠡ ᠨᠤᠳᠤᠭ ᠴᠦ ᠴᠠᠭ ᠢᠶᠠᠨ ᠲᠠᠭᠠᠵᠦ ᠬᠤᠪᠢᠷᠠᠭᠰᠠᠭᠠᠷ ᠭᠤᠷᠪᠠᠨ ᠭᠠᠵᠠᠷ ᠲᠤ ᠵᠤᠭᠰᠤᠭᠠ | ᠮᠤᠳᠤᠨ ᠤ ᠪᠠᠷᠠ ᠴᠦᠭᠡᠷᠡᠵᠡᠢ᠃ | ᠠᠨᠵᠢᠰᠦᠨ ᠬᠤᠰᠢᠭᠤᠨ ᠲᠤᠤᠷᠠᠬᠢ ᠡᠭᠡ ᠨᠤᠳᠤᠭ ᠡᠳᠦᠷ ᠢᠷᠡᠭᠦᠶᠡ ᠡᠯᠡᠰᠦᠨ ᠤ ᠴᠠᠭᠠᠨᠠ ᠲᠠᠯᠳᠠᠷᠠᠨᠠ ᠁ | | ※ ᠲᠤᠰ ᠵᠤᠬᠢᠶᠠᠯ ᠲᠦᠷᠪᠡᠳᠦᠬᠡᠷ ᠣᠲᠠᠭᠠᠨ ᠤ ᠨᠠᠢᠮᠠᠨ ᠰᠢᠷᠭᠠ ᠵᠤᠬᠢᠶᠠᠯ ᠤᠨ | ᠣᠷᠣᠯᠲᠤᠭᠠᠨ ᠳᠤ ᠭᠤᠷᠪᠠᠲᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ — ᠲᠤᠶᠠᠭᠠ |