| ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠪᠤᠯᠪᠠᠰᠤᠨ | ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠢ ᠨᠠᠪᠳᠠ ᠬᠠᠷᠠᠵᠤ᠂ ᠰᠡᠳᠬᠢᠯ ᠤᠨ ᠳᠦᠮᠡᠨ ᠡᠬᠡᠰᠢᠭ ᠠᠪᠢᠶᠠ ᠶᠢ ᠨᠢᠭᠡᠳ ᠨᠢᠭᠡ ᠪᠠᠷ | ᠰᠤᠩᠭᠤᠨ ᠢᠯᠭᠠᠵᠤ᠂ ᠵᠢᠷᠦᠬᠡᠨ ᠤ ᠳᠤᠰᠢᠶᠠᠯ ᠢᠶᠠᠷ ᠪᠢᠴᠢᠳᠡᠭ ᠬᠦᠮᠦᠨ ᠤ ᠦᠵᠦᠭ ᠳᠤᠤᠷᠠ ᠠᠴᠠ ᠤᠷᠤᠰᠦᠨ | ᠭᠠᠷᠤᠭᠰᠠᠨ《ᠳᠤᠩᠭᠠᠯᠠᠭ ᠳᠠᠮᠢᠷ︾ ᠢ ᠲᠠ ᠤᠩᠰᠢᠵᠦ ᠦᠩᠭᠡᠷᠡᠪᠡ ᠦᠦ︖ | ᠲᠤᠰ ᠨᠤᠮ ᠢ ᠤᠩᠰᠢᠬᠤ ᠠᠴᠠ ᠡᠮᠤᠨᠡ ᠪᠢ᠂ ᠭᠠᠷᠴᠠᠭ ᠢ ᠨᠢ ᠬᠠᠷᠠᠭᠠᠳ《ᠳᠠᠮᠢᠷ ᠤᠷᠠᠯᠢᠭ︾ ᠨᠢ | ᠶᠠᠭᠠᠬᠢᠭᠠᠳ《ᠳᠤᠩᠭᠠᠯᠠᠭ ᠴᠡᠯᠮᠡᠭ︾ ᠪᠤᠯᠴᠢᠬᠠᠪᠠ ᠬᠡᠵᠦ ᠶᠡᠬᠡᠳᠡ ᠭᠠᠶᠢᠬᠠᠵᠤ ᠪᠠᠶᠢᠭᠰᠠᠨ᠃ ᠡᠨᠡᠬᠦ ᠠᠯᠳᠠᠷᠳᠦ | ᠪᠦᠳᠦᠬᠡᠯ ᠢ ᠤᠩᠰᠢᠭᠠᠳ ᠰᠠᠶ᠋ᠢ ᠳᠠᠮᠢᠷ ᠤᠨ ᠭᠤᠤᠯ ᠢᠶᠠᠷ ᠳᠡᠪᠢᠰᠬᠡᠷ ᠪᠤᠯᠭᠠᠨ᠂ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ | ᠮᠤᠩᠭᠤᠯ ᠤᠨ ᠠᠷᠠᠳ ᠳᠦᠮᠡᠨ ᠤ ᠠᠮᠢᠳᠦᠷᠡᠯ ᠳᠡᠮᠡᠴᠡᠯ ᠢ ᠪᠢᠴᠢᠭᠰᠡᠨ ᠶᠤᠮ ᠪᠠᠶᠢᠵᠠᠢ ᠬᠡᠳᠡᠭ ᠢ ᠤᠶᠢᠯᠠᠭᠠᠯᠠ᠃ | ᠵᠤᠬᠢᠶᠠᠭᠴᠢ ᠮᠤᠩᠭᠤᠯ ᠤᠨ ᠠᠷᠠᠳ ᠳᠦᠮᠡᠨ ᠢᠶᠠᠨ ᠠᠮᠢᠯᠠᠭᠤᠯᠤᠨ᠂ ᠮᠤᠩᠭᠤᠯ ᠡᠬᠡ ᠤᠷᠤᠨ ᠢᠶᠠᠨ ᠵᠢᠷᠤᠭᠯᠠᠨ | ᠂ ᠮᠤᠩᠭᠤᠯ ᠦᠨᠳᠦᠰᠦᠳᠠᠨ ᠤ ᠳᠡᠦᠬᠡ ᠰᠤᠶᠤᠯ ᠠᠮᠢᠳᠤᠷᠠᠯ ᠳᠡᠮᠡᠴᠠᠯ ᠢ ᠪᠢᠴᠢᠬᠦ ᠪᠠᠷ ᠳᠠᠮᠵᠢᠭᠤᠯᠵᠤ᠂ ᠮᠤᠩᠭᠤᠯ | ᠬᠦᠮᠦᠨ ᠤ ᠡᠬᠡ ᠤᠷᠤᠨ ᠢᠶᠠᠨ ᠬᠡᠰᠡᠨ ᠡᠷᠳᠡᠨᠢ ᠶᠢᠨ ᠰᠠᠶᠢᠬᠠᠨ ᠦᠵᠡᠯ ᠪᠤᠳᠤᠯ᠂ ᠮᠤᠬᠤᠰᠢ ᠦᠬᠡᠢ᠂ ᠨᠤᠭᠤᠷᠠᠰᠢ | ᠦᠬᠡᠢ᠂ ᠬᠤᠭᠤᠷᠠᠰᠢ ᠦᠬᠡᠢ ᠵᠤᠷᠢᠭ ᠰᠠᠨᠠᠭᠠ ᠶᠢ ᠳᠡᠬᠡᠳᠦᠯᠡᠨ ᠡᠷᠬᠦᠵᠦ ᠭᠠᠷᠭᠠᠭᠰᠠᠨ ᠪᠦᠬᠡᠳ ᠮᠤᠩᠭᠤᠯ ᠤᠷᠤᠨ ᠤ | ᠢᠷᠡᠬᠡᠳᠦᠢ᠂ ᠬᠡᠵᠢᠶᠡᠳᠡ ᠮᠤᠩᠭᠤᠯ ᠬᠦᠮᠦᠨ ᠤ ᠭᠠᠷ ᠲᠤ ᠪᠠᠶᠢᠵᠤ᠂ ᠡᠬᠦᠷᠢᠳᠡ ᠬᠡᠬᠡᠨ ᠰᠠᠷᠠᠭᠤᠯ ᠪᠠᠶᠢᠬᠤ ᠪᠤᠯᠤᠨᠠ | ᠬᠡᠳᠡᠭ ᠢ ᠢᠯᠡᠳᠬᠡᠨ ᠭᠠᠷᠭᠠᠪᠠ᠃ | ᠴ᠊᠂ ᠯᠤᠳᠤᠶᠢᠳᠠᠮᠪᠠ᠂ ᠡᠷᠳᠡᠨᠢ ᠶᠢᠨ ᠳᠦᠷᠢ ᠪᠠᠷ ᠠᠪᠤ ᠪᠠᠨ ᠮᠦᠩᠬᠡᠵᠢᠬᠦᠯᠬᠦ ᠪᠠᠷ ᠵᠤᠷᠢᠵᠦ᠂ ᠠᠴᠢᠳᠤ | ᠡᠴᠢᠬᠡ ᠶᠢᠨ ᠢᠶᠠᠨ ᠳᠤᠷᠠᠰᠬᠠᠯ ᠳᠤ ᠵᠤᠷᠢᠭᠤᠯᠤᠨ《ᠳᠤᠩᠭᠠᠯᠠᠭ ᠳᠠᠮᠢᠷ︾ ᠢ ᠪᠢᠴᠢᠭᠰᠡᠨ ᠨᠢ ᠦᠨᠡᠨ ᠲᠠᠢ᠃ ᠠᠪᠤ | ᠡᠵᠢ ᠪᠠᠨ ᠬᠠᠶᠢᠷᠠᠯᠠᠳᠠᠭ ᠬᠦᠮᠦᠨ ᠰᠠᠶ᠋ᠢ ᠠᠷᠠᠳ ᠳᠦᠮᠡᠨ ᠢᠶᠠᠨ ᠬᠠᠶᠢᠷᠠᠯᠠᠳᠠᠭ᠂ ᠦᠰᠦᠭᠰᠡᠨ ᠨᠤᠳᠤᠭ ᠢᠶᠠᠨ | ᠬᠠᠶᠢᠷᠠᠯᠠᠭᠰᠠᠨ ᠬᠦᠮᠦᠨ ᠰᠠᠶ᠋ᠢ ᠦᠷᠬᠡᠨ ᠶᠡᠭᠡ ᠮᠤᠩᠭᠤᠯ ᠡᠬᠡ ᠤᠷᠤᠨ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠴᠢᠳᠠᠳᠠᠭ᠃《ᠰᠢᠬᠢᠷᠠ | ᠳᠤᠯᠤᠭᠠᠢ ᠲᠠᠢ ᠲᠤᠭᠤᠭᠠ ᠲᠦᠬᠦᠷᠴᠦ᠂ ᠰᠠᠶᠢᠨ ᠮᠠᠭᠤ ᠲᠠᠢ ᠬᠡᠷ ᠳᠦᠬᠦᠷᠦᠨᠡ︾ ᠬᠡᠭᠴᠢ ᠪᠠᠷ᠂ ᠶᠠᠩᠵᠦ ᠪᠦᠷᠢ | ᠶᠢᠨ ᠮᠤᠩᠭᠤᠯ ᠬᠦᠮᠦᠨ — ᠮᠤᠩᠭᠤᠯ ᠤᠨ ᠠᠷᠠᠳ ᠳᠦᠮᠡᠨ ᠤ ᠳᠦᠷᠢ ᠶᠢ ᠭᠤᠤᠯᠳᠠᠯᠭᠠ ᠪᠤᠯᠭᠠᠨ ᠨᠢᠳᠦᠨ ᠳᠤ | ᠦᠵᠡᠭᠳᠡᠵᠦ᠂ ᠰᠡᠳᠬᠢᠯ ᠳᠤ ᠪᠠᠭᠤᠳᠠᠯᠠ ᠤᠷᠠᠯᠠᠵᠤ ᠴᠢᠳᠠᠵᠠᠢ᠃ | ᠶᠠᠳᠠᠭᠤ ᠵᠠᠷᠤᠴᠠ ᠠᠴᠠ ᠪᠠᠨ ᠤᠬᠠᠮᠰᠠᠷᠳᠠᠢ ᠬᠤᠪᠢᠰᠬᠠᠯᠴᠢ ᠪᠤᠯᠤᠭᠰᠠᠨ᠂ ᠵᠤᠪᠠᠭᠰᠠᠨ ᠮᠤᠩᠭᠤᠯ ᠤᠷᠤᠨ ᠤ | ᠪᠠᠨ ᠳᠦᠯᠦᠬᠡ ᠡᠴᠡᠵᠦ ᠶᠠᠳᠠᠷᠠᠬᠤ ᠶᠢ ᠮᠡᠳᠡᠳᠡᠭ ᠦᠬᠡᠢ᠂ ᠡᠷᠡᠯᠬᠡᠭ ᠵᠤᠷᠢᠭ ᠲᠠᠢ᠂ ᠰᠢᠨᠳᠠᠷᠠᠰᠢ ᠦᠬᠡᠢ ᠰᠠᠶᠢᠨ ᠡᠷᠡ | — ᠡᠷᠳᠡᠨᠢ᠃ ᠠᠯᠢ ᠴᠦ ᠨᠠᠶᠢᠬᠡᠮ ᠤᠨ ᠶᠠᠮᠠᠷ ᠦᠶᠡ ᠳᠤ ᠴᠦ᠂ ᠳᠡᠮᠡᠴᠡᠯ ᠳᠤᠯᠤᠯᠳᠤᠭᠠᠨ ᠤ ᠶᠠᠮᠠᠷ ᠴᠦ | ᠪᠤᠳᠤᠯᠢᠶᠠᠨᠳᠠᠢ ᠰᠢᠷᠤᠬᠦᠨ ᠴᠠᠭ ᠲᠤ᠂ ᠪᠠᠶᠢᠳᠠᠯ ᠢ ᠨᠠᠷᠢᠨ ᠠᠵᠢᠭᠯᠠᠵᠤ᠂ ᠠᠮᠢ ᠪᠠᠨ ᠠᠷᠭᠠᠯᠠᠵᠤ ᠠᠶᠠᠳᠠᠶᠢᠬᠠᠨ | ᠠᠮᠢᠳᠤᠷᠠᠵᠤ ᠴᠢᠳᠠᠳᠠᠭ᠂ ᠶᠠᠭᠤᠮᠠᠨ ᠤ ᠡᠪ ᠢ ᠤᠯᠬᠤ ᠠᠪᠬᠠᠯᠵᠢ ᠲᠠᠢ ᠬᠦᠮᠦᠨ — ᠢᠳᠡᠬᠡᠯᠳᠦ᠃《ᠰᠢᠯᠢ ᠶᠢᠨ | ᠰᠠᠶᠢᠨ ᠡᠷᠡ》 ᠶᠢᠨ ᠵᠠᠮ ᠢᠶᠠᠷ ᠶᠠᠪᠤᠵᠤ ᠦᠩᠭᠡᠷᠡᠭᠰᠡᠨ᠂ ᠰᠢᠨᠡ ᠴᠠᠭ ᠲᠤ ᠰᠠᠶᠢᠨ ᠮᠠᠯᠴᠢᠨ ᠪᠤᠯᠤᠭᠰᠠᠨ《 ᠮᠤᠷᠢᠨ | ᠤ ᠰᠠᠶᠢᠨ ᠢ ᠬᠠᠷᠠᠩᠭᠤᠳᠠ ᠳᠠᠨᠢᠳᠠᠭ᠂ ᠰᠠᠨᠠᠭᠠ ᠨᠢ ᠰᠦ ᠰᠢᠭ᠂ ᠴᠢᠳᠠᠯ ᠨᠢ ᠬᠤᠯᠠᠨ ᠰᠢᠭ᠋᠂ ᠳᠤᠯᠤᠭᠠᠨ ᠬᠤᠨᠤᠭ | ᠤᠨ ᠦᠯ ᠢ ᠳᠠᠭᠤᠯᠠᠵᠤ ᠪᠠᠶᠢᠭᠠᠳ ᠳᠠᠪᠠᠳᠠᠭ᠂ ᠳᠠᠯᠠᠨ ᠦᠷᠳᠡᠭᠡ ᠭᠠᠵᠠᠷ ᠢ ᠳᠦᠷᠦᠬᠡᠨ ᠳᠡᠬᠡᠷᠡ ᠪᠠᠨ | ᠳᠤᠭᠤᠯᠳᠠᠭ》 ᠬᠠᠳᠠᠭᠤ ᠵᠤᠷᠢᠭ ᠲᠠᠢ᠂ ᠨᠢᠩᠵᠢᠨ ᠰᠡᠳᠬᠢᠯ ᠲᠠᠢ — ᠴᠠᠬᠢᠭᠤᠷ ᠳᠡᠮᠤᠷ᠃ ᠨᠡᠶᠢᠬᠡᠮ ᠤᠨ | ᠬᠠᠷᠠᠩᠭᠤᠢ᠂ ᠪᠤᠷᠬᠠᠨ ᠱᠠᠰᠢᠨ ᠤ ᠨᠤᠮᠯᠠᠯ ᠳᠤ ᠳᠤᠷᠤᠶᠢᠳᠠᠨ ᠮᠠᠩᠰᠢᠭᠤᠷᠠᠵᠤ ᠂ ᠬᠤᠪᠢ ᠵᠠᠶᠠᠭᠠ ᠪᠠᠨ ᠬᠤᠶᠢᠳᠦ | ᠳᠦᠷᠦᠯ ᠳᠤ ᠪᠠᠨ ᠳᠠᠭᠠᠳᠬᠠᠵᠤ ᠶᠠᠪᠤᠭᠠ — ᠬᠡᠰᠢᠭᠳᠦ᠂ ᠳᠤᠯᠵᠢᠨ ᠨᠠᠷ᠃ ᠬᠠᠳᠠᠭᠤ ᠠᠮᠢᠳᠦᠷᠠᠯ ᠢ ᠬᠠᠮᠳᠦ | ᠳᠤᠭᠤᠯᠵᠤ᠂ ᠬᠠᠷᠢᠯᠴᠠᠨ ᠨᠢᠬᠡᠨ ᠢᠶᠠᠨ ᠬᠡᠴᠡᠬᠦᠦ ᠭᠤᠮᠤᠳᠠᠭᠠᠵᠤ ᠪᠠᠶᠢᠭᠰᠠᠨ ᠴᠦ᠂ ᠬᠠᠶᠢᠷᠠ ᠰᠡᠳᠬᠢᠯ ᠨᠢ ᠴᠡᠷᠴᠡᠵᠦ | ᠪᠦᠷ ᠠᠯᠠᠭᠠ ᠪᠤᠯᠤᠭᠠ ᠦᠬᠡᠢ᠂ ᠡᠷᠳᠡᠨᠢ ᠶᠢᠨ ᠠᠮᠢ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠵᠠᠩᠭᠢᠯᠠᠭᠠ ᠶᠢᠨ ᠴᠠᠭ ᠦᠶᠡ ᠳᠤ | ᠦᠨᠡᠨ ᠬᠠᠶᠢᠷᠠ᠂ ᠶᠡᠭᠡ ᠵᠤᠷᠢᠭ᠂ ᠨᠢᠩᠵᠢᠨ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠠᠮᠢ ᠪᠠᠨ ᠰᠤᠯᠢᠨ ᠦᠷᠡᠭᠳᠡᠵᠦ ᠪᠠᠶᠢᠭᠠ | ᠬᠠᠶᠢᠷᠠᠯᠠᠯᠳᠠᠢ ᠳᠦᠷᠢ ᠳᠤᠯᠭᠠᠷ᠃ ᠦᠬᠡ ᠳᠠᠭᠤᠨ ᠴᠦᠬᠡᠨ ᠴᠦ ᠡᠷᠡ ᠨᠦᠬᠦᠷ ᠲᠤ ᠪᠠᠨ ᠦᠨᠡᠨᠴᠢ᠂ ᠦᠷᠡ | ᠬᠡᠦᠬᠡᠳ ᠲᠤ ᠪᠠᠨ ᠬᠠᠶᠢᠷᠠᠳᠠᠢ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠢᠳᠡᠬᠡᠯᠳᠡᠢ᠂《ᠤᠬᠠᠭᠠᠨ ᠰᠠᠮᠪᠠᠭᠠ᠂ ᠵᠤᠷᠢᠭ ᠵᠢᠷᠦᠬᠡ᠂ | ᠭᠤᠸᠠ ᠦᠵᠡᠰᠬᠦᠯᠡᠩ》 ᠪᠦᠷᠢᠳᠦᠭᠰᠡᠨ ᠮᠤᠩᠭᠤᠯ ᠪᠦᠰᠡᠬᠦᠢ — ᠳᠤᠯᠮᠠ᠃ ᠮᠤᠩᠭᠤᠯ ᠬᠦᠮᠦᠨ ᠤ ᠠᠮᠠᠨ ᠤᠷᠠᠯᠢᠭ | ᠢ ᠭᠠᠶᠢᠬᠠᠭᠤᠯᠤᠭᠰᠠᠨ᠂ ᠠᠷᠢᠬᠢᠨ ᠳᠤ ᠳᠤᠷᠠᠳᠠᠢ ᠴᠦ ᠬᠡᠷᠰᠡᠦ ᠳᠤᠮᠤᠭᠠᠳᠠᠢ — ᠨᠢᠮᠠ ᠡᠪᠤᠬᠡᠨ᠃ ᠮᠤᠯᠤᠷ ᠡᠷᠳᠡᠨᠢ | ᠪᠤᠯᠤᠭᠰᠠᠨ ᠮᠤᠷᠢᠨ ᠤ ᠪᠠᠨ ᠡᠷᠳᠡᠮ ᠳᠤ ᠴᠠᠭᠠᠷᠠᠭᠰᠠᠨ᠂ ᠦᠯᠡᠮᠵᠢ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ ᠴᠦ ᠲᠦᠬᠡᠷᠢᠵᠦ | ᠪᠤᠳᠤᠯᠢᠭᠰᠠᠨ — ᠬᠤᠩᠭᠤᠷ ᠵᠠᠯᠠᠭᠤ᠃ ᠰᠢᠨᠡ ᠨᠡᠶᠢᠬᠡᠮ ᠢ ᠪᠠᠶᠢᠭᠤᠯᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠡᠵᠡᠮᠰᠢᠬᠦ | ᠬᠤᠪᠢ ᠵᠠᠶᠠᠭᠠ ᠶᠢ ᠳᠡᠦᠬᠡ ᠶᠢᠨ ᠶᠤᠰᠤᠭᠠᠷ ᠬᠦᠯᠢᠶᠡᠵᠦ ᠠᠪᠤᠭᠰᠠ ᠪᠠᠳᠤ ᠵᠢᠷᠭᠠᠯ ᠨᠠᠷ ᠁ | ᠬᠤᠯᠠᠭᠠᠶᠢᠴᠢ ᠳᠦᠭᠵᠢᠯ᠂ ᠬᠡᠷᠴᠡᠬᠡᠢ ᠪᠠᠳᠠᠷᠴᠢ᠃ ᠬᠦᠴᠦᠷᠬᠡᠭ ᠠᠴᠠ ᠠᠶᠤᠵᠤ ᠪᠠᠭᠤᠷᠠᠢ ᠶᠢ ᠳᠠᠷᠤᠯᠠᠳᠠᠭ | — ᠫᠦᠷᠪᠤ ᠳᠠᠶᠢᠵᠢ᠂ ᠬᠦᠮᠦᠨ ᠴᠢᠨᠠᠷ ᠦᠬᠡᠢ ᠪᠢᠯᠳᠠᠦᠴᠢ ᠠᠮᠢᠳᠠᠨ — ᠳᠤᠪᠴᠢᠨ ᠪᠠᠶᠢᠰᠠ᠃ | ᠡᠳᠡᠬᠡᠷ ᠪᠤᠯ ᠮᠤᠩᠭᠤᠯ ᠠᠷᠠᠳ ᠳᠦᠮᠡᠨ ᠤ ᠠᠮᠢᠳᠦ ᠪᠤᠰᠤᠭᠠ ᠳᠦᠷᠢ ᠨᠦᠬᠦᠳ ᠪᠤᠯᠤᠨᠠ᠃ ᠮᠦᠨ ᠴᠦ | ᠬᠤᠷᠸᠠ ᠶᠢᠨ ᠵᠢᠮᠠ ᠶᠤᠰᠤ᠂ ᠬᠤᠪᠢ ᠵᠠᠶᠠᠭᠠᠨ ᠤ ᠡᠷᠬᠡ ᠪᠠᠷ ᠵᠦᠢᠯ ᠪᠦᠷᠢ ᠶᠢᠨ ᠳᠦᠷᠢ ᠶᠢ ᠳᠤᠭᠯᠠᠵᠤ᠂ | ᠬᠦᠬᠡᠷᠦᠬᠦᠢ ᠮᠤᠩᠭᠤᠯ ᠠᠷᠠᠳ ᠳᠦᠮᠡᠨ ᠤ ᠳᠦᠷᠢ ᠶᠢ ᠪᠦᠳᠦᠬᠡᠭᠰᠡᠨ ᠪᠠᠶᠢᠳᠠᠭ᠃ ᠡᠳᠡᠬᠡᠷ ᠬᠦᠮᠦᠰ ᠡᠷᠬᠡ ᠴᠢᠯᠦᠬᠡ | ᠢᠯᠡᠯᠳᠡ ᠶᠢᠨ ᠢᠶᠠᠨ ᠳᠦᠯᠦᠬᠡ ᠭᠠᠪᠰᠢᠭᠠᠶᠢᠯᠠᠨ ᠳᠠᠮᠠᠴᠠᠵᠦ᠂ ᠳᠤᠳᠤᠷᠠ ᠪᠠᠨ ᠳᠠᠷᠤᠯᠠᠯ ᠦᠬᠡᠢ᠂ ᠭᠠᠳᠠᠨᠠ ᠪᠠᠨ | ᠳᠦᠷᠢᠮᠡᠬᠡᠶᠢᠯᠡᠯ ᠦᠬᠡᠢ ᠡᠷᠬᠡ ᠳᠡᠭᠰᠢ ᠨᠡᠶᠢᠬᠡᠮ ᠢ ᠤᠭᠳᠤᠨ ᠠᠪᠴᠢᠷᠠᠵᠦ᠂ ᠬᠤᠪᠢ ᠵᠠᠶᠠᠭᠠ ᠪᠠᠨ ᠦᠬᠡᠷᠡᠴᠢᠯᠡᠨ᠂ | ᠬᠤᠵᠢᠮ ᠢᠷᠡᠬᠡᠳᠦᠢ ᠪᠠᠨ ᠴᠤᠭᠴᠠᠯᠠᠵᠦ ᠪᠠᠶᠢᠭᠠ ᠶᠤᠮ᠃ | ᠯᠤᠳᠤᠶᠢᠳᠠᠮᠪᠠ᠂ ᠮᠤᠩᠭᠤᠯ ᠡᠬᠡ ᠤᠷᠤᠨ ᠤ ᠦᠩᠭᠡ ᠦᠵᠡᠮᠵᠢ — ᠳᠠᠶᠢᠰᠢᠷᠢ ᠬᠠᠨ᠂ ᠳᠠᠷᠯᠠᠨ ᠬᠠᠶᠢᠷᠬᠠᠨ᠂ | ᠰᠢᠯᠢ ᠶᠢᠨ ᠪᠤᠭᠳᠠ᠂ ᠳᠤᠩᠭᠠᠯᠠᠭ ᠳᠠᠮᠢᠷ ᠁ ᠠᠭᠤᠯᠠ ᠳᠠᠯᠠ᠂ ᠤᠰᠤ ᠮᠦᠷᠡᠨ᠂ ᠳᠡᠭᠷᠢ ᠭᠠᠵᠠᠷ᠂ ᠬᠦᠳᠡᠭᠡ | ᠨᠤᠳᠤᠭ᠂ ᠰᠦᠮᠠ ᠤᠳᠤᠷ᠂ ᠵᠢᠯ ᠤᠨ ᠳᠦᠷᠪᠡᠨ ᠤᠯᠠᠷᠢᠯ᠂ ᠦᠷᠯᠦᠬᠡ ᠦᠳᠡ ᠤᠷᠦᠢ ᠠᠳᠠᠯᠢ ᠪᠤᠰᠤ ᠴᠠᠭ ᠲᠤ᠂ | ᠠᠳᠠᠯᠢ ᠪᠤᠰᠦ ᠶᠢᠨ ᠬᠠᠷᠠᠭᠠᠰᠤ ᠪᠠᠷ ᠳᠦᠷᠰᠦᠯᠡᠨ ᠪᠢᠴᠢᠵᠦ᠂ ᠮᠤᠩᠭᠤᠯ ᠤᠷᠤᠨ ᠤ ᠦᠨᠴᠦᠭ ᠪᠤᠯᠤᠩ ᠪᠦᠷᠢ ᠶᠢᠨ | ᠪᠠᠶᠢᠳᠠᠯ ᠢ ᠬᠠᠷᠠᠭᠠᠨ ᠳᠤ ᠳᠤᠳᠤᠷᠠᠳᠠᠯᠠ ᠵᠢᠷᠤᠭᠯᠠᠭᠰᠠᠨ ᠪᠠᠶᠢᠳᠠᠭ᠃ | ᠵᠤᠬᠢᠶᠠᠭᠴᠢ ᠷᠤᠮᠠᠨ ᠤ ᠪᠠᠨ ᠪᠦᠯᠦᠭ ᠪᠦᠷᠢ ᠶᠢ ᠪᠠᠶᠠ ᠪᠠᠨ ᠳᠠᠭᠠᠭᠠᠭᠰᠠᠨ ᠵᠤᠬᠢᠶᠠᠯ ᠰᠢᠭ᠋ ᠪᠤᠯᠭᠠᠵᠤ | ᠴᠢᠳᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ᠂ ᠪᠦᠯᠦᠭ ᠤᠨ ᠳᠤᠳᠤᠷᠠ ᠭᠠᠷᠬᠤ ᠵᠦᠢᠯ ᠪᠦᠷᠢ ᠳᠡᠬᠡᠷᠡ ᠶᠠᠮᠠᠷ ᠨᠢᠬᠡᠨ ᠰᠤᠨᠢᠬᠠᠨ | ᠦᠢᠯᠡ ᠶᠠᠪᠤᠳᠠᠯ ᠭᠠᠷᠭᠠᠨ᠂ ᠤᠳᠬᠠ ᠰᠠᠨᠠᠭᠠ ᠪᠠᠨ ᠨᠠᠪᠳᠠᠷᠠᠬᠦᠯᠵᠡᠢ᠃ ᠬᠡᠬᠦ ᠳᠤ ᠪᠠᠨ ᠪᠦᠬᠦᠶᠢᠯᠡ ᠷᠤᠮᠠᠨ | ᠳᠠᠬᠦᠰᠦᠨ ᠳᠡᠬᠦᠰᠳᠡᠯᠡ ᠪᠠᠨ ᠤᠳᠤ ᠴᠠᠭᠠᠰᠢ ᠨᠢ ᠶᠠᠭᠤ ᠪᠤᠯᠳᠠᠭ ᠪᠤᠯ ᠬᠡᠰᠡᠨ ᠰᠤᠨᠢᠷᠬᠠᠯ ᠢ ᠳᠦᠷᠦᠬᠦᠯᠡᠭᠰᠡᠨ | ᠪᠠᠶᠢᠳᠠᠭ᠃ ᠬᠡᠳᠦᠶᠢᠪᠡᠷ ᠪᠦᠯᠦᠭ ᠪᠦᠷᠢ ᠨᠢ ᠪᠡᠶᠡ ᠪᠠᠨ ᠳᠠᠭᠠᠭᠠᠭᠰᠠᠨ ᠶᠠᠩᠵᠦ ᠲᠠᠢ ᠪᠤᠯᠪᠠᠴᠤ ᠪᠦᠬᠦ ᠷᠤᠮᠠᠨ | ᠰᠠᠯᠤᠩᠭᠢᠳᠠ ᠪᠤᠯᠤᠭᠰᠠᠨ ᠦᠬᠡᠢ᠂ ᠢᠮᠠᠭᠳᠠ ᠨᠢᠬᠡᠨ ᠵᠦᠢᠯ ᠦᠷᠬᠦᠯᠵᠢᠯᠡᠵᠦ ᠪᠠᠶᠢᠭᠠ ᠶᠤᠮ ᠰᠢᠭ᠋ ᠤᠳᠬᠠ ᠰᠠᠨᠠᠭᠠ | ᠪᠠᠨ ᠬᠠᠳᠠᠭᠠᠯᠠᠨ ᠪᠠᠶᠢᠭᠰᠠᠭᠠᠷ ᠡᠴᠦᠰ ᠲᠤ ᠪᠠᠨ ᠭᠤᠤᠯ ᠰᠠᠨᠠᠭᠠ ᠪᠠᠨ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠯᠤᠳᠤᠶᠢᠳᠠᠮᠪᠠ | ᠢᠩᠭᠢᠵᠦ ᠬᠡᠯᠡᠨ ᠤ ᠳᠠᠷᠬᠠᠨ ᠠᠪᠤᠷᠭᠤ ᠬᠡᠳᠡᠭ ᠢᠶᠠᠨ《ᠳᠤᠩᠭᠠᠯᠠᠭ ᠳᠠᠮᠢᠷ》 ᠢᠶᠠᠷ ᠢᠶᠠᠨ ᠳᠡᠦᠬᠡ ᠰᠤᠳᠤᠷ ᠲᠤ | ᠳᠡᠮᠳᠡᠭᠯᠡᠵᠦ ᠳᠠᠯᠪᠢᠭᠰᠠᠨ ᠪᠠᠶᠢᠨᠠ᠃ | ᠳᠡᠯᠡᠬᠡᠢ ᠶᠢᠨ ᠪᠦᠮᠪᠦᠷᠴᠡᠭ ᠳᠡᠬᠡᠷᠡᠬᠢ《ᠭᠠᠩ ᠬᠠᠭᠤᠷᠠᠢ᠂ ᠬᠠᠬᠢᠷ ᠬᠦᠢᠳᠡᠨ᠂ ᠳᠠᠴᠢᠷ ᠨᠢᠮᠬᠡᠨ》 ᠭᠤᠷᠪᠠᠨ | ᠪᠠᠶᠢᠭᠠᠯᠢ ᠶᠢᠨ ᠨᠦᠬᠦᠴᠡᠯ ᠵᠡᠷᠬᠡ ᠪᠠᠷ ᠳᠠᠪᠬᠤᠴᠠᠭᠰᠠᠨ ᠠᠮᠢ ᠠᠬᠤᠢ ᠬᠡᠪᠡᠷᠡᠭ ᠪᠠᠭᠤᠷᠠᠢ ᠮᠤᠩᠭᠤᠯ ᠡᠬᠡ ᠤᠷᠤᠨ | ᠢᠶᠠᠨ ᠮᠠᠨ ᠤ ᠠᠷᠠᠳ ᠳᠦᠮᠡᠨ᠂ ᠯᠤᠳᠤᠶᠢᠳᠠᠮᠪᠠ ᠶᠢᠨ ᠪᠢᠴᠢᠭᠰᠡᠨ ᠰᠢᠭ᠂ ᠬᠦᠰᠡᠭᠰᠡᠨ ᠰᠢᠭ ᠤᠳᠤᠬᠢ ᠳᠡᠯᠡᠬᠡᠢ | ᠶᠢᠷᠳᠢᠨᠴᠦ ᠳᠠᠬᠢ ᠬᠠᠮᠤᠭ ᠤᠨ ᠭᠤᠶᠤ ᠤᠩᠭᠤᠨ ᠳᠦᠷᠬᠦ ᠲᠠᠢ ᠳᠠᠩᠰᠤᠭ ᠰᠠᠶᠢᠬᠠᠨ ᠦᠩᠭᠡ ᠦᠵᠡᠮᠵᠢ ᠪᠠᠷ ᠨᠢ | ᠦᠨᠦ ᠡᠳᠦᠷ ᠲᠤ ᠬᠦᠷᠳᠡᠯᠡ ᠬᠠᠮᠠᠭᠠᠯᠠᠨ ᠬᠦᠭᠵᠢᠬᠦᠯᠵᠦ᠂ ᠡᠳᠦᠷ ᠰᠦᠨᠢ ᠦᠬᠡᠢ ᠬᠠᠶᠢᠷᠠᠯᠠᠨ ᠰᠠᠬᠢᠭᠰᠠᠭᠠᠷ ᠪᠤᠢ᠃ | ᠵᠤᠬᠢᠶᠠᠭᠴᠢ ᠶᠢᠨ ᠦᠨᠳᠦᠰᠦᠳᠠᠨ ᠡᠬᠡ ᠤᠷᠤᠨ ᠢᠶᠠᠨ ᠬᠡᠰᠡᠨ ᠬᠠᠶᠢᠷᠠ ᠰᠡᠳᠬᠢᠯᠬᠡ᠂ ᠳᠡᠦᠬᠡ ᠨᠡᠶᠢᠬᠡᠮ ᠤᠨ | ᠳᠤᠬᠠᠢ ᠦᠷᠬᠡᠨ ᠮᠡᠳᠡᠯᠬᠡ᠂ ᠤᠷᠠᠨ ᠪᠦᠳᠦᠬᠡᠯ ᠢᠶᠠᠨ ᠠᠮᠢᠯᠠᠭᠤᠯᠬᠤ ᠬᠡᠰᠡᠨ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ ᠠᠴᠠ | ᠲᠤᠯᠭᠠᠭᠤᠷᠢᠯᠠᠨ ᠪᠤᠰᠤᠭᠰᠠᠨ ︽ᠳᠤᠩᠭᠠᠯᠠᠭ ᠳᠠᠮᠢᠷ︾ ᠨᠢ ᠬᠦᠳᠦᠰᠦᠨ ᠳᠠᠪᠡᠯ ᠲᠠᠢ ᠮᠤᠩᠭᠤᠯ ᠠᠷᠠᠳ ᠳᠦᠮᠡᠨ᠂ | ᠬᠦᠬᠡᠷᠡᠨ ᠬᠠᠷᠠᠭᠳᠠᠬᠤ ᠮᠤᠩᠭᠤᠯ ᠡᠬᠡ ᠤᠷᠤᠨ ᠢᠶᠠᠨ ᠴᠠᠭᠠᠨ ᠴᠠᠭᠠᠰᠤ ᠬᠦᠬᠡ ᠳᠡᠪᠳᠡᠷ ᠲᠤ ᠠᠮᠢᠯᠠᠭᠤᠯᠤᠨ | ᠬᠠᠳᠠᠭᠠᠯᠠᠭᠰᠠᠨ ᠤᠩᠰᠢᠵᠦ ᠶᠡᠷᠦ ᠬᠠᠩᠬᠤ ᠦᠬᠡᠢ᠂ ᠤᠬᠠᠵᠤ ᠶᠡᠷᠦ ᠪᠠᠷᠠᠬᠤ ᠦᠬᠡᠢ᠂ ᠵᠢᠩᠬᠢᠨᠢ ᠮᠤᠩᠭᠤᠯ ᠤᠳᠬᠠ | ᠵᠤᠬᠢᠶᠠᠯ᠂ ᠵᠢᠷᠦᠬᠡ ᠰᠡᠳᠬᠢᠯ ᠤᠨ ᠬᠢᠨᠢ ᠢᠷᠠᠭᠤ ᠡᠬᠡᠰᠢᠭᠯᠡᠯ ᠪᠤᠯᠤᠨᠠ᠃ | ᠮᠤᠩᠭᠤᠯ ᠨᠤᠮ ᠢᠶᠠᠨ ᠳᠡᠬᠡᠳᠦᠯᠡᠨ ᠤᠩᠰᠢᠶᠠ︕ ᠭᠤᠯᠤᠮᠳᠠ ᠶᠢᠨ ᠭᠠᠯ ᠰᠢᠭ᠋ ᠢᠶᠠᠨ ᠦᠪᠯᠡᠵᠦ | ᠦᠯᠡᠳᠡᠭᠡᠭᠰᠡᠨ ᠡᠬᠡ ᠬᠡᠯᠨ ᠪᠠᠷ ᠢᠶᠠᠨ ᠪᠢᠴᠢᠭᠳᠡᠭᠰᠡᠨ ᠨᠤᠮ ᠵᠤᠬᠢᠶᠠᠯ ᠢᠶᠠᠨ ᠢᠯᠡᠬᠦᠬᠡᠨ ᠤᠩᠰᠢᠵᠠᠭᠠᠶᠠ︕ | ※ ᠲᠤᠰ ᠵᠤᠬᠢᠶᠠᠯ ᠲᠠᠪᠤᠲᠤᠭᠠᠷ ᠤᠲᠠᠭᠠᠨ ᠤ ᠨᠠᠢᠮᠠᠨ ᠰᠢᠷᠭᠠ ᠵᠤᠬᠢᠶᠠᠯ ᠤᠨ | ᠣᠷᠣᠯᠲᠤᠭᠠᠨ ᠳᠤ ᠭᠤᠷᠪᠠᠲᠤᠭᠠᠷ ᠲᠠᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃ | ᠵᠢᠯᠤᠭᠤᠲᠤᠭᠰᠠᠨ ᠪᠠᠭᠰᠢ— ᠤᠷᠠᠩᠭᠤᠸᠠ |