| ᠴᠢᠪᠠᠭᠠ ᠲᠠᠪᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠭᠴᠢ ᠦᠷᠴᠠᠶᠢᠬᠤ | ᠲᠡᠨᠢᠬᠦᠨ ᠲᠠᠯᠠ ᠶᠢᠨ ᠵᠦᠭᠡᠯᠡᠨ ᠦᠷᠦᠴᠡ ᠬᠠᠶᠢᠷᠡ ᠶᠢᠨ ᠪᠦᠪᠡᠢ ᠳᠤ ᠲᠤᠭᠳᠤᠯᠤᠨ᠂ ᠤᠷᠤᠰᠬᠤ ᠭᠤᠤᠯ | ᠤᠨ ᠠᠶᠢᠵᠠᠮ ᠲᠤᠯᠬᠢᠶᠡᠨ ᠵᠢᠷᠦᠭᠡᠨ ᠯᠤᠭᠰᠢᠭᠠᠨ ᠳᠤ ᠤᠶᠠᠰᠴᠤ ᠠᠳᠡ ᠨᠢᠭᠡ ᠨᠤᠳᠤᠭ ᠮᠦᠩᠭᠡᠵᠢᠨᠡ᠃ | ᠴᠡᠩᠭᠡᠷ ᠤᠨᠢᠶᠠᠷ ᠲᠤᠨᠤᠯᠵᠠᠬᠤ ᠠᠯᠤᠰ ᠬᠠᠶᠢᠷᠬᠠᠨ ᠤ ᠬᠤᠷᠮᠤᠢ᠂ ᠴᠡᠯ ᠨᠤᠭᠤᠭᠠᠷᠠᠬᠤ ᠲᠠᠯᠠ ᠶᠢᠨ ᠤᠶᠠᠬᠠᠨ | ᠲᠤᠯᠠᠭᠠᠨ ᠡᠪᠤᠷ ᠨᠠᠩᠵᠢᠳ ᠬᠦᠭᠰᠢᠨ ᠤ ᠨᠢᠭᠡ ᠭᠡᠷ ᠤᠨ ᠬᠢᠨ ᠤ ᠠᠵᠦ ᠲᠦᠷᠦᠨ ᠠᠮᠢᠳᠤᠷᠠᠬᠤ ᠮᠦᠩᠭᠡ ᠶᠢᠨ | ᠰᠠᠶᠢᠬᠠᠨ ᠦᠯᠦᠭᠡᠢ ᠶᠤᠮ ᠰᠠᠨᠵᠠᠢ᠃ ᠨᠤᠳᠤᠭ ᠤᠨ ᠰᠢᠷᠤᠢ ᠠᠮᠢᠨ ᠰᠤᠳᠠᠰᠤ ᠪᠠᠨ ᠬᠠᠶᠢᠷᠡ ᠪᠠᠷ ᠢᠶᠠᠨ ᠭᠡᠯᠬᠢᠭᠰᠡᠨ | ᠵᠢᠷᠦᠭᠡᠨ ᠬᠤᠯᠪᠤᠭᠠ ᠰᠠᠯᠵᠦ ᠬᠠᠭᠠᠴᠠᠬᠤ ᠲᠠᠪᠢᠯᠠᠩ ᠢ ᠶᠢᠰᠤᠨ ᠲᠡᠭᠷᠢ ᠶᠢᠨ ᠴᠠᠭᠠᠨᠠ ᠲᠠᠯᠳᠠᠯᠠᠵᠦ᠂ ᠠᠵᠨ ᠶᠢᠨ | ᠲᠡᠭᠷᠢ ᠠᠰᠢᠳᠠ ᠢᠪᠡᠭᠡᠵᠦ ᠮᠦᠩᠭᠡ ᠵᠠᠶᠠᠭᠠ ᠰᠤᠶᠤᠷᠬᠠᠨᠠ᠂ ᠡᠷᠳᠡ ᠲᠡᠭᠡᠳᠤ ᠠᠴᠠ ᠡᠳᠦᠭᠡ ᠬᠦᠷᠳᠡᠯᠡ ᠬᠠᠶᠢᠷᠡ | ᠭᠡᠰᠢᠭ ᠢᠪᠡᠭᠡᠭᠰᠡᠨ ᠡᠨᠡ ᠰᠠᠶᠢᠬᠠᠨ ᠨᠤᠳᠤᠭ ᠢᠶᠠᠨ ᠦᠶᠡ ᠶᠢᠨ ᠦᠶᠡ ᠳᠤ ᠪᠠᠨ ᠲᠡᠭᠡᠳᠤᠯᠡᠨ ᠪᠢᠰᠢᠷᠡᠵᠦ ᠠᠯᠳᠠᠨ | ᠬᠠᠩᠭᠠᠢ ᠶᠢᠨ ᠤᠷᠤᠢ ᠳᠤ ᠤᠪᠤᠭᠠ ᠪᠤᠰᠬᠠᠨ ᠰᠢᠳᠦᠨ ᠲᠡᠭᠡᠳᠤᠯᠡᠭᠰᠡᠨ ᠨᠢ ᠰᠦᠵᠢᠭ ᠢᠪᠡᠭᠡᠨ ᠰᠦᠨᠳᠡᠷᠯᠡᠨᠡ᠃ | ᠠᠮᠢᠨ ᠰᠦᠨᠡᠰᠤ ᠵᠢᠷᠦᠭᠡᠨ ᠠᠷᠭᠠᠮᠵᠢᠶᠠ ᠨᠤᠳᠤᠭ ᠤᠨ ᠢᠪᠡᠭᠡᠯ ᠤᠨ ᠠᠴᠢ ᠳᠤ ᠬᠠᠶᠢᠷᠡ ᠪᠠᠷ ᠢᠶᠠᠨ | ᠲᠠᠷᠬᠠᠯᠠᠨ ᠭᠡᠨ ᠬᠦᠮᠦᠨ ᠤ ᠰᠦᠢᠳᠭᠡᠯ ᠡᠪᠳᠡᠭᠳᠡᠯ ᠢ ᠲᠠᠰᠤ ᠬᠤᠷᠢᠭᠯᠠᠨ ᠨᠠᠩᠵᠢᠳ ᠬᠦᠭᠰᠢᠨ ᠨᠤᠳᠤᠭ ᠢᠶᠠᠨ | ᠰᠠᠬᠢᠨᠠ᠃ ᠬᠠᠶ᠋ᠨ ᠵᠠᠷᠢᠮ ᠰᠠᠨᠠᠭᠤᠯᠭᠠ ᠠᠪᠳᠠᠭ ᠦᠭᠡᠢ ᠬᠠᠷᠠ ᠨᠢᠭᠤᠷᠳᠠᠨ ᠲᠠᠢ ᠨᠢᠭᠤᠷ ᠤᠯᠠᠶᠢᠯᠭᠠᠨ ᠲᠡᠮᠡᠴᠡᠭᠡᠳ | ᠨᠤᠳᠤᠭ ᠤᠨ ᠬᠦᠮᠦᠰ ᠤᠨ ᠴᠠᠢ ᠶᠢᠨ ᠵᠤᠭᠤᠭ ᠴᠦ ᠪᠤᠯᠵᠦ ᠭᠠᠷᠳᠠᠭ ᠪᠠᠶᠢᠯᠠ᠃ | ᠨᠢᠭᠡ ᠤᠳᠠᠭᠠ ᠭᠠᠵᠠᠷ ᠰᠢᠨᠵᠢᠯᠡᠭᠡᠨ ᠤ ᠠᠩᠬᠢ ᠶᠢᠨ ᠭᠡᠳᠦᠨ ᠬᠦᠮᠦᠨ ᠦᠩ ᠰᠢᠮᠡᠯᠢᠭ ᠬᠦᠷᠦᠰᠤ ᠰᠢᠷᠤᠢ | ᠳᠤᠨᠢ ᠪᠠᠭ᠋ᠠᠷᠬᠠᠵᠦ ᠰᠤᠨᠢᠷᠬᠠᠯ ᠡᠪᠤᠷᠯᠡᠨ ᠪᠠᠶᠢᠴᠠᠭᠠᠬᠤ ᠪᠠᠷ ᠢᠷᠡᠨᠡ ᠭᠡᠳᠡᠭ ᠢ ᠬᠦᠭᠰᠢᠨ ᠭᠤᠸᠠᠢ ᠬᠦᠮᠦᠰ ᠤᠨ | ᠶᠠᠷᠢᠶᠡᠨ ᠠᠴᠠ ᠭᠡᠰᠡᠭ ᠪᠤᠰᠤᠭ ᠰᠤᠨᠤᠰᠤᠭᠠᠳ ᠠᠭᠤᠷᠬᠠᠢ ᠪᠠᠶᠠᠯᠢᠭ ᠢ ᠨᠢ ᠨᠡᠭᠡᠭᠡᠵᠦ ᠠᠷᠢᠭᠤᠨ ᠨᠤᠳᠤᠭ ᠢ ᠨᠢ | ᠡᠪᠳᠡᠬᠦ ᠴᠦ ᠭᠡᠵᠤ ᠠᠳᠡᠬᠦᠷᠡᠭᠡᠳ ᠰᠦᠷᠡᠬᠡᠢ ᠶᠡᠭᠡ ᠭᠡᠷᠡᠭ ᠪᠤᠯᠤᠯᠡ᠃ ᠠᠭᠠᠭ ᠲᠠᠢ ᠴᠠᠢ ᠶᠢᠨ ᠠᠮᠳᠠᠯᠢᠭ ᠢ ᠰᠠᠨᠠᠭᠠ | ᠦᠭᠡᠢ᠂ ᠠᠭᠠᠷᠤᠤᠯ ᠬᠤᠷᠤᠳ ᠤᠨ ᠰᠢᠮᠡ ᠶᠢ ᠴᠦ ᠪᠤᠳᠤᠭᠠ ᠦᠭᠡᠢ ︽ᠲᠡᠷᠨ ᠪᠤᠯᠠᠢ ᠪᠤᠯᠤᠭᠰᠡᠨ ᠬᠠᠷᠠ | ᠦᠷᠦᠮᠳᠡᠬᠦᠷ ᠢᠶᠠᠷ ᠢᠶᠠᠨ ᠠᠯᠤᠰ ᠬᠠᠶᠢᠷᠬᠠᠨ ᠢ ᠰᠡᠪᠳᠦᠭᠡᠵᠦ᠂ ᠲᠤᠪᠤ ᠲᠤᠯᠤᠭᠠᠳ ᠢ ᠦᠯᠡᠳᠡᠭᠡᠯ ᠦᠭᠡᠢ | ᠲᠡᠭᠰᠢᠯᠡᠴᠢᠬᠡᠳᠡᠭ ᠰᠠᠪᠠᠷ ᠢᠶᠠᠷ ᠢᠶᠠᠨ ᠲᠠᠯᠠ ᠶᠢᠨ ᠦᠷᠦᠴᠨ ᠶᠢ ᠰᠢᠷᠬᠠᠯᠠᠭᠤᠯᠴᠢᠬᠠᠳᠠᠭ ᠪᠤᠯᠪᠠᠤ ᠤᠤ︖︾ ᠭᠡᠳ | ᠠᠯᠢ ᠤᠯᠡᠨ ᠢ ᠪᠤᠳᠤᠨ ᠰᠡᠳᠬᠢᠯ ᠠᠯᠭᠠᠰᠠᠨ᠂ ᠨᠤᠶᠢᠷ ᠬᠤᠯᠵᠢᠨ ᠭᠡᠳᠦᠨ ᠰᠦᠨᠢ ᠶᠢ ᠦᠩᠭᠡᠷᠡᠭᠡᠯᠡ᠃ | ᠠᠩᠭᠠᠯᠵᠠᠭᠤᠷ ᠨᠢᠯᠬᠠ ᠤᠮᠪᠤᠯᠤ ᠬᠦᠤ ᠨᠢ ᠶᠡᠭᠡ ᠲᠡᠪᠵᠢᠶᠡᠨ ᠪᠤᠯᠵᠦ ᠭᠡᠷ ᠤᠨ ᠰᠡᠬᠦᠳᠡᠷ ᠳᠠᠬᠢ ᠴᠢᠯᠠᠭᠤᠨ | ᠲᠤᠭᠯᠠᠭᠠᠮ ᠢᠶᠠᠨ ᠤᠷᠬᠢᠵᠦ᠂ ᠬᠠᠪᠴᠢᠯ ᠤᠨ ᠬᠦᠨᠳᠠᠢ ᠳᠠᠬᠢ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠲᠠᠢ ᠵᠠᠯᠭᠠᠯᠳᠤᠬᠤ ᠠᠯᠤᠰ | ᠲᠡᠷᠳᠠᠩ ᠵᠠᠮ ᠢ ᠨᠢᠳᠤ ᠰᠠᠯᠭᠠᠯ ᠦᠭᠡᠢ ᠰᠢᠷᠳᠡᠵᠦ᠂ ᠭᠡᠵᠢᠶᠡ ᠨᠢᠭᠡ ᠭᠦᠷᠦᠭᠡᠳ ᠢᠷᠡᠬᠦ ᠳᠤᠨᠢ ᠮᠡᠳᠡᠶᠡ ᠭᠡᠵᠤ ᠭᠡᠨᠡᠨ | ᠨᠢᠯᠬᠠᠰᠠᠭ ᠭᠡᠤᠭᠡᠳ ᠰᠡᠳᠬᠢᠯ ᠢᠶᠠᠷ ᠨᠢᠳᠤᠷᠭᠠ ᠵᠠᠩᠬᠢᠳᠤᠨᠠ ᠃ ᠲᠤᠰᠬᠤ ᠨᠠᠷᠠᠨ ᠤ ᠭᠡᠷᠡᠯ ᠤᠶᠢᠯᠭᠠᠨ ᠬᠠᠷᠠᠯᠠᠨ | ᠪᠤᠮᠪᠤᠶᠢᠭᠰᠡᠨ ᠬᠠᠴᠠᠷ ᠳᠤᠨᠢ ᠲᠤᠮᠤ ᠬᠦᠮᠦᠨ ᠤ ᠮᠠᠶ᠋ᠢᠭ ᠭᠠᠷᠴᠤ᠂ ᠬᠦᠮᠦᠰᠭᠡ ᠵᠠᠩᠬᠢᠳᠤᠨ ᠶᠡᠭᠡ ᠯᠨ ᠬᠢᠴᠢᠶᠡᠵᠦ | ᠵᠤᠭᠰᠤᠨᠡ᠃ ᠡᠮᠡᠭᠡ ᠶᠢᠨ ᠢᠶᠠᠨ ᠬᠠᠮᠤᠭ ᠤᠨ ᠲᠤᠮᠤ ᠬᠦᠷᠦᠩᠭᠡ ᠶᠢ ᠵᠠᠯᠭᠠᠨ ᠬᠦᠤ ᠲᠡᠶᠢᠮᠤ ᠯᠨ ᠶᠡᠭᠡ ᠤᠮᠤᠭᠳᠠᠢ | ᠪᠠᠶᠢᠭᠰᠡᠨ ᠡ︕ ᠢᠩᠬᠢᠵᠦ ᠯᠨ ᠤᠯᠠᠷᠢᠨ ᠲᠠᠮᠵᠢᠭᠰᠡᠨ ᠬᠠᠶᠢᠷᠠᠨ ᠳᠤᠨᠢ ᠨᠤᠳᠤᠭ ᠤᠨ ᠢᠪᠡᠭᠡᠯ ᠲᠤᠭᠳᠠᠳᠠᠭ | ᠤᠴᠢᠷ ᠲᠠᠢ ᠪᠠᠶᠢᠵᠠᠢ᠃ | ᠦᠷᠯᠦᠭᠡ ᠶᠢᠨ ᠲᠤᠶᠠᠭᠠᠨ ᠳᠤ ᠪᠤᠳᠤᠯ ᠲᠠᠷᠤᠭᠳᠠᠵᠦ ᠬᠤᠯᠨ ᠶᠢᠨ ᠲᠡᠭᠷᠢ ᠬᠦᠭᠡᠷᠡᠨᠡ᠃ ᠬᠠᠪᠴᠢᠯ ᠤᠨ | ᠬᠦᠨᠳᠠᠢ ᠪᠠᠷ ᠢᠳᠠ ᠮᠡᠳᠠᠨ ᠲᠠᠪᠬᠢᠬᠤ ᠳᠤᠨᠢ ᠭᠡᠷᠡᠯ ᠤᠶᠢᠯᠭᠠᠨ ᠨᠢᠳᠤ ᠬᠢᠯᠠᠰᠬᠤ ᠲᠡᠷᠭᠡ ᠬᠦᠭᠰᠢᠨ ᠤ ᠨᠢᠳᠤᠨ ᠳᠤ | ᠤᠶᠢᠷᠠᠳᠤᠨ ᠬᠠᠷᠠᠭᠳᠠᠨᠠ᠃ ᠬᠦᠭᠰᠢᠨ ᠭᠤᠸᠠᠢ ᠰᠠᠨᠳᠤᠷᠤᠨ ᠬᠦᠶᠦᠵᠦ ᠭᠠᠷᠬᠤ ᠳᠤᠨᠢ ᠭᠡᠷ ᠤᠨ ᠬᠤᠶᠢᠮᠤᠷ ᠭᠡᠪᠳᠡᠷᠢ | ᠲᠠᠢ ᠬᠠᠯᠳᠠᠷ ᠨᠤᠬᠠᠢ ᠴᠦ ᠰᠤᠴᠢᠨ ᠪᠤᠰᠴᠤ ᠲᠦᠷᠪᠡᠨ ᠵᠦᠭ ᠢ ᠠᠵᠢᠭᠯᠠᠨᠠ᠃ ᠬᠦᠭᠰᠢᠨ ᠭᠤᠤᠯ ᠵᠠᠮ ᠢ ᠨᠢ ᠲᠠᠭ | ᠪᠦᠭᠯᠡᠨ ᠵᠤᠭᠰᠤᠴᠢᠬᠠᠭᠠᠳ ᠰᠦᠷ ᠦᠵᠡᠬᠦᠯᠬᠦ ᠨᠢ ᠲᠡᠷᠨ᠃ ᠲᠠᠮᠠᠢ ᠤᠳᠠᠯ ᠦᠭᠡᠢ ᠬᠦᠭᠰᠢᠨ ᠤ ᠤᠮᠪᠤᠯᠤ ᠬᠦᠤ ᠴᠦ | ᠬᠦᠶᠦᠵᠦ ᠢᠷᠡᠯᠡ᠃ ᠭᠠᠷ ᠲᠤ ᠪᠠᠨ ᠲᠤᠮᠤ ᠰᠢᠳᠠᠮ ᠠᠳᠬᠤᠨ ᠲᠠᠭᠠᠭᠠᠵᠦ ᠶᠠᠳᠠᠨ ᠡᠷᠬᠢᠬᠦᠯᠦᠨᠡ᠃ | ᠲᠡᠷᠭᠡ ᠠᠭᠠᠵᠢᠮ ᠨᠠᠭᠠᠰᠢᠯᠠᠨᠠ᠃ ᠬᠦᠭᠰᠢᠨ ᠵᠠᠮ ᠲᠠᠯᠪᠢᠬᠤ ᠮᠠᠶ᠋ᠢᠭ ᠦᠭᠡᠢ᠃ ᠲᠡᠷᠭᠡᠨ ᠳᠠᠬᠢ ᠬᠦᠮᠦᠰ | ᠮᠡᠯᠡ ᠭᠠᠶᠢᠬᠠᠴᠢᠬᠠᠭᠠᠳ ᠲᠡᠷᠭᠡ ᠪᠠᠨ ᠵᠤᠭᠰᠤᠭᠠᠯᠠ᠃ ᠲᠡᠷᠬᠡᠨ ᠳᠤ ᠰᠠᠭᠤᠭᠰᠡᠨ ᠨᠢᠭᠡ ᠵᠠᠯᠠᠭᠤ ᠬᠦᠩᠭᠡᠮᠰᠦᠭ | ᠠᠯᠬᠤᠨ ᠪᠠᠭᠤᠵᠦ ᠢᠷᠡᠯᠡ᠃ ᠯᠤᠩᠬᠤᠨ ᠢᠷᠤᠭᠠᠷ ᠢᠶᠠᠷ ᠭᠡᠴᠢᠭᠡᠪᠡᠤ ᠭᠡᠮᠡᠷ ᠨᠢᠳᠤᠨ ᠰᠢᠯ ᠵᠡᠬᠦᠭᠡᠳ ᠲᠦᠪ | ᠡᠷᠬᠢᠮᠰᠦᠭ ᠬᠤᠪᠴᠠᠯᠠᠨ ᠪᠢᠴᠢᠭᠳᠡᠠ ᠬᠦᠮᠦᠨ ᠤ ᠤᠶᠤᠨ ᠢ ᠭᠠᠶᠢᠬᠠᠭᠤᠯᠤᠨᠡ᠃ ᠵᠠᠯᠠᠭᠤ ᠬᠦᠭᠰᠢᠨ ᠲᠠᠢ ᠭᠡᠰᠡᠭ | ᠶᠠᠷᠢᠶᠡ ᠪᠤᠯᠤᠭᠠᠳ ᠢᠷᠠᠯᠳᠠ ᠵᠤᠷᠢᠯᠳᠠ ᠪᠠᠨ ᠭᠡᠯᠡᠵᠦ᠂ ᠮᠠᠭᠤ ᠰᠠᠨᠠᠭᠠ ᠦᠭᠡᠢ ᠪᠠᠨ ᠲᠤᠳᠤᠷᠬᠠᠶᠢᠯᠠᠭᠰᠡᠨ ᠴᠦ ︽ | ᠵᠠᠯᠢ ᠭᠠᠷᠭᠠᠬᠤ ᠨᠢ︾ ᠭᠡᠳ ᠤᠯᠠᠮ ᠨᠠᠭᠠᠰᠢ ᠦᠭᠡᠢ ᠪᠤᠯᠤᠭᠰᠡᠨ ᠭᠡᠷᠡᠭ᠃ ᠡᠨᠡ ᠦᠶᠡ ᠳᠤ ᠵᠢᠭᠠᠯ ᠬᠦᠤ ᠴᠦ | ᠡᠮᠡᠭᠡ ᠶᠢᠨ ᠢᠶᠠᠨ ᠠᠷᠤ ᠳᠤ ᠨᠢᠭᠤᠭᠳᠠᠨ ᠮᠠᠭᠤᠬᠠᠢ ᠨᠢᠳᠤ ᠪᠠᠷ ᠰᠢᠷᠪᠢᠬᠡᠳ ᠵᠠᠨᠤᠯ ᠬᠤᠷᠤᠰᠤᠯ ᠢᠶᠠᠨ ᠲᠠᠶᠢᠯᠤᠭᠰᠠᠨ | ᠰᠢᠭ᠋ ᠲᠠᠶᠢᠳᠬᠤᠷᠠᠵᠤ ᠲᠤᠮᠤ ᠠᠯᠠᠭ ᠨᠢᠳᠤ ᠨᠢ ᠬᠦᠯᠪᠡᠯᠵᠢᠨ ᠬᠦᠳᠡᠯᠦᠨᠡ᠃ ᠠᠯᠢ ᠰᠡᠬᠦᠯᠡᠷ ᠨᠢ ᠭᠠᠴᠠᠭᠠᠨ ᠤ | ᠲᠠᠷᠤᠭᠠ ᠢᠷᠡᠵᠦ ᠬᠦᠭᠰᠢᠨ ᠰᠠᠶ᠋ᠢ ᠰᠠᠨᠠᠭᠠ ᠠᠮᠤᠷᠴᠤ ᠭᠡᠷ ᠲᠤ ᠪᠠᠨ ᠬᠠᠷᠢᠭᠰᠡᠨ ᠭᠡᠨᠡ᠃ | ᠨᠤᠳᠤᠭ ᠤᠨ ᠪᠤᠭᠤᠷᠤᠯ ᠤᠨ ᠮᠠᠨᠢ ᠠᠷᠢᠭᠤᠨ ᠴᠠᠭᠠᠨ ᠬᠠᠶᠢᠷᠡ ᠶᠢᠨ ᠰᠠᠴᠤᠯᠢ ᠰᠢᠷᠤᠢ ᠪᠠᠨ ᠤᠮᠳᠠᠯᠠᠵᠦ | ᠨᠤᠳᠤᠭ ᠢᠶᠠᠨ ᠪᠦᠪᠡᠶᠢᠯᠡᠭᠰᠡᠨ ᠡ︕ ᠦᠳᠡᠯᠦᠭᠡ ᠨᠠᠰᠤᠨ ᠤ ᠪᠠᠨ ᠦᠴᠦᠭᠡᠨ ᠴᠢᠳᠠᠯ ᠢᠶᠠᠨ ᠨᠤᠳᠤᠭ ᠤᠨ ᠠᠴᠢ | ᠳᠤ ᠦᠭᠬᠦᠭᠰᠡᠨ ᠡ︕ ᠲᠤᠮᠤᠬᠠᠨ ᠬᠠᠶᠢᠷᠡ ᠶᠢᠨ ᠬᠢᠨ ᠵᠢᠵᠢᠭᠭᠡᠨ ᠠᠴᠢ ᠲᠡᠷᠨ ᠪᠢᠯᠨ᠃ ᠦᠷᠦᠴᠨ ᠪᠠᠷ ᠢᠶᠠᠨ | ᠲᠠᠯᠠ ᠪᠠᠨ ᠰᠠᠨᠠᠵᠦ᠂ ᠵᠢᠷᠦᠭᠡ ᠪᠠᠷ ᠢᠶᠠᠨ ᠠᠭᠤᠯᠨ ᠪᠠᠨ ᠰᠢᠳᠦᠳᠡᠭ ᠮᠤᠩᠭᠤᠯᠴᠤᠳ ᠨᠤᠭᠤᠭᠠᠷᠠᠬᠤ ᠲᠠᠯᠠ ᠪᠠᠨ | ᠬᠠᠷᠠᠬᠤ ᠨᠢᠳᠤᠨ ᠤ ᠬᠠᠷᠠ ᠮᠠᠯᠮᠠᠢ ᠳᠤ ᠪᠤᠳᠤᠵᠦ᠂ ᠤᠷᠤᠰᠬᠤ ᠭᠤᠤᠯ ᠢᠶᠠᠨ ᠠᠮᠢᠨ ᠰᠤᠳᠠᠰᠤ ᠶᠢᠨ ᠯᠤᠭᠰᠢᠬᠤ | ᠲᠤᠯᠬᠢᠶᠡᠨ ᠳᠤ ᠰᠠᠨᠠᠵᠦ᠂ ᠰᠦᠭ ᠰᠦᠨᠡᠰᠤ ᠪᠠᠨ ᠬᠦᠷᠦᠰᠤᠨ ᠳᠤ ᠪᠠᠨ ᠰᠢᠩᠭᠡᠭᠰᠡᠨ ᠲᠡᠭᠡᠳᠦᠰ ᠮᠢᠨᠢ ᠤᠳᠤ ᠴᠦ | ᠭᠡᠰᠡᠨ ᠨᠤᠳᠤᠭ ᠢᠶᠠᠨ ᠰᠠᠬᠢᠵᠦ ᠰᠠᠭᠤᠨᠡ᠃ | ᠭᠡᠵᠢᠶᠡ ᠨᠢᠭᠡ ᠡᠳᠤᠷ ᠨᠤᠳᠤᠭ ᠤᠨ ᠢᠶᠠᠨ ᠤᠩᠭᠤᠨ ᠲᠠᠷᠬᠠᠨ ᠢ ᠡᠪᠳᠡᠵᠦ ᠨᠤᠳᠤᠭ ᠤᠨ ᠢᠶᠠᠨ ᠡᠯᠢᠭᠡ ᠶᠢ | ᠰᠡᠪᠳᠦᠭᠡᠬᠦ ᠳᠤ ᠬᠦᠷᠪᠡᠯ ᠪᠢᠳᠠ ᠡᠪᠦᠭᠡ ᠲᠡᠭᠡᠳᠦᠰ ᠦᠷᠡ ᠬᠤᠶᠢᠴᠢᠰ ᠲᠤ ᠪᠠᠨ ᠲᠦᠯᠦᠭᠡᠳ ᠪᠠᠷᠠᠰᠢ ᠦᠭᠡᠢ | ᠦᠷᠢᠨ ᠳᠤ ᠤᠨᠠᠵᠤ ᠠᠷᠢᠯᠭᠠᠵᠦ ᠲᠠᠭᠤᠰᠤᠰᠢ ᠦᠭᠡᠢ ᠨᠢᠬᠦᠯ ᠳᠤ ᠤᠴᠠᠷᠠᠨᠠ᠃ ᠲᠡᠷᠨ ᠦᠶᠡ ᠳᠤ ᠤᠨᠳᠠᠬᠤ | ᠨᠤᠶᠢᠷ ᠤᠨ ᠵᠡᠬᠦᠳᠤᠨ ᠳᠤ ᠴᠦ ᠦᠭᠡᠳᠠ ᠠᠴᠠ ᠴᠢᠨᠢ ᠨᠢᠯᠪᠤᠰᠤ ᠲᠤᠰᠤᠯᠭᠠᠨ ᠭᠤᠨᠢᠨ ᠤᠬᠢᠯᠠᠭᠠ ᠨᠤᠳᠤᠭ ᠴᠢᠨᠢ | ᠦᠵᠡᠭᠳᠡᠬᠦ ᠪᠠᠶᠢᠬᠠ︕ | ᠨᠣᠳᠤᠭ ᠢᠶᠠᠨ ᠬᠠᠶᠢᠷᠠᠯᠠᠳᠠᠭ ᠰᠡᠳᠬᠢᠯ ᠳᠤᠨᠢ ᠤᠶᠠᠷᠠᠵᠦ ᠬᠠᠶᠢᠷᠠᠯᠠᠭᠳᠠᠭᠰᠡᠨ ᠲᠠᠯᠠ ᠨᠢ ᠮᠦᠩᠭᠡᠷᠡᠳᠡᠭ ᠶᠤᠮ | ᠡ︕ ᠪᠤᠯᠤᠷ ᠰᠢᠭ᠋ ᠨᠠᠪᠳᠡ ᠬᠠᠷᠠᠭᠳᠠᠳᠠᠭ ᠬᠠᠶᠢᠷᠠ ᠨᠢ ᠲᠡᠷᠨ ᠴᠦ ᠶᠤᠮ ᠤᠤ︖ ᠶᠠᠮᠠᠷ ᠲᠤᠩᠭᠠᠯᠠᠭ ᠪᠤᠢ︕ | ᠴᠢᠯᠠᠭᠤ ᠰᠢᠭ᠋ ᠬᠠᠳᠠᠭᠤ ᠬᠠᠶᠢᠷᠡ ᠨᠢ ᠮᠥᠨ ᠲᠡᠷᠨ ᠪᠢᠯᠨ ᠤᠤ︖ ᠶᠠᠮᠠᠷ ᠪᠠᠬᠢ ᠪᠤᠢ︕ ᠠᠯᠳᠠᠩᠬᠠᠨ ᠠᠮᠢ ᠶᠢᠨ | ᠬᠢᠨ ᠮᠦᠩᠭᠡ ᠪᠤᠯᠵᠦ ᠨᠤᠳᠤᠭ ᠤᠨ ᠲᠡᠭᠷᠢ ᠮᠠᠯᠳᠠᠶᠢᠨ ᠴᠡᠯᠮᠡᠭᠵᠢᠨᠡ᠃ ᠲᠡᠭᠷᠢ ᠤᠶᠠᠷᠠᠭᠠᠵᠦ ᠭᠠᠵᠠᠷ | ᠲᠤᠭᠲᠤᠯᠤᠭᠤᠯᠤᠨ ᠲᠠᠯᠠ ᠶᠢᠨ ᠲᠠᠨᠵᠢ ᠬᠦᠭᠡᠷᠡᠨ ᠮᠦᠰᠢᠶᠡᠨᠡ ᠁ | ※ ᠲᠤᠰ ᠵᠤᠬᠢᠶᠠᠯ ᠲᠦᠷᠪᠡᠲᠦᠬᠡᠷ ᠤᠲᠠᠭᠠᠨ ᠤ ᠨᠠᠢᠮᠠᠨ ᠰᠢᠷᠭᠠ ᠵᠤᠬᠢᠶᠠᠯ ᠤᠨ | ᠣᠷᠣᠯᠲᠤᠭᠠᠨ ᠳᠤ ᠭᠤᠷᠪᠠᠲᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ— ᠶᠢᠨᠬᠤᠸᠠ |