ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠭᠠᠵᠠᠷ ᠤᠨ ᠭᠠᠮᠰᠢᠭ ᠬᠦᠨᠦᠬᠡᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2015/12/20
     ᠭᠠᠵᠠᠷ ᠤᠨ ᠭᠠᠮᠰᠢᠭ ᠬᠦᠨᠦᠬᠡᠯ ᠪᠤᠯ ᠪᠠᠶᠢᠭᠠᠯᠢ ᠶᠢᠨ ᠰᠢᠯᠳᠠᠭᠠᠨ ᠪᠤᠶᠤ ᠬᠦᠮᠦᠨ ᠤ ᠠᠵᠢᠯᠯᠠᠭ᠎ᠠ ᠠᠴᠠ ᠪᠤᠯᠵᠤ ᠠᠭᠤᠯᠠ ᠶᠡᠬᠦᠷᠡᠬᠦ᠂ ᠠᠭᠤᠯᠠ ᠭᠤᠯᠭᠤᠷᠢᠬᠤ᠂ ᠰᠢᠪᠠᠷ ᠴᠢᠯᠠᠭᠤ ᠤᠷᠤᠰᠬᠤ᠂ ᠭᠠᠵᠠᠷ ᠠᠩ ᠴᠠᠪ ᠭᠠᠷᠬᠤ᠂ ᠭᠠᠵᠠᠷ  ᠤᠨ ᠭᠠᠳᠠᠷᠭᠤ ᠴᠦᠮᠦᠷᠢᠬᠦ᠂ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠳᠤᠷᠤᠭᠰᠢ ᠰᠠᠭᠤᠬᠤ ᠵᠡᠷᠬᠡ ᠭᠠᠵᠠᠷ ᠤᠨ ᠦᠢᠯᠡᠳᠦᠯ ᠯᠦᠭᠡ ᠬᠤᠯᠪᠤᠭ᠎ᠠ ᠲᠠᠢ ᠭᠠᠮᠰᠢᠭ ᠬᠦᠨᠦᠬᠡᠯ ᠪᠤᠯᠤᠨ᠎ᠠ᠃      ᠰᠢᠪᠠᠷ ᠴᠢᠯᠠᠭᠤ ᠤᠷᠤᠰᠬᠤ      ᠰᠢᠪᠠᠷ ᠴᠢᠯᠠᠭᠤ ᠤᠷᠤᠰᠬᠤ ᠬᠡᠳᠡᠭ ᠨᠢ ᠠᠭᠤᠯᠠᠷᠬᠠᠭ ᠤᠷᠤᠨ ᠤ ᠬᠠᠵᠠᠭᠤ ᠬᠢᠷ᠎ᠠ ᠪᠤᠶᠤ ᠭᠤᠤ ᠭᠠᠩᠭ᠎ᠠ ᠶᠢᠨ ᠰᠤᠯᠠ ᠬᠠᠶᠢᠷ ᠴᠢᠯᠠᠭᠤ ᠪᠤᠶᠤ ᠰᠤᠯᠠ ᠬᠦᠪᠰᠡᠬᠡᠷ ᠪᠦᠬᠦᠢ ᠠᠭᠤᠯᠠ ᠶᠢᠨ ᠴᠤᠭᠴᠠ ᠨᠢ ᠳᠤᠭᠰᠢᠨ ᠪᠤᠷᠤᠭᠠᠨ᠂ ᠮᠦᠰᠦ ᠴᠠᠰᠤ ᠬᠠᠶᠢᠯᠵᠤ ᠬᠡᠰᠦᠭᠰᠡᠨ ᠵᠡᠷᠬᠡ ᠠᠴᠠ ᠪᠤᠯᠵᠤ ᠤᠷᠤᠰᠬᠤ ᠤᠨᠴᠠᠭᠠᠢ ᠦᠶᠡᠷ ᠤᠷᠤᠰᠬᠠᠯ ᠪᠤᠯᠤᠨ᠎ᠠ᠃      ᠰᠡᠷᠬᠡᠶᠢᠯᠡᠬᠦ ᠭᠤᠤᠯᠳᠠᠯᠭ᠎ᠠ      ● ᠭᠤᠤᠯ ᠤᠨ ᠤᠷᠤᠰᠬᠠᠯ ᠬᠡᠨᠡᠳᠳᠡ ᠪᠠᠷ ᠳᠠᠰᠤᠷᠠᠬᠤ ᠪᠤᠶᠤ ᠬᠡᠨᠡᠳᠳᠡ ᠪᠠᠷ ᠨᠡᠮᠡᠭᠳᠡᠵᠦ᠂ ᠡᠯᠳᠡᠪ ᠵᠦᠢᠯ  ᠤᠨ ᠪᠤᠳᠠᠰ ᠡᠪᠡᠰᠦ ᠮᠤᠳᠤᠨ ᠤ ᠨᠠᠮᠠᠭ᠎ᠠ ᠰᠠᠯᠠᠭ᠎ᠠ ᠬᠤᠯᠢᠯᠳᠤᠵᠤ ᠢᠪᠡᠷᠡᠨ᠎ᠡ᠃      ● ᠬᠦᠨ ᠭᠠᠩᠭ᠎ᠠ ᠪᠤᠶᠤ ᠭᠤᠤ ᠰᠤᠪᠠᠭ ᠠᠴᠠ ᠭᠠᠯᠳᠤ ᠳᠡᠷᠬᠡᠨ ᠤ ᠪᠤᠶᠤ ᠠᠶᠤᠩᠭ᠎ᠠ ᠨᠢᠵᠢᠬᠢᠨᠡᠬᠦ ᠮᠡᠳᠦ ᠳᠠᠭᠤᠨ ᠰᠤᠨᠤᠰᠳᠠᠨ᠎ᠠ᠃      ● ᠬᠦᠨᠳᠡᠢ ᠬᠠᠪᠴᠢᠯ ᠳᠤ ᠬᠡᠨᠡᠳᠳᠡ ᠪᠠᠷ ᠳᠦᠨᠡᠷ ᠬᠠᠷᠠᠩᠭᠤᠢ ᠪᠤᠯᠬᠤ ᠶᠢᠨ ᠵᠡᠷᠬᠡ ᠳᠤᠯᠬᠢᠰᠤᠨ ᠬᠦᠳᠡᠯᠬᠦ ᠪᠠᠶᠢᠳᠠᠯ ᠮᠡᠳᠡᠭᠳᠡᠮ᠎ᠡ ᠢᠯᠡᠷᠡᠨ᠎ᠡ᠃      ᠠᠷᠭᠠᠴᠠᠭᠠᠬᠤ ᠭᠤᠤᠯᠳᠠᠯᠭ᠎ᠠ      ● ᠵᠢᠭᠤᠳᠠᠨ ᠳᠤᠳᠠᠭᠠᠬᠤ ᠦᠶᠡᠰ ᠬᠦᠨᠳᠦ ᠪᠤᠳᠠᠰ ᠢ ᠠᠪᠴᠤ ᠪᠤᠯᠬᠤ ᠦᠬᠡᠢ᠃      ● ᠨᠠᠮ ᠬᠤᠳᠤᠭᠤᠷ ᠭᠠᠵᠠᠷ ᠢᠶᠠᠷ ᠡᠷᠬᠢᠴᠡᠵᠦ ᠪᠤᠯᠬᠤ ᠦᠬᠡᠢ᠃      ● ᠴᠢᠯᠠᠭᠤ ᠦᠩᠬᠦᠷᠢᠳᠦᠬᠦ ᠪᠤᠶᠤ ᠡᠯᠳᠡᠪ ᠤᠨ ᠪᠤᠳᠠᠰ ᠤᠪᠤᠭᠠᠷᠠᠯᠳᠤᠭᠰᠠᠨ ᠠᠭᠤᠯᠠᠨ ᠪᠠᠯ ᠢᠶᠠᠷ ᠳᠠᠯᠳᠠᠯᠠᠵᠤ ᠪᠤᠯᠬᠤ ᠦᠬᠡᠢ᠃      ᠠᠭᠤᠯᠠ ᠭᠤᠯᠭᠤᠷᠢᠬᠤ ᠪᠤᠶᠤ ᠶᠡᠬᠦᠷᠡᠬᠦ      ᠠᠭᠤᠯᠠ ᠭᠤᠯᠭᠤᠷᠢᠬᠤ ᠬᠡᠳᠡᠭ ᠨᠢ ᠬᠠᠳᠠ ᠴᠢᠯᠠᠭᠤ ᠰᠢᠷᠤᠢ ᠨᠢ ᠳᠠᠷᠤᠯᠳᠠ ᠪᠤᠶᠤ ᠤᠰᠤ ᠵᠡᠷᠬᠡ ᠭᠠᠳᠠᠭᠠᠳᠤ ᠤᠷᠴᠢᠨ ᠤ ᠨᠦᠯᠦᠬᠡᠯᠡᠯ ᠢᠶᠠᠷ ᠬᠠᠷᠢᠯᠴᠠᠨ ᠳᠦᠯᠬᠢᠯᠴᠡᠵᠦ ᠵᠦᠬᠡᠯᠡᠨ ᠭᠠᠳᠠᠷᠭᠤ ᠶᠢᠨ ᠪᠦᠬᠦᠯᠢ ᠴᠤᠭᠴᠠ ᠬᠢᠬᠡᠳ ᠬᠡᠰᠡᠭ ᠭᠠᠳᠠᠷᠭᠤ ᠨᠢ ᠳᠤᠷᠤᠭᠰᠢ ᠭᠤᠯᠭᠤᠷᠢᠨ ᠬᠦᠳᠡᠯᠬᠦ ᠶᠢ ᠵᠢᠭᠠᠵᠤ ᠪᠤᠢ᠃      ᠶᠡᠬᠦᠷᠡᠬᠦ ᠬᠡᠳᠡᠭ ᠨᠢ ᠬᠠᠳᠠ ᠰᠢᠷᠤᠢ ᠬᠡᠨᠡᠳᠳᠡ ᠪᠠᠷ ᠳᠤᠷᠤᠭᠰᠢ ᠪᠠᠭᠤᠬᠤ ᠬᠦᠳᠡᠯᠬᠡᠬᠡᠨ ᠢ ᠬᠡᠯᠡᠵᠦ ᠪᠤᠢ᠃ ᠶᠡᠷᠦ ᠳᠤ ᠪᠠᠨ ᠬᠠᠵᠠᠭᠤ ᠪᠠᠯ ᠤᠨ ᠬᠠᠳᠠ ᠰᠢᠷᠤᠢ ᠨᠢ ᠠᠭᠤᠯᠠᠨ ᠠᠴᠠ ᠰᠠᠯᠵᠤ ᠬᠠᠭᠠᠷᠠᠭᠠᠳ ᠬᠤᠷᠮᠤᠢ ᠵᠦᠭ ᠢᠶᠠᠨ ᠤᠪᠤᠭᠠᠷᠠᠯᠳᠤᠨ ᠪᠠᠭᠤᠳᠠᠭ᠃      ᠰᠡᠷᠬᠡᠶᠢᠯᠡᠬᠦ ᠭᠤᠤᠯᠳᠠᠯᠭ᠎ᠠ      ● ᠤᠷᠤᠰᠬᠠᠯ ᠳᠠᠰᠤᠷᠠᠭᠰᠠᠨ ᠪᠤᠯᠠᠭ ᠳᠠᠬᠢᠨ ᠪᠤᠷᠬᠢᠯᠬᠤ ᠪᠤᠶᠤ ᠪᠤᠯᠠᠭ᠂ ᠬᠤᠳᠳᠤᠭ ᠤᠨ ᠤᠰᠤ ᠬᠡᠨᠡᠳᠳᠡ  ᠪᠠᠷ ᠰᠢᠷᠬᠢᠳᠡᠭ᠃      ● ᠨᠤᠷᠠᠵᠤ ᠭᠤᠯᠭᠤᠷᠢᠭᠰᠠᠨ ᠠᠭᠤᠯᠠ ᠶᠢᠨ ᠠᠩ ᠴᠠᠪ ᠨᠢ ᠶᠡᠬᠡᠳᠴᠦ ᠬᠦᠢᠳᠡᠨ ᠠᠭᠤᠷ ᠪᠤᠶᠤ ᠬᠠᠯᠠᠭᠤᠨ ᠠᠭᠤᠷ ᠭᠠᠷᠳᠠᠭ᠃      ● ᠬᠠᠳᠠ ᠴᠢᠯᠠᠭᠤ ᠬᠠᠭᠠᠷᠬᠤ ᠪᠤᠶᠤ ᠳᠠᠷᠤᠭᠳᠠᠭᠰᠠᠨ ᠳᠠᠭᠤᠨ ᠭᠠᠷᠳᠠᠭ᠃ᠠᠷᠭᠠᠴᠠᠭᠠᠬᠤ ᠭᠤᠤᠯᠳᠠᠯᠭ᠎ᠠ      ● ᠶᠠᠪᠠᠭᠠᠨ ᠬᠦᠮᠦᠰ ᠳᠠᠷᠤᠢ ᠳᠦᠷᠬᠡᠨ ᠬᠤᠶᠠᠷ ᠳᠠᠯ᠎ᠠ ᠶᠢᠨ ᠠᠮᠤᠷ ᠳᠦᠪᠰᠢᠨ ᠭᠠᠵᠠᠷ ᠵᠦᠭ ᠰᠢᠯᠵᠢᠨ᠎ᠡ᠃ ᠬᠠᠳᠠ ᠰᠢᠷᠤᠢ ᠭᠤᠯᠭᠤᠷᠢᠵᠤ ᠪᠠᠶᠢᠭ᠎ᠠ ᠴᠢᠭᠯᠡᠯ ᠪᠤᠶᠤ ᠡᠰᠡᠷᠬᠦ ᠴᠢᠭᠯᠡᠯ ᠵᠦᠭ ᠨᠢ ᠶᠠᠪᠤᠵᠤ ᠪᠤᠯᠬᠤ ᠦᠬᠡᠢ᠃ ᠳᠤᠯᠤᠭᠠᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠶᠢ ᠠᠩᠬᠠᠷᠬᠤ ᠬᠡᠷᠡᠭᠳᠠᠢ᠃      ● ᠳᠡᠷᠬᠡ ᠪᠠᠷ ᠵᠠᠮᠨᠠᠵᠤ ᠪᠠᠶᠢᠪᠠᠯ ᠳᠦᠷᠬᠡᠬᠡᠨ ᠨᠠᠯᠤ ᠢᠪᠴᠤᠤ ᠭᠠᠵᠠᠷ ᠠᠴᠠ ᠵᠢᠭᠤᠳᠠᠵᠤ ᠳᠡᠭᠰᠢ ᠠᠭᠤᠳᠠᠮ ᠭᠠᠵᠠᠷ ᠲᠤ ᠬᠦᠷᠴᠦ ᠳᠠᠯᠳᠠᠯᠠᠬᠤ ᠬᠡᠷᠡᠭᠳᠠᠢ᠃      ● ᠠᠭᠤᠯᠠ ᠭᠤᠯᠭᠤᠷᠢᠵᠤ ᠶᠡᠬᠦᠷᠡᠬᠡᠳ ᠵᠠᠮ ᠢ ᠬᠠᠰᠢᠭᠰᠠᠨ ᠪᠤᠯ ᠵᠠᠮ ᠬᠠᠷᠢᠯᠴᠠᠭ᠎ᠠ ᠶᠢᠨ ᠵᠢᠯᠤᠭᠤᠳᠤᠯᠭ᠎ᠠ  ᠶᠢ ᠳᠠᠭᠠᠵᠤ ᠳᠤᠬᠢᠶ᠎ᠠ ᠶᠢ ᠵᠢᠷᠤᠮᠯᠠᠬᠤ ᠬᠡᠷᠡᠭᠳᠠᠢ᠃
 
ᠢᠷᠡᠯᠲᠡ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠤᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠥᠮᠥᠨ ᠬᠠᠷ᠎ᠠ ᠲᠥᠪᠯᠡᠷᠡᠭᠰᠡᠨ ᠭᠠᠵᠠᠷ ᠲᠠᠯᠠᠪᠤᠷ ᠤᠨ ᠭᠠᠯ ᠤᠨ ᠠᠶᠤᠯ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠨᠢ
ᠦᠷᠬᠦᠯᠵᠢ ᠳᠤᠬᠢᠶᠠᠯᠳᠤᠳᠠᠭ ᠰᠢᠷᠬ᠎ᠠ ᠪᠤᠶᠤ ᠡᠪᠡᠳᠴᠢᠨ ᠢ ᠡᠮᠨᠡᠬᠦ ᠶᠡᠷᠦ ᠶᠢᠨ ᠮᠡᠳᠡᠯᠬᠡ ︵ᠵᠢᠷᠭᠤᠭ᠎ᠠ︶
ᠦᠷᠬᠦᠯᠵᠢ ᠳᠤᠬᠢᠶᠠᠯᠳᠤᠳᠠᠭ ᠰᠢᠷᠬ᠎ᠠ ᠪᠤᠶᠤ ᠡᠪᠡᠳᠴᠢᠨ ᠢ ᠡᠮᠨᠡᠬᠦ ᠶᠡᠷᠦ ᠶᠢᠨ ᠮᠡᠳᠡᠯᠬᠡ ︵ᠲᠠᠪᠤ︶
ᠦᠷᠬᠦᠯᠵᠢ ᠳᠤᠬᠢᠶᠠᠯᠳᠤᠳᠠᠭ ᠰᠢᠷᠬ᠎ᠠ ᠪᠤᠶᠤ ᠡᠪᠡᠳᠴᠢᠨ ᠢ ᠡᠮᠨᠡᠬᠦ ᠶᠡᠷᠦ ᠶᠢᠨ ᠮᠡᠳᠡᠯᠬᠡ ︵ᠳᠦᠷᠪᠡ︶
ᠲᠤᠰᠬᠠᠢ ᠮᠡᠷᠬᠡᠵᠢᠯᠳᠠᠨ ᠤ ᠲᠤᠭᠤᠶᠢᠯᠠᠩ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05003979号