ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠬᠦᠷᠠᠯᠵᠠᠭᠠᠨ ᠤ ᠬᠠᠶᠢᠷ᠎ᠠ ᠪᠠ ᠬᠠᠷᠢᠭᠤᠴᠠᠯᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/12/8
                  ︽ᠭᠡᠷ ᠪᠦᠯᠢ ᠪᠣᠯ ᠨᠡᠶᠢᠭᠡᠮ ᠤᠨ ᠨᠢᠭᠡᠨ ᠡᠰ ᠮᠦᠨ︾᠂ ᠭᠡᠷ ᠪᠦᠯᠢ ᠳᠤ ᠪᠠᠨ ᠬᠠᠷᠢᠭᠤᠴᠠᠯᠭ᠎ᠠ ᠲᠠᠢ ᠬᠦᠮᠦᠨ᠂ ᠦᠷ᠎ᠡ ᠬᠡᠤᠬᠡᠳ ᠢᠶᠠᠨ ᠰᠠᠶᠢᠨ ᠢᠶᠠᠷ ᠦᠰᠭᠡᠵᠦ ᠬᠦᠮᠦᠵᠢᠭᠦᠯᠦᠭᠰᠡᠨ ᠭᠡᠷ ᠪᠦᠯᠢ ᠨᠢ ᠴᠦᠮ ᠨᠢᠭᠡᠨ ᠠᠳᠠᠯᠢ  ᠪᠠᠷ ᠨᠡᠶᠢᠭᠡᠮ ᠳᠤ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠬᠦᠢᠴᠠᠳᠬᠡᠵᠤ᠂ ᠡᠶ᠎ᠡ ᠵᠤᠬᠢᠴᠠᠯᠳᠦ ᠪᠤᠯᠪᠠᠰᠤᠨ ᠨᠡᠶᠢᠭᠡᠮ ᠢ ᠪᠠᠶᠢᠭᠤᠯᠬᠤ ᠳᠤ ᠬᠤᠪᠢ ᠨᠡᠮᠡᠷᠢ ᠪᠠᠨ ᠡᠷᠬᠦᠭᠰᠡᠨ ᠳᠤ ᠲᠤᠭᠠᠴᠢᠭᠳᠠᠨ᠎ᠠ᠃        ᠳᠡᠭᠡᠷ᠎ᠠ ᠵᠠᠭᠤᠨ ᠤ ᠶᠡᠷᠡᠭᠡᠳ ᠣᠨ ᠳᠤ ᠬᠦᠷᠠᠯᠵᠠᠭᠠᠨ ᠡᠷᠳᠠᠨᠢᠬᠦᠣ ᠶᠢᠨ ᠬᠢᠨ ᠬᠡᠰᠡᠨ ᠨᠢᠭᠡᠨ ᠰᠠᠶᠢᠬᠠᠨ ᠰᠢᠨ᠎ᠡ ᠪᠦᠯᠢ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠪᠠᠶ᠋ᠬᠠᠦ᠋ᠠᠳᠦᠷ ᠨᠣᠲᠤᠭ ᠤᠨ ᠰᠢᠷᠠᠪᠤᠳᠠ ᠠᠶᠢᠯ ᠳᠤ ᠡᠷᠦᠬᠡ ᠪᠠᠨ ᠰᠡᠬᠦᠨ ᠲᠤᠯᠭ᠎ᠠ ᠪᠠᠨ ᠲᠤᠯᠤᠨ ᠠᠮᠢᠳᠤᠷᠠᠯ ᠡᠬᠢᠯᠡᠭᠦᠯᠦᠯ᠎ᠡ᠃ ᠲᠠᠷᠠᠭ᠎ᠠ ᠵᠢᠯ ᠨᠢ ᠠᠮᠠ ᠪᠦᠯᠢ ᠨᠡᠮᠡᠭᠳᠡᠵᠦ ᠬᠥᠤ ᠲᠠᠢ ᠪᠤᠯᠤᠭᠰᠠᠨ ᠠᠴᠠ ᠡᠳᠡᠨᠡᠶᠢᠬᠢᠨ ᠳᠤ ᠬᠤᠪᠢ ᠶᠢᠨ ᠭᠠᠳᠠᠨ᠎ᠠ ᠪᠠᠶᠡᠷ ᠵᠢᠷᠭᠠᠯ ᠠᠪᠴᠢᠷᠠᠵᠤ᠂ ᠠᠮᠢᠳᠤᠷᠠᠯ  ᠪᠠᠶᠠᠨ ᠲᠠᠩᠰᠤᠭ ᠪᠢᠰᠢ ᠴᠦ ᠪᠠᠶᠡᠷ ᠬᠦᠷ ᠢᠶᠠᠷ ᠲᠥᠭᠦᠷᠡᠩ ᠪᠠᠶᠢᠯ᠎ᠠ᠃ ᠭᠡᠳᠡᠯ᠎ᠡ ᠬᠦᠤ ᠨᠢ ᠭᠤᠷᠪᠠᠨ ᠨᠠᠰᠤᠳᠠᠢ ᠲᠡᠷᠨ ᠵᠢᠯ᠂ ᠨᠢᠭᠡᠨ ᠤᠳᠠᠭ᠎ᠠ ᠶᠢᠨ ᠭᠡᠨᠡᠳᠳᠠ ᠶᠢᠨ ᠠᠳᠡᠯ ᠠᠴᠠ ᠪᠣᠯᠵᠦ ᠡᠷᠳᠠᠨᠢᠬᠦᠤ ᠶᠢᠨ ᠬᠤᠶᠠᠷ ᠨᠢᠳᠦ ᠨᠢ ᠶᠠᠭᠤ ᠴᠦ ᠤᠯᠵᠦ ᠦᠵᠡᠬᠦ ᠪᠠᠨ ᠪᠣᠯᠢᠵᠤ᠂ ᠬᠤᠰᠢᠭᠤᠨ ᠲᠥᠪ ᠴᠢᠪᠠᠭ᠎ᠠ ᠪᠠᠯᠭᠠᠰᠤᠨ ᠳᠤ ᠬᠥᠷᠴᠤ ᠵᠠᠰᠠᠭᠤᠯᠬᠤ ᠳᠤ ︽ᠨᠢᠳᠤᠨ ᠰᠤᠳᠠᠯ  ᠨᠢ ᠲᠠᠰᠤᠷᠠᠵᠤ ᠵᠠᠰᠠᠯᠭ᠎ᠠ ᠦᠭᠡᠢ ᠪᠣᠯᠪᠠ︾ ᠭᠡᠰᠡᠨ ᠡᠮᠴᠢ ᠶᠢᠨ ᠤᠨᠤᠰᠢᠯᠠᠯ᠂ ᠭᠡᠭᠡᠨ ᠴᠠᠭᠠᠨ ᠡᠳᠦᠷ ᠤᠨ ᠬᠦᠴᠤᠳᠤ ᠠᠶᠤᠩᠭ᠎ᠠ ᠰᠢᠭ᠋ ᠭᠠᠯ ᠵᠠᠯᠠᠭᠤ 26 ᠨᠠᠰᠤᠨ ᠤ ᠡᠷᠳᠠᠨᠢᠬᠦᠣ ᠶᠢ ᠨᠢᠷᠭᠡᠵᠦ᠂ ︽ᠡᠶᠢᠮᠤ ᠵᠠᠯᠠᠭᠤ ᠪᠠᠷ ᠢᠶᠠᠨ ᠬᠤᠶᠡᠷ ᠨᠢᠳᠦ ᠪᠠᠨ ᠠᠯᠳᠠᠭᠠᠳ ᠪᠢ ᠤᠳᠦ ᠬᠡᠷᠡᠭ ᠦᠭᠡᠢ ᠪᠤᠯᠤᠯ᠎ᠠ᠂ ᠬᠤᠶᠢᠰᠢᠳᠠ ᠶᠠᠭᠠᠬᠢᠵᠤ ᠠᠮᠢᠳᠤᠷᠠᠬᠤ ᠪᠤᠢ︖ ᠦᠬᠦᠴᠢᠭᠡᠬᠦ ᠶᠢ ᠬᠦᠷᠬᠦ ᠦᠭᠡᠢ ᠁︾ ᠭᠡᠵᠦ ᠪᠤᠳᠤᠯ ᠰᠠᠨᠠᠭ᠎ᠠ ᠨᠢ ᠲᠣᠭᠲᠠᠪᠤᠷᠢ ᠠᠯᠳᠠᠨ᠂ ᠵᠠᠷᠢᠮ ᠳᠤ ᠪᠠᠨ ᠬᠡᠢ ᠰᠤᠯᠢᠶ᠎ᠡ ᠲᠠᠢ ᠰᠢᠭ᠋ ᠠᠭᠠᠰᠢᠯᠠᠬᠤ ᠪᠣᠯᠪᠠ᠃ ᠵᠠᠰᠠᠵᠤ ᠡᠳᠡᠬᠡᠷᠡᠬᠦᠯᠬᠦ ᠶᠢᠨ ᠭᠤᠷᠢ ᠲᠠᠰᠤᠷᠠᠭᠰᠠᠨ ᠬᠦᠷᠠᠯᠵᠠᠭᠠᠨ ᠴᠦ ᠪᠤᠳᠠᠳᠤ ᠪᠠᠶᠢᠳᠠᠯ ᠢ ᠬᠦᠯᠢᠶᠡᠬᠦ ᠠᠴᠠ ᠦᠭᠡᠷ᠎ᠠ ᠠᠷᠭ᠎ᠠ ᠦᠭᠡᠢ ᠪᠣᠯᠵᠦ᠂ ︽ᠪᠦᠰᠡᠬᠦᠢ ᠬᠦᠮᠦᠨ ᠤ ᠬᠤᠪᠢ ᠳᠤ ᠲᠠ ᠬᠡᠤᠬᠡᠳ ᠢᠶᠠᠨ ᠲᠥᠷᠦᠭᠦᠯᠵᠦ ᠡᠵᠢ ᠪᠤᠯᠤᠯ᠎ᠠ᠂ ᠡᠨᠡ ᠭᠡᠷ ᠲᠤ ᠡᠭᠦᠷᠭᠡ ᠪᠠᠨ ᠬᠦᠢᠴᠡᠳᠭᠡᠭᠰᠡᠨ ᠪᠠᠶᠢᠨ᠎ᠠ᠂ ᠤᠳᠦ ᠦᠯᠡᠳᠡᠭᠰᠡᠨ ᠨᠢ ᠮᠢᠨᠤ ᠡᠭᠦᠷᠬᠡ︾ ᠭᠡᠵᠦ ᠬᠡᠯᠡᠭᠡᠳ᠂ ᠭᠤᠷᠪᠠᠨ ᠨᠠᠰᠤᠳᠠᠢ ᠬᠦᠣ ᠪᠤᠯᠤᠨ ᠬᠠᠷᠠᠭ᠎ᠠ ᠪᠠᠨ ᠠᠯᠳᠠᠵᠤ ᠲᠡᠨᠴᠢᠭᠦᠷᠠᠵᠤ ᠵᠤᠪᠠᠭᠰᠠᠨ ᠪᠦᠰᠡᠬᠦᠢ ᠶᠢᠨ ᠢᠶᠠᠨ ᠡᠮᠦᠨ᠎ᠡ  ᠶᠤᠰᠤᠳᠠᠢ ᠡᠷ᠎ᠠ ᠰᠢᠭ ᠡᠷ᠎ᠠ ᠪᠤᠯᠤᠨ ᠰᠦᠨᠳᠠᠷᠯᠠᠵᠠᠢ᠃ ᠲᠤᠬᠠᠢ ᠶᠢᠨ ᠵᠢᠯ ᠲᠠᠷᠡ ᠰᠠᠶ᠋ᠢ ᠬᠤᠷᠢᠨ ᠭᠤᠷᠪᠠᠳᠠᠶᠢᠬᠠᠨ ᠵᠠᠯᠠᠭᠤ ᠪᠠᠶᠢᠵᠠᠢ᠃
        ᠨᠢᠭᠡ ᠶᠢ ᠡᠭᠦᠷᠴᠦ ᠨᠢᠭᠡ ᠶᠢ ᠬᠦᠳᠦᠯᠵᠦ ᠶᠠᠪᠤᠭᠰᠠᠨ ᠬᠦᠷᠠᠯᠵᠠᠭᠠᠨ ᠤ ᠬᠠᠳᠠᠭᠤᠬᠠᠨ ᠠᠮᠢᠳᠤᠷᠠᠯ ᠢᠩᠬᠢᠵᠦ ᠡᠬᠢᠯᠡᠵᠡᠢ᠃ ᠠᠵᠢᠯ ᠳᠤ ᠰᠠᠶᠢᠨ᠂ ᠨᠤᠮᠤᠬᠠᠨ ᠰᠢᠳᠤᠷᠭᠤ᠂ ᠦᠨᠠᠠᠴᠢ ᠬᠢᠨᠠᠮᠠᠭᠠᠢ ᠪᠠᠶᠢᠳᠠᠭ ᠬᠦᠷᠠᠯᠵᠠᠭᠠᠨ ᠦᠷᠯᠦᠭᠡ ᠪᠤᠰᠤᠳ ᠠᠴᠠ ᠡᠷᠳᠠᠯᠠᠨ ᠪᠣᠰᠴᠤ ᠬᠤᠭᠤᠯᠨ ᠴᠠᠢ ᠪᠠᠨ ᠪᠡᠯᠡᠳᠬᠡᠵᠤ᠂ ᠬᠦᠣ ᠪᠠ ᠪᠦᠰᠡᠬᠦᠢ ᠪᠠᠨ ᠪᠣᠰᠬᠠᠨ ᠤᠭᠢᠶᠠᠵᠤ ᠴᠡᠪᠠᠷᠯᠠᠵᠤ ᠢᠳᠡᠭᠦᠯᠵᠦ ᠤᠤᠭᠤᠯᠭᠠᠨ᠂ ᠭᠡᠷ ᠤᠨ ᠠᠵᠢᠯ ᠢᠶᠠᠨ ᠲᠥᠪᠬᠢᠨᠡᠭᠦᠯᠦᠭᠡᠳ᠂ ᠦᠳᠡ ᠶᠢᠨ ᠬᠤᠭᠤᠯᠡ ᠶᠢ ᠨᠢ ᠭᠠᠯ ᠲᠡᠭᠡᠷ᠎ᠠ ᠬᠠᠯᠠᠭᠤᠬᠠᠨ ᠲᠠᠯᠪᠢᠵᠤ ᠦᠭᠬᠦᠭᠡᠳ ᠠᠵᠢᠯ ᠳᠤ ᠪᠠᠨ ᠭᠠᠷᠳᠠᠭ᠃ ᠨᠢᠭᠡ ᠡᠳᠦᠷ ᠤᠨ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠮᠠᠭᠴᠠ ᠭᠡᠷ ᠵᠦᠭ ᠢᠶᠠᠨ ᠶᠠᠭᠠᠷᠠᠨ ᠢᠷᠡᠵᠤ ᠬᠦᠣ ᠪᠤᠯᠤᠨ ᠪᠦᠰᠡᠬᠦᠢ ᠪᠠᠨ ᠬᠠᠷᠠᠭᠠᠯᠵᠠᠳᠠᠭ᠃ ᠣᠣᠯ ᠤᠨ ᠮᠠᠯ ᠴᠦᠬᠡᠨ ᠪᠡᠯᠴᠢᠭᠡᠷ ᠪᠠᠭ᠎ᠠ᠂ ᠠᠮᠢᠳᠤᠷᠠᠯ ᠨᠢ ᠰᠠᠭᠤᠷᠢ ᠦᠭᠡᠢ ᠶᠢᠨ ᠳᠡᠭᠡᠷ᠎ᠠ ᠪᠦᠰᠡᠬᠦᠢ ᠶᠢᠨ ᠢᠶᠠᠨ ᠨᠢᠳᠦ ᠶᠢ ᠵᠠᠰᠠᠭᠤᠯᠬᠤ ᠭᠡᠵᠦ ᠪᠤᠰᠤᠳ ᠠᠴᠠ ᠨᠡᠯᠢᠶᠡᠳ ᠵᠤᠭᠤᠰ ᠵᠢᠭᠡᠯᠡᠵᠦ ᠥᠷᠢ ᠲᠠᠯᠪᠢᠭᠰᠠᠨ ᠠᠴᠠ ᠥᠷᠢ ᠪᠠᠨ ᠲᠠᠷᠤᠬᠤ ᠪᠣᠯ ᠲᠡᠳᠠᠨ ᠤ ᠨᠢᠳᠤᠨ ᠡᠮᠦᠨᠡᠬᠢ ᠲᠤᠯᠭᠠᠮ᠎ᠠ ᠤᠴᠢᠷ ᠪᠤᠯᠣᠯ᠎ᠠ᠃ ᠲᠡᠷᠨ ᠶᠠᠮᠡᠷ ᠠᠵᠢᠯ ᠢ ᠴᠦ ᠭᠤᠯᠤᠬᠤ ᠦᠭᠡᠢ ᠬᠢᠨ᠎ᠡ᠃ ᠬᠡᠳᠤᠢ ᠵᠤᠭᠤᠰ ᠢ ᠴᠦ ᠴᠢᠮᠠᠯᠠᠬᠤ ᠦᠭᠡᠢ ᠶᠠᠪᠤᠨ᠎ᠠ᠃ ᠲᠡᠭᠦᠨ ᠳᠤ ᠬᠤᠶᠡᠷ ᠭᠠᠷ ᠬᠤᠭᠤᠰᠤᠨ ᠨᠢᠳᠤᠷᠭ᠎ᠠ᠂ ᠠᠮᠢᠳᠤᠷᠠᠵᠤ ᠦᠭᠡᠳᠡᠯᠡᠭᠦ ᠶᠢᠨ ᠢᠳᠡᠬᠡᠯ ᠬᠤᠶᠡᠷ ᠠᠴᠠ ᠦᠭᠡᠷ᠎ᠠ ᠶᠠᠭᠤ ᠴᠦ ᠪᠠᠶᠢᠭᠰᠠᠨ ᠦᠭᠡᠢ᠃ ᠠᠪᠴᠠᠭᠠᠨ ᠤ ᠡᠵᠡᠳ ᠪᠡᠯᠡᠨ ᠵᠤᠭᠤᠰ ᠣᠯᠬᠤ ᠦᠭᠡᠢ ᠪᠠᠨ ᠮᠡᠳᠡᠵᠦ ᠰᠡᠭᠦᠯᠡᠷ ᠨᠢ ᠪᠦᠷ ᠲᠡᠭᠦᠨ ᠢ ᠪᠤᠯᠢᠶᠠᠯᠴᠠᠨ ᠠᠵᠢᠯ ᠬᠢᠯᠭᠡᠵᠦ ᠥᠷᠢ ᠳᠤ ᠪᠠᠨ ᠪᠤᠳᠤᠵᠤ ᠠᠪᠤᠨ᠎ᠠ᠃ ᠡᠳᠦᠷ ᠲᠤ ᠪᠠᠨ ᠠᠶᠢᠯ ᠳᠤ ᠠᠵᠢᠯ ᠬᠢᠭᠡᠳ ᠢᠷᠡᠬᠦ ᠳᠤ ᠦᠪᠡᠷ ᠤᠨ ᠭᠡᠷ ᠤᠨ ᠬᠢᠨᠢ ᠬᠡᠷᠡᠮ ᠨᠢ ᠪᠤᠷᠤᠭᠠᠨ ᠳᠤ ᠨᠤᠷᠠᠭᠠᠳ ᠪᠠᠶᠢᠳᠠᠭ᠃ ᠡᠳᠦᠷ ᠤᠨ ᠴᠠᠭ ᠢᠶᠠᠨ ᠬᠠᠶᠢᠷᠠᠯᠠᠵᠤ᠂ ᠦᠪᠡᠷ ᠤᠨ ᠠᠵᠢᠯ ᠢᠶᠠᠨ ᠰᠦᠨᠢ ᠳᠤ ᠪᠠᠨ ᠬᠢᠨ᠎ᠡ᠂ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠤ ᠶᠣᠰᠤᠳᠠᠢ ᠦᠪᠡᠷ ᠤᠨ ᠪᠡᠶ᠎ᠡ ᠪᠠᠨ ᠬᠤᠪᠢᠶᠠᠵᠤ ᠵᠠᠷᠤᠮᠡᠷ ᠰᠠᠨᠠᠭᠳᠠᠵᠤ ᠪᠠᠶᠢᠯ᠎ᠠ᠃ ᠡᠬᠢᠨ ᠤ ᠵᠢᠯ ᠤᠳ ᠲᠤ ᠴᠠᠢ ᠲᠠᠪᠤᠰᠤᠨ ᠳᠤ ᠪᠠᠨ ᠵᠦᠪ ᠦᠭᠡᠢ ᠬᠤᠨᠤᠭ ᠲᠠᠰᠤᠷᠠᠮᠠᠷ ᠪᠣᠯᠵᠤ ᠵᠢᠭᠡᠯᠡᠭᠡ ᠪᠠᠷ ᠠᠷᠭᠠᠴᠠᠵᠤ ᠪᠠᠶᠢᠭᠰᠠᠨ᠃ ᠠᠳᠠᠭ ᠲᠤ ᠪᠠᠨ ᠡᠳᠦᠷ ᠦᠵᠡᠯᠭᠡ  ︵ᠬᠤᠸᠠᠩᠯᠢ︶ ᠶᠢᠨ ᠲᠡᠪᠳᠡᠷ ᠠᠪᠬᠤ ᠵᠤᠭᠤᠰ ᠦᠭᠡᠢ ᠪᠤᠰᠤᠳ ᠤᠨ ᠲᠡᠪᠳᠡᠷ ᠢ ᠵᠢᠭᠡᠯᠡᠵᠦ ᠬᠠᠭᠤᠯᠵᠦ ᠠᠪᠤᠭᠠᠳ ᠦᠪᠡᠷᠳᠡᠭᠡᠨ ᠡᠳᠦᠷ ᠦᠵᠡᠯᠭᠡ ᠶᠢᠨ ᠲᠡᠪᠳᠡᠷ ᠬᠢᠵᠦ ᠪᠠᠶᠢᠭᠰᠠᠨ᠃ ᠭᠡᠷ ᠲᠤ ᠨᠢ ᠮᠠᠭᠤ ᠲᠤᠭᠤᠢ ᠲᠡᠷᠬᠡ ᠠᠴᠠ ᠨᠢ ᠤᠠᠳᠤᠤ ᠲᠡᠷᠬᠡ ᠤᠨᠤᠭ᠎ᠠ ᠭᠡᠵᠦ ᠦᠭᠡᠢ᠂ ᠲᠡᠷᠨ ᠠᠭᠤᠯᠠᠨ ᠠᠴᠠ ᠲᠡᠭᠦᠭᠰᠡᠨ ᠲᠦᠯᠡᠭᠡ ᠪᠠᠨ ᠲᠤᠭᠤᠢ ᠲᠡᠭᠡᠷ᠎ᠠ ᠪᠠᠨ ᠠᠴᠢᠭᠠᠳ ᠢᠷᠡᠳᠡᠭ᠃ ᠨᠠᠮᠤᠷ ᠤᠨ ᠬᠠᠳᠤᠯᠠᠩ ᠳᠤ ᠭᠠᠷᠬᠤ ᠳᠤ ᠠᠶᠢᠯ ᠤᠨ ᠬᠢᠨ ᠪᠦᠷ ᠴᠦ ᠮᠣᠷᠢ ᠮᠣᠲ᠋ᠤᠷ ᠭᠡᠳᠡᠯ᠎ᠡ ᠮᠠᠰᠢᠨ ᠢᠶᠠᠷ ᠶᠠᠪᠤᠳᠠᠭ᠂ ᠲᠡᠷᠨ ᠯᠠ ᠮᠠᠭᠤ ᠲᠤᠭᠤᠢ ᠲᠡᠷᠬᠡ ᠪᠠᠨ ᠢᠰᠬᠦᠯᠦᠭᠡᠳ ᠬᠠᠳᠤᠯᠠᠩ ᠳᠤ ᠬᠦᠷᠳᠡᠯ᠎ᠡ ᠪᠠᠭ᠎ᠠ ᠦᠳᠠ ᠪᠣᠯᠴᠢᠬᠠᠳᠠᠭ ᠪᠠᠶᠢᠨ᠎ᠠ᠃ ᠰᠡᠭᠦᠯᠡᠷ ᠨᠢ ᠠᠶᠢᠯ ᠳᠤ ᠠᠵᠢᠯ ᠬᠢᠵᠦ ᠦᠭᠬᠦᠭᠡᠳ ᠨᠢᠭᠡᠨ ᠬᠠᠭᠤᠴᠢᠨ ᠭᠤᠷᠪᠠᠨ ᠬᠦᠷᠳᠤᠳᠤ ᠲᠡᠷᠭᠡ ᠣᠯᠪᠠ᠂ ᠡᠪᠤᠯ ᠤᠨ ᠴᠠᠭ ᠬᠦᠳᠡᠭᠡ ᠳᠤ ᠶᠠᠷᠤ ᠨᠢ ᠠᠵᠢᠯ ᠴᠦᠬᠡᠨ ᠪᠠᠶᠢᠳᠠᠭ ᠴᠦ ᠨᠢᠭᠡ ᠡᠳᠦᠷ ᠢ ᠴᠦ ᠬᠤᠭᠤᠰᠤᠨ ᠦᠩᠭᠡᠷᠡᠬᠦᠯᠬᠦ ᠳᠤᠷ᠎ᠠ ᠦᠭᠡᠢ ᠬᠦᠷᠠᠯᠵᠠᠭᠠᠨ ᠵᠤᠭᠤᠰ ᠣᠯᠬᠤ ᠠᠷᠭ᠎ᠠ ᠰᠦᠪᠡᠭᠴᠢᠯᠡᠨ ᠪᠤᠰᠤᠳ ᠠᠴᠠ ᠪᠤᠳᠠᠭ᠎ᠠ ᠴᠠᠶᠢᠯᠭᠠᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ ᠬᠠᠭᠤᠴᠢᠨ ᠮᠠᠰᠢᠨ ᠬᠤᠳᠠᠯᠳᠤᠵᠤ ᠠᠪᠤᠭᠠᠳ ᠭᠤᠷᠪᠠᠨ ᠬᠦᠷᠳᠤᠳᠤ ᠲᠡᠷᠬᠡᠨ ᠳᠤ ᠪᠠᠨ ᠲᠡᠭᠡᠭᠡᠳ ᠠᠶᠢᠯ ᠳᠤ ᠪᠤᠳᠠᠭ᠎ᠠ ᠢᠩᠳᠡᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯ ᠬᠢᠵᠦ ᠨᠢᠭᠡ ᠲᠥᠭᠦᠷᠢᠭ ᠨᠢᠭᠡ ᠲᠥᠭᠦᠷᠢᠭ ᠢᠶᠠᠷ ᠴᠤᠭᠯᠠᠭᠤᠯᠵᠤ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠲᠤᠰᠠ ᠪᠣᠯᠭᠠᠯ᠎ᠠ᠃ ᠨᠢᠭᠡ ᠤᠳᠠᠭ᠎ᠠ ᠮᠡᠰᠡ ᠵᠠᠰᠠᠯ ᠬᠢᠭᠡᠳ ᠶᠠᠪᠤᠵᠦ ᠰᠠᠭᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠶᠢᠭᠰᠠᠨ ᠴᠦ ᠶᠠᠭ ᠡᠪᠤᠯ ᠤᠨ ᠮᠠᠯ ᠤᠨ ᠲᠠᠵᠢᠭᠡᠯ  ᠪᠣᠷᠳᠤᠭ᠎ᠠ ᠪᠤᠯᠪᠠᠰᠤᠷᠠᠭᠤᠯᠬᠤ ᠦᠶ᠎ᠡ ᠪᠤᠯᠤᠭᠰᠠᠨ ᠲᠤᠯᠠ ᠬᠡᠳᠤᠨ ᠲᠥᠭᠦᠷᠢᠭ ᠣᠯᠬᠤ ᠶᠢᠨ ᠲᠦᠯᠦᠭᠡ ᠭᠤᠷᠪᠠᠨ ᠬᠦᠷᠳᠤᠳᠤ ᠲᠡᠷᠭᠡᠨ ᠳᠤ ᠪᠠᠨ ᠮᠦᠯᠬᠦᠨ ᠭᠠᠷᠴᠤ ᠪᠠᠶᠢᠭᠠᠳ ᠮᠠᠰᠢᠨ ᠢᠶᠠᠨ ᠵᠢᠯᠤᠭᠤᠳᠤᠨ᠂ ᠠᠶᠢᠯ ᠲᠤᠭᠤᠷᠢᠵᠦ ᠡᠷᠳᠠᠨᠢ ᠰᠢᠰᠢ ᠴᠠᠶᠢᠯᠭᠠᠵᠤ ᠶᠠᠪᠤᠯ᠎ᠠ᠃ ᠪᠠᠰᠠ ᠨᠢᠭᠡ ᠤᠳᠠᠭ᠎ᠠ ᠬᠦᠷᠠᠯᠵᠠᠭᠠᠨ ᠲᠡᠷᠬᠡᠨ ᠠᠳᠡᠯ ᠭᠠᠷᠴᠤ᠂ ᠭᠠᠷ ᠨᠢ ᠬᠤᠭᠤᠷᠠᠵᠤ᠂ ᠲᠠᠷᠢᠬᠢᠨ ᠳᠤ ᠨᠢ ᠴᠢᠰᠤ ᠬᠠᠷᠪᠤᠭᠠᠳ ᠬᠤᠰᠢᠭᠤᠨ ᠡᠮᠨᠡᠯᠭᠡ ᠳᠤ ᠬᠥᠷᠭᠡᠭᠳᠡᠯ᠎ᠡ᠃ ᠭᠡᠪᠠᠴᠤ ᠲᠡᠷᠨ ᠳᠦᠩᠭᠡᠵᠢ ᠠᠷᠪᠠᠨ ᠲᠠᠪᠤᠬᠠᠨ ᠡᠳᠦᠷ ᠡᠮᠨᠡᠭᠦᠯᠦᠭᠡᠳ᠂ ᠡᠮᠴᠢ ᠶᠢᠨ ᠢᠣᠬᠠᠯ ᠢ ᠰᠤᠨᠤᠰᠤᠯ ᠦᠭᠡᠢ ᠭᠡᠷ ᠤᠨ ᠬᠦᠮᠦᠰ  ᠲᠤ ᠪᠠᠨ ᠶᠠᠭᠠᠷᠠᠵᠤ ᠡᠮᠨᠡᠯᠭᠡ ᠠᠴᠠ ᠭᠠᠷᠤᠭᠰᠠᠨ ᠪᠠᠶᠢᠨ᠎ᠠ᠃ ᠢᠩᠬᠢᠵᠦ ᠲᠡᠷᠨ ᠦᠪᠡᠷ ᠤᠨ ᠰᠦᠰᠤ ᠵᠣᠷᠢᠭ ᠢᠶᠠᠷ  ᠢᠶᠠᠨ ᠯᠠ ᠡᠪᠠᠳᠴᠢᠨ ᠢᠶᠠᠨ ᠠᠨᠠᠭᠠᠵᠤ᠂ ᠪᠣᠳᠤᠯ ᠤᠨ ᠬᠦᠴᠤᠨ ᠢᠶᠠᠷ ᠢᠶᠠᠨ ᠦᠪᠡᠷ ᠢ ᠪᠠᠨ ᠢᠯᠠᠵᠤ ᠶᠠᠪᠤᠯ᠎ᠠ᠃ ᠡᠳᠡᠭᠡᠷ ᠵᠢᠯ ᠤᠳ ᠲᠤ ᠬᠦᠷᠠᠯᠵᠠᠭᠠᠨ ᠭᠠᠭ᠋ᠠᠢ ᠲᠡᠵᠢᠭᠡᠬᠦ᠂ ᠠᠷᠭᠠᠯ ᠲᠡᠭᠦᠭᠦ᠂ ᠴᠠᠬᠢᠯᠭᠠᠨ ᠵᠠᠰᠠᠬᠤ᠂ ᠮᠠᠰᠢᠨ ᠵᠠᠰᠠᠬᠤ᠂ ᠪᠤᠳᠠᠭ᠎ᠠ ᠢᠩᠳᠡᠬᠦ᠂ ᠠᠭᠤᠷᠬᠠᠢ ᠳᠤ ᠠᠵᠢᠯ ᠬᠢᠬᠦ᠂ ᠠᠶᠢᠯ ᠳᠤ ᠬᠠᠷ᠎ᠠ ᠪᠣᠷᠦ ᠬᠦᠴᠤᠨ ᠤ ᠠᠵᠢᠯ ᠬᠢᠬᠦ᠂ ᠠᠭᠤᠯᠠᠨ ᠠᠴᠠ ᠨᠤᠭᠤᠭ᠎ᠠ ᠲᠡᠭᠦᠨ ᠬᠤᠳᠠᠯᠳᠤᠬᠤ᠂ ᠠᠵᠢᠯ ᠲᠠᠭᠠᠭᠠᠴᠢᠯᠠᠵᠤ ᠬᠢᠬᠦ ᠵᠡᠷᠬᠡ ᠣᠯᠠᠨ ᠠᠵᠢᠯ ᠢ ᠬᠢᠯ᠎ᠡ᠃ ︽ᠲᠤᠰᠤᠯ ᠢ ᠬᠤᠷᠢᠶᠠᠪᠠᠯ ᠲᠠᠯᠠᠢ ᠪᠣᠯᠬᠤ︾ ᠭᠡᠳᠡᠭ ᠢᠶᠠᠷ ᠪᠠᠭ᠎ᠠ ᠰᠠᠭ᠎ᠠ ᠤᠷᠤᠯᠭ᠎ᠠ ᠨᠢ ᠤᠯᠠᠨ ᠲᠠᠯ᠎ᠠ ᠠᠴᠠ ᠨᠡᠶᠢᠯᠡᠵᠦ ᠠᠮᠢᠳᠤᠷᠠᠯ ᠳᠤ ᠨᠢ ᠲᠤᠰᠠᠯᠠᠳᠠᠭ᠃ ᠬᠦᠷᠠᠯᠵᠠᠭᠠᠨ ᠬᠡᠳᠤᠶᠢᠪᠠᠷ ᠴᠢᠨᠡᠭᠡ ᠪᠠᠷ ᠢᠶᠠᠨ ᠴᠢᠷᠮᠠᠶᠢᠵᠤ ᠪᠠᠶᠢᠪᠠᠴᠣ ᠭᠠᠭᠴᠠ ᠬᠦᠮᠦᠨ ᠤ ᠬᠦᠳᠡᠯᠮᠦᠷᠢᠯᠠᠵᠤ ᠤᠯᠤᠭᠰᠠᠨ ᠤᠷᠤᠯᠭ᠎ᠠ ᠥᠷᠢ ᠰᠢᠷᠢ ᠳᠤ ᠪᠠᠨ ᠲᠠᠭᠠᠷᠠᠵᠤ᠂ ᠬᠠᠭᠤᠴᠢᠨ ᠥᠷᠢ ᠪᠠᠨ ᠲᠠᠷᠤᠵᠤ ᠰᠢᠨ᠎ᠡ ᠥᠷᠢ ᠲᠠᠬᠢᠨ ᠲᠠᠯᠪᠢᠨ᠎ᠠ᠃ ᠡᠳᠡᠭᠡᠷ ᠵᠢᠯ ᠳᠤ ᠡᠷᠳᠠᠨᠢᠬᠦᠤ ᠰᠦᠰᠦᠨ ᠤ ᠡᠪᠡᠳᠴᠢᠨ ᠣᠯᠵᠦ ᠮᠡᠰᠠ ᠵᠠᠰᠠᠯ ᠬᠢᠯᠭᠡᠭᠰᠡᠨ ᠪᠦᠭᠡᠳ ᠰᠢᠬᠢᠷ ᠰᠢᠵᠢᠩ ᠡᠪᠠᠳᠴᠢᠨ᠂ ᠬᠦᠵᠦᠬᠦᠤ ᠰᠡᠭᠡᠷ ᠤᠨ ᠡᠪᠠᠳᠴᠢᠨ ᠣᠯᠵᠦ ᠥᠷᠭᠦᠯᠵᠢ ᠡᠮ ᠲᠠᠨᠩ ᠤᠤᠭᠤᠬᠤ᠂ ᠬᠦᠤ ᠶᠢᠨ ᠬᠢᠨᠢ ᠰᠤᠷᠤᠯᠭ᠎ᠠ ᠶᠢᠨ ᠰᠦᠢᠳᠬᠡᠯ᠂ ᠠᠮᠢᠳᠤᠷᠠᠯ ᠤᠨ ᠵᠠᠷᠤᠳᠠᠯ ᠵᠠᠬ᠎ᠠ ᠠᠴᠠ ᠠᠪᠤᠭᠠᠳ ᠨᠢᠭᠡᠯᠨ ᠬᠦᠮᠦᠨ ᠤ ᠭᠠᠷ ᠢ ᠬᠠᠷᠠᠳᠠᠭ ᠪᠣᠯᠬᠤᠷ ᠲᠡᠷᠨ ᠬᠢᠬᠦ ᠠᠵᠢᠯ ᠪᠠᠶᠢᠳᠠᠭ ᠲᠤ ᠯᠠ ᠬᠥᠷᠪᠡᠯ ᠤᠴᠢᠵᠤ ᠬᠢᠳᠡᠭ᠃ ᠡᠳᠡᠬᠡᠷ ᠵᠢᠯ ᠤᠳ ᠲᠤ ᠦᠢᠷ᠎ᠠ ᠰᠡᠳᠤᠨ ᠠᠶᠢᠯ ᠠᠶᠢᠮᠠᠭ ᠤᠨ ᠰᠠᠶᠢᠨ ᠰᠠᠨᠠᠭ᠎ᠠ  ᠲᠠᠢ ᠬᠦᠮᠦᠰ ᠴᠦ ᠤᠯᠠᠨ ᠲᠤᠰᠠᠯᠠᠵᠤ ᠢᠷᠡᠵᠡᠢ  ᠃ ᠤᠷᠢᠳᠦ ᠬᠤᠶᠢᠳᠤ ᠭᠡᠷ ᠤᠨ ᠬᠡᠤᠬᠡᠳ ᠬᠦᠷᠳᠡᠯ᠎ᠡ ᠢᠷᠡᠭᠡᠳ ᠤᠰᠤ ᠴᠠᠰᠤ ᠶᠢ ᠨᠢ ᠦᠢᠷᠠᠳᠤᠭᠤᠯᠵᠤ ᠥᠭᠬᠦᠨ᠎ᠡ᠃ ᠳᠡᠯᠭᠡᠭᠦᠷ ᠡᠷᠬᠢᠯᠡᠳᠡᠭ ᠳ᠋ᠦᠩ ᠯᠢ ᠵᠢᠶᠦ᠋ᠨ ᠲᠡᠳᠠᠨ ᠳᠤ ᠲᠡᠯᠭᠡᠬᠦᠷ ᠤᠨ ᠶᠠᠭᠤᠮ᠎ᠠ ᠪᠠᠨ ᠦᠷᠭᠦᠯᠵᠢ ᠵᠢᠭᠡᠯᠡᠭᠦᠯᠵᠦ ᠥᠭᠳᠡᠭ᠃ ᠡᠷᠳᠠᠨᠢᠬᠦᠣ ᠰᠦᠰᠦᠨ ᠤ ᠮᠡᠰᠠ ᠵᠠᠰᠠᠯ ᠬᠢᠭᠡᠳ ᠪᠠᠶᠢᠭᠰᠠᠨ ᠦᠶ᠎ᠡ ᠳᠤ ᠬᠦᠷᠠᠯᠵᠠᠭᠠᠨ ᠶᠠᠭ ᠰᠠᠶ᠋ᠢᠬᠠᠨ ᠠᠭᠤᠯᠠᠨ ᠳᠤ ᠠᠵᠢᠯ ᠬᠢᠵᠤ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠰᠦᠨᠢ ᠳᠤ  ᠪᠠᠨ ᠰᠠᠶ᠋ᠢ ᠬᠠᠷᠢᠵᠤ ᠢᠷᠡᠳᠡᠭ᠃ ᠡᠭᠦᠨ ᠳᠤ ᠭᠠᠳᠠᠨ᠎ᠠ ᠠᠴᠠ ᠢᠷᠡᠵᠤ ᠡᠳᠡᠨ ᠤ ᠠᠶᠢᠯ ᠳᠤ ᠭᠡᠷ ᠳᠦᠷᠢᠶᠡᠰᠦᠯᠡᠵᠦ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠨᠢᠭᠡᠨ ᠬᠢᠲᠠᠳ ᠪᠦᠰᠡᠬᠦᠢ ᠡᠳᠦᠷ ᠡᠳᠦᠷ ᠢᠷᠡᠭᠡᠳ ᠤᠰᠤ ᠴᠠᠢ ᠶᠢ ᠨᠢ ᠦᠢᠷᠠᠳᠤᠭᠤᠯᠵᠤ ᠪᠤᠳᠠᠭ᠎ᠠ ᠬᠢᠵᠤ ᠥᠭᠳᠡᠭ᠃ ᠵᠠᠷᠢᠮ ᠳᠤ ᠪᠠᠨ ᠡᠷᠳᠠᠨᠢᠬᠦᠣ ᠶᠢ ᠭᠡᠷ ᠲᠤ ᠪᠠᠨ ᠠᠪᠠᠴᠢᠭᠠᠳ ᠢᠳᠡᠬᠦᠯᠵᠦ ᠤᠤᠭᠤᠯᠭᠠᠵᠤ  ᠠᠰᠠᠷᠠᠭᠠᠳ  ᠂ ᠬᠠᠭᠠᠰ ᠵᠢᠯ ᠭᠠᠷᠦᠢ ᠬᠠᠪᠰᠤᠷᠤᠭᠰᠠᠨ ᠪᠠᠶᠢᠨ᠎ᠠ᠃ ︽ᠰᠠᠶᠢᠨ ᠰᠠᠨᠠᠭ᠎ᠠ ᠲᠠᠢ ᠬᠦᠮᠦᠨ ᠢ ᠬᠢᠲᠠᠳ ᠮᠣᠩᠭᠤᠯ ᠢᠶᠠᠷ ᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ᠂ ᠣᠪᠣᠭ ᠨᠡᠷ᠎ᠡ ᠶᠢ ᠨᠢ ᠴᠦ ᠮᠡᠳᠡᠬᠦ ᠦᠭᠡᠢ ᠬᠢᠲᠠᠳ ᠪᠦᠰᠡᠬᠦᠢ ᠨᠠᠮ᠎ᠠ ᠶᠢ ᠶᠤᠰᠤᠳᠠᠢ ᠬᠠᠪᠰᠤᠷᠴᠤ ᠭᠠᠮᠨᠠᠭᠰᠠᠨ ᠶᠤᠮ᠂ ᠤᠳᠦ ᠲᠡᠷᠨ ᠨᠤᠲᠤᠭ ᠲᠤ ᠪᠠᠨ ᠬᠠᠷᠢᠭᠠᠳ ᠬᠠᠷᠢᠴᠠᠭ᠎ᠠ ᠬᠤᠯᠪᠤᠭ᠎ᠠ ᠲᠠᠰᠤᠷᠠᠵᠠᠢ ᠁︾ ᠭᠡᠵᠦ ᠡᠷᠳᠠᠨᠢᠬᠦᠤ ᠬᠠᠷᠠᠮᠰᠠᠨ ᠬᠡᠯᠡᠵᠦ ᠪᠠᠶᠢᠯ᠎ᠠ᠃ 2007 ᠣᠨ ᠠᠴᠠ ᠠᠪᠤᠭᠠᠳ ᠬᠥᠷᠡᠯᠵᠠᠭᠠᠨ ᠪᠤᠯᠠᠭ ᠵᠡᠰ ᠤᠨ ᠠᠭᠤᠷᠬᠠᠢ ᠳᠤ ᠴᠠᠬᠢᠯᠭᠠᠨ ᠤ ᠠᠵᠢᠯᠳᠠᠨ ᠪᠣᠯᠵᠦ᠂ ᠡᠳᠦᠷ ᠪᠦᠷᠢ ᠠᠷᠪᠠᠨ ᠭᠠᠵᠡᠷ ᠢ ᠮᠣᠲ᠋ᠤᠷ ᠢᠶᠠᠷ ᠵᠠᠮᠨᠠᠵᠤ᠂ ᠪᠦᠰᠡᠬᠦᠢ ᠪᠠᠨ ᠠᠰᠠᠷᠠᠵᠤ ᠪᠠᠶᠢᠭᠰᠠᠨ᠂ ᠬᠦᠮᠦᠨ ᠤ ᠦᠪᠡᠷ ᠤᠨ ᠠᠵᠢᠯ ᠢ ᠠᠳᠠᠯᠢᠬᠠᠨ ᠰᠠᠶᠢᠨ ᠬᠢᠳᠡᠭ ᠲᠡᠷᠡ ᠬᠤᠪᠢᠳᠠᠭᠰᠠᠨ ᠠᠵᠢᠯ ᠠᠴᠠ ᠪᠠᠨ ᠭᠠᠳᠠᠨ᠎ᠠ ᠠᠭᠤᠷᠬᠠᠢ ᠶᠢᠨ ᠠᠷᠰᠠᠷ ᠠᠵᠢᠯ ᠢ ᠵᠠᠪᠳᠤᠨ ᠬᠢᠳᠡᠭ ᠲᠤᠯᠠ ᠠᠭᠤᠷᠬᠠᠢ ᠶᠢᠨ ᠡᠵᠡᠨ ᠤ ᠢᠳᠡᠬᠡᠯ ᠢ ᠤᠯᠤᠭᠠᠤᠨ᠂ ᠰᠡᠭᠦᠯᠡᠷ ᠨᠢ ᠠᠭᠤᠷᠬᠠᠢ ᠶᠢᠨ ᠡᠵᠨᠨ ᠭᠡᠷ ᠤᠨ ᠪᠠᠶᠢᠳᠠᠯ ᠢ ᠨᠢ ᠮᠡᠳᠡᠵᠦ ᠠᠭᠤᠷᠬᠠᠢ ᠳᠤ ᠪᠠᠨ ᠭᠡᠷ ᠭᠠᠷᠭᠠᠨ ᠦᠭᠴᠦ ᠪᠦᠰᠡᠬᠦᠢ ᠶᠢ ᠨᠢ ᠲᠤᠰᠴᠤ ᠠᠪᠠᠴᠢᠭᠠᠳ᠂ ᠬᠤᠭᠤᠯᠨ ᠪᠤᠳᠠᠭ᠎ᠠ ᠶᠠᠪᠤᠵᠤ ᠰᠠᠭᠤᠬᠤ ᠶᠢ ᠨᠢ ᠬᠠᠷᠠᠭᠠᠯᠵᠠᠪᠠ᠃  
       ᠡᠳᠦᠷ ᠤᠨ ᠤᠳᠠᠭᠠᠨ ᠳᠤ ᠡᠷᠳᠠᠨᠢᠬᠦᠤ ᠶᠢᠨ ᠰᠠᠨᠠᠭ᠎ᠠ ᠰᠡᠳᠬᠢᠯ ᠴᠦ ᠲᠠᠶᠢᠪᠤᠰᠢᠷᠠᠨ᠂ ᠬᠦᠤ ᠨᠢ ᠲᠦᠬᠦᠬᠡ ᠤᠷᠤᠭᠰᠠᠨ ᠠᠴᠠ ᠠᠪᠤᠭᠠᠳ ᠡᠵᠢ ᠶᠢᠨ ᠢᠶᠠᠨ ᠨᠢᠳᠦ ᠨᠢ ᠪᠣᠯᠵᠦ᠂ ᠡᠵᠢ ᠪᠠᠨ ᠬᠦᠳᠦᠯᠦᠭᠡᠳ ᠶᠠᠪᠤᠬᠤ ᠪᠣᠯᠤᠯ᠎ᠠ᠃ ᠡᠷᠳᠠᠨᠢᠬᠦᠤ ᠶᠢᠨ ᠬᠠᠷᠠᠭ᠎ᠠ ᠨᠢ ᠮᠠᠭᠤ ᠴᠦ ᠭᠠᠷ ᠬᠥᠯ ᠤᠨ ᠮᠡᠳᠡᠷᠡᠮᠵᠢ ᠨᠢ ᠢᠳᠡᠭ ᠢᠳᠡᠭ ᠢᠶᠠᠷ ᠲᠡᠭᠡᠭᠰᠢᠯᠡᠵᠦ᠂ ᠭᠡᠷ ᠵᠠᠭᠤᠷ᠎ᠠ ᠶᠢᠨ ᠲᠦᠬᠦᠮᠬᠡᠨ ᠡᠨᠡ ᠲᠡᠷᠨ ᠠᠵᠢᠯ ᠢ ᠬᠢᠵᠦ ᠴᠢᠳᠠᠬᠤ ᠪᠤᠯᠤᠭᠠᠳ ᠬᠦᠷᠠᠯᠵᠠᠭᠠᠨ ᠳᠤ ᠶᠡᠬᠡᠭᠡᠨ ᠲᠤᠰᠠ ᠪᠣᠯᠵᠡᠢ᠃ ᠭᠡᠪᠠᠴᠤ ᠬᠠᠭᠠᠯᠭ᠎ᠠ ᠡᠭᠦᠳᠡᠨ ᠳᠤ ᠮᠦᠷᠬᠦᠬᠦ᠂ ᠭᠠᠯ ᠤᠰᠤᠨ ᠳᠤ ᠬᠠᠯᠠᠵᠤ ᠰᠢᠷᠠᠭᠳᠤᠬᠤ ᠶᠠᠪᠤᠳᠠᠯ ᠲᠠᠰᠤᠷᠠᠬᠤ ᠦᠭᠡᠢ ᠪᠠᠶᠢᠯ᠎ᠠ᠃ ᠬᠦᠣ ᠨᠢ ᠡᠬᠡ ᠪᠠᠨ ᠬᠦᠳᠦᠯᠵᠦ ᠴᠢᠳᠠᠬᠤ ᠪᠤᠯᠤᠭᠰᠠᠨ ᠠᠴᠠ ᠠᠪᠤ ᠨᠢ ᠬᠤᠶᠠᠭᠤᠯᠠ  ᠶᠢ ᠬᠠᠶᠠᠭᠠᠳ ᠠᠵᠢᠯ ᠳᠤ ᠶᠠᠪᠤᠳᠠᠭ᠃ ᠨᠢᠭᠡ ᠤᠳᠠᠭ᠎ᠠ ᠠᠪᠤ ᠨᠢ ᠠᠶᠢᠯ ᠳᠤ ᠠᠵᠢᠯ ᠬᠢᠭᠡᠳ ᠤᠷᠤᠢ ᠢᠷᠡᠬᠦ ᠳᠤ ᠬᠥᠤ ᠨᠢ ᠦᠠᠳᠦᠷ ᠮᠣᠳᠣ᠂ ᠰᠦᠬᠡ ᠵᠡᠷᠭᠡ ᠶᠢ ᠡᠪᠤᠷᠯᠡᠭᠡᠤᠨ ᠤᠨᠲᠠᠵᠤ ᠪᠠᠶᠢᠪᠠ᠃ ᠲᠠᠷᠠᠭ᠎ᠠ ᠡᠳᠦᠷ ᠨᠢ ᠠᠰᠠᠭᠤᠬᠤ  ᠳᠤ ᠡᠵᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠥᠯᠦᠭᠡ ᠭᠡᠨ᠎ᠡ᠃ ᠢᠩᠭᠢᠵᠦ ᠡᠨᠡ ᠭᠡᠷ ᠤᠨ ᠬᠤᠶᠡᠷ ᠡᠷ᠎ᠡ ᠬᠦᠮᠦᠨ ᠬᠠᠷᠠᠭ᠎ᠠ  ᠪᠠᠨ ᠠᠯᠳᠠᠭᠰᠠᠨ ᠡᠷᠳᠠᠨᠢᠬᠦᠤ ᠳᠤ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠭᠦᠢᠴᠡᠳᠬᠡᠵᠦ᠂ ᠬᠠᠶᠢᠷ᠎ᠠ ᠬᠠᠯᠠᠮᠵᠢ ᠪᠠᠨ ᠬᠥᠷᠲᠡᠭᠡᠭᠰᠡᠭᠡᠷ ᠢᠷᠠᠯ᠎ᠠ᠃ ᠬᠥᠤ ᠨᠢ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠰᠠᠨ ᠠᠴᠠ ᠠᠪᠤᠭᠠᠳ ᠲᠡᠷᠨ ᠪᠦᠰᠡᠬᠦᠢ ᠪᠠᠨ ᠬᠠᠮᠢᠭ᠎ᠠ ᠶᠠᠪᠤᠭᠰᠠᠨ ᠴᠦ ᠲᠠᠭᠠᠭᠤᠯᠤᠭᠠᠳ ᠶᠠᠪᠤᠳᠠᠭ᠃ ᠠᠵᠢᠯ ᠤᠨ ᠭᠠᠵᠡᠷ ᠢᠶᠠᠨ ᠲᠠᠭᠠᠭᠤᠯᠵᠤ ᠣᠴᠢᠭᠠᠳ ᠲᠡᠷᠬᠡᠳᠡ ᠪᠠᠨ ᠰᠠᠭᠤᠯᠭᠠᠵᠤ ᠲᠠᠯᠪᠢᠭᠠᠳ ᠯᠠ ᠦᠪᠡᠷ ᠲᠡᠭᠡᠨ ᠠᠵᠢᠯᠯᠠᠳᠠᠭ᠃ ᠡᠪᠤᠯ ᠳᠤ ᠪᠠᠨ ᠠᠷᠠᠰᠤᠨ ᠳᠡᠪᠠᠯ ᠳᠤ ᠪᠠᠭᠯᠠᠵᠤ ᠠᠷᠤ ᠳᠤ ᠪᠠᠨ ᠠᠴᠢᠭᠠᠳ ᠶᠠᠪᠤᠳᠠᠭ᠃ ᠨᠢᠭᠡ ᠤᠳᠠᠭ᠎ᠠ ᠡᠷᠳᠠᠨᠢᠬᠦᠤ ᠡᠪᠠᠳᠴᠢᠨ ᠢᠶᠠᠨ ᠦᠵᠡᠭᠦᠯᠬᠦ ᠭᠡᠵᠦ ᠠᠶᠢᠯ ᠤᠨ ᠬᠦᠮᠦᠨ ᠢᠶᠠᠨ ᠲᠠᠭᠠᠭᠠᠳ ᠬᠦᠬᠡᠬᠤᠳᠠ ᠳᠤ ᠶᠠᠪᠤᠭᠰᠠᠨ ᠳᠤ ᠠᠶᠢᠯ ᠤᠨ ᠬᠢᠨ ᠣᠴᠠᠷᠠᠭᠰᠠᠨ ᠪᠣᠯᠭᠠᠨ ︽ᠲᠠ ᠣᠳᠦ ᠬᠡᠳᠤᠨ ᠡᠳᠦᠷ ᠠᠮᠠᠷᠠᠬᠤ ᠶᠤᠮ ᠪᠠᠶᠢᠨ᠎ᠠ︾ ᠭᠡᠵᠦ ᠶᠠᠷᠢᠬᠤ ᠳᠤ ᠬᠦᠷᠠᠯᠵᠠᠭᠠᠨ  ︽ᠠᠮᠠᠷᠠᠭᠠᠳ ᠶᠠᠭᠤ ᠪᠠᠶᠢᠬᠤ ᠪᠤᠢ᠂ ᠬᠤᠭᠤᠰᠤᠨ ᠰᠠᠨᠠᠭᠳᠠᠭᠠᠳ ᠁ ᠮᠣᠲ᠋ᠣᠷ ᠤᠨ ᠠᠷᠤ ᠳᠠᠬᠢ ᠶᠠᠭᠤ ᠨᠢᠭᠡ ᠪᠠᠨ ᠭᠡᠭᠡᠴᠢᠭᠰᠡᠨ ᠰᠢᠭ ᠪᠤᠯᠤᠭᠠᠳ ᠪᠠᠶᠢᠨ ᠪᠠᠶᠢᠨ ᠬᠠᠷᠠᠵᠤ ᠦᠵᠡᠭᠡᠳ ᠯᠠ ᠪᠠᠶᠢᠨ᠎ᠠ ᠁︾ ᠭᠡᠵᠦ ᠦᠨᠡᠨ ᠦᠭᠡ ᠪᠠᠨ ᠬᠡᠯᠡᠵᠡᠢ᠃ ᠵᠠᠷᠢᠮ ᠬᠦᠮᠦᠰ ᠲᠡᠬᠦᠨ ᠢ ︽ᠲᠠ ᠦᠨᠡᠭᠡᠷ ᠠᠮᠠᠷ ᠦᠭᠡᠢ᠂ ᠮᠠᠨ ᠤ ᠪᠡᠶ᠎ᠡ ᠳᠤ ᠲᠠᠭᠠᠷᠠᠭᠰᠠᠨ ᠪᠣᠯ ᠬᠡᠳᠤᠨ ᠡᠳᠦᠷ ᠴᠦ ᠲᠡᠰᠬᠦ ᠦᠭᠡᠢ︾ ᠭᠡᠵᠦ ᠬᠡᠯᠡᠪᠠᠯ ᠲᠡᠷᠠ ᠦᠬᠡᠳᠡ ᠠᠴᠠ ᠨᠢ  ︽ᠬᠡᠨ ᠳᠤ ᠲᠠᠭᠠᠷᠠᠭᠰᠠᠨ ᠴᠦ ᠪᠦᠷ ᠢᠩᠭᠢᠵᠦ ᠯᠠ ᠬᠢᠬᠦ ᠶᠤᠮ︾ ᠭᠡᠳᠡᠭ᠃ ᠬᠦᠷᠠᠯᠵᠠᠭᠠᠨ ᠪᠠᠭ᠎ᠠ ᠠᠴᠠ ᠪᠠᠨ ᠰᠤᠷᠳᠠᠯ ᠮᠤᠷᠠᠯ ᠲᠠᠢ ᠦᠰᠦᠭᠰᠡᠨ ᠬᠡᠤᠬᠡᠳ᠂ ᠡᠳᠡᠨᠡᠶᠢᠬᠢᠨ ᠲᠡᠭᠡᠳᠦ ᠠᠴᠠ ᠪᠠᠨ ᠠᠪᠤᠭᠠᠳ ᠬᠦᠮᠦᠨ ᠳᠤ ᠲᠤᠰᠠᠷᠬᠠᠭ ᠰᠢᠳᠤᠷᠭᠤ ᠬᠦᠮᠦᠰ᠃ ᠲᠡᠷᠨ ᠪᠠᠶ᠋ᠬᠠᠦ᠋ᠠᠳᠦᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠤ ᠪᠠᠨ ᠵᠠᠮ ᠲᠡᠭᠡᠷ᠎ᠡ ᠠᠴᠠ ᠪᠠᠭᠯᠠᠭ᠎ᠠ ᠵᠤᠭᠤᠰ ᠲᠠᠢ ᠪᠤᠭᠴᠤ ᠤᠯᠵᠦ ᠠᠪᠤᠭᠠᠳ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ  ᠳᠤ ᠪᠠᠨ ᠲᠤᠰᠢᠶᠠᠭᠰᠠᠨ ᠶᠤᠮ᠃ ᠵᠦᠳᠠᠬᠦᠤ ᠠᠮᠢᠳᠤᠷᠠᠯ ᠲᠠᠢ ᠲᠡᠳᠡᠨ ᠳᠤ ᠠᠪᠴᠤ ᠬᠡᠯᠡᠪᠠᠯ ᠵᠤᠭᠤᠰ ᠬᠡᠴᠢᠨᠠᠨ ᠱᠠᠭᠠᠷᠳᠠᠭᠳᠠᠬᠤ ᠠᠵᠢ᠂ ᠭᠡᠪᠠᠴᠤ ᠪᠤᠰᠤᠳ ᠤᠨ ᠶᠠᠭᠤᠮ᠎ᠠ ᠶᠢ ᠳᠤᠷ᠎ᠠ ᠪᠠᠷ ᠠᠪᠳᠠᠭ ᠦᠭᠡᠢ ᠲᠡᠷᠨ ᠲᠤᠰ ᠪᠣᠭᠴᠣ ᠶᠢ ᠠᠯᠪᠠᠨ ᠳᠤ ᠲᠤᠰᠢᠶᠠᠵᠡᠢ᠃ ᠡᠨᠡ ᠶᠠᠪᠤᠳᠠᠯ ᠨᠢ ᠬᠦᠷᠠᠯᠵᠠᠭᠠᠨ ᠳᠤ ᠬᠡᠳᠤᠶᠢᠨᠢ ᠮᠡᠷᠳᠠᠭᠳᠠᠨ ᠤᠳᠤᠭᠰᠠᠨ ᠴᠦ ︽ᠠᠯᠳᠠ ᠤᠯᠪᠠᠴᠤ ᠠᠮᠢᠨ ᠳᠤ ᠪᠠᠨ ᠠᠪᠳᠠᠭ ᠦᠭᠡᠢ ᠰᠤᠷᠤᠭᠴᠢ︾ ᠭᠡᠵᠦ ᠪᠠᠶ᠋ᠬᠠᠦ᠋ᠠᠳᠦᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ  ᠶᠢᠨ ᠦᠢᠯᠠᠯᠭ᠎ᠠ ᠳᠤ ᠲᠡᠭᠦᠨ ᠤ ᠢᠷᠠᠭᠤ ᠠᠯᠳᠠᠷ ᠨᠢᠭᠡᠨᠳᠠ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠭᠰᠡᠨ ᠪᠠᠶᠢᠪᠠ᠃ ᠬᠦᠷᠠᠯᠵᠠᠭᠠᠨ ᠢᠩᠭᠢᠵᠤ ᠯᠠ ᠬᠠᠶᠢᠷ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠶᠢᠨ ᠡᠷᠬᠡ ᠪᠠᠷ ᠲᠡᠭᠦᠨ ᠤ ᠬᠡᠯᠡᠳᠡᠭ ︽ᠡᠭᠦᠷᠬᠡ︾ ᠭᠡᠳᠡᠭ ᠢᠶᠠᠨ ᠭᠦᠢᠴᠡᠳᠭᠡᠵᠤ ᠢᠷᠠᠵᠠᠢ᠃ ︽ᠪᠢ ᠦᠭᠡᠷ᠎ᠠ ᠬᠦᠮᠦᠨ ᠳᠤ ᠲᠠᠭᠠᠷᠠᠭᠰᠠᠨ ᠪᠣᠯ ᠠᠭᠤᠯᠠᠨ ᠭᠤᠤ ᠳᠤ ᠬᠠᠶᠠᠭᠳᠠᠴᠢᠬᠠᠭᠰᠠᠨ ᠴᠦ ᠪᠠᠶᠢᠵᠤ ᠮᠡᠳᠡᠨ᠎ᠡ᠃ ᠬᠦᠷᠠᠯᠵᠠᠭᠠᠨ ᠨᠠᠳᠠ ᠶᠢ ᠨᠢᠭᠡ ᠤᠳᠠᠭ᠎ᠠ ᠴᠦ ᠬᠠᠷᠠᠳᠠᠢ ᠬᠡᠯᠡᠭᠰᠡᠨ ᠦᠭᠡᠢ᠂ ᠪᠢ ᠵᠠᠷᠢᠮ ᠳᠤ ᠪᠠᠨ ᠡᠪᠠᠳᠴᠢᠨ ᠤ ᠰᠢᠯᠳᠠᠭᠠᠨ ᠪᠤᠶᠤ ᠠᠮᠢᠳᠤᠷᠠᠯ ᠤᠨ ᠭᠠᠴᠢᠭᠳᠠᠯ ᠠᠴᠠ ᠠᠭᠤᠷ ᠤᠴᠠᠭᠠᠷ ᠬᠦᠷᠴᠦ ᠬᠡᠲᠦᠷᠡᠭᠦᠯᠳᠡᠭ᠂ ᠭᠡᠪᠠᠴᠤ ᠨᠦᠬᠦᠷ ᠮᠢᠨᠢ ᠨᠠᠮ᠎ᠠ ᠶᠢ ᠲᠡᠭᠡᠭᠡᠷ᠎ᠠ ᠲᠠᠷᠤᠭᠠᠰᠤ ᠭᠡᠵᠦ ᠶᠠᠷᠤ ᠬᠡᠯᠡᠭᠰᠡᠨ ᠦᠭᠡᠢ ᠪᠦᠭᠡᠳ ᠠᠮᠢᠳᠤᠷᠠᠯ ᠳᠤ ᠪᠠᠨ ᠵᠣᠷᠢᠭ ᠮᠤᠬᠤᠬᠰᠠᠨ ᠤᠳᠠᠭ᠎ᠠ ᠦᠭᠡᠢ᠂ ᠦᠷᠬᠦᠯᠵᠢ ᠨᠠᠮ᠎ᠠ ᠶᠢ ᠰᠠᠶᠢᠨ ᠵᠦᠭ ᠪᠤᠳᠤᠬᠤ ᠶᠢ ᠵᠣᠷᠢᠭᠵᠢᠭᠤᠯᠵᠤ ᠯᠠ ᠪᠠᠶᠢᠳᠠᠭ᠃ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠡ ᠴᠦ ᠶᠠᠭᠤ ᠪᠣᠯᠭᠠᠨ ᠢ ᠨᠠᠳᠠ ᠲᠠᠢ ᠵᠦᠪᠳᠠᠨ᠎ᠠ᠂ ᠭᠠᠳᠠᠨᠠᠬᠢ ᠤᠴᠢᠷ ᠢ ᠬᠠᠷᠢᠵᠤ ᠢᠷᠡᠭᠡᠳ ᠨᠢᠭᠡᠳ ᠨᠢᠭᠡ ᠪᠠᠷ ᠨᠠᠳᠠ ᠳᠤ ᠬᠡᠯᠠᠵᠤ ᠦᠭᠭᠦᠨ᠎ᠡ᠂ ᠡᠮᠦᠰᠴᠦ ᠵᠠᠭᠦᠭᠦ᠂ ᠢᠳᠡᠵᠦ ᠤᠤᠭᠤᠬᠤ ᠠᠴᠠ ᠠᠪᠤᠭᠠᠳ ᠠᠯᠢᠪᠠ ᠪᠦᠬᠦᠨ ᠢ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠲᠤᠬᠢᠷᠠᠭᠤᠯᠵᠤ ᠥᠭᠳᠡᠭ᠃ ᠠᠶᠢᠯ ᠠᠶᠢᠮᠠᠭ ᠴᠦ ᠰᠠᠶᠢᠨ᠂ ᠨᠠᠮ ᠵᠠᠰᠠᠭ ᠤᠨ ᠬᠠᠪᠰᠤᠷᠤᠯᠭ᠎ᠠ ᠪᠠᠷ ᠣᠳᠤ ᠰᠢᠨ᠎ᠡ ᠭᠡᠷ ᠪᠠᠷᠢᠭᠠᠳ᠂ ᠠᠮᠢᠳᠤᠷᠠᠯ ᠪᠠᠰᠠ ᠳᠡᠭᠡᠭᠰᠢᠯᠡᠵᠦ ᠪᠤᠢ᠂ ᠬᠤᠷᠢᠨ ᠵᠢᠯ ᠢ ᠲᠤᠭᠤᠯᠵᠤ ᠢᠷᠡᠯ᠎ᠡ᠂ ᠵᠠᠷᠢᠮ ᠳᠤ ᠪᠠᠨ ᠵᠡᠭᠦᠳᠦ ᠵᠡᠷᠭᠡᠯᠭᠡᠨ ᠰᠢᠭ᠂ ᠭᠡᠷ ᠤᠨ ᠬᠦᠮᠦᠰ ᠢᠶᠠᠨ ᠵᠣᠪᠠᠭᠠᠭᠠᠳ ᠯᠠ ᠁︾ ᠭᠡᠵᠦ ᠨᠦᠬᠦᠷ ᠤᠨ ᠢᠶᠠᠨ ᠲᠤᠬᠠᠢ ᠬᠡᠯᠡᠬᠦ  ᠳᠤ ᠡᠷᠳᠠᠨᠢᠬᠦᠣ ᠶᠢᠨ ᠬᠤᠷᠢᠭᠯᠠᠭᠳᠠᠰᠢ ᠦᠭᠡᠢ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠨᠢ ᠬᠤᠷᠢᠨ ᠵᠢᠯ ᠤᠨ ᠲᠤᠷᠰᠢᠬᠢ ᠦᠭᠡ ᠬᠡᠯᠡ  ᠪᠠᠷ ᠢᠯᠡᠳᠬᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠲᠠᠯᠠᠷᠬᠠᠯ ᠤᠨ ᠰᠡᠳᠬᠢᠯᠭᠡ ᠶᠢ ᠨᠢ ᠲᠥᠯᠦᠭᠡᠯᠡᠨ ᠤᠷᠤᠰᠴᠤ ᠪᠠᠶᠢᠯ᠎ᠠ᠃     ᠪᠡᠶ᠎ᠡ ᠮᠠᠬᠠᠪᠤᠳ᠂ ᠠᠵᠤ ᠠᠬᠤᠢ ᠶᠢᠨ ᠲᠠᠯ᠎ᠠ ᠪᠠᠷ ᠲᠤᠳᠠᠭᠤ ᠬᠤᠮᠰᠠ ᠪᠠᠶᠢᠳᠠᠭ ᠴᠦ ᠬᠦᠷᠠᠯᠵᠠᠭᠠᠨ ᠤ ᠤᠷᠤᠭᠰᠢ ᠲᠡᠮᠡᠦᠯᠬᠦ ᠢᠳᠡᠬᠡᠯ᠂ ᠵᠦᠪ ᠢᠳᠡᠪᠬᠢ ᠦᠵᠡᠯ ᠰᠠᠨᠠᠭ᠎ᠠ ᠨᠢ ᠭᠡᠷ ᠪᠦᠯᠢ ᠳᠤ ᠪᠠᠨ ᠬᠦᠴᠤᠨ ᠵᠣᠷᠢᠭ ᠨᠠᠮᠠᠷᠢᠯᠠᠵᠤ ᠪᠠᠶᠢᠯ᠎ᠠ᠂ ᠠᠮᠢᠳᠤᠷᠠᠯ ᠤᠨ ᠤᠯᠠᠨ ᠤᠯᠠᠨ ᠬᠦᠴᠢᠷ ᠪᠡᠷᠬᠡ ᠶᠢᠨ ᠡᠮᠦᠨ᠎ᠡ ᠲᠡᠷᠨ ᠶᠠᠷᠤ ᠨᠢ ᠭᠤᠳᠤᠷᠠᠵᠤ ᠮᠤᠬᠤᠷᠠᠵᠤ ᠦᠵᠡᠭᠡ ᠦᠭᠡᠢ᠂ ᠬᠠᠷᠠᠭ᠎ᠠ ᠪᠠᠨ ᠠᠯᠳᠠᠭᠰᠠᠨ ᠪᠦᠰᠡᠬᠦᠢ ᠪᠠᠨ ᠬᠤᠷᠢᠨ ᠵᠢᠯ ᠠᠰᠠᠷᠠᠬᠤ ᠳᠤ ᠪᠠᠨ ᠨᠢᠭᠡ ᠤᠳᠠᠭ᠎ᠠ ᠴᠦ ᠭᠠᠪᠢᠶᠠᠷᠬᠠᠵᠤ ᠦᠩᠭᠡᠷᠡᠭᠡ ᠦᠭᠡᠢ᠃ ᠴᠢᠷᠮᠠᠶᠢᠳᠠᠭ ᠯᠠ ᠶᠤᠮ ᠪᠣᠯ ᠯᠠᠪᠳᠠᠢ ᠦᠬᠡᠳᠡ ᠡᠰᠡᠷᠡᠭ ᠪᠤᠯᠤᠨ᠎ᠠ ᠭᠡᠳᠡᠭ ᠭᠠᠭᠴᠠ ᠪᠤᠳᠤᠯ ᠨᠢ ᠲᠡᠬᠦᠨ ᠢ ᠬᠦᠳᠦᠯᠵᠦ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠠᠳᠠᠷᠭᠠᠠᠳᠤ ᠵᠠᠮ ᠢᠶᠠᠷ ᠬᠤᠷᠢᠭᠠᠳ ᠵᠢᠯ ᠲᠡᠮᠡᠦᠯᠦᠭᠦᠯᠪᠡ᠃ ᠨᠡᠶᠢᠭᠡᠮ ᠲᠡᠭᠡᠷ᠎ᠠ ᠪᠣᠰᠤᠳ ᠲᠤ ᠮᠠᠭᠤ ᠪᠠᠷ ᠬᠡᠯᠡᠭᠳᠡᠳᠡᠭ ᠴᠦ ᠭᠤᠳᠤᠷᠠᠬᠤ ᠦᠭᠡᠢ᠂ ᠴᠤᠬᠢᠭᠳᠠᠴᠢᠬᠠᠳᠠᠭ ᠴᠦ ᠬᠠᠮᠢᠶ᠎ᠡ ᠦᠭᠡᠢ᠂ ᠴᠤᠬᠢᠭᠰᠠᠨ ᠬᠦᠮᠦᠨ ᠤ ᠲᠤᠳᠦᠷ᠎ᠠ ᠬᠠᠷᠢᠨ ᠲᠠᠶᠢᠪᠤᠩ ᠪᠠᠶᠢᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠦᠷᠭᠦᠯᠵᠢ ᠬᠡᠯᠡᠳᠡᠭ ᠪᠣᠯᠬᠤᠷ ᠬᠥᠤ ᠨᠢ ᠴᠦ ᠡᠷᠡᠭᠦᠯ ᠰᠠᠶᠢᠬᠠᠨ ᠵᠦᠪ ᠬᠦᠮᠦᠵᠢᠯ ᠬᠦᠷᠳᠡᠵᠦ ᠂ ᠭᠡᠷ ᠤᠨ ᠬᠦᠴᠢᠷ ᠢᠶᠠᠨ ᠦᠢᠯᠠᠭᠠᠳᠠᠭ᠂ ᠵᠦᠪ ᠦᠵᠡᠯ ᠰᠡᠳᠬᠢᠴᠡ ᠲᠠᠢ᠂ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠲᠤᠷᠠᠳᠠᠢ᠂ ᠤᠬᠠᠭᠠᠨ ᠲᠠᠢ ᠬᠦᠤ ᠪᠤᠯᠤᠨ ᠦᠰᠦᠭᠰᠡᠨ ᠪᠠᠶᠢᠨ᠎ᠠ᠃ ᠮᠡᠳᠡᠭᠡ ᠤᠷᠤᠮᠠᠭᠴᠠ ᠪᠠᠨ ᠡᠵᠢ ᠳᠤ ᠪᠠᠨ ᠨᠢᠳᠦ ᠪᠣᠯᠵᠤ᠂ ᠠᠪᠤ ᠪᠠᠨ ᠬᠠᠪᠰᠤᠷᠴᠤ ᠡᠵᠢ ᠪᠠᠨ ᠬᠠᠷᠠᠭᠠᠯᠵᠠᠬᠤ ᠠᠵᠢᠯ ᠢ ᠪᠤᠯᠢᠶᠠᠯᠴᠠᠨ ᠬᠢᠳᠡᠭ᠃ ᠤᠳᠦ ᠶᠢᠨ ᠵᠠᠷᠢᠮ ᠬᠡᠤᠬᠡᠳ ᠨᠡᠷᠡᠯᠭᠡᠭ ᠰᠡᠳᠬᠢᠯ ᠲᠠᠢ᠂ ᠪᠤᠰᠤᠳ ᠲᠠᠢ ᠠᠳᠠᠯᠢᠳᠬᠠᠨ᠂ ᠬᠦᠳᠡᠭᠡ ᠶᠢᠨ ᠭᠡᠷ ᠤᠨ ᠠᠬᠠᠮᠠᠳ ᠨᠢ ᠮᠠᠭᠤᠬᠠᠢ ᠡᠮᠦᠰᠦᠭᠡᠳ ᠣᠴᠢᠬᠤ ᠳᠤ ᠢᠴᠢᠭᠡᠳ ᠠᠭᠤᠯᠵᠠᠬᠤ ᠦᠭᠡᠢ ᠪᠠᠶᠢᠬᠤ ᠳᠤ ᠡᠳᠡᠨ ᠤ ᠬᠥᠤ ᠨᠢ ᠬᠠᠷᠢᠨ ᠡᠵᠢ ᠪᠠᠨ ᠵᠠᠮᠳᠡᠭ ᠭᠡᠵᠦ ᠶᠠᠪᠤᠳᠠᠯ ᠪᠣᠯᠭᠠᠳᠠᠭ ᠦᠭᠡᠢ᠂ ᠰᠤᠷᠭᠠᠭᠤᠯᠢ ᠶᠢᠨ ᠬᠥᠷᠢᠶᠠᠨ ᠳᠤ ᠪᠠᠨ ᠴᠦ ᠡᠵᠢ ᠪᠠᠨ ᠬᠦᠳᠦᠯᠵᠦ ᠶᠠᠪᠤᠳᠠᠭ᠃ ᠬᠦᠮᠦᠨ ᠤ ᠶᠠᠭᠤᠮ᠎ᠠ ᠶᠢ ᠤᠯᠵᠦ ᠠᠪᠤᠠᠭᠤᠨ ᠬᠤᠪᠢᠨ ᠳᠤ ᠪᠠᠨ ᠠᠪᠳᠠᠭ ᠦᠭᠡᠢ᠂ ᠡᠵᠡᠨ ᠳᠤ ᠨᠢ ᠣᠯᠵᠦ ᠦᠭᠬᠦ ᠭᠡᠵᠦ ᠰᠠᠠᠳᠤᠷᠠᠳᠠᠭ ᠰᠠᠶᠢᠨ ᠰᠠᠨᠠᠭ᠎ᠠ ᠲᠠᠢ ᠬᠡᠤᠭᠡᠳ᠃ ᠲᠤᠮᠤ ᠪᠤᠯᠤᠭᠠᠳ ᠡᠮᠴᠢ ᠪᠣᠯᠵᠦ᠂ ᠡᠵᠢ ᠶᠢᠨ  ᠢᠶᠠᠨ ᠨᠢᠳᠦ ᠶᠢ ᠵᠠᠰᠠᠨ᠎ᠠ ᠬᠡᠳᠡᠭ ᠪᠣᠯ ᠬᠦᠤ ᠶᠢᠨ ᠬᠢᠨᠢ ᠪᠠᠭ᠎ᠠ ᠠᠴᠠ ᠪᠠᠨ ᠪᠠᠷᠢᠮᠳᠠᠯᠠᠵᠤ ᠢᠷᠡᠭᠰᠡᠨ ᠬᠦᠰᠠᠯ᠃ ᠭᠡᠪᠠᠴᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠤᠯᠬᠤ ᠳᠤ ᠦᠪᠡᠷ ᠤᠨ ᠬᠦᠰᠠᠵᠤ ᠰᠠᠨᠠᠭᠰᠠᠨ ᠡᠮᠴᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ  ᠪᠠᠨ ᠤᠷᠤᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ᠂ ᠡᠭᠦᠨ ᠳᠤ ᠪᠠᠨ ᠲᠤᠩ ᠭᠤᠳᠤᠷᠠᠵᠤ ᠵᠣᠪᠠᠭᠠᠳ᠂ ᠲᠠᠷᠠᠭ᠎ᠠ ᠵᠢᠯ ᠳᠤ ᠨᠢ ᠲᠠᠬᠢᠨ ᠰᠢᠯᠭᠠᠭᠤᠯᠵᠣ ᠵᠠᠪᠠᠯ ᠡᠮᠴᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠭᠡᠬᠦᠯᠡᠷ ᠨᠢ ᠡᠵᠢ ᠠᠪᠤ ᠨᠢ ᠠᠷᠭᠠᠳᠠᠭᠰᠠᠭᠠᠷ ᠪᠠᠶᠢᠵᠤ ᠲᠡᠷᠨ ᠵᠢᠯ ᠳᠤ ᠨᠢ  ᠺᠤᠮᠫᠢᠦ᠋ᠲ᠋ᠧᠷ ᠤᠨ ᠮᠡᠷᠬᠡᠵᠢᠯ ᠢᠶᠠᠷ ᠶᠠᠪᠤᠭᠤᠯᠤᠯ᠎ᠠ᠃
       ᠬᠦᠷᠠᠯᠵᠠᠭᠠᠨ ᠠᠵᠢᠯ ᠳᠤ ᠰᠠᠶᠢᠨ᠂ ᠦᠵᠡᠯ ᠰᠠᠨᠠᠭ᠎ᠠ ᠲᠠᠪᠰᠢᠩᠭᠤᠢ ᠪᠣᠯᠬᠤᠷ ᠬᠡᠳᠤᠨ ᠵᠢᠯ ᠤᠨ ᠡᠮᠦᠨ᠎ᠡ ᠨᠢᠭᠡᠨᠳᠠ ᠡᠪ ᠬᠠᠮᠳᠤ ᠨᠠᠮ ᠤᠨ ᠭᠡᠰᠢᠭᠦᠨ ᠢᠶᠠᠷ ᠡᠯᠰᠡᠭᠳᠡᠵᠦ᠂ ᠡᠯ᠎ᠡ ᠲᠠᠯ᠎ᠠ ᠳᠤ ᠤᠯᠠᠮ ᠴᠢᠷᠮᠠᠶᠢᠬᠤ ᠪᠣᠯᠤᠭᠰᠠᠨ ᠶᠤᠮ ᠃ ᠭᠠᠴᠠᠭᠠᠨ ᠠᠴᠠ ᠨᠢ ᠬᠦᠴᠢᠷᠳᠡᠢ ᠨᠠᠮ ᠤᠨ ᠬᠡᠰᠢᠭᠦᠨ ᠰᠤᠩᠭᠤᠬᠤ ᠳᠤ ᠴᠦ ᠴᠢᠷᠮᠠᠶᠢᠯᠭ᠎ᠠ ᠲᠠᠢ ᠬᠦᠮᠦᠨ ᠢ ᠲᠡᠮᠵᠢᠨ᠎ᠠ ᠭᠡᠵᠦ ᠲᠡᠬᠦᠨ ᠢ ᠰᠤᠩᠭᠤᠪᠠ᠃ ᠡᠨᠡ ᠵᠢᠯ ᠳᠤ ᠪᠠᠰᠠ ᠶᠠᠳᠠᠭᠤ ᠬᠦᠴᠢᠷᠳᠠᠢ ᠡᠷᠦᠬᠡ ᠳᠤ ᠤᠷᠤᠭᠤᠯᠵᠤ᠂ ᠬᠤᠰᠢᠭᠤᠨ ᠠᠵᠢᠯ ᠤᠯᠭᠤᠯᠳᠠ ᠶᠢᠨ ᠲᠤᠪᠴᠢᠶᠡᠨ ᠤ ᠨᠡᠶᠢᠳᠠ ᠶᠢᠨ ᠠᠰᠠᠷᠠᠮᠵᠢ ᠶᠢᠨ ᠪᠠᠶᠢᠷᠢ ᠳᠤ ᠲᠡᠳᠠᠨ ᠤ ᠬᠢᠨ ᠢ ᠲᠤᠬᠢᠷᠠᠭᠤᠯᠵᠦ ᠦᠭᠬᠦᠯ᠎ᠡ᠃ ᠬᠦᠷᠠᠯᠵᠠᠭᠠᠨ ᠡᠨᠡ ᠪᠦᠬᠦᠨ ᠳᠤ ᠰᠡᠳᠬᠢᠯ ᠬᠦᠳᠡᠯᠵᠦ᠂ ︽ᠦᠨᠡᠡᠳᠡᠭᠡᠨ ᠪᠢᠳᠠ ᠬᠦᠮᠦᠨ ᠤ ᠲᠥᠯᠦᠭᠡ ᠠᠮᠢᠳᠤᠷᠠᠵᠤ ᠪᠠᠶᠢᠬᠤ ᠪᠢᠰᠢ᠃ ᠨᠠᠮ ᠵᠠᠰᠠᠭ ᠲᠤ ᠭᠠᠪᠢᠶ᠎ᠡ ᠲᠠᠢ ᠴᠦ ᠪᠢᠰᠢ᠂ ᠪᠢ ᠨᠢᠭᠡ ᠨᠠᠮ  ᠤᠨ ᠭᠡᠰᠢᠭᠦᠨ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠨᠡᠶᠢᠭᠡᠮ ᠳᠤ ᠲᠠᠷᠤᠭᠠᠰᠤ ᠪᠤᠯᠤᠶ᠎ᠡ ᠭᠡᠵᠦ ᠪᠤᠳᠤᠬᠤ ᠦᠭᠡᠢ᠃ ᠬᠤᠷᠢᠨ ᠵᠢᠯ ᠤᠨ ᠲᠤᠷᠰᠢ ᠪᠢ ᠨᠢᠭᠡ ᠤᠳᠠᠭ᠎ᠠ ᠴᠦ ᠵᠣᠷᠢᠭ ᠮᠣᠬᠤᠷᠠᠭᠰᠠᠨ ᠦᠭᠡᠢ ᠴᠢᠷᠮᠠᠶᠢᠵᠤ ᠢᠷᠡᠭᠰᠡᠨ ᠢ ᠨᠠᠮ ᠵᠠᠰᠠᠭ ᠤᠯᠵᠣ ᠦᠵᠡᠵᠦ ᠪᠠᠶᠢᠭ᠎ᠠ ᠳᠤ ᠪᠠᠶᠠᠷᠯᠠᠳᠠᠭ︾ ᠭᠡᠵᠦ ᠠᠮᠢᠳᠤᠷᠠᠯ ᠤᠨ ᠠᠵᠠ ᠦᠬᠡᠶᠢᠳᠠᠯ᠂ ᠭᠠᠴᠢᠭᠳᠠᠯ᠂ ᠡᠪᠠᠳᠴᠢᠨ᠂ ᠶᠠᠳᠠᠭᠤᠷᠠᠯ ᠤᠨ ᠡᠮᠦᠨ᠎ᠡ ᠨᠢᠯᠪᠤᠰᠤ ᠤᠨᠠᠭᠠᠭ᠎ᠠ ᠦᠭᠡᠢ ᠰᠢᠠᠳᠠᠰᠤᠳᠤ ᠡᠷ᠎ᠠ ᠦᠪᠡᠷ ᠤᠨ ᠬᠢᠨᠢ ᠴᠢᠷᠮᠠᠶᠢᠵᠤ ᠲᠡᠮᠡᠴᠡᠵᠦ ᠢᠷᠡᠭᠰᠡᠨ ᠢ ᠨᠢ ᠪᠣᠰᠤᠳ ᠠᠴᠠ ᠮᠡᠳᠡᠷᠡᠵᠤ ᠦᠢᠯᠠᠭᠠᠬᠤ ᠳᠤ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠨᠢᠯᠪᠤᠰᠤ ᠤᠨᠠᠭᠠᠵᠤ ᠪᠠᠶᠢᠯ᠎ᠠ᠃ ᠡᠷᠳᠠᠨᠢᠬᠦᠤ ᠬᠤᠷᠢᠭᠠᠳ ᠨᠠᠰᠤᠨ ᠳᠤ ᠪᠠᠨ ᠬᠤᠶᠡᠷ ᠨᠢᠳᠦ ᠪᠠᠨ ᠠᠯᠳᠠᠵᠤ ᠬᠤᠷᠸ᠎ᠠ  ᠶᠢᠨ ᠶᠠᠭᠤ ᠪᠦᠬᠦᠨ ᠢ ᠬᠠᠷᠠᠩᠭᠤᠢ ᠦᠩᠭᠡᠷᠡᠬᠡᠬᠦ ᠮᠠᠭᠤᠬᠠᠨ ᠲᠠᠪᠢᠯᠠᠩ ᠲᠠᠢ ᠪᠠᠶᠢᠭᠰᠠᠨ ᠴᠦ ᠵᠣᠯ ᠪᠤᠰᠤ ᠶᠢᠨ ᠲᠤᠮᠳᠡ ᠵᠣᠯ ᠲᠠᠢ ᠪᠠᠶᠢᠭᠰᠠᠨ ᠨᠢ ᠬᠦᠷᠠᠯᠵᠠᠭᠠᠨ ᠤ ᠪᠦᠰᠡᠬᠦᠢ ᠪᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃ ᠭᠠᠯ ᠵᠠᠯᠠᠭᠤ ᠬᠤᠷᠢᠨ ᠨᠠᠰᠤᠨ ᠤ ᠦᠩᠬᠡ ᠳᠦᠷᠬᠦ ᠪᠠᠷ ᠡᠷᠳᠠᠨᠢᠬᠦᠤ ᠶᠢᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠨᠢ ᠦᠨᠢᠳᠡ ᠦᠯᠡᠳᠡᠭᠰᠡᠨ ᠬᠦᠷᠠᠯᠵᠠᠭᠠᠨ ᠂ ᠪᠦᠰᠡᠬᠦᠢ ᠶᠢᠨ ᠢᠶᠠᠨ ᠬᠠᠷᠠᠩᠭᠤᠢ ᠶᠢᠷᠲᠢᠨᠴᠦ ᠶᠢ ᠨᠢ ᠬᠡᠷᠡᠯᠳᠤᠬᠦᠯᠦᠭᠴᠢ ᠰᠡᠳᠬᠢᠯ ᠤᠨ ᠵᠣᠯᠨ᠂ ᠬᠤᠯᠨ ᠳᠤ ᠬᠦᠲᠦᠯᠬᠦ ᠭᠡᠭᠡᠨ ᠮᠠᠯᠠᠮᠠᠢ ᠨᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠨᠢᠭᠡᠨ ᠭᠡᠷ ᠪᠦᠯᠢ ᠳᠤ ᠬᠠᠶᠢᠷ᠎ᠠ ᠲᠤᠳᠠᠭᠳᠠᠵᠤ ᠪᠣᠯᠬᠤ ᠦᠭᠡᠢ ᠂ ᠭᠡᠬᠦ ᠳᠤ ᠬᠠᠶᠢᠷ᠎ᠠ ᠠᠴᠠ ᠨᠡᠩ ᠴᠢᠬᠤᠯᠠ ᠬᠠᠷᠢᠭᠤᠴᠠᠯᠭ᠎ᠠ ᠭᠡᠵᠦ ᠪᠠᠶᠢᠳᠠᠭ ᠢ ᠬᠦᠮᠦᠨ ᠪᠦᠬᠦᠨ ᠦᠢᠯᠠᠭᠠᠳᠠᠭ ᠦᠭᠡᠢ ᠠᠵᠢ᠃         ᠬᠦᠮᠦᠨ ᠤ ᠰᠡᠳᠬᠢᠯᠭᠡ ᠨᠢᠮᠭᠡᠷᠡᠵᠤ᠂ ᠢᠳᠡᠬᠡᠯ ᠵᠢᠷᠦᠮ ᠪᠠᠷᠠᠭᠳᠠᠵᠤ ᠪᠠᠶᠢᠭ᠎ᠠ ᠦᠨᠦᠳᠦᠷ᠂ ᠮᠣᠩᠭᠤᠯ ᠡᠷ᠎ᠠ ᠬᠦᠮᠦᠨ ᠤ ᠮᠦᠰᠤ ᠴᠢᠨᠡᠷ᠂ ᠰᠡᠳᠬᠢᠯ ᠤᠨ ᠲᠡᠩᠭᠡᠭᠡ ᠶᠢ ᠭᠠᠶᠢᠬᠠᠭᠤᠯᠤᠭᠰᠠᠨ ᠬᠦᠷᠠᠯᠵᠠᠭᠠᠨ ᠭᠡᠷ ᠪᠦᠯᠢ ᠳᠤ ᠪᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠬᠦᠢᠴᠠᠳᠬᠡᠵᠤ ᠨᠤᠲᠤᠭ ᠤᠰᠤᠨ ᠤ ᠪᠠᠨ ᠮᠠᠭᠳᠠᠭᠠᠯ ᠪᠢᠰᠢᠷᠠᠯ ᠢ ᠬᠦᠷᠳᠡᠯ᠎ᠡ᠃ ᠲᠡᠬᠦᠨ ᠤ ᠴᠢᠷᠮᠠᠶᠢᠯᠭ᠎ᠠ ᠨᠢ ᠵᠦᠪᠬᠡᠨ ᠨᠢᠭᠡᠨ ᠭᠡᠷ ᠪᠦᠯᠢ ᠳᠤ ᠪᠠᠨ ᠯᠠ ᠭᠠᠷᠭᠠᠭᠰᠠᠨ ᠵᠢᠳᠬᠦᠯ ᠲᠡᠳᠤᠢ ᠪᠢᠰᠢ ᠬᠠᠷᠢᠨ ᠨᠡᠶᠢᠭᠡᠮ ᠳᠤ ᠦᠵᠡᠭᠦᠯᠦᠭᠰᠡᠨ ᠬᠠᠶᠢᠷ᠎ᠠ ᠬᠠᠷᠢᠭᠤᠴᠠᠯᠭ᠎ᠠ ᠪᠤᠯᠤᠨ᠎ᠠ᠃ ᠶᠤᠰᠤ ᠰᠤᠷᠳᠠᠬᠤᠨ ᠲᠠᠢ᠂ ᠡᠶ᠎ᠡ ᠵᠤᠬᠢᠴᠠᠯ  ᠲᠠᠢ ᠪᠣᠯᠪᠠᠰᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠨᠡᠶᠢᠭᠡᠮ ᠢ ᠪᠠᠶᠢᠭᠤᠯᠬᠤ ᠳᠤ ᠬᠦᠮᠦᠨ ᠪᠦᠬᠦᠨ ᠬᠠᠷᠢᠭᠤᠴᠠᠯᠭ᠎ᠠ ᠲᠠᠢ᠂ ᠬᠦᠷᠠᠯᠵᠠᠭᠠᠨ ᠨᠡᠶᠢᠭᠡᠮ ᠳᠤ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠭᠦᠢᠴᠡᠳᠬᠡᠵᠤ᠂  ᠬᠠᠶᠢᠷ᠎ᠠ ᠬᠠᠨᠳᠢᠪ ᠢᠶᠠᠨ ᠡᠷᠭᠦᠭᠰᠡᠭᠡᠷ ᠁                                                     ᠵᠤᠬᠢᠶᠠᠭᠴᠢ᠄  ᠴ᠊᠂ ᠰᠠᠷᠠᠭᠤᠯ     ᠨᠠᠶᠢᠷᠠᠭᠤᠯᠣᠭᠴᠢ᠄ ᠡ᠊ · ᠰᠠᠷᠠᠭᠤᠯ                                                  
 
ᠢᠷᠡᠯᠲᠡ᠄ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠮᠣᠭᠤᠯᠠᠩ ᠰᠠᠶᠢᠬᠠᠨ ᠴᠠᠭᠠᠯᠠᠵᠣ ᠪᠠᠶᠢᠡᠨᠣ︖
ᠴᠠᠭᠠᠨ ᠬᠤᠯᠣᠭᠠᠨ᠎ᠠ ᠵᠢᠯ ᠢᠶᠠᠨ ᠣᠡᠡᠳᠣᠬᠤ ᠢᠷᠣᠭᠡᠯ ᠮᠬᠠᠳᠠᠭᠠᠯ
ᠪᠣᠷᠬᠠᠨ ᠠᠪᠤ ᠮᠢᠨᠢ
ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ︵ᠠᠷᠪᠠ︶
ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ︵ᠶᠢᠰᠦ︶
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05003979号