| ᠡᠮᠦᠨᠡ ᠵᠠᠭᠤᠨ ᠠᠴᠠ ᠨᠠᠭᠠᠰᠢᠯᠠᠵᠤ ᠠᠨᠢᠷᠳᠠᠬᠤ | ᠠᠬᠠᠮᠠᠳ ᠴᠡᠷᠢᠭ ᠤᠨ ᠤᠯᠠᠮᠵᠢᠯᠠᠯ ᠬᠠᠭᠤᠴᠢ | ᠤᠷᠠᠨᠲ᠋ᠠᠨᠠ | | ᠲᠡᠦᠬᠡ ᠬᠦᠮᠦᠨ ᠢ ᠤᠬᠠᠭᠠᠷᠠᠭᠤᠯᠵᠤ᠂ ᠶᠤᠰᠤ ᠤᠴᠢᠷ ᠢ ᠲᠠᠨᠢᠭᠤᠯᠤᠨ᠂ ᠦᠴᠦᠭᠡᠳᠦᠷ ᠤᠨ ᠦᠯᠢᠬᠡᠷ ᠢᠶᠠᠷ | ᠦᠨᠦ ᠶᠢᠨ ᠬᠢᠨ ᠢ ᠰᠡᠭᠡᠭᠡᠷᠡᠬᠦᠯᠳᠡᠭ ᠤᠨ ᠵᠢᠮᠡ ᠲᠠᠢ ᠶᠤᠮ᠂ ᠪᠢᠳᠡᠨ ᠤ ᠦᠨᠦᠳᠦᠷ ᠤᠨ ᠡᠩᠬᠡ ᠲᠠᠶᠢᠪᠤᠩ᠂ ᠠᠮᠤᠷ | ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯ᠂ ᠦᠭᠡᠳᠡᠯᠡᠨ ᠬᠦᠭᠵᠢᠬᠡ ᠦᠢᠯᠡᠳᠪᠦᠷᠢᠯᠡᠯ ᠦᠢᠯᠡᠰ ᠤᠨ ᠴᠠᠭᠠᠨᠠ ᠠᠬᠠᠮᠠᠳ ᠦᠶᠡ ᠶᠢᠨ | ᠠᠯᠳᠠᠷᠠᠢ ᠵᠠᠯᠠᠭᠤ ᠨᠠᠰᠤ ᠡᠷᠡᠰᠳᠡᠨ᠂ ᠠᠷᠢᠭᠤᠨ ᠤᠯᠠᠭᠠᠨ ᠴᠢᠰᠦ ᠤᠷᠤᠰᠤᠨ ᠪᠠᠶᠢᠵᠤ ᠢᠷᠡᠭᠰᠡᠨ ᠢ ᠠᠨᠳᠠᠯᠳᠠᠢ ᠪᠢᠰᠢ᠃ | ︽ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠤᠯᠵᠤ᠂ ᠰᠢᠨᠡ ᠶᠠᠭᠤᠮᠠ ᠵᠤᠯᠠ ᠪᠤᠯᠤᠨᠠ︾᠃ ᠬᠤᠪᠴᠠᠰᠤ ᠦᠬᠡᠢ ᠮᠦᠷᠦ | ᠨᠢᠴᠦᠬᠦᠨ᠂ ᠬᠦᠨᠡᠰᠦ ᠬᠡᠮᠵᠢᠶᠡ ᠲᠠᠢ ᠭᠡᠳᠡᠰᠦ ᠦᠯᠦᠰᠭᠦᠯᠡᠩ ᠢᠶᠠᠷ ᠬᠤᠶᠠᠷ ᠮᠢᠩᠭᠠ ᠲᠠᠪᠤᠨ ᠵᠠᠭᠤᠨ ᠭᠠᠵᠠᠷ ᠤᠨ | ᠤᠷᠳᠤ ᠵᠠᠮ ᠤᠨ ᠠᠶᠠᠨ ᠲᠠᠶᠢᠨ ᠢ ᠬᠢᠵᠦ᠂ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠴᠢᠯᠦᠬᠡᠯᠡᠯᠳᠡ ᠶᠢ ᠲᠡᠮᠡᠴᠡᠡ ᠤᠯᠤᠬᠰᠠᠨ ᠦᠤᠬᠡ | ᠲᠡᠦᠬᠡ ᠶᠢᠨ ᠤᠴᠢᠷ ᠢ ᠪᠢᠴᠢᠬᠦ ᠳᠤ ᠨᠠᠰᠤ ᠨᠢᠯᠬᠠᠰᠢᠶᠠᠷ᠂ ᠴᠢᠰᠦ ᠰᠢᠩᠬᠡᠨ᠂ ᠤᠬᠠᠭᠠ ᠬᠤᠨᠭ᠍ᠭᠢᠳᠠᠬᠤ ᠶᠢᠨ ᠬᠠᠷᠠᠭᠠ᠂ | ᠶᠠᠪᠤᠵᠤ ᠢᠷᠡᠭᠰᠡᠨ ᠵᠠᠮ ᠢᠶᠠᠨ᠂ ᠲᠤᠭᠤᠯᠵᠤ ᠦᠡᠭᠬᠡᠷᠡᠭᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠢᠶᠠᠨ᠂ ᠲᠡᠮᠡᠴᠡᠨ ᠲᠡᠮᠡᠦᠯᠡᠭᠰᠡᠨ | ᠲᠡᠦᠬᠡ ᠪᠠᠨ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠢᠶᠠᠨ ᠶᠠᠷᠢᠵᠤ ᠬᠦᠦᠷᠨᠢᠬᠦ ᠨᠢ ᠢᠳᠡᠭᠡᠬᠦᠯᠬᠦ ᠬᠦᠴᠦᠨ᠂ ᠲᠠᠳᠠᠬᠤ ᠬᠦᠴᠦᠨ᠂ | ᠦᠨᠡᠨ ᠤ ᠬᠡᠮᠵᠢᠶᠡ ᠪᠠᠷ ᠢᠶᠠᠨ ᠦᠵᠦᠭ ᠪᠢᠷ ᠬᠤᠷᠦ᠋ᠢᠯᠠᠨ ᠬᠠᠵᠠᠭᠤ ᠠᠴᠠ ᠮᠡᠷᠭᠡᠯᠡᠬᠦ ᠠᠴᠠ ᠬᠠᠪᠢ ᠦᠬᠡᠢ ᠲᠡᠭᠡᠷᠡ | ᠶᠤᠮ᠃ | 1948 ᠤᠨ ᠤ ᠦᠶᠡ ᠪᠠᠷ᠂ ᠬᠤᠪᠢᠰᠬᠠᠯ ᠬᠠᠷᠠᠠᠬᠠ ᠡᠴᠦᠰ ᠤᠨ ᠢᠯᠠᠯᠳᠠ ᠤᠯᠤᠭᠠᠳᠤᠢ᠂ ᠨᠢᠭᠡ ᠪᠦᠯᠦᠭ | ᠬᠦᠮᠦᠰ ᠤᠨ ᠦᠵᠡᠯ ᠪᠤᠳᠤᠯ ᠪᠠᠰᠠ ᠠᠴᠠᠨ ᠰᠠᠯᠠᠭᠠᠨ ᠳᠤ ᠲᠡᠭᠦᠵᠢᠯᠡᠭᠳᠡᠵᠦ ᠠᠬᠰᠠᠨ ᠪᠤᠳᠤᠯᠢᠶᠠᠨᠳᠤ ᠲᠡᠦᠬᠡ ᠶᠢᠨ | ᠤᠷᠴᠢᠨ ᠳᠤ ᠲᠠᠶᠢᠨ ᠤ ᠠᠷᠦ ᠲᠠᠯᠠ ᠳᠤ ᠮᠦᠨ ᠢᠯᠡ ᠲᠠᠯᠳᠠ ᠴᠢᠰᠦᠨ ᠦᠨᠦᠷ ᠲᠠᠢ ᠲᠠᠶᠢᠨ ᠦᠷᠬᠦᠯᠵᠢᠯᠡᠵᠦ | ᠪᠠᠶᠢᠬᠰᠠᠨ᠂ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠡᠨᠡ ᠮᠡᠳᠦ ᠶᠢᠨ ᠲᠠᠶᠢᠨ ᠳᠤ ᠤᠯᠠᠨ ᠬᠦᠮᠦᠰ ᠤᠷᠤᠯᠴᠠᠵᠤ ᠪᠠᠶᠢᠭᠰᠠᠨ᠃ | ᠡᠬᠦᠨ ᠤ ᠲᠤᠳᠤᠷᠠ ᠠᠴᠠ ᠪᠢ ᠨᠢᠬᠡ ᠠᠬᠠᠮᠠᠳ ᠢ ᠤᠯᠵᠤ ᠰᠤᠷᠪᠤᠯᠵᠢᠯᠠᠬᠰᠠᠨ᠃ ᠠᠬᠠᠮᠠᠳ ᠪᠠᠷ ᠬᠡᠳᠦ᠋ᠢᠪᠡᠷ ᠭᠠᠯ | ᠤᠰᠤᠨ ᠤ ᠡᠮᠦᠨᠡ ᠹᠷᠤᠨᠲ ᠲᠤ ᠬᠦᠷᠴᠦ᠂ ᠰᠤᠮᠤᠨ ᠮᠦᠨᠳᠦᠷ ᠲᠤᠮᠳᠠᠭᠤᠷ ᠰᠢᠪᠳᠤᠯᠵᠤ᠂ ᠴᠢᠰᠤᠨ ᠭᠠᠪᠢᠶᠠ | ᠪᠠᠶᠢᠭᠤᠯᠵᠤ ᠶᠠᠪᠤᠭᠰᠠᠨ ᠦᠬᠡᠢ ᠭᠡᠳᠡᠭ ᠪᠤᠯᠪᠠᠴᠤ ᠡᠳᠦᠬᠡ ᠴᠠᠭ ᠤᠨ ᠵᠢᠷᠭᠠᠯ ᠳᠤ ᠱᠤᠩᠪᠠᠭᠠ ᠬᠦᠮᠦᠰ ᠲᠤ | ᠰᠡᠳᠬᠢᠵᠦ ᠤᠯᠤᠰᠢ ᠦᠬᠡᠢ᠂ ᠰᠡᠳᠬᠢᠬᠦ ᠪᠤᠳᠤᠯ ᠤᠷᠤᠭᠤᠯᠳᠠᠭ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠤᠨ ᠵᠠᠬᠠ ᠵᠤᠬᠠ ᠠᠴᠠ ᠨᠢ | ᠲᠤᠭᠤᠯᠤᠭᠤᠯᠬᠤ ᠪᠠᠷ ᠪᠤᠢ᠃ | | | | | | ᠰᠢᠷᠦᠪᠵᠠᠮᠰᠤ᠂ 1930 ᠤᠨ ᠤ᠂ ᠮᠤᠷᠢ ᠵᠢᠯ ᠲᠠᠢ᠂ 87 ᠲᠠᠢ ᠠᠬᠠᠮᠠᠳ ᠴᠡᠷᠢᠭ᠃ ᠬᠡᠳᠦᠨ ᠲᠦᠷᠦ ᠶᠢᠨ | ᠠᠮᠢᠳᠤᠷᠠᠯ ᠠᠬᠤᠢ ᠶᠢ ᠡᠳ᠋ᠯᠡᠵᠦ ᠦᠵᠡᠵᠦ ᠦᠡᠭᠭᠡᠷᠡᠭᠦᠯᠦᠭᠰᠨᠨ ᠦᠬᠡ ᠶᠢᠨ ᠵᠢᠩ ᠲᠠᠢ ᠦᠳᠡᠯᠦᠭᠡ ᠪᠤᠭᠤᠷᠤᠯ᠃ | ᠰᠠᠶᠢᠬᠠᠨᠳᠠᠯᠠ ᠰᠤᠮᠤ ᠶᠢᠨ ᠴᠠᠭᠠᠨᠬᠤᠸᠠ ᠭᠠᠴᠠᠭᠠ ᠶᠢᠨ ᠴᠠᠭᠠᠨᠬᠤᠸᠠ ᠲᠤᠭᠤᠢᠢᠯᠠᠩ ᠢᠶᠠᠷ ᠨᠤᠳᠤᠭ ᠲᠠᠢ᠂ ᠦᠷᠡ | ᠠᠴᠢᠷ ᠤᠨ ᠢᠶᠠᠨ ᠰᠠᠶᠢᠨ ᠢ ᠦᠵᠡᠨ᠂ ᠡᠷᠡᠭᠦᠯ ᠲᠡᠩᠬᠡᠯᠡᠬᠦᠨ ᠦᠳᠡᠯᠦᠬᠡ ᠪᠤᠶᠠᠨᠳᠤ ᠨᠠᠰᠤᠳᠠᠨ᠃ | ᠵᠠ᠂ ᠦᠬᠡ ᠤᠯᠠᠳᠠᠵᠤ ᠦᠬᠡᠷ ᠬᠤᠯᠠᠳᠠᠴᠢᠬᠠᠪᠠᠤ ᠨᠠᠰᠤᠳᠠᠨ ᠤ ᠲᠤᠭᠠᠴᠢᠯᠳᠠ ᠶᠢ ᠲᠠᠭᠠᠵᠤ᠂ ᠪᠢᠳᠡ ᠴᠤ | ᠲᠤᠬᠠᠢ ᠶᠢᠨ ᠤᠷᠴᠢᠨ ᠳᠤ ᠬᠦᠷᠦᠶᠡ᠄ | ᠦᠨᠡᠨᠳᠡᠭᠡᠨ ᠭᠠᠵᠠᠷ ᠰᠢᠷᠤᠢ ᠶᠢᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠳᠤ ᠨᠢᠭᠡᠨᠳᠡ ᠮᠠᠨᠤᠰ ᠮᠡᠳᠦ ᠶᠢᠨ ᠵᠠᠯᠠᠭᠤᠴᠤᠤᠨ ᠢ | ᠴᠡᠷᠢᠭ ᠲᠤ ᠲᠠᠳᠠᠬᠤ ᠪᠠᠷ ᠲᠤᠭᠳᠠᠭᠠᠳ ᠪᠠᠶᠢᠪᠠ᠃ 1948 ᠤᠨ ᠤ 2 ᠳ᠋ᠤᠭᠠᠷ ᠰᠠᠷᠠ ᠶᠢᠨ 17 ᠳᠤ ᠪᠠᠶᠠᠨᠳᠠᠯᠠ | ᠨᠤᠳᠤᠭ ᠠᠴᠠ ᠬᠤᠶᠠᠷ ᠰᠤᠮᠤ ᠴᠡᠷᠢᠭ ᠭᠠᠷᠭᠠᠵᠤ᠂ ᠯᠢᠶᠡᠨᠵᠠᠩ ᠴᠦᠢᠳᠤᠷᠵᠢ ᠨᠤᠳᠤᠭ ᠠᠴᠠ ᠪᠠᠨ ᠲᠠᠭᠠᠭᠤᠯᠤᠨ | ᠭᠠᠷᠴᠤ ᠢᠷᠡᠭᠡᠳ᠂ ᠮᠠᠨ ᠤ ᠬᠤᠰᠢᠭᠤᠨ ᠤ ᠰᠢᠨ ᠮᠢᠨ ᠤᠷᠴᠢᠮ ᠤᠨ ᠷᠧ ᠡᠾᠧ ᠳ᠋ᠤᠸᠠᠨ ᠳᠤ ᠤᠴᠢᠵᠦ 2 ᠰᠠᠷᠠ | ᠰᠢᠬᠠᠮ ᠠᠷᠠᠳ ᠲᠤ ᠲᠦᠯᠡᠭᠡ ᠮᠠᠯᠳᠠᠵᠤ ᠦᠭᠬᠦᠨ᠂ ᠤᠰᠤ ᠲᠠᠮᠨᠠᠵᠤ ᠠᠪᠴᠢᠷᠠᠨ᠂ ᠭᠠᠵᠠᠷ ᠬᠦᠰᠡᠷ ᠢ ᠨᠢ | ᠱᠦᠬᠦᠷᠳᠡᠵᠦ ᠦᠭᠳᠡᠭ ᠪᠠᠶᠢᠪᠠ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠬᠢᠷᠢ ᠲᠡᠩᠴᠡᠬᠦ ᠦᠬᠡᠢ ᠪᠤᠶᠤ ᠭᠡᠷ ᠡᠷᠦᠬᠡ ᠨᠢ | ᠬᠦᠴᠢᠷᠳᠡᠢ ᠶᠢ ᠨᠢ ᠠᠷᠦ ᠬᠡᠷ ᠲᠤᠨᠢ ᠪᠤᠴᠠᠭᠠᠵᠠᠢ᠃ | ᠵᠠᠯᠭᠠᠭᠠᠳ ᠵᠠᠩ ᠵᠢᠶᠠ ᠳ᠋ᠢᠶᠠᠨ ᠤ ᠪᠠᠶᠠᠨ ᠬᠦᠮᠦᠨ ᠤ ᠶᠡᠭᠡ ᠲᠠᠯᠠᠪᠠᠢ ᠲᠠᠢ ᠲᠠᠷᠢᠶᠠᠨ ᠭᠠᠵᠠᠷ ᠤᠨ | ᠦᠳᠦᠷᠮᠡ ᠳᠤ ᠡᠳᠦᠷ ᠲᠡᠭᠡᠨ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠵᠦ᠂ ᠬᠡᠳᠦᠨ ᠰᠠᠷᠠ ᠰᠠᠭᠤᠵᠠᠢ᠃ ᠡᠨᠡ | ᠬᠤᠭᠤᠷᠤᠨᠳᠤ ᠨᠢ ᠪᠠᠰᠠ ᠨᠢᠭᠡ ᠰᠤᠮᠤᠨ ᠠᠴᠠ 12 ᠬᠦᠮᠦᠨ ᠭᠠᠷᠭᠠᠵᠤ᠂ ᠬᠤᠨᠳᠦ ᠶᠢᠨ ᠨᠠᠷᠢᠨᠴᠠᠪ ᠲᠤ ᠠᠯᠳᠠᠭᠠᠨᠠ | ᠬᠠᠳᠤᠭᠤᠯᠬᠤ ᠪᠠᠷ ᠶᠠᠪᠤᠭᠤᠯᠪᠠ᠃ ᠨᠠᠷᠢᠨᠴᠠᠪ ᠨᠢ ᠮᠢᠨᠦ ᠭᠡᠷ ᠠᠴᠠ ᠤᠢᠢᠷᠠᠬᠠᠨ ᠪᠤᠯᠬᠤᠷ ᠪᠠᠷᠢᠭᠠᠳᠠ ᠳᠠᠭᠠᠨ ᠬᠦᠷᠴᠦ᠂ | ᠦᠬᠡᠷ ᠲᠡᠷᠬᠡ ᠤᠯᠤᠭᠠᠳ᠂ ᠠᠷᠠᠳ ᠠᠴᠠ ᠬᠠᠳᠤᠭᠤᠷ ᠵᠢᠬᠡᠯᠡᠨ᠂ ᠲᠦᠯᠡᠭᠡ ᠪᠠᠨ ᠬᠠᠳᠤᠵᠤ ᠲᠡᠭᠡᠭᠡᠪᠡ᠃ ᠮᠠᠨ ᠳᠤ | ᠴᠡᠷᠢᠭ ᠠᠴᠠ ᠬᠤᠪᠢᠶᠠᠬᠰᠠᠨ ᠬᠤᠪᠴᠠᠰᠤ ᠪᠤᠯ ᠬᠦᠬᠡ ᠦᠡᠭᠬᠡᠳᠡᠢ᠃ ᠪᠢᠳᠡ ᠡᠨᠡ ᠬᠤᠪᠴᠠᠰᠤ ᠪᠠᠨ ᠬᠠᠶᠢᠷᠠᠯᠠᠭᠠᠳ | ᠡᠮᠦᠰᠬᠦ ᠦᠬᠡᠢ ᠨᠢᠴᠦᠬᠦᠨ ᠪᠡᠶᠡ ᠪᠠᠷ ᠲᠦᠯᠡᠭᠡ ᠬᠠᠳᠤᠵᠤ ᠲᠡᠭᠦᠨ᠂ ᠡᠭᠦᠷᠦᠨᠡ᠃ ᠰᠠᠷᠠ ᠭᠠᠷᠤᠢ ᠡᠶᠢᠮᠦᠷᠬᠦ | ᠶᠠᠩᠵᠤ ᠪᠠᠷ ᠠᠵᠢᠯᠯᠠᠵᠤ᠂ ᠮᠠᠨᠤᠰ ᠤᠨ ᠨᠢᠷᠤᠭᠤ ᠪᠦᠷ ᠠᠯᠳᠠᠭᠠᠨᠠ ᠶᠢᠨ ᠦᠷᠭᠡᠰᠦᠨ ᠳᠤ ᠬᠠᠷᠠ ᠲᠤᠯᠪᠤᠰᠢᠬᠰᠠᠨ | ᠪᠠᠶᠢᠬᠰᠠᠨ᠃ ᠬᠦᠨᠵᠢᠯᠡ ᠲᠡᠪᠢᠰᠭᠡᠷ ᠬᠡᠰᠡᠨ ᠶᠠᠭᠤᠮᠠ ᠦᠬᠡᠢ᠃ ᠡᠳᠦᠷ ᠤᠨ 1 ᠵᠢᠩ 2 ᠯᠠᠩ ᠪᠤᠳᠠᠭᠠ ᠶᠢᠨ ᠢᠶᠠᠨ | ᠬᠠᠭᠠᠰ ᠢ ᠨᠢ ᠠᠷᠪᠢᠯᠠᠨ ᠭᠠᠷᠭᠠᠵᠤ᠂ ᠡᠮᠦᠨᠡ ᠹᠷᠤᠨᠲ ᠤᠨ ᠴᠡᠷᠢᠭ ᠲᠤ ᠬᠦᠷᠭᠡᠳᠡᠭ᠂ ᠨᠢᠬᠡ ᠰᠤᠮᠤᠨ ᠠᠴᠠ ᠨᠢᠬᠡ | ᠬᠦᠮᠦᠨ ᠬᠡᠭᠡᠷᠡ ᠭᠠᠷᠴᠤ᠂ ᠵᠡᠷᠯᠢᠭ ᠭᠤᠭᠤᠳ ᠲᠡᠭᠦᠨ ᠠᠪᠴᠢᠷᠠᠭᠠᠳ᠂ ᠡᠳᠦᠷ ᠤᠨ ᠭᠤᠷᠪᠠᠨ ᠡᠷᠡᠨ ᠤ 6 ᠯᠠᠩ | ᠪᠤᠳᠠᠭᠠ ᠲᠠᠢ ᠪᠠᠨ ᠴᠤᠬ ᠴᠢᠨᠠᠵᠤ ᠢᠳᠡᠨᠡ᠃ ᠰᠠᠷᠠ ᠶᠢᠨ ᠲᠠᠷᠠᠭᠠ ᠵᠠᠩ ᠵᠢᠶᠠ ᠳ᠋ᠢᠶᠠᠨ ᠳᠠᠭᠠᠨ ᠪᠤᠴᠠᠵᠤ᠂ ᠫᠤᠤ | ᠪᠠᠰᠠ ᠦᠬᠡᠢ ᠪᠤᠯᠬᠤᠷ ᠰᠢᠰᠢ ᠶᠢᠨ ᠡᠰᠢ ᠪᠠᠷ ᠵᠤᠬᠢᠶᠠᠬᠰᠠᠨ ︽ᠫᠤᠤ︾ ᠪᠠᠷ ᠢᠶᠠᠨ ᠦᠨᠳᠦᠰᠦᠨ ᠪᠤᠯᠪᠠᠰᠤᠷᠠᠯ ᠬᠢᠵᠦ | ᠪᠠᠶᠢᠪᠠ᠃ ᠠᠷᠪᠠᠨ ᠬᠡᠳᠦᠨ ᠡᠳᠦᠷ ᠤᠨ ᠲᠠᠷᠠᠭᠠ᠂ ᠮᠠᠨ ᠤ ᠬᠤᠰᠢᠭᠤᠨ ᠤ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠲᠤᠸᠠᠨ ︵ | ᠴᠢᠯᠦᠬᠡᠯᠡᠬᠦ ᠴᠡᠷᠢᠭ︶ ᠤ ᠲᠤᠸᠠᠨᠵᠠᠩ ᠠᠷᠪᠠᠭᠠᠳ ᠬᠦᠮᠦᠨ ᠲᠠᠭᠠᠭᠤᠯᠤᠨ ᠢᠷᠡᠵᠦ᠂ ᠴᠡᠷᠢᠭ ᠪᠠᠶᠢᠴᠠᠭᠠᠪᠠ᠃ | ᠪᠠᠯᠴᠢᠷᠤᠳ ᠤᠨ ᠨᠠᠳᠠ ᠲᠠᠢ ᠠᠳᠠᠯᠢ ᠨᠡᠷᠡ ᠲᠠᠢ ᠴᠡᠷᠢᠭ ᠪᠠᠰᠠ ᠪᠠᠶᠢᠬᠰᠠᠨ᠂ ᠮᠢᠨᠦ ᠪᠡᠶᠡ ᠬᠠᠮᠤᠭ ᠠᠴᠠ ᠪᠠᠭᠠ ᠴᠤ | ᠡᠪᠡᠳᠴᠢᠨ ᠦᠬᠡᠢ᠂ ᠡᠪᠡᠳᠴᠢᠨ ᠲᠠᠢ ᠬᠡᠰᠡᠨ ᠢ ᠨᠢ ᠪᠦᠷ ᠴᠢᠪᠠᠭᠠ ᠳᠤ ᠠᠪᠠᠴᠢᠵᠤ᠂ ᠭᠡᠷ ᠲᠤᠨᠢ ᠪᠤᠴᠠᠭᠠᠵᠠᠢ᠃ | ᠮᠠᠨ ᠤ ᠲᠡᠷᠡ ᠦᠶᠡ ᠳᠤ ᠪᠤᠳᠠᠭᠠ ᠲᠤᠳᠠᠵᠤ᠂ ᠪᠤᠳᠠᠭᠠᠨ ᠳᠠᠭᠠᠨ ᠴᠠᠳᠬᠤ ᠦᠬᠡᠢ ᠪᠠᠶᠢᠵᠠᠢ᠃ ᠵᠠᠩ ᠵᠢᠶᠠ | ᠳ᠋ᠢᠶᠠᠨ ᠳᠤ ᠰᠠᠭᠤᠵᠤ ᠪᠠᠶᠢᠬᠤ ᠳᠠᠭᠠᠨ ᠶᠠᠩ ᠱᠦ ᠯᠢᠨ ᠠᠴᠠ ᠭᠠᠰᠢᠭᠤᠨ ᠨᠤᠭᠤᠭᠠ ᠲᠡᠭᠦᠵᠦ᠂ ᠬᠤᠶᠠᠷ ᠬᠦᠮᠦᠨ | ᠨᠢᠬᠡ ᠫᠤᠯᠤ ᠲᠦᠬᠦᠷᠭᠡᠵᠦ ᠠᠪᠴᠢᠷᠠᠭᠠᠳ᠂ ᠬᠡᠳᠦᠨ ᠮᠦᠬᠦᠯᠢᠭ ᠪᠤᠤᠳᠠᠭᠠ ᠲᠠᠢ ᠪᠠᠨ ᠴᠤᠭ ᠴᠢᠨᠠᠵᠤ ᠢᠳᠡᠵᠦ | ᠪᠠᠶᠢᠬᠰᠠᠨ ᠴᠤ ᠦᠯᠦᠰᠴᠤ ᠪᠠᠶᠢᠨᠠ ᠬᠡᠵᠦ ᠬᠡᠯᠡᠳᠡᠭ ᠦᠬᠡᠢ᠃ ᠦᠯᠡᠳᠡᠭᠰᠡᠨ ᠴᠡᠷᠢᠭ ᠤᠳ ᠪᠤᠯᠪᠠᠰᠤᠷᠠᠯ ᠬᠡᠰᠡᠭ | ᠬᠤᠭᠤᠴᠠᠭᠠ ᠬᠢᠭᠰᠡᠨ ᠢᠶᠠᠨ ᠴᠢᠪᠠᠭᠠ ᠶᠢᠨ ᠠᠷᠢᠬᠢᠨ ᠦᠢᠯᠡᠳᠪᠦᠷᠢ ᠶᠢᠨ ᠪᠠᠷᠠᠭᠤᠨᠳᠠᠢ ᠵᠠᠮ ᠤᠨ ᠬᠤᠶᠢᠳᠤ ᠲᠠᠯᠠ ᠳᠤ | ᠶᠠᠫᠤᠨ ᠴᠡᠷᠢᠭ ᠤᠨ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠪᠠᠶᠢᠬᠰᠠᠨ ᠭᠠᠵᠠᠷ ᠲᠤ ᠢᠷᠡᠵᠦ᠂ ᠵᠤᠨ ᠠᠴᠠ ᠨᠠᠮᠤᠷ ᠪᠤᠯᠳᠠᠯᠠ | ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠵᠦ ᠰᠠᠭᠤᠪᠠ᠃ | ᠴᠢᠪᠠᠭᠠ ᠳᠤ ᠪᠠᠶᠢᠬᠰᠠᠨ ᠦᠶᠡ ᠳᠤ ᠼᠢᠮᠧᠨ᠋ᠲ ᠲᠡᠭᠡᠷᠡ ᠤᠨᠳᠠᠵᠤ ᠪᠠᠶᠢᠪᠠ᠂ ᠦᠷᠯᠦᠬᠡ ᠪᠤᠰᠤᠭᠠᠳ ᠨᠢᠬᠡ | ᠨᠢᠬᠡᠨ ᠤ ᠪᠠᠨ ᠨᠢᠷᠤᠭᠤ ᠶᠢ ᠱᠦᠷᠭᠦᠭᠡᠵᠦ ᠬᠦᠪ ᠬᠦᠬᠡ ᠦᠡᠭᠬᠡᠳᠡᠢ ᠲᠤᠭᠤᠰᠤ ᠶᠢ ᠨᠢ ᠤᠨᠠᠭᠠᠨ ᠦᠭᠳᠡᠭ ᠪᠠᠶᠢᠬᠰᠠᠨ᠃ | ᠠᠳᠡ ᠠᠴᠠ ᠬᠠᠨᠰᠦ᠋ᠮᠡ ᠳᠤ ᠤᠴᠢᠵᠤ᠂ ᠨᠢᠬᠡ ᠵᠢᠯ ᠪᠤᠯᠤᠬᠰᠠᠨ᠃ ᠬᠠᠨᠰᠦ᠋ᠮᠡ ᠳᠤ ᠤᠤᠯ ᠤᠨ ᠪᠠᠶᠢᠬᠰᠠᠨ | ᠨᠠᠢᠮᠠᠳᠤᠭᠠᠷ ᠵᠠᠮ ᠤᠨ ᠴᠡᠷᠢᠭ ᠤᠨ ᠲᠠᠪᠤᠳᠤᠭᠠᠷ ᠯᠢᠶᠡᠨ ︵ᠬᠢᠳᠠᠳ ᠴᠡᠷᠢᠭ︶ ᠤ ᠬᠢᠨ ᠡᠮᠦᠨᠡ ᠤᠳᠠᠰᠤᠨ ᠳᠤ | ᠶᠠᠪᠤᠬᠤ ᠦᠶᠡ ᠳᠤ ᠫᠤᠤ ᠵᠡᠪᠰᠡᠭ ᠢ ᠨᠢ ᠮᠠᠨ ᠤ ᠨᠠᠢᠮᠠᠳᠤᠭᠠᠷ ᠯᠢᠶᠡᠨ ᠤ ᠴᠡᠷᠢᠭ ᠲᠤ ᠬᠤᠪᠢᠶᠠᠨ ᠦᠭᠴᠦ᠂ ᠪᠢᠳᠡ | ᠴᠡᠷᠢᠭ ᠲᠤ ᠢᠷᠡᠭᠰᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠠᠩᠬᠠ ᠫᠤᠤ ᠤᠯᠵᠤ ᠠᠳᠬᠤᠬᠰᠠᠨ᠃ ᠭᠤᠷᠪᠠᠨ ᠬᠦᠮᠦᠨ ᠤ ᠲᠤᠮᠳᠠ | ᠨᠢᠬᠡ ᠫᠤᠤ 12 ᠬᠢᠷᠨᠠᠲ ᠬᠤᠪᠢᠳᠠᠵᠤ ᠤᠯᠪᠠ᠃ ᠦᠷᠬᠦᠯᠵᠢᠯᠡᠨ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠬᠦ ᠶᠢᠨ ᠲᠠᠭᠠᠤ | ᠮᠤᠳᠤᠴᠢᠨ ᠨᠢ ᠠᠪᠠᠭᠠ ᠶᠢᠨ ᠠᠭᠤᠯᠠᠨ ᠳᠤ ᠤᠴᠢᠵᠦ ᠮᠤᠳᠤ ᠠᠪᠴᠢᠷᠠᠨ᠂ ᠲᠡᠷᠭᠡ᠂ ᠠᠨᠵᠢᠰᠤ ᠱᠢᠭᠠᠵᠤ ᠭᠠᠳᠠᠬᠰᠢ | ᠬᠤᠳᠠᠯᠳᠤᠵᠤ ᠦᠭᠬᠦ᠂ ᠨᠢᠬᠡ ᠪᠦᠯᠦᠭ ᠨᠢ ᠪᠠᠰᠠ ᠬᠤᠨᠳᠤ ᠶᠢᠨ ᠲᠡᠷᠡᠰᠦ ᠠᠷᠪᠢᠨ ᠤᠷᠭᠤᠳᠠᠭ ᠪᠦᠮᠪᠦᠭᠡ ᠶᠢᠨ ᠲᠠᠯᠠ | ᠭᠡᠳᠡᠭ ᠭᠠᠵᠠᠷ ᠠᠴᠠ ᠲᠡᠷᠡᠰᠦ ᠬᠠᠳᠤᠭᠠᠳ ᠲᠡᠬᠡᠬᠡᠵᠦ ᠠᠪᠴᠢᠷᠠᠬᠤ ᠦᠶᠡ ᠳᠤ᠂ ᠪᠢ ᠦᠪᠡᠷ ᠤᠨ | ᠭᠠᠴᠠᠭᠠᠨ ᠠᠴᠠ ᠪᠠᠨ ᠲᠡᠷᠭᠡ ᠤᠯᠤᠭᠠᠳ ᠲᠡᠭᠡᠭᠡᠵᠤ ᠪᠠᠶᠢᠪᠠ᠃ ᠲᠡᠷᠡᠰᠦ ᠪᠠᠨ ᠬᠠᠪᠰᠢᠵᠤ᠂ ᠬᠠᠯᠠᠭᠤᠨ ᠤᠰᠤᠨ ᠳᠤ | ᠲᠡᠪᠳᠦᠬᠡᠵᠦ᠂ ᠲᠡᠭᠡᠰᠦ ᠲᠠᠮᠤᠨ᠂ ᠠᠷᠠᠳ ᠲᠤ ᠬᠤᠳᠠᠯᠳᠤᠨ ᠦᠭᠴᠦ ᠪᠠᠶᠢᠵᠠᠢ᠃ ᠢᠳᠡᠬᠦ ᠠᠰᠠᠭᠤᠳᠠᠯ ᠢᠶᠠᠨ ᠪᠤᠯ | ᠲᠠᠪᠤᠳᠤᠭᠠᠷ ᠯᠢᠶᠠᠨ ᠤ ᠡᠮᠦᠨᠡ ᠹᠷᠤᠨᠲ ᠲᠤ ᠶᠠᠪᠤᠬᠤ ᠦᠶᠡᠰ ᠭᠤᠷᠪᠠ ᠪᠠᠷ ᠬᠦᠷᠦᠬᠡᠳ᠂ ᠰᠦᠮᠡ ᠲᠡᠭᠡᠷᠡ | ᠬᠠᠳᠠᠭᠠᠵᠤ ᠪᠠᠶᠢᠬᠰᠠᠨ ᠠᠷᠪᠠᠢ ᠶᠢ ᠪᠤᠳᠠᠭᠠ ᠲᠠᠢ ᠪᠠᠨ ᠴᠤᠬ ᠬᠤᠯᠢᠵᠤ ᠴᠢᠨᠠᠭᠠᠳ ᠰᠢᠩᠬᠡᠨ ᠶᠠᠭᠤᠮᠠ ᠤᠭᠤᠴᠢᠵᠤ | ᠪᠤᠯᠭᠠᠵᠤ ᠪᠠᠶᠢᠪᠠ᠃ ᠠᠯᠳᠠᠭᠠᠨᠠ ᠶᠢᠨ ᠡᠰᠢ᠂ ᠪᠤᠷᠭᠠᠰᠤ ᠪᠠᠷ ᠰᠠᠪᠬᠠ ᠪᠤᠯᠭᠠᠵᠤ ᠪᠠᠶᠢᠵᠠᠢ᠃ ᠨᠠᠮᠤᠭ ᠲᠠᠷᠢᠶᠠ ᠪᠠᠨ | ᠬᠠᠳᠤᠵᠤ ᠬᠤᠷᠢᠶᠠᠬᠰᠠᠨ ᠤ ᠲᠠᠷᠠᠭᠠ ᠨᠢᠬᠡ ᠴᠠᠬ ᠯᠡ ᠢᠳᠡᠵᠦ᠂ ᠦᠯᠡᠳᠡᠭᠰᠡᠨ ᠢ ᠨᠢ ᠪᠦᠷ ᠤᠯᠤᠰ ᠲᠤ | ᠲᠤᠰᠢᠶᠠᠪᠠ᠃ | ᠬᠠᠨᠰᠦ᠋ᠮᠡ ᠶᠢᠨ ᠵᠡᠬᠦᠨ ᠬᠤᠶᠢᠨᠠ ᠦᠨᠳᠦᠷ ᠤᠷᠤᠢ ᠲᠡᠭᠡᠷᠡ ᠲᠤᠭᠤᠰᠬᠠ ᠡᠭᠦᠷᠴᠦ ᠭᠠᠷᠤᠭᠠᠳ ᠴᠡᠷᠢᠭ ᠤᠨ | ᠫᠤᠤᠲ᠋ᠠᠢ ᠪᠠᠶᠢᠭᠤᠯᠵᠤ᠂ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠨᠡ᠂ ᠭᠤᠷᠪᠠᠨ ᠫᠤᠤᠲ᠋ᠠᠢ ᠪᠠᠷᠢᠵᠤ᠂ ᠭᠤᠤ ᠤᠬᠤᠵᠤ᠂ ᠬᠦᠮᠦᠨ | ᠪᠦᠬᠦ᠋ᠢᠬᠡᠳ ᠬᠦᠶᠦᠬᠦ ᠪᠠᠷ ᠵᠤᠬᠢᠶᠠᠬᠰᠠᠨ᠃ | ᠡᠪᠦᠯ ᠤᠨ ᠬᠤᠪᠴᠠᠰᠤ ᠢᠷᠡᠬᠦ ᠠᠴᠠ ᠡᠮᠦᠨᠡ᠂ ᠶᠡᠭᠡ ᠴᠠᠰᠤᠨ ᠳᠤ ᠬᠠᠷᠠᠭᠤᠯ ᠵᠤᠬᠰᠤᠬᠤ ᠳᠠᠭᠠᠨ ᠴᠠᠰᠤ ᠶᠢ | ᠢᠷᠠᠵᠤ᠂ ᠲᠡᠪᠬᠡᠴᠡᠨ ᠲᠤᠯᠠᠭᠠᠴᠠᠬᠤ ᠪᠠᠷ ᠠᠷᠭᠠᠴᠠᠭᠠᠳᠠᠭ ᠪᠠᠶᠢᠵᠠᠢ᠃ ᠰᠦᠨᠢ ᠳᠡᠭᠡᠨ ᠬᠡᠭᠡᠨ ᠰᠠᠩ ᠤᠨ ᠬᠠᠨᠵᠤᠨ ᠳᠤ | ᠰᠠᠶᠢᠨ ᠭᠠᠯ ᠬᠢᠭᠡᠳ᠂ ᠨᠢᠬᠡ ᠲᠠᠯᠠ ᠪᠠᠷ ᠢᠶᠠᠨ ᠬᠡᠪᠳᠡᠭᠡᠳ ᠬᠠᠯᠠᠪᠠᠯ ᠲᠠᠬᠢᠭᠠᠳ ᠨᠦᠬᠦᠬᠡ ᠲᠠᠯᠠ ᠪᠠᠷ ᠢᠶᠠᠨ ᠰᠡᠯᠬᠦᠨ | ᠬᠠᠯᠠᠭᠤᠯᠳᠠᠭ ᠪᠠᠶᠢᠪᠠ᠃ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ 11 ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠪᠠᠷ ᠡᠪᠦᠯ ᠤᠨ ᠴᠡᠷᠢᠭ ᠤᠨ | ᠬᠤᠪᠴᠠᠰᠤ᠄ ᠬᠦᠪᠦᠩ ᠲᠠᠢ ᠤᠯᠤᠩᠳᠠᠢ ᠦᠮᠦᠳᠦ᠂ ᠮᠠᠯᠠᠭᠠᠢ ᠶᠢᠨ ᠲᠡᠭᠡᠷᠡ ᠨᠢ ᠨᠢᠬᠡ ᠬᠡᠰᠡᠭ ᠲᠠᠤᠯᠠᠢ ᠶᠢᠨ | ᠦᠰᠦ ᠲᠠᠢ᠂ ᠢᠰᠡᠭᠡᠢ ᠭᠤᠳᠤᠯ ᠲᠠᠢ ᠢᠷᠡᠵᠡᠢ᠃ ᠡᠪᠦᠯ ᠵᠤᠨ ᠤ ᠲᠤᠰᠪᠦᠷᠢ ᠨᠢᠬᠡ ᠦᠪᠴᠢ ᠬᠤᠪᠴᠠᠰᠤ | ᠤᠯᠤᠰ ᠠᠴᠠ ᠬᠤᠪᠢᠶᠠᠵᠤ᠂ ᠠᠷᠠᠳ ᠠᠴᠠ ᠱᠠᠬᠠᠢ ᠪᠠ ᠬᠤᠨᠢ᠂ ᠦᠬᠡᠷ ᠤᠨ ᠤᠡᠭᠭᠠᠰᠤ ᠪᠠᠷ ᠨᠤᠤᠰᠤᠨ ᠬᠠᠨᠳᠠᠭᠠᠰᠤ | ᠨᠡᠬᠡᠵᠦ ᠦᠭᠴᠦ ᠪᠠᠶᠢᠵᠠᠢ᠃ | ᠬᠠᠨᠰᠦ᠋ᠮᠡ ᠳᠤ ᠪᠠᠶᠢᠬᠤ ᠦᠶᠡ ᠳᠡᠭᠡᠨ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠪᠠᠭᠠ ᠭᠠᠪᠢᠶᠠ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠨ | ᠰᠢᠷᠤᠪᠵᠠᠮᠰᠤ ᠨᠠᠰᠤᠳᠠᠨ ᠶᠠᠷᠢᠬᠤ ᠳᠠᠭᠠᠨ ᠴᠢᠷᠠᠢ ᠳᠤᠨᠢ ᠮᠦᠰᠢᠶᠡᠳᠦ ᠲᠤᠳᠤᠷᠠᠨ᠂ ᠬᠡᠳᠦ᠋ᠢᠪᠡᠷ ᠠᠬᠤᠢ ᠨᠦᠬᠦᠴᠡᠯ | ᠲᠦᠢᠯ ᠤᠨ ᠬᠦᠴᠢᠷᠳᠡᠢ ᠪᠠᠶᠢᠬᠰᠠᠨ ᠴᠤ ᠲᠤᠬᠠᠢ ᠶᠢᠨ ᠵᠠᠯᠠᠭᠤ ᠭᠠᠯᠪᠢᠷ ᠦᠶᠡ ᠳᠡᠭᠡᠨ ᠪᠤᠴᠠᠬᠰᠠᠨ ᠰᠢᠤᠬᠠᠨ ᠬᠡᠰᠡᠭ | ᠨᠠᠮ ᠵᠢᠮ ᠪᠤᠯᠤᠯᠠ ᠁ | ᠬᠠᠨᠰᠦ᠋ᠮᠡ ᠳᠤ ᠨᠢᠬᠡ ᠵᠢᠯ ᠪᠤᠯᠤᠭᠠᠳ ᠲᠠᠬᠢᠨ ᠴᠢᠪᠠᠭᠠ ᠳᠤ ᠪᠤᠴᠠᠨ ᠢᠷᠡᠬᠦ ᠦᠶᠡᠰ᠂ ᠨᠠᠨᠵᠢᠩ ᠨᠢᠬᠡᠨᠳᠡ | ᠴᠢᠯᠦᠬᠡᠯᠡᠭᠳᠡᠵᠦ᠂ ᠭᠤᠮᠢᠨᠳᠠᠩ ᠲᠠᠶᠢᠸᠠᠨ ᠳᠤ ᠲᠤᠳᠠᠭᠠᠨ ᠶᠠᠪᠤᠬᠰᠠᠨ ᠪᠠᠶᠢᠯᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ | ᠪᠤᠳᠠᠭᠠᠨ ᠳᠠᠭᠠᠨ ᠴᠠᠳᠬᠤ ᠪᠤᠯᠵᠠᠢ᠃ ᠡᠨᠡ ᠦᠶᠡ ᠳᠤ ᠰᠠᠶ᠋ᠢ 12 ᠲᠤᠬᠤᠢ ᠴᠠᠭᠠᠨ ᠪᠦᠰ ᠢᠷᠡᠵᠦ᠂ ᠬᠦᠨᠵᠢᠯᠡ | ᠭᠡᠰᠡᠨ ᠶᠠᠭᠤᠮᠠ ᠲᠠᠢ ᠪᠤᠯᠤᠬᠰᠠᠨ᠂ ᠰᠠᠷᠠ ᠶᠢᠨ ᠲᠠᠷᠠᠭᠠ ᠨᠢᠬᠡ ᠫᠠᠢ ᠬᠦᠮᠦᠨ ᠢ ᠯᠢᠨᠳᠦᠩ ᠳᠤ ᠠᠪᠠᠴᠢᠬᠤᠯᠠᠷ ᠪᠢ | ᠴᠤ ᠪᠠᠶᠢᠯᠴᠠᠵᠤ᠂ ᠵᠠᠮ ᠳᠠᠭᠠᠨ ᠬᠡᠨᠡᠳᠳᠡ ᠨᠢᠬᠡ ᠰᠡᠷᠢᠬᠦ ᠳᠤ ᠲᠡᠳ᠋ ᠠᠩᠬᠢ ᠶᠢᠨ ᠲᠠᠷᠤᠭᠠ ᠮᠢᠨᠦ ᠬᠤᠶᠢᠨᠠ ᠠᠴᠠ | ᠫᠤᠤ ᠶᠢ ᠡᠭᠦᠷᠦᠬᠡᠳ᠂ ᠡᠮᠦᠨᠡ ᠲᠠᠯᠠ ᠳᠤ ᠠᠩᠬᠢ ᠶᠢᠨ ᠲᠠᠷᠤᠭᠠ ᠶᠠᠪᠤᠵᠤ᠂ ᠪᠢ ᠲᠤᠮᠳᠠ ᠨᠢ ᠦᠷᠬᠡᠯᠡᠬᠡᠳ ᠶᠠᠪᠤᠵᠤ | ᠪᠠᠶᠢᠬᠰᠠᠨ ᠁ | 1949 ᠤᠨ ᠤ ᠨᠠᠮᠤᠷ᠂ ᠯᠢᠨᠳᠦᠩ ᠳᠤ ᠸᠠᠩ ᠤᠨ ᠰᠦᠮᠡ ︵ᠤᠯᠠᠭᠠᠨᠬᠤᠳᠠ︶ ᠠᠴᠠ ᠬᠦᠮᠦᠨ ᠢᠷᠡᠵᠦ᠂ | ᠨᠢᠬᠡ ᠯᠢᠶᠠᠨ ᠴᠡᠷᠢᠭ ᠠᠪᠠᠴᠢᠬᠤ ᠪᠠᠷ ᠪᠤᠯᠵᠤ᠂ 3 ᠮᠤᠷᠢᠨ ᠲᠡᠷᠭᠡᠨ ᠳᠤ ᠤᠷᠤ ᠲᠡᠪᠢᠰᠭᠡᠷ ᠢᠶᠠᠨ ᠲᠡᠭᠡᠭᠡᠵᠦ᠂ | ᠦᠪᠡᠷᠰᠡᠳ ᠢᠶᠠᠨ ᠠᠯᠬᠤᠭᠠᠳ᠂ ᠪᠠᠷᠤᠭ 15 ᠬᠤᠨᠤᠭ ᠤᠨ ᠲᠠᠷᠠᠭᠠ ᠤᠯᠠᠭᠠᠨᠬᠤᠳᠠ ᠳᠤ ᠬᠦᠷᠴᠡᠢ᠃ ᠲᠡᠨᠳᠡ | ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠶᠡᠭᠡ ᠠᠩᠬᠢ ᠶᠢᠨ ᠨᠢᠬᠡᠳᠦᠭᠡᠷ | ᠰᠤᠮᠤᠨ ᠳᠤ ᠤᠷᠤᠵᠤ᠂ ᠤᠯᠠᠭᠠᠨᠬᠦᠦ ᠶᠢ ᠬᠠᠮᠠᠭᠠᠯᠠᠬᠤ ᠵᠡᠪᠰᠡᠭᠳᠦ ᠴᠠᠭᠳᠠᠭᠠ ᠬᠡᠵᠦ ᠬᠡᠯᠡᠭᠰᠡᠨ ᠴᠤ ᠪᠤᠯᠤᠨᠠ᠂ | ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠭᠠᠵᠠᠷ ᠲᠤ ᠬᠠᠷᠠᠭᠤᠯ ᠵᠤᠬᠰᠤᠨᠠ᠃ ᠲᠠᠭᠠᠤ ᠳᠤᠨᠢ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠬᠦ᠂ | ᠶᠠᠯᠠᠳᠠᠨ ᠬᠠᠷᠠᠨᠠ᠃ | ᠡᠨᠡ ᠬᠤᠭᠤᠷᠤᠨᠳᠤ ᠭᠠᠷᠤᠬᠰᠠᠨ ᠨᠢᠬᠡ ᠤᠴᠢᠷ ᠢ ᠲᠤᠷᠠᠳᠪᠠᠯ᠄ ᠨᠢᠬᠡ ᠦᠷᠯᠦᠬᠡ ᠪᠢ ᠬᠠᠷᠠᠭᠤᠯ ᠵᠤᠬᠰᠤᠵᠤ | ᠪᠠᠶᠢᠭᠠᠳ ᠪᠡᠶᠡ ᠡᠪ ᠦᠬᠡᠢ ᠪᠤᠯᠵᠤ᠂ ᠬᠦᠮᠦᠨ ᠰᠤᠯᠢᠭᠠᠳ ᠪᠤᠳᠠᠭᠠ ᠢᠳᠡᠨᠡ ᠬᠡᠰᠡᠨ ᠴᠢᠨᠢ ᠢᠳᠡᠵᠦ ᠤᠷᠤᠬᠤ | ᠦᠬᠡᠢ᠂ ᠨᠦᠢᠷᠮᠤᠭᠯᠠᠬᠠᠤ ᠭᠡᠳ᠂ ᠲᠠᠭᠠᠷᠠᠳᠠᠰᠤ ᠬᠦᠷᠦᠬᠡᠳ᠂ ᠬᠤᠨᠢᠨ ᠠᠷᠠᠰᠤᠨ ᠳ᠋ᠠᠴᠠᠩ ᠨᠦᠮᠦᠷᠢᠭᠡᠳ | ᠤᠨᠳᠠᠬᠰᠠᠨ ᠴᠢᠨᠢ ᠦᠳᠡ ᠶᠢᠨ ᠬᠤᠶᠢᠨᠠ ᠨᠦᠬᠦᠳ ᠰᠡᠷᠢᠬᠡᠵᠦ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠬᠠᠭᠤᠷᠠᠢ ᠵᠠᠮ ᠤᠨ | ᠴᠡᠷᠢᠭ ᠤᠨ ᠪᠠᠢ ᠡᠮᠴᠢ ︵ᠮᠤᠩᠭᠤᠯ ᠬᠦᠮᠦᠨ︶ ᠳᠤ ᠠᠪᠠᠴᠢᠨ ᠦᠵᠡᠬᠦᠯᠵᠦ ᠪᠠᠶᠢᠴᠠᠭᠠᠯᠭᠠᠵᠤ ᠪᠠᠶᠢᠳᠠᠯᠠ ᠮᠡᠳᠡᠭᠡ | ᠰᠡᠭᠡᠭᠡ ᠦᠬᠡᠢ ᠪᠤᠯᠵᠤ᠂ ᠴᠢᠨᠠᠬᠰᠢ ᠶᠠᠭᠤ ᠪᠤᠯᠤᠬᠰᠠᠨ ᠢ ᠮᠡᠳᠡᠭᠰᠡᠨ ᠦᠬᠡᠢ᠃ ᠮᠠᠷᠭᠠᠰᠢ ᠦᠷᠯᠦᠬᠡ ᠨᠢ ᠬᠡᠨᠡᠳᠳᠡ | ᠰᠡᠷᠢᠬᠦ ᠳᠤ ᠬᠤᠶᠠᠷ ᠰᠤᠪᠢᠯᠠᠬᠴᠢ ︽ᠬᠦᠮᠦᠨ ᠰᠡᠷᠢᠴᠢᠬᠡᠵᠡᠢ︾ ᠬᠡᠵᠤ ᠶᠡᠭᠡ ᠰᠤᠴᠢᠨ ᠦᠢᠮᠡᠯᠳᠦᠯᠡ᠂ ᠢᠡᠭᠬᠢᠭᠡᠳ | ᠪᠢ ᠰᠠᠶᠢ ᠬᠦᠨᠳᠦ ᠡᠪᠡᠳᠴᠢᠯᠡᠵᠦ᠂ ᠰᠤᠮᠤᠨ ᠠᠴᠠ ᠠᠪᠰᠠ ᠬᠦᠷᠳᠡᠯᠡ ᠪᠡᠯᠡᠳᠭᠡᠭᠰᠡᠨ ᠪᠠ ᠨᠢᠬᠡ ᠵᠡᠬᠦᠦ ᠨᠢ 100 | ᠢᠯᠡᠬᠦᠦ ᠲᠦᠭᠦᠷᠢᠭ ᠤᠨ ᠰᠠᠶᠢᠨ ᠡᠮ ᠬᠠᠳᠬᠤᠬᠰᠠᠨ ᠢᠶᠠᠷ ᠠᠮᠢ ᠠᠪᠤᠷᠠᠬᠳᠠᠬᠰᠠᠨ ᠢᠶᠠᠨ ᠮᠡᠳᠡᠪᠡ᠃ ᠨᠠᠮ ᠤᠨ | ᠰᠠᠶᠢᠨ ᠢᠶᠠᠷ ᠬᠦᠮᠦᠨ ᠪᠤᠯᠵᠤ᠂ ᠲᠠᠬᠢᠨ ᠠᠮᠢ ᠨᠠᠰᠤ ᠪᠠᠨ ᠤᠯᠤᠬᠰᠠᠨ ᠶᠤᠮ ᠪᠢ᠃ ᠲᠡᠷᠡ ᠦᠶᠡ ᠳᠤ ᠡᠮ᠂ ᠡᠮᠴᠢ | ᠴᠤ ᠰᠠᠶᠢᠨ ᠪᠠᠶᠢᠵᠤ ᠳ᠋ᠠ ᠁ | 1950 ᠤᠨ ᠤ ᠬᠠᠪᠤᠷ ᠠᠴᠠ 1953 ᠤᠨ ᠤ ᠬᠠᠪᠤᠷ ᠪᠤᠯᠳᠠᠯᠠ ᠡᠾᠧᠪᠸᠢ ᠶᠢᠨ ᠵᠠᠩᠴᠢᠬᠦᠦ ᠳᠤ | ᠰᠠᠭᠤᠬᠰᠠᠨ ᠪᠠᠶᠢᠨᠠ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠪᠢ᠂ ᠨᠢᠬᠡ ᠲᠠᠰᠤᠭ ᠴᠡᠷᠢᠭ ᠲᠠᠢ ᠬᠠᠮᠳᠤ᠂ ᠬᠠᠯᠬᠠ | ᠮᠤᠩᠭᠤᠯ ᠤᠨ ᠬᠤᠶᠠᠷ ᠪᠢᠴᠢᠠᠬᠠ ᠴᠡᠷᠢᠭ ᠢ ᠤᠯᠤᠰ ᠲᠤᠨᠢ ᠪᠤᠴᠠᠭᠠᠵᠤ ᠠᠪᠠᠴᠢᠵᠤ ᠦᠭᠬᠦ᠂ ᠡᠷᠬᠢᠯᠭᠡᠨ ᠳᠡᠭᠡᠨ | ᠤᠯᠠᠭᠠᠨᠪᠠᠭᠠᠳᠤᠷ ᠠᠴᠠ ᠦᠪᠦᠷ ᠮᠤᠩᠭᠤᠯ ᠤᠨ ᠡᠯᠴᠢᠨ ᠰᠠᠶᠢᠳ ᠤᠨ ᠬᠡᠷ ᠤᠨ ᠬᠦᠮᠦᠰ ᠢ ᠵᠠᠩᠴᠢᠬᠦᠦ ᠳᠤ ᠲᠤᠰᠴᠤ | ᠠᠪᠴᠢᠷᠠᠬᠤ᠂ ᠴᠠᠭᠠᠨ ᠬᠡᠭᠡᠨ ᠰᠠᠩ ᠤᠨ ᠬᠡᠬᠡᠨ ᠯᠠᠮᠠ ᠶᠢ ᠪᠡᠭᠡᠵᠢᠩ ᠳᠤ ︽10 1︾ ᠤ ᠪᠠᠶᠠᠷ ᠢ ᠪᠡᠯᠬᠡᠯᠡᠬᠦ | ᠨᠠᠶᠢᠷ ᠲᠤ ᠠᠪᠴᠢᠷᠠᠨ ᠤᠷᠤᠯᠴᠠᠭᠤᠯᠬᠤ ᠭᠤᠷᠪᠠᠨ ᠡᠭᠦᠷᠭᠡ ᠶᠢ ᠭᠦᠢᠴᠡᠳᠭᠡᠭᠰᠡᠨ᠃ | ᠠᠳᠡ ᠬᠦᠷᠳᠡᠯᠡ ᠶᠠᠷᠢᠬᠰᠠᠨ ᠨᠠᠰᠤᠳᠠᠨ ᠢ ᠲᠦᠷ ᠠᠮᠠᠷᠠᠭᠤᠯᠵᠤ᠂ ᠰᠤᠷᠪᠤᠯᠵᠢᠯᠠᠬᠴᠢ ᠤᠳᠤ ᠡᠭᠦᠷᠭᠡ ᠪᠠᠨ | ᠪᠡᠶᠡᠯᠡᠬᠦᠯᠬᠦ ᠬᠡᠷᠡᠭᠳᠡᠢ ᠪᠢᠯᠢᠦ ᠨᠦᠬᠦᠳ ᠮᠠᠨᠢ᠃ | 1953 ᠤᠨ ᠳᠤ ᠭᠦᠢ ᠰᠦᠢ ︵ᠬᠦᠬᠡᠬᠤᠳᠠ︶ ᠳᠤ ᠴᠡᠷᠢᠭ ᠠᠷᠠᠳ ᠢᠶᠠᠷ ᠢᠶᠠᠨ ᠪᠤᠴᠠᠬᠤ ᠦᠶᠡ ᠳᠤ | ᠰᠢᠷᠦᠪᠵᠠᠮᠰᠤ ᠶᠢᠨ ᠴᠡᠷᠢᠭ ᠴᠤ ᠴᠤᠭ ᠢᠷᠡᠵᠦ᠂ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠬᠦ ᠶᠢᠨ ᠲᠠᠭᠠᠤ ᠵᠡᠬᠡᠯᠢ ᠭᠤᠳᠤᠮᠵᠢ | ᠴᠠᠬᠳᠠᠬᠤ ᠠᠵᠢᠯ ᠢ ᠬᠢᠵᠦ ᠪᠠᠶᠢᠵᠠᠢ᠃ ᠰᠢᠷᠤᠪᠵᠠᠮᠰᠤ ᠶᠢᠨ ᠵᠠᠯᠠᠭᠤ ᠶᠢᠨ ᠦᠶᠡ ᠶᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠬᠴᠢ ᠨᠢ | ᠡᠮᠦᠨᠡ ᠤᠷᠤᠨ ᠤ ᠬᠦᠮᠦᠨ ᠪᠦᠬᠡᠳ ᠲᠡᠭᠦᠨ ᠳᠤ ︽ᠴᠡᠷᠢᠭ ᠪᠤᠯᠤᠬᠰᠠᠳ᠂ ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ | ᠠᠭᠤᠤ ᠦᠢᠯᠡᠰ ᠢ ᠪᠦᠳᠦᠬᠡᠬᠦ ᠬᠡᠷᠡᠭᠳᠡᠢ︾ ᠬᠡᠵᠦ ᠬᠡᠯᠡᠵᠦ ᠰᠤᠷᠭᠠᠳᠠᠭ ᠪᠠᠶᠢᠬᠰᠠᠨ ᠢ ᠨᠠᠰᠤᠳᠠᠨ ᠴᠠᠭ ᠢᠮᠠᠬᠳᠠ | ᠴᠡᠭᠡᠵᠢᠯᠡᠵᠦ᠂ ︽ᠰᠠᠶᠢᠨ ᠶᠠᠪᠤᠪᠠᠴᠤ ᠨᠢᠬᠡ ᠪᠡᠶᠡ᠂ ᠮᠠᠭᠤ ᠶᠠᠪᠤᠪᠠᠴᠤ ᠨᠢᠬᠡ ᠪᠡᠶᠡ︾ ᠶᠤᠮ ᠴᠢᠨᠢ᠂ ︽ᠰᠠᠶᠢᠨ ᠢᠶᠠᠷ | ᠶᠠᠪᠤᠵᠤ᠂ ᠰᠠᠶᠢᠨ ᠶᠠᠪᠤᠳᠠᠯ ᠬᠢᠶᠡ᠂ ᠨᠦᠬᠦᠳ ᠲᠠᠢ ᠪᠠᠨ ᠪᠦᠯᠬᠦᠮᠳᠡᠶᠡ᠂ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠦᠢᠯᠡᠴᠢᠯᠡᠶᠡ︾ | ᠭᠡᠵᠦ ᠯᠡ ᠴᠢᠷᠮᠠᠶᠢᠵᠤ ᠶᠠᠪᠤᠬᠰᠠᠨ ᠢᠶᠠᠷ᠂ ᠡᠨᠡ ᠯᠢᠶᠠᠨ ᠳᠠᠭᠠᠨ ᠭᠤᠷᠪᠠᠳᠤᠭᠠᠷ ᠲᠡᠰ ᠤᠨ ᠭᠠᠪᠢᠶᠠ ᠶᠢ ᠭᠤᠷᠪᠠ | ᠤᠳᠠᠭᠠ᠂ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠭᠠᠪᠢᠶᠠ ᠨᠢᠬᠡ ᠤᠳᠠᠭᠠ ᠪᠠᠶᠢᠭᠤᠯᠤᠬᠰᠠᠨ ᠪᠠᠶᠢᠪᠠ᠃ ᠪᠤᠳᠠᠳᠤ ᠵᠢᠱᠢᠶᠠ ᠶᠢ | ᠴᠤᠬᠤᠰ ᠲᠤᠷᠠᠳᠪᠠᠯ᠄ ᠬᠦᠬᠡᠬᠤᠳᠠ ᠠᠴᠠ ᠤᠯᠠᠭᠠᠨᠬᠤᠳᠠ ᠬᠦᠷᠬᠦ ᠭᠠᠯᠳᠤ ᠲᠡᠷᠭᠡ ᠪᠠᠷ 13 ᠶᠠᠯᠠᠳᠠᠨ ᠢ ᠠᠮᠤᠷ | ᠲᠠᠶᠢᠪᠤᠩ ᠬᠦᠷᠭᠡᠭᠰᠡᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠴᠡᠷᠢᠭ ᠢ ᠰᠤᠶᠤᠯ ᠰᠤᠷᠤᠯᠴᠠᠭᠤᠯᠵᠤ᠂ ᠨᠢᠬᠡ ᠲᠠᠰᠤᠭ ᠬᠦᠮᠦᠨ ᠢ | ᠬᠠᠭᠠᠰ ᠵᠢᠯ ᠳᠤ ᠦᠨᠦ ᠶᠢᠨ ᠵᠢᠷᠭᠤᠭᠠᠨ ᠤᠨ ᠪᠤᠯᠳᠠᠯᠠᠬᠢ ᠬᠢᠴᠢᠶᠡᠯ ᠢ ᠰᠤᠷᠭᠠᠵᠤ ᠲᠡᠭᠦᠰᠭᠡᠭᠰᠡᠨ ᠶᠡᠭᠡ | ᠰᠢᠯᠭᠠᠯᠳᠠ ᠳᠤ ᠰᠢᠷᠤᠪᠵᠠᠮᠰᠤ ᠰᠢᠯᠢᠳᠡᠭ ᠪᠦᠳᠦᠮᠵᠢ ᠤᠯᠤᠬᠰᠠᠨ ᠴᠡᠷᠢᠭ ᠤᠨ ᠬᠤᠸᠠᠷᠠᠨ ᠪᠠᠶᠢᠭᠤᠯᠬᠤ ᠳᠤ | ᠬᠦᠯ ᠢᠶᠠᠨ ᠰᠢᠷᠬᠠᠳᠤᠭᠤᠯᠵᠤ᠂ ᠴᠢᠰᠦ ᠭᠤᠭᠤᠵᠢᠵᠤ ᠪᠠᠶᠢᠬᠰᠠᠨ ᠴᠤ ᠠᠵᠢᠯ ᠤᠨ ᠪᠠᠶᠢᠷᠢ ᠠᠴᠠ ᠪᠠᠨ ᠰᠠᠯᠤᠬᠰᠠᠨ | ᠦᠬᠡᠢ ᠶᠠᠯᠠᠳᠠᠨ ᠪᠠᠷᠢᠪᠴᠢᠯᠠᠬᠤ ᠬᠦᠨᠳᠦ ᠡᠬᠦᠷᠭᠡ ᠶᠢ ᠲᠠᠯᠠᠭᠠᠷᠳᠠᠯ ᠦᠬᠡᠢ ᠪᠡᠶᠡᠯᠡᠬᠦᠯᠦᠭᠰᠡᠨ ᠁ ᠵᠡᠷᠬᠡ᠃ | ᠰᠢᠷᠤᠪᠵᠠᠮᠰᠤ ᠶᠢ ᠪᠠᠰᠠ ᠵᠢᠭᠠᠨ ᠰᠤᠷᠭᠠᠬᠤ ᠠᠩᠬᠢ ᠳᠤ ᠬᠠᠭᠠᠰ ᠵᠢᠯ ᠰᠤᠷᠤᠯᠴᠠᠭᠤᠯᠵᠤ᠂ ᠬᠢᠷᠢ | ᠪᠦᠳᠦᠮᠵᠢ ᠨᠢ ᠮᠠᠰᠢ ᠰᠠᠶᠢᠨ ᠪᠤᠯᠬᠤᠷ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠷᠢᠳᠤ ᠴᠡᠷᠢᠭ ᠤᠨ ᠲᠤᠰᠭᠠᠷ ᠪᠠᠲᠯᠢᠶᠤᠨ ᠳᠤ | ᠶᠠᠪᠤᠭᠤᠯᠵᠤ᠂ ᠲᠠᠰᠤᠭ ᠤᠨ ᠲᠠᠷᠤᠭᠠ ᠪᠤᠯᠭᠠᠵᠤ᠂ ᠭᠤᠷᠪᠠᠨ ᠤᠳᠤᠳᠤ ᠲᠡᠮᠳᠡᠭ ᠤᠯᠭᠤᠵᠠᠢ᠃ 1955 ᠤᠨ ᠤ | ᠦᠶᠡ ᠳᠤ ᠮᠤᠷᠢᠳᠤ ᠴᠡᠷᠢᠭ ᠤᠨ ᠪᠠᠲᠯᠢᠶᠤᠨ ᠨᠢ ᠵᠢᠨᠢᠩ ᠳᠤ ᠪᠠᠶᠢᠬᠰᠠᠨ᠃ ᠲᠡᠨᠳᠡ ᠨᠢᠬᠡ ᠡᠪᠦᠯᠵᠢᠬᠡᠳ᠂ | ᠪᠤᠭᠤᠳᠤ ᠪᠠᠷ ᠲᠠᠮᠵᠢᠵᠤ᠂ ᠪᠠᠶᠠᠨᠨᠠᠭᠤᠷ ᠠᠶᠢᠮᠠᠭ ᠤᠨ ᠯᠢᠨᠾᠧ ᠳᠤ ᠤᠴᠢᠭᠠᠳ᠂ ᠲᠡᠨᠳᠡᠬᠢ ᠶᠠᠯᠠᠳᠠᠨ ᠢ ᠬᠠᠷᠠᠵᠤ | ᠪᠠᠶᠢᠪᠠ᠃ ᠶᠡᠯᠠᠳᠠᠨ ᠨᠤᠭᠤᠳ ᠶᠡᠭᠡ ᠠᠶᠤᠮᠠᠷ ᠪᠠᠶᠢᠬᠰᠠᠨ᠂ ᠨᠢᠬᠡ ᠴᠡᠷᠢᠭ 200᠂ 300 ᠶᠠᠯᠠᠳᠠᠨ ᠢ ᠬᠠᠷᠠᠵᠤ | ᠪᠠᠶᠢᠪᠠ᠃ | ᠰᠢᠷᠤᠪᠵᠠᠮᠰᠤ᠂ ᠴᠡᠷᠢᠭ ᠤᠨ ᠰᠤᠷᠭᠠᠭᠤᠯᠢ ᠠᠴᠠ ᠭᠠᠷᠴᠤ ᠢᠷᠡᠭᠰᠡᠨ ᠪᠤᠯᠬᠤᠷ ᠴᠡᠷᠢᠭ ᠤᠨ ᠪᠠᠭᠰᠢ ᠪᠠᠷ | 1957 ᠤᠨ ᠪᠤᠯᠳᠠᠯᠠ ᠰᠠᠭᠤᠵᠤ᠂ ᠴᠡᠷᠢᠭ ᠠᠴᠠ ᠬᠠᠯᠠᠬᠳᠠᠵᠠᠢ᠃ | | | | ᠰᠢᠷᠤᠪᠵᠠᠮᠰᠤ 19 ᠨᠠᠰᠤᠨ ᠠᠴᠠ ᠪᠠᠨ 1948 ᠤᠨ ᠠᠴᠠ 1957 ᠤᠨ ᠪᠤᠯᠳᠠᠯᠠ ᠠᠷᠪᠠᠨ ᠵᠢᠯ | ᠴᠡᠷᠢᠭ ᠤᠨ ᠠᠯᠪᠠ ᠬᠠᠭᠠᠵᠤ᠂ ᠴᠡᠷᠢᠭ ᠠᠴᠠ ᠬᠠᠯᠠᠬᠳᠠᠭᠰᠠᠨ ᠤ ᠲᠠᠷᠠᠭᠠ ᠲᠡᠮᠦᠷ ᠵᠠᠮ ᠤᠨ ᠠᠵᠢᠯᠴᠢᠨ ᠢᠶᠠᠷ | ᠵᠢᠨᠢᠩ ᠳᠤ ᠭᠤᠷᠪᠠᠨ ᠵᠢᠯ ᠠᠵᠢᠯᠯᠠᠬᠰᠠᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠨᠠᠮ ᠤᠨ ᠲᠦᠯᠦᠬᠡᠯᠡᠭᠴᠢ᠂ ᠬᠠᠯᠠᠬᠳᠠᠬᠰᠠᠨ | ᠴᠡᠷᠢᠭ ᠤᠨ ᠲᠦᠯᠦᠬᠡᠯᠡᠭᠴᠢ᠂ ᠠᠵᠢᠯᠴᠢᠨ ᠤ ᠲᠦᠯᠦᠬᠡᠯᠡᠭᠴᠢ᠂ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ ᠪᠠᠷ ᠤᠯᠠᠨᠳᠠ | ᠬᠦᠬᠡᠬᠤᠳᠠ ᠳᠤ ᠬᠤᠷᠠᠯ ᠳᠤ ᠤᠷᠤᠯᠴᠠᠵᠤ᠂ ᠢᠷᠠᠭᠤ ᠠᠯᠳᠠᠷ ᠢᠶᠠᠨ ᠲᠠᠭᠤᠷᠢᠰᠬᠠᠵᠤ ᠶᠠᠪᠤᠵᠠᠢ᠃ | 1959 ᠤᠨ ᠤ ᠦᠶᠡ ᠪᠠᠷ᠂ ᠲᠦᠪ ᠤᠨ ᠶᠠᠪᠤᠳᠠᠯ ᠤᠨ ᠬᠤᠷᠢᠶᠠ ᠠᠴᠠ ︽ᠨᠠᠮ ᠡᠪᠯᠡᠯ ᠤᠨ ᠬᠡᠰᠢᠬᠦᠨ | ᠲᠡᠷᠢᠬᠦᠯᠡᠨ ᠬᠦᠳᠡᠭᠡ ᠲᠤᠰᠬᠤᠨ ᠤ ᠨᠢᠬᠡᠨᠳᠦᠭᠡᠷ ᠹᠷᠤᠨᠲ ᠲᠤ ᠠᠵᠢᠯᠯᠠᠬᠤ︾ ᠶᠢ ᠳᠤᠷᠠᠳᠴᠤ ᠭᠠᠷᠭᠠᠬᠰᠡᠨ ᠳᠤ᠂ | ᠰᠢᠷᠤᠪᠵᠠᠮᠰᠤ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠳᠠᠭᠠᠨ ᠭᠤᠶᠤᠴᠢᠯᠠᠯ ᠭᠠᠷᠭᠠᠵᠦ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠨ ᠢᠷᠡᠵᠦ᠂ | ᠬᠤᠨᠲᠤ ᠳᠤ ᠬᠠᠷᠢᠶᠠᠯᠠᠬᠳᠠᠵᠦ ᠪᠠᠶᠢᠬᠰᠡᠨ ᠪᠠᠶᠠᠨᠳᠠᠯᠠ ᠳᠠᠭᠠᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ᠂ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ | ᠰᠤᠮᠤᠨ ᠳᠠᠷᠤᠭᠠ᠂ ᠰᠢᠤᠳᠠᠨ ᠤ ᠠᠵᠢᠯᠲᠠᠨ ᠵᠡᠷᠭᠡ ᠠᠵᠢᠯ ᠠᠯᠪᠠ ᠶᠢ ᠡᠭᠦᠷᠭᠡᠯᠡᠵᠦ ᠬᠢᠵᠦ ᠢᠷᠡᠭᠰᠡᠨ ᠪᠦᠭᠡᠳ | ᠤᠨᠴᠠᠭᠠᠢᠢᠯᠠᠠ ᠡᠷᠦᠬᠡ ᠶᠢᠨ ᠴᠡᠷᠢᠭ ᠤᠨ ᠰᠤᠮᠤᠨ ᠳᠠᠷᠤᠭᠠ ᠶᠢᠨ ᠠᠵᠢᠯ ᠢ 51 ᠨᠠᠰᠤᠯᠠᠲᠠᠯᠠ ᠬᠢᠵᠦ᠂ ᠫᠤᠤ | ᠬᠤᠷᠢᠶᠠᠬᠤ ᠪᠤᠯᠲᠠᠯᠠ ᠮᠦᠷᠦᠨ ᠠᠴᠠ ᠨᠢ ᠫᠤᠤ ᠰᠠᠯᠤᠭᠰᠡᠨ ᠦᠭᠡᠢ ᠁ | ᠵᠠᠭᠤᠨ ᠲᠠᠮᠵᠢᠬᠰᠠᠨ ᠨᠠᠰᠤᠳᠠᠨ ᠤ ᠠᠮᠢᠳᠤᠷᠠᠯ ᠲᠠᠮᠠᠴᠡᠯ ᠠᠵᠢᠯ ᠦᠢᠯᠡᠰ ᠢ ᠡᠨᠡᠬᠡᠨ ᠨᠢᠬᠡ ᠤᠳᠠᠭᠠᠨ ᠤ | ᠰᠤᠷᠪᠤᠯᠵᠢᠯᠠᠭᠠ ᠪᠠᠷ ᠶᠠᠭᠠᠬᠢᠨ ᠪᠠᠭᠳᠠᠭᠠᠵᠤ᠂ ᠬᠦᠦᠷᠨᠢᠨ ᠲᠡᠬᠦᠰᠬᠦ ᠠᠵᠠᠢ᠂ ᠦᠯᠢᠭᠡᠷ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠁ | | |