| ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠶᠢᠭᠤᠯᠤᠭᠳᠠᠭᠰᠡᠨ 70 ᠵᠢᠯ ᠤᠨ ᠤᠢ ᠶᠢᠨ ᠪᠠᠶᠠᠷ ᠢ ᠪᠡᠯᠭᠡᠯᠡᠬᠦ | ︽ᠡᠷᠡᠨ ᠵᠠᠭᠤᠨ ᠤ ᠬᠤᠰᠢᠭᠤᠴᠢ︾ ᠰᠡᠳᠦᠪᠳᠤ ᠵᠤᠬᠢᠶᠠᠯ ᠤᠨ ᠱᠠᠩᠨᠠᠯᠳᠤ ᠤᠷᠤᠯᠳᠤᠭᠠᠨ ᠤ ᠵᠤᠬᠢᠶᠠᠯ | | 2017 ᠤᠨ ᠤ 8 ᠰᠠᠷᠠ ᠶᠢᠨ 16 ᠤ ᠨᠠᠮᠤᠷ ᠤᠨ ᠨᠠᠯᠠᠭᠠᠷ ᠡᠳᠤᠷ ᠢᠶᠠᠷ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢᠨ | ᠵᠢᠷᠦᠭᠡ ᠭᠠᠴᠠᠭᠠᠨ ᠤ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠤᠨ ᠰᠤᠷᠠᠭ ᠢ ᠲᠤᠭᠤᠯᠵᠦ ᠤᠤᠯ ᠠᠴᠠ ᠪᠠᠨ ᠨᠠᠶᠢᠷ ᠨᠠᠭᠠᠳᠤᠮ | ᠤᠯᠠᠨ ᠬᠦᠮᠦᠨ ᠤ ᠬᠦᠯ ᠦᠢᠮᠡᠭᠡᠨ ᠳᠤ ᠤᠴᠢᠬᠤ ᠲᠤᠷᠠ ᠦᠭᠡᠢ ᠪᠠᠶᠢᠳᠠᠭ ᠪᠢ ᠴᠦ ᠦᠨᠦᠳᠤᠷ ᠶᠡᠷᠦ ᠨᠢ ᠪᠤᠯᠵᠤᠭᠠ | ᠲᠠᠢ ᠶᠤᠮᠰᠢᠭ ᠬᠦᠯ ᠬᠦᠭᠡᠷᠴᠡᠭ ᠪᠤᠯᠵᠦ ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠳᠤ ᠤᠴᠢᠬᠤ ᠵᠠᠮ ᠢ ᠡᠯᠬᠦᠵᠦ ᠪᠢᠯᠨ᠃ | ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠳᠤ ᠬᠦᠷᠬᠦ ᠪᠠᠷ ︽ᠵᠢᠷᠦᠭᠡ ᠭᠠᠴᠠᠭᠠᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ | ᠪᠠᠶᠢᠭᠤᠯᠤᠭᠳᠠᠭᠰᠡᠨ 70 ᠵᠢᠯ ᠤᠨ ᠠᠬᠤᠢ ᠶᠢ ᠪᠡᠯᠭᠡᠯᠡᠬᠦ ᠠᠩᠬᠠᠳᠤᠭᠴᠢ ᠮᠠᠯᠴᠢᠳ ᠤᠨ ᠨᠠᠶᠢᠷ ᠵᠢᠴᠢ ᠭᠠᠴᠠᠭᠠᠨ | ᠦᠢᠯᠠᠯᠭᠠ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ︾ ᠭᠡᠬᠦ ᠲᠠᠶᠢᠰᠨ ᠶᠢᠨ ᠢᠯᠡᠷᠭᠡᠶᠢᠯᠡᠯ ᠬᠠᠷᠠᠭᠠᠨ ᠳᠤ ᠲᠤᠳᠤᠷᠠᠬᠤ ᠪᠠᠷ ᠡᠨᠡᠬᠦ | ᠵᠢᠷᠤᠭ ᠮᠡᠳᠤ ᠰᠠᠶᠢᠬᠠᠨ ᠠᠭᠤᠯᠨ ᠤᠰᠤ ᠲᠠᠢ ᠨᠤᠳᠤᠭ ᠤᠨ ᠢᠶᠠᠨ ᠴᠠᠳᠢᠭ ᠲᠡᠤᠭᠡ ᠶᠢ ᠪᠢᠴᠢᠭᠰᠡᠨ ︽ᠵᠢᠷᠦᠬᠡ | ᠨᠤᠲᠤᠭ︾ ᠭᠡᠬᠦ ᠨᠤᠮ ᠤᠨ ᠵᠤᠬᠢᠶᠠᠭᠴᠢ ᠲᠠᠢ ᠦᠨᠦᠳᠤᠷ ᠤᠴᠠᠷᠠᠬᠤ ᠶᠤᠮᠰᠠᠨ ᠭᠡᠵᠤ ᠰᠡᠳᠬᠢᠯ ᠬᠦᠪᠬᠢᠨ ᠪᠠᠶᠠᠷᠯᠠᠵᠦ | ᠠᠮᠵᠢᠯᠠ᠃ | ᠨᠤᠮ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠶᠠᠪᠤᠬᠳᠠᠬᠤ ᠭᠱᠠᠨᠠ ᠵᠢᠷᠦᠭᠡ ᠨᠤᠳᠤᠭ ᠤᠨ ᠠᠭᠤᠯᠨ ᠬᠠᠶᠢᠷᠬᠠᠨ ᠢᠶᠠᠨ ᠰᠢᠭ | ᠲᠦᠪᠯᠡᠬᠦᠨ ᠡᠷᠬᠢᠮᠰᠦᠭ᠂ ᠤᠷᠤᠰᠬᠠᠯ ᠲᠤᠩᠭᠠᠯᠠᠭ ᠤᠰᠤ ᠭᠤᠤᠯ ᠢᠶᠠᠨ ᠰᠢᠭ ᠬᠦᠮᠦᠨ ᠤ ᠰᠡᠳᠬᠢᠯ ᠢ ᠨᠠᠪᠳᠡ | ᠤᠩᠰᠢᠴᠢᠬᠠᠮᠠᠷ ᠤᠰᠬᠠᠯ ᠲᠦᠯᠭᠡᠭᠡᠨ ᠬᠠᠷᠠᠴᠨ ᠲᠠᠢ᠂ ᠬᠠᠷᠠ ᠨᠢᠳᠤᠨ ᠪᠦᠰᠡᠬᠦᠢ ᠤᠯᠠᠨ ᠤ ᠬᠠᠷᠠᠭᠠᠨ ᠳᠤ | ᠲᠤᠳᠤᠷᠠᠵᠦ ᠲᠡᠷᠡ ᠪᠢᠴᠢᠭᠰᠡᠨ ᠨᠤᠮ ᠤᠨ ᠢᠶᠠᠨ ᠲᠤᠬᠠᠢ ᠦᠵᠡᠭᠴᠢ ᠤᠯᠠᠨ ᠳᠤ ᠲᠠᠨᠢᠯᠴᠠᠭᠤᠯᠵᠦ ᠲᠠᠶᠢᠯᠪᠦᠷᠢᠯᠠᠬᠤ | ᠪᠠᠷ ᠬᠦᠰᠡᠨ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨᠰᠡᠳᠬᠢᠯ ᠮᠢᠨᠢ ᠬᠦᠪᠬᠢᠬᠦ ᠰᠢᠭ ᠪᠤᠯᠵᠦ᠂ ᠭᠠᠷᠴᠠᠭᠠ ᠦᠭᠡᠢ ᠨᠤᠮ ᠤᠨ ᠡᠭᠡᠴᠢ | ᠰᠡᠴᠡᠩᠭᠤᠸᠠ ᠪᠤᠯᠬᠤ ᠶᠢ ᠲᠠᠨᠢᠵᠦ ᠪᠢᠯᠨ᠃ ᠮᠥᠨ ᠡᠨᠡ ᠬᠤᠷᠤᠮ ᠢᠶᠠᠷ ᠡᠨᠡᠬᠦ ᠨᠦᠷᠢ ᠶᠡᠭᠡ ᠤᠶᠤᠨ ᠤ ᠬᠦᠳᠡᠯᠮᠤᠷᠢ | ᠪᠠᠷ ᠦᠨᠦᠳᠤᠷ ᠤᠨ ᠰᠡᠳᠬᠢᠯ ᠲᠤᠭᠳᠤᠯᠤᠮᠠ ᠮᠦᠴᠨ ᠶᠢ ᠤᠭᠳᠤᠨ ᠠᠪᠴᠢᠷᠠᠵᠦ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ | ᠪᠠᠶᠢᠭᠤᠯᠤᠭᠳᠠᠭᠰᠠᠨ 70 ᠵᠢᠯ ᠤᠨ ᠤᠢ ᠶᠢᠨ ᠪᠠᠶᠠᠷ ᠢ ᠲᠤᠬᠢᠶᠠᠯᠳᠣᠭᠤᠯᠣᠨ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠲᠡᠤᠭᠡ | ᠴᠠᠳᠢᠭ ᠢ ᠪᠢᠴᠢᠭᠯᠡᠵᠦ ᠲᠡᠪᠳᠡᠷᠯᠡᠭᠰᠡᠨ ᠲᠡᠬᠦᠨ ᠤ ᠡᠮᠦᠨᠡ ᠠᠴᠠ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠪᠢᠰᠢᠷᠡᠨ ᠲᠤᠭᠳᠤᠯᠵᠦ | ᠪᠢᠯᠨ᠃ | | ᠬᠦᠮᠦᠨ ᠪᠤᠯᠬᠤ ᠪᠠᠭᠠ ᠠᠴᠠ ᠪᠠᠨ | ᠬᠦᠯᠦᠭ ᠪᠤᠯᠬᠤ ᠤᠨᠠᠭᠠᠨ ᠠᠴᠠ ᠪᠠᠨ | | | ᠰᠡᠴᠡᠩᠭᠤᠸᠠ | | ᠰᠡᠴᠡᠩᠭᠤᠸᠠ 1975 ᠤᠨ ᠤ 10 ᠰᠠᠷᠠ ᠶᠢᠨ 26 ᠳᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ | ᠪᠠᠶᠠᠨᠪᠤᠯᠠᠭ ᠰᠤᠮᠤ ᠶᠢᠨ ᠠᠮᠰᠠᠷ ᠭᠠᠴᠠᠭᠠᠨ ᠳᠤ ᠲᠠᠷᠬᠠᠨ ᠬᠤᠰᠢᠭᠤ ᠪᠤᠷᠵᠢᠬᠢᠨ ᠤᠪᠤᠭᠳᠤ ᠭᠠᠨᠵᠣᠣᠷᠵᠠᠪ ᠪᠠ | ᠦᠷᠡᠴᠡᠴᠡᠭ ᠤᠨ ᠤᠤᠭᠠᠨ ᠭᠡᠤᠭᠡᠨ ᠨᠢ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠠᠪᠤ ᠡᠵᠢ ᠨᠢ ᠠᠷᠠᠳ ᠤᠨ | ᠪᠠᠭᠰᠢ ᠶᠢᠨ ᠠᠯᠪᠠᠨ ᠳᠤ ᠶᠠᠭᠠᠷᠠᠵᠦ ᠪᠠᠶᠢᠭᠰᠡᠨ ᠤᠴᠢᠷ ᠠᠴᠠ ᠲᠡᠷᠨ ᠪᠠᠭᠠ ᠨᠠᠰᠤᠨ ᠠᠴᠠ ᠪᠠᠨ ᠬᠠᠨᠰᠦ᠋ᠮᠡ ᠰᠤᠮᠤ | ᠶᠢᠨ ᠵᠢᠷᠦᠭᠡ ᠭᠠᠴᠠᠭᠠᠨ ᠳᠤ ᠪᠠᠶᠢᠭᠠ ᠨᠠᠭᠠᠴᠤ ᠡᠪᠦᠭᠡ ᠡᠮᠡᠭᠡ ᠶᠢᠨ ᠢᠶᠠᠨ ᠡᠩᠬᠦᠷᠡᠶᠢᠯᠡᠯ ᠲᠤᠮᠳᠠ ᠦᠰᠤᠨ | ᠪᠤᠶᠢᠵᠢᠵᠦ ᠭᠡᠳᠦᠶᠢᠪᠠᠷ ᠨᠠᠭᠠᠴᠤ ᠡᠪᠦᠭᠡ ᠡᠮᠡᠭᠡ ᠶᠢᠨ ᠢᠶᠠᠨ ︽ᠠᠯᠠᠭᠠᠨ ᠲᠡᠭᠡᠷᠡ ᠪᠠᠨ ᠲᠠᠯᠪᠢᠪᠠᠯ ᠪᠦᠮᠪᠦᠷᠢᠮᠡᠷ ᠠᠮᠠᠨ | ᠳᠠᠭᠠᠨ ᠬᠢᠪᠡᠯ ᠬᠠᠶᠢᠯᠤᠮᠠᠷ︾ ᠡᠩᠬᠦᠷᠠᠢ ᠪᠦᠪᠠᠢ ᠪᠠᠶᠢᠭᠰᠠᠨ ᠴᠦ ᠴᠢᠩᠭᠠ ᠨᠢᠮᠪᠠᠢ ᠰᠤᠷᠳᠠᠯ ᠰᠤᠷᠭᠠᠯ᠂ ᠵᠦᠪ ᠲᠦᠪ | ᠶᠤᠰᠤ ᠵᠦᠢ ᠲᠠᠢ ᠬᠦᠮᠦᠵᠢᠭᠳᠡᠭᠰᠡᠨ ᠪᠢᠯᠨ᠃ | ᠲᠡᠷᠨ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠨᠦᠯᠦᠭᠡ ᠪᠠᠷ ᠨᠤᠮ ᠲᠡᠪᠳᠡᠷ ᠲᠠᠢ ᠤᠶᠢᠷᠠᠬᠠᠨ ᠦᠰᠴᠤ ᠪᠠᠭᠠ ᠰᠤᠷᠭᠠᠭᠤᠯᠢ | ᠠᠴᠠ ᠪᠠᠨ ᠡᠬᠢᠯᠡᠨ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠠᠭᠠᠨ ᠰᠢᠮᠳᠠᠯ ᠲᠠᠢ ᠰᠠᠶᠢᠨ ᠰᠤᠷᠳᠠᠭ ᠪᠦᠭᠡᠳ ᠲᠡᠭᠡᠳᠤ ᠲᠤᠮᠳᠠᠳᠤ ᠳᠤ | ᠰᠤᠷᠤᠯᠴᠠᠵᠦ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠠᠨ ᠰᠤᠷᠭᠠᠭᠤᠯᠢ ᠶᠢᠨ ︽ᠰᠠᠮᠪᠠᠷᠠ ᠶᠢᠨ ᠰᠤᠨᠢᠨ ᠢ ᠡᠷᠬᠢᠯᠡᠬᠦ︾ | ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠤ ᠵᠤᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠡᠨ ᠬᠦᠬᠢᠬᠦᠯᠦᠯ | ᠵᠤᠷᠢᠭᠵᠢᠭᠤᠯᠤᠯ ᠬᠦᠷᠳᠡᠵᠦ ᠪᠢᠴᠢᠵᠦ ᠤᠷᠤᠯᠳᠤᠬᠤ ᠠᠩᠬᠠᠨ ᠤ ᠭᠠᠷᠤᠭᠠ ᠪᠠᠨ ᠡᠬᠢᠯᠡᠵᠦ ᠪᠢᠯᠨ᠃ ᠤᠯᠤᠰ ᠤᠨ | ᠰᠢᠯᠭᠠᠯᠳᠠ ᠳᠤ ᠲᠤᠭᠠᠳᠠᠶᠢᠬᠠᠨ ᠭᠡᠳᠦᠨ ᠬᠦᠮᠦᠨ ᠡᠯᠰᠡᠭᠳᠡᠵᠦ ᠪᠠᠶᠢᠭᠰᠠᠨ ᠲᠤᠬᠠᠢ ᠶᠢᠨ ᠦᠶᠡ ᠲᠡᠷᠨ ᠭᠡᠳᠦᠶᠢᠪᠡᠷ | ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠡᠯᠰᠡᠭᠳᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠪᠤᠯᠪᠠᠴᠤ 1999 ᠤᠨ ᠠᠴᠠ ᠦᠪᠦᠷ ᠮᠤᠩᠭᠤᠯ ᠤᠨ | ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ ᠭᠡᠯᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠰᠠᠯᠪᠦᠷᠢ ᠶᠢᠨ ᠦᠪᠡᠷᠳᠡᠭᠡᠨ ᠰᠤᠷᠴᠤ | ᠰᠢᠯᠭᠠᠭᠤᠯᠬᠤ ᠠᠩᠬᠢ ᠳᠤ ᠰᠤᠷᠤᠯᠴᠡᠨ ᠲᠤᠷᠠ ᠪᠠᠭ᠋ᠠᠳᠠᠢ ᠵᠦᠢᠯ ᠪᠤᠯᠬᠤ ᠭᠡᠯᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠲᠤᠬᠠᠢ | ᠮᠡᠳᠡᠯᠭᠡ ᠪᠠᠨ ᠲᠡᠭᠡᠭᠰᠢᠯᠡᠬᠦᠯᠦᠭᠰᠡᠨ ᠶᠤᠮ᠃ | | ᠵᠠᠯᠠᠭᠤ ᠨᠠᠰᠤᠨ ᠤ ᠵᠤᠯᠪᠤᠭᠠᠳᠤ ᠠᠮᠢᠳᠤᠷᠠᠯ | | | ᠰᠡᠴᠡᠩᠭᠤᠸᠠ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ | | ᠰᠡᠴᠡᠩᠭᠤᠸᠠ 2000 ᠤᠨ ᠳᠤ ᠴᠢᠪᠠᠭᠠ ᠪᠠᠯᠭᠠᠰᠤᠨ ᠳᠤ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠭᠡᠷ ᠪᠦᠯᠢ ᠪᠠᠨ | ᠪᠠᠶᠢᠭᠤᠯᠵᠦ᠂ ᠲᠤᠯᠭᠠ ᠶᠢᠨ ᠭᠠᠯ ᠲᠦᠷᠡᠯᠵᠡᠭᠰᠡᠨ ᠮᠤᠩᠭᠤᠯ ᠪᠦᠯᠢ ᠶᠢᠨ ᠦᠷᠬᠦᠭᠡ ᠰᠡᠬᠦᠵᠦ ᠠᠮᠢᠳᠤᠷᠠᠯ ᠢᠶᠠᠨ | ᠡᠬᠢᠯᠡᠭᠰᠡᠨ ᠪᠢᠯᠨ᠃ ᠲᠤᠬᠠᠢ ᠶᠢᠨ ᠦᠶᠡ ᠲᠡᠷᠨ ᠭᠡᠳᠦᠶᠢᠪᠡᠷ ᠦᠪᠡᠷ ᠤᠨ ᠭᠡᠰᠡᠨ ᠠᠵᠢᠯ ᠦᠢᠯᠡᠰ ᠲᠠᠢ ᠵᠠᠯᠠᠭᠤ | ᠬᠠᠯᠠᠭᠤᠨ ᠨᠠᠰᠤᠨ ᠤ ᠭᠠᠩᠭᠠᠩ ᠲᠦᠷᠦᠭᠡᠨ ᠲᠡᠭᠡᠷᠡ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠬᠤ ᠪᠤᠯᠤᠮᠵᠢ ᠲᠠᠢ ᠪᠠᠶᠢᠭᠰᠡᠨ ᠴᠦ | ᠬᠦᠳᠡᠭᠡ ᠭᠡᠷ ᠲᠡᠭᠡᠨ ᠲᠡᠩᠭᠡᠯᠡᠬᠦᠨ ᠠᠮᠢᠳᠤᠷᠠᠯ ᠲᠠᠢ ᠨᠠᠭᠠᠴᠤ ᠡᠪᠦᠭᠡ ᠡᠮᠡᠭᠡ ᠨᠢ ᠨᠠᠰᠤ ᠠᠬᠢᠭᠰᠠᠨ ᠠᠴᠠ ᠮᠠᠯ ᠠᠬᠤᠢ | ᠪᠠᠨ ᠲᠤᠳᠤᠮᠳᠠᠬᠤ ᠠᠴᠠ ᠡᠬᠢᠯᠡᠨ ᠠᠯᠢ ᠤᠯᠠᠨ ᠠᠵᠢᠯ ᠬᠢᠳᠡᠯ ᠳᠤ ᠬᠦᠳᠡᠯᠮᠤᠷᠢ ᠬᠦᠴᠦ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ | ᠰᠢᠯᠳᠠᠭᠠᠯᠠᠵᠦ᠂ ᠬᠦᠳᠡᠭᠡ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠶᠠᠭᠤ ᠪᠦᠬᠦᠨ ᠳᠤ ᠡᠭᠡᠨᠡᠭᠰᠢᠨ ᠬᠤᠷᠭᠤᠳᠠᠳᠠᠭ ᠲᠡᠷᠨ ᠲᠠᠬᠢᠨ | ᠵᠢᠷᠦᠭᠡ ᠨᠤᠳᠤᠭ ᠲᠤ ᠪᠠᠨ ᠤᠴᠢᠵᠤ ᠮᠠᠯᠴᠢᠨ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠬᠦᠯᠦᠯᠡ᠃ ᠬᠠᠷᠢ ᠨᠤᠳᠤᠭ ᠲᠤ ᠲᠡᠬᠦᠨ ᠢ | ᠤᠭᠳᠤᠨ ᠠᠪᠤᠭᠰᠡᠨ ᠨᠢ 1998 ᠤᠨ ᠤ ᠶᠡᠭᠡ ᠦᠶᠡᠷ ᠤᠰᠤᠳᠤᠯ ᠤᠨ ᠳᠠᠷᠠᠭᠠᠬᠢ ᠴᠠᠬᠢᠯᠭᠠᠨ ᠲᠠᠰᠤᠷᠠᠭᠰᠡᠨ᠂ | ᠵᠠᠮ ᠬᠠᠷᠢᠯᠴᠠᠭᠠ ᠲᠦᠬᠦᠮ ᠦᠭᠡᠢ᠂ ᠭᠡᠷ ᠪᠠᠷᠢᠯᠭᠠ᠂ ᠮᠠᠯ ᠤᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠶᠢ ᠲᠠᠬᠢᠨ ᠰᠢᠨᠡ ᠪᠠᠷ | ᠪᠦᠳᠦᠭᠡᠨ ᠪᠠᠶᠢᠭᠤᠯᠬᠤ ᠵᠡᠷᠭᠡ ᠪᠡᠷᠭᠡ ᠬᠠᠳᠠᠭᠤ ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠪᠠᠶᠢᠯᠠ᠃ ᠲᠡᠷᠨ ᠨᠠᠰᠤᠳᠠᠢ ᠨᠢᠯᠬᠠ ᠪᠠᠨ | ᠬᠠᠷᠠᠭᠠᠯᠵᠠᠨ ᠲᠤᠳᠤᠮᠳᠠᠬᠤ ᠶᠢᠨ ᠲᠠᠭᠠᠤ ᠭᠡᠷ ᠤᠨ ᠲᠤᠳᠤᠨᠡ ᠭᠠᠳᠠᠨᠠᠬᠢ ᠠᠵᠢᠯ ᠬᠦᠳᠡᠯᠮᠤᠷᠢ ᠳᠤ ᠪᠠᠨ ᠡᠷᠳᠡᠯᠡᠵᠦ | ᠤᠷᠤᠶᠢᠯᠠᠨ᠂ ᠬᠠᠷᠠ ᠪᠤᠷᠤ ᠠᠵᠢᠯ ᠳᠤ ᠴᠠᠭᠠᠷᠠᠭᠠ ᠦᠭᠡᠢ ᠨᠦᠬᠦᠷ ᠲᠠᠢ ᠪᠠᠨ ᠬᠠᠮᠲᠤ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠦ᠂ ᠭᠡᠷ | ᠰᠠᠭᠤᠴᠨ ᠠᠴᠠ ᠮᠠᠯ ᠤᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠬᠦᠷᠳᠡᠯᠡ ᠲᠠᠬᠢᠨ ᠰᠢᠨᠡ ᠪᠠᠷ ᠪᠦᠳᠦᠭᠡᠨ ᠪᠠᠶᠢᠭᠤᠯᠵᠦ᠂ ᠮᠠᠯ | ᠲᠠᠷᠢᠶᠠᠯᠠᠩ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠪᠠᠨ ᠤᠷᠤᠨ ᠨᠤᠳᠤᠭ ᠤᠨ ᠪᠤᠳᠠᠳᠤ ᠪᠠᠶᠢᠳᠠᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠤᠨ | ᠡᠵᠡᠩᠨᠡᠵᠦ ᠨᠢᠭᠡ ᠭᠡᠷ ᠤᠨ ᠲᠦᠷᠪᠡᠨ ᠦᠶᠡ ᠪᠠᠷ ᠢᠶᠠᠨ ᠡᠶᠡ ᠨᠠᠶᠢᠷᠰᠠᠭ ᠲᠡᠨᠢᠬᠦᠨ ᠲᠠᠪᠠᠳᠠᠢ᠂ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ | ᠢᠶᠠᠨ ᠪᠠᠶᠢᠭᠤᠯᠤᠭᠰᠡᠨ ᠪᠢᠯᠨ᠃ | ᠬᠤᠷᠸᠠ ᠶᠢᠨ ᠵᠢᠮᠠ ᠭᠡᠵᠤ ᠠᠯᠠᠭ ᠲᠠᠢ ᠪᠠᠶᠢᠳᠠᠭ ᠤᠨ ᠬᠠᠷᠠᠭᠠ ᠪᠠᠷ 2012 ᠤᠨ ᠳᠤ ᠰᠡᠴᠡᠩᠭᠤᠸᠠ ᠶᠢ | ᠦᠷᠦ ᠵᠢᠷᠦᠭᠡ ᠮᠢᠨᠢ ᠭᠡᠵᠤ ᠬᠠᠶᠢᠷᠠᠯᠠᠵᠦ ᠰᠠᠨᠠᠳᠠᠭ ᠠᠴᠢᠳᠤ ᠨᠠᠭᠠᠴᠤ ᠡᠮᠡᠭᠡ ᠨᠢ ᠴᠢᠰᠤᠨ ᠲᠠᠷᠤᠯᠳᠠ ᠦᠨᠳᠤᠷ | ᠡᠪᠡᠳᠴᠢᠨ ᠢᠶᠠᠷ ᠪᠤᠷᠬᠠᠨ ᠪᠤᠯᠵᠦ᠂ ᠭᠡᠨᠡᠳᠳᠡ ᠪᠠᠷ ᠬᠦᠷᠴᠤ ᠢᠷᠡᠭᠰᠡᠨ ᠡᠨᠡᠬᠦ ᠭᠠᠰᠢᠭᠤᠳᠠᠯ ᠡᠮᠭᠡᠨᠢᠯ ᠳᠤ | ᠨᠢᠯᠪᠤᠰᠤᠷᠠᠨ ᠪᠠᠶᠢᠬᠤ ᠳᠤ ᠭᠡᠳᠦᠭᠡᠨ ᠡᠳᠤᠷ ᠤᠨ ᠵᠠᠢ ᠵᠠᠪᠰᠠᠷᠯᠠᠵᠦ ᠨᠠᠭᠠᠴᠤ ᠡᠪᠦᠭᠡ ᠨᠢ ᠴᠦ ᠰᠠᠨᠠᠮᠰᠠᠷ ᠦᠭᠡᠢ ᠱᠠᠯᠨ | ᠲᠡᠭᠡᠷᠡ ᠪᠠᠨ ᠤᠶᠢᠴᠢᠵᠦ ᠰᠡᠬᠦᠵᠢ ᠶᠢᠨ ᠶᠠᠰᠤ ᠨᠢ ᠪᠠᠷᠳᠠᠨ ᠡᠮᠨᠡᠯᠭᠡ ᠳᠤ ᠤᠷᠤᠴᠢᠬᠠᠯᠠ᠃ ᠦᠴᠦᠭᠡᠨ ᠲᠡᠳᠦᠢ ᠴᠦ | ᠬᠦᠳᠡᠯᠵᠦ ᠲᠡᠶᠢᠯᠬᠦ ᠦᠭᠡᠢ ᠭᠡᠪᠳᠡᠷᠢ ᠳᠤ ᠤᠷᠤᠭᠰᠡᠨ ᠨᠠᠰᠤᠳᠠᠨ ᠡᠪᠦᠭᠡ ᠨᠢ ᠡᠮᠴᠢ ᠶᠢᠨ ᠨᠠᠷᠢᠯᠢᠭ ᠵᠠᠰᠠᠯᠭᠠ᠂ | ᠰᠡᠴᠡᠩᠭᠤᠸᠠ ᠨᠦᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠨ ᠨᠢᠮᠪᠠᠢ ᠠᠷᠠᠴᠢᠯᠠᠵᠦ ᠰᠤᠪᠢᠯᠠᠭᠰᠡᠨ ᠢᠶᠠᠷ ᠬᠦᠯ ᠨᠢ ᠪᠦᠷᠢᠮᠤᠰᠤᠨ | ᠡᠳᠡᠭᠡᠷᠡᠵᠦ ᠦᠨᠤ ᠪᠤᠯᠬᠤ ᠳᠤ ᠨᠠᠶᠠᠨ ᠨᠠᠢᠮᠠᠨ ᠨᠠᠰᠤᠨ ᠤ ᠦᠨᠳᠤᠷ ᠪᠤᠶᠡᠨ ᠢ ᠡᠳ᠋ᠯᠡᠵᠦ ᠶᠠᠪᠤᠬᠤ ᠪᠠᠷ ᠠᠶᠢᠯ ᠠᠶᠢᠮᠠᠭ | ᠂ ᠤᠶᠢᠷᠠ ᠰᠠᠳᠤᠨ ᠤ ᠬᠦᠮᠦᠰ ᠨᠢ ︽ᠠᠴᠢᠯᠠᠯ ᠲᠠᠢ ᠤᠮᠪᠤᠯᠤ ᠭᠡᠤᠭᠡᠨ ᠡ︕ ᠰᠠᠨᠠᠭᠠ ᠰᠠᠶᠢᠳᠤ ᠶᠢᠨ ᠵᠠᠮ ᠴᠠᠭᠠᠨ | ᠶᠤᠮ︾ ᠭᠡᠵᠤ ᠢᠷᠦᠭᠡᠯ ᠵᠦᠩᠨᠠᠯ ᠢᠶᠠᠨ ᠬᠠᠶᠢᠷᠠᠯᠠᠨᠠ᠃ | ᠰᠡᠴᠡᠩᠭᠤᠸᠠ 2012 ᠤᠨ ᠳᠤ ᠦᠩᠭᠡ ᠭᠡᠷᠡᠯᠳᠡᠢ ᠪᠠᠷ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠳᠤ | ᠡᠯᠰᠡᠭᠳᠡᠵᠦ ᠮᠠᠯᠴᠢᠨ ᠲᠦᠮᠡᠨ ᠤ ᠪᠠᠨ ᠲᠤᠮᠳᠠ ᠨᠠᠮ ᠤᠨ ᠭᠡᠰᠢᠬᠦᠨ ᠤ ᠲᠠᠶᠢᠴᠢᠯᠠᠬᠤ ᠵᠢᠱᠢᠶᠡᠴᠢ ᠦᠢᠯᠡᠳᠦᠯ ᠢᠶᠠᠨ | ᠪᠠᠳᠠᠷᠠᠭᠤᠯᠵᠦ ᠶᠠᠪᠤᠬᠤ ᠮᠦᠷᠳᠡᠭᠡᠨ ᠤᠷᠢᠳ ᠬᠤᠵᠢᠳ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ ︽ | ᠨᠠᠰᠤᠳᠠᠨ ᠢᠶᠠᠨ ᠠᠰᠠᠷᠠᠭᠰᠡᠨ ᠠᠴᠢᠯᠠᠯᠳᠤ ᠤᠳᠤᠨ︾᠂ ᠬᠤᠰᠢᠭᠤᠨ ᠤ ᠡᠮᠡᠭᠳᠠᠶᠢᠴᠤᠳ ᠤᠨ ᠬᠤᠯᠪᠤᠭᠠᠳᠤ ᠬᠤᠷᠠᠯ | ᠤᠨ ︽ᠲᠠᠪᠤᠨ ᠰᠠᠶᠢᠨᠳᠠᠢ ᠵᠢᠱᠢᠶᠡᠴᠢ ᠭᠡᠷ ᠪᠦᠯᠢ ᠶᠢᠨ ᠲᠠᠭᠠᠭᠤᠯᠤᠭᠴᠢ︾᠂ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢᠨ ᠨᠠᠮ ᠤᠨ | ᠬᠤᠷᠢᠶᠡ ᠵᠠᠰᠠᠭ ᠤᠨ ᠤᠷᠳᠤᠨ ᠤ ︽ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠬᠦᠨ︾ ᠵᠡᠷᠭᠡ ᠬᠦᠬᠢᠬᠦᠯᠦᠯ ᠵᠤᠷᠢᠭᠵᠢᠭᠤᠯᠤᠯ ᠢ | ᠲᠤᠰᠴᠤ᠂ ᠡᠭᠡᠯ ᠵᠢᠷ ᠤᠨ ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠠᠭᠠᠨ᠂ ᠭᠡᠷ ᠪᠦᠯᠢ ᠳᠡᠭᠡᠨ᠂ ᠨᠠᠶᠢᠭᠡᠮ ᠨᠠᠶᠢᠳᠠ ᠳᠡᠭᠡᠨ ᠬᠠᠶᠢᠷᠠ | ᠬᠠᠷᠢᠭᠤᠴᠠᠯᠭᠠ ᠪᠠᠨ ᠬᠦᠢᠴᠡᠳᠭᠡᠵᠦ ᠶᠠᠪᠤᠨᠠ᠃ | | ᠵᠢᠳᠬᠦᠯ ᠢᠶᠠᠷ ᠲᠡᠯᠭᠡᠷᠡᠭᠰᠡᠨ ᠢᠷᠠᠭᠤ ᠠᠯᠳᠠᠷ ᠤᠨ ᠴᠡᠴᠡᠭ | ᠠᠭᠤᠯᠨ ᠪᠤᠯᠭᠠᠨ ᠳᠤᠨᠢ ᠦᠯᠢᠭᠡᠷ ᠲᠠᠢ᠂ ᠤᠰᠤ ᠪᠤᠯᠭᠠᠨ ᠳᠤᠨᠢ ᠲᠤᠮᠤᠭ ᠲᠠᠢ ᠵᠢᠷᠦᠭᠡ ᠨᠤᠳᠤᠭ ᠭᠡᠵᠤ | ᠮᠠᠯᠴᠢᠨ ᠤᠳᠣᠮ ᠤᠨ ᠭᠡᠶᠢᠮᠦᠷᠢ ᠶᠢ ᠡᠷᠬᠦᠵᠦ᠂ ᠮᠤᠩᠭᠤᠯ ᠬᠦᠮᠦᠨ ᠤ ᠭᠡᠰᠢᠭ ᠪᠤᠶᠠᠨ ᠬᠤᠷᠠᠭᠰᠡᠨ ᠦᠯᠵᠡᠢ ᠲᠠᠢ | ᠰᠠᠶᠢᠬᠠᠨ ᠨᠤᠳᠤᠭ ᠶᠤᠮ᠃ ᠦᠨᠳᠤᠷ ᠰᠦᠷᠯᠢᠭ ᠠᠭᠤᠯᠨ ᠨᠢᠷᠤᠭᠤᠳ ᠤᠨ ᠲᠤᠮᠳᠠ ᠰᠦᠯᠳᠠ ᠬᠠᠶᠢᠷᠬᠠᠨ ᠪᠤᠯᠬᠤ | ᠰᠦᠷᠯᠢᠭ ᠴᠤᠭᠳᠤ ᠠᠭᠤᠯᠨ ᠶᠢᠨ ᠨᠦᠮᠦᠷᠢ ᠳᠤ ᠬᠤᠪᠤᠷ ᠨᠠᠨᠳᠢᠨ ᠲᠡᠤᠭᠡ ᠶᠢᠨ ᠲᠤᠷᠠᠰᠬᠠᠯᠳᠤ ᠵᠦᠢᠯᠡᠰ ᠪᠤᠯᠬᠤ | ᠯᠢᠶᠤᠤ ᠤᠯᠤᠰ ᠤᠨ ᠬᠠᠭᠤᠴᠢ ᠪᠠᠭᠤᠷᠢ ᠲᠡᠤᠭᠡ ᠬᠠᠭᠤᠴᠢᠯᠠᠵᠦ᠂ ᠦᠨᠢᠷ ᠰᠢᠮᠡᠵᠢᠯᠳᠤ ᠬᠠᠬᠢᠷ ᠤᠨ ᠭᠤᠤᠯ ᠤᠨ | ᠲᠠᠨᠵᠢᠨ ᠳᠤ ᠦᠩ ᠰᠢᠮᠡᠯᠢᠭ ᠬᠠᠳᠤᠯᠠᠩ ᠪᠡᠯᠴᠢᠭᠡᠷ ᠬᠠᠯᠢᠭᠤᠷᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠠᠩᠰᠤᠭ ᠪᠠᠶᠠᠨ | ᠬᠦᠷᠦᠩᠭᠡ ᠲᠠᠢ᠂ ᠬᠠᠷᠠᠭᠠ ᠠᠯᠳᠠᠮᠠ ᠬᠠᠨᠠᠭᠠᠷ ᠲᠠᠯᠠ᠂ ᠠᠯᠳᠠᠨ ᠰᠢᠷᠭᠠᠯ ᠡᠯᠡᠰᠤ ᠮᠠᠩᠬᠠ ᠦᠷᠬᠦᠯᠵᠢᠯᠡᠨ ᠠᠬᠤᠢ | ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠲᠡᠬᠦᠰ ᠪᠠᠶᠢᠳᠠᠭ᠃ | ᠡᠴᠢᠭᠡ ᠶᠢᠨ ᠭᠤᠯᠤᠮᠳᠠ ᠳᠤ ᠴᠤᠭ ᠨᠡᠮᠡᠬᠦ ᠦᠭᠡᠢ ᠭᠡᠤᠭᠡᠨ ᠵᠠᠶᠠᠭᠠ ᠡᠵᠢ ᠶᠢᠨ ᠨᠤᠳᠤᠭ ᠲᠤ ᠪᠠᠨ ᠭᠠᠯ | ᠮᠠᠨᠠᠵᠦ ᠡᠶᠢᠮᠤ ᠰᠠᠶᠢᠬᠠᠨ ᠨᠤᠳᠤᠭ ᠤᠨ ᠠᠷᠢᠭᠤᠨ ᠠᠭᠠᠷ ᠶᠢ ᠠᠮᠢᠰᠬᠤᠨ ᠲᠤᠮᠤᠭᠠᠵᠢᠵᠦ᠂ ᠤᠤᠭᠠᠯ ᠰᠢᠮᠡ᠂ ᠭᠡᠰᠢᠭ | ᠬᠠᠶᠢᠷᠠ ᠶᠢ ᠨᠢ ᠬᠦᠷᠳᠡᠵᠦ ᠲᠦᠷᠦᠭᠡ ᠰᠡᠴᠡᠩᠭᠤᠸᠠ ᠳᠤ ᠨᠤᠳᠤᠭ ᠤᠰᠤᠨ ᠳᠤ ᠪᠠᠨ ᠬᠠᠨᠳᠢᠪᠯᠠᠬᠤ ᠶᠠᠭᠤ ᠨᠢᠭᠡ ᠶᠢ | ᠪᠦᠳᠦᠭᠡᠬᠦ ᠡᠷᠢᠯ ᠬᠦᠰᠡᠯ᠂ ᠲᠡᠪᠵᠢᠶᠡᠷᠢ ᠲᠠᠮᠢᠷ ᠰᠡᠯᠪᠢᠬᠦᠯᠵᠦ ᠵᠢᠳᠬᠦᠬᠦᠯᠦᠭᠰᠡᠨ ᠨᠢ ᠦᠨᠡᠨᠳᠡᠢ᠃ ᠡᠶᠢᠨᠬᠦ ᠤᠳᠠᠭᠠᠨ | ᠡᠳᠤᠷ ᠤᠨ ᠪᠤᠳᠤᠯ ᠳᠤ ᠪᠠᠨ ᠮᠠᠨᠠᠵᠦ ᠠᠰᠠᠭᠠᠭᠰᠡᠨ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠤᠶᠢᠯᠠᠯᠭᠠ ᠲᠠᠤᠭᠡ ᠶᠢ ᠪᠢᠴᠢᠵᠦ | ᠲᠤᠭᠤᠷᠪᠢᠬᠤ ᠲᠤᠬᠠᠢ ᠪᠤᠳᠤᠯ ᠢᠶᠠᠨ ᠦᠨᠳᠤᠷ ᠨᠠᠰᠤᠳᠠᠢ ᠨᠠᠭᠠᠴᠤ ᠡᠪᠦᠭᠡ ᠵᠢᠴᠢ ᠠᠶᠢᠯ ᠠᠶᠢᠮᠠᠭ ᠤᠨ ᠠᠬᠠᠮᠠᠳ | ᠪᠤᠭᠤᠷᠤᠯᠴᠤᠳ᠂ ᠦᠶᠡ ᠶᠢᠨ ᠨᠠᠶᠢᠵᠢ ᠨᠦᠬᠦᠳ ᠲᠤ ᠪᠠᠨ ᠴᠤᠬᠤᠶᠢᠯᠠᠭᠠᠬᠤ ᠪᠠᠷ ᠲᠠᠳᠠᠨᠠᠷ ᠨᠢ ᠴᠦ ᠪᠤᠯᠵᠤᠭᠠ ᠲᠠᠢ | ᠶᠠᠷᠢᠶᠠ ᠶᠤᠮᠰᠢᠭ ᠡᠨᠡᠬᠦ ᠠᠵᠢᠯ ᠢ ᠬᠢᠵᠦ ᠪᠦᠳᠦᠭᠡᠬᠦ ᠶᠢ ᠲᠡᠬᠦᠨ ᠳᠤ ᠨᠠᠶᠢᠳᠠᠯᠠ᠃ | | | ᠰᠡᠴᠡᠩᠭᠤᠸᠠ ᠣᠶᠢᠯᠠᠯᠭᠠ ᠨᠠᠶᠢᠷᠠᠭᠤᠯᠣᠨ ᠪᠢᠴᠢᠵᠦ ᠪᠠᠶᠢᠭᠠ ᠨᠢ | | 2016 ᠤᠨ ᠤ ᠲᠦᠯᠵᠢᠬᠦ ᠬᠠᠪᠤᠷ ᠢᠶᠠᠷ ᠵᠢᠷᠦᠭᠡ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠡᠬᠦᠷ᠂ ᠭᠠᠴᠠᠭᠠᠨ ᠵᠦᠪᠯᠡᠯ᠂ | ᠦᠷᠭᠡᠨ ᠤᠯᠠᠨ ᠮᠠᠯᠴᠢᠨ ᠲᠦᠮᠡᠨ ᠤ ᠨᠠᠶᠢᠳᠠᠯᠭᠠ ᠪᠠᠷ ᠵᠢᠷᠦᠭᠡ ᠨᠤᠳᠤᠭ ᠤᠨ ᠪᠠᠶᠢᠭᠠᠯᠢ ᠠᠬᠤᠢ᠂ ᠲᠡᠤᠭᠡ ᠰᠤᠶᠤᠯ᠂ | ᠬᠦᠮᠦᠨ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠠᠬᠤᠢ᠂ ᠵᠠᠩ ᠦᠢᠯᠨ ᠶᠢ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠬᠦ ᠵᠤᠷᠢᠯᠭᠠ ᠪᠠᠷ ︽ᠵᠢᠷᠦᠭᠡ | ᠭᠠᠴᠠᠭᠠ ᠶᠢᠨ ᠤᠶᠢᠯᠠᠯᠭᠠ︾ ᠶᠢ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠬᠦ ᠬᠦᠨᠳᠤ ᠡᠬᠦᠷᠭᠡ ᠶᠢ ᠬᠦᠯᠢᠶᠡᠨ ᠠᠪᠤᠯᠠ᠃ ᠶᠠᠮᠠᠷᠪᠠ | ᠠᠵᠢᠯ ᠴᠦᠮ ᠭᠡᠯᠡᠬᠦ ᠳᠤ ᠬᠢᠯᠪᠠᠷ᠂ ᠬᠢᠬᠦ ᠳᠤ ᠬᠦᠴᠢᠷ ᠪᠠᠶᠢᠳᠠᠭ᠃ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠤᠨ ᠤ ᠪᠠᠨ ᠭᠡᠨᠡᠨ | ᠴᠦᠯᠢᠰ᠂ ᠤᠷᠮᠠ ᠵᠤᠷᠢᠭ ᠲᠤ ᠪᠠᠨ ᠬᠦᠳᠦᠯᠦᠭᠳᠡᠵᠦ ᠡᠶᠢᠮᠦᠷᠬᠦᠦ ᠬᠦᠨᠳᠤ ᠠᠵᠢᠯ ᠢ ᠬᠦᠯᠢᠶᠡᠨ ᠠᠪᠤᠭᠰᠡᠨ | ᠰᠡᠴᠡᠩᠭᠤᠸᠠ ᠳᠤ ᠠᠪᠴᠤ ᠭᠡᠯᠡᠪᠡᠯ ᠡᠬᠦᠷᠭᠡ ᠲᠠᠷᠤᠭᠠᠰᠤ ᠭᠡᠵᠤ ᠲᠡᠭᠡᠷᠮᠡ ᠶᠢᠨ ᠴᠢᠯᠠᠭᠤ ᠰᠢᠭ᠋ ᠬᠦᠨᠳᠤ ᠰᠠᠨᠠᠭᠳᠠᠨᠠ᠃ | ᠭᠡᠪᠡᠴᠤ ᠵᠤᠷᠢᠭᠰᠠᠨ ᠳᠠᠭᠠᠨ ᠬᠦᠷᠬᠦ ᠭᠡᠵᠤ ᠵᠢᠳᠬᠦᠳᠡᠭ ᠲᠡᠬᠦᠨ ᠤ ᠲᠦᠷᠦᠯᠬᠢ ᠠᠷᠠᠠᠰᠢᠨ᠂ ᠠᠭᠤᠵᠢᠭᠤ | ᠪᠠᠭᠳᠠᠭᠠᠮᠵᠢᠳᠠᠢ ᠮᠦᠷᠳᠡᠭᠡᠨ ᠨᠠᠷᠢᠨ ᠬᠢᠨᠠᠭᠤᠷ ᠵᠠᠩ ᠠᠭᠠᠯᠢ ᠨᠢ ᠲᠡᠬᠦᠨ ᠳᠤ ᠬᠦᠴᠦ ᠵᠤᠷᠢᠭ ᠨᠡᠮᠡᠵᠦ ᠠᠵᠢᠯ ᠢᠶᠠᠨ | ᠡᠬᠢᠯᠡᠬᠦᠯᠦᠯᠠ᠃ | ᠪᠤᠷᠤ ᠮᠠᠲ᠋ᠧᠷᠢᠶᠠᠯ ᠴᠤᠭᠯᠠᠭᠤᠯᠬᠤ᠂ ᠠᠬᠠᠮᠠᠳ ᠲᠤᠮᠤᠭᠠᠳᠠᠳ ᠠᠴᠠ ᠠᠰᠠᠭᠤᠨ ᠰᠤᠷᠪᠤᠯᠵᠢᠯᠠᠬᠤ᠂ ᠲᠠᠩᠰᠠ | ᠡᠪᠭᠡᠮᠡᠯ ᠱᠦᠬᠦᠨ ᠯᠠᠪᠯᠠᠬᠤ ᠵᠡᠷᠭᠡ ᠠᠯᠢ ᠤᠯᠠᠨ ᠠᠵᠢᠯ ᠢᠶᠠᠨ ᠲᠡᠰ ᠲᠠᠷᠠᠭᠠ ᠲᠠᠢ ᠡᠮᠬᠢ ᠴᠡᠭᠴᠡᠳᠡᠢ | ᠪᠠᠶᠢᠷᠢᠰᠢᠭᠤᠯᠵᠦ᠂ ᠪᠤᠰᠤᠳ ᠨᠤᠮ ᠲᠡᠪᠳᠡᠷ ᠢᠶᠠᠷ ᠯᠠᠪᠯᠠᠯᠳᠠ ᠪᠤᠯᠭᠠᠬᠤ᠂ ᠬᠠᠮᠢᠶᠠᠳᠠᠢ ᠪᠠᠭᠰᠢᠨᠠᠷ ᠢᠶᠠᠷ ᠬᠢᠨᠠᠭᠤᠯᠬᠤ᠂ | ᠰᠤᠮᠤ ᠭᠠᠴᠠᠭᠠᠨ ᠤ ᠤᠳᠤᠷᠢᠳᠤᠯᠭᠠ ᠨᠠᠷ ᠤᠨ ᠬᠠᠯᠠᠮᠵᠢᠯᠠᠯ ᠲᠡᠮᠵᠢᠯᠭᠡ᠂ ᠨᠠᠶᠢᠵᠢ ᠨᠦᠬᠦᠳ ᠤᠨ ᠬᠠᠯᠠᠭᠤᠨ | ᠬᠠᠪᠰᠤᠷᠤᠯᠭᠠ ᠳᠣᠣᠷᠠ ᠵᠢᠯ ᠬᠠᠭᠠᠰ ᠤᠨ ᠬᠠᠳᠠᠭᠤᠵᠢᠯᠳᠠᠢ ᠤᠶᠤᠨ ᠤ ᠬᠦᠳᠡᠯᠮᠤᠷᠢ ᠶᠢ ᠲᠡᠮᠵᠢᠨ᠂ ᠭᠡᠳᠦᠨ ᠬᠦᠮᠦᠨ | ᠤ ᠬᠠᠮᠵᠢᠵᠦ ᠬᠢᠵᠦ ᠪᠦᠳᠦᠭᠡᠳᠡᠭ ᠡᠨᠡᠬᠦ ᠶᠠᠷᠰᠢᠭ ᠲᠦᠪᠡᠭ ᠲᠠᠢ ᠰᠲ᠋ᠢᠯᠢ ᠶᠢᠨ ᠨᠤᠮ ᠤᠨ ᠡᠭᠡ ᠨᠤᠤᠷᠠᠭ ᠢᠶᠠᠨ | ᠭᠠᠷᠭᠠᠯᠠ᠃ ᠵᠢᠷᠤᠭ ᠰᠡᠬᠦᠳᠡᠷ ᠬᠠᠪᠰᠤᠷᠭᠠᠬᠤ᠂ ᠦᠰᠦᠭ ᠮᠠᠰᠢᠨᠳᠠᠬᠤ᠂ ᠭᠡᠪ ᠲᠤ ᠵᠤᠬᠢᠴᠠᠭᠤᠯᠬᠤ ᠵᠡᠷᠭᠡ ᠠᠯᠢ | ᠤᠯᠠᠨ ᠨᠤᠮ ᠭᠡᠪᠯᠡᠬᠦ ᠳᠤ ᠡᠷᠭᠡᠪᠰᠢ ᠲᠤᠭᠤᠯᠬᠤ ᠨᠠᠷᠢᠨ ᠨᠢᠮᠪᠠᠢ ᠶᠠᠪᠤᠴᠨ ᠪᠦᠬᠦᠨ ᠢ ᠪᠠᠶᠡᠯᠡᠬᠦᠯᠵᠦ 2017 ᠤᠨ ᠤ | 7 ᠰᠠᠷᠠ ᠳᠤ ᠭᠡᠪᠯᠡᠯ ᠳᠤ ᠲᠡᠪᠰᠢᠬᠦᠯᠦᠯᠡ᠃ | | | ᠰᠡᠴᠡᠩᠭᠤᠸᠠ ᠶᠢᠨ ᠨᠠᠶᠢᠷᠠᠭᠤᠯᠣᠨ ᠪᠢᠴᠢᠭᠰᠡᠨ ︽ᠵᠢᠷᠦᠭᠡ ᠨᠤᠲᠤᠭ︾ ᠭᠡᠬᠦ ᠨᠤᠮ | | ︽ᠬᠦᠳᠡᠯᠮᠤᠷᠢ ᠬᠦᠮᠦᠨ ᠢ ᠭᠤᠮᠤᠳᠠᠭᠠᠳᠠᠭ ᠦᠭᠡᠢ︾ ᠭᠡᠳᠡᠭ ᠢᠶᠠᠷ ᠲᠡᠬᠦᠨ ᠤ ᠭᠡᠴᠢᠨᠡᠨ ᠡᠳᠤᠷ ᠤᠨ | ᠨᠤᠶᠢᠷ ᠬᠤᠭᠤᠯᠨ ᠦᠭᠡᠢ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠦ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠮᠦᠷᠳᠡᠭᠡᠨ ᠰᠢᠷᠭᠠᠭᠤ ᠬᠦᠳᠡᠯᠮᠤᠷᠢ ᠪᠠᠷ ᠬᠢᠵᠦ | ᠪᠦᠳᠦᠭᠡᠭᠰᠡᠨ ᠡᠨᠡᠬᠦ ᠤᠶᠤᠨ ᠤ ᠬᠦᠳᠡᠯᠮᠤᠷᠢ ᠶᠢᠨ ᠪᠦᠳᠦᠭᠡᠯ ᠨᠢ ᠭᠡᠪᠯᠡᠭᠳᠡᠨ ᠭᠠᠷᠤᠭᠰᠡᠨ ᠬᠠᠯᠠᠭᠤᠨ ᠰᠤᠷᠠᠭ | ᠲᠤᠭᠤᠯᠵᠦ᠂ ᠰᠡᠴᠡᠩᠭᠤᠸᠠ ᠪᠠᠶᠠᠷ ᠲᠤᠭᠳᠤᠯᠤᠯ ᠤᠨ ᠨᠢᠯᠪᠤᠰᠤ ᠮᠡᠯᠳᠡᠭᠡᠨᠡᠬᠦᠯᠦᠨ ᠵᠢᠳᠬᠦᠯ ᠤᠨ ᠴᠡᠴᠡᠭ ᠢᠶᠠᠨ | ᠠᠯᠠᠭᠠᠨ ᠲᠡᠭᠡᠷᠡ ᠪᠠᠨ ᠲᠤᠰᠤᠯᠠ᠃ | ᠪᠢ ᠰᠡᠴᠡᠩᠭᠤᠸᠠ ᠶᠢᠨ ᠪᠡᠯᠡᠭᠯᠡᠭᠰᠡᠨ ᠨᠤᠮ ᠢ ᠤᠯᠵᠠᠷᠬᠠᠨ ᠲᠤᠰᠬᠤ ᠭᠱᠠᠨᠠ ᠵᠢᠷᠦᠭᠡ ᠨᠤᠳᠤᠭ ᠤᠨ | ᠬᠤᠷᠢᠶᠠᠩᠭᠤᠢ ᠲᠦᠷᠰᠤ ᠪᠤᠯᠤᠮᠠᠷ᠂ ᠮᠥᠨ ᠴᠦ ᠤᠩᠰᠢᠭᠴᠢ ᠲᠦᠮᠡᠨ ᠤ ᠬᠠᠯᠠᠭᠤᠨ ᠦᠨᠡᠯᠡᠯᠳᠡ ᠶᠢ ᠤᠯᠤᠭᠰᠡᠨ | ᠡᠨᠡᠬᠦ ᠤᠶᠢᠯᠠᠯᠭᠠ ᠶᠢᠨ ᠨᠤᠮ ᠠᠴᠠ ᠪᠦᠰᠡᠬᠦᠢ ᠬᠦᠮᠦᠨ ᠤ ᠬᠦᠯᠦᠰᠤᠨ ᠦᠨᠦᠷ ᠬᠠᠮᠠᠷ ᠴᠤᠷᠬᠢᠨ ᠠᠩᠭᠢᠯᠬᠤ ᠰᠢᠭ | ᠰᠠᠨᠠᠭᠳᠠᠯᠠ᠃ | | ᠵᠤᠬᠢᠶᠠᠭᠴᠢ᠄ ᠰ᠊ · ᠰᠣᠳᠣᠨ | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢᠨ ᠤᠷᠳᠤᠬᠦ᠋ᠪ ᠭᠠᠴᠠᠭᠠ | ᠬᠠᠷᠢᠯᠴᠠᠬᠤ ᠣᠳᠠᠰᠣ᠄ 13847684033 | |