| ᠠᠬᠠᠮᠠᠳ ᠪᠠᠭᠰᠢ ᠶᠢᠨ ᠤᠯᠠ ᠮᠦᠷ ᠠᠴᠠ ᠠᠶᠢᠯ ᠤᠨ | ᠰᠤᠷᠭᠠᠭᠤᠯᠢ ᠶᠢᠨ ᠲᠡᠦᠬᠡ ᠲᠤᠷᠠᠰᠤᠭᠳᠠᠨᠠ | — ᠯᠠᠮᠠᠵᠠᠪ ᠪᠠᠭᠰᠢ ᠶᠢᠨ ᠲᠤᠬᠠᠢ ᠲᠦᠬᠦᠮ ᠰᠤᠷᠪᠤᠯᠵᠢᠯᠠᠭᠠ | | ᠬᠦᠯ ᠳᠤ ᠤᠷᠤᠵᠤ ᠬᠦᠮᠦᠨ ᠪᠤᠯᠤᠨᠠ᠂ ᠬᠡᠯᠡ ᠳᠤ ᠤᠷᠤᠵᠤ ᠬᠡᠪᠰᠢᠨ ᠲᠦᠷᠢᠵᠢᠨᠡ᠃ ᠬᠦᠯ ᠳᠤ | ᠤᠷᠤᠭᠤᠯᠬᠤ ᠳᠤ ᠠᠪᠤ ᠡᠵᠢ ᠭᠤᠤᠯ ᠬᠠᠷᠢᠭᠤᠴᠠᠯᠭᠠ ᠭᠦᠢᠴᠡᠳᠭᠡᠳᠡᠭ ᠪᠤᠯ ᠬᠡᠯᠡ ᠳᠤ ᠬᠦᠳᠦᠯᠬᠦ ᠳᠤ ᠪᠠᠭᠰᠢ ᠶᠢᠨ | ᠬᠦᠮᠦᠵᠢᠯ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠬᠡᠢ᠃ ︽ᠮᠤᠩᠭᠤᠯ ᠰᠤᠶᠤᠯ ᠤᠨ ᠮᠦᠩᠬᠡ ᠲᠤᠯᠭᠠ ᠳᠤ ᠴᠤᠭ ᠨᠢᠬᠡ ᠶᠢ | ᠨᠡᠮᠡᠷᠢᠯᠡᠶᠦ᠂ ᠮᠤᠩᠭᠤᠯ ᠰᠤᠶᠤᠯ ᠤᠨ ᠮᠦᠩᠬᠦᠨ ᠴᠦᠬᠦᠴᠨ ᠳᠤ ᠲᠤᠰᠤ ᠨᠢᠬᠡ ᠶᠢ ᠲᠤᠰᠤᠭᠠᠶᠤ︾ ᠬᠡᠮᠡᠨ | ᠵᠢᠳᠬᠦᠭᠰᠡᠨ ᠦᠶᠡ ᠦᠶᠡ ᠶᠢᠨ ᠴᠡᠴᠡᠷᠯᠢᠭᠴᠢᠳ ᠤᠨ ᠢᠶᠠᠨ ᠦᠶᠡ ᠦᠶᠡ ᠶᠢᠨ ᠦᠷᠡ ᠬᠤᠶᠢᠴᠢᠰ ᠢᠶᠠᠨ ᠰᠤᠶᠤᠨ | ᠬᠡᠬᠡᠷᠡᠯ ᠳᠤ ᠬᠦᠳᠦᠯᠦᠨ ᠦᠳᠦ ᠰᠤᠳᠤ ᠶᠢ ᠨᠢ ᠪᠦᠷᠢᠳᠦᠬᠦᠯᠵᠦ ᠦᠨᠳᠦᠷ ᠲᠤ ᠲᠡᠬᠦᠯᠢᠬᠦᠯᠦᠭᠰᠡᠨ ᠠᠴᠢ ᠭᠠᠪᠢᠶᠠ | ᠶᠢ ᠡᠷᠬᠢᠨ ᠰᠠᠨᠠᠵᠤ ᠦᠨᠡᠯᠡᠨ ᠲᠡᠮᠳᠡᠭᠯᠡᠭᠦᠰᠢᠳᠡᠢ᠃ | ᠰᠤᠷᠪᠤᠯᠵᠢᠯᠠᠬᠴᠢ ᠮᠠᠯᠴᠢᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠬᠤ ᠪᠠᠷ ᠬᠦᠳᠡᠭᠡ | ᠪᠠᠭᠤᠨ ᠰᠤᠷᠪᠤᠯᠵᠢᠯᠠᠬᠤ ᠲᠤᠮᠳᠠ ᠤᠤᠯ ᠤᠨ ᠪᠠᠶᠠᠨᠪᠤᠯᠠᠭ ᠰᠤᠮᠤ ᠶᠢᠨ ᠠᠯᠳ᠋ᠬᠠᠦ᠋ᠨᠳᠦᠷ ᠭᠠᠴᠠᠭᠠ ᠳᠤ ᠬᠦᠷᠦᠭᠰᠡᠨ | ᠶᠤᠮ᠃ | ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠲᠠᠢ ᠮᠠᠯᠴᠢᠨ ᠤ ᠭᠡᠷ ᠲᠤ ᠪᠠᠶᠢᠬᠰᠠᠨ ︽ᠰᠤᠳᠤᠨ ᠲᠠᠭᠠᠭᠤᠯᠤᠬᠴᠢ︾ ᠬᠡᠬᠦ | ᠬᠤᠰᠢᠭᠤᠨ ᠰᠤᠨᠢᠨ ᠤ ᠬᠤᠷᠢᠶᠠ ᠠᠴᠠ ᠬᠡᠪᠯᠡᠬᠦᠯᠦᠭᠰᠡᠨ ᠨᠤᠮ ᠨᠢᠳᠤᠨ ᠳᠤ ᠦᠷᠳᠦᠬᠦ ᠪᠠᠷ ᠭᠠᠷ ᠤᠨ ᠠᠶᠠ ᠪᠠᠷ | ᠠᠪᠴᠦ ᠬᠦᠷᠪᠡᠬᠦᠯᠬᠦ ᠳᠤ ︽ᠯᠠᠮᠠᠵᠠᠪ ᠁ 1982 ᠤᠨ ᠠᠴᠠ 1999 ᠤᠨ ᠪᠤᠯᠳᠠᠯᠠ ᠪᠠᠶᠠᠨᠪᠤᠯᠠᠭ ᠰᠤᠮᠤ | ᠶᠢᠨ ᠠᠯᠳ᠋ᠬᠠᠦ᠋ᠨᠳᠦᠷ ᠭᠠᠴᠠᠭᠠᠨ ᠤ ᠤᠳᠤᠷᠢᠳᠬᠤ ᠪᠠᠭ ᠲᠤ ᠤᠶᠠᠯᠳᠤᠵᠤ᠂ ᠨᠠᠮ ᠤᠨ ᠡᠬᠦᠷ ᠤᠨ ᠤᠬᠠᠭᠤᠯᠬᠤ | ᠬᠡᠰᠢᠬᠦᠨ᠂ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠶᠢᠨ ᠲᠤᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠡᠢ᠃ ᠲᠤᠰᠢᠶᠠᠯ ᠳᠤ | ᠪᠠᠶᠢᠬᠤ ᠳᠠᠭᠠᠨ ᠨᠢᠬᠡ ᠳᠤ᠂ 1986 ᠤᠨ ᠳᠤ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠠᠵᠢᠯ ᠢ ᠲᠡᠷᠢᠬᠦᠨ ᠪᠠᠶᠢᠷᠢᠨ ᠳᠤ | ᠲᠠᠯᠪᠢᠵᠤ᠂ ᠭᠠᠴᠠᠭᠠᠨ ᠰᠤᠷᠭᠠᠭᠤᠯᠢ ᠪᠠᠨ ᠬᠤᠳᠠ ᠶᠢᠨ ᠲᠡᠰ ᠤᠨ ᠴᠡᠴᠡᠷᠯᠢᠭᠵᠢᠭᠰᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠷᠢᠮᠵᠢᠶᠠ | ᠳᠤ ᠬᠦᠷᠭᠡᠪᠡ᠃ ᠬᠤᠶᠠᠷ ᠲᠤ᠂ ᠮᠠᠯᠴᠢᠳ ᠤᠨ ᠦᠷᠡ ᠬᠡᠦᠬᠡᠳ ᠤᠨ ᠰᠤᠶᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠬᠦᠷᠳᠡᠬᠦ ᠶᠢ | ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ᠂ ᠰᠤᠷᠬᠤ ᠨᠠᠰᠤᠨ ᠤ ᠬᠡᠦᠬᠡᠳ ᠤᠨ 100％ ᠪᠠᠷ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠤ ᠶᠢ | ᠪᠠᠳᠤᠯᠠᠪᠠ᠃ ᠭᠤᠷᠪᠠ ᠳᠤ᠂ ᠭᠠᠴᠠᠭᠠᠨ ᠤ ᠨᠠᠮ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠠᠵᠢᠯ ᠢ ᠪᠡᠶᠡᠳᠡᠨ ᠠᠳᠬᠤᠵᠤ᠂ ᠮᠠᠯᠵᠢᠬᠤ | ᠤᠷᠤᠨ ᠳᠤ ︿ᠤᠳᠤᠷ ᠤᠨ ᠨᠠᠮ ᠤᠨ ᠰᠤᠷᠭᠠᠭᠤᠯᠢ﹀ ᠡᠷᠬᠢᠯᠡᠬᠦ ᠰᠢᠨᠡ ᠡᠬᠦᠳᠦᠯᠳᠡ ᠶᠢ ᠨᠡᠬᠡᠬᠡᠵᠡᠢ᠃ ᠲᠡᠬᠦᠨ ᠤ | ᠲᠠᠭᠠᠭᠤᠯᠭᠠ ᠪᠠᠷ ᠲᠤᠰ ᠭᠠᠴᠠᠭᠠ ᠨᠢ ᠬᠤᠳᠠ ᠶᠢᠨ ︿ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠠᠳᠬᠤᠨ ᠰᠤᠷᠭᠠᠭᠤᠯᠢ ᠪᠠᠨ | ᠴᠡᠴᠡᠷᠯᠢᠭᠵᠢᠬᠦᠯᠦᠭᠰᠡᠨ ᠵᠢᠱᠢᠶᠡᠴᠢ ᠭᠠᠴᠠᠭᠠ﹀᠂ ᠬᠤᠰᠢᠭᠤ ᠰᠤᠮᠤᠨ ᠤ ︿ᠠᠵᠢᠯᠴᠢ ᠠᠷᠪᠢᠴᠢ ᠪᠠᠷ ᠰᠤᠷᠭᠠᠭᠤᠯᠢ | ᠡᠷᠬᠢᠯᠡᠭᠰᠡᠨ ᠲᠡᠷᠢᠬᠦᠨ ᠤ ᠨᠢᠬᠡᠴᠡ﹀ ᠶᠢᠨ ᠢᠷᠠᠭᠤ ᠠᠯᠳᠠᠷ ᠢ ᠬᠦᠷᠳᠡᠵᠦ᠂ ᠲᠡᠷᠡ ᠦᠪᠡᠷᠳᠡᠭᠡᠨ ᠤᠯᠤᠰ ᠤᠨ ᠲᠡᠰ | ᠤᠨ ︿ᠰᠢᠯᠢᠳᠡᠭ ᠪᠠᠭᠰᠢ﹀᠂ ᠬᠤᠳᠠ ᠶᠢᠨ ︿ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠡᠷᠢᠬᠦᠨ ᠤ ᠠᠵᠢᠯᠳᠠᠨ﹀᠂ ᠬᠤᠰᠢᠭᠤ | ᠰᠤᠮᠤᠨ ᠤ ︿ᠭᠠᠪᠢᠶᠠ ᠲᠡᠮᠳᠡᠭᠯᠡᠬᠦ ᠱᠠᠩᠨᠠᠯ﹀᠂ ︿ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠲᠡᠷᠢᠬᠦᠨ ᠤ ᠠᠵᠢᠯᠳᠠᠨ﹀᠂ ︿ | ᠵᠢᠱᠢᠶᠡᠴᠢ ᠪᠠᠭᠰᠢ﹀ ᠶᠢᠨ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠢ ᠤᠯᠠᠨᠳᠠ ᠬᠦᠷᠳᠡᠵᠦ ᠦᠩᠬᠡᠷᠡᠭᠰᠡᠨ ᠪᠠᠶᠢᠨᠠ᠃︾ ᠬᠡᠬᠦ | ᠲᠦᠬᠦᠮᠬᠡᠨ ᠲᠠᠨᠢᠯᠴᠠᠭᠤᠯᠭᠠ ᠤᠩᠰᠢᠬᠳᠠᠯᠠ ᠁ | ᠁ ︽ᠬᠤᠳᠠ ᠶᠢᠨ ᠲᠡᠰ ᠤᠨ ᠴᠡᠴᠡᠷᠯᠢᠭᠵᠢᠭᠰᠡᠨ ᠭᠠᠴᠠᠭᠠᠨ ᠰᠤᠷᠭᠠᠭᠤᠯᠢ︾ ᠬᠡᠬᠦ ᠦᠬᠡ ᠠᠩᠬᠠᠷᠤᠯ | ᠢ ᠤᠨᠴᠠ ᠲᠠᠳᠠᠵᠤ᠂ ︽ᠠ ᠡ ᠢ ᠤ ᠤ ᠦ ᠦ︾ ᠬᠡᠬᠦ ᠠᠶᠠ ᠳ᠋ᠠᠩ ᠲᠠᠢ ᠡᠬᠡᠰᠢᠭᠯᠢᠭ ᠢᠷᠠᠭᠤ ᠠᠶᠠᠯᠭᠤ ᠠᠯᠤᠰ | ᠠᠴᠠ ᠨᠠᠰᠢᠯᠠᠨ ᠴᠤᠤᠷᠢᠶᠠᠯᠠᠬᠤ ᠰᠢᠤᠬᠠᠨ᠂ ᠠᠩᠭᠢᠷ ᠪᠠᠭᠠ ᠶᠢᠨ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠮᠢᠨᠢ ᠬᠤᠩᠬᠤᠨ | ᠲᠠᠭᠤᠨ ᠬᠠᠩᠬᠢᠨᠠᠨ ᠬᠠᠩᠬᠢᠨᠠᠨ᠂ ᠤᠯᠠᠭᠠ ᠪᠤᠳᠠᠷᠠᠭᠰᠠᠨ ᠴᠢᠷᠠᠢ ᠲᠠᠢ ᠠᠯᠢᠶᠠ ᠬᠦᠬᠡᠷᠦᠬᠦᠨ ᠬᠠᠮᠳᠤ ᠨᠦᠬᠦᠳ᠂ | ᠤᠬᠠᠭᠠᠯᠢᠭ ᠬᠠᠷᠠᠴᠠ ᠦᠷᠭᠡᠨ ᠮᠡᠳᠡᠯᠭᠡ ᠲᠠᠢ ᠬᠦᠨᠳᠦᠳᠦ ᠪᠠᠭᠰᠢ ᠨᠠᠷ ᠤᠨ ᠮᠠᠨᠢ ᠲᠦᠷᠢ ᠲᠦᠷᠬᠦ ᠬᠠᠷᠠᠭᠠᠨᠠ | ᠲᠤᠳᠤᠷᠠᠬᠤ ᠰᠢᠤᠬᠠᠨ ᠪᠤᠯᠬᠤ ᠪᠠᠷ᠂ ᠡᠷᠬᠢᠴᠡᠬᠦᠯᠦᠯ ᠠᠴᠠ ᠪᠠᠨ ᠪᠤᠴᠠᠵᠤ ᠢᠷᠡᠨ᠂ ᠠᠬᠠᠮᠠᠳ ᠪᠠᠭᠰᠢ ᠶᠢ | ᠰᠤᠷᠪᠤᠯᠵᠢᠯᠠᠬᠤ ᠰᠠᠨᠠᠭᠠ ᠲᠠᠢ ᠶᠠᠪ ᠴᠠᠪ ᠨᠡᠶᠢᠴᠡᠭᠰᠡᠨ ᠰᠡᠳᠦᠪ ᠤᠯᠤᠬᠰᠠᠨ ᠳᠠᠭᠠᠨ ᠤᠯᠵᠠᠭᠤᠷᠬᠠᠭᠰᠠᠨ ᠪᠢ᠂ ᠡᠨᠡ | ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠯᠠᠮᠠᠵᠠᠪ ᠪᠠᠭᠰᠢ ᠶᠢᠨ ᠲᠤᠬᠠᠢ ᠤᠶᠢᠯᠠᠭᠠᠬᠤ ᠪᠠᠷ ᠪᠤᠯᠤᠯᠠ᠃ | ᠠᠶᠢᠯ ᠤᠨ ᠬᠦᠮᠦᠰ ᠠᠴᠠ ᠨᠢ ᠰᠤᠷᠠᠭᠯᠠᠭᠠᠳ ᠬᠤᠰᠢᠭᠤᠨ ᠲᠦᠪ ᠴᠢᠪᠠᠭᠠ ᠪᠠᠯᠭᠠᠰᠤ ᠳᠤ ᠪᠠᠶᠢᠭᠠ ᠶᠢ ᠨᠢ | ᠮᠡᠳᠡᠵᠦ ᠠᠪᠤᠭᠰᠠᠨ ᠶᠤᠮ᠃ ᠁ | | | | ᠡᠪᠡᠳᠴᠢᠨ ᠤ ᠬᠠᠷᠠᠭᠠ ᠠᠴᠠ ᠨᠠᠰᠤᠳᠠᠨ ᠤ ᠪᠡᠶᠡ ᠮᠠᠭᠤ ᠪᠤᠯᠬᠤᠷ ᠶᠡᠭᠡ ᠤᠷᠳᠤ ᠴᠠᠭ ᠢᠶᠠᠷ ᠨᠠᠷᠢᠯᠢᠭ | ᠶᠠᠷᠢᠭᠤᠯᠬᠤ ᠠᠴᠠ ᠬᠢᠴᠢᠶᠡᠨ᠂ ᠠᠰᠠᠭᠤᠬᠤ ᠴᠢᠬᠤᠯᠠᠳᠠᠢ ᠵᠦᠢᠯᠡᠰ ᠢᠶᠠᠨ ᠲᠦᠬᠦᠮᠬᠡᠨ ᠠᠰᠠᠭᠤᠨ᠂ ᠬᠤᠷᠭᠤ ᠶᠢᠨ | ᠢᠷᠤᠭᠠᠷ ᠲᠠᠭᠠᠨ ᠬᠤᠷᠢᠶᠠᠭᠠᠰᠤᠳᠠᠢ ︽ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠠᠵᠢᠯ ᠤᠨ | ᠬᠠᠷᠢᠭᠤ ᠮᠡᠳᠡᠬᠦᠯᠦᠯᠳᠡ︾᠂ ︽ᠠᠯᠳ᠋ᠬᠠᠦ᠋ᠨᠳᠦᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠬᠤ ᠨᠠᠰᠤᠨ ᠠᠴᠠ ᠡᠮᠦᠨᠡᠬᠢ | ᠬᠡᠦᠬᠡᠳ ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠠᠵᠢᠯ ᠤᠨ ᠲᠤᠬᠠᠢ︾᠂ ︽ᠪᠦᠬᠦ ᠤᠯᠤᠰ ᠤᠨ ᠰᠢᠯᠢᠳᠡᠭ ᠪᠠᠭᠰᠢ ᠶᠢᠨ | ᠠᠵᠢᠯᠯᠠᠭᠠᠨ ᠤ ᠬᠤᠷᠠᠯ ᠳᠤ ᠤᠷᠤᠯᠴᠠᠭᠰᠠᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡ︾᠂ ︽ᠬᠤᠪᠢ ᠬᠦᠮᠦᠨ ᠤ ᠠᠵᠢᠯ ᠤᠨ | ᠳ᠋ᠦᠩᠨᠡᠯᠳᠡ︾᠂ ᠦᠯᠡᠳᠡᠭᠳᠡᠵᠦ ᠪᠠᠶᠢᠬᠰᠠᠨ ᠱᠠᠩᠨᠠᠯ ᠤᠨ ᠲᠡᠮᠳᠡᠭ᠂ ᠤᠷᠠᠯᠢᠭ ᠦᠰᠦᠭ᠂ ᠦᠪᠡᠷ ᠢᠶᠠᠨ | ᠵᠤᠬᠢᠶᠠᠬᠰᠠᠨ ᠲᠠᠭᠤᠤ ᠵᠡᠷᠭᠡ ᠪᠤᠷᠤ ᠮᠠᠲ᠋ᠧᠷᠢᠶᠠᠯ ᠢ ᠨᠢ ᠵᠢᠷᠣᠬᠯᠠᠨ ᠠᠪᠴᠤ᠂ ᠬᠡᠦᠬᠡᠳ ᠪᠠᠭᠠ ᠶᠢᠨ ᠨᠠᠰᠤᠨ ᠠᠴᠠ | ᠪᠠᠨ ᠬᠦᠭᠯᠡᠬᠦᠯᠦᠨ ᠠᠶᠠᠯᠠᠭᠤᠯᠵᠤ ᠢᠷᠡᠭᠰᠡᠨ ᠲᠦᠷᠪᠡᠨ ᠤᠳᠠᠰᠣᠳᠤ ᠬᠤᠭᠤᠷ᠂ ᠮᠤᠷᠢᠨ ᠬᠤᠭᠤᠷ ᠢᠶᠠᠨ ᠠᠳᠬᠤᠬᠤ | ᠪᠠᠷ ᠮᠠᠩᠨᠠᠢ ᠨᠢ ᠲᠡᠨᠡᠶᠢᠭᠰᠡᠨ ᠨᠠᠰᠤᠳᠠᠨ ᠭᠤᠸᠠᠢ ᠳᠤ ᠵᠢᠷᠤᠭ ᠰᠡᠬᠦᠳᠡᠷ ᠲᠠᠳᠠᠵᠤ ᠦᠭᠬᠦᠬᠡᠳ ᠲᠤᠬᠠᠢ ᠶᠢᠨ | ᠰᠤᠷᠪᠤᠯᠵᠢᠯᠠᠭᠠ ᠪᠠᠨ ᠦᠨᠳᠦᠷᠯᠡᠬᠦᠯᠦᠭᠰᠡᠨ ᠶᠤᠮ ᠁ | 1942 ᠤᠨ ᠳᠤ ᠤᠤᠯ ᠤᠨ ᠪᠠᠶᠠᠨᠪᠤᠯᠠᠭ ᠨᠢᠬᠡᠳᠦᠯ ᠤᠨ ᠠᠯᠳ᠋ᠬᠠᠦ᠋ᠨᠳᠦᠷ ᠭᠠᠴᠠᠭᠠ ᠳᠤ ᠷᠠᠰᠢᠰᠠᠪᠬᠠ᠂ | ᠭᠠᠵᠢᠳᠮᠠ ᠶᠢᠨ ᠶᠡᠭᠡ ᠬᠡᠦᠬᠡᠳ᠂ ᠭᠠᠭᠴᠠ ᠬᠦᠦ ᠨᠢ ᠪᠤᠯᠵᠤ ᠵᠠᠶᠠᠭᠠᠬᠰᠠᠨ ᠯᠠᠮᠠᠵᠠᠪ᠂ 1947 ᠤᠨ ᠠᠴᠠ | ᠰᠤᠶᠤᠯ ᠰᠤᠷᠭᠠᠨ ᠬᠦᠮᠦᠵᠢᠯ ᠬᠦᠷᠳᠡᠵᠦ᠂ 1960 ᠤᠨ ᠳᠤ ᠮᠠᠯᠵᠢᠬᠤ ᠮᠡᠷᠭᠡᠵᠢᠯ ᠤᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠲᠡᠭᠦᠰᠦᠨ ᠲᠤᠰ ᠵᠢᠯ ᠳᠡᠭᠡᠨ ᠠᠯᠪᠠᠨ ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠴᠤ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ᠳᠤ ᠠᠷᠠᠳ ᠤᠨ ᠪᠠᠭᠰᠢ᠂ ᠵᠠᠬᠢᠷᠤᠯ ᠢᠶᠠᠷ ᠠᠵᠢᠯᠯᠠᠵᠤ᠂ 1991 ᠤᠨ ᠳᠤ ᠠᠵᠢᠯ ᠠᠴᠠ ᠪᠠᠨ ᠲᠠᠷᠬᠠᠯᠠᠬᠳᠠᠭᠰᠠᠨ | ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠠᠬᠠᠮᠠᠳ ᠵᠢᠳᠭᠦᠯᠳᠡᠨ ᠪᠠᠶᠢᠭᠠ᠃ | ᠯᠠᠮᠠᠵᠠᠪ ᠪᠠᠭᠰᠢ ᠶᠢᠨ ᠠᠵᠢᠯᠯᠠᠵᠤ ᠢᠷᠡᠭᠰᠡᠨ ᠢᠶᠠᠨ ᠤᠨ ᠰᠠᠷᠠ ᠲᠠᠷᠠᠭᠠᠯᠠᠬᠰᠠᠨ᠄ ︽1960 ᠤᠨ ᠤ 7 | ᠰᠠᠷᠠ ᠠᠴᠠ 1961 ᠤᠨ ᠤ 3 ᠰᠠᠷᠠ ᠪᠤᠯᠳᠠᠯᠠ ᠬᠤᠨᠳᠤ ᠳᠠᠬᠢ ᠮᠠᠯᠵᠢᠬᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ 1961 | ᠤᠨ ᠤ 10 ᠰᠠᠷᠠ ᠠᠴᠠ 1965 ᠤᠨ ᠤ 3 ᠰᠠᠷᠠ ᠪᠤᠯᠳᠠᠯᠠ ᠠᠮᠠᠰᠠᠷ ᠪᠠᠭᠠ ᠰᠤᠷᠭᠠᠭᠤᠯᠢ᠂ 1965 ᠤᠨ ᠤ | 3 ᠰᠠᠷᠠ ᠠᠴᠠ 1970 ᠤᠨ ᠪᠤᠯᠳᠠᠯᠠ ᠠᠯᠳ᠋ᠬᠠᠦ᠋ᠨᠳᠦᠷ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠪᠠᠶᠠᠨᠪᠤᠯᠠᠭ ᠭᠤᠤᠯ ᠰᠤᠷᠭᠠᠭᠤᠯᠢ᠂ | ᠨᠠᠵᠠᠢ ᠪᠠᠭᠠ ᠰᠤᠷᠭᠠᠭᠤᠯᠢ᠂ 1970 ᠤᠨ ᠠᠴᠠ 1987 ᠤᠨ ᠪᠤᠯᠳᠠᠯᠠ ᠵᠢᠪᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ᠂ | ᠠᠯᠳ᠋ᠬᠠᠦ᠋ᠨᠳᠦᠷ ᠪᠠᠭᠠ ᠰᠤᠷᠭᠠᠭᠤᠯᠢ᠂ ᠪᠠᠶᠠᠨᠪᠤᠯᠠᠭ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠠᠮᠠᠰᠠᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠁︾ | ᠬᠡᠬᠦ ᠲᠤᠳᠤᠷᠬᠠᠢ ᠪᠠᠷᠢᠮᠳᠠ ᠪᠠ 1961 ᠤᠨ ᠠᠴᠠ 1965 ᠤᠨ ᠪᠤᠯᠳᠠᠯᠠ 1— 4 ᠳ᠋ᠤᠬᠡᠷ ᠤᠨ ᠤ ᠪᠦᠬᠦ | ᠬᠢᠴᠢᠶᠡᠯ ᠲᠦᠷᠦᠯ ᠢ ᠭᠠᠭᠴᠠᠭᠠᠷ ᠢᠶᠠᠨ ᠵᠢᠭᠠᠵᠤ ᠪᠠᠶᠢᠬᠰᠠᠨ ᠵᠢᠴᠢ 1965 ᠤᠨ ᠠᠴᠠ 1987 ᠤᠨ ᠬᠦᠷᠳᠡᠯᠡ | ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ 1— 5 ᠳ᠋ᠤᠭᠠᠷ ᠤᠨ ᠤ ᠬᠡᠯᠡ ᠪᠢᠴᠢᠭ ᠲᠤᠭᠠᠨ ᠤ ᠤᠬᠠᠭᠠᠨ ᠪᠠ ᠰᠤᠯᠠ ᠬᠢᠴᠢᠶᠡᠯ᠂ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ ᠬᠡᠯᠡ ᠵᠡᠷᠭᠡ ᠶᠢ ᠵᠢᠭᠠᠬᠤ ᠶᠢᠨ ᠲᠠᠭᠠᠤ ᠠᠩᠬᠢ ᠡᠷᠬᠢᠯᠡᠵᠦ ᠪᠠᠶᠢᠬᠰᠠᠨ ᠠᠵᠢᠯ | ᠤᠨ ᠲᠦᠬᠦᠮ ᠳ᠋ᠦᠩᠨᠡᠯᠳᠡ ᠨᠢ ᠨᠢᠬᠡᠨ ᠠᠷᠠᠳ ᠤᠨ ᠪᠠᠭᠰᠢ ᠶᠢᠨ ᠠᠯᠬᠤᠵᠤ ᠢᠷᠡᠭᠰᠡᠨ ᠤᠯᠠ ᠮᠦᠷ᠂ ᠠᠵᠢᠯ | ᠦᠢᠯᠡᠰ ᠤᠨ ᠬᠢᠨᠢ ᠬᠦᠰᠡᠯ ᠲᠡᠮᠡᠦᠯᠦᠯ᠂ ᠠᠮᠵᠢᠯᠳᠠ ᠵᠢᠳᠬᠦᠯ ᠤᠨ ᠬᠢᠨᠢ ᠲᠡᠮᠳᠡᠭᠯᠡᠬᠡᠰᠦ ᠬᠠᠭᠤᠳᠠᠰᠤ ᠪᠤᠯᠵᠤ | ᠤᠴᠢᠷᠯᠠᠨ ᠬᠠᠷᠠᠭᠳᠠᠨᠠ᠃ | | | | | | ᠪᠠᠰᠠᠯᠠ ᠨᠢᠬᠡ ᠲᠡᠮᠳᠡᠭᠯᠡᠯ ᠢ ᠬᠠᠷᠠᠶᠠ ᠳ᠋ᠠ᠄ ︽1966 ᠤᠨ ᠤ ᠠᠩᠬᠢ ᠶᠢᠨ ᠰᠤᠷᠤᠭᠴᠢ 45᠂ | 1967 ᠤᠨ ᠤ 60 ᠰᠤᠷᠤᠭᠴᠢ᠂ ᠁ 1970 ᠤᠨ— 1972 ᠤᠨ ᠤ ᠰᠤᠷᠤᠭᠴᠢ 38᠂ ᠁ | 1983 ᠤᠨ ᠤ 13 ᠰᠤᠷᠤᠭᠴᠢ᠂ ᠁ 1987 ᠤᠨ ᠤ 30 ᠰᠤᠷᠤᠭᠴᠢ ᠁︾ ᠬᠡᠳ ᠨᠢᠬᠡ ᠨᠢᠬᠡ | ᠠᠩᠬᠢ ᠪᠠᠷ ᠨᠢᠬᠡ ᠨᠢᠬᠡ ᠰᠤᠷᠤᠭᠴᠢ ᠪᠠᠷ ᠬᠡᠳᠦᠨ ᠲᠦᠷᠦᠯ ᠤᠨ ᠬᠢᠴᠢᠶᠡᠯ ᠵᠢᠭᠠᠵᠤ ᠪᠠᠶᠢᠬᠰᠠᠨ ᠲᠤᠬᠠᠢ ᠲᠤᠶᠢᠯ ᠤᠨ | ᠨᠠᠷᠢᠯᠢᠭ ᠡᠨᠡ ᠲᠡᠮᠳᠡᠭᠯᠡᠯ ᠠᠴᠠ ᠯᠠᠮᠠᠵᠠᠪ ᠪᠠᠭᠰᠢ ᠶᠢᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠶᠢᠨ ᠠᠵᠢᠯ ᠳᠠᠭᠠᠨ ᠶᠠᠭᠠᠬᠢᠬᠤ ᠶᠢᠨ | ᠠᠷᠭᠠ ᠦᠬᠡᠢ ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ ᠰᠤᠷᠤᠭᠴᠢᠳ ᠤᠨ ᠢᠶᠠᠨ ᠨᠡᠷᠡ ᠵᠢᠰᠦ ᠵᠠᠩ ᠠᠷᠠᠨᠰᠢᠨ ᠤᠨᠴᠠᠯᠢᠭ ᠰᠢᠨᠵᠢ | ᠰᠤᠷᠤᠯᠭᠠ ᠶᠢᠨ ᠬᠢᠷᠢ ᠬᠡᠮᠵᠢᠶᠡ ᠬᠡᠳ ᠠᠯᠢᠪᠠ ᠲᠠᠯᠠ ᠪᠠᠷ ᠠᠯᠠᠭᠠᠨ ᠵᠢᠷᠤᠭᠠᠰᠤ ᠪᠠᠨ ᠰᠢᠭ᠋ ᠮᠡᠳᠡᠳᠡᠭ ᠲᠡᠭᠡᠨ ᠲᠡᠭᠦᠨ | ᠤ ᠡᠷᠬᠢᠯᠡᠭᠰᠡᠨ ᠬᠢᠴᠢᠶᠡᠯ ᠵᠢᠭᠠᠬᠰᠠᠨ ᠠᠩᠬᠢ ᠶᠢᠨ ᠰᠤᠷᠤᠭᠴᠢᠳ ᠤᠨ ᠰᠤᠷᠤᠯᠭᠠ ᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠶᠡᠷᠦᠨᠢ | ᠲᠡᠭᠡᠭᠦᠷ ᠪᠠᠶᠢᠷᠢᠨ ᠳᠤ ᠶᠠᠪᠤᠵᠤ ᠪᠠᠶᠢᠬᠰᠠᠨ ᠢ ᠨᠢ ᠦᠨᠡᠯᠡᠵᠦ ᠦᠭᠬᠦ ᠲᠤᠰ ᠵᠤᠬᠢᠶᠠᠯ ᠤᠨ ᠡᠬᠢᠨ ᠳᠤ | ᠰᠤᠷᠪᠤᠯᠵᠢᠯᠠᠬᠴᠢ ᠳᠤ ᠤᠩᠰᠢᠭᠳᠠᠭᠰᠠᠨ ᠲᠦᠬᠦᠮ ᠲᠠᠨᠢᠯᠴᠠᠭᠤᠯᠭᠠ ᠭᠠᠷᠴᠤ ᠢᠷᠡᠨᠡ᠃ ᠠᠳᠡ ᠤᠨᠴᠠᠭᠠᠶᠢᠯᠠᠨ | ᠲᠤᠷᠠᠳᠬᠤ ᠠᠴᠠ 1989 ᠤᠨ ᠳᠤ ᠤᠯᠤᠰ ᠤᠨ ᠲᠡᠰ ᠤᠨ ︽ᠰᠢᠯᠢᠳᠡᠭ ᠪᠠᠭᠰᠢ︾ ᠶᠢᠨ ᠦᠨᠡᠮᠯᠡᠯ ᠭᠠᠷᠳᠠᠵᠤ᠂ | 1990 ᠤᠨ ᠳᠤ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠤ ᠰᠢᠯᠢᠳᠡᠭ ᠪᠠᠭᠰᠢ ᠶᠢᠨ ᠲᠦᠯᠦᠬᠡᠯᠡᠭᠴᠢ ᠪᠠᠷ ᠪᠸᠢ ᠳ᠋ᠠᠢ ᠾᠧ ᠳᠤ | ᠪᠤᠯᠤᠬᠰᠠᠨ ᠤᠯᠤᠰ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠵᠦᠪᠯᠡᠯ ᠠᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠬᠰᠠᠨ ᠬᠤᠷᠠᠯ ᠳᠤ | ᠤᠷᠤᠯᠴᠠᠬᠰᠠᠨ ᠪᠦᠬᠡᠳ ᠤᠯᠤᠰ ᠤᠨ ᠲᠡᠳ᠋ ᠲᠡᠷᠢᠬᠦᠯᠡᠭᠴᠢ ᠪᠠᠶᠢᠬᠰᠠᠨ ᠸᠠᠩ ᠵᠧᠨ ᠢᠷᠡᠵᠦ ᠪᠠᠭᠰᠢ ᠨᠠᠷ ᠲᠤ ᠪᠠᠶᠠᠷ | ᠲᠠᠯᠠᠷᠬᠠᠯ ᠢᠶᠠᠨ ᠢᠯᠡᠷᠬᠡᠶᠢᠯᠡᠭᠰᠡᠨ ᠪᠠᠶᠢᠪᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠ ᠲᠠᠯᠠᠭᠠᠳ ᠤᠨ ᠤ ᠦᠶᠡ ᠳᠤ ᠬᠡᠳᠦᠨ ᠠᠩᠬᠢ ᠶᠢᠨ ᠰᠤᠷᠤᠭᠴᠢᠳ ᠲᠠᠭᠠᠨ | ᠨᠢᠬᠡᠯᠡ ᠪᠠᠭᠰᠢ ᠬᠡᠯᠡ᠂ ᠲᠤᠭᠠ᠂ ᠵᠢᠷᠤᠭ᠂ ᠲᠠᠭᠤᠤ᠂ ᠲᠠᠮᠢᠷ᠂ ᠪᠠᠶᠢᠭᠠᠯᠢ ᠶᠢᠨ ᠬᠢᠴᠢᠶᠡᠯ ᠢ ᠪᠦᠷ ᠭᠠᠭᠴᠠᠭᠠᠷ | ᠵᠢᠭᠠᠵᠤ ᠪᠠᠶᠢᠬᠰᠠᠨ ᠦᠵᠡᠭᠳᠡᠯ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠳᠤ ᠨᠡᠶᠢᠳᠡᠮ ᠤᠷᠤᠰᠢᠵᠤ ᠪᠠᠶᠢᠬᠰᠠᠨ᠃ ᠯᠠᠮᠠᠵᠠᠪ ᠪᠠᠭᠰᠢ | ᠴᠤ ᠶᠠᠭ ᠡᠨᠡ ᠦᠶᠡ ᠶᠢᠨ ᠪᠠᠭᠰᠢ ᠪᠤᠯᠬᠤᠷ ᠡᠶᠢᠮᠦᠷᠬᠦ ᠤᠷᠴᠢᠨ ᠳᠤ ᠡᠶᠢᠮᠦᠷᠬᠦ ᠶᠠᠩᠵᠤ ᠪᠠᠷ ︽ᠰᠤᠷᠭᠠᠭᠤᠯᠢ | ᠰᠤᠷᠭᠠᠭᠤᠯᠢ᠂ ᠰᠤᠷᠤᠭᠴᠢ ᠰᠤᠷᠤᠭᠴᠢ︾ ᠬᠡᠵᠦ ᠨᠠᠷᠬᠢᠮᠠ ᠵᠠᠯᠠᠭᠤ ᠨᠠᠰᠤᠨ ᠠᠴᠠ ᠪᠠᠨ ᠮᠠᠬᠠᠷᠠᠨ ᠵᠢᠳᠬᠦᠭᠰᠡᠨ | ᠨᠢᠬᠡᠨ᠃ | | | | 77 ᠨᠠᠰᠣ ᠲᠠᠢ ᠯᠠᠮᠠᠵᠠᠪ ᠨᠠᠰᠤᠳᠠᠨ᠂ ᠲᠤᠯᠤᠭᠠᠨ ᠨᠠᠰᠤᠨ ᠠᠴᠠ ᠪᠠᠨ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷ | ᠬᠤᠭᠤᠷᠳᠠᠨ᠂ ᠡᠮᠡᠭᠡ ᠠᠴᠠ ᠪᠠᠨ ᠠᠶᠠ ᠰᠤᠷᠴᠤ ᠡᠬᠢᠯᠡᠭᠰᠡᠨ ᠭᠡᠵᠦ ᠬᠠᠭᠤᠴᠢ ᠶᠠᠷᠢᠵᠤ ᠬᠠᠷᠠᠬᠠᠨ ᠪᠠᠭᠠ ᠶᠢᠨ ᠦᠶᠡ | ᠪᠠᠨ ᠲᠤᠷᠠᠰᠴᠤ ᠪᠠᠶᠢᠪᠠ᠃ ᠨᠠᠰᠤᠳᠠᠨ ᠭᠤᠸᠠᠢ ᠲᠠᠭᠠᠤ ᠳᠤᠨᠢ ᠪᠠᠰᠠ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠰᠤᠷᠭᠠᠭᠤᠯᠢ ᠳᠠᠭᠠᠨ | ︽ᠰᠤᠷᠬᠤ ᠨᠠᠰᠤᠨ ᠠᠴᠠ ᠡᠮᠦᠨᠡᠬᠢ ᠬᠡᠦᠬᠡᠳ ᠤᠨ ᠠᠩᠬᠢ︾ ᠲᠠᠢ ᠪᠤᠯᠬᠤᠷ ᠤᠶᠢᠷᠠ ᠤᠷᠴᠢᠮ ᠤᠨ ᠠᠶᠢᠯ ᠭᠠᠴᠠᠭᠠ | ᠠᠴᠠ ᠴᠤ ᠨᠠᠰᠤᠨ ᠳᠤ ᠬᠦᠷᠦᠬᠡᠳᠦᠢ ᠬᠡᠦᠬᠡᠳ ᠢᠷᠡᠳᠡᠭ ᠪᠦᠬᠡᠳ ᠲᠤᠰᠬᠠᠢ ᠪᠠᠭᠰᠢ ᠲᠤᠬᠢᠷᠠᠭᠤᠯᠵᠤ᠂ ᠬᠡᠦᠬᠡᠳ | ᠤᠳ ᠲᠤ ᠲᠠᠭᠤᠤ ᠪᠦᠵᠢᠭ᠂ ᠰᠢᠯᠦᠭ ᠴᠡᠭᠡᠵᠢᠯᠡᠬᠦ᠂ ᠦᠯᠢᠬᠡᠷ ᠶᠠᠷᠢᠬᠤ᠂ ᠵᠢᠷᠤᠭ ᠵᠢᠷᠤᠬᠤ᠂ ᠭᠠᠷ ᠤᠷᠠᠯᠠᠯ ᠵᠡᠷᠭᠡ | ᠶᠢ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠤᠨ ᠲᠤᠮᠳᠠ ᠰᠤᠷᠭᠠᠨ ᠤᠷᠮᠠ ᠪᠠᠬᠠ ᠶᠢ ᠨᠢ ᠬᠦᠮᠦᠵᠢᠬᠦᠯᠵᠦ ᠪᠠᠶᠢᠭᠰᠠᠨ᠃ ᠠᠶᠢᠯ ᠤᠨ | ᠰᠤᠷᠭᠠᠭᠤᠯᠢ ᠪᠠᠶᠢᠬᠰᠠᠨ ᠠᠴᠠ ᠮᠠᠯᠴᠢᠨ ᠲᠦᠮᠡᠨ ᠳᠤ ᠲᠤᠶᠢᠯ ᠤᠨ ᠲᠦᠬᠦᠮ ᠪᠠᠶᠢᠪᠠ ᠬᠡᠵᠦ ᠶᠠᠷᠢᠯᠠ᠃ | ᠯᠠᠮᠠᠵᠠᠪ ᠪᠠᠭᠰᠢ ᠵᠦᠪᠬᠡᠨ ᠬᠢᠴᠢᠶᠡᠯ ᠵᠢᠭᠠᠭᠠᠳ ᠯᠡ ᠵᠤᠭᠰᠤᠳᠠᠭ ᠪᠢᠰᠢ ᠲᠡᠷᠡ ᠪᠠᠷ ᠲᠦᠷᠪᠡᠨ ᠤᠳᠠᠰᠣᠳᠤ | ᠬᠤᠭᠤᠷ᠂ ᠮᠤᠷᠢᠨ ᠬᠤᠭᠤᠷ᠂ ᠪᠠᠶᠠᠨ ᠬᠤᠭᠤᠷ ᠰᠠᠶᠢᠬᠠᠨ ᠲᠠᠷᠤᠳᠠᠭ᠂ ᠲᠠᠭᠤᠤ ᠪᠠᠰᠠ ᠵᠤᠬᠢᠶᠠᠴᠢᠬᠠᠳᠠᠭ ᠤᠯᠠᠨ | ᠲᠠᠯᠠ ᠶᠢᠨ ᠤᠷᠠ ᠠᠪᠢᠶᠠᠰ ᠲᠠᠢ ᠪᠠᠷ ᠢᠶᠠᠨ ᠰᠤᠷᠭᠠᠭᠤᠯᠢ᠂ ᠭᠠᠴᠠᠭᠠ ᠶᠢᠨ ᠤᠷᠠᠨ ᠰᠠᠶᠢᠬᠠᠨ ᠤ ᠲᠤᠬᠯᠠᠯᠳᠠ ᠶᠢ | ᠪᠡᠶᠡ ᠲᠠᠭᠠᠭᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ ᠪᠠᠶᠠᠷ ᠲᠤᠷᠠᠰᠬᠠᠯ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠪᠠᠷ ᠨᠤᠳᠤᠭ ᠤᠰᠤᠨ ᠤ ᠬᠢᠨ | ᠳᠠᠭᠠᠨ ᠰᠤᠨᠢᠷᠬᠠᠭᠤᠯᠵᠤ᠂ ᠰᠤᠶᠤᠯ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭᠵᠢᠭᠤᠯᠵᠤ ᠪᠠᠶᠢᠬᠰᠠᠨ ᠨᠢᠬᠡᠨ ᠪᠦᠬᠡᠳ ᠭᠠᠴᠠᠭᠠᠨ ᠤ | ᠤᠷᠠᠨ ᠰᠠᠶᠢᠬᠠᠨ ᠤ ᠪᠦᠯᠬᠦᠮ ᠢᠶᠠᠨ ᠲᠠᠭᠠᠭᠤᠯᠤᠨ᠂ ᠪᠦᠬᠦ ᠬᠤᠰᠢᠭᠤᠨ ᠤ ᠭᠤᠷᠪᠠᠨ ᠱᠠᠳᠤᠨ ᠤ ᠬᠤᠷᠠᠯ ᠳᠤ | ᠢᠷᠡᠵᠦ᠂ ᠰᠤᠮᠤ ᠪᠠᠨ ᠲᠦᠯᠦᠬᠡᠯᠡᠨ ᠲᠤᠰᠬᠠᠢ ᠲᠤᠬᠯᠠᠯᠳᠠ ᠭᠠᠷᠭᠠᠵᠤ ᠪᠠᠶᠢᠵᠠᠢ᠃ | | | | ᠮᠡᠳᠡᠭᠡ ᠴᠢᠮᠡᠬᠡᠯᠡᠯ ᠪᠢᠴᠢᠵᠦ ᠰᠤᠨᠢᠨ ᠰᠡᠳᠬᠦᠯ ᠢᠶᠠᠷ ᠨᠡᠶᠢᠳᠡᠯᠡᠬᠦᠯᠵᠦ ᠪᠠᠶᠢᠬᠰᠠᠨ ᠯᠠᠮᠠᠵᠠᠪ ᠪᠠᠭᠰᠢ ᠡᠳᠡᠭᠡᠷ | ᠠᠵᠢᠯ ᠤᠨ ᠢᠶᠠᠨ ᠲᠤᠬᠠᠢ ᠮᠡᠳᠡᠭᠡᠯᠡᠭᠰᠡᠨ ᠡᠬᠡ ᠨᠤᠤᠷᠠᠭ ᠢᠶᠠᠨ ᠡᠳᠦᠬᠡ ᠪᠤᠯᠳᠠᠯᠠ ᠬᠠᠳᠠᠭᠠᠯᠠᠵᠤ ᠪᠠᠶᠢᠭᠠ᠃ | ᠯᠠᠮᠠᠵᠠᠪ ᠪᠠᠭᠰᠢ ᠶᠢᠨ 1989 ᠤᠨ ᠳᠤ ︽ᠦᠪᠦᠷ ᠮᠤᠩᠭᠤᠯ ᠤᠨ ᠡᠳᠦᠷ ᠤᠨ ᠰᠤᠨᠢᠨ︾ ᠳᠤ | ᠢᠯᠡᠭᠡᠭᠰᠡᠨ ᠡᠬᠡ ᠨᠤᠤᠷᠠᠭ ᠠᠴᠠ ᠬᠡᠰᠡᠭ ᠠᠭᠤᠯᠭᠠ ᠶᠢ ᠰᠡᠶᠢᠷᠡᠬᠦᠯᠪᠡᠯ᠄ ︽ᠠᠯᠳ᠋ᠬᠠᠦ᠋ᠨᠳᠦᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ | ᠲᠤᠬᠢᠯᠢᠭ ᠰᠠᠶᠢᠬᠠᠨ ᠴᠢᠯᠠᠭᠤ ᠲᠤᠭᠤᠰᠬᠠᠨ ᠪᠦᠳᠦᠴᠡ ᠲᠠᠢ ᠭᠡᠷ ᠪᠠᠷᠢᠯᠭᠠ ᠲᠠᠢ᠂ ᠲᠤᠭᠤᠰᠬᠠ ᠰᠢᠷᠤᠢ ᠶᠢᠨ ᠬᠡᠷᠡᠮ | ᠢᠶᠠᠷ ᠬᠦᠷᠢᠶᠡᠯᠡᠭᠰᠡᠨ 13000 ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠢ ᠪᠦᠬᠦᠢ ᠬᠦᠷᠢᠶᠡᠨ ᠳᠡᠭᠡᠨ ᠬᠡᠷᠡᠭᠯᠡᠬᠡᠨ ᠤ | ᠮᠤᠳᠤ᠂ ᠦᠵᠡᠮᠵᠢ ᠶᠢᠨ ᠮᠤᠳᠤ᠂ ᠵᠢᠮᠢᠰ ᠤᠨ ᠮᠤᠳᠤ᠂ ᠵᠦᠢᠯ ᠤᠨ ᠴᠡᠴᠡᠭ ᠬᠤᠸᠠᠷ ᠢᠶᠠᠷ ᠨᠤᠭᠤᠭᠠᠷᠠᠭᠤᠯᠤᠨ | ᠴᠢᠮᠡᠭᠯᠡᠭᠰᠡᠨ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ︿ᠴᠡᠴᠡᠷᠯᠢᠭᠵᠢᠭᠰᠡᠨ ᠰᠤᠷᠭᠠᠭᠤᠯᠢ﹀ ︿ᠪᠤᠯᠪᠠᠰᠤᠨ ᠰᠤᠷᠭᠠᠭᠤᠯᠢ﹀ | ᠪᠠᠷ ᠴᠤᠯᠠᠯᠠᠭᠳᠠᠭᠰᠠᠨ ᠁ ︾ ᠬᠡᠵᠦ ᠮᠡᠳᠡᠭᠡᠯᠡᠭᠰᠡᠨ ᠪᠠᠶᠢᠯᠠ᠃ | ᠁ ᠯᠠᠮᠠᠵᠠᠪ ᠨᠠᠰᠤᠳᠠᠨ ᠤ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠪᠤᠰᠬᠠᠭᠰᠠᠨ ︽ᠬᠦᠮᠦᠨ ᠪᠤᠯᠬᠤ ᠪᠠᠭᠠ ᠠᠴᠠ | ᠪᠠᠨ ᠬᠦᠯᠦᠭ ᠪᠤᠯᠬᠤ ᠤᠨᠠᠭᠠᠨ ᠠᠴᠠ ᠪᠠᠨ︾ ᠬᠡᠰᠡᠨ ᠪᠢᠴᠢᠭᠡᠰᠦ ᠲᠠᠢ ᠬᠦᠰᠢᠶᠡ ᠬᠢᠬᠡᠳ ᠲᠡᠭᠡᠷᠡ ᠵᠠᠭᠤᠨ ᠤ | ᠨᠠᠶᠠᠭᠠᠳ ᠤᠨ ᠤ ᠦᠶᠡᠰ ᠮᠦᠨ ᠯᠠᠮᠠᠵᠠᠪ ᠪᠠᠭᠰᠢ ᠶᠢᠨ ᠠᠷᠦ ᠶᠢᠨ ᠠᠭᠤᠯᠠᠨ ᠠᠴᠠ ᠭᠤᠴᠢᠭᠠᠳ ᠲᠦᠷᠦᠯ ᠤᠨ | ᠮᠤᠳᠤᠨ ᠴᠢᠬᠢ ᠠᠪᠴᠢᠷᠠᠨ ᠠᠷᠠᠴᠢᠯᠠᠨ ᠭᠠᠮᠨᠠᠵᠤ ᠨᠤᠭᠤᠭᠠᠷᠠᠭᠤᠯᠤᠭᠰᠠᠨ ᠠᠯᠳ᠋ᠬᠠᠦ᠋ᠨᠳᠦᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠬᠦᠷᠢᠶᠡᠨ ᠳᠠᠬᠢ ᠡᠪᠦᠬᠡᠨ ᠪᠤᠭᠤᠷᠤᠯ ᠮᠤᠳᠤᠳ ᠤᠨ ᠨᠠᠪᠴᠢ ᠨᠠᠮᠠᠭᠠᠨ ᠤ ᠰᠠᠵᠢᠯᠠᠭᠠᠨ ᠬᠦᠮᠦᠵᠢᠯ ᠰᠡᠭᠡᠭᠡᠷᠡᠯ ᠤᠨ | ᠬᠡᠮᠵᠢᠶᠡᠯᠡᠰᠢ ᠦᠬᠡᠢ ᠶᠡᠭᠡ ᠶᠤᠰᠤᠨ ᠢ ᠦᠬᠦᠯᠡᠨ ᠦᠬᠦᠯᠡᠬᠦ ᠮᠡᠳᠦ ᠤᠢ ᠲᠤᠷᠠᠰᠤᠮᠵᠢ ᠶᠢ ᠠᠶᠠᠯᠤᠨ ᠠᠯᠤᠰ ᠤᠨ | ᠠᠯᠤᠰ ᠲᠤ ᠴᠤᠤᠷᠢᠶᠠᠯᠠᠨᠠ ᠁ | | ᠵᠤᠬᠢᠶᠠᠭᠴᠢ᠄ ᠤᠷᠠᠨᠲ᠋ᠠᠨᠠ | ᠬᠠᠶ᠋ᠢᠭ᠄ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠠᠷᠦ ᠬᠤᠷᠴᠢᠨ ᠰᠤᠨᠢᠨ ᠤ ᠬᠤᠷᠢᠶᠡ | |