ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠶᠠᠫᠤᠨ ᠳᠤ ᠦᠵᠡᠵᠤ ᠰᠤᠨᠤᠰᠤᠬᠰᠠᠨ ᠲᠡᠮᠳᠡᠭᠯᠡᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/5/21
     ᠤᠷᠴᠢᠮ ᠤᠨ ᠵᠢᠯ ᠶᠠᠫᠤᠨ ᠳᠤ ᠵᠤᠭᠠᠴᠠᠬᠰᠠᠨ ᠬᠦᠮᠤᠰ ᠠᠴᠠ ᠶᠠᠫᠤᠨ ᠤᠯᠤᠰ ᠤᠨ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠳᠠ ᠬᠦᠮᠤᠨ ᠠᠷᠠᠤᠨ ᠤᠨ ᠬᠢᠨ ᠲᠡᠭᠡᠳᠤ ᠪᠤᠯᠪᠠᠰᠤᠨ ᠤ ᠲᠤᠬᠠᠢ ᠵᠤᠭᠤᠭ ᠶᠠᠷᠢᠯᠴᠠᠭ᠎ᠠ ᠰᠤᠨᠤᠰᠴᠤ ᠶᠠᠫᠤᠨ ᠭᠦᠷᠤᠨ ᠤ ᠲᠤᠬᠠᠢ ᠶᠡᠬᠡᠳᠡ ᠭᠠᠶᠢᠬᠠᠵᠤ ᠪᠠᠶᠢᠬᠰᠠᠨ ᠶᠤᠮ᠃ ᠪᠤᠳᠤᠵᠤ ᠶᠠᠪᠤᠪᠠᠯ ᠪᠦᠳᠤᠵᠤ᠂ ᠰᠠᠨᠠᠵᠤ ᠶᠠᠪᠤᠪᠠᠯ ᠬᠦᠷᠤᠨ᠎ᠡ ᠭᠡᠳᠡᠭᠴᠢᠯᠡᠨ ᠡᠨᠡ ᠵᠢᠯ ᠤᠨ 3 ᠰᠠᠷ᠎ᠠ ᠶᠢᠨ 21 ᠤ ᠰᠠᠶᠢᠬᠠᠨ ᠡᠳᠤᠷ ᠪᠤᠳᠤᠯ ᠰᠠᠨᠠᠯ ᠮᠢᠨᠢ ᠪᠡᠶᠡᠯᠡᠭᠳᠡᠵᠤ᠂ ᠠᠯᠤᠰ ᠲᠠᠯᠠᠢ ᠶᠢᠨ ᠲᠤᠮᠳᠠᠬᠢ ᠡᠷᠳᠡᠨᠢ ᠶᠢᠨ ᠠᠷᠠᠯ ᠶᠠᠫᠤᠨ ᠳᠤ ᠵᠤᠭᠠᠴᠠᠵᠤ ᠪᠢᠯᠨ᠃      ᠡᠨᠡ ᠤᠳᠠᠭᠠᠨ ᠤ ᠵᠤᠭᠠᠴᠠᠯ ᠢ ᠶᠡᠭᠡ ᠠᠬ᠎ᠠ ᠮᠠᠠᠳᠤᠯ᠎ᠠ᠂ ᠭᠤᠷᠪᠠᠳᠤᠭᠠᠷ ᠠᠬ᠎ᠠ ᠵᠤᠷᠢᠬᠳᠤ ᠨᠡᠷ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠪᠦᠯᠬᠦᠮ ᠤᠨ ᠭᠤᠴᠢ ᠭᠠᠷᠤᠢ ᠬᠦᠮᠤᠰ ᠤᠨ ᠤᠯᠡᠩᠬᠢ ᠨᠢ ᠪᠦᠷ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠬᠰᠠᠨ ᠠᠬᠠᠮᠠᠤᠨ ᠺᠠᠳ᠋ᠷ ᠪᠤᠶᠤ ᠨᠤᠳᠤᠭ ᠤᠨ ᠡᠮᠴᠢ ᠪᠠᠷ ᠭᠤᠤᠯᠯᠠᠵᠤ ᠨᠠᠰᠤᠨ ᠤ ᠬᠡᠮᠵᠢᠶ᠎ᠠ ᠲᠡᠭᠰᠢᠤᠡᠬᠡᠭᠡᠤᠨ ᠵᠢᠷᠠᠨ ᠨᠠᠰᠤ ᠶᠢ ᠲᠠᠪᠠᠭᠰᠠᠨ ᠪᠠᠶᠢᠪᠠ᠃ ᠤᠯᠠᠭᠠᠠᠬᠠᠳᠠ ᠬᠤᠳᠠ ᠶᠢᠨ ᠵᠤᠭᠠᠴᠠᠯ ᠤᠨ  ᠺᠤᠮᠫᠠᠨᠢ ᠠᠴᠠ ᠮᠠᠨ ᠤ ᠪᠦᠯᠬᠦᠮ ᠳᠤ ᠤᠡᠴᠠᠭᠠᠶᠢᠯᠠᠨ ᠮᠤᠩᠭᠤᠯ᠂ ᠬᠢᠳᠠᠤᠨ᠂ ᠶᠠᠫᠤᠨ ᠬᠡᠯᠡᠠ ᠳᠤ ᠨᠡᠪᠳᠠᠷᠬᠡᠢ ᠪᠤᠤ ᠶᠢᠨ ᠬᠤᠸᠠ ᠭᠡᠳᠡᠭ ᠠᠷᠤ ᠬᠤᠷᠴᠢᠨ ᠨᠤᠳᠤᠬᠳᠠᠢ ᠮᠤᠩᠭᠤᠯ ᠪᠦᠰᠡᠬᠦᠢ ᠲᠤᠬᠢᠷᠠᠭᠤᠯᠵᠤ᠂ ᠶᠠᠫᠤᠨ ᠤ ᠵᠤᠭᠠᠴᠠᠯ ᠤᠨ ᠺᠤᠮᠫᠠᠨᠢ ᠠᠴᠠ ᠯᠢᠤ ᠤᠪᠤᠬᠳᠤ ᠲᠤᠮᠳᠠᠳᠤ ᠶᠢᠨ ᠵᠡᠭᠦᠨ ᠬᠤᠶᠢᠳᠤ ᠤᠷᠤᠨ ᠤ ᠬᠢᠳᠠᠤᠨ ᠵᠠᠯᠠᠭᠤ᠂ ᠰᠡᠭᠦᠯ ᠤᠨ ᠡᠳᠤᠷ ᠨᠢ ᠬᠢᠨᠭ᠍ᠭᠠᠨ ᠨᠤᠳᠤᠬᠳᠠᠢ ᠰᠠᠷᠠᠩᠭᠤᠸ᠎ᠠ ᠬᠡᠤᠬᠡᠨ ᠢ ᠵᠤᠭᠠᠴᠠᠯ ᠤᠨ ᠲᠠᠭᠠᠭᠤᠯᠤᠬᠴᠢ ᠪᠠᠷ ᠲᠤᠬᠢᠷᠠᠭᠤᠯᠤᠬᠰᠠᠨ ᠨᠢ ᠮᠠᠨ ᠤ ᠪᠦᠯᠬᠦᠮ ᠳᠤ ᠶᠡᠭᠡ ᠲᠦᠭᠦᠮ ᠨᠦᠭᠦᠴᠠᠯ ᠢ ᠬᠠᠨᠭ᠍ᠭᠠᠪᠠ᠃ ᠶᠠᠫᠤᠨ ᠳᠤ ᠵᠤᠭᠠᠴᠠᠬᠤ ᠠᠴᠠ ᠡᠮᠤᠨ᠎ᠠ ᠠᠷᠤ ᠬᠤᠷᠴᠢᠨ ᠤ ᠪᠤᠷᠵᠢᠭᠢᠨ ᠤᠪᠤᠬᠳᠠᠨ ᠪᠤᠶᠠᠠᠳᠠᠯᠠᠢ ᠶᠢᠨ ︿︿ᠮᠢᠨᠤ ᠦᠵᠡᠭᠰᠡᠨ ᠲᠤᠺᠢᠤᠤ᠋﹀﹀ ᠬᠡᠭᠦ ᠨᠤᠮ ᠢ ᠤᠡᠭᠰᠢᠬᠰᠠᠨ ᠮᠢᠨᠢ ᠶᠠᠫᠤᠨ ᠤ ᠲᠤᠬᠠᠢ ᠤᠶᠢᠯᠭᠠᠵᠤ ᠮᠡᠳᠡᠬᠦ ᠳᠤ ᠶᠡᠬᠡᠳᠠ ᠲᠤᠰᠠ ᠲᠡᠮᠵᠢᠯᠭᠡ ᠪᠤᠯᠤᠬᠰᠠᠨ ᠪᠢᠯᠨ᠃      ︿︿ᠵᠠᠭᠤ ᠰᠤᠨᠤᠰᠤᠬᠰᠠᠨ ᠠᠴᠠ ᠨᠢᠭᠡ ᠦᠵᠡᠭᠰᠡᠨ ᠲᠡᠭᠡᠷ᠎ᠡ﹀﹀ ᠭᠡᠳᠡᠭᠴᠢᠯᠡᠨ ᠡᠨᠡ ᠤᠳᠠᠭ᠎ᠠ ᠶᠠᠫᠤᠨ ᠤᠯᠤᠰ  ᠲᠤ ᠵᠤᠭᠠᠴᠠᠨ᠂ ᠶᠠᠫᠤᠨ ᠤ ᠬᠡᠳᠤᠨ ᠶᠡᠭᠡ ᠬᠤᠳᠠ᠂ ᠲᠠᠯᠠᠢ ᠶᠢᠨ ᠭᠠᠷᠠᠮ ᠬᠢᠭᠡᠤᠨ ᠫᠦᠵᠢ ᠠᠭᠤᠯᠠ᠂ ᠰᠠᠺᠦ᠋ᠷᠠ ᠴᠡᠴᠡᠭ ᠢ ᠰᠤᠨᠢᠷᠬᠠᠵᠤ᠂ ᠮᠤᠷᠢᠨ ᠲᠤᠪᠳᠤᠯᠤᠭ᠎ᠠ ᠪᠠᠷ ᠴᠡᠴᠡᠭ ᠰᠤᠨᠢᠷᠬᠠᠬᠰᠠᠨ ᠮᠡᠳᠤ ᠪᠤᠯᠪᠠᠴᠤ ᠭᠠᠨᠵᠤᠭ᠎ᠠ ᠲᠦᠭᠦᠷᠡᠩ ᠪᠤᠴᠠᠬᠰᠠᠨ ᠮᠢᠨᠢ ᠰᠡᠤᠡᠬᠢᠯ ᠳᠤ ᠲᠠᠭᠠᠳᠠᠢ᠃ ︿︿ᠤᠯᠪᠤᠭ ᠪᠠᠨ ᠴᠤᠭᠤᠷᠠᠳᠠᠯ᠎ᠠ ᠰᠠᠭᠤᠬᠰᠠᠨ ᠮᠡᠷᠭᠡᠨ  ᠠᠴᠠ ᠤᠯᠠᠨ ᠢ ᠲᠤᠭᠤᠷᠢᠬᠰᠠᠨ ᠮᠤᠩᠬᠠᠭ ᠲᠡᠭᠡᠷ᠎ᠡ﹀﹀ ᠭᠡᠳᠡᠭ ᠢᠶᠠᠷ ᠡᠳᠤᠭᠡ ᠦᠵᠡᠵᠤ ᠰᠤᠨᠤᠰᠤᠬᠰᠠᠨ ᠪᠦᠬᠦᠨ ᠢᠶᠠᠨ ᠤᠡᠭᠰᠢᠬᠴᠢ ᠤᠯᠠᠨ ᠲᠡᠨᠡᠷ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠶ᠎ᠠ᠃      ᠨᠢᠭᠡ᠂ ᠶᠠᠫᠤᠨ ᠤᠯᠤᠰ      ᠮᠤᠩᠭᠤᠯᠴᠤᠤᠨ ᠶᠠᠫᠤᠨ ᠤᠯᠤᠰ ᠢ ᠨᠠᠷᠠᠨ ᠮᠠᠠᠳᠤᠬᠤ ᠵᠦᠭ ᠲᠤ ᠤᠷᠤᠰᠢᠵᠤ ᠪᠠᠶᠢᠬᠤ ᠪᠠᠶᠢᠷᠢᠰᠢᠯ ᠢᠶᠠᠷ ᠨᠢ ᠨᠠᠷᠠᠨ ᠤᠯᠤᠰ᠂ ᠨᠠᠷᠠᠨ ᠭᠦᠷᠤᠨ ᠭᠡᠵᠤ ᠬᠡᠯᠡᠳᠡᠭ᠃ ᠶᠠᠫᠤᠨ ᠤᠯᠤᠰ ᠨᠢ ᠨᠤᠮᠢᠨ ᠴᠡᠩᠬᠡᠷ ᠲᠠᠯᠠᠢ ᠲᠡᠩᠬᠢᠰ᠂ ᠲᠦᠯᠭᠡᠨ ᠤᠷᠤᠰᠬᠠᠯᠳᠤ ᠭᠤᠤᠯ ᠮᠦᠷᠡᠨ᠂ ᠴᠡᠯᠮᠡᠭ ᠲᠤᠩᠭᠠᠯᠠᠭ ᠠᠭᠤᠷ ᠠᠮᠢᠰᠬᠤᠯ᠂ ᠬᠤᠪᠤᠷ ᠴᠤᠬᠠᠭ ᠡᠳ᠋ ᠠᠭᠤᠷᠠᠰᠤᠨ ᠲᠠᠢ ᠲᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠤᠨ ᠬᠦᠭᠵᠢᠭᠰᠡᠨ ᠤᠯᠤᠰ ᠪᠤᠯᠬᠤ ᠠᠵᠢ᠃ ᠶᠠᠫᠤᠨ ᠪᠤᠯ ᠡᠬᠡ ᠬᠠᠭᠤᠷᠠᠢ ᠶᠢᠨ ᠵᠡᠭᠦᠨ ᠬᠦᠪᠡᠭᠡ᠂ ᠨᠤᠮᠤᠬᠠᠨ ᠲᠠᠯᠠᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠡᠰᠡᠭ ᠲᠤ ᠪᠠᠶᠢᠷᠢᠯᠠᠵᠤ ᠪᠠᠶᠢᠭ᠎ᠠ ᠠᠷᠠᠯᠳᠤ ᠤᠯᠤᠰ ᠪᠤᠯᠤᠨ᠎ᠠ᠃ ᠶᠠᠫᠤᠨ ᠤᠯᠤᠰ ᠤᠤᠯ ᠨᠢ ᠬᠡᠳᠤᠨ ᠠᠷᠪᠠᠨ ᠲᠦᠮᠡᠨ ᠤᠨ ᠤ ᠡᠮᠤᠨ᠎ᠠ ᠠᠽᠢᠶ᠎ᠠ ᠲᠢᠪ ᠤᠨ ᠶᠡᠭᠡ ᠬᠠᠭᠤᠷᠠᠢ ᠲᠠᠢ ᠵᠠᠯᠭᠠᠯᠳᠤᠵᠤ᠂ ᠬᠤᠵᠢᠮ ᠨᠢ ᠭᠠᠵᠠᠷ ᠬᠦᠳᠡᠯᠤᠯᠳᠠ ᠶᠢᠨ ᠪᠦᠰᠠᠳᠤ ᠤᠷᠤᠨ ᠪᠤᠯᠤᠬᠰᠠᠨ ᠠᠴᠠ ᠡᠬᠡ ᠬᠠᠭᠤᠷᠠᠢ ᠠᠴᠠ ᠰᠠᠯᠵᠤ ᠶᠡᠭᠡ ᠲᠠᠯᠠᠢ ᠶᠢᠨ ᠠᠷᠠᠯᠳᠤ ᠤᠯᠤᠰ ᠪᠤᠯᠤᠬᠰᠠᠨ ᠭᠡᠳᠡᠭ᠃ ᠶᠠᠫᠤᠨ ᠤᠯᠤᠰ ᠵᠡᠭᠦᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠨᠤᠮᠤᠬᠠᠨ ᠲᠠᠯᠠᠢ ᠲᠠᠢ ᠨᠢᠭᠤᠷᠯᠠᠵᠤ᠂ ᠪᠠᠷᠠᠭᠤᠨ ᠪᠡᠶ᠎ᠡ ᠪᠠᠷ ᠢᠶᠠᠨ ᠲᠤᠷᠤᠨᠠᠳᠤ ᠲᠡᠩᠬᠢᠰ᠂ ᠰᠢᠷ᠎ᠠ ᠲᠠᠩᠬᠢᠰ᠂ ᠰᠤᠯᠤᠩᠭᠤᠰ ᠬᠤᠭᠤᠯᠠᠢ᠂ ᠶᠠᠫᠤᠨ ᠲᠡᠩᠬᠢᠰ ᠢ ᠠᠯᠤᠰᠯᠠᠵᠤ᠂ ᠲᠤᠮᠳᠠᠳᠤ᠂ ᠺᠤᠷᠢᠶᠠ᠂ ᠰᠤᠯᠤᠩᠭᠤᠰ᠂ ᠤᠷᠤᠰ ᠤᠯᠤᠰ ᠲᠠᠢ ᠲᠠᠯᠠᠢ ᠠᠯᠤᠰᠯᠠᠨ ᠨᠢᠭᠤᠷᠯᠠᠵᠤ ᠪᠠᠶᠢᠳᠠᠭ᠃ ᠶᠠᠫᠤᠨ ᠤᠯᠤᠰ ᠲᠦᠷᠪᠡᠨ ᠶᠡᠭᠡ ᠠᠷᠠᠯ ᠪᠤᠯᠤᠨ ᠲᠡᠭᠦᠨ ᠤ ᠡᠷᠭᠢᠨ ᠲᠤᠭᠤᠷᠢᠨ ᠳᠠᠬᠢ ᠬᠦᠷᠢᠶ᠎ᠠ ᠬᠡᠪᠴᠢᠶᠠᠨ ᠳᠤ ᠬᠠᠮᠤᠷᠠᠬᠳᠠᠵᠤ ᠪᠠᠶᠢᠭ᠎ᠠ ᠲᠠᠯᠠᠢ ᠲᠡᠩᠬᠢᠰ ᠤᠨ 3900 ᠭᠠᠷᠤᠢ ᠵᠢᠵᠢᠭ ᠠᠷᠠᠯ ᠬᠤᠶᠢᠭ᠂ ᠤᠯᠳᠤᠷᠢᠭ ᠤᠳ ᠢᠶᠠᠷ ᠪᠦᠷᠢᠯᠳᠤᠭ᠍ᠰᠡᠨ ᠪᠤᠯᠬᠤᠷ ᠲᠦᠮᠡᠨ ᠠᠷᠠᠯᠳᠤ ᠤᠯᠤᠰ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠨ᠎ᠠ᠃        ᠶᠠᠫᠤᠨ ᠬᠦᠮᠤᠰ ᠡᠷᠳᠡ ᠲᠡᠭᠡᠳᠤᠰ ᠠᠴᠠ ᠪᠠᠨ ᠶᠡᠭᠡ ᠲᠠᠯᠠᠢ ᠶᠢᠨ ᠢᠰᠬᠡᠷᠤᠯᠳᠠ᠂ ᠲᠠᠯᠠᠢ ᠶᠢᠨ ᠤᠭᠠᠯᠵᠠᠨ ᠰᠢᠭᠤᠷᠭ᠎ᠠ᠂ ᠭᠠᠯᠳᠤ ᠠᠭᠤᠯᠠ ᠲᠡᠯᠪᠡᠷᠡᠬᠦ᠂ ᠭᠠᠵᠠᠷ ᠬᠦᠳᠡᠯᠤᠯᠳᠠ ᠵᠡᠷᠭᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠲᠤ ᠤᠯᠠᠨ ᠤᠳᠠᠭ᠎ᠠ ᠲᠠᠭᠠᠷᠢᠬᠳᠠᠵᠤ᠂ ᠬᠦᠮᠤᠨ ᠠᠷᠠᠤᠨ ᠨᠢ ᠦᠬᠦᠵᠤ ᠰᠢᠷᠬᠠᠳᠤᠬᠤ᠂ ᠭᠡᠷ ᠪᠠᠷᠢᠯᠭ᠎ᠠ ᠨᠢ ᠨᠤᠷᠠᠵᠤ ᠰᠦᠢᠷᠡᠬᠦ᠂ ᠡᠳ᠋ ᠪᠤᠳᠠᠰ ᠨᠢ ᠲᠠᠯᠠᠢ ᠶᠢᠨ ᠢᠰᠬᠡᠷᠤᠯᠳᠠ᠂ ᠤᠭᠠᠯᠠᠵᠠᠨ ᠰᠠᠯᠬᠢᠨ ᠳᠤ ᠤᠷᠤᠰᠤᠬᠳᠠᠨ ᠬᠡᠶᠢᠰᠬᠦ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠢ ᠲᠤᠭᠤᠯᠠᠵᠤ ᠢᠷᠡᠭᠰᠡᠨ ᠲᠡᠤᠬᠡ ᠲᠠᠢ᠃ ᠶᠡᠭᠡ ᠲᠠᠯᠠᠢ ᠶᠢᠨ ᠤᠠᠭᠠᠯᠵᠠᠠ ᠰᠢᠭᠤᠷᠭ᠎ᠠ ᠶᠢᠨ ᠬᠦᠨᠤᠭᠡᠯᠳᠠ ᠨᠢ ᠴᠡᠷᠢᠭ ᠲᠠᠶᠢᠨ ᠠᠴᠠ ᠴᠤ ᠭᠡᠴᠡᠭᠦᠤ ᠪᠠᠶᠢᠳᠠᠭ᠃ ᠮᠤᠩᠭᠤᠯ ᠬᠠᠭᠠᠠᠳᠤ ᠤᠯᠤᠰ ᠤᠨ ᠬᠤᠪᠢᠯᠢ ᠬᠠᠭᠠᠨ ᠠᠴᠠ ᠶᠠᠫᠤᠨ ᠠᠷᠠᠯ ᠳᠤ ᠬᠤᠶᠡᠷ ᠤᠳᠠᠭ᠎ᠠ ᠴᠡᠷᠢᠭ ᠮᠤᠷᠢ ᠲᠤᠮᠢᠯᠠᠵᠤ ᠶᠠᠫᠤᠨ ᠠᠷᠠᠯ ᠢ ᠮᠤᠩᠭᠤᠯ ᠬᠠᠭᠠᠠᠳᠤ ᠤᠯᠤᠰ ᠤᠨ ᠬᠢᠵᠠᠭᠠᠷ  ᠲᠤ ᠤᠷᠤᠭᠤᠯᠬᠤ ᠪᠠᠷ  ᠲᠦᠯᠦᠪᠯᠠᠯᠭ᠍ᠰᠠᠨ ᠪᠤᠯᠪᠠᠴᠤ ᠶᠡᠭᠡ ᠲᠠᠯᠠᠢ ᠶᠢᠨ ᠤᠭᠠᠯᠵᠠᠨ ᠰᠢᠭᠤᠷᠭ᠎ᠠ ᠳᠤ ᠲᠠᠭᠠᠷᠢᠬᠳᠠᠵᠤ᠂ ᠶᠠᠫᠤᠨ ᠠᠷᠠᠯ ᠤᠷᠳᠤ ᠪᠤᠯᠳᠠᠯ᠎ᠠ ᠲᠤᠰᠠᠭᠠᠷ ᠤᠯᠤᠰ ᠤᠷᠤᠨ ᠢᠶᠠᠨ ᠪᠠᠳᠤᠯᠠᠵᠤ ᠢᠷᠡᠭᠰᠡᠨ ᠲᠡᠤᠬᠡ ᠲᠠᠢ᠃ ᠶᠠᠫᠤᠨ ᠤ ᠭᠠᠵᠠᠷ ᠤᠨ ᠭᠠᠳᠠᠷᠭᠤ ᠶᠢᠨ ᠲᠦᠷᠰᠤ ᠨᠢ ᠡᠩᠭᠬᠦᠯ ᠬᠤᠨᠭ᠍ᠬᠤᠯ᠂ ᠲᠤᠪᠤ ᠲᠤᠯᠤᠭᠠᠤᠨ᠂ ᠠᠭᠤᠯᠠ ᠨᠢᠷᠤᠭᠤ ᠪᠠᠶᠢᠵᠤ᠂ ᠪᠠᠷᠠᠭᠤᠨ ᠨᠤᠮᠤᠬᠠᠨ ᠲᠠᠯᠠᠢ ᠶᠢᠨ ᠭᠠᠯᠳᠤ ᠠᠭᠤᠯᠠ ᠭᠠᠵᠠᠷ ᠬᠦᠳᠡᠯᠤᠯᠳᠠ ᠶᠢᠨ ᠪᠦᠰᠡᠨ ᠲᠡᠭᠡᠷ᠎ᠡ ᠤᠷᠤᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭ᠎ᠠ ᠪᠤᠯᠬᠤᠷ ᠡᠳᠤᠷ ᠲᠤ ᠲᠡᠭᠰᠢᠤᠡᠬᠡᠭᠡᠤᠨ ᠭᠤᠷᠪᠠ ᠠᠴᠠ ᠲᠦᠷᠪᠡ ᠤᠳᠠᠭ᠎ᠠ ᠶᠢᠨ ᠦᠯᠤ ᠮᠡᠳᠡᠭᠳᠡᠮ᠎ᠡ ᠭᠠᠵᠠᠷ ᠬᠦᠳᠡᠯᠤᠯᠳᠠ ᠡᠭᠦᠰᠴᠤ ᠪᠠᠶᠢᠳᠠᠭ᠃ ᠡᠶᠢᠮᠤᠷᠬᠦ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ ᠠᠬᠤᠢ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠬᠰᠠᠨ ᠡᠷᠳᠡᠨ ᠤ ᠶᠠᠫᠤᠡᠴᠤᠤᠨ ᠪᠠᠶᠢᠭᠠᠯᠢ ᠶᠢᠨ ᠬᠠᠴᠢᠨ ᠰᠤᠨᠢᠨ ᠬᠤᠪᠢᠷᠠᠯᠳᠠ ᠠᠴᠠ ᠰᠡᠳᠤᠯᠳᠠ ᠤᠯᠵᠤ᠂ ᠪᠠᠶᠢᠭᠠᠯᠢ ᠶᠢᠷᠳᠢᠡᠴᠤ ᠶᠢ ᠰᠢᠳᠤᠨ ᠪᠢᠰᠢᠷᠠᠬᠦ ᠰᠡᠤᠡᠬᠢᠯᠭᠡ ᠲᠠᠢ ᠪᠤᠯᠤᠬᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠲᠡᠯᠡᠬᠡᠢ ᠶᠢᠷᠳᠢᠡᠴᠤ ᠶᠢᠨ ᠲᠦᠮᠡᠨ ᠪᠤᠳᠠᠰ ᠨᠢ ᠴᠦᠮ ᠰᠦᠨᠠᠰᠤ ᠲᠠᠢ ᠭᠡᠵᠤ ᠦᠵᠡᠵᠤ᠂ ᠠᠪᠤᠷᠭᠤ ᠲᠤᠮᠤ ᠴᠢᠯᠠᠭᠤ᠂ ᠱᠡᠩᠰᠢ ᠮᠤᠳᠤ  ᠶᠢ ᠰᠠᠬᠢᠭᠤᠯᠰᠤᠨ ᠪᠠᠭᠤᠵᠤ ᠢᠷᠡᠳᠡᠭ ᠤᠷᠤᠨ ᠭᠡᠵᠤ ᠰᠢᠳᠤᠳᠡᠭ᠃ ︿︿ᠶᠠᠫᠤᠨ ᠪᠢᠴᠢᠭ﹀﹀ ᠲᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠬᠤ ᠪᠠᠷ ᠠᠭᠤᠯᠠ ᠶᠢᠨ ᠰᠠᠬᠢᠭᠤᠯᠰᠤᠨ᠂ ᠲᠠᠯᠠᠢ ᠶᠢᠨ ᠰᠠᠬᠢᠭᠤᠯᠰᠤᠨ᠂ ᠠᠶᠤᠩᠭ᠎ᠠ ᠤᠨ ᠰᠠᠬᠢᠭᠤᠯᠰᠤᠨ ᠵᠡᠷᠭᠡ ᠬᠡᠳᠤᠨ ᠲᠦᠮᠡᠨ ᠰᠠᠬᠢᠭᠤᠯᠰᠤᠨ ᠪᠠᠶᠢᠳᠠᠭ᠃ ᠶᠠᠫᠤᠨ ᠬᠦᠮᠤᠰ ᠪᠤᠷᠬᠠᠨ ᠤ ᠱᠠᠰᠢᠨ ᠰᠢᠳᠤᠵᠤ᠂ ᠪᠠᠶᠢᠭᠠᠯᠢ ᠤᠷᠴᠢᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠰᠠᠶᠢᠬᠠᠨ ᠵᠡᠩ ᠠᠷᠠᠡᠰᠢᠨ ᠨᠢ ᠮᠤᠩᠭᠤᠯ ᠬᠦᠮᠤᠰ ᠲᠠᠢ ᠠᠳᠠᠯᠢᠪᠳᠤᠷ ᠪᠠᠶᠢᠳᠠᠭ᠃ ᠮᠠᠨᠤᠰ ᠬᠡᠳᠤᠨ ᠡᠳᠤᠷ ᠤᠨ ᠲᠤᠷᠰᠢ ᠮᠠᠰᠢᠨ ᠲᠡᠷᠭᠡ ᠪᠠᠷ ᠶᠠᠫᠤᠨ ᠤ ᠬᠡᠳᠤᠨ ᠲᠤᠮᠤ ᠬᠤᠳᠠ ᠭᠠᠷᠠᠮ᠂ ᠴᠡᠴᠡᠷᠯᠢᠭ ᠢᠶᠠᠷ ᠵᠤᠭᠠᠴᠠᠬᠰᠠᠨ ᠪᠤᠯᠪᠠᠴᠤ ᠮᠠᠰᠢᠨ ᠲᠡᠷᠭᠡᠨ ᠤ ᠪᠦᠷᠢᠶ᠎ᠠ ᠶᠢᠨ ᠲᠠᠭᠤ᠂ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠴᠡᠷᠢᠭ ᠴᠠᠬᠳᠠᠭ᠎ᠠ ᠶᠢᠨ ᠪᠠᠷ᠎ᠠ ᠤᠯᠵᠤ ᠬᠠᠷᠠᠬᠰᠠᠨ ᠦᠭᠡᠢ᠂ ᠬᠡᠷᠡᠭᠦᠯ ᠮᠠᠷᠭᠤᠭᠠᠨ ᠬᠢᠬᠦ ᠠᠴᠠ ᠶᠡᠭᠡ ᠲᠠᠭᠤᠨ ᠢᠶᠠᠷ ᠶᠠᠷᠢᠯᠴᠠᠬᠤ ᠬᠦᠮᠤᠰ ᠴᠤ ᠬᠠᠷᠠᠬᠳᠠᠬᠰᠠᠨ ᠦᠭᠡᠢ᠂ ᠬᠦᠮᠤᠨ ᠠᠷᠠᠤᠨ ᠨᠢ ᠪᠦᠷ ᠦᠪᠠᠷ ᠤᠨ ᠤᠬᠠᠮᠰᠠᠷ ᠠᠴᠠ ᠪᠠᠨ ᠶᠤᠰᠤ ᠲᠦᠷᠢᠮ ᠪᠠᠨ ᠪᠠᠷᠢᠮᠳᠠᠯᠠᠨ ᠪᠤᠯᠪᠠᠰᠤᠨ ᠰᠠᠶᠢᠬᠠᠨ ᠶᠠᠪᠤᠵᠤ ᠰᠠᠭᠤᠳᠠᠭ᠃      ᠶᠠᠫᠤᠨ ᠤᠯᠤᠰ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ᠂ ᠰᠢᠡᠵᠢᠯᠡᠬᠦ ᠤᠠᠬᠠᠭᠠᠨ᠂ ᠡᠮ ᠡᠮᠨᠡᠯᠭᠡ ᠶᠢᠨ ᠬᠦᠭᠵᠢᠯᠳᠡ ᠪᠠᠷ ᠲᠡᠯᠡᠬᠡᠢ ᠶᠢᠨ ᠨᠢᠭᠡᠳᠤᠭᠡᠷ ᠲᠤ ᠵᠢᠬᠠᠰᠠᠭᠠᠵᠤ ᠪᠤᠢ᠃ ᠪᠦᠬᠦ ᠤᠯᠤᠰ ᠲᠤ ᠬᠤᠳᠠᠯ ᠬᠤᠯᠠᠭᠠᠶᠢᠴᠢ᠂ ᠬᠠᠭᠤᠷᠮᠠᠭ ᠵᠤᠭᠤᠰ᠂ ᠬᠠᠭᠤᠷᠮᠠᠭ ᠪᠠᠷᠠᠭ᠎ᠠ ᠦᠭᠡᠢ᠂ ᠤᠯᠤᠰ ᠠᠷᠠᠤᠨ ᠤᠨ ᠪᠤᠯᠪᠠᠰᠤᠨ ᠤ ᠬᠡᠮᠵᠢᠶ᠎ᠠ ᠲᠡᠯᠡᠬᠡᠢ ᠳᠤ ᠲᠡᠷᠢᠭᠦᠯᠡᠵᠤ ᠪᠠᠶᠢᠭ᠎ᠠ ᠪᠤᠯᠬᠤᠷ ᠲᠠᠯᠡᠬᠡᠢ ᠶᠢᠨ ᠠᠯᠢ ᠴᠤ ᠤᠯᠤᠰ ᠤᠷᠤᠨ ᠳᠤ ᠴᠢᠯᠦᠭᠡᠳᠡᠢ ᠵᠤᠭᠠᠴᠠᠨ ᠲᠤᠭᠤᠷᠢᠬᠤ ᠡᠷᠬᠡ ᠲᠠᠢ ᠪᠠᠶᠢᠳᠠᠭ᠃      ᠶᠠᠫᠤᠨ ᠤᠯᠤᠰ ᠤᠨ ᠬᠦᠮᠤᠨ ᠠᠮᠠ1.27 ᠳ᠋ᠦᠩᠰᠢᠭᠤᠷ  ᠢᠯᠡᠭᠦᠦ ᠪᠠᠶᠢᠵᠤ᠂ ᠲᠡᠯᠡᠬᠡᠢ ᠶᠢᠨ ᠡᠮᠤᠨ᠎ᠠ ᠠᠷᠪᠠᠨ ᠨᠡᠷ᠎ᠡ ᠳᠤ ᠵᠢᠬᠰᠠᠭᠠᠵᠤ ᠪᠤᠢ᠃ ᠠᠭᠤᠯᠠ ᠤᠰᠤ ᠨᠢ ᠬᠦᠬᠡᠮᠳᠤᠡ ᠨᠤᠭᠤᠭᠠᠨ᠂ ᠤᠷᠴᠢᠨ ᠠᠬᠤᠢ ᠨᠢ ᠴᠡᠪᠡᠷ ᠴᠡᠮᠴᠡᠭᠡᠷ᠂ ᠠᠭᠤᠷ ᠠᠮᠢᠰᠬᠤᠯ ᠰᠡᠷᠢᠭᠦᠨ ᠴᠢᠭᠢᠭᠯᠢᠭ ᠪᠤᠯᠬᠤᠷ ᠶᠠᠫᠤᠡᠴᠤᠤᠨ ᠤᠨ ᠬᠦᠮᠤᠨ ᠠᠷᠠᠤᠨ ᠤᠨ ᠲᠡᠭᠰᠢᠤᠡᠬᠡᠭᠰᠡᠨ ᠨᠠᠰᠤᠨ ᠤ ᠬᠡᠮᠵᠢᠶ᠎ᠠ 87 ᠶᠢ ᠲᠠᠪᠠᠵᠤ᠂ ᠮᠦᠡᠴᠤ ᠲᠡᠯᠡᠬᠡᠢ ᠲᠡᠭᠡᠷ᠎ᠡ ᠲᠠᠷᠢᠭᠦᠯᠠᠵᠤ ᠪᠤᠢ᠃      ᠬᠤᠶᠡᠷ᠂ ᠫᠦᠵᠢ ᠠᠭᠤᠯᠠ      ᠫᠦᠵᠢ ᠠᠭᠤᠯᠠ ᠪᠤᠯ ᠶᠠᠫᠤᠨ ᠤ ᠬᠠᠮᠤᠭ ᠤᠨ ᠦᠡᠳᠤᠷ ᠠᠭᠤᠯᠠ ᠪᠤᠯᠬᠤ ᠪᠦᠭᠡᠤᠨ ᠶᠠᠫᠤᠨ ᠤᠯᠤᠰ ᠤᠨ ᠪᠡᠯᠭᠡ ᠲᠡᠮᠳᠡᠭ ᠮᠦᠨ᠃ ᠲᠠᠷᠤᠢ ᠮᠠᠨ ᠤ ᠮᠤᠩᠭᠤᠯᠴᠤᠤᠨ ᠤᠨ ᠰᠢᠳᠤᠨ ᠲᠠᠬᠢᠳᠠᠭ ᠪᠤᠬᠳᠠ ᠠᠭᠤᠯᠠ ᠲᠠᠢ ᠠᠳᠠᠯᠢ ᠪᠤᠯᠬᠤ ᠠᠵᠢ᠃ ᠫᠦᠵᠢ ᠭᠡᠳᠡᠭ ᠨᠢ ᠲᠠᠯᠠᠬᠡᠢ ᠳᠤ ᠬᠤᠤᠰ ᠦᠭᠡᠢ᠂ ᠭᠠᠭᠴᠨ ᠬᠡᠮᠡᠬᠦ ᠤᠤᠠᠬ᠎ᠠ ᠲᠠᠢ ᠭᠡᠵᠤ ᠲᠠᠶᠢᠯᠪᠤᠷᠢᠯᠠᠵᠤ ᠪᠤᠢ᠃ ᠫᠦᠵᠢ ᠠᠭᠤᠯᠠ ᠪᠤᠯ ᠦᠨᠡᠬᠡᠷ ᠲᠡᠯᠡᠬᠡᠢ ᠳᠤ ᠬᠤᠤᠰ ᠦᠭᠡᠢ ᠰᠦᠷ ᠭᠠᠶᠢᠬᠠᠮᠰᠢᠬᠳᠤ ᠠᠭᠤᠯᠠ ᠮᠦᠨ᠃      ᠶᠠᠫᠤᠨ ᠳᠤ ᠬᠦᠷᠤᠭ᠍ᠰᠡᠨ ᠬᠦᠮᠤᠰ ᠬᠡᠷᠪᠡ ᠫᠦᠵᠢ ᠠᠭᠤᠯᠠ ᠶᠢᠨ ᠰᠦᠷ ᠭᠠᠶᠢᠬᠠᠮᠰᠢᠭ ᠢ ᠪᠠᠷᠠᠯᠠᠬᠤ ᠦᠭᠡᠢ ᠪᠤᠯ ᠲᠤᠮᠳᠠᠳᠤ ᠶᠢᠨ ᠬᠦᠮᠤᠰ ︿︿ᠲᠠᠶᠢᠱᠠᠨ ᠠᠭᠤᠯᠠᠨ ᠳᠤ ᠭᠠᠷᠤᠭᠠᠤᠨ ᠨᠠᠷᠠᠨ ᠮᠠᠠᠳᠤᠬᠤ ᠶᠢ ᠤᠯᠵᠤ ᠬᠠᠷᠠᠬᠰᠠᠨ ᠦᠭᠡᠢ﹀﹀ ᠲᠠᠢ ᠠᠳᠠᠯᠢ ᠬᠠᠷᠠᠮᠰᠠᠯᠳᠠᠢ ᠰᠠᠨᠠᠬᠳᠠᠳᠠᠭ᠃ ᠮᠠᠨᠤᠰ ᠶᠠᠫᠤᠨ ᠳᠤ ᠬᠦᠷᠤᠭ᠍ᠰᠡᠨ ᠤ ᠬᠤᠶᠡᠳᠡᠬᠢ ᠡᠳᠤᠷ ᠨᠢ ᠲᠠᠷᠤᠢ ᠫᠦᠵᠢ ᠠᠭᠤᠯᠠ ᠶᠢ ᠵᠤᠷᠢᠵᠤ᠂ ᠡᠭᠦᠯᠨ ᠮᠠᠨᠠᠨ ᠴᠠᠰᠤ ᠮᠦᠰᠤᠨ ᠳᠤ ᠬᠤᠴᠢᠬᠳᠠᠬᠰᠠᠨ ᠮᠦᠡᠭᠭᠦᠨ ᠤᠷᠭᠢᠯ ᠬᠢᠭᠡᠤᠨ ᠤᠯᠠᠷᠢᠨ ᠬᠤᠪᠢᠷᠠᠬᠤ ᠨᠢᠭᠤᠴᠠ ᠲᠠᠯᠳᠠ ᠭᠠᠶᠢᠬᠠᠮᠰᠢᠭ ᠢ ᠨᠢ  ᠰᠤᠨᠢᠷᠬᠠᠨ ᠪᠠᠷᠠᠯᠠᠵᠤ ᠪᠢᠯᠨ᠃      ᠲᠡᠭᠡᠷ᠎ᠡ ᠵᠠᠭᠤᠨ ᠤ ᠲᠠᠯᠠᠭᠠᠤᠨ ᠤᠨ ᠳᠤ ᠬᠢᠴᠢᠶᠠᠯ ᠤᠨ ᠪᠢᠴᠢᠭ ᠠᠴᠠ ᠯᠦ ᠰᠢᠶᠦ᠋ᠨ ᠠᠪᠤᠭᠠᠢ ᠶᠢᠨ ᠪᠢᠴᠢᠭᠰᠡᠨ ᠫᠦᠵᠢ ᠠᠭᠤᠯᠠᠨ ᠤ ᠲᠤᠬᠠᠢ ᠨᠠᠶᠢᠷᠠᠭᠤᠯᠤᠯ ᠶᠢ ᠰᠤᠨᠢᠷᠬᠠᠨ ᠤᠡᠭᠰᠢᠵᠤ ᠪᠠᠶᠢᠬᠰᠠᠨ ᠮᠢᠨᠢ ᠲᠦᠴᠢᠭᠡᠤᠨ ᠵᠢᠯ ᠤᠨ ᠬᠢᠨ ᠲᠠᠷᠠᠭ᠎ᠠ ᠭᠡᠷᠭᠡᠢ ᠲᠠᠢ ᠪᠠᠨ ᠬᠠᠮᠳᠤ ᠢᠷᠡᠵᠤ ᠰᠤᠨᠢᠷᠬᠬᠠᠤ ᠰᠠᠶᠢᠬᠠᠨ ᠬᠤᠪᠢ ᠪᠠᠷᠢᠯᠳᠤᠯᠭ᠎ᠠ ᠪᠠᠶᠢᠬᠰᠠᠨ ᠠᠵᠠᠢ᠃      ᠫᠦᠵᠢ ᠠᠭᠤᠯᠠ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 3776 ᠮᠧᠲᠷ ᠲᠡᠭᠡᠭᠰᠢ ᠡᠷᠭᠦᠭᠳᠡᠵᠦ᠂ ᠮᠠᠨ ᠤ ᠤᠯᠤᠰ ᠤᠨ ᠲᠦᠪᠡᠤᠨ ᠤᠨ ᠦᠡᠳᠦᠷᠯᠢᠭ ᠤᠨ ᠡᠾ‌‍ᠢᠮᠠᠯᠡᠶ᠎ᠠ ᠠᠭᠤᠯᠠ ᠨᠢᠷᠤᠭᠤᠤᠨ ᠢ ᠪᠤᠳᠤᠪᠠᠯ ᠲᠠᠶᠢᠮᠤ ᠴᠤ ᠦᠡᠳᠤᠷ  ᠲᠤ ᠲᠤᠭᠠᠴᠢᠭᠳᠠᠬᠤ ᠦᠭᠡᠢ᠂ ᠭᠡᠪᠠᠴᠤ ᠫᠦᠵᠢ ᠠᠭᠤᠯᠠ ᠨᠢ ᠲᠠᠯᠠᠢ ᠶᠢᠨ ᠬᠦᠪᠡᠭᠡᠨ ᠠᠴᠠ ᠰᠦᠡᠳᠡᠷᠯᠡᠨ ᠪᠤᠰᠤᠬᠰᠠᠨ ᠲᠤᠯᠠ ᠬᠦᠮᠤᠰ ᠤᠨ ᠨᠢᠳᠤᠨ ᠬᠠᠷᠠᠭᠠᠨ ᠳᠤ ᠦᠡᠳᠤᠷ ᠰᠦᠷᠯᠢᠭ ᠬᠠᠷᠠᠬᠳᠠᠵᠤ᠂ ᠶᠠᠫᠤᠡᠴᠤᠤᠨ ᠤᠨ ᠰᠦᠷ ᠰᠦᠯᠳᠠ ᠪᠤᠯᠤᠬᠰᠠᠨ ᠠᠭᠤᠯᠠ ᠬᠠᠶᠢᠷᠬᠠᠨ ᠪᠤᠯᠵᠤ᠂ ᠶᠠᠫᠤᠨ ᠬᠦᠮᠤᠰ ᠡᠷᠳ᠋ᠨ ᠲᠡᠭᠡᠳᠤᠰ ᠠᠴᠠ ᠪᠠᠨ  ︿︿ᠬᠠᠷ᠎ᠠ ᠫᠦᠵᠢ﹀﹀᠂ ︿︿ᠨᠢᠴᠤᠬᠦᠨ ᠫᠦᠵᠢ﹀﹀᠂ ︿︿ᠡᠷ᠎ᠡ ᠬᠦᠢᠰᠤᠳᠤ ᠫᠦᠵᠢ﹀﹀ ᠬᠡᠮᠡᠨ ᠰᠢᠯᠦᠭᠯᠡᠨ ᠤᠶᠠᠩᠭᠠᠯᠠᠬᠰᠠᠨ ᠲᠡᠮᠳᠡᠭᠯᠡᠯ ᠲᠠᠢ᠃ ᠠᠳᠡᠬᠢ ᠤᠷᠴᠢᠨ ᠠᠬᠤᠢ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠤᠨ ᠤᠯᠠᠷᠢᠨ ᠬᠤᠪᠢᠷᠠᠬᠤ ᠶᠢ ᠲᠠᠭᠠᠯᠳᠤᠨ ᠫᠦᠵᠢ ᠠᠭᠤᠯᠠᠨ ᠤᠷᠬᠢᠯ ᠤᠨ ᠦᠡᠭᠭᠡ ᠦᠵᠡᠮᠵᠢ ᠶᠢᠨ ᠤᠯᠠᠷᠢᠨ ᠬᠤᠪᠢᠷᠠᠬᠤ ᠨᠢ ᠴᠤ ᠨᠢᠳᠤ ᠢᠷᠮᠡᠬᠦ ᠶᠢᠨ ᠵᠠᠭᠤᠷ᠎ᠠ ᠪᠠᠶᠢᠵᠤ᠂ ᠡᠳᠡᠬᠡᠤᠨ ᠭᠠᠶᠢᠬᠠᠮᠰᠢᠬᠳᠠᠢ᠃      ᠫᠦᠵᠢ ᠠᠭᠤᠯᠠ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ᠂ ᠲᠤᠩᠭᠠᠯᠠᠭ ᠰᠠᠶᠢᠬᠠᠨ ᠡᠳᠤᠷ᠂ ᠮᠠᠨᠠᠨ ᠬᠦᠳᠡᠩ᠂ ᠴᠠᠰᠤ ᠪᠤᠷᠤᠭᠠᠨ᠂ ᠰᠠᠯᠬᠢᠨ ᠵᠢᠪᠠᠷ᠂ ᠦᠷᠯᠦᠭᠡ ᠶᠢᠨ ᠨᠠᠷᠠ᠂ ᠦᠳᠡᠰᠢ ᠶᠢᠨ ᠰᠢᠷ᠎ᠠ ᠭᠡᠭᠡ ᠵᠡᠷᠭᠡ ᠴᠠᠭ ᠠᠭᠤᠷ ᠤᠨ ᠨᠦᠭᠦᠴᠠᠯ ᠳᠤ ᠰᠢᠯᠳᠠᠭᠠᠯᠠᠵᠤ ᠤᠯᠠᠨ ᠶᠡᠩᠵᠤ ᠪᠠᠷ ᠤᠯᠠᠷᠢᠨ ᠬᠤᠪᠢᠷᠠᠬᠤ ᠨᠢ ᠬᠦᠮᠤᠰ ᠲᠤ ᠷᠢᠳᠢ ᠰᠢᠳᠢᠳᠤ᠂ ᠬᠤᠪᠢᠯᠭᠠᠨ ᠤᠪᠢᠳᠠᠰ ᠲᠠᠢ ᠠᠭᠤᠯᠠ ᠬᠡᠮᠡᠬᠦ ᠭᠠᠶᠢᠬᠠᠰᠢ ᠲᠦᠷᠤᠭᠦᠯᠳᠡᠭ᠃      ᠬᠠᠪᠤᠷ ᠤᠨ ᠠᠭᠤᠷ ᠤᠷᠤᠵᠤ ᠠᠭᠤᠷ ᠠᠮᠢᠰᠬᠤᠯ ᠤᠶᠠᠨ ᠲᠤᠯᠠᠭᠠᠨ ᠪᠤᠯᠬᠤ ᠳᠤ ᠫᠦᠵᠢ ᠠᠭᠤᠯᠠ ᠬᠦᠬᠡ ᠲᠡᠭᠷᠢ ᠶᠢ ᠪᠠᠭᠠᠨᠠᠳᠤᠨ ᠰᠡᠬᠦᠶᠢᠭᠡᠤᠨ ᠬᠤᠷᠮᠦᠢ ᠪᠠᠯ ᠢᠶᠠᠷ ᠨᠢ ᠬᠠᠮᠤᠭ ᠲᠦᠷᠤᠭᠦᠨ ᠳᠤ ᠴᠠᠰᠤᠨ ᠯᠢᠩᠬᠸ᠎ᠠ ᠴᠡᠴᠡᠭ ᠮᠦᠴᠢᠷᠯᠡᠨ ᠲᠡᠯᠭᠡᠷᠡᠵᠤ᠂ ᠲᠡᠭᠦᠨ ᠤ ᠲᠠᠷᠠᠭ᠎ᠠ ᠰᠠᠺᠦ᠋ᠷᠠ ᠴᠡᠴᠡᠭ ᠲᠡᠯᠭᠡᠷᠡᠵᠤ᠂ ᠨᠡᠩ ᠤᠯᠠᠨ ᠴᠡᠴᠡᠭᠡᠰ ᠦᠡᠭᠭᠡ ᠪᠤᠯᠢᠶᠠᠯᠳᠤᠨ ᠲᠡᠯᠭᠡᠷᠡᠬᠦ ᠳᠤ ᠠᠭᠤᠯᠠᠨ ᠤᠷᠭᠢᠯ ᠬᠦᠷ ᠴᠠᠰᠤᠨ ᠳᠤ ᠬᠤᠴᠢᠬᠳᠠᠵᠤ  ᠦᠴᠤᠬᠡᠨ ᠴᠤ ᠬᠤᠪᠢᠷᠠᠯᠳᠠ ᠦᠭᠡᠢ ᠪᠠᠶᠢᠳᠠᠭ᠃ ᠬᠠᠵᠠᠭᠤ ᠬᠠᠪᠢ ᠶᠢᠨ ᠠᠭᠤᠯᠠ ᠬᠠᠶᠢᠷᠬᠠᠨ ᠲᠤᠪᠤ ᠨᠤᠭᠤᠳ ᠲᠤ ᠨᠠᠷᠠᠰᠤ ᠤᠯᠢᠶᠠᠰᠤ ᠬᠦᠬᠡᠷᠡᠨ ᠨᠤᠭᠤᠭᠠᠷᠠᠵᠤ᠂ ᠬᠡᠪᠢᠰ ᠲᠠᠪᠢᠰᠤᠭ᠍ᠰᠡᠨ ᠰᠢᠭ ᠬᠠᠷᠠᠬᠳᠠᠵᠤ᠂ ᠠᠭᠤᠯᠠᠨ ᠲᠤᠤᠷ᠎ᠠ ᠰᠠᠺᠦ᠋ᠷᠠ ᠴᠡᠴᠡᠭ ᠪᠠᠳᠠᠷᠠᠨ ᠴᠡᠴᠡᠭᠯᠡᠬᠦ ᠳᠤ ᠫᠦᠵᠢ ᠠᠭᠤᠯᠠ ᠶᠢᠨ ᠤᠷᠭᠢᠯ ᠮᠦᠡᠭᠭᠦᠨ ᠬᠤᠶᠠᠭ ᠬᠡᠳᠤᠷᠡᠭᠰᠡᠨ ᠰᠢᠭ ᠡᠭᠦᠯᠡ ᠮᠠᠨᠠᠨ᠂ ᠴᠠᠰᠤ ᠮᠦᠰᠤᠨ ᠲᠤᠮᠳᠠ ᠰᠡᠬᠦᠶᠢᠵᠤ᠂ ᠠᠭᠤᠷ ᠠᠮᠢᠰᠬᠤᠯ ᠤᠨ ᠬᠤᠪᠢᠷᠠᠯᠳᠠ ᠶᠢ ᠲᠠᠭᠠᠯᠳᠤᠨ ᠰᠦᠷ ᠭᠠᠶᠢᠬᠠᠮᠰᠢᠬᠳᠤ ᠲᠦᠷᠢ ᠪᠠᠶᠢᠳᠠᠯ ᠨᠢ ᠤᠯᠠᠷᠢᠵᠤ ᠬᠤᠪᠢᠷᠠᠬᠤ ᠨᠢ ᠴᠤ ᠬᠠᠴᠢᠨ ᠲᠦᠷᠭᠡᠨ ᠪᠠᠶᠢᠯ᠎ᠠ᠃ ᠵᠤᠨ ᠤ ᠨᠠᠢᠮᠠᠨ ᠰᠠᠷ᠎ᠠ ᠪᠤᠯᠪᠠᠯ ᠠᠭᠤᠯᠠᠨ ᠤᠷᠬᠢᠯ ᠤᠨ ᠴᠠᠰᠤ ᠮᠦᠰᠤ ᠰᠠᠶ᠋ᠢ ᠬᠠᠶᠢᠯᠠᠵᠤ ᠪᠠᠷᠠᠳᠠᠭ ᠪᠤᠯᠪᠠᠴᠤ᠂ ᠨᠠᠮᠤᠷ ᠤᠨ ᠶᠢᠰᠤᠨ ᠰᠠᠷ᠎ᠠ ᠶᠢᠨ ᠡᠬᠢ ᠪᠤᠯᠤᠩᠭᠤᠳᠠ ᠨᠤᠶᠠᠨ ᠰᠠᠷᠢᠳᠠᠭ ᠤᠷᠬᠢᠯ ᠳᠤᠨᠢ ᠠᠩᠬᠠᠨ ᠤ ᠴᠠᠰᠤ ᠪᠠᠭᠤᠵᠤ ᠲᠤᠷᠭᠠᠨ ᠠᠯᠴᠢᠭᠤᠷ ᠪᠤᠭᠤᠬᠰᠠᠨ ᠦᠬᠢᠨ ᠴᠠᠭᠠᠨ ᠲᠠᠭᠢᠨᠢ ᠮᠡᠳᠤ ᠡᠶᠡᠯᠳᠡᠭ ᠲᠤᠳᠤᠨᠤ ᠲᠦᠷᠢ ᠪᠠᠷ ᠴᠠᠶᠢᠯᠵᠠᠨ ᠬᠠᠷᠠᠬᠳᠠᠳᠠᠭ᠃ ᠨᠤᠶᠠᠨ ᠤᠷᠬᠢᠯ ᠨᠢ ᠴᠠᠰᠤ ᠮᠦᠰᠤᠨ ᠳᠤ ᠬᠤᠴᠢᠬᠳᠠᠵᠤ᠂ ᠠᠭᠤᠯᠠᠨ ᠬᠤᠷᠮᠤᠢ ᠪᠠᠷ ᠰᠢᠷ᠎ᠠ ᠨᠤᠭᠤᠭᠠᠨ᠂ ᠤᠯᠠᠭᠠᠨ ᠰᠢᠷᠭᠠᠯ᠂ ᠭᠠᠯ ᠤᠯᠠᠭᠠᠨ ᠮᠤᠳᠤᠨ ᠨᠠᠪᠴᠢᠰ ᠨᠠᠮᠤᠷ ᠤᠨ ᠬᠤᠨᠭ᠍ᠭᠤᠷ ᠰᠠᠯᠬᠢᠨ ᠳᠤ ᠨᠠᠶᠢᠭᠤᠯᠵᠠᠨ ᠪᠦᠵᠢᠬᠦ ᠦᠵᠠᠮᠵᠢ ᠪᠠᠶᠢᠳᠠᠯ ᠵᠢᠷᠤᠭ ᠮᠡᠳᠤ ᠭᠤᠶᠤᠬᠠᠨ ᠪᠠᠶᠢᠳᠠᠭ ᠭᠡᠵᠤ ᠵᠤᠭᠠᠴᠠᠯ ᠤᠨ ᠠᠪᠠᠭ᠋ᠠᠢ ᠲᠠᠶᠢᠯᠪᠤᠷᠢᠯᠠᠬᠤ ᠳᠤ᠂ ᠫᠦᠵᠢ ᠠᠭᠤᠯᠠᠨ ᠤ ᠨᠠᠮᠤᠷ ᠤᠨ ᠦᠵᠠᠮᠵᠢ ᠵᠢᠷᠤᠭ ᠪᠤᠳᠤᠯ ᠰᠡᠤᠡᠬᠢᠯ ᠳᠤ ᠬᠠᠷᠠᠬᠳᠠᠵᠤ ᠪᠠᠶᠢᠯᠤᠭ᠎ᠠ᠃      ᠫᠦᠵᠢ ᠠᠭᠤᠯᠠᠨ ᠤ ᠤᠷᠭᠢᠯ ᠳᠤ ᠭᠠᠷᠬᠤ ᠬᠦᠮᠤᠰ ᠤᠯᠤᠰ ᠤᠨ ᠬᠠᠮᠢᠶ᠎ᠠ ᠪᠦᠬᠦᠢ ᠨᠢᠭᠡᠴᠨ ᠠᠴᠠ ᠵᠦᠪᠰᠢᠶᠡᠷᠡᠯ ᠠᠪᠬᠤ ᠴᠢᠬᠤᠯᠠᠳᠠᠢ᠂ ᠤᠴᠢᠷ ᠨᠢ ᠠᠭᠤᠯᠠᠨ ᠤᠷᠭᠢᠯ ᠨᠢ ᠵᠤᠨ ᠤ ᠨᠠᠢᠮᠠᠨ ᠰᠠᠷ᠎ᠠ ᠪᠤᠯᠳᠠᠯ᠎ᠠ ᠴᠠᠰᠤ ᠮᠦᠰᠤᠨ ᠳᠤ ᠬᠤᠴᠢᠬᠳᠠᠵᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠲᠠᠢ ᠪᠠᠶᠢᠳᠠᠭ ᠠᠴᠠ ᠲᠠᠪᠤᠳᠤᠭᠠᠷ ᠵᠤᠬᠰᠤᠭᠠᠯ ᠦᠷᠳᠡᠭᠡᠡ ᠠᠴᠠ ᠲᠡᠭᠡᠭᠰᠢ ᠠᠭᠤᠯᠠ ᠮᠠᠴᠤᠬᠤ ᠶᠢ ᠬᠦᠯᠢᠶᠡᠬᠦ ᠦᠭᠡᠢ᠃ ᠠᠶᠠᠯᠠᠨ ᠵᠤᠭᠠᠴᠠᠬᠰᠠᠤᠨ ᠤᠨ ᠠᠮᠤᠷ ᠲᠦᠪᠰᠢᠨ ᠢ ᠪᠠᠳᠤᠯᠠᠬᠤ ᠶᠢᠨ ᠲᠦᠯᠦᠭᠡ ᠠᠭᠤᠯᠠᠨ ᠬᠤᠷᠮᠤᠢ ᠠᠴᠠ ᠠᠭᠤᠯᠠᠨ ᠤᠷᠭᠢᠯ ᠬᠦᠷᠳᠡᠯ᠎ᠡ ᠠᠷᠪᠠᠨ ᠰᠠᠭᠤᠷᠢ ᠦᠷᠳᠡᠭᠡᠡ ᠪᠠᠶᠢᠭᠤᠯᠵᠤ᠂ ᠬᠤᠭᠤᠷᠤᠡᠳᠤ ᠨᠢ ᠠᠭᠤᠯᠠ ᠮᠠᠴᠤᠬᠤ ᠵᠠᠮ ᠵᠠᠰᠠᠬᠰᠠᠨ ᠪᠠᠶᠢᠵᠠᠢ᠃ ᠠᠭᠤᠯᠠᠨ ᠤᠢ ᠳᠤ ᠪᠡᠷᠰ ᠠᠴᠠ ᠤᠡᠳᠤᠤ ᠬᠡᠬᠡᠷ᠎ᠡ ᠶᠢᠨ ᠠᠷᠢᠶᠠᠳᠠ ᠠᠮᠢᠳᠠᠨ ᠪᠦᠷ ᠪᠠᠶᠢᠨ᠎ᠠ ᠭᠡᠵᠤ ᠵᠤᠭᠠᠴᠠᠯ ᠤᠨ ᠠᠪᠤᠭᠠᠢ ᠲᠠᠨᠢᠯᠴᠠᠭᠤᠯᠵᠤ ᠶᠠᠪᠤᠯ᠎ᠠ᠃      ᠫᠦᠵᠢ ᠠᠭᠤᠯᠠᠨ ᠤ ᠬᠤᠶᠢᠳᠤ ᠬᠤᠷᠮᠤᠢ ᠳᠤ ᠡᠭᠡᠴᠢ ᠲᠠᠭᠦᠤ ᠲᠠᠪᠤᠨ ᠨᠠᠭᠤᠷ ᠪᠠᠶᠢᠳᠠᠭ᠃ ᠮᠠᠨᠤᠰ ᠨᠠᠭᠤᠷ ᠤᠨ ᠬᠦᠪᠡᠭᠡ ᠪᠠᠷ ᠠᠯᠬᠤᠯᠬᠤ ᠳᠤ ᠬᠤᠨ ᠭᠠᠯᠠᠭᠤ᠂ ᠤᠷᠠᠨ ᠬᠠᠵᠢᠨ ᠰᠢᠪᠠᠭᠤ ᠬᠢᠭᠡᠤᠨ ᠡᠯᠳᠡᠪ ᠦᠡᠭᠭᠡ ᠤᠨ ᠵᠢᠭᠠᠰᠤ ᠵᠢᠷᠭᠠᠬᠠᠢ  ᠰᠦᠷᠤᠭ᠍ᠯᠠᠨ ᠱᠤᠩᠪᠠᠨ᠎ᠠ᠃      ᠫᠦᠵᠢ ᠠᠭᠤᠯᠠ ᠪᠤᠯ ᠶᠠᠫᠤᠡᠴᠤᠤᠨ ᠤᠨ ᠰᠢᠳᠤᠯᠭᠡ ᠪᠢᠰᠢᠷᠠᠯ ᠤᠨ ᠠᠭᠤᠯᠠ ᠪᠤᠯᠬᠤᠷ ᠦᠷᠤᠰᠢᠶᠠᠯ ᠢᠪᠡᠭᠡᠯᠳᠤ ᠤᠷᠤᠨ ᠪᠤᠯᠬᠤ ᠨᠢ ᠵᠠᠶᠢᠯᠠᠰᠢ ᠦᠭᠡᠢ᠃ ᠫᠦᠵᠢ ᠠᠭᠤᠯᠠ ᠶᠢᠨ ᠡᠷᠬᠢᠨ ᠲᠤᠭᠤᠷᠢᠨ ᠳᠤ ᠶᠠᠫᠤᠨ ᠤ ᠪᠦᠬᠦ ᠤᠯᠤᠰ ᠤᠨ ᠡᠯ᠎ᠡ ᠭᠠᠵᠠᠷ ᠠᠴᠠ ᠡᠷᠬᠢᠯᠡᠭᠰᠡᠨ ᠬᠡᠳᠤᠨ ᠵᠠᠭᠤᠨ ᠰᠠᠬᠢᠭᠤᠯᠰᠤᠨ ᠰᠦᠮ᠎ᠠ ᠲᠠᠢ᠃ ᠶᠠᠫᠤᠨ ᠬᠦᠮᠤᠰ ᠵᠢᠯ ᠪᠦᠷᠢ ᠶᠢᠨ ᠪᠢᠳᠡᠭᠦᠨ ᠤ ᠦᠳᠠᠰᠢ ᠪᠤᠶᠤ ᠪᠠᠶᠡᠷ ᠲᠤᠷᠠᠰᠬᠠᠯ ᠤᠨ ᠡᠳᠤᠷ ᠰᠠᠬᠢᠭᠤᠯᠰᠤᠨ ᠰᠦᠮ᠎ᠠ ᠳᠤ ᠮᠦᠷᠭᠦᠯ ᠬᠢᠵᠤ᠂ ᠦᠪᠡᠷ ᠤᠨ ᠪᠠᠶ᠎ᠠ᠂ ᠭᠡᠷ ᠪᠦᠯᠢ᠂ ᠰᠡᠳᠤᠨ ᠲᠦᠷᠤᠯ ᠤᠨ ᠢᠶᠠᠨ ᠡᠷᠡᠭᠦᠯ ᠰᠠᠷᠠᠭᠤᠯ᠂ ᠬᠡᠶᠢᠮᠦᠷᠯᠢᠭ᠂ ᠤᠷᠳᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠬᠦᠰᠡᠨ ᠲᠠᠭᠠᠤᠠᠬᠠᠳᠠᠭ᠃      ᠶᠠᠫᠤᠡᠴᠤᠤᠨ ᠤᠨ ᠰᠢᠳᠤᠨ ᠪᠢᠰᠢᠷᠠᠳᠠᠡ ᠰᠦᠵᠢᠭ ᠪᠢᠰᠢᠷᠠᠯᠳᠤ ᠫᠦᠵᠢ  ᠠᠭᠤᠯᠠ ᠪᠤᠯ ᠤᠯᠠᠨ ᠤᠳᠠᠭ᠎ᠠ ᠭᠠᠵᠠᠷ ᠬᠦᠳᠡᠯᠤᠯᠳᠠ ᠶᠢ ᠦᠩᠭᠡᠷᠡᠭᠡᠭᠰᠡᠨ᠂ ᠲᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠤᠨ ᠲᠤᠮᠤ ᠭᠠᠯᠳᠤ ᠠᠭᠤᠯᠠ ᠭᠡᠵᠤ ᠬᠡᠯᠡᠬᠦ ᠳᠤ ᠦᠨᠡᠬᠡᠷ ᠢᠳᠡᠬᠡᠰᠢ ᠦᠭᠡᠢ ᠪᠠᠶᠢᠳᠠᠭ᠂ ᠭᠡᠪᠡᠴᠤ ᠡᠨᠡ ᠨᠢ ᠦᠨᠡᠨ ᠪᠤᠳᠠᠳᠠᠢ ᠤᠴᠢᠷ ᠶᠤᠮ᠃ ᠫᠦᠵᠢ ᠠᠭᠤᠯᠠ 300 ᠵᠢᠯ ᠤᠨ ᠡᠮᠤᠨ᠎ᠠ ᠨᠢᠭᠡ ᠤᠳᠠᠭ᠎ᠠ ᠲᠡᠯᠪᠡᠷᠡᠵᠤ ᠦᠡᠭᠭᠡᠷᠡᠭᠰᠡᠨ ᠭᠡᠳᠡᠭ᠃ ᠫᠦᠵᠢ ᠠᠭᠤᠯᠠᠠ ᠤᠷᠬᠢᠯ ᠳᠤ 800 ᠮᠧᠲᠷ ᠦᠷᠭᠡᠨ᠂ 200 ᠮᠧᠲᠷ ᠭᠦᠨ ᠭᠠᠯᠳᠤ ᠠᠭᠤᠯᠠᠠ ᠠᠮᠠ ᠪᠠᠶᠢᠳᠠᠭ᠃      ᠮᠠᠨ ᠤ ᠪᠦᠯᠬᠦᠮ ᠤᠨ ᠨᠦᠬᠦᠤᠨ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯ ᠢᠶᠠᠷ ᠢᠶᠠᠨ ᠫᠦᠵᠢ ᠠᠭᠤᠯᠠ ᠬᠢᠭᠡᠤᠨ ᠨᠠᠭᠤᠷ ᠤᠨ ᠡᠮᠤᠨ᠎ᠠ ᠵᠢᠷᠤᠭ ᠲᠤᠷᠠᠰᠬᠠᠯ ᠦᠯᠡᠳᠡᠭᠡᠬᠦ ᠳᠤ ᠫᠦᠵᠢ-- ᠪᠤᠬᠳᠠ ᠠᠭᠤᠯᠠ ᠶᠢᠨ ᠬᠤᠪᠢᠯᠭᠠᠨ ᠰᠠᠬᠢᠭᠤᠯᠰᠤᠨ ᠴᠤ ᠪᠠᠶᠠᠰᠤᠨ ᠮᠦᠰᠢᠶᠡᠵᠤ ᠪᠠᠶᠢᠬᠤ ᠰᠢᠭ ᠪᠤᠳᠤᠬᠳᠠᠪᠠ᠃        ᠭᠤᠷᠪᠠ᠂  ᠰᠠᠺᠦ᠋ᠷᠠ ᠴᠡᠴᠡᠭ      ᠰᠠᠺᠦ᠋ᠷᠠ ᠴᠡᠴᠡᠭ ᠪᠤᠯ ᠶᠠᠫᠤᠨ ᠤ ᠤᠯᠤᠰ ᠤᠨ ᠰᠦᠯᠳᠠ ᠴᠡᠴᠡᠭ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠡᠯᠡᠬᠡᠢ ᠳᠤ ᠬᠤᠪᠤᠷᠬᠠᠨ ᠤᠷᠭᠤᠳᠠᠭ ᠤᠷᠭᠤᠮᠠᠯ ᠶᠤᠮ᠃ ᠰᠢᠨ᠎ᠡ ᠪᠠᠷ ᠪᠤᠶᠢᠵᠢᠭᠤᠯᠤᠬᠰᠠᠨ ᠡᠭᠦᠯᠳᠡᠷ ᠤᠨ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠲᠦᠷᠤᠯ ᠵᠤᠶᠢᠯ ᠬᠡᠳᠤᠨ ᠵᠠᠭᠤ ᠪᠠᠶᠢᠳᠠᠭ᠃ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠲᠦᠷᠤᠯ ᠵᠤᠶᠢᠯ ᠨᠢ ᠤᠯᠠᠨ ᠪᠤᠯᠬᠤᠷ ᠲᠡᠯᠭᠡᠷᠡᠬᠦ ᠴᠠᠭ ᠬᠤᠭᠤᠴᠠᠭ᠎ᠠ ᠨᠢ ᠴᠤ ᠠᠳᠠᠯᠢ ᠦᠭᠡᠢ᠃ ᠭᠡᠪᠡᠴᠤ ᠵᠢᠯ ᠪᠦᠷᠢ ᠶᠢᠨ ᠭᠤᠷᠪᠡᠳᠤᠭᠠᠷ ᠰᠠᠷ᠎ᠠ ᠠᠴᠠ ᠡᠬᠢᠯᠠᠨ ᠨᠠᠮᠤᠷ ᠤᠨ ᠰᠠᠭᠦᠯᠴᠢ ᠪᠤᠯᠳᠠᠯ᠎ᠠ ᠪᠠᠳᠠᠷᠠᠨ ᠲᠡᠯᠭᠡᠷᠳᠡᠭ ᠠᠵᠠᠢ᠃      ᠰᠠᠺᠦ᠋ᠷᠠ ᠬᠡᠮᠡᠬᠦ ᠦᠭᠡ ᠶᠢᠨ ᠤᠤᠠᠬ᠎ᠠ ᠶᠢᠨ ᠲᠤᠬᠠᠢ ᠪᠠᠰᠠ ᠤᠯᠠᠨ ᠠᠷᠪᠠᠨ ᠦᠯᠢᠭᠡᠷ ᠲᠤᠮᠤᠭ ᠲᠠᠢ᠃ ᠲᠡᠳᠡᠨᠤᠰ ︿︿ᠲᠡᠭᠷᠢ ᠶᠢᠨ ᠲᠠᠬᠢᠨᠢ ᠪᠤᠯ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠢᠷᠡᠯᠳᠠ﹀﹀᠂ ︿︿ᠰᠠᠺᠦ᠋ᠷᠠ ᠪᠤᠯ ᠲᠠᠪᠤᠨ ᠲᠠᠷᠢᠶᠠᠨ ᠤ ᠰᠠᠬᠢᠭᠤᠯᠰᠤᠨ﹀﹀ ᠭᠡᠵᠤ ᠠᠳᠠᠯᠢ ᠪᠤᠰᠤ ᠪᠠᠷ ᠲᠠᠶᠢᠯᠪᠤᠷᠢᠯᠠᠵᠤ ᠪᠤᠢ᠃      ᠶᠠᠫᠤᠨ ᠳᠤ ᠬᠦᠷᠤᠭᠡᠤᠨ ᠰᠠᠺᠦ᠋ᠷᠠ ᠴᠡᠴᠡᠭ ᠢ ᠰᠤᠨᠢᠷᠬᠠᠬᠤ ᠦᠭᠡᠢ ᠪᠤᠯ ᠮᠦᠡᠴᠤ ᠬᠠᠷᠠᠮᠰᠠᠯᠳᠠᠢ ᠤᠴᠢᠷ ᠪᠤᠯᠬᠤ ᠶᠤᠮ᠃      ᠮᠠᠨᠤᠰ ᠲᠤᠰᠬᠠᠶᠢᠯᠠᠨ ᠶᠠᠫᠤᠨ ᠤ ᠤᠯᠤᠰ ᠤᠨ ᠨᠠᠶᠢᠰᠯᠠᠯ - ᠲᠤᠤᠺᠢᠤ᠋ ᠬᠤᠳᠠ ᠶᠢᠨ ᠤᠯᠤᠰ ᠠᠷᠠᠤᠨ ᠤᠨ ᠴᠡᠴᠡᠷᠯᠢᠭ ᠲᠤ ᠤᠷᠤᠵᠤ ᠰᠠᠺᠦ᠋ᠷᠠ ᠴᠡᠴᠡᠭ ᠢ ᠰᠤᠨᠢᠷᠬᠠᠵᠤ ᠵᠢᠷᠤᠭ ᠰᠡᠭᠦᠳᠡᠷ ᠠᠪᠤᠪᠠ᠃ ᠲᠤᠤᠺᠢᠤ᠋ ᠪᠤᠯ ᠲᠡᠯᠡᠭᠡᠢ ᠶᠢᠨ ᠬᠤᠶᠡᠳᠤᠭᠠᠷ ᠶᠡᠭᠡ ᠬᠤᠳᠠ ᠪᠤᠯᠬᠤ ᠶᠤᠮ᠃ ᠲᠤᠤᠺᠢᠤ᠋ ᠭᠡᠳᠡᠭ ᠨᠢ ᠵᠠᠭᠦᠨ ᠤᠷᠳᠤᠨ ᠬᠠᠷᠰᠢ᠂ ᠵᠡᠭᠦᠨ ᠨᠠᠶᠢᠰᠯᠠᠯ ᠬᠡᠭᠦ ᠤᠤᠠᠬ᠎ᠠ ᠲᠠᠢ ᠪᠤᠯᠬᠤᠷ ᠬᠢᠳᠠᠤᠨ ᠬᠦᠮᠤᠰ ᠰᠢᠭᠤᠤᠨ ᠳ᠋ᠦᠡᠭᠵᠢᠩ ᠭᠡᠵᠤ ᠨᠠᠷᠡᠯᠡᠳᠡᠭ᠃ᠴᠡᠴᠡᠷᠯᠢᠭ ᠲᠤ ᠤᠯᠠᠭᠠᠨ᠂ ᠴᠠᠭᠠᠨ᠂ ᠬᠤᠨᠳᠠᠨ ᠦᠡᠭᠬᠡ ᠶᠢᠨ ᠲᠠᠯᠠᠭᠠᠤᠨ ᠲᠦᠷᠤᠯ ᠤᠨ1500 ᠰᠠᠭᠤᠷᠢ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠮᠤᠳᠤ ᠪᠠᠶᠢᠨ᠎ᠠ᠃      ᠤᠯᠠᠨ ᠦᠡᠭᠬᠡ ᠶᠢᠨ ᠰᠠᠺᠦ᠋ᠷᠠ ᠴᠡᠴᠡᠭ ᠤᠳ ᠲᠡᠯᠡᠬᠡᠢ ᠶᠢᠨ ᠡᠯ᠎ᠡ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠲᠤᠭᠤᠷᠢᠨ ᠵᠤᠭᠠᠴᠠᠬᠰᠠᠤᠨ ᠢ ᠤᠬᠳᠤᠵᠤ ᠪᠠᠶᠢᠭ᠎ᠠ ᠮᠡᠳᠤ ᠲᠠᠯᠪᠢ ᠪᠠᠨ ᠲᠠᠯᠭᠡᠵᠤ ᠦᠡᠭᠭᠡ ᠪᠤᠯᠢᠶᠠᠯᠳᠤᠨ ᠪᠠᠳᠠᠷᠠᠨ ᠲᠡᠯᠭᠡᠷᠡᠵᠤ ᠪᠠᠶᠢᠯᠤᠭ᠎ᠠ᠃      ᠶᠠᠫᠤᠡᠴᠤᠤᠨ ᠤᠶᠠᠬᠠᠨ ᠬᠠᠪᠤᠷ ᠭᠡᠭᠰᠡᠭᠡᠷ ᠯᠡ ᠰᠡᠺᠦ᠋ᠷᠠ ᠴᠡᠴᠡᠭ ᠢ ᠲᠤᠷᠠᠰᠴᠤ᠂ ᠬᠤᠸᠡᠷ ᠴᠡᠴᠡᠭ ᠭᠡᠭᠰᠡᠭᠡᠷ ᠯᠠ ᠰᠠᠺᠦ᠋ᠷᠠ ᠴᠡᠴᠡᠭ ᠢ ᠮᠠᠬᠳᠠᠳᠠᠭ᠃ ᠶᠠᠫᠤᠡᠴᠤᠤᠨ ᠦᠷ᠎ᠡ ᠬᠡᠤᠬᠡᠤᠨ ᠤᠨ ᠢᠶᠠᠨ ᠦᠭᠡᠳᠡ ᠡᠰᠡᠷᠡᠭ ᠢ ᠰᠠᠺᠦ᠋ᠷᠠ ᠴᠡᠴᠡᠭ ᠲᠠᠢ ᠬᠤᠯᠪᠤᠨ ᠪᠤᠳᠤᠵᠤ᠂ ᠤᠯᠤᠰ ᠦᠡᠳᠤᠰᠤᠳᠡᠨ ᠤ ᠪᠠᠨ ᠬᠦᠭᠵᠢᠯ ᠮᠠᠠᠳᠤᠯ ᠢ ᠴᠤ ᠰᠠᠺᠦᠷᠠ ᠴᠡᠴᠡᠭ ᠪᠠᠷ ᠪᠡᠯᠭᠡᠳᠡᠳᠡᠭ᠃ ᠬᠠᠪᠤᠷ ᠪᠤᠯᠤᠮᠠᠬᠴᠠ ᠰᠠᠺᠦ᠋ᠷᠠ ᠴᠡᠴᠡᠭ ᠶᠠᠫᠤᠨ ᠤᠯᠤᠰ ᠤᠨ ᠬᠤᠳᠠ ᠵᠡᠭᠡᠯᠢ᠂ ᠴᠡᠴᠡᠷᠯᠢᠭ ᠵᠤᠭᠠᠴᠠᠯ ᠤᠨ ᠭᠠᠵᠠᠷ ᠵᠤᠮᠠᠭ ᠵᠤᠮᠠᠭ ᠮᠦᠰᠢᠶᠠᠨ ᠲᠡᠯᠭᠡᠷᠡᠵᠤ᠂ ᠶᠠᠫᠤᠡᠴᠤᠤᠨ ᠲᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠪᠠᠶᠡᠷ ᠴᠡᠩᠬᠡᠯ ᠠᠪᠴᠢᠷᠠᠳᠠᠭ᠃ ᠲᠡᠳᠡᠨᠤᠰ ᠭᠡᠷ ᠡᠷᠤᠬᠡ ᠪᠠᠷ ᠢᠶᠠᠨ ᠰᠡᠺᠦ᠋ᠷᠠ ᠴᠡᠴᠡᠭ ᠤᠨ ᠲᠤᠤᠷ᠎ᠠ ᠨᠠᠶᠢᠷᠯᠠᠨ ᠰᠠᠭᠤᠵᠤ᠂ ᠠᠷᠢᠬᠢ ᠲᠠᠷᠠᠰᠤ ᠤᠤᠭᠤᠨ᠂ ᠠᠶᠠᠰ ᠤᠨ ᠰᠠᠯᠬᠢᠨ ᠤ ᠳᠤᠮᠳᠠ ᠬᠠᠮᠳᠤ ᠪᠠᠷ ᠨᠠᠶᠢᠷᠠᠯᠳᠤᠨ ᠰᠠᠺᠦ᠋ᠷᠠ ᠴᠡᠴᠡᠭ ᠪᠠᠨ ᠰᠢᠯᠦᠭᠯᠡᠨ ᠲᠠᠭᠤᠯᠠᠵᠤ᠂ ᠵᠠᠷᠢᠮ ᠭᠠᠵᠠᠷ ᠨᠢ ᠪᠠᠰᠠ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠨᠠᠶᠢᠷ ᠬᠢᠳᠡᠭ ᠵᠡᠩᠰᠢᠯ ᠲᠠᠢ᠃      ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠶᠠᠩᠵᠤ ᠬᠡᠯᠪᠡᠷᠢ ᠨᠢ ᠮᠠᠨ ᠤ ᠨᠤᠳᠤᠭ ᠤᠨ ᠭᠦᠢᠯᠡᠰᠤᠨ ᠴᠡᠴᠡᠭ ᠲᠠᠢ ᠠᠳᠠᠯᠢᠪᠳᠤᠷ ᠪᠠᠶᠢᠳᠠᠭ᠃ ᠶᠠᠫᠤᠨ ᠬᠦᠮᠤᠰ ᠠᠯᠢ ᠡᠷᠳᠡ ᠠᠴᠠ ᠭᠦᠢᠯᠡᠰᠤᠨ ᠴᠡᠴᠡᠭ ᠢ ᠴᠤ ᠪᠠᠭ᠋ᠠᠳᠤᠨ ᠰᠤᠨᠢᠷᠬᠠᠵᠤ᠂ ᠰᠢᠯᠦᠭᠯᠡᠨ ᠤᠶᠡᠩᠭᠠᠯᠡᠵᠤ ᠢᠷᠡᠭᠰᠡᠨ ᠲᠡᠤᠬᠡ ᠲᠠᠢ᠃ ᠶᠠᠫᠤᠨ ᠤ ᠡᠷᠳᠡᠨ ᠤ ︿︿ᠲᠦᠮᠡᠨ ᠨᠠᠪᠴᠢᠰ ᠤᠨ ᠴᠢᠭᠤᠯᠭᠠᠨ﹀﹀ ᠰᠢᠯᠦᠭ ᠤᠨ ᠲᠡᠭᠦᠪᠦᠷᠢ ᠳᠤ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠲᠤᠬᠠᠢ ᠤᠶᠡᠩᠭᠠᠯᠠᠭᠰᠠᠨ ᠰᠢᠯᠦᠭ ᠲᠦᠴᠢᠭᠡᠤᠨ ᠪᠠᠳᠠᠭ᠂ ᠭᠦᠢᠯᠡᠰᠤᠨ ᠴᠡᠴᠡᠭ ᠤᠨ ᠲᠤᠬᠠᠢ ᠵᠠᠭᠤ ᠢᠯᠡᠭᠦᠤ ᠪᠠᠳᠠᠭ ᠪᠠᠶᠢᠵᠤ᠂ ᠭᠦᠢᠯᠡᠰᠤᠨ ᠴᠡᠴᠡᠭ ᠨᠢ ᠶᠠᠫᠤᠡᠴᠤᠤᠨ ᠤᠨ ᠲᠤᠷ᠎ᠠ ᠶᠢ ᠲᠠᠳᠠᠬᠰᠠᠨ ᠤᠶᠡᠩᠭ᠎ᠠ ᠲᠠᠭᠤᠯᠠᠯ ᠤᠨ ᠰᠠᠬᠢᠭᠤᠯᠰᠤᠨ ᠴᠡᠴᠡᠭ ᠪᠠᠶᠢᠬᠰᠠᠨ ᠠᠵᠠᠢ᠃        ᠮᠠᠨᠤᠰ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠡᠶᠡᠪᠡᠷᠡᠭᠦᠤ ᠰᠠᠶᠢᠬᠠᠨ ᠦᠡᠭᠬᠡ ᠦᠵᠡᠮᠵᠢ ᠳᠤ ᠲᠠᠳᠠᠬᠳᠠᠵᠤ᠂ ᠠᠩᠭᠢᠯᠤᠮ᠎ᠠ ᠰᠠᠶᠢᠬᠠᠨ ᠦᠨᠤᠷ ᠲᠤ ᠨᠢ ᠰᠤᠬᠳᠤᠭᠤᠷᠠᠵᠤ ᠶᠠᠪᠤᠯ᠎ᠠ᠃      ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠬᠦᠷᠢᠶᠡᠯᠡᠩ ᠳᠤ ᠲᠤᠭᠤᠷᠢᠨ ᠵᠤᠭᠠᠴᠠᠬᠰᠠᠤᠨ ᠰᠦᠯᠵᠢᠯᠳᠤᠨ ᠵᠢᠷᠤᠭ ᠰᠡᠭᠦᠳᠡᠷ ᠠᠪᠬᠤ ᠨᠢ ᠴᠡᠴᠡᠭ ᠤᠨ ᠲᠤᠮᠳᠠᠭᠤᠷ ᠰᠦᠯᠵᠢᠯᠳᠤᠬᠦ  ᠪᠠᠯᠳᠤ ᠵᠦᠭᠡᠢ ᠠᠳᠠᠯᠢ᠃ᠤᠯᠠᠭᠠᠨ ᠨᠤᠭᠤᠭᠠᠨ ᠰᠢᠷ᠎ᠠ ᠦᠡᠭᠭᠡ ᠶᠢᠨ ᠠᠯᠴᠢᠭᠤᠷ ᠢᠶᠠᠷ ᠲᠤᠯᠤᠭᠠᠢ ᠪᠠᠨ ᠤᠷᠢᠶᠠᠬᠰᠠᠨ ᠡᠨᠡᠤᠡᠬᠡᠭ᠂ ᠠᠷᠠᠪ ᠤᠨ ᠠᠯᠢᠶ᠎ᠠ ᠲᠡᠭᠵᠢᠨ ᠭᠤᠶᠤ ᠬᠡᠤᠬᠡᠨᠴᠤᠤᠨ‌‍ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠮᠤᠳᠤᠨ ᠲᠤᠮᠳᠠᠭᠤᠷ  ᠢᠨᠢᠶᠠᠯᠳᠤᠨ ᠢᠯᠡᠷᠡᠬᠦ ᠨᠢ ᠵᠢᠷᠤᠭ  ᠤᠨ ᠲᠡᠬᠢᠨᠢ ᠮᠡᠳᠤ ᠬᠠᠷᠠᠬᠳᠠᠨ ᠵᠤᠭᠠᠴᠠᠬᠰᠠᠤᠨ ᠤᠨ ᠨᠢᠳᠤ ᠶᠢ ᠬᠤᠵᠢᠷᠯᠠᠨ᠎ᠠ᠃ ᠮᠠᠨᠤᠰ ᠭᠠᠷ ᠳᠠᠯᠠᠯᠤᠨ ᠲᠡᠳᠡᠭᠡᠷ ᠬᠡᠤᠬᠡᠨᠴᠤᠤᠨ ᠲᠠᠢ ᠵᠢᠷᠤᠭ ᠠᠪᠴᠤ ᠲᠤᠷᠠᠰᠬᠠᠯ ᠦᠯᠡᠳᠡᠭᠡᠪᠡ᠃᠃᠃      ᠶᠠᠫᠤᠨ ᠬᠦᠮᠤᠰ ᠤᠯᠤᠰ ᠤᠨ ᠰᠦᠯᠳᠠ ᠰᠠᠺᠦ᠋ᠷᠠ ᠴᠡᠴᠡᠭ ᠪᠠᠨ ᠪᠠᠭ᠋ᠠᠷᠤᠨ ᠬᠠᠶᠢᠷᠠᠯᠠᠵᠤ᠂ ︿︿ᠰᠠᠺᠦᠷᠠ ᠵᠤᠯᠭᠠᠷᠠᠳᠠᠭ᠂ ᠵᠤᠯᠭᠠᠷᠠᠭᠠᠳᠤᠢ ᠰᠠᠺᠦ᠋ᠷᠠ ᠴᠤ᠂ ᠵᠤᠯᠭᠠᠷᠠᠳᠠᠭ ᠰᠠᠺᠦ᠋ᠷᠠ﹀﹀᠂ ︿︿ᠴᠡᠴᠡᠭ ᠪᠤᠯ ᠰᠠᠺᠦ᠋ᠷᠠ ᠶᠢᠨ ᠮᠤᠳᠤᠨ ᠳᠤ ᠲᠡᠯᠭᠡᠷᠡᠳᠡᠭ᠂ ᠵᠠᠩᠵᠤᠨ ᠪᠤᠯ ᠰᠠᠮᠦ᠋ᠷᠢ ᠶᠢᠨ ᠭᠡᠷ ᠲᠤ ᠲᠦᠷᠤᠳᠡᠭ﹀﹀᠂ ︿︿ᠰᠠᠺᠦᠷᠠ ᠵᠤᠯᠭᠠᠷᠠᠳᠠᠭ᠂ ᠬᠦᠮᠤᠨ ᠰᠠᠯᠤᠯᠴᠠᠳᠠᠭ﹀﹀ ᠭᠡᠵᠤ ︿︿ᠴᠡᠴᠡᠭ ᠲᠤᠷ ᠵᠠᠭᠤᠨ ᠡᠳᠤᠷ ᠤᠨ ᠤᠯᠠᠭᠠᠨ ᠦᠭᠡᠢ﹀﹀ ᠬᠡᠮᠡᠨ ᠬᠠᠷᠠᠮᠰᠠᠨ ᠰᠢᠯᠦᠭᠯᠡᠳᠡᠭ᠃      ᠶᠠᠫᠤᠨ ᠬᠦᠮᠤᠰ ᠰᠠᠺᠦ᠋ᠷᠠ ᠴᠡᠴᠡᠭ ᠢᠶᠠᠷ ᠢᠳᠡᠭᠡᠨ ᠤ ᠲᠡᠭᠡᠵᠢ ᠪᠤᠯᠭᠠᠨ ᠬᠡᠷᠡᠭᠯᠡᠵᠦ᠂ ᠨᠢᠳᠤ ᠬᠤᠵᠢᠷᠯᠠᠵᠤ ᠰᠡᠤᠡᠬᠢᠯ ᠪᠠᠶᠠᠰᠬᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠰᠠᠺᠦ᠋ᠷᠠ ᠴᠡᠴᠡᠭ ᠤᠨ ᠠᠩᠭᠢᠯᠤᠮ᠎ᠠ ᠦᠨᠤᠷ ᠢ ᠠᠰᠢᠬᠯᠠᠨ ᠤᠰᠤᠨ ᠤᠡᠭᠭᠤᠴᠠ ᠱᠠᠯᠠ ᠳᠠᠭᠠᠨ ᠬᠢᠬᠦ᠂ ᠪᠡᠶ᠎ᠡ ᠤᠬᠢᠶᠠᠬᠤ ᠭᠠᠵᠠᠷ᠂ ᠠᠷᠢᠬᠢ᠂ ᠴᠠᠢ᠂ ᠵᠠᠰᠠᠯ ᠭᠤᠶᠤᠯᠠᠯ ᠤᠨ ᠡᠳ᠋ ᠲᠤ ᠦᠷᠭᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠨ᠎ᠠ᠃      ᠰᠠᠺᠦ᠋ᠷᠠ ᠴᠡᠴᠡᠭ ᠭᠤᠶᠤ ᠠᠴᠠ ᠭᠤᠶᠤ᠃      ᠰᠠᠺᠦ᠋ᠷᠠ ᠴᠡᠴᠡᠭ ᠬᠤᠷᠤᠮᠬᠠᠨ ᠵᠠᠭᠤᠷ᠎ᠠ ᠶᠢᠨ ᠬᠤᠭᠤᠷᠤᠡᠳᠤ ᠲᠡᠯᠭᠡᠷᠡᠵᠤ᠂      ᠬᠤᠷᠤᠮᠬᠠᠨ ᠵᠠᠭᠤᠷ᠎ᠠ ᠶᠢᠨ ᠬᠤᠭᠤᠷᠤᠡᠳᠤ ᠵᠤᠯᠭᠠᠷᠠᠳᠠᠭ ᠨᠢ ᠲᠠᠩᠴᠤ ᠬᠠᠷᠠᠮᠰᠠᠯᠳᠠᠢ᠃      ᠲᠦᠷᠪᠠ᠂ ᠤᠷᠳᠤ ᠨᠠᠰᠤᠳᠠᠨ ᠤ ᠲᠤᠰᠬᠤᠨ      ᠡᠮᠤᠨ᠎ᠠ ᠬᠡᠳᠤᠨ ᠵᠢᠯ ᠭᠤᠸᠡᠩᠰᠢ ᠮᠤᠵᠢ ᠶᠢᠨ ᠪᠠ ᠮᠠ ᠤᠷᠳᠤ ᠨᠠᠰᠤᠳᠠᠨ ᠤ ᠲᠤᠰᠬᠤᠨ ᠳᠤ ᠬᠦᠷᠴᠤ ᠦᠡᠭᠭᠡᠷᠡᠭᠰᠡᠨ ᠪᠢᠯᠨ᠃ ᠡᠨᠡ ᠤᠳᠠᠭ᠎ᠠ ᠶᠠᠫᠤᠨ ᠤ ᠤᠷᠳᠤ ᠨᠠᠰᠤᠳᠠᠨ ᠤ ᠲᠤᠰᠬᠤᠨ ᠳᠤ ᠬᠦᠷᠴᠤ ᠰᠤᠨᠢᠷᠬᠠᠨ ᠲᠤᠭᠤᠷᠢᠪᠠ᠃ ᠲᠤᠰ ᠲᠤᠰᠬᠤᠨ ᠤ ᠬᠦᠮᠤᠰ ᠲᠡᠭᠰᠢᠤᠡᠬᠡᠭᠡᠤᠨ ᠪᠦᠷ ᠵᠠᠭᠤᠨ ᠨᠠᠰᠤ ᠲᠠᠪᠠᠵᠤ ᠪᠠᠶᠢᠨ᠎ᠠ ᠭᠡᠵᠤ ᠲᠠᠨᠢᠯᠴᠠᠭᠤᠯᠵᠤ ᠪᠠᠶᠢᠪᠠ᠃      ᠤᠷᠳᠤ ᠨᠠᠰᠤᠳᠠᠨ ᠤ ᠲᠤᠰᠬᠤᠨ ᠨᠢ ᠠᠭᠤᠯᠠ ᠶᠢ ᠲᠦᠰᠢᠨ ᠪᠠᠶᠢᠷᠢᠰᠢᠵᠤ᠂ ᠲᠤᠰᠬᠤᠨ ᠤ ᠲᠤᠮᠳᠠᠭᠤᠷ ᠲᠤᠩᠭᠠᠯᠠᠭ ᠤᠷᠤᠰᠬᠠᠯᠳᠤ ᠭᠤᠤᠯ ᠮᠤᠷᠤᠯᠵᠠᠨ ᠤᠷᠤᠰᠤᠨ᠎ᠠ᠃ ᠭᠤᠤᠯ ᠤᠨ ᠤᠰᠤᠨ ᠳᠤ ᠬᠡᠳᠤᠨ ᠵᠢᠩ ᠤᠨ ᠪᠦᠳᠤᠭᠦᠨ ᠵᠢᠭᠠᠰᠤ ᠰᠦᠷᠤᠭ᠍ᠯᠡᠨ ᠱᠤᠩᠪᠡᠨ᠎ᠡ᠃ ᠶᠠᠫᠤᠨ ᠬᠦᠮᠤᠰ ᠭᠤᠤᠯ ᠭᠤᠷᠤᠬ᠎ᠠ᠂ ᠲᠤᠨᠤᠮᠠᠯ ᠨᠠᠭᠤᠷ ᠤᠨ ᠵᠢᠭᠠᠰᠤ ᠵᠢᠷᠭᠠᠬᠠᠢ ᠬᠡᠵᠢᠶᠡᠳᠡ ᠢᠳᠡᠬᠦ ᠦᠭᠡᠢ᠃ ᠭᠦᠨ ᠲᠠᠯᠠᠢ ᠶᠢᠨ ᠵᠢᠭᠠᠰᠤ ᠦᠨᠤᠷ ᠠᠮᠳᠠ ᠲᠠᠢ ᠪᠦᠭᠡᠤᠨ ᠰᠢᠮ᠎ᠡ ᠲᠠᠵᠢᠭᠡᠯ ᠦᠡᠳᠤᠷ ᠪᠤᠯᠬᠤᠷ ᠭᠠᠭᠴᠠᠬᠦ ᠭᠦᠨ ᠲᠠᠯᠠᠢ ᠶᠢᠨ ᠵᠢᠭᠠᠰᠤ ᠵᠢᠷᠭᠠᠬᠠᠢ ᠶᠢ ᠢᠳᠡᠳᠡᠭ᠃ ᠠᠭᠤᠯᠠᠠ ᠲᠤᠰᠬᠤᠨ ᠤ ᠪᠠᠶᠢᠷᠢᠰᠢᠯ ᠨᠢ ᠦᠯᠢᠭᠡᠷ ᠲᠡᠤᠬᠡᠨ ᠳᠤ ᠭᠠᠷᠳᠠᠭ ᠠᠷᠰᠢ ᠬᠤᠪᠢᠯᠭᠠᠨ ᠤ ᠤᠷᠤᠨ ᠮᠡᠳᠤ ᠤᠷᠴᠢᠨ ᠠᠬᠤᠢ ᠂ ᠠᠭᠤᠷ ᠠᠮᠢᠰᠬᠤᠯ ᠬᠤᠪᠢ ᠶᠢᠨ ᠭᠠᠳᠠᠨ᠎ᠠ ᠭᠤᠶᠤ ᠰᠠᠶᠢᠬᠠᠨ ᠪᠠᠶᠢᠯᠤᠭ᠎ᠠ᠃      ᠮᠠᠨᠤᠰ ᠲᠤᠰᠬᠤᠨ ᠤ ᠲᠤᠮᠳᠠ ᠤᠷᠬᠢᠯᠤᠨ ᠤᠷᠤᠰᠬᠤ ᠪᠠᠶᠢᠭᠠᠯᠢ ᠶᠢᠨ ᠤᠷᠳᠤ ᠨᠠᠰᠤᠯᠠᠬᠤ ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠤᠰᠤ ᠶᠢ ᠬᠦᠮᠤᠨ ᠪᠦᠬᠦᠨ ᠭᠤᠷᠪᠠᠨ ᠠᠶᠠᠭ᠎ᠠ ᠤᠤᠭᠤᠵᠤ᠂ ᠤᠷᠳᠤ ᠨᠠᠰᠤᠯᠠᠨ ᠤᠳᠠᠭᠠᠨ ᠵᠢᠷᠭᠠᠬᠤ ᠬᠦᠰᠡᠯ ᠢᠶᠠᠨ ᠢᠯᠡᠤᠡᠬᠡᠪᠡ᠃      ᠡᠨᠡ ᠲᠤᠰᠬᠤᠨ ᠤ ᠠᠷᠠᠤᠨ ᠡᠶᠢᠮᠤ ᠰᠠᠶᠢᠬᠠᠨ ᠤᠷᠴᠢᠨ ᠠᠬᠤᠢ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭ᠎ᠠ ᠪᠤᠯᠬᠤᠷ ᠵᠤᠭᠠᠴᠠᠯ ᠤᠨ ᠠᠪᠠᠭ᠋ᠠᠢ ᠶᠢᠨ ᠶᠠᠷᠢᠳᠠᠭ ᠰᠢᠭ᠋ ᠵᠠᠭᠤᠨ ᠨᠠᠰᠤᠯᠠᠬᠤ ᠨᠢ ᠶᠠᠷᠢᠶᠠᠨ ᠦᠭᠡᠢ ᠠᠵᠠᠢ᠃ ᠶᠠᠫᠤᠨ ᠬᠦᠮᠤᠰ ᠬᠡᠳᠤᠶᠢᠪᠡᠷ 60 ᠨᠠᠰᠤ ᠬᠦᠷᠤᠭᠡᠤᠨ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠳᠠᠭ ᠪᠤᠯᠪᠠᠴᠤ ᠰᠤᠯᠠ ᠰᠡᠯᠡᠭᠦᠤ ᠰᠠᠭᠤᠳᠠᠭ ᠦᠭᠡᠢ᠂ ᠦᠷᠭᠦᠯᠵᠢᠯᠡᠨ ᠤᠷᠢᠬᠳᠠᠨ ᠠᠵᠢᠯᠯᠠᠬᠤ ᠪᠤᠶᠤ ᠡᠯ᠎ᠡ ᠠᠵᠢᠯ ᠲᠦᠷᠤᠯ ᠤᠨ ᠺᠤᠮᠫᠡᠨᠢ ᠳᠤ ᠪᠡᠶ᠎ᠡ ᠳᠡᠭᠡᠨ ᠲᠤᠬᠢᠷᠠᠬᠰᠠᠨ ᠠᠵᠢᠯ ᠬᠢᠳᠡᠭ᠃ ᠲᠡᠳᠠᠨᠤᠰ 60 ᠨᠠᠰᠤ ᠶᠢ ᠰᠠᠶ᠋ᠢ ᠡᠬᠢᠯᠡᠯᠳᠠ ᠪᠠᠷ ᠦᠵᠡᠵᠤ᠂ 60 ᠨᠠᠰᠤᠨ ᠠᠴᠠ 120 ᠨᠠᠰᠤᠨ ᠤ ᠬᠤᠭᠤᠷᠤᠡᠳᠤᠬᠢ ᠨᠠᠰᠤᠨ ᠬᠤᠳᠤᠭ ᠢ ︿︿ᠲᠤᠤᠷ᠎ᠠ ᠨᠠᠰᠤᠨ ᠬᠤᠳᠤᠭ﹀﹀᠂ ︿︿ᠲᠤᠮᠳᠠ ᠨᠠᠰᠤᠨ ᠬᠤᠳᠤᠭ ﹀﹀᠂ ︿︿ᠦᠡᠳᠤᠷ ᠨᠠᠰᠤᠨ ᠬᠤᠳᠤᠭ﹀﹀ ᠭᠡᠵᠤ ᠬᠤᠪᠢᠶᠠᠵᠤ᠂ ᠲᠤᠤᠷ᠎ᠠ ᠨᠠᠰᠤᠨ ᠬᠤᠳᠤᠭ ᠲᠤ 60 -- 80 ᠨᠠᠰᠤᠨ ᠤ ᠬᠦᠮᠤᠰ ᠪᠠᠭᠳᠠᠵᠤ᠂ ᠲᠤᠮᠳᠠ ᠨᠠᠰᠤᠨ ᠬᠤᠳᠤᠭ ᠲᠤ 80-- 100 ᠨᠠᠰᠤᠨ ᠤ ᠬᠦᠮᠤᠰ ᠪᠠᠭᠳᠠᠵᠤ᠂  ᠦᠡᠳᠤᠷ ᠨᠠᠰᠤᠨ ᠬᠤᠳᠤᠭ ᠲᠤ 100--120 ᠨᠠᠰᠤᠨ ᠤ ᠬᠦᠮᠤᠰ ᠪᠠᠨᠬᠳᠠᠵᠤ ᠪᠠᠶᠢᠳᠠᠭ᠃ ᠶᠠᠫᠤᠨ ᠬᠦᠮᠤᠰ ᠤᠯᠠᠨ ᠨᠠᠶᠢᠳᠠ ᠶᠢᠨ ᠭᠠᠵᠠᠷ ᠴᠡᠪᠡᠷ ᠴᠡᠮᠴᠡᠭᠡᠷ ᠶᠠᠪᠤᠵᠤ᠂ ᠡᠳᠤᠷ ᠪᠦᠷᠢ ᠬᠤᠪᠴᠠᠰᠤ ᠪᠠᠨ ᠤᠬᠢᠶᠠᠨ ᠰᠤᠯᠢᠵᠤ᠂ ᠵᠠᠯᠠᠭᠤ ᠤᠪᠤᠷ ᠲᠠᠢ ᠶᠠᠪᠤᠵᠤ ᠪᠤᠰᠤᠤᠨ ᠬᠦᠮᠤᠰ ᠨᠠᠰᠤ ᠵᠢᠯ ᠢ ᠨᠢ ᠠᠰᠠᠭᠤᠬᠤ ᠳᠤ ᠲᠤᠷ᠎ᠠ ᠦᠭᠡᠢ᠃ ᠲᠡᠳᠡᠨᠤᠰ ᠲᠤ ᠨᠠᠰᠤ ᠵᠢᠯ᠂ ᠴᠠᠯᠢᠩ ᠬᠦᠯᠤᠰᠤ ᠨᠢ ᠬᠠᠮᠤᠭ ᠤᠨ ᠨᠢᠭᠤᠴᠠ ᠪᠠᠶᠢᠳᠠᠭ᠃      ᠶᠠᠫᠤᠨ ᠬᠦᠮᠤᠰ ᠤᠨ ᠤᠷᠳᠤ ᠨᠠᠰᠤᠯᠠᠵᠤ ᠪᠠᠶᠢᠭ᠎ᠠ ᠨᠢ ᠭᠤᠤᠯᠳᠠᠭᠤ ᠤᠯᠤᠰ ᠤᠷᠤᠨ ᠤ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ᠂ ᠡᠮ ᠡᠮᠨᠡᠯᠭᠡ ᠶᠢᠨ ᠨᠦᠭᠦᠴᠠᠯ ᠲᠡᠯᠡᠬᠡᠢ ᠶᠢᠨ ᠨᠢᠭᠡᠳᠤᠭᠡᠷ ᠲᠤ ᠵᠢᠬᠠᠰᠠᠭᠠᠵᠤ ᠪᠠᠶᠢᠬᠤ ᠲᠠᠢ ᠰᠢᠭᠤᠤᠨ ᠬᠤᠯᠪᠤᠭ᠎ᠠ ᠲᠠᠢ᠃ ᠲᠠᠷᠠᠭ᠎ᠠ ᠨᠢ ᠶᠠᠫᠤᠨ ᠤ ᠬᠦᠮᠤᠨ ᠠᠷᠠᠤᠨ ᠤᠨ ᠪᠤᠯᠪᠠᠰᠤᠷᠠᠯ ᠦᠡᠳᠤᠷ᠂ ᠪᠦᠬᠦ ᠤᠯᠤᠰ  ᠪᠠᠷ ᠢᠶᠠᠨ ᠠᠷᠢᠭᠤᠨ ᠴᠡᠪᠡᠷ᠂ ᠪᠤᠯᠪᠠᠰᠤᠨ᠃ ᠠᠮᠤ ᠪᠤᠳᠠᠭ᠎ᠠ᠂ ᠭᠤᠸᠠ ᠵᠢᠮᠢᠰ ᠤᠨ ᠵᠤᠶᠢᠯ ᠳᠤ ᠬᠢᠮᠢ ᠶᠢᠨ ᠪᠤᠷᠳᠤᠭᠤᠷ᠂ ᠡᠮ ᠬᠡᠷᠡᠭᠯᠡᠳᠡᠭ ᠦᠬᠡᠢ᠂ ᠠᠭᠠᠷ᠂ ᠤᠷᠴᠢᠨ ᠨᠢ ᠪᠤᠵᠡᠷᠳᠡᠯ ᠦᠭᠡᠢ᠂ ᠤᠷᠴᠢᠨ ᠠᠬᠤᠢ᠂ ᠠᠭᠤᠷ ᠠᠮᠢᠰᠬᠤᠯ ᠰᠠᠶᠢᠬᠠᠨ᠂ ᠭᠤᠤᠯ ᠮᠦᠷᠠᠨ ᠨᠢ ᠲᠤᠩᠭᠠᠯᠠᠭ ᠪᠠᠶᠢᠵᠤ᠂ ᠪᠠᠶᠢᠭᠠᠯᠢ ᠶᠢᠷᠳᠢᠡᠴᠤ ᠲᠠᠢ ᠪᠠᠨ ᠵᠤᠬᠢᠴᠠᠵᠤ ᠴᠤᠬᠤᠮ ᠬᠦ ᠲᠡᠭᠷᠢ ᠭᠠᠵᠠᠷ ᠬᠦᠮᠤᠨ ᠭᠤᠷᠪᠠ ᠤᠶᠠᠯᠳᠤᠨ ᠵᠤᠬᠢᠴᠠᠬᠰᠠᠨ ᠤ  ᠨᠦᠭᠦᠴᠡᠯ ᠰᠢᠯᠳᠠᠭᠠᠨ ᠠᠵᠠᠢ᠃      ᠭᠦᠨ ᠲᠠᠯᠠᠢ ᠶᠢᠨ ᠤᠰᠤ ᠲᠦᠯᠭᠡᠨ᠃      ᠨᠤᠮᠤᠬᠠᠨ ᠲᠠᠯᠠᠢ ᠨᠡᠯᠤᠶᠢᠨ ᠴᠡᠩᠬᠡᠷᠯᠠᠵᠤ᠂ ᠨᠠᠮ ᠨᠠᠮᠵᠢᠭᠤᠨ᠃      ᠶᠠᠫᠤᠨ ᠠᠷᠠᠯ ᠤᠨ ᠬᠦᠮᠤᠰ ᠴᠤ ᠨᠤᠮᠤᠬᠠᠨ ᠲᠠᠯᠠᠢ ᠪᠠᠨ ᠰᠢᠭ ᠨᠠᠮ ᠰᠡᠯᠡᠭᠦᠭᠡᠨ ᠠᠵᠤ ᠠᠮᠢᠳᠤᠷᠠᠨ᠎ᠠ᠃      ᠲᠠᠪᠤ᠂ ᠵᠤᠭᠠᠴᠠᠯ ᠤᠨ ᠠᠪᠬᠠᠢ ᠶᠢᠨ ᠶᠠᠷᠢᠬᠰᠠᠨ ᠬᠡᠳᠤᠨ ᠦᠯᠢᠭᠡᠷ      1᠂  ᠨᠤᠬᠠᠢ  ᠰᠠᠭᠠᠳᠠᠭᠤᠯᠳᠠᠭ ᠭᠡᠷ ᠪᠦᠯᠢ ᠶᠢᠨ ᠡᠬᠡᠨᠡᠷ      ᠶᠠᠫᠤᠨ ᠤᠯᠤᠰ ᠪᠦᠬᠦ ᠲᠠᠯ᠎ᠠ ᠪᠠᠷ ᠬᠦᠭᠵᠢᠵᠤ ᠲᠡᠯᠡᠬᠡᠢ ᠳᠤ ᠤᠷᠤᠶᠢᠯᠠᠵᠤ ᠪᠠᠶᠢᠭ᠎ᠠ ᠪᠤᠯᠪᠠᠴᠤ ︿︿ ᠠᠳᠤᠭᠤᠨ ᠤ ᠲᠤᠳᠤᠷ᠎ᠠ ᠠᠯᠠᠭ ᠲᠠᠢ﹀﹀ ᠭᠡᠳᠡᠭᠴᠢᠯᠡᠨ ᠪᠠᠰᠠ ᠨᠢᠭᠡ ᠬᠤᠶᠡᠷ ᠮᠠᠭᠤ ᠵᠤᠶᠢᠯ ᠨᠢ ᠴᠤ ᠲᠡᠯᠡᠬᠡᠢ ᠳᠤ ᠨᠢᠭᠡᠳᠤᠭᠡᠷ ᠲᠤ ᠵᠢᠬᠰᠠᠭᠠᠬᠳᠠᠵᠤ ᠪᠠᠶᠢᠳᠠᠭ᠃ ᠶᠠᠫᠤᠨ ᠳᠤ ᠤᠷᠤᠭ ᠰᠠᠯᠠᠬᠤ ᠨᠤᠷᠮ᠎ᠠ ᠦᠡᠳᠤᠷ ᠪᠦᠭᠡᠤᠨ ᠵᠠᠯᠠᠭᠤ ᠪᠠᠭᠠᠴᠤᠤᠨ ᠤᠨ ᠪᠡᠶ᠎ᠡ ᠪᠠᠨ ᠬᠤᠤᠷᠯᠠᠬᠤ ᠨᠤᠷᠮ᠎ᠠ ᠴᠤ ᠦᠡᠳᠤᠷ ᠪᠠᠶᠢᠳᠠᠭ᠃ ᠤᠷᠴᠢᠮ ᠤᠨ ᠠᠷᠪᠠᠨ ᠵᠢᠯ ᠠᠴᠠ ᠶᠠᠫᠤᠨ ᠤ ᠬᠦᠮᠤᠨ ᠠᠮᠠ ᠶᠢᠨ ᠲᠤᠭ᠎ᠠ ᠪᠠᠭᠤᠷᠠᠬᠤ ᠬᠠᠨᠳᠤᠰᠢ ᠲᠠᠢ ᠪᠠᠶᠢᠭ᠎ᠠ ᠨᠢ ᠶᠠᠫᠤᠨ ᠤ ᠵᠠᠯᠠᠭᠤᠴᠤᠤᠨ ᠬᠤᠷᠢᠮ ᠬᠢᠭᠰᠡᠨ ᠤ ᠲᠠᠷᠠᠭ᠎ᠠ ᠬᠡᠤᠬᠡᠤᠨ ᠠᠪᠬᠤ ᠲᠤᠷ᠎ᠡ ᠦᠭᠡᠢ ᠲᠠᠢ ᠰᠢᠭᠤᠤᠨ ᠬᠤᠯᠪᠤᠭ᠎ᠠ ᠲᠠᠢ᠃ ᠲᠠᠳᠡᠨᠤᠰ ᠤᠨ ᠬᠡᠤᠬᠡᠤᠨ ᠠᠪᠬᠤ ᠲᠤᠷ᠎ᠠ ᠦᠭᠡᠢ ᠰᠢᠯᠳᠠᠭᠠᠨ ᠨᠢ᠂ ᠡᠬᠡᠨᠡᠷ ᠨᠢ ᠵᠢᠷᠮᠤᠰᠤᠨ ᠪᠤᠯᠤᠭᠰᠠᠭᠠᠷ ᠭᠤᠸ᠎ᠠ ᠰᠠᠶᠢᠬᠠᠨ ᠬᠡᠪ ᠲᠦᠷᠬᠦ ᠨᠢ ᠬᠤᠪᠢᠷᠠᠵᠤ᠂ ᠡᠷ᠎ᠡ ᠨᠦᠬᠦᠷ ᠨᠢ ᠭᠠᠳᠠᠬᠰᠢ ᠲᠠᠨᠤᠵᠤ ᠦᠭᠡᠷ᠎ᠡ ᠭᠤᠶᠤ ᠬᠡᠤᠬᠡᠨᠴᠤᠤᠨ ᠡᠷᠢᠵᠤ ᠡᠬᠡᠨᠡᠷ ᠢᠶᠠᠨ ᠭᠤᠯᠤᠳᠠᠭ ᠠᠴᠠ ᠵᠠᠯᠠᠭᠤ ᠪᠦᠰᠡᠬᠦᠶᠢᠴᠤᠤᠨ ᠨᠢᠭᠡᠮᠤᠰᠤᠨ ᠬᠡᠤᠬᠡᠤᠨ ᠬᠦᠡᠭᠭᠡᠵᠢᠬᠦ ᠲᠤᠷ᠎ᠠ ᠦᠭᠡᠢ ᠪᠤᠯᠵᠤ ᠨᠤᠬᠠᠢ ᠲᠠᠵᠢᠭᠡᠵᠤ ᠪᠡᠶ᠎ᠡ ᠪᠠᠨ ᠰᠠᠭᠠᠳᠠᠭᠤᠯᠬᠤ ᠪᠤᠯᠵᠠᠢ᠃ ᠶᠠᠫᠤᠨ ᠤ ᠬᠤᠳᠠ ᠭᠤᠳᠤᠮᠵᠢ ᠪᠠᠷ ᠭᠤᠶᠤ ᠰᠠᠶᠢᠬᠠᠨ ᠵᠠᠯᠠᠭᠤ ᠪᠡᠷᠢᠶᠡᠤᠨ ᠨᠤᠬᠠᠢ ᠪᠠᠨ ᠲᠠᠪᠡᠷᠢᠬᠦ ᠪᠤᠶᠤ ᠬᠦᠳᠦᠯᠵᠦ ᠲᠤᠭᠤᠷᠢᠬᠤ ᠬᠠᠷᠠᠬᠳᠠᠨ᠎ᠠ᠃ ᠡᠳᠡᠭᠡᠷ ᠬᠦᠮᠤᠰ ᠪᠤᠯ ᠲᠠᠷᠤᠢ ᠬᠡᠤᠬᠡᠤᠨ ᠠᠪᠬᠤ ᠦᠭᠡᠢ᠂ ᠨᠤᠬᠠᠢ ᠰᠠᠭᠠᠳᠠᠭᠤᠯᠤᠬᠴᠢ ᠭᠡᠷ ᠪᠦᠯᠢ ᠶᠢᠨ ᠡᠬᠡᠨᠡᠷ ᠪᠤᠯᠤᠨ᠎ᠠ᠃      2᠂ ᠦᠡᠭᠭᠡᠨ ᠳᠤ ᠲᠤᠷᠡᠳᠠᠢ ᠶᠠᠫᠤᠨ ᠡᠪᠤᠭᠡᠤᠨ ᠬᠦᠭᠰᠢᠤᠨ      ᠶᠠᠫᠤᠨ ᠤᠯᠤᠰ᠂ ᠠᠵᠤ ᠠᠬᠤᠢ ᠰᠤᠶᠤᠯ ᠬᠦᠭᠵᠢᠭᠰᠡᠨ ᠪᠤᠯᠬᠤᠷ ᠦᠡᠭᠭᠡᠨ ᠤ ᠲᠤᠬᠠᠢ ᠰᠤᠶᠤᠯ ᠴᠤ ᠶᠡᠭᠡ ᠡᠷᠳᠡ ᠭᠦᠭᠵᠢᠭᠰᠡᠨ ᠪᠠᠶᠢᠯᠤᠭ᠎ᠠ᠃ ᠶᠠᠫᠤᠨ ᠤ ᠡᠷᠡᠴᠤᠤᠨ ᠦᠡᠭᠭᠡᠨ ᠳᠤ ᠲᠤᠷᠡᠳᠠᠢ ᠨᠢ ᠶᠠᠭ ᠯᠡ ᠴᠡᠴᠡᠭ ᠤᠨ ᠬᠦᠷᠢᠶᠡᠯᠡᠩ ᠳᠤ ᠦᠡᠭᠭᠢᠨᠡᠯᠳᠤᠨ ᠨᠢᠰᠤᠯᠴᠡᠬᠦ ᠪᠠᠯᠳᠤ ᠵᠦᠭᠡᠢ ᠮᠠᠳᠤ᠃      ᠡᠮᠨᠡᠯᠭᠡ ᠳᠤ ᠦᠪᠡᠷ ᠢᠶᠠᠨ ᠪᠤᠰᠴᠤ ᠲᠠᠶᠢᠯᠬᠦ ᠦᠭᠡᠢ ᠨᠢᠭᠡᠨ ᠦᠡᠳᠤᠷ ᠨᠠᠰᠤᠳᠠᠢ ᠡᠪᠡᠳᠴᠢᠳᠠᠨ ᠪᠠᠶᠢᠬᠰᠠᠨ ᠭᠡᠨ᠎ᠡ᠃ ᠨᠢᠭᠡ ᠤᠳᠠᠭ᠎ᠠ ᠬᠡᠤᠬᠡᠤᠨ ᠤᠮᠪᠤᠯᠤ ᠤᠳ ᠨᠢ᠄ ︿︿ᠭᠤᠶᠤ ᠬᠡᠤᠬᠡᠨ ᠢᠷᠡᠯ᠎ᠡ︕﹀﹀ ᠬᠡᠮᠡᠨ ᠦᠢᠮᠡᠯᠳᠤᠬᠦ  ᠳᠤ ᠦᠨᠤᠬᠢ ᠡᠪᠤᠭᠡᠨ᠄ ︿︿ᠶᠠᠮᠠᠷ ᠭᠤᠶᠤ ᠬᠡᠤᠬᠡᠨ ᠪᠤᠯᠴᠢᠬᠠᠪᠠ︖ ᠡᠪᠤᠭᠡᠨ ᠪᠢ ᠰᠠᠶᠢᠬᠠᠨ ᠦᠵᠡᠶ᠎ᠡ︕﹀﹀ ᠭᠡᠤᠨ ᠦᠪᠡᠷ ᠢᠶᠠᠨ ᠪᠤᠰᠴᠢᠬᠠᠬᠰᠠᠨ ᠭᠡᠳᠡᠭ᠃      ᠶᠠᠫᠤᠨ ᠬᠦᠮᠤᠰ ᠤᠨ ᠡᠷᠡᠴᠤᠤᠨ ᠨᠢ ᠦᠡᠭᠭᠡᠨ ᠳᠤ ᠲᠤᠷᠠᠳᠠᠢ ᠭᠡᠵᠤ ᠮᠠᠨ ᠤ ᠤᠯᠤᠰ ᠤᠨ ᠺᠢᠨᠤ᠋ ᠵᠦᠴᠤᠭᠡ᠂ ᠦᠯᠢᠭᠡᠷ ᠨᠤᠮ ᠳᠤ ᠭᠠᠷᠳᠠᠭ ᠪᠤᠯᠪᠠᠴᠤ ᠡᠳᠤᠭᠡ ᠬᠠᠷᠢᠨ ᠬᠦᠭᠰᠢᠤᠨ ᠨᠢ ᠨᠡᠩ ᠢᠯᠡᠭᠦᠤ ᠪᠤᠯᠵᠤᠬᠠᠤᠢ᠃      ᠶᠠᠫᠤᠨ ᠪᠦᠰᠡᠬᠦᠶᠢᠴᠤᠤᠨ ᠤᠨ ᠤᠯᠡᠩᠬᠢ ᠨᠢ ᠠᠯᠪᠠᠨ ᠠᠵᠢᠯ ᠳᠤ ᠤᠷᠤᠯᠴᠠᠬᠤ ᠦᠭᠡᠢ ᠡᠷ᠎ᠡ ᠨᠦᠬᠦᠷ ᠢᠶᠠᠨ ᠠᠰᠠᠷᠠᠨ ᠰᠠᠭᠤᠳᠠᠭ ᠪᠤᠯᠪᠠᠴᠤ ᠤᠷᠴᠢᠨ ᠴᠠᠭ ᠦᠶ᠎ᠡ ᠠᠴᠠ ᠬᠤᠪᠢᠷᠠᠯᠳᠠ ᠲᠠᠢ ᠪᠤᠯᠵᠤ᠂ ᠡᠪᠤᠭᠡᠨ ᠨᠢ ᠠᠵᠢᠯ ᠠᠴᠠ  ᠪᠠᠨ ᠠᠮᠠᠷᠠᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠮᠠᠬᠴᠠ ᠡᠬᠡᠨᠡᠷ ᠨᠢ ᠤᠷᠤᠭ ᠰᠠᠯᠵᠤ᠂ ᠭᠡᠷ ᠰᠠᠭᠤᠴᠠ᠂ ᠲᠤᠮᠤ ᠬᠡᠮᠵᠢᠶᠠᠨ ᠤ ᠵᠤᠭᠤᠰ ᠮᠦᠡᠭᠭᠦ ᠪᠠᠨ ᠠᠪᠴᠤ ᠡᠪᠤᠭᠡᠨ ᠪᠠᠨ ᠢᠰᠬᠦᠯᠦᠨ ᠭᠠᠷᠭᠠᠳᠠᠭ ︵ᠤᠷᠤᠭ ᠰᠠᠯᠠᠬᠤ ᠶᠢ ᠵᠢᠭᠠᠵᠤ ᠪᠤᠢ︶᠃ ᠡᠨᠡ ᠦᠶᠡᠰ ᠲᠡᠳᠡ ᠦᠳᠡᠯ᠎ᠠ ᠨᠠᠰᠤᠨ ᠳᠠᠭᠠᠨ ᠵᠠᠷᠤᠭᠠᠤᠨ ᠪᠠᠷᠠᠬᠤ ᠦᠭᠡᠢ ᠡᠳ᠋ ᠬᠦᠷᠤᠩᠭᠡ ᠲᠠᠢ ᠪᠤᠯᠬᠤᠷ ᠰᠤᠯᠠ ᠰᠡᠯᠡᠭᠦᠨ ᠠᠮᠢᠳᠤᠷᠠᠵᠤ᠂ ᠵᠠᠷᠢᠮ ᠨᠢ ᠪᠠᠰᠠ ᠭᠤᠶᠤᠯᠠᠯ ᠵᠠᠰᠠᠯ ᠤᠨ ᠭᠠᠵᠠᠷ ᠭᠢᠯᠠᠶᠢᠳᠠᠯ᠎ᠠ ᠵᠠᠰᠠᠨ ᠵᠤᠭ᠎ᠠ ᠴᠡᠩᠬᠡᠯ ᠤᠨ ᠭᠠᠵᠠᠷ ᠬᠦᠷᠴᠤ ᠪᠡᠶ᠎ᠡ ᠪᠠᠨ ᠦᠨᠡᠯᠡᠵᠤ ᠰᠠᠭᠠᠤᠭ᠎ᠠ ᠵᠠᠯᠠᠭᠤᠰ ᠯᠤᠭ᠎ᠠ ᠠᠷᠢᠬᠢ ᠲᠠᠮᠠᠬᠢ  ᠤᠤᠭᠤᠵᠤ ᠡᠳᠤᠷ ᠦᠡᠭᠭᠡᠷᠡᠭᠦᠯᠳᠡᠭ᠃      3᠂  ᠠᠶᠢᠯ ᠳᠤ ᠬᠤᠨᠤᠬᠰᠠᠨ ᠵᠤᠯᠢᠭ      ᠲᠤᠮᠳᠠᠳᠤ ᠶᠢᠨ ᠡᠷᠡᠴᠤᠤᠨ ᠭᠠᠷᠠᠭ᠂ ᠠᠷᠪᠠᠨ ᠡᠳᠤᠷ ᠪᠤᠯᠤᠭᠠᠤᠨ ᠰᠠᠶ᠋ᠢ ᠨᠢᠭᠡ ᠵᠠᠬ᠎ᠠ ᠬᠤᠪᠴᠠᠰᠤ ᠪᠠᠨ ᠰᠤᠯᠢᠵᠤ ᠤᠬᠢᠶᠠᠨ ᠴᠡᠪᠡᠷᠯᠡᠳᠡᠭ᠃ ᠶᠠᠫᠤᠨ ᠬᠦᠮᠤᠰ ᠲᠠᠶᠢᠮᠤ ᠪᠢᠰᠢ᠃ ᠶᠠᠫᠤᠨ ᠬᠦᠮᠤᠰ ᠠᠷᠢᠭᠤᠨ ᠴᠡᠪᠡᠷ ᠢ ᠤᠡᠴᠠ ᠡᠷᠬᠢᠮᠯᠠᠵᠤ᠂ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠵᠤ ᠭᠡᠷ ᠲᠡᠭᠡᠨ ᠬᠠᠷᠢᠮᠠᠬᠴᠨ ᠤᠬᠢᠶᠠᠨ ᠠᠷᠢᠯᠭᠠᠵᠤ᠂ ᠦᠷᠯᠤᠭᠡ ᠪᠦᠷᠢ ᠬᠤᠪᠴᠠᠰᠤ ᠪᠠᠨ ᠬᠠᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠬᠡᠷᠪᠡ ᠠᠯᠢ ᠨᠢᠭᠡ ᠬᠠᠮᠳᠤ ᠠᠵᠢᠯᠯᠠᠬᠰᠠᠤᠨ ᠨᠢ ᠬᠤᠪᠴᠠᠰᠤ ᠪᠠᠨ ᠬᠠᠯᠠᠬᠰᠠᠨ ᠦᠭᠡᠢ ᠪᠤᠯ᠄ ︿︿ᠡᠨᠡ ᠵᠤᠯᠢᠭ ᠬᠤᠪᠴᠠᠰᠤ ᠪᠠᠨ ᠴᠤ ᠬᠠᠯᠠᠬᠰᠠᠨ ᠦᠭᠡᠢ᠃ ᠦᠴᠤᠭᠡᠳᠤᠷ ᠰᠦᠨᠢ ᠯᠠᠪᠳᠠᠢ ᠠᠶᠢᠯ ᠲᠤᠭᠤᠷᠢᠵᠤ ᠪᠤᠰᠤᠤᠨ ᠤᠨ ᠡᠬᠡᠨᠡᠷ ᠲᠠᠢ ᠤᠡᠳᠠᠪᠠ﹀﹀ ᠬᠡᠮᠡᠨ ᠰᠢᠭᠦᠮᠵᠢᠯᠡᠳᠡᠭ ᠭᠡᠳᠡᠭ᠃      4᠂ ᠬᠡᠵᠢᠶᠡᠳᠠ ᠵᠠᠯᠠᠭᠤᠮᠰᠤᠭ ᠶᠠᠫᠤᠨ ᠬᠦᠮᠤᠰ      ᠶᠠᠫᠤᠨ ᠬᠦᠮᠤᠰ ᠬᠡᠵᠢᠶᠡᠳᠠ ᠨᠠᠰᠤ ᠵᠢᠯ᠂ ᠴᠠᠯᠢᠩ ᠬᠦᠯᠤᠰᠤ ᠪᠠᠨ ᠪᠤᠰᠤᠤᠨ ᠠᠴᠠ ᠨᠢᠭᠤᠵᠤ ᠶᠡᠪᠤᠳᠠᠭ᠃ ᠤᠯᠠᠨ ᠨᠠᠶᠢᠳᠠ ᠶᠢᠨ ᠭᠠᠵᠠᠷ᠂ ᠮᠠᠰᠢᠨ ᠲᠡᠷᠭᠡᠨ ᠲᠡᠭᠡᠷ᠎ᠡ ᠲᠡᠳᠠᠨᠤᠰ ᠮᠠᠨ ᠰᠢᠭ᠋ ᠰᠠᠭᠤᠳᠠᠯ ᠪᠤᠯᠢᠶᠠᠯᠴᠠᠬᠤ  ᠦᠭᠡᠢ᠂ ᠬᠡᠨ ᠬᠡᠷᠪᠡ ᠲᠠᠭᠦᠨ ᠳᠤ ᠨᠠᠶᠢᠷ ᠲᠠᠯᠪᠢᠵᠤ᠄ ︿︿ᠨᠠᠰᠤᠳᠠᠨ ᠲᠠ ᠰᠠᠭᠤᠭᠠᠴᠢ︕﹀﹀ ᠭᠡᠵᠤ ᠨᠠᠶᠢᠷ ᠲᠠᠯᠪᠢᠪᠠᠯ ᠲᠡᠭᠦᠨ ᠤ ᠵᠠᠯᠠᠭᠤᠮᠰᠤᠭ ᠰᠡᠤᠡᠬᠢᠯᠭᠡ ᠶᠢ ᠬᠦᠡᠳᠡᠵᠤ ᠲᠤᠩ ᠤᠴᠠᠭᠠᠷ ᠬᠦᠷᠴᠤ᠄ ︿︿ᠪᠢ ᠵᠠᠯᠠᠭᠤ ᠪᠠᠶᠢᠬᠰᠠᠭᠠᠷ᠂ ᠨᠠᠰᠤᠳᠠᠨ ᠲᠠ ᠰᠠᠭᠤᠭᠠᠴᠢ︕  ﹀﹀ ᠭᠡᠳᠡᠭ᠃      ᠬᠡᠵᠢᠶᠡᠳᠠ ᠵᠠᠯᠠᠭᠤᠮᠰᠤᠭ ᠤᠪᠤᠷ ᠲᠠᠢ ᠪᠤᠯᠬᠤᠷ ᠰᠡᠤᠡᠬᠢᠯ ᠰᠠᠨᠠᠭ᠎ᠠ ᠨᠢ ᠵᠠᠯᠠᠭᠤ ᠶᠢᠨ ᠬᠡᠪ ᠨᠠᠮᠪᠠᠭ᠎ᠠ ᠪᠠᠨ ᠬᠠᠳᠠᠭᠠᠯᠠᠵᠤ᠂ ᠴᠤᠭ ᠵᠢᠪᠬᠤᠭ᠎ᠠ ᠲᠠᠢ ᠶᠠᠪᠤᠳᠠᠭ᠃ ᠵᠠᠯᠠᠭᠤᠮᠰᠤᠭ ᠤᠪᠤᠷ ᠰᠡᠤᠡᠬᠢᠯᠭᠡ ᠨᠢ ᠶᠠᠫᠤᠨ ᠬᠦᠮᠤᠰ ᠤᠨ ᠤᠷᠳᠤ ᠨᠠᠰᠤᠯᠠᠵᠤ ᠪᠠᠶᠢᠭ᠎ᠠ ᠶᠢᠨ ᠨᠢᠭᠤᠴᠠ ᠪᠤᠯᠬᠤ ᠠᠵᠠᠢ᠃      ᠵᠤᠭᠠᠴᠠᠯ ᠤᠨ ᠠᠪᠠᠭ᠋ᠠᠢ ᠶᠢᠨ ᠶᠠᠷᠢᠬᠰᠠᠨ ᠶᠠᠫᠤᠨ ᠬᠦᠮᠤᠰ ᠤᠨ ᠲᠤᠬᠠᠢ ᠦᠯᠢᠭᠡᠷ ᠶᠠᠷᠢᠶ᠎ᠠ ᠨᠢ ᠦᠨᠠᠨ ᠴᠤ ᠪᠤᠯᠤᠭ᠂ ᠬᠤᠳᠠᠯ ᠴᠤ ᠪᠤᠯᠤᠭ᠃ ᠮᠠᠨᠤᠰ ᠶᠠᠫᠤᠨ ᠬᠦᠮᠤᠰ ᠠᠴᠠ ᠰᠤᠷᠤᠯᠴᠠᠬᠤ ᠴᠢᠬᠤᠯᠠᠳᠠᠢ ᠵᠤᠶᠢᠯ ᠤᠯᠠᠨ ᠪᠠᠶᠢᠨ᠎ᠠ ᠃ ᠲᠡᠯᠡᠬᠡᠢ ᠶᠢᠨ ᠬᠤᠶᠡᠳᠤᠭᠠᠷ ᠶᠡᠭᠡ ᠲᠠᠶᠢᠨ ᠳᠤ ᠶᠠᠫᠤᠨ ᠤᠯᠤᠰ ᠢᠯᠠᠬᠳᠠᠵᠤ᠂ ᠠᠵᠤ ᠠᠬᠤᠢ ᠨᠢ ᠲᠠᠮᠫᠤᠷᠠᠬᠰᠠᠨ ᠪᠤᠯᠪᠠᠴᠤ ᠲᠠᠳᠠᠨᠤᠰ ᠤᠬᠤᠷᠬᠠᠨ ᠬᠡᠳᠤᠨ ᠠᠷᠪᠠᠨ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ  ᠠᠵᠤ ᠠᠬᠤᠢ᠂ ᠰᠤᠶᠤᠯ ᠰᠢᠡᠵᠢᠯᠡᠬᠦ ᠤᠠᠬᠠᠭᠠᠨ ᠪᠠᠨ ᠪᠦᠬᠦ ᠲᠠᠯ᠎ᠠ ᠪᠠᠷ ᠬᠦᠭᠵᠢᠭᠦᠯᠵᠤ᠂ ᠲᠠᠯᠡᠬᠡᠢ ᠳᠤ ᠤᠷᠤᠶᠢᠯᠠᠬᠰᠠᠨ ᠨᠢ ᠬᠢᠯᠪᠡᠷ ᠪᠢᠰᠢ ᠶᠤᠮ᠃ ᠮᠠᠨᠤᠰ ᠶᠠᠫᠤᠨ ᠬᠦᠮᠤᠰ ᠤᠨ ᠡᠭᠦᠳᠤᠨ ᠪᠦᠳᠤᠭᠡᠬᠦ᠂ ᠪᠦᠯᠬᠦᠮᠳᠠᠨ ᠲᠠᠪᠰᠢᠬᠤ ᠬᠠᠮᠳᠤ ᠶᠢᠨ ᠵᠤᠷᠢᠭ ᠰᠠᠨᠠᠭ᠎ᠠ ᠶᠢ ᠰᠤᠷᠤᠯᠴᠠᠬᠤ ᠬᠡᠷᠡᠭᠳᠠᠢ᠃ ᠶᠠᠫᠤᠨ ᠬᠦᠮᠤᠰ ᠤᠨ ᠠᠵᠢᠯᠴᠢ ᠠᠷᠪᠢᠴᠢ᠂ ᠠᠷᠢᠭᠤᠨ ᠴᠡᠪᠡᠷ᠂ ᠲᠠᠷᠤᠤ ᠨᠤᠮᠤᠬᠠᠨ ᠶᠤᠰᠤ ᠮᠤᠷᠠᠯ ᠶᠢ ᠰᠤᠷᠤᠯᠴᠠᠬᠤ ᠴᠢᠬᠤᠯᠠᠳᠠᠢ᠃ ᠨᠡᠩ ᠴᠤ ᠶᠠᠫᠤᠨ ᠬᠦᠮᠤᠰ ᠤᠨ ᠬᠡᠵᠢᠶᠡᠳᠡ ᠵᠠᠯᠠᠭᠤᠮᠰᠤᠭ ᠤᠪᠤᠷ ᠢ ᠰᠤᠷᠤᠯᠴᠠᠬᠤ ᠴᠢᠬᠤᠯᠠᠳᠠᠢ ᠠᠵᠢ᠃                                                                    ᠠ᠊᠂ ᠰᠡᠴᠡᠡᠳᠤ ᠵᠤᠬᠢᠶᠠᠪᠠ ᠃
  
ᠢᠷᠡᠯᠲᠡ᠄ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠠᠮᠣᠭᠤᠯᠠᠩ ᠰᠠᠶᠢᠬᠠᠨ ᠴᠠᠭᠠᠯᠠᠵᠣ ᠪᠠᠶᠢᠡᠨᠣ︖
ᠴᠠᠭᠠᠨ ᠬᠤᠯᠣᠭᠠᠨ᠎ᠠ ᠵᠢᠯ ᠢᠶᠠᠨ ᠣᠡᠡᠳᠣᠬᠤ ᠢᠷᠣᠭᠡᠯ ᠮᠬᠠᠳᠠᠭᠠᠯ
ᠪᠣᠷᠬᠠᠨ ᠠᠪᠤ ᠮᠢᠨᠢ
ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ︵ᠠᠷᠪᠠ︶
ᠡᠬᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ︵ᠶᠢᠰᠦ︶
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05003979号