| ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠤᠨᠳᠤ ᠪᠠᠯᠭᠠᠰᠤ ᠶᠢᠨ ᠲᠦᠪ ᠪᠤᠯ ᠤᠤᠯ ᠤᠨ ᠨᠤᠶᠠᠨ ᠰᠦᠮᠡ ᠶᠢᠨ | ᠰᠠᠭᠤᠷᠢ ᠲᠡᠭᠡᠷᠡ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠪᠦᠭᠡᠳ ᠡᠳᠤᠭᠡ ᠶᠢᠨ ᠬᠤᠨᠳᠤ ᠪᠠᠯᠭᠠᠰᠤᠨ ᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ | ᠠᠵᠢᠯᠯᠠᠬᠤ ᠠᠰᠠᠷ ᠨᠢ ᠨᠤᠶᠠᠨ ᠰᠦᠮᠡ ᠶᠢᠨ ᠨᠠᠶᠠᠨ ᠵᠠᠩ ᠤᠨ ᠰᠤᠭᠴᠢᠨ ᠲᠤᠭᠠᠩ ᠤᠨ ᠲᠠᠶᠢᠵᠠᠨ ᠲᠡᠭᠡᠷᠡ | ᠪᠤᠰᠬᠠᠭᠳᠠᠭᠰᠠᠨ ᠶᠤᠮ᠃ | ᠨᠤᠶᠠᠨ ᠰᠦᠮᠡ ᠨᠢ ᠴᠢᠩ ᠭᠦᠷᠦᠨ ᠤ ᠲᠡᠭᠷᠢ ᠲᠡᠳᠬᠦᠭᠴᠢ ᠶᠢᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠤᠨ ︵1746︶ | ᠳᠤ ᠠᠷᠤ ᠬᠤᠷᠴᠢᠨ ᠤ ᠲᠤᠯᠤᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠪᠡᠶᠢᠯᠡ ᠲᠠᠭᠳᠠᠨᠸᠠᠩᠴᠤᠭ ᠨᠤᠶᠠᠨ ᠬᠤᠰᠢᠭᠤᠨ ᠶᠠᠮᠤᠨ | ᠪᠠᠶᠢᠭᠤᠯᠤᠭᠰᠠᠨ ᠭᠠᠵᠠᠷ ᠤᠨ ᠬᠠᠵᠠᠭᠤ ᠳᠤ ᠰᠦᠮᠡ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠬᠦᠮᠤᠰ ᠨᠤᠶᠠᠨ ᠰᠦᠮᠡ ᠬᠡᠮᠡᠵᠤ | ᠪᠠᠶᠢᠭᠰᠠᠨ ᠢᠶᠠᠨ 1755 ᠤᠨ ᠳᠤ ᠡᠵᠡᠨ ᠵᠤᠷᠭᠠᠨ ᠠᠴᠠ ︽ᠪᠠᠶᠠᠰᠬᠤᠯᠠᠩ ᠴᠤᠭᠯᠠᠭᠤᠯᠤᠭᠴᠢ ᠬᠡᠶᠢᠳ︾ ᠭᠡᠰᠡᠨ | ᠢᠯᠡᠷᠬᠡᠶᠢᠯᠡᠯ ᠤᠯᠭᠤᠭᠰᠠᠨ ᠶᠤᠮ᠃ ᠨᠤᠶᠠᠨ ᠰᠦᠮᠡ ᠶᠢᠨ ᠨᠠᠶᠠᠨ ᠵᠠᠩ ᠶᠡᠭᠡ ᠲᠤᠭᠠᠩ ᠤᠨ ᠤᠷᠤᠢ ᠲᠡᠭᠡᠷᠡ | ᠲᠠᠪᠬᠤᠷᠯᠢᠭ ᠲᠠᠩᠬᠢᠮ ᠲᠠᠢ ᠪᠦᠭᠡᠳ ᠬᠤᠶᠠᠷ ᠮᠤᠩᠭᠤᠯ ᠭᠡᠷ ᠤᠨ ᠰᠠᠭᠤᠷᠢ ᠲᠠᠢ ᠲᠠᠩᠭᠢᠮ ᠤᠨ ᠭᠤᠤᠯ ᠤᠷᠤᠢ | ᠲᠡᠭᠡᠷᠡᠬᠢ ᠠᠯᠳᠠᠨ ᠭᠠᠨᠵᠢᠷᠠ ᠨᠢ ᠠᠷᠪᠠᠨ ᠬᠡᠳᠤᠨ ᠭᠠᠵᠠᠷ ᠤᠨ ᠠᠯᠤᠰ ᠠᠴᠠ ᠠᠯᠳᠠᠨ ᠨᠠᠷᠠᠨ ᠤ ᠭᠡᠷᠡᠯ ᠳᠤ | ᠬᠢᠯᠠᠯᠵᠠᠨ ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ᠃ 1958 ᠤᠨ ᠳᠤ ᠠᠷᠠᠳ ᠤᠨ ᠨᠢᠭᠡᠳᠦᠯ ᠪᠠᠶᠢᠭᠤᠯᠤᠭᠳᠠᠵᠤ᠂ 1959 ᠤᠨ | ᠳᠤ ᠨᠢᠭᠡᠳᠤᠯ ᠤᠨ ᠠᠯᠪᠠᠨ ᠭᠡᠷ ᠢ ᠪᠠᠷᠢᠬᠤ ᠶᠢᠨ ᠲᠦᠯᠦᠭᠡ ᠡᠯᠡ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠠᠷᠢᠭᠠᠳᠠ ᠠᠴᠠ | ᠬᠦᠳᠡᠯᠮᠤᠷᠢ ᠬᠦᠴᠦ ᠲᠠᠳᠠᠵᠤ᠂ ᠲᠤᠰ ᠨᠠᠶᠠᠨ ᠵᠠᠩ ᠤᠨ ᠲᠤᠭᠠᠩ ᠢ ᠶᠡᠭᠦᠯᠡᠵᠤ᠂ ᠶᠡᠭᠡ ᠲᠤᠭᠠᠩ ᠤᠨ ᠴᠢᠯᠠᠭᠤᠨ | ᠶᠡᠨᠳᠡᠷ ᠲᠠᠢ ᠲᠠᠶᠢᠵᠠᠨ ᠲᠡᠭᠡᠷᠡ ᠬᠤᠶᠠᠷ ᠮᠦᠷ ᠤᠨ ᠶᠢᠰᠦ ᠶᠢᠰᠦᠨ ᠲᠠᠰᠤᠯᠭᠠ ᠲᠠᠢ ᠮᠦᠭᠡᠷᠦᠨ ᠰᠠᠷᠠᠪᠴᠢ ᠲᠠᠢ | ᠠᠵᠢᠯᠯᠠᠬᠤ ᠭᠡᠷ ᠢ ᠪᠠᠷᠢᠭᠰᠠᠨ ᠪᠠᠶᠢᠨᠠ᠃ | ᠡᠨᠡ ᠬᠦ ᠠᠯᠪᠠᠨ ᠭᠡᠷ ᠢ ᠪᠠᠷᠢᠬᠤ ᠳᠤ ᠤᠤᠯ ᠲᠤᠭᠠᠩ ᠤᠨ ᠵᠡᠭᠦᠨ ᠪᠠᠷᠠᠭᠤᠨ ᠬᠠᠶᠠᠭᠠ ᠪᠠ ᠬᠤᠶᠢᠳᠤ | ᠬᠠᠶᠠᠭᠠ ᠶᠢ ᠠᠰᠢᠭᠯᠠᠵᠤ᠂ ᠤᠤᠯ ᠤᠨ ᠬᠤᠨᠳᠤ ᠨᠢᠭᠡᠳᠤᠯ ᠤᠨ ᠶᠤᠤ ᠵᠢᠶᠠ ᠳ᠋ᠤᠸᠠᠨ ᠲᠤᠰᠬᠤᠨ ᠤ ᠶᠠᠨ ᠤᠪᠤᠭᠳᠤ | ᠪᠠᠷᠢᠯᠭᠠᠴᠢᠨ ᠨᠠᠷ ᠢᠶᠠᠷ ᠪᠠᠷᠢᠭᠤᠯᠵᠠᠢ᠃ ᠡᠳᠡᠭᠡᠷ ᠬᠤᠶᠠᠷ ᠮᠦᠷ ᠠᠯᠪᠠᠨ ᠭᠡᠷ ᠨᠢ ᠶᠠᠭ ᠰᠦᠮᠡ ᠶᠢᠨ ᠤᠤᠯ ᠲᠠᠶᠢᠵᠠᠨ | ᠲᠡᠭᠡᠷᠡ ᠪᠠᠷᠢᠭᠰᠠᠨ ᠠᠴᠠ ᠤᠤᠯ ᠤᠨ ᠰᠦᠮᠡ ᠶᠢᠨ ᠡᠭᠦᠳᠡᠨ ᠤ ᠬᠤᠶᠠᠷ ᠲᠠᠯᠠ ᠳᠤ ᠪᠠᠶᠢᠭᠰᠠᠨ ᠬᠤᠶᠠᠷ ᠴᠢᠯᠠᠭᠤᠨ | ᠠᠷᠰᠯᠠᠨ ᠤᠤᠯ ᠤᠷᠤᠨ ᠳᠠᠭᠠᠨ ᠪᠠᠶᠢᠭᠰᠠᠭᠠᠷ ᠪᠠᠶᠢᠯᠠ᠃ ᠲᠤᠤᠷᠠ ᠲᠠᠯᠠ ᠶᠢᠨ ᠵᠡᠷᠭᠡᠴᠡᠭᠡ ᠤᠷᠭᠤᠭᠰᠠᠨ ᠬᠤᠶᠠᠷ | ᠲᠤᠮᠤ ᠬᠠᠶᠢᠯᠠᠰᠤᠨ ᠮᠤᠳᠤᠨ ᠤ ᠬᠠᠵᠠᠭᠤ ᠳᠤ ᠪᠠᠰᠠ ᠬᠤᠶᠠᠷ ᠴᠢᠯᠠᠭᠤᠨ ᠬᠦᠯᠢᠰ ︵ᠰᠢᠶᠠᠩᠯᠤ︶ ᠲᠠᠢ᠃ ᠡᠨᠡ | ᠬᠤᠶᠠᠷ ᠴᠢᠯᠠᠭᠤᠨ ᠠᠷᠰᠯᠠᠨ ᠢ ᠬᠤᠶᠠᠷ ᠵᠠᠭᠤ ᠢᠯᠡᠭᠦᠤ ᠵᠢᠯ ᠤᠨ ᠡᠮᠤᠨᠡ ᠤᠷᠠᠯᠠᠨ ᠪᠦᠳᠦᠭᠡᠭᠰᠡᠨ ᠶᠤᠮ ᠪᠠᠶᠢᠨᠠ᠃ | ᠲᠡᠭᠦᠨ ᠤ ᠤᠷᠠᠨ ᠨᠠᠷᠢᠯᠢᠭ ᠰᠡᠶᠢᠯᠪᠤᠷᠢ᠂ ᠭᠤᠴᠤ ᠰᠠᠶᠢᠬᠠᠨ ᠬᠡᠪ ᠶᠠᠩᠵᠤ ᠨᠢ ᠡᠪᠤᠭᠡᠨ ᠮᠢᠨᠤ ᠦᠵᠡᠭᠰᠡᠨ ᠠᠯᠢ ᠴᠦ | ᠰᠦᠮᠡ ᠶᠢᠨ ᠡᠮᠤᠨᠡᠭᠢ ᠴᠢᠯᠠᠭᠤᠨ ᠠᠷᠰᠯᠠᠨ ᠨᠤᠭᠤᠳ ᠠᠴᠠ ᠭᠤᠶᠤ ᠪᠠᠶᠢᠳᠠᠭ᠃ | 1965 ᠤᠨ ᠳᠤ ᠪᠦᠬᠦ ᠬᠤᠰᠢᠭᠤᠨ ᠤ ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠤᠳᠠᠭᠠᠨ ᠤ ᠮᠠᠯᠵᠢᠬᠤ ᠨᠠᠶᠢᠷ ᠠᠴᠠ | ᠡᠮᠤᠨᠡ ᠬᠤᠨᠳᠤ ᠨᠢᠭᠡᠳᠤᠯ ᠤᠨ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠱᠦᠵᠢ ᠪᠠᠶᠢᠭᠰᠠᠨ ᠯᠾᠠᠮᠠᠵᠠᠪ ᠲᠤᠰ ᠬᠤᠶᠠᠷ ᠠᠷᠰᠯᠠᠨ ᠢ | ᠤᠯᠠᠭᠠᠨ ᠨᠤᠭᠤᠭᠠᠨ ᠰᠢᠷ ᠪᠤᠳᠤᠭ ᠢᠶᠠᠷ ᠨᠡᠩ ᠭᠤᠶᠤᠮᠰᠤᠭ ᠪᠤᠯᠭᠠᠭᠰᠠᠨ ᠶᠤᠮ᠃ ᠭᠡᠳᠡᠯᠡ ᠭᠠᠢ ᠭᠠᠵᠠᠷ ᠲᠤᠤᠷᠠ | ᠠᠴᠠ ᠭᠡᠳᠡᠭᠴᠢᠯᠡᠨ 1966 ᠤᠨ ᠳᠤ ᠡᠬᠢᠯᠡᠭᠰᠡᠨ ᠦᠭᠡᠶᠢᠭᠦᠤ ᠠᠩᠭᠢ ᠶᠢᠨ ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ | ᠲᠤᠮᠳᠠ ᠯᠠ᠊ ᠱᠦᠵᠢ ᠬᠦᠷᠦᠩᠭᠡᠳᠤ ᠶᠤᠰᠤᠨ ᠤ ᠵᠠᠮ ᠢᠶᠠᠷ ᠶᠠᠪᠤᠭᠴᠢ ᠡᠷᠭᠡ ᠪᠠᠷᠢᠭᠴᠢ ᠪᠠᠷ ᠪᠤᠷᠤᠭᠤᠰᠢᠶᠠᠨ | ᠰᠢᠭᠦᠮᠵᠢᠯᠡᠭᠳᠡᠬᠦ ᠳᠤ ᠲᠤᠰ ᠠᠷᠰᠯᠠᠨ ᠢ ᠰᠢᠷᠳᠡᠭᠰᠡᠨ ᠨᠢ ᠪᠠᠰᠠ ᠨᠢᠭᠡᠨ ᠵᠤᠷᠪᠤᠰ ᠶᠠᠯᠠ ᠪᠤᠯᠵᠤ ᠪᠠᠶᠢᠭᠰᠠᠨ ᠶᠤᠮ᠃ | ᠪᠢ 1957 ᠤᠨ ᠠᠴᠠ ᠨᠤᠶᠠᠨ ᠰᠦᠮᠡ ᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠵᠤ ᠪᠢᠴᠢᠭ ᠦᠵᠡᠭᠡᠳ ᠬᠤᠵᠢᠮ ᠨᠢ | ᠠᠵᠢᠯ ᠳᠤ ᠤᠷᠤᠭᠰᠠᠨ ᠤ ᠲᠠᠷᠠᠭᠠ ᠮᠦᠨ ᠯᠠ ᠨᠤᠶᠠᠨ ᠰᠦᠮᠡ ᠲᠡᠭᠡᠷᠡ ᠬᠤᠨᠳᠤ ᠨᠢᠭᠡᠳᠤᠯ᠂ ᠬᠤᠨᠳᠤ ᠪᠠᠯᠭᠠᠰᠤᠨ | ᠳᠤ ᠺᠠᠳ᠋ᠷ ᠢᠶᠠᠷ ᠬᠤᠷᠢᠨ ᠬᠡᠳᠤᠨ ᠵᠢᠯ ᠠᠵᠢᠯᠯᠠᠵᠤ᠂1994 ᠤᠨ ᠳᠤ ᠬᠤᠰᠢᠭᠤᠨ ᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ | ᠠᠬᠤᠢ ᠶᠢᠨ ᠮᠠᠰᠢᠨᠴᠢᠯᠠᠯᠳᠠ ᠶᠢᠨ ᠲᠤᠪᠴᠢᠶᠠ ᠳᠤ ᠠᠵᠢᠯ ᠰᠢᠯᠵᠢᠳᠡᠯᠡ ᠨᠤᠶᠠᠨ ᠰᠦᠮᠡ ᠶᠢᠨ ᠬᠠᠭᠤᠴᠢ ᠦᠯᠡᠳᠡᠭᠳᠡᠯ | ᠪᠤᠯᠬᠤ ᠬᠤᠶᠠᠷ ᠴᠢᠯᠠᠭᠤᠨ ᠠᠷᠰᠯᠠᠨ ᠨᠢ ᠤᠤᠯ ᠬᠡᠪ ᠢᠶᠠᠷ ᠢᠶᠠᠨ ᠰᠦᠮᠡ ᠶᠢᠨ ᠰᠠᠭᠤᠷᠢ ᠪᠠᠨ ᠰᠠᠬᠢᠵᠤ ᠪᠠᠶᠢᠭᠰᠠᠨ | ᠢᠶᠠᠨ ᠨᠢᠭᠡ ᠮᠡᠳᠡᠬᠦ ᠳᠤ ᠤᠷᠤ ᠲᠠᠰᠤ ᠪᠦᠷᠢᠯᠪᠡ᠃ ᠬᠤᠶᠠᠷ ᠵᠠᠭᠤ ᠨᠠᠶᠠᠭᠠᠳ ᠵᠢᠯ ᠤᠨ ᠲᠡᠤᠬᠡ ᠲᠠᠢ ᠬᠤᠶᠠᠷ | ᠴᠢᠯᠠᠭᠤᠨ ᠠᠷᠰᠯᠠᠨ ᠮᠢᠨᠢ ᠲᠡᠭᠡᠭᠡᠳ ᠬᠠᠮᠢᠭᠠᠰᠢ ᠤᠳᠤᠭᠰᠠᠨ ᠪᠤᠢ︖ ᠪᠢᠳᠡ ᠨᠠᠮ ᠤᠨ ᠦᠨᠳᠤᠰᠤᠳᠡᠨ ᠤ ᠲᠦᠷᠦ | ᠶᠢᠨ ᠪᠤᠳᠤᠯᠭᠠ ᠶᠢᠨ ᠲᠤᠶᠠᠭᠠᠯᠠᠯ ᠲᠤᠤᠷᠠ ᠦᠨᠳᠤᠰᠤᠳᠡᠨ ᠤ ᠦᠪ ᠰᠤᠶᠤᠯ ᠢᠶᠠᠨ ᠲᠡᠭᠡᠳᠤᠯᠡᠵᠤ᠂ ᠤᠯᠠᠮᠵᠢᠯᠠᠵᠤ᠂ | ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠵᠤ ᠪᠠᠶᠢᠭᠠ ᠡᠨᠡ ᠡᠷᠡᠨ ᠳᠤ ᠲᠡᠤᠬᠡ ᠶᠢᠨ ᠲᠤᠷᠠᠰᠬᠠᠯᠳᠤ ᠵᠦᠢᠯᠡᠰ ᠢᠶᠠᠨ ᠦᠭᠡᠶᠢᠯᠡᠬᠦ ᠦᠭᠡᠢ | ᠪᠠᠶᠢᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ | ᠨᠤᠶᠠᠨ ᠰᠦᠮᠡ ᠠᠴᠠ ᠪᠠᠷᠠᠭᠤᠨ ᠡᠮᠤᠨᠡ ᠪᠠᠷᠤᠭ ᠬᠤᠶᠠᠷ ᠺᠢᠯᠤᠮᠧᠲᠷ ︵1500 — 2000 ᠮᠧᠲᠷ︶ | ᠤᠨ ᠵᠠᠢ ᠲᠠᠢ ᠭᠠᠵᠠᠷ ᠲᠤ ᠬᠤᠨᠳᠤ ᠪᠠᠯᠭᠠᠰᠤᠨ ᠠᠴᠠ ᠪᠠᠶᠠᠨᠬᠤᠯᠪᠤᠭᠠ ᠳᠤ ᠶᠠᠪᠤᠬᠤ ᠵᠠᠮ ᠤᠨ ᠠᠷᠤ ᠲᠠᠯᠠ ᠳᠤ ᠨᠢᠭᠡ | ᠪᠤᠮᠪᠤᠭᠤᠷ ᠬᠤᠸᠠ ᠪᠠᠶᠢᠳᠠᠭ ᠢ ᠠᠷᠰᠯᠠᠨᠳᠤ ᠬᠤᠸᠠ ᠭᠡᠵᠤ ᠨᠡᠷᠡᠯᠡᠳᠡᠭ ᠨᠢ ᠤᠷᠤᠢ ᠲᠡᠭᠡᠷᠡ ᠨᠢ ᠴᠢᠯᠠᠭᠤᠨ ᠠᠷᠰᠯᠠᠨ | ᠲᠠᠢ ᠪᠠᠶᠢᠭᠰᠠᠨ ᠢᠶᠠᠷ ᠨᠢ ᠨᠡᠷᠡᠯᠡᠭᠰᠡᠨ ᠪᠠᠶᠢᠬᠤ ᠶᠤᠮ᠃ ᠭᠡᠳᠡᠯᠡ ᠡᠨᠡ ᠴᠢᠯᠠᠭᠤᠨ ᠠᠷᠰᠯᠠᠨ ᠨᠢ ᠪᠠᠰᠠ ᠪᠦᠷᠢᠯᠦᠭᠰᠡᠨ | ᠪᠠᠶᠢᠨᠠ᠃ ᠡᠨᠡ ᠬᠦ ᠠᠷᠰᠯᠠᠨᠳᠤ ᠬᠤᠸᠠ ᠶᠢᠨ ᠬᠠᠪᠢ ᠪᠠᠷ ᠡᠷᠳᠡᠨ ᠤ ᠠᠪᠤᠷᠭᠤ ᠲᠤᠮᠤ ᠱᠦᠩᠯᠦᠩ ᠮᠤᠳᠤ ᠪᠠᠶᠢᠵᠤ᠂ | ᠤᠳᠤ ᠪᠤᠯᠳᠠᠯᠠ ᠨᠠᠢᠮᠠ ᠶᠢᠰᠦᠨ ᠰᠠᠭᠤᠷᠢ ᠦᠯᠡᠳᠡᠭᠡᠳ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠠᠷᠤ ᠬᠤᠷᠴᠢᠨ | ᠬᠤᠰᠢᠭᠤᠨ ᠤ ᠬᠠᠮᠤᠭ ᠠᠩᠬᠠᠨ ᠤ ᠰᠤᠷᠭᠠᠭᠤᠯᠢ ︽ᠬᠤᠨᠳᠤ ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ︾ ᠶᠢᠨ ᠬᠦᠷᠢᠶᠡᠨ ︵ᠤᠤᠯ | ᠤᠨ ᠨᠤᠶᠠᠨ ᠰᠦᠮᠡ ᠶᠢᠨ ︽ᠲᠤᠶᠢᠩᠬᠤᠷ ᠰᠠᠩ︾ ᠤᠨ ᠬᠦᠷᠢᠶᠡᠨ ᠳᠤ︶ ᠳᠤ ᠪᠠᠰᠠ ᠨᠢᠭᠡᠨ ᠴᠢᠯᠠᠭᠤᠨ ᠠᠷᠰᠯᠠᠨ | ᠪᠠᠶᠢᠵᠤ᠂ ᠡᠨᠡ ᠬᠦ ᠴᠢᠯᠠᠭᠤᠨ ᠠᠷᠰᠯᠠᠨ ᠢ ᠤᠷᠴᠢᠨ ᠦᠶᠡ ᠶᠢᠨ ᠬᠤᠨᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠳᠤᠨ | ᠦᠶᠡ ᠶᠢᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠠᠯᠪᠠᠨ ᠭᠡᠷ ᠤᠨ ᠢᠶᠠᠨ ᠡᠮᠤᠨᠡ ᠪᠤᠶᠤ ᠲᠤᠭ ᠮᠠᠨᠳᠤᠭᠤᠯᠬᠤ ᠲᠠᠶᠢᠵᠠᠨ ᠤ ᠬᠠᠵᠠᠭᠤ | ᠳᠤ ᠲᠠᠯᠪᠢᠵᠤ ᠬᠠᠮᠠᠭᠠᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠨ 2003 ᠤᠨ ᠳᠤ ᠰᠤᠷᠭᠠᠭᠤᠯᠢ ᠶᠢ ᠨᠡᠶᠢᠯᠡᠭᠦᠯᠬᠦ ᠠᠴᠠ ᠡᠮᠤᠨᠡᠭᠡᠨ ︵ | 2000 ᠤᠨ ᠤ ᠪᠠᠷᠤᠭ ᠢᠶᠠᠷ︶ ᠭᠡᠭᠡᠵᠤ ᠤᠷᠭᠢᠭᠰᠠᠨ ᠪᠠᠶᠢᠨᠠ᠃ | 2016 ᠤᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠳᠤ ᠡᠪᠤᠭᠡᠨ ᠪᠢ ᠴᠢᠪᠠᠭᠠ ᠪᠠᠯᠭᠠᠰᠤᠨ ᠤ ᠬᠠᠭᠤᠴᠢᠨ ᠬᠤᠳᠠ ᠶᠢᠨ | ᠱᠧᠩ ᠯᠢ ᠵᠡᠭᠡᠯᠢ ᠶᠢᠨ 35 ᠳ᠋ᠤᠭᠠᠷ ᠨᠤᠮᠧᠷᠳᠤ ᠬᠤᠶᠢᠰᠢ ᠬᠠᠨᠳᠤᠭᠰᠠᠨ ᠬᠠᠭᠠᠯᠭᠠ ᠲᠠᠢ ᠠᠶᠢᠯ ᠤᠨ ᠬᠦᠷᠢᠶᠡᠨ ᠳᠤ | ᠲᠤᠰ ᠴᠢᠯᠠᠭᠤᠨ ᠠᠷᠰᠯᠠᠨ ᠪᠠᠶᠢᠭᠰᠠᠨ ᠢ ᠤᠯᠵᠤ ᠦᠵᠡᠯᠡ᠃ ᠲᠡᠭᠡᠭᠡᠳ ᠪᠢ ᠭᠠᠭᠴᠠᠭᠠᠷ ᠦᠵᠡᠭᠰᠡᠨ ᠠᠴᠠ ᠪᠤᠰᠤᠳ | ᠲᠠᠢ ᠦᠵᠡᠪᠡᠯ ᠲᠡᠭᠡᠷᠡ ᠭᠡᠵᠤ ᠪᠤᠳᠤᠭᠠᠳ ᠦᠶᠡ ᠶᠢᠨ ᠡᠪᠤᠭᠡᠨ ᠬᠤᠨᠳᠤ ᠪᠠᠯᠭᠠᠰᠤᠨ ᠤ ᠱᠠᠩᠰᠢᠨᠪᠤᠯᠤᠩ ᠭᠠᠴᠠᠭᠠ | ᠶᠢᠨ ᠲᠤᠬᠤᠮᠳᠠᠢ ᠲᠤᠭᠤᠶᠢᠯᠠᠩ ᠤᠨ ᠰᠠᠩᠪᠤᠷᠢᠨᠴᠢᠨ ᠢ ᠲᠠᠭᠤᠳᠠᠵᠤ ᠤᠴᠢᠭᠠᠳ ᠯᠠᠪᠯᠠᠨ ᠦᠵᠡᠬᠦᠯᠡ ᠬᠤᠨᠳᠤ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠪᠠᠶᠢᠭᠰᠠᠨ ᠴᠢᠯᠠᠭᠤᠨ ᠠᠷᠰᠯᠠᠨ ᠶᠠᠭ ᠮᠦᠨ ᠃ ᠨᠢᠭᠡ ᠭᠠᠷᠠᠭ ᠤᠨ | ᠲᠠᠷᠠᠭᠠ ᠲᠠᠬᠢᠨ ᠤᠴᠢᠵᠤ ᠦᠵᠡᠬᠦ ᠳᠤ ᠲᠤᠰ ᠠᠷᠰᠯᠠᠨ ᠨᠢᠭᠡᠨᠳᠡ ᠠᠯᠠᠭᠠ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠰᠤᠨᠢᠨ ᠶᠤᠮ᠂ | ᠴᠢᠯᠠᠭᠤᠨ ᠠᠷᠰᠯᠠᠨ ᠶᠠᠭᠠᠬᠢᠵᠤ ᠠᠳᠡ ᠢᠷᠡᠭᠰᠡᠨ ᠶᠤᠮ ᠪᠤᠢ᠃ | ᠲᠡᠤᠬᠡ ᠰᠤᠶᠤᠯ ᠤᠨ ᠦᠯᠡᠳᠡᠭᠳᠡᠯ᠂ ᠢᠵᠠᠭᠤᠷ ᠰᠤᠶᠤᠯ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠨᠢ ᠮᠠᠨ ᠤ ᠲᠠᠷᠬᠠᠨ | ᠬᠠᠷᠢᠭᠤᠴᠠᠯᠭᠠ ᠶᠤᠮ᠃ ᠨᠤᠶᠠᠨ ᠰᠦᠮᠡ ᠶᠢᠨ ᠬᠤᠶᠠᠷ ᠴᠢᠯᠠᠭᠤᠨ ᠠᠷᠰᠯᠠᠨ᠂ ᠬᠤᠨᠳᠤ ᠰᠤᠷᠭᠠᠭᠤᠯᠢ ᠶᠢᠨ | ᠬᠦᠷᠢᠶᠡᠨ ᠳᠤ ᠪᠠᠶᠢᠭᠰᠠᠨ ᠲᠤᠶᠢᠩᠬᠤᠷ ᠰᠠᠩ ᠤᠨ ᠴᠢᠯᠠᠭᠤᠨ ᠠᠷᠰᠯᠠᠨ᠂ ᠵᠢᠴᠢ ᠠᠷᠰᠯᠠᠨᠳᠤ ᠬᠤᠸᠠ ᠶᠢᠨ ᠴᠢᠯᠠᠭᠤᠨ | ᠠᠷᠰᠯᠠᠨ ᠪᠤᠴᠠᠵᠤ ᠢᠷᠡᠭᠡᠳ ᠤᠤᠯ ᠤᠨ ᠤᠷᠤᠨ ᠳᠠᠭᠠᠨ ᠰᠠᠭᠠᠳᠠᠵᠤ᠂ ᠲᠡᠤᠬᠡ ᠰᠤᠶᠤᠯ ᠤᠨ ᠦᠪ ᠤᠯᠠᠮᠵᠢᠯᠠᠯ ᠢ | ᠨᠤᠲᠤᠭ ᠤᠰᠤᠨ ᠤ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠮᠡᠳᠡᠭᠦᠯᠵᠤ ᠪᠠᠶᠢᠬᠤ ᠶᠢ ᠡᠪᠤᠭᠡᠨ ᠪᠢ ᠴᠢᠩ ᠰᠡᠳᠬᠢᠯ ᠠᠴᠠ ᠪᠠᠨ | ᠬᠦᠰᠡᠨ ᠲᠠᠭᠠᠳᠬᠠᠵᠤ ᠪᠠᠶᠢᠨᠠ᠃ | ᠡᠪᠤᠭᠡᠨ ᠪᠢ ᠲᠤᠰ ᠮᠡᠳᠡᠭᠡᠯᠡᠯ ᠢ ᠪᠢᠴᠢᠭᠰᠡᠨ ᠤᠭ ᠰᠠᠨᠠᠭᠠ ᠪᠤᠯ ᠬᠤᠵᠢᠮ ᠬᠤᠶᠢᠰᠢ ᠶᠢᠨ ᠬᠡᠤᠭᠡᠳ ᠲᠡᠭᠦᠤᠨᠡᠷ | ᠲᠡᠭᠡᠨ ᠨᠤᠶᠠᠨ ᠰᠦᠮᠡ ᠳᠤ ᠤᠤᠯ ᠳᠠᠭᠠᠨ ᠡᠶᠢᠮᠤ ᠬᠡᠳᠤᠨ ᠴᠢᠯᠠᠭᠤᠨ ᠠᠷᠰᠯᠠᠨ ᠪᠠᠶᠢᠭᠰᠠᠨ ᠪᠦᠭᠡᠳ ᠨᠡᠩ ᠤᠯᠠᠨ | ᠲᠡᠤᠬᠡ ᠰᠤᠶᠤᠯ ᠤᠨ ᠲᠤᠷᠠᠰᠬᠠᠯᠳᠤ ᠵᠦᠢᠯ ᠪᠠᠶᠢᠵᠠᠢ ᠭᠡᠰᠡᠨ ᠢ ᠮᠡᠳᠡᠭᠦᠯᠬᠦ ᠭᠡᠰᠡᠨ ᠶᠤᠮ᠃ ᠦᠵᠡᠭᠦ ᠮᠡᠷᠭᠡᠳ | ᠰᠢᠭᠦᠮᠵᠢᠯᠡᠯᠳᠡᠢ ᠪᠠᠷ ᠬᠦᠯᠢᠶᠡᠨ ᠠᠪᠬᠤ ᠪᠤᠯᠪᠠᠤ︕ ︵ ᠪᠤᠷᠵᠢᠭᠢᠨ ᠰᠠᠮᠪᠠᠯ︶ | |