| ᠤ · ᠲᠡᠮᠤᠷᠭᠤᠤᠯᠳᠤ | | 2006 ᠤᠨ ᠤ ᠵᠤᠨ ᠤ ᠰᠠᠶᠢᠬᠠᠨ ᠤᠯᠠᠷᠢᠯ ᠪᠠᠶᠢᠵᠦ ᠪᠢᠯᠠ᠃ ᠪᠢ ᠲᠡᠷᠡ ᠦᠶᠡ ᠳᠤ ᠵᠠᠰᠠᠭ ᠤᠨ | ᠤᠷᠳᠤᠨ ᠤ ᠠᠵᠢᠯ ᠠᠴᠠ ᠪᠠᠨ ᠰᠢᠯᠵᠢᠭᠡᠳ᠂ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ | ᠪᠠᠶᠢᠩᠭᠤ ᠶᠢᠨ ᠬᠤᠷᠢᠶᠠᠨ ᠳᠤ ᠠᠵᠢᠯᠯᠠᠵᠦ ᠪᠠᠶᠢᠪᠠ᠃ ᠨᠢᠭᠡᠨ ᠡᠳᠤᠷ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ | ᠭᠡᠷ ᠠᠴᠠ ᠨᠠᠳᠠ ᠳᠤ ᠤᠳᠠᠰᠤ ᠢᠷᠡᠵᠦ᠂ ︽ᠲᠠᠶᠢᠸᠠᠨ ᠤ ᠠᠯᠳᠠᠷᠳᠤ ᠵᠢᠷᠤᠭᠴᠢᠨ᠂ ᠰᠢᠯᠦᠭᠴᠢᠨ᠂ ᠰᠤᠷᠭᠠᠨ | ᠬᠦᠮᠤᠵᠢᠯ ᠤᠨ ᠨᠡᠷᠡᠳᠤ ᠬᠦᠮᠤᠨ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠮᠠᠨ ᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠳᠤ ᠬᠦᠷᠴᠦ | ᠢᠷᠡᠭᠰᠡᠨ ᠲᠤᠯᠠ ᠲᠠ ᠬᠤᠰᠢᠭᠤᠨ ᠤ ᠪᠤᠰᠤᠳ ᠤᠳᠤᠷᠢᠳᠤᠯᠭᠠ ᠲᠠᠢ ᠬᠠᠮᠳᠤ ᠤᠭᠳᠤᠯᠭᠠ ᠶᠢᠨ ᠠᠵᠢᠯ ᠳᠤ | ᠤᠷᠤᠯᠴᠠᠬᠤ ᠪᠤᠯᠪᠠᠤ︖︾ ᠭᠡᠵᠦ ᠬᠦᠰᠡᠪᠡ᠃ | ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ ᠶᠢᠨ ᠤᠬᠠᠭᠤᠯᠬᠤ ᠬᠡᠯᠳᠡᠰ᠂ ᠦᠨᠳᠤᠰᠤᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯ | ᠂ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠲᠤᠪᠴᠢᠶᠠ ᠵᠡᠷᠭᠡ ᠪᠠᠶᠢᠭᠤᠯᠭᠠ ᠶᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠨᠠᠷ ᠬᠦᠷᠦᠯᠴᠡᠨ ᠢᠷᠡᠵᠦ | ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠶᠢ ᠬᠠᠯᠠᠭᠤᠨ ᠢᠶᠠᠷ ᠤᠭᠳᠤᠭᠰᠠᠨ ᠪᠦᠭᠡᠳ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠪᠤᠯᠪᠠᠰᠤᠷᠠᠯ | ᠤᠨ ᠲᠠᠯᠠᠪᠠᠢ ᠳᠤ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠶᠢ ᠤᠭᠳᠤᠬᠤ ᠲᠤᠰᠬᠠᠢ ᠲᠤᠭᠯᠠᠯᠳᠠ ᠭᠠᠷᠭᠠᠨ ᠦᠵᠡᠭᠦᠯᠪᠡ᠃ ᠠᠷᠤ | ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠮᠦ᠋ᠴᠢᠷ ᠤᠨ ᠵᠠᠯᠠᠭᠤ ᠤᠷᠠᠯᠢᠭᠴᠢᠳ᠂ ᠠᠷᠤ ᠬᠤᠷᠴᠢᠨ ᠠᠷᠠᠳ ᠤᠨ | ᠤᠯᠠᠮᠵᠢᠯᠠᠯᠳᠤ ᠤᠷᠳᠤ ᠶᠢᠨ ᠲᠠᠭᠤᠤ᠂ ᠮᠤᠩᠭᠤᠯ ᠦᠯᠢᠭᠡᠷ ᠬᠤᠯᠪᠤᠭᠠ᠂ ᠰᠢᠯᠦᠭ ᠮᠠᠭᠳᠠᠭᠠᠯ᠂ ᠪᠦᠵᠢᠭ ᠵᠦᠴᠤᠭᠡ᠂ | ᠲᠦᠷᠰᠤᠯᠡᠯᠳᠤ ᠲᠠᠭᠤᠯᠠᠯ᠂ ᠨᠠᠶᠢᠷᠠᠯ ᠬᠦᠭᠵᠢᠮ ᠵᠡᠷᠭᠡ ᠭᠤᠶᠤ ᠰᠠᠶᠢᠬᠠᠨ ᠦᠨᠳᠤᠰᠤᠳᠡᠨ ᠤ ᠤᠷᠠᠨ ᠲᠤᠭᠯᠠᠮ ᠢᠶᠠᠨ | ᠲᠡᠭᠦᠨ ᠳᠤ ᠰᠤᠨᠢᠷᠬᠠᠭᠤᠯᠪᠠ᠃ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠲᠤᠩ ᠰᠡᠳᠬᠢᠯ ᠲᠠᠯᠪᠢᠨ ᠰᠤᠨᠢᠷᠬᠠᠵᠦ᠂ ᠲᠤᠭᠯᠠᠯᠳᠠ ᠶᠢᠨ | ᠲᠤᠮᠳᠠ ᠲᠠᠰᠤᠷᠠᠯ ᠦᠬᠡᠢ ᠭᠠᠷ ᠠᠯᠠᠭᠠᠳᠠᠨ ᠪᠠᠶᠠᠷᠯᠠᠨ ᠬᠦᠭᠰᠡᠵᠦ᠂ ᠲᠠᠨᠠᠷ ᠲᠤ ᠪᠠᠶᠠᠷᠯᠠᠯᠠ ᠭᠡᠵᠦ ᠶᠠᠷᠢᠵᠦ ᠪᠠᠶᠢᠯᠠ᠃ | ᠲᠤᠭᠯᠠᠯᠳᠠ ᠲᠡᠭᠦᠰᠦᠭᠰᠡᠨ ᠤ ᠲᠠᠷᠠᠭᠠ ᠪᠢᠳᠠ ᠬᠠᠮᠳᠤ ᠶᠢᠨ ᠰᠡᠭᠦᠳᠡᠷ ᠲᠠᠳᠠᠭᠤᠯᠪᠠ᠃ | ᠲᠤᠭᠯᠠᠯᠳᠠ ᠶᠢᠨ ᠲᠠᠷᠠᠭᠠ᠂ ᠬᠤᠰᠢᠭᠤᠨ ᠤ ᠨᠢᠭᠡᠳᠤᠯᠳᠠᠢ ᠲᠤᠬᠢᠷᠠᠭᠤᠯᠭᠠ ᠶᠤᠰᠤᠭᠠᠷ᠂ ᠪᠢᠳᠡ ᠬᠡᠳᠤᠭᠦᠯᠡ | ᠲᠤᠰᠬᠠᠢ ᠮᠡᠰᠢᠨ ᠲᠡᠷᠭᠡ ᠪᠠᠷ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢ ᠴᠢᠭᠯᠡᠪᠡ᠃ ᠦᠳᠡ ᠶᠢᠨ ᠡᠮᠤᠨᠡ ᠶᠢᠨ 11 ᠴᠠᠭ ᠤᠨ ᠦᠶᠡ | ᠪᠠᠷ ᠪᠢᠳᠡ ᠬᠠᠨᠰᠦ᠋ᠮᠡ ᠰᠤᠮᠤᠨ ᠤ ᠤᠷᠳᠤ ᠬᠦᠪ ᠭᠠᠴᠠᠭᠠᠨ ᠳᠠᠬᠢ ᠬᠦᠪ ᠤᠨ ᠲᠠᠯᠠ ᠳᠤ ᠬᠦᠷᠪᠡ᠃ ᠮᠠᠯᠴᠢᠨ | ᠲᠦᠮᠡᠨ ᠬᠦᠨᠳᠤᠳᠤ ᠵᠤᠴᠢᠨ ᠢᠷᠡᠬᠦ ᠭᠡᠵᠦ ᠪᠠᠶᠢᠨᠠ ᠭᠡᠳ ᠬᠦᠬᠡᠷᠡᠨ ᠨᠤᠭᠤᠭᠠᠷᠠᠬᠤ ᠬᠦᠪ ᠤᠨ ᠲᠠᠯᠠ ᠪᠠᠷ ᠬᠦᠯᠦᠭ | ᠮᠤᠷᠢ ᠲᠤᠪᠳᠤᠯᠠᠭᠤᠯᠤᠨ ᠬᠦᠷᠴᠦ ᠢᠷᠡᠭᠡᠳ ᠮᠠᠨ ᠢ ᠤᠭᠳᠤᠨ ᠠᠪᠤᠯᠠ᠃ ᠵᠤᠴᠢᠳ ᠨᠠᠷ ᠮᠠᠰᠢᠨ ᠲᠡᠷᠭᠡᠨ ᠠᠴᠠ | ᠪᠠᠭᠤᠵᠦ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠠᠷᠤ ᠬᠤᠷᠴᠢᠨ ᠤ ᠴᠡᠪᠡᠷ ᠰᠠᠶᠢᠬᠠᠨ ᠠᠭᠠᠷ ᠢ ᠴᠡᠭᠡᠵᠢ ᠪᠠᠨ ᠤᠩᠭᠤᠶᠢᠳᠠᠯᠠ | ᠠᠮᠢᠰᠬᠤᠯᠠᠵᠦ᠂ ᠬᠦᠳᠡᠭᠡ ᠶᠢᠨ ᠰᠠᠶᠢᠬᠠᠨ ᠦᠵᠡᠮᠵᠢ ᠶᠢ ᠪᠠᠭ᠋ᠠᠷᠬᠠᠨ ᠬᠠᠷᠠᠭᠠᠳ᠂ ᠮᠠᠯᠴᠢᠳ ᠲᠠᠢ ︽ᠲᠠᠨᠠᠷ ᠮᠡᠨᠳᠤ | ᠰᠠᠶᠢᠨᠡᠤ︖︾ ᠭᠡᠵᠦ ᠮᠡᠨᠳᠤᠴᠢᠯᠡᠬᠦ ᠳᠤ ᠠᠷᠠᠳ ᠮᠠᠯᠴᠢᠳ ᠮᠤᠩᠭᠤᠯ ᠤᠨ ᠰᠠᠶᠢᠬᠠᠨ ᠵᠠᠩᠰᠢᠯ ᠢᠶᠠᠷ ᠢᠶᠠᠨ ᠰᠢ᠊ · | ᠮᠦᠷᠡᠨ ᠠᠪᠠᠭ᠋ᠠᠢ ᠳᠤ ᠠᠷᠢᠭᠤᠨ ᠴᠠᠭᠠᠨ ᠬᠠᠳᠠᠭ ᠡᠷᠭᠦᠨ᠂ ᠬᠠᠯᠠᠭᠤᠨ ᠢᠶᠠᠷ ᠤᠭᠳᠤᠵᠦ ᠠᠪᠤᠯᠠ᠃ ᠰᠤᠮᠤᠨ ᠤ | ᠤᠳᠤᠷᠢᠳᠤᠯᠭᠠ᠂ ᠭᠠᠴᠠᠭᠠᠨ ᠤ ᠬᠠᠷᠢᠭᠤᠴᠠᠯᠭᠠᠳᠠᠨ᠂ ᠦᠷᠭᠡᠨ ᠤᠯᠠᠨ ᠮᠠᠯᠴᠢᠳ ᠨᠠᠷ ᠬᠦᠨᠳᠤᠳᠤ ᠵᠤᠴᠢᠨ ᠪᠤᠯᠤᠨ | ᠬᠤᠰᠢᠭᠤᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠢ ᠪᠠᠨ ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠲᠡᠨᠵᠢᠨ ᠳᠤ ᠪᠤᠰᠬᠠᠭᠰᠠᠨ ᠢᠰᠡᠭᠡᠢ ᠴᠠᠭᠠᠨ | ᠮᠤᠩᠭᠤᠯ ᠭᠡᠷ ᠲᠤ ᠤᠷᠢᠨ ᠵᠠᠯᠠᠵᠦ᠂ ᠴᠠᠶᠢᠯᠠᠯᠭᠠ ᠶᠢᠨ ᠰᠢᠷᠡᠭᠡᠨ ᠳᠤ ᠴᠠᠭᠠᠨ ᠢᠳᠡᠭᠡᠨ ᠭᠠᠷᠭᠠᠵᠦ᠂ ᠬᠤᠷᠤᠳ | ᠲᠤᠰᠤ ᠬᠠᠭᠤᠷᠠᠨᠰᠠᠨ ᠪᠤᠳᠠᠭᠠ ᠦᠷᠤᠵᠦ᠂ ᠦᠷᠤᠮᠡ ᠲᠠᠢ ᠬᠤᠭᠤᠯᠠ ᠬᠤᠳᠬᠤᠵᠦ ᠵᠤᠴᠢᠳ ᠢᠶᠠᠨ ᠵᠤᠴᠢᠯᠡᠵᠦ | ᠲᠠᠶᠢᠯᠠᠪᠠ᠃ ᠤᠯᠠᠨ ᠢᠶᠠᠷ ᠢᠶᠠᠨ ᠬᠦᠷ ᠪᠠᠶᠠᠷ ᠲᠠᠢ ᠶᠠᠷᠢᠯᠴᠠᠵᠦ᠂ ᠬᠦᠭᠵᠢᠯᠳᠤᠨ ᠪᠠᠶᠠᠰᠤᠯᠴᠠᠭᠠᠳ ᠵᠢᠷᠤᠭ ᠰᠡᠭᠦᠳᠡᠷ | ᠲᠠᠳᠠᠭᠤᠯᠪᠠ᠃ ᠮᠤᠩᠭᠤᠯ ᠨᠤᠳᠤᠭ ᠲᠠᠭᠠᠨ ᠢᠷᠡᠭᠰᠡᠨ ᠰᠢ᠊᠂ ᠮᠦᠷᠡᠨ ᠠᠪᠠᠭ᠋ᠠᠢ ᠮᠠᠯᠴᠢᠳ ᠠᠴᠠ ︽ᠮᠠᠯᠵᠢᠬᠤ | ᠤᠶᠢᠯᠡᠳᠪᠤᠷᠢᠯᠡᠯ ᠶᠠᠮᠠᠷ ᠶᠠᠩᠵᠦ ᠲᠠᠢ ᠪᠠᠶᠢᠨᠠ︖︾᠂ ︽ᠠᠷᠠᠳ ᠮᠠᠯᠴᠢᠳ ᠤᠨ ᠠᠮᠢᠳᠤᠷᠠᠯ ᠶᠠᠮᠠᠷᠬᠠᠨ ᠪᠠᠶᠢᠬᠤ | ︖ ︾ ᠵᠡᠷᠭᠡ ᠤᠯᠠᠨ ᠵᠦᠢᠯᠡᠡᠰ ᠢ ᠠᠰᠠᠭᠤᠵᠦ ᠪᠠᠶᠢᠯᠠ᠃ ᠨᠡᠯᠢᠶᠡᠳ ᠶᠠᠷᠢᠯᠴᠠᠨ ᠬᠦᠭᠵᠢᠯᠳᠦᠭᠰᠡᠨ ᠤ ᠲᠠᠷᠠᠭᠠ᠂ | ᠤᠯᠠᠨ ᠢᠶᠠᠷ ᠢᠶᠠᠨ ᠭᠠᠳᠠᠨᠠ ᠭᠠᠷᠴᠦ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠳᠤ ᠴᠡᠯᠡᠭᠡᠷ ᠨᠤᠭᠤᠭᠠᠨ ᠲᠠᠯᠠ ᠶᠢᠨ ᠲᠤᠮᠳᠠ᠂ ᠴᠡᠪᠡᠷ | ᠲᠤᠬᠢᠯᠢᠭ ᠮᠤᠩᠭᠤᠯ ᠲᠡᠷᠯᠢᠭ ᠡᠮᠤᠰᠤᠭᠦᠯᠵᠦ᠂ ᠨᠤᠮᠤᠬᠠᠨ ᠰᠤᠷᠭᠠᠭᠰᠠᠨ ᠮᠤᠩᠭᠤᠯ ᠮᠤᠷᠢ ᠶᠢ ᠲᠡᠭᠦᠨ ᠳᠤ | ᠤᠨᠤᠭᠤᠯᠤᠨ᠂ ᠴᠢᠯᠤᠭᠡᠳᠠᠢ ᠰᠠᠶᠢᠬᠠᠨ ᠰᠡᠭᠦᠳᠡᠷ ᠲᠠᠳᠠᠭᠤᠯᠵᠦ ᠲᠤᠷᠠᠰᠬᠠᠯ ᠦᠯᠡᠳᠡᠭᠡᠪᠡ᠃ | ᠦᠳᠡ ᠪᠤᠯᠬᠤ ᠶᠢᠨ ᠦᠶᠡ ᠪᠠᠷ ᠬᠠᠨᠰᠦ᠋ᠮᠡ ᠰᠤᠮᠤᠨ ᠤ ᠵᠠᠬᠢᠷᠭᠠ ᠳᠤ ᠬᠦᠷᠴᠦ᠂ ᠰᠤᠮᠤᠨ ᠠᠴᠠ ᠮᠤᠩᠭᠤᠯ | ᠤᠨ ᠵᠠᠩᠰᠢᠯ ᠶᠤᠰᠤᠭᠠᠷ ᠬᠤᠨᠢ ᠵᠠᠷᠤᠵᠦ ᠰᠢᠭᠦᠰᠤ ᠭᠠᠷᠭᠠᠨ᠂ ᠬᠦᠨᠳᠤᠳᠤ ᠵᠤᠴᠢᠳ ᠢᠶᠠᠨ ᠤᠭᠳᠤᠨ ᠲᠠᠶᠢᠯᠠᠪᠠ᠃ | ᠶᠠᠷᠢᠯᠴᠠᠭᠠᠨ ᠤ ᠲᠤᠮᠳᠠ ᠰᠢ᠊ · ᠮᠦᠷᠡᠨ ︿ᠬᠠᠨᠰᠦ᠋ᠮᠡ﹀ ᠭᠡᠰᠡᠨ ᠨᠡᠷᠡᠶᠢᠳᠤᠯ ᠢ ᠰᠤᠨᠤᠰᠤᠭᠠᠳ᠂ ᠠᠳᠡ ᠤᠤᠯ | ᠳᠠᠭᠠᠨ ᠬᠠᠭᠠᠨ ᠡᠵᠡᠨ ᠢᠷᠡᠵᠦ ᠦᠩᠭᠡᠷᠡᠭᠰᠡᠨ ᠶᠤᠮ ᠤᠤ︖ ᠡᠰᠡᠭᠦᠯᠡ ᠬᠠᠭᠠᠨ ᠡᠵᠡᠨ ᠰᠠᠭᠤᠷᠢᠰᠢᠵᠦ ᠪᠠᠶᠢᠭᠰᠠᠨ | ᠶᠤᠮ ᠤᠤ︖ ᠭᠡᠵᠦ ᠠᠰᠠᠭᠤᠯᠠ᠃ ᠲᠡᠭᠡᠭᠡᠳ ᠰᠤᠮᠤᠨ ᠤ ᠤᠳᠤᠷᠢᠳᠤᠯᠭᠠ ᠠᠴᠠ ᠲᠡᠷᠡ ᠦᠶᠡ ᠳᠤ ᠶᠠᠭ ᠰᠠᠶ᠋ᠢᠬᠠᠨ | ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠤ ︽ᠠᠪᠠᠭᠠ ᠬᠠᠷᠠ ᠴᠠᠭᠠᠨ ᠬᠤᠳᠠ︾ ᠶᠢᠨ ᠪᠠᠭᠤᠷᠢ ᠶᠢᠨ ᠲᠤᠬᠠᠢ ᠪᠦᠬᠦ ᠤᠯᠤᠰ | ᠤᠨ ᠰᠤᠳᠤᠯᠭᠠᠨ ᠤ ᠬᠤᠷᠠᠯ ᠬᠢᠬᠦ ᠭᠡᠵᠦ ᠪᠡᠯᠡᠳᠭᠡᠯ ᠬᠢᠵᠦ ᠪᠠᠶᠢᠭᠰᠠᠨ ᠦᠶᠡ ᠲᠤᠯᠠ ᠠᠳᠡ ᠤᠤᠯ ᠳᠠᠭᠠᠨ ᠮᠤᠩᠭᠤᠯ | ᠬᠠᠭᠠᠨᠳᠤ ᠲᠦᠷᠦ ᠶᠢᠨ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠬᠠᠭᠠᠨ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠰᠠᠭᠤᠷᠢᠰᠢᠵᠦ ᠪᠠᠶᠢᠭᠰᠠᠨ ᠪᠠ | ᠰᠡᠭᠦᠯᠡᠷ ᠨᠢ ᠴᠢᠩ ᠤᠯᠤᠰ ᠤᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠬᠠᠨᠰᠦ᠋ᠮᠡ ᠳᠤ ᠢᠷᠡᠵᠦ ︽ᠵᠠᠷᠯᠢᠭ ᠢᠶᠠᠷ ᠬᠡᠰᠢᠭ ᠢ | ᠰᠢᠳᠦᠭᠴᠢ ᠰᠦᠮᠡ︾ ᠭᠡᠵᠦ ᠢᠯᠡᠷᠭᠡᠶᠢᠯᠡᠯ ᠬᠦᠷᠳᠡᠭᠡᠭᠰᠡᠨ ᠤᠴᠢᠷ ᠢ ᠲᠡᠭᠦᠨ ᠳᠤ ᠬᠡᠯᠡᠵᠦ ᠦᠭᠪᠡ᠃ ᠰᠢ᠊ · ᠮᠦᠷᠡᠨ | ᠠᠪᠠᠭ᠋ᠠᠢ ᠰᠤᠮᠤᠨ ᠤ ᠤᠳᠤᠷᠢᠳᠤᠯᠭᠠ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ ᠶᠢ ᠰᠤᠨᠤᠰᠤᠭᠠᠳ ᠲᠤᠩ ᠪᠠᠭ᠋ᠠᠷᠬᠠᠨ ᠰᠤᠨᠢᠷᠬᠠᠭᠠᠳ᠄ | ︽ᠲᠡᠷᠡ ᠬᠤᠳᠠᠨ ᠤ ᠪᠠᠭᠤᠷᠢ ᠨᠢ ᠬᠤᠯᠠ ᠪᠠᠶᠢᠨᠠ ᠤᠤ︖ ᠪᠢᠳᠠ ᠬᠦᠷᠴᠦ ᠳᠡᠶᠢᠯᠦᠨᠡ ᠦᠦ︖︾ ᠭᠡᠵᠦ | ᠠᠰᠠᠭᠤᠯᠠ᠃ ᠰᠤᠮᠤᠨ ᠤ ᠤᠳᠤᠷᠢᠳᠤᠯᠭᠠ ᠠᠴᠠ᠄ ︽ᠲᠡᠮᠡᠢ ᠬᠤᠯᠠ ᠦᠬᠡᠢ᠂ ᠬᠦᠷᠴᠦ ᠲᠡᠶᠢᠯᠤᠨᠡ ︕︾ | ᠭᠡᠯᠡ᠃ | ᠲᠡᠭᠡᠭᠡᠳ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠬᠤᠶᠠᠷ ᠴᠠᠭ ᠢᠯᠡᠭᠦᠤ ᠶᠢᠨ ᠦᠶᠡ ᠪᠠᠷ ᠮᠠᠰᠢᠨ ᠲᠡᠷᠭᠡ ᠪᠠᠷ ᠪᠢᠳᠠ | ᠠᠪᠠᠭᠠ ᠬᠠᠷᠠ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠠᠬᠢ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠤ ᠨᠡᠶᠢᠰᠯᠡᠵᠦ ᠪᠠᠶᠢᠭᠰᠠᠨ ︽ᠴᠠᠭᠠᠨ | ᠬᠤᠳᠠ ᠶᠢᠨ ᠪᠠᠭᠤᠷᠢ︾ ᠲᠡᠭᠡᠷᠡ ᠬᠦᠷᠪᠡ᠃ | ᠲᠡᠷᠡᠬᠦ ᠤᠳᠠᠭᠠᠨ ᠤ ᠠᠶᠠᠯᠠᠯ ᠤᠨ ᠲᠠᠷᠠᠭᠠ᠂ ᠮᠡᠬᠦᠰ ᠪᠢ ᠵᠠᠷᠢᠮ ᠰᠤᠨᠢᠨ ᠰᠡᠳᠬᠦᠯ ᠠᠴᠠ ᠴᠠᠭᠠᠨ ᠬᠤᠳᠠ | ᠶᠢᠨ ᠲᠤᠬᠠᠢ ᠲᠡᠤᠬᠡ ᠮᠠᠲ᠋ᠧᠷᠢᠶᠠᠯ ᠢ ᠡᠷᠢᠨ ᠰᠤᠪᠢᠭᠰᠠᠨ ᠢᠶᠠᠨ ᠠᠳᠡ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠡᠪᠡ᠃ ᠴᠠᠭᠠᠨ ᠬᠤᠳᠠ | ᠶᠢᠨ ᠪᠠᠭᠤᠷᠢ ᠨᠢ ᠤᠯᠠᠭᠠᠨᠬᠠᠳᠠ ︵ᠤᠤᠯ ᠤᠨ ᠵᠤᠤ ᠤᠳᠠ ᠠᠶᠢᠮᠠᠭ︶ ᠬᠤᠳᠠ ᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ | ᠬᠤᠶᠢᠳᠤ ᠬᠡᠰᠡᠭ ᠤᠨ ᠬᠠᠨᠰᠦ᠋ᠮᠡ ᠰᠤᠮᠤᠨ ᠤ ᠴᠠᠭᠠᠨᠬᠤᠳᠠ ᠭᠠᠴᠠᠭᠠᠨ ᠤ ᠬᠠᠷᠢᠶᠠᠨ ᠳᠤ ᠤᠷᠤᠰᠢᠨᠠ᠃ ᠡᠨᠡ | ᠬᠤᠳᠠ ᠶᠢᠨ ᠪᠠᠭᠤᠷᠢ ᠨᠢ ᠬᠤᠰᠢᠭᠤᠨ ᠲᠦᠪ ᠴᠢᠪᠠᠭᠠ ᠪᠠᠯᠭᠠᠰᠤᠨ ᠠᠴᠠ ᠬᠤᠶᠢᠰᠢ 75 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ᠂ | ᠵᠠᠭᠦᠨᠰᠢ ᠤᠤᠯ ᠤᠨ ᠰᠤᠮᠤᠨ ᠤ ᠲᠦᠪ ᠪᠠᠶᠢᠭᠰᠠᠨ ᠪᠠᠶᠠᠨᠬᠤᠰᠢᠭᠤ ᠠᠴᠠ 7 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ᠂ ᠪᠠᠷᠠᠭᠤᠨᠰᠢ | ᠴᠠᠭᠠᠨᠬᠤᠳᠠ ᠭᠠᠴᠠᠭᠠ ᠠᠴᠠ 2 ᠺᠢᠯᠤᠮᠧᠲᠷ ᠵᠠᠶᠢᠳᠠᠢ ᠪᠠᠶᠢᠳᠠᠭ᠃ | ᠴᠠᠭᠠᠨ ᠬᠤᠳᠠ ᠶᠢᠨ ᠪᠠᠭᠤᠷᠢ ᠨᠢ ᠦᠪᠤᠷ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠶᠡᠭᠡ ᠬᠢᠩᠭᠠᠨ ᠲᠠᠪᠠᠭᠠ ᠶᠢᠨ | ᠠᠭᠤᠯᠠ ᠨᠢᠷᠤᠭᠤᠨ ᠤ ᠡᠮᠤᠨᠡᠬᠢ ᠲᠤᠪᠤᠷᠴᠠᠭ ᠲᠠᠯᠠ ᠨᠤᠳᠤᠭ ᠲᠤ ᠪᠠᠶᠢᠷᠢᠰᠢᠵᠦ ᠪᠠᠶᠢᠳᠠᠭ᠃ ᠬᠤᠳᠠ ᠶᠢᠨ ᠠᠷᠤ ᠪᠠᠷ | ᠦᠨᠳᠤᠷ ᠰᠦᠷᠯᠢᠭ ᠬᠢᠩᠭᠠᠨ ᠲᠠᠪᠠᠭᠠ ᠵᠠᠭᠦᠨᠰᠢ ᠪᠠᠷᠠᠭᠤᠨᠰᠢ ᠬᠦᠨᠳᠠᠯᠢᠰᠤᠵᠤ᠂ ᠡᠮᠤᠨᠡᠭᠦᠷ ᠨᠢ ᠤᠶᠢᠯᠤᠨ | ᠵᠠᠯᠭᠠᠯᠳᠤᠭᠰᠠᠨ ᠨᠠᠮᠠᠬᠠᠨ ᠲᠤᠪᠤᠷᠴᠠᠭ ᠤᠳ ᠦᠷᠭᠦᠯᠵᠢᠯᠡᠨ ᠬᠠᠷᠠᠭᠳᠠᠨᠠ᠃ ᠠᠷᠤ ᠡᠮᠤᠨᠡᠬᠢ ᠬᠤᠶᠠᠷ ᠠᠭᠤᠯᠠᠨ ᠤ | ᠬᠤᠭᠤᠷᠤᠨᠳᠤᠭᠤᠷ ᠲᠡᠭᠰᠢ ᠠᠭᠤᠳᠠᠮ ᠲᠠᠯᠠ ᠪᠠᠷ ᠨᠢᠭᠡᠨ ᠵᠤᠷᠪᠤᠰ ᠭᠤᠤᠯ ᠵᠡᠭᠦᠨᠰᠢ ᠤᠷᠤᠰᠴᠦ ᠬᠠᠭᠢᠷ ᠤᠨ ᠭᠤᠤᠯ | ᠳᠤ ᠴᠢᠳᠬᠤᠨᠠ᠃ ᠴᠠᠭᠠᠨ ᠬᠤᠳᠠ ᠶᠢᠨ ᠪᠠᠭᠤᠷᠢ ᠶᠢᠨ ᠵᠡᠭᠦᠨ ᠲᠠᠯᠠ ᠳᠤ ᠨᠢᠭᠡᠨ ᠵᠤᠷᠪᠤᠰ ᠠᠭᠤᠯᠠ ᠶᠢᠨ ᠬᠦᠨᠳᠡᠢ | ᠶᠡᠭᠡ ᠬᠢᠩᠭᠠᠨ ᠲᠠᠪᠠᠭᠠ ᠶᠢ ᠬᠦᠨᠳᠡᠯᠡᠨ ᠲᠠᠰᠤᠯᠵᠦ᠂ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠠᠴᠠ ᠰᠤᠩᠭᠠᠷᠢ ᠮᠦᠷᠡᠨ᠂ | ᠯᠢᠶᠤᠤ ᠾᠧ ᠭᠤᠤᠯ ᠤᠨ ᠰᠠᠪᠠ ᠭᠠᠵᠠᠷ ᠨᠡᠪᠳᠡᠷᠡᠬᠦ ᠪᠠᠶᠢᠭᠠᠯᠢᠯᠢᠭ ᠬᠤᠪᠬᠢᠯ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠨᠬᠦ ᠴᠠᠭᠠᠨ | ᠬᠤᠳᠠ ᠨᠢ ᠦᠩᠭᠡᠷᠡᠭᠰᠡᠨ ᠳᠡᠭᠡᠨ ᠠᠶᠠᠳᠠᠢ ᠰᠠᠶᠢᠨ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠨᠦᠬᠦᠴᠡᠯ ᠪᠠ ᠪᠠᠶᠢᠯᠳᠤᠬᠤ ᠪᠤᠳᠤᠯᠭᠠ | ᠶᠢᠨ ᠪᠠᠶᠢᠷᠢ ᠰᠠᠭᠤᠷᠢ ᠲᠠᠢ ᠭᠡᠳᠡᠭ ᠨᠢ ᠢᠯᠡᠷᠡᠭᠡᠢ ᠪᠠᠶᠢᠨᠠ᠃ ᠴᠠᠭᠠᠨ ᠬᠤᠳᠠ ᠶᠢᠨ ᠤᠷᠴᠢᠮ ᠳᠠᠬᠢ ᠪᠠᠶᠢᠭᠠᠯᠢ | ᠤᠷᠴᠢᠨ ᠮᠠᠰᠢ ᠲᠠᠪᠠᠭᠤᠯᠢᠭ᠂ ᠬᠤᠳᠠ ᠶᠢᠨ ᠠᠷᠤ ᠳᠠᠬᠢ ᠶᠡᠭᠡ ᠬᠢᠩᠭᠠᠨ ᠲᠠᠪᠠᠭᠠ ᠬᠠᠯᠬᠠᠪᠴᠢ ᠪᠤᠯᠵᠦ᠂ ᠤᠮᠠᠷᠠᠳᠤ | ᠶᠢᠨ ᠬᠦᠢᠳᠡᠨ ᠤᠷᠤᠰᠬᠠᠯ ᠢ ᠬᠠᠰᠢᠵᠦ᠂ ᠠᠭᠤᠷ ᠠᠮᠢᠰᠬᠤᠯ ᠵᠤᠨ ᠳᠠᠭᠠᠨ ᠰᠡᠷᠢᠭᠦᠨ ᠡᠪᠤᠯ ᠳᠡᠭᠡᠨ ᠲᠤᠯᠠᠭᠠᠨ | ᠪᠠᠶᠢᠳᠠᠭ᠃ ᠡᠨᠡᠬᠦ ᠲᠠᠯᠠ ᠨᠤᠳᠤᠭ ᠲᠤ ᠭᠤᠤᠯ ᠮᠦᠷᠡᠨ ᠰᠦᠯᠵᠢᠯᠳᠤᠵᠦ᠂ ᠬᠦᠷᠤᠰᠤ ᠰᠢᠷᠤᠢ ᠦᠩ ᠰᠢᠮᠡᠯᠢᠭ᠂ | ᠡᠪᠡᠰᠤ ᠪᠡᠯᠴᠢᠭᠡᠷ ᠢᠭ᠌ᠴᠢ ᠰᠠᠬᠤᠯᠢᠭ ᠪᠠᠶᠢᠵᠦ᠂ ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠤ ᠤᠷᠤᠰᠢᠨ ᠰᠠᠭᠤᠷᠢᠰᠢᠬᠤᠢ ᠳᠤ ᠮᠠᠰᠢ | ᠲᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ ᠠᠵᠢ᠃ | ᠴᠠᠭᠠᠨ ᠬᠤᠳᠠ ᠨᠢ ᠮᠢᠩ ᠤᠯᠤᠰ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠠᠬᠢ ᠦᠪᠤᠷ ᠮᠤᠩᠭᠤᠯ ᠤᠨ ᠵᠡᠭᠦᠨ ᠬᠡᠰᠡᠭ | ᠤᠨ ᠤᠯᠤᠰ ᠲᠦᠷᠦ ᠶᠢᠨ ᠲᠦᠪ ᠤᠨ ᠬᠤᠪᠢ ᠪᠠᠷ ᠬᠠᠨᠰᠦ᠋ᠮᠡ ᠶᠢᠨ ᠬᠢᠵᠠᠭᠠᠷ ᠲᠤ ᠲᠤᠶᠢᠯ ᠤᠨ ᠪᠠᠶᠠᠯᠢᠭ ᠬᠠᠭᠤᠴᠢ | ᠥᠪ ᠢ ᠦᠯᠡᠳᠡᠭᠡᠵᠠᠢ᠃ ᠨᠢᠭᠳᠠᠯᠠᠪᠠᠯ ᠡᠨᠡ ᠤᠷᠴᠢᠮ ᠨᠢᠭᠡᠨ ᠲᠡᠤᠬᠡ ᠶᠢᠨ ᠦᠶᠡ ᠶᠢᠨ ᠠᠳᠠᠯᠢ ᠪᠤᠰᠤ ᠱᠠᠳᠤᠨ ᠳᠤ | ᠪᠠᠶᠢᠭᠤᠯᠤᠭᠰᠠᠨ ᠭᠤᠷᠪᠠᠨ ᠬᠠᠭᠤᠴᠢᠨ ᠬᠤᠳᠠ ᠪᠠ ᠬᠤᠶᠠᠷ ᠬᠡᠰᠡᠭ ᠪᠤᠯᠠᠰᠢ ᠪᠠᠶᠢᠬᠤ ᠪᠦᠭᠡᠳ ᠡᠨᠡ ᠭᠤᠷᠪᠠᠨ | ᠬᠤᠳᠠ ᠳᠤ ᠲᠦᠪᠯᠡᠷᠡᠭᠦᠯᠦᠭᠡᠳ ᠶᠡᠭᠡ ᠬᠡᠮᠵᠢᠶᠡᠨ ᠤ ᠰᠠᠭᠤᠷᠢᠰᠢᠯ ᠤᠨ ᠪᠠᠭᠤᠷᠢ ᠪᠠᠶᠢᠬᠤ ᠶᠢ ᠢᠯᠡᠷᠡᠭᠦᠯᠪᠡ᠃ | ᠪᠠᠷᠠᠭᠤᠨ ᠴᠠᠭᠠᠨ ᠬᠤᠳᠠ ᠨᠢ ᠴᠠᠭᠠᠨ ᠬᠤᠳᠠ ᠶᠢᠨ ᠭᠠᠳᠠᠷ ᠬᠡᠷᠡᠮ ᠤᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠲᠤᠮᠳᠠ | ᠬᠡᠰᠡᠭ ᠲᠤ ᠤᠷᠤᠰᠢᠵᠦ᠂ ᠲᠤᠰ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠬᠡᠰᠡᠭ ᠨᠢ ᠴᠠᠭᠠᠨ ᠬᠤᠳᠠ ᠶᠢᠨ ᠭᠠᠳᠠᠷ ᠬᠤᠳᠠ ᠶᠢᠨ | ᠪᠠᠷᠠᠭᠤᠨ ᠬᠡᠷᠡᠮ ᠳᠤ ᠲᠠᠭᠠᠷᠢᠭᠳᠠᠵᠠᠢ᠃ ᠴᠠᠭᠠᠨ ᠬᠤᠳᠠ ᠨᠢ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠠᠢ᠂ ᠬᠤᠶᠠᠷ ᠲᠠᠪᠬᠤᠷ | ᠬᠤᠳᠠ ᠠᠴᠠ ᠲᠠᠪᠬᠤᠷᠯᠠᠨ ᠪᠦᠳᠦᠭᠡᠭᠰᠡᠨ ᠪᠠᠶᠢᠳᠠᠭ᠃ ᠴᠢᠭᠯᠡᠯ ᠨᠢ 350 ᠭᠷᠠᠳᠦ᠋ᠰ᠃ ᠬᠤᠳᠠ ᠨᠢ ᠡᠮᠤᠨᠡᠰᠢ | ᠤᠮᠠᠷᠠᠰᠢ ᠤᠷᠳᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠤᠬᠤᠷ᠂ ᠤᠳᠤ ᠡᠪᠳᠡᠷᠡᠨ ᠨᠤᠷᠠᠭᠠᠳ ᠲᠤᠪᠤᠴᠠᠭ ᠯᠠ ᠲᠡᠳᠤᠢ ᠪᠤᠯᠵᠠᠢ᠃ | ᠭᠠᠳᠠᠷ ᠲᠤᠳᠤᠷᠠ ᠬᠤᠳᠠ ᠨᠢ ᠪᠦᠷ ᠡᠮᠤᠨᠡᠰᠢ ᠪᠠᠨ ᠡᠭᠦᠳᠡ ᠲᠠᠢ᠂ ᠭᠠᠳᠠᠷ ᠬᠤᠳᠠ ᠶᠢᠨ ᠬᠡᠷᠡᠮ ᠨᠢ ᠲᠤᠳᠤᠷᠠ | ᠬᠤᠳᠠ ᠶᠢᠨ ᠬᠢ ᠠᠴᠠ ᠪᠠᠨ ᠪᠤᠭᠤᠨᠢ᠂ ᠪᠠᠷᠠᠭᠤᠨ ᠲᠠᠯᠠ ᠪᠠ ᠠᠷᠤ ᠲᠠᠯᠠ ᠨᠢ ᠪᠦᠷᠢᠨ ᠪᠦᠳᠤᠨ ᠪᠠᠶᠢᠭᠰᠠᠭᠠᠷ᠃ | ᠵᠡᠭᠦᠨ ᠲᠠᠯᠠ ᠨᠢ ᠴᠠᠭᠠᠨ ᠬᠤᠳᠠ ᠶᠢᠨ ᠭᠠᠳᠠᠷ ᠬᠡᠷᠡᠮ ᠤᠨ ᠲᠤᠳᠤᠷᠠ ᠤᠷᠤᠭᠠᠳ ᠨᠡᠯᠢᠶᠡᠳ ᠬᠦᠨᠳᠤ ᠨᠤᠴᠢᠳᠠᠢ | ᠡᠪᠳᠡᠭᠳᠡᠵᠠᠢ᠃ ᠭᠠᠳᠠᠷ ᠬᠤᠳᠠ ᠨᠢ ᠵᠠᠭᠦᠨᠰᠢ ᠪᠠᠷᠠᠭᠤᠨᠰᠢ 164 ᠮᠧᠲᠷ᠂ ᠡᠮᠤᠨᠡᠰᠢ ᠤᠮᠠᠷᠠᠰᠢ 260 ᠮᠧᠲᠷ᠂ | ᠬᠡᠷᠡᠮ ᠤᠨ ᠰᠠᠭᠤᠷᠢ ᠨᠢ 8 ᠮᠧᠲᠷ ᠦᠷᠭᠡᠨ᠂ ᠬᠡᠷᠡᠮ ᠤᠨ ᠤᠷᠤᠢ ᠶᠢᠨ ᠦᠷᠬᠡᠨ ᠨᠢ ᠪᠠᠷᠤᠭ ᠣᠣᠯ ᠤᠨ 1 ᠮᠧᠲᠷ | ᠪᠠᠶᠢᠭᠰᠠᠨ ᠢᠶᠠᠨ ᠤᠳᠦ 0.4 ᠮᠧᠲᠷ ᠦᠯᠡᠳᠡᠵᠦ ᠂ ᠬᠡᠷᠡᠮ ᠤᠨ ᠦᠨᠳᠤᠷ ᠨᠢ ᠤᠤᠯ ᠤᠨ 2 ᠮᠧᠲᠷ ᠪᠠᠶᠢᠭᠰᠠᠨ | ᠢᠶᠠᠨ ᠤᠳᠦ 0. 6 ᠮᠧᠲᠷ ᠪᠤᠢ᠃ | ᠲᠤᠳᠤᠷᠠ ᠬᠤᠳᠠ ᠨᠢ ᠭᠠᠳᠠᠷ ᠬᠤᠳᠠ ᠶᠢᠨ ᠢᠶᠠᠨ ᠲᠤᠮᠳᠠ ᠪᠠᠶᠢᠷᠢᠯᠠᠵᠦ᠂ ᠬᠢᠳᠠᠳ ᠪᠢᠴᠢᠯᠭᠡ ᠶᠢᠨ回 | ᠦᠰᠦᠭ ᠤᠨ ᠬᠡᠯᠪᠡᠷᠢ ᠲᠠᠢ᠂ ᠬᠤᠳᠠ ᠶᠢᠨ ᠬᠡᠷᠡᠮ ᠨᠢ ᠨᠡᠯᠢᠶᠡᠳ ᠦᠨᠳᠤᠷ ᠪᠦᠭᠡᠳ ᠲᠦᠷᠪᠡᠨ ᠦᠨᠴᠦᠭ ᠲᠤ ᠪᠠᠨ | ᠲᠠᠭᠳᠤ ᠲᠠᠢ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ 80 ᠮᠧᠲᠷ᠂ ᠡᠮᠤᠨᠡᠰᠢ ᠤᠮᠠᠷᠠᠰᠢ 133 ᠮᠧᠲᠷ ᠪᠤᠢ᠃ ᠬᠤᠳᠠ ᠶᠢᠨ ᠬᠡᠷᠡᠮ | ᠤᠨ ᠰᠠᠭᠤᠷᠢ ᠨᠢ 10 ᠮᠧᠲᠷ ᠦᠷᠭᠡᠨ᠂ ᠬᠡᠷᠡᠮ ᠤᠨ ᠤᠷᠤᠢ ᠨᠢ 0. 8－2 ᠮᠧᠲᠷ ᠦᠷᠭᠡᠨ᠂ ᠦᠨᠳᠤᠷ ᠨᠢ | 1－2 ᠮᠧᠲᠷ ᠪᠤᠢ᠃ ᠬᠠᠩᠳᠠᠭᠰᠠᠨ ᠰᠢᠷᠤᠢ ᠶᠢᠨ ᠲᠠᠪᠬᠤᠷᠭᠠ ᠨᠢ 0 .8－1 ᠰᠡᠨᠲ᠋ᠢᠮᠧᠲᠷ᠂ ᠬᠤᠳᠠ ᠶᠢᠨ | ᠡᠮᠤᠨᠡᠬᠢ ᠭᠤᠤᠯ ᠡᠭᠦᠳᠡ ᠨᠢ ᠪᠤᠳᠤᠩ ᠤᠨ ᠬᠡᠯᠪᠡᠷᠢ ᠤᠨ ᠬᠠᠯᠬᠠᠪᠴᠢ ᠬᠡᠷᠡᠮ ᠲᠠᠢ᠂ ᠡᠮᠤᠨᠡ ᠡᠭᠦᠳᠡᠨ ᠤ ᠰᠠᠭᠤᠷᠢ | ᠶᠢᠨ ᠦᠷᠭᠡᠨ ᠨᠢ 8 ᠮᠧᠲᠷ ᠪᠠᠶᠢᠵᠦ᠂ ᠡᠨᠡᠬᠦ ᠡᠭᠦᠳᠡ ᠪᠠᠷ ᠲᠤᠳᠤᠭᠰᠢᠯᠠᠪᠠᠯ᠂ ᠭᠤᠤᠯ ᠵᠠᠮ ᠨᠢ ᠰᠢᠭᠤᠳ ᠬᠤᠳᠠ | ᠶᠢᠨ ᠠᠷᠤ ᠬᠡᠰᠡᠭ ᠤᠷᠴᠢᠮ ᠳᠠᠬᠢ ᠶᠡᠭᠡ ᠤᠷᠳᠤᠨ ᠬᠠᠷᠰᠢ ᠳᠤ ᠬᠦᠷᠬᠦ ᠪᠦᠭᠡᠳ ᠭᠤᠤᠯ ᠤᠷᠳᠤᠨ ᠬᠠᠷᠰᠢ ᠶᠢᠨ | ᠬᠤᠶᠠᠷ ᠲᠠᠯᠠ ᠪᠠᠷ ᠲᠤᠰ ᠲᠤᠰ ᠨᠡᠯᠢᠶᠡᠳ ᠶᠡᠭᠡ ᠭᠤᠷᠪᠠᠨ ᠬᠠᠵᠠᠭᠤ ᠶᠢᠨ ᠬᠠᠷᠰᠢ ᠲᠠᠢ᠂ ᠭᠤᠤᠯ ᠱᠤᠭᠤᠮ ᠢᠶᠠᠷ | ᠲᠦᠪᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠷᠢᠰᠢᠯ ᠢ ᠪᠦᠷᠢᠯᠳᠤᠭᠦᠯᠵᠠᠢ᠃ ᠶᠡᠭᠡ ᠤᠷᠳᠤᠨ ᠬᠠᠷᠰᠢ ᠨᠢ ᠬᠤᠳᠠ ᠶᠢᠨ ᠠᠷᠤ ᠬᠡᠰᠡᠭ ᠤᠨ | ᠲᠦᠪ ᠲᠤ ᠪᠠᠶᠢᠷᠢᠰᠢᠵᠦ᠂ ᠶᠡᠭᠡ ᠬᠠᠩᠳᠠᠭᠰᠠᠨ ᠰᠢᠷᠤᠢ ᠶᠢᠨ ᠲᠠᠪᠴᠠᠩ ᠲᠡᠭᠡᠷᠡ ᠪᠠᠶᠢᠭᠤᠯᠵᠠᠢ᠃ ᠶᠡᠭᠡ ᠬᠠᠷᠰᠢ ᠶᠢᠨ | ᠶᠡᠷᠤᠩᠭᠡᠢ ᠤᠷᠳᠤ ᠨᠢ 80 ᠮᠧᠲᠷ᠂ ᠲᠦᠪ ᠲᠠᠪᠴᠠᠩ ᠤᠨ ᠰᠠᠭᠤᠷᠢ ᠶᠢᠨ ᠦᠷᠭᠡᠨ ᠨᠢ 34 ᠮᠧᠲᠷ᠂ ᠦᠨᠳᠤᠷ ᠨᠢ | 4 ᠮᠧᠲᠷ᠂ ᠲᠦᠪ ᠲᠠᠪᠴᠠᠩ ᠲᠡᠭᠡᠷᠡ ᠨᠢᠭᠡᠨ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢᠳᠠᠢ ᠬᠠᠷᠰᠢ ᠪᠠᠶᠢᠵᠠᠢ᠃ ᠲᠤᠯᠭᠠᠭᠤᠷᠢ | ᠶᠢᠨ ᠰᠠᠭᠤᠷᠢ ᠪᠠ ᠭᠠᠵᠠᠷ ᠲᠡᠪᠢᠰᠦᠭᠰᠡᠨ ᠲᠦᠷᠪᠡᠯᠵᠢᠨ ᠲᠤᠭᠤᠰᠬᠠ ᠨᠢ ᠮᠦᠨ ᠪᠦᠳᠤᠨ ᠪᠠᠶᠢᠭᠰᠠᠭᠠᠷ᠃ ᠵᠡᠭᠦᠨᠰᠢ | ᠪᠠᠷᠠᠭᠤᠨᠰᠢ 22 ᠮᠧᠲᠷ᠂ ᠦᠷᠭᠡᠨ ᠢᠶᠠᠷ ᠢᠶᠠᠨ 15 ᠮᠧᠲᠷ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠬᠠᠷᠰᠢ ᠨᠢ ᠲᠡᠭᠰᠢ ᠲᠦᠷᠪᠡᠯᠵᠢᠨ | ᠬᠡᠯᠪᠡᠷᠢᠳᠠᠢ᠂ ᠲᠦᠪ ᠬᠠᠷᠰᠢ ᠲᠠᠢ ᠪᠠᠨ ᠬᠠᠷᠢᠯᠴᠠᠨ ᠨᠡᠪᠳᠡᠷᠡᠯᠴᠡᠬᠦ ᠦᠬᠡᠢ᠃ ᠲᠦᠪ ᠤᠨ ᠶᠡᠭᠡ ᠤᠷᠳᠤᠨ ᠬᠠᠷᠰᠢ | ᠠᠴᠠ ᠡᠮᠤᠨᠡᠰᠢ ᠭᠤᠤᠯ ᠵᠠᠮ ᠤᠨ ᠬᠤᠶᠠᠷ ᠲᠠᠯᠠ ᠪᠠᠷ ᠲᠤᠰ ᠪᠦᠷᠢ 3 ᠬᠠᠵᠠᠭᠤ ᠶᠢᠨ ᠬᠠᠷᠰᠢ ᠲᠠᠢ᠂ ᠡᠳᠡᠭᠡᠷ ᠢᠶᠠᠨ | ᠮᠦᠨ ᠦᠨᠳᠤᠷ ᠲᠤᠮᠤ ᠬᠠᠩᠳᠠᠭᠰᠠᠨ ᠰᠢᠷᠤᠢ ᠶᠢᠨ ᠲᠠᠪᠴᠠᠩ ᠲᠡᠭᠡᠷᠡ ᠪᠠᠶᠢᠭᠤᠯᠪᠠ᠃ ᠪᠤᠢ ᠪᠦᠬᠦᠢ ᠤᠷᠳᠤᠨ ᠬᠠᠷᠰᠢ | ᠶᠢᠨ ᠰᠠᠭᠤᠷᠢ ᠲᠡᠭᠡᠷᠡ ᠶᠡᠭᠡ ᠬᠡᠮᠵᠢᠶᠡᠨ ᠤ ᠨᠤᠭᠤᠭᠠᠨ ᠰᠢᠷ ᠲᠠᠢ ᠸᠠᠭᠠᠷ ᠪᠠ ᠦᠨᠡᠰᠤᠨ ᠦᠩᠭᠡ ᠲᠠᠢ ᠡᠩ ᠤᠨ | ᠸᠠᠭᠠᠷ ᠤᠨ ᠬᠡᠮᠬᠡᠳᠡᠭ ᠲᠠᠷᠬᠠᠵᠦ ᠪᠤᠢ᠃ ᠬᠠᠮᠤᠭ ᠭᠠᠳᠠᠷ ᠲᠠᠯᠠ ᠶᠢᠨ ᠬᠠᠵᠠᠭᠤ ᠶᠢᠨ ᠬᠠᠷᠰᠢ ᠶᠢᠨ ᠡᠮᠤᠨᠡ ᠭᠤᠤᠯ | ᠵᠠᠮ ᠤᠨ ᠬᠤᠶᠠᠷ ᠲᠠᠯᠠ ᠳᠤ ᠲᠤᠰᠪᠤᠷᠢ ᠨᠢᠭᠡᠨ ᠬᠤᠳᠳᠤᠭ ᠲᠠᠢ᠃ | ᠴᠠᠭᠠᠨ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨᠡ᠂ ᠵᠡᠭᠦᠨ ᠡᠮᠤᠨᠡ ᠲᠠᠯᠠ ᠳᠤ ᠬᠤᠶᠠᠷ ᠪᠤᠬᠠ ᠬᠠᠳᠠ ᠰᠡᠬᠦᠶᠢᠵᠦ | ᠪᠠᠶᠢᠳᠠᠭ᠃ ᠵᠡᠭᠦᠨ ᠪᠤᠬᠠ ᠬᠠᠳᠠ ᠨᠢ ᠨᠢᠭᠡᠨ ᠰᠡᠬᠦᠶᠢᠨ ᠰᠦᠨᠳᠡᠷᠯᠡᠭᠰᠡᠨ ᠪᠤᠷᠵᠢᠨ ᠴᠢᠯᠠᠭᠤᠨ ᠠᠭᠤᠯᠠ ᠪᠤᠯᠬᠤ | ᠪᠦᠭᠡᠳ ᠤᠷᠤᠢ ᠨᠢ ᠲᠡᠭᠰᠢᠬᠡᠨ᠂ ᠠᠭᠤᠯᠠᠨ ᠤᠷᠤᠢ ᠳᠤ ᠭᠠᠷᠬᠤ ᠠᠭᠤᠢ ᠶᠢᠨ ᠵᠠᠮ ᠤᠨ ᠬᠠᠶᠠᠭᠠᠨ ᠴᠢᠯᠠᠭᠤᠨ | ᠲᠡᠭᠡᠷᠡ ᠡᠷᠳᠡᠨ ᠤ ᠦᠰᠦᠭ ᠪᠢᠴᠢᠭ ᠲᠠᠢ᠂ ᠲᠡᠷᠡᠬᠦ ᠠᠭᠤᠢ ᠶᠢᠨ ᠬᠤᠩᠬᠢᠯ ᠢᠶᠠᠷ ᠲᠡᠭᠡᠭᠰᠢ ᠮᠠᠴᠦᠨ ᠭᠠᠷᠪᠠᠯ᠂ | ᠠᠭᠤᠯᠠᠨ ᠲᠡᠭᠡᠷᠡᠬᠢ ᠴᠢᠯᠠᠭᠤᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠪᠤᠭᠤᠨ ᠵᠢᠷᠬᠢᠭᠡ ᠶᠢᠨ ᠬᠦᠯᠭᠡ ᠲᠠᠢ᠃ ᠬᠦᠮᠤᠰ ᠲᠡᠬᠦᠨ ᠢ | ᠵᠢᠷᠬᠢᠭᠡ ᠶᠢᠨ ᠬᠦᠯᠭᠡᠳᠤ ᠠᠭᠤᠯᠠ ᠭᠡᠳᠡᠭ᠃ ᠡᠭᠦᠨ ᠠᠴᠠ ᠦᠵᠡᠬᠦ ᠳᠤ ᠡᠨᠡ ᠬᠤᠳᠠᠨ ᠳᠤ ᠮᠤᠩᠭᠤᠯ ᠬᠦᠮᠤᠨ | ᠰᠠᠭᠤᠵᠦ ᠪᠠᠶᠢᠭᠰᠠᠨ ᠪᠦᠭᠡᠳ ᠠᠳᠡᠬᠢ ᠬᠦᠮᠤᠰ ᠠᠭᠤᠯᠠᠨ ᠤᠷᠤᠢ ᠳᠤ ᠭᠠᠷᠴᠦ ᠮᠤᠩᠭᠤᠯ ᠵᠢᠷᠭᠢᠭᠡ ᠨᠠᠭᠠᠳᠤᠵᠦ | ᠪᠠᠶᠢᠭᠰᠠᠨ ᠶᠤᠮ ᠪᠠᠶᠢᠨᠠ ᠭᠡᠰᠡᠨ ᠢ ᠦᠵᠡᠵᠦ ᠭᠠᠷᠴᠦ ᠪᠤᠯᠤᠨᠠ᠃ ᠭᠠᠳᠠᠷ ᠬᠤᠳᠠ ᠶᠢᠨ ᠬᠡᠷᠡᠮ ᠨᠢ ᠪᠠᠷᠠᠭᠤᠨ | ᠵᠡᠭᠦᠨ ᠪᠤᠬᠠ ᠬᠠᠳᠠ ᠶᠢ ᠵᠠᠯᠭᠠᠵᠦ ᠪᠠᠶᠢᠳᠠᠭ᠃ | ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠢ ᠦᠩᠭᠡᠷᠡᠭᠰᠡᠨ ᠳᠤ ᠴᠠᠬᠠᠷ ᠤᠨ ᠬᠠᠭᠠᠨ ᠭᠡᠵᠦ ᠴᠦ ᠵᠠᠷᠢᠮ ᠬᠦᠮᠤᠰ ᠬᠡᠯᠡᠳᠡᠭ | ᠃ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠶᠢᠨ ᠠᠪᠤ ᠨᠢ ᠴᠠᠬᠠᠷ ᠬᠦᠮᠤᠨ᠂ ᠡᠵᠢ ᠨᠢ ᠬᠡᠰᠢᠭᠳᠡᠨ ᠬᠦᠮᠤᠨ ᠭᠡᠵᠦ ᠲᠡᠷᠡ ᠬᠡᠯᠡᠵᠦ | ᠪᠠᠶᠢᠯᠠ᠃ ᠡᠶᠢᠮᠤ ᠠᠴᠠ ᠰᠢ᠊ · ᠮᠦᠷᠡᠨ ᠠᠪᠠᠭ᠋ᠠᠢ ᠭᠦᠨ ᠵᠤᠵᠠᠭᠠᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢ ᠡᠪᠤᠷᠯᠡᠵᠦ᠂ ᠭᠤᠤᠯ ᠵᠠᠮ | ᠢᠶᠠᠷ ᠬᠦᠩᠭᠡᠨ ᠠᠯᠬᠤᠵᠦ᠂ ᠭᠤᠤᠯ ᠤᠷᠳᠤᠨ ᠤ ᠲᠡᠭᠳᠡᠷ ᠢ ᠠᠭᠠᠵᠢᠮ ᠢᠶᠠᠷ ᠦᠭᠰᠤᠨ ᠠᠯᠬᠤᠵᠦ᠂ ᠭᠤᠤᠯ ᠤᠷᠳᠤᠨ | ᠤ ᠡᠮᠤᠨᠡ ᠬᠦᠷᠦᠭᠡᠳ᠂ ᠬᠤᠶᠠᠷ ᠠᠯᠠᠭᠠ ᠪᠠᠨ ᠬᠠᠮᠳᠤᠷᠠᠭᠤᠯᠵᠦ᠂ ᠨᠢᠳᠤ ᠪᠠᠨ ᠠᠨᠢᠨ ᠨᠠᠮᠠᠯᠴᠢᠯᠠᠵᠦ᠂ ᠬᠡᠭᠦᠳᠡᠭ | ᠴᠡᠭᠡᠵᠢᠨ ᠳᠡᠭᠡᠨ ᠶᠠᠭᠤ ᠨᠢᠭᠡ ᠶᠢ ᠲᠤᠷᠠᠰᠤᠨ ᠪᠤᠳᠤᠵᠦ᠂ ᠬᠦᠨ ᠶᠤᠰᠤᠯᠠᠯ ᠢ ᠭᠦᠢᠴᠡᠳᠭᠡᠪᠡ᠃ | ᠰᠡᠭᠦᠯᠡᠷ ᠨᠢ ᠪᠢᠳᠠ ᠲᠡᠭᠦᠨ ᠲᠠᠢ ᠶᠠᠷᠢᠯᠴᠠᠬᠤ ᠳᠤ᠂ ᠲᠡᠷᠡ ᠬᠡᠯᠡᠬᠦ ᠳᠡᠭᠡᠨ᠄ ︽ᠪᠢ ᠠᠯᠢ ᠡᠷᠳᠡ ᠮᠤᠩᠭᠤᠯ | ᠨᠤᠳᠤᠭ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠲᠤᠯᠠ ᠡᠬᠡ ᠬᠡᠯᠡ ᠪᠠᠨ ᠲᠡᠶᠢᠮᠤ ᠰᠠᠶᠢᠨ ᠬᠡᠯᠡᠵᠦ ᠴᠢᠳᠠᠬᠤ ᠦᠬᠡᠢ ᠪᠤᠯᠵᠠᠢ᠃ ᠮᠢᠨᠤ | ᠠᠪᠤ ᠪᠤᠯ ᠴᠠᠬᠠᠷ ᠬᠦᠮᠤᠨ᠂ ᠮᠢᠨᠤ ᠡᠵᠢ ᠪᠤᠯ ᠬᠡᠰᠢᠭᠳᠡᠨ ᠬᠦᠮᠤᠨ᠃ ᠬᠠᠮᠢᠭᠠ ᠶᠢᠨ ᠬᠦᠮᠤᠨ ᠴᠦ ᠪᠤᠯᠤᠭ ᠪᠦᠷ | ᠮᠤᠩᠭᠤᠯ ᠬᠦᠮᠤᠨ︾ ᠭᠡᠰᠡᠨ ᠢᠶᠠᠨ ᠲᠡᠷᠡ ᠭᠦᠨ ᠠᠮᠢᠰᠬᠤᠵᠦ ᠠᠪᠤᠭᠠᠳ᠂ ᠮᠠᠨ ᠤ ᠮᠤᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠪᠤᠯ | ᠵᠦᠪᠬᠡᠨ ᠮᠤᠩᠭᠤᠯ ᠤᠨ ᠲᠡᠤᠬᠡ ᠰᠤᠶᠤᠯ ᠲᠡᠳᠤᠢ ᠪᠢᠰᠢ᠂ ᠪᠢ ᠪᠤᠳᠤᠬᠤ ᠳᠠᠭᠠᠨ ᠮᠤᠩᠭᠤᠯ ᠤᠨ ᠲᠡᠤᠬᠡ ᠰᠤᠶᠤᠯ | ᠪᠤᠯ ᠪᠦᠬᠦᠶᠢᠯᠡ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠬᠢ᠂ ᠪᠦᠬᠦ ᠲᠡᠯᠡᠬᠡᠢ ᠶᠢᠨ ᠲᠡᠤᠬᠡ ᠰᠤᠶᠤᠯ᠂ ᠪᠠᠰᠠᠴᠦ ᠪᠦᠬᠦᠶᠢᠯᠡ | ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠤ ᠲᠡᠤᠬᠡ ᠰᠤᠶᠤᠯ ᠤᠨ ᠴᠢᠬᠤᠯᠠ ᠪᠦᠷᠢᠯᠳᠤᠭᠦᠨ ᠬᠡᠰᠡᠭ ᠶᠤᠮ ᠭᠡᠵᠦ ᠪᠤᠳᠤᠳᠠᠭ ᠪᠢᠯᠠ︾ | ᠭᠡᠯᠡ᠃ ᠲᠡᠷᠡ ᠵᠠᠯᠭᠠᠨ ᠬᠡᠯᠡᠬᠦ ᠳᠡᠭᠡᠨ᠄ ︽ᠮᠠᠨ ᠤ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ ᠪᠤᠯ ᠠᠭᠤᠤ ᠶᠡᠭᠡ ᠦᠨᠳᠤᠰᠤᠳᠡᠨ᠂ | ᠬᠦᠮᠤᠨ ᠲᠦᠷᠦᠯᠬᠢᠳᠡᠨ ᠤ ᠠᠮᠢᠳᠤᠷᠠᠯ ᠤᠨ ᠶᠠᠪᠤᠴᠠ ᠳᠤ ᠮᠤᠩᠭᠤᠯ ᠬᠦᠮᠤᠨ ᠮᠢᠩᠭᠠᠳ ᠵᠢᠯ ᠤᠨ ᠲᠡᠤᠬᠡ ᠶᠢ | ᠦᠩᠭᠡᠷᠡᠭᠦᠯᠵᠦ᠂ ᠮᠤᠩᠭᠤᠯ ᠬᠦᠮᠤᠨ ᠶᠡᠷᠤ ᠠᠴᠠ ᠲᠡᠭᠷᠢ ᠶᠢ ᠰᠢᠳᠤᠵᠦ᠂ ᠭᠠᠵᠠᠷ ᠢ ᠨᠠᠨᠳᠢᠭ᠍ᠨᠡᠨ᠂ ᠠᠭᠤᠯᠠ ᠪᠠᠨ | ᠰᠤᠶᠢᠳᠬᠦ ᠦᠬᠡᠢ᠂ ᠤᠰᠤ ᠶᠢ ᠪᠤᠵᠠᠷᠳᠠᠭᠤᠯᠬᠤ ᠦᠬᠡᠢ᠂ ᠤᠯᠠᠷᠢᠯ ᠢ ᠦᠵᠡᠵᠦ ᠤᠳᠤᠷᠯᠠᠨ ᠨᠡᠭᠦᠳᠡᠯᠯᠡᠵᠦ | ᠮᠠᠯᠵᠢᠭᠠᠳ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠵᠦ᠂ ᠤᠷᠴᠢᠨ ᠠᠬᠤᠢ ᠲᠠᠢ ᠪᠠᠨ ᠠᠭᠤᠰᠤᠯᠴᠠᠨ ᠵᠤᠬᠢᠴᠠᠯᠳᠤᠨ | ᠠᠮᠢᠳᠤᠷᠠᠵᠦ ᠢᠷᠡᠭᠰᠡᠨ ᠨᠢ ᠤᠳᠤ ᠦᠵᠡᠬᠦ ᠳᠤ ᠮᠦᠨ ᠯᠠ ᠨᠢᠭᠡᠨ ᠠᠭᠤᠤ ᠶᠡᠭᠡ ᠪᠤᠯᠪᠠᠰᠤᠨ ᠰᠤᠷᠳᠠᠯ᠂ ᠰᠠᠶᠢᠨ | ᠰᠠᠶᠢᠬᠠᠨ ᠵᠠᠩ ᠲᠠᠳᠬᠠᠯ ᠬᠡᠯᠳᠠᠢ ᠂ ᠮᠦᠨᠴᠦ ᠮᠠᠨ ᠤ ᠮᠤᠩᠭᠤᠯ ᠤᠨ ᠪᠤᠯᠪᠠᠰᠤᠨ ᠰᠤᠶᠤᠯ ᠲᠡᠤᠬᠡ ᠬᠡᠯᠳᠠᠢ᠂ ᠡᠭᠦᠨ | ᠢ ᠲᠡᠤᠬᠡ ᠭᠡᠷᠡᠴᠢᠯᠡᠵᠦ ᠪᠠᠶᠢᠨᠠ︾ ᠭᠡᠵᠦ ᠶᠠᠷᠢᠵᠦ ᠭᠠᠷᠪᠠ᠃ | ᠲᠡᠭᠦᠨ ᠲᠠᠢ ᠬᠠᠮᠳᠤ ᠪᠠᠶᠢᠭᠰᠠᠨ ᠡᠳᠤᠷ ᠢᠯᠡᠭᠦᠤ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠪᠢᠳᠠ ᠲᠠᠭᠦᠨ ᠤ ᠪᠡᠶᠡ ᠲᠡᠭᠡᠷᠡ | ᠠᠴᠠ ᠮᠠᠰᠢ ᠤᠯᠠᠨ ᠮᠡᠳᠡᠯᠭᠡ ᠮᠡᠳᠡᠴᠡ ᠤᠯᠵᠦ ᠬᠦᠷᠳᠡᠪᠡ᠃ ᠲᠡᠭᠦᠨ ᠤ ᠦᠵᠡᠯ ᠤᠬᠠᠮᠰᠠᠷ᠂ ᠦᠵᠡᠯᠳᠡ ᠲᠠᠨᠢᠯᠳᠠ | ᠨᠢ ᠮᠠᠨ ᠳᠤ ᠭᠦᠨ ᠵᠤᠵᠠᠭᠠᠨ ᠲᠦᠷᠦᠭᠳᠡᠯ ᠰᠠᠭᠤᠭᠳᠠᠯ ᠦᠭᠭᠦᠭᠰᠡᠨ ᠪᠢᠯᠠ᠃ ᠬᠤᠵᠢᠮ ᠨᠢ ᠲᠡᠭᠦᠨ ᠤ ᠰᠢᠯᠦᠭ | ᠲᠡᠭᠡᠷᠡ ᠲᠤᠮᠳᠠᠳᠤ ᠤᠯᠤᠰ ᠤᠨ ᠠᠯᠳᠠᠷᠳᠤ ᠮᠤᠩᠭᠤᠯ ᠠᠶᠠᠯᠠᠭᠤᠴᠢᠨ ᠤᠯᠠᠭᠠᠨᠳᠤᠭ ᠠᠶᠠ ᠲᠠᠭᠠᠷᠠᠭᠤᠯᠤᠭᠰᠠᠨ ︽ᠠᠪᠤ | ᠡᠵᠢ ᠶᠢᠨ ᠮᠢᠨᠢ ᠨᠤᠲᠤᠭ ᠤᠰᠤᠨ︾ ᠭᠡᠰᠡᠨ ᠲᠠᠭᠤᠤ ᠨᠢ ᠲᠤᠮᠳᠠᠳᠤ ᠶᠢᠨ ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠡᠪᠢᠰᠭᠡᠷ | ᠲᠡᠭᠡᠷᠡ ᠤᠯᠠᠮᠵᠢᠯᠠᠭᠳᠠᠨ ᠲᠠᠭᠤᠯᠠᠭᠳᠠᠵᠦ᠂ ᠪᠦᠬᠦ ᠤᠯᠤᠰ ᠪᠦᠬᠦ ᠲᠡᠯᠡᠬᠡᠢ ᠳᠤ ᠬᠠᠩᠬᠢᠨᠠᠨ ᠴᠤᠤᠷᠢᠶᠠᠳᠤᠭᠰᠠᠨ | ᠪᠠᠶᠢᠨᠠ᠃ | 2020 ᠤᠨ ᠤ 10 ᠰᠠᠷᠠᠶᠢᠨ 7 ᠤ ᠡᠳᠤᠷ ᠬᠦᠬᠡᠬᠤᠳᠠᠨᠠ | |