| ᠡᠭᠡᠯ ᠵᠢᠷ ᠤᠨ ᠠᠵᠢᠯᠯᠠᠬᠤ ᠠᠩᠬᠢ ᠶᠢᠨ ᠭᠡᠰᠢᠬᠦᠨ ᠤ ᠡᠭᠡᠯ ᠪᠤᠰᠤ ᠤᠶᠢᠯᠡ ᠠᠵᠢᠯᠯᠠᠭᠠ | — ᠪᠠᠯᠴᠢᠷᠤᠳ ᠰᠤᠮᠤ ᠶᠢᠨ ᠮᠤᠭᠠᠶᠢᠳᠤ ᠭᠠᠴᠠᠭᠠᠨ ᠤ ᠠᠵᠢᠯᠯᠠᠬᠤ | ᠠᠩᠬᠢ ᠶᠢᠨ ᠭᠡᠰᠢᠬᠦᠨ ᠠᠯᠢᠮᠠ ᠶᠢ ᠲᠡᠮᠳᠡᠭᠯᠡᠪᠠ | | | ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠠᠷᠭᠡ ᠶᠢ ᠲᠤᠭᠤᠯᠬᠤ ᠪᠤᠯ ᠤᠳᠤᠬᠠᠨ ᠤ ᠲᠠᠷᠢᠬᠦᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ | ᠪᠦᠬᠡᠳ ᠮᠠᠰᠢ ᠶᠡᠭᠡ ᠬᠠᠷᠢᠭᠤᠴᠠᠯᠭᠠ ᠬᠦᠢᠴᠡᠳᠭᠡᠬᠦ᠂ ᠮᠠᠰᠢ ᠶᠡᠭᠡ ᠬᠦᠴᠤ ᠴᠢᠳᠠᠪᠤᠷᠢ ᠭᠠᠷᠭᠠᠬᠤ ᠭᠡᠷᠡᠭᠳᠡᠢ ᠠᠵᠢᠯ | ᠪᠠᠶᠢᠭᠠ ᠶᠤᠮ᠃ ᠡᠨᠡᠬᠦ ᠴᠢᠬᠤᠯᠠ ᠶᠡᠭᠡ ᠲᠠᠶᠢᠯᠠᠯᠳᠤᠭᠠᠨ ᠤ ᠢᠯᠠᠯᠳᠠ ᠶᠢ ᠲᠠᠮᠠᠴᠠᠨ ᠤᠯᠬᠤ ᠳᠤ ᠬᠦᠮᠤᠨ ᠪᠤᠯ | ᠭᠤᠤᠯᠳᠠᠯᠭᠠ ᠪᠤᠯᠤᠨᠠ᠃ | ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠠᠷᠭᠡ ᠶᠢ ᠲᠤᠭᠤᠯᠬᠤ ᠲᠠᠶᠢᠯᠠᠯᠳᠤᠭᠠᠨ ᠨᠢ | ᠡᠷᠴᠢ ᠬᠦᠴᠤ ᠲᠠᠢ ᠶᠠᠪᠤᠭᠳᠠᠵᠤ᠂ ᠨᠢᠭᠡ ᠪᠦᠯᠦᠭ ᠲᠠᠷᠢᠬᠦᠨ ᠤ ᠨᠠᠶᠢᠳᠡᠯᠢᠭ ᠵᠢᠱᠢᠶᠠ ᠴᠤᠯᠭᠤᠷᠠᠨ ᠭᠠᠷᠴᠤ᠂ | ᠲᠠᠳᠠᠨᠤᠰ ᠤᠨ ᠲᠠᠷᠡᠬᠦ ᠡᠷᠡᠰ ᠬᠠᠳᠠᠨ ᠵᠤᠷᠢᠭ ᠰᠢᠭᠤᠳᠤᠯ ᠬᠢᠭᠡᠳ ᠤᠶᠢᠯᠡ ᠠᠵᠢᠯᠯᠠᠭᠠ ᠨᠢ ᠬᠦᠮᠤᠰ ᠤᠨ ᠰᠡᠳᠬᠢᠯ | ᠤᠨ ᠬᠦᠪᠴᠢ ᠶᠢ ᠲᠤᠷᠬᠢᠭᠤᠯᠤᠨ ᠴᠢᠪᠬᠠᠳᠠᠵᠤ᠂ ᠲᠠᠶᠢᠯᠠᠯᠳᠤᠭᠠᠨ ᠤ ᠢᠯᠠᠯᠳᠠ ᠶᠢᠨ ᠤᠷᠠᠢ ᠲᠠᠭᠤᠨ ᠪᠤᠯᠤᠨ | ᠴᠤᠤᠷᠢᠶᠠᠳᠤᠵᠤ ᠪᠠᠶᠢᠨᠠ᠃ | ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠦᠪ ᠤᠨ ᠪᠠᠯᠴᠢᠷᠤᠳ ᠰᠤᠮᠤ ᠶᠢᠨ ᠮᠤᠭᠠᠶᠢᠳᠤ | ᠭᠠᠴᠠᠭᠠ ᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠲᠤᠭᠤᠶᠢᠯᠠᠩ ᠤᠨ ᠭᠡᠰᠢᠬᠦᠨ ᠠᠯᠢᠮᠠ ᠪᠤᠯ ᠲᠡᠳᠡᠭᠡᠷ ᠤᠨ ᠲᠤᠳᠤᠷᠠᠬᠢ ᠨᠢᠭᠡ | ᠨᠠᠶᠢᠳᠡᠯᠢᠭ ᠲᠠᠷᠢᠬᠦᠨ ᠤ ᠵᠢᠱᠢᠶᠠ ᠪᠤᠯᠤᠨᠠ᠃ | ᠠᠯᠢᠮᠠ ᠪᠤᠯ 2013 ᠤᠨ ᠳᠤ ᠤᠤᠯ ᠤᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠰᠤᠨᠢᠨ ᠤ ᠬᠤᠷᠢᠶᠠ ᠳᠤ ᠡᠬᠢᠯᠠᠨ | ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠤᠭᠰᠠᠨ ᠪᠠᠶᠢᠭᠠ᠃ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠳᠠᠭᠠᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠨᠠᠷᠢᠨ ᠨᠢᠮᠪᠠᠢ | ᠲᠠᠷᠠ ᠪᠠᠷ ᠪᠠᠶᠢᠭᠤᠯᠭᠠ ᠨᠢᠭᠡᠴᠠ ᠶᠢᠨ ᠢᠶᠠᠨ ᠵᠠᠯᠠᠭᠤᠴᠤᠳ ᠴᠦᠭᠡᠨ᠂ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠠᠷᠭᠡ ᠶᠢ | ᠲᠤᠭᠤᠯᠬᠤ ᠲᠠᠶᠢᠯᠠᠯᠳᠤᠭᠠᠨ ᠤ ᠦᠨᠳᠤᠰᠤᠨ ᠱᠠᠳᠤᠨ ᠳᠤ ᠪᠠᠭᠤᠬᠤ ᠲᠤᠬᠢᠷᠠᠮᠵᠢᠳᠠᠢ ᠬᠦᠮᠤᠨ ᠦᠭᠡᠢ ᠵᠠᠩᠬᠢᠯᠠᠭᠠ ᠶᠢᠨ | ᠴᠠᠭ ᠦᠶᠡ ᠳᠤ ᠲᠡᠷᠡ ᠦᠪᠠᠷ ᠤᠨ ᠰᠠᠶᠢᠨ ᠲᠤᠷᠠ ᠠᠴᠠ ᠪᠠᠨ 2018 ᠤᠨ ᠤ 8 ᠰᠠᠷᠠ ᠳᠤ ᠪᠠᠯᠴᠢᠷᠤᠳ ᠰᠤᠮᠤ | ᠶᠢᠨ ᠮᠤᠭᠠᠶᠢᠳᠤ ᠭᠠᠴᠠᠭᠠᠨ ᠳᠤ ᠤᠴᠢᠵᠤ ᠠᠵᠢᠯᠯᠠᠬᠤ ᠲᠤᠭᠤᠶᠢᠯᠠᠩ ᠤᠨ ᠭᠡᠰᠢᠬᠦᠨ ᠢᠶᠠᠷ ᠰᠠᠭᠤᠭᠰᠠᠨ ᠶᠤᠮ᠃ | ᠲᠠᠷᠠ ᠭᠠᠴᠠᠭᠠᠨ ᠳᠤ ᠰᠠᠭᠤᠭᠰᠠᠨ ᠠᠴᠠ ᠨᠠᠰᠢ᠂ ᠤᠯᠠᠨ ᠤᠯᠠᠨ ᠬᠦᠴᠢᠷ ᠪᠠᠷᠭᠡ ᠶᠢᠨ ᠡᠮᠤᠨᠠ ᠦᠴᠦᠭᠡᠨ | ᠴᠦ ᠬᠤᠶᠢᠰᠢ ᠤᠬᠤᠷᠢᠯ ᠦᠭᠡᠢ᠂ ᠠᠵᠢᠯ ᠳᠠᠭᠠᠨ ᠢᠳᠡᠪᠬᠢᠯᠡᠨ ᠤᠷᠤᠵᠤ᠂ ᠤᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠤ ᠲᠤᠳᠤᠷᠠ | ᠦᠨᠳᠤᠰᠤᠨ ᠱᠠᠳᠤᠨ ᠤ ᠨᠢᠭᠡᠳᠦᠭᠡᠷ ᠤᠳᠠᠰᠤᠨ ᠲᠡᠭᠡᠷᠠ ᠵᠤᠬᠢᠴᠠᠨ᠂ ᠰᠢᠨᠳᠠᠷᠠᠰᠢ ᠦᠭᠡᠢ ᠠᠵᠢᠯᠯᠠᠵᠤ | ᠢᠷᠡᠯᠠ ᠁ | ᠡᠪᠤᠯ ᠤᠨ ᠶᠢᠰᠤ ᠶᠢᠨ ᠬᠦᠢᠳᠡᠨ ᠤ ᠨᠢᠭᠡᠨ ᠡᠳᠤᠷ᠂ ᠲᠠᠷᠠ ᠲᠠᠭᠰᠢᠭᠤᠷᠳᠠᠵᠤ ᠬᠠᠯᠠᠭᠤᠷᠠᠵᠤ ᠪᠠᠶᠢᠬᠰᠠᠨ ᠴᠦ | ᠠᠵᠢᠯ ᠡᠬᠦᠷᠭᠡ ᠪᠠᠨ ᠡᠷᠭᠡᠪᠰᠢ ᠲᠤᠭᠳᠠᠭᠰᠠᠨ ᠴᠠᠭ ᠲᠤᠨᠢ ᠬᠦᠢᠴᠡᠳᠭᠡᠬᠦ ᠪᠠᠷ ᠬᠦᠴᠤᠯᠠᠵᠤ᠂ ᠡᠳᠤᠷ ᠤᠨ ᠲᠤᠷᠰᠢ | ᠭᠡᠯᠨ ᠲᠡᠭᠡᠷᠠ ᠪᠠᠨ ᠶᠠᠭᠤᠮᠠ ᠲᠠᠯᠪᠢᠭᠰᠠᠨ ᠦᠭᠡᠢ ᠶᠢᠨ ᠲᠡᠭᠡᠷᠠ ᠦᠳᠠᠰᠢ ᠪᠤᠯᠬᠤ ᠳᠤ ᠤᠯᠠᠮ ᠶᠡᠭᠡᠪᠠᠷ ᠬᠠᠯᠠᠭᠤᠷᠠᠵᠤ | ᠲᠠᠭᠵᠢᠨ ᠴᠡᠴᠡᠷᠠᠵᠤ᠂ ᠨᠤᠤᠰᠤᠨ ᠲᠠᠩᠽᠢ ᠨᠦᠮᠤᠷᠤᠨ ᠰᠦᠨᠢ ᠶᠢᠨ ᠰᠦᠨᠢ ᠪᠤᠯᠳᠠᠯᠠ ᠠᠵᠢᠯᠯᠠᠵᠤ ᠪᠠᠶᠢᠵᠤ ᠠᠵᠢᠯ | ᠢᠶᠠᠨ ᠲᠠᠭᠤᠰᠬᠠᠪᠠ᠃ ᠭᠡᠳᠡᠯᠠ ᠠᠵᠢᠯᠯᠠᠬᠤ ᠲᠤᠭᠤᠶᠢᠯᠠᠩ ᠤᠨ ᠬᠦᠮᠤᠨ ᠴᠦᠭᠡᠨ᠂ ᠡᠬᠦᠷᠭᠡ ᠪᠠᠴᠢᠮ ᠪᠤᠯᠬᠤᠷ | ᠲᠠᠷᠠᠭᠠ ᠡᠳᠤᠷ ᠨᠢ ᠲᠠᠷᠠ ᠮᠥᠨ ᠬᠠᠯᠠᠭᠤᠷᠠᠵᠤ ᠪᠠᠶᠢᠬᠰᠠᠨ ᠴᠦ ᠪᠤᠰᠤᠳ ᠨᠦᠬᠦᠳ ᠲᠠᠢ ᠪᠠᠨ ᠬᠠᠮᠳᠤ ᠡᠷᠦᠭᠡ | ᠪᠤᠯᠭᠠᠨ ᠢᠶᠠᠷ ᠤᠷᠤᠵᠤ᠂ ᠠᠮᠢᠳᠤᠷᠠᠯ ᠤᠶᠢᠯᠠᠳᠪᠤᠷᠢᠯᠡᠯ ᠤᠨ ᠪᠠᠶᠢᠳᠠᠯ ᠢ ᠨᠢ ᠤᠶᠢᠯᠠᠭᠠᠨ᠂ ᠶᠠᠳᠠᠭᠤ ᠠᠴᠠ | ᠠᠩᠬᠢᠵᠢᠷᠠᠭᠤᠯᠬᠤ ᠪᠠᠷᠭᠡ ᠶᠢ ᠲᠤᠭᠤᠯᠬᠤ ᠲᠦᠷᠤ ᠶᠢᠨ ᠪᠤᠳᠤᠯᠭᠠ ᠬᠢᠭᠡᠳ ᠬᠠᠮᠢᠶᠠ ᠪᠦᠬᠦᠢ ᠲᠦᠷᠢᠮ ᠲᠤᠭᠳᠠᠭᠠᠯ ᠢ | ᠤᠬᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠬᠤ ᠪᠠᠨ ᠶᠠᠷᠤ ᠰᠠᠭᠠᠳᠠᠭᠠ ᠦᠭᠡᠢ ᠪᠢᠯᠡ᠃ | ᠦᠳᠠᠰᠢ ᠶᠢᠨ ᠬᠦᠰᠢᠭᠡ ᠪᠠᠭᠤᠵᠤ ᠠᠵᠢᠯ ᠤᠨ ᠴᠠᠭ ᠪᠢᠰᠢ ᠴᠦ ᠳ᠋ᠧᠩ ᠵᠤᠯᠠ ᠭᠡᠷᠡᠯᠳᠦᠬᠦᠯᠤᠨ᠂ ᠭᠠᠴᠠᠭᠠᠨ | ᠤ ᠶᠠᠳᠠᠭᠤ ᠶᠢ ᠲᠡᠳᠬᠦᠬᠦ ᠪᠦᠬᠦᠶᠢᠯᠡ ᠠᠵᠢᠯ ᠤᠨ ᠲᠠᠩᠰᠠ ᠡᠪᠭᠡᠮᠡᠯ ᠢ ᠲᠢᠭᠯᠡᠬᠦ ᠡᠮᠬᠢᠯᠡᠬᠦ ᠪᠦᠷᠢᠳᠭᠡᠬᠦ ᠪᠤᠯ ᠲᠡᠬᠦᠨ ᠤ | ᠶᠠᠷᠤᠳᠠ ᠶᠢᠨ ᠵᠤᠷᠰᠢᠯ ᠪᠤᠯᠤᠨᠠ᠃ ᠭᠤᠷᠪᠠᠨ ᠵᠢᠯ ᠰᠢᠬᠠᠮ ᠤᠨ ᠲᠤᠳᠤᠷᠠ ᠲᠠᠷᠠ ᠬᠤᠪᠢᠨ ᠤ ᠶᠠᠪᠤᠳᠠᠯ ᠪᠠ | ᠡᠪᠠᠳᠴᠢᠨ ᠤ ᠴᠢᠯᠦᠭᠡ ᠭᠡᠵᠤ ᠨᠢᠭᠡ ᠤᠳᠠᠭᠠ ᠴᠦ ᠭᠡᠯᠡᠭᠰᠡᠨ ᠦᠭᠡᠢ᠃ ᠶᠠᠭ ᠦᠨᠠᠨ ᠢ ᠭᠡᠯᠡᠪᠠᠯ ᠲᠠᠷᠠ ᠤᠤᠯ ᠠᠴᠠ | ᠪᠠᠨ ᠬᠤᠳᠤᠭᠤᠳᠤ ᠮᠠᠭᠤ ᠪᠤᠯᠬᠤᠷ ᠬᠤᠭᠤᠯᠠ ᠪᠠᠰᠠ ᠪᠠᠭᠠ ᠭᠤᠯᠤᠬᠤ ᠵᠠᠩ ᠲᠠᠢ ᠪᠠᠶᠢᠪᠠ᠃ ᠭᠡᠪᠡᠴᠤ ᠦᠨᠳᠤᠰᠤᠨ | ᠱᠠᠳᠤᠨ ᠤ ᠪᠠᠶᠢᠳᠠᠯ ᠪᠠ ᠬᠠᠮᠳᠤ ᠨᠢᠭᠡᠴᠠ ᠶᠢᠨ ᠤᠷᠴᠢᠨ ᠲᠠᠢ ᠵᠤᠬᠢᠴᠠᠬᠤ ᠶᠢᠨ ᠲᠤᠯᠠᠳᠠ᠂ ᠲᠡᠷᠡ ᠦᠪᠠᠷ ᠤᠨ | ᠲᠡᠷᠡᠬᠦ ᠢᠳᠡᠭᠡᠨ ᠤ ᠲᠤᠷᠠᠰᠢᠯ ᠪᠠ ᠠᠮᠢᠳᠤᠷᠠᠯ ᠤᠨ ᠲᠠᠳᠬᠠᠯ ᠢᠶᠠᠨ ᠴᠢᠷᠮᠠᠶᠢᠨ ᠦᠭᠡᠷᠡᠴᠢᠯᠡᠪᠠ᠃ ᠭᠠᠴᠠᠭᠠ ᠳᠤ | ᠰᠠᠭᠤᠭᠰᠠᠨ ᠨᠢᠭᠡ ᠵᠢᠯ ᠤᠨ ᠲᠤᠳᠤᠷᠠᠬᠢ ᠲᠡᠬᠦᠨ ᠤ ᠡᠳᠡᠭᠡᠷ ᠬᠤᠪᠢᠷᠠᠯᠳᠠ ᠶᠢ ᠨᠠᠶᠢᠵᠠ ᠨᠦᠬᠦᠳ ᠨᠢ ᠲᠠᠭᠤ ᠠᠯᠳᠠᠨ | ᠭᠠᠶᠢᠬᠠᠬᠤ ᠶᠢᠨ ᠲᠠᠭᠠᠤ ᠤᠤᠯ ᠤᠨ ᠲᠠᠷᠡᠬᠦ ᠠᠶᠢᠯ ᠤᠨ ᠭᠠᠭᠴᠠ ᠡᠩᠬᠦᠷᠡᠶᠢᠭᠡᠨ ᠦᠬᠢᠨ ᠬᠠᠷᠢᠨ ᠦᠨᠤᠳᠤᠷ ᠤᠨ ︽ | ᠲᠠᠮᠤᠷ ᠭᠡᠤᠭᠡᠨ︾ ᠪᠤᠯᠴᠢᠬᠠᠵᠠᠢ ᠭᠡᠵᠤ ᠠᠮᠠ ᠪᠤᠯᠢᠶᠠᠯᠳᠤᠨ ᠶᠠᠷᠢᠵᠤ ᠪᠠᠶᠢᠯᠠ᠃ | ᠲᠠᠷᠠ ᠭᠡᠳᠤᠶᠢᠪᠠᠷ ᠨᠠᠰᠤ ᠵᠠᠯᠠᠭᠤ ᠴᠢᠰᠤ ᠰᠢᠩᠭᠡᠨ ᠴᠦ ᠬᠦᠳᠡᠭᠡ ᠲᠤᠰᠬᠤᠨ ᠳᠤ ᠰᠠᠭᠤᠵᠤ ᠠᠵᠢᠯᠯᠠᠬᠤ | ᠶᠠᠪᠤᠴᠠ ᠳᠠᠭᠠᠨ ᠵᠤᠶᠢᠯ ᠵᠤᠶᠢᠯ ᠤᠨ ᠬᠦᠴᠢᠷ ᠪᠠᠷᠭᠡ ᠪᠠ ᠲᠦᠬᠦᠮ ᠦᠭᠡᠢ ᠪᠠᠶᠢᠳᠠᠯ ᠢ ᠢᠯᠠᠨ ᠲᠠᠪᠠᠵᠤ ᠲᠠᠶᠢᠯᠦᠭᠰᠡᠨ | ᠪᠠᠶᠢᠨᠠ᠃ ᠡᠬᠢᠯᠡᠮᠡᠭᠴᠠ ᠢᠳᠡᠵᠤ ᠤᠤᠭᠤᠬᠤ᠂ ᠤᠨᠳᠠᠵᠤ ᠠᠮᠠᠷᠠᠬᠤ᠂ ᠶᠠᠪᠤᠵᠤ ᠰᠠᠭᠤᠬᠤ ᠠᠴᠠ ᠡᠬᠢᠯᠡᠭᠡᠳ ᠠᠵᠢᠯ | ᠢᠶᠠᠨ ᠦᠷᠨᠢᠬᠦᠯᠬᠦ ᠳᠤ ᠪᠦᠷ ᠨᠦᠬᠦᠴᠡᠯ ᠬᠠᠩᠭᠠᠮᠵᠢᠳᠠᠢ ᠪᠢᠰᠢ ᠪᠠᠶᠢᠪᠠ᠃ | ᠠᠮᠤᠷ ᠲᠦᠪᠰᠢᠨ ᠬᠢᠭᠡᠳ ᠡᠯᠠ ᠲᠠᠯᠠ ᠶᠢᠨ ᠪᠠᠶᠢᠳᠠᠯ ᠢ ᠪᠤᠳᠤᠯᠬᠢᠯᠠᠵᠤ ᠪᠠᠶᠢᠭᠤᠯᠭᠠ ᠠᠴᠠ ᠡᠷᠡᠮᠠᠯᠵᠡᠯᠡᠵᠤ | ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠯᠳᠠ ᠶᠢᠨ ᠵᠦᠪᠰᠢᠶᠠᠷᠠᠯ ᠢᠶᠠᠷ ᠲᠠᠷᠠ ᠰᠤᠮᠤ ᠶᠢᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠪᠠᠶᠢᠷᠢ ᠳᠤ ᠰᠠᠭᠤᠨ᠂ | ᠡᠳᠤᠷ ᠪᠦᠷᠢ ᠠᠷᠪᠠᠭᠠᠳ ᠭᠠᠵᠠᠷ ᠤᠨ ᠵᠠᠢ ᠳᠠᠬᠢ ᠮᠤᠭᠠᠶᠢᠳᠤ ᠭᠠᠴᠠᠭᠠᠨ ᠳᠤ ᠵᠠᠮᠨᠠᠵᠤ ᠠᠵᠢᠯᠯᠠᠬᠤ ᠪᠠᠷ ᠪᠤᠯᠪᠠ᠃ | ᠦᠷᠯᠦᠭᠡ ᠤᠷᠤᠢ ᠲᠤᠰᠴᠤ ᠬᠦᠷᠭᠡᠬᠦ ᠲᠦᠬᠦᠮ ᠦᠭᠡᠢ ᠨᠦᠬᠦᠴᠡᠯ ᠬᠢᠭᠡᠳ ᠴᠠᠭ ᠢᠶᠠᠨ ᠠᠷᠪᠢᠯᠠᠬᠤ ᠶᠢᠨ ᠲᠦᠯᠦᠭᠡ | ᠲᠠᠷᠠ ᠰᠤᠮᠤᠨ ᠤ ᠲᠦᠪ ᠠᠴᠠ ᠬᠠᠮᠳᠤ ᠵᠠᠮᠨᠠᠳᠠᠭ ᠡᠭᠡᠴᠢ ᠲᠡᠬᠦᠤ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠲᠤᠭᠤᠢ ᠲᠡᠷᠭᠡ | ᠬᠤᠳᠠᠯᠳᠤᠨ ᠠᠪᠴᠤ ᠲᠤᠰᠬᠠᠢ ︽ᠤᠨᠤᠭᠠ︾ ᠪᠤᠯᠭᠠᠪᠠ᠃ | ᠵᠠᠮ ᠮᠦᠷ ᠲᠡᠭᠡᠨ ᠬᠠᠮᠤᠭ ᠠᠴᠠ ᠠᠶᠤᠬᠤ ᠨᠢ ᠠᠶᠢᠯ ᠤᠨ ᠨᠤᠬᠠᠳ ᠲᠠᠭᠠᠷᠠᠬᠤ ᠠᠴᠠ ᠠᠶᠤᠨᠠ᠃ ᠲᠤᠭᠤᠢ | ᠪᠠᠷ ᠵᠠᠮᠨᠠᠭᠰᠠᠨ ᠤ ᠨᠢᠭᠡᠳᠤᠭᠡᠷ ᠡᠳᠤᠷ ᠲᠡᠷᠠ ᠡᠭᠡᠴᠢ ᠲᠡᠬᠦᠤ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠤᠷᠭᠤᠬᠤ ᠨᠠᠷᠠ ᠲᠠᠢ | ᠤᠷᠤᠯᠳᠤᠨ ᠪᠤᠰᠴᠤ ᠭᠠᠴᠠᠭᠠᠨ ᠲᠦᠪ ᠵᠦᠭ ᠢᠶᠠᠨ ᠨᠢᠰᠭᠡᠵᠤ ᠪᠠᠶᠢᠳᠠᠯᠠ ᠪᠠᠷᠠᠭᠤᠨ ᠮᠤᠭᠠᠶᠢᠳᠤ ᠲᠤᠭᠤᠶᠢᠯᠠᠩ ᠪᠤᠯᠤᠨ | ᠪᠦᠳᠦᠬᠦᠨ ᠮᠤᠳᠤ ᠲᠤᠭᠤᠶᠢᠯᠠᠩ ᠤᠨ ᠠᠶᠢᠯ ᠤᠨ ᠬᠤᠳᠠᠴᠢ ᠨᠤᠬᠠᠳ ᠲᠠᠭᠤ ᠬᠤᠭᠤᠯᠠᠢ ᠠᠪᠤᠯᠴᠠᠨ ᠬᠤᠶᠢᠨᠠ | ᠡᠮᠤᠨᠠ ᠠᠷᠪᠠᠨ ᠭᠡᠳᠤᠨ ᠨᠤᠬᠠᠢ ᠲᠠᠢ ᠲᠠᠭᠠᠷᠠᠯᠳᠤᠵᠤ᠂ ᠲᠤᠭᠤᠢ ᠲᠠᠢ ᠪᠠᠨ ᠡᠰᠡᠯᠡ ᠤᠶᠢᠴᠢᠵᠤ ᠵᠠᠮ ᠤᠨ ᠲᠠᠯᠠᠩ | ᠠᠴᠠ ᠦᠩᠬᠦᠷᠢᠳᠦᠬᠦ ᠰᠢᠬᠠᠪᠠ᠃ ᠲᠠᠶᠢᠨᠬᠦ ᠲᠠᠷᠠ ᠨᠤᠬᠠᠢ ᠰᠢᠪᠠᠭᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠪᠠᠷ ᠪᠦᠳᠦᠬᠦᠨ ᠭᠡᠭᠴᠢ ᠮᠤᠳᠤᠨ | ᠰᠢᠳᠠᠮ ᠤᠯᠵᠤ ᠲᠤᠭᠤᠢ ᠳᠠᠭᠠᠨ ᠠᠴᠢᠵᠤ ᠵᠠᠮᠨᠠᠳᠠᠭ ᠪᠤᠯᠤᠭᠰᠠᠨ ᠨᠢ ᠨᠢᠭᠡ ᠶᠤᠰᠤᠨ ᠤ ᠠᠶᠤᠩᠭᠤᠷᠢ ᠪᠠᠨ ᠲᠠᠷᠤᠬᠤ | ᠤᠬᠠᠭᠠᠨ ᠭᠡᠯᠳᠡᠢ᠃ | 2018 ᠤᠨ ᠳᠤ ᠪᠦᠬᠦ ᠬᠤᠰᠢᠭᠤᠨ ᠤ ᠭᠠᠴᠠᠭᠠ ᠲᠤᠰᠬᠤᠨ ᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠠᠩᠬᠢ ᠶᠢᠨ ︽ | ᠰᠢᠯᠢᠳᠡᠭ ᠺᠠᠳ᠋ᠷ︾᠂ ᠪᠠᠯᠴᠢᠷᠤᠳ ᠰᠤᠮᠤ ᠶᠢᠨ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠠᠷᠭᠡ ᠶᠢ ᠲᠤᠭᠤᠯᠬᠤ ᠠᠵᠢᠯ ᠤᠨ | ︽ᠲᠠᠷᠢᠬᠦᠨ ᠤ ᠬᠤᠪᠢ ᠬᠦᠮᠤᠨ︾ ᠢᠶᠠᠷ᠂ 2019 ᠤᠨ ᠳᠤ ︽ᠪᠦᠬᠦ ᠬᠤᠰᠢᠭᠤᠨ ᠤ ᠬᠦᠳᠡᠯᠮᠤᠷᠢ ᠶᠢᠨ | ᠵᠢᠱᠢᠶᠠᠴᠢ︾ ᠪᠠᠷ ᠦᠨᠡᠯᠡᠭᠳᠡᠭᠰᠡᠨ ᠪᠦᠭᠡᠳ ᠭᠠᠴᠠᠭᠠ ᠲᠤᠰᠬᠤᠨ ᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠠᠩᠬᠢ ᠶᠢᠨ ᠰᠢᠯᠢᠳᠡᠭ | ᠭᠡᠰᠢᠬᠦᠨ ᠢᠶᠠᠷ ᠲᠤᠰ ᠲᠤᠰ ᠬᠦᠬᠢᠬᠦᠯᠦᠭᠳᠡᠭᠰᠡᠨ ᠲᠠᠷᠠ ᠪᠠᠷ ᠤᠳᠤ ᠠᠮᠠ ᠨᠡᠭᠡᠭᠡᠪᠠᠯ ︽ᠮᠠᠨ ᠤ ᠭᠠᠴᠠᠭᠠ᠂ ᠮᠠᠨ ᠤ | ᠬᠦᠴᠢᠷᠳᠠᠢ ᠡᠷᠦᠭᠡ ᠁︾ ᠭᠡᠵᠤ ᠠᠮᠢᠨᠴᠢᠯᠠᠨ ᠶᠠᠷᠢᠬᠤ ᠪᠦᠭᠡᠳ ᠬᠦᠴᠢᠷᠳᠠᠢ ᠡᠷᠦᠭᠡ ᠶᠢᠨ ᠠᠮᠢᠳᠤᠷᠠᠯ | ᠤᠶᠢᠯᠠᠳᠪᠤᠷᠢᠯᠡᠯ ᠤᠨ ᠪᠠᠶᠢᠳᠠᠯ ᠢ ᠨᠢ ᠨᠤ ᠦᠭᠡᠢ ᠮᠡᠳᠡᠵᠤ ︽ᠲᠠᠳᠠᠨ ᠤ ᠠᠰᠠᠭᠤᠳᠠᠯ ᠪᠤᠯ ᠮᠢᠨᠤ ᠠᠰᠠᠭᠤᠳᠠᠯ᠂ | ᠲᠠᠳᠠᠨ ᠤ ᠬᠦᠴᠢᠷᠳᠠᠯ ᠪᠤᠯ ᠮᠢᠨᠤ ᠰᠢᠢᠳᠪᠤᠷᠢᠯᠡᠬᠦ ᠭᠡᠷᠡᠭᠳᠡᠢ ᠤᠴᠢᠷ᠂ ᠬᠦᠢᠴᠡᠳᠭᠡᠬᠦ ᠭᠡᠷᠡᠭᠳᠡᠢ ᠡᠬᠦᠷᠭᠡ︾ ᠭᠡᠮᠡᠨ | ᠮᠠᠷᠡᠶᠢᠨ ᠠᠵᠢᠯᠯᠠᠭᠰᠠᠭᠠᠷ ᠁ ︵ᠤᠷᠠᠨᠲ᠋ᠠᠨᠠ︶ | |