| ︽ᠡᠬᠢᠯᠠᠯᠳᠠ ᠪᠤᠯ ᠠᠵᠢᠯ ᠤᠨ ᠬᠠᠮᠤᠭ ᠴᠢᠬᠤᠯᠠ ᠭᠡᠰᠡᠭ ᠪᠤᠯᠳᠠᠭ︾ ᠢᠶᠠᠷ ᠭᠡᠷ ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ | ᠲᠠᠯᠠᠪᠠᠢ ᠪᠠᠨ ᠡᠬᠢᠯᠡᠬᠦᠯᠤᠨ ᠨᠢᠭᠡᠨᠳᠠ ᠭᠤᠷᠪᠠᠨ ᠵᠢᠯ ᠪᠤᠯᠵᠤ ᠶᠠᠪᠤᠭᠠ ᠤᠶᠤᠳᠠᠨ ᠮᠠᠯᠴᠢᠨ ᠨᠠᠰᠤᠨᠴᠤᠭᠳᠤ ᠠᠵᠢᠯ | ᠤᠶᠢᠯᠠᠰ ᠤᠨ ᠢᠶᠠᠨ ᠴᠢᠬᠤᠯᠠ ᠨᠢᠭᠡᠨ ᠠᠯᠬᠤᠮ ᠢ ᠨᠢᠭᠡᠨᠳᠠ ᠠᠯᠬᠤᠴᠢᠬᠠᠭᠰᠠᠨ ᠮᠦᠷᠳᠡᠭᠡᠨ ᠲᠠᠷᠠᠭᠠᠴᠢ ᠶᠢᠨ ᠢᠶᠠᠨ | ᠲᠦᠯᠦᠪᠯᠡᠭᠡ ᠶᠤᠰᠤᠭᠠᠷ ᠵᠤᠯᠪᠤᠭᠠᠯᠢᠭ ᠤᠷᠤᠭᠰᠢᠯᠠᠨᠠ᠃ | | | | ᠨᠠᠢᠮᠠᠨ ᠵᠢᠯ ᠤᠨ ᠡᠮᠤᠨᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠰᠢᠯᠢᠳᠡᠭ ᠪᠦᠳᠦᠮᠵᠢ ᠪᠠᠷ ᠲᠡᠬᠦᠰᠴᠤ᠂ ᠤᠶᠤᠳᠠᠨ ᠤ | ᠤᠯᠠᠭᠠᠨ ᠦᠨᠠᠮᠯᠠᠯ ᠢᠶᠠᠨ ᠪᠠᠷᠢᠵᠤ᠂ ᠤᠯᠤᠰ ᠤᠨ ᠠᠯᠪᠠᠳᠠᠨ ᠢᠶᠠᠷ ᠪᠤᠶᠤ ᠠᠯᠢ ᠨᠢᠭᠡ ᠠᠵᠢᠯ ᠲᠦᠷᠤᠯ ᠳᠤ | ᠰᠤᠷᠤᠭᠰᠠᠨ ᠢᠶᠠᠨ ᠰᠤᠶᠢᠵᠤ᠂ ᠮᠡᠳᠡᠭᠰᠡᠨ ᠢᠶᠠᠨ ᠭᠡᠷᠡᠭᠯᠡᠬᠦ ᠭᠡᠮᠡᠨ ᠬᠦᠰᠡᠯ ᠳᠡᠭᠡᠨ ᠬᠦᠳᠦᠯᠦᠭᠳᠡᠨ ᠨᠠᠶᠢᠭᠡᠮ ᠳᠤ | ᠠᠩᠬᠠ ᠬᠦᠯ ᠲᠠᠯᠪᠢᠭᠰᠠᠨ ᠤᠶᠤᠳᠠᠨ ᠤ ᠨᠢᠭᠡ ᠨᠢ ᠨᠠᠰᠤᠨᠴᠤᠭᠳᠤ ᠪᠠᠶᠢᠯᠠ᠃ 2012 ᠤᠨ ᠳᠤ ᠶᠡᠭᠡ | ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠮᠡᠭᠴᠠ ᠰᠤᠮᠤ ᠳᠤ ᠬᠤᠶᠠᠷ ᠵᠢᠯ ᠠᠵᠢᠯᠯᠠᠭᠠᠳ ᠲᠠᠬᠢᠨ ᠡᠪᠠᠰᠤ ᠪᠤᠷᠤᠯᠠᠭᠤᠯᠬᠤ ᠠᠵᠢᠯ | ᠬᠢᠵᠤ ᠤᠯᠵᠠ ᠤᠷᠤᠯᠭᠠ ᠪᠠᠷ ᠤᠪᠤᠭᠠ ᠦᠨᠳᠤᠷ ᠪᠠᠶᠢᠬᠰᠠᠨ ᠴᠦ ᠬᠤᠶᠠᠷ ᠵᠢᠯ ᠪᠤᠯᠬᠤ ᠳᠤ ᠡᠪᠠᠰᠤᠨ | ᠪᠤᠷᠤᠯᠠᠭᠤᠯᠭᠠ ᠶᠢᠨ ᠤᠷᠤᠯᠭᠠ ᠤᠤᠯ ᠤᠨ ᠬᠢ ᠪᠠᠨ ᠬᠦᠷᠬᠦ ᠪᠠᠨ ᠪᠤᠯᠢᠬᠤ ᠳᠤ ᠲᠡᠬᠦᠨ ᠳᠤ ᠦᠭᠡᠷᠠ ᠨᠢᠭᠡᠨ ᠵᠠᠮ | ᠬᠠᠶᠢᠨ ᠰᠦᠪᠡᠭᠴᠢᠯᠡᠬᠦ ᠪᠤᠳᠤᠯ ᠡᠷᠭᠡ ᠦᠭᠡᠢ ᠤᠷᠭᠤᠭᠰᠠᠨ ᠪᠠᠶᠢᠯᠠ᠃ ᠡᠪᠠᠰᠤᠨ ᠪᠤᠷᠤᠯᠠᠭᠤᠯᠭᠠ ᠪᠠᠷ ᠵᠡᠬᠦᠨ | ᠬᠤᠶᠢᠳᠤ ᠤᠷᠤᠨ ᠢᠶᠠᠷ ᠡᠳᠤᠷ ᠰᠦᠨᠢ ᠦᠭᠡᠢ ᠲᠠᠪᠬᠢᠭᠤᠯᠵᠤ ᠶᠠᠪᠤᠭᠰᠠᠨ ᠨᠠᠰᠤᠨᠴᠤᠭᠳᠤ ᠵᠦᠭᠡᠷ ᠯᠠ ᠲᠡᠷᠭᠡ ᠪᠠᠨ | ᠪᠠᠷᠢᠵᠤ᠂ ᠡᠪᠠᠰᠤ ᠪᠤᠷᠤᠯᠠᠭᠤᠯᠤᠭᠠᠳ ᠯᠠ ᠶᠠᠪᠤᠭᠰᠠᠨ ᠪᠤᠰᠤ᠂ ᠬᠠᠷᠢᠨ ᠬᠦᠷᠦᠭᠰᠡᠨ ᠭᠠᠵᠠᠷ ᠤᠷᠤᠨ ᠤ ᠪᠠᠨ ᠬᠦᠮᠤᠨ | ᠵᠤᠨ ᠤ ᠠᠮᠢᠳᠤᠷᠠᠯ ᠤᠶᠢᠯᠡᠳᠪᠤᠷᠢᠯᠡᠯ᠂ ᠬᠤᠳᠠ ᠬᠦᠳᠡᠭᠡ ᠶᠢᠨ ᠬᠤᠪᠢᠷᠠᠯᠳᠠ ᠬᠦᠭᠵᠢᠯᠳᠠ᠂ ᠵᠠᠬᠠ ᠲᠡᠯᠭᠡᠬᠦᠷ ᠤᠨ | ᠬᠠᠨᠳᠤᠰᠢ ᠴᠢᠭᠯᠡᠯ ᠵᠠᠷᠭᠡ ᠠᠯᠢ ᠤᠯᠠᠨ ᠦᠵᠡᠭᠳᠡᠯ ᠢ ᠤᠶᠤᠳᠠᠨ ᠬᠦᠮᠤᠨ ᠤ ᠦᠪᠠᠷᠮᠢᠴᠠ ᠬᠠᠷᠠᠴᠠ ᠪᠠᠷ ᠢᠶᠠᠨ | ᠲᠤᠯᠢᠳᠠᠵᠤ ᠶᠠᠪᠤᠭᠰᠠᠨ ᠤᠬᠠᠭᠠᠨ ᠲᠠᠢ᠃ ᠲᠠᠷᠠ ᠡᠪᠠᠰᠤ ᠪᠤᠷᠤᠯᠠᠭᠤᠯᠬᠤ ᠠᠵᠢᠯ ᠢᠶᠠᠷ ᠬᠠᠷᠠᠮᠦ᠋ᠷᠠᠨ ᠮᠤᠵᠢ ᠳᠤ | ᠦᠷᠬᠦᠯᠵᠢ ᠬᠦᠷᠳᠡᠭ ᠪᠤᠯᠬᠤᠷ ᠲᠡᠨᠳᠡᠬᠢ ᠶᠢᠨ ᠮᠢᠩᠭᠠ ᠢᠯᠡᠬᠦᠤ ᠦᠭᠡᠷ ᠠᠷᠠᠴᠢᠯᠠᠨ ᠲᠡᠵᠢᠭᠡᠵᠤ ᠪᠠᠶᠢᠭᠠ ᠬᠢᠳᠠᠳ | ᠠᠷᠠᠯᠵᠢᠶᠠᠴᠢᠨ ᠤ ᠪᠠᠶᠢᠳᠠᠯ ᠢ ᠬᠠᠷᠠᠭᠠᠳ ᠶᠤᠰᠤᠳᠠᠢ ᠨᠢᠭᠡ ᠭᠠᠶᠢᠬᠠᠭᠰᠠᠨ ᠭᠡᠳᠡᠭ᠂ ᠨᠠᠰᠤᠨᠴᠤᠭᠳᠤ ᠶᠢᠨ ᠦᠭᠡ ᠪᠠᠷ | ᠭᠡᠯᠡᠪᠠᠯ ᠲᠠᠷᠠ ᠠᠩᠬᠠ ᠤᠳᠠᠭᠠ ᠡᠶᠢᠮᠤ ᠶᠡᠭᠡ ᠭᠡᠪᠴᠢᠶᠠ ᠪᠠᠷ ᠦᠭᠡᠷ ᠲᠡᠵᠢᠭᠡᠵᠤ ᠪᠠᠶᠢᠬᠤ ᠶᠢ ᠬᠠᠷᠠᠭᠰᠠᠨ ᠭᠡᠨᠠ᠃ | ᠡᠨᠡ ᠶᠡᠭᠡ ᠭᠠᠶᠢᠬᠠᠰᠢᠷᠠᠯ ᠰᠤᠴᠢᠯ ᠨᠢ ᠲᠡᠬᠦᠨ ᠤ ᠤᠳᠠᠭᠠᠨ ᠡᠳᠤᠷ ᠦᠭᠡᠷᠠ ᠨᠢᠭᠡᠨ ᠤᠶᠢᠯᠠᠰ ᠤᠨ ᠵᠠᠮ ᠡᠷᠢᠯᠭᠢᠯᠡᠬᠦ | ᠭᠡᠮᠡᠨ ᠲᠤᠳᠤᠷ ᠪᠤᠳᠤᠯ ᠰᠡᠳᠬᠢᠮᠵᠢ ᠲᠠᠢ ᠠᠮᠠ ᠰᠠᠭᠡᠷ ᠵᠤᠯᠭᠠᠭᠰᠠᠨ ᠭᠡᠯᠳᠡᠢ᠃ | | | | | | | | | ᠠᠵᠢᠯ ᠬᠢᠵᠤ ᠬᠦᠮᠤᠨ ᠪᠤᠯᠳᠠᠭ᠂ ᠠᠷᠤ ᠲᠠᠪᠠᠵᠤ ᠬᠦᠯᠦᠭ ᠪᠤᠯᠳᠠᠭ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ | ᠬᠤᠷᠠᠭᠠ ᠲᠤᠭᠤᠯ ᠲᠠᠢ ᠨᠤᠴᠤᠯᠳᠤᠨ᠂ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ ᠰᠤᠷᠭᠠᠯ ᠰᠠᠶᠢᠳᠠᠢ ᠭᠡᠷ ᠪᠦᠯᠢ ᠳᠤ ᠬᠦᠮᠦᠵᠢᠭᠳᠡᠨ | ᠦᠰᠦᠭᠰᠠᠨ ᠨᠠᠰᠤᠨᠴᠤᠭᠳᠤ ᠬᠦᠳᠡᠭᠡ ᠭᠡᠷ ᠤᠨ ᠠᠵᠢᠯ ᠠᠮᠢᠳᠤᠷᠠᠯ ᠠᠴᠠ ᠪᠠᠨ ᠶᠠᠷᠤ ᠵᠠᠶᠢᠳᠠᠵᠤ ᠬᠤᠯᠠᠳᠠᠭᠠ ᠦᠭᠡᠢ | ᠮᠦᠷᠳᠡᠭᠡᠨ ᠨᠠᠶᠢᠭᠡᠮ ᠲᠡᠭᠡᠷᠠ ᠭᠡᠳᠤᠨ ᠵᠢᠯ ︽ᠬᠢᠴᠢᠶᠠᠯ︾ ᠳᠤ ᠤᠷᠤᠭᠰᠠᠨ ᠤᠶᠢᠯᠡᠳᠦᠯᠭᠡ ᠲᠤᠷᠰᠢᠯᠭᠠ ᠨᠢ ᠲᠡᠬᠦᠨ | ᠤ ᠦᠨᠤᠳᠤᠷ ᠤᠨ ︽ᠭᠡᠷ ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ︾ ᠪᠠᠶᠢᠭᠤᠯᠬᠤ ᠳᠤ ᠨᠦᠬᠦᠴᠡᠯ ᠪᠤᠯᠤᠮᠵᠢ ᠶᠢᠨ | ᠰᠠᠭᠤᠷᠢ ᠶᠢ ᠲᠠᠯᠪᠢᠬᠰᠠᠨ ᠪᠠᠶᠢᠵᠤ ᠲᠠᠭᠠᠷᠠᠨᠠ ᠃ 2017 ᠤᠨ ᠤ 5 ᠰᠠᠷᠠ ᠳᠤ᠂ ᠲᠠᠷᠠ ︽ᠨᠠᠰᠤᠨᠴᠤᠭᠳᠤ ᠭᠡᠷ | ᠪᠦᠯᠢ ᠶᠢᠨ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ︾ ᠪᠠᠨ ᠲᠠᠩᠰᠠᠯᠠᠭᠤᠯᠵᠤ᠂ ᠰᠠᠭᠤᠷᠢ ᠪᠦᠳᠦᠭᠡᠨ ᠪᠠᠶᠢᠭᠤᠯᠤᠯᠳᠠ ᠪᠠᠨ ᠡᠬᠢᠯᠡᠬᠦᠯᠤᠨ | ᠂ ᠤᠳᠤ ᠪᠤᠯᠬᠤ ᠳᠤ ᠨᠢᠭᠡᠨᠳᠠ 100 ᠭᠠᠷᠤᠢ ᠲᠦᠮᠡᠨ ᠲᠦᠬᠦᠷᠢᠭ ᠤᠨ ᠪᠠᠯᠠ ᠤᠷᠤᠭᠤᠯᠵᠤ᠂ 2000 ᠰᠢᠬᠠᠮ | ᠲᠡᠭᠰᠢ ᠲᠦᠷᠪᠠᠯᠵᠢᠨ ᠮᠧᠲᠷ ᠮᠠᠯ ᠤᠨ ᠫᠧᠩ ᠰᠠᠷᠠᠪᠴᠢ᠂ 400 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠡᠪᠠᠰᠤᠨ ᠫᠧᠩ | ᠪᠠᠶᠢᠭᠤᠯᠤᠨ᠂ 90 ᠭᠠᠷᠤᠢ ᠰᠠᠶᠢᠨ ᠡᠬᠦᠯᠳᠡᠷ ᠤᠨ ᠰᠠᠭᠤᠷᠢ ᠡᠭᠡ ᠮᠠᠯ ᠮᠠᠯᠵᠢᠨ᠂ ᠵᠢᠯ ᠳᠤ ᠲᠡᠭᠰᠢᠳᠭᠡᠭᠡᠳ 60 | — 70 ᠲᠤᠭᠤᠯ ᠢ ᠵᠠᠬᠠ ᠳᠤ ᠭᠠᠷᠭᠠᠵᠤ ᠪᠠᠶᠢᠨᠠ᠃ ᠨᠢᠯᠬᠠ ᠲᠤᠭᠤᠯ ᠢ ᠡᠭᠡ ᠠᠴᠠ ᠲᠦᠷᠦᠭᠰᠡᠨ ᠠᠴᠠ | ᠬᠠᠭᠠᠰ ᠰᠠᠷᠠ ᠶᠢᠨ ᠲᠠᠷᠠᠭᠠ ᠪᠤᠷᠳᠤᠭᠠ ᠢᠳᠡᠬᠦᠯᠤᠨ᠂ 6 — 8 ᠰᠠᠷᠠ ᠲᠡᠵᠢᠭᠡᠭᠰᠡᠨ ᠤ ᠲᠠᠷᠠᠭᠠ ᠭᠠᠷᠭᠠᠯᠳᠠ | ᠳᠤ ᠭᠠᠷᠭᠠᠨᠠ᠂ ᠲᠤᠭᠤᠯ ᠪᠦᠷᠢ ᠲᠡᠭᠰᠢᠳᠭᠡᠭᠡᠳ 13000 ᠲᠦᠬᠦᠷᠢᠭ ᠬᠦᠷᠳᠡᠭ᠂ ᠭᠡᠬᠦ ᠳᠤ ᠨᠢᠭᠡ ᠲᠤᠭᠤᠯ ᠢ | 6— 8 ᠰᠠᠷᠠ ᠠᠷᠠᠴᠢᠯᠠᠵᠤ ᠲᠡᠵᠢᠭᠡᠬᠦ ᠡᠪᠠᠰᠤ ᠪᠤᠷᠳᠤᠭᠠ ᠶᠢᠨ ᠲᠠᠩᠰᠠ ᠶᠢ ᠨᠠᠷᠢᠪᠴᠢᠯᠡᠪᠠᠯ᠂ ᠲᠤᠭᠤᠯ ᠪᠦᠷᠢ | ᠵᠠᠬᠠ ᠳᠤ ᠭᠠᠷᠳᠠᠯᠠ 500 — 600 ᠲᠦᠬᠦᠷᠢᠭ ᠤᠨ ᠪᠤᠷᠳᠤᠭᠠ ᠭᠡᠷᠡᠭᠰᠡᠨᠠ᠂ ᠢᠩᠬᠢᠭᠡᠳ ᠪᠤᠳᠤᠪᠠᠯ ᠮᠠᠨ ᠤ | ᠤᠶᠤᠳᠠᠨ ᠮᠠᠯᠴᠢᠨ ᠤ ᠲᠦᠯ ᠮᠠᠯ ᠤᠨ ᠤᠷᠤᠯᠭᠠ ᠬᠢᠷᠢ ᠵᠠᠷᠭᠡ ᠭᠡᠳᠡᠭ ᠨᠢ ᠮᠠᠰᠢ ᠲᠤᠳᠤᠷᠬᠠᠢ ᠪᠤᠯᠤᠨᠠ᠃ ᠡᠬᠦᠨ | ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠤᠷᠤᠯᠭᠠ ᠶᠢᠨ ᠲᠠᠯᠠ ᠶᠢᠨ ᠪᠠᠰᠠ ᠨᠢᠭᠡᠨ ᠭᠡᠯᠪᠠᠷᠢ ᠭᠡᠪᠠᠯ ᠨᠠᠰᠤᠨᠴᠤᠭᠳᠤ ᠪᠤᠰᠤᠳ ᠠᠴᠠ | ᠲᠤᠭᠤᠯ ᠬᠤᠳᠠᠯᠳᠤᠨ ᠠᠪᠴᠢᠷᠠᠵᠤ᠂ ᠦᠪᠠᠷ ᠢᠶᠠᠨ ᠬᠤᠶᠠᠷ ᠰᠠᠷᠠ ᠤᠷᠴᠢᠮ ᠠᠷᠠᠴᠢᠯᠠᠨ ᠲᠡᠵᠢᠭᠡᠵᠤ ᠵᠠᠬᠠ ᠳᠤ | ᠭᠠᠷᠭᠠᠬᠤ ᠳᠤ ᠲᠤᠭᠤᠯ ᠪᠦᠷᠢ ᠲᠡᠭᠡᠷᠠ 2000 ᠲᠦᠬᠦᠷᠢᠭ ᠤᠨ ᠴᠡᠪᠠᠷ ᠤᠷᠤᠯᠭᠠ ᠤᠯᠳᠠᠭ ᠪᠠᠶᠢᠨᠠ᠃ | | | | | | | | ᠨᠠᠷᠠ ᠲᠠᠢ ᠭᠠᠵᠠᠷ ᠭᠡᠷ ᠢᠶᠠᠨ ᠪᠤᠰᠬᠠᠵᠤ᠂ ᠨᠠᠪᠴᠢ ᠲᠠᠢ ᠭᠠᠵᠠᠷ ᠮᠠᠯ ᠢᠶᠠᠨ ᠪᠠᠯᠴᠢᠭᠡᠵᠤ ᠶᠠᠪᠤᠭᠠ ᠨᠢ | ᠮᠥᠨ ᠤᠶᠤᠳᠠᠨ ᠮᠠᠯᠴᠢᠨ ᠤ ᠮᠠᠨᠢ ᠤᠶᠢᠯᠠᠰ ᠡᠷᠬᠢᠯᠡᠬᠦ ᠳᠤ ᠦᠰᠴᠤ ᠲᠦᠷᠦᠭᠰᠡᠨ ᠦᠯᠦᠭᠡᠢ ᠨᠤᠳᠤᠭ ᠨᠢ ᠦᠪᠯᠡᠵᠤ | ᠤᠯᠠᠮᠵᠢᠯᠡᠵᠤ ᠦᠭᠬᠦᠭᠰᠡᠨ ᠡᠭᠡ ᠭᠠᠵᠠᠷ ᠤᠨ ᠢᠪᠡᠭᠡᠯ ᠪᠠᠶᠢᠭᠠ᠃ ᠠᠷᠤᠪᠤᠯᠠᠭ ᠭᠡᠵᠤ ᠮᠠᠯᠵᠢᠬᠤ ᠳᠤ ᠲᠤᠬᠢᠷᠠᠭᠰᠠᠨ | ᠦᠩ ᠰᠢᠮᠡᠯᠢᠭ ᠡᠪᠠᠰᠤ ᠪᠠᠯᠴᠢᠭᠡᠷ ᠲᠠᠢ ᠨᠤᠳᠤᠭ ᠤᠰᠤᠨ᠃ ᠤᠶᠤᠳᠠᠨ ᠮᠠᠯᠴᠢᠨ ᠮᠠᠨᠢ ᠡᠨᠡ ᠰᠠᠶᠢᠬᠠᠨ ᠡᠭᠡ ᠭᠠᠵᠠᠷ | ᠤᠨ ᠢᠪᠡᠭᠡᠯ ᠳᠤ ᠰᠢᠳᠤᠨ᠂ ᠤᠯᠠᠮᠵᠢᠯᠠᠯᠳᠤ ᠮᠠᠯᠵᠢᠯ ᠤᠨ ᠢᠶᠠᠨ ᠰᠠᠭᠤᠷᠢᠨ ᠲᠡᠭᠡᠷᠠ ᠤᠳᠤᠬᠢᠴᠢᠯᠠᠯᠳᠠ ᠰᠢᠨᠠᠴᠢᠯᠠᠯᠳᠠ | ᠶᠢ ᠠᠭᠤᠰᠤᠯᠴᠠᠭᠤᠯᠤᠨ᠂ ᠡᠪᠠᠰᠤ ᠪᠠ ᠪᠤᠷᠳᠤᠭᠠ ᠶᠢ ᠲᠠᠩᠴᠡᠬᠦᠯᠬᠦ᠂ ᠪᠡᠯᠴᠢᠭᠡᠷ ᠬᠠᠳᠤᠯᠠᠩ ᠪᠠ ᠲᠠᠷᠢᠶᠠᠨ ᠤ ᠡᠰᠢ | ᠰᠦᠷᠠᠯ ᠢ ᠡᠭᠡᠯᠵᠢᠯᠡᠬᠦᠯᠬᠦ᠂ ᠬᠠᠰᠢᠶᠠᠯᠠᠬᠤ ᠪᠠ ᠪᠠᠯᠴᠢᠭᠡᠷᠯᠡᠬᠦᠯᠬᠦ ᠶᠢ ᠰᠡᠯᠬᠦᠬᠦ᠂ ᠮᠠᠩᠬᠠ ᠪᠠ ᠵᠤ ᠶᠢᠨ ᠪᠠᠯᠴᠢᠭᠡᠷ ᠢ | ᠬᠤᠤᠰᠯᠠᠭᠤᠯᠬᠤ ᠵᠡᠷᠭᠡ ᠲᠠᠯᠠ ᠲᠠᠯᠠ ᠶᠢᠨ ᠠᠵᠢᠯ ᠢ ᠲᠤᠬᠢᠳᠠᠢ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠢᠶᠠᠷ ᠠᠰᠢᠭ ᠤᠷᠤᠯᠭᠠ ᠶᠢᠨ | ᠲᠠᠯᠠ ᠳᠤ ᠬᠠᠮᠤᠭ ᠰᠠᠶᠢᠨ ᠦᠷᠠ ᠪᠦᠳᠦᠮᠵᠢ ᠶᠢ ᠡᠬᠦᠳᠴᠤ ᠪᠠᠶᠢᠭᠠ ᠶᠤᠮ᠃ ᠤᠳᠤ ᠲᠠᠳᠠᠨ ᠤ ᠬᠢᠨ 4000 | ᠢᠯᠡᠬᠦᠤ ᠮᠤ᠋ ᠪᠠᠯᠴᠢᠭᠡᠷ ᠲᠠᠢ᠂ 200 ᠭᠠᠷᠤᠢ ᠮᠤ᠋ ᠨᠤᠭᠤᠭᠠᠨ ᠲᠠᠷᠤᠰᠢ ᠲᠠᠷᠢᠵᠤ᠂ ᠵᠠᠭᠤ ᠭᠠᠷᠤᠢ ᠮᠠᠯ ᠤᠨ ᠢᠶᠠᠨ | ᠡᠪᠠᠰᠤ ᠪᠤᠷᠳᠤᠭᠠ ᠶᠢᠨ ᠠᠰᠠᠭᠤᠳᠠᠯ ᠢ ᠦᠪᠠᠷᠳᠡᠭᠡᠨ ᠰᠢᠢᠳᠪᠤᠷᠢᠯᠡᠨ᠂ ᠮᠠᠰᠢᠨᠴᠢᠯᠠᠯᠳᠠ ᠶᠢ ᠠᠰᠢᠭᠯᠠᠨ | ᠤᠶᠢᠯᠡᠳᠪᠤᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠪᠠᠨ ᠲᠦᠬᠦᠮ ᠦᠵᠡᠬᠦᠯᠦᠭᠰᠡᠨ ᠢᠶᠠᠷ ᠬᠦᠴᠤ ᠬᠦᠯᠤᠰᠤ ᠶᠢ ᠶᠡᠭᠡᠪᠠᠷ ᠠᠷᠪᠢᠯᠠᠵᠠᠢ᠃ | | | | | | | | ᠲᠦᠮᠡᠨ ᠠᠯᠬᠤᠮ ᠤᠨ ᠲᠦᠷᠦᠬᠦᠤ ᠠᠯᠬᠤᠮ ᠭᠡᠴᠡᠬᠦᠤ ᠪᠠᠶᠢᠳᠠᠭ ᠤᠨ ᠵᠢᠮᠠ ᠶᠢ ᠪᠠᠶᠠ ᠪᠠᠷ ᠢᠶᠠᠨ | ᠦᠩᠭᠡᠷᠡᠬᠦᠯᠦᠭᠰᠡᠨ ᠨᠠᠰᠤᠨᠴᠤᠭᠳᠤ ᠵᠠᠯᠠᠭᠤ ᠮᠠᠨᠢ ᠤᠶᠢᠯᠠᠰ ᠡᠬᠢᠯᠡᠬᠦᠯᠬᠦ ᠡᠬᠢᠨ ᠤ ᠦᠶᠠ ᠶᠢᠨ ᠤᠨᠳᠠᠭᠠᠳ ᠨᠤᠶᠢᠷ | ᠦᠭᠡᠢ ᠤᠯᠠᠨ ᠰᠦᠨᠢ ᠶᠢ ᠦᠩᠭᠡᠷᠡᠬᠦᠯᠵᠤ ᠶᠠᠪᠤᠭᠰᠠᠨ ᠢᠶᠠᠨ ᠡᠷᠬᠢᠴᠡᠬᠦᠯᠤᠨ ᠲᠤᠷᠠᠰᠬᠤ ᠶᠢ ᠨᠢ ᠰᠤᠨᠤᠰᠬᠤ ᠠᠴᠠ | ᠦᠪᠠᠷ ᠤᠨ ᠡᠷᠭᠡ ᠦᠭᠡᠢ ᠦᠷᠤ ᠡᠪᠠᠳᠤᠯ ᠲᠦᠷᠦᠭᠳᠡᠨᠠ᠃ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠶᠡᠭᠡ ᠰᠤᠷᠭᠠᠭᠤᠯᠢ | ᠲᠡᠬᠦᠰᠤᠭᠡᠳ ᠠᠷᠤ ᠬᠡᠷ ᠲᠡᠭᠡᠨ ᠬᠠᠷᠢᠵᠤ ᠠᠯᠪᠠᠨ ᠠᠵᠢᠯ ᠠᠪᠬᠤ ᠦᠭᠡᠢ᠂ ᠮᠠᠯᠴᠢᠨ ᠪᠤᠯᠤᠨᠠ ᠭᠡᠭᠴᠢ ᠶᠤᠰᠤᠳᠠᠢ | ᠤᠯᠠᠨ ᠬᠦᠮᠤᠨ ᠳᠤ ᠤᠶᠢᠯᠭᠠᠭᠳᠠᠰᠢ ᠦᠭᠡᠢ ᠤᠨᠢᠰᠤᠭᠠ ᠪᠤᠶᠤ᠃ ᠭᠡᠶᠠ ᠠᠶᠢᠯ ᠠᠶᠢᠮᠠᠭ ᠤᠨ ᠶᠠᠷᠢᠶᠠ ᠭᠡᠯᠡᠯᠴᠠᠭᠡᠨ᠂ | ᠨᠠᠶᠢᠵᠠ ᠨᠦᠬᠦᠳ ᠤᠨ ᠢᠳᠬᠠᠯᠭᠠ ᠰᠠᠨᠠᠭᠤᠯᠭᠠ ᠪᠦᠬᠦᠨ ᠨᠢ ︽ᠠᠮᠢᠰᠬᠤᠬᠤ ᠶᠢᠨ ᠡᠷᠡᠬᠦᠯ ᠬᠦᠳᠡᠭᠡ ᠳᠡᠭᠡᠨ | ᠠᠮᠢᠳᠤᠷᠠᠬᠤ ᠶᠢᠨ ᠵᠦᠪ ᠮᠤᠩᠭᠤᠯ ᠳᠠᠭᠠᠨ︾ ᠭᠡᠵᠤ ᠨᠤᠳᠤᠭ ᠤᠰᠤᠨ ᠳᠤ ᠪᠠᠨ ᠡᠵᠡᠨ ᠰᠠᠭᠤᠵᠤ᠂ ᠮᠠᠯᠵᠢᠬᠤ | ᠠᠮᠢᠳᠤᠷᠠᠯ ᠢᠶᠠᠨ ᠡᠳ᠋ᠯᠠᠨᠠ ᠭᠡᠮᠡᠨ ᠭᠠᠭᠴᠠ ᠦᠵᠦᠬᠦᠷᠳᠤ ᠰᠡᠳᠬᠢᠯ ᠢ ᠪᠠᠷᠢᠬᠰᠠᠨ ᠨᠠᠰᠤᠨᠴᠤᠭᠳᠤ ᠶᠢ ᠵᠤᠶᠢᠯ ᠤᠨ | ᠬᠦᠴᠢᠷ ᠢ ᠲᠠᠪᠠᠭᠤᠯᠤᠨ ᠵᠤᠷᠢᠭᠰᠠᠨ ᠳᠤ ᠨᠢ ᠬᠦᠷᠭᠡᠵᠤ ᠲᠠᠶᠢᠯᠵᠠᠢ᠃ | | | | | ᠬᠦᠮᠤᠨ ᠤ ᠬᠠᠮᠤᠭ ᠤᠨ ᠶᠡᠭᠡ ᠪᠠᠶᠠᠷ ᠪᠠᠭ᠋ᠠᠳᠤᠯ ᠭᠡᠮᠡᠪᠠᠰᠤ ᠦᠪᠠᠷ ᠤᠨ ᠬᠦᠳᠡᠯᠮᠤᠷᠢ ᠳᠡᠭᠡᠨ ᠦᠷᠠ | ᠪᠦᠳᠦᠭᠡᠯ ᠤᠯᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠᠷᠢᠭᠤᠨ ᠬᠦᠳᠡᠯᠮᠤᠷᠢ ᠶᠢᠨ ᠢᠶᠠᠨ ᠦᠷᠠ ᠪᠦᠳᠦᠭᠡᠯ ᠢ ᠡᠬᠢᠯᠡᠨ ᠡᠳ᠋ᠯᠠᠵᠤ | ᠶᠠᠪᠤᠭᠠ ᠤᠶᠤᠳᠠᠨ ᠮᠠᠯᠴᠢᠨ ᠨᠠᠰᠤᠨᠴᠤᠭᠳᠤ ᠮᠠᠨᠢ ᠦᠢ ᠤᠯᠠᠨ ︽ᠤᠶᠢᠯᠠᠰ ᠪᠦᠳᠦᠭᠡᠶᠠ︾ ᠭᠡᠵᠤ ᠡᠷᠢᠵᠤ | ᠪᠤᠳᠤᠯᠢᠵᠤ ᠶᠠᠪᠤᠭᠠ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠬᠦᠰᠦᠭᠰᠡᠨ ᠤᠶᠤᠳᠠᠨ ᠲᠡᠬᠦᠤᠨᠠᠷ᠂ ᠠᠶᠢᠯ ᠠᠶᠢᠮᠠᠭ ᠤᠨ ᠵᠠᠯᠠᠭᠤ ᠨᠢᠭᠡ | ᠦᠶᠠ ᠶᠢᠨ ᠬᠢᠨ ᠳᠤ ᠲᠠᠭᠠᠭᠤᠯᠤᠭᠴᠢ ᠪᠤᠶᠤ ᠲᠠᠭᠤᠷᠶᠠᠯ ᠦᠵᠡᠬᠦᠯᠬᠦ ᠨᠢ ᠯᠠᠪᠳᠠᠢ᠃ ᠲᠠᠷᠠ ᠪᠠᠷ ᠮᠤᠩᠭᠤᠯ | ᠵᠠᠯᠠᠭᠤᠴᠤᠳ ᠢᠶᠠᠨ ᠨᠤᠳᠤᠭ ᠢᠶᠠᠨ ᠰᠠᠬᠢᠵᠤ᠂ ᠬᠠᠮᠳᠤ ᠪᠠᠷ ᠨᠤᠳᠤᠭ ᠤᠰᠤᠨ ᠳᠤ ᠪᠠᠨ ᠡᠵᠡᠨ ᠰᠠᠭᠤᠵᠤ᠂ ᠡᠵᠡᠨ | ᠬᠦᠮᠤᠨ ᠤ ᠬᠤᠪᠢ ᠪᠠᠷ ᠦᠯᠦᠭᠡᠢ ᠨᠤᠳᠤᠭ ᠢᠶᠠᠨ ᠪᠦᠳᠦᠭᠡᠨ ᠪᠠᠶᠢᠭᠤᠯᠵᠤ᠂ ᠤᠶᠢᠯᠠᠰ ᠬᠦᠭᠡᠭᠡᠴᠡᠯᠳᠤᠯ ᠢᠶᠠᠨ | ᠪᠠᠶᠠᠯᠡᠬᠦᠯᠵᠤ ᠶᠠᠪᠤᠬᠤ ᠶᠢ ᠬᠦᠰᠡᠨ ᠮᠦᠷᠦᠭᠡᠳᠴᠤ᠂ ᠡᠷᠢᠯᠳᠠ ᠬᠠᠶᠢᠯᠳᠠ ᠬᠢᠭᠰᠡᠭᠡᠷ ᠶᠠᠪᠤᠨᠠ᠃ | ᠠᠳᠠ ᠤᠶᠤᠳᠠᠨ ᠮᠠᠯᠴᠢᠨ ᠤ ᠪᠠᠨ ᠠᠶᠠᠨ ᠤ ᠵᠢᠯᠤᠭᠤ ᠶᠢ ᠢᠳᠡᠭᠡᠯ ᠤᠨ ᠰᠦ ᠪᠠᠷ ᠮᠢᠯᠢᠶᠠᠨ᠂ ᠠᠵᠢᠯ | ᠤᠶᠢᠯᠠᠰ ᠤᠨ ᠬᠢᠨ ᠡᠳᠤᠷ ᠠᠴᠠ ᠡᠳᠤᠷ ᠦᠭᠡᠳᠡᠯᠡᠨ ᠮᠠᠨᠳᠤᠬᠤ ᠶᠢ ᠢᠷᠦᠭᠡᠨ ᠵᠦᠩᠨᠠᠶᠠ︕ | | ᠵᠣᠬᠢᠶᠠᠭᠴᠢ᠄ ᠨᠠᠷᠠᠨᠳᠤᠶᠠᠭᠠ ︵ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠦᠪ︶ | |