| — ᠬᠤᠪᠢ ᠶᠢᠨ ᠠᠵᠤ ᠠᠬᠤᠶᠢᠯᠠᠯᠳᠠᠨ ᠰᠡᠴᠠᠨᠳᠦᠩᠭᠠᠯᠠᠭ | ᠲᠤᠳᠤᠵᠢᠷᠭᠠᠯ ᠤᠨ ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠭᠠ | ᠦᠷᠯᠦᠬᠡ ᠶᠢᠨ 5 - 6 ᠴᠠᠭ ᠠᠴᠠ ᠦᠳᠡᠰᠢ ᠶᠢᠨ 8 - 9 ᠴᠠᠭ᠂ ᠨᠡᠩ ᠴᠤ ᠵᠢᠯ ᠰᠢᠨᠡ ᠶᠢᠨ | ᠬᠦᠭᠵᠢᠶᠡᠨᠲᠦ ᠦᠶᠡ ᠳᠤ ᠰᠦᠨᠢ ᠲᠦᠯᠢ ᠪᠤᠯᠲᠠᠯᠠ ᠪᠤᠷᠪᠢ ᠪᠤᠬᠢᠰᠬᠢᠯ ᠦᠬᠡᠢ ᠠᠵᠢᠯᠯᠠᠬᠤ ᠪᠤᠯ ︽ᠮᠠᠯᠴᠢᠨ ᠴᠠᠭᠠᠨ | ᠢᠳᠡᠭᠡᠨ ᠤ ᠲᠡᠯᠬᠡᠬᠦᠷ︾ ᠪᠠ ︽ᠯᠦᠩ ᠵᠢᠶᠠᠨ ᠴᠠᠢ︾ ᠶᠢᠨ ᠰᠢᠭᠤᠳ ᠪᠤᠷᠤᠯᠠᠭᠤᠯᠭᠠ ᠡᠷᠬᠢᠯᠡᠵᠦ ᠪᠠᠶᠢᠭᠠ | ᠲᠤᠳᠤᠵᠢᠷᠭᠠᠯ ᠰᠡᠴᠡᠨᠲᠤᠩᠭᠠᠯᠠᠭ ᠬᠤᠶᠠᠷ ᠤᠨ 8 ᠵᠢᠯ ᠤᠨ ᠲᠤᠷᠰᠢᠳᠠ ᠪᠠᠷᠢᠮᠳᠠᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠵᠤᠷᠰᠢᠯ ᠪᠤᠯᠵᠠᠢ | ᠃ ᠴᠤᠬᠤᠮ ᠴᠤ ︽ᠭᠡᠷ ᠤᠨ ᠪᠠᠷᠠ ᠬᠠᠷᠠᠳᠠᠭ ᠦᠬᠡᠢ᠂ ᠬᠦᠮᠦᠨ ᠤ ᠪᠠᠷᠠ ᠬᠠᠷᠠᠵᠤ ᠰᠠᠭᠤᠳᠠᠭ ᠯᠠ︾ ᠡᠨᠡ ᠨᠢᠬᠡᠨ | ᠠᠳᠠᠯ ᠦᠢᠯᠡᠰ ᠢ ᠤᠳᠠᠭᠠᠨ ᠵᠢᠯ ᠲᠠᠭᠠᠭᠠᠮᠠᠭᠠᠢ ᠬᠢᠵᠦ ᠢᠷᠡᠭᠰᠡᠨ ᠢᠶᠠᠷ ᠢᠶᠠᠨ ᠲᠡᠳᠡ ᠪᠤᠰᠤᠳ ᠠᠴᠠ ᠢᠯᠠᠭᠠᠷᠠᠨᠠ᠃ | | | | 2003 ᠤᠨ ᠤ ᠬᠠᠪᠤᠷ ᠴᠢᠪᠠᠭᠠ ᠪᠠᠯᠭᠠᠰᠤᠨ ᠳᠤ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠨᠡᠬᠦᠨ ᠢᠷᠡᠭᠰᠡᠨ | ᠲᠤᠳᠤᠵᠢᠷᠭᠠᠯ ᠰᠡᠴᠡᠨᠲᠤᠩᠭᠠᠯᠠᠭ ᠬᠤᠶᠠᠷ᠂ ᠬᠠᠭᠤᠴᠢᠨ ᠲᠡᠷᠭᠡᠨ ᠦᠷᠳᠡᠭᠡᠨ ᠤ ᠡᠰᠡᠷᠬᠦ ᠲᠠᠯᠠ ᠳᠤ 20 ᠬᠡᠳᠦᠨ | ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠠᠯᠠᠪᠠᠢ ᠲᠠᠢ ᠬᠤᠳᠠᠯᠳᠤᠭᠠᠨ ᠤ ᠭᠡᠷ ᠢ ᠵᠢᠯ ᠤᠨ 12000 ᠲᠦᠭᠦᠷᠢᠭ ᠢᠶᠠᠷ | ᠲᠦᠷᠢᠶᠡᠰᠦᠯᠡᠵᠦ᠂ 5000 ᠢᠯᠡᠬᠦᠦ ᠲᠦᠭᠦᠷᠢᠭ ᠤᠨ ᠪᠡᠯᠡ ᠤᠷᠤᠭᠤᠯᠤᠨ᠂ ᠬᠤᠶᠠᠷ ᠭᠤᠷᠪᠠᠨ ᠤᠭᠤᠲᠠ ᠮᠤᠩᠭᠤᠯ | ᠠᠮᠤ᠂ ᠨᠤᠳᠤᠭ ᠤᠨ ᠦᠨᠢᠶᠡᠨ ᠤ ᠰᠦ ᠪᠠᠷ ᠡᠳ᠋ᠰᠢᠬᠦᠯᠦᠭᠰᠡᠨ ᠬᠤᠷᠤᠳ᠂ ᠰᠢᠷᠠ ᠲᠤᠰᠤ ᠡᠬᠢᠯᠡᠨ ᠬᠤᠳᠠᠯᠳᠤᠵᠤ᠂ | ᠴᠠᠭᠠᠨ ᠢᠳᠡᠭᠡᠨ ᠤ ᠲᠡᠯᠭᠡᠭᠦᠷ ᠢᠶᠠᠨ ᠡᠵᠡᠩᠨᠡᠵᠦ ᠡᠬᠢᠯᠡᠵᠡᠢ᠃ ᠲᠠᠨᠢᠵᠤ ᠮᠡᠳᠡᠬᠦ ᠬᠦᠮᠦᠨ ᠪᠠᠭᠠ᠂ ᠵᠠᠬᠠ ᠲᠡᠯᠬᠡᠭᠦᠷ | ᠲᠤ ᠠᠩᠬᠠ ᠬᠦᠯ ᠲᠦᠷᠢᠵᠦ ᠪᠠᠶᠢᠭᠠ ᠶᠢᠨ ᠲᠡᠭᠡᠷᠡ ᠲᠤᠬᠠᠢ ᠶᠢᠨ ᠵᠢᠯ ᠶᠠᠭ ︽ᠰᠠᠷᠰ ᠠᠭᠤᠰᠬᠢᠨ ᠬᠠᠯᠳᠠᠪᠤᠷᠢᠳᠤ | ᠡᠪᠡᠳᠴᠢᠨ︾ ᠡᠬᠦᠰᠦᠭᠰᠡᠨ ᠦᠶᠡ ᠲᠤᠬᠢᠶᠠᠯᠳᠤᠭᠰᠠᠨ ᠤ ᠨᠦᠯᠦᠭᠡ ᠪᠠᠷ ᠨᠢᠭᠡᠳᠦᠬᠡᠷ ᠵᠢᠯ ᠤᠨ ᠤᠷᠤᠯᠭᠠ ᠨᠢ ᠲᠡᠶᠢᠮᠦ | ᠶᠡᠭᠡ ᠪᠢᠰᠢ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠵᠢᠯ ᠪᠠᠰᠠ ᠴᠠᠭᠠᠨ ᠢᠳᠡᠭᠡᠨ ᠤ ᠲᠡᠯᠭᠡᠭᠦᠷ ᠲᠠᠢ ᠪᠠᠨ ᠵᠡᠷᠭᠡᠴᠡᠭᠰᠡᠨ ᠪᠠᠰᠠ | ᠨᠢᠬᠡ ᠬᠤᠳᠠᠯᠳᠤᠭᠠᠨ ᠤ ᠬᠡᠷ ᠢ ᠲᠦᠷᠢᠶᠡᠰᠦᠯᠡᠨ ︽ᠯᠦᠩ ᠵᠢᠶᠠᠨ ᠴᠠᠢ︾ ᠶᠢ ᠰᠢᠭᠤᠳ ᠪᠤᠷᠤᠯᠠᠭᠤᠯᠵᠤ ᠡᠬᠢᠯᠡᠵᠡᠢ᠃ | ᠬᠤᠶᠠᠳᠤᠭᠠᠷ ᠵᠢᠯ ᠳᠤ ᠨᠢ ᠲᠡᠯᠭᠡᠭᠦᠷ ᠢ ᠨᠢ ᠲᠠᠨᠢᠵᠤ ᠮᠡᠳᠡᠬᠦ ᠬᠦᠮᠦᠨ ᠬᠠᠷᠠ ᠴᠤ ᠠᠷᠪᠢᠳᠴᠤ᠂ ᠮᠠᠶᠢᠮᠠᠢ ᠶᠢᠨ | ᠵᠠᠮ ᠳᠤ ᠪᠠᠨ ᠰᠢᠭᠤᠳᠤᠨ᠂ ᠪᠦᠬᠡᠮ ᠢᠶᠠᠷ ᠪᠤᠷᠤᠯᠠᠭᠤᠯᠬᠤ ᠶᠢ ᠴᠤ ᠬᠠᠪᠰᠤᠷᠭᠠᠨ ᠬᠢᠵᠡᠢ᠃ | ᠪᠦᠬᠦ ᠬᠤᠰᠢᠭᠤ ᠬᠡᠪᠴᠢᠶᠡᠨ ᠤ ᠮᠠᠯᠵᠢᠬᠤ ᠰᠤᠮᠤ ᠭᠠᠴᠠᠭᠠ ᠶᠢᠨ ᠵᠢᠵᠢᠭ ᠬᠤᠳᠠᠯᠳᠤᠭᠠ ᠶᠢᠨ ᠬᠢᠨ ᠪᠦᠷ | ᠲᠡᠳᠡᠨ ᠤ ᠲᠡᠯᠭᠡᠭᠦᠷ ᠠᠴᠠ ᠪᠦᠬᠡᠮ ᠢᠶᠠᠷ ᠪᠠᠷᠠᠭᠠ ᠠᠪᠴᠦ ᠪᠠᠶᠢᠵᠠᠢ᠃ ᠡᠶᠢᠨᠬᠦ ᠵᠢᠯ ᠢᠷᠡᠬᠦ ᠲᠤᠳᠤᠮ ᠠᠷᠠᠯᠵᠢᠶᠠ | ᠮᠠᠶᠢᠮᠠᠢ ᠨᠢ ᠦᠭᠡᠳᠡᠯᠡᠨ ᠤᠷᠤᠯᠭᠠ ᠨᠢ ᠨᠡᠮᠡᠭᠳᠡᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠪᠤᠷᠤᠯᠠᠭᠤᠯᠭᠠ ᠶᠢᠨ ᠬᠡᠪᠴᠢᠶᠡ ᠨᠢ ᠨᠡᠩ | ᠦᠷᠭᠡᠳᠴᠦ᠂ ᠬᠤᠰᠢᠭᠤᠨ ᠭᠠᠳᠠᠨᠠᠬᠢ ᠡᠯᠡ ᠠᠶᠢᠮᠠᠭ ᠬᠤᠳᠠ ᠪᠠᠷ᠂ ᠵᠢᠱᠢᠶᠡᠯᠡᠪᠡᠯ ᠤᠯᠠᠭᠠᠨᠴᠠᠪ ᠠᠶᠢᠮᠠᠭ᠂ | ᠤᠷᠳᠤᠰ ᠠᠴᠠ ᠭᠠᠳᠠᠨᠠ ᠤᠷᠤᠨ ᠤ ᠲᠥᠪ ᠬᠦᠬᠡᠬᠤᠳᠠ ᠵᠢᠴᠢ ᠮᠤᠩᠭᠤᠯ ᠤᠯᠤᠰ ᠲᠤ ᠴᠤ ᠪᠦᠬᠡᠮ ᠢᠶᠠᠷ | ᠪᠤᠷᠤᠯᠠᠭᠤᠯᠬᠤ ᠪᠤᠯᠤᠬᠰᠠᠨ ᠪᠠᠶᠢᠨᠠ᠃ | | | | ᠬᠤᠷᠤᠳ ᠲᠤᠰᠤ ᠦᠷᠦᠮᠡ ᠠᠶᠢᠷᠠᠭ ᠴᠠᠭᠠ ᠲᠠᠷᠠᠭ ᠴᠡᠭᠡ ᠴᠦᠴᠦᠬᠡᠢ ᠴᠠᠷᠴᠠᠭᠠᠭᠰᠠᠨ ᠪᠤᠳᠠᠭᠠ | ᠬᠦᠭᠡᠷᠦᠬᠦᠯᠦᠭᠰᠡᠨ ᠦᠷᠦᠮᠡ᠂ ᠡᠭᠡᠵᠡᠬᠡᠢ᠂ ᠠᠭᠠᠷᠤᠤᠯ ᠭᠡᠳ ᠬᠦᠳᠡᠭᠡ ᠶᠢᠨ ᠴᠤᠯ ᠪᠠᠶᠢᠭᠠᠯᠢᠯᠢᠭ ᠴᠠᠭᠠᠨ ᠢᠳᠡᠭᠡᠨ ᠤ | ᠲᠦᠷᠦᠯ ᠪᠦᠷ ᠪᠠᠶᠢᠬᠤ ᠶᠢᠨ ᠬᠠᠮᠳᠤ ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠤ ᠬᠤᠷᠤᠳ ᠲᠤᠰᠤ ᠦᠷᠦᠮᠡ ᠶᠢ ᠴᠤ ᠪᠤᠷᠤᠯᠠᠭᠤᠯᠵᠤ | ᠪᠠᠶᠢᠭᠠ᠃ | ᠲᠡᠯᠭᠡᠬᠦᠷ ᠡᠵᠡᠩᠨᠡᠭᠰᠡᠨ ᠴᠠᠭ ᠨᠢ ᠤᠷᠳᠤ ᠮᠦᠷᠳᠡᠭᠡᠨ ᠴᠢᠨᠠᠷ ᠢ ᠪᠠᠳᠤᠯᠠᠵᠤ ᠢᠷᠡᠭᠰᠡᠨ ᠪᠤᠯᠬᠤᠷ ᠡᠭᠡᠨ | ᠡᠭᠡᠨ ᠢᠷᠡᠳᠡᠭ ᠮᠡᠳᠡᠭᠡ ᠬᠠᠷᠠᠭᠠᠨ ᠤ ᠤᠳᠠᠭᠠᠨ ᠵᠢᠯ ᠤᠨ ᠬᠡᠷᠡᠭᠯᠡᠭᠴᠢᠳ ᠪᠠ ᠪᠦᠬᠡᠮ ᠢᠶᠠᠷ ᠠᠪᠬᠤ ᠬᠡᠷᠡᠭᠯᠡᠭᠴᠢᠳ | ᠤᠯᠠᠨ ᠪᠠᠶᠢᠵᠤ ᠪᠤᠷᠤᠯᠠᠭᠤᠯᠭᠠ ᠰᠠᠶᠢᠲᠠᠢ᠃ | ᠡᠮᠦᠨᠡ 10 ᠵᠢᠯ ᠳᠤ ᠵᠢᠯ ᠤᠨ ᠴᠡᠪᠡᠷ ᠤᠷᠤᠯᠭᠠ ᠠᠷᠪᠠᠨ ᠲᠦᠮᠡ ᠶᠢ ᠳᠠᠪᠠᠵᠤ ᠪᠠᠶᠢᠬᠰᠠᠨ ᠢᠶᠠᠨ ᠤᠳᠤ | ᠪᠤᠯ ᠵᠢᠯ ᠤᠨ 30 ᠲᠦᠮᠡ ᠶᠢᠨ ᠴᠡᠪᠡᠷ ᠤᠷᠤᠯᠭᠠ ᠲᠠᠢ ᠪᠤᠯᠵᠤ ᠬᠦᠭᠵᠢᠵᠡᠢ᠃ ᠮᠠᠶᠢᠮᠠᠢ ᠶᠢᠨ ᠢᠳᠡ ᠬᠦᠭ ᠤᠨ | ᠦᠶᠡ ᠳᠤ ᠪᠤᠯ ᠨᠢᠬᠡ ᠡᠳᠦᠷ ᠲᠤ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠲᠦᠮᠡ ᠶᠢᠨ ᠪᠠᠷᠠᠭᠠ ᠬᠤᠳᠠᠯᠳᠤᠨᠠ᠃ ᠬᠤᠳᠠ | ᠬᠦᠳᠡᠭᠡ ᠶᠢᠨ ᠮᠠᠯᠴᠢᠳ ᠭᠤᠤᠯᠳᠠᠭᠤ ᠴᠠᠭᠠᠨ ᠢᠳᠡᠭᠡᠨ ᠠᠪᠤᠨᠠ᠃ | ᠪᠠᠶᠠᠷ ᠨᠠᠶᠢᠷ ᠤᠨ ᠦᠶᠡ ᠳᠤ ᠪᠡᠯᠡᠭ ᠵᠠᠷᠤᠳᠠᠯ ᠤᠨ ᠦᠶᠡ ᠳᠤ ᠮᠠᠶᠢᠮᠠᠢ ᠶᠡᠭᠡ ᠭᠠᠷᠤᠨᠠ᠃ | ᠤᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠸᠢᠴᠠᠲ ᠤᠨ ᠪᠠᠷᠠᠭᠠ ᠵᠠᠬᠢᠶᠠᠯᠠᠭᠠ ᠶᠢ ᠴᠤ ᠪᠠᠭᠠ ᠪᠤᠰᠤ ᠲᠤᠰᠴᠤ᠂ ᠲᠦᠷᠭᠡᠨ | ᠭᠤᠪᠢᠭᠤᠯᠭᠠ ᠪᠠᠷ ᠭᠤᠸᠠᠩᠵᠸᠦ᠂ ᠬᠦᠬᠡᠬᠤᠳᠠ᠂ ᠤᠯᠠᠭᠠᠨᠬᠠᠳᠠ᠂ ᠤᠯᠠᠭᠠᠨᠴᠠᠪ᠂ ᠤᠷᠳᠤᠰ ᠵᠡᠷᠬᠡ ᠭᠠᠳᠠᠷ | ᠤᠷᠤᠨ ᠨᠤᠭᠤᠳ ᠢᠶᠠᠷ ᠰᠢᠭᠤᠳ ᠶᠠᠪᠤᠭᠤᠯᠵᠤ ᠪᠠᠶᠢᠭᠠ᠃ | ᠴᠠᠭᠠᠨ ᠢᠳᠡᠭᠡᠨ ᠪᠠ ᠴᠠᠢ ᠪᠠᠨ ᠪᠦᠬᠡᠮ ᠢᠶᠠᠷ ᠪᠤᠷᠤᠯᠠᠭᠤᠯᠵᠤ ᠪᠠᠶᠢᠭᠠ ᠨᠢ ᠲᠡᠳᠡ ᠬᠤᠶᠠᠷ ᠤᠨ | ᠤᠯᠠᠨ ᠠᠴᠠ ᠤᠨᠴᠠᠯᠢᠭᠳᠠᠬᠤ ᠲᠠᠯᠠ ᠪᠤᠯᠤᠨᠠ᠃ | ᠤᠳᠠᠭᠠᠨ ᠲᠠᠭᠠᠭᠠᠮᠠᠭᠠᠢ ᠭᠡᠳᠡᠭ ᠦᠬᠡ ᠶᠢ ᠤᠷᠲᠤ ᠵᠠᠮ ᠤᠨ ᠠᠶᠠᠨ ᠲᠠᠶᠢᠨ ᠤ ᠦᠶᠡ ᠳᠤ ᠬᠡᠯᠡᠳᠡᠭ | ᠪᠠᠶᠢᠬᠰᠠᠨ᠂ ᠡᠨᠡ ᠦᠬᠡ ᠶᠢ ᠦᠨᠦ ᠲᠤᠩᠭᠠᠬᠤ ᠳᠤ ᠬᠦᠮᠦᠨ ᠤ ᠵᠠᠩ ᠠᠷᠠᠨᠰᠢᠨ ᠢ ᠰᠢᠯᠭᠠᠬᠤ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ | ᠭᠡᠳᠡᠭ ᠶᠠᠭᠤᠮᠠ ᠠᠯᠢᠪᠠ ᠠᠳᠠᠯ ᠬᠦᠳᠡᠯᠮᠦᠷᠢ ᠠᠵᠢᠯ ᠦᠢᠯᠠᠰ ᠲᠡᠭᠡᠷᠡ ᠪᠦᠷ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶᠢᠨᠠ ᠬᠡᠵᠦ | ᠬᠠᠵᠠᠭᠤ ᠠᠴᠠ ᠨᠢ ᠨᠠᠳᠠ ᠪᠤᠳᠤᠭᠳᠠᠵᠤ ᠪᠠᠶᠢᠨᠠ᠃ | ᠴᠠᠭᠠᠨ ᠢᠳᠡᠭᠡᠨ ᠤ ᠲᠠᠸᠠᠷ ᠤᠨ ᠢᠶᠠᠨ ᠴᠢᠨᠠᠷ ᠢ ᠤᠯᠠᠮ ᠪᠠᠳᠤᠯᠠᠨ᠂ ᠦᠷᠭᠡᠨ ᠤᠯᠠᠨ ᠬᠡᠷᠡᠭᠯᠡᠭᠴᠢᠳ ᠤᠨ | ᠴᠠᠭᠠᠨ ᠢᠳᠡᠭᠡᠨ ᠤ ᠬᠡᠷᠡᠭᠴᠡᠭᠡ ᠶᠢ ᠬᠠᠩᠭᠠᠬᠤ ᠪᠤᠯ ᠲᠤᠳᠤᠵᠢᠷᠭᠠᠯ᠂ ᠰᠡᠴᠡᠨᠲᠤᠩᠭᠠᠯᠠᠭ ᠬᠤᠶᠠᠷ ᠤᠨ ᠠᠷᠠᠯᠵᠢᠶᠠ | ᠮᠠᠶᠢᠮᠠᠢ ᠪᠠᠨ ᠬᠦᠭᠵᠢᠬᠦᠯᠬᠦ ᠶᠢᠨ ᠬᠤᠵᠢᠮ ᠤᠨ ᠬᠠᠨᠳᠤᠰᠢ ᠪᠤᠯᠤᠨᠠ᠃ | | | | ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ᠲᠡᠳᠡᠨ ᠤ ᠦᠬᠡᠳᠡ ᠠᠮᠢᠳᠤᠷᠠᠯ ᠢ ᠲᠤᠯᠵᠦ ᠢᠷᠡᠭᠰᠡᠨ ᠤᠳᠠᠭᠠᠨ ᠳᠠᠭᠠᠭᠠᠮᠠᠭᠠᠢ | ᠲᠡᠰᠪᠤᠷᠢ ᠲᠡᠪᠴᠢᠶᠡᠷᠢ ᠠᠴᠠ ᠥᠭᠡᠷᠡ ᠨᠢᠭᠡᠨ ᠬᠦᠴᠤᠨ ᠵᠦᠢᠯ ᠭᠡᠪᠠᠯ ︽ᠢᠳᠡᠬᠡᠯ ᠨᠠᠶᠢᠳᠠᠪᠤᠷᠢ︾ ᠪᠤᠯᠤᠨᠠ᠃ | ᠲᠡᠳᠠᠨ ᠤ ᠪᠠᠷᠠᠭᠠ ᠲᠠᠸᠠᠷ ᠴᠢᠨᠡᠷᠯᠢᠭ᠋ ᠰᠠᠶᠢᠨ ᠠᠴᠠ ᠭᠠᠳᠠᠨᠠ ᠡᠵᠡᠩᠨᠡᠭᠴᠢ ᠪᠤᠯᠤᠭᠰᠠᠨ ᠰᠡᠴᠠᠨᠳᠦᠩᠭᠠᠯᠠᠭ | ᠲᠤᠳᠤᠵᠢᠷᠭᠠᠯ ᠬᠤᠶᠡᠷ ᠤᠨ ᠬᠦᠮᠦᠨ ᠴᠢᠨᠡᠷ᠂ ᠢᠳᠡᠬᠡᠯ ᠨᠠᠶᠢᠳᠠᠪᠤᠷᠢ ᠤᠯᠠᠨ ᠵᠢᠯ ᠤᠨ ᠲᠤᠷᠰᠢ ᠬᠡᠷᠡᠭᠯᠡᠭᠴᠢᠳ ᠤᠨ | ᠢᠶᠠᠨ ᠰᠡᠳᠬᠢᠯ ᠳᠤ ᠨᠢᠭᠡᠨᠳᠡ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ ᠡᠵᠡᠯᠡᠴᠢᠬᠡᠭᠰᠡᠨ ᠲᠠᠢ ᠬᠤᠯᠪᠤᠭᠠ ᠲᠠᠢ ᠠᠵᠢ᠃ | ᠨᠢᠭᠡᠨ ᠤᠳᠠᠭᠠ ᠡᠳᠡᠨ ᠤ ᠠᠯᠳᠠ ᠮᠦᠩᠬᠦ ᠱᠢᠷᠦ ᠰᠤᠪᠤᠳ ᠤᠨ ᠲᠡᠯᠭᠡᠭᠦᠷ ᠲᠤ ᠨᠢ ᠨᠢᠭᠡᠨ ᠨᠠᠶᠢᠵᠠ | ᠪᠤᠭᠴᠤ ᠪᠠᠨ ᠮᠠᠷᠲᠠᠭᠠᠳ ᠶᠠᠪᠤᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠲᠡᠷᠡ ᠪᠤᠭᠴᠤᠨ ᠳᠠᠬᠢ ᠪᠡᠯᠡ ᠮᠦᠩᠬᠦ᠂ ᠭᠠᠷᠲᠠᠮ ᠪᠠᠷᠢᠮᠲᠠ᠂ | ᠵᠠᠰᠠᠯ ᠵᠢᠮᠰᠡᠭ ᠢ ᠵᠣᠭᠤᠰ ᠢᠶᠠᠷ ᠨᠤᠭᠤᠯᠤᠨ ᠪᠤᠳᠤᠪᠠᠯ ᠨᠡᠯᠢᠶᠡᠳ ᠬᠡᠳᠦᠨ ᠲᠦᠮᠡᠨ ᠲᠦᠭᠦᠷᠢᠭ ᠬᠦᠷᠬᠦ ᠪᠤᠯᠬᠤᠷ | ᠭᠡᠭᠡᠭᠰᠡᠨ ᠡᠵᠡᠨ ᠠᠴᠠ ᠨᠢ ᠢᠯᠡᠭᠦᠲᠡᠢ ᠰᠠᠨᠠᠭᠠ ᠪᠤᠯᠤᠬᠰᠠᠨ ᠲᠤᠳᠤᠵᠢᠷᠭᠠᠯ ᠰᠡᠴᠡᠨᠲᠤᠩᠭᠠᠯᠠᠭ ᠪᠠᠷ ︽ᠶᠠᠭᠠᠬᠢᠵᠤ | ᠰᠠᠨᠳᠤᠷᠴᠤ ᠪᠠᠶᠢᠬᠤ ᠶᠢ ᠪᠦᠦ ᠮᠡᠳᠡ︾ ᠬᠡᠵᠦ ᠬᠤᠷᠢᠨ ᠲᠦᠷᠪᠡᠨ ᠴᠠᠭ ᠲᠠᠮᠵᠢᠭᠤᠯᠤᠭᠠᠳ ᠡᠵᠡᠨ ᠢ ᠨᠢ ᠤᠯᠤᠬᠰᠠᠨ | ᠦᠬᠡᠢ ᠪᠠᠶᠢᠯᠠ᠂ ᠲᠠᠷᠠᠭᠠ ᠡᠳᠦᠷ ᠨᠢ ᠠᠷᠭᠠ ᠪᠤᠰᠤ ᠲᠡᠯᠬᠡᠭᠦᠷ ᠤᠨ ᠲᠤᠷᠠᠨᠳᠠᠭᠤᠷ ᠢᠶᠠᠨ ᠨᠡᠬᠡᠬᠡᠵᠦ ᠬᠤᠶᠠᠷ | ᠡᠳᠦᠷ ᠤᠨ ᠲᠤᠷᠰᠢᠬᠢ ᠲᠡᠯᠬᠡᠬᠦᠷ ᠲᠤ ᠨᠢ ᠢᠷᠡᠵᠦ ᠮᠠᠶᠢᠮᠠᠢ ᠬᠢᠭᠰᠡᠨ ᠬᠦᠮᠦᠰ ᠢ ᠨᠢᠬᠡ ᠨᠢᠬᠡ ᠪᠠᠷ ᠦᠵᠡᠵᠦ ᠰᠢᠬᠯᠠᠯᠠ | ᠃ ᠦᠵᠡᠵᠦ ᠪᠠᠶᠢᠳᠠᠯᠠ ᠠᠰᠢᠬᠦᠢ ᠪᠤᠭᠴᠤᠨ ᠤ ᠡᠵᠡᠨ ᠢ ᠤᠯᠤᠭᠠᠳ ᠠᠪᠬᠤ ᠨᠢ ᠲᠡᠷᠡ᠂ ᠭᠡᠪᠡᠴᠦ ᠬᠦᠮᠦᠨ ᠢ ᠨᠢ | ᠦᠵᠡᠵᠦ ᠪᠠᠶᠢᠬᠰᠠᠨ ᠠᠴᠠ ᠪᠢᠰᠢ ᠬᠠᠮᠢᠭᠠᠬᠢ᠂ ᠬᠡᠨ ᠬᠡᠰᠡᠨ ᠢ ᠨᠢ ᠮᠡᠳᠡᠬᠦ ᠦᠬᠡᠢ ᠪᠤᠯᠬᠤᠷ ︽ᠰᠠᠨᠳᠤᠷᠠᠭᠰᠠᠨ | ᠬᠦᠮᠦᠨ ᠰᠠᠮᠪᠠᠭᠠ ᠲᠦᠷᠦᠭᠳᠡᠨᠡ︾ ᠬᠡᠵᠦ᠂ ᠵᠡᠷᠭᠡᠯᠡᠳᠡᠭᠡ ᠬᠢ ᠭᠡᠷ ᠤᠨ ᠮᠤᠩᠭᠤᠯ ᠤᠶᠤᠳᠠᠯᠴᠢᠨ ᠬᠠᠰᠬᠦᠦ ᠪᠠᠷ | ᠲᠤᠷᠠᠨᠳᠠᠭᠤᠷ ᠲᠤ ᠢᠯᠡᠷᠡᠭᠰᠡᠨ ᠬᠦᠮᠦᠨ ᠢ ᠦᠵᠡᠬᠦᠯᠦᠭᠰᠡᠨ ᠴᠢᠨᠢ ᠬᠠᠷᠢᠨ ᠶᠠᠭ ᠲᠡᠭᠦᠨ ᠤ ᠲᠠᠨᠢᠬᠤ ᠬᠦᠮᠦᠨ | ᠲᠠᠭᠠᠷᠠᠵᠤ᠂ ᠰᠡᠴᠡᠨᠲᠤᠩᠭᠠᠯᠠᠭ ᠤᠨ ᠤᠶᠢᠷᠠ ᠰᠠᠳᠤᠨ ᠪᠤᠯᠬᠤ ᠲᠡᠮᠦᠷᠡ ᠪᠠᠷ ᠲᠠᠮᠵᠢᠭᠤᠯᠵᠤ ᠶᠠᠭᠤᠮᠠ ᠶᠢᠨ ᠡᠵᠡᠨ | ᠲᠠᠢ ᠤᠳᠠᠰᠤ ᠪᠠᠷ ᠨᠡᠪᠲᠡᠷᠡᠭᠰᠡᠨ ᠳᠤ ᠬᠠᠷᠢᠨ ︽ᠶᠠᠮᠠᠷ ᠪᠤᠭᠴᠤ︖ ᠶᠠᠭᠤᠨ ᠤ ᠶᠠᠭᠤᠮᠠ︖︾ ᠭᠡᠳ ᠶᠠᠭᠤᠮᠠ | ᠪᠠᠨ ᠬᠡᠭᠡᠭᠰᠡᠨ ᠬᠦᠮᠦᠨ ᠬᠠᠷᠢᠨ ᠮᠡᠳᠡᠬᠦ ᠴᠤ ᠦᠬᠡᠢ ᠪᠠᠶᠢᠬᠰᠠᠨ ᠠᠵᠢ᠃ ᠰᠤᠷᠪᠤᠯᠵᠢᠯᠠᠬᠴᠢ ᠡᠨᠡ ᠰᠦᠪᠡᠭᠴᠢ ᠪᠠᠷ | ᠲᠤᠤᠳᠠᠨ ᠰᠤᠮᠤ ᠶᠢᠨ ᠡᠷᠳᠡᠨᠢᠬᠤᠸᠠ ᠲᠤᠭᠤᠶᠢᠯᠠᠩ ᠤᠨ ᠲᠡᠯᠭᠡᠷᠴᠡᠴᠡᠭ ᠤᠨ ᠠᠰ ᠤᠨ ᠸᠢᠴᠠᠲ ᠢᠶᠠᠷ ᠬᠠᠷᠢᠯᠴᠠᠵᠤ | ᠪᠠᠶᠢᠳᠠᠯ ᠢ ᠨᠢ ᠨᠡᠩ ᠲᠤᠳᠤᠷᠬᠠᠢ ᠪᠤᠯᠭᠠᠪᠠ᠃ | ᠲᠡᠯᠭᠡᠷᠴᠡᠴᠡᠭ᠄ ︽ᠴᠤᠬᠤᠮ ᠰᠠᠶᠢᠨ ᠬᠦᠮᠦᠰ ᠲᠠᠭᠠᠷᠠᠵᠠᠢ︾ ᠬᠡᠵᠦ ᠬᠡᠳᠦᠨᠳᠡ ᠲᠠᠪᠳᠠᠨ ᠶᠠᠷᠢᠬᠤ ᠶᠢᠨ | ᠲᠠᠭᠠᠤ ︽ᠲᠡᠳᠡᠭᠡᠷ ᠡᠳ᠋ ᠡᠷᠳᠡᠨᠢᠰ ᠤᠨ ᠲᠤᠳᠤᠷᠠ ᠮᠢᠨᠦ ᠡᠮᠧ ᠶᠢᠨ ᠵᠡᠬᠦᠵᠦ ᠪᠠᠶᠢᠭᠰᠠᠨ ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯᠲᠤ | ᠱᠢᠷᠦ ᠰᠤᠪᠤᠳ ᠤᠨ ᠵᠠᠰᠠᠯ ᠴᠤ ᠪᠠᠶᠢᠬᠰᠠᠨ ᠪᠦᠭᠡᠳ ᠪᠦᠷ ᠵᠢᠩᠬᠢᠨᠢ ᠦᠨᠡ ᠪᠡᠨᠡ ᠲᠠᠢ ᠵᠦᠢᠯᠡᠰ ᠶᠤᠮ ᠰᠢᠦ︕ | ᠶᠠᠭᠤᠮᠠ ᠪᠠᠨ ᠲᠠᠨᠢᠵᠤ ᠠᠪᠬᠤ ᠪᠠᠷ ᠣᠴᠢᠭᠠᠳ ᠶᠠᠭᠠᠬᠢᠵᠤ ᠲᠠᠯᠠᠷᠬᠠᠬᠤ ᠪᠠᠨ ᠮᠡᠳᠡᠬᠦ ᠦᠬᠡᠢ ᠪᠢ ᠴᠢᠨᠢ ᠵᠤᠭᠤᠰ | ᠮᠦᠩᠬᠦ ᠦᠯᠡᠳᠡᠭᠡᠶᠡ ᠭᠡᠰᠡᠨ ᠴᠢᠨᠢ ᠶᠡᠷᠦ ᠬᠠᠯᠠᠭᠠᠭᠰᠠᠨ ᠦᠬᠡᠢ᠃︾ ᠬᠡᠵᠦ ᠰᠤᠷᠪᠤᠯᠵᠢᠯᠠᠬᠴᠢ ᠳᠤ ᠶᠠᠷᠢᠯᠠ᠃ | ᠡᠬᠦᠨ ᠢ ᠰᠤᠨᠤᠰᠤᠭᠠᠳ ᠰᠤᠷᠪᠤᠯᠵᠢᠯᠠᠬᠴᠢ ᠪᠠᠰᠠ ᠲᠤᠳᠤᠵᠢᠷᠭᠠᠯ᠂ ᠰᠡᠴᠡᠨᠲᠤᠩᠭᠠᠯᠠᠭ ᠬᠤᠶᠠᠷ ᠠᠵᠤ | ᠠᠬᠤᠶᠢᠯᠠᠯᠲᠠᠨ ᠤ ᠱᠤᠤ ᠪᠠᠯᠭᠠᠰᠤ ᠶᠢᠨ ᠲᠠᠪᠢᠨ ᠭᠠᠴᠠᠭᠠ ᠶᠢᠨ ᠬᠦᠴᠢᠷᠲᠡᠢ ᠡᠷᠦᠬᠡ ᠰᠠᠶᠢᠬᠤᠴᠠᠷᠠᠯᠲᠤ ᠶᠢᠨ ᠤᠶᠤᠲᠠᠨ | ᠦᠬᠢᠨ ᠢ ᠲᠦᠷᠪᠡᠨ ᠵᠢᠯ ᠤᠨ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠭᠦᠰᠲᠡᠯᠡ ᠵᠢᠯ ᠪᠦᠷᠢ 3000 ᠲᠦᠬᠦᠷᠢᠭ ᠢᠶᠠᠷ ᠲᠡᠮᠵᠢᠵᠦ | ᠪᠠᠶᠢᠬᠰᠠᠨ ᠢ ᠮᠡᠳᠡᠯᠡ᠃ | ᠬᠤᠶᠠᠷ ᠵᠢᠯ ᠤᠨ ᠡᠮᠦᠨᠡ ᠪᠠᠶᠢᠪᠠ᠂ ᠨᠢᠬᠡᠨ ᠤᠶᠤᠳᠠᠨ ᠵᠠᠯᠠᠭᠤ ᠮᠦᠨ 2000 ᠢᠯᠡᠭᠦᠦ ᠪᠡᠯᠡᠨ ᠵᠤᠭᠤᠰ | ᠲᠠᠢ ᠪᠤᠭᠴᠤ ᠪᠠ ᠲᠤᠬᠠᠢ ᠶᠢᠨ ᠤᠷᠤᠢ ᠶᠢᠨ ᠭᠠᠯᠲᠤ ᠲᠡᠷᠭᠡ ᠪᠠᠷ ᠬᠦᠬᠡᠬᠤᠲᠠ ᠬᠦᠷᠬᠦ ᠪᠢᠯᠧᠲ ᠲᠠᠢ ᠪᠠᠨ | ᠪᠦᠭᠦᠳᠡ ᠶᠢ ᠲᠡᠳᠡᠨ ᠤ ᠲᠡᠯᠭᠡᠭᠦᠷ ᠲᠤ ᠬᠠᠶᠠᠭᠠᠳ ᠮᠠᠷᠳᠠᠭᠠᠳ ᠶᠠᠪᠤᠴᠢᠬᠠᠬᠰᠠᠨ ᠪᠠᠶᠢᠯᠠ᠃ ᠲᠡᠳᠡ ᠬᠤᠶᠠᠷ ᠶᠡᠬᠡᠳᠡ | ᠰᠠᠨᠳᠤᠷᠴᠤ ᠶᠠᠭᠠᠬᠢᠵᠤ ᠪᠠᠶᠢᠭᠠᠳ ᠴᠤ ᠭᠠᠯᠲᠤ ᠲᠡᠷᠭᠡᠨ ᠲᠡᠭᠡᠷᠡ ᠭᠠᠷᠬᠤ ᠠᠴᠠ ᠡᠮᠦᠨᠡ ᠨᠢ ᠶᠠᠭᠤᠮᠠ ᠶᠢ ᠨᠢ | ᠡᠵᠡᠨ ᠳᠤ ᠨᠢ ᠵᠠᠪᠳᠤᠨ ᠦᠭᠬᠦᠭᠡᠳᠡᠭᠡᠶᠡ ᠭᠡᠳ ᠤᠷᠤᠢ ᠪᠤᠯᠳᠠᠯᠠ ᠬᠦᠯᠢᠶᠡᠭᠡᠳ ᠢᠷᠡᠭᠰᠡᠨ ᠦᠬᠡᠢ ᠲᠤᠯᠠ ᠡᠬᠦᠳᠡᠨ | ᠲᠡᠭᠡᠷᠡ ᠪᠠᠨ ᠪᠢᠴᠢᠭᠡᠰᠦ ᠦᠯᠡᠳᠡᠬᠡᠨ ᠬᠠᠷᠢᠯᠴᠠᠬᠤ ᠤᠳᠠᠰᠤ ᠪᠠᠨ ᠨᠠᠭᠠᠭᠠᠳ ᠶᠠᠪᠤᠭᠰᠠᠨ ᠴᠢᠨᠢ ᠦᠨᠡᠨ ᠡᠷᠢᠬᠡᠳ | ᠢᠷᠡᠭᠰᠡᠨ ᠳᠤ ᠨᠢᠬᠡ ᠠᠭᠤᠵᠢᠭᠤ ᠠᠮᠢᠰᠬᠤᠯᠠ ᠭᠡᠳᠡᠭ᠃ ᠡᠶᠢᠮᠦ ᠤᠴᠢᠷ ᠲᠡᠳᠡ ᠬᠤᠶᠠᠷ ᠲᠤ ᠵᠦᠩᠳᠡᠭᠡᠨ | ᠲᠤᠬᠢᠶᠠᠯᠳᠤᠳᠠᠭ ᠪᠤᠯᠬᠤᠷ ᠨᠡᠯᠢᠶᠡᠳ ᠰᠠᠭᠤᠭᠳᠠᠯ ᠲᠠᠢ ᠶᠢ ᠨᠢ ᠵᠤᠭᠤᠭ ᠤᠨ ᠲᠤᠮᠳᠠ ᠰᠤᠨᠤᠰᠤᠬᠰᠠᠨ ᠢᠶᠠᠨ ᠦᠨᠦ ᠪᠢ | ᠪᠤᠳᠤᠵᠤ ᠤᠯᠤᠬᠰᠠᠨ ᠢᠶᠠᠨ ᠯᠠ ᠬᠡᠯᠡᠵᠦ ᠪᠠᠶᠢᠭᠠ ᠶᠤᠮ᠃ | ︽ᠦᠬᠡ ᠤᠯᠠᠳᠠᠵᠤ ᠦᠬᠡᠷ ᠬᠤᠯᠠᠳᠠᠵᠤ ᠪᠠᠶᠢᠭᠠ︾ ᠴᠤ ᠦᠬᠡ ᠶᠢ ᠬᠡᠯᠡᠵᠦ ᠦᠬᠦᠯᠡᠪᠦᠷᠢ ᠶᠢ | ᠲᠡᠭᠦᠰᠭᠡᠳᠡᠭ ᠪᠤᠯᠬᠤᠷ ︽ᠡᠰᠡ ᠦᠭᠬᠦᠭᠰᠡᠨ ᠢ ᠦᠯᠦ ᠠᠪᠬᠤ︾᠂ ︽ᠬᠤᠮᠤᠬᠠᠢ ᠰᠢᠨᠤᠬᠠᠢ ᠰᠡᠳᠬᠢᠯ ᠢ ᠴᠡᠭᠡᠷᠯᠡᠨ᠂ | ᠬᠠᠶᠢᠷᠠᠯᠠᠨ ᠦᠷᠦᠪᠳᠡᠬᠦ ᠲᠤᠰᠠᠳᠠᠢ ᠰᠡᠳᠬᠢᠯ ᠢ ᠲᠡᠭᠡᠳᠦᠯᠡᠬᠦ ᠦᠷᠦᠪᠴᠢ ᠡᠨᠡᠷᠢᠩᠬᠦᠢ ᠶᠢᠨ ᠰᠡᠳᠬᠢᠯ︾ ᠢ ᠪᠠᠷᠢᠨ᠂ | ᠠᠮᠢᠳᠤᠷᠠᠯ ᠦᠢᠯᠡᠰ ᠲᠤ ᠪᠠᠨ ᠰᠦᠨ ᠴᠠᠭᠠᠨ ᠮᠦᠷ ᠲᠡᠪᠢᠰᠦᠬᠡ ︽ᠮᠠᠯᠴᠢᠨ ᠴᠠᠭᠠᠨ ᠢᠳᠡᠭᠡᠨ︾ ᠤ ᠬᠤᠶᠠᠷ | ᠲᠠᠭᠠᠭᠠᠮᠠᠯ ᠳᠤ ᠪᠠᠨ ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ ᠤ ᠠᠵᠠ ᠬᠡᠰᠢᠭ ᠲᠤ ᠠᠰᠢᠲᠠ ᠢᠪᠡᠭᠡᠭᠳᠡᠬᠦ ᠶᠢᠨ ᠵᠦᠩᠨᠡᠯ ᠢ | ᠳᠡᠪᠰᠢᠭᠦᠯᠦᠶᠡ᠃ | ︵ᠤᠷᠠᠨᠲ᠋ᠠᠨᠠ᠂ ᠠᠯᠲᠠᠨᠳᠤᠶᠠᠭᠠ︶ | |