| ᠤᠷᠤᠭ ᠬᠤᠷᠢᠮ ᠤᠨ ᠬᠤᠶᠠᠷ ᠬᠠᠷᠢ ᠨᠢᠭᠡ ᠲᠦᠷᠦ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠶᠤᠰᠤ ᠪᠠᠷ ᠬᠡᠤᠬᠡᠨ ᠢᠶᠠᠨ | ᠬᠦᠷᠭᠡᠨ ᠳᠤ ᠮᠤᠷᠳᠠᠭᠤᠯᠵᠤ᠂ ᠭᠡᠤᠬᠡᠨ ᠭᠡᠵᠢᠭᠡ ᠶᠢ ᠨᠢ ᠬᠠᠭᠠᠯᠵᠤ᠂ ᠰᠢᠷᠠ ᠦᠰᠦ ᠶᠢ ᠨᠢ ᠠᠪᠴᠤ᠂ ᠬᠠᠳᠠᠮ ᠤᠨ | ᠭᠠᠯ ᠳᠤ ᠮᠦᠷᠭᠦᠭᠦᠯᠦᠨ᠂ ᠪᠡᠷᠭᠡᠳ ᠨᠢ ᠦᠰᠦ ᠶᠢ ᠨᠢ ᠱᠠᠩᠬᠤᠯᠠᠵᠤ ᠪᠤᠭᠤᠭᠠᠳ ᠲᠠᠪᠤᠨ ᠬᠠᠳᠬᠤᠭᠤᠷ ᠢᠶᠠᠷ ᠵᠠᠰᠠᠨ | ᠴᠢᠮᠡᠭᠯᠡᠬᠦ ᠳᠤ ᠬᠤᠤᠰ ᠬᠠᠳᠬᠤᠭᠤᠷ᠂ ᠬᠦᠨᠳᠡᠯᠡᠨ ᠬᠠᠳᠬᠤᠭᠤᠷ᠂ ᠬᠤᠤᠰ ᠲᠤᠯᠤᠭᠤᠷ᠂ ᠬᠠᠳᠠᠯᠢᠭ ︵ᠬᠠᠳᠠᠯᠢᠩ︶ | ᠂ ᠲᠠᠳᠠᠭᠤᠷ᠂ ᠰᠦᠢᠭᠡ᠂ ᠮᠦᠩᠭᠦᠨ ᠪᠤᠤ ᠲᠠᠢ ᠭᠤᠤ᠂ ᠰᠢᠪᠬᠡ ︵ᠰᠢᠪᠬᠢ︶ ᠤᠨᠵᠢᠯᠭᠠ ᠵᠡᠷᠭᠡ ᠶᠢ ᠭᠡᠷᠡᠭᠯᠡᠵᠤ | ᠵᠠᠰᠠᠨ ᠴᠢᠮᠡᠳᠡᠭ ᠶᠤᠮ᠃ | ᠦᠰᠦ ᠪᠤᠭᠤᠬᠤ ᠳᠤ ᠰᠢᠭᠠᠮᠠᠯ ᠭᠡᠵᠢᠭᠡ ︵ᠠᠷᠤ ᠬᠤᠷᠴᠢᠨ ᠤ ᠵᠠᠷᠢᠮ ᠭᠠᠵᠠᠷ ᠲᠤ ᠦᠰᠦᠨ ᠲᠤᠶᠢᠪᠢ | ᠭᠡᠵᠤ ᠬᠡᠯᠡᠳᠡᠭ︶ ᠬᠡᠷᠡᠭᠯᠡᠳᠡᠭ᠃ ᠲᠠᠷᠤᠢ ᠪᠡᠯᠡᠨ ᠦᠰᠦ ᠪᠠᠷ ᠬᠢᠭᠰᠡᠨ ᠦᠰᠦᠨ ᠤ ᠤᠭ ᠪᠤᠭᠤᠬᠤ ᠳᠤ ᠬᠡᠷᠡᠭᠯᠡᠬᠦ | ᠪᠠᠭᠴᠠ ᠭᠡᠵᠢᠭᠡ᠂ ᠨᠢᠭᠡ ᠦᠵᠦᠭᠦᠷ ᠢ ᠨᠢ ᠴᠠᠪᠠᠤ ᠪᠠᠷ ᠨᠠᠭᠠᠯᠳᠤᠭᠤᠯᠵᠤ ᠪᠤᠭᠤᠵᠤ ᠤᠶᠠᠭᠰᠠᠨ ᠪᠠᠶᠢᠳᠠᠭ᠂ ᠬᠤᠤᠰ | ᠢᠶᠠᠷ ᠬᠡᠷᠡᠭᠯᠡᠳᠡᠭ᠃ | ᠬᠡᠤᠬᠡᠨ ᠭᠡᠵᠢᠭᠡ ᠶᠢ ᠨᠢ ᠮᠠᠩᠨᠠᠢ ᠶᠢᠨ ᠭᠤᠤᠯ ᠠᠴᠠ ᠰᠢᠯᠢᠨ ᠬᠦᠵᠦᠭᠦᠨ ᠳᠤ ᠨᠢ ᠬᠦᠷᠲᠡᠯᠡ ᠰᠢᠯᠤᠭᠤᠬᠠᠨ | ᠬᠠᠭᠠᠯᠵᠤ᠂ ᠲᠠᠬᠢᠨ ᠴᠢᠬᠢᠨ ᠤ ᠤᠮᠤᠭ ᠲᠠᠢ ᠠᠰᠯᠠᠭᠤᠯᠵᠤ ᠪᠠᠷᠠᠭᠤᠨᠰᠢ ᠵᠡᠭᠦᠨᠰᠢ ᠪᠠᠨ ᠬᠠᠭᠠᠯᠵᠤ ᠴᠠᠮᠴᠢᠭ ︵ | ᠰᠠᠨᠴᠢᠭ︶ ᠭᠠᠷᠭᠠᠨᠠ᠂ ᠲᠠᠷᠤᠢ ᠲᠦᠷᠪᠡᠨ ᠬᠡᠰᠡᠭ ᠭᠡᠵᠢᠭᠡ ᠪᠤᠯᠭᠠᠵᠤ᠂ ᠲᠤᠬᠤᠨ ᠤ ᠬᠤᠶᠠᠷ ᠬᠡᠰᠡᠭ ᠲᠤ ᠦᠰᠦ | ᠪᠤᠭᠤᠨᠠ᠃ ᠡᠮᠤᠨᠡ ᠬᠤᠶᠠᠷ ᠬᠡᠰᠡᠭ ᠢ ᠨᠢ ᠴᠠᠮᠴᠢᠭ ᠲᠠᠷᠤᠭᠤᠯᠬᠤ ᠪᠠᠷ ᠪᠡᠯᠡᠳᠭᠡᠨᠡ᠃ | ᠦᠰᠦ ᠪᠤᠭᠤᠬᠤ ᠳᠤ ᠲᠠᠳᠠᠯᠭᠠ ᠬᠡᠵᠤ ᠤᠯᠠᠭᠠᠨ ᠤᠳᠠᠰᠤ ᠶᠢ ᠭᠤᠷᠪᠠᠨ ᠮᠦᠰᠦᠯᠡᠵᠤ ᠨᠡᠶᠢᠳᠬᠡᠭᠰᠡᠨ | ᠲᠤᠰᠬᠠᠢ ᠦᠰᠦᠨ ᠤ ᠤᠭ ᠢ ᠤᠷᠢᠶᠠᠬᠤ ᠪᠤᠭᠤᠯᠳᠠ ᠶᠢ ᠬᠡᠷᠡᠭᠯᠡᠳᠡᠭ᠃ | ᠲᠤᠬᠤᠨ ᠤ ᠬᠤᠶᠠᠷ ᠬᠡᠰᠡᠭ ᠬᠡᠵᠢᠭᠡ ᠶᠢ ᠪᠠᠷᠠᠭᠤᠨ ᠲᠤᠬᠤᠨ ᠠᠴᠠ ᠡᠬᠢᠯᠡᠵᠤ ᠲᠤᠰ ᠲᠤᠰ ᠲᠤᠨᠢ ᠲᠡᠭᠡᠭᠰᠢ | ᠠᠳᠬᠤᠨ ᠰᠠᠮᠨᠠᠵᠤ᠂ ᠲᠠᠳᠠᠯᠭᠠ ᠶᠢ ᠬᠤᠶᠠᠷ ᠬᠤᠪᠢᠶᠠᠨ ᠬᠠᠭᠠᠰ ᠢᠶᠠᠷ ᠨᠢ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠦᠰᠦ ᠶᠢᠨ ᠤᠭ | ᠢ ᠤᠷᠢᠶᠠᠬᠤ ᠳᠤ ᠬᠤᠶᠠᠷ ᠰᠢᠭᠠᠮᠠᠯ ᠭᠡᠵᠢᠭᠡ ᠶᠢᠨ ᠨᠢᠭᠡ ᠶᠢ ᠭᠡᠵᠢᠭᠡᠨ ᠲᠡᠭᠡᠷᠡ ᠲᠠᠯᠪᠢᠵᠤ ᠲᠠᠳᠠᠯᠭᠠ ᠪᠠᠷ ᠤᠷᠢᠶᠠᠨᠠ᠃ | ᠲᠠᠬᠢᠨ ᠵᠡᠭᠦᠨ ᠲᠠᠯᠠ ᠶᠢᠨ ᠲᠤᠬᠤᠨ ᠤ ᠭᠡᠵᠢᠭᠡᠨ ᠲᠡᠭᠡᠷᠡ ᠨᠦᠭᠦᠭᠡ ᠰᠢᠭᠠᠮᠠᠯ ᠭᠡᠵᠢᠭᠡ ᠪᠠᠨ ᠲᠠᠯᠪᠢᠨ ᠦᠯᠡᠳᠡᠭᠰᠡᠨ | ᠬᠠᠭᠠᠰ ᠲᠠᠳᠠᠯᠭᠠ ᠪᠠᠷ ᠬᠤᠯᠪᠤᠨ ᠤᠷᠢᠶᠠᠨᠠ᠃ ᠭᠡᠵᠢᠭᠡ ᠪᠠ ᠰᠢᠭᠠᠮᠠᠯ ᠭᠡᠵᠢᠭᠡ ᠶᠢ ᠲᠤᠰ ᠲᠤᠰ ᠭᠤᠷᠪᠠ | ᠬᠤᠪᠢᠶᠠᠵᠤ ᠨᠡᠶᠢᠯᠡᠬᠦᠯᠤᠨ ᠪᠦᠳᠦᠭᠦᠨ ᠭᠡᠵᠢᠭᠡ ᠪᠤᠯᠭᠠᠨ ᠭᠦᠷᠦᠨᠡ᠃ | ᠲᠠᠷᠠᠭᠠ ᠨᠢ ᠦᠰᠦᠨ ᠤ ᠰᠢᠬᠠᠭᠤᠷ ᠢᠶᠠᠨ ᠭᠦᠷᠦᠭᠰᠡᠨ ᠬᠤᠶᠠᠷ ᠭᠡᠵᠢᠭᠡᠨ ᠤ ᠪᠠᠨ ᠤᠭ ᠲᠤ ᠬᠦᠷᠳᠡᠯᠡ | ᠤᠭᠯᠠᠨ ᠰᠢᠬᠠᠵᠤ᠂ ᠬᠤᠶᠠᠷ ᠬᠠᠳᠬᠤᠭᠤᠷ ᠢ ᠦᠰᠦᠨ ᠤ ᠰᠢᠬᠠᠭᠤᠷ ᠤᠨ ᠲᠡᠭᠡᠷᠡ ᠠᠴᠠ ᠲᠤᠷᠤᠭᠰᠢ ᠬᠠᠳᠬᠤᠵᠤ᠂ | ᠬᠤᠶᠠᠷ ᠲᠤᠯᠤᠭᠤᠷ ᠢ ᠦᠰᠦᠨ ᠤ ᠰᠢᠬᠠᠭᠤᠷ ᠤᠨ ᠲᠤᠤᠷᠠ ᠠᠴᠠ ᠲᠡᠭᠡᠭᠰᠢ ᠬᠠᠤᠬᠤᠵᠤ᠂ ᠲᠤᠯᠤᠭᠤᠷ ᠤᠨ ᠠᠮᠠᠨ | ᠳᠤ ᠭᠦᠷᠦᠭᠰᠡᠨ ᠬᠤᠶᠠᠷ ᠭᠡᠵᠢᠭᠡ ᠶᠢ ᠨᠢᠭᠡ ᠨᠢᠭᠡ ᠡᠮᠭᠦᠭᠦᠯᠵᠤ᠂ ᠬᠤᠶᠠᠷ ᠬᠠᠳᠬᠤᠭᠤᠷ ᠪᠤᠯᠤᠨ ᠲᠤᠶᠢᠪᠢ ︵ | ᠰᠢᠭᠠᠮᠠᠯ ᠭᠡᠵᠢᠭᠡ︶ ᠶᠢᠨ ᠵᠠᠪᠰᠠᠷ ᠬᠠᠪᠴᠢᠭᠤᠯᠤᠨᠠ᠃ | ᠰᠢᠭᠠᠮᠠᠯ ᠭᠡᠵᠢᠭᠡ ᠶᠢ ᠠᠷᠤ ᠬᠤᠷᠴᠢᠨ ᠤ ᠵᠠᠷᠢᠮ ᠭᠠᠵᠠᠷ ᠲᠤ ᠪᠠᠰᠠ ᠲᠤᠶᠢᠪᠢ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠲᠠᠷᠤᠢ | ᠪᠡᠯᠡᠨ ᠭᠡᠵᠢᠭᠡ ᠪᠠᠷ ᠬᠢᠭᠰᠡᠨ ᠦᠰᠦᠨ ᠤ ᠤᠭ ᠢ ᠪᠤᠭᠤᠬᠤ ᠳᠤ ᠬᠡᠷᠡᠭᠯᠡᠬᠦ ᠪᠠᠭᠴᠠ ᠭᠡᠵᠢᠭᠡ ᠶᠢ ᠬᠡᠯᠡᠳᠡᠭ᠃ | ᠶᠡᠷᠤᠳᠡᠭᠡᠨ ᠨᠢᠭᠡ ᠦᠵᠦᠭᠦᠷ ᠢ ᠨᠢ ᠴᠠᠪᠠᠤ ᠪᠠᠷ ᠪᠤᠭᠤᠵᠤ ᠤᠶᠠᠭᠰᠠᠨ ᠪᠦᠭᠡᠳ ᠭᠡᠵᠢᠭᠡ ᠶᠢ ᠪᠦᠳᠦᠭᠦᠨ ᠪᠤᠯᠭᠠᠬᠤ | ᠦᠢᠯᠡᠳᠤᠯ ᠲᠠᠢ᠃ ᠪᠠᠰᠠ ᠬᠤᠯᠤᠰᠤᠨ ᠲᠡᠭᠡᠷᠡ ᠰᠤᠯᠠ ᠭᠡᠵᠢᠭᠡ ᠪᠠᠨ ᠴᠠᠪᠠᠤ ᠪᠠᠷ ᠨᠠᠭᠠᠵᠤ᠂ ᠬᠤᠯᠤᠰᠤᠨ ᠤ | ᠭᠠᠳᠠᠭᠤᠷ ᠬᠠᠷᠠ ᠲᠤᠷᠭᠠ ᠪᠠᠷ ᠪᠤᠭᠤᠵᠤ ᠤᠶᠤᠳᠠᠭ᠂ ᠬᠠᠳᠬᠤᠭᠤᠷ ᠤᠨ ᠲᠡᠪᠢᠰᠭᠡᠷ ᠮᠡᠳᠤ ᠪᠠᠶᠢᠳᠠᠭ᠃ | ᠱᠠᠩᠬᠤᠯᠤᠭᠰᠠᠨ ᠦᠰᠦ ᠶᠢ ᠴᠢᠮᠡᠭᠦ ᠳᠤ ᠬᠤᠶᠠᠷ ᠲᠤᠯᠤᠭᠤᠷ ᠤᠨ ᠠᠮᠠᠨ ᠤ ᠲᠡᠭᠡᠭᠦᠷ ᠬᠤᠯᠪᠤᠭᠠᠰᠤ ᠭᠡᠵᠤ | ᠮᠦᠩᠭᠦ ᠱᠢᠷᠤ ᠪᠠᠷ ᠬᠢᠭᠰᠡᠨ ᠭᠤᠬᠠ ᠬᠡᠷᠡᠭᠯᠡᠨᠡ᠃ | ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠳᠤ ᠪᠠᠰᠠ ᠰᠢᠪᠭᠡ ︵ᠰᠢᠪᠠᠬᠢ︶ ᠭᠡᠵᠤ ᠬᠤᠶᠠᠷ ᠪᠠᠶᠢᠳᠠᠭ᠃ ᠲᠠᠷᠤᠢ ᠪᠤᠭᠤᠭᠰᠠᠨ | ᠦᠰᠦᠨ ᠤ ᠬᠤᠶᠠᠷ ᠲᠠᠯᠠ ᠠᠴᠠ ᠬᠠᠳᠬᠤᠨ ᠵᠡᠭᠦᠭᠦ ᠡᠳ᠋ ᠶᠤᠮ᠃ ᠰᠢᠪᠬᠡ ᠶᠢᠨ ᠪᠦᠳᠦᠴᠡ ᠳᠤ ᠰᠢᠭᠢᠳᠭᠡᠷᠢ᠂ | ᠲᠠᠪᠠᠭ᠂ ᠲᠤᠯᠤᠭᠠᠢ᠂ ᠭᠤᠶᠠ ᠵᠡᠷᠭᠡ ᠪᠠᠶᠢᠳᠠᠭ᠃ ᠰᠢᠪᠬᠡ ᠶᠢᠨ ᠲᠤᠯᠤᠭᠠᠢ ᠠᠴᠠ ᠤᠨᠵᠢᠭᠤᠯᠤᠭᠰᠠᠨ ᠢ ᠤᠨᠵᠢᠯᠭᠠ | ᠭᠡᠳᠡᠭ ᠶᠡᠷᠦᠳᠡᠭᠡᠨ ᠬᠤᠶᠠᠷ ᠢ ᠬᠡᠷᠡᠭᠯᠡᠳᠡᠭ᠃ ᠤᠨᠵᠢᠯᠭᠠ ᠶᠢ ᠠᠰ ᠲᠤᠨᠢ ᠡᠰᠢ᠂ ᠲᠤᠯᠤᠭᠠᠢ᠂ ᠬᠡᠯᠬᠢᠶᠡᠷᠢ ᠲᠠᠢ | ᠬᠢᠳᠡᠭ ᠴᠦ ᠪᠤᠢ᠃ ᠡᠭᠦᠨ ᠢ ᠳ᠋ᠢᠩᠭᠠᠨ ᠭᠡᠵᠤ ᠴᠦ ᠬᠡᠯᠡᠳᠡᠭ᠃ ᠤᠨᠵᠢᠯᠭᠠ ᠦᠭᠡᠢ ᠱᠢᠷᠤ᠂ ᠤᠭ᠍ᠶᠤ᠂ ᠯᠤᠤ ᠶᠢᠨ | ᠲᠤᠯᠤᠭᠠᠢ ᠲᠠᠢ ᠴᠦ ᠪᠤᠢ᠃ | ᠦᠰᠦ ᠪᠠᠨ ᠱᠠᠩᠬᠤᠯᠠᠭᠰᠠᠨ ︵ᠪᠤᠭᠤᠭᠰᠠᠨ︶ ᠤ ᠰᠡᠭᠦᠯᠡᠷ ᠰᠠᠨᠴᠢᠭ ︵ᠪᠠᠰᠠ ᠴᠠᠮᠴᠢᠭ ᠭᠡᠵᠤ ᠬᠡᠯᠡᠳᠡᠭ︶ | ᠤᠨ ᠦᠰᠦ ᠪᠠᠨ ᠰᠠᠶᠢᠬᠠᠨ ᠰᠠᠮᠨᠠᠵᠤ ᠮᠤᠰᠬᠢᠨ ᠴᠢᠬᠢᠨ ᠤ ᠤᠮᠤᠭ ᠢ ᠲᠠᠷᠤᠵᠤ ᠬᠤᠶᠢᠰᠢ ᠪᠠᠨ ᠪᠤᠭᠤᠭᠰᠠᠨ ᠦᠰᠦᠨ | ᠳᠤ ᠪᠠᠨ ᠤᠷᠢᠶᠠᠨᠠ᠃ ᠴᠠᠮᠴᠢᠭ ᠢᠶᠠᠨ ᠬᠤᠶᠠᠷ ᠬᠤᠪᠢᠶᠠᠭᠠᠳ ᠲᠦᠷᠪᠡᠨ ᠴᠠᠮᠴᠢᠭ ᠭᠠᠷᠭᠠᠳᠠᠭ ᠴᠦ ᠪᠤᠢ᠃ | ᠴᠠᠮᠴᠢᠭ ᠢᠶᠠᠨ ᠲᠠᠷᠤᠭᠤᠯᠤᠭᠰᠠᠨ ᠤ ᠰᠡᠭᠦᠯᠡᠷ ᠬᠠᠳᠠᠯᠢᠭ ᠢᠶᠠᠷ ᠪᠤᠭᠤᠭᠰᠠᠨ ᠦᠰᠦᠨ ᠤ ᠡᠮᠤᠨᠡᠭᠦᠷ | ᠲᠤᠯᠤᠭᠠᠢ ᠪᠠᠨ ᠤᠷᠢᠶᠠᠨᠠ᠃ ᠬᠠᠳᠠᠯᠢᠭ ᠨᠢ ᠲᠤᠯᠤᠭᠠᠢ ᠶᠢᠨ ᠤᠷᠤᠢ ᠳᠤ ᠬᠠᠳᠠᠯᠢᠩ ᠭᠡᠵᠤ ᠲᠤᠮᠤ ᠱᠢᠷᠤᠨ | ᠰᠢᠭᠢᠳᠭᠡᠷᠢ ᠲᠠᠢ ᠪᠠᠶᠢᠳᠠᠭ᠂ ᠡᠭᠦᠨ ᠤ ᠡᠮᠤᠨᠡᠭᠦᠷ ᠲᠠᠳᠠᠭᠤᠷ ᠢᠶᠠᠨ ᠲᠠᠳᠠᠨᠠ᠃ | ᠪᠤᠭᠤᠭᠰᠠᠨ ᠦᠰᠦᠨ ᠤ ᠤᠭ ᠢᠶᠠᠷ ᠲᠤᠷᠭᠠᠨ ᠠᠯᠴᠢᠭᠤᠷ ᠲᠠᠳᠠᠨᠠ ︵ᠤᠷᠢᠶᠠᠨᠠ︶᠂ ᠲᠠᠷᠠᠭᠠ ᠨᠢ ᠮᠦᠩᠭᠦᠨ | ᠭᠤᠤ ︵ᠲᠤᠯᠢ︶ ᠲᠠᠢ ᠪᠤᠤ ︵ᠲᠠᠪᠤᠨ ᠭᠤᠤᠯ ᠲᠠᠢ ᠡᠷᠳᠡᠨᠢ︶ ᠶᠢ ᠲᠤᠷᠭᠠᠨ ᠠᠯᠴᠢᠭᠤᠷ ᠲᠡᠭᠡᠷᠡ ᠲᠠᠳᠠᠨᠠ᠃ ᠡᠨᠡ | ᠨᠢ ᠲᠠᠳᠠᠭᠤᠷ ᠮᠡᠳᠤ ᠮᠦᠩᠭᠦᠨ ᠭᠤᠤ ᠶᠢᠨ ᠵᠠᠪᠰᠠᠷ ᠨᠢ ᠱᠢᠷᠤ ᠪᠠᠷ ᠵᠠᠭᠠᠭᠯᠠᠨ ᠬᠡᠯᠬᠢᠨᠡ᠃ | ᠦᠰᠦ ᠪᠤᠭᠤᠬᠤ ᠳᠤ ᠪᠠᠨ ᠦᠰᠦ ᠪᠠᠨ ᠵᠦᠷᠢᠭᠦᠯᠤᠨ ᠤᠷᠢᠶᠠᠳᠠᠭ ᠦᠭᠡᠢ᠂ ᠬᠤᠶᠠᠷ ᠲᠡᠰᠢ ᠪᠠᠨ | ᠤᠷᠢᠶᠠᠬᠤ ᠶᠤᠰᠤ ᠲᠠᠢ᠃ | ᠬᠢᠮᠳᠠ ᠭᠢᠯᠪᠠᠷ ᠢ ᠪᠤᠳᠤᠵᠤ ᠬᠠᠯᠪᠠᠭᠠᠨ ᠬᠠᠳᠬᠤᠭᠤᠷ ᠢ ᠴᠦ ᠬᠡᠷᠡᠭᠯᠡᠳᠡᠭ᠂ ᠡᠨᠡ ᠨᠢ ᠬᠠᠯᠪᠠᠭᠠ ᠶᠢᠨ | ᠬᠡᠯᠪᠡᠷᠢ ᠲᠠᠢ ᠱᠢᠷᠤ ᠶᠢᠨ ᠰᠢᠭᠢᠳᠭᠡᠷᠢ ᠲᠠᠢ ᠪᠠᠶᠢᠳᠠᠭ᠃ | ᠤᠳᠤ ᠶᠢᠨ ᠴᠠᠭ ᠲᠤ ᠬᠡᠳᠦᠶᠢᠪᠡᠷ ᠮᠤᠩᠭᠤᠯᠴᠤᠳ ᠤᠨ ᠦᠨᠳᠤᠰᠤᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠵᠠᠩ ᠵᠢᠷᠤᠮ ᠢ | ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠵᠤ ᠪᠠᠶᠢᠨᠠ ᠭᠡᠳᠡᠭ ᠪᠤᠯᠪᠠᠴᠤ᠂ ᠡᠮᠡᠭᠳᠡᠶᠢᠴᠤᠳ ᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠲᠠᠯᠠ ᠪᠠᠷ | ᠤᠯᠠᠮᠵᠢᠯᠠᠯ ᠲᠠᠢ ᠵᠦᠷᠢᠵᠤ ᠪᠠᠶᠢᠭᠠ ᠦᠵᠡᠭᠳᠡᠯ ᠡᠳᠤᠢ ᠲᠡᠳᠤᠢ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠂ ᠲᠡᠶᠢᠮᠤ ᠪᠠᠷ ᠢᠶᠠᠨ ᠵᠠᠯᠠᠭᠤ | ᠪᠡᠷᠢᠶᠡᠳ ᠬᠡᠤᠭᠡᠳ ᠲᠤ ᠲᠤᠯᠤᠭᠠᠢ ᠶᠢᠨ ᠵᠠᠰᠠᠯ ᠤᠨ ᠠᠯᠬᠤᠮ ᠲᠠᠷᠠᠭᠠ ᠶᠤᠰᠤ ᠵᠢᠷᠤᠮ ᠤᠨ ᠲᠠᠯᠠ ᠪᠠᠷ ᠵᠦᠪ | ᠤᠶᠢᠯᠠᠭᠠᠭᠤᠯᠬᠤ ᠶᠢ ᠪᠤᠳᠤᠵᠤ ᠲᠦᠭᠦᠮ ᠲᠠᠶᠢᠯᠪᠤᠷᠢ ᠶᠢ ᠪᠢᠴᠢᠪᠡ᠃ | | | | | | | | | | | | ᠵᠤᠭᠠᠴᠢᠨ · ᠰᠡᠴᠡᠨ ᠡᠮᠬᠢᠳᠬᠡᠪᠡ | | |