| ᠨᠤᠶᠠᠨ ᠠᠭᠤᠯᠠ ᠨᠢ ᠤᠷᠤᠨ ᠨᠤᠲᠤᠭ ᠲᠠᠭᠠᠨ ᠡᠵᠡᠨ ᠪᠤᠯᠤᠨ ᠰᠦᠨᠳᠡᠷᠯᠡᠵᠤ᠂ ᠠᠷᠤ ᠬᠤᠷᠴᠢᠨ | ᠬᠤᠰᠢᠭᠤᠨ ᠤ ᠪᠠᠶ᠋ᠬᠠᠦ᠋ᠨᠳᠤᠷ ᠰᠤᠮᠤᠨ ᠤ ᠲᠢᠪᠦᠯᠢ ᠭᠠᠴᠠᠭᠠᠨ ᠤ ᠠᠷᠪᠠ ᠶᠢᠰᠦᠨ ᠤᠪᠤᠭ ᠠᠶᠢᠮᠠᠭ ᠤᠨ ᠲᠦᠰᠢᠭ | ᠪᠤᠯᠵᠤ ᠲᠡᠤᠬᠡ ᠴᠠᠳᠢᠭ ᠲᠤ ᠲᠡᠮᠳᠡᠭᠯᠡᠭᠳᠡᠵᠤ ᠪᠠᠶᠢᠭᠠ ᠦᠨᠳᠤᠷ ᠰᠦᠷᠯᠢᠭ ᠠᠭᠤᠯᠠ ᠶᠤᠮ᠃ | ᠨᠤᠶᠠᠨ ᠠᠭᠤᠯᠠ ᠶᠢᠨ ᠲᠤᠭᠤᠷᠢᠨ ᠳᠤ ᠰᠠᠶᠢᠳ ᠲᠦᠰᠢᠮᠡᠳ ᠨᠢ ᠭᠡᠮᠡᠷ ᠪᠠᠶᠢᠷᠢᠰᠢᠭᠰᠠᠨ ᠠᠭᠤᠯᠠ ᠤᠰᠤ | ᠨᠤᠭᠤᠳ ᠭᠡᠪᠡᠯ᠂ ᠪᠠᠷᠠᠭᠤᠨ ᠡᠮᠤᠨᠡ ᠨᠢ ᠪᠠᠷᠰ ᠰᠠᠭᠤᠭᠰᠠᠨ ᠮᠡᠳᠤ ᠠᠰᠬᠠ ᠬᠠᠳᠠᠳᠤ ᠷᠠᠰᠢᠶᠠᠨᠳᠤ ᠠᠭᠤᠯᠠ ᠲᠠᠢ᠃ | ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢ ᠠᠯᠳᠠᠨ ᠤᠯᠤᠰ ᠤᠨ ᠪᠤᠷᠤ ᠬᠡᠷᠡᠮ ᠤᠨ ᠲᠠᠪᠠᠭᠠ ᠲᠠᠢ᠃ ᠪᠠᠷᠠᠭᠤᠨ ᠬᠤᠶᠢᠨᠠ ᠨᠢ ᠬᠢᠯᠢ | ᠶᠢᠨ ᠬᠠᠷᠠᠭᠤᠯ ᠬᠡᠮᠡᠷ ᠲᠠᠪᠠᠭᠠᠨ ᠱᠤᠷᠤᠩ ᠲᠠᠢ᠃ ᠬᠤᠶᠢᠳᠤ ᠲᠠᠯᠠ ᠳᠤ ᠨᠢ ᠦᠨᠳᠤᠷ ᠰᠦᠷᠯᠢᠭ ᠨᠤᠶᠠᠨ ᠠᠭᠤᠯᠠ | ᠲᠡᠭᠷᠢ ᠶᠢ ᠪᠠᠭᠠᠨᠠᠳᠠᠨ ᠰᠡᠭᠦᠶᠢᠨ ᠰᠦᠨᠳᠡᠷᠯᠡᠵᠤ᠂ ᠠᠳᠡᠬᠢ ᠬᠦᠮᠤᠨ ᠠᠷᠠᠳ ᠲᠤ ᠪᠠᠨ ᠨᠦᠮᠦᠷᠢ ᠲᠦᠰᠢᠭ ᠪᠤᠯᠵᠤ᠂ | ᠬᠡᠰᠢᠭ ᠬᠤᠷᠤᠶᠢᠯᠠᠨ ᠬᠡᠶᠢᠮᠤᠷᠢ ᠲᠠᠯᠠᠯᠤᠵᠤ ᠪᠠᠶᠢᠳᠠᠭ᠃ | ᠨᠤᠶᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠲᠢᠪᠦᠯᠢ ᠶᠢᠨ ᠠᠶᠢᠯ ︵ᠤᠳᠤ ᠬᠠᠷᠠᠨᠠᠭᠤᠷ ᠭᠡᠵᠤ ᠪᠤᠢ︶ | ᠰᠠᠭᠤᠷᠢᠰᠢᠵᠤ᠂ ᠨᠡᠭᠦᠳᠡᠯ ᠮᠠᠯᠵᠢᠯ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠠᠵᠤ ᠲᠦᠷᠦᠨ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃ | ᠵᠡᠭᠦᠨ ᠬᠤᠶᠢᠨᠠ ᠪᠠᠨ ᠬᠠᠷᠠ ᠬᠠᠰ ︵ᠬᠠᠷᠠ ᠬᠠᠳᠠ ᠴᠦ ᠭᠡᠳᠡᠭ︶ ᠤᠨ ᠡᠩᠭᠡᠷ᠂ ᠵᠡᠭᠦᠨ ᠲᠠᠯᠠ ᠳᠤ ᠨᠢ | ᠳ᠋ᠠᠨᠵᠤᠤᠷᠳᠤ ᠶᠢᠨ ᠲᠠᠪᠠᠭᠠ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠴᠢᠬᠤᠯᠠ ᠪᠤᠭᠤᠮᠳᠠ ᠪᠤᠯᠵᠤ ᠪᠠᠶᠢᠳᠠᠭ᠃ ᠡᠨᠡ ᠲᠠᠪᠠᠭᠠ ᠪᠠᠷ | ᠭᠠᠨᠵᠤᠤᠷ ᠳ᠋ᠠᠨᠵᠤᠤᠷ ᠢ ᠵᠠᠯᠠᠵᠤ ᠠᠶᠠᠯᠠᠭᠰᠠᠨ ᠢᠶᠠᠷ ᠳ᠋ᠠᠨᠵᠤᠤᠷᠳᠤ ᠶᠢᠨ ᠲᠠᠪᠠᠭᠠ ᠭᠡᠵᠤ ᠨᠡᠷᠡᠯᠡᠯᠡ ᠭᠡᠳᠡᠭ᠃ ᠵᠡᠭᠦᠨ | ᠡᠮᠤᠨᠡ ᠨᠢ ᠪᠠᠮᠪᠠᠷ ᠭᠡᠪᠳᠡᠭᠰᠡᠨ ᠰᠢᠭ ᠬᠠᠳᠠᠨ ᠬᠤᠰᠢᠭᠤ ᠲᠠᠢ᠂ ᠡᠮᠤᠨᠡ ᠪᠠᠨ ᠨᠤᠮᠢᠨ ᠨᠤᠭᠤᠭᠠᠨ ᠲᠡᠪᠡᠭᠡ ᠲᠠᠢ᠂ | ᠡᠨᠡ ᠲᠡᠪᠡᠭᠡ ᠢ ᠨᠤᠭᠤᠭᠠᠨ ᠬᠠᠰ ᠤᠨ ᠲᠠᠪᠰᠢᠨ ᠳᠤ ᠠᠭᠠᠷᠤᠤᠯ ᠬᠤᠷᠤᠳ ᠲᠠᠪᠠᠭᠯᠠᠭᠰᠠᠨ ᠬᠡᠮᠡᠷ ᠠᠯᠳᠠᠨ ᠴᠡᠴᠡᠭ᠂ | ᠠᠯᠳᠠᠩᠬᠤᠸᠠ ᠴᠡᠴᠡᠭ᠂ ᠠᠯᠳᠠᠨ ᠮᠠᠨᠵᠢᠯᠠᠭᠠ ᠴᠡᠴᠡᠭ᠂ ᠴᠢᠭᠢᠷᠮᠠ ᠴᠡᠴᠡᠭ ᠦᠩᠭᠡ ᠪᠤᠯᠢᠶᠠᠯᠳᠤᠨ ᠲᠡᠯᠭᠡᠷᠡᠭᠡᠳ | ᠰᠤᠳᠤᠨ ᠰᠠᠶᠢᠬᠠᠨ ᠦᠨᠤᠷ ᠠᠩᠭᠢᠯᠤᠨ ᠬᠦᠮᠤᠰ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠭᠰᠠᠨ ᠪᠠᠶᠢᠳᠠᠭ᠃ ᠲᠡᠪᠡᠭᠡ ᠶᠢᠨ ᠨᠢᠭᠡ | ᠦᠵᠦᠭᠦᠷ ᠲᠤ ᠨᠢ ᠵᠤᠭᠰᠤᠬᠤᠯᠠᠷ ᠨᠦᠭᠦᠭᠡ ᠲᠠᠯᠠ ᠳᠤ ᠨᠢ ᠬᠦᠷᠲᠡᠯᠡ ᠨᠡᠮᠡᠯᠵᠡᠨ ᠬᠦᠳᠡᠯᠵᠤ ᠪᠠᠶᠢᠮᠠᠷ | ᠰᠠᠨᠠᠭᠳᠠᠭᠤᠯᠳᠠᠭ ᠬᠤᠪᠢ ᠶᠢᠨ ᠭᠠᠳᠠᠨᠠ ᠭᠤᠶᠤᠮᠰᠤᠭ ᠲᠦᠷᠰᠦᠯᠡᠬᠦᠶᠡ ᠪᠡᠷᠭᠡ ᠰᠠᠶᠢᠬᠠᠨ ᠭᠠᠵᠠᠷ ᠪᠠᠶᠢᠭᠰᠠᠨ ᠶᠤᠮ᠃ | ᠡᠨᠡ ᠬᠦ ᠲᠡᠪᠡᠭᠡ ᠲᠠᠢ ᠭᠠᠵᠠᠷ ᠢ ᠲᠡᠪᠡᠭᠦᠯᠢ ᠭᠡᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠬᠤᠵᠢᠮ ᠨᠢ ᠠᠪᠢᠶᠠ ᠨᠢ ᠪᠠᠭ᠋ᠠᠨ | ᠤᠨᠳᠤᠤᠰᠢᠭᠠᠳ ᠲᠢᠪᠦᠯᠢ ᠭᠡᠵᠤ ᠵᠠᠩᠰᠢᠭᠰᠠᠨ ᠭᠡᠵᠤ ᠵᠠᠷᠢᠮ ᠲᠡᠤᠭᠡᠴᠢᠳ ᠦᠵᠡᠵᠤ ᠪᠤᠢ᠃ | ᠲᠡᠪᠡᠭᠡ ᠲᠠᠢ ᠵᠡᠷᠭᠡᠴᠡᠨ ᠠᠯᠳᠠᠨ ᠭᠠᠳᠠᠰᠤ ᠶᠢᠨ ᠤᠪᠤᠭᠠ ᠲᠠᠢ᠂ ᠤᠪᠤᠭᠠ ᠶᠢᠨ ᠠᠷᠤ ᠠᠴᠠ ︽ | ᠤᠨᠳᠤᠷᠤᠮᠠᠯ ᠪᠤᠯᠠᠭ︾ ᠤᠷᠭᠢᠯᠤᠨ ᠵᠢᠵᠢᠭ ᠭᠤᠷᠤᠬᠠ ᠤᠷᠤᠰᠴᠤ ᠬᠦᠪᠡᠭᠡ ᠲᠠᠭᠠᠤ ᠨᠢ ᠬᠤᠵᠢᠷ ᠲᠤᠯᠤᠰᠢ ᠬᠡᠰᠡᠭ | ᠬᠡᠰᠡᠭ ᠬᠦᠪᠬᠡᠶᠢᠨ ᠴᠠᠶᠢᠷᠠᠭᠠᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠠᠭᠠᠳᠠᠢ ᠰᠠᠶᠢᠬᠠᠨ ᠤᠮᠳᠠ ᠪᠤᠯᠵᠤ᠂ ᠡᠬᠡ ᠪᠠᠶᠢᠭᠠᠯᠢ | ᠠᠴᠠ ᠠᠳᠡᠬᠢ ᠮᠠᠯᠴᠢᠳ ᠲᠤ ᠦᠭᠭᠢᠶᠡᠮᠤᠷ ᠰᠢᠮᠡ ᠪᠠᠨ ᠰᠤᠶᠤᠷᠬᠠᠭᠰᠠᠨ ᠦᠵᠡᠰᠭᠦᠯᠡᠩᠳᠤ ᠨᠤᠲᠤᠭ ᠪᠤᠯᠬᠤ ᠶᠤᠮ᠃ | ᠡᠶᠢᠮᠤ ᠠᠴᠠ ᠡᠨᠡ ᠨᠤᠲᠤᠭ ᠤᠨ ᠮᠠᠯᠴᠢᠳ ᠲᠡᠵᠢᠭᠡᠪᠡᠯ ᠮᠠᠯ ᠨᠢ ᠦᠨᠢᠷ ᠦᠰᠴᠤ᠂ ᠲᠡᠨᠢᠭᠦᠨ ᠲᠡᠭᠰᠢ ᠠᠮᠢᠳᠤᠷᠠᠯ | ᠲᠠᠢ ᠤᠴᠢᠷ ᠠᠴᠠ ᠬᠠᠭᠤᠴᠢᠨ ᠳᠠᠭᠠᠨ ︽ᠲᠡᠪᠡᠯᠡᠶᠡ ᠭᠡᠪᠡᠯ ᠲᠢᠪᠦᠯᠢ ᠳᠤ ᠰᠠᠭᠤ︾ ᠭᠡᠰᠡᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ | ᠲᠡᠯᠭᠡᠷᠡᠭᠰᠡᠨ ᠪᠠᠶᠢᠵᠠᠢ᠃ | ᠬᠠᠪᠤᠷ ᠲᠤ ᠪᠠᠨ ᠲᠡᠪᠡᠭᠡᠨ ᠲᠤᠯᠤᠭᠠᠢ ᠨᠤᠭᠤᠭᠠᠷᠠᠨ᠂ ᠮᠠᠯ ᠰᠦᠷᠦᠭ ᠡᠷᠳᠡ ᠨᠤᠭᠤᠭᠠ ᠬᠠᠵᠠᠯᠠᠨ᠂ ᠰᠢᠷᠠ | ᠤᠰᠤᠨ ᠳᠤ ᠤᠷᠤᠵᠤ᠂ ᠭᠠᠯᠠᠭᠤ ᠰᠢᠪᠠᠭᠤ ᠨᠡᠭᠦᠳᠡᠯᠯᠡᠨ ᠢᠷᠡᠵᠤ ᠮᠢᠷᠠᠯᠵᠠᠭᠰᠠᠨ ᠵᠡᠷᠭᠡᠯᠭᠡᠨ ᠲᠠᠢ ᠨᠢ ᠬᠤᠤᠰᠯᠠᠨ | ᠦᠩᠭᠡ ᠪᠤᠳᠤᠭ ᠨᠡᠮᠡᠷᠢᠯᠡᠬᠦ ᠪᠦᠭᠡᠳ ᠲᠡᠮᠡᠭᠡᠨ ᠪᠦᠬᠦᠨ ᠤ ᠵᠠᠪᠰᠠᠷ ᠢᠶᠠᠷ ᠮᠦᠩᠭᠦᠨ ᠤᠰᠤ ᠭᠢᠯᠠᠯᠵᠠᠨ ᠬᠦᠮᠤᠰ ᠤᠨ | ᠰᠡᠳᠬᠢᠯ ᠢ ᠪᠠᠶᠠᠰᠬᠠᠳᠠᠭ᠃ | ᠨᠠᠮᠤᠷ ᠤᠨ ᠬᠤᠩᠭᠤᠷ ᠵᠢᠪᠠᠷ ᠲᠤ ᠭᠠᠯᠠᠭᠤ ᠰᠢᠪᠠᠭᠤᠳ ᠪᠤᠴᠠᠬᠤ ᠳᠤ ᠲᠡᠷᠡᠰᠤᠨ ᠨᠠᠮᠠᠭᠠ ᠲᠤᠬᠢᠯᠵᠠᠨ ︽ | ᠪᠠᠶᠠᠷᠲᠠᠢ ᠠᠭᠤᠯᠵᠠᠶᠠ︾ ᠭᠡᠵᠤ ᠭᠠᠷ ᠲᠠᠯᠠᠯᠤᠨ ᠰᠠᠯᠬᠤ ᠶᠤᠰᠤ ᠭᠦᠢᠴᠡᠳᠭᠡᠵᠤ ᠪᠠᠶᠢᠬᠤ ᠮᠡᠳᠤ᠂ ᠭᠠᠯᠠᠭᠤ | ᠰᠢᠪᠠᠭᠤᠳ ᠨᠢ ︽ᠪᠢᠳᠡ ᠪᠤᠴᠠᠯᠠ︾᠂ ᠠᠷᠪᠠᠨ ᠨᠠᠢᠮᠠᠨ ᠬᠤᠨᠤᠭ ᠤᠨ ᠲᠠᠷᠠᠭᠠ ᠬᠢᠷᠠᠭᠤ ᠪᠠᠭᠤᠬᠤ ᠶᠢ ᠮᠡᠳᠡᠭᠡᠯᠡᠭᠰᠡᠨ | ᠰᠢᠤ ᠭᠡᠵᠤ᠂ ᠲᠠᠬᠢᠨ ᠲᠠᠬᠢᠨ ᠡᠷᠭᠢᠨ ᠬᠤᠷᠭᠤᠳᠠᠨ ᠭᠠᠩᠭᠠᠷ ᠭᠤᠩᠭᠤᠷ ᠲᠤᠤᠭᠠᠷᠤᠭᠰᠠᠭᠠᠷ ᠠᠶᠠᠷᠯᠠᠨ ᠶᠠᠪᠤᠳᠠᠭ | ᠰᠠᠨ᠃ | ᠡᠪᠤᠯ ᠤᠨ ᠤᠯᠠᠷᠢᠯ ᠳᠤ ᠲᠡᠪᠡᠭᠡ ᠨᠢ ᠲᠡᠮᠡᠭᠡᠨ ᠪᠦᠬᠦᠨ ᠳᠤ ᠴᠠᠰᠤᠨ ᠮᠠᠯᠠᠭᠠᠢ ᠡᠮᠤᠰᠭᠡᠵᠤ᠂ ᠬᠤᠨᠢᠨ | ᠰᠦᠷᠦᠭ ᠲᠤ ᠨᠦᠮᠦᠷᠢ ᠪᠤᠯᠵᠤ ᠬᠤᠴᠢᠭᠠᠳ ᠶᠠᠮᠠᠷ ᠰᠠᠶᠢᠬᠠᠨ ᠨᠤᠲᠤᠭ ᠤᠰᠤ ᠪᠠᠶᠢᠭᠰᠠᠨ ᠪᠤᠢ᠂ ᠡᠶᠢᠮᠤ ᠰᠠᠶᠢᠬᠠᠨ | ᠦᠩᠭᠡ ᠦᠵᠡᠮᠵᠢ ᠲᠠᠢ ᠦᠭᠭᠢᠶᠡᠮᠤᠷ ᠲᠠᠩᠰᠤᠭ ᠠᠭᠤᠯᠠ ᠤᠰᠤ ᠪᠠᠨ ᠠᠳᠡᠬᠢ ᠮᠠᠯᠴᠢᠳ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ᠂ | ᠨᠤᠶᠠᠨ ᠠᠭᠤᠯᠠ ᠪᠠᠨ ᠲᠡᠭᠡᠳᠦᠯᠡᠨ ᠰᠢᠳᠦᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ | ᠮᠠᠨ ᠤ ᠡᠪᠦᠭᠡ ᠲᠡᠭᠡᠳᠤᠰ ᠤᠨᠠᠭᠰᠠᠨ ᠰᠢᠷᠤᠢ ᠪᠠᠨ ᠠᠯᠳᠠ᠂ ᠤᠤᠭᠤᠭᠰᠠᠨ ᠤᠰᠤ ᠪᠠᠨ ᠷᠠᠰᠢᠶᠠᠨ ᠭᠡᠵᠤ ᠠᠭᠤᠯᠠ | ᠤᠰᠤ᠂ ᠭᠠᠵᠠᠷ ᠰᠢᠷᠤᠢ᠂ ᠤᠢ ᠰᠢᠭᠤᠢ᠂ ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ᠂ ᠠᠭᠤᠯᠠ ᠤᠰᠤ | ᠪᠠᠨ ᠲᠠᠬᠢᠵᠤ᠂ ᠠᠮᠢ ᠠᠬᠤᠢ ᠪᠠᠨ ᠪᠠᠶᠠᠨ ᠲᠠᠩᠰᠤᠭ ᠪᠠᠶᠢᠯᠭᠠᠬᠤ ᠶᠢ ᠬᠦᠰᠡᠨ ᠵᠦᠩᠨᠡᠳᠡᠭ ᠤᠴᠢᠷ ᠲᠠᠢ᠃ ᠮᠢᠨᠤ | ᠨᠤᠲᠤᠭ ᠤᠨ ᠨᠤᠶᠠᠨ ᠠᠭᠤᠯᠠ ᠨᠢ ᠨᠤᠲᠤᠭ ᠤᠨ ᠪᠤᠭᠤᠷᠤᠯ ᠡᠪᠦᠭᠡ ᠰᠢᠭ ᠢᠶᠠᠨ ᠨᠤᠲᠤᠭ ᠤᠰᠤᠨ ᠳᠤ ᠪᠠᠨ | ᠲᠦᠰᠢᠭ ᠪᠤᠯᠤᠭᠰᠠᠭᠠᠷ ᠦᠶᠡ ᠦᠶᠡ ᠶᠢᠨ ᠬᠦᠮᠤᠨ ᠮᠠᠯ ᠤᠨ ᠢᠶᠠᠨ ᠰᠢᠳᠦᠭᠡᠨ ᠪᠤᠯᠵᠤ ᠲᠡᠤᠬᠡ ᠱᠠᠰᠳᠢᠷ ᠲᠤ | ᠲᠡᠮᠳᠡᠭᠯᠡᠭᠳᠡᠭᠰᠡᠭᠡᠷ ᠢᠷᠡᠭᠰᠡᠨ ᠶᠤᠮ᠃ | ᠮᠢᠨᠤ ᠡᠯᠤᠨᠴᠡ ᠡᠪᠦᠭᠡ ︽ᠤᠯᠠᠭᠠᠨ ᠮᠠᠯᠠᠭᠠᠶᠢᠳᠠᠨ ᠤ ᠤᠷᠪᠠᠯᠭᠠᠨ︾ ᠠᠴᠠ ᠵᠠᠶᠢᠯᠠᠵᠤ ᠡᠨᠡ ᠨᠤᠲᠤᠭ ᠲᠤ | ᠢᠷᠡᠵᠤ ᠰᠠᠭᠤᠷᠢᠰᠢᠭᠰᠠᠨ ᠠᠴᠠ ᠨᠠᠭᠠᠰᠢᠭᠢ ᠵᠠᠭᠤ ᠢᠯᠡᠭᠦᠤ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠨᠤᠶᠠᠨ ᠠᠭᠤᠯᠠ ᠪᠠᠨ | ᠰᠢᠳᠦᠵᠤ ᠬᠡᠳᠤᠨ ᠦᠶᠡ ᠪᠤᠯᠴᠢᠬᠠᠯᠠ᠃ ᠡᠨᠡ ᠬᠦ ᠨᠤᠶᠠᠨ ᠠᠭᠤᠯᠠ ᠨᠢ ᠮᠦᠨᠴᠤ ᠡᠨᠡ ᠨᠤᠲᠤᠭ ᠤᠨ ᠤᠶᠢᠷᠠ ᠬᠠᠪᠢ | ᠶᠢᠨ ᠮᠠᠯᠴᠢᠳ ᠤᠨ ᠦᠶᠡ ᠤᠯᠠᠷᠢᠨ ᠰᠢᠳᠦᠨ ᠲᠠᠬᠢᠵᠤ ᠢᠷᠡᠭᠰᠡᠨ ᠰᠢᠳᠦᠭᠡᠨᠳᠤ ᠠᠭᠤᠯᠠ ᠪᠤᠯᠬᠤ ᠨᠢ ᠲᠠᠮᠵᠢᠭ | ᠦᠭᠡᠢ᠃ | ᠡᠶᠢᠮᠤᠷᠬᠦ ᠤᠳᠠᠭᠠᠨ ᠤᠨ ᠤ ᠲᠠᠬᠢᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠨᠤᠶᠠᠨ ᠠᠭᠤᠯᠠ ᠪᠠᠨ 2017 ᠤᠨ ᠤ 5 | ᠰᠠᠷᠠ ᠶᠢᠨ 15 ᠳᠤ ᠡᠷᠳᠡᠮᠳᠤ ᠯᠠᠮᠠ ᠲᠤᠩᠷᠤᠪᠵᠠᠮᠰᠤ ᠶᠢ ᠵᠠᠯᠠᠵᠤ᠂ ᠱᠦᠩᠰᠢᠭ ᠲᠠᠷᠤᠨ ᠨᠤᠮ ᠤᠩᠰᠢᠭᠤᠯᠤᠨ ᠰᠠᠩ | ᠲᠠᠯᠪᠢᠭᠤᠯᠤᠭᠠᠳ ᠰᠡᠷᠭᠦᠭᠡᠨ ᠲᠠᠬᠢᠭᠠᠳ ᠪᠠᠰᠠ ᠬᠡᠳᠤᠨ ᠵᠢᠯ ᠪᠤᠯᠵᠤ ᠪᠠᠶᠢᠨᠠ᠃ ᠨᠢᠳᠤᠨᠤᠨ ᠵᠢᠯ ᠰᠢ ᠠᠨ ᠬᠤᠳᠠ | ᠶᠢᠨ ᠡᠷᠳᠡᠮᠳᠡᠨ ᠯᠠᠮᠠ ᠱᠠᠪᠢ ᠨᠠᠷ ᠢᠶᠠᠨ ᠲᠠᠭᠠᠭᠤᠯᠤᠨ ᠢᠷᠡᠵᠤ᠂ ᠤᠪᠤᠭᠠᠨ ᠰᠠᠩ ᠤᠩᠰᠢᠨ ᠲᠠᠬᠢᠭᠰᠠᠨ ᠶᠤᠮ᠃ | ᠤᠳᠤ ᠬᠠᠷᠠᠨᠠᠭᠤᠷ ᠭᠠᠴᠠᠭᠠᠨ ᠤ ᠲᠦᠷᠪᠡᠨ ᠵᠠᠭᠤ ᠢᠯᠡᠬᠦᠤ ᠮᠠᠯᠴᠢᠳ᠂ ᠲᠤᠰ ᠭᠠᠴᠠᠭᠠᠨ ᠤ | ᠬᠤᠪᠢᠰᠬᠠᠯᠳᠤ ᠪᠠᠷ ᠤᠪᠤᠭᠠᠨ ᠲᠠᠭᠠᠭᠠᠮᠠᠯ ᠪᠤᠯᠭᠠᠵᠤ᠂ ᠨᠤᠶᠠᠨ ᠠᠭᠤᠯᠠ ᠪᠠᠨ ᠬᠦᠨᠳᠦᠳᠭᠡᠨ ᠲᠡᠭᠡᠳᠦᠯᠡᠵᠤ᠂ ᠵᠢᠯ | ᠪᠦᠷᠢ ᠲᠠᠬᠢᠯᠭᠠ ᠶᠢᠨ ᠶᠤᠰᠤ ᠪᠠᠨ ᠭᠦᠢᠴᠡᠳᠭᠡᠵᠤ᠂ ᠠᠭᠤᠯᠠ ᠤᠰᠤᠨ ᠤ ᠪᠠᠨ ᠠᠷᠢᠶᠠᠳᠠᠨ ᠵᠢᠭᠦᠷᠲᠡᠨ᠂ ᠤᠢ | ᠰᠢᠭᠤᠢ ᠡᠪᠡᠰᠤ ᠤᠷᠭᠤᠮᠠᠯ ᠢ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠨᠠ᠃ ᠠᠳᠡᠬᠢ ᠮᠠᠯᠴᠢᠳ ᠪᠠᠰᠠ ᠤᠶᠠᠩᠭᠠ ᠲᠠᠭᠤᠤ᠂ | ᠰᠢᠯᠦᠭ ᠵᠤᠬᠢᠶᠠᠯ ᠢᠶᠠᠷ ᠢᠶᠠᠨ ᠨᠤᠲᠤᠭ ᠤᠰᠤ ᠪᠠᠨ ᠮᠠᠭᠳᠠᠨ ᠲᠠᠭᠤᠯᠠᠵᠤ᠂ ᠨᠤᠲᠤᠭ ᠤᠰᠤ ᠪᠠᠨ ᠬᠠᠶᠢᠷᠠᠯᠠᠨ | ᠬᠠᠮᠠᠭᠠᠯᠠᠬᠤ ᠲᠤᠬᠠᠢ ᠤᠬᠠᠭᠤᠯᠤᠨ ᠰᠤᠷᠳᠠᠯᠴᠢᠯᠠᠵᠤ ᠪᠠᠶᠢᠳᠠᠭ ᠶᠤᠮ᠃ ︵ᠵᠤᠭᠠᠴᠢᠨ᠂ ᠰᠡᠴᠡᠨ︶ | |