| ᠦᠩᠭᠡᠷᠡᠭᠰᠡᠨ ᠵᠠᠭᠤᠨ ᠤ ᠲᠤᠮᠳᠠᠴᠢ ᠦᠶᠡ᠂ 1957 ᠤᠨ ᠤ ᠵᠤᠨ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ | ᠵᠠᠰᠠᠬᠤ ᠤᠷᠤᠨ ᠤ ᠪᠦᠬᠦ ᠴᠤᠤᠳᠤ ᠬᠤᠭᠤᠷᠴᠢ ᠨᠠᠷ ᠢ ᠬᠦᠬᠡᠬᠤᠳᠠ ᠳᠤ ᠴᠤᠭᠯᠠᠷᠠᠭᠤᠯᠵᠤ ᠭᠠᠷᠴᠠᠭ ᠪᠠ ᠰᠡᠳᠦᠪ ᠢ | ᠪᠠᠷᠢᠨ ᠲᠤᠷᠠᠳᠴᠤ ᠲᠠᠪᠤᠨ ᠮᠢᠨᠦ᠋ᠲ ᠤᠨ ᠲᠤᠳᠤᠷᠠ ᠤᠷᠭᠤᠭᠠ ᠬᠤᠯᠪᠤᠭᠠ ᠬᠡᠯᠡᠭᠦᠯᠵᠤ᠂ ᠤᠳᠬᠠ ᠰᠡᠳᠦᠪ | ᠤᠨᠤᠪᠴᠢᠳᠠᠢ᠂ ᠯᠤᠭᠢᠭ ᠨᠡᠶᠢᠴᠡᠪᠦᠷᠢᠲᠠᠢ᠂ ᠤᠷᠠᠨ ᠬᠡᠯᠡᠯᠭᠡ ᠰᠤᠨᠤᠰᠪᠤᠷᠢᠳᠠᠢ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠮᠦᠷᠦᠶᠢᠴᠡᠭᠡᠨ | ᠪᠤᠯᠤᠭᠰᠠᠨ ᠳᠤ ᠪᠦᠬᠦ ᠤᠷᠤᠨ ᠤ ᠵᠢᠷᠠ ᠲᠠᠯᠠᠨ ᠠᠯᠳᠠᠷᠳᠤ ᠬᠤᠭᠤᠷᠴᠢ ᠴᠤᠭᠯᠠᠷᠠᠨ ᠬᠤᠭᠤᠷᠳᠠᠨ ᠶᠠᠷᠢᠬᠤ ᠶᠢᠨ | ᠭᠠᠶᠢᠬᠠᠮᠰᠢᠭ ᠢ ᠦᠵᠡᠭᠦᠯᠵᠡᠢ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠠᠷᠤ ᠬᠤᠷᠴᠢᠨ ᠠᠴᠠ ᠬᠤᠭᠤᠷᠴᠢ ᠪᠠᠯᠳᠠᠨ ᠤᠷᠤᠯᠴᠠᠵᠤ᠂ | ᠦᠪᠡᠷ ᠤᠨ ᠲᠤᠬᠢᠶᠠᠯᠳᠤᠭᠰᠠᠨ ᠤᠨᠤᠭᠠᠨ ᠳᠠᠭᠠᠨ ᠨᠢᠭᠡ ᠯᠠ ᠠᠮᠢᠰᠬᠤᠭᠠ ᠪᠠᠷ ᠲᠠᠪᠤᠨ ᠮᠢᠨᠦ᠋ᠲ ᠤᠨ ᠮᠠᠭᠳᠠᠭᠠᠯ | ᠬᠤᠯᠪᠤᠭᠠ ᠪᠠᠨ ᠬᠡᠯᠡᠵᠤ ᠲᠠᠭᠤᠰᠳᠠᠯᠠ ᠬᠢᠨᠠᠭᠴᠢ ᠶᠢᠨ ᠲᠠᠶᠢᠵᠠᠨ ᠠᠴᠠ ᠨᠢᠭᠡ ᠬᠦᠮᠤᠨ ᠪᠠᠭᠤᠵᠤ ᠢᠷᠡᠭᠡᠳ᠄ ︽ᠲᠠ | ᠴᠢᠨᠢ ᠠᠯᠢ ᠬᠤᠰᠢᠭᠤᠨ ᠤ ᠬᠦᠮᠤᠨ ᠪᠢᠯᠡ᠂ ᠠᠰᠤᠷᠤ ᠪᠠᠶᠠᠯᠢᠭ ᠬᠡᠯᠡᠯᠭᠡ ᠲᠠᠢ ᠬᠦᠮᠤᠨ ᠪᠠᠶᠢᠨᠠ︾ ᠬᠡᠭᠦ ᠳᠤ ᠪᠠᠯᠳᠠᠨ | ᠬᠤᠭᠤᠷᠴᠢ᠄ ︽ᠪᠢ ᠵᠤᠤ ᠤᠳᠠ ᠠᠶᠢᠮᠠᠭ ᠤᠨ ᠠᠷᠤ ᠬᠤᠷᠴᠢᠨ ᠠᠴᠠ ᠢᠷᠡᠪᠡ ᠁︾ ᠬᠡᠵᠡᠢ᠃ ᠡᠭᠦᠨ ᠳᠤ | ᠲᠡᠷᠡ ᠬᠦᠮᠤᠨ᠄ ︽ᠲᠠ ᠦᠨᠡᠭᠡᠷ ᠭᠠᠶᠢᠬᠠᠮᠰᠢᠭᠳᠠᠢ ᠬᠤᠯᠪᠤᠭᠠ ᠬᠡᠯᠡᠯᠡ᠃ ᠮᠤᠩᠭᠤᠯ ᠦᠭᠡ ᠪᠠᠨ ᠶᠡᠭᠡ ᠪᠠᠶᠠᠯᠢᠭ | ᠭᠡᠷᠡᠭᠯᠡᠳᠡᠭ ᠨᠤᠲᠤᠭ ᠤᠨ ᠬᠦᠮᠤᠨ ᠪᠠᠶᠢᠨᠠ︾᠂ ︽ᠮᠤᠩᠭᠤᠯ ᠬᠦᠮᠤᠨ ᠪᠤᠰᠤᠳ ᠲᠤ ᠬᠠᠭᠤᠴᠢᠨ ᠬᠤᠪᠴᠠᠰᠤ | ᠪᠡᠯᠡᠭᠯᠡᠳᠡᠭ ᠦᠭᠡᠢ ᠶᠤᠮ᠂ ᠭᠡᠪᠡᠴᠤ ᠨᠠᠳᠠ ᠳᠤ ᠦᠭᠡᠷᠡ ᠦᠭᠭᠦᠮᠡᠷ ᠶᠠᠭᠤᠮᠠ ᠠᠯᠠᠭᠠ︾ ᠭᠡᠵᠤ ᠬᠡᠯᠡᠭᠡᠳ ᠭᠠᠳᠠᠭᠤᠷ | ᠡᠮᠤᠰᠴᠤ ᠪᠠᠶᠢᠭᠰᠠᠨ ᠰᠢᠨᠧᠯ ︵ᠤᠷᠲᠤ ᠭᠠᠳᠠᠷ ᠬᠦᠷᠮᠡ︶ ᠢᠶᠠᠨ ᠲᠠᠶᠢᠯᠵᠤ ᠲᠤᠷᠠᠰᠬᠠᠯ ᠪᠤᠯᠭᠠᠨ ᠭᠠᠷᠳᠠᠭᠤᠯᠤᠭᠠᠳ | ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠵᠤ᠄ ︽ᠨᠠᠮᠠ ᠶᠢ ᠪᠢᠮᠪᠠ ᠶᠢᠨ ᠷᠢᠨᠴᠢᠨ ᠭᠡᠳᠡᠭ ᠶᠤᠮ︾ ᠭᠡᠵᠤ ᠪᠡᠶᠡ ᠪᠠᠨ | ᠲᠠᠨᠢᠯᠴᠠᠭᠤᠯᠵᠠᠢ᠃ ᠲᠤᠬᠠᠢ ᠶᠢᠨ ᠲᠠᠯᠠᠪᠠᠢ ᠳᠤ ᠠᠭᠰᠠᠨ ᠬᠤᠳᠠᠯᠠ ᠨᠠᠰᠤᠳᠠᠨ ᠡᠨᠡ ᠵᠤᠭᠤᠭ ᠢ ᠨᠠᠳᠠᠳᠤ 1979 | ᠤᠨ ᠤ ᠡᠪᠤᠯ ᠶᠠᠷᠢᠭᠰᠠᠨ ᠢ ᠪᠢ ᠤᠳᠤ ᠪᠤᠯᠳᠠᠯᠠ ᠴᠡᠭᠡᠵᠢᠯᠡᠭᠰᠡᠭᠡᠷ ᠶᠤᠮ᠃ | ᠦᠨᠡᠭᠡᠷ ᠮᠠᠨ ᠤ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠲᠤᠤᠳᠠᠨ ᠨᠤᠲᠤᠭ ᠤᠨ ᠬᠤᠭᠤᠷᠴᠢ ᠪᠠᠯᠳᠠᠨ ᠠᠪᠤ ᠮᠠᠨᠢ | ᠬᠠᠷᠢᠨ ᠮᠤᠩᠭᠤᠯ ᠦᠭᠡ ᠶᠢᠨ ᠪᠠᠶᠠᠯᠢᠭ ᠢᠶᠠᠷ ᠢᠶᠠᠨ ᠦᠵᠦᠭᠦᠷ ᠮᠠᠩᠯᠠᠢ ᠪᠤᠯᠵᠤ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠭᠡ | ᠡᠷᠳᠡᠮᠳᠡᠨ ᠪᠢᠮᠪᠠ ᠶᠢᠨ ᠷᠢᠨᠴᠢᠨ ᠪᠠᠭᠰᠢ ᠳᠤ ᠭᠠᠶᠢᠬᠠᠭᠳᠠᠭᠰᠠᠨ ᠮᠤᠨᠳᠠᠭ ᠠᠯᠳᠠᠷ ᠲᠠᠢ ᠬᠦᠮᠤᠨ ᠪᠠᠶᠢᠵᠤᠬᠤᠢ᠃ | ︵ᠯᠠᠩᠪᠤᠷᠢᠨᠴᠢᠨ︶ | | |