| — ᠲᠦᠩᠯᠢᠶᠣᠤ ᠷᠠᠳᠢᠣ᠋ ᠬᠤᠷᠢᠶᠠ ᠶᠢᠨ ᠰᠣᠷᠪᠤᠯᠵᠢᠯᠠᠭᠠ ᠳᠤ | | ᠬᠦᠳᠦᠯᠦᠭᠴᠢ ︵ᠲᠤᠷᠤᠭᠰᠢ ᠬᠦ᠊ ᠭᠡᠨᠡ︶᠄ ᠲᠠ ᠰᠠᠶᠢᠨ ᠤᠤ︖ ᠦᠨᠦᠳᠦᠷ ᠤᠨ ᠨᠡᠪᠳᠡᠷᠡᠭᠦᠯᠭᠡ ᠳᠤ | ᠣᠷᠣᠯᠴᠠᠭᠰᠠᠨ ᠳᠤ ᠴᠢᠨᠢ ᠪᠠᠶᠠᠷᠯᠠᠨ ᠤᠭᠳᠤᠵᠤ ᠪᠠᠶᠢᠨᠠ᠃ | ᠨᠠ᠊ · ᠵᠢᠷᠭᠠᠯ ︵ᠲᠤᠷᠤᠭᠰᠢ ᠨᠠ᠊ · ᠵᠢ᠊ ᠭᠡᠨᠡ︶᠄ ᠲᠠ ᠨᠠᠷ ᠰᠠᠶᠢᠨ ᠤᠤ︖ ᠰᠣᠨᠤᠰᠤᠭᠴᠢ ᠲᠦᠮᠡᠨ ᠳᠤ ᠪᠠᠨ | ᠠᠮᠤᠷ ᠠᠰᠠᠭᠤᠨ ᠮᠡᠨᠳᠦᠴᠢᠯᠡᠶᠡ᠃ | ᠬᠦ᠊᠄ ᠤᠷᠴᠢᠮᠬᠠᠨ ᠲᠠᠨ ᠤ ᠪᠢᠴᠢᠭᠰᠡᠨ ︽ᠪᠠᠭᠠᠴᠤᠳ ᠬᠡᠤᠬᠡᠳ ᠲᠤ ᠵᠤᠷᠢᠭᠤᠯᠤᠭᠰᠠᠨ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠣ ᠰᠣᠶᠣᠯ ᠤᠨ ᠤᠩᠰᠢᠬᠤ ᠪᠢᠴᠢᠭ︾ ᠭᠡᠬᠦ ᠨᠤᠮ ᠬᠡᠪᠯᠡᠭᠳᠡᠭᠡᠳ ᠨᠡᠶᠢᠭᠡᠮ ᠤᠨ ᠡᠯᠡ | ᠡᠳᠡᠭᠡᠳ ᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠢ ᠤᠯᠵᠤ ᠪᠤᠢ᠃ ᠦᠨᠦᠳᠦᠷ ᠲᠤᠰ ᠨᠤᠮ ᠤᠨ ᠠᠭᠤᠯᠭᠠ ᠳᠤ ᠵᠤᠬᠢᠴᠠᠭᠤᠯᠤᠨ | ︽ᠮᠠᠯ ᠤᠨ ᠶᠠᠰᠤᠨ ᠤ ᠲᠤᠬᠠᠢ︾ ᠶᠠᠷᠢᠯᠴᠠᠶᠠ᠃ ᠲᠠ ᠪᠦᠬᠦᠨ ᠲᠠᠭᠠᠯᠠᠨ ᠰᠣᠨᠣᠰᠬᠤ ᠶᠢ ᠬᠦᠰᠡᠨᠡ᠃ | ᠨᠠ᠊ · ᠵᠢ᠊᠄ ᠲᠠᠨ ᠳᠤ ᠪᠠᠶᠠᠷᠯᠠᠯᠠ᠃ ᠠᠬᠠᠮᠠᠳ ᠨᠠᠰᠣᠳᠠᠳ ᠠᠴᠠ ᠰᠣᠨᠣᠰᠴᠤ ᠰᠣᠷᠣᠭᠰᠠᠨ ᠢᠶᠠᠨ ᠶᠠᠷᠢᠶᠠ᠃ | ᠰᠣᠨᠤᠰᠤᠭᠴᠢ ᠨᠠᠷ ᠡᠷᠡᠭᠡᠯ ᠦᠭᠡᠢ ᠵᠢᠭᠠᠨ ᠵᠢᠯᠤᠭᠤᠳᠬᠤ ᠶᠢ ᠬᠦᠰᠡᠨᠡ᠃ | ᠬᠦ᠊᠄ ᠲᠠ ᠶᠠᠭᠤᠨ ᠤ ᠤᠷᠢᠳ ᠮᠠᠯ ᠨᠢᠳᠤᠯᠠᠬᠤ ᠲᠤᠬᠠᠢ ᠶᠠᠷᠢᠨᠠ ᠤᠤ︖ | ᠨᠠ᠊ · ᠵᠢ᠊᠄ ᠮᠠᠨ ᠤ ᠨᠤᠳᠤᠭ ᠤᠨ ᠬᠦᠮᠦᠰ ᠮᠠᠯ ᠨᠢᠳᠤᠯᠠᠬᠤ ᠶᠢ ᠶᠡᠷᠦ ᠠᠴᠠ ᠮᠠᠯ ᠪᠠᠵᠠᠭᠠᠬᠤ ᠭᠡᠳᠡᠭ᠃ ᠮᠠᠯ | ᠢᠶᠠᠨ ᠪᠠᠵᠠᠭᠠᠪᠠᠯ ᠮᠠᠯ ᠤᠨ ᠢᠶᠠᠨ ᠶᠠᠰᠣ ᠮᠢᠬᠠ ᠶᠢ ᠮᠦᠴᠢ ᠮᠦᠴᠢ ᠪᠠᠷ ᠰᠠᠯᠭᠠᠬᠤ ᠪᠦᠭᠡᠳ ᠨᠢᠭᠡ ᠨᠢᠭᠡ ᠶᠠᠰᠣ ᠪᠠᠷ | ᠦᠶᠡᠯᠡᠳᠡᠭ᠃ ᠮᠠᠯ ᠤᠨ ᠶᠠᠰᠣᠨ ᠳᠤ ᠪᠣᠳᠠᠳᠠᠢ ᠲᠤᠭᠠ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠤᠰ ᠲᠤᠰ ᠤᠨ ᠬᠢᠨᠢ ᠨᠡᠷᠡ ᠲᠠᠢ | ᠪᠠᠶᠢᠳᠠᠭ ᠶᠤᠮ᠃ | ᠬᠦ᠊᠄ ᠲᠡᠭᠡᠪᠡᠯ ᠮᠠᠯ ᠢᠶᠠᠨ ᠪᠠᠵᠠᠭᠠᠪᠠᠯ ᠶᠠᠭᠠᠬᠢᠵᠤ ᠮᠦᠴᠢᠯᠡᠬᠦ ᠪᠤᠢ︖ | ᠨᠠ᠊ · ᠵᠢ᠊᠄ ᠮᠠᠯ ᠢᠶᠠᠨ ᠪᠠᠵᠠᠭᠠᠪᠠᠯ ᠲᠤᠯᠤᠭᠠᠢ ᠲᠦᠷᠪᠡᠨ ᠰᠢᠭᠢᠷᠡ ᠶᠢ ᠰᠠᠯᠭᠠᠵᠤ᠂ ᠪᠦᠬᠦᠯᠢ ᠪᠡᠶᠡ ᠶᠢ ᠨᠢ | ᠮᠦᠴᠢ ᠮᠦᠴᠢ ᠪᠠᠷ ᠦᠶᠡᠯᠡᠨ ᠰᠠᠯᠭᠠᠳᠠᠭ᠃ ᠲᠠᠷᠣᠢ ᠰᠡᠭᠡᠷ ᠬᠦᠵᠦᠭᠦᠦ ᠡᠪᠴᠢᠭᠦᠦ ᠨᠢᠭᠡ ᠮᠦᠴᠢ᠂ ᠤᠭᠤᠴᠠ | ᠨᠢᠭᠡ ᠮᠦᠴᠢ᠂ ᠬᠤᠶᠠᠷ ᠬᠠ ᠲᠤᠰ ᠪᠦᠷᠢ ᠨᠢᠭᠡ ᠮᠦᠴᠢ᠂ ᠬᠤᠶᠠᠷ ᠭᠤᠶᠠ ᠲᠤᠰ ᠪᠦᠷᠢ ᠨᠢᠭᠡ ᠮᠦᠴᠢ᠃ ᠨᠡᠶᠢᠳᠡ | ᠵᠢᠷᠭᠤᠭᠠᠨ ᠮᠦᠴᠢ ᠬᠤᠪᠢᠶᠠᠳᠠᠭ᠃ | ᠬᠦ᠊᠄ ᠮᠠᠯ ᠤᠨ ᠶᠠᠰᠤ ᠬᠡᠳᠦᠢ ᠪᠠᠶᠢᠬᠤ ᠪᠤᠢ︖ | ᠨᠠ᠊ · ᠵᠢ᠊᠄ ᠮᠠᠯ ᠤᠨ ᠶᠠᠰᠣᠨ ᠤ ᠲᠤᠭᠠ ᠶᠢ ᠬᠡᠯᠡᠪᠡᠯ ᠦᠬᠡᠷ ᠬᠤᠨᠢ ᠠᠳᠠᠯᠢ᠃ ᠬᠤᠨᠢ ᠬᠤᠶᠠᠷ ᠵᠠᠭᠤ ᠠᠷᠪᠠᠨ | ᠭᠤᠷᠪᠠᠨ ᠬᠡᠰᠡᠭ ᠶᠠᠰᠣ ᠲᠠᠢ᠃ ᠢᠮᠠᠭᠠ ᠬᠤᠶᠠᠷ ᠵᠠᠭᠤ ᠪᠦᠭᠡᠳ ᠶᠢᠰᠦᠨ ᠬᠡᠰᠡᠭ ᠶᠠᠰᠣ ᠲᠠᠢ᠃ ᠢᠮᠠᠭᠠ ᠶᠢᠨ | ᠰᠡᠭᠦᠯ ᠤᠨ ᠶᠠᠰᠤ ᠨᠢ ᠬᠤᠨᠢᠨ ᠠᠴᠠ ᠲᠦᠷᠪᠡᠨ ᠬᠡᠰᠡᠭ ᠲᠤᠳᠠᠭᠤ ᠪᠠᠶᠢᠳᠠᠭ᠃ | ᠬᠦ᠊᠄ ᠮᠠᠯ ᠤᠨ ᠶᠠᠰᠣ ᠶᠢ ᠨᠠᠷᠢᠯᠢᠭ ᠬᠤᠪᠢᠶᠠᠨ ᠶᠠᠷᠢᠨᠠ ᠤᠤ︖ | ᠨᠠ᠊ · ᠵᠢ᠊᠄ ᠮᠠᠯ ᠤᠨ ᠶᠠᠰᠣ ᠶᠢ ᠲᠤᠯᠤᠭᠠᠢ᠂ ᠬᠦᠵᠦᠭᠦᠦ᠂ ᠬᠤᠶᠠᠷ ᠬᠠ᠂ ᠤᠭᠤᠴᠠ᠂ ᠬᠤᠶᠠᠷ ᠭᠤᠶᠠ᠂ | ᠲᠦᠷᠪᠡᠨ ᠰᠢᠭᠢᠷᠡ ᠶᠢᠨ ᠶᠠᠰᠣ ᠭᠡᠵᠤ ᠬᠤᠪᠢᠶᠠᠨᠠ᠃ | ᠬᠦ᠊᠄ ᠮᠠᠯ ᠤᠨ ᠲᠣᠯᠤᠭᠠᠢ ᠶᠢᠨ ᠶᠠᠰᠤ ᠬᠡᠳᠦᠢ ᠪᠠᠶᠢᠳᠠᠭ ᠪᠤᠢ︖ | ᠨᠠ᠊ · ᠵᠢ᠊᠄ ᠦᠬᠡᠷ ᠬᠤᠨᠢᠨ ᠤ ᠲᠤᠯᠤᠭᠠᠢ ᠶᠢᠨ ᠬᠡᠰᠡᠭ ᠲᠤ ᠲᠦᠴᠢᠨ ᠬᠡᠰᠡᠭ ᠶᠠᠰᠣ ᠪᠤᠢ᠃ ᠡᠭᠦᠨ ᠳᠤ | ᠬᠤᠪᠠᠭ᠋ᠠᠢ ᠲᠤᠯᠤᠭᠠᠢ ᠨᠢᠭᠡ ᠬᠡᠰᠡᠭ᠂ ᠡᠷᠡᠤ ᠨᠢᠭᠡ ᠬᠡᠰᠡᠭ᠂ ᠠᠷᠠᠭᠠ ᠶᠢᠨ ᠰᠢᠳᠤ ᠬᠤᠷᠢᠨ ᠨᠠᠢᠮᠠᠨ ᠬᠡᠰᠡᠭ᠂ ᠡᠭᠦᠳᠡᠨ | ᠰᠢᠳᠤ ᠨᠠᠢᠮᠠᠨ ᠬᠡᠰᠡᠭ᠂ ᠬᠡᠯᠡ ᠪᠠᠭᠠᠯᠵᠠᠭᠤᠷ ᠤᠨ ᠬᠠᠪᠠᠯᠭᠠ ᠶᠢᠨ ᠶᠠᠰᠣ ᠬᠤᠶᠠᠷ ᠬᠡᠰᠡᠭ ᠪᠤᠢ᠃ | ᠬᠦ᠊᠄ ᠮᠠᠯ ᠤᠨ ᠬᠦᠵᠦᠭᠦᠦ ᠰᠡᠭᠡᠷ ᠤᠨ ᠶᠠᠰᠣ ᠬᠡᠳᠦᠢ ᠪᠠᠶᠢᠬᠤ ᠪᠤᠢ︖ | ᠨᠠ᠊ · ᠵᠢ᠊᠄ ᠬᠦᠵᠦᠭᠦᠦ ᠰᠡᠭᠡᠷ ᠡᠪᠴᠢᠭᠦᠦ ᠨᠢᠭᠡ ᠮᠦᠴᠢ ᠳᠤ ᠲᠦᠴᠢᠨ ᠬᠡᠰᠡᠭ ᠶᠠᠰᠣ ᠲᠠᠢ᠃ ᠰᠡᠭᠡᠷ ᠤᠨ | ᠶᠠᠰᠣ ᠠᠷᠪᠠᠨ ᠭᠤᠷᠪᠠᠨ ᠬᠡᠰᠡᠭ᠂ ᠬᠦᠵᠦᠭᠦᠦ ᠶᠢᠨ ᠶᠠᠰᠣ ᠵᠢᠷᠭᠤᠭᠠᠨ ᠬᠡᠰᠡᠭ᠂ ᠡᠪᠴᠢᠭᠦᠦ ᠶᠢᠨ ᠶᠠᠰᠣ ᠬᠤᠷᠢᠨ | ᠨᠢᠭᠡᠨ ᠬᠡᠰᠡᠭ ᠪᠤᠢ᠃ ᠨᠠᠷᠢᠨ ᠶᠠᠷᠢᠪᠠᠯ ᠠᠮᠠᠨ ᠬᠦᠵᠦᠭᠦᠦ ᠨᠢᠭᠡ ᠬᠡᠰᠡᠭ᠂ ᠡᠮᠡᠭᠡᠯ ᠬᠦᠵᠦᠭᠦᠦ ᠨᠢᠭᠡ ᠬᠡᠰᠡᠭ᠂ | ᠪᠣᠰᠤᠳ ᠬᠦᠵᠦᠭᠦᠦ ᠲᠦᠷᠪᠡᠨ ᠬᠡᠰᠡᠭ ᠪᠤᠢ᠃ ᠮᠤᠬᠤᠷ ᠰᠡᠭᠡᠷ ᠨᠢᠭᠡ ᠬᠡᠰᠡᠭ᠂ ᠤᠬᠤᠷ ᠰᠡᠭᠡᠷ ᠲᠦᠷᠪᠡᠨ ᠬᠡᠰᠡᠭ᠂ | ᠲᠤᠮᠳᠠᠬᠢ ᠰᠡᠭᠡᠷ ᠲᠦᠷᠪᠡᠨ ᠬᠡᠰᠡᠭ᠂ ᠦᠨᠳᠦᠷ ᠰᠡᠭᠡᠷ ᠲᠦᠷᠪᠡᠨ ᠬᠡᠰᠡᠭ᠂ ᠡᠪᠴᠢᠭᠦᠦ ᠶᠢᠨ ᠪᠦᠳᠡᠷᠬᠡᠢ ᠨᠢᠭᠡ ᠬᠡᠰᠡᠭ | ᠪᠤᠢ᠃ ᠠᠶᠤᠮᠠᠳᠠᠭᠠᠢ ᠶᠠᠰᠤ ᠨᠢᠭᠡ ᠬᠡᠰᠡᠭ᠂ ᠭᠤᠤᠯ ᠤᠨ ᠰᠢᠮᠡᠳᠠᠢ ᠶᠠᠰᠣ ᠲᠠᠪᠤᠨ ᠬᠡᠰᠡᠭ᠂ ᠬᠤᠷᠤᠭᠤᠨ ᠶᠠᠰᠣ | ᠠᠷᠪᠠᠨ ᠲᠦᠷᠪᠡᠨ ᠬᠡᠰᠡᠭ ᠪᠤᠢ᠃ | ᠬᠦ᠊᠄ ᠬᠤᠶᠠᠷ ᠬᠠ ᠶᠢᠨ ᠶᠠᠰᠤ ᠶᠢ ᠶᠠᠭᠠᠬᠢᠵᠤ ᠲᠤᠭᠠᠯᠠᠬᠤ ᠪᠤᠢ︖ | ᠨᠠ᠊ · ᠵᠢ᠊᠄ ᠬᠤᠶᠠᠷ ᠬᠠ ᠶᠢᠨ ᠶᠠᠰᠤ ᠭᠤᠴᠢᠨ ᠲᠦᠷᠪᠡᠨ ᠬᠡᠰᠡᠭ ᠪᠤᠢ᠃ ᠡᠭᠦᠨ ᠳᠤ ᠲᠠᠯᠤ ᠶᠢᠨ ᠶᠠᠰᠤ | ᠬᠤᠶᠠᠷ ᠬᠡᠰᠡᠭ᠂ ᠬᠠᠶᠢᠨ ᠴᠢᠮᠦᠭᠡ ᠬᠤᠶᠠᠷ ᠬᠡᠰᠡᠭ᠂ ᠪᠤᠭᠳᠤᠰ ᠤᠨ ᠶᠠᠰᠣ ᠬᠤᠶᠠᠷ ᠬᠡᠰᠡᠭ᠂ ᠪᠤᠭᠳᠤᠰ ᠤᠨ | ᠲᠣᠯᠤᠭᠠᠢ ᠶᠢᠨ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠵᠢᠵᠢᠭ ᠰᠢᠭᠰᠢᠭ ᠶᠠᠰᠤ ᠨᠠᠢᠮᠠᠨ ᠬᠡᠰᠡᠭ᠂ ᠬᠠᠪᠢᠷᠭᠠ ᠬᠤᠷᠢᠨ ᠬᠡᠰᠡᠭ | ᠪᠠᠶᠢᠳᠠᠭ᠃ ᠬᠠᠪᠢᠷᠭᠠ ᠨᠢ ᠦᠨᠳᠦᠷ ᠬᠠᠪᠢᠷᠭᠠ ᠨᠠᠢᠮᠠᠨ ᠬᠡᠰᠡᠭ᠂ ᠲᠤᠮᠳᠠ ᠶᠢᠨ ᠬᠠᠪᠢᠷᠭᠠ ᠨᠠᠢᠮᠠᠨ ᠬᠡᠰᠡᠭ᠂ | ᠪᠣᠭᠤᠨᠢ ᠬᠠᠪᠢᠷᠭᠠ ᠲᠦᠷᠪᠡ ᠪᠤᠢ᠃ | ᠬᠦ᠊᠄ ᠲᠡᠭᠡᠪᠡᠯ ᠤᠭᠤᠴᠠ ᠶᠢᠨ ᠶᠠᠰᠣ ᠬᠡᠳᠦ ᠪᠤᠢ︖ | ᠨᠠ᠊ · ᠵᠢ᠊᠄ ᠤᠭᠤᠴᠠ ᠶᠢᠨ ᠶᠠᠰᠣ ᠭᠤᠴᠢᠨ ᠨᠢᠭᠡᠨ ᠬᠡᠰᠡᠭ ᠪᠤᠢ᠃ ᠡᠭᠦᠨ ᠳᠤ ᠨᠢᠷᠤᠭᠤ ᠶᠢᠨ ᠶᠠᠰᠤ ᠨᠠᠢᠮᠠ᠂ | ᠰᠦᠪᠡᠷᠭᠡ ᠵᠢᠷᠭᠤᠭᠠ᠂ ᠰᠡᠭᠦᠯ ᠤᠨ ᠪᠣᠭᠤᠮᠢ ᠨᠢᠭᠡ᠂ ᠰᠡᠭᠦᠯ ᠤᠨ ᠦᠶᠡ ᠶᠢᠨ ᠵᠢᠵᠢᠭ ᠶᠠᠰᠣ ᠠᠷᠪᠠᠨ ᠵᠢᠷᠭᠤᠭᠠᠨ | ᠬᠡᠰᠡᠭ ᠪᠤᠢ᠃ | ᠬᠦ᠊᠄ ᠬᠤᠶᠠᠷ ᠭᠤᠶᠠ ᠳᠤ ᠬᠡᠳᠦᠨ ᠶᠠᠰᠤ ᠪᠠᠶᠢᠳᠠᠭ ᠪᠤᠢ︖ | ᠨᠠ᠊ · ᠵᠢ᠊᠄ ᠬᠤᠶᠠᠷ ᠭᠤᠶᠠ ᠳᠤ ᠠᠷᠪᠠᠨ ᠬᠤᠶᠠᠷ ᠬᠡᠰᠡᠭ ᠶᠠᠰᠤ ᠪᠤᠢ᠃ ᠡᠭᠦᠨ ᠤ ᠲᠤᠳᠤᠷᠠ ᠰᠡᠭᠦᠵᠢ ᠶᠢᠨ | ᠶᠠᠰᠤ ᠬᠤᠶᠠᠷ ᠬᠡᠰᠡᠭ᠂ ᠲᠤᠮᠳᠠ ᠴᠢᠮᠦᠭᠡ ᠶᠢᠨ ᠶᠠᠰᠤ ᠬᠤᠶᠠᠷ ᠬᠡᠰᠡᠭ᠂ ᠱᠠᠭᠠᠨᠳᠤ ᠶᠢᠨ ᠶᠠᠰᠤ ᠬᠤᠶᠠᠷ ᠬᠡᠰᠡᠭ᠂ | ᠲᠤᠶᠢᠭ ᠤᠨ ᠪᠦᠮᠪᠦᠷᠢᠭᠡᠨ ᠶᠠᠰᠤ ᠬᠤᠶᠠᠷ ᠬᠡᠰᠡᠭ᠂ ᠰᠠᠷᠢᠰᠤᠨ ᠪᠤᠷᠪᠢ ᠶᠢᠨ ᠶᠠᠰᠣ ᠬᠤᠶᠠᠷ ᠬᠡᠰᠡᠭ᠂ ᠱᠠᠭᠠ ᠬᠤᠶᠠᠷ | ᠬᠡᠰᠡᠭ ᠪᠠᠶᠢᠳᠠᠭ᠃ | ᠬᠦ᠊᠄ ᠲᠦᠷᠪᠡᠨ ᠰᠢᠭᠢᠷᠡ ᠶᠢᠨ ᠬᠡᠰᠡᠭ ᠤᠨ ᠶᠠᠰᠣ ᠨᠢ ᠶᠠᠭᠤ ᠶᠠᠭᠤ ᠪᠠᠶᠢᠳᠠᠭ ᠪᠤᠢ︖ | ᠨᠠ᠊ · ᠵᠢ᠊᠄ ᠲᠦᠷᠪᠡᠨ ᠰᠢᠭᠢᠷᠡ ᠶᠢᠨ ᠬᠡᠰᠡᠭ ᠲᠤ ᠲᠠᠪᠢᠨ ᠵᠢᠷᠭᠤᠭᠠᠨ ᠬᠡᠰᠡᠭ ᠶᠠᠰᠣ ᠪᠤᠢ᠃ ᠡᠭᠦᠨ ᠤ | ᠲᠤᠳᠤᠷᠠ ᠰᠢᠯᠪᠢ ᠶᠢᠨ ᠶᠠᠰᠤ ᠲᠦᠷᠪᠡᠨ ᠬᠡᠰᠡᠭ᠂ ᠠᠷᠣ ᠶᠢᠨ ᠰᠢᠭᠢᠷᠡ ᠶᠢᠨ ᠲᠡᠭᠡᠷᠡ ᠬᠡᠰᠡᠭ ᠲᠤ ᠪᠤᠷᠪᠢ ᠶᠢᠨ | ᠦᠶᠡ ᠶᠢᠨ ᠵᠢᠵᠢᠭ ᠰᠢᠭᠰᠢᠭ ᠶᠠᠰᠤ ᠨᠠᠢᠮᠠᠨ ᠬᠡᠰᠡᠭ᠂ ᠪᠠᠬᠢᠯᠢᠭ᠌ ᠶᠠᠰᠤ ᠲᠦᠷᠪᠡᠨ ᠬᠡᠰᠡᠭ᠂ ᠴᠦᠮᠴᠡ ᠶᠠᠰᠤ ᠨᠠᠢᠮᠠᠨ | ᠬᠡᠰᠡᠭ᠂ ᠲᠢᠳᠡᠮ ᠶᠠᠰᠤ ᠨᠠᠢᠮᠠᠨ ᠬᠡᠰᠡᠭ᠂ ᠲᠣᠤᠷᠠ ᠲᠣᠭᠤᠷᠠᠢ ᠶᠢᠨ ᠪᠤᠷᠪᠢ ᠶᠢᠨ ᠵᠢᠵᠢᠭ ᠰᠢᠭᠰᠢᠭ ᠶᠠᠰᠤ ᠠᠷᠪᠠᠨ | ᠵᠢᠷᠭᠤᠭᠠᠨ ᠬᠡᠰᠡᠭ᠂ ᠲᠤᠭᠤᠷᠠᠢ ᠶᠢᠨ ᠶᠠᠰᠤ ᠨᠠᠢᠮᠠᠨ ᠬᠡᠰᠡᠭ ᠪᠠᠶᠢᠳᠠᠭ᠃ | ᠬᠦ᠊᠄ ᠲᠠᠨ ᠤ ᠨᠠᠷᠢᠨ ᠲᠤᠳᠤᠷᠬᠠᠢ ᠶᠠᠷᠢᠭᠰᠠᠨ ᠢ ᠰᠣᠨᠤᠰᠤᠭᠠᠳ ᠮᠠᠰᠢ ᠤᠯᠠᠨ ᠵᠦᠢᠯ ᠢ ᠮᠡᠳᠡᠭᠰᠡᠨ ᠰᠢᠦ᠃ | ᠡᠳᠡᠭᠡᠷ ᠶᠤᠰᠤ ᠵᠠᠩᠰᠢᠯ ᠢᠶᠠᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠲᠤᠬᠠᠢ ᠦᠵᠡᠯᠳᠡ ᠪᠠᠨ ᠶᠠᠷᠢᠨᠠ ᠤᠤ︖ | ᠨᠠ᠊ · ᠵᠢ᠊᠄ ᠰᠠᠶ᠋ᠢ ᠶᠢᠨ ᠶᠠᠷᠢᠭᠰᠠᠨ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠡᠳᠦᠷ ᠲᠣᠳᠤᠮ ᠤᠨ ᠠᠮᠢᠳᠤᠷᠠᠯ ᠤᠨ ᠮᠡᠳᠡᠪᠡᠰᠣ | ᠵᠤᠬᠢᠬᠤ ᠶᠤᠰᠤ ᠤᠴᠢᠷ ᠤᠳ ᠶᠤᠮ᠃ ᠨᠠᠰᠣᠳᠠᠨ ᠪᠤᠭᠤᠷᠤᠯᠴᠤᠤᠯ ᠮᠠᠨᠢ ᠬᠡᠤᠬᠡᠳ ᠬᠤᠶᠢᠴᠢᠰ ᠲᠤ ᠪᠠᠨ ᠤᠯᠠᠮᠵᠢᠯᠠᠨ | ᠰᠣᠷᠭᠠᠵᠤ ᠢᠷᠡᠪᠡ᠃ ᠮᠠᠨᠤᠰ ᠴᠦ ᠡᠨᠡ ᠬᠦ ᠰᠠᠶᠢᠬᠠᠨ ᠶᠤᠰᠤ ᠵᠠᠩᠰᠢᠯ ᠢ ᠤᠯᠠᠮᠵᠢᠯᠠᠨ ᠰᠣᠷᠴᠤ᠂ ᠴᠠᠭ ᠦᠷᠭᠦᠯᠵᠢ | ᠠᠩᠬᠠᠷᠤᠯ ᠳᠤ ᠪᠠᠨ ᠠᠪᠴᠤ᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠲᠤ ᠪᠠᠨ ᠰᠣᠷᠭᠠᠪᠠᠯ ᠡᠷᠳᠡᠨ ᠠᠴᠠ ᠦᠪᠯᠡᠭᠰᠡᠨ ᠡᠷᠬᠢᠮ | ᠨᠠᠨᠳᠢᠨ ᠵᠠᠩᠰᠢᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠵᠤ ᠴᠢᠳᠠᠨᠠ᠃ | ᠬᠦ᠊᠄ ᠲᠠᠨ ᠳᠤ ᠲᠠᠬᠢᠨᠳᠠ ᠲᠠᠯᠠᠷᠬᠠᠶᠠ᠃ ᠠᠵᠢᠯ ᠦᠢᠯᠡᠰ ᠤᠨ ᠠᠮᠵᠢᠯᠳᠠ ᠶᠢ ᠵᠦᠩᠨᠡᠶᠡ︕ | ᠨᠠ᠊ · ᠵᠢ᠊᠄ ᠲᠠᠨ ᠳᠤ ᠲᠠᠯᠠᠷᠬᠠᠯᠠ᠃ ᠰᠣᠨᠤᠰᠤᠭᠴᠢ ᠲᠦᠮᠡᠨ ᠳᠤ ᠪᠠᠨ ᠪᠠᠶᠠᠷᠯᠠᠯᠠ᠃ | | |