| ᠣᠯᠢᠶᠠᠰᠤᠲᠠᠢ ᠠᠭᠤᠯᠨ | ᠤᠯᠢᠶᠠᠰᠤᠲᠠᠢ ᠠᠭᠤᠯᠨ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 616.3 ᠮᠧᠲᠷ ᠡᠷᠭᠦᠭᠳᠡᠵᠤ᠂ ᠬᠦᠨᠳᠡᠢ ᠶᠢᠨ | ᠪᠡᠯᠴᠢᠭᠡᠷ ᠨᠢ ᠢᠭ᠌ᠴᠢ ᠰᠠᠬᠤᠯᠢᠭ᠂ ᠵᠦᠢᠯ ᠤᠨ ᠪᠤᠲᠠ ᠪᠤᠷᠤᠯᠵᠢ ᠤᠷᠭᠤᠭᠰᠠᠨ ᠴᠤ ᠬᠦᠷᠢᠶᠡ ᠲᠠᠲᠠᠭᠤᠨ ᠲᠠᠷᠢᠭᠰᠠᠨ | ᠰᠢᠭ᠋ ᠬᠦᠭᠡᠮᠳᠦᠭ ᠨᠤᠭᠤᠭᠠᠨ ᠤᠢ ᠤᠯᠠᠷᠢᠯ ᠤᠨ ᠵᠢᠮᠡ ᠪᠠᠷ ᠮᠦᠴᠢᠷᠯᠡᠨ ᠤᠰᠤ ᠴᠢᠭᠢᠭ ᠤᠨ ᠬᠦᠷᠲᠡᠭᠡᠯ ᠢᠶᠠᠷ | ᠦᠨᠳᠦᠰᠦᠯᠡᠨ ᠤᠷᠭᠤᠳᠠᠭ᠃ | ᠬᠠᠳᠠᠨ ᠤ ᠲᠦᠰᠢᠭ᠂ ᠪᠡᠯᠴᠢᠭᠡᠷ ᠤᠨ ᠦᠵᠡᠮᠵᠢ ᠬᠤᠤᠰᠯᠠᠭᠰᠠᠨ ᠤᠢ ᠮᠤᠳᠤᠳ ᠨᠢ ᠲᠡᠭᠷᠢ ᠶᠢ ᠪᠠᠭᠠᠨᠠᠳᠠᠨ | ᠰᠤᠨᠤᠯᠵᠠᠵᠤ᠂ ᠰᠢᠮᠡ ᠲᠦᠭᠦᠷᠡᠩ ᠬᠠᠯᠢᠰᠤ ᠨᠠᠮᠠᠭᠠ ᠨᠢ ᠲᠦᠮᠡᠨ ᠤᠷᠭᠤᠮᠠᠯ ᠠᠴᠠ ᠬᠡᠳᠦᠶᠢᠳᠴᠤ᠂ ᠨᠤᠭᠤᠭᠠᠨ | ᠦᠡᠭᠭᠡ ᠪᠠᠷ ᠢᠶᠠᠨ ᠦᠷᠦᠭᠡᠯ ᠠᠴᠠ ᠤᠨᠴᠠᠯᠢᠭᠳᠠᠳᠠᠭ᠃ | ᠬᠠᠪᠤᠷ᠂ ᠤᠯᠢᠶᠠᠰᠤᠲᠠᠢ ᠶᠢᠨ ᠤᠢ ᠬᠠᠭᠳᠠ ᠶᠢᠨ ᠨᠤᠭᠤᠭᠠ ᠲᠠᠢ ᠠᠳᠠᠯᠢᠬᠠᠨ ᠤᠰᠤ ᠰᠢᠮᠡ ᠬᠦᠷᠲᠡᠵᠤ᠂ | ᠴᠠᠷᠠᠰᠦ᠂ ᠶᠠᠰᠢᠯ ᠠᠴᠠ ᠲᠦᠷᠦᠭᠦᠨ ᠳᠤ ᠵᠢᠵᠢᠭ ᠮᠦᠬᠦᠯᠢᠭ ᠨᠠᠪᠴᠢ ᠪᠦᠮᠪᠦᠭᠡᠨᠡᠵᠤ᠂ ᠠᠭᠤᠯᠨ ᠶᠢᠨ ᠬᠠᠵᠠᠭᠤ ᠠᠴᠠ | ᠦᠵᠡᠬᠦ ᠳᠤ ᠶᠠᠭ ᠯᠨ ᠱᠤᠭᠤᠮ ᠲᠠᠲᠠᠨ ᠵᠢᠷᠤᠭᠰᠠᠨ ᠭᠡᠮᠡᠷ ᠳᠦᠷᠪᠡᠯᠵᠢᠯᠡᠵᠤ᠂ ︽ᠵᠠ᠂ ᠪᠠᠰᠠ ᠨᠢᠭᠡᠨ ᠬᠠᠪᠤᠷ | ᠰᠠᠭᠠᠲᠠᠯᠠ︾ ᠭᠡᠵᠤ ᠬᠦᠮᠦᠰ ᠢ ᠡᠷᠬᠡ ᠦᠭᠡᠢ ᠪᠤᠳᠤᠭᠳᠠᠭᠤᠯᠳᠠᠭ᠃ ᠮᠠᠯ ᠰᠦᠷᠦᠭ ᠤᠯᠢᠶᠠᠰᠤᠨ ᠮᠤᠳᠤᠨ ᠤ | ᠨᠦᠮᠦᠷᠢ ᠳᠠᠬᠢ ᠵᠦᠭᠡᠯᠡᠨ ᠪᠡᠯᠴᠢᠭᠡᠷ ᠲᠤ ᠲᠠᠭᠠᠲᠠᠶᠢᠬᠠᠨ ᠢᠳᠡᠰᠢᠯᠡᠵᠤ᠂ ᠬᠠᠪᠤᠷ ᠤᠨ ᠬᠠᠭᠰᠠᠷᠭᠠᠨ ᠢ ᠠᠵᠢᠭ ᠦᠭᠡᠢ | ᠬᠡᠳᠦᠯᠵᠤ ᠦᠡᠭ ᠦᠭᠡᠳᠡ ᠤᠨ ᠢ ᠤᠭᠲᠤᠵᠤ ᠡᠵᠡᠨ ᠢᠶᠠᠨ ᠪᠠᠶᠠᠰᠬᠠᠨᠠ᠃ ᠮᠤᠳᠤᠨ ᠤ ᠦᠨᠳᠦᠰᠦᠨ ᠠᠴᠠ | ᠤᠷᠭᠤᠭᠰᠠᠨ ᠵᠦᠭᠡᠯᠡᠨ ᠰᠤᠶᠤᠭᠠ ᠪᠤᠲᠠ ᠪᠤᠲᠠ ᠪᠠᠷ ᠠᠮᠢᠯᠠᠨ ᠰᠡᠷᠭᠦᠵᠤ ᠬᠠᠪᠤᠷ ᠤᠨ ᠳᠤᠯᠠᠭᠠᠨ ᠳᠤ ᠬᠦᠷᠦᠰᠦ ᠪᠠᠨ | ᠴᠢᠮᠡᠭᠯᠡᠳᠡᠭ᠃ | ᠵᠤᠨ᠂ ᠨᠠᠪᠴᠢ ᠳᠡᠯᠭᠡᠭᠰᠡᠨ ᠤᠯᠢᠶᠠᠰᠤᠨ ᠮᠤᠳᠤᠳ ᠰᠠᠯᠠᠭᠠ ᠬᠤᠯᠪᠤᠯᠳᠤᠨ ᠰᠠᠨᠰᠠᠷ ᠢ ᠬᠠᠯᠬᠠᠯᠠᠵᠤ᠂ ᠵᠦᠢᠯ | ᠤᠨ ᠵᠢᠭᠦᠷᠲᠡᠨ ᠵᠢᠷᠭᠢᠨ ᠳᠤᠩᠭᠤᠳᠴᠦ᠂ ᠨᠠᠷᠠᠨ ᠤ ᠭᠡᠷᠡᠯ ᠳᠤ ᠡᠪᠡᠰᠦᠨ ᠤ ᠰᠢᠭᠦᠳᠡᠷᠢ ᠭᠢᠯᠳᠠᠭᠠᠨᠠᠵᠤ᠂ ᠴᠡᠯᠮᠡᠭ | ᠠᠭᠠᠷ ᠰᠡᠳᠬᠢᠯ ᠢ ᠰᠡᠷᠭᠦᠭᠡᠨᠡ᠃ ᠡᠨ᠋ᠨ ᠦᠶᠡᠰ ᠮᠤᠳᠤᠨ ᠤ ᠰᠡᠭᠦᠳᠡᠷ ᠰᠡᠷᠢᠭᠦᠴᠡᠬᠦ ᠳᠤ ᠬᠠᠳᠠᠨ ᠤ ᠴᠤᠤᠷᠢᠶᠠᠨ ᠳᠤ | ᠶᠠᠩᠵᠤ ᠶᠢᠨ ᠳᠠᠭᠤᠨ ᠦᠷᠭᠦᠯᠵᠢᠯᠡᠵᠤ᠂ ᠬᠠᠶ᠋ᠨ ᠠᠯᠤᠰ ᠠᠴᠠ ᠰᠡᠷᠢᠭᠦᠨ ᠵᠢᠪᠠᠷ ᠰᠡᠷᠴᠢᠭᠢᠨᠡᠬᠦ ᠳᠤ ᠠᠭᠤᠯᠨ ᠶᠢᠨ | ᠬᠦᠨᠳᠡᠢ ᠱᠤᠤᠭᠢᠶᠠᠨ ᠲᠠᠳᠠᠵᠤ᠂ ︽ᠠᠶᠠ᠂ ᠶᠠᠭᠠᠬᠢᠭᠰᠠᠨ ᠲᠠᠭᠠᠯᠠᠮᠵᠢᠲᠠᠢ ᠵᠢᠪᠠᠷ ᠪᠤᠢ︖︾ ᠭᠡᠵᠤ ᠡᠷᠬᠡ ᠦᠭᠡᠢ | ᠲᠠᠩᠨᠠᠢ ᠱᠠᠭᠰᠢᠭᠤᠯᠳᠠᠭ᠃ | ᠡᠷᠲᠡ ᠤᠷᠢᠳᠤ ᠶᠢᠨ ᠦᠶᠡ ᠳᠤ ᠠᠬᠠᠯᠠᠭ ᠪᠢᠳᠡᠭᠦᠦ ᠠᠭᠤᠯᠨ ᠶᠢᠨ ᠬᠦᠨᠲᠡᠢ ᠪᠠᠷ ᠭᠤᠷᠠ ᠵᠡᠭᠡᠷᠡ | ᠰᠦᠷᠦᠭᠯᠡᠵᠤ ᠬᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠬᠠ ᠶᠠ ᠦᠭᠡᠢ ᠬᠠᠷᠠᠭᠳᠠᠵᠤ᠂ ᠪᠤᠭᠤ ᠰᠤᠭᠤ ᠴᠤ ᠳᠤᠷᠠ ᠪᠠᠷ ᠢᠶᠠᠨ ᠪᠡᠯᠴᠢᠳᠡᠭ | ᠃ ᠬᠦᠮᠦᠨ ᠬᠠᠷᠠ ᠲᠤᠯᠤᠭᠠᠶᠢᠲᠠᠳ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠨᠢ ᠨᠤᠲᠤᠭᠰᠢᠨ ᠰᠠᠭᠤᠭᠰᠠᠨ ᠢᠶᠠᠷ ᠠᠭᠤᠯᠨ ᠤᠰᠤ | ᠪᠠᠨ ᠦᠡᠭᠭᠡ ᠳᠦᠷᠰᠦ᠂ ᠦᠵᠡᠮᠵᠢ ᠤᠨᠴᠠᠯᠢᠭ ᠢᠶᠠᠷ ᠨᠢ ᠨᠡᠷᠡᠯᠡᠨ ᠬᠤᠯᠨ ᠳᠤ ᠶᠠᠪᠤᠬᠤ ᠲᠡᠮᠳᠡᠭ ᠬᠤᠵᠢᠮ ᠤᠨ | ᠬᠦᠮᠦᠨ ᠳᠤ ᠭᠡᠷᠡᠴᠢ ᠪᠤᠯᠭᠠᠪᠠ᠃ ᠡᠨᠡ ᠬᠦ ᠤᠰᠤᠨ ᠤ ᠡᠬᠢ ᠬᠦᠨᠳᠡᠢ ᠶᠢᠨ ᠨᠦᠮᠦᠷᠢ ᠪᠤᠯᠤᠭᠰᠠᠨ ᠭᠠᠵᠠᠷ ᠲᠤ | ᠤᠯᠢᠶᠠᠰᠤ ᠤᠷᠭᠤᠵᠤ ᠬᠤᠯᠨ ᠠᠴᠠ ᠬᠠᠷᠠᠭᠳᠠᠳᠠᠭ ᠠᠴᠠ ︽ᠤᠯᠢᠶᠠᠰᠤᠲᠠᠢ ᠶᠢᠨ ᠬᠦᠨᠳᠡᠢ︾ ᠭᠡᠵᠤ ᠤᠯᠠᠮᠵᠢᠯᠡᠨ | ᠳᠠᠭᠤᠳᠠᠭᠰᠠᠭᠠᠷ ᠦᠶᠡ ᠤᠯᠠᠷᠢᠨ ᠬᠠᠳᠠᠩᠰᠢᠵᠡᠢ᠃ ᠬᠦᠮᠦᠰ ᠭᠠᠵᠠᠷ ᠤᠰᠤ ᠪᠠᠨ ᠦᠮᠴᠢᠷᠭᠡᠨ᠂ ᠰᠤᠨᠤᠰᠬᠤ ᠳᠤ | ᠠᠶᠠᠲᠠᠢ᠂ ᠳᠠᠭᠤᠳᠠᠬᠤ ᠳᠤ ᠰᠠᠶᠢᠬᠠᠨ ᠨᠡᠷᠡ ᠶᠢ ᠬᠠᠶᠢᠷᠠᠯᠠᠵᠤ᠂ ᠦᠶᠡ ᠬᠤᠶᠢᠴᠢᠰ ᠲᠤ ᠪᠠᠨ ᠬᠡᠰᠢᠭ ᠪᠤᠶᠠᠨ | ᠦᠯᠡᠳᠡᠭᠡᠵᠤ ᠦᠭᠭᠦᠭᠰᠡᠨ ᠨᠢ ᠬᠡᠴᠢᠨᠡᠭᠡᠨ ᠡᠷᠬᠢᠮ ᠠᠵᠢ᠃ | ᠨᠠᠮᠤᠷ᠂ ᠨᠠᠷᠠᠨ ᠤ ᠭᠡᠷᠡᠯ ᠬᠤᠷᠠ ᠶᠢᠨ ᠰᠢᠮᠡ ᠪᠠᠷ ᠣᠢ ᠮᠤᠳᠤᠨ ᠤ ᠬᠤᠶᠢᠴᠢᠰ ᠤᠯᠠᠰᠢᠷᠠᠵᠤ᠂ ᠦᠨᠳᠦᠷ | ᠦᠨᠳᠦᠷ ᠨᠢᠷᠤᠭᠤ ᠪᠤᠯᠤᠭᠰᠠᠨ ᠮᠤᠳᠤᠳ ᠨᠢ ᠪᠡᠯᠴᠢᠭᠡᠷ ᠢᠶᠠᠨ ᠬᠠᠯᠬᠠᠪᠴᠢᠯᠠᠵᠤ ᠬᠦᠷᠦᠰᠦ ᠪᠠᠨ ᠰᠠᠬᠢᠨᠠ᠃ | ᠠᠭᠤᠯᠠᠨ ᠳᠤ ᠭᠦᠢᠯᠡᠰᠦ᠂ ᠠᠵᠢᠷᠭᠠᠨᠠ᠂ ᠢᠯᠠᠮᠠ ᠮᠡᠲᠤ ᠶᠢᠨ ᠤᠯᠠᠨ ᠤᠷᠭᠤᠮᠠᠯ ᠲᠠᠢ᠃ ᠵᠢᠮᠢᠰ ᠪᠤᠯᠪᠠᠰᠤᠷᠠᠬᠤ | ᠪᠤᠯᠤᠮᠠᠭᠴᠠ ᠳᠦᠷᠪᠡᠨ ᠵᠦᠭ ᠤᠨ ᠬᠦᠮᠦᠰ ᠬᠦᠷᠦᠯᠴᠡᠨ ᠢᠷᠡᠵᠤ᠂ ᠪᠤᠯᠪᠠᠰᠤᠷᠠᠭᠰᠠᠨ ᠵᠢᠮᠢᠰ ᠤᠨ ᠠᠩᠭᠢᠯᠤᠮᠠ | ᠠᠮᠲᠠᠨ ᠳᠤ ᠨᠢ ᠰᠤᠭᠲᠤᠭᠤᠷᠠᠳᠠᠭ᠃ ᠲᠡᠷᠭᠡ ᠳᠠᠭᠠᠭᠠᠵᠤ ᠶᠠᠳᠠᠮᠠ ᠭᠦᠢᠯᠡᠰᠤ ᠲᠡᠭᠦᠵᠤ᠂ ᠪᠠᠶᠢᠭᠠᠯᠢ ᠬᠤᠷᠸᠠ ᠶᠢᠨ | ᠬᠡᠰᠢᠭ ᠲᠤ ᠠᠮᠢᠳᠤᠷᠠᠯ ᠤᠨ ᠲᠤᠯᠭᠠ ᠪᠠᠨ ᠬᠦᠭᠵᠢᠭᠡᠵᠤ ᠦᠭᠡᠳᠡ ᠡᠰᠡᠷᠡᠭ ᠠᠵᠤ ᠲᠦᠷᠦᠳᠡᠭ᠃ | ᠠᠭᠤᠯᠨ ᠶᠢᠨ ᠬᠠᠵᠠᠭᠤ ᠪᠠᠷ ᠰᠢᠷᠠ ᠨᠠᠪᠴᠢᠰ ᠪᠦᠷᠬᠦᠬᠦ ᠳᠤ ᠤᠯᠢᠶᠠᠰᠤ ᠴᠤ ᠴᠠᠭ ᠤᠨ ᠦᠡᠭᠭᠡ ᠪᠠᠷ ᠮᠦᠴᠢᠷ | ᠵᠤᠯᠭᠠᠷᠠᠵᠤ ᠴᠠᠷᠠᠰᠤᠨ ᠤ ᠭᠠᠷᠰᠤ ᠲᠡᠭᠦᠬᠦ ᠪᠠᠷ ᠢᠷᠡᠭᠰᠡᠳᠤᠯᠢᠶᠠᠰᠤᠲᠠᠢ ᠶᠢᠨ ᠬᠦᠨᠳᠡᠢ ᠳᠤ ᠬᠦᠯᠦᠰᠢ ᠤᠨᠤᠭᠠ ᠪᠠᠨ | ᠠᠷᠭᠠᠮᠵᠢᠨ ᠴᠢᠳᠦᠷᠯᠡᠵᠤ ᠰᠠᠨᠠᠭᠠ ᠲᠡᠨᠢᠭᠦᠨ ᠬᠦᠳᠡᠯᠮᠦᠷᠢᠯᠡᠨᠡ᠃ ᠬᠠᠶ᠋ᠨ ᠵᠠᠷᠢᠮ ᠨᠢ ᠤᠷᠲᠤ ᠶᠢᠨ ᠳᠠᠭᠤᠤ ᠪᠠᠨ | ᠠᠭᠤᠵᠢᠷᠠᠲᠠᠯᠠ ᠬᠠᠨᠭ᠍ᠭᠢᠭᠤᠯᠵᠤ᠂ ᠬᠤᠯᠨ ᠶᠢᠨ ᠬᠤᠯᠨ ᠳᠤ ᠴᠤᠤᠷᠢᠶᠠᠯᠠᠨ ᠳᠠᠭᠤᠷᠢᠰᠴᠤ ᠠᠮᠢᠲᠠᠨ ᠤᠷᠭᠤᠮᠠᠯ ᠢ | ᠪᠠᠶᠠᠰᠬᠠᠨᠠ᠃ ᠬᠤᠨᠭ᠍ᠭᠤᠷ ᠰᠠᠯᠬᠢᠨ ᠬᠠᠴᠠᠷ ᠢ ᠢᠯᠪᠢᠨ ᠦᠡᠭᠭᠡᠷᠡᠬᠦ ᠳᠤ ᠬᠠᠰᠠᠭ ᠲᠡᠷᠭᠡᠨ ᠳᠤ ᠰᠠᠭᠤᠭᠰᠠᠨ | ᠨᠠᠰᠤᠲᠠᠳ ᠠᠭᠤᠯᠨ ᠶᠢᠨ ᠪᠠᠷᠠ ᠶᠢ ᠤᠶᠠᠩᠭᠠᠲᠠᠶᠢᠬᠠᠨ ᠰᠢᠷᠲᠡᠵᠤ ᠪᠤᠳᠤᠯ ᠤᠨ ᠤᠷᠴᠢᠯᠠᠩ ᠢᠶᠠᠷ ᠵᠤᠭᠠᠴᠠᠨᠠ᠃ | ᠡᠪᠤᠯ᠂ ᠴᠠᠰᠤ ᠮᠦᠰᠦ ᠡᠬᠡ ᠭᠠᠵᠠᠷ ᠢ ᠪᠦᠷᠬᠦᠵᠤ᠂ ᠬᠠᠳᠠ ᠴᠢᠯᠠᠭᠤᠳ ᠮᠦᠡᠭᠭᠦᠨ ᠬᠤᠶᠠᠭ ᠬᠡᠳᠦᠷᠭᠦ ᠳᠤ | ᠤᠯᠢᠶᠠᠰᠤᠲᠠᠢ ᠶᠢᠨ ᠠᠭᠤᠯᠨ ᠴᠤ ᠡᠪᠤᠯ ᠤᠨ ᠨᠠᠷᠨ ᠶᠢ ᠤᠭᠲᠤᠨ ᠰᠡᠭᠦᠶᠢᠨᠡ᠃ ᠬᠠᠦᠬᠢᠬᠤ ᠰᠠᠯᠬᠢᠨ ᠳᠤ ᠮᠠᠯ ᠢᠶᠠᠨ | ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠰ ᠲᠤᠯᠠᠭᠠᠨ ᠨᠦᠮᠦᠷᠢ ᠳᠤ ᠨᠢ ᠰᠡᠳᠬᠢᠯ ᠲᠦᠭᠦᠷᠡᠩ ᠶᠠᠪᠤᠨᠠ᠃ ᠦᠩᠭᠡᠷᠡᠭᠰᠡᠨ ᠤᠨ ᠵᠢᠯ | ᠤᠨ ᠬᠦᠨᠳᠤ ᠬᠡᠴᠡᠭᠦᠦ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠲᠤ ᠬᠡᠴᠢᠨᠡᠭᠡᠨ ᠬᠦᠮᠦᠰ ᠡᠪᠡᠰᠦ ᠪᠡᠯᠴᠢᠭᠡᠷ ᠢ ᠨᠢ ᠠᠰᠢᠭᠯᠠᠵᠤ | ᠶᠠᠪᠤᠭᠰᠠᠨ ᠢ ᠪᠤᠤ ᠮᠡᠳᠡ᠃ | ᠨᠤᠲᠤᠭ ᠤᠨ ᠠᠭᠤᠯᠨ ᠰᠠᠶᠢᠬᠠᠨ᠂ ᠨᠢᠷᠤᠭᠤ ᠪᠠᠨ ᠡᠭᠦᠷᠦᠭᠰᠡᠨ ᠤᠮᠤᠭᠯᠠᠩ ᠡᠵᠡᠨ ᠤ ᠰᠦᠷ ᠲᠠᠢ᠃ ᠴᠡᠩᠭᠡᠷ | ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠠᠳᠤᠭᠤᠳ ᠤᠨ ᠦᠦᠷᠰᠡᠭᠡᠨ ᠬᠠᠨᠭ᠍ᠭᠢᠨᠠᠵᠤ ᠠᠭᠤᠳᠠᠮ ᠲᠠᠯᠠ ᠶᠢᠨ ᠬᠦᠪᠡᠭᠡᠨ ᠠᠴᠠ | ᠰᠦᠷᠦᠭ ᠤᠨ ᠪᠠᠷᠠ ᠴᠠᠶᠢᠯᠵᠠᠨᠠ᠃ | | ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ | ᠨᠠᠶᠢᠷᠠᠭᠤᠯᠣᠭᠴᠢ᠄ ᠡ᠊ · ᠰᠠᠷᠠᠭᠤᠯ | | |