| ᠰᠠᠶᠢᠯᠢ ᠶᠢᠨ ᠬᠠᠪᠳᠠᠭᠠᠢ | | ᠨᠠᠷᠢᠨ ᠴᠠᠪ ᠤᠨ ᠪᠠᠷᠠᠭᠤᠨ ᠬᠤᠶᠢᠨᠠᠬᠢ ᠬᠦᠬᠦᠷᠬᠡᠳᠦ ᠭᠤᠤ ᠶᠢᠨ ᠵᠡᠭᠦᠨ ᠡᠮᠦᠨᠡ ᠪᠠᠶᠢᠭᠠ ᠠᠭᠤᠯᠠ ᠶᠢ | ᠰᠠᠶᠢᠯᠢ ᠶᠢᠨ ᠬᠠᠪᠳᠠᠭᠠᠢ ᠬᠡᠨᠡ᠃ ᠨᠤᠳᠤᠭ ᠤᠨ ᠬᠦᠮᠦᠰ ᠪᠠᠰᠠ ᠤᠷᠢᠳᠤ ᠬᠠᠪᠳᠠᠭᠠᠢ ᠬᠡᠳᠡᠭ᠃ | ᠰᠠᠶᠢᠯᠢ ᠶᠢᠨ ᠬᠠᠪᠳᠠᠭᠠᠢ ᠶᠢ ᠬᠤᠯᠠ ᠠᠴᠠ ᠠᠵᠢᠭᠯᠠᠪᠠᠯ ᠠᠭᠤᠯᠠ ᠬᠦᠳᠦᠯ ᠤᠨ ᠢᠶᠠᠨ ᠳᠤᠮᠳᠠ ᠬᠠᠪᠳᠠᠭᠠᠢ ᠰᠢᠤᠬᠠᠨ | ᠬᠡᠯᠪᠡᠷᠢᠳᠠᠢ ᠬᠠᠷᠠᠭᠳᠠᠳᠠᠭ ᠢᠶᠠᠷ ᠨᠢ ᠡᠶᠢᠨᠬᠦ ᠨᠡᠷᠡᠯᠡᠯᠡ ᠬᠡᠵᠦ ᠨᠠᠰᠤᠳᠠᠳ ᠨᠠᠷ ᠬᠠᠭᠤᠴᠢᠯᠠᠳᠠᠭ᠃ ᠰᠠᠶᠢᠯᠢ ᠶᠢᠨ | ᠬᠠᠪᠳᠠᠭᠠᠢ ᠶᠢᠨ ᠬᠠᠳᠠ ᠴᠢᠯᠠᠭᠤ ᠨᠢ ᠬᠠᠷᠠ ᠦᠩᠬᠡᠳᠠᠢ ᠪᠦᠬᠡᠳ ᠬᠠᠷᠭᠠᠨᠠ᠂ ᠶᠠᠰᠢᠯ᠂ ᠳᠠᠯᠳᠥ ᠶᠢᠨ ᠮᠤᠳᠤ | ᠤᠷᠭᠤᠨ ᠤᠢ ᠰᠢᠭᠤᠢ᠂ ᠪᠡᠯᠴᠢᠬᠡᠷ ᠡᠪᠡᠰᠦ ᠰᠠᠬᠤᠯᠠᠭ ᠵᠤᠵᠠᠭᠠᠨ ᠪᠠᠶᠢᠵᠠᠢ᠃ ᠨᠠᠷᠢᠨ ᠴᠠᠪ ᠤᠨ ᠠᠶᠢᠯ ᠤᠨ ᠬᠦᠮᠦᠰ | ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠤᠳᠤᠷᠯᠠᠨ ᠵᠤᠰᠠᠵᠤ᠂ ᠮᠠᠯ ᠰᠦᠷᠦᠭ ᠢᠶᠠᠨ ᠦᠰᠬᠡᠵᠦ ᠢᠷᠡᠵᠠᠢ᠃ | ᠡᠯᠡᠰᠦ ᠮᠠᠩᠬᠠᠨ ᠤ ᠰᠢᠬᠠᠯᠳᠠ᠂ ᠤᠷᠴᠢᠨ ᠪᠠᠶᠢᠭᠠᠯᠢ ᠶᠢᠨ ᠬᠤᠪᠢᠷᠠᠯᠳᠠ ᠠᠴᠠ ᠰᠠᠶᠢᠯᠢ ᠶᠢᠨ ᠬᠠᠪᠳᠠᠭᠠᠢ ᠶᠢᠨ | ᠤᠶᠢᠷᠠᠮ ᠳᠤᠭᠤᠷᠢᠮ ᠳᠤ ᠠᠶᠢᠯ ᠡᠷᠦᠬᠡ ᠰᠠᠭᠤᠷᠢᠰᠢᠨ ᠠᠩᠬᠠ ᠤᠷᠢᠳᠤ ᠶᠢᠨ ᠡᠵᠡᠬᠦᠢ ᠬᠡᠬᠡᠷᠡ ᠨᠤᠳᠤᠭ ᠤᠰᠤᠨ ᠤ | ᠪᠠᠷᠠ ᠯᠢ ᠬᠡᠳᠦᠶᠢᠨ ᠪᠠᠯᠠᠷᠠᠨ ᠤᠳᠴᠦ᠂ ᠳᠠᠷᠢᠶᠠ ᠲᠦᠮᠦᠰᠦ᠂ ᠡᠯᠳᠡᠪ ᠤᠨ ᠳᠠᠷᠢᠮᠠᠯ ᠴᠦ ᠤᠯᠠᠰᠢᠷᠠᠨ ᠡᠷᠡᠬᠦᠯ | ᠪᠦᠳᠦᠨ ᠬᠦᠷᠦᠰᠦ ᠪᠠᠷᠤᠭ ᠦᠬᠡᠢ ᠪᠤᠯᠵᠠᠢ᠃ | ᠬᠦᠬᠦᠷᠬᠡᠳᠦ ᠭᠤᠤ ᠶᠢᠨ ᠠᠷᠦ ᠳᠠᠬᠢ ᠠᠭᠤᠯᠠ ᠶᠢ ᠰᠠᠶᠢᠯᠢ ᠶᠢᠨ ᠬᠠᠪᠳᠠᠭᠠᠢ ᠲᠠᠢ ᠪᠠᠨ ᠢᠵᠢᠯᠢᠬᠡᠨ ᠨᠡᠷᠡᠯᠡᠵᠦ | ᠬᠤᠶᠢᠳᠤ ᠬᠠᠪᠳᠠᠭᠠᠢ ᠬᠡᠳᠡᠭ᠃ ᠬᠤᠶᠢᠳᠤ ᠬᠠᠪᠳᠠᠭᠠᠢ ᠳᠤ ᠤᠳᠤᠷ ᠨᠡᠬᠦᠳᠡᠯ ᠪᠠᠶᠢᠩᠭᠤ ᠰᠠᠭᠤᠷᠢᠰᠢᠨ ᠠᠮᠤ ᠬᠦᠨᠡᠰᠦ | ᠳᠠᠷᠢᠬᠤ ᠴᠦ ᠵᠢᠯ ᠠᠴᠠ ᠵᠢᠯ ᠨᠡᠮᠡᠭᠳᠡᠨ ᠤᠷᠴᠢᠨ ᠠᠬᠤᠢ ᠬᠤᠪᠢᠷᠠᠵᠤ ᠯᠠ ᠪᠤᠢ᠃ ᠠᠩᠬᠠ ᠡᠷᠳᠡ ᠳᠤ ᠪᠠᠨ ᠡᠨᠡ | ᠬᠠᠪᠢ ᠪᠠᠷ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠬᠤ ᠪᠠᠷ ᠪᠠᠷᠠᠬᠤ ᠦᠬᠡᠢ ᠠᠪᠠ ᠠᠩᠨᠠᠵᠤ ᠪᠠᠶᠢᠵᠠᠢ᠃ ᠵᠡᠭᠦᠨ ᠪᠠᠷᠠᠭᠤᠨ ᠭᠤᠤᠯ ᠢᠶᠠᠷ | ᠢᠶᠠᠨ ᠴᠤᠭᠯᠠᠷᠠᠨ ᠠᠭᠤᠯᠠ ᠳᠠᠯᠠ ᠵᠦᠭ ᠠᠷᠢᠶᠠᠳᠠᠨ ᠬᠦᠷᠦᠬᠡᠰᠦ ᠶᠢ ᠪᠤᠰᠬᠠᠨ ᠬᠡᠳᠦᠨ ᠳᠠᠯᠠ ᠠᠴᠠ ᠨᠢ ᠬᠤᠪᠢᠨ | ᠳᠠᠷᠤᠵᠤ ᠮᠤᠷᠢ ᠨᠤᠬᠠᠢ ᠪᠠᠨ ᠰᠢᠯᠭᠠᠯᠴᠠᠨ ᠠᠩ ᠤᠨ ᠤᠯᠵᠠ ᠤᠮᠤᠭ ᠲᠠᠢ ᠪᠤᠴᠠᠵᠠᠭᠠᠳᠠᠭ᠃ ᠤᠳᠤ ᠠᠭᠤᠯᠠᠨ ᠤ | ᠠᠩ ᠴᠦᠬᠡᠷᠡᠨ ᠬᠠᠶᠠ ᠭᠠᠭᠴᠠ ᠬᠤᠶᠠᠷ ᠢᠶᠠᠷ ᠳᠠᠥᠯᠠᠢ ᠠᠯᠠᠬᠤ ᠳᠡᠳᠦᠢ ᠪᠤᠯᠵᠠᠢ᠃ | | ᠨᠤᠬᠠᠢ ᠰᠠᠭᠤᠳᠠᠭ | | ᠰᠠᠶᠢᠯᠢ ᠶᠢᠨ ᠠᠶᠢᠯ ᠤᠨ ᠪᠠᠷᠠᠭᠤᠨ ᠳᠠᠪᠠᠭᠠ ᠶᠢ ᠠᠩᠬᠠ ᠡᠷᠳᠡ ᠠᠴᠠ ᠪᠠᠨ ᠨᠤᠬᠠᠢ ᠰᠠᠭᠤᠳᠠᠭ ᠬᠡᠵᠦ | ᠨᠡᠷᠡᠯᠡᠵᠦ ᠢᠷᠡᠪᠡ᠃ ᠡᠨᠡ ᠳᠠᠪᠠᠭᠠ ᠪᠤᠯ ᠠᠶᠢᠯ ᠠᠴᠠ ᠪᠠᠨ ᠪᠠᠷᠠᠭᠤᠨᠰᠢ ᠭᠠᠷᠬᠤ ᠪᠤᠶᠤ ᠪᠠᠷᠠᠭᠤᠨ ᠳᠠᠯᠠ ᠠᠴᠠ ᠪᠠᠨ | ᠠᠶᠢᠯ ᠤᠰᠤᠨ ᠳᠤ ᠤᠷᠤᠬᠤ ᠵᠠᠮ ᠤᠨ ᠪᠤᠭᠤᠮᠳᠠ ᠪᠤᠯᠤᠨᠠ᠃ | ᠠᠯᠢ ᠤᠵᠤᠭᠤᠷ ᠠᠴᠠ ᠰᠠᠶᠢᠯᠢ ᠶᠢᠨ ᠪᠠᠷᠠᠭᠤᠨ ᠳᠠᠪᠠᠭᠠ ᠳᠤ ᠡᠪᠡᠰᠦ ᠪᠡᠯᠴᠢᠬᠡᠷ ᠰᠠᠬᠤᠯᠠᠭ᠂ ᠬᠠᠶᠢᠯᠠᠰᠤ | ᠬᠠᠷᠭᠠᠨᠠ ᠵᠤᠵᠠᠭᠠᠨ ᠤᠷᠭᠤᠵᠤ᠂ ᠬᠠᠳᠠ ᠴᠢᠯᠠᠭᠤᠳ ᠨᠢ ᠪᠡᠷᠬᠡ ᠪᠠᠷᠳᠠᠭᠠ ᠲᠠᠢ ᠪᠤᠯᠬᠤᠷ ᠦᠨᠡᠭᠡ᠂ ᠴᠢᠨ᠋ᠸᠠ᠂ | ᠮᠠᠩᠬᠢᠰᠤ᠂ ᠭᠤᠷ᠂ ᠵᠡᠬᠡᠷᠡ ᠮᠡᠳᠦ ᠶᠢᠨ ᠬᠡᠬᠡᠷᠡ ᠶᠢᠨ ᠠᠷᠢᠶᠠᠳᠠᠨ ᠤᠷᠤᠩᠨᠠᠨ ᠦᠷᠡᠵᠢᠵᠦ ᠪᠠᠶᠢᠵᠠᠢ᠃ ᠬᠦᠮᠦᠰ ᠵᠢᠯ | ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠤᠳᠤᠷ ᠵᠤᠰᠠᠭᠠᠯ ᠢᠶᠠᠷ ᠨᠡᠬᠦᠬᠦ ᠳᠤ ᠪᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠨᠢ ᠵᠤᠬᠢᠴᠠᠭᠤᠯᠤᠨ | ᠠᠩ ᠬᠦᠷᠦᠬᠡ ᠬᠢᠵᠦ᠂ ᠳᠠᠪᠠᠭᠠ ᠶᠢᠨ ᠮᠦᠷ ᠴᠤᠪᠤᠭᠠ ᠶᠢ ᠳᠤᠰᠤᠨ ᠠᠪᠠ ᠶᠢᠨ ᠨᠤᠬᠠᠢ ᠪᠠᠨ ᠰᠠᠭᠤᠯᠭᠠᠵᠤ ᠬᠡᠬᠡᠷᠡ | ᠶᠢᠨ ᠠᠩ ᠢ ᠪᠠᠷᠢᠭᠤᠯᠳᠠᠭ ᠠᠴᠠ ︽ᠨᠤᠬᠠᠢ ᠰᠠᠭᠤᠳᠠᠭ︾ ᠬᠡᠮᠡᠨ ᠨᠡᠷᠡᠯᠡᠪᠡ ᠬᠡᠨᠡ᠃ | ᠬᠦᠮᠦᠰ ᠵᠢᠯ ᠤᠨ ᠬᠡᠳᠦ ᠤᠳᠠᠭᠠ ᠶᠡᠭᠡ ᠪᠠᠭᠠ ᠬᠡᠪᠴᠢᠶᠡᠨ ᠤ ᠠᠩ ᠬᠢᠵᠦ᠂ ᠡᠨᠡ ᠬᠠᠪᠢ ᠪᠠᠷ ᠬᠦᠷᠦᠬᠡᠰᠦ | ᠠᠷᠢᠶᠠᠳᠠᠨ ᠢ ᠳᠠᠭᠤᠬᠤ ᠳᠤ ᠪᠠᠨ ᠵᠠᠨ ᠢ ᠨᠢ ᠳᠤᠰᠤᠨ ᠨᠤᠬᠠᠢ ᠪᠠᠨ ᠰᠠᠭᠤᠯᠭᠠᠳᠠᠭ ᠠᠴᠠ ᠬᠤᠯᠠ ᠤᠶᠢᠷᠠ ᠶᠢᠨ ᠬᠢᠨ | ᠪᠦᠷ ᠮᠡᠳᠡᠵᠡᠬᠡᠳᠡᠭ᠃ ᠰᠠᠶᠢᠯᠢ ᠶᠢᠨ ᠳᠠᠪᠠᠭᠠ ᠳᠤ ᠠᠪᠠ ᠬᠢᠭᠰᠡᠨ ᠪᠦᠬᠦᠨ ᠤᠷᠢᠳᠠᠪᠠᠷ ᠨᠤᠬᠠᠢ ᠰᠠᠭᠤᠳᠠᠭ ᠲᠤ | ᠴᠤᠭᠯᠠᠷᠠᠨ ᠵᠠᠮ ᠴᠤᠪᠤᠭᠠ ᠪᠠᠨ ᠬᠤᠪᠢᠶᠠᠨ ᠠᠭᠤᠯᠠ ᠳᠠᠷᠤᠵᠤ ᠠᠩ ᠪᠤᠰᠬᠠᠳᠠᠭ᠃ | ᠬᠦᠮᠦᠨ ᠬᠠᠷᠠ ᠨᠡᠮᠡᠭᠳᠡᠨ ᠤᠢ ᠤᠷᠭᠤᠮᠠᠯ ᠰᠢᠩᠬᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠠᠩ ᠬᠦᠷᠦᠬᠡᠰᠦ ᠴᠦ ᠬᠤᠪᠤᠷᠳᠠᠨ | ᠠᠶᠢᠯ ᠤᠰᠤᠨ ᠤ ᠬᠦᠮᠦᠰ ᠠᠪᠠᠯᠠᠬᠤ ᠨᠢ ᠴᠦᠬᠡᠷᠡᠵᠠᠢ᠃ ᠬᠡᠪᠡᠴᠦ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠨᠢ ᠪᠠᠯᠠᠷᠠᠰᠢ ᠦᠬᠡᠢ | ᠦᠶᠡ ᠤᠯᠠᠮᠵᠢᠯᠠᠭᠳᠠᠨ ᠪᠡᠯᠴᠢᠬᠡᠷ ᠤᠨ ᠵᠠᠭᠠᠭ ᠬᠡᠷᠡᠴᠢ ᠪᠤᠯᠵᠤ ᠪᠤᠢ᠃ ᠡᠨᠡ ᠬᠠᠪᠢ ᠶᠢᠨ ᠠᠬᠠᠮᠠᠳ ᠨᠠᠰᠤᠳᠠᠳ | ᠤᠷᠢᠳᠤ ᠶᠢᠨ ᠵᠤᠭᠤᠭ ᠢᠶᠠᠨ ᠶᠠᠷᠢᠯᠳᠤᠬᠤ ᠳᠠᠭᠠᠨ ︽ᠳᠡᠷᠡ ᠴᠢᠨᠢ ᠨᠤᠬᠠᠢ ᠰᠠᠭᠤᠳᠠᠭ᠂ ᠳᠡᠷᠡ ᠨᠢ ᠪᠦᠳᠦᠬᠦᠨᠬᠤᠸᠠ︾ | ᠬᠡᠵᠦ ᠬᠤᠯᠠ ᠤᠶᠢᠷᠠ ᠶᠢᠨ ᠪᠠᠷᠠ ᠶᠢ ᠵᠢᠭᠠᠵᠤ ᠨᠠᠷᠢᠨ ᠳᠤᠳᠤ ᠶᠠᠷᠢᠵᠠᠭᠠᠳᠠᠭ᠃ | | ᠰᠠᠭᠠᠭ ᠤᠨ ᠬᠤᠸᠠ | | ᠰᠢᠪᠠᠭᠳᠤ ᠬᠤᠸᠠ ᠶᠢᠨ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠡᠮᠦᠨᠡᠰᠢ ᠵᠠᠯᠭᠠᠯᠳᠤᠭᠰᠠᠨ ᠢ ᠨᠢ ᠬᠦᠮᠦᠰ ᠰᠠᠭᠠᠭ ᠤᠨ ᠬᠤᠸᠠ | ᠬᠡᠵᠦ ᠨᠡᠷᠡᠯᠡᠬᠡᠳ ᠤᠨ ᠤᠳᠠᠭᠰᠠᠨ ᠬᠡᠳᠡᠭ᠃ ᠰᠠᠭᠠᠭ ᠤᠨ ᠬᠤᠸᠠ ᠨᠢ ᠬᠡᠳᠦᠶᠢᠪᠡᠷ ᠳᠡᠳᠦᠢ ᠦᠨᠳᠦᠷ ᠰᠦᠷᠯᠢᠭ | ᠪᠢᠰᠢ ᠴᠦ ᠵᠡᠭᠦᠨ ᠪᠠᠷᠠᠭᠤᠨ ᠠᠶᠢᠯ ᠢ ᠵᠠᠭᠠᠭᠯᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠵᠠᠮ ᠴᠤᠪᠤᠭᠠ ᠨᠢ ᠪᠡᠷᠬᠡ ᠭᠠᠴᠢᠭ ᠲᠠᠢ | ᠶᠤᠮ᠃ ᠨᠤᠶᠠᠨ ᠰᠦᠮᠡ ᠳᠤ ᠤᠴᠢᠬᠤ ᠪᠤᠶᠤ ᠵᠡᠭᠦᠨᠰᠢ ᠭᠠᠷᠬᠤ ᠬᠦᠮᠦᠰ ᠨᠢᠬᠡ ᠵᠠᠮ ᠢᠶᠠᠷ ᠴᠤᠪᠤᠷᠠᠨ᠂ ᠬᠤᠸᠠ ᠶᠢᠨ | ᠵᠡᠭᠦᠨ ᠳᠤᠤᠷᠠᠬᠢ ᠭᠤᠤ ᠨᠢ ᠠᠴᠢᠶᠠ ᠬᠦᠰᠬᠡ ᠲᠠᠢ ᠠᠶᠠᠨᠴᠢᠳ ᠢ ᠳᠤᠷᠴᠦ ᠬᠠᠰᠢᠬᠤ ᠪᠤᠶᠤ ᠬᠡᠯᠳᠡᠬᠡᠢ ᠵᠠᠮ ᠳᠤᠨᠢ | ᠠᠴᠢᠶᠠ ᠪᠠᠨ ᠤᠩᠬᠤᠯᠤᠭᠤᠯᠬᠤ ᠶᠠᠪᠤᠳᠠᠯ ᠵᠦᠩᠳᠡᠬᠡᠨ ᠭᠠᠷᠳᠠᠭ ᠬᠡᠨᠡ᠃ | ᠰᠠᠭᠠᠭ ᠤᠨ ᠬᠤᠸᠠ ᠬᠡᠬᠦ ᠨᠡᠷᠡᠶᠢᠳᠦᠯ ᠤᠨ ᠳᠤᠬᠠᠢ ᠨᠤᠳᠤᠭ ᠤᠨ ᠬᠦᠮᠦᠰ ᠠᠴᠠ ᠠᠰᠠᠭᠤᠨ ᠨᠠᠷᠢᠪᠴᠢᠯᠠᠪᠠᠯ᠄ | — ᠠᠩᠬᠠ ᠡᠷᠳᠡ ᠶᠢᠨ ᠦᠶᠡ ᠳᠤ ᠠᠳᠡᠬᠢ ᠶᠢᠨ ᠬᠦᠷᠦᠰᠦ ᠰᠢᠷᠤᠢ ᠰᠢᠮᠡᠯᠢᠭ᠂ ᠤᠢ ᠤᠷᠭᠤᠮᠠᠯ ᠡᠯᠪᠡᠭ | ᠵᠤᠵᠠᠭᠠᠨ ᠪᠠᠶᠢᠵᠠᠢ᠃ ᠬᠤᠷᠠ ᠪᠤᠷᠤᠭᠠᠨ ᠵᠤᠬᠢᠴᠠᠭᠰᠠᠨ ᠵᠢᠯ ᠳᠤ ᠬᠤᠸᠠ ᠶᠢᠨ ᠬᠠᠪᠢ ᠪᠠᠷ ᠵᠦᠢᠯ ᠤᠨ ᠤᠷᠭᠤᠮᠠᠯ | ᠠᠮᠢᠯᠠᠨ ᠶᠠᠩᠵᠤ ᠶᠢᠨ ᠦᠵᠡᠮᠵᠢ ᠪᠦᠷᠢᠳᠦᠬᠡᠳ ᠤᠨᠴᠠ ᠶᠢᠨ ᠰᠠᠶᠢᠬᠠᠨ ᠭᠠᠵᠠᠷ ᠬᠡᠨᠡ᠃ ᠬᠤᠸᠠ ᠶᠢᠨ ᠵᠡᠭᠦᠨ | ᠡᠮᠦᠨᠡ ᠳᠤᠤᠷᠠ ᠬᠤᠰᠢᠭᠤ ᠵᠠᠰᠠᠭ ᠸᠠᠩ ᠤᠨ ᠰᠠᠩ ᠬᠦᠮᠦᠷᠬᠡ ᠶᠢᠨ ᠪᠦᠮᠪᠦᠬᠡᠨ ᠬᠡᠷ ᠪᠠᠶᠢᠳᠠᠭ ᠠᠴᠠ ᠠᠮᠤ ᠬᠦᠨᠡᠰᠦ | ᠪᠠᠨ ᠨᠦᠬᠡᠴᠡᠯᠡᠳᠡᠭ᠃ ᠳᠡᠷᠡ ᠦᠶᠡ ᠳᠤ ᠡᠨᠡ ᠬᠤᠸᠠ ᠶᠢᠨ ᠬᠠᠪᠢ ᠪᠠᠷ ᠰᠠᠭᠠᠭ ᠳᠠᠷᠢᠵᠤ ᠸᠠᠩ ᠤᠨ ᠤᠷᠳᠤᠨ ᠳᠤ | ᠬᠦᠷᠬᠡᠨ ᠦᠭᠳᠡᠭ ᠠᠴᠠ ︽ᠰᠠᠭᠠᠭ ᠤᠨ ᠬᠤᠸᠠ︾ ᠬᠡᠵᠦ ᠨᠡᠷᠡᠯᠡᠯᠡ ᠬᠡᠮᠡᠨ ᠬᠠᠭᠤᠴᠢᠯᠠᠳᠠᠭ᠃ | ᠰᠠᠭᠠᠭ ᠤᠨ ᠬᠤᠸᠠ ᠶᠢᠨ ᠬᠠᠪᠢ ᠪᠠᠷ ᠳᠠᠷᠢᠶᠠ ᠳᠠᠷᠢᠭᠰᠠᠨ ᠤᠷᠤ ᠮᠦᠷ ᠬᠠᠶᠠ ᠬᠠᠷᠠᠭᠳᠠᠬᠤ ᠮᠦᠷᠳᠡᠬᠡᠨ | ᠤᠳᠤ ᠴᠦ ᠬᠡᠰᠡᠨ ᠬᠠᠵᠠᠭᠤ ᠬᠠᠪᠢ ᠶᠢᠨ ᠬᠦᠮᠦᠰ ᠬᠤᠸᠠ ᠶᠢᠨ ᠬᠤᠷᠮᠤᠢ ᠪᠠᠷ ᠳᠠᠷᠢᠶᠠ ᠳᠦᠮᠦᠰᠦ ᠳᠠᠷᠢᠵᠤ ᠪᠠᠶᠢᠳᠠᠭ | ᠃ ᠡᠳᠡᠬᠡᠷ ᠨᠢ ᠠᠯᠢ ᠡᠷᠳᠡ ᠠᠴᠠ ᠠᠳᠡᠬᠢ ᠶᠢᠨ ᠭᠠᠵᠠᠷ ᠰᠢᠷᠤᠢ ᠰᠢᠮᠡᠯᠢᠭ᠂ ᠤᠯᠠᠨ ᠵᠦᠢᠯ ᠤᠨ ᠦᠷᠡ ᠤᠷᠭᠤᠮᠠᠯ ᠢ | ᠳᠠᠷᠢᠬᠤ ᠳᠤ ᠳᠤᠬᠢᠳᠠᠢ᠂ ᠳᠠᠷᠢᠶᠠᠯᠠᠬᠤ ᠰᠤᠶᠤᠯ ᠤᠨ ᠨᠦᠯᠦᠬᠡ ᠶᠢ ᠡᠷᠳᠡ ᠬᠦᠷᠳᠡᠯᠡ ᠬᠡᠳᠡᠭ ᠢ ᠵᠤᠬᠢᠬᠤ ᠬᠡᠮᠵᠢᠶᠡ | ᠪᠠᠷ ᠬᠠᠷᠠᠭᠤᠯᠵᠤ ᠪᠤᠢ᠃ | | ᠳᠤᠭᠤᠷᠤᠤᠳᠤ ᠬᠤᠸᠠ | | ᠰᠢᠪᠠᠭᠳᠤ ᠬᠤᠸᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠨᠢ ᠵᠠᠯᠭᠠᠨ ᠦᠷᠬᠦᠯᠵᠢᠯᠡᠬᠦ ᠬᠤᠸᠠ ᠶᠢ ᠬᠦᠮᠦᠰ ︽ | ᠳᠤᠭᠤᠷᠤᠤᠳᠤ ᠬᠤᠸᠠ︾ ᠬᠡᠳᠡᠭ᠃ ᠶᠠᠭᠠᠬᠢᠭᠠᠳ ᠡᠶᠢᠨᠬᠦ ᠨᠡᠷᠡᠯᠡᠪᠡ ᠬᠡᠪᠡᠯ᠄ | — ᠠᠩᠬᠠ ᠤᠷᠢᠳᠤ ᠶᠢᠨ ᠦᠶᠡ ᠳᠤ ᠬᠤᠸᠠ ᠳᠤᠯᠤᠭᠠᠳ ᠢᠶᠠᠷ ᠬᠢᠯᠭᠠᠨᠠ᠂ ᠬᠢᠶᠠᠭ ᠡᠯᠪᠡᠭ ᠤᠷᠭᠤᠨ᠂ | ᠬᠤᠷᠠ ᠪᠤᠷᠤᠭᠠᠨ ᠳᠤᠬᠢᠳᠠᠢ ᠪᠤᠯᠬᠤᠷ ᠵᠦᠢᠯ ᠤᠨ ᠴᠡᠴᠡᠭ ᠳᠡᠯᠬᠡᠷᠡᠨ ᠦᠩᠬᠡ ᠦᠵᠡᠮᠵᠢ ᠵᠤᠬᠢᠴᠠᠳᠠᠭ ᠢᠶᠠᠷ ᠳᠠᠯᠠᠨ | ᠬᠡᠯᠡᠳᠡᠨ ᠴᠤᠭᠯᠠᠷᠠᠨ ᠵᠠᠭᠤᠨ ᠰᠢᠪᠠᠭᠤᠳ ᠡᠬᠡᠨᠡᠭᠰᠢᠳᠡᠭ ᠬᠡᠨᠡ᠃ ᠬᠠᠪᠤᠷ ᠤᠨ ᠤᠷᠢᠨ ᠪᠤᠯᠤᠮᠠᠭᠴᠠ ᠭᠠᠯᠠᠭᠤ | ᠳᠤᠭᠤᠳᠠᠭ ᠬᠤᠸᠠ ᠶᠢ ᠪᠦᠷᠬᠦᠨ ᠢᠷᠡᠬᠡᠳ ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠬᠤᠨᠢ ᠢᠮᠠᠭᠠᠳ ᠪᠡᠯᠴᠢᠭᠰᠡᠨ ᠰᠢᠭ ᠳᠤᠩ | ᠴᠠᠭᠠᠨ ᠪᠠᠶᠢᠵᠠᠢ᠃ ᠬᠦᠮᠦᠰ ᠭᠠᠯᠠᠭᠤ ᠰᠢᠪᠠᠭᠤ ᠶᠢ ᠭᠠᠵᠠᠷ ᠤᠰᠤᠨ ᠤ ᠬᠡᠰᠢᠭ ᠬᠡᠮᠡᠨ ᠦᠵᠡᠳᠡᠭ ᠤᠨ ᠤᠴᠢᠷ ᠪᠡᠯᠬᠡ | ᠳᠡᠮᠪᠡᠷᠢᠯ ᠢ ᠬᠦᠨᠳᠦᠳᠬᠡᠨ ︽ᠳᠤᠭᠤᠷᠤᠤᠳᠤ ᠬᠤᠸᠠ︾ ᠬᠡᠵᠦ ᠨᠡᠷᠡᠯᠡᠬᠡᠳ ᠤᠨ ᠤᠨ ᠡᠩᠬᠡ ᠳᠠᠶᠢᠪᠤᠩ᠂ ᠪᠠᠶᠠᠨ | ᠳᠠᠩᠰᠤᠭ ᠪᠤᠯᠬᠤ ᠶᠢ ᠵᠦᠩᠨᠡᠯᠡ ᠬᠡᠵᠦ ᠤᠴᠢᠷ ᠢ ᠳᠤᠭᠠᠴᠢᠨᠠ᠃ | ᠲᠦᠴᠢᠬᠡᠳ ᠵᠢᠯ ᠤᠨ ᠡᠮᠦᠨᠡ ᠴᠦ ᠬᠤᠸᠠ ᠳᠤᠯᠤᠭᠠᠳ ᠢᠶᠠᠷ ᠳᠤᠭᠤᠳᠠᠭ ᠭᠠᠯᠠᠭᠤ ᠰᠦᠷᠦᠭᠯᠡᠨ ᠢᠷᠡᠵᠦ | ᠬᠤᠨᠢ ᠢᠮᠠᠭᠠᠳ ᠲᠠᠢ ᠴᠤᠭᠭᠠᠷ ᠪᠡᠯᠴᠢᠳᠡᠭ ᠪᠠᠶᠢᠵᠠᠢ᠃ ᠬᠦᠮᠦᠰ ᠡᠯᠳᠡᠪ ᠤᠨ ᠵᠡᠪᠰᠡᠭ ᠢᠶᠠᠷ ᠳᠤᠭᠤᠳᠠᠭ ᠠᠩᠨᠠᠬᠤ | ᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠡᠮᠦᠨᠡ ᠹᠷᠤᠨᠲ ᠶᠢ ᠳᠡᠮᠵᠢᠬᠦ ᠬᠡᠵᠦ ᠠᠶᠢᠯ ᠬᠤᠳᠠ ᠪᠠᠷ ᠢᠶᠠᠨ ᠬᠦᠳᠡᠯᠦᠯᠴᠡᠨ ᠠᠩᠨᠠᠭᠰᠠᠨ | ᠢᠶᠠᠷ ᠬᠡᠳᠦᠬᠡᠨ ᠵᠢᠯ ᠳᠤ ᠰᠢᠪᠠᠭᠤᠳ ᠤᠨ ᠪᠠᠷᠠ ᠳᠠᠰᠤᠷᠠᠨ ᠪᠡᠯᠴᠢᠬᠡᠷ ᠤᠰᠤ ᠰᠢᠩᠬᠡᠷᠡᠨ ᠳᠠᠴᠢᠷᠳᠠᠯᠠ ᠬᠡᠵᠦ | ᠡᠪᠦᠬᠡᠳ ᠬᠠᠭᠤᠴᠢᠯᠠᠨᠠ᠃ | — ᠳᠡᠬᠡᠬᠡᠳ ᠬᠡᠳᠦᠢ ᠠᠩᠨᠠᠳᠠᠭ ᠪᠠᠶᠢᠪᠠ︖ ᠬᠡᠵᠦ ᠠᠰᠠᠭᠤᠬᠤ ᠳᠤ ᠵᠠᠷᠢᠮ ᠨᠢ᠄ | — ᠮᠤᠷᠢ ᠡᠯᠵᠢᠬᠡ ᠪᠠᠷ ᠳᠠᠭᠤᠵᠤ ᠠᠩᠨᠠᠵᠤ ᠪᠠᠶᠢᠯᠠ᠂ ᠶᠠᠪᠠᠭᠠᠨ ᠢᠶᠠᠷ ᠴᠦ ᠠᠩᠨᠠᠵᠤ ᠶᠠᠪᠤᠯᠠ ᠬᠡᠵᠦ | ᠰᠢᠭᠤᠳ ᠰᠢᠯᠤᠭᠤᠨ ᠶᠠᠷᠢᠳᠠᠭ᠃ | ᠪᠠᠶᠢᠭᠠᠯᠢ ᠶᠢᠨ ᠠᠷᠢᠶᠠᠳᠠᠨ ᠨᠢ ᠴᠦᠬᠡᠷᠡᠭᠰᠡᠨ ᠴᠦ ᠠᠭᠤᠯᠠ ᠳᠤᠯᠤᠭᠠᠳ ᠤᠨ ᠨᠡᠷᠡ ᠨᠢ ᠠᠯᠢ ᠤᠵᠤᠭᠤᠷ | ᠤᠨ ᠰᠠᠶᠢᠬᠠᠨ ᠦᠵᠡᠮᠵᠢ᠂ ᠠᠷᠢᠶᠠᠳᠠᠨ ᠵᠢᠬᠦᠷᠳᠡᠨ ᠢ ᠬᠦᠮᠦᠰ ᠲᠤ ᠮᠡᠳᠡᠭᠦᠯᠳᠡᠭ᠃ | | | ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠴ᠊ · ᠰᠠᠷᠠᠭᠤᠯ | | |