| ᠡᠷᠬᠢᠳᠦ ᠶᠢᠨ ᠨᠠᠭᠤᠷ | | ᠠᠯᠳᠠᠨ ᠤᠨᠠᠭᠠ ᠶᠢ ᠪᠠᠷᠢᠬᠤ ᠳᠤ ᠡᠷᠬᠢ ᠨᠢ ᠨᠤᠷᠠᠭᠰᠠᠨ ᠨᠠᠭᠤᠷ ᠢ ︽ᠡᠷᠬᠢᠳᠦ︾ ᠬᠡᠮᠡᠨ ᠨᠡᠷᠡᠯᠡᠭᠰᠡᠨ ᠬᠡᠨᠡ | ᠃ ᠠᠳᠡᠬᠢ ᠬᠦᠮᠦᠰ ᠪᠠᠰᠠ ᠵᠡᠭᠦᠨ ᠡᠷᠬᠢᠳᠦ᠂ ᠪᠠᠷᠠᠭᠤᠨ ᠡᠷᠬᠢᠳᠦ ᠬᠡᠮᠡᠨ ᠢᠯᠭᠠᠳᠠᠭ ᠴᠦ ᠪᠤᠢ᠃ ᠡᠷᠬᠢᠳᠦ ᠶᠢᠨ | ᠨᠠᠭᠤᠷ ᠨᠢ 100 ᠭᠠᠷᠤᠢ ᠮᠤ᠋ ᠶᠢᠨ ᠳᠠᠯᠠᠪᠠᠢ ᠲᠠᠢ᠂ ᠬᠠᠷᠠ ᠵᠢᠭᠠᠰᠤ ᠵᠡᠷᠬᠡ ᠶᠢᠨ ᠬᠡᠳᠦᠨ ᠵᠦᠢᠯ ᠤᠨ ᠵᠢᠭᠠᠰᠤ ᠲᠠᠢ | ᠪᠠᠶᠢᠳᠠᠭ᠃ ᠨᠠᠭᠤᠷ ᠤᠨ ᠳᠤᠮᠳᠠ ᠨᠢ ᠮᠠᠩᠬᠠ ᠲᠠᠢ᠂ ᠨᠠᠭᠤᠷ ᠤᠨ ᠬᠦᠪᠡᠭᠡ ᠪᠠᠷ ᠨᠢ ᠬᠠᠳᠤᠯᠠᠩ ᠲᠠᠢ᠂ ᠨᠠᠭᠤᠷ ᠤᠨ | ᠳᠤᠮᠳᠠ ᠤᠳᠤᠯ ᠵᠤᠵᠠᠭᠠᠨ ᠤᠷᠭᠤᠵᠤ ᠪᠤᠢ᠃ | ᠨᠠᠭᠤᠷ ᠤᠨ ᠬᠠᠪᠢ ᠶᠢᠨ ᠡᠪᠡᠰᠦ ᠪᠡᠯᠴᠢᠬᠡᠷ ᠰᠢᠮᠡᠯᠢᠭ ᠵᠤᠵᠠᠭᠠᠨ ᠪᠤᠯᠬᠤᠷ ᠠᠯᠢ ᠤᠵᠤᠭᠤᠷ ᠠᠴᠠ ᠮᠠᠯ | ᠰᠦᠷᠦᠭ ᠦᠨᠢᠷ ᠦᠰᠬᠦ ᠬᠡᠰᠢᠭ ᠲᠠᠢ ᠤᠷᠤᠨ ᠬᠡᠳᠡᠭ᠃ ᠨᠠᠭᠤᠷ ᠤᠨ ᠡᠷᠬᠢ ᠤᠯᠠᠨ᠂ ᠬᠠᠷᠠ ᠡᠷᠬᠢ ᠴᠦ ᠪᠤᠢ | ᠳᠤᠯᠠ ᠬᠦᠮᠦᠰ ᠤᠯᠠᠨ ᠵᠦᠢᠯ ᠢᠶᠠᠷ ᠨᠡᠷᠡᠯᠡᠨ ᠳᠠᠶᠢᠯᠪᠤᠷᠢᠯᠠᠳᠠᠭ ᠪᠢᠯᠡ᠃ | ᠬᠤᠷᠠ ᠪᠤᠷᠤᠭᠠᠨ ᠡᠯᠪᠡᠭ ᠵᠢᠯ ᠪᠤᠯ ᠨᠠᠭᠤᠷ ᠤᠨ ᠤᠰᠤ ᠨᠢ ᠨᠡᠮᠡᠭᠳᠡᠨ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠨᠢ ᠤᠯᠠᠰᠢᠷᠠᠵᠤ᠂ | ᠡᠪᠡᠰᠦ ᠪᠡᠯᠴᠢᠬᠡᠷ ᠴᠦ ᠰᠠᠬᠤᠯᠠᠭ᠂ ᠪᠤᠷᠭᠠᠰᠤ ᠠᠯᠳᠠᠭᠠᠨᠠ ᠨᠢ ᠵᠤᠵᠠᠭᠠᠨ ᠤᠷᠭᠤᠳᠠᠭ᠃ ᠠᠳᠡᠬᠢ ᠬᠦᠮᠦᠰ ᠨᠠᠭᠤᠷ | ᠤᠨ ᠤᠰᠤ ᠪᠠᠨ ᠠᠰᠢᠭᠯᠠᠨ ᠮᠠᠯ ᠰᠦᠷᠦᠭ ᠢᠶᠠᠨ ᠤᠳᠤᠷᠯᠠᠨ ᠨᠡᠬᠦᠵᠦ᠂ ᠮᠠᠩᠬᠠᠨ ᠪᠡᠯᠴᠢᠬᠡᠷ ᠲᠡᠭᠡᠨ ᠵᠤᠳ ᠭᠠᠮᠰᠢᠭ᠂ | ᠰᠠᠯᠬᠢᠨ ᠰᠢᠭᠤᠷᠭᠠᠨ ᠢ ᠰᠠᠨᠠᠭᠠ ᠠᠮᠤᠷ ᠳᠤᠭᠤᠯᠵᠤ ᠵᠢᠯ ᠤᠨ ᠵᠢᠯ ᠳᠦᠯ ᠮᠠᠯ ᠮᠡᠨᠳᠦ ᠤᠨᠳᠤᠷᠤᠨ ᠰᠦ ᠰᠠᠭᠠᠯᠢ | ᠡᠯᠪᠡᠭ ᠬᠤᠷᠢᠶᠠᠳᠠᠭ ᠪᠠᠶᠢᠵᠠᠢ᠃ | ᠠᠯᠢ ᠡᠷᠳᠡ ᠠᠴᠠ ᠡᠨᠡ ᠬᠠᠪᠢ ᠪᠠᠷ ᠳᠠᠮᠷᠢᠨ᠂ ᠷᠢᠨᠴᠢᠨ᠂ ᠷᠤᠯᠭᠠᠷᠵᠠᠪ ᠬᠡᠭᠴᠢ ᠶᠢᠨ ᠪᠠᠶᠠᠨ ᠴᠤᠯᠭᠤᠷᠠᠨ | ᠬᠤᠪᠢ ᠬᠤᠪᠢᠨ ᠳᠠᠭᠠᠨ 400 — 500 ᠢᠮᠠᠭᠠ᠂ ᠬᠡᠳᠦᠨ ᠠᠵᠢᠷᠭᠠ ᠠᠳᠤᠭᠤ᠂ 200 — 300 ᠪᠤᠳᠠ ᠮᠠᠯ | ᠲᠠᠢ ᠪᠠᠶᠢᠵᠤ᠂ ᠵᠢᠷᠢᠮ ᠨᠢ ᠬᠤᠰᠢᠭᠤ ᠵᠠᠰᠠᠭ ᠶᠠᠮᠤᠨ ᠤ ᠪᠤᠶᠢᠳᠠ ᠮᠠᠶᠢᠷᠠᠨ ᠤ ᠵᠡᠷᠬᠡ ᠳᠡᠪᠰᠢᠵᠦ ᠶᠠᠪᠤᠭᠰᠠᠨ ᠳᠡᠥᠬᠡ | ᠲᠠᠢ ᠪᠢᠯᠡ᠃ ᠠᠳᠡᠬᠢ ᠬᠦᠮᠦᠰ ᠨᠤᠳᠤᠭ ᠤᠰᠤ ᠪᠠᠨ ᠲᠦᠰᠢᠭᠯᠡᠨ ᠦᠶᠡ ᠤᠯᠠᠷᠢᠨ ᠪᠠᠶᠠᠨ ᠳᠠᠩᠰᠤᠭ ᠠᠵᠤ | ᠲᠦᠷᠦᠵᠦ ᠬᠡᠰᠢᠭ ᠪᠤᠶᠠᠨ ᠬᠤᠷᠠᠮᠳᠤᠭᠤᠯᠵᠤ ᠴᠤᠤᠳᠠᠢ ᠳᠠᠭᠤᠤ ᠲᠠᠢ ᠠᠮᠢᠳᠤᠷᠠᠵᠠᠢ᠃ | | ᠡᠬᠦᠷᠳᠦ ᠶᠢᠨ ᠳᠠᠯᠠ | | ᠡᠬᠦᠷᠳᠦ ᠶᠢᠨ ᠳᠠᠯᠠ ᠶᠢ ᠪᠠᠰᠠ ᠠᠯᠢ ᠡᠷᠳᠡ ᠳᠡᠭᠡᠨ ᠬᠦᠷᠦᠩᠬᠦᠯᠦᠬᠡ ᠵᠠᠯᠠᠨ ᠤ ᠨᠤᠳᠤᠭ ᠬᠡᠨᠡ᠃ ᠳᠡᠷᠡ | ᠦᠶᠡ ᠳᠤ ᠡᠨᠡ ᠬᠠᠪᠢ ᠪᠠᠷ ᠬᠦᠷᠦᠩᠬᠦᠯᠦᠬᠡ ᠬᠡᠭᠴᠢ ᠵᠠᠯᠠᠨ ᠰᠠᠭᠤᠷᠢᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠬᠡᠳᠡᠭ᠃ ᠨᠠᠷᠢᠨ | ᠴᠠᠪ ᠤᠨ ᠵᠡᠭᠦᠨ ᠳᠠᠯᠠ ᠶᠢ ᠵᠢᠭᠠᠨᠠ᠃ | ᠠᠩᠬᠠ ᠤᠵᠤᠭᠤᠷ ᠤᠨ ᠦᠶᠡ ᠳᠤ ᠤᠢ ᠰᠢᠭᠤᠢ ᠦᠪᠴᠢ ᠪᠢᠳᠡᠬᠦᠤ᠂ ᠡᠪᠡᠰᠦ ᠤᠷᠭᠤᠮᠠᠯ ᠢᠭ᠌ᠴᠢ | ᠵᠤᠵᠠᠭᠠᠨ᠂ ᠨᠠᠭᠤᠷ ᠤᠰᠤ ᠲᠠᠢ ᠰᠠᠶᠢᠬᠠᠨ ᠭᠠᠵᠠᠷ ᠪᠤᠯᠬᠤᠷ ᠵᠦᠢᠯ ᠤᠨ ᠬᠡᠯᠡᠳᠡᠨ ᠡᠬᠡᠨᠡᠭᠰᠢᠨ ᠶᠠᠩᠵᠤ ᠶᠢᠨ | ᠠᠷᠢᠶᠠᠳᠠᠨ ᠦᠷᠡᠵᠢᠨ ᠳᠦᠯᠵᠢᠵᠦ ᠪᠠᠶᠢᠵᠠᠢ᠃ ᠪᠠᠷᠠᠭᠤᠨ ᠬᠤᠶᠢᠨᠠ ᠤᠨᠢᠶᠠᠷᠳᠤᠨ ᠬᠠᠷᠠᠭᠳᠠᠬᠤ ᠪᠡᠪᠡᠩᠳᠦ ᠠᠭᠤᠯᠠ | ᠶᠢᠨ ᠪᠠᠷᠰ ᠠᠳᠡᠬᠢ ᠤᠰᠤᠨ ᠳᠤ ᠢᠷᠡᠵᠦ ᠤᠮᠳᠠ ᠪᠠᠨ ᠳᠠᠷᠤᠨ ᠡᠬᠦᠷᠯᠡᠳᠡᠭ ᠠᠴᠠ ᠡᠬᠦᠷᠳᠦ ᠶᠢᠨ ᠳᠠᠯᠠ ᠬᠡᠰᠡᠨ | ᠬᠡᠨᠡ᠃ ᠡᠨᠡ ᠪᠠᠷᠰ ᠤᠰᠤ ᠪᠠᠨ ᠤᠤᠭᠤᠵᠤ ᠳᠠᠮᠢᠷ ᠬᠦᠴᠦ ᠪᠠᠨ ᠰᠡᠯᠪᠢᠪᠡᠯ ᠵᠡᠭᠦᠨ ᠬᠤᠶᠢᠰᠢ ᠴᠤᠭᠳᠤ ᠠᠭᠤᠯᠠ | ᠪᠤᠶᠤ ᠳᠤᠬᠤᠢ ᠬᠠᠨ ᠤ ᠤᠢ ᠰᠢᠭᠤᠢ ᠵᠦᠭ ᠴᠤᠪᠤᠷᠠᠨ ᠬᠡᠳᠦᠨ ᠡᠳᠦᠷ ᠪᠤᠯᠤᠭᠠᠳ ᠳᠠᠬᠢᠨ ᠤᠰᠤᠨ ᠳᠠᠭᠠᠨ | ᠤᠷᠤᠵᠤ ᠢᠷᠡᠳᠡᠭ ᠪᠠᠶᠢᠵᠠᠢ᠃ | ᠳᠡᠷᠡ ᠦᠶᠡ ᠳᠤ ᠡᠬᠦᠷᠳᠦ ᠶᠢᠨ ᠳᠠᠯᠠ ᠳᠤ ᠰᠠᠭᠤᠳᠠᠭ ᠠᠩᠴᠢᠳ ᠵᠢᠳᠠ ᠰᠡᠷᠡᠭᠡ ᠪᠠᠷ ᠪᠠᠷᠰ ᠲᠠᠢ | ᠳᠤᠯᠤᠯᠳᠤᠨ ᠠᠩᠨᠠᠵᠤ ᠪᠠᠶᠢᠯᠠ ᠬᠡᠵᠦ ᠨᠤᠳᠤᠭ ᠤᠨ ᠳᠤᠮᠤᠭᠠᠳᠠᠳ ᠨᠢ ᠶᠠᠷᠢᠨᠠ᠃ ᠠᠩᠴᠢᠳ ᠤᠢ ᠰᠢᠭᠤᠢ ᠳᠤ | ᠨᠢᠭᠤᠵᠤ ᠬᠦᠴᠦ ᠳᠠᠮᠢᠷ ᠰᠤᠯᠠᠷᠠᠨ ᠠᠭᠤᠯᠠ ᠠᠴᠠ ᠪᠠᠭᠤᠬᠤ ᠪᠠᠷᠰ ᠢ ᠳᠤᠰᠤᠨ ᠠᠪᠴᠦ ᠳᠤᠯᠤᠯᠳᠤᠭᠠᠨ ᠬᠢᠨᠡ᠂ | ᠪᠠᠷᠰ ᠠᠷᠬᠢᠷᠠᠨ ᠭᠤᠶᠠᠳᠠᠬᠤ ᠦᠶᠡ ᠳᠤ ᠵᠢᠳᠠ ᠰᠡᠷᠡᠭᠡ ᠪᠠᠨ ᠭᠠᠷᠭᠠᠨᠠ᠂ ᠪᠠᠷᠰ ᠵᠢᠳᠠ ᠰᠡᠷᠡᠭᠡ ᠶᠢ ᠠᠯᠠᠭᠠᠳᠠᠬᠤ ᠳᠤ | ᠬᠦᠯ ᠤᠨ ᠠᠯᠠᠭᠠ ᠨᠢ ᠵᠢᠳᠠᠯᠠᠭᠳᠠᠨ ᠬᠦᠶᠦᠵᠦ ᠴᠢᠳᠠᠬᠤ ᠦᠬᠡᠢ ᠪᠤᠯᠳᠠᠭ ᠬᠡᠨᠡ᠃ ᠡᠨᠡ ᠳᠤᠬᠢᠶᠠᠯ ᠢ ᠵᠠᠪᠳᠤᠨ | ᠪᠠᠷᠰ ᠢ ᠴᠤᠬᠢᠵᠤ ᠠᠯᠠᠳᠠᠭ ᠬᠡᠵᠦ ᠬᠠᠭᠤᠴᠢᠯᠠᠳᠠᠭ᠃ ᠴᠤᠬᠤᠮ ᠠᠯᠢ ᠦᠶᠡ ᠳᠤ ᠬᠡᠨ ᠪᠠᠷᠰ ᠠᠯᠠᠭᠰᠠᠨ ᠢ | ᠳᠤᠳᠤᠷᠬᠠᠢ ᠮᠡᠳᠡᠬᠦ ᠬᠦᠮᠦᠨ ᠦᠬᠡᠢ᠃ ᠬᠡᠪᠡᠴᠦ ᠠᠳᠡᠬᠢ ᠪᠡᠯᠴᠢᠬᠡᠷ ᠤᠷᠴᠢᠨ ᠦᠩ ᠰᠢᠮᠡᠯᠢᠭ᠂ ᠬᠦᠮᠦᠨ ᠠᠮᠢᠳᠠᠨ | ᠤ ᠤᠷᠤᠰᠢᠨ ᠳᠤᠭᠳᠠᠨᠢᠬᠤ ᠳᠤᠬᠢᠳᠠᠢ ᠭᠠᠵᠠᠷ ᠪᠤᠯᠵᠤ ᠪᠠᠶᠢᠭᠰᠠᠨ ᠨᠢ ᠯᠠᠪᠳᠠᠢ᠃ ᠤᠳᠤ ᠴᠦ ᠬᠡᠰᠡᠨ ᠬᠦᠮᠦᠰ ᠳᠠᠯᠠ | ᠶᠢᠨ ᠪᠡᠯᠴᠢᠬᠡᠷ ᠢᠶᠠᠨ ᠲᠦᠰᠢᠭᠯᠡᠨ ᠮᠠᠯ ᠰᠦᠷᠦᠭ ᠢᠶᠠᠨ ᠦᠰᠬᠡᠨ ᠦᠷᠡᠵᠢᠭᠦᠯᠵᠦ᠂ ᠡᠳ᠋ ᠬᠦᠷᠦᠩᠬᠡ ᠬᠤᠷᠠᠮᠳᠤᠭᠤᠯᠵᠤ | ᠪᠠᠶᠢᠳᠠᠭ᠃ | | ᠰᠡᠴᠡ ᠶᠢᠨ ᠬᠤᠸᠠ | | ᠪᠦᠷᠢᠨᠳᠠᠯᠠ ᠶᠢᠨ ᠠᠶᠢᠯ ᠤᠨ ᠵᠡᠭᠦᠨ ᠳᠠᠯᠠ ᠳᠤ ᠪᠠᠶᠢᠭᠠ ᠬᠤᠸᠠ ᠶᠢ ︽ᠰᠡᠴᠡ ᠶᠢᠨ ᠬᠤᠸᠠ︾ ᠬᠡᠳᠡᠭ᠃ | ᠠᠩᠬᠠ ᠡᠷᠳᠡ ᠶᠢᠨ ᠦᠶᠡ ᠳᠤ ᠨᠤᠶᠠᠨ ᠰᠦᠮᠡ ᠶᠢ ᠲᠦᠰᠢᠵᠤ ᠰᠠᠭᠤᠭᠰᠠᠨ ᠬᠠᠯᠬᠠᠴᠤᠤᠯ ᠠᠶᠢᠮᠠᠭ ᠤᠨ ᠬᠢᠨᠢ ᠡᠨᠡ | ᠭᠠᠵᠠᠷ ᠤᠨ ᠬᠡᠰᠢᠭ ᠪᠤᠶᠠᠨ ᠢ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠬᠡ ᠰᠡᠴᠡ ᠳᠠᠷᠤᠭᠰᠠᠨ ᠬᠡᠳᠡᠭ᠃ | ᠰᠡᠴᠡ ᠶᠢᠨ ᠬᠤᠸᠠ ᠳᠤ ᠠᠩᠬᠠ ᠡᠷᠳᠡ ᠳᠡᠭᠡᠨ ᠠᠯᠳᠠᠨ ᠤᠨᠠᠭᠠ ᠳᠤᠭᠯᠠᠭᠰᠠᠨ ᠦᠯᠢᠬᠡᠷ ᠳᠤᠮᠤᠭ ᠲᠠᠢ᠃ | ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠤᠯ ᠤᠨ ᠬᠡᠯᠡᠬᠦ ᠪᠠᠷ ᠡᠨᠡ ᠬᠠᠪᠢ ᠶᠢᠨ ᠡᠪᠡᠰᠦ ᠪᠡᠯᠴᠢᠬᠡᠷ ᠰᠢᠮᠡᠯᠢᠭ᠂ ᠤᠰᠤ ᠤᠮᠳᠠ | ᠷᠠᠰᠢᠶᠠᠨ ᠰᠢᠭ᠋ ᠪᠤᠯᠬᠤᠷ ᠠᠯᠳᠠᠨ ᠤᠨᠠᠭᠠ ᠶᠢᠨ ᠬᠡᠰᠢᠭ ᠳᠤᠭᠳᠠᠵᠤ᠂ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠳᠠᠯᠠ ᠶᠢᠨ | ᠪᠡᠯᠴᠢᠬᠡᠷ᠂ ᠨᠠᠭᠤᠷ ᠤᠨ ᠤᠰᠤᠨ ᠳᠤ ᠳᠤᠭᠯᠠᠨ ᠬᠤᠸᠠ ᠶᠢᠨ ᠤᠷᠤᠢ ᠳᠤ ᠭᠠᠷᠴᠦ ᠳᠤᠶᠢᠯᠳᠠᠭ ᠠᠴᠠ ᠠᠳᠤᠭᠤᠨ | ᠰᠦᠷᠦᠭ ᠦᠨᠢᠷ ᠦᠰᠴᠦ᠂ ᠬᠠᠳᠠᠷᠢᠶᠠ᠂ ᠵᠢᠷᠤᠭᠠ ᠮᠤᠷᠢ ᠤᠯᠠᠨ ᠭᠠᠷᠳᠠᠭ ᠬᠡᠨᠡ᠃ | ᠨᠢᠬᠡᠨ ᠤᠳᠠᠭᠠ ᠡᠮᠦᠨᠡ ᠤᠷᠤᠨ ᠤ ᠦᠵᠡᠬᠡᠴᠢ ᠭᠠᠵᠠᠷ ᠤᠰᠤ ᠰᠢᠨᠵᠢᠨ ᠶᠠᠪᠤᠭᠰᠠᠭᠠᠷ ᠰᠡᠴᠡ ᠶᠢᠨ ᠬᠤᠸᠠ | ᠶᠢᠨ ᠬᠠᠪᠢ ᠪᠠᠷ ᠢᠷᠡᠬᠦ ᠳᠤ ᠠᠯᠳᠠᠨ ᠤᠨᠠᠭᠠ ᠵᠢᠷᠪᠢᠰᠬᠢᠨ ᠬᠠᠷᠠᠭᠳᠠᠵᠠᠢ᠃ ᠡᠭᠦᠨ ᠢ ᠬᠠᠷᠠᠭᠰᠠᠨ ᠦᠵᠡᠬᠡᠴᠢ ᠶᠢᠨ | ᠠᠰᠢᠭ ᠤᠯᠵᠠ ᠶᠢᠨ ᠭᠤᠷᠢ ᠨᠢ ᠬᠦᠳᠡᠯᠵᠦ᠄ | — ᠮᠢᠨᠦ ᠡᠷᠢᠵᠦ ᠪᠠᠶᠢᠭᠠ ᠦᠶᠡ ᠶᠢᠨ ᠦᠶᠡ ᠳᠤ ᠡᠳ᠋ᠯᠡᠬᠡᠳ ᠪᠠᠷᠠᠰᠢ ᠦᠬᠡᠢ ᠠᠯᠳᠠᠨ ᠤᠨᠠᠭᠠ ᠠᠳᠡ | ᠪᠠᠶᠢᠬᠤ ᠶᠤᠮ ᠪᠠᠶᠢᠨᠠ︕ ᠬᠡᠵᠦ ᠠᠮᠠ ᠬᠠᠮᠬᠢᠯ ᠦᠬᠡᠢ ᠪᠠᠶᠠᠷᠯᠠᠵᠠᠢ᠃ | ᠳᠡᠷᠡ ᠦᠵᠡᠬᠡᠴᠢ ᠠᠯᠳᠠᠨ ᠤᠨᠠᠭᠠ ᠶᠢ ᠬᠡᠳᠡᠨ ᠳᠠᠭᠠᠵᠤ ᠤᠳᠠᠭᠠᠨ ᠡᠳᠦᠷ ᠪᠤᠯᠵᠠᠢ᠃ ᠠᠯᠳᠠᠨ ᠤᠨᠠᠭᠠ ᠶᠢ | ᠨᠡᠬᠡᠨ ᠳᠠᠭᠤᠵᠤ ᠰᠡᠬᠦᠯ ᠠᠴᠠ ᠨᠢ ᠠᠳᠬᠤᠨ ᠠᠪᠤᠶᠠ ᠬᠡᠳᠡᠯᠡ ᠰᠢᠪᠠᠭᠤ ᠢᠷᠡᠵᠦ ᠰᠤᠴᠢᠭᠠᠬᠤ ᠦᠬᠡᠢ ᠪᠤᠯ ᠨᠠᠭᠤᠷ | ᠤᠰᠤᠨ ᠠᠴᠠ ᠨᠢ ᠬᠠᠴᠢᠨ ᠳᠠᠭᠤᠨ ᠭᠠᠷᠳᠠᠭ ᠠᠴᠠ ᠪᠠᠷᠢᠵᠤ ᠴᠢᠳᠠᠬᠤ ᠦᠬᠡᠢ ᠬᠤᠴᠤᠷᠠᠳᠠᠭ᠃ ᠡᠭᠦᠨ ᠳᠤ | ᠦᠵᠡᠬᠡᠴᠢ ᠶᠡᠬᠡᠳᠡ ᠭᠠᠴᠢᠭᠳᠠᠨ ᠠᠯᠢ ᠪᠠᠶᠢᠭᠰᠠᠨ ᠠᠷᠭᠠ ᠪᠠᠨ ᠰᠢᠪᠬᠠᠨ ᠠᠯᠳᠠᠨ ᠤᠨᠠᠭᠠ ᠶᠢ ᠨᠡᠬᠡᠨ ᠳᠠᠭᠤᠵᠤ | ᠨᠠᠭᠤᠷ ᠤᠨ ᠬᠦᠪᠡᠬᠡᠨ ᠳᠤ ᠬᠠᠰᠢᠨ ᠪᠠᠷᠢᠵᠤ ᠠᠪᠳᠠᠯᠠ ᠡᠮᠦᠨᠡ ᠨᠢ ᠠᠪᠤᠷᠭᠤ ᠶᠡᠭᠡ ᠬᠦᠮᠦᠨ ᠬᠠᠷᠠᠭᠳᠠᠵᠤ᠂ ᠳᠡᠭᠦᠨ | ᠠᠴᠠ ᠳᠤᠭ ᠬᠡᠳᠡᠯᠡ ᠰᠤᠴᠢᠨ ᠵᠤᠭᠰᠤᠳᠠᠯᠠ ᠨᠠᠭᠤᠷ ᠤᠨ ᠡᠷᠬᠢ ᠨᠤᠷᠠᠭᠰᠠᠨ ᠳᠤ ᠠᠯᠳᠠᠨ ᠤᠨᠠᠭᠠ ᠪᠠᠨ ᠠᠯᠳᠠᠭᠰᠠᠨ | ᠬᠡᠨᠡ᠃ ᠳᠡᠷᠡ ᠦᠵᠡᠬᠡᠴᠢ ᠤᠬᠠᠭᠠᠨ ᠢᠶᠠᠨ ᠰᠢᠪᠬᠠᠨ ᠠᠷᠭᠠ ᠪᠤᠳᠤᠭᠰᠠᠨ ᠴᠦ ᠤᠯᠤᠭᠰᠠᠨ ᠶᠠᠭᠤᠮᠠ ᠦᠬᠡᠢ | ᠳᠤᠯᠠ ᠡᠷᠬᠢᠨ ᠡᠷᠬᠢᠨ ᠬᠠᠷᠠᠵᠤ᠄ | — ᠡᠨᠡ ᠭᠠᠵᠠᠷ ᠤᠨ ᠨᠢᠪᠳᠠᠭ ᠰᠢᠪᠳᠠᠭ ᠬᠡᠴᠡᠬᠦᠤ︕ ᠬᠡᠭᠰᠡᠬᠡᠷ ᠪᠤᠴᠠᠭᠰᠠᠨ ᠬᠡᠨᠡ᠃ | | | ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠴ᠊ · ᠰᠠᠷᠠᠭᠤᠯ | | |