| | ᠠᠪᠠᠭᠠ ᠬᠠᠨ ᠠᠭᠤᠯᠠ | | | ᠠᠪᠠᠭᠠ ᠬᠠᠨ ᠠᠭᠤᠯᠠ ᠶᠢ ᠪᠠᠰᠠ ᠠᠪᠠᠭᠠ ᠬᠠᠷᠠ ᠠᠭᠤᠯᠠ ᠭᠡᠳᠡᠭ᠃ ᠠᠩᠬᠠ ᠡᠷᠳᠡ ᠠᠴᠠ ᠬᠤᠰᠢᠭᠤ | ᠲᠠᠬᠢᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠭᠡᠨᠡ᠃ ᠠᠪᠠᠭᠠ ᠬᠠᠨ ᠠᠭᠤᠯᠠ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1074 ᠮᠧᠲᠷ | ᠡᠷᠭᠦᠭᠳᠡᠵᠤ᠂ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠨᠢ ᠮᠤᠩᠭᠤᠯ ᠤᠨ ᠡᠴᠦᠰ ᠰᠡᠭᠦᠯᠴᠢ ᠶᠢᠨ ᠬᠠᠭᠠᠨ — ᠯᠢᠭᠳᠡᠨ | ᠬᠤᠳᠤᠭᠳᠤ ᠬᠠᠭᠠᠨ ᠤ ᠨᠡᠶᠢᠰᠯᠡᠯ ᠸᠴᠢᠷᠳᠤ ᠴᠠᠭᠠᠨ ᠬᠤᠳᠠ ᠶᠢᠨ ᠪᠠᠭᠤᠷᠢ ᠪᠤᠢ᠃ ᠠᠪᠠᠭᠠ ᠬᠠᠨ ᠠᠭᠤᠯᠠ ᠶᠢ | ᠲᠠᠬᠢᠪᠠᠯ ᠠᠭᠤᠯᠠ ᠣᠰᠤᠨ ᠤ ᠰᠠᠩ ᠢ ᠤᠩᠰᠢᠵᠤ ᠪᠠᠶᠢᠭᠰᠠᠨ ᠭᠡᠨᠡ᠃ | | ᠲᠤᠬᠤᠢ ᠬᠠᠨ ᠠᠭᠤᠯᠠ | | | ᠲᠤᠬᠤᠢ ᠬᠠᠨ ᠠᠭᠤᠯᠠ ᠪᠤᠯ ᠡᠷᠳᠡᠨ ᠠᠴᠠ ᠨᠠᠭᠠᠰᠢ ᠬᠤᠰᠢᠭᠤᠨ ᠲᠠᠬᠢᠯᠭᠠ ᠲᠠᠢ ᠶᠤᠮ᠃ ᠲᠠᠯᠠᠢ ᠶᠢᠨ | ᠲᠦᠪᠰᠢᠨ ᠠᠴᠠ 988 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠤᠢ᠃ ᠲᠤᠬᠤᠢ ᠬᠠᠨ ᠠᠭᠤᠯᠠᠨ ᠳᠤ ᠱᠦᠩ ᠲᠠᠷᠤᠭᠰᠠᠨ ᠲᠤᠬᠠᠢ | ᠡᠶᠢᠮᠦ ᠨᠢᠭᠡᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠤᠢ᠃ | ᠲᠤᠬᠤᠢ ᠬᠠᠨ ᠠᠭᠤᠯᠠ ᠲᠠᠬᠢᠯᠭᠠ ᠲᠠᠢ ᠪᠤᠯᠤᠭᠰᠠᠨ ᠲᠡᠷᠡ ᠵᠢᠯ ᠯᠠᠮᠠ ᠬᠤᠸᠠᠷᠠᠭ ᠨᠠᠷ ᠴᠤᠭᠯᠠᠷᠠᠨ ᠨᠤᠮ | ᠰᠤᠳᠤᠷ ᠤᠩᠰᠢᠵᠤ᠄ ︽ᠡᠨᠡ ᠠᠭᠤᠯᠠ ᠶᠢᠨ ᠱᠦᠩ ᠤᠨ ᠡᠵᠡᠨ ᠪᠠᠷᠠᠭᠤᠨ ᠡᠮᠦᠨᠡ ᠠᠴᠠ ᠯᠠ ᠢᠷᠡᠬᠦ ᠶᠤᠮ︕︾ | ᠭᠡᠵᠤ ᠲᠦᠯᠭᠡ ᠠᠶᠢᠯᠠᠳᠴᠠᠢ᠃ ᠬᠤᠶᠠᠷ ᠡᠳᠦᠷ ᠨᠤᠮ ᠤᠩᠰᠢᠳᠠᠯᠠ ᠶᠡᠷᠦ ᠨᠢ ᠱᠦᠩ ᠤᠨ ᠡᠵᠡᠨ ᠤ ᠪᠠᠷᠠ | ᠬᠠᠷᠠᠭᠳᠠᠭᠰᠠᠨ ᠦᠭᠡᠢ᠃ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠤᠨ ᠦᠷᠯᠦᠭᠡ ᠬᠠᠨ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠶᠢᠭᠠ | ᠬᠠᠭᠠᠯᠭᠠᠳᠦ ᠬᠠᠨ ᠠᠭᠤᠯᠠ ᠶᠢᠨ ᠬᠠᠪᠢ ᠳᠠᠬᠢ ᠨᠢᠭᠡᠨ ᠮᠠᠯᠴᠢᠨ᠄ ︽ᠡᠳᠦᠢ ᠪᠤᠯᠳᠠᠯᠠ ᠱᠦᠩ ᠲᠠᠷᠤᠬᠤ ᠬᠦᠮᠦᠨ | ᠤᠯᠬᠤ ᠦᠭᠡᠢ ᠭᠡᠳᠡᠭ ᠴᠢᠨᠢ︕ ᠪᠢ ᠤᠴᠢᠶᠠ︕︾ ᠭᠡᠵᠠᠢ᠃ ᠡᠭᠦᠨ ᠢ ᠰᠤᠨᠤᠰᠤᠭᠰᠠᠨ ᠲᠦᠷᠦᠯ ᠰᠠᠳᠤᠨ | ᠬᠡᠷᠰᠡᠤ ᠲᠤᠮᠤᠭᠠᠳᠠᠳ ᠨᠢ᠄ ︽ᠡᠨᠡ ᠬᠠᠷᠢᠨ ᠨᠠᠭᠠᠳᠤᠮ ᠪᠢᠰᠢ ᠰᠢᠤ᠂ ᠲᠡᠨᠳᠡ ᠶᠠᠭᠠᠬᠢᠭᠰᠠᠨ ᠴᠦ ᠤᠴᠢᠵᠤ ᠪᠤᠯᠬᠤ | ᠦᠭᠡᠢ︕︾ ᠭᠡᠬᠦ ᠳᠤ ᠦᠨᠦ ᠬᠦᠮᠦᠨ᠄ ︽ᠲᠡᠷᠡ ᠶᠠᠮᠠᠷ ᠬᠠᠮᠢᠶᠠ ᠪᠠᠶᠢᠬᠤᠪ᠂ ᠪᠢ ᠤᠴᠢᠵᠤ ᠱᠦᠩ ᠳᠤ ᠰᠠᠭᠤᠶᠠ | ︕︾ ᠭᠡᠳ ᠮᠤᠷᠢ ᠪᠠᠨ ᠤᠨᠤᠮᠠᠭᠴᠠ ᠲᠤᠬᠤᠢ ᠬᠠᠨ ᠠᠭᠤᠯᠠ ᠵᠦᠭ ᠲᠠᠪᠬᠢᠭᠤᠯᠵᠠᠢ᠃ | ᠲᠤᠬᠤᠢ ᠬᠠᠨ ᠠᠭᠤᠯᠠ ᠶᠢᠨ ᠲᠠᠬᠢᠯᠭᠠ ᠶᠢᠨ ᠬᠦᠮᠦᠰ ᠬᠦᠯ ᠤᠶᠢᠮᠡᠭᠡᠨ ᠪᠤᠯᠵᠤ ᠪᠠᠶᠢᠳᠠᠯᠠ ᠪᠠᠷᠠᠭᠤᠨ ᠡᠮᠦᠨᠡ | ᠠᠴᠠ ᠮᠤᠷᠢ ᠤᠨᠤᠭᠰᠠᠨ ᠬᠦᠮᠦᠨ ᠲᠠᠪᠬᠢᠭᠤᠯᠤᠨ ᠢᠷᠡᠭᠰᠡᠨ ᠭᠡᠨᠡ᠃ ᠲᠡᠷᠡ ᠬᠦᠮᠦᠨ ᠮᠤᠷᠢᠨ ᠠᠴᠠ ᠪᠠᠨ | ᠪᠠᠭᠤᠮᠠᠭᠴᠠ᠄ ︽ᠤᠪᠤᠭᠠ ᠶᠢᠨ ᠱᠦᠩ ᠴᠢᠨᠢ ᠢᠷᠡᠭᠰᠡᠨ ᠤᠤ︖︾ ᠭᠡᠬᠦ ᠳᠤ ᠯᠠᠮᠠ ᠬᠤᠸᠠᠷᠠᠭ ᠨᠠᠷ᠄ ︽ᠱᠦᠩ | ᠡᠳᠦᠢ ᠪᠤᠯᠳᠠᠯᠠ ᠢᠷᠡᠭᠡᠳᠦᠢ ᠪᠠᠶᠢᠨᠠ︾ ᠭᠡᠪᠡᠯ ᠲᠡᠷᠡ ᠬᠦᠮᠦᠨ᠄ ︽ᠱᠦᠩ ᠢᠷᠡᠭᠰᠡᠨ ᠦᠭᠡᠢ ᠪᠤᠯ ᠪᠢ ᠤᠷᠤᠨ ᠳᠤ | ᠨᠢ ᠰᠠᠭᠤᠶᠠ︕︾ ᠭᠡᠵᠠᠢ᠃ | ᠯᠠᠮᠠ ᠬᠤᠸᠠᠷᠠᠭ ᠨᠠᠷ ᠶᠡᠬᠡᠳᠡ ᠭᠠᠶᠢᠬᠠᠯᠳᠤᠨ ᠨᠢᠭᠡᠨ ᠵᠡᠷᠭᠡ ᠭᠤᠪᠢᠷ ᠱᠤᠪᠢᠷ ᠭᠡᠰᠡᠨ ᠢᠶᠠᠨ᠄ ︽ᠴᠢ | ᠰᠠᠭᠤᠭᠠᠳ ᠪᠤᠯᠬᠤ ᠤᠤ︖︾ ᠭᠡᠵᠤ ᠬᠡᠷᠰᠡᠤᠯᠡᠨ ᠠᠰᠠᠭᠤᠪᠠᠯ ᠲᠡᠷᠡ ᠬᠦᠮᠦᠨ᠄ ︽ᠪᠤᠯᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ︖ | ︾ ᠭᠡᠬᠦᠯᠡᠷ ᠯᠠᠮᠠ ᠨᠠᠷ᠄ ︽ᠴᠢ ᠨᠡᠬᠡᠷᠡᠨ ᠰᠠᠭᠤᠬᠤ ᠤᠤ︖︾ ᠭᠡᠵᠤ ᠲᠠᠬᠢᠨ ᠪᠤᠯᠭᠤᠮᠵᠢᠯᠠᠪᠠᠯ ᠲᠡᠷᠡ ᠬᠦᠮᠦᠨ᠄ ︽ | ᠱᠦᠩ ᠳᠤ ᠰᠠᠭᠤᠬᠤ ᠶᠢ ᠬᠤᠳᠠᠯ ᠬᠡᠯᠡᠳᠡᠭ ᠤᠤ︖ ᠪᠢ ᠰᠠᠭᠤᠶᠠ︕︾ ᠭᠡᠵᠠᠢ᠃ | ᠭᠤᠷᠪᠠᠳᠠᠬᠢ ᠡᠳᠦᠷ ᠨᠢ ᠦᠭᠡᠷᠡ ᠱᠦᠩ ᠤᠨ ᠡᠵᠡᠨ ᠢᠷᠡᠭᠰᠡᠨ ᠦᠭᠡᠢ ᠲᠤᠯᠠ ᠲᠡᠷᠡ ᠬᠦᠮᠦᠨ ᠢ ᠲᠤᠬᠤᠢ | ᠬᠠᠨ ᠠᠭᠤᠯᠠ ᠶᠢᠨ ᠱᠦᠩ ᠢᠶᠠᠷ ᠲᠠᠷᠤᠨ ᠲᠠᠬᠢᠯᠭᠠ ᠶᠠᠪᠤᠭᠤᠯᠤᠭᠰᠠᠨ ᠭᠡᠨᠡ᠃ ᠲᠡᠷᠡ ᠬᠦᠮᠦᠨ ᠪᠤᠭᠤᠷᠤᠯ ᠮᠤᠷᠢ | ᠤᠨᠤᠵᠤ ᠢᠷᠡᠭᠰᠡᠨ ᠪᠤᠯᠬᠤᠷ ᠲᠤᠬᠤᠢ ᠬᠠᠨ ᠠᠭᠤᠯᠠ ᠶᠢᠨ ᠰᠠᠬᠢᠭᠤᠰᠤ ᠶᠢ ᠪᠤᠭᠤᠷᠤᠯ ᠮᠤᠷᠢ ᠲᠠᠢ ᠬᠡᠮᠡᠨ | ᠶᠠᠷᠢᠵᠠᠭᠠᠳᠠᠭ ᠭᠡᠨᠡ᠃ | | | ᠰᠤᠪᠤᠳ ᠬᠠᠨ ᠠᠭᠤᠯᠨ | | | ᠰᠤᠪᠤᠳ ᠬᠠᠨ ᠠᠭᠤᠯᠨ ᠪᠤᠯ ᠤᠡᠭᠭᠤᠨ ᠮᠤᠳᠤ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠵᠠᠬᠠ ᠶᠢᠨ ᠠᠭᠤᠯᠨ ᠪᠤᠯᠤᠨᠠ᠃ | ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 767 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠤᠢ᠃ ᠠᠭᠤᠯᠨ ᠶᠢᠨ ᠤᠢ ᠤᠷᠭᠤᠮᠠᠯ ᠢᠭ᠌ᠴᠢ᠂ ᠪᠡᠷᠭᠡ | ᠪᠠᠷᠲᠠᠭᠠ ᠶᠡᠭᠡ ᠪᠢᠯᠨ᠃ | ᠠᠷᠤ ᠬᠤᠷᠴᠢᠨ ᠤ ᠬᠠᠮᠤᠭ ᠠᠩᠬᠠᠨ ᠤ ᠬᠤᠰᠢᠭᠤᠨ ᠵᠠᠬᠢᠷᠭᠠ ᠶᠢᠨ ᠵᠠᠰᠠᠭ ︵ᠠᠷᠤ ᠬᠤᠷᠴᠢᠨ ᠸᠠᠩ︶ | ᠮᠤᠵᠠᠩ ᠤᠨ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠢᠶᠠᠨ ᠪᠢᠴᠢᠵᠤ᠂ ᠦᠪᠡᠷ ᠢᠶᠠᠨ ᠬᠢᠨᠠᠨ ᠵᠠᠰᠠᠭᠰᠠᠨ ︽ᠠᠷᠤ ᠬᠤᠷᠴᠢᠨ ᠤ | ᠭᠠᠵᠠᠷ ᠤᠰᠤᠨ ᠤ ᠲᠡᠮᠳᠡᠭᠯᠡᠯ︾ ᠳᠤ ︽ᠰᠤᠪᠤᠳ ᠬᠠᠨ ᠠᠭᠤᠯᠨ︾ ᠭᠡᠵᠤ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠤ ᠪᠤᠢ᠃ | ᠠᠩᠬᠠ ᠡᠷᠲᠡ ᠳᠤ ᠪᠠᠨ ᠤᠡᠭᠭᠤᠨ ᠮᠤᠳᠤ ᠶᠢᠨ ᠬᠦᠮᠦᠰ ᠰᠤᠪᠤᠳ ᠬᠠᠨ ᠠᠭᠤᠯᠨ ᠶᠢᠨ ᠬᠠᠪᠢ ᠪᠠᠷ ᠤᠳᠤᠷ | ᠨᠡᠭᠦᠳᠡᠯ ᠢᠶᠠᠷ ᠶᠠᠪᠤᠳᠠᠭ᠃ ᠤᠳᠤ ᠰᠢᠶᠠᠨ ᠹᠸᠡᠭ ᠰᠢᠶᠠᠩ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ︽ᠰᠤᠪᠠᠢ ᠠᠭᠤᠯᠨ︾ ᠭᠡᠵᠤ | ᠲᠡᠮᠳᠡᠭᠯᠡᠬᠦ ᠪᠤᠯᠪᠠ᠃ | | | ᠰᠢᠨᠠ ᠬᠠᠨ ᠠᠭᠤᠯᠠ | | | ᠤᠳᠤᠭ ᠤᠨ ᠳᠠᠪᠠᠭᠠ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠪᠤᠢ᠃ ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1313 ᠮᠧᠲᠷ | ᠡᠷᠭᠦᠭᠳᠡᠵᠤ ᠪᠤᠢ᠃ ᠠᠩᠬᠠ ᠡᠷᠳᠡ ᠳᠤ ᠪᠠᠨ ᠣᠢ ᠰᠢᠭᠤᠢ᠂ ᠡᠪᠡᠰᠤ ᠪᠡᠯᠴᠢᠭᠡᠷ ᠢᠭ᠌ᠴᠢ ᠵᠤᠵᠠᠭᠠᠨ᠂ ᠪᠡᠷᠬᠡ | ᠪᠠᠷᠳᠠᠭᠠ ᠬᠡᠴᠡᠭᠦᠦ ᠪᠣᠯᠬᠤᠷ ᠪᠠᠷᠰ ᠡᠭᠦᠷᠯᠡᠵᠦ ᠪᠠᠶᠢᠭᠰᠠᠨ ᠭᠡᠳᠡᠭ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠭᠤᠴᠢᠭᠠᠳ ᠣᠨ ᠪᠣᠯᠳᠠᠯᠠ ᠬᠠᠵᠠᠭᠤ ᠬᠠᠪᠢ ᠪᠠᠷ ᠨᠢ ᠤᠳᠤᠷᠯᠠᠨ ᠨᠡᠭᠦᠵᠦ ᠪᠠᠶᠢᠭᠰᠠᠨ | ᠮᠠᠯᠴᠢᠳ ᠠᠳᠡ ᠠᠴᠠ ᠴᠠᠶᠢᠷ ᠤᠨ ᠲᠡᠩᠬᠡᠯᠢᠭ᠂ ᠴᠠᠶᠢᠷ ᠤᠨ ᠤᠨᠢ ᠠᠪᠴᠤ ᠪᠠᠶᠢᠭᠰᠠᠨ ᠳᠤᠮᠤᠭ ᠪᠤᠢ᠃ ᠬᠤᠰᠢᠭᠤ | ᠸᠠᠩ ᠤᠨ ᠤᠷᠳᠤᠨ ᠤ ᠮᠠᠯ ᠰᠦᠷᠦᠭ ᠤᠳᠤᠷᠯᠠᠨ ᠨᠡᠭᠦᠳᠡᠯᠯᠡᠳᠡᠭ᠃ ᠰᠢᠨ᠋ᠨ ᠠᠭᠤᠯᠨ ᠶᠢᠨ ᠪᠠᠶᠢᠷᠢᠰᠢᠯ ᠰᠣᠨᠢᠨ᠂ | ᠠᠭᠤᠯᠠᠰ ᠤᠨ ᠢᠶᠠᠨ ᠳᠤᠮᠳᠠ ᠤᠨᠴᠠ ᠶᠢᠨ ᠦᠵᠡᠮᠵᠢ ᠲᠠᠢ ᠲᠤᠯᠠ ᠬᠠᠨ ᠠᠭᠤᠯᠠ ᠬᠡᠮᠡᠨ ᠬᠦᠨᠳᠦᠳᠬᠡᠨ ᠨᠡᠷᠡᠯᠡᠵᠤ᠂ | ᠠᠶᠢᠯ ᠬᠤᠳᠠ ᠪᠠᠷ ᠢᠶᠠᠨ ᠡᠷᠬᠢᠮᠯᠡᠨ ᠰᠢᠳᠦᠭᠰᠡᠨ ᠭᠡᠨᠡ᠃ | | | ᠪᠠᠶᠠᠨ ᠪᠤᠷᠤᠯᠵᠢ ᠬᠠᠨ ᠠᠭᠤᠯᠨ | | | ᠪᠠᠶᠠᠨ ᠪᠤᠷᠤᠯᠵᠢ ᠬᠠᠨ ᠠᠭᠤᠯᠨ ᠪᠤᠯ ᠤᠡᠭᠭᠤᠨ ᠮᠤᠳᠤ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠶᠢᠷᠢᠰᠢᠵᠤ ᠪᠦᠬᠦᠢ | ᠬᠤᠰᠢᠭᠤᠨ ᠲᠠᠬᠢᠯᠭᠠ ᠲᠠᠢ ᠠᠭᠤᠯᠨ ᠪᠤᠯᠤᠨᠠ᠃ ᠪᠠᠶᠠᠨ ᠪᠤᠷᠤᠯᠵᠢ ᠬᠠᠨ ᠠᠭᠤᠯᠨ ᠨᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠴᠢᠭᠯᠡᠯ | ᠲᠠᠢ᠂ ᠤᠷᠲᠤ ᠪᠠᠷ ᠢᠶᠠᠨ 2 ᠺᠢᠯᠤᠮᠧᠲᠷ᠂ ᠦᠷᠭᠡᠨ ᠢᠶᠠᠷ ᠢᠶᠠᠨ 3 ᠺᠢᠯᠤᠮᠧᠲᠷ᠂ ᠳᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ | 849.2 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠤᠢ᠃ ᠬᠠᠵᠠᠭᠤ ᠬᠠᠪᠢ ᠪᠠᠷ ᠨᠢ ᠳᠤᠪᠤ ᠳᠤᠪᠤᠴᠠᠭ ᠵᠠᠯᠭᠠᠯᠳᠤᠵᠤ᠂ ᠡᠪᠡᠰᠦ ᠪᠡᠯᠴᠢᠭᠡᠷ | ᠦᠡᠭ ᠰᠢᠮᠡᠯᠢᠭ᠂ ᠢᠭ᠌ᠴᠢ ᠵᠤᠵᠠᠭᠠᠨ ᠤᠢ ᠤᠷᠭᠤᠮᠠᠯ ᠲᠠᠢ᠃ | ᠠᠩᠬᠠ ᠤᠷᠢᠲᠤ ᠠᠴᠠ ᠪᠠᠨ ᠦᠷᠭᠡᠨ ᠲᠡᠨᠢᠭᠡᠷ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠤ ᠨᠢ ᠤᠶᠢᠷᠠ ᠬᠠᠪᠢ ᠶᠢᠨ ᠬᠦᠮᠦᠰ | ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠵᠤ ᠢᠷᠡᠵᠡᠢ᠃ 1933 ᠤᠨ ᠳᠤ ᠬᠤᠰᠢᠭᠤ ᠸᠠᠩ ᠤᠨ ᠤᠷᠳᠤᠨ ᠤᠡᠭᠭᠤᠨ ᠮᠤᠳᠤ ᠶᠢᠨ ᠠᠷᠤ᠂ | ᠤᠦ ᠮᠦᠷᠡᠨ ᠤ ᠡᠬᠢᠨ ᠳᠤ ᠨᠡᠭᠦᠨ ᠢᠷᠡᠭᠰᠡᠨ ᠢᠶᠠᠷ ᠪᠠᠶᠠᠨ ᠪᠤᠷᠤᠯᠵᠢ ᠶᠢ ᠬᠤᠰᠢᠭᠤ ᠵᠠᠰᠠᠭ ᠤᠨ ᠲᠠᠬᠢᠯᠭᠠ ᠲᠠᠢ | ᠠᠭᠤᠯᠨ ᠪᠤᠯᠭᠠᠵᠠᠢ᠃ ᠲᠤᠶᠢᠩᠬᠤᠷ ᠭᠡᠭᠡᠨ ᠣᠪᠣᠭᠠ ᠶᠢᠨ ᠱᠦᠩ ᠢ ᠪᠦᠳᠦᠭᠡᠨ ᠲᠠᠷᠣᠵᠠᠢ᠃ ᠪᠢᠯᠢᠭ ᠤᠨ ᠲᠠᠪᠣᠨ | ᠰᠠᠷᠠ ᠶᠢᠨ ᠦᠯᠵᠡᠶᠢᠳᠤ ᠡᠳᠦᠷ ᠢ ᠰᠤᠩᠭᠤᠨ ᠲᠠᠬᠢᠳᠠᠭ᠃ | ᠪᠠᠶᠠᠨ ᠪᠣᠷᠣᠯᠵᠢ ᠬᠠᠨ ᠠᠭᠤᠯᠠ ᠶᠢ ᠲᠠᠬᠢᠬᠤ ᠳᠤ ᠬᠤᠰᠢᠭᠤ ᠸᠠᠩ ᠬᠢᠭᠡᠳ ᠭᠡᠭᠡᠨ᠂ ᠨᠤᠶᠠᠨ ᠰᠦᠮᠡ ᠶᠢᠨ | ᠵᠢᠷᠭᠤᠭᠠᠨ ᠯᠠᠮᠠ᠂ ᠪᠣᠶᠢᠳᠠ ᠨᠠᠷ ᠤᠷᠤᠯᠴᠠᠨᠠ᠃ ᠬᠠᠨ ᠠᠭᠤᠯᠠ ᠪᠠᠨ ᠬᠤᠨᠢ ᠪᠠᠷ ᠲᠠᠬᠢᠵᠣ᠂ ᠠᠭᠤᠯᠠ ᠶᠢᠨ ᠰᠠᠩ | ᠢ ᠨᠢ ᠤᠩᠰᠢᠳᠠᠭ᠃ | ᠲᠠᠬᠢᠯᠭᠠ ᠪᠠᠨ ᠭᠦᠢᠴᠡᠳᠬᠡᠪᠡᠯ ᠵᠡᠭᠦᠨᠰᠢ ᠪᠠᠭᠤᠵᠣ ᠣᠩᠭᠤᠨ ᠮᠣᠳᠤ ᠪᠠᠨ ᠲᠠᠬᠢᠨᠠ᠃ ᠲᠠᠬᠢᠯᠭᠠ ᠶᠢᠨ ᠮᠣᠳᠤ | ᠨᠢ ᠵᠢᠷᠭᠤᠭᠠᠨ ᠬᠦᠮᠦᠨ ᠲᠡᠪᠡᠷᠢᠭᠡᠳ ᠪᠠᠭᠳᠠᠬᠤ ᠦᠭᠡᠢ᠃ ᠣᠩᠭᠤᠨ ᠮᠣᠳᠤᠨ ᠤ ᠡᠮᠦᠨᠡ ᠬᠦᠮᠦᠨ ᠤ ᠬᠡᠯᠪᠡᠷᠢ ᠲᠠᠢ | ᠲᠣᠮᠣ ᠴᠢᠯᠠᠭᠤ ᠲᠠᠯᠪᠢᠳᠠᠭ᠃ ᠡᠭᠦᠨ ᠢ ᠴᠠᠭᠠᠨ ᠡᠪᠦᠭᠡᠨ ᠭᠡᠵᠤ ᠬᠦᠨᠳᠦᠳᠬᠡᠳᠡᠭ᠃ ᠤᠩᠭᠤᠨ ᠮᠣᠳᠤ ᠶᠢ ᠬᠤᠨᠢ | ᠪᠣᠶᠣ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠲᠠᠬᠢᠨᠠ᠃ ᠲᠠᠬᠢᠯᠭᠠ ᠶᠢᠨ ᠰᠠᠩ ᠣᠩᠰᠢᠨᠠ᠃ | ᠮᠤᠳᠤᠨ ᠤ ᠲᠤᠮᠳᠠ ᠮᠠᠶᠢᠬᠠᠨ ᠪᠣᠰᠬᠠᠵᠤ ᠨᠠᠶᠢᠷ ᠬᠢᠨᠡ᠃ ᠨᠠᠶᠢᠷ ᠲᠤ ᠬᠤᠰᠢᠭᠤᠨ ᠤ ᠨᠡᠷᠡ ᠴᠣᠤᠳᠤ | ᠪᠦᠬᠡᠴᠤᠳ ᠬᠦᠷᠦᠯᠴᠡᠨ ᠢᠷᠡᠵᠤ ᠪᠠᠷᠢᠯᠳᠤᠳᠠᠭ᠃ ᠣᠪᠣᠭᠠ ᠬᠠᠭᠠᠨ ᠰᠦᠮᠡ ᠶᠢᠨ ᠡᠷᠬᠢᠮᠪᠠᠶᠠᠷ᠂ ᠬᠦᠷᠡᠯᠡᠤᠩᠭᠤᠳ | ᠨᠠᠷ ᠲᠡᠷᠢᠭᠦᠯᠡᠵᠤ ᠪᠠᠶᠢᠪᠠ᠃ ᠨᠠᠶᠢᠷ ᠤᠨ ᠪᠦᠬᠡᠴᠤᠳ ᠢ ᠣᠪᠣᠭᠠ ᠶᠢᠨ ᠬᠡᠰᠢᠭ ᠢᠶᠠᠷ ᠱᠠᠩᠨᠠᠨᠠ᠃ ᠪᠠᠰᠠ ᠮᠤᠷᠢ | ᠤᠷᠤᠯᠳᠣᠨ᠂ ᠬᠡᠤᠬᠡᠳ ᠢ ᠪᠦᠬᠡ ᠪᠠᠷᠢᠯᠳᠤᠭᠤᠯᠤᠨ ᠪᠣᠤᠪᠤ ᠪᠣᠭᠤᠷᠰᠤᠭ ᠢᠶᠠᠷ ᠱᠠᠩᠨᠠᠳᠠᠭ᠃ | ᠪᠠᠶᠠᠨ ᠪᠣᠷᠣᠯᠵᠢ ᠬᠠᠨ ᠠᠭᠤᠯᠠ ᠶᠢᠨ ᠮᠣᠳᠤ ᠰᠢᠭᠤᠢ ᠶᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠣᠭᠳᠣᠯᠵᠣ ᠰᠦᠢᠳᠬᠡᠬᠦ | ᠶᠢ ᠴᠡᠭᠡᠷᠯᠡᠨᠡ᠃ ᠵᠢᠯ ᠪᠦᠷᠢ ᠶᠢᠨ ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠠᠯᠤᠰ ᠠᠴᠠ ᠪᠣᠳᠠ ᠪᠤᠷᠭᠠᠰᠤ ᠡᠭᠦᠷᠴᠦ ᠭᠠᠷᠣᠭᠠᠳ | ᠣᠪᠣᠭᠠ ᠪᠠᠨ ᠴᠢᠮᠡᠭᠯᠡᠳᠡᠭ᠃ | 1945 ᠣᠨ ᠳᠤ ᠳᠠᠬᠢᠯᠭᠠ ᠨᠢ ᠵᠤᠭᠰᠤᠪᠠ᠃ ᠲᠦᠷᠦᠭᠦᠦ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠠᠴᠠ ᠰᠡᠭᠦᠯᠡᠷ | ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠴᠢᠯᠦᠭᠡᠲᠡᠢ ᠪᠤᠯᠤᠭᠰᠠᠨ ᠢᠶᠠᠷ ᠲᠠᠬᠢᠯᠭᠠ ᠶᠢ ᠨᠢ ᠰᠡᠷᠭᠦᠭᠡᠵᠤ᠂ ᠵᠢᠯ ᠪᠦᠷᠢ ᠲᠠᠬᠢᠯᠭᠠ | ᠶᠠᠪᠤᠭᠤᠯᠬᠤ ᠶᠢ ᠪᠠᠷᠢᠮᠳᠠᠯᠠᠪᠠ᠃ | ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠲᠤ ᠦᠢᠷᠠ ᠲᠦᠭᠦᠮ ᠤᠨ ᠭᠠᠴᠠᠭᠠᠨ ᠤ ᠮᠠᠯᠴᠢᠳ ᠬᠦᠷᠦᠯᠴᠡᠨ ᠢᠷᠡᠵᠤ | ᠬᠠᠮᠳᠤᠪᠡᠷ ᠢᠶᠠᠨ ᠲᠠᠬᠢᠯᠭᠠ ᠭᠦᠢᠴᠡᠳᠬᠡᠨ᠂ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢᠶᠠᠷ ᠭᠤᠤᠯ ᠪᠤᠯᠭᠠᠨ ᠨᠠᠶᠢᠷ ᠨᠠᠭᠠᠳᠤᠮ | ᠡᠷᠬᠢᠯᠡᠳᠡᠭ᠃ ᠲᠠᠬᠢᠯᠭᠠ ᠨᠢ ᠤᠪᠤᠭᠠᠨ ᠳᠤ ᠡᠷᠬᠦᠭᠰᠡᠨ ᠴᠠᠭᠠᠨ ᠢᠳᠡᠭᠡᠨ ᠵᠡᠷᠭᠡ ᠪᠠᠷ ᠨᠠᠶᠢᠷ ᠤᠨ ᠱᠠᠩᠨᠠᠯ ᠪᠤᠯᠭᠠᠵᠤ᠂ | ᠭᠤᠤᠯᠯᠠᠨ ᠡᠷᠬᠢᠯᠡᠭᠰᠡᠨ ᠡᠵᠡᠳ ᠠᠴᠠ ᠨᠠᠶᠢᠷ ᠤᠨ ᠠᠯᠢᠪᠠ ᠤᠴᠢᠷ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠳᠠᠭ᠃ | | | ᠪᠠᠶᠠᠨ ᠵᠢᠷᠦᠬᠡ ᠬᠠᠨ ᠠᠭᠤᠯᠠ | | | ᠪᠠᠶᠠᠨ ᠵᠢᠷᠦᠬᠡ ᠬᠠᠨ ᠠᠭᠤᠯᠠ ᠣᠤᠯ ᠨᠢ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠲᠠᠬᠢᠯᠭᠠ ᠶᠢᠨ ᠠᠭᠤᠯᠠ ᠪᠣᠯᠣᠨᠠ | ᠃ ᠠᠷᠣ ᠵᠠᠬᠠ ᠶᠢᠨ ᠭᠤᠷᠪᠠᠨ ᠲᠠᠬᠢᠯᠭᠠ ᠲᠠᠢ ᠠᠭᠤᠯᠠ ᠶᠢᠨ ᠪᠠᠷᠠᠭᠤᠨ ᠵᠠᠬᠠ ᠠᠭᠤᠯᠠ ᠨᠢ ᠪᠢᠯᠡ᠃ ᠲᠠᠯᠠᠢ ᠶᠢᠨ | ᠲᠦᠪᠰᠢᠨ ᠠᠴᠠ 1511 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠤᠢ᠃ | ᠵᠢᠯ ᠪᠦᠷᠢ ᠶᠢᠨ ᠰᠠᠶᠢᠬᠠᠨ ᠴᠠᠭ ᠲᠤ ᠲᠤᠬᠢᠶᠠᠯᠳᠣᠭᠤᠯᠣᠨ ᠲᠠᠬᠢᠯᠭᠠ ᠬᠢᠳᠡᠭ᠃ ᠪᠠᠶᠠᠨ ᠵᠢᠷᠦᠬᠡ ᠬᠠᠨ | ᠠᠭᠤᠯᠠ ᠶᠢ ᠲᠠᠬᠢᠬᠤ ᠳᠤ ᠳ᠋ᠢᠸᠠ ᠭᠡᠭᠡᠨ ᠤ ᠵᠤᠬᠢᠶᠠᠭᠰᠠᠨ ︽ᠪᠠᠶᠠᠨ ᠵᠢᠷᠦᠬᠡ ᠬᠠᠨ ᠠᠭᠤᠯᠠ ᠶᠢᠨ ᠮᠠᠭᠳᠠᠭᠠᠯ ᠰᠠᠩ︾ | ᠢ ᠣᠩᠰᠢᠨᠠ᠃ ᠡᠨᠡ ᠠᠭᠤᠯᠠ ᠤᠳᠤ ᠵᠡᠬᠦᠨ ᠪᠠᠭᠠᠷᠢᠨ ᠳᠤ ᠵᠢᠷᠣᠭᠯᠠᠭᠳᠠᠵᠠᠢ᠃ | | | ᠰᠢᠷᠠ ᠦᠨᠳᠦᠷ ᠬᠠᠨ ᠠᠭᠤᠯᠠ | | | ᠰᠢᠷᠠ ᠦᠨᠳᠦᠷ ᠬᠠᠨ ᠠᠭᠤᠯᠠ ᠪᠤᠯ ᠠᠩᠬᠠ ᠡᠷᠳᠡ ᠠᠴᠠ ᠬᠤᠰᠢᠭᠤ ᠸᠠᠩ ᠤᠨ ᠲᠠᠬᠢᠯᠭᠠ ᠲᠠᠢ ᠶᠤᠮ᠃ | ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 1358 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠤᠢ᠃ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠰᠠᠪᠳᠠᠭ ᠨᠢ ᠬᠡᠴᠡᠭᠦᠦ | ᠲᠤᠭᠰᠢᠨ ᠪᠦᠭᠡᠳ ᠠᠭᠤᠯᠠ ᠬᠠᠳᠠ᠂ ᠤᠢ ᠰᠢᠭᠤᠢ ᠲᠠᠢ ᠨᠢ ᠬᠠᠯᠳᠠᠪᠠᠯ ᠬᠠᠷᠢᠭᠤ ᠦᠵᠡᠭᠦᠯᠳᠡᠭ ᠭᠡᠨᠡ᠃ ᠵᠠᠷᠢᠮ | ᠬᠠᠵᠠᠭᠤ ᠬᠠᠪᠢ ᠶᠢᠨ ᠬᠦᠮᠦᠰ ᠴᠡᠭᠡᠷ ᠶᠤᠰᠤ ᠶᠢ ᠦᠯᠦ ᠤᠶᠢᠰᠢᠶᠠᠨ ᠮᠤᠳᠤ ᠤᠷᠭᠤᠮᠠᠯ ᠲᠠᠢ ᠨᠢ ᠬᠠᠯᠳᠠᠭᠠᠳ ᠭᠠᠢ | ᠪᠠᠷᠴᠢᠳ ᠲᠤᠬᠢᠶᠠᠯᠳᠤᠵᠤ ᠪᠠᠶᠢᠭᠰᠠᠨ ᠭᠡᠨᠡ᠃ | ᠨᠢᠭᠡᠨ ᠤᠳᠠᠭᠠ ᠶᠧᠰᠢ ᠭᠡᠭᠴᠢ ᠬᠦᠮᠦᠨ ᠰᠢᠷᠠ ᠦᠨᠳᠦᠷ ᠠᠭᠤᠯᠠᠨ ᠳᠤ ᠦᠬᠡᠷ ᠲᠡᠷᠭᠡᠨ ᠤ ᠲᠡᠩᠬᠡᠯᠢᠭ ᠤᠨ | ᠮᠤᠳᠤ ᠠᠪᠬᠤ ᠪᠠᠷ ᠶᠠᠪᠤᠵᠠᠢ᠃ ᠦᠬᠡᠷ ᠲᠡᠷᠭᠡ ᠪᠠᠷ ᠶᠠᠪᠤᠭᠰᠠᠨ ᠤ ᠤᠴᠢᠷ ᠠᠭᠤᠯᠠᠨ ᠳᠤ ᠪᠠᠨ ᠬᠦᠷᠬᠦ ᠳᠤ ᠡᠳᠦᠷ | ᠤᠨ ᠴᠠᠭ ᠬᠡᠷᠡᠭᠰᠡᠪᠡ᠃ ︽ᠵᠠ᠂ ᠶᠠᠭᠤ ᠪᠤᠯᠤᠭᠰᠠᠨ ᠴᠦ ᠠᠭᠤᠯᠠᠨ ᠳᠤ ᠪᠠᠨ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠶᠤᠮ ᠴᠢᠨᠢ | ᠤᠨᠤᠭᠠ ᠬᠦᠯᠦᠰᠢ ᠪᠠᠨ ᠠᠮᠢᠰᠬᠤᠭᠠᠭᠠᠳ ᠠᠯᠢ ᠦᠵᠡᠵᠤ ᠲᠤᠭᠤᠭᠰᠠᠨ ᠮᠤᠳᠤ ᠪᠠᠨ ᠠᠪᠤᠶᠠ︕︾ ᠭᠡᠳ ᠬᠤᠨᠤᠭ | ᠪᠤᠯᠪᠠ ᠭᠡᠨᠡ᠃ | ᠶᠧᠰᠢ ᠦᠬᠡᠷ ᠢᠶᠠᠨ ᠪᠤᠳᠠᠨ ᠤ ᠨᠦᠮᠦᠷᠢ ᠤᠶᠠᠵᠤ ᠲᠡᠷᠭᠡᠨ ᠤ ᠪᠠᠨ ᠲᠡᠷᠭᠡᠳᠡ ᠢᠰᠡᠭᠡᠢ ᠪᠠᠨ ᠲᠡᠪᠢᠰᠴᠤ | ᠤᠨᠳᠠᠵᠠᠢ᠃ ᠶᠠᠭ ᠰᠠᠶᠢᠬᠠᠨ ᠠᠮᠳᠠᠳᠠᠶᠢᠬᠠᠨ ᠤᠨᠳᠠᠵᠤ ᠪᠠᠶᠢᠳᠠᠯᠠ ᠬᠠᠴᠢᠨ ᠵᠡᠭᠦᠳᠦ ᠤᠷᠤᠵᠠᠢ᠃ ᠨᠢᠭᠡᠨ ᠦᠨᠳᠦᠷ | ᠪᠡᠶᠡ ᠲᠠᠢ᠂ ᠪᠤᠷᠪᠢ ᠳᠤ ᠪᠠᠨ ᠲᠤᠯᠤᠮᠠ ᠦᠨᠳᠦᠷ ᠭᠡᠵᠢᠭᠡ ᠲᠠᠢ ᠡᠷᠡ ᠲᠠᠰᠢᠭᠤᠷ ᠠᠳᠬᠤᠨ ᠬᠠᠵᠠᠭᠤ ᠳᠤ ᠨᠢ | ᠢᠷᠡᠭᠡᠳ᠄ ︽ᠴᠢ ᠬᠠᠷᠢᠨ ᠮᠢᠨᠤ ᠠᠭᠤᠯᠠᠨ ᠤ ᠮᠤᠳᠤ ᠶᠢ ᠲᠤᠷᠠ ᠪᠠᠷ ᠢᠶᠠᠨ ᠤᠭᠳᠤᠯᠬᠤ ᠰᠠᠨᠠᠭᠠ ᠲᠠᠢ᠂ ᠤᠳᠤ ᠪᠠᠷ | ᠢᠶᠠᠨ ᠲᠡᠷᠭᠡ ᠪᠠᠨ ᠬᠦᠯᠦᠭᠡᠳ ᠶᠠᠪᠤ︕︾ ᠭᠡᠵᠤ ᠲᠠᠰᠢᠭᠤᠷ ᠲᠠᠯᠠᠶᠢᠨ ᠵᠠᠩᠳᠣᠷᠴᠠᠢ᠃ | ᠶᠧᠰᠢ ᠰᠠᠶ᠋ᠢ ᠶᠢᠨ ᠵᠡᠭᠦᠳᠦᠨ ᠠᠴᠠ ᠪᠠᠨ ᠲᠤᠭᠭᠢᠨ ᠰᠡᠷᠢᠭᠡᠳ ᠨᠠᠭᠠᠰᠢ ᠴᠠᠭᠠᠰᠢ ᠠᠵᠢᠭᠯᠠᠨ ᠦᠵᠡᠪᠡᠯ ᠶᠠᠭᠤ | ᠴᠦ ᠦᠭᠡᠢ᠂ ᠪᠤᠳᠠᠨ ᠤ ᠨᠦᠮᠦᠷᠢ ᠬᠡᠪᠳᠡᠭᠰᠡᠨ ᠦᠬᠡᠷ ᠨᠢ ᠲᠡᠷᠡ ᠬᠡᠪ ᠢᠶᠠᠷ ᠢᠶᠠᠨ ᠪᠠᠶᠢᠪᠠ᠃ ᠲᠦᠷᠪᠡᠨ ᠵᠦᠭ ᠢ | ᠠᠵᠢᠭᠯᠠᠨ ᠠᠵᠢᠶᠠᠷᠠᠪᠠᠯ ᠬᠠᠴᠢᠨ ᠰᠤᠨᠢᠨ ᠶᠠᠭᠤᠮᠠ ᠢᠯᠡᠷᠡᠭᠰᠡᠨ ᠦᠭᠡᠢ ᠭᠡᠨᠡ᠃ ᠲᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠪᠠᠰᠠ | ᠯᠠ ᠲᠤᠭᠭᠢᠪᠠ᠃ ᠠᠩᠬᠠᠨ ᠤ ᠡᠷᠡ ᠲᠠᠰᠢᠭᠤᠷ ᠲᠠᠯᠠᠶᠢᠨ ᠢᠷᠡᠭᠡᠳ᠄ ︽ᠴᠢᠮᠠᠢᠢ ᠶᠠᠪᠤ ᠭᠡᠬᠦᠯᠡᠷ ᠶᠠᠭᠤᠨ ᠳᠤ ᠶᠠᠪᠤᠬᠤ | ᠦᠭᠡᠢ ᠶᠤᠮ︖ ᠮᠤᠳᠤ ᠤᠷᠭᠤᠮᠠᠯ ᠳᠤ ᠰᠠᠨᠠᠭᠠᠷᠬᠠᠬᠤ ᠬᠡᠷᠡᠭ ᠦᠭᠡᠢ︕︾ ᠭᠡᠵᠤ ᠬᠡᠯᠡᠬᠦᠯᠡᠷ ᠶᠧᠰᠢ ᠪᠠᠰᠠ ᠯᠠ | ᠰᠤᠴᠢᠨ ᠰᠡᠷᠢᠪᠡ᠃ ᠲᠡᠷᠡ ᠦᠨᠳᠡᠶᠢᠨ ᠪᠤᠰᠴᠤ ᠨᠠᠭᠠᠰᠢ ᠴᠠᠭᠠᠰᠢ ᠠᠵᠢᠭᠯᠠᠪᠠᠯ ᠶᠠᠭᠤ ᠴᠦ ᠬᠠᠷᠠᠭᠳᠠᠬᠤ ᠦᠭᠡᠢ᠂ | ᠤᠢ ᠮᠤᠳᠤ ᠯᠠ ᠬᠠᠶᠠ ᠵᠢᠪᠠᠷ ᠲᠤ ᠱᠠᠷᠴᠢᠭᠢᠨᠠᠨᠠ᠃ | ︽ᠸᠠᠱᠢ᠂ ᠰᠢᠷᠠ ᠦᠨᠳᠦᠷ ᠠᠭᠤᠯᠠᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠨᠠᠮᠠᠢᠢ ᠬᠦᠭᠡᠭᠡᠵᠤ ᠴᠦ ᠪᠠᠶᠢᠬᠤ ᠶᠤᠮ ᠤᠤ︖︾ | ᠭᠡᠰᠡᠨ ᠶᠧᠰᠢ ᠰᠡᠵᠢᠭ ᠲᠦᠷᠦᠭᠰᠡᠨ ᠪᠤᠯᠪᠠᠴᠤ᠄ ︽ᠬᠠᠷᠠᠩᠭᠤᠢ ᠰᠦᠨᠢ ᠬᠠᠮᠢᠭᠠ ᠶᠠᠪᠤᠬᠤ ᠪᠤᠢ︖ ᠨᠠᠷᠠ | ᠭᠠᠷᠤᠭᠰᠠᠨ ᠬᠤᠶᠢᠨᠠ ᠪᠤᠯᠤᠶᠠ︕︾ ᠭᠡᠳ ᠲᠠᠬᠢᠭᠠᠳ ᠤᠨᠳᠠᠭᠰᠠᠨ ᠭᠡᠨᠡ᠃ ᠲᠡᠮᠡᠢ ᠤᠳᠠᠯ ᠦᠭᠡᠢ ᠦᠨᠦ ᠡᠷᠡ | ᠲᠤᠯᠤᠭᠠᠢ ᠳᠤ ᠨᠢ ᠲᠠᠰᠢᠭᠤᠷ ᠢᠶᠠᠨ ᠲᠤᠯᠭᠠᠵᠤ᠄ ︽ᠴᠢᠮᠠᠢᠢ ᠶᠠᠪᠤ ᠭᠡᠬᠦᠯᠡᠷ ᠬᠡᠳᠦᠢ ᠪᠤᠷᠤᠩᠬᠤᠢ ᠶᠤᠮ︖ ᠤᠳᠤ | ᠪᠠᠷ ᠢᠶᠠᠨ ᠶᠠᠪᠤᠬᠤ ᠦᠭᠡᠢ ᠪᠤᠯ ᠲᠠᠰᠢᠭᠤᠷ ᠪᠠᠭᠤᠯᠭᠠᠯᠠ︕︾ ᠭᠡᠵᠠᠢ᠃ ᠶᠧᠰᠢ ᠵᠡᠭᠦᠳᠦᠨ ᠠᠴᠠ ᠪᠠᠨ ᠰᠤᠴᠢᠨ | ᠰᠡᠷᠢᠭᠡᠳ᠄ ︽ᠬᠠᠰᠢ ᠯᠠ ᠠᠭᠤᠯᠠᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠬᠦᠭᠡᠭᠡᠵᠤ ᠪᠤᠢ᠂ ᠦᠭᠡᠷᠡ ᠭᠠᠵᠠᠷ ᠠᠴᠠ ᠲᠡᠩᠬᠡᠯᠢᠭ | ᠠᠪᠤᠶᠠ︾ ᠭᠡᠳ ᠦᠬᠡᠷ ᠢᠶᠠᠨ ᠬᠦᠯᠵᠤ ᠠᠭᠤᠯᠠ ᠶᠢᠨ ᠬᠠᠵᠠᠭᠤ ᠪᠠᠷ ᠪᠠᠭᠤᠳᠠᠯᠠ ᠦᠬᠡᠷ ᠨᠢ ᠪᠦᠳᠦᠷᠢᠵᠠᠢ᠃ ᠶᠧᠰᠢ | ᠤᠪᠠᠶᠢᠨ ᠳᠤ ᠦᠭᠡᠢ ᠦᠬᠡᠷ ᠲᠤ ᠪᠠᠨ ᠲᠠᠷᠤᠭᠳᠠᠨ ᠬᠦᠯ ᠢᠶᠠᠨ ᠪᠡᠷᠳᠡᠭᠰᠡᠨ ᠭᠡᠨᠡ᠃ | ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠬᠠᠵᠠᠭᠤ ᠬᠠᠪᠢ ᠶᠢᠨ ᠬᠦᠮᠦᠰ ᠰᠢᠷᠠ ᠦᠨᠳᠦᠷ ᠠᠭᠤᠯᠠ ᠲᠠᠢ ᠬᠠᠯᠳᠠᠬᠤ ᠶᠢ | ᠴᠡᠭᠡᠷᠯᠡᠨ ᠵᠢᠯ ᠪᠦᠷ ᠶᠢᠨ ᠪᠢᠯᠢᠭ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠵᠢᠷᠭᠤᠭᠠᠨ ᠳᠤ ᠲᠠᠬᠢᠳᠠᠭ ᠪᠦᠭᠡᠳ | ᠲᠠᠬᠢᠯᠭᠠ ᠶᠢᠨ ᠶᠤᠰᠤ ᠭᠤᠷᠢᠮ ᠢ ᠦᠭᠡ ᠲᠠᠭᠤᠨ ᠦᠭᠡᠢ ᠲᠠᠭᠠᠳᠠᠭ ᠪᠤᠯᠪᠠ᠃ ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠯ ᠲᠠᠢ | ᠰᠢᠷᠠ ᠦᠨᠳᠦᠷ ᠠᠭᠤᠯᠠ ᠶᠢᠨ ᠲᠠᠬᠢᠯᠭᠠ ᠶᠢᠨ ᠬᠡᠪᠴᠢᠶᠡ ᠨᠢ ᠦᠷᠭᠡᠵᠢᠨ ᠰᠢᠳᠦᠨ ᠪᠢᠰᠢᠷᠡᠭᠴᠢᠳ ᠤᠯᠠᠳᠠᠭᠰᠠᠭᠠᠷ | ᠪᠢᠯᠡ᠃ | | ᠬᠠᠯᠠᠭᠠᠶᠢᠳᠣ ᠬᠠᠨ ᠠᠭᠤᠯᠠ | | | ᠬᠠᠯᠠᠭᠠᠶᠢᠳᠦ ᠬᠠᠨ ᠠᠭᠤᠯᠠ ᠪᠣᠯ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤ ᠸᠠᠩ ᠤᠨ ᠲᠠᠬᠢᠯᠭᠠᠳᠤ ᠠᠭᠤᠯᠠ ᠪᠣᠯᠣᠨᠠ᠃ | ᠲᠠᠯᠠᠢ ᠶᠢᠨ ᠲᠦᠪᠰᠢᠨ ᠠᠴᠠ 576.2 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠤᠢ᠃ ᠰᠠᠶᠢᠬᠠᠨ ᠲᠠᠯᠠ ᠰᠤᠮᠤ ᠶᠢᠨ ᠴᠠᠪᠢᠨᠳᠠᠯᠠ | ᠭᠠᠴᠠᠭᠠᠨ ᠤ ᠪᠠᠷᠠᠭᠤᠨ ᠳᠤ ᠪᠠᠶᠢᠭᠠ ᠦᠨᠳᠦᠷ ᠰᠦᠷᠯᠢᠭ ᠠᠭᠤᠯᠠ ᠶᠢ ᠬᠦᠮᠦᠰ ︽ᠬᠠᠯᠠᠭᠠᠶᠢᠳᠦ ᠬᠠᠨ ᠠᠭᠤᠯᠠ︾ | ᠭᠡᠵᠤ᠂ ᠠᠭᠤᠯᠠᠨ ᠤ ᠬᠠᠵᠠᠭᠤ ᠬᠠᠪᠢ ᠪᠠᠷ ᠨᠢ ᠬᠠᠯᠠᠭᠠᠢ ᠶᠡᠭᠡ ᠤᠷᠭᠤᠳᠠᠭ ᠢᠶᠠᠷ ᠨᠢ ᠢᠩᠭᠢᠵᠤ ᠨᠡᠷᠡᠯᠡᠯᠡ ᠭᠡᠵᠤ | ᠨᠤᠮ ᠲᠡᠪᠳᠡᠷ ᠲᠤ ᠲᠠᠶᠢᠯᠪᠤᠷᠢᠯᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ | ᠡᠨᠡ ᠠᠭᠤᠯᠠ ᠶᠢᠨ ᠤᠷᠤᠢ ᠳᠤ ᠵᠤᠭᠰᠤᠨ ᠤᠮᠠᠷᠠᠰᠢ ᠪᠠᠷᠠᠯᠠᠪᠠᠯ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢᠨ ᠬᠠᠷᠢᠶᠠᠨ ᠳᠠᠬᠢ ᠴᠤᠭᠳᠦ | ᠠᠭᠤᠯᠠ ᠲᠤᠳᠤᠬᠠᠨ ᠬᠠᠷᠠᠭᠳᠠᠵᠤ᠂ ᠲᠡᠭᠦᠨ ᠤ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠬᠢ ᠠᠭᠤᠯᠠ ᠨᠢ ᠡᠮᠦᠨᠡᠰᠢ ᠵᠠᠯᠭᠠᠯᠳᠤᠨ | ᠶᠠᠪᠤᠭᠰᠠᠭᠠᠷ ᠬᠠᠯᠠᠭᠠᠶᠢᠳᠦ ᠬᠠᠨ ᠠᠭᠤᠯᠠ ᠲᠠᠢ ᠬᠤᠷᠮᠤᠢ ᠵᠠᠯᠭᠠᠯᠳᠤᠵᠤ᠂ ᠵᠡᠭᠦᠨ ᠲᠠᠯᠠ ᠪᠠᠷ ᠬᠢ ᠠᠭᠤᠯᠠ ᠨᠢ | ᠵᠡᠭᠦᠨ ᠡᠮᠦᠨᠡᠰᠢ ᠰᠤᠨᠤᠯᠵᠠᠨ ᠲᠤᠬᠤᠢ ᠬᠠᠨ ᠠᠭᠤᠯᠠ ᠲᠠᠢ ᠦᠷᠬᠦᠯᠵᠢᠯᠡᠵᠤ ᠬᠠᠯᠭᠠᠶᠢᠳᠦ ᠬᠠᠨ ᠠᠭᠤᠯᠠ ᠶᠢᠨ ᠵᠡᠭᠦᠨ | ᠲᠠᠯᠠ ᠪᠠᠷ ᠡᠮᠦᠨᠡᠰᠢ ᠦᠷᠬᠦᠯᠵᠢᠯᠡᠨᠡ᠃ ᠡᠨᠡ ᠬᠦ ᠠᠭᠤᠯᠠ ᠶᠢᠨ ᠦᠵᠡᠮᠵᠢ ᠶᠢ ᠨᠠᠷᠢᠪᠴᠢᠯᠠᠪᠠᠯ ᠶᠠᠭ ᠯᠠ ᠰᠦᠪᠡᠭᠡ | ᠲᠠᠷᠤᠨ ᠵᠠᠪᠢᠯᠠᠨ ᠰᠠᠭᠤᠭᠰᠠᠨ ᠬᠦᠳᠡᠷ ᠡᠷᠡ ᠰᠢᠭ ᠰᠦᠷᠯᠢᠭ ᠪᠦᠭᠡᠳ ᠠᠭᠤᠳᠠᠮ ᠲᠠᠯᠠ ᠶᠢ ᠬᠤᠮᠤᠷᠭᠠᠯᠠᠵᠤ᠂ ᠬᠠᠬᠢᠷ | ᠤᠨ ᠭᠤᠤᠯ ᠲᠡᠭᠰᠢ ᠰᠠᠶᠢᠬᠠᠨ ᠲᠠᠯᠠ ᠪᠠᠷ ᠮᠤᠷᠤᠯᠵᠠᠨ ᠤᠷᠤᠰᠴᠤ᠂ ᠬᠠᠯᠠᠭᠠᠶᠢᠳᠦ ᠬᠠᠨ ᠠᠭᠤᠯᠠ ᠶᠢ ᠮᠦᠷᠭᠦᠭᠡᠳ | ᠵᠡᠭᠦᠨ ᠡᠮᠦᠨᠡᠰᠢ ᠤᠷᠤᠰᠤᠨᠠ᠃ ᠡᠶᠢᠮᠦᠷᠭᠦᠦ ᠪᠠᠶᠢᠷᠢᠰᠢᠯ ᠨᠢ ᠠᠭᠤᠳᠠᠮ ᠲᠠᠯᠠ ᠶᠢ ᠬᠦᠷᠢᠶᠡᠯᠡᠨ ᠠᠪᠤᠭᠰᠠᠨ ᠪᠦᠭᠡᠳ | ᠬᠠᠯᠠᠭᠠᠶᠢᠳᠦ ᠬᠠᠨ ᠠᠭᠤᠯᠠ ᠨᠢ ᠬᠠᠭᠠᠯᠭᠠ ᠰᠢᠭ᠋ ᠬᠠᠰᠢᠨ ᠠᠪᠤᠭᠰᠠᠨ ᠨᠢ ᠬᠠᠴᠢᠨ ᠰᠤᠨᠢᠷᠬᠠᠯᠳᠠᠢ ᠶᠤᠮ᠃ | | | ᠴᠠᠭᠠᠨ ᠦᠨᠳᠦᠷ ᠬᠠᠨ ᠠᠭᠤᠯᠠ | | | ᠴᠠᠭᠠᠨ ᠦᠨᠳᠦᠷ ᠬᠠᠨ ᠠᠭᠤᠯᠠ ᠶᠢ ᠣᠤᠯ ᠳᠤ ᠪᠠᠨ ᠬᠤᠰᠢᠭᠤ ᠵᠠᠰᠠᠭ ᠠᠴᠠ ᠲᠠᠬᠢᠵᠤ ᠪᠠᠶᠢᠪᠠ᠃ ᠲᠠᠯᠠᠢ | ᠶᠢᠨ ᠲᠦᠪᠰᠢᠨ ᠠᠴᠠ 1423 ᠮᠧᠲᠷ ᠡᠷᠭᠦᠭᠳᠡᠵᠤ ᠪᠣᠢ᠃ ᠴᠠᠭᠠᠨ ᠦᠨᠳᠦᠷ᠂ ᠮᠠᠯᠠᠭᠠ ᠶᠢᠨ ᠲᠠᠪᠠᠭᠠ ᠠᠴᠠ | ᠪᠠᠷᠠᠭᠤᠨ ᠬᠤᠶᠢᠨᠠ ᠪᠤᠷᠭᠠᠰᠤᠳᠠᠢ ᠭᠤᠤᠯ ᠤᠨ ᠪᠠᠷᠠᠭᠤᠨ ᠲᠡᠨᠵᠢᠨ ᠳᠤ ᠪᠠᠶᠢᠷᠢᠰᠢᠯ ᠲᠠᠢ᠃ | 1982 ᠤᠨ ᠳᠤ ᠪᠠᠶ᠋ᠬᠠᠦ᠋ᠨᠳᠦᠷ ᠰᠤᠮᠣ ᠶᠢᠨ ᠮᠠᠯᠴᠢᠳ ᠣᠪᠣᠭᠠ ᠶᠢᠨ ᠲᠠᠬᠢᠯᠭᠠ ᠶᠢ ᠨᠢ ᠰᠡᠷᠭᠦᠭᠡᠵᠤ᠂ ᠵᠢᠯ | ᠪᠦᠷᠢ ᠡᠭᠡᠯᠵᠢ ᠪᠠᠷ ᠲᠠᠬᠢᠵᠤ ᠪᠠᠶᠢᠳᠠᠭ᠃ | | | ᠴᠠᠭᠠᠨ ᠲᠡᠮᠡᠭᠡ ᠬᠠᠨ ᠠᠭᠤᠯᠠ | | | ᠴᠠᠭᠠᠨ ᠲᠡᠮᠡᠭᠡ ᠬᠠᠨ ᠠᠭᠤᠯᠠ ᠨᠢ ᠠᠩᠬᠠ ᠡᠷᠳᠡ ᠳᠤ ᠪᠠᠨ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ | ᠤᠨ ᠲᠠᠬᠢᠯᠭᠠ ᠲᠠᠢ ᠭᠡᠳᠡᠭ᠃ ᠤᠳᠤ ᠠᠷᠣ ᠬᠤᠷᠴᠢᠨ᠂ ᠵᠠᠷᠣᠳ ᠬᠤᠰᠢᠭᠤᠨ ᠤ ᠬᠠᠵᠠᠭᠤ ᠬᠠᠪᠢ ᠶᠢᠨ ᠮᠠᠯᠴᠢᠳ | ᠲᠠᠬᠢᠵᠤ ᠪᠤᠢ᠃ | | | ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠴ᠊ · ᠰᠠᠷᠠᠭᠤᠯ | | |