| ᠮᠠᠨᠵᠦ ᠴᠢᠩ ᠤᠨ ᠦᠶᠡ ᠶᠢᠨ ᠲᠦᠷᠦ ᠭᠡᠷᠡᠯᠳᠤ ᠶᠢᠨ ᠶᠢᠰᠤᠳᠤᠭᠡᠷ ᠤᠨ ︵1829 ᠤᠨ᠂ ᠰᠢᠷᠠᠭᠴᠢᠨ | ᠦᠬᠡᠷ ᠵᠢᠯ︶ ᠳᠤ᠂ ᠪᠠᠯᠴᠢᠷᠤᠳ ᠨᠤᠳᠤᠭ ᠤᠨ ᠵᠡᠭᠦᠨ ᠮᠤᠭᠠᠶᠢᠳᠤ ᠶᠢᠨ ᠰᠢᠷᠠ ᠲᠡᠪᠰᠡᠭᠳᠤ ᠬᠤᠸᠠ ᠶᠢᠨ ᠡᠩᠭᠡᠷ᠂ | ᠰᠦᠮᠡ ᠶᠢᠨ ᠬᠤᠸᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨᠡᠬᠢ ᠬᠢᠷᠠ ᠲᠡᠭᠡᠷᠡ ᠯᠠᠮᠠᠬᠠᠢ ᠶᠢᠨ ᠰᠦᠮᠡ ᠶᠢ ᠪᠠᠶᠢᠭᠤᠯᠵᠠᠢ᠃ ᠲᠤᠬᠠᠢ | ᠶᠢᠨ ᠦᠶᠡ ᠳᠤ ᠯᠠᠮᠠᠬᠠᠢ ᠯᠠᠮᠠ ᠶᠡᠭᠡ ᠪᠠᠶᠠᠨ ᠪᠠᠶᠢᠭᠰᠠᠨ ᠲᠤᠯᠠ ᠪᠠᠯᠴᠢᠷᠤᠳ ᠭᠡᠭᠡᠨ ᠲᠠᠢ ᠮᠦᠴᠡᠷᠬᠡᠵᠦ᠂ ᠰᠦᠮᠡ | ᠬᠡᠶᠢᠳ ᠢᠶᠠᠨ ᠶᠡᠬᠡᠪᠡᠷ ᠦᠷᠭᠡᠳᠭᠡᠨ ᠴᠤᠭᠴᠠᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠰᠦᠮᠡ ᠨᠢ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ | ᠭᠡᠵᠦ ᠬᠤᠯᠠ ᠤᠶᠢᠷᠠ ᠳᠠᠭᠠᠨ ᠠᠯᠳᠠᠷᠰᠢᠵᠦ᠂ ᠯᠠᠮᠠᠬᠠᠢ ᠯᠠᠮᠠ ᠴᠦ ᠦᠷᠭᠡᠨ ᠶᠡᠭᠡ ᠮᠡᠳᠡᠯᠭᠡ ᠡᠷᠳᠡᠮ ᠲᠠᠢ ᠯᠠᠮᠠ | ᠲᠤᠯᠠ ᠠᠯᠤᠰ ᠬᠤᠯᠠ ᠭᠠᠵᠠᠷ ᠤᠷᠤᠨ ᠤ ᠮᠦᠷᠭᠦᠯᠴᠢᠨ ᠦᠭᠯᠢᠭᠡᠴᠢᠨ ᠲᠠᠰᠤᠷᠠᠯ ᠦᠬᠡᠢ ᠴᠤᠪᠤᠷᠠᠯᠳᠤᠨ ᠢᠷᠡᠵᠦ᠂ | ᠡᠨᠡ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ ᠳᠤ ᠮᠦᠷᠭᠦᠨ ᠲᠠᠭᠠᠳᠬᠠᠬᠤ ᠪᠤᠯᠵᠠᠢ᠃ ᠪᠠᠯᠴᠢᠷᠤᠳ ᠤᠨ ᠪᠠᠶᠠᠳ ᠤᠪᠤᠭᠳᠠᠨ ᠤ | ᠰᠦᠯᠳᠡᠪᠠᠭᠠᠳᠤᠷ ᠲᠡᠷᠢᠭᠦᠯᠡᠵᠦ᠂ ᠲᠠᠲ᠋ᠠᠷ᠂ ᠪᠠᠶᠠᠳ᠂ ᠦᠯᠦᠭᠴᠤᠤᠯ᠂ ᠲᠦᠷᠪᠡᠳ᠂ ᠲᠦᠪᠢᠳ ᠵᠡᠷᠭᠡ ᠤᠪᠤᠭᠳᠠᠨ | ᠬᠠᠮᠳᠤᠷᠠᠨ ᠡᠨᠡ ᠰᠦᠮᠡ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠲᠡᠳᠡᠨ ᠢ ︽ᠯᠠᠮᠠᠬᠠᠢ ᠶᠢᠨ ᠲᠠᠪᠤᠨ ᠠᠶᠢᠮᠠᠭ︾ ᠭᠡᠳᠡᠭ᠃ | ᠯᠠᠮᠠᠬᠠᠢ ᠶᠢᠨ ᠰᠦᠮᠡ ᠶᠢᠨ ᠬᠠᠮᠤᠭ ᠠᠩᠬᠠᠨ ᠤ ᠲᠡᠭᠡᠳᠤ ᠯᠠᠮᠠ ᠶᠢ ᠲᠤᠳᠤᠯᠠᠨ ᠵᠠᠯᠠᠬᠤ ᠳᠤ ᠲᠡᠷᠡ ᠯᠠᠮᠠ ᠶᠢᠨ ᠵᠤᠯᠠᠢ | ᠲᠡᠭᠡᠷᠡ ᠨᠢ ᠭᠤᠷᠪᠠᠨ ᠠᠯᠳᠠᠨ ᠦᠰᠤ ᠲᠠᠢ ᠲᠤᠯᠠ᠂ ᠲᠡᠭᠦᠨ ᠢ ᠭᠡᠵᠢᠭᠡᠳᠤ ᠯᠠᠮᠠ ᠭᠡᠵᠦ ᠲᠠᠭᠤᠳᠠᠵᠦ᠂ ᠰᠦᠮᠡ | ᠪᠤᠯᠤᠨ ᠲᠠᠷᠠᠭᠠᠴᠢ ᠶᠢᠨ ᠬᠤᠪᠢᠯᠭᠠᠨ ᠯᠠᠮᠠ ᠶᠢ ᠪᠦᠷ ︽ᠭᠡᠵᠢᠭᠡᠳᠤ ᠯᠠᠮᠠᠬᠠᠢ︾ ᠭᠡᠵᠦ ᠲᠠᠭᠤᠳᠠᠬᠤ ᠪᠤᠯᠵᠠᠢ ①᠃ | ᠡᠨᠡ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ ᠨᠢ ᠠᠯᠤᠰ ᠠᠷᠤ ︽ᠠᠯᠳᠠᠨ ᠭᠠᠳᠠᠰᠤ ᠬᠤᠸᠠ︾ ᠪᠠ ᠲᠡᠭᠦᠨ ᠤ | ᠡᠩᠭᠡᠷ ᠤᠨ ︽ᠦᠨᠳᠤᠷ ᠴᠠᠭᠠᠨ ᠬᠤᠸᠠ︾ ᠪᠠᠷ ᠲᠦᠰᠢᠯᠭᠡ ᠪᠤᠯᠭᠠᠵᠦ᠂ ᠲᠦᠪᠡᠳ ᠮᠠᠶ᠋ᠢᠭ ᠤᠨ ᠭᠤᠤᠯ ᠴᠤᠭᠴᠢᠨ | ᠲᠤᠭᠠᠩ ᠪᠠᠶᠢᠭᠤᠯᠵᠦ᠂ ᠲᠡᠭᠦᠨ ᠤ ᠪᠠᠷᠠᠭᠤᠨ ᠡᠮᠤᠨᠡ ᠭᠡᠭᠡᠨ ᠤᠷᠳᠤᠨ ᠪᠤᠯᠤᠨ ᠨᠢᠵᠢᠭᠡᠳ ᠷᠠᠰᠠᠩ ᠲᠤᠭᠠᠩ | ᠪᠠᠶᠢᠭᠤᠯᠵᠦ᠂ ᠡᠮᠤᠨᠡᠬᠢ ᠵᠢᠵᠢᠭ ᠲᠤᠪᠤᠴᠠᠭ ᠲᠡᠭᠡᠷᠡ ᠪᠠᠨ ᠪᠠᠰᠠ ︽ᠤᠷᠤᠢ ᠶᠢᠨ ᠰᠦᠮᠡ︾ ᠭᠡᠵᠦ ᠪᠠᠶᠢᠭᠤᠯᠪᠠ᠃ | ᠭᠡᠭᠡᠨ ᠰᠠᠩ ᠤᠨ ᠡᠮᠤᠨᠡᠭᠦᠷ 7 — 8 ᠮᠦᠷ ᠯᠠᠮᠠ ᠶᠢᠨ ᠰᠠᠭᠤᠬᠤ ᠭᠡᠷ ᠲᠠᠢ᠂ ᠬᠠᠮᠤᠭ ᠬᠦᠭᠵᠢᠯ ᠪᠠᠳᠠᠷᠠᠯ ᠤᠨ | ᠦᠶᠡ ᠳᠡᠭᠡᠨ 150 ᠭᠠᠷᠤᠢ ᠯᠠᠮᠠ ᠬᠤᠸᠠᠷᠠᠭ ᠲᠠᠢ ᠪᠠᠶᠢᠭᠰᠠᠨ ᠭᠡᠨᠡ᠃ ᠭᠤᠷᠢᠶᠠ ᠶᠢᠨ ᠵᠡᠭᠦᠨ ᠬᠤᠶᠢᠨᠠᠬᠢ ︽ | ᠰᠤᠭᠴᠢᠨ ᠲᠤᠭᠠᠩ︾ ᠤᠨ ᠵᠡᠭᠦᠨ ᠡᠮᠤᠨᠡ ᠲᠠᠯᠠ ᠳᠤ ᠨᠢᠭᠡᠨ ︽ᠴᠠᠭᠠᠨ ᠰᠤᠪᠤᠷᠭᠠ︾ ᠪᠤᠰᠬᠠᠵᠦ ᠪᠢᠯᠠ᠃ ᠵᠠᠷᠢᠮ | ᠨᠠᠰᠤᠳᠠᠳ ᠤᠨ ᠬᠡᠯᠡᠬᠦ ᠪᠠᠷ ᠲᠡᠷᠡᠬᠦ ︽ᠴᠠᠭᠠᠨ ᠰᠤᠪᠤᠷᠭᠠ︾ ᠨᠢ ᠠᠷᠪᠠᠨ ᠭᠤᠷᠪᠠᠨ ᠲᠡᠭᠳᠡᠷ ᠦᠨᠳᠤᠷ ᠰᠤᠪᠤᠷᠭᠠ | ᠪᠠᠶᠢᠭᠰᠠᠨ ᠭᠡᠵᠦ᠂ ᠵᠠᠷᠢᠮ ᠪᠤᠭᠤᠷᠤᠯᠴᠤᠳ ᠤᠨ ᠬᠡᠯᠡᠬᠦ ᠪᠠᠷ ᠬᠡᠯᠪᠡᠷᠢ ᠲᠦᠷᠰᠦ ᠨᠢ ᠪᠡᠭᠡᠵᠢᠩ ᠬᠤᠳᠠ ᠶᠢᠨ ︽ᠪᠸᠢ | ᠬᠠᠢ ᠴᠡᠴᠡᠷᠯᠢᠭ︾ ᠤᠨ ᠴᠠᠭᠠᠨ ᠰᠤᠪᠤᠷᠭᠠ ᠲᠠᠢ ᠠᠳᠠᠯᠢ ᠪᠠᠶᠢᠭᠤᠯᠤᠯᠠ ᠭᠡᠵᠦ ᠬᠡᠯᠡᠯᠴᠡᠳᠡᠭ᠃ ᠡᠨᠡ ᠴᠠᠭᠠᠨ | ᠰᠤᠪᠤᠷᠭᠠ ᠨᠢ ︽ᠰᠢᠷᠠ ᠲᠡᠪᠰᠡᠭᠳᠤ ᠬᠤᠸᠠ︾ ᠶᠢᠨ ᠡᠩᠭᠡᠷ ᠪᠤᠰᠬᠠᠨ ᠪᠠᠶᠢᠭᠤᠯᠤᠭᠰᠠᠨ ᠲᠤᠯᠠ ᠠᠯᠤᠰ ᠬᠤᠯᠠ | ᠠᠯᠳᠠᠢ ᠶᠢᠨ ᠮᠠᠩᠬᠠ ᠶᠢᠨ ᠠᠷᠤ ᠠᠴᠠ ᠪᠤᠶᠤ ᠲᠦᠷᠪᠡᠨ ᠵᠦᠭ ᠨᠢᠢᠮᠠᠨ ᠵᠤᠪᠬᠢᠰ ᠠᠴᠠ ᠬᠢᠯᠠᠰᠤᠨ ᠴᠠᠶᠢᠷᠠᠵᠦ | ᠬᠠᠷᠠᠭᠳᠠᠬᠤ ᠢᠶᠠᠷ ᠬᠦᠮᠤᠰ ︽ᠰᠤᠪᠤᠷᠭᠠ ᠶᠢᠨ ᠭᠤᠷᠢᠶᠠ︾ ᠭᠡᠬᠦ ᠪᠤᠶᠤ ᠬᠤᠵᠢᠮ ᠨᠢ ᠬᠦᠮᠤᠨ ᠬᠠᠷᠠ | ᠤᠯᠠᠰᠢᠷᠠᠭᠰᠠᠨ ᠠᠴᠠ ︽ᠰᠤᠪᠤᠷᠭᠠ ᠶᠢᠨ ᠠᠶᠢᠯ︾ ᠭᠡᠵᠦ ᠨᠡᠷᠡᠯᠡᠬᠦ ᠪᠤᠯᠤᠭᠰᠠᠨ ᠶᠤᠮ ᠭᠡᠨᠡ᠃ | ᠴᠢᠯᠦᠭᠡᠯᠡᠬᠦ ᠠᠴᠠ ᠡᠮᠤᠨᠡ᠂ ᠭᠠᠵᠠᠷ ᠰᠢᠷᠤᠢ ᠶᠢᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠳᠤ ᠰᠤᠪᠤᠷᠭᠠ ᠶᠢᠨ ᠠᠶᠢᠯ | ᠤᠨ ᠬᠡᠳᠤᠨ ᠬᠡᠳᠤᠷᠬᠡᠢ ᠵᠡᠭᠦᠨ ᠤ ᠵᠠᠯᠠᠭᠤᠴᠤᠳ ᠡᠨᠡᠬᠦ ︽ᠴᠠᠭᠠᠨ ᠰᠤᠪᠤᠷᠭᠠ︾ ᠶᠢ ᠡᠪᠳᠡᠨ ᠰᠤᠶᠢᠳᠭᠡᠵᠦ | ᠨᠤᠷᠠᠭᠠᠯᠠ ᠭᠡᠳᠡᠭ᠃ ᠦᠩᠭᠡᠷᠡᠭᠰᠡᠨ ᠤ ᠨᠠᠰᠤᠳᠠᠳ ᠤᠨ ᠬᠠᠭᠤᠴᠢᠯᠠᠬᠤ ᠪᠠᠷ ᠡᠨᠡᠬᠦ ᠴᠠᠭᠠᠨ ᠰᠤᠪᠤᠷᠭᠠ ᠶᠢᠨ ᠢᠷᠤᠭᠠᠷ | ᠲᠤ ᠪᠦᠳᠤᠭᠦᠨ ᠪᠦᠳᠤᠭᠦᠨ ᠭᠠᠩ ᠰᠠᠪᠠᠨ ᠳᠤ ᠪᠦᠷ ᠨᠤᠮ ᠰᠤᠳᠤᠷ ᠬᠠᠳᠠᠭᠠᠯᠠᠨ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠷᠡ ᠦᠶᠡ | ᠳᠤ ᠴᠠᠭᠠᠰᠤ ᠤᠯᠳᠠᠬᠤ ᠦᠬᠡᠢ ᠲᠤᠯᠠ ᠰᠤᠳᠤᠷ ᠨᠤᠮ ᠢ ᠰᠠᠯᠭᠠᠨ ᠵᠠᠳᠠᠯᠵᠦ ᠨᠢᠮᠭᠡᠨ ᠴᠠᠭᠠᠰᠤ ᠪᠤᠯᠭᠠᠵᠦ᠂ ᠲᠠᠩᠰᠠ | ᠬᠠᠷᠠ ᠪᠢᠴᠢᠵᠦ ᠪᠠᠶᠢᠯᠠ ᠭᠡᠳᠡᠭ᠂ ᠬᠠᠮᠤᠭ ᠲᠤᠤᠷᠠᠬᠢ ᠵᠢᠵᠢᠭ ᠭᠠᠩ ᠳᠤᠨᠢ ᠷᠠᠰᠢᠶᠠᠨ ᠤᠰᠤ ᠪᠢᠯᠬᠠᠵᠦ ᠪᠠᠶᠢᠭᠰᠠᠨ | ᠪᠦᠭᠡᠳ ᠨᠢᠭᠡᠨ ᠠᠯᠳᠠᠨ ᠮᠡᠯᠡᠬᠡᠢ ᠤᠰᠤᠨ ᠳᠤᠨᠢ ᠠᠮᠤᠷ ᠲᠠᠶᠢᠪᠤᠩ ᠵᠢᠷᠪᠡᠯᠵᠢᠵᠦ᠂ ᠭᠡᠨᠡᠳᠳᠡ ᠶᠢᠨ ᠡᠪᠳᠡᠯᠭᠡ ᠳᠤ | ᠬᠡᠯᠮᠡᠭᠳᠡᠨ ᠴᠢᠯᠠᠭᠤᠨ ᠭᠠᠩ ᠠᠴᠠ ᠦᠰᠤᠷᠤᠨ ᠭᠠᠷᠴᠦ᠂ ᠬᠠᠭᠤᠷᠠᠢ ᠬᠤᠸᠠ ᠶᠢᠨ ᠬᠠᠮᠢᠭᠠ ᠤᠳᠤᠭᠰᠠᠨ ᠢ ᠮᠡᠳᠡᠬᠦ | ᠦᠬᠡᠢ ᠠᠷᠢᠯᠤᠭᠰᠠᠨ ᠭᠡᠳᠡᠭ ᠪᠢᠯᠠ᠃ ᠲᠡᠭᠦᠨ ᠠᠴᠠ ᠠᠪᠤᠭᠠᠳ ᠡᠨᠡᠬᠦ ᠭᠠᠵᠠᠷ ᠤᠨ ᠬᠡᠶᠢᠮᠤᠷᠢ ᠬᠡᠰᠢᠭ ᠵᠠᠶᠢᠯᠠᠵᠦ᠂ | ᠰᠦᠮᠡ ᠬᠡᠶᠢᠳ ᠤᠨ ᠰᠠᠩ ᠨᠢ ᠴᠦ ᠶᠠᠳᠠᠭᠤᠷᠠᠯᠠ ᠭᠡᠳᠡᠭ ᠶᠤᠮ᠃ | ᠨᠠᠰᠤᠳᠠᠶᠢᠴᠤᠳ ᠤᠨ ᠦᠭᠦᠯᠡᠬᠦ ᠪᠠᠷ᠂ ᠦᠨᠡᠨᠳᠡᠭᠡᠨ ᠯᠠᠮᠠᠬᠠᠢ ᠯᠠᠮᠠ ᠡᠭᠦᠨ ᠠᠴᠠ ᠡᠷᠳᠡ ᠦᠶᠡ ᠳᠤ | ᠪᠠᠯᠴᠢᠷᠤᠳ ᠭᠡᠭᠡᠨ ᠲᠠᠢ ᠮᠦᠴᠡᠭᠡᠷᠬᠡᠵᠦ᠂ ᠨᠤᠮ ᠤᠩᠰᠢᠨ ᠲᠠᠷᠤᠯᠭᠠ ᠭᠦᠷᠦᠮ ᠬᠢᠭᠰᠡᠨ ᠪᠤᠯᠪᠠᠴᠦ ᠪᠠᠯᠴᠢᠷᠤᠳ | ᠭᠡᠭᠡᠨ ᠢ ᠶᠠᠭᠠᠬᠢᠵᠦ ᠴᠦ ᠴᠢᠳᠠᠭᠰᠠᠨ ᠦᠬᠡᠢ ᠪᠤᠯᠬᠤᠷ᠂ ᠡᠨᠡᠬᠦ ᠰᠦᠮᠡ ᠬᠡᠶᠢᠳ ᠢᠶᠠᠨ ᠤᠷᠬᠢᠵᠦ᠂ ᠵᠡᠭᠦᠨ ᠠᠪᠠᠢ | ᠵᠠᠬᠠ ᠠᠭᠤᠯᠠ ᠶᠢᠨ ᠠᠷᠤ᠂ ᠪᠤᠷᠤᠬᠤᠩᠰᠢᠶᠠᠷ ᠤᠨ ᠲᠡᠨᠳᠡ ᠬᠤᠶᠠᠷᠳᠡᠬᠢ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ ᠶᠢ | ᠴᠤᠭᠴᠠᠯᠠᠨ ᠪᠠᠶᠢᠭᠤᠯᠵᠦ᠂ ᠱᠠᠰᠢᠨ ᠰᠢᠳᠤᠭᠡᠨ ᠢ ᠦᠷᠭᠦᠯᠵᠢᠯᠡᠨ ᠲᠡᠯᠭᠡᠷᠡᠭᠦᠯᠵᠦ᠂ ᠰᠢᠨᠡ ᠷᠠᠰᠠᠩ ᠲᠤᠭᠠᠩ | ᠪᠠᠶᠢᠭᠤᠯᠤᠨ ᠬᠦᠴᠦᠯᠡᠨ ᠴᠢᠷᠮᠠᠶᠢᠪᠠ᠃ ᠡᠶᠢᠮᠤ ᠠᠴᠠ ᠲᠡᠷᠡ ᠦᠶᠡ ᠳᠡᠭᠡᠨ ᠬᠦᠮᠤᠰ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ | ᠭᠡᠵᠦ᠂ ᠤᠷᠴᠢᠮ ᠤᠨ ᠠᠭᠤᠯᠠ ᠨᠢᠷᠤᠭᠤᠳ ᠢ ᠨᠢ ︽ᠯᠠᠮᠠᠬᠠᠢ ᠶᠢᠨ ᠠᠭᠤᠯᠠ︾ ᠭᠡᠵᠦ ᠨᠡᠷᠡᠯᠡᠵᠦ᠂ ᠤᠳᠤ ᠪᠤᠯᠬᠤ | ᠳᠤ ᠠᠵᠦ ᠤᠶᠢᠯᠡᠳᠪᠤᠷᠢᠵᠢᠭᠦᠯᠬᠦ ᠭᠡᠳ ᠲᠡᠮᠦᠷᠯᠢᠭ ᠴᠢᠯᠠᠭᠤ ᠮᠠᠯᠳᠠᠵᠦ᠂ ᠯᠠᠮᠠᠬᠠᠢ ᠶᠢᠨ ᠠᠭᠤᠯᠠ ᠶᠢ ︽ᠯᠠᠮᠠ ᠬᠠᠨ | ᠠᠭᠤᠯᠠ︾ ︵喇嘛罕山︶ ᠭᠡᠵᠦ ᠦᠭᠡᠷᠡᠴᠢᠯᠡᠨ ᠲᠠᠭᠤᠳᠠᠬᠤ ᠪᠤᠯᠪᠠ᠃ | ᠲᠠᠶᠢᠨ ᠲᠠᠵᠢᠨ ᠤ ᠤᠶᠢᠮᠡᠭᠡᠨ ᠳᠤ ᠰᠦᠮᠡ ᠨᠢ ᠭᠠᠯᠳᠠᠭᠳᠠᠭᠰᠠᠨ ᠠᠴᠠ ᠯᠠᠮᠠᠬᠠᠢ ᠯᠠᠮᠠ ᠠᠷᠭᠠ ᠦᠬᠡᠢ | ᠬᠤᠶᠠᠷᠳᠡᠬᠢ ᠤᠳᠠᠭᠠᠨ ᠤ ᠪᠠᠶᠢᠭᠤᠯᠤᠭᠰᠠᠨ ᠡᠨᠡᠬᠦ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ ᠪᠠᠨ ᠲᠠᠬᠢᠨᠳᠠ ᠤᠷᠬᠢᠵᠦ᠂ | ᠬᠠᠨᠰᠦ᠋ᠮᠡ ᠶᠢᠨ ᠬᠠᠳᠠᠭᠤ ᠶᠢᠨ ᠠᠶᠢᠯ ᠤᠨ ᠠᠷᠤ ᠳᠠᠬᠢ ᠦᠨᠳᠤᠷ ᠰᠦᠷᠯᠢᠭ ᠦᠷᠭᠦᠯᠵᠢᠯᠡᠭᠰᠡᠨ ᠠᠭᠤᠯᠠ ᠨᠢᠷᠤᠭᠤᠳ | ᠤᠨ ᠰᠠᠶᠢᠬᠠᠨᠳᠠᠪᠠᠭᠠ ᠶᠢᠨ ᠡᠩᠬᠡᠷ ᠤᠨ ᠬᠦᠨᠳᠡᠢ ᠳᠤ ᠭᠤᠷᠪᠠᠳᠡᠬᠢ ︽ᠯᠠᠮᠠᠬᠠᠢ ᠶᠢᠨ ᠰᠦᠮᠡ︾ ᠶᠢ ᠪᠠᠶᠢᠭᠤᠯᠵᠠᠢ᠃ | ᠢᠩᠬᠢᠭᠡᠳ ᠯᠠᠮᠠᠬᠠᠢ ᠯᠠᠮᠠ ᠨᠢᠭᠡ ᠨᠠᠰᠤᠨ ᠳᠠᠭᠠᠨ ᠭᠤᠷᠪᠠᠨᠳᠠ ᠰᠦᠮᠡ ᠪᠠᠨ ᠤᠷᠬᠢᠵᠦ᠂ ᠭᠤᠷᠪᠠᠨᠳᠠ ᠰᠢᠨᠡ ᠭᠠᠵᠠᠷ | ᠰᠤᠩᠭᠤᠨ ᠰᠢᠯᠵᠢᠵᠦ ᠨᠡᠭᠦᠭᠰᠡᠨ ᠠᠴᠠ ᠡᠳ᠋ ᠬᠦᠷᠦᠩᠭᠡ ᠪᠠᠨ ᠪᠠᠷᠠᠵᠦ᠂ ᠰᠠᠩ ᠬᠦᠮᠤᠷᠭᠡ ᠨᠢ ᠬᠤᠭᠤᠰᠤᠷᠠᠵᠦ | ᠲᠠᠭᠤᠰᠤᠭᠰᠠᠨ ᠭᠡᠳᠡᠭ᠃ | ᠯᠠᠮᠠᠬᠠᠢ ᠯᠠᠮᠠ ᠰᠦᠮᠡ ᠬᠡᠶᠢᠳ ᠢᠶᠠᠨ ᠤᠷᠬᠢᠵᠦ᠂ ᠨᠡᠶᠢᠭᠡᠮ ᠤᠨ ᠲᠠᠩᠬᠠᠶᠢᠴᠤᠳ ᠴᠠᠭᠠᠨ ᠰᠤᠪᠤᠷᠭᠠ ᠶᠢ | ᠨᠢ ᠡᠪᠳᠡᠨ ᠰᠤᠶᠢᠳᠭᠡᠭᠰᠡᠨ ᠠᠴᠠ ︽ᠰᠤᠪᠤᠷᠭᠠ ᠶᠢᠨ ᠠᠶᠢᠯ︾ ᠢ ᠨᠡᠷᠡᠯᠡᠨ ᠲᠠᠭᠤᠳᠠᠬᠤ ᠬᠦᠮᠤᠨ ᠪᠠᠭᠠᠰᠴᠦ᠂ | ᠬᠤᠵᠢᠮ ᠨᠢ ᠬᠦᠮᠤᠰ ᠡᠨᠡ ᠭᠠᠵᠠᠷ ᠠᠷᠪᠢᠨ ᠮᠤᠭᠠᠢ ᠪᠠᠶᠢᠬᠤ ᠶᠢ ᠤᠯᠵᠦ ᠮᠡᠳᠡᠭᠡᠳ᠂ ᠭᠠᠵᠠᠷ ᠰᠢᠷᠤᠢ ᠶᠢᠨ | ᠬᠤᠪᠢᠰᠬᠠᠯ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡ᠂ ᠴᠢᠯᠦᠭᠡᠯᠡᠭᠳᠡᠬᠦ ᠶᠢᠨ ᠦᠶᠡ ᠪᠠᠷ ᠡᠨᠡᠬᠦ ᠭᠠᠵᠠᠷ ᠢ ︽ᠮᠤᠭᠠᠶᠢᠳᠤ ᠶᠢᠨ | ᠠᠶᠢᠯ︾ ᠭᠡᠵᠦ ᠨᠡᠷᠡᠯᠡᠬᠦ ᠪᠤᠯᠵᠠᠢ᠃ ᠪᠠᠷᠠᠭᠤᠨ ᠮᠤᠭᠠᠶᠢᠳᠤ ᠬᠤᠸᠠ ᠶᠢᠨ ᠡᠩᠭᠡᠷ ᠲᠤ ᠮᠤᠭᠠᠢ ᠶᠢᠨ ᠨᠦᠬᠡ ᠠᠷᠪᠢᠨ | ᠪᠠᠶᠢᠵᠦ᠂ ᠡᠯᠳᠡᠪ ᠵᠤᠶᠢᠯ ᠤᠨ ᠨᠠᠷᠢᠨ ᠪᠦᠳᠤᠭᠦᠨ ᠮᠤᠭᠠᠢ ᠭᠤᠯᠪᠠᠯᠵᠢᠨ ᠮᠣᠷᠤᠯᠵᠠᠵᠤ ᠶᠠᠪᠤᠳᠠᠭ ᠲᠤᠯᠠ ᠡᠨᠡᠬᠦ ᠬᠤᠸᠠ | ᠶᠢ ︽ᠪᠠᠷᠠᠭᠤᠨ ᠮᠤᠭᠠᠶᠢᠳᠤ ᠬᠤᠸᠠ︾ ᠭᠡᠵᠦ ᠡᠨᠡ ᠤᠷᠴᠢᠮ ᠰᠠᠭᠤᠷᠢᠰᠢᠭᠰᠠᠨ ᠠᠶᠢᠯ ᠢ ︽ᠪᠠᠷᠠᠭᠤᠨ ᠮᠤᠭᠠᠶᠢᠳᠤ | ᠶᠢᠨ ᠠᠶᠢᠯ︾ ᠭᠡᠵᠦ ᠨᠡᠷᠡᠯᠡᠨ᠂ ᠵᠡᠭᠦᠨ ᠮᠤᠭᠠᠶᠢᠳᠤ ᠶᠢᠨ ᠬᠤᠸᠠ ᠶᠢᠨ ᠡᠩᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠤᠨᠡ ᠶᠡᠭᠡ ︽ | ᠮᠤᠭᠠᠢ ᠶᠢᠨ ᠠᠭᠤᠢ︾ ᠪᠠᠶᠢᠵᠦ᠂ ᠤᠯᠠᠨ ᠠᠷᠪᠢᠨ ᠮᠤᠭᠠᠢ ᠨᠤᠭᠤᠳ ᠡᠪᠤᠯ ᠳᠡᠭᠡᠨ ᠡᠨᠡᠬᠦ ᠠᠭᠤᠢ ᠳᠤ ᠢᠴᠡᠭᠡᠯᠡᠵᠦ᠂ | ᠬᠠᠯᠠᠭᠤᠨ ᠵᠤᠨ ᠪᠤᠯᠤᠮᠠᠭᠴᠠ ᠤᠯᠠᠭᠠᠨ᠂ ᠨᠤᠭᠤᠭᠠᠨ᠂ ᠬᠤᠨᠳᠤᠨ᠂ ᠬᠦᠬᠡ᠂ ᠬᠠᠷᠠ᠂ ᠴᠠᠭᠠᠨ ᠡᠷᠢᠶᠡᠨ ᠠᠯᠠᠭ᠂ | ᠨᠠᠷᠢᠨ ᠪᠦᠳᠤᠭᠦᠨ ᠮᠤᠭᠠᠢ ᠨᠤᠭᠤᠳ᠂ ᠨᠦᠬᠡᠨ ᠠᠴᠠ ᠪᠠᠨ ᠭᠠᠷᠴᠦ ᠢᠷᠡᠨ᠂ ᠲᠤᠯᠤᠭᠠᠢ ᠪᠠᠨ ᠭᠤᠵᠤᠶᠢᠯᠭᠠᠵᠦ | ᠨᠢᠳᠤ ᠪᠠᠨ ᠭᠢᠯᠠᠯᠵᠠᠭᠤᠯᠵᠦ᠂ ᠨᠢᠭᠡᠨ ᠨᠢᠭᠡᠨ ᠲᠠᠢ ᠪᠠᠨ ᠡᠪᠬᠡᠷᠡᠯᠳᠤᠨ ᠤᠷᠢᠶᠠᠯᠳᠤᠵᠦ᠂ ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ | ᠶᠠᠭ ᠯᠠ ᠴᠤᠶᠢᠳᠡᠩ ᠤᠨ ᠲᠤᠯᠤᠭᠠᠢ ᠰᠢᠭ᠋ ᠢᠷᠡᠵᠠᠶᠢᠨ ᠬᠠᠷᠠᠭᠳᠠᠳᠠᠭ ᠪᠦᠭᠡᠳ ᠵᠤᠶᠢᠯ ᠤᠨ ᠰᠠᠶᠢᠬᠠᠨ ᠦᠩᠭᠡ | ᠪᠤᠳᠤᠭ ᠢᠶᠠᠷ ᠢᠯᠭᠠᠷᠠᠨ ᠦᠵᠡᠭᠳᠡᠳᠡᠭ ᠪᠢᠯᠠ᠃ ᠵᠠᠷᠢᠮ ᠬᠦᠮᠤᠰ ᠤᠨ ᠬᠡᠯᠡᠬᠦ ᠪᠠᠷ ᠠᠶᠠᠭᠠᠨ ᠴᠢᠨᠡᠭᠡ ᠠᠯᠠᠭ ᠡᠷᠢᠶᠡᠨ | ᠮᠤᠭᠠᠢ ᠦᠵᠡᠯᠡ ᠭᠡᠳᠡᠯᠡ ᠴᠤᠮᠤ ᠶᠢᠨ ᠴᠢᠨᠡᠭᠡ ᠴᠤᠬᠤᠷ ᠡᠷᠢᠶᠡᠨ ᠮᠤᠭᠠᠢ ᠬᠠᠷᠠᠯᠠ ᠭᠡᠬᠦ ᠶᠤᠮ᠃ ᠤᠳᠠᠰᠤᠨ ᠲᠡᠭᠡᠰᠤ | ᠰᠢᠭ ᠤᠯᠠᠭᠠᠨ ᠡᠷᠢᠶᠡᠨ ᠮᠤᠭᠠᠢ ᠭᠤᠯᠭᠤᠵᠦ ᠪᠠᠶᠢᠨᠠ ᠭᠡᠳᠡᠯᠡ ᠰᠠᠪᠬᠠᠨ ᠴᠢᠨᠡᠭᠡ ᠰᠢᠷᠠ ᠡᠷᠢᠶᠡᠨ ᠮᠤᠭᠠᠢ ᠡᠪᠬᠡᠷᠡᠵᠦ | ᠪᠠᠶᠢᠨᠠ ᠭᠡᠬᠦ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ᠦᠨᠡᠬᠡᠷ ᠠᠷᠪᠢᠨ ᠪᠦᠳᠤᠭᠦᠨ ᠨᠠᠷᠢᠨ ᠮᠤᠭᠠᠢ ᠨᠤᠭᠤᠳ ᠪᠠᠶᠢᠭᠰᠠᠨ ᠶᠤᠮ᠂ | ᠨᠠᠮᠠ ᠶᠢ ᠪᠠᠭᠠ ᠪᠠᠶᠢᠬᠤ ᠳᠤ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠨ ᠭᠤᠷᠪᠠ ᠲᠦᠷᠪᠡᠨ ᠤᠨ ᠤ ᠦᠶᠡ ᠪᠠᠷ ᠪᠢᠳᠠ ᠭᠠᠷᠠᠭ ᠤᠨ | ᠵᠢᠷᠭᠤᠭᠠᠨ ᠪᠤᠯᠬᠤ ᠪᠦᠷᠢ ᠦᠳᠡ ᠶᠢᠨ ᠡᠮᠤᠨᠡᠬᠢ ᠬᠢᠴᠢᠶᠡᠯ ᠲᠠᠷᠬᠠᠮᠠᠭᠴᠠ᠂ ᠬᠡᠳᠤᠨ ᠠᠯᠢᠶᠠ ᠰᠤᠷᠤᠭᠴᠢᠳ ᠨᠡᠶᠢᠯᠡᠵᠦ | ᠂ ᠪᠠᠷᠠᠭᠤᠨ ᠮᠤᠭᠠᠶᠢᠳᠤ ᠶᠢᠨ ᠠᠶᠢᠯ ᠤᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠳᠡᠨ ᠭᠦᠶᠦᠨ ᠲᠠᠪᠬᠢᠯᠳᠤᠵᠦ᠂ ᠵᠡᠭᠦᠨ ᠮᠤᠭᠠᠶᠢᠳᠤ | ᠶᠢᠨ ᠮᠤᠭᠠᠢ ᠶᠢᠨ ᠠᠭᠤᠢ ᠳᠤ ᠤᠴᠢᠵᠦ᠂ ᠠᠭᠤᠢ ᠶᠢᠨ ᠲᠡᠭᠡᠷᠡ ᠲᠠᠯᠠ ᠠᠴᠠ ᠪᠦᠳᠤᠭᠦᠨ ᠪᠦᠳᠤᠭᠦᠨ ᠴᠢᠯᠠᠭᠤ | ᠠᠪᠴᠦ᠂ ᠠᠭᠤᠢ ᠶᠢᠨ ᠲᠤᠮᠳᠠ ᠠᠪᠠᠭᠠᠨᠠᠯᠳᠤᠨ ᠡᠪᠬᠡᠷᠡᠯᠳᠤᠵᠦ ᠪᠠᠶᠢᠬᠤ ᠠᠯᠠᠭ ᠡᠷᠢᠶᠡᠨ ᠮᠤᠭᠠᠢ ᠨᠤᠭᠤᠳ ᠤᠷᠤᠭᠤ | ᠴᠢᠨᠡᠭᠡ ᠮᠡᠳᠡᠨ ᠴᠢᠯᠠᠭᠤ ᠰᠢᠳᠡᠨ᠂ ᠮᠤᠭᠠᠢ ᠶᠢ ᠤᠯᠠᠭᠠᠨ ᠵᠠᠭᠠᠯ ᠪᠤᠯᠳᠠᠯᠠ ᠠᠯᠠᠨ ᠰᠢᠷᠬᠠᠳᠤᠭᠤᠯᠵᠤ᠂ ᠨᠠᠭᠠᠳᠤᠨ | ᠶᠠᠪᠤᠵᠦ ᠪᠠᠶᠢᠭᠰᠠᠨ ᠪᠦᠭᠡᠳ ᠵᠠᠷᠢᠮ ᠰᠤᠷᠤᠭᠴᠢ ᠨᠢ ᠬᠤᠪᠴᠠᠰᠤ ᠬᠤᠨᠠᠷ ᠲᠡᠭᠡᠷᠡ ᠪᠠᠨ ᠮᠤᠭᠠᠢ ᠶᠢᠨ ᠴᠢᠰᠤ | ᠦᠰᠤᠷᠭᠡᠵᠦ᠂ ᠠᠪᠤ ᠡᠵᠢ ᠳᠡᠭᠡᠨ ᠠᠷᠠᠰᠤ ᠮᠢᠬᠠ ᠪᠠᠨ ᠱᠠᠭᠠᠷᠠᠳᠠᠯᠠ ᠠᠪᠳᠠᠵᠦ ᠪᠠᠶᠢᠭᠰᠠᠨ ᠪᠢᠯᠠ᠃ | ᠲᠡᠷᠡ ᠦᠶᠡ ᠶᠢᠨ ᠮᠤᠭᠠᠢ ᠶᠠᠭᠠᠬᠢᠭᠰᠠᠨ ᠠᠷᠪᠢᠨ ᠪᠠᠶᠢᠭᠰᠠᠨ ᠢ ᠪᠤᠤ ᠮᠡᠳᠡ᠂ ᠵᠠᠷᠢᠮ ᠮᠤᠭᠠᠢ ᠨᠢ | ᠬᠤᠳᠳᠤᠭ ᠤᠨ ᠴᠢᠯᠠᠭᠤᠨ ᠵᠠᠪᠰᠠᠷ ᠠᠴᠠ ᠪᠤᠯᠳᠡᠶᠢᠵᠦ᠂ ᠵᠠᠷᠢᠮ ᠨᠢ ᠡᠪᠡᠰᠤᠨ ᠲᠤᠳᠤᠷᠠ ᠠᠴᠠ ᠦᠵᠡᠭᠳᠡᠵᠦ᠂ ᠵᠠᠷᠢᠮ | ᠨᠢ ᠵᠠᠮ ᠢ ᠤᠭᠳᠤᠯᠤᠨ ᠭᠤᠯᠪᠠᠯᠵᠢᠵᠦ᠂ ᠵᠠᠷᠢᠮ ᠨᠢ ᠠᠷᠭᠠᠯ ᠤᠨ ᠤᠪᠤᠭᠠᠨ ᠤ ᠲᠡᠷᠭᠡᠳᠡᠭᠦᠷ ᠮᠤᠰᠢᠯᠵᠢᠵᠦ᠂ ᠵᠠᠷᠢᠮ | ᠨᠢ ᠦᠳᠡ ᠶᠢᠨ ᠬᠠᠯᠠᠭᠤᠨ ᠳᠤ ᠠᠶᠢᠯ ᠤᠨ ᠡᠭᠦᠳᠡ ᠪᠠᠷ ᠠᠵᠠᠭ ᠴᠦ ᠦᠬᠡᠢ ᠭᠤᠯᠭᠤᠨ ᠤᠷᠤᠵᠦ ᠢᠷᠡᠳᠡᠭ ᠶᠤᠮ᠃ | ᠭᠡᠪᠡᠴᠦ ᠮᠤᠭᠠᠶᠢᠳᠤ ᠶᠢᠨ ᠠᠶᠢᠯ ᠤᠨ ᠬᠦᠮᠤᠰ᠂ ᠡᠳᠤᠷ ᠪᠦᠷᠢ ᠡᠳᠡᠭᠡᠷ ᠤᠯᠠᠨ ᠡᠳᠡᠭᠡᠳ ᠵᠢᠭᠳᠡᠢ ᠮᠤᠭᠠᠢ ᠨᠤᠭᠤᠳ | ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠭᠠᠷ ᠪᠠᠶᠢᠭᠠᠳ ᠲᠡᠮᠡᠢ ᠶᠡᠭᠡ ᠰᠤᠴᠢᠵᠦ ᠠᠶᠤᠬᠤ ᠦᠬᠡᠢ ᠪᠤᠯᠴᠢᠬᠠᠵᠠᠢ᠃ | ᠴᠢᠯᠦᠭᠡᠯᠡᠬᠦ ᠠᠴᠠ ᠡᠮᠤᠨᠡ ᠠᠳᠡᠬᠢ ᠭᠠᠵᠠᠷ ᠤᠨ ᠬᠦᠮᠤᠰ᠂ ᠤᠷᠢᠬᠠᠨ ᠬᠠᠪᠤᠷ ᠪᠤᠯᠵᠦ ᠤᠰᠤ ᠮᠦᠰᠤ | ᠬᠠᠶᠢᠯᠠᠨ ᠢᠴᠢᠭᠰᠡᠳ ᠬᠦᠳᠡᠯᠬᠦ ᠦᠶᠡ ᠪᠤᠯᠪᠠᠯ᠂ ᠠᠶᠢᠯ ᠤᠯᠠᠨ ᠢᠶᠠᠷ ᠢᠶᠠᠨ ᠪᠦᠭᠦᠳᠡ ᠮᠤᠭᠠᠶᠢᠳᠤ ᠶᠢᠨ ᠬᠤᠸᠠ ᠶᠢᠨ | ᠤᠷᠤᠢ ᠲᠡᠭᠡᠷᠡ ᠴᠤᠭᠯᠠᠷᠠᠵᠦ ᠠᠶᠢᠷᠠᠭ ᠲᠠᠷᠠᠭ ᠠᠷᠢᠬᠢ ᠪᠤᠤᠪᠤ᠂ ᠬᠤᠷᠤᠳ ᠲᠤᠰᠤ ᠬᠠᠭᠤᠷᠠᠭᠰᠠᠨ ᠪᠤᠳᠠᠭᠠ ᠪᠠᠨ | ᠠᠪᠴᠦ᠂ ᠲᠡᠭᠷᠢ ᠯᠤᠤᠰ ᠲᠤ ᠮᠦᠷᠭᠦᠵᠦ᠂ ᠤᠪᠤᠭᠠ ᠪᠠᠨ ᠲᠠᠬᠢᠵᠦ᠂ ᠡᠴᠢᠭᠡ ᠲᠡᠭᠷᠢ ᠠᠴᠠ ᠡᠯᠪᠡᠭ ᠬᠤᠷᠠ ᠢᠪᠡᠭᠡᠨ | ᠪᠠᠭᠤᠯᠭᠠᠬᠤ ᠶᠢ ᠬᠦᠰᠡᠨ ᠲᠠᠭᠠᠳᠬᠠᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠳᠤ ᠵᠡᠭᠦᠨ | ᠮᠤᠭᠠᠶᠢᠳᠤ ᠶᠢᠨ ᠬᠤᠸᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨᠡ ᠪᠠᠶᠢᠭᠰᠠᠨ ᠮᠤᠭᠠᠢ ᠶᠢᠨ ᠠᠭᠤᠢ ᠶᠢ ᠲᠡᠯᠪᠡᠴᠡᠨ ᠠᠭᠤᠳᠠᠯᠠᠵᠤ᠂ | ᠴᠢᠯᠠᠭᠤ ᠭᠠᠷᠭᠠᠨ ᠠᠶᠢᠯ ᠭᠡᠷ ᠤᠨ ᠤᠷᠤᠨ ᠰᠠᠭᠤᠴᠠ ᠶᠢᠨ ᠰᠠᠭᠤᠷᠢ ᠲᠠᠯᠪᠢᠬᠤ᠂ ᠰᠢᠷᠠᠮᠦ᠋ᠷᠡᠨ ᠦᠯᠵᠠᠶᠢᠮᠦ᠋ᠷᠡᠨ ᠤ | ᠬᠠᠰᠢᠯᠭᠠ ᠪᠠᠷᠢᠬᠤ ᠭᠡᠳ ᠶᠡᠭᠡ ᠬᠡᠪᠴᠢᠶᠡᠨ ᠤ ᠴᠢᠯᠠᠭᠤ ᠭᠠᠷᠭᠠᠭᠰᠠᠨ ᠢᠶᠠᠷ ᠮᠤᠭᠠᠶᠢᠳᠤ ᠶᠢᠨ ᠬᠤᠸᠠ ᠨᠢ | ᠡᠪᠳᠡᠭᠳᠡᠵᠦ᠂ ᠮᠤᠭᠠᠢ ᠶᠢᠨ ᠠᠭᠤᠢ ᠨᠢ ᠠᠯᠠᠭᠠ ᠪᠤᠯᠵᠦ ᠮᠤᠭᠠᠢ ᠨᠤᠭᠤᠳ ᠨᠢ ᠰᠢᠯᠵᠢᠨ ᠠᠷᠢᠯᠪᠠ᠃ | ᠲᠡᠷᠡ ᠦᠶᠡ ᠳᠤ ᠤᠷᠴᠢᠨ ᠠᠬᠤᠢ ᠰᠠᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠲᠡᠭᠰᠢ ᠲᠤᠯᠠ ᠵᠢᠯ ᠳᠡᠭᠡᠨ ᠤᠨ ᠳᠠᠭᠠᠨ | ᠬᠤᠷᠠ ᠪᠤᠷᠤᠭᠠᠨ ᠲᠠᠰᠤᠷᠠᠬᠤ ᠦᠬᠡᠢ᠂ ᠡᠪᠡᠰᠤ ᠪᠡᠯᠴᠢᠭᠡᠷ ᠦᠩ ᠰᠢᠮᠡᠯᠢᠭ᠂ ᠦᠷᠡᠵᠢᠯᠳᠤ ᠮᠠᠯ ᠲᠠᠷᠭᠤ ᠬᠦᠴᠦ ᠲᠠᠢ | ᠂ ᠦᠷᠡ ᠶᠢᠨ ᠲᠠᠷᠢᠶᠠ ᠤᠷᠭᠤᠴᠠ ᠰᠠᠶᠢᠳᠠᠢ᠂ ᠠᠯᠳᠠᠨ ᠨᠠᠮᠤᠷ ᠤᠨ ᠴᠠᠭ ᠲᠤ ᠠᠮᠤ ᠪᠤᠳᠠᠭᠠ ᠪᠠᠨ ᠡᠯᠪᠡᠭ | ᠬᠤᠷᠢᠶᠠᠵᠦ᠂ ᠠᠷᠠᠳ ᠮᠠᠯᠴᠢᠳ ᠠᠯᠠᠰᠢ ᠢᠳᠡᠰᠢ ᠶᠢᠨ ᠦᠬᠡᠷ ᠬᠤᠨᠢᠨ ᠮᠢᠬᠠ ᠶᠢ ᠪᠠᠨ ᠡᠪᠤᠯ ᠳᠡᠭᠡᠨ ᠪᠡᠯᠡᠳᠭᠡᠨ | ᠬᠠᠳᠠᠭᠠᠯᠠᠵᠦ᠂ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠢᠶᠠᠷ ᠰᠦ ᠰᠠᠭᠠᠯᠢ ᠲᠠᠰᠤᠷᠠᠬᠤ ᠦᠬᠡᠢ᠂ ᠪᠠᠶᠠᠨ ᠴᠢᠨᠡᠭᠡᠯᠢᠭ | ᠠᠮᠢᠳᠤᠷᠠᠵᠦ ᠪᠠᠶᠢᠭᠰᠠᠨ ᠶᠤᠮ᠃ | ᠮᠤᠭᠠᠶᠢᠳᠤ ᠶᠢᠨ ᠲᠠᠯᠠ ᠭᠡᠳᠡᠭ ᠴᠢᠨᠢ ᠬᠡᠳᠤᠨ ᠠᠷᠪᠠᠨ ᠭᠠᠵᠠᠷ ᠦᠷᠭᠦᠯᠵᠢᠯᠡᠭᠰᠡᠨ ᠨᠤᠮᠢᠨ ᠨᠤᠭᠤᠭᠠᠨ | ᠲᠠᠯᠠ᠂ ᠲᠤᠬᠤᠢ ᠴᠢᠨᠡᠭᠡ ᠦᠨᠳᠤᠷ ᠤᠷᠭᠤᠳᠠᠭ ᠬᠢᠶᠠᠭ ᠡᠪᠡᠰᠤ ᠤᠨ ᠬᠠᠳᠤᠯᠠᠩ ᠲᠠᠢ᠂ ᠲᠠᠭᠠᠨᠠ ᠮᠠᠩᠭᠢᠷ᠂ ᠬᠡᠭᠡᠷᠡ | ᠶᠢᠨ ᠭᠤᠭᠤᠳ᠂ ᠲᠡᠮᠡᠭᠡᠨ ᠬᠦᠬᠦ᠂ ᠨᠤᠶᠢᠯ ᠠᠷᠪᠠᠢ᠂ ᠭᠠᠰᠢᠭᠤᠨ ᠨᠤᠭᠤᠭᠠ ᠭᠡᠳ ᠵᠤᠶᠢᠯ ᠤᠨ ᠤᠷᠭᠤᠮᠠᠯ | ᠤᠷᠭᠤᠳᠠᠭ ᠪᠠᠶᠢᠭᠰᠠᠨ︔ ᠤᠯᠠᠭᠠᠨ ᠶᠠᠭᠠᠨ ᠴᠡᠴᠡᠭ ᠬᠤᠸᠠᠷ ᠤᠳ ᠦᠩᠭᠡ ᠢᠯᠭᠠᠷᠠᠨ ᠮᠦᠰᠢᠶᠡᠵᠦ᠂ ᠲᠤᠩᠭᠠᠯᠠᠭ | ᠤᠷᠤᠰᠬᠠᠯᠳᠤ ᠦᠯᠵᠠᠶᠢᠮᠦ᠋ᠷᠡᠨ ᠭᠤᠤᠯ ᠲᠠᠯᠠ ᠶᠢᠨ ᠲᠤᠮᠳᠠᠭᠤᠷ ᠮᠢᠷᠡᠯᠵᠢᠵᠦ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠤᠮᠳᠠ | ᠶᠢ ᠬᠠᠩᠭᠠᠵᠦ᠂ ᠭᠤᠤᠯ ᠤᠨ ᠬᠤᠶᠠᠷ ᠬᠦᠪᠡᠭᠡ ᠪᠠᠷ ᠪᠤᠳᠠ ᠪᠤᠷᠭᠠᠰᠤ ᠪᠦᠷᠬᠦᠵᠦ᠂ ᠤᠳᠠᠨ ᠮᠤᠳᠤ ᠤᠳ | ᠢᠭᠴᠤᠷᠠᠵᠦ᠂ ᠵᠡᠷᠯᠢᠭ ᠤᠯᠤᠰᠤ ᠵᠡᠭᠡᠰᠤ ᠬᠤᠯᠤᠰᠤ ᠨᠠᠶᠢᠭᠤᠵᠦ᠂ ᠭᠤᠤᠯ ᠤᠨ ᠤᠰᠤᠨ ᠳᠤᠨᠢ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ | ᠰᠦᠯᠵᠢᠯᠳᠤᠵᠦ᠂ ᠪᠠᠶᠠᠠᠨᠠᠭᠤᠷ ᠤᠨ ᠨᠠᠭᠤᠷ ᠴᠦᠭᠦᠷᠤᠮ ᠤᠨ ᠤᠰᠤᠨ ᠤ ᠬᠦᠪᠡᠭᠡ ᠪᠠᠷ ᠬᠤᠯᠤᠰᠤ ᠵᠠᠭᠡᠰᠤ ᠤᠷᠭᠤᠨ | ᠬᠠᠯᠢᠭᠤᠷᠠᠵᠦ᠂ ᠬᠤᠵᠢᠷ ᠱᠠᠤ ᠨᠢ ᠮᠠᠯᠴᠢᠨ ᠲᠦᠮᠡᠨ ᠤ ᠰᠠᠶᠢᠨ ᠬᠡᠷᠡᠭᠯᠡᠭᠡᠨ ᠪᠤᠯᠵᠦ᠂ ᠬᠤᠨ ᠭᠠᠯᠠᠭᠤ᠂ ᠠᠯ ᠰᠡᠭᠦᠯ᠂ | ᠲᠤᠭᠤᠳᠠᠭ ᠲᠤᠭᠤᠷᠣᠣ᠂ ᠬᠠᠯᠢᠭᠤᠨ ᠭᠠᠯᠠᠭᠤ᠂ ᠬᠠᠷᠴᠠᠭᠠᠢ ᠪᠦᠷᠭᠦᠳ ᠬᠠᠯᠢᠨ ᠨᠢᠰᠦᠭᠰᠡᠨ ᠰᠠᠶᠢᠬᠠᠨ ᠭᠠᠵᠠᠷ | ᠪᠠᠶᠢᠭᠰᠠᠨ ᠶᠤᠮ᠃ | ᠡᠨᠡ ᠪᠤᠯ ᠮᠢᠨᠤ ᠲᠦᠷᠦᠭᠰᠡᠨ ᠨᠤᠳᠤᠭ ︽ᠰᠤᠪᠤᠷᠭᠠ ᠶᠢᠨ ᠠᠶᠢᠯ︾ — ᠬᠤᠵᠢᠮ ᠨᠢ ᠬᠤᠪᠢᠷᠠᠭᠰᠠᠨ | ︽ᠵᠡᠭᠦᠨ ᠮᠤᠭᠠᠶᠢᠳᠤ ᠶᠢᠨ ᠠᠶᠢᠯ︾ ᠶᠤᠮ᠃ ᠠᠯᠢᠶᠠ ᠰᠤᠷᠤᠭᠴᠢ ᠪᠠᠶᠢᠭᠰᠠᠨ ᠪᠢ᠂ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ | ᠭᠠᠷᠴᠦ ᠠᠵᠢᠯᠳᠠᠨ ᠠᠯᠪᠠᠳᠠᠨ ᠶᠡᠪᠤᠭᠰᠠᠨ ᠠᠴᠠ ᠪᠤᠯᠵᠦ᠂ ᠠᠶᠢᠯ ᠨᠤᠳᠤᠭ ᠲᠠᠭᠠᠨ ᠲᠠᠮᠡᠢ ᠠᠵᠢᠯ ᠬᠢᠬᠦ ᠵᠠᠪᠰᠢᠶᠠᠨ | ᠤᠯᠤᠯ ᠦᠬᠡᠢ᠂ ᠠᠰᠳᠠᠭᠠᠨ ᠭᠠᠵᠠᠷ ᠤᠷᠤᠨ ᠢᠶᠠᠷ ᠠᠵᠢᠯᠯᠠᠵᠦ ᠶᠠᠪᠤᠭᠠᠳ ᠤᠳᠤ ᠵᠢᠷᠠ ᠭᠠᠷᠴᠦ ᠵᠠᠵᠢᠨ ᠦᠰᠤ | ᠴᠠᠶᠢᠭᠰᠠᠨ ᠡᠪᠤᠭᠡᠨ ᠪᠤᠯᠵᠦ᠂ ᠠᠵᠢᠯ ᠤᠨ ᠪᠠᠶᠢᠷᠢ ᠠᠴᠠ ᠪᠠᠨ ᠪᠠᠭᠤᠵᠦ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠰᠠᠨ ᠺᠠᠳ᠋ᠷ | ᠪᠤᠯᠤᠭᠰᠠᠨ ᠲᠤᠯᠠ᠂ ᠠᠮᠢᠨ ᠤ ᠬᠠᠶᠢᠷᠠᠳᠠᠢ ᠨᠤᠳᠤᠭ ᠤᠨ ᠢᠶᠠᠨ ᠠᠯᠳᠠᠷᠰᠢᠵᠦ ᠪᠠᠶᠢᠭᠰᠠᠨ ᠨᠠᠷᠠ ᠲᠠᠭᠤᠳᠠᠯᠭᠠ ᠶᠢ ᠨᠢ | ᠲᠤᠳᠤᠷᠠᠭᠤᠯᠵᠦ᠂ ᠠᠯᠠᠭ ᠡᠷᠢᠶᠡᠨ ᠶᠢᠷᠳᠢᠨᠴᠦ ᠶᠢᠨ ᠤᠯᠠᠭᠠᠨ ᠲᠤᠭᠤᠰᠤᠨ ᠳᠤ ᠠᠯᠳᠠᠵᠦ ᠤᠷᠬᠢᠭᠰᠠᠨ ᠤᠤᠯ ᠤᠨ | ᠨᠡᠷᠡᠶᠢᠳᠤᠯ ᠢ ᠨᠢ ᠡᠷᠬᠢᠴᠡᠭᠦᠯᠦᠨ᠂ ᠲᠡᠤᠬᠡ ᠶᠢᠨ ᠦᠨᠡᠨ ᠢ ᠨᠢ ᠲᠤᠷᠠᠳᠬᠠᠨ ᠰᠠᠨᠠᠭᠠᠯᠵᠠᠵᠤ ᠪᠢᠴᠢᠭᠰᠡᠨ ᠶᠤᠮ᠃ | | ᠵᠡᠭᠦᠯᠳᠡ᠄ | ① ︽ᠪᠠᠯᠴᠢᠷᠤᠳ ᠰᠤᠮᠤᠨ ᠤ ᠤᠶᠢᠯᠠᠯᠭᠠ︾ ᠠᠴᠠ | | ᠵᠣᠬᠢᠶᠠᠭᠴᠢ᠄ ᠪ᠊ · ᠲᠡᠮᠤᠷᠭᠤᠤᠯᠳᠤ | ᠨᠠᠶᠢᠷᠠᠭᠤᠯᠤᠭᠴᠢ᠄ ᠴ᠊ · ᠰᠠᠷᠠᠭᠤᠯ | |