| ᠬᠤᠶᠠᠷ᠂ ᠮᠤᠩᠭᠤᠯ ᠪᠤᠳᠠᠭᠠ ᠲᠠᠢ ᠮᠠᠰᠢ ᠲᠤᠬᠢᠷᠠᠯᠴᠠᠭᠰᠠᠨ ᠬᠦᠭᠡ ᠴᠠᠢ ᠪᠠ ᠨᠤᠲᠤᠭ ᠤᠨ ᠶᠠᠩᠵᠤ ᠪᠦᠷᠢ | ᠶᠢᠨ ᠴᠠᠢ ᠨᠤᠭᠤᠳ | ᠴᠠᠢ ᠪᠤᠯ ᠠᠷᠤ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠡᠳᠤᠷ ᠤᠨ ᠭᠤᠷᠪᠠᠨ ᠡᠷᠢᠨ ᠤ ᠬᠤᠭᠤᠯᠠᠨ ᠤ ᠦᠷᠯᠦᠭᠡ᠂ | ᠦᠳᠡ ᠬᠤᠶᠠᠷ ᠡᠷᠢᠨ ᠳᠤ ᠲᠠᠰᠤᠷᠠᠵᠤ ᠪᠤᠯᠳᠠᠭ ᠦᠭᠡᠢ ︽ᠦᠷᠯᠦᠭᠡ ᠶᠢᠨ ᠴᠠᠢ︾᠂ ︽ᠦᠳᠡ ᠶᠢᠨ ᠴᠠᠢ︾ | ᠭᠡᠳ ᠯᠠ ᠵᠠᠩᠰᠢᠴᠢᠬᠠᠭᠰᠠᠨ ᠬᠤᠭᠤᠯᠠ ᠤᠮᠳᠠᠭᠠᠨ ᠪᠦᠭᠡᠳ ᠤᠳᠤ ᠪᠤᠯᠳᠠᠯᠠ ᠦᠷᠬᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠭᠠ ᠶᠤᠮ᠃ | ᠭᠡᠬᠦ ᠳᠤ ᠪᠠᠨ ᠬᠦᠬᠡ ᠴᠠᠢ ᠪᠠᠨ ᠵᠡᠯᠡᠪᠴᠢᠨ ᠲᠤᠭᠤᠭᠠᠨ ᠳᠤ ᠪᠠᠨ ᠴᠢᠨᠠᠵᠤ ᠲᠠᠪᠤᠰᠤ ᠪᠠ ᠢᠳᠡᠭᠡ ᠠᠭᠠᠭ | ᠢ ᠨᠢ ᠰᠠᠶᠢᠳᠤᠷ ᠲᠤᠬᠢᠷᠠᠭᠤᠯᠤᠨ ᠪᠤᠴᠠᠯᠭᠠᠵᠤ᠂ ᠲᠡᠭᠦᠨ ᠢᠶᠠᠨ ᠵᠠᠨᠳᠤᠮ ᠳᠤ ᠪᠠᠨ ᠰᠦ ᠲᠠᠢ ᠨᠡᠶᠢᠯᠡᠭᠦᠯᠵᠤ ᠲᠡᠪᠤᠷᠡ | ᠪᠠ ᠲᠤᠮ ᠭᠦᠨᠵᠡ ᠲᠡᠭᠡᠨ ᠠᠭᠤᠳᠠᠯᠠᠨ ᠠᠪᠴᠤ ᠡᠳᠤᠷᠵᠢᠨ ᠤᠤᠭᠤᠵᠤ ᠪᠠᠶᠢᠳᠠᠭ᠃ ᠲᠡᠶᠢᠨᠬᠦ ᠭᠦᠬᠡ ᠴᠠᠢ ᠨᠢ | ᠮᠤᠩᠭᠤᠯ ᠨᠤᠲᠤᠭ ᠤᠨ ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠤᠮᠳᠠᠭᠠᠨ ᠪᠤᠯᠵᠤ ᠪᠠᠶᠢᠳᠠᠭ᠃ | ᠬᠡᠪ ᠤᠨ ᠴᠠᠢ ᠶᠢ ᠠᠷᠤ ᠬᠤᠷᠴᠢᠨ ᠳᠤ ᠬᠦᠭᠡ ᠴᠠᠢ ᠭᠡᠳᠡᠭ ᠪᠠ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯ ᠲᠠᠢ | ᠵᠦᠢᠯᠡᠰ ᠢ ᠴᠠᠭᠠᠨ ᠢᠳᠡᠭᠡ ᠭᠡᠵᠤ᠂ ᠮᠠᠯ ᠤᠨ ᠮᠢᠬᠠ ᠶᠢ ᠤᠯᠠᠭᠠᠨ ᠢᠳᠡᠭᠡ ᠭᠡᠵᠤ᠂ ᠬᠢᠳᠠᠳ ᠭᠠᠷᠤᠯ ᠲᠠᠢ ᠢᠳᠡᠭᠡᠨ | ᠤ ᠵᠦᠢᠯᠡᠰ ᠢ ᠤᠯᠠᠩᠭᠢ ᠶᠢ ᠨᠢ ᠬᠠᠷᠠ ᠭᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ︽ᠬᠠᠷᠠ ᠠᠷᠢᠬᠢ︾ ᠂ ︽ᠬᠠᠷᠠ ᠴᠠᠢ︾᠂ ︽ | ᠬᠠᠷᠠ ᠲᠤᠰᠤ︾ ᠭᠡᠬᠦ ᠮᠡᠳᠤᠴᠢᠯᠡᠨ ᠢᠯᠭᠠᠪᠤᠷᠢᠲᠠᠢ ᠲᠠᠭᠤᠳᠠᠳᠠᠭ᠃ | ᠠᠷᠤ ᠬᠤᠷᠴᠢᠨ ᠨᠤᠲᠤᠭ ᠤᠨ ᠴᠠᠢ ᠨᠤᠭᠤᠳ᠄ | ᠦᠷᠢᠯ ᠤᠨ ᠴᠠᠢ᠄ | ᠦᠷᠢᠯ ᠪᠤᠯ ᠨᠠᠪᠴᠢ ᠵᠤᠯᠭᠠᠷᠠᠳᠠᠭ ᠵᠢᠮᠢᠰᠯᠢᠭ ᠲᠤᠷᠤᠭ ᠮᠤᠳᠤ ᠪᠠᠶᠢᠵᠤ᠂ ᠨᠠᠪᠴᠢ ᠨᠢ ᠵᠤᠤᠪᠠᠩ ᠪᠤᠶᠤ | ᠦᠨᠳᠡᠭᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ᠂ ᠨᠢᠭᠳᠠ ᠬᠢᠷᠤᠭᠡᠨ ᠰᠢᠳᠤᠨ ᠬᠦᠪᠡᠭᠡ ᠲᠠᠢ᠂ ᠴᠡᠴᠡᠭ ᠨᠢ ᠴᠠᠭᠠᠨ ᠦᠩᠭᠡ ᠲᠠᠢ | ᠰᠢᠭᠦᠷ ᠬᠡᠯᠪᠡᠷᠢᠳᠤ ᠴᠡᠴᠡᠭ ᠤᠨ ᠪᠠᠭ ᠲᠠᠢ ᠤᠯᠠᠭᠠᠨ ᠪᠤᠶᠤ ᠰᠢᠷᠠ ᠵᠢᠮᠢᠰ ᠰᠠᠭᠤᠳᠠᠭ ᠢ ᠨᠢ ᠮᠦᠨ ᠦᠷᠢᠯ ᠭᠡᠳᠡᠭ᠃ | ᠠᠷᠤ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠦᠷᠢᠯ ᠤᠨ ᠮᠤᠳᠤᠨ ᠤ ᠨᠠᠪᠴᠢ ᠪᠠᠷ ᠨᠢ ᠨᠤᠳᠤᠭ ᠤᠨ ᠤᠨᠴᠠ ᠭᠠᠷᠤᠯᠳᠠ ᠴᠠᠢ | ᠪᠤᠯᠪᠠᠰᠤᠷᠠᠭᠤᠯᠤᠨ ᠤᠤᠭᠤᠵᠤ ᠪᠠᠶᠢᠪᠠ᠃ ᠲᠡᠷᠡ ᠨᠢ ᠦᠨᠦᠷ ᠠᠮᠳᠠ ᠪᠠᠷ ᠬᠦᠬᠡ ᠴᠠᠢ ᠳᠤ ᠠᠪᠳᠠᠭᠳᠠᠬᠤ ᠪᠠᠷ | ᠦᠭᠡᠢ ᠨᠢᠭᠡ ᠵᠦᠢᠯ ᠤᠨ ᠨᠤᠲᠤᠭ ᠤᠨ ᠴᠠᠢ ᠪᠤᠯᠬᠤ ᠶᠤᠮ᠃ ᠦᠷᠢᠯ ᠤᠨ ᠮᠤᠳᠤ ᠨᠢ ᠠᠷᠤ ᠬᠤᠷᠴᠢᠨ ᠤ | ᠭᠤᠭᠤᠰᠤᠲᠠᠢ ᠬᠠᠨ ᠠᠭᠤᠯᠠ᠂ ᠠᠪᠠᠭᠠ ᠬᠠᠷᠠ ᠠᠭᠤᠯᠠ᠂ ᠰᠢᠷᠠ ᠦᠨᠳᠤᠷ ᠬᠠᠨ ᠠᠭᠤᠯᠠ᠂ ᠲᠤᠬᠤᠢ ᠬᠠᠨ | ᠠᠭᠤᠯᠠ᠂ ᠬᠦᠬᠡ ᠱᠤᠷᠤᠩ᠂ ᠪᠠᠪᠤᠩᠳᠤ ᠵᠡᠷᠭᠡ ᠠᠭᠤᠯᠠ ᠨᠢᠷᠤᠭᠤᠳ ᠢᠶᠠᠷ ᠲᠠᠷᠬᠠᠯᠳᠠ ᠲᠠᠢ ᠪᠠᠶᠢᠳᠠᠭ᠃ | ᠰᠡᠩᠳᠡᠩ ᠴᠠᠢ᠄ | ᠰᠡᠩᠳᠡᠩ ᠮᠤᠳᠤ ᠪᠤᠯ ᠨᠠᠪᠴᠢ ᠵᠤᠯᠭᠠᠷᠠᠳᠠᠭ ᠪᠠᠭᠠᠪᠳᠤᠷ ᠲᠤᠷᠤᠭ ᠮᠤᠳᠤ ᠶᠤᠮ᠂ ᠰᠤᠨᠳᠤᠭᠤᠢ ᠦᠳᠦᠯᠢᠭ | ᠨᠡᠶᠢᠯᠮᠡᠯ ᠨᠠᠪᠴᠢ ᠲᠠᠢ᠂ ᠴᠡᠴᠡᠭ ᠤᠨ ᠬᠡᠯᠳᠡᠰ ᠨᠢ ᠴᠠᠭᠠᠨ᠂ ᠤᠭ ᠤᠨ ᠬᠡᠰᠡᠭ ᠲᠤ ᠪᠠᠨ ᠤᠯᠠᠪᠳᠤᠷ ᠲᠤᠯᠪᠤ ᠲᠠᠢ᠂ | ᠬᠤᠩᠭᠤᠷᠴᠠᠭᠳᠤ ᠵᠢᠮᠢᠰ ᠨᠢ ᠨᠤᠭᠤᠭᠠᠨ ᠪᠦᠭᠡᠳ ᠵᠤᠵᠠᠭᠠᠨ ᠬᠠᠯᠢᠰᠤ ᠲᠠᠢ ᠪᠤᠯᠪᠠᠰᠤᠷᠠᠪᠠᠯ ᠬᠠᠭᠠᠷᠠᠳᠠᠭ᠂ ᠢᠳᠡᠵᠤ | ᠪᠤᠯᠬᠤ ᠮᠦᠷᠳᠡᠭᠡᠨ ᠲᠤᠰᠤ ᠰᠢᠬᠠᠳᠠᠭ᠃ ᠠᠷᠤ ᠬᠤᠷᠴᠢᠨᠴᠤᠳ ᠡᠨᠡᠭᠦ ᠮᠤᠳᠤᠨ ᠤ ᠨᠠᠪᠴᠢ ᠪᠤᠶᠤ ᠴᠡᠴᠡᠭ ᠤᠨ | ᠬᠡᠯᠳᠡᠰ ᠢᠶᠠᠷ ᠴᠠᠢ ᠪᠤᠯᠪᠠᠰᠤᠷᠠᠭᠤᠯᠵᠤ ᠤᠤᠭᠤᠵᠤ ᠪᠠᠶᠢᠵᠠᠢ᠃ ᠰᠡᠩᠳᠡᠩ ᠮᠤᠳᠤ ᠨᠢ ᠪᠠᠰᠠ ᠰᠢᠷᠠ ᠤᠰᠤ ᠶᠢ | ᠬᠠᠳᠠᠭᠠᠵᠤ᠂ ᠬᠡᠢ ᠰᠢᠷᠠ ᠪᠠᠳᠭᠠᠨ ᠢ ᠲᠡᠭᠰᠢᠯᠡᠨ ᠴᠠᠭᠠᠨ ᠰᠤᠳᠠᠯ ᠳᠤ ᠮᠠᠰᠢ ᠠᠰᠢᠭᠳᠠᠢ ᠨᠢᠭᠡ ᠵᠦᠢᠯ ᠤᠨ ᠡᠮ ᠤᠨ | ᠮᠠᠲ᠋ᠧᠷᠢᠶᠠᠯ ᠪᠤᠯᠬᠤ ᠶᠤᠮ᠃ ᠰᠡᠩᠳᠡᠩ ᠮᠤᠳᠤᠨ ᠤ ᠲᠠᠷᠬᠠᠯᠳᠠ ᠨᠢ ᠠᠷᠤ ᠬᠤᠷᠴᠢᠨ ᠳᠤ ᠨᠡᠯᠢᠶᠡᠳ ᠦᠷᠭᠡᠨ | ᠪᠠᠶᠢᠳᠠᠭ᠂ ᠲᠡᠭᠡᠷᠡ ᠵᠠᠭᠤᠨ ᠤ ᠲᠡᠪᠢ ᠵᠢᠷᠠᠭᠠᠳ ᠤᠨ ᠠᠴᠠ ᠨᠠᠰᠢ ᠤᠯᠤᠰ ᠤᠨ ᠤᠢ ᠰᠢᠭᠤᠢ ᠶᠢᠨ ᠲᠠᠯᠠᠪᠠᠢ | ᠨᠤᠭᠤᠳ ᠲᠤ ᠲᠠᠷᠢᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠤᠷᠴᠢᠮ ᠤᠨ ᠵᠢᠯ ᠠᠴᠠ ᠲᠡᠷᠢᠶᠠᠯᠠᠬᠤ ᠶᠢ ᠵᠤᠭᠰᠤᠵᠤ ᠤᠢ ᠮᠤᠳᠤ | ᠲᠠᠷᠢᠬᠤ ᠲᠤᠭᠳᠠᠭᠠᠯ ᠢᠶᠠᠷ ᠡᠯᠡ ᠭᠠᠵᠠᠷ ᠤᠨ ᠬᠢᠨ ᠰᠡᠩᠳᠡᠩ ᠮᠤᠳᠤ ᠲᠠᠷᠢᠭᠰᠠᠳ ᠴᠦ ᠪᠤᠢ᠃ | ᠲᠡᠭᠡᠷᠡᠬᠢ ᠠᠴᠠ ᠭᠠᠳᠠᠨᠠ ᠠᠷᠤ ᠬᠤᠷᠴᠢᠨ ᠨᠤᠲᠤᠭ ᠲᠤ ᠤᠯᠠᠨ ᠵᠦᠢᠯ ᠤᠨ ᠡᠪᠡᠰᠤᠨ ᠴᠠᠢ ᠪᠠᠶᠢᠬᠤ ᠯᠠ | ᠪᠤᠶᠠᠨ᠃ ᠲᠡᠤᠭᠡᠨ ᠠᠴᠠ ᠡᠰᠢ ᠲᠠᠳᠠᠪᠠᠯ ᠮᠠᠨᠵᠤ ᠴᠢᠩ ᠤᠨ ᠦᠶᠡ ᠳᠤ ᠡᠮᠤᠨᠡ ᠤᠷᠤᠨ ᠠᠴᠠ ᠬᠢᠳᠠᠳ ᠪᠤᠶᠤ | ᠮᠠᠨᠵᠤᠴᠤᠳ ᠮᠠᠨ ᠤ ᠨᠤᠲᠤᠭ ᠲᠤ ᠢᠷᠡᠵᠤ ᠵᠦᠢᠯ ᠪᠦᠷᠢ ᠶᠢᠨ ᠴᠠᠢ ᠶᠢᠨ ᠮᠠᠲ᠋ᠧᠷᠢᠶᠠᠯ ᠲᠡᠭᠦᠵᠤ | ᠪᠤᠯᠪᠠᠰᠤᠷᠠᠭᠤᠯᠤᠭᠠᠳ ᠨᠠᠮᠤᠷ ᠲᠤ ᠪᠠᠨ ᠠᠪᠤᠭᠠᠳ ᠶᠠᠪᠤᠳᠠᠭ ᠪᠠᠶᠢᠵᠠᠢ᠃ ᠮᠠᠨ ᠤ ᠨᠤᠲᠤᠭ ᠤᠨ ᠮᠤᠩᠭᠤᠯᠴᠤᠳ ᠨᠢ | ᠲᠡᠶᠢᠮᠤ ᠤᠯᠠᠨ ᠴᠠᠢ ᠶᠢᠨ ᠲᠤᠳᠤᠷᠠ ᠠᠴᠠ ᠬᠦᠷᠪᠡᠬᠦ ᠴᠠᠢ᠂ ᠤᠳᠪᠠᠯᠠ ᠴᠠᠢ᠂ ᠰᠢᠷᠢᠩᠭᠢ ᠴᠠᠢ᠂ ᠶᠦᠮᠡᠭᠠᠷᠪᠤ ᠴᠠᠢ᠂ | ᠰᠤᠶᠤᠨ ᠴᠠᠢ᠂ ᠤᠷᠬᠤᠳᠠᠢ ᠴᠠᠢ᠂ ᠮᠦᠩᠭᠡ ᠴᠠᠢ᠂ ᠰᠢᠷᠠ ᠴᠠᠢ᠂ ᠨᠤᠭᠤᠭᠠᠨ ᠴᠠᠢ᠂ ᠲᠠᠭᠱᠠ ᠴᠠᠢ᠂ ᠴᠢᠯᠠᠭᠤᠨ | ᠴᠠᠢ ᠵᠡᠷᠭᠡ ᠠᠷᠪᠠ ᠬᠤᠷᠢᠨ ᠵᠦᠢᠯ ᠤᠨ ᠴᠠᠢ ᠶᠢ ᠲᠠᠨᠢᠵᠤ ᠲᠡᠭᠦᠬᠦ ᠪᠤᠶᠤ ᠪᠤᠯᠪᠠᠰᠤᠷᠠᠭᠤᠯᠤᠨ ᠤᠤᠭᠤᠵᠤ | ᠪᠠᠶᠢᠵᠠᠢ᠃ | ᠭᠤᠯᠢᠷ ᠤᠨ ᠴᠠᠢ᠄ | ᠭᠤᠯᠢᠷ ᠤᠨ ᠴᠠᠢ ᠬᠡᠮᠡᠭᠴᠢ ᠶᠤᠤᠮᠠᠢ ᠪᠤᠶᠤ ᠪᠤᠭᠤᠳᠠᠢ ᠶᠢᠨ ᠭᠤᠯᠢᠷ᠂ ᠮᠤᠩᠭᠤᠯ ᠤᠯᠠᠭᠠᠨ ᠭᠤᠯᠢᠷ᠂ | ᠲᠠᠭᠱᠠ ᠶᠢᠨ ᠭᠤᠯᠢᠷ᠂ ᠴᠦᠷᠬᠦᠯ ︵ᠴᠦᠯᠭᠦᠷ︶ ᠤᠨ ᠭᠤᠯᠢᠷ ᠵᠡᠷᠭᠡ ᠪᠠᠨ ᠲᠤᠭᠤᠭᠠᠨ ᠳᠤ ᠪᠠᠨ ᠬᠠᠯᠠᠭᠤᠳᠠᠭᠠᠵᠤ᠂ | ᠰᠦ ᠪᠠ ᠰᠢᠷᠠ ᠲᠤᠰᠤ᠂ ᠵᠢᠴᠢ ᠲᠠᠪᠤᠰᠤ ᠵᠡᠷᠭᠡ ᠪᠠᠨ ᠲᠤᠬᠢᠷᠠᠭᠤᠯᠤᠨ ᠨᠠᠶᠢᠷᠠᠵᠤ ᠴᠢᠨᠠᠳᠠᠭ ᠴᠠᠢ ᠪᠤᠯᠤᠨᠠ᠃ | ᠪᠤᠭᠤᠨ ᠴᠠᠢ᠄ | ᠲᠠᠯᠠ ᠨᠤᠲᠤᠭ ᠲᠤ ᠬᠠᠮᠤᠭ ᠤᠨ ᠲᠦᠭᠦᠮ᠂ ᠬᠠᠮᠤᠭ ᠤᠨ ᠪᠠᠶᠢᠭᠠᠯᠯᠢᠭ ᠴᠢᠨᠠᠷ ᠲᠠᠢ ᠴᠠᠢ ᠪᠤᠯ ᠪᠤᠭᠤᠨ | ᠴᠠᠢ ᠶᠤᠮ᠃ ᠲᠠᠷᠤᠢ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ᠪᠤᠶᠤ ᠫᠤᠭᠰᠢᠭᠰᠠᠨ ᠪᠤᠳᠠᠭᠠ ᠪᠠᠨ ᠬᠠᠭᠤᠷᠠᠢ ᠪᠠᠷ ᠡᠮᠬᠦᠨ ᠴᠡᠪᠡᠷ | ᠪᠤᠯᠠᠭ ᠤᠨ ᠤᠰᠤ ᠶᠢ ᠤᠤᠭᠤᠵᠤ ᠴᠠᠭ ᠤᠨ ᠬᠤᠭᠤᠯᠠ ᠪᠤᠯᠭᠠᠵᠤ ᠪᠠᠶᠢᠳᠠᠭ ᠢ ᠪᠤᠭᠤ ᠶᠢᠨ ᠴᠠᠢ ᠭᠡᠳᠡᠭ᠃ ᠠᠳᠤᠭᠤ | ᠮᠠᠯ ᠤᠨ ᠬᠦᠮᠦᠰ ᠪᠠ ᠡᠷᠢᠯ ᠤᠨ ᠬᠦᠮᠦᠰ ᠤᠨ ᠲᠦᠭᠦᠮ ᠴᠠᠢ ᠬᠤᠭᠤᠯᠠ ᠪᠤᠯᠤᠨᠠ᠃ | ᠤᠷᠬᠢᠭᠤᠯ ᠴᠠᠢ᠄ | ᠤᠷᠬᠢᠭᠤᠯ ᠴᠠᠢ᠂ ᠴᠢᠢᠳᠡᠮ ᠴᠠᠢ᠂ ᠪᠠᠭᠠᠭᠢᠭᠤᠯ ᠴᠠᠢ ᠶᠢᠨ ᠭᠤᠷᠪᠠᠨ ᠨᠠᠶᠢᠷᠠᠯᠳᠠᠳᠤ ᠴᠠᠢ ᠪᠤᠯ ᠮᠤᠩᠭᠤᠯ | ᠪᠤᠳᠠᠭᠠ ᠪᠤᠶᠤ ᠪᠤᠷᠤ ᠬᠤᠨᠤᠭ ᠪᠤᠳᠠᠭᠠ ᠪᠠᠨ ᠲᠤᠭᠤᠭᠠᠨ ᠳᠤ ᠪᠠᠨ ᠬᠠᠯᠠᠭᠤᠳᠠᠭᠠᠵᠤ᠂ ᠲᠡᠭᠦᠨ ᠤ ᠪᠠᠨ ᠲᠡᠭᠡᠷᠡ | ᠱᠠᠷᠤᠭ ᠦᠭᠡᠢ ᠬᠦᠭᠡ ᠴᠠᠢ ᠪᠠᠨ ᠬᠢᠵᠤ᠂ ᠰᠦ ᠪᠤᠶᠤ ᠦᠷᠦᠮᠡ᠂ ᠰᠢᠷᠠ ᠲᠤᠰᠤ ᠶᠢ ᠵᠤᠬᠢᠴᠠᠭᠤᠯᠤᠨ ᠬᠢᠵᠤ | ᠨᠡᠶᠢᠯᠡᠭᠦᠯᠦᠨ ᠴᠢᠢᠳᠡᠮᠯᠡᠵᠤ ᠤᠤᠭᠤᠳᠠᠭ ᠴᠠᠢ ᠪᠤᠯᠤᠨᠠ᠃ | ᠮᠠᠩᠵᠠᠨ ᠴᠠᠢ᠄ | ᠮᠠᠩᠵᠠᠨ ᠴᠠᠢ ᠶᠢ ᠰᠦᠮᠡ ᠭᠡᠶᠢᠳ ᠤᠨ ᠭᠠᠵᠠᠷ ᠤᠤᠭᠤᠳᠠᠭ ᠠᠴᠠ ᠦᠰᠦᠳ ᠢᠶᠠᠷ ᠮᠤᠩᠭᠤᠯᠴᠤᠳ | ᠦᠪᠡᠷᠳᠡᠭᠡᠨ ᠨᠠᠶᠢᠷᠠᠭᠤᠯᠵᠤ ᠤᠤᠭᠤᠳᠠᠭ᠃ ᠡᠨᠡ ᠨᠢ ᠱᠠᠷᠤᠭ ᠦᠭᠡᠢ ᠠᠭᠠᠭ ᠰᠠᠶᠢᠳᠠᠢ ᠴᠠᠢ ᠳᠤ ᠪᠠᠨ ᠪᠤᠷᠮᠠ᠂ | ᠰᠢᠷᠠ ᠲᠤᠰᠤ ︵ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠪᠠᠯ ᠤᠷᠤᠬᠤ︶ ᠦᠷᠦᠮᠡ᠂ ᠬᠠᠭᠤᠷᠠᠢ ᠪᠤᠳᠠᠭᠠ ᠵᠡᠷᠭᠡ ᠶᠢ ᠵᠠᠨᠳᠤᠮᠯᠠᠵᠤ | ᠬᠢᠭᠰᠡᠨ ᠲᠡᠭᠡᠳᠤ ᠠᠮᠳᠠᠳᠤ ᠴᠠᠢ ᠶᠤᠮ᠃ | ᠮᠤᠩᠭᠤᠯᠴᠤᠳ ᠴᠠᠢ ᠶᠢ ᠡᠶᠢᠨᠬᠦ ᠪᠦᠷᠢᠵᠤ ︵ᠴᠢᠢᠯᠡᠵᠤ︶ ᠤᠤᠭᠤᠬᠤ ᠨᠢ ᠴᠦᠬᠡᠨ᠂ ᠭᠤᠤᠯᠳᠠᠭᠤ | ᠴᠢᠨᠠᠵᠤ ᠯᠠ ᠤᠤᠭᠤᠳᠠᠭ ᠪᠠᠶᠢᠵᠠᠢ᠃ | | ᠵᠤᠬᠢᠶᠠᠭᠴᠢ᠄ ᠯᠠᠩᠪᠤᠷᠢᠨᠴᠢᠨ | ᠨᠠᠶᠢᠷᠠᠭᠤᠯᠣᠭᠴᠢ᠄ ᠪᠦᠷᠢᠨᠰᠠᠶᠢᠨ | |