| ᠲᠦᠷᠪᠡ᠂ ᠠᠷᠤ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠭᠠᠨ | ᠢᠳᠡᠭᠡ ᠶᠢ ᠲᠦᠬᠦᠭᠡᠷᠴᠤ ᠡᠳ᠋ᠰᠢᠭᠦᠯᠬᠦ ᠲᠤᠬᠠᠢ | ᠲᠤᠰ ᠬᠤᠰᠢᠭᠤᠨ ᠤ ᠨᠤᠲᠤᠭ ᠤᠨ ᠮᠤᠩᠭᠤᠯᠴᠤᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠲᠤᠳᠤᠷᠠ ᠠᠴᠠ ᠮᠤᠷᠢ ᠶᠢ | ᠭᠠᠷᠭᠠᠪᠠᠯ ᠪᠤᠰᠤᠳ ᠲᠦᠷᠪᠡᠨ ᠬᠤᠰᠢᠭᠤ ᠮᠠᠯ ᠤᠨ ᠮᠢᠬᠠ ᠶᠢ ᠪᠦᠷ ᠲᠦᠭᠦᠭᠡᠷᠭᠦ ᠪᠤᠶᠤ ᠪᠠᠵᠠᠭᠠᠵᠤ ᠡᠳ᠋ᠰᠢᠭᠦᠯᠦᠨ | ᠤᠯᠠᠭᠠᠨ ᠢᠳᠡᠭᠡ ᠪᠤᠯᠭᠠᠨ ᠬᠡᠷᠡᠭᠯᠡᠳᠡᠭ᠃ ᠭᠡᠬᠦ ᠳᠤ ᠪᠠᠨ ᠬᠤᠨᠢ ᠦᠭᠡᠷ ᠤᠨ ᠮᠢᠬᠠ ᠪᠠᠷ ᠭᠤᠤᠯᠯᠠᠵᠤ ᠪᠠᠶᠢᠳᠠᠭ᠃ | ᠮᠤᠷᠢᠨ ᠤ ᠮᠢᠬᠠ ᠶᠢ ᠤᠭᠳᠤ ᠢᠳᠡᠳᠡᠭ ᠦᠭᠡᠢ ᠤᠨᠴᠠ ᠴᠡᠭᠡᠷ ᠲᠠᠢ ᠪᠠᠶᠢᠳᠠᠭ᠃ | ᠡᠪᠤᠯ ᠤᠨ ᠡᠷᠢᠨ ᠳᠤ ︽ᠪᠠᠭᠠ ᠴᠠᠰᠤ︾ ᠪᠤᠯᠤᠭᠰᠠᠭᠠᠷ ᠡᠪᠤᠯ ᠤᠨ ᠢᠳᠡᠰᠢ ᠪᠠᠨ ᠪᠠᠵᠠᠭᠠᠳᠠᠭ᠃ ᠭᠡᠬᠦ ᠳᠤ | ᠪᠠᠨ ᠤᠯᠠᠭᠠᠨ ᠢᠳᠡᠭᠡ ᠶᠢ ᠪᠦᠳᠦᠭᠦᠯᠢᠭ ᠢᠶᠠᠷ ︽ᠮᠢᠬᠠ︾ ᠭᠡᠵᠤ ᠶᠠᠷᠢᠳᠠᠭ ᠦᠭᠡᠢ᠂ ᠬᠠᠷᠢᠨ ᠪᠤᠳᠠ ᠲᠦᠬᠦᠭᠡᠷᠬᠦ᠂ | ᠬᠤᠨᠢ ᠲᠦᠭᠦᠭᠡᠷᠬᠦ ᠭᠡᠬᠦ ᠪᠤᠶᠤ ᠪᠠᠵᠠᠭᠠᠬᠤ ᠭᠡᠵᠤ ᠪᠤᠳᠠ ᠮᠠᠯ ᠢ ᠪᠤᠯ ᠠᠷᠠᠯᠵᠢᠶᠠ ᠭᠠᠷᠭᠠᠵᠤ ᠪᠠᠶᠢᠨᠠ ᠭᠡᠵᠤ ᠬᠡᠯᠡᠳᠡᠭ | ᠪᠦᠭᠡᠳ ᠵᠠᠷᠤᠵᠤ ᠲᠦᠬᠦᠭᠡᠷᠬᠦ ᠳᠤ ᠪᠠᠨ ᠬᠤᠨᠢ ᠪᠤᠶᠤ ᠦᠭᠡᠷ ᠢᠶᠠᠨ ᠲᠤᠯᠤᠭᠠᠢ ᠶᠢ ᠨᠢ ᠬᠤᠶᠢᠰᠢ ︵ᠤᠮᠠᠷᠠ ᠵᠦᠭ︶ | ᠬᠠᠨᠳᠤᠭᠤᠯᠵᠤ ᠦᠷᠦᠴᠢᠯᠡᠵᠤ ᠠᠯᠠᠳᠠᠭ᠃ | ᠪᠤᠳᠠ ᠪᠠ ᠬᠤᠨᠢ ᠶᠢ ᠪᠤᠯ ᠦᠶᠡᠬᠦ ᠦᠯᠡᠳᠡᠭᠡᠵᠤ ᠲᠤᠰᠬᠠᠢ ᠭᠠᠷᠭᠠᠳᠠᠭ᠃ ᠬᠤᠨᠢᠨ ᠤ ᠬᠢ ᠶᠢ ᠪᠤᠯ | ᠡᠪᠴᠢᠭᠦᠤ ᠲᠡᠭᠡᠷᠡ ᠨᠢ ᠵᠢᠭᠠᠬᠠᠨ ᠦᠯᠡᠳᠡᠭᠡᠵᠤ᠂ ᠦᠭᠡᠷ ᠢ ᠪᠤᠯ ᠭᠤᠤᠯ ᠢᠶᠠᠷ ᠨᠢ ᠠᠯᠠᠭᠠ ᠲᠠᠷᠤᠮᠠ ᠦᠶᠡᠭᠦ | ᠭᠠᠷᠭᠠᠳᠠᠭ᠃ ᠦᠶᠡᠭᠦ ᠦᠯᠡᠳᠡᠭᠡᠭᠦ ᠶᠤᠰᠤ ᠠᠨᠤ ᠮᠠᠯ ᠦᠨᠢᠷ ᠦᠰᠭᠦ ᠶᠢᠨ ᠪᠡᠯᠭᠡ ᠭᠡᠵᠤ ᠪᠡᠯᠭᠡᠰᠢᠶᠡᠳᠡᠭ᠃ | ᠡᠪᠤᠯ ᠤᠨ ᠢᠳᠡᠰᠢᠨ ᠤ ᠮᠢᠬᠠ ᠶᠢ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠬᠤ ᠤᠯᠠᠨ ᠵᠦᠢᠯ ᠤᠨ ᠠᠷᠭᠠ ᠲᠡᠮ ᠪᠠᠶᠢᠳᠠᠭ᠃ | ᠭᠡᠬᠦ ᠳᠤ ᠪᠠᠨ ᠬᠤᠨᠢ ᠦᠭᠡᠷ ᠢᠶᠠᠨ ᠲᠤᠶᠠᠴᠢᠬᠤ ᠠᠴᠠ ᠪᠢᠰᠢ ᠮᠢᠬᠠ ᠶᠢ ᠨᠢ ᠱᠤᠯᠤᠳᠠᠭ ᠦᠭᠡᠢ᠃ ᠡᠰᠡᠭᠦᠯᠡ | ᠬᠤᠨᠢᠨ ᠬᠠᠪᠰᠤᠷᠤᠭᠠ ᠪᠤᠶᠤ ᠦᠭᠡᠷ ᠢ ᠪᠤᠯ ᠠᠷᠠᠰᠤᠨ ᠳᠤ ᠨᠢ ᠪᠠᠭᠯᠠᠵᠤ ᠲᠦᠩᠭᠦᠯᠵᠡᠭ ᠢᠶᠠᠷ ᠨᠢ ᠬᠠᠳᠠᠭᠠᠯᠠᠬᠤ᠂ | ᠭᠦᠵᠡᠭᠡᠨ ᠳᠤ ᠨᠢ ᠬᠢᠵᠤ ᠬᠠᠳᠠᠭᠠᠯᠠᠬᠤ᠂ ᠭᠠᠩ ᠰᠠᠪᠠ ᠪᠠ ᠠᠷᠠᠯ ᠤᠨ ᠰᠠᠭᠰᠤ ︵ᠠᠷᠤ ᠬᠤᠷᠴᠢᠨ ᠳᠤ ᠬᠤᠸᠠᠩ | ᠭᠡᠵᠤ ᠬᠡᠯᠡᠳᠡᠭ︶᠂ ᠵᠠᠩ ᠠᠪᠳᠠᠷᠠ ᠳᠤ ᠬᠢᠵᠤ ᠬᠠᠳᠠᠭᠠᠯᠠᠬᠤ ᠴᠦ ᠪᠤᠢ᠃ ᠪᠠᠭᠠ ᠰᠠᠭᠠ ᠶᠢ ᠨᠢ ᠪᠤᠯ ᠲᠦᠩᠭᠦᠷᠢᠭ | ᠲᠤ ᠬᠠᠳᠠᠭᠠᠯᠠᠵᠤ ᠪᠠᠶᠢᠬᠤ ᠴᠦ ᠪᠤᠢ᠃ ᠵᠤᠨ ᠨᠠᠮᠤᠷ ᠤᠨ ᠱᠦᠯᠦᠨ ᠤ ᠮᠢᠬᠠ ᠶᠢ ᠪᠤᠯ ᠤᠯᠠᠩᠭᠢ ᠳᠤ ᠪᠠᠨ | ᠪᠤᠷᠴᠠᠯᠠᠵᠤ ᠬᠠᠳᠠᠭᠠᠵᠤ ᠪᠠᠶᠢᠳᠠᠭ ᠶᠤᠮ᠃ ᠬᠤᠷᠰᠢᠭᠰᠠᠨ ᠮᠢᠬᠠ ᠪᠤᠯ ᠬᠢᠩᠭᠠᠷᠠ ᠪᠠᠷ ᠬᠠᠭᠠᠯᠵᠤ ᠬᠠᠳᠠᠭᠠᠵᠤ ᠠᠪᠳᠠᠭ | ᠃ | ᠵᠤᠮᠠ ᠬᠤᠨᠢ ᠪᠠ ᠰᠢᠭᠦᠰᠦ ᠶᠢᠨ ᠲᠤᠬᠠᠢ | 1. ᠵᠤᠮᠠ ᠬᠤᠨᠢ | ᠵᠤᠮᠠ ᠬᠤᠨᠢ ᠭᠡᠭᠴᠢ ᠡᠷᠭᠢᠮ ᠬᠡᠶᠢᠴᠢᠨ ᠵᠤᠴᠢᠨ ᠢᠶᠠᠨ ᠲᠠᠶᠢᠯᠬᠤ ︵ᠵᠤᠴᠢᠯᠠᠬᠤ︶ ᠲᠡᠭᠡᠳᠤ ᠵᠡᠷᠭᠡ ᠶᠢᠨ | ᠢᠳᠡᠭᠡ ᠶᠤᠮ᠃ ᠬᠤᠨᠢ ᠪᠠᠨ ᠪᠠᠵᠠᠭᠠᠭᠰᠠᠨ ᠤ ᠪᠠᠨ ᠲᠠᠷᠠᠭᠠ ᠠᠷᠠᠰᠤ ᠶᠢ ᠨᠢ ᠵᠤᠮᠯᠠᠵᠤ᠂ ᠭᠡᠳᠡᠰᠤ ᠲᠤᠳᠤᠷ ᠢ ᠨᠢ | ᠭᠠᠷᠭᠠᠭᠠᠳ ᠪᠦᠬᠦᠯᠢ ᠪᠠᠷ ᠨᠢ ᠡᠷᠭᠢᠭᠦᠯᠭᠡ ᠲᠡᠭᠡᠷᠡ ᠡᠭᠡᠭᠡᠵᠤ ᠰᠢᠷᠠᠵᠤ ᠪᠤᠯᠭᠤᠭᠠᠬᠤ ᠲᠤᠯᠠ ᠠᠮᠳᠠ ᠨᠢ ᠮᠠᠰᠢ | ᠰᠡᠪᠡᠭᠦᠨ ᠪᠠᠶᠢᠳᠠᠭ ᠨᠢᠭᠡᠨ ᠵᠦᠢᠯ ᠤᠨ ᠢᠳᠡᠭᠡ ᠶᠤᠮ᠃ ᠵᠤᠮᠠ ᠬᠤᠨᠢ ᠪᠠᠨ ᠰᠢᠷᠠᠬᠤ ᠳᠤ ᠪᠠᠨ ᠬᠤᠷᠬᠤᠯᠠᠬᠤ ᠭᠠᠯ | ᠤᠨ ᠢᠶᠠᠨ ᠢᠯᠴᠢᠨ ᠤ ᠢᠳᠡ ᠶᠢ ᠵᠦᠭᠡᠭ ᠲᠤᠭᠢᠷᠠᠭᠤᠯᠬᠤ ᠶᠢᠨ ᠬᠠᠮᠳᠤ ᠲᠠᠪᠤᠰᠤ᠂ ᠵᠡᠷᠯᠢᠭ ᠭᠤᠭᠤᠳ ᠲᠠᠭᠠᠨᠠ᠂ | ᠵᠡᠷᠯᠢᠭ ᠰᠤᠩᠭᠢᠨᠠ ᠪᠠ ᠭᠦᠩᠭᠦᠷ ᠭᠤᠭᠤᠳ ᠵᠡᠷᠭᠡ ᠪᠠᠨ ᠲᠤᠬᠢᠶᠠᠵᠤ ᠠᠮᠳᠠ ᠤᠷᠤᠭᠤᠯᠬᠤ ᠪᠠ ᠤᠳᠤ ᠴᠠᠭ ᠲᠤ | ᠲᠠᠪᠤᠨ ᠬᠠᠯᠠᠭᠤᠨ ᠪᠤᠯᠬᠤ ᠠᠯᠢᠰᠢᠮ᠂ ᠶᠠᠷᠮᠠ᠂ ᠰᠢᠩᠼᠠ᠂ ᠰᠡᠳᠡᠷᠡᠭ᠂ ᠭᠠ ᠵᠡᠷᠭᠡ ᠪᠠᠷ ᠠᠮᠳᠠ ᠭᠢᠵᠤ ᠪᠤᠢ᠃ | 2. ᠪᠦᠬᠦᠯᠢ ᠰᠢᠭᠦᠰᠤ ᠲᠠᠯᠪᠢᠬᠤ ᠶᠢᠨ ᠬᠡᠳᠤᠨ ᠵᠦᠢᠯ ᠢ ᠬᠤᠷᠢᠶᠠᠩᠭᠤᠶᠢᠯᠠᠨ ᠲᠤᠪᠴᠢᠯᠠᠶᠠ᠃ | ᠶᠡᠭᠡ ᠰᠢᠭᠦᠰᠦ ᠲᠠᠯᠪᠢᠬᠤ ᠶᠤᠰᠤᠨ᠄ | ︵1︶ ᠡᠪᠴᠢᠭᠦᠤ ᠶᠢ ᠲᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠨᠠ᠃ | ᠡᠭᠦᠨ ᠢ ᠲᠠᠪᠠᠭ ᠪᠤᠶᠤ ᠴᠠᠷᠠ᠂ ᠭᠦᠯᠳᠤ ᠴᠠᠷᠠ ᠳᠤ ᠲᠠᠯᠪᠢᠨᠠ᠃ | ︵2︶ ᠬᠤᠶᠠᠷ ᠪᠤᠯᠭᠤᠭᠰᠠᠨ ᠰᠡᠮᠡᠵᠡ ᠶᠢ ᠲᠠᠯᠪᠢᠨᠠ᠃ | ︵3︶ ᠤᠬᠢᠶᠠᠵᠤ ᠴᠡᠪᠡᠷᠯᠡᠵᠤ ᠴᠢᠨᠠᠭᠰᠠᠨ ᠭᠦᠵᠡᠭᠡ ᠶᠢ ᠲᠠᠯᠪᠢᠨᠠ᠃ | ︵4︶ ᠤᠬᠢᠶᠠᠵᠤ ᠴᠡᠪᠡᠷᠯᠡᠵᠤ ᠴᠢᠨᠠᠭᠰᠠᠨ ᠰᠠᠷᠬᠢᠨᠠᠭ ᠢ ᠲᠠᠯᠪᠢᠨᠠ ᠃ | ︵5︶ ᠬᠤᠳᠤᠭᠤᠳᠤ ᠴᠢᠳᠬᠤᠭᠰᠠᠨ ᠤᠯᠤᠭᠠᠢ ᠶᠢ ᠲᠠᠯᠪᠢᠨᠠ᠃ | ︵6︶ ᠴᠢᠳᠬᠤᠭᠰᠠᠨ ᠭᠡᠳᠡᠰᠤ ᠲᠠᠯᠪᠢᠨᠠ᠃ | ︵7︶ ᠬᠤᠤᠰ ︵ᠬᠤᠳᠤ︶ ᠭᠡᠳᠡᠰᠤ ᠲᠠᠯᠪᠢᠨᠠ᠃ | ︵8︶ ᠬᠤᠶᠠᠷ ᠬᠠ ᠶᠢ ᠲᠡᠭᠦᠨ ᠤ ᠲᠡᠭᠡᠭᠦᠷ ᠡᠮᠤᠨᠡᠰᠢ ᠬᠦᠮᠦᠷᠢᠵᠤ ᠲᠠᠯᠪᠢᠨᠠ᠃ | ︵9︶ ᠠᠭᠤᠰᠬᠢ᠂ ᠵᠢᠷᠦᠭᠡ᠂ ᠲᠤᠯᠳᠤ᠂ ᠦᠩᠭᠡᠯᠵᠢᠭ ᠵᠡᠷᠭᠡ ᠶᠢ ᠲᠠᠯᠪᠢᠨᠠ᠃ | ︵10︶ ᠬᠤᠶᠠᠷ ᠭᠤᠶᠠ ᠶᠢ ᠠᠷᠤᠨᠰᠢ ᠬᠦᠮᠦᠷᠢᠨ ᠲᠠᠯᠪᠢᠨᠠ ᠃ | ︵11︶ ᠰᠡᠭᠡᠷ ᠢ ᠲᠡᠭᠦᠨ ᠤ ᠪᠠᠷᠠᠭᠤᠨ ᠲᠠᠯᠠ ᠳᠤ ᠨᠢ ᠲᠠᠯᠪᠢᠨᠠ ︵ᠦᠨᠳᠤᠷ ᠨᠢ ᠡᠮᠤᠨᠡᠰᠢ ᠬᠠᠨᠳᠤᠨᠠ | ︶᠃ | ︵12︶ ᠬᠦᠵᠦᠭᠦᠤ ᠶᠢ ᠲᠡᠭᠦᠨ ᠤ ᠵᠡᠭᠦᠨᠡ ᠨᠢ ᠲᠠᠯᠪᠢᠨᠠ ᠠᠮᠠᠨ ᠬᠦᠵᠦᠭᠦᠤ ᠡᠮᠤᠨᠡᠰᠢ ᠬᠠᠨᠳᠤᠨᠠ︶᠃ | ︵13︶ ᠡᠯᠢᠭᠡ ᠶᠢ ᠬᠦᠵᠦᠬᠦᠨ ᠤ ᠪᠠᠷᠠᠭᠤᠨ ᠳᠤ ᠲᠠᠯᠪᠢᠨᠠ᠃ | ︵14︶ ᠲᠠᠯᠤ ᠶᠢ ᠭᠦᠵᠦᠬᠦᠨ ᠤ ᠵᠡᠭᠦᠨ ᠳᠤ ᠲᠠᠯᠪᠢᠨᠠ᠃ | ︵15︶ ᠬᠤᠶᠠᠷ ᠪᠦᠭᠡᠷᠡ ᠨᠢ ᠰᠡᠭᠦᠵᠢᠨ ᠤ ᠡᠮᠤᠨᠡ ᠲᠠᠭᠠᠷᠠᠨᠠ᠃ | ︵16︶ ᠭᠤᠤᠯ ᠮᠢᠬᠠ ᠬᠦᠵᠦᠭᠦᠨ ᠤ ᠲᠡᠭᠡᠷᠡ ᠨᠢ ᠲᠠᠭᠠᠷᠠᠨᠠ᠃ | ︵17︶ ᠰᠡᠭᠡᠷ ᠨᠢ ᠬᠤᠶᠠᠷ ᠬᠠ ᠶᠢᠨ ᠲᠤᠮᠳᠠ ᠪᠠᠷᠠᠭᠤᠨ ᠳᠤ ᠨᠢ ᠲᠠᠭᠠᠷᠠᠨᠠ᠃ | ︵18︶ ᠭᠦᠵᠦᠬᠦᠤ ᠨᠢ ᠬᠤᠶᠠᠷ ᠬᠠ ᠶᠢᠨ ᠲᠤᠮᠳᠠ ᠵᠡᠭᠦᠨ ᠳᠤ ᠨᠢ ᠲᠠᠭᠠᠷᠠᠨᠠ᠃ | ︵19︶ ᠪᠤᠯᠭᠤᠭᠰᠠᠨ ᠤᠭᠤᠴᠠ ᠶᠢ ᠲᠡᠭᠡᠷᠡ ᠨᠢ ᠬᠦᠮᠦᠷᠢᠨ ᠲᠠᠯᠪᠢᠨᠠ᠃ | ︵20︶ ᠡᠷᠡᠤ ᠪᠠ ᠬᠡᠯᠡ ᠲᠡᠭᠡᠭᠰᠢ ᠬᠠᠨᠳᠤᠵᠤ ᠲᠠᠭᠠᠷᠠᠨᠠ᠃ | ︵21︶ ᠬᠠᠮᠤᠭ ᠲᠡᠭᠡᠷᠡ ᠨᠢ ᠲᠤᠯᠤᠭᠠᠢ ᠶᠢ ᠨᠢ ᠲᠤᠯᠤᠭᠠᠢ ᠶᠢᠨ ᠪᠠᠶᠢᠷᠢᠰᠢᠯ ᠶᠤᠰᠤᠭᠠᠷ ᠨᠢ ᠲᠠᠯᠪᠢᠨᠠ᠃ | ᠶᠢᠰᠤᠨ ᠴᠠᠭᠠᠨ ᠤ ᠶᠤᠰᠤᠨ᠄ | ︵1︶ ᠡᠪᠴᠢᠭᠦᠤ ᠲᠡᠭᠡᠭᠰᠢ ᠬᠠᠨᠳᠤᠨᠠ᠃ | ︵2︶ ᠬᠠ ᠶᠢ ᠡᠮᠤᠨᠡᠰᠢ ᠬᠦᠮᠦᠷᠢᠨᠡ᠃ | ︵3︶ ᠬᠤᠶᠠᠷ ᠭᠤᠶᠠ ᠶᠢ ᠠᠷᠤᠨᠰᠢ ᠪᠠᠨ ᠵᠢᠬᠢᠯᠭᠡᠵᠤ ᠲᠠᠯᠪᠢᠨᠠ᠃ | ︵4︶ ᠬᠠ ᠶᠢᠨ ᠲᠤᠮᠳᠠ ᠨᠢ ᠰᠡᠭᠡᠷ ᠢ ᠪᠠᠷᠠᠭᠤᠨ ᠨᠢ ᠲᠠᠯᠪᠢᠨᠠ᠃ | ︵5︶ ᠬᠦᠵᠦᠬᠦᠤ ᠶᠢ ᠵᠡᠭᠦᠨ ᠨᠢ ᠠᠮᠠᠨ ᠭᠦᠵᠦᠬᠦᠯᠡᠵᠤ ᠲᠠᠯᠪᠢᠨᠠ᠃ | ︵6︶ ᠲᠡᠭᠦᠨ ᠤ ᠲᠡᠭᠡᠷᠡ ᠤᠭᠤᠴᠠ ᠶᠢ ᠬᠦᠮᠦᠷᠢᠵᠤ ᠲᠠᠯᠪᠢᠨᠠ᠃ | ︵7︶ ᠲᠤᠯᠤᠭᠠᠢ ᠶᠢ ᠲᠡᠭᠡᠷᠡ ᠨᠢ ᠵᠦᠪ ᠲᠠᠯᠪᠢᠨᠠ᠃ | ᠲᠤᠯᠤᠭᠠ ᠶᠢᠨ ᠰᠢᠭᠦᠰᠦᠨ ᠤ ᠶᠤᠰᠤᠨ᠄ | ︵1︶ ᠬᠤᠶᠠᠷ ᠬᠠ ᠶᠢ ᠨᠢ ᠡᠮᠤᠨᠡᠰᠢ ᠵᠢᠭᠢᠯᠭᠡᠵᠤ ᠲᠠᠯᠪᠢᠨᠠ᠃ | ︵2︶ ᠬᠤᠶᠠᠷ ᠭᠤᠶᠠ ᠶᠢ ᠨᠢ ᠬᠤᠶᠢᠰᠢ ᠪᠠᠨ ᠵᠢᠬᠢᠯᠭᠡᠵᠤ ᠲᠠᠯᠪᠢᠨᠠ᠃ | ︵3︶ ᠬᠠ ᠶᠢᠨ ᠲᠤᠮᠳᠠ ᠰᠡᠭᠡᠷ ᠲᠠᠯᠪᠢᠨᠠ᠃ | ︵4︶ ᠰᠡᠭᠡᠷ ᠤᠨ ᠲᠡᠭᠡᠳᠡᠢ ᠤᠭᠤᠴᠠ ᠶᠢ ᠬᠦᠮᠦᠷᠢᠨᠡ᠃ | ︵5︶ ᠲᠡᠭᠦᠨ ᠤ ᠲᠡᠭᠡᠷᠡ ᠡᠷᠡᠤ ᠦᠭᠡᠢ ᠲᠤᠯᠤᠭᠠᠢ ᠶᠢ ᠲᠠᠯᠪᠢᠨᠠ᠃ | ᠲᠠᠪᠤ ᠶᠢᠨ ᠰᠢᠭᠦᠰᠦᠨ ᠤ ᠶᠤᠰᠤᠨ᠄ | ︵1︶ ᠬᠤᠶᠠᠷ ᠬᠠ ᠶᠢ ᠡᠮᠤᠨᠡᠰᠢ ᠵᠢᠭᠢᠯᠭᠡᠨᠡ᠃ | ︵2︶ ᠬᠤᠶᠠᠷ ᠭᠤᠶᠠ ᠶᠢ ᠬᠤᠶᠢᠰᠢ ᠵᠢᠭᠢᠯᠭᠡᠨᠡ᠃ | ︵3︶ ᠲᠡᠭᠦᠨ ᠤ ᠲᠡᠭᠡᠷᠡ ᠲᠠᠷᠤᠮ ︵ᠰᠡᠭᠦᠯ ᠦᠭᠡᠢ ᠤᠭᠤᠴᠠ︶ ᠲᠠᠯᠪᠢᠨᠠ᠃ | ᠭᠤᠷᠪᠠ ᠶᠢᠨ ᠰᠢᠭᠦᠰᠤᠨ ᠶᠤᠰᠤᠨ᠄ | ︵1︶ ᠰᠡᠭᠡᠷ᠂ ᠪᠠᠷᠠᠭᠤᠨ ᠱᠠᠭᠠᠨᠳᠤ ᠲᠠᠯᠪᠢᠨᠠ᠃ | ︵2︶ ᠰᠦᠪᠦᠷᠭᠡᠰᠤᠨ ᠤ ᠭᠤᠷᠪᠠᠨ ᠬᠠᠪᠢᠷᠭᠠ ᠲᠠᠯᠪᠢᠨᠠ᠃ | ︵3︶ ᠲᠠᠷᠤᠮ ︵ᠰᠡᠭᠦᠯ ᠦᠭᠡᠢ ᠤᠭᠤᠴᠠ︶ ᠢ ᠬᠦᠮᠦᠷᠢᠵᠤ ᠲᠠᠯᠪᠢᠨᠡ᠃ | ᠠᠷᠤ ᠬᠤᠷᠴᠢᠨ ᠮᠤᠩᠭᠤᠯᠴᠤᠳ ᠡᠷᠳᠡ ᠦᠶᠡ ᠳᠤ ᠪᠠᠨ ᠲᠡᠭᠡᠷᠡᠬᠢ ᠮᠡᠳᠤ ᠪᠠᠷ ᠲᠠᠪᠤᠨ ᠵᠦᠢᠯ ᠤᠨ ᠰᠢᠭᠦᠰᠤ | ᠲᠠᠯᠪᠢᠵᠤ ᠪᠠᠶᠢᠵᠠᠢ᠃ ᠭᠡᠬᠦ ᠳᠤ ᠪᠠᠨ ᠰᠢᠭᠦᠰᠤ ᠲᠠᠯᠪᠢᠬᠤ ᠪᠤᠯᠭᠠᠨ ᠪᠡᠯᠭᠡ ᠲᠡᠮᠪᠡᠷᠢᠯ ᠲᠠᠢ ᠦᠭᠡ ᠬᠡᠯᠡᠵᠤ᠂ ᠭᠡᠷ ᠤᠨ | ᠡᠵᠡᠨ ᠪᠠ ᠵᠤᠴᠢᠳ ᠨᠢ ᠦᠪᠡᠷ ᠦᠪᠡᠷ ᠤᠨ ᠢᠶᠠᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠳᠡᠭ ᠪᠠᠶᠢᠵᠠᠢ᠃ ᠬᠤᠷᠢᠮ ᠲᠤᠢ ᠠᠴᠠ | ᠪᠤᠰᠤᠳ ᠲᠤᠷ ᠦᠩᠭᠡᠷᠡᠤ ᠶᠡᠭᠡ ᠢᠷᠤᠭᠡᠳ ᠲᠠᠯᠪᠢᠳᠠᠭ ᠦᠭᠡᠢ ᠵᠠᠩᠰᠢᠯ ᠲᠠᠢ᠂ ᠶᠠᠭᠤ ᠪᠤᠯᠤᠭᠰᠠᠨ ᠴᠦ | ᠲᠦᠭᠦᠮᠴᠢᠯᠡᠵᠤ ᠯᠠ ᠪᠠᠶᠢᠵᠠᠢ᠃ | 3. ᠵᠠᠶᠢᠳᠠᠰᠤ᠂ ᠪᠤᠷᠳᠤᠭᠰᠠᠨ ᠬᠤᠳᠤᠭᠤᠳᠤ᠂ ᠪᠤᠷᠳᠤᠭᠰᠠᠨ ᠤᠯᠤᠭᠠᠢ ᠶᠢᠨ ᠱᠦᠯᠦ᠂ ᠪᠤᠷᠳᠤᠭᠰᠠᠨ | ᠲᠤᠯᠢᠳᠤ ᠶᠢᠨ ᠲᠤᠬᠠᠢ᠄ | ᠵᠠᠶᠢᠳᠠᠰᠤ᠄ | ᠡᠪᠤᠯ ᠠᠷᠠᠯᠵᠢᠶᠠ ︵ᠢᠳᠡᠰᠢ︶ ᠭᠠᠷᠭᠠᠭᠰᠠᠨ ᠤ ᠦᠶᠡ ᠳᠤ ᠴᠢᠰᠤ ᠶᠢ ᠨᠢ ᠰᠠᠭᠠᠳᠠ ᠶᠢᠨ ᠭᠤᠯᠢᠷ ᠲᠠᠢ | ᠨᠠᠶᠢᠷᠠᠭᠤᠯᠵᠤ ᠴᠢᠳᠬᠤᠭᠠᠳ ᠭᠤᠭᠴᠤᠭᠠ ᠭᠤᠭᠴᠤᠭᠠ ᠪᠠᠷ ᠬᠤᠪᠢᠶᠠᠷᠢᠯᠠᠨ ᠮᠠᠯ ᠤᠨ ᠰᠠᠷᠭᠢᠨᠠᠭ ᠪᠤᠶᠤ ᠬᠦᠵᠡᠭᠡ | ᠵᠡᠷᠭᠡ ᠳᠤ ᠨᠢ ᠬᠢᠵᠤ ᠬᠦᠯᠳᠡᠭᠡᠭᠡᠳ ᠡᠪᠤᠯ ᠬᠠᠪᠤᠷ ᠲᠤ ᠪᠠᠨ ᠢᠳᠡᠳᠡᠭ ᠶᠤᠮ᠃ ᠵᠠᠶᠢᠳᠠᠰᠤ ᠨᠢ ᠮᠤᠩᠭᠤᠯᠴᠤᠳ ᠤᠨ | ᠪᠠᠰᠠ ᠨᠢᠭᠡ ᠵᠦᠢᠯ ᠤᠨ ᠤᠯᠠᠭᠠᠨ ᠢᠳᠡᠭᠡᠨ ᠤ ᠲᠤᠳᠤᠮᠳᠠᠯ ᠪᠤᠯᠬᠤ ᠶᠤᠮ᠃ | ᠪᠤᠷᠳᠤᠭᠰᠠᠨ ᠬᠤᠳᠤᠭᠤᠳᠤ᠄ ᠬᠤᠳᠤᠭᠤᠳᠤ ᠶᠢ ᠪᠤᠷᠳᠤᠬᠤ ᠭᠡᠳᠡᠭ ᠨᠢ ᠮᠠᠯ ᠤᠨ ᠲᠤᠳᠤᠷᠠ ᠭᠤᠤᠯ ᠂ ᠰᠡᠭᠡᠷ ᠤᠨ | ᠵᠦᠭᠡᠯᠡᠨ ᠮᠢᠬᠠ ᠪᠠ ᠡᠯᠢᠭᠡ ᠵᠡᠷᠭᠡ ᠶᠢ ᠲᠠᠭᠠᠨᠠ᠂ ᠵᠡᠷᠯᠢᠭ ᠰᠤᠩᠭᠢᠨᠠ᠂ ᠰᠤᠷᠢᠰᠤ ᠵᠡᠷᠭᠡ ᠲᠠᠢ ᠬᠤᠯᠢᠵᠤ᠂ | ᠡᠳᠡᠭᠡᠷ ᠢᠶᠠᠨ ᠬᠢᠩᠭᠠᠷᠠ ︵ᠪᠤᠤᠳᠤᠤ︶ ᠪᠠᠷ ᠨᠢᠭᠳᠠ ᠬᠢᠷᠦᠵᠤ ︵ᠬᠢᠷᠤᠬᠤ ᠶᠢ ᠰᠢᠶᠠᠨᠼᠢ ᠳᠦᠸᠧᠬᠦ ᠭᠡᠵᠤ ᠬᠢᠳᠠᠳ | ᠢᠶᠠᠷ ᠬᠡᠯᠡᠭᠡᠳ ᠵᠠᠩᠰᠢᠵᠤ ᠪᠤᠢ︶ ᠰᠤᠷᠰᠤ ︵ᠬᠢᠳᠠᠳ ᠢᠶᠠᠷ ᠰᠢᠶᠠᠨᠼᠢ︶ ᠪᠤᠯᠭᠠᠭᠠᠳ ᠬᠤᠳᠤᠭᠤᠳᠤᠨ ᠳᠤ ᠨᠢ | ᠴᠢᠬᠢᠵᠤ᠂ ᠲᠡᠭᠦᠨ ᠤ ᠠᠮᠠᠰᠠᠷ ᠢ ᠪᠤᠷᠭᠠᠰᠤᠨ ᠰᠡᠯᠪᠢᠭᠦᠷ ︵ᠱᠤᠷᠤ︶ ᠢᠶᠠᠷ ᠰᠦᠯᠵᠢᠨ ᠰᠡᠯᠪᠢᠵᠤ ᠦᠯᠦᠨ ᠭᠡᠳᠡᠰᠤ | ᠪᠠᠷ ᠨᠢ ᠤᠷᠢᠶᠠᠨ ᠤᠶᠠᠵᠤ ᠭᠦᠨᠵᠢᠵᠤ ᠲᠠᠯᠪᠢᠨᠠ᠃ ᠲᠡᠭᠡᠭᠡᠳ ᠴᠢᠨᠠᠵᠤ ᠪᠤᠯᠭᠤᠭᠠᠭᠰᠠ ᠢ ᠪᠤᠷᠳᠤᠭᠰᠠᠨ | ᠬᠤᠳᠤᠭᠤᠳᠤ ᠭᠡᠳᠡᠭ᠃ ᠨᠤᠭᠤᠯᠤᠭᠤᠷ ᠢ ᠨᠢ ᠨᠤᠭᠤᠨ ᠦᠷᠡ ᠳᠤ ᠢᠳᠡᠭᠦᠯᠵᠤ᠂ ᠪᠠᠰᠬᠠᠨ ᠦᠷᠡ ᠳᠤ ᠦᠭᠴᠤ | ᠢᠳᠡᠭᠦᠯᠳᠡᠭ ᠦᠭᠡᠢ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠤᠬᠤᠢ᠃ | ᠪᠤᠷᠳᠤᠭᠰᠠᠨ ᠤᠯᠤᠭᠠᠢ ᠱᠦᠯᠦ᠄ | ᠬᠤᠨᠢ ᠢᠮᠠᠭᠠᠨ ᠤ ᠤᠯᠤᠭᠠᠢ ᠶᠢ ᠬᠤᠳᠤᠭᠤᠳᠤ ᠪᠤᠷᠳᠤᠬᠤ ᠲᠠᠢ ᠠᠳᠠᠯᠢ ᠪᠠᠷ ᠭᠤᠤᠯ ᠤᠨ ᠵᠦᠭᠡᠯᠡᠨ ᠮᠢᠬᠠ | ᠪᠠ ᠲᠠᠭᠠᠨᠠ ᠬᠦᠮᠡᠯᠢ ᠰᠤᠩᠭᠢᠨᠠ ᠲᠠᠢ ᠰᠠᠶᠢᠳᠤᠷ ᠬᠢᠷᠤᠨ ᠰᠤᠷᠰᠤ ᠪᠤᠯᠭᠠᠭᠠᠳ ᠤᠯᠤᠭᠠᠢ ᠪᠠᠨ ᠪᠤᠷᠳᠤᠨ ᠴᠢᠭᠢᠭᠡᠳ | ᠠᠮᠠᠰᠠᠷ ᠢ ᠨᠢ ᠪᠠᠬᠢᠯᠡᠨ ᠤᠶᠠᠵᠤ ᠴᠢᠨᠠᠵᠤ ᠪᠤᠯᠭᠠᠭᠠᠳ ᠮᠢᠬᠠ ᠴᠢᠨᠠᠭᠰᠠᠨ ᠱᠦᠯᠦᠨ ᠳᠤᠷ ᠬᠢᠵᠤ ᠲᠤᠳᠤᠮᠳᠠᠭᠰᠠᠨ ᠢ | ᠤᠯᠤᠭᠠᠢ ᠱᠦᠯᠦ ᠭᠡᠨᠡ᠃ | ᠤᠯᠤᠭᠠᠢ ᠱᠦᠯᠦ ᠶᠢ ᠭᠡᠤᠭᠡᠳ ᠲᠤ ᠢᠳᠡᠭᠦᠯᠳᠡᠭ ᠦᠭᠡᠢ᠂ ᠤᠴᠢᠷ ᠨᠢ ᠤᠯᠤᠭᠠᠢ ᠠᠳᠠᠯᠢ ᠪᠢᠳᠡᠭᠦᠷᠡᠵᠤ | ᠤᠬᠠᠪᠤᠷᠢ ᠦᠭᠡᠢ ᠪᠤᠯᠬᠤ ᠶᠤᠮ ᠭᠡᠨᠡ᠃ ᠲᠤᠰ ᠬᠤᠰᠢᠭᠤᠨ ᠤ ᠪᠠᠶᠠᠳ᠂ ᠲᠠᠲ᠋ᠠᠷ᠂ ᠪᠤᠷᠪᠢᠴᠢᠨ ᠠᠶᠢᠮᠠᠭ ᠤᠨ ᠬᠢᠨ | ᠤᠯᠤᠭᠠᠢ ᠪᠠ ᠲᠡᠯᠢᠭᠦᠤ ᠢᠳᠡᠳᠡᠭ ᠦᠭᠡᠢ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠪᠤᠰᠤᠳ ᠠᠶᠢᠮᠠᠭ ᠤᠨ ᠬᠢᠨ ᠬᠠᠮᠢᠶᠠᠷᠳᠠᠭ | ᠦᠭᠡᠢ᠃ | ᠪᠤᠷᠳᠤᠭᠰᠠᠨ ᠲᠤᠯᠢᠳᠤ᠄ | ᠪᠤᠷᠳᠤᠭᠰᠠᠨ ᠲᠤᠯᠢᠳᠤ ᠭᠡᠳᠡᠭ ᠨᠢ ᠦᠩᠭᠦᠯᠴᠡᠭ ᠢ ᠪᠢᠳᠡᠭᠦᠬᠡᠨ ᠠᠪᠤᠭᠠᠳ ᠲᠡᠭᠦᠨ ᠤ ᠲᠤᠳᠤᠷᠠ ᠨᠢ | ᠰᠡᠮᠡᠵᠡᠨ ᠦᠭᠡᠬᠦ᠂ ᠬᠠᠪᠢᠷᠭᠠᠨ ᠤ ᠦᠩᠭᠡ ᠵᠡᠷᠭᠡ ᠠᠴᠠ ᠴᠢᠬᠢᠨ ᠲᠦᠭᠦᠭᠡᠷᠴᠤ ᠤᠶᠤᠭᠠᠳ ᠴᠢᠨᠠᠵᠤ ᠪᠤᠯᠭᠤᠭᠠᠨ | ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠᠨ ᠳᠤ ᠪᠠᠨ ᠬᠢᠵᠤ ᠴᠠᠢ ᠶᠢᠨ ᠬᠤᠯᠢᠶᠠ ᠪᠤᠯᠭᠠᠳᠠᠭ ᠢᠳᠡᠭᠡ ᠪᠤᠯᠬᠤ ᠶᠤᠮ᠃ | ᠪᠤᠷᠳᠤᠭᠰᠠᠨ ᠲᠡᠯᠢᠭᠦᠤ᠄ | ᠳᠡᠯᠢᠭᠦᠦ ᠶᠢ ᠴᠦ ᠮᠦᠨ ᠪᠤᠷᠳᠤᠵᠤ ᠢᠳᠡᠬᠦ ᠬᠦᠮᠦᠰ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠲᠡᠯᠢᠭᠦᠤ ᠪᠠᠨ ᠲᠤᠮᠳᠠᠭᠤᠷ ᠨᠢ | ᠵᠦᠰᠦᠵᠤ ᠬᠠᠭᠠᠯᠤᠭᠠᠳ ᠵᠠᠪᠰᠠᠷ ᠲᠤ ᠨᠢ ᠭᠤᠭᠤᠳ᠂ ᠰᠤᠩᠭᠢᠨᠠ᠂ ᠲᠠᠭᠠᠨᠠ᠂ ᠵᠢᠴᠢ ᠲᠤᠳᠤᠷᠠ ᠦᠭᠡᠬᠦ᠂ | ᠵᠦᠭᠡᠯᠡᠨ ᠮᠢᠬᠠ ᠵᠡᠷᠭᠡ ᠶᠢ ᠵᠢᠭᠠᠬᠠᠨ ᠬᠤᠯᠢᠵᠤ ᠴᠢᠬᠢᠭᠡᠳ ᠤᠶᠤᠨᠠ᠂ ᠲᠡᠭᠦᠨ ᠢ ᠪᠠᠨ ᠶᠠᠰᠤᠨ ᠤ ᠱᠦᠯᠦᠨ ᠳᠤ | ᠴᠢᠨᠠᠵᠤ ᠪᠤᠯᠭᠤᠭᠠᠳ ᠢᠳᠡᠳᠡᠭ᠃ ᠠᠷᠤ ᠬᠤᠷᠴᠢᠨ ᠳᠤ ᠡᠪᠴᠢᠭᠦᠴᠢᠨ ᠠᠶᠢᠮᠠᠭ ᠵᠡᠷᠭᠡ ᠵᠠᠷᠢᠮ ᠠᠶᠢᠮᠠᠭ ᠤᠨ ᠬᠢᠨ | ᠲᠡᠯᠢᠭᠦᠤ ᠶᠢ ᠢᠳᠡᠳᠡᠭ ᠦᠭᠡᠢ ᠵᠠᠩᠰᠢᠯ ᠲᠠᠢ᠃ | | ᠵᠤᠬᠢᠶᠠᠭᠴᠢ᠄ ᠯᠠᠩᠪᠤᠷᠢᠨᠴᠢᠨ | ᠨᠠᠶᠢᠷᠠᠭᠤᠯᠣᠭᠴᠢ᠄ ᠪᠦᠷᠢᠨᠰᠠᠶᠢᠨ | |