| ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠤᠯ ᠲᠠᠯᠠ ᠨᠤᠳᠤᠭ ᠤᠨ ᠮᠢᠨᠢ ᠴᠢᠮᠡᠭ᠂ ᠮᠤᠩᠭᠤᠯ ᠬᠦᠮᠤᠨ ᠤ ᠮᠤᠯᠤᠷ ᠡᠷᠳᠡᠨᠢ | ᠶᠤᠮ᠃ ᠮᠤᠩᠭᠤᠯ ᠬᠦᠮᠤᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠳᠠᠭᠠᠨ ᠲᠤᠩ ᠶᠡᠭᠡ ᠬᠠᠶᠢᠷᠠ ᠲᠠᠢ ᠪᠠᠶᠢᠳᠠᠭ᠃ ᠮᠠᠯᠴᠢᠨ | ᠠᠷᠠᠳ ᠮᠠᠯ ᠤᠨ ᠢᠶᠠᠨ ᠪᠠᠶᠠᠷᠯᠠᠬᠤ᠂ ᠭᠤᠮᠤᠳᠠᠬᠤ᠂ ᠭᠤᠳᠤᠷᠠᠬᠤ᠂ ᠶᠠᠳᠠᠷᠠᠬᠤ᠂ ᠵᠤᠪᠠᠭ᠋ᠤ᠂ ᠡᠪᠡᠳᠬᠦ ᠁ ᠶᠢ | ᠠᠳᠡᠳᠡᠭ ᠦᠬᠡᠢ ᠪᠦᠭᠡᠳ ᠡᠩ ᠤᠨ ᠦᠶᠡ ᠳᠤ ᠴᠦ ᠦᠷᠭᠦᠯᠵᠢ ᠠᠩᠬᠠᠷᠴᠦ ᠪᠠᠶᠢᠳᠠᠭ ᠶᠤᠮ᠃ ᠮᠤᠩᠭᠤᠯᠴᠤᠳ | ᠠᠯᠢ ᠡᠷᠳᠡᠨ ᠠᠴᠠ ᠠᠪᠤᠭᠠᠳ ᠮᠠᠯ ᠰᠦᠷᠦᠭ ᠢᠶᠠᠨ ᠦᠨᠢᠷ ᠦᠰᠭᠡᠬᠦ ᠶᠠᠪᠤᠴᠠ ᠳᠤ ᠪᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠬᠦᠢᠰᠤ ᠪᠠᠷ ᠨᠢ ᠮᠠᠯ ᠰᠦᠷᠦᠭ ᠢᠶᠠᠨ ᠢᠯᠭᠠᠨ ᠨᠡᠷᠡᠯᠡᠳᠡᠭ ᠪᠦᠭᠡᠳ ᠮᠠᠯ ᠤᠨ ᠰᠢᠳᠤ ᠪᠠᠷ ᠮᠠᠯ ᠤᠨ ᠨᠠᠰᠤ ᠵᠢᠯ ᠢ | ᠨᠡᠷᠡᠯᠡᠨ ᠲᠤᠳᠤᠯᠠᠳᠠᠭ᠂ ᠡᠳᠡᠭᠡᠷ ᠨᠡᠷᠡᠶᠢᠳᠤᠯ ᠲᠠᠭᠤᠳᠠᠯᠭᠠ ᠨᠢ ᠮᠠᠯ ᠤᠨ ᠡᠷᠡ ᠡᠮᠡ ᠶᠢᠨ ᠢᠯᠭᠠᠯ᠂ ᠨᠠᠰᠤ ᠵᠢᠯ ᠤᠨ | ᠢᠯᠭᠠᠯ᠂ ᠡᠬᠡ ᠲᠦᠯ ᠤᠨ ᠢᠯᠭᠠᠯ ᠭᠡᠵᠦ ᠤᠯᠠᠨ ᠲᠠᠯᠠ ᠪᠠᠷ ᠲᠤᠳᠤᠷᠬᠠᠢ ᠢᠯᠭᠠᠷᠠᠵᠤ ᠪᠠᠶᠢᠳᠠᠭ᠃ | | ᠨᠢᠭᠡ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠨᠡᠷᠡᠶᠢᠳᠤᠯ ᠲᠠᠭᠤᠳᠠᠯᠭᠠ ᠶᠢᠨ ᠲᠤᠬᠠᠢ | ︵ᠨᠢᠭᠡ︶ ᠠᠳᠤᠭᠤ ᠶᠢᠨ ᠨᠡᠷᠡᠶᠢᠳᠤᠯ | ᠮᠤᠩᠭᠤᠯᠴᠤᠳ᠂ ᠨᠢᠭᠡ ᠨᠠᠰᠤᠳᠠᠢ ᠮᠤᠷᠢ ᠶᠢ ︽ᠤᠨᠠᠭᠠ︾ ᠭᠡᠵᠦ ᠬᠤᠶᠠᠷ ᠨᠠᠰᠤᠳᠠᠢ ᠶᠢ ᠨᠢ ︽ᠲᠠᠭᠠ︾ | ᠭᠡᠳᠡᠭ᠂ ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠳᠤ ︽ᠰᠠᠷᠪᠠ ᠲᠠᠭᠠ︾ ᠭᠡᠳᠡᠭ ᠴᠦ ᠪᠤᠢ︔ ᠭᠤᠷᠪᠠᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ | ᠰᠢᠳᠤᠯᠠᠩ︾ ᠭᠡᠵᠦ᠂ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠦᠷᠢᠶᠡ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠪᠠᠶᠢᠳᠠᠰᠤ | ︾ ᠭᠡᠳᠡᠭ᠃ ᠲᠦᠷᠪᠡᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠬᠢᠵᠠᠯᠠᠩ︾ ᠭᠡᠵᠦ᠂ ᠲᠠᠪᠤᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ ᠰᠤᠶᠤᠯᠠᠩ︾ | ᠭᠡᠳᠡᠭ᠃ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠡᠷᠡ ᠬᠦᠢᠰᠤ ᠲᠠᠢ᠂ ᠦᠷᠡᠵᠢᠯ ᠤᠨ ᠡᠷᠬᠡᠳᠡᠨ ᠢ ᠨᠢ ᠲᠠᠰᠤᠯᠠᠭᠰᠠᠨ᠂ | ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠡᠰᠬᠡᠭᠰᠡᠨ᠂ ᠬᠠᠭᠠᠷᠢᠭᠰᠠᠨ᠂ ᠴᠠᠭᠠᠯᠠᠭᠰᠠᠨ ᠮᠤᠷᠢ ᠶᠢ ᠶᠡᠷᠤᠩᠭᠡᠢ ᠳᠡᠭᠡᠨ ︽ᠠᠭᠳᠠ ᠮᠤᠷᠢ︾ | ᠭᠡᠵᠦ᠂ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠡᠮᠡ ᠬᠦᠢᠰᠤ ᠲᠠᠢ ᠮᠤᠷᠢ ᠶᠢ ᠶᠡᠷᠦᠩᠭᠡᠢ ᠳᠤᠨᠢ ︽ᠭᠡᠬᠦᠤ︾ ᠭᠡᠵᠦ ᠂ | ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠲᠠᠯ ᠢ ᠨᠢ ᠬᠢᠷᠭᠠᠭᠰᠠᠨ ᠦᠬᠡᠢ᠂ ᠦᠷᠢᠶᠡ ︵ᠬᠢᠵᠠᠯᠠᠩ︶ ᠲᠡᠭᠡᠷᠡ ᠨᠢ | ᠦᠷᠡᠵᠢᠯ ᠤᠨ ᠡᠷᠬᠡᠳᠡᠨ ᠢ ᠨᠢ ᠲᠠᠰᠤᠯᠠᠭᠰᠠᠨ ᠦᠬᠡᠢ ᠮᠤᠷᠢ ᠶᠢ ᠶᠡᠷᠦᠩᠭᠡᠢ ᠳᠤᠨᠢ ︽ᠠᠵᠢᠷᠭᠠ︾ ᠭᠡᠳᠡᠭ ᠶᠤᠮ᠃ | ︵ᠬᠤᠶᠠᠷ︶ ᠦᠬᠡᠷ ᠤᠨ ᠨᠡᠷᠡᠶᠢᠳᠤᠯ | ᠨᠢᠭᠡ ᠨᠠᠰᠤᠨ ᠤ ᠲᠦᠯ ᠮᠠᠯ ᠢ ︽ᠲᠤᠭᠤᠯ︾ ᠭᠡᠵᠦ᠂ ᠬᠤᠶᠠᠷ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠪᠢᠷᠠᠭᠤ︾ | ᠭᠡᠳᠡᠭ᠂ ᠪᠠᠰᠠ ᠵᠠᠷᠢᠮ ᠭᠠᠵᠠᠷ ᠤᠷᠤᠨ ᠳᠤ ᠲᠦᠭᠳᠤᠭᠡᠷ ᠪᠤᠶᠤ ᠪᠤᠭᠤᠯᠳᠤᠷᠭᠠ ᠭᠡᠳᠡᠭ︔ ᠭᠤᠷᠪᠠ ᠨᠠᠰᠤᠯᠠᠭᠰᠠᠨ ᠢ | ᠨᠢ ︽ᠰᠢᠳᠤᠯᠡᠩ︾ ᠭᠡᠵᠦ᠂ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠭᠤᠨᠠ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ | ᠭᠤᠨᠵᠢ︾ ᠭᠡᠳᠡᠭ᠂ ᠲᠦᠷᠪᠡᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠬᠢᠵᠠᠯᠠᠩ︾ ᠭᠡᠵᠦ᠂ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠲᠦᠨᠡ | ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠲᠦᠨᠵᠢ︾ ᠭᠡᠳᠡᠭ᠃ ᠲᠠᠪᠤᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠰᠤᠶᠤᠯᠠᠩ︾ | ᠭᠡᠳᠡᠭ᠃ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠦᠷᠡᠵᠢᠯ ᠤᠨ ᠡᠷᠬᠡᠳᠡᠨ ᠢ ᠨᠢ ᠡᠰᠬᠡᠭᠰᠡᠨ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ | ᠦᠷᠡ ᠶᠢᠨ ᠰᠤᠪᠠᠭ ᠢ ᠨᠢ ᠲᠠᠰᠤᠯᠠᠭᠰᠠᠨ ᠦᠬᠡᠷ ᠢ ᠪᠤᠯ ︽ᠱᠠᠷ︾ ᠭᠡᠳᠡᠭ᠂ ᠡᠶᠢᠮᠤ ᠱᠠᠷ ᠢ ᠤᠯᠠᠩᠬᠢ ᠳᠠᠭᠠᠨ | ᠠᠷᠠᠯᠳᠤ ᠦᠬᠡᠷ ᠲᠡᠷᠭᠡ — ᠬᠠᠰᠠᠭ ᠲᠡᠷᠭᠡᠨ ᠳᠤ ᠬᠦᠯᠤᠳᠡᠭ ᠲᠤᠯᠠ ᠪᠠᠰᠠ ︽ᠠᠷᠠᠯ ᠤᠨ ᠱᠠᠷ ︾ ᠭᠡᠳᠡᠭ ᠶᠤᠮ | ᠃ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ᠶᠡᠷᠦᠩᠭᠡᠢ ᠳᠡᠭᠡᠨ ︽ᠦᠨᠢᠶᠡ︾ ᠭᠡᠵᠦ᠂ ᠲᠠᠪᠤᠨ | ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠪᠢᠷᠠᠭᠤ ᠲᠡᠭᠡᠷᠡ ᠨᠢ ᠦᠷᠡ ᠶᠢᠨ ᠰᠤᠪᠠᠭ ᠢ ᠨᠢ ᠲᠠᠰᠤᠯᠠᠭᠰᠠᠨ ᠦᠬᠡᠢ ᠶᠢ ᠨᠢ ᠶᠡᠷᠦᠩᠬᠡᠢ | ᠳᠡᠭᠡᠨ ᠪᠦᠷ ︽ᠪᠤᠬᠠ︾ ᠭᠡᠳᠡᠭ᠃ | ︵ᠭᠤᠷᠪᠠ︶ ᠲᠡᠮᠡᠭᠡ ᠶᠢᠨ ᠨᠡᠷᠡᠶᠢᠳᠤᠯ | ᠨᠢᠭᠡ ᠨᠠᠰᠤᠨ ᠤ ᠲᠡᠮᠡᠭᠡ ᠶᠢ ︽ᠪᠤᠲᠤᠭᠤ︾ ᠭᠡᠵᠦ᠂ ᠬᠤᠶᠡᠷ ᠨᠠᠰᠤᠳᠠᠢ ᠶᠢ ᠨᠢ ︽ᠰᠠᠷᠪᠠᠭᠠᠨ ᠲᠤᠷᠤᠮ | ᠪᠤᠶᠤ ᠲᠤᠷᠤᠮ︾ ᠭᠡᠳᠡᠭ᠂ ᠭᠤᠷᠪᠠᠨ ᠨᠠᠰᠤ ᠲᠠᠢ ᠶᠢ ᠨᠢ ︽ᠰᠤᠷᠭᠠ︾ ᠭᠡᠵᠦ᠂ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ | ᠭᠤᠨᠠ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠭᠤᠨᠵᠢ︾ ᠭᠡᠳᠡᠭ᠃ ᠲᠦᠷᠪᠡᠨ ᠨᠠᠰᠤᠳᠠᠢ ᠶᠢ ᠨᠢ ︽ᠰᠤᠷᠭᠠ | ᠶᠢᠨ ᠠᠬᠠ︾ ᠭᠡᠵᠦ᠂ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠲᠦᠨᠡ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠲᠦᠨᠵᠢ︾ | ᠭᠡᠳᠡᠭ᠃ ᠲᠠᠪᠤᠨ ᠨᠠᠰᠤᠯᠠᠭᠰᠠᠨ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠲᠠᠶᠢᠯᠤᠭ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ | ︽ᠢᠩᠬᠡ︾ ᠭᠡᠳᠡᠭ᠃ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠦᠷᠡ ᠶᠢᠨ ᠰᠤᠪᠠᠭ ᠢ ᠨᠢ ᠲᠠᠰᠤᠯᠠᠭᠰᠠᠨ ᠢ ᠨᠢ ︽ | ᠠᠳᠠ ᠪᠤᠶᠤ ᠠᠳᠠᠨ ᠲᠡᠮᠡᠭᠡ︾ ᠭᠡᠵᠦ᠂ ᠪᠠᠭᠠ ᠪᠠᠶᠢᠬᠤ ᠳᠤᠨᠢ ᠦᠷᠡ ᠶᠢᠨ ᠰᠤᠪᠠᠭ ᠢ ᠨᠢ ᠲᠠᠰᠤᠯᠠᠭᠰᠠᠨ ᠦᠬᠡᠢ ᠶᠢ | ᠨᠢ ᠶᠡᠷᠦᠩᠭᠡᠢ ᠳᠤᠨᠢ ︽ᠪᠤᠤᠷᠠ︾ ᠭᠡᠳᠡᠭ ᠶᠤᠮ᠃ | ︵ᠲᠦᠷᠪᠡ︶ ᠬᠤᠨᠢ ᠶᠢᠨ ᠨᠡᠷᠡᠶᠢᠳᠤᠯ | ᠨᠢᠭᠡ ᠨᠠᠰᠤᠨ ᠤ ᠲᠦᠯ ᠢ ︽ᠬᠤᠷᠠᠭᠠ︾ ᠭᠡᠵᠦ᠂ ᠬᠤᠶᠠᠷ ᠨᠠᠰᠤᠨ ᠤ ᠬᠢ ᠨᠢ ︽ᠲᠦᠯᠦᠭᠡ ᠰᠢᠳᠤᠯᠡᠩ︾ | ᠭᠡᠳᠡᠭ᠃ ᠭᠤᠷᠪᠠᠨ ᠨᠠᠰᠤᠳᠠᠢ ᠶᠢ ᠨᠢ ︽ᠬᠢᠵᠢᠶᠠᠯᠠᠩ︾ ᠭᠡᠵᠦ᠂ ᠡᠮᠡ ᠬᠤᠨᠢ ᠶᠢ ᠪᠠᠰᠠ ︽ᠵᠤᠰᠠᠭ︾ ᠭᠡᠳᠡᠭ᠃ | ᠲᠦᠷᠪᠡᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠰᠤᠶᠤᠯᠠᠩ︾ ᠭᠡᠵᠦ᠂ ᠲᠦᠷᠪᠡᠨ ᠨᠠᠰᠤᠨ ᠤ ᠡᠮᠡ ᠬᠤᠨᠢ ᠶᠢ ᠪᠠᠰᠠ ︽ᠰᠠᠬᠠᠯᠢ︾ | ᠭᠡᠳᠡᠭ︔ ᠲᠠᠪᠤᠨ ᠨᠠᠰᠤᠯᠠᠭᠰᠠᠨ ᠢ ᠨᠢ ᠡᠷᠡ ᠬᠦᠢᠰᠤ ᠲᠠᠢ ᠶᠢ ᠨᠢ ︽ᠢᠷᠭᠡ︾ ᠭᠡᠵᠦ᠂ ᠡᠮᠡ ᠬᠦᠢᠰᠤ ᠲᠠᠢ ᠶᠢ | ᠨᠢ ︽ᠡᠮᠡ ᠬᠤᠨᠢ︾ ᠭᠡᠳᠡᠭ᠃ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠴᠢᠮᠬᠢᠭᠰᠡᠨ ᠢ ᠨᠢ ︽ᠢᠷᠭᠡ︾ ᠪᠤᠶᠤ ︽ᠡᠷᠡ | ᠬᠤᠨᠢ︾ ᠭᠡᠵᠦ᠂ ᠬᠤᠷᠠᠭᠠ ᠲᠡᠭᠡᠷᠡ ᠨᠢ ᠴᠢᠮᠬᠢᠭᠰᠡᠨ ᠦᠬᠡᠢ ᠦᠷᠡᠰ ᠮᠠᠯ ᠢᠶᠠᠷ ᠦᠯᠡᠳᠡᠭᠡᠭᠰᠡᠨ ᠢ ᠨᠢ ︽ᠬᠤᠴᠠ︾ | ᠭᠡᠵᠦ᠂ ᠲᠠᠪᠤᠨ ᠨᠠᠰᠤᠨ ᠠᠴᠠ ᠲᠠᠭᠡᠭᠰᠢᠬᠢ ᠡᠮᠡ ᠬᠦᠢᠰᠤ ᠲᠠᠢ ᠶᠢ ᠨᠢ ᠨᠡᠶᠢᠳᠡᠮ ᠳᠤᠨᠢ ︽ᠡᠮᠡ ᠬᠤᠨᠢ︾ ᠭᠡᠵᠦ | ᠨᠡᠷᠡᠯᠡᠵᠤ ᠲᠠᠭᠤᠳᠠᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ | ︵ᠲᠠᠪᠤ︶ ᠢᠮᠠᠭᠠ ᠶᠢᠨ ᠨᠡᠷᠡᠶᠢᠳᠤᠯ | ᠨᠢᠭᠡ ᠨᠠᠰᠤᠨ ᠤ ᠲᠦᠯ ᠢ ︽ᠢᠰᠢᠭᠡ ᠪᠤᠶᠤ ᠦᠨᠡᠭᠡ︾ ︵ᠬᠤᠷᠴᠢᠨ ᠳᠤ ᠣᠯᠠᠩᠬᠢ ᠨᠢ ᠦᠨᠡᠭᠡ ᠭᠡᠵᠦ | ᠨᠡᠷᠡᠯᠡᠨ ᠲᠠᠭᠤᠳᠠᠳᠠᠭ︶ ᠭᠡᠳᠡᠭ᠂ ᠬᠤᠶᠠᠷ ᠨᠠᠰᠤᠨ ᠤ ᠬᠢ ᠨᠢ ︽ᠪᠤᠷᠯᠤᠩ ᠰᠢᠳᠤᠯᠠᠩ︾ ᠭᠡᠵᠦ᠂ ᠭᠤᠷᠪᠠᠨ | ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠬᠢᠵᠠᠯᠠᠩ︾ ᠭᠡᠵᠦ᠂ ᠭᠤᠷᠪᠠᠨ ᠨᠠᠰᠤᠨ ᠤ ᠡᠮᠡ ᠢᠮᠠᠭᠠ ᠶᠢ ᠪᠠᠰᠠ ︽ᠵᠤᠰᠠᠭ ᠢᠮᠠᠭᠠ︾ | ᠭᠡᠳᠡᠭ᠃ ᠲᠦᠷᠪᠡ ᠨᠠᠰᠤᠯᠠᠭᠰᠠᠨ ᠢ ᠨᠢ ︽ᠰᠤᠶᠤᠯᠠᠩ︾ ᠭᠡᠵᠦ᠂ ᠪᠠᠰᠠ ᠵᠠᠷᠢᠮ ᠨᠢ ᠡᠮᠡ ᠢᠮᠠᠭᠠ ᠶᠢ ︽ᠰᠠᠬᠠᠯᠢ | ᠢᠮᠠᠭᠠ︾ ︵ᠵᠠᠷᠢᠮ ᠨᠤᠮ ᠲᠠᠪᠳᠡᠷ ᠲᠡᠭᠡᠷᠡ ᠰᠠᠭᠠᠯᠢ ᠢᠮᠠᠭᠠ ᠭᠡᠵᠦ ᠪᠢᠴᠢᠵᠦ ᠪᠤᠢ — ᠪᠢᠴᠢᠭᠴᠢ︶ ᠭᠡᠳᠡᠭ᠃ | ᠲᠠᠪᠤᠨ ᠨᠠᠰᠤᠳᠠᠢ ᠶᠢ ᠨᠢ ᠡᠷᠡ ᠶᠢ ᠨᠢ ︽ᠰᠡᠷᠭᠡ︾ ᠭᠡᠵᠦ᠂ ᠡᠮᠡ ᠶᠢ ᠨᠢ ︽ᠡᠮᠡ ᠢᠮᠠᠭᠠ︾ ᠭᠡᠳᠡᠭ ᠃ ᠲᠠᠪᠤᠨ | ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ︽ᠬᠦᠩᠭᠡᠯᠡᠭᠰᠡᠨ ᠡᠷᠡ ᠢᠮᠠᠭᠠ︾ ᠶᠢ ︽ᠰᠡᠷᠭᠡ︾ ᠭᠡᠵᠦ᠂ ᠬᠦᠩᠭᠡᠯᠡᠭᠰᠡᠨ ᠦᠬᠡᠢ ᠡᠷᠡ | ᠢᠮᠠᠭᠠ ᠶᠢ ᠨᠢ ︽ᠲᠡᠭᠡ ᠪᠤᠶᠤ ᠤᠬᠤᠨᠠ︾ ᠭᠡᠳᠡᠭ᠃ ᠲᠡᠪᠤᠨ ᠨᠠᠰᠤᠨ ᠠᠴᠠ ᠲᠡᠭᠡᠭᠰᠢᠬᠢ ᠨᠠᠰᠤ ᠭᠦᠢᠴᠡᠭᠰᠡᠨ | ᠡᠮᠡ ᠢᠮᠠᠭᠠ ᠶᠢ ᠶᠡᠷᠦᠩᠭᠡᠢ ᠳᠤᠨᠢ ︽ᠡᠮᠡ ᠢᠮᠠᠭᠠ︾ ᠭᠡᠳᠡᠭ ᠶᠤᠮ᠃ | ᠮᠤᠩᠭᠤᠯᠴᠤᠳ᠂ ᠮᠠᠯ ᠤᠨ ᠨᠠᠰᠤ ᠶᠢ ᠶᠡᠷᠤᠳᠡᠭᠡᠨ ᠢᠯᠡᠭᠦᠤ ᠨᠢᠭᠡ ᠨᠠᠰᠤ ᠲᠤᠭᠠᠯᠠᠳᠠᠭ ᠵᠠᠩᠰᠢᠯ ᠲᠠᠢ | ᠤᠴᠢᠷ ᠠᠴᠠ ᠡᠬᠡ ᠠᠴᠠ ᠪᠠᠨ ᠲᠦᠷᠦᠮᠡᠭᠴᠡ ︽ᠨᠢᠭᠡ ᠨᠠᠰᠤᠳᠠᠢ︾ ᠭᠡᠳᠡᠭ᠂ ᠰᠢᠨᠡ ᠨᠢᠭᠡ ᠵᠢᠯ ᠲᠤᠭᠠᠯᠠᠯ | ᠡᠬᠢᠯᠡᠮᠡᠭᠴᠡ ︽ᠬᠤᠶᠠᠷ ᠨᠠᠰᠤᠳᠠᠢ︾ ᠭᠡᠳᠡᠭ᠃ ᠠᠳᠡ ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠠ ᠰᠠᠷᠪᠠ᠂ ᠪᠤᠭᠤᠯᠳᠤᠷᠭᠠ ︵ | ᠲᠦᠭᠳᠤᠭᠦᠷ︶᠂ ᠰᠢᠷᠪᠠᠭᠠᠨ ᠲᠤᠷᠤᠮ᠂ ᠲᠦᠯᠦᠭᠡ᠂ ᠪᠤᠷᠯᠤᠩ ᠵᠡᠷᠭᠡ ᠪᠤᠯ ᠪᠦᠷ ᠪᠦᠬᠦᠯᠢ ᠨᠠᠰᠤ ᠭᠦᠢᠴᠡᠭᠡ ᠦᠬᠡᠢ | ᠲᠦᠯ ᠮᠠᠯ ᠢ ᠬᠡᠯᠡᠭᠰᠡᠨ ᠪᠠᠶᠢᠳᠠᠭ①᠃ | | ᠵᠡᠭᠦᠯᠳᠡ᠄ | ① ︽ᠮᠤᠩᠭᠤᠯ ᠤᠨ ᠵᠠᠩ ᠠᠭᠠᠯᠢ ᠶᠢᠨ ᠲᠤᠶᠢᠮᠤ︾ ᠭᠡᠬᠦ ᠨᠤᠮ ᠤᠨ 255 ᠳ᠋ᠤᠭᠠᠷ ᠨᠢᠭᠤᠷ ᠲᠤ | | ᠵᠣᠬᠢᠶᠠᠭᠴᠢ᠄ ᠤ᠂ ᠲᠡᠮᠤᠷᠭᠤᠤᠯᠳᠤ | ᠨᠠᠶᠢᠷᠠᠭᠤᠯᠣᠭᠴᠢ᠄ ᠴ᠊ · ᠰᠠᠷᠠᠭᠤᠯ | |