| ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ᠢ ᠦᠨᠳᠦᠰᠦᠯᠡᠪᠡᠯ ᠠᠷᠣ ᠬᠤᠷᠴᠢᠨ ᠸᠠᠩ ᠤᠨ ᠤᠷᠳᠤᠨ ᠨᠡᠯᠢᠶᠡᠳ ᠬᠡᠳᠦᠨ ᠭᠠᠵᠠᠷ | ᠰᠠᠭᠤᠷᠢᠰᠢᠭᠰᠠᠨ ᠪᠠᠶᠢᠳᠠᠭ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠲᠡᠭᠦᠦ ᠬᠠᠰᠠᠷ᠂ ᠬᠠᠴᠢᠭᠤᠨ᠂ ᠪᠡᠯᠭᠦᠳᠠᠢ᠂ ᠣᠳᠴᠢᠭᠢᠨ | ᠲᠦᠷᠪᠡᠭᠦᠯᠡ ᠶᠢᠨ ᠬᠠᠷᠢᠶᠠᠳᠤ ᠠᠶᠢᠮᠠᠭ ᠢ ᠶᠤᠸᠠᠨ ᠣᠯᠣᠰ ᠤᠨ ᠦᠶᠡ ᠳᠤ ᠲᠦᠷᠪᠡᠨ ᠣᠩᠨᠢᠭᠤᠳ ᠭᠡᠳᠡᠭ᠃ | ᠤᠩᠨᠢᠭᠤᠳ ᠭᠡᠳᠡᠭ ᠪᠣᠯ ᠸᠠᠩ ᠨᠠᠷ ᠭᠡᠰᠡᠨ ᠣᠳᠬᠠ ᠲᠠᠢ ᠦᠭᠡ ᠪᠣᠯᠣᠨᠠ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠲᠦᠷᠪᠡᠨ | ᠲᠡᠭᠦᠦ ᠶᠢᠨ ᠬᠠᠷᠢᠶᠠᠳᠤ ᠠᠶᠢᠮᠠᠭ ᠪᠣᠯᠬᠤᠷ ᠲᠦᠷᠪᠡᠨ ᠤᠩᠨᠢᠭᠤᠳ ᠭᠡᠵᠤ ᠨᠡᠷᠡᠯᠡᠳᠡᠭ᠃ | ᠲᠦᠷᠪᠡᠨ ᠤᠩᠨᠢᠭᠤᠳ ᠤᠨ ᠲᠣᠳᠣᠷᠠ ᠭᠠᠭᠴᠠ ᠬᠦ ᠤᠳᠴᠢᠭᠢᠨ ᠤ ᠬᠠᠷᠢᠶᠠᠳᠤ ᠠᠶᠢᠮᠠᠭ ᠶᠡᠭᠡ ᠬᠢᠩᠭᠠᠨ | ᠲᠠᠪᠠᠭᠠᠨ ᠤ ᠡᠮᠦᠨᠡᠭᠦᠷ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠵᠤ᠂ ᠪᠣᠰᠤᠳ ᠭᠤᠷᠪᠠᠨ ᠤᠩᠨᠢᠭᠤᠳ ᠨᠢ ᠶᠡᠭᠡ ᠬᠢᠩᠭᠠᠨ ᠲᠠᠪᠠᠭᠠᠨ ᠤ | ᠠᠷᠣ ᠳᠤ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠳᠠᠭ᠃ ᠴᠢᠩ ᠤᠯᠤᠰ ᠤᠨ ᠬᠦᠮᠦᠨ ᠪᠣᠯ ᠬᠠᠰᠠᠷ᠂ ᠬᠠᠴᠢᠭᠤᠳ᠂ ᠪᠡᠯᠭᠦᠳᠠᠢ | ᠭᠤᠷᠪᠠᠭᠤᠯᠠ ᠶᠢᠨ ᠬᠠᠷᠢᠶᠠᠳᠤ ᠠᠶᠢᠮᠠᠭ ᠢ ᠶᠡᠷᠦᠩᠬᠡᠶᠢᠯᠡᠨ ᠠᠷᠣ ᠠᠶᠢᠮᠠᠭ ᠭᠡᠳᠡᠭ᠃ ᠶᠡᠭᠡ ᠬᠢᠩᠭᠠᠨ ᠤ ᠠᠷᠣ ᠳᠤ | ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠳᠠᠭ ᠪᠤᠯᠬᠤᠷ ᠠᠷᠣ ᠠᠶᠢᠮᠠᠭ ᠭᠡᠰᠡᠨ ᠪᠠᠶᠢᠨᠠ᠃ ᠠᠷᠣ ᠠᠶᠢᠮᠠᠭ ᠲᠤ ᠣᠳᠴᠢᠭᠢᠨ ᠤ ᠬᠠᠷᠢᠶᠠᠳᠤ | ᠠᠶᠢᠮᠠᠭ ᠪᠠᠭᠳᠠᠬᠤ ᠦᠭᠡᠢ᠃ ᠬᠠᠷᠢᠨ ᠢᠰᠦᠳ ᠠᠶᠢᠮᠠᠭ ᠪᠠᠭᠳᠠᠨᠠ᠃ ᠢᠰᠦᠳ ᠠᠶᠢᠮᠠᠭ ᠪᠣᠯ ᠲᠦᠮᠡᠳ ᠲᠠᠶᠢᠵᠢ | ᠭᠠᠷᠮᠠ ᠢᠯᠳᠡᠩ ᠤᠨ ᠬᠠᠷᠢᠶᠠᠳᠤ ᠠᠶᠢᠮᠠᠭ ᠮᠦᠨ᠃ ᠭᠠᠷᠮᠠ ᠢᠯᠳᠡᠩ ᠪᠤᠯ ᠬᠡᠷᠦᠯᠦᠨ ᠭᠤᠤᠯ ᠳᠤ ᠨᠡᠭᠦᠳᠡᠯᠯᠡᠨ | ᠮᠠᠯᠵᠢᠳᠠᠭ᠃ | 1630 ᠣᠨ ᠠᠴᠠ ᠡᠮᠦᠨᠡ ᠨᠤᠨ ᠬᠤᠷᠴᠢᠨ᠂ ᠴᠠᠬᠠᠷ ᠲᠦᠮᠡᠨ ᠤ ᠠᠤᠬᠠᠨ᠂ ᠨᠠᠢᠮᠠᠨ᠂ ᠤᠷᠤᠭᠤᠳ ᠵᠡᠷᠭᠡ | ᠭᠤᠷᠪᠠᠨ ᠠᠶᠢᠮᠠᠭ᠂ ᠦᠪᠦᠷ ᠬᠠᠯᠬᠠ ᠶᠢᠨ ᠪᠠᠭᠠᠷᠢᠨ᠂ ᠵᠠᠷᠤᠳ᠂ ᠪᠠᠶᠠᠭᠤᠳ ᠵᠡᠷᠭᠡ ᠭᠤᠷᠪᠠᠨ ᠠᠶᠢᠮᠠᠭ ᠤᠷᠢᠳ | ᠬᠤᠵᠢᠳ ᠴᠢᠩ ᠤᠯᠤᠰ ᠢ ᠲᠠᠭᠠᠭᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠦᠶᠡ ᠳᠤ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠠᠷᠣ ᠬᠤᠷᠴᠢᠨ | ᠳᠤ ᠪᠠᠶᠢᠭᠤᠯᠤᠭᠰᠠᠨ ᠸᠴᠢᠷᠳᠤ ᠴᠠᠭᠠᠨ ᠬᠤᠳᠠ ᠠᠴᠠ ᠬᠦᠬᠡᠬᠤᠳᠠ ᠳᠤ ᠤᠴᠢᠭᠠᠳ ᠰᠠᠭᠤᠵᠤ ᠪᠠᠶᠢᠪᠠ᠃ | ᠡᠨᠡ ᠦᠶᠡ ᠳᠤ ᠴᠢᠩ ᠤᠯᠤᠰ ᠤᠨ ᠠᠩᠬᠠᠷᠣᠯ ᠠᠷᠣ ᠠᠶᠢᠮᠠᠭ ᠲᠤ ᠲᠦᠪᠯᠡᠷᠡᠵᠤ ᠢᠷᠡᠪᠡ᠃ ᠨᠢᠭᠡ ᠤᠳᠠᠭᠠ | ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠠᠷᠣ ᠠᠶᠢᠮᠠᠭ ᠤᠨ ᠨᠣᠶᠠᠳ ᠢ ᠮᠢᠩᠭᠠᠨ ᠠᠭᠳᠠ ᠶᠢᠨ ᠠᠯᠪᠠ ᠬᠦᠷᠭᠡᠵᠤ ᠢᠷᠡ ᠬᠡᠮᠡᠨ | ᠵᠠᠷᠯᠢᠭᠳᠠᠵᠠᠢ᠃ ᠠᠷᠣ ᠠᠶᠢᠮᠠᠭ ᠤᠨ ᠨᠣᠶᠠᠳ ᠬᠠᠷᠢᠨ ᠲᠠᠪᠤᠨ ᠵᠠᠭᠤᠨ ᠠᠭᠳᠠ ᠶᠢᠨ ᠠᠯᠪᠠ ᠬᠦᠷᠭᠡᠨ ᠢᠷᠡᠵᠠᠢ᠃ | ᠴᠢᠩ ᠣᠯᠣᠰ ᠤᠨ ᠬᠤᠸᠠᠩ ᠲᠠᠶᠢᠵᠢ ᠬᠠᠭᠠᠨ ᠠᠩᠬᠠᠳᠤᠭᠠᠷ ᠲᠦᠷᠢ ᠶᠢᠨ ᠴᠠᠭᠠᠨ ᠭᠡᠭᠡᠨ ᠢ ᠠᠷᠣ ᠠᠶᠢᠮᠠᠭ ᠲᠤ | ᠡᠯᠴᠢ ᠪᠠᠷ ᠲᠤᠮᠢᠯᠠᠨ ᠤᠴᠢᠭᠤᠯᠵᠤ᠂ ᠠᠷᠣ ᠠᠶᠢᠮᠠᠭ ᠢ ᠢᠳᠬᠠᠨ ᠯᠢᠭᠳᠡᠨ ᠬᠠᠭᠠᠨ ᠤ ᠠᠯᠪᠠ ᠭᠤᠪᠴᠢᠭᠤᠷ ᠢ | ᠡᠰᠡᠷᠭᠦᠴᠡᠬᠦ ᠨᠡᠷᠡ ᠪᠠᠷ ᠣᠯᠣᠰ ᠲᠦᠷᠦ ᠶᠢᠨ ᠬᠤᠯᠪᠣᠭᠠᠯᠠᠯ ᠢ ᠪᠠᠶᠢᠭᠤᠯᠵᠠᠢ᠃ | ᠠᠷᠣ ᠬᠤᠷᠴᠢᠨ ᠪᠤᠯᠤᠨ ᠲᠡᠭᠦᠨ ᠤ ᠰᠠᠯᠪᠤᠷᠢ ᠲᠦᠷᠪᠡᠨ ᠬᠡᠤᠬᠡᠳ᠂ ᠮᠣᠤᠮᠢᠩᠭᠠᠨ᠂ ᠤᠷᠠᠳ ᠠᠶᠢᠮᠠᠭ ᠪᠣᠯ | ᠬᠠᠪᠤᠳᠤ ᠬᠠᠰᠠᠷ ᠤᠨ ᠬᠤᠶᠢᠴᠢᠰ ᠤᠨ ᠬᠤᠪᠢᠶᠠᠨ ᠵᠠᠬᠢᠷᠣᠭᠰᠠᠨ ᠠᠶᠢᠮᠠᠭ ᠮᠦᠨ᠃ ᠲᠡᠳᠡ ᠣᠤᠯ ᠨᠢ ᠬᠦᠯᠦᠨ ᠪᠣᠶᠢᠷ | ᠲᠤ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠳᠠᠭ᠃ ᠬᠠᠪᠣᠳᠤ ᠬᠠᠰᠠᠷ ᠤᠨ ᠬᠤᠶᠠᠳᠤᠭᠠᠷ ᠬᠦᠪᠡᠭᠦᠨ ᠶᠢᠰᠦᠩᠭᠡ ᠳ᠋ᠠ ᠸᠠᠩ ᠤᠨ | ᠪᠠᠶᠢᠭᠤᠯᠣᠭᠰᠠᠨ ᠬᠤᠳᠠ ᠨᠢ ᠣᠳᠤ ᠶᠢᠨ ᠬᠦᠯᠦᠨ ᠪᠣᠶᠢᠷ ᠬᠤᠳᠠ ᠳᠤ ᠪᠠᠶᠢᠳᠠᠭ᠃ ᠶᠢᠰᠦᠩᠭᠡ ᠳ᠋ᠠ ᠸᠠᠩ ᠪᠣᠯ | ᠮᠡᠷᠭᠡᠨ ᠬᠠᠷᠪᠣᠭᠠᠴᠢ ᠶᠤᠮ᠃ ᠴᠢᠩᠭᠢᠰ ᠬᠠᠭᠠᠨ ᠦᠪᠡᠷ ᠤᠨ ᠠᠴᠢ ᠬᠦᠪᠡᠭᠦᠨ ᠶᠢᠰᠦᠩᠭᠡ ᠶᠢᠨ ᠭᠠᠪᠢᠶᠠ ᠵᠢᠳᠬᠦᠯ ᠢ | ᠲᠡᠮᠳᠡᠭᠯᠡᠭᠰᠡᠨ ᠬᠦᠰᠢᠶᠡ ᠨᠢ ᠣᠳᠤ ᠶᠢᠨ ᠤᠷᠤᠰ ᠤᠯᠤᠰ ᠤᠨ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠵᠡᠭᠦᠨᠳᠠᠢ ᠪᠣᠰᠬᠠᠭᠰᠠᠨ ᠪᠢᠯᠡ᠃ | ᠡᠶᠢᠨ ᠬᠦ ᠶᠢᠰᠦᠩᠭᠡ ᠳ᠋ᠠ ᠸᠠᠩ ᠤᠨ ᠬᠤᠳᠠ ᠶᠢ ᠠᠷᠣ ᠬᠤᠷᠴᠢᠨ ᠸᠠᠩ ᠤᠨ ᠠᠩᠬᠠᠳᠤᠭᠠᠷ ᠶᠠᠮᠤᠨ ᠬᠡᠮᠡᠨ ᠬᠡᠯᠡᠵᠤ | ᠪᠣᠯᠣᠨᠠ᠃ | 1630 ᠣᠨ ᠤ ᠭᠤᠷᠪᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠤ ᠠᠷᠣ ᠠᠶᠢᠮᠠᠭ ᠤᠨ ᠨᠣᠶᠠᠳ ᠮᠦᠭᠳᠡᠨ ᠳᠤ ᠡᠯᠴᠢ | ᠲᠤᠮᠢᠯᠠᠨ ᠣᠴᠢᠭᠤᠯᠵᠤ᠂ ᠴᠢᠩ ᠣᠯᠣᠰ ᠯᠤᠭᠠ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠢ ᠡᠰᠡᠷᠭᠦᠴᠡᠬᠦ ᠤᠯᠤᠰ ᠲᠦᠷᠦ ᠶᠢᠨ | ᠬᠤᠯᠪᠣᠭᠠᠯᠠᠯ ᠪᠠᠶᠢᠭᠤᠯᠬᠤ ᠭᠡᠷᠡ ᠲᠣᠭᠳᠠᠵᠠᠢ᠃ ᠭᠡᠷᠡ ᠪᠢᠴᠢᠭ ᠲᠤ ᠲᠤᠷᠠᠳᠤᠭᠰᠠᠨ ᠠᠷᠣ ᠠᠶᠢᠮᠠᠭ ᠤᠨ ᠲᠠᠶᠢᠵᠢ ᠨᠠᠷ | ᠪᠣᠯ ᠠᠷᠣ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠲᠠᠯᠠᠢ ᠲᠠᠶᠢᠵᠢ᠂ ᠲᠦᠷᠪᠡᠨ ᠬᠡᠤᠬᠡᠳ ᠠᠶᠢᠮᠠᠭ ᠤᠨ ᠰᠡᠩᠭᠡ ᠲᠠᠶᠢᠵᠢ᠂ | ᠣᠩᠨᠢᠭᠤᠳ ᠠᠶᠢᠮᠠᠭ ᠤᠨ ᠰᠦᠨ ᠲᠦᠭᠦᠷᠡᠩ ᠵᠢᠨᠦᠩ ᠨᠠᠷ ᠪᠣᠯᠣᠨᠠ᠃ | ᠲᠠᠯᠠᠢ ᠲᠠᠶᠢᠵᠢ ᠪᠣᠯ ᠬᠠᠪᠣᠳᠤ ᠬᠠᠰᠠᠷ ᠤᠨ ᠬᠤᠶᠢᠴᠢᠰ ᠪᠣᠯᠣᠨᠠ᠃ ᠮᠢᠩ ᠤᠯᠤᠰ ᠤᠨ ᠲᠠᠩᠰᠠᠨ ᠳᠤ ᠲᠠᠯᠠᠢ | ᠲᠠᠶᠢᠵᠢ ᠶᠢᠨ ᠦᠶᠡ ᠵᠠᠯᠭᠠᠮᠵᠢ ᠨᠢ ᠰᠢᠭᠦᠰᠢᠳᠠᠢ ᠪᠠᠭᠠᠳᠤᠷ ᠠᠴᠠ ᠡᠬᠢᠯᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠵᠧᠩ ᠲᠦᠩ | ᠤᠨ ᠲᠦᠷᠪᠡᠳᠦᠭᠡᠷ ᠣᠨ ︵1439︶ ᠤ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠦᠷᠪᠡᠨ ᠤ ᠬᠠᠷᠠᠭᠴᠢᠨ ᠲᠠᠤᠯᠠᠢ ᠡᠳᠦᠷ᠂ | ᠣᠮᠠᠷᠠᠳᠤ ᠶᠤᠸᠠᠨ ᠣᠯᠣᠰ ᠤᠨ ᠡᠯᠴᠢ ᠪᠡᠭᠡᠵᠢᠩ ᠬᠤᠳᠠ ᠠᠴᠠ ᠣᠯᠣᠰ ᠲᠤ ᠪᠠᠨ ᠪᠣᠴᠠᠬᠤ ᠳᠤ ᠮᠢᠩ ᠣᠯᠣᠰ ᠤᠨ | ᠬᠠᠭᠠᠨ ᠠᠴᠠ ᠤᠮᠠᠷᠠᠳᠤ ᠶᠤᠸᠠᠨ ᠣᠯᠣᠰ ᠤᠨ ᠬᠠᠭᠠᠨ ᠬᠠᠳᠤᠨ᠂ ᠲᠠᠶᠢᠽᠢ᠂ ᠲᠦᠷᠦ ᠪᠠᠷᠢᠭᠴᠢ ᠲᠠᠪᠣᠨ ᠲᠦᠰᠢᠮᠡᠯ | ᠳᠤ ᠲᠤᠰ ᠲᠤᠰ ᠨᠢᠭᠡ ᠬᠤᠪᠢ ᠪᠡᠯᠡᠭ ᠬᠦᠷᠭᠡᠪᠡ᠃ ᠲᠡᠷᠡ ᠦᠶᠡ ᠶᠢᠨ ᠲᠠᠪᠣᠨ ᠲᠦᠰᠢᠮᠡᠯ ᠨᠢ ᠶᠡᠭᠡ ᠴᠧᠩᠰᠢᠶᠠᠩ | ᠪᠠᠪᠣᠳᠠᠢ᠂ ᠪᠠᠷᠠᠭᠤᠨ ᠭᠠᠷᠤᠨ ᠴᠧᠩᠰᠢᠶᠠᠩ ᠲᠣᠭᠤᠨ᠂ ᠵᠡᠭᠦᠨ ᠭᠠᠷᠣᠨ ᠴᠧᠩᠰᠢᠶᠠᠩ ᠡᠩᠬᠡ᠂ ᠰᠢᠭᠦᠰᠢᠳᠠᠢ ᠸᠠᠩ᠂ | ᠬᠤᠸᠠᠢ ᠸᠠᠩ ᠡᠰᠡᠨ ᠪᠣᠯᠣᠨᠠ᠃ ᠪᠠᠷᠠᠭᠤᠨ ᠭᠠᠷᠣᠨ ᠴᠧᠩᠰᠢᠶᠠᠩ ᠲᠣᠭᠤᠨ ᠪᠣᠯ ᠬᠤᠸᠠᠢ ᠸᠠᠩ ᠡᠰᠡᠨ ᠤ ᠡᠴᠢᠭᠡ᠂ | ᠴᠢᠩ ᠣᠯᠣᠰ ᠤᠨ ᠦᠶᠡ ᠶᠢᠨ ᠵᠡᠭᠦᠨ ᠭᠠᠷ ᠬᠠᠭᠠᠨᠳᠦ ᠣᠯᠣᠰ ᠤᠨ ᠭᠠᠯᠳᠠᠨ ᠪᠣᠱᠣᠭᠳᠤ ᠬᠠᠭᠠᠨ ᠤ ᠡᠪᠦᠭᠡ | ᠲᠡᠭᠡᠳᠦᠰ ᠮᠦᠨ᠃ | ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠠᠷᠣ ᠠᠶᠢᠮᠠᠭ ᠤᠨ ᠴᠢᠩ ᠣᠯᠣᠰ ᠢ ᠲᠠᠭᠠᠭᠰᠠᠨ ᠢ ᠰᠣᠨᠣᠰᠴᠤ᠂ 1630 | ᠣᠨ ᠤ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠵᠢᠷᠭᠤᠭᠠᠨ ᠳᠤ ᠬᠦᠬᠡᠬᠤᠳᠠ ᠠᠴᠠ ᠸᠴᠢᠷᠳᠤ ᠴᠠᠭᠠᠨ ᠬᠤᠳᠠ ᠳᠤ ᠪᠠᠨ | ᠪᠣᠴᠠᠵᠣ᠂ ᠠᠷᠪᠠᠨ ᠨᠠᠢᠮᠠᠨ ᠳᠤ ᠸᠴᠢᠷᠳᠤ ᠴᠠᠭᠠᠨ ᠬᠤᠳᠠ ᠠᠴᠠ ᠪᠠᠨ ᠣᠮᠠᠷᠠᠰᠢ ᠴᠡᠷᠢᠭ ᠮᠤᠷᠳᠠᠪᠠ᠃ ᠠᠷᠣ | ᠬᠤᠷᠴᠢᠨ᠂ ᠲᠦᠷᠪᠡᠨ ᠬᠡᠤᠬᠡᠳ᠂ ᠤᠩᠨᠢᠭᠤᠳ᠂ ᠤᠩᠨᠢᠭᠤᠳ ᠤᠨ ᠰᠠᠯᠪᠣᠷᠢ ᠬᠠᠷᠠ ᠴᠡᠷᠢᠭ ᠠᠶᠢᠮᠠᠭ ᠯᠢᠭᠳᠡᠨ | ᠬᠤᠳᠤᠭᠳᠤ ᠬᠠᠭᠠᠨ ᠤ ᠴᠡᠷᠢᠭ ᠤᠨ ᠴᠢᠮᠡᠭᠡ ᠶᠢ ᠰᠤᠨᠤᠰᠴᠤ᠂ ᠣᠤᠯ ᠤᠨ ᠨᠤᠳᠤᠭ ᠠᠴᠠ ᠪᠠᠨ ᠨᠤᠨ ᠬᠤᠷᠴᠢᠨ ᠳᠤ | ᠨᠡᠭᠦᠳᠡᠯᠯᠡᠨ ᠤᠴᠢᠵᠠᠢ᠃ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠰᠠᠭᠠᠯᠢ ᠶᠢᠨ ᠬᠡᠭᠡᠷᠡ ᠳᠤ ᠪᠡᠯᠭᠦᠳᠠᠢ ᠶᠢᠨ ᠬᠤᠶᠢᠴᠢᠰ ᠤᠨ | ᠬᠠᠷᠢᠶᠠᠳᠤ ᠠᠶᠢᠮᠠᠭ ᠲᠠᠢ᠂ ᠬᠡᠷᠦᠯᠦᠨ ᠭᠤᠤᠯ ᠳᠤ ᠭᠠᠷᠮᠠ ᠢᠯᠳᠡᠩ ᠤᠨ ᠢᠰᠦᠳ ᠠᠶᠢᠮᠠᠭ ᠲᠠᠢ ᠲᠣᠰ ᠲᠣᠰ | ᠲᠤᠯᠤᠯᠳᠤᠭᠠᠨ ᠬᠢᠪᠡ᠃ ᠰᠠᠭᠠᠯᠢ ᠶᠢᠨ ᠬᠡᠭᠡᠷᠡ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ 1206 ᠤᠨ ᠳᠤ ᠬᠠᠭᠠᠨ ᠰᠢᠷᠡᠭᠡᠨ ᠳᠤ | ᠰᠠᠭᠤᠵᠣ ᠶᠡᠭᠡ ᠮᠣᠩᠭᠤᠯ ᠬᠠᠭᠠᠨᠳᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠢ ᠲᠤᠩᠬᠠᠭᠯᠠᠭᠰᠠᠨ ᠭᠠᠵᠠᠷ ᠮᠦᠨ᠃ ᠪᠡᠯᠭᠦᠳᠠᠢ | ᠶᠢᠨ ᠬᠤᠪᠢᠶᠠᠨ ᠣᠯᠣᠭᠰᠠᠨ ᠨᠣᠳᠤᠭ ᠪᠣᠯᠣᠨᠠ᠃ ᠢᠰᠦᠳ ᠠᠶᠢᠮᠠᠭ ᠤᠨ ᠬᠢᠨ ᠲᠠᠶᠢᠨ ᠳᠤ ᠢᠯᠠᠭᠳᠠᠵᠤ᠂ ᠴᠠᠭᠠᠨ | ᠭᠡᠭᠡᠨ ᠲᠡᠳᠡᠨ ᠢ ᠲᠠᠭᠠᠭᠤᠯᠣᠨ ᠰᠢᠷᠠᠮᠦ᠋ᠷᠡᠨ ᠳᠤ ᠨᠡᠭᠦᠳᠡᠯᠯᠡᠨ ᠢᠷᠡᠵᠤ᠂ 1630 ᠣᠨ ᠤ ᠠᠷᠪᠠᠨ ᠨᠢᠭᠡᠨ ᠰᠠᠷᠠ | ᠳᠤ ᠢᠰᠦᠳ ᠠᠶᠢᠮᠠᠭ ᠤᠨ ᠲᠠᠪᠢ ᠶᠢᠰᠦᠨ ᠲᠠᠶᠢᠵᠢ ᠶᠢ ᠲᠠᠭᠠᠭᠤᠯᠣᠨ ᠮᠦᠭᠳᠡᠨ ᠬᠤᠳᠠ ᠳᠤ ᠤᠴᠢᠪᠠ᠃ | 1631 ᠣᠨ ᠤ ᠲᠦᠷᠪᠡᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠬᠤᠶᠠᠷ ᠤᠨ ᠡᠳᠦᠷ᠂ ᠲᠠᠯᠠᠢ ᠲᠠᠶᠢᠵᠢ ᠤᠯᠠᠨ ᠲᠠᠶᠢᠵᠢ | ᠨᠠᠷ ᠢ ᠲᠠᠭᠠᠭᠤᠯᠣᠨ ᠮᠦᠭᠳᠡᠨ ᠬᠤᠳᠠ ᠳᠤ ᠤᠴᠢᠵᠠᠢ᠃ ᠡᠨᠡ ᠣᠳᠠᠭᠠ ᠴᠢᠩ ᠤᠯᠤᠰ ᠠᠴᠠ ᠠᠷᠣ ᠠᠶᠢᠮᠠᠭ ᠲᠤ | ᠰᠢᠨᠡ ᠨᠣᠳᠤᠭ ᠪᠡᠯᠴᠢᠭᠡᠷ ᠬᠤᠪᠢᠶᠠᠨ ᠦᠭᠪᠡ᠃ ᠣᠩᠨᠢᠭᠤᠳ ᠠᠶᠢᠮᠠᠭ ᠤᠳᠤ ᠶᠢᠨ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ | ᠨᠣᠳᠤᠭ ᠢ ᠬᠤᠪᠢᠶᠠᠨ ᠤᠯᠵᠤ᠂ ᠬᠠᠷᠠ ᠴᠡᠷᠢᠭ ᠠᠶᠢᠮᠠᠭ ᠤᠩᠨᠢᠭᠤᠳ ᠠᠶᠢᠮᠠᠭ ᠢ ᠲᠠᠭᠠᠯᠳᠤᠨ ᠮᠠᠯᠵᠢᠪᠠ᠃ ᠲᠡᠳᠡ | ᠪᠤᠯ ᠤᠩᠨᠢᠭᠤᠳ ᠪᠠᠷᠠᠭᠤᠨ ᠭᠠᠷᠣᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠪᠣᠯᠣᠨᠠ᠃ ᠲᠠᠯᠠᠢ ᠲᠠᠶᠢᠵᠢ ᠶᠢᠨ ᠬᠤᠰᠢᠭᠤ | ᠶᠢ ᠠᠷᠣ ᠬᠤᠷᠴᠢᠨ ᠬᠤᠶᠢᠳᠤ ᠬᠤᠰᠢᠭᠤ ᠭᠡᠳᠡᠭ᠃ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢᠨ ᠳ᠋ᠦᠩᠬᠡᠷ ᠤᠨ ᠮᠠᠩᠬᠠ ᠶᠢ ᠬᠤᠪᠢᠶᠠᠨ | ᠣᠯᠵᠠᠢ᠃ ᠮᠣᠵᠠᠩ ᠬᠤᠸᠠᠩ ᠲᠠᠶᠢᠵᠢ ᠪᠣᠯ ᠲᠠᠯᠠᠢ ᠲᠠᠶᠢᠵᠢ ᠶᠢᠨ ᠦᠷᠡ ᠶᠢᠨ ᠭᠠᠭᠴᠠ ᠬᠦᠪᠡᠭᠦᠨ ᠮᠦᠨ᠃ | ᠮᠤᠵᠠᠩ ᠬᠤᠸᠠᠩ ᠲᠠᠶᠢᠵᠢ ᠶᠢᠨ ᠬᠤᠰᠢᠭᠤ ᠶᠢ ᠠᠷᠣ ᠬᠤᠷᠴᠢᠨ ᠡᠮᠦᠨᠡᠳᠦ ᠬᠤᠰᠢᠭᠤ ᠭᠡᠳᠡᠭ᠃ ᠠᠯᠳᠠ ᠶᠢᠨ ᠮᠠᠩᠬᠠ | ᠶᠢ ᠬᠤᠪᠢᠶᠠᠨ ᠤᠯᠵᠠᠢ᠃ ᠲᠦᠷᠪᠡᠨ ᠬᠡᠤᠬᠡᠳ ᠠᠶᠢᠮᠠᠭ ᠣᠳᠤ ᠶᠢᠨ ᠵᠠᠷᠣᠳ ᠬᠤᠰᠢᠭᠤᠨ ᠤ ᠣᠭᠠᠯᠵᠠ ᠠᠭᠤᠯᠠ | ᠶᠢᠨ ᠭᠠᠵᠠᠷ ᠢ ᠬᠤᠪᠢᠶᠠᠨ ᠤᠯᠵᠠᠢ᠃ ᠲᠡᠷᠡ ᠦᠶᠡ ᠳᠤ ᠸᠠᠭᠠᠷ ᠲᠤᠭᠤᠰᠬᠠ ᠶᠢᠨ ᠭᠡᠷ ᠭᠡᠵᠤ ᠪᠠᠶᠢᠬᠤ ᠦᠭᠡᠢ᠂ | ᠮᠤᠩᠭᠤᠯ ᠭᠡᠷ ᠢᠶᠠᠷ ᠰᠠᠭᠤᠳᠠᠭ᠃ ᠲᠡᠭᠡᠷᠡ ᠲᠣᠷᠠᠳᠤᠭᠰᠠᠨ ᠳ᠋ᠦᠩᠬᠡᠷ ᠤᠨ ᠮᠠᠩᠬᠠ ᠪᠣᠯᠣᠨ ᠠᠯᠳᠠ ᠶᠢᠨ ᠮᠠᠩᠬᠠ ᠪᠤᠯ | ᠲᠡᠤᠬᠡᠨ ᠳᠠᠬᠢ ᠠᠷᠣ ᠬᠤᠷᠴᠢᠨ ᠸᠠᠩ ᠤᠨ ᠤᠷᠳᠤᠨ ᠪᠠᠶᠢᠭᠰᠠᠨ ᠭᠠᠵᠠᠷ ᠮᠦᠨ᠃ | ᠠᠷᠣ ᠬᠤᠷᠴᠢᠨ ᠲᠠᠶᠢᠵᠢ ᠨᠠᠷ ᠮᠦᠭᠳᠡᠨ ᠬᠤᠳᠠ ᠠᠴᠠ ᠪᠣᠴᠠᠭᠰᠠᠨ ᠤ ᠰᠡᠭᠦᠯᠡᠷ ᠯᠢᠭᠳᠡᠨ ᠬᠤᠳᠣᠭᠳᠤ ᠬᠠᠭᠠᠨ | ᠤ ᠲᠠᠭᠠᠷᠢᠯᠳᠠ ᠳᠤ ᠤᠴᠠᠷᠠᠪᠠ᠃ ᠰᠡᠷᠡᠩ ᠲᠠᠶᠢᠵᠢ ᠪᠣᠯ ᠲᠠᠯᠠᠢ ᠲᠠᠶᠢᠵᠢ ᠶᠢᠨ ᠠᠪᠠᠭᠠ᠂ ᠴᠤᠯᠠ ᠨᠢ ᠬᠠᠪᠢ | ᠪᠠᠭᠠᠳᠤᠷ᠂ ᠠᠶᠢᠮᠠᠭ ᠤᠨ ᠣᠯᠠᠨ ᠲᠡᠭᠦᠨ ᠢ ᠰᠡᠷᠡᠩ ᠠᠪᠠᠭᠠ ᠬᠡᠮᠡᠨ ᠬᠦᠨᠳᠦᠳᠬᠡᠨ ᠲᠠᠭᠤᠳᠠᠳᠠᠭ᠃ ᠰᠡᠷᠡᠩ ᠠᠪᠠᠭᠠ | ᠪᠤᠯ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠠᠷᠣ ᠲᠣᠰᠠᠯᠠᠭᠴᠢ ᠶᠢᠨ ᠲᠡᠭᠡᠳᠦᠰ ᠪᠣᠯᠣᠨᠠ᠃ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ | ᠰᠡᠷᠡᠩ ᠠᠪᠠᠭᠠ ᠶᠢᠨ ᠠᠳᠣᠭᠤ ᠮᠠᠯ ᠢ ᠲᠠᠭᠤᠵᠣ ᠠᠪᠠᠴᠢᠪᠠ᠃ ᠬᠤᠸᠠᠩ ᠲᠠᠶᠢᠵᠢ ᠡᠨᠡ ᠬᠦ ᠴᠢᠮᠡᠭᠡ ᠶᠢ ᠠᠯᠢ ᠡᠷᠳᠡ | ᠰᠤᠨᠣᠰᠤᠭᠰᠠᠨ ᠪᠣᠯᠬᠤᠷ ᠶᠡᠭᠡ ᠴᠡᠷᠢᠭ ᠲᠠᠭᠠᠭᠤᠯᠣᠨ ᠰᠢᠷᠠᠮᠦ᠋ᠷᠡᠨ ᠤ ᠠᠷᠣ ᠳᠤ ᠬᠦᠷᠴᠦ ᠢᠷᠡᠵᠠᠢ᠃ ᠯᠢᠭᠳᠡᠨ | ᠬᠠᠭᠠᠨ ᠪᠠᠶᠢᠯᠳᠤᠭᠰᠠᠨ ᠦᠭᠡᠢ ᠪᠠᠷ ᠶᠡᠭᠡ ᠬᠢᠩᠭᠠᠨ ᠤ ᠠᠷᠣ ᠳᠤ ᠤᠬᠤᠷᠢᠨ ᠶᠠᠪᠣᠵᠠᠢ᠃ | ᠴᠢᠩ ᠤᠯᠤᠰ ᠠᠴᠠ ᠡᠨᠡ ᠣᠳᠠᠭᠠᠨ ᠤ ᠰᠤᠷᠭᠠᠮᠵᠢ ᠪᠠᠨ ᠳ᠋ᠦᠩᠨᠡᠵᠤ᠂ ᠠᠷᠣ ᠠᠶᠢᠮᠠᠭ ᠲᠤ ᠠᠤᠬᠠᠨ᠂ | ᠨᠠᠢᠮᠠᠨ᠂ ᠪᠠᠭᠠᠷᠢᠨ᠂ ᠵᠠᠷᠤᠳ ᠲᠠᠢ ᠴᠤᠭ ᠢᠶᠠᠷ ᠪᠠᠰᠠ ᠨᠢᠭᠡ ᠣᠳᠠᠭᠠ ᠨᠣᠳᠤᠭ ᠪᠡᠯᠴᠢᠭᠡᠷ ᠬᠤᠪᠢᠶᠠᠨ ᠦᠭᠪᠡ᠃ | ᠡᠨᠡ ᠣᠳᠠᠭᠠ ᠶᠢᠨ ᠬᠤᠪᠢᠶᠠᠨ ᠣᠯᠣᠭᠰᠠᠨ ᠨᠣᠳᠤᠭ ᠪᠡᠯᠴᠢᠭᠡᠷ ᠨᠢ ᠪᠦᠷ ᠰᠢᠷᠠᠮᠦ᠋ᠷᠡᠨ ᠤ ᠡᠮᠦᠨᠡᠭᠦᠷ ᠪᠠᠶᠢᠳᠠᠭ᠃ | ᠠᠷᠣ ᠬᠤᠷᠴᠢᠨ ᠪᠣᠯᠣᠨ ᠲᠦᠷᠪᠡᠨ ᠬᠡᠤᠬᠡᠳ ᠬᠤᠶᠠᠷ ᠠᠶᠢᠮᠠᠭ ᠨᠢᠭᠡ ᠨᠣᠳᠤᠭ ᠢ ᠬᠤᠪᠢᠶᠠᠨ ᠣᠯᠵᠠᠢ᠃ ᠬᠤᠪᠢᠶᠠᠨ | ᠣᠯᠣᠭᠰᠠᠨ ᠨᠣᠳᠤᠭ ᠤᠨ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠨᠢ ᠬᠤᠸᠠᠳᠧᠩ᠂ ᠬᠤᠸᠠᠳᠧᠩ ᠪᠣᠯ ᠣᠳᠤ ᠶᠢᠨ ᠬᠤᠷᠴᠢᠨ ᠵᠡᠭᠦᠨ | ᠭᠠᠷᠣᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠬᠤᠸᠠᠳᠧᠩ ᠰᠣᠮᠣ ᠮᠦᠨ᠃ ᠵᠡᠭᠦᠨ ᠬᠢᠵᠠᠭᠠᠷ ᠨᠢ ᠪᠢᠯᠡᠭᠦᠳᠦ ᠪᠠᠷ ᠵᠠᠷᠣᠳ ᠲᠠᠢ | ᠵᠠᠬᠠ ᠨᠡᠶᠢᠯᠡᠵᠤ ᠪᠤᠢ᠃ | 1634 ᠣᠨ ᠤ ᠠᠷᠪᠠᠨ ᠰᠠᠷᠠ ᠳᠤ ᠴᠢᠩ ᠣᠯᠣᠰ ᠤᠨ ᠬᠤᠶᠠᠷ ᠲᠦᠰᠢᠮᠡᠯ ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ | ᠤᠨ ᠨᠣᠶᠠᠳ ᠢ ᠣᠳᠤ ᠶᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠳᠤ ᠴᠤᠭᠯᠠᠭᠤᠯᠵᠣ᠂ ᠬᠤᠵᠢᠮ ᠨᠢ | 1639 ᠣᠨ ᠳᠤ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠵᠣᠤ ᠤᠳᠠ ᠴᠢᠭᠤᠯᠭᠠᠨ ᠤ ᠮᠤᠩᠭᠤᠯᠴᠤᠳ ᠪᠣᠯᠣᠨ ᠮᠠᠨᠵᠤ ᠨᠠᠢᠮᠠᠨ | ᠬᠤᠰᠢᠭᠤᠨ ᠤ ᠲᠤᠳᠤᠷᠠᠬᠢ ᠮᠤᠩᠭᠤᠯᠴᠤᠳ ᠲᠤ ᠨᠣᠳᠤᠭ ᠪᠡᠯᠴᠢᠭᠡᠷ ᠬᠤᠪᠢᠶᠠᠨ ᠦᠭᠪᠡ᠃ ᠴᠢᠩ ᠣᠯᠣᠰ ᠤᠨ | ᠡᠬᠢᠨ ᠳᠤ ᠲᠠᠭᠠᠷᠠ ᠣᠴᠢᠭᠰᠠᠨ ᠮᠣᠩᠭᠤᠯᠴᠤᠳ ᠢ ᠮᠠᠨᠵᠤ ᠨᠠᠢᠮᠠᠨ ᠬᠤᠰᠢᠭᠤᠨ ᠳᠤ ᠬᠤᠪᠢᠶᠠᠨ ᠦᠭᠴᠠᠢ᠃ ᠮᠠᠨᠵᠣ | ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯᠴᠤᠳ ᠨᠢ ᠡᠶᠢᠮᠣ ᠮᠤᠩᠭᠤᠯᠴᠤᠳ ᠪᠢᠯᠡ᠃ ᠡᠨᠡ ᠣᠳᠠᠭᠠᠨ ᠤ ᠴᠢᠭᠤᠯᠭᠠᠨ ᠢ | ᠲᠡᠤᠬᠡᠨ ᠳᠤ ᠱᠤᠩᠬᠤᠷ ᠤᠨ ᠴᠢᠭᠤᠯᠭᠠᠨ ᠭᠡᠳᠡᠭ᠃ ᠡᠨᠡ ᠤᠳᠠᠭᠠᠨ ᠤ ᠬᠤᠪᠢᠶᠠᠨ ᠦᠭᠭᠦᠭᠰᠡᠨ ᠨᠣᠳᠤᠭ ᠪᠡᠯᠴᠢᠭᠡᠷ | ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠬᠢᠵᠠᠭᠠᠷ ᠨᠢ ᠭᠤᠤᠷᠰᠤ᠂ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠨᠢ ᠨᠠᠷᠠᠰᠣᠳᠠᠢ᠂ ᠪᠠᠷᠠᠭᠤᠨ ᠬᠤᠶᠢᠳᠦ | ᠬᠢᠵᠠᠭᠠᠷ ᠨᠢ ᠬᠠᠯᠵᠠᠨ ᠪᠣᠯᠣᠨᠠ᠃ ᠬᠤᠶᠢᠳᠤ ᠬᠢᠵᠠᠭᠠᠷ ᠨᠢ ᠪᠠᠷᠠᠭᠤᠨ ᠠᠴᠠ ᠵᠡᠭᠦᠨᠰᠢ ᠬᠤᠷᠠᠬᠤ᠂ ᠬᠡᠷᠢᠶᠡ ᠬᠠᠳᠠ᠂ | ᠪᠠᠭᠠ ᠠᠷᠣ ᠬᠤᠱᠣᠤ᠂ ᠵᠢᠭᠠᠰᠤᠳᠠᠢ᠂ ᠲᠣᠮᠳᠠᠳᠤ ᠲᠡᠩᠬᠡᠯᠢᠭ᠂ ᠲᠠᠯᠠ ᠪᠣᠯᠠᠭ᠂ ᠨᠤᠵᠤᠭᠤᠷ ᠪᠣᠯᠣᠨᠠ᠃ ᠡᠨᠡ ᠬᠦ | ᠲᠣᠯᠣᠭᠠᠨ ᠭᠠᠵᠠᠷ ᠨᠢ ᠪᠠᠷᠠᠭᠤᠨ ᠠᠴᠠ ᠵᠡᠭᠦᠨᠰᠢ ᠣᠩᠨᠢᠭᠤᠳ᠂ ᠪᠠᠭᠠᠷᠢᠨ᠂ ᠨᠠᠢᠮᠠᠨ᠂ ᠠᠤᠬᠠᠨ᠂ ᠲᠦᠷᠪᠡᠨ | ᠬᠡᠤᠬᠡᠳ᠂ ᠠᠷᠣ ᠬᠤᠷᠴᠢᠨ᠂ ᠵᠠᠷᠤᠳ ᠵᠡᠷᠭᠡ ᠲᠤᠯᠤᠭᠠᠨ ᠠᠶᠢᠮᠠᠭ ᠬᠤᠪᠢᠳᠠᠨ ᠤᠯᠤᠭᠰᠠᠨ ᠨᠤᠳᠤᠭ ᠶᠤᠮ᠃ | ᠬᠤᠪᠢᠶᠠᠨ ᠣᠯᠣᠭᠰᠠᠨ ᠨᠤᠳᠤᠭ ᠤᠨ ᠵᠡᠭᠦᠨ ᠬᠤᠶᠢᠳᠤ ᠬᠢᠵᠠᠭᠠᠷ ᠨᠢ ᠨᠠᠩᠵᠢᠶᠠᠳᠠᠢ᠂ ᠵᠡᠭᠦᠨ ᠬᠢᠵᠠᠭᠠᠷ ᠨᠢ ᠤᠯᠠᠭᠠᠨ | ᠲᠠᠬᠠ ᠬᠦᠷᠢᠶᠡᠳᠦ᠂ ᠵᠡᠭᠦᠨ ᠡᠮᠦᠨᠡ ᠬᠢᠵᠠᠭᠠᠷ ᠨᠢ ᠬᠠᠷᠠ ᠪᠠᠭ ᠪᠣᠯᠣᠨᠠ᠃ ᠡᠮᠦᠨᠡ ᠬᠢᠵᠠᠭᠠᠷ ᠨᠢ ᠵᠡᠭᠦᠨ ᠠᠴᠠ | ᠪᠠᠷᠠᠭᠤᠨᠰᠢ ᠲᠣᠪᠣᠳᠤ ᠣᠯᠣᠮ᠂ ᠬᠦᠳᠦᠯ᠂ ᠦᠨᠡᠭᠡᠳᠦ ᠮᠠᠩᠬᠠ᠂ ᠪᠣᠮᠳᠤ᠂ ᠬᠤᠯᠤᠰᠤᠳᠠᠢ᠂ ᠭᠤᠷᠪᠠᠨ ᠬᠡᠭᠦᠷ᠂ | ᠬᠦᠬᠦᠨ᠂ ᠰᠢᠷᠠ ᠬᠤᠰᠢᠭᠤ᠂ ᠭᠠᠭ᠋ᠠᠶᠢᠳᠤ᠂ ᠮᠣᠭᠠᠢ ᠠᠳᠠᠭ᠂ ᠮᠣᠨᠴᠤᠭ᠂ ᠰᠢᠷᠠ ᠬᠤᠨᠳᠤ ᠪᠣᠯᠣ᠂ ᠣᠯᠠᠭᠠᠨ ᠬᠠᠳᠠ | ᠵᠡᠷᠭᠡ ᠠᠷᠪᠠᠨ ᠭᠤᠷᠪᠠᠨ ᠭᠠᠵᠠᠷ ᠪᠣᠯᠣᠨᠠ᠃ ᠲᠡᠤᠬᠡᠴᠢᠳ ᠱᠤᠩᠬᠤᠷ ᠤᠨ ᠴᠢᠭᠤᠯᠭᠠᠨ ᠲᠡᠭᠡᠷᠡ ᠬᠤᠪᠢᠶᠠᠨ | ᠣᠯᠣᠭᠰᠠᠨ ᠨᠤᠳᠤᠭ ᠨᠢ ᠵᠣᠤ ᠣᠳᠠ ᠴᠢᠭᠤᠯᠭᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠮᠤᠩᠭᠤᠯ ᠬᠤᠰᠢᠭᠤᠨ ᠤ ᠤᠳᠤ ᠶᠢᠨ | ᠨᠣᠳᠤᠭ ᠬᠡᠮᠡᠨ ᠦᠵᠡᠵᠤ ᠪᠤᠢ᠃ | ᠱᠤᠩᠬᠤᠷ ᠤᠨ ᠴᠢᠭᠤᠯᠭᠠᠨ ᠲᠡᠭᠡᠷᠡ ᠲᠠᠯᠠᠢ ᠲᠠᠶᠢᠵᠢ᠂ ᠠᠷᠣ ᠬᠤᠷᠴᠢᠨ ᠬᠠᠨ ᠴᠡᠭᠡᠨ᠂ ᠰᠡᠷᠡᠩ ᠠᠪᠠᠭᠠ | ᠭᠤᠷᠪᠠᠭᠤᠯᠠ ᠨᠢᠭᠡ ᠨᠣᠳᠤᠭ ᠢ ᠬᠤᠪᠢᠶᠠᠨ ᠣᠯᠵᠤ᠂ ᠲᠠᠯᠠ ᠪᠣᠯᠠᠭ ᠪᠣᠯ ᠬᠤᠪᠢᠶᠠᠨ ᠣᠯᠣᠭᠰᠠᠨ ᠨᠤᠳᠤᠭ ᠤᠨ | ᠬᠤᠶᠢᠳᠤ ᠬᠢᠵᠠᠭᠠᠷ ᠪᠣᠯᠣᠨᠠ᠃ ᠵᠠᠷᠤᠳ ᠪᠣᠯᠣᠨ ᠤᠷᠠᠳ ᠠᠶᠢᠮᠠᠭ ᠨᠢᠭᠡ ᠨᠣᠳᠤᠭ ᠢ ᠬᠤᠪᠢᠶᠠᠨ ᠤᠯᠵᠠᠢ᠃ ᠴᠢᠩ | ᠣᠯᠣᠰ ᠤᠨ ᠲᠡᠮᠳᠡᠭᠯᠡᠯ ᠳᠤ ᠠᠷᠣ ᠬᠤᠷᠴᠢᠨ ᠪᠣᠯᠣᠨ ᠲᠡᠭᠦᠨ ᠤ ᠰᠠᠯᠪᠣᠷᠢ ᠠᠶᠢᠮᠠᠭ ᠢ ᠰᠢᠷᠠ ᠬᠠᠨ ᠤ ᠬᠠᠷᠢᠶᠠᠳᠤ | ᠠᠶᠢᠮᠠᠭ᠂ ᠣᠩᠨᠢᠭᠤᠳ ᠪᠣᠯᠣᠨ ᠬᠠᠷᠠ ᠴᠡᠷᠢᠭ ᠬᠤᠶᠠᠷ ᠠᠶᠢᠮᠠᠭ ᠢ ᠲᠦᠯᠦᠨ ᠬᠠᠨ ᠤ ᠬᠠᠷᠢᠶᠠᠳᠤ ᠠᠶᠢᠮᠠᠭ᠂ | ᠠᠪᠠᠭᠠ ᠠᠶᠢᠮᠠᠭ ᠢ ᠲᠦᠮᠡᠨ ᠵᠠᠰᠠᠭᠳᠤ ᠬᠠᠭᠠᠨ ᠤ ᠬᠠᠷᠢᠶᠠᠳᠤ ᠠᠶᠢᠮᠠᠭ ᠭᠡᠳᠡᠭ᠃ ᠠᠷᠣ ᠬᠤᠷᠴᠢᠨ ᠬᠠᠨ ᠴᠡᠭᠡᠨ ᠪᠣᠯ | ᠨᠡᠷᠡ ᠲᠡᠭᠡᠷᠡ ᠪᠠᠨ ᠬᠠᠪᠣᠳᠤ ᠬᠠᠰᠠᠷ ᠤᠨ ᠰᠠᠭᠤᠷᠢᠨ ᠢ ᠵᠠᠯᠭᠠᠮᠵᠢᠯᠠᠭᠴᠢ᠂ ᠦᠪᠡᠷ ᠢ ᠪᠠᠨ ᠰᠢᠷᠠ ᠬᠠᠨ | ᠡᠷᠭᠦᠮᠵᠢᠯᠡᠭᠰᠡᠨ ᠬᠦᠮᠦᠨ ᠮᠦᠨ᠃ ᠠᠷᠣ ᠬᠤᠷᠴᠢᠨ ᠬᠠᠨ ᠴᠡᠭᠡᠨ ᠤ ᠬᠦᠪᠡᠭᠦᠨ ᠰᠡᠩᠭᠡ ᠪᠣᠯ ᠮᠣᠤᠮᠢᠩᠭᠠᠨ | ᠬᠤᠰᠢᠭᠤᠨ ᠤ ᠠᠩᠬᠠᠳᠠᠭᠴᠢ ᠵᠠᠰᠠᠭ ᠪᠤᠯᠤᠨᠠ᠃ ᠸᠴᠢᠷᠳᠤ ᠴᠠᠭᠠᠨ ᠬᠤᠳᠠ ᠶᠢᠨ ᠪᠣᠬᠠ ᠬᠠᠳᠠᠨ ᠳᠤ ᠨᠢᠭᠡ | ᠮᠣᠩᠭᠤᠯ ᠦᠰᠦᠭ ᠤᠨ ᠬᠠᠳᠠᠨ ᠪᠢᠴᠢᠭ᠂ ᠭᠤᠷᠪᠠᠨ ᠬᠢᠳᠠᠳ ᠦᠰᠦᠭ ᠤᠨ ᠬᠠᠳᠠᠨ ᠪᠢᠴᠢᠭ ᠪᠠᠶᠢᠳᠠᠭ᠃ ᠮᠤᠩᠭᠤᠯ | ᠦᠰᠦᠭ ᠤᠨ ᠬᠠᠳᠠᠨ ᠪᠢᠴᠢᠭ ᠤᠨ ᠠᠭᠤᠯᠭᠠ ᠨᠢ ᠲᠤᠳᠤ ᠲᠠᠨᠢᠭᠳᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠬᠠᠭᠤᠴᠢ | ᠰᠤᠳᠤᠯᠤᠭᠴᠢᠳ ᠬᠠᠳᠠᠨ ᠪᠢᠴᠢᠭ ᠲᠠᠬᠢ ᠬᠦᠮᠦᠨ ᠤ ᠨᠡᠷᠡ ᠶᠢ ᠬᠠᠭᠤᠯᠣᠨ ᠠᠪᠴᠠᠢ᠃ ᠲᠡᠳᠡᠭᠡᠷ ᠬᠦᠮᠦᠨ ᠤ ᠨᠡᠷᠡ | ᠲᠤᠳᠤᠷᠠᠬᠢ ᠨᠢᠭᠡᠳᠦᠭᠡᠷ ᠬᠦᠮᠦᠨ ᠨᠢ ᠠᠷᠣ ᠬᠤᠷᠴᠢᠨ ᠬᠠᠨ ᠴᠡᠭᠡᠨ ᠮᠦᠨ᠃ ᠲᠡᠤᠬᠡᠴᠢᠳ ᠲᠣᠰ ᠬᠠᠳᠠᠨ ᠪᠢᠴᠢᠭ | ᠪᠣᠯ ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠴᠦᠳ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠲᠠᠢ ᠪᠠᠷᠯᠬᠠᠳᠠᠬᠤ ᠪᠠᠷ | ᠢᠷᠡᠭᠰᠡᠨ ᠲᠤᠷᠠᠰᠬᠠᠯ ᠤᠨ ᠪᠢᠴᠢᠭ ᠬᠡᠮᠡᠨ ᠦᠵᠡᠳᠡᠭ᠃ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ ᠤ ᠸᠴᠢᠷᠳᠤ ᠴᠠᠭᠠᠨ ᠬᠤᠳᠠ | ᠶᠢ ᠪᠠᠶᠢᠭᠤᠯᠤᠭᠰᠠᠨ ᠢ ᠭᠡᠷᠡᠴᠢᠯᠡᠬᠦ ᠬᠤᠪᠤᠷ ᠴᠤᠬᠠᠭ ᠬᠠᠳᠠᠨ ᠪᠢᠴᠢᠭ ᠪᠣᠯᠣᠨᠠ᠃ | ᠲᠡᠭᠡᠳᠦ ᠡᠷᠳᠡᠮᠳᠤ ᠶᠢᠨ ᠲᠡᠷᠢᠭᠦᠨ ᠤᠨ ︵1636︶ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ | ᠬᠦᠬᠡ ᠨᠣᠬᠠᠢ ᠡᠳᠦᠷ᠂ ᠬᠤᠸᠠᠩ ᠲᠠᠶᠢᠵᠢ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠲᠠᠯᠠᠢ ᠲᠠᠶᠢᠵᠢ ᠪᠣᠯᠣᠨ ᠮᠤᠵᠠᠩ ᠬᠤᠸᠠᠩ | ᠲᠠᠶᠢᠵᠢ ᠡᠴᠢᠭᠡ ᠬᠦᠪᠡᠭᠦᠨ ᠬᠤᠶᠠᠭᠤᠯᠠ ᠶᠢᠨ ᠬᠤᠪᠢᠶᠠᠨ ᠵᠠᠬᠢᠷᠣᠭᠰᠠᠨ ᠬᠤᠶᠠᠷ ᠬᠤᠰᠢᠭᠤ ᠶᠢ ᠨᠡᠶᠢᠯᠡᠭᠦᠯᠦᠨ ᠨᠢᠭᠡ | ᠬᠤᠰᠢᠭᠤ ᠪᠣᠯᠭᠠᠵᠣ᠂ ᠮᠤᠵᠠᠩ ᠬᠤᠸᠠᠩ ᠲᠠᠶᠢᠵᠢ ᠬᠤᠰᠢᠭᠤᠨ ᠤ ᠡᠷᠬᠡ ᠶᠢ ᠮᠡᠳᠡᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠤ ᠠᠴᠠ | 1636 ᠤᠨ ᠤ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠪᠣᠯ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤ ᠪᠠᠶᠢᠭᠤᠯᠣᠭᠳᠠᠭᠰᠠᠨ | ᠡᠳᠦᠷ ᠮᠦᠨ᠃ | ᠡᠩᠬᠡ ᠠᠮᠣᠭᠤᠯᠠᠩ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ 1686 ᠤᠨ ᠠᠴᠠ ᠡᠬᠢᠯᠡᠨ ︽ᠲᠠᠶᠢᠴᠢᠩ ᠣᠯᠣᠰ ᠤᠨ | ᠬᠠᠮᠳᠣᠳᠬᠠᠭᠰᠠᠨ ᠪᠢᠴᠢᠭ︾ ᠢ ᠪᠢᠴᠢᠵᠠᠢ᠃ ᠲᠡᠷᠡ ᠦᠶᠡ ᠳᠤ ᠴᠣᠢ ᠵᠢᠶᠦ᠋ᠨ ᠸᠠᠩ ᠪᠣᠯ ᠵᠠᠰᠠᠭ ᠨᠣᠶᠠᠨ ᠮᠦᠨ᠃ | ᠲᠤᠰ ᠪᠢᠴᠢᠭ ᠲᠤ ᠠᠷᠣ ᠬᠤᠷᠴᠢᠨ ᠵᠠᠰᠠᠭ ᠢ ᠬᠤᠨᠳᠤ ᠠᠭᠤᠯᠠ ᠶᠢᠨ ᠵᠡᠭᠦᠨᠳᠠᠢ ᠰᠠᠭᠤᠵᠣ ᠪᠠᠶᠢᠨᠠ ᠭᠡᠵᠤ | ᠲᠡᠮᠳᠡᠭᠯᠡᠵᠠᠢ᠃ ᠬᠤᠨᠳᠤ ᠠᠭᠤᠯᠠ ᠶᠢᠨ ᠵᠡᠭᠦᠨᠳᠠᠢ ᠭᠡᠳᠡᠭ ᠨᠢ ᠰᠠᠶᠢᠬᠠᠨ ᠲᠠᠯᠠ ᠶᠢᠨ ᠶᠠᠮᠤᠨ ᠠᠶᠢᠯ ᠢ ᠵᠢᠭᠠᠵᠣ ᠪᠣᠢ᠃ | ᠲᠡᠨᠳᠡ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠵᠠᠰᠠᠭ ᠨᠣᠶᠠᠨ ᠨᠢ ᠴᠤᠢ ᠵᠢᠶᠦ᠋ᠨ ᠸᠠᠩ ᠪᠣᠯᠣᠨ ᠮᠣᠨᠢᠩ ᠪᠡᠶᠢᠯᠡ ᠡᠴᠢᠭᠡ ᠬᠦᠪᠡᠭᠦᠨ | ᠬᠤᠶᠠᠭᠤᠯᠠ ᠪᠣᠯᠣᠨᠠ᠃ | ᠠᠷᠣ ᠬᠤᠷᠴᠢᠨᠴᠤᠳ ᠤᠨ ᠲᠣᠮᠳᠠ ᠳᠠᠭᠳᠠᠨᠸᠠᠩᠴᠤᠭ ᠪᠡᠶᠢᠯᠡ ᠠᠴᠠ ᠡᠮᠦᠨᠡᠬᠢ ᠵᠠᠰᠠᠭ ᠨᠤᠶᠠᠳ ᠢ | ᠲᠤᠬᠤᠮᠳᠠᠢ ᠳᠤ ᠰᠠᠭᠤᠵᠣ ᠪᠠᠶᠢᠯᠠ ᠭᠡᠰᠡᠨ ᠶᠠᠷᠢᠶᠠ ᠬᠡᠯᠡᠯᠭᠡ ᠪᠤᠢ᠃ ᠵᠠᠩ ᠮᠣ᠋ ᠶᠢᠨ ᠪᠢᠴᠢᠭᠰᠡᠨ ︽ᠮᠤᠩᠭᠤᠯ ᠤᠨ | ᠬᠤᠰᠢᠭᠤ ᠨᠤᠳᠤᠭ ᠤᠨ ᠲᠡᠮᠳᠡᠭᠯᠡᠯ︾ ᠳᠤ ᠬᠤᠰᠢᠭᠤ ᠵᠠᠰᠠᠭ ᠨᠣᠶᠠᠳ ᠢ ᠬᠤᠨᠳᠤ ᠠᠭᠤᠯᠠ ᠶᠢᠨ ᠵᠡᠭᠦᠨᠳᠠᠢ | ᠲᠤᠬᠤᠮᠳᠠᠢ ᠳᠤ ᠰᠠᠭᠤᠳᠠᠭ ᠭᠡᠵᠤ ᠲᠡᠮᠳᠡᠭᠯᠡᠵᠠᠢ᠃ ᠡᠨᠡ ᠨᠢ ᠲᠠᠷᠣᠢ ᠵᠠᠰᠠᠭ ᠨᠤᠶᠠᠳ ᠤᠷᠢᠳ ᠬᠤᠵᠢᠳ ᠬᠤᠨᠳᠤ | ᠠᠭᠤᠯᠠ ᠶᠢᠨ ᠵᠡᠭᠦᠨᠳᠠᠢ ᠶᠠᠮᠤᠨ ᠠᠶᠢᠯ ᠪᠣᠯᠣᠨ ᠲᠤᠬᠤᠮᠳᠠᠢ ᠳᠤ ᠰᠠᠭᠤᠵᠣ ᠪᠠᠶᠢᠯᠠ ᠭᠡᠵᠣ ᠤᠶᠢᠯᠠᠭᠠᠪᠠᠯ ᠵᠤᠬᠢᠨᠠ᠃ | ᠮᠣᠵᠠᠩ᠂ ᠵᠤᠯᠵᠠᠭᠠ᠂ ᠰᠡᠷᠡᠩ᠂ ᠸᠠᠩᠴᠤᠭ ᠲᠦᠷᠪᠡᠨ ᠵᠠᠰᠠᠭ ᠨᠣᠶᠠᠨ ᠪᠣᠯ ᠲᠣᠬᠤᠮᠳᠠᠢ ᠳᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠢ | ᠮᠡᠳᠡᠵᠤ ᠪᠣᠯᠣᠨᠠ᠃ | ᠳᠠᠨᠳᠠᠨᠸᠠᠩᠴᠤᠭ ᠪᠡᠶᠢᠯᠡ ᠪᠤᠯ ᠸᠠᠩᠵᠢᠯ ᠪᠡᠶᠢᠯᠡ ᠶᠢᠨ ᠬᠦᠪᠡᠭᠦᠨ᠃ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤ ᠶᠢ | ᠨᠣᠶᠠᠷᠬᠠᠭᠴᠢᠳ ᠤᠨ ᠲᠤᠳᠤᠷᠠ ᠨᠤᠶᠠᠨ ᠰᠠᠭᠤᠭᠰᠠᠨ ᠤᠨ ᠵᠢᠯ ᠨᠢ ᠬᠠᠮᠤᠭ ᠤᠨ ᠤᠷᠳᠤ ᠨᠤᠶᠠᠨ ᠪᠢᠯᠡ᠃ ᠦᠪᠦᠷ | ᠮᠤᠩᠭᠤᠯ ᠤᠨ ᠲᠦᠴᠢ ᠶᠢᠰᠦᠨ ᠬᠤᠰᠢᠭᠤᠨ ᠤ ᠲᠣᠳᠤᠷᠠ ᠬᠤᠶᠠᠳᠣᠭᠠᠷ ᠲᠤ ᠵᠢᠭᠰᠠᠭᠠᠭᠳᠠᠵᠤ᠂ ᠵᠢᠷᠠᠨ ᠵᠢᠯ ︵ | 1727 ~ 1786︶ ᠵᠠᠰᠠᠭ ᠰᠠᠭᠤᠭᠰᠠᠨ ᠪᠠᠶᠢᠨᠠ᠃ ᠬᠤᠰᠢᠭᠤᠨ ᠤ ᠤᠯᠠᠨ ᠪᠡᠶᠢᠯᠡ ᠳᠠᠨᠳᠠᠨᠸᠠᠩᠴᠤᠭ ᠢ ︽ | ᠪᠣᠭᠤᠷᠣᠯ ᠲᠡᠭᠷᠢ︾ ᠬᠡᠮᠡᠨ ᠬᠦᠨᠳᠦᠳᠬᠡᠨ ᠲᠠᠭᠤᠳᠠᠳᠠᠭ᠃ | | ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ | ᠨᠠᠶᠢᠷᠠᠭᠤᠯᠣᠭᠴᠢ᠄ ᠴ᠊ · ᠰᠠᠷᠠᠭᠤᠯ | | |