ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
︽ᠳᠠᠶᠢᠯ ᠪᠤᠭᠳᠠ ᠬᠠᠪᠤᠲᠤ ᠬᠠᠰᠠᠷ︾ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2016/8/11
     2003 ᠤᠨ ᠳᠤ ᠤᠯᠠᠮᠵᠢᠯᠠᠯ ᠢᠶᠠᠷ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠰᠠᠭᠤᠭ᠎ᠠ ᠭᠠᠵᠠᠷ ᠲᠤ ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠶᠢ ᠪᠤᠰᠬᠠᠨ ᠶᠡᠭᠡ ᠬᠡᠪᠴᠢᠶᠡᠨ ᠤ ᠲᠠᠬᠢᠯᠭ᠎ᠠ ᠶᠠᠪᠤᠭᠤᠯᠵᠦ᠂ ᠤᠳᠤ ᠪᠤᠯᠳᠠᠯ᠎ᠠ ᠵᠢᠯ ᠪᠦᠷᠢ ᠲᠠᠬᠢᠯᠭ᠎ᠠ ᠶᠠᠪᠤᠭᠤᠯᠵᠦ ᠪᠠᠶᠢᠨ᠎ᠠ᠃      ᠠᠷᠤ ᠬᠤᠷᠴᠢᠨ ᠤ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠪᠤᠯ ᠦᠪᠦᠷ ᠮᠤᠩᠭᠤᠯ ᠳᠠᠬᠢ ᠴᠤᠷ ᠤᠨ ᠭᠠᠭᠴᠨ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠪᠤᠯᠤᠨ᠎ᠠ᠃      ᠤᠪᠤᠭ᠎ᠠ ᠨᠢ ᠭᠤᠤᠯ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠲᠠᠢ᠂ ᠭᠤᠤᠯ ᠤᠪᠤᠭ᠎ᠠ ᠠᠴᠠ ᠳᠦᠷᠪᠡᠨ ᠵᠦᠭ ᠲᠤ ᠪᠠᠶᠢᠷᠢᠰᠢᠭᠰᠠᠨ ᠵᠡᠯ᠎ᠡ ᠤᠪᠤᠭ᠎ᠠ ᠲᠠᠢ᠂ ᠵᠡᠯ᠎ᠡ ᠤᠪᠤᠭ᠎ᠠ ᠪᠦᠷᠢ ᠳᠤ ᠭᠤᠷᠪᠠᠨ ᠤᠪᠤᠭ᠎ᠠ ᠲᠠᠢ᠂ ᠨᠡᠶᠢᠲᠡ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭ᠎ᠠ ᠪᠠᠷ ᠪᠦᠷᠢᠯᠳᠦᠪᠡ᠃ ᠡᠨᠡ ᠨᠢ ᠲᠡᠤᠬᠡᠨ ᠳᠠᠬᠢ 1190 ᠤᠨ ᠳᠤ ᠡᠭᠦᠰᠦᠭᠰᠡᠨ ᠠᠷᠪᠠᠨ ᠭᠤᠷᠪᠠᠨ ᠬᠦᠷᠢᠶᠡᠨ ᠤ ᠳᠠᠶᠢᠨ ᠳᠤ ᠬᠤᠷᠢᠨ ᠳᠤᠯᠤᠭᠠᠨ ᠨᠠᠰᠤᠲᠠᠢ ᠬᠠᠪᠤᠲᠤ ᠬᠠᠰᠠᠷ ᠤᠨ ᠦᠨᠡᠨᠴᠢᠯᠡᠨ ᠵᠢᠳᠬᠦᠭᠰᠡᠨ ᠭᠠᠪᠢᠶ᠎ᠠ ᠵᠢᠳᠬᠦᠯ ᠢ ᠳᠤᠷᠠᠰᠬᠠᠨ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠮᠦᠨ ᠴᠦ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠳᠤ ᠪᠤᠯᠤᠭᠰᠠᠨ ᠴᠢᠩᠭᠢᠰ ᠬᠠᠭᠠᠨ ᠬᠤᠷᠢᠨ ᠳᠤᠯᠤᠭᠠᠲᠠᠢ ᠵᠢᠯ ᠳᠤ ᠪᠠᠨ ᠬᠠᠭᠠᠨ ᠤᠷᠤ ᠳᠤ ᠰᠠᠭᠤᠭᠰᠠᠨ ᠲᠡᠤᠬᠡ ᠶᠢᠨ ᠬᠠᠭᠤᠳᠠᠰᠤ ᠶᠢ ᠲᠡᠮᠳᠡᠭᠯᠡᠨ ᠬᠤᠶᠢᠴᠢᠰ ᠲᠤ ᠪᠠᠨ ᠤᠯᠠᠮᠵᠢᠯᠠᠵᠦ ᠪᠤᠢ᠃      ᠡᠳᠡᠭᠡᠷ ᠨᠢ ᠮᠤᠩᠭᠤᠯᠴᠤᠳ ᠤᠨ ᠨᠡᠶᠢᠭᠡᠮ ᠤᠨ ᠶᠠᠭᠤᠮ᠎ᠠ ᠦᠵᠡᠭᠳᠡᠯ ᠢ ︽ᠭᠤᠷᠪᠠ︾ ᠭᠡᠬᠦ ᠲᠤᠭ᠎ᠠ ᠪᠠᠷ ᠡᠬᠢ ᠡᠭᠦᠰᠦᠪᠦᠷᠢ ᠪᠤᠯᠭᠠᠬᠤ ᠪᠡᠯᠭᠡᠳᠡᠯ ᠵᠦᠢ ᠶᠢ ᠬᠠᠷᠠᠭᠤᠯᠵᠤ᠂ ᠠᠷᠪᠠᠨ ᠭᠤᠷᠪᠠ ᠶᠢ ᠬᠦᠨᠳᠦᠳᠬᠡᠨ ᠡᠷᠬᠢᠮᠯᠡᠬᠦ ᠰᠢᠲᠦᠯᠭᠡ ᠶᠤᠰᠤ ᠶᠢ ᠬᠠᠷᠠᠭᠤᠯᠵᠤ ᠪᠤᠢ᠃      ᠤᠪᠤᠭ᠎ᠠ ᠶᠢᠨ ᠰᠦᠯᠳᠡ ᠶᠢ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠬᠠᠨᠳᠤᠭᠤᠯᠳᠠᠭ ᠨᠢ ᠬᠠᠰᠠᠷ ᠤᠨ ᠳᠤᠭᠰᠢᠨ ᠬᠠᠷ᠎ᠠ ᠲᠤᠭ ᠢ ᠲᠤᠭᠰᠢᠭᠤᠯᠬᠤ ᠳᠤ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠬᠠᠨᠳᠤᠭᠤᠯᠳᠠᠭ ᠲᠡᠤᠬᠡ ᠶᠢᠨ ᠡᠰᠢᠯᠡᠯ ᠵᠠᠩᠰᠢᠯ ᠢ ᠪᠠᠷᠢᠮᠲᠠᠯᠠᠪᠠ᠃ ᠡᠳᠡᠭᠡᠷ  ᠨᠢ ᠬᠠᠰᠠᠷ ᠤᠨ ᠨᠢᠭᠡ ᠨᠠᠰᠤᠨ ᠤ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠠᠮᠢᠳᠤᠷᠠᠯ ᠨᠢ ᠲᠠᠩᠭᠤᠳ ᠢ ᠬᠤᠷᠢᠶᠠᠮᠵᠢᠯᠠᠬᠤ ᠪᠠᠷ ᠲᠡᠭᠦᠰᠦᠭᠰᠡᠨ ᠳᠤ ᠤᠷᠤᠰᠢᠨ᠎ᠠ᠃      ᠳᠠᠶᠢᠯ ᠪᠤᠭᠳᠠ ᠶᠢᠨ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠵᠤᠷᠢᠯᠭ᠎ᠠ      ᠳᠠᠶᠢᠯ ᠪᠤᠭᠳᠠ ︵ᠬᠠᠪᠤᠲᠤ ᠬᠠᠰᠠᠷ︶ ᠶᠢᠨ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠭᠦᠢᠴᠡᠳᠬᠡᠬᠦ ᠶᠢᠨ ᠤᠴᠢᠷ ᠰᠢᠯᠲᠠᠭᠠᠨ ᠨᠢ ᠳᠠᠶᠢᠯ ᠪᠤᠭᠳᠠ ᠶᠢᠨ ᠰᠢᠲᠦᠭᠡᠨ ᠤ ᠪᠠᠨ ᠠᠭᠤᠷ ᠬᠢᠯᠢᠩ ᠢ ᠳᠠᠶᠢᠳᠬᠤᠷᠠᠭᠤᠯᠵᠣ᠂ ᠰᠠᠨᠠᠭ᠎ᠠ ᠰᠡᠳᠬᠢᠯ  ᠢ ᠨᠢ ᠪᠠᠶᠠᠰᠬᠠᠨ᠂ ᠦᠪᠡᠷ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠢᠶᠠᠨ ᠬᠦᠰᠡᠨ ᠳᠠᠭᠠᠳᠬᠠᠵᠤ᠂ ᠪᠤᠭᠳᠠ ᠠᠴᠠ ᠠᠪᠤᠷᠠᠯ ᠦᠷᠦᠰᠢᠶᠡᠯ ᠭᠤᠶᠤᠨ᠂ ᠪᠤᠳᠠᠲᠦ ᠠᠮᠢᠳᠤᠷᠠᠯ ᠳᠤ ᠪᠠᠨ ᠤᠶᠤᠨ ᠰᠠᠨᠠᠭᠠᠨ ᠤ ᠦᠮᠦᠭ ᠲᠦᠰᠢᠭ ᠤᠯᠵᠤ᠂ ᠪᠤᠳᠠᠲᠠᠢ ᠦᠷ᠎ᠡ ᠠᠰᠢᠭ ᠬᠦᠷᠲᠡᠬᠦ ᠭᠡᠰᠡᠨ ᠶᠠᠪᠤᠳᠠᠯ ᠪᠤᠯᠤᠨ᠎ᠠ᠃ ᠡᠨᠡ ᠨᠢ ᠦᠨᠳᠦᠰᠦᠲᠡᠨ ᠤ ᠰᠤᠶᠤᠯ ᠢ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠵᠤ᠂ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠢ ᠬᠠᠮᠠᠭᠠᠯᠠᠨ ᠬᠦᠭᠵᠢᠭᠦᠯᠬᠦ ᠶᠢ ᠠᠬᠢᠭᠤᠯᠵᠤ᠂ ᠤᠷᠤᠨ ᠨᠤᠲᠤᠭ ᠤᠨ ᠠᠵᠤ ᠠᠬᠤᠢ ᠶᠢᠨ ᠬᠦᠭᠵᠢᠯᠲᠡ ᠶᠢ ᠠᠬᠢᠭᠤᠯᠬᠤ ᠳᠤ ᠠᠰᠢᠭᠲᠠᠢ ᠲᠠᠪᠴᠠᠩ ᠢ ᠬᠠᠩᠭᠠᠬᠤ ᠪᠤᠯᠤᠨ᠎ᠠ᠃      ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ      ᠬᠠᠪᠤᠲᠤ ᠬᠠᠰᠠᠷ ᠤᠨ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠨᠢ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠬᠤᠷ᠎ᠠ ᠤᠰᠤ ᠵᠤᠬᠢᠴᠠᠭᠰᠠᠨ ᠰᠠᠶᠢᠬᠠᠨ ᠴᠠᠭ ᠲᠤ ᠶᠠᠪᠤᠭᠳᠠᠳᠠᠭ᠃      ᠲᠠᠬᠢᠯᠭ᠎ᠠ ᠶᠢ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠠᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠮᠠᠯᠵᠢᠬᠤ ᠰᠤᠮᠤ ᠨᠢᠭᠡᠴᠢ ᠪᠠᠷ ᠳᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠵᠦ ᠭᠦᠢᠴᠡᠳᠬᠡᠨ᠎ᠡ᠃      ᠲᠠᠬᠢᠯᠭ᠎ᠠ ᠳᠤ ᠲᠤᠰᠬᠠᠢ ᠳᠠᠭᠠᠭᠠᠮᠠᠯ ᠲᠠᠢ᠂ ᠠᠯᠢᠪᠠ ᠦᠢᠯᠡ ᠶᠢ ᠳᠠᠭᠠᠭᠠᠮᠠᠯ ᠤᠨ ᠵᠠᠬᠢᠶ᠎ᠠ ᠪᠠᠷ ᠭᠦᠢᠴᠡᠳᠬᠡᠨ᠎ᠡ ᠃      ᠲᠠᠬᠢᠯᠭ᠎ᠠ ᠶᠢᠨ ᠪᠡᠯᠡᠳᠬᠡᠯ      ᠨᠢᠭᠡ᠂ ᠵᠢᠯ ᠪᠦᠷᠢ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠲᠦᠷᠦᠭᠦᠦ ᠡᠳᠦᠷ ᠤᠪᠤᠭ᠎ᠠ ᠶᠢ ᠢᠵᠠᠭᠤᠷ ᠶᠤᠰᠤ ᠪᠠᠷ ᠴᠢᠮᠡᠭᠯᠡᠨ ᠵᠠᠰᠠᠵᠦ᠂ ᠬᠠᠵᠠᠭᠤ ᠬᠠᠪᠢ ᠶᠢᠨ ᠪᠤᠵᠠᠷ ᠬᠤᠭ ᠢ ᠴᠡᠪᠡᠷᠯᠡᠨ ᠠᠷᠢᠯᠭᠠᠵᠤ᠂ ᠠᠯᠢᠪᠠ ᠠᠵᠢᠯ ᠢ ᠭᠠᠷᠳᠠᠨ ᠭᠦᠢᠴᠡᠳᠬᠡᠨ᠎ᠡ᠃      ᠬᠤᠶᠠᠷ᠂ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠳᠤ ᠡᠷᠬᠡᠪᠰᠢ ᠠᠷᠤ ᠬᠤᠷᠴᠢᠨ ᠬᠤᠨᠢᠨ ᠤ ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠢᠷᠭᠡ  ᠶᠢ ᠰᠤᠩᠭᠤᠵᠤ᠂ ᠪᠦᠬᠦᠯᠢ ᠰᠢᠭᠦᠰᠦ ᠶᠢᠨ ᠲᠠᠬᠢᠯᠭ᠎ᠠ ᠲᠠᠯᠪᠢᠨ᠎ᠠ᠃      ᠭᠤᠷᠪᠠ᠂ ᠲᠠᠬᠢᠯᠭ᠎ᠠ ᠳᠤ ᠬᠤᠨᠢᠨ ᠰᠢᠭᠦᠰᠦ ᠠᠴᠠ ᠭᠠᠳᠠᠨ᠎ᠠ ᠴᠠᠭᠠᠨ ᠢᠳᠡᠭᠡᠨ᠂ ᠵᠤᠯᠠ ᠶᠢᠨ ᠰᠢᠷ᠎ᠠ ᠲᠤᠰᠤ᠂ ᠪᠣᠤᠪᠤ ᠪᠤᠭᠤᠷᠰᠤᠭ ᠵᠡᠷᠭᠡ ᠶᠢ ᠠᠷᠢᠭᠤᠨ ᠴᠡᠪᠡᠷ ᠲᠤᠰᠬᠠᠢ ᠡᠷᠦᠬᠡ ᠳᠤ ᠨᠠᠶᠢᠳᠠᠨ ᠡᠯᠪᠡᠭ ᠳᠡᠯᠪᠡᠭ ᠪᠡᠯᠡᠳᠬᠡᠨ᠎ᠡ᠃      ᠳᠦᠷᠪᠡ᠂ ᠲᠠᠬᠢᠯᠭ᠎ᠠ ᠰᠠᠩ ᠢ ᠤᠩᠰᠢᠬᠤ ᠯᠠᠮᠠ ᠨᠠᠷ ᠢ ᠵᠠᠯᠠᠨ᠎ᠠ᠃      ᠲᠠᠬᠢᠯᠭ᠎ᠠ ᠶᠢᠨ ᠬᠤᠷᠢᠭ᠎ᠠ ᠴᠡᠭᠡᠷ      ᠨᠢᠭᠡ᠂ ᠡᠯᠳᠡᠪ ᠡᠰᠡᠨ ᠤ ᠬᠡᠷᠡᠭ ᠤᠴᠢᠷ ᠲᠠᠢ ᠬᠦᠮᠦᠨ᠂ ᠬᠦᠩᠭᠡᠵᠢᠭᠡᠳ ᠰᠠᠷ᠎ᠠ ᠭᠦᠢᠴᠡᠭᠡᠳᠦᠢ ᠡᠬᠡᠨᠠᠷ ᠤᠨ ᠭᠡᠷ ᠲᠤ ᠤᠷᠤᠭᠰᠠᠨ ᠪᠤᠶᠤ ᠦᠬᠦᠭᠡᠷ ᠮᠤᠭᠤᠨ ᠳᠤ ᠤᠴᠢᠭᠠᠳ ᠵᠠᠭᠤ ᠬᠤᠨᠤᠭ ᠦᠩᠭᠡᠷᠡᠭᠡᠳᠦᠢ ᠬᠦᠮᠦᠨ ᠲᠠᠬᠢᠯᠭ᠎ᠠ  ᠳᠤ ᠤᠷᠤᠯᠴᠠᠵᠦ ᠪᠤᠯᠳᠠᠭ ᠦᠭᠡᠢ᠃      ᠬᠤᠶᠠᠷ᠂ ᠠᠷᠢᠬᠢᠨ ᠰᠤᠭᠲᠤᠭᠤ ᠬᠦᠮᠦᠨ ᠲᠠᠬᠢᠯᠭ᠎ᠠ ᠳᠤ ᠤᠷᠤᠯᠴᠠᠵᠦ ᠪᠤᠯᠬᠤ ᠦᠭᠡᠢ᠃      ᠭᠤᠷᠪᠠ᠂ ᠲᠠᠬᠢᠯᠭ᠎ᠠ ᠳᠤ ᠤᠴᠢᠭᠰᠠᠳ ᠶᠤᠰᠤ ᠭᠤᠷᠢᠮ ᠢ ᠳᠠᠭᠠᠵᠤ᠂ ᠦᠨᠳᠦᠷ ᠳᠠᠭᠤᠨ ᠢᠶᠠᠷ ᠪᠠᠷᠬᠢᠷᠠᠯᠴᠠᠬᠤ ᠂ ᠬᠡᠷᠡᠭᠦᠯ ᠴᠣᠤᠭᠢᠶᠠᠨ ᠲᠠᠲᠠᠬᠤ ᠶᠢ ᠲᠠᠰᠤ ᠴᠡᠭᠡᠷᠯᠡᠨ᠎ᠡ᠃      ᠳᠦᠷᠪᠡ᠂ ᠰᠢᠭᠦᠰᠦ ᠬᠦᠨᠳᠡᠬᠦ ᠠᠴᠠ ᠪᠤᠰᠤᠳ ᠬᠦᠮᠦᠨ ᠬᠢᠲᠤᠭ᠎ᠠ ᠮᠠᠰᠠ ᠶᠢᠨ ᠵᠦᠢᠯ ᠤᠨ ᠵᠠᠷ ᠵᠡᠪᠰᠡᠭ ᠢ ᠠᠪᠴᠤ ᠤᠴᠢᠬᠤ ᠶᠢ ᠴᠡᠭᠡᠷᠯᠡᠨ᠎ᠡ᠃      ᠲᠠᠪᠤ᠂ ᠮᠦᠷᠭᠦᠯᠴᠢᠳ ᠤᠷᠴᠢᠨ ᠲᠤᠭᠤᠷᠢᠨ ᠤ ᠠᠷᠢᠭᠤᠨ ᠴᠡᠪᠡᠷ ᠢ ᠠᠩᠬᠠᠷᠴᠤ᠂ ᠡᠯᠳᠡᠪ ᠡᠰᠡᠨ ᠤ ᠪᠤᠵᠠᠷ ᠪᠤᠷᠲᠠᠭ ᠢᠶᠠᠨ ᠲᠠᠬᠢᠯᠭ᠎ᠠ ᠶᠢᠨ ᠤᠪᠤᠭ᠎ᠠ ᠶᠢᠨ ᠬᠠᠵᠠᠭᠤ ᠬᠠᠪᠢ ᠪᠠᠷ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ᠃      ᠵᠢᠷᠭᠤᠭ᠎ᠠ᠂ ᠲᠠᠬᠢᠯᠭ᠎ᠠ ᠡᠬᠢᠯᠡᠭᠰᠡᠨ ᠤ ᠳᠠᠷᠠᠭ᠎ᠠ᠂ ᠲᠠᠬᠢᠯᠭ᠎ᠠ ᠡᠷᠬᠢᠯᠡᠭᠴᠢ ᠠᠴᠠ ᠪᠤᠰᠤᠳ ᠬᠦᠮᠦᠨ ᠤᠪᠤᠭ᠎ᠠ  ᠶᠢᠨ ᠲᠠᠪᠴᠠᠩ ᠳᠤ ᠭᠠᠷᠴᠤ ᠪᠤᠯᠬᠤ ᠦᠭᠡᠢ᠃ ᠲᠤᠭᠲᠠᠭᠰᠠᠨ ᠤᠷᠤᠨ ᠪᠠᠶᠢᠷᠢ ᠳᠤ ᠶᠤᠰᠤᠴᠢᠯᠠᠨ ᠰᠠᠭᠤᠬᠤ ᠬᠡᠷᠡᠭᠲᠡᠢ ᠃ ᠲᠦᠬᠦᠭᠡ ᠤᠷᠤᠭᠠᠳᠦᠢ ᠬᠡᠤᠬᠡᠳ ᠢᠶᠠᠨ ᠳᠠᠭᠠᠭᠤᠯᠵᠤ ᠤᠴᠢᠭᠰᠠᠳ ᠰᠠᠶᠢᠲᠤᠷ ᠬᠠᠮᠢᠶᠠᠷᠬᠤ ᠬᠡᠷᠡᠭᠲᠡᠢ᠃ ᠵᠢᠷᠤᠭ ᠳᠦᠷᠰᠦ ᠠᠪᠬᠤ ᠪᠠᠷ ᠡᠮᠬᠢ ᠲᠢᠭᠯᠡᠮ ᠦᠭᠡᠢ ᠶᠠᠪᠤᠵᠤ ᠪᠤᠯᠬᠤ ᠦᠭᠡᠢ᠃      ᠳᠣᠯᠤᠭ᠎ᠠ᠂ ᠲᠠᠬᠢᠯᠭ᠎ᠠ ᠳᠤ ᠢᠷᠡᠭᠰᠡᠳ ᠲᠡᠷᠭᠡ ᠬᠦᠰᠭᠡ ᠪᠠᠨ ᠲᠤᠭᠳᠠᠭᠰᠠᠨ ᠭᠠᠵᠠᠷ ᠲᠤ ᠲᠠᠯᠪᠢᠨ᠎ᠠ᠃ ᠤᠪᠤᠭ᠎ᠠ ᠶᠢᠨ ᠬᠠᠪᠢ ᠳᠤ ᠳᠤᠷ᠎ᠠ ᠪᠠᠷ ᠢᠶᠠᠨ ᠲᠠᠯᠪᠢᠵᠤ ᠪᠤᠯᠬᠤ ᠦᠭᠡᠢ᠃      ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠳᠡᠰ ᠳᠠᠷᠠᠭ᠎ᠠ      ᠨᠢᠭᠡ᠂ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠦᠷᠯᠦᠭᠡ ᠶᠢᠨ ᠨᠠᠷᠠ ᠮᠠᠨᠳᠤᠬᠤ ᠴᠠᠭ ᠯᠤᠭ᠎ᠠ ᠵᠡᠷᠭᠡ ᠪᠠᠷ ᠭᠦᠢᠴᠡᠳᠬᠡᠨ᠎ᠡ᠃      ᠬᠤᠶᠠᠷ᠂ ᠲᠠᠬᠢᠯᠭ᠎ᠠ ᠳᠤ ᠬᠤᠰᠢᠭᠤ ᠵᠠᠰᠠᠭ ᠸᠠᠩ ᠭᠤᠤᠯᠠᠯᠨ ᠤᠷᠤᠯᠴᠠᠵᠦ᠂ ᠪᠤᠰᠤᠳ ᠬᠦᠮᠦᠰ ᠳᠠᠭᠠᠯᠴᠠᠨ ᠤᠷᠤᠯᠴᠠᠨ᠎ᠠ᠃      ᠭᠤᠷᠪᠠ᠂ ᠤᠪᠤᠭ᠎ᠠ ᠶᠢᠨ ᠲᠦᠪ ᠡᠮᠦᠨ᠎ᠡ ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠦᠷᠦᠭ ᠢ ᠬᠦᠨᠳᠦᠳᠬᠡᠨ ᠵᠠᠯᠠᠵᠦ᠂ ᠬᠦᠵᠢ ᠵᠤᠯᠠ ᠠᠰᠠᠭᠠᠨ᠎ᠠ᠃      ᠳᠦᠷᠪᠡ᠂ ᠲᠠᠬᠢᠯᠭ᠎ᠠ ᠶᠢᠨ ᠰᠢᠭᠦᠰᠦ ᠵᠡᠷᠭᠡ ᠶᠢ ᠶᠤᠰᠤᠴᠢᠯᠠᠨ ᠲᠠᠯᠪᠢᠨ᠎ᠠ᠃ ᠤᠪᠤᠭ᠎ᠠ ᠳᠤ ᠠᠷᠢᠬᠢ ᠡᠷᠭᠦᠬᠦ  ᠶᠢ ᠲᠠᠰᠤ ᠴᠡᠭᠡᠷᠯᠡᠨ᠎ᠡ᠃      ᠲᠠᠪᠤ᠂ ᠲᠠᠬᠢᠯᠭ᠎ᠠ ᠶᠢᠨ ᠳᠠᠭᠠᠭᠠᠮᠠᠯ ᠠᠴᠠ ᠲᠠᠬᠢᠯᠭ᠎ᠠ ᠡᠬᠢᠯᠡᠬᠦ ᠶᠢ ᠨᠡᠶᠢᠲᠡᠯᠡᠵᠦ᠂ ᠬᠤᠰᠢᠭᠤ ᠵᠠᠰᠠᠭ ᠸᠠᠩ  ᠠᠴᠠ ᠲᠠᠬᠢᠯᠭ᠎ᠠ ᠶᠢᠨ ᠶᠤᠰᠤ ᠶᠢ ᠭᠦᠢᠴᠡᠳᠬᠡᠵᠦ᠂ ᠪᠤᠰᠤᠳ ᠬᠦᠮᠦᠰ ᠬᠤᠰᠢᠭᠤ ᠵᠠᠰᠠᠭ ᠸᠠᠩ ᠤᠨ ᠠᠷᠤ ᠳᠤ ᠤᠪᠤᠭ᠎ᠠ ᠵᠦᠭ ᠬᠠᠨᠳᠤᠨ ᠬᠠᠳᠠᠭ ᠡᠷᠭᠦᠬᠦ ᠪᠤᠶᠤ ᠬᠤᠶᠠᠷ ᠭᠠᠷ ᠢᠶᠠᠨ ᠬᠠᠮᠳᠤᠳᠬᠠᠨ ᠵᠠᠯᠪᠠᠷᠢᠵᠦ ᠰᠦᠬᠦᠷᠡᠨ᠎ᠡ᠃ ᠬᠤᠰᠢᠭᠤ ᠵᠠᠰᠠᠭ ᠳᠠᠷᠤᠭ᠎ᠠ ᠲᠠᠬᠢᠯᠭ᠎ᠠ ᠭᠦᠢᠴᠡᠳᠬᠡᠬᠦ ᠠᠴᠠ ᠡᠮᠦᠨ᠎ᠡ ᠪᠤᠰᠤᠳ ᠬᠦᠮᠦᠨ ᠳᠤᠷ᠎ᠠ ᠪᠠᠷ ᠢᠶᠠᠨ ᠲᠠᠬᠢᠯᠭ᠎ᠠ ᠶᠠᠪᠤᠭᠤᠯᠵᠤ ᠪᠤᠯᠬᠤ ᠦᠭᠡᠢ᠃      ᠵᠢᠷᠭᠤᠭ᠎ᠠ᠂ ᠬᠤᠰᠢᠭᠤ ᠵᠠᠰᠠᠭ ᠳᠠᠷᠤᠭ᠎ᠠ ᠠᠴᠠ ᠲᠠᠬᠢᠯᠭ᠎ᠠ ᠭᠦᠢᠴᠡᠳᠬᠡᠪᠡᠯ ︽ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠰᠠᠩ︾ ᠢ ᠤᠩᠰᠢᠨ᠎ᠠ᠃      ᠳᠤᠯᠤᠭ᠎ᠠ᠂ ᠯᠠᠮᠠ ᠨᠠᠷ ᠠᠴᠠ ᠲᠠᠬᠢᠯᠭ᠎ᠠ ᠶᠢᠨ ᠰᠠᠩ ᠢ ᠤᠩᠰᠢᠨ᠎ᠠ᠃      ᠨᠠᠢᠮᠠ᠂ ᠲᠠᠬᠢᠯᠭ᠎ᠠ ᠶᠢᠨ ᠰᠠᠩ ᠤᠩᠰᠢᠪᠠᠯ ᠮᠦᠷᠭᠦᠯᠴᠢᠳ ᠤᠪᠤᠭ᠎ᠠ ᠶᠢ ᠨᠠᠷᠠᠨ ᠡᠷᠭᠢᠯᠲᠡ ᠪᠠᠷ ᠭᠤᠷᠪᠠᠨᠲᠠ ᠡᠷᠭᠢᠵᠦ᠂ ᠰᠦᠵᠢᠭ ᠢᠶᠠᠨ ᠭᠦᠢᠴᠡᠳᠬᠡᠨ ᠳᠠᠯᠠᠯᠭ᠎ᠠ ᠬᠤᠷᠤᠶᠢᠯᠠᠨ᠎ᠠ᠃ ᠤᠪᠤᠭ᠎ᠠ ᠡᠷᠭᠢᠬᠦ ᠳᠤ ᠬᠤᠰᠢᠭᠤ ᠵᠠᠰᠠᠭ ᠳᠠᠷᠤᠭ᠎ᠠ ᠶᠢᠨ ᠳᠠᠷᠠᠭ᠎ᠠ ᠪᠠᠷ ᠡᠮᠬᠢ ᠴᠡᠭᠴᠡᠲᠡᠢ ᠶᠠᠪᠤᠨ᠎ᠠ᠃      ᠶᠢᠰᠦ᠂ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢ ᠭᠦᠢᠴᠡᠳᠬᠡᠪᠡᠯ ᠳᠠᠶᠢᠯ ᠪᠤᠭᠳᠠ ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠦᠷᠦᠭ ᠢ ᠤᠭ ᠤᠷᠤᠨ ᠳᠤ ᠨᠢ ᠪᠤᠴᠠᠭᠠᠨ ᠵᠠᠯᠠᠨ᠎ᠠ᠃      ᠠᠷᠪᠠ᠂ ᠤᠪᠤᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠶᠢᠨ ᠨᠠᠶᠢᠷ ᠶᠠᠪᠤᠭᠳᠠᠨ᠎ᠠ᠃ ᠨᠠᠶᠢᠷ ᠨᠢ ᠵᠤᠷᠰᠢᠯ ᠢᠶᠠᠷ ᠲᠤᠮᠤᠴᠣᠤᠯ ᠬᠡᠤᠬᠡᠳ ᠤᠨ ᠪᠦᠬᠡ ᠪᠠᠷᠢᠯᠳᠤᠬᠤ᠂ ᠤᠯᠠᠨ ᠵᠦᠢᠯ ᠤᠨ ᠮᠤᠷᠢ ᠤᠷᠤᠯᠳᠤᠬᠤ᠂ ᠰᠤᠷ ᠬᠠᠷᠪᠤᠬᠤ ᠵᠡᠷᠭᠡ ᠠᠭᠤᠯᠭ᠎ᠠ  ᠪᠠᠷ ᠶᠠᠪᠤᠭᠳᠠᠨ᠎ᠠ᠃      ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭ᠎ᠠ ᠶᠢᠨ ᠰᠠᠩ ᠤᠷᠤᠰᠢᠪᠠᠢ      ᠵᠠ᠂ ᠠᠷᠢᠭᠤᠨ ᠮᠤᠩᠭᠤᠯ ᠤᠨ ᠠᠪᠤᠷᠠᠯᠳᠦ ᠰᠠᠬᠢᠭᠤᠰᠤ      ᠠᠷᠤ ᠬᠤᠷᠴᠢᠨ᠂ ᠨᠤᠨ ᠬᠤᠷᠴᠢᠨ ᠬᠢᠭᠡᠳ      ᠨᠤᠨ ᠠᠷᠪᠠᠨ ᠬᠤᠰᠢᠭᠤᠳ ᠢ ᠭᠤᠤᠯᠯᠠᠭᠤᠯᠤᠨ ᠦᠷᠦᠰᠢᠶᠡᠵᠦ      ᠡᠨ᠋ᠨ ᠤᠷᠤᠨ ᠢ ᠠᠷᠢᠭᠤᠳᠬᠠᠵᠣ      ᠤᠠᠠᠰᠠᠭ᠎ᠠ ᠦᠷᠡᠰ ᠢᠶᠠᠷ ᠢᠶᠠᠨ ᠰᠠᠬᠢᠭᠤᠯᠰᠠᠳ      ᠲᠠᠶᠢᠰᠤᠨ ᠢ ᠲᠠᠷᠤᠠᠠᠴᠢ ᠬᠤᠪᠢᠯᠭᠠᠨ ᠤᠪᠠᠳᠢᠰᠳᠠᠳ      ᠰᠣᠷᠴᠢᠨ‌ᠬᠠᠷᠪᠤᠭᠠᠴᠢ ᠪᠤᠠᠠᠳᠠ      ᠦᠭᠡᠯᠦᠨ ᠡᠭᠡ ᠠᠴᠠ ᠢᠯᠡᠷᠡᠭᠰᠡᠨ      ᠠᠭᠤᠤ ᠪᠤᠠᠠᠳᠠ ᠴᠢᠩᠬᠢᠰ ᠤᠨ ᠲᠡᠭᠦᠦ      ᠮᠤᠩᠭᠤᠯ ᠪᠤᠠᠠᠳᠠ ᠲᠠ ᠬᠠᠷᠬᠢᠰ ᠢ ᠲᠠᠷᠤᠵᠦ      ᠦᠨᠡᠨ ᠭᠡᠭᠡᠨ ᠵᠢᠷᠦᠮ ᠢ ᠰᠠᠬᠢᠵᠦ      ᠪᠤᠶᠠᠨᠲᠠᠨ ᠢ ᠲᠡᠳᠭᠦᠭᠦ      ᠮᠤᠩᠭᠤᠯ ᠤᠨ ᠲᠠᠩᠭᠠᠷᠢᠠᠠᠳᠦ ᠲᠡᠭᠡᠳᠦᠰ ᠲᠡᠨ᠎ᠡ      ᠮᠬᠠᠳᠠᠨ ᠰᠢᠳᠦᠵᠦ ᠮᠦᠷᠭᠦᠮᠦ᠃      ᠲᠡᠭᠷᠢ ᠶᠢᠨ ᠢᠵᠠᠭᠤᠷᠳᠦ ᠮᠤᠩᠭᠤᠯ ᠤᠨ      ᠪᠠᠶᠠᠳᠦ ᠰᠠᠬᠢᠭᠤᠰᠤ ᠬᠡᠮᠡᠨ ᠠᠯᠳᠠᠷᠰᠢᠠᠠᠰᠠᠨ ᠳᠤᠷ      ᠲᠡᠭᠷᠢ᠂ ᠠᠷᠰᠢ ᠰᠠᠬᠢᠭᠤᠯᠰᠠᠳ      ᠡᠵᠡᠳ ᠰᠠᠪᠳᠠᠭ ᠨᠦᠬᠦᠷ ᠰᠡᠯᠳᠡ ᠪᠦᠬᠦᠨ      ᠢᠷᠡᠨ ᠲᠠᠬᠢᠨ᠋ᠠᠰᠠᠨ ᠡᠨ᠋ᠨ ᠤᠷᠤᠨ ᠳᠤᠷ      ᠪᠠᠳᠦ ᠨᠤᠳᠠ ᠤᠷᠤᠰᠢ᠃      ᠠᠷᠢᠭᠤᠨ ᠢᠳᠡᠭᠡᠨ ᠬᠢᠭᠡᠳ ᠴᠠᠭᠠᠨ ᠪᠠᠯᠢᠩ      ᠰᠠᠭᠠᠯᠢ ᠶᠢᠨ ᠲᠡᠭᠡᠵᠢ ᠪᠠᠨ ᠡᠷᠭᠦᠨ ᠲᠠᠬᠢᠮᠤᠢ᠃      ᠬᠡᠰᠢᠭ ᠬᠤᠳᠤᠭ ᠤᠨ ᠴᠢᠭᠤᠯᠭᠠᠨ ᠨᠢ      ᠲᠡᠭᠷᠢ ᠶᠢᠨ ᠬᠤᠷ᠎ᠠ ᠶᠢᠨ ᠨᠠᠮᠢᠷᠠᠭ᠎ᠠ ᠲᠠᠢ      ᠷᠠᠰᠢᠶᠠᠨ ᠢᠶᠠᠷ ᠠᠳᠢᠰᠯᠬᠠᠰᠠᠨ      ᠡᠷᠭᠦᠯᠲᠡ ᠲᠠᠬᠢᠯ ᠢ ᠪᠢᠳᠡᠨ ᠤ ᠰᠦᠰᠦᠭ ᠲᠤ      ᠨᠤᠮ ᠤᠨ ᠶᠤᠰᠤᠭᠠᠷ ᠪᠤᠯᠤᠠᠠᠰᠠᠨ ᠨᠢ      ᠳᠠᠶᠢᠰᠣᠨ ᠬᠢᠭᠡᠳ ᠠᠯᠢᠪᠠ ᠬᠤᠤᠷ ᠪᠦᠬᠦᠨ ᠢ      ᠦᠯᠡᠳᠡᠯ ᠦᠭᠡᠢ ᠪᠠᠷ ᠠᠷᠢᠯᠭᠠᠵᠦ      ᠠᠮᠤᠭᠤᠯᠠᠩ ᠵᠢᠷᠭᠠᠯᠠᠩ ᠤᠨ ᠨᠦᠬᠦᠴᠡᠯ ᠪᠦᠬᠦᠨ      ᠬᠤᠴᠤᠷᠣᠯ ᠦᠭᠡᠢ ᠪᠦᠳᠦᠭᠡᠳᠡᠭᠡ᠃      ᠨᠠᠷᠠᠨ ᠮᠡᠳᠦ ᠭᠡᠭᠡᠨ ᠨᠤᠮ ᠤᠨ ᠮᠦᠷ ᠬᠢᠭᠡᠳ      ᠦᠨᠡᠨ ᠶᠤᠰᠤ ᠶᠢ ᠲᠡᠯᠭᠡᠷᠡᠭᠦᠯᠵᠦ      ᠡᠵᠡᠨ ᠲᠦᠷᠦ ᠶᠢ ᠪᠠᠶᠢᠭᠤᠯᠤᠭᠠᠳ      ᠪᠦᠬᠦᠢ ᠮᠤᠩᠭᠤᠯ ᠢ ᠠᠮᠤᠷᠵᠢᠭᠤᠯᠵᠦ      ᠮᠢᠨᠦ ᠪᠠᠭᠰᠢ ᠱᠠᠪᠢ ᠶᠢᠨ ᠬᠡᠯᠬᠢᠶᠡᠳᠡᠨ ᠬᠢᠭᠡᠳ      ᠦᠭᠯᠢᠭᠡ ᠶᠢᠨ ᠡᠵᠡᠨ ᠢ ᠦᠷᠦᠰᠢᠶᠡᠵᠦ      ᠤᠷᠤᠰᠢᠨ ᠰᠠᠭᠤᠬᠤᠢ᠂ ᠠᠵᠤ ᠠᠮᠢᠳᠤᠷᠠᠬᠤᠢ      ᠮᠦᠷ ᠭᠠᠷᠭᠠᠠᠠᠴᠢ ᠪᠦᠬᠦᠨ ᠨᠢ ᠪᠦᠳᠦᠵᠦ      ᠵᠢᠷᠭᠠᠯ ᠪᠤᠯᠭᠠᠵᠦ ᠬᠦᠰᠡᠭᠰᠡᠨ ᠨᠢ      ᠨᠤᠮᠴᠢᠯᠠᠨ ᠪᠦᠳᠦᠭᠦ᠂ ᠰᠡᠭᠦᠳᠡᠷ ᠮᠡᠳᠦ      ᠰᠠᠯᠤᠰᠢ ᠦᠭᠡᠢ ᠰᠠᠬᠢᠬᠤ ᠨᠦᠬᠦᠷ ᠪᠤᠯᠤᠨ ᠵᠤᠬᠢᠶ᠋ᠬᠠᠳᠤᠨ      ᠦᠶ᠎ᠡ ᠲᠠᠯᠭᠡᠷᠡᠭᠦᠯᠵᠦ ᠤᠠᠠᠰᠠᠭ᠎ᠠ ᠶᠢ ᠨᠤᠭᠤᠭᠠᠷᠠᠭᠤᠯᠵᠦ      ᠠᠷᠢᠭᠤᠨ ᠪᠤᠶᠠᠨᠳᠦ ᠲᠡᠤᠭᠡ ᠶᠢ ᠪᠦᠳᠦᠭᠡᠵᠦ      ᠬᠤᠵᠢᠮ ᠢ ᠬᠡᠷᠡᠯᠳᠦᠭᠦᠯᠭᠦ ᠶᠢ ᠬᠤᠷᠮᠤᠰᠳᠠ ᠬᠢᠭᠡᠳ      ᠨᠢᠤᠢ ᠸᠨ ᠬᠤᠶᠠᠷ ᠲᠡᠭᠷᠢ ᠶᠢᠨ ᠦᠵᠡᠭᠦ ᠯᠦᠭᠡ ᠬᠠᠪᠰᠤᠷᠴᠦ      ᠦᠨᠢᠳᠡ ᠲᠦᠰᠢᠭ ᠪᠤᠯᠤᠨ ᠵᠤᠬᠢᠶ᠋ᠬᠠᠳᠤᠨ᠃      ᠰᠠᠶᠢᠨ ᠤᠴᠠᠷᠠᠯ ᠪᠤᠯᠳᠤᠭᠠᠢ᠃      ᠠᠷᠪᠠᠨ ᠵᠦᠭ ᠭᠡᠷᠡᠯᠳᠦᠭᠰᠡᠨ ᠢᠳᠡᠮ ᠲᠡᠭᠷᠢ      ᠰᠠᠬᠢᠭᠤᠯᠤᠰᠤᠨ ᠪᠦᠬᠦᠳᠡ ᠨᠠᠳᠠ ᠬᠢᠭᠡᠳ      ᠬᠠᠮᠤᠭ ᠮᠤᠩᠭᠤᠯ ᠢ ᠦᠷᠦᠰᠢᠶᠡᠨ ᠰᠣᠶᠣᠷᠬ᠎ᠠ᠃      ᠤᠷᠴᠢᠯᠠᠩ ᠤᠨ ᠭᠤᠷᠪᠠᠨ ᠭᠡᠷᠡᠯ ᠮᠡᠳᠦ      ᠤᠠᠠᠳᠠᠷᠭᠤᠢ ᠳᠤᠷ ᠠᠳᠠᠯᠢ      ᠬᠠᠮᠤᠭ ᠠᠮᠢᠳᠠᠨ ᠪᠦᠬᠦᠨ      ᠵᠤᠪᠠᠯᠠᠩ ᠠᠴᠠ ᠨᠦᠬᠦᠴᠡᠭᠡᠭᠰᠡᠨ      ᠡᠭᠡ ᠲᠡᠯᠡᠭᠡᠢ ᠶᠢᠨ ᠬᠦᠷᠦᠰᠦ ᠰᠢᠷᠤᠢ      ᠡᠰᠨ ᠡᠪᠳᠡᠷᠡᠭᠦᠢ ᠬᠦᠷᠳᠡᠯ᠎ᠡ      ᠡᠷᠡᠭᠦᠦ ᠤᠷᠴᠢᠯᠠᠩ ᠤᠨ ᠲᠠᠯᠠᠢ ᠠᠴᠠ      ᠬᠡᠳᠦᠯᠳᠡᠯ᠎ᠡ ᠪᠠᠳᠦ ᠤᠷᠤᠰᠢᠵᠦ ᠰᠤᠶᠤᠷᠬᠠᠷᠤᠨ᠃      ᠬᠤᠷᠮᠣᠰᠳᠠ ᠲᠡᠭᠷᠢ ᠶᠢᠨ ᠡᠮᠦᠨ᠎ᠡ ᠠᠴᠠ      ᠮᠤᠩᠭᠤᠯ ᠤᠨ ᠪᠡᠶ᠎ᠡ ᠰᠡᠳᠬᠢᠯ      ᠠᠷᠢᠭᠤᠨ ᠵᠤᠷᠢᠯᠭᠠᠳᠦ ᠵᠠᠷᠯᠢᠠᠠᠳᠦ ᠰᠢᠳᠦᠭᠡᠨ ᠪᠤᠯᠵᠦ      ᠮᠤᠩᠭᠤᠯ ᠤᠨ ᠲᠠᠪᠤᠨ ᠮᠠᠬᠠᠪᠤᠳᠳᠦ      ᠪᠤᠳᠠᠰ ᠬᠢᠭᠡᠳ ᠠᠮᠢᠰᠬᠤᠯ ᠤᠨ ᠬᠡᠢ ᠬᠦᠷᠳᠡᠯ᠎ᠡ      ᠡᠪᠳᠡᠷᠡᠰᠢ ᠦᠭᠡᠢ ᠪᠤᠯᠭᠠᠵᠦ      ᠮᠤᠩᠭᠤᠯ ᠪᠤᠶᠤ ᠬᠠᠮᠤᠭ ᠠᠮᠢᠳᠠᠨ ᠤ ᠲᠤᠰᠨ ᠶᠢ      ᠪᠦᠳᠦᠭᠡᠨ ᠵᠤᠬᠢᠶᠠᠵᠦ ᠪᠠᠳᠦ ᠤᠷᠤᠰᠢᠵᠦ      ᠰᠠᠬᠢᠭᠤᠯᠰᠤᠨ ᠲᠡᠭᠡᠳᠦᠰ ᠲᠠ      ᠮᠦᠡᠭᠭᠡ ᠶᠢᠨ ᠪᠠᠶᠠᠳᠦ ᠠᠮᠢᠳᠤ      ᠢᠳᠡᠮ ᠲᠡᠭᠷᠢ ᠪᠤᠯᠳᠤᠭᠠᠢ︕ ᠪᠤᠯᠳᠤᠭᠠᠢ︕ ᠪᠤᠯᠳᠤᠭᠠᠢ︕      ᠲᠠᠭᠠᠳᠬᠠᠯ ᠠᠨᠤ      ᠭᠠᠭᠴᠨ ᠰᠦᠰᠦᠭᠳᠦ ᠰᠡᠳᠬᠢᠯ ᠢᠶᠠᠷ      ᠬᠠᠪᠤᠳᠤ ᠬᠠᠰᠠᠷ ᠪᠤᠠᠠᠳᠠ ᠲᠠᠨ ᠢ      ᠲᠠᠬᠢᠨ᠋ᠠᠰᠠᠨ ᠢᠶᠠᠷ ᠭᠠᠢ ᠪᠠᠷᠴᠢᠳ ᠢ ᠠᠷᠢᠯᠭᠠᠵᠦ      ᠬᠡᠰᠢᠭ ᠬᠤᠳᠤᠭ ᠢ ᠦᠭᠴᠦ ᠰᠤᠶᠤᠷᠬ᠎ᠠ᠃      ᠡᠯᠪᠡᠷᠢᠯᠲᠦ ᠰᠡᠳᠬᠢᠯ ᠠᠷᠢᠭᠤᠨ ᠰᠠᠨᠠᠭ᠎ᠠ ᠪᠠᠷ      ᠡᠪᠦᠭᠡ ᠪᠤᠠᠠᠳᠠ ᠲᠠᠨ ᠢ ᠲᠠᠬᠢᠨ᠋ᠠᠰᠠᠨ ᠢᠶᠠᠷ      ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠡᠩᠭᠡ ᠠᠪᠤᠷᠠᠯ ᠢ ᠦᠭᠴᠦ ᠰᠤᠶᠤᠷᠬ᠎ᠠ      ᠮᠤᠩᠭᠤᠯ ᠪᠤᠠᠠᠳᠠ ᠬᠠᠪᠤᠳᠤ ᠬᠠᠰᠠᠷ ᠲᠠᠨ ᠢ ᠲᠠᠬᠢᠨ᠋ᠠᠰᠠᠨ ᠢᠶᠠᠷ      ᠮᠠᠨᠳᠤᠵᠦ ᠬᠡᠷᠡᠯᠳᠦᠭᠦ ᠬᠡᠢ ᠮᠤᠷᠢ ᠶᠢ ᠪᠤᠰᠬᠠᠵᠦ ᠰᠤᠶᠤᠷᠬ᠎ᠠ᠃      ᠮᠡᠷᠭᠡᠨ ᠪᠤᠠᠠᠳᠠ ᠲᠠᠨ ᠢ ᠲᠠᠬᠢᠨ᠋ᠠᠰᠠᠨ ᠢᠶᠠᠷ      ᠮᠠᠯ ᠦᠰᠭᠦ ᠬᠡᠰᠢᠭ ᠬᠤᠳᠤᠭ ᠢ ᠲᠡᠯᠭᠡᠷᠡᠭᠦᠯᠵᠦ ᠰᠤᠶᠤᠷᠬ᠎ᠠ᠃      ᠬᠠᠭᠠᠨ ᠲᠦᠷᠦ ᠶᠢᠨ ᠲᠤᠯᠭᠠᠭᠤᠷᠢ ᠪᠤᠯᠤᠠᠠᠰᠠᠨ      ᠬᠠᠮᠤᠭ ᠮᠤᠩᠭᠤᠯ ᠤᠨ ᠰᠠᠬᠢᠭᠤᠰᠤ ᠲᠠ      ᠪᠢᠳᠡᠨᠡᠷ ᠢ ᠢᠪᠡᠭᠡᠭᠦ ᠪᠤᠯᠳᠤᠭᠠᠢ︕   ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ   ᠨᠠᠶᠢᠷᠠᠭᠤᠯᠣᠭᠴᠢ᠄ ᠡ᠊ · ᠰᠠᠷᠠᠭᠤᠯ
 
ᠢᠷᠡᠯᠲᠡ᠄ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠴᠢᠶᠠᠯᠠᠪᠤᠷᠢ ᠶᠢᠨ ᠵᠢᠷᠭᠤᠭᠠᠨ ᠲᠡᠷᠭᠡ
ᠶᠡᠭᠡ ᠡᠷᠳᠡᠮᠳᠡᠨ ᠪᠢᠮᠪᠠ ᠶᠢᠨ ᠷᠢᠨᠴᠢᠨ ᠪᠠᠭᠰᠢ ᠳᠤ ᠭᠠᠶᠢᠬᠠᠭᠳᠠᠭᠰᠠᠨ ᠬᠦᠮᠤᠨ
ᠨᠤᠶᠠᠨ ᠠᠭᠤᠯᠠ ᠶᠢᠨ ᠤᠪᠤᠭ᠎ᠠ
ᠠᠷᠤ ᠬᠤᠷᠴᠢᠨ ᠤ ᠪᠦᠰᠡᠭᠦᠶᠢᠴᠦᠳ ᠤᠨ ᠦᠰᠦ ᠱᠠᠩᠬᠤᠯᠠᠵᠤ ᠲᠠᠪᠤᠨ ᠬᠠᠳᠬᠤᠭᠤᠷ ᠬᠡᠷᠡᠭᠯᠡᠬᠦ ᠲᠤᠬᠠᠢ
ᠢᠳᠡᠰᠢᠨ ᠮᠠᠯ ᠤᠨ ᠶᠠᠰᠤ ᠮᠢᠬ᠎ᠠ ᠶᠢ ᠲᠤᠶᠠᠴᠢᠵᠤ ᠰᠠᠯᠭᠠᠬᠤ ᠶᠤᠰᠤᠨ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05003979号