| ᠪᠦᠬᠡ ᠳ᠋ᠠᠨᠽᠠᠡᠯᠤᠷᠤᠢ | ᠳ᠋ᠠᠨᠽᠠᠡᠯᠤᠷᠤᠢ ᠪᠤᠯ ᠣᠤᠯ ᠤᠨ ᠪᠠᠶᠠᠡᠨᠠᠭᠤᠷ ᠰᠣᠮᠣ ︵ᠣᠳᠤ ᠶᠢᠨ ᠪᠠᠯᠴᠢᠷᠤᠳ ᠰᠤᠮᠤ︶ ᠶᠢᠨ ᠪᠠᠷᠠᠭᠤᠨ | ᠴᠠᠭᠠᠡᠨᠠᠭᠤᠷ ᠲᠤ ᠨᠣᠳᠤᠭ ᠲᠠᠢ᠃ ᠪᠠᠳᠠᠷᠠᠭᠤᠯᠳᠤ ᠲᠦᠷᠦ ᠶᠢᠨ 27 ᠳ᠋ᠤᠭᠠᠷ ᠣᠨ ᠳᠤ ︵1901 ᠤᠨ ᠳᠤ︶ | ᠬᠦᠪᠰᠦᠭᠦᠯ ᠠᠶᠢᠮᠠᠭ ᠤᠨ ᠡᠷᠳᠡᠨᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ ᠪᠣᠯᠣᠨ ᠵᠠᠶᠠᠭᠠᠵᠠᠢ᠃ ᠲᠡᠭᠦᠨ ᠢ ᠲᠣᠯᠣᠭᠠᠨ | ᠨᠠᠰᠤᠳᠠᠢ ᠳᠤ ᠨᠢ ᠪᠠᠯᠴᠢᠷᠤᠳ ᠰᠦᠮᠡ ᠳᠤ ᠱᠠᠪᠢᠯᠠᠭᠤᠯᠪᠠ᠃ ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠪᠡᠶᠡ ᠪᠢᠯᠳᠠᠷ | ᠰᠠᠶᠢᠨ᠂ ᠬᠦᠴᠦ ᠴᠢᠳᠠᠯ ᠲᠠᠢ ᠠᠴᠠ ᠪᠦᠬᠡ ᠪᠠᠷᠢᠯᠳᠣᠬᠤ ᠳᠤ ᠶᠡᠭᠡ ᠠᠪᠢᠶᠠᠰᠯᠢᠭ ᠪᠠᠶᠢᠵᠠᠢ᠃ ᠭᠡᠪᠡᠴᠤ ᠪᠠᠭᠰᠢ ᠯᠠᠮᠠ | ᠨᠢ ᠨᠤᠴᠤᠯᠳᠤᠵᠣ ᠪᠠᠷᠢᠯᠳᠣᠬᠤ ᠶᠢ ᠨᠢ ᠲᠠᠰᠤ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠭᠡᠨᠡ᠃ | ᠨᠢᠭᠡᠨ ᠣᠳᠠᠭᠠ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠰᠢᠨᠡ ᠰᠦᠮᠡ ᠶᠢᠨ ᠰᠢᠷᠡᠭᠡᠨ ᠯᠠᠮᠠ ᠶᠢ ᠨᠤᠮ ᠤᠨ ᠰᠢᠷᠡᠭᠡᠨ | ᠳᠤ ᠵᠠᠯᠠᠬᠤ ᠨᠠᠶᠢᠷ ᠲᠤ ᠲᠡᠷᠭᠡᠨ ᠬᠦᠳᠦᠴᠢ ᠪᠠᠷ ᠬᠦᠷᠦᠭᠰᠡᠨ ᠭᠡᠨᠡ᠃ ᠲᠡᠷᠡ ᠦᠪᠡᠷ ᠤᠨ ᠨᠠᠰᠤ ᠪᠠᠨ ᠦᠰᠭᠡᠨ | ᠪᠦᠬᠡ ᠳᠤ ᠤᠷᠤᠭᠠᠳ ᠢᠯᠭᠤᠮ ᠰᠢᠯᠤᠭᠤᠨ ᠲᠡᠷᠢᠭᠦᠯᠡᠵᠤ ᠬᠡᠳᠦᠨ ᠬᠤᠰᠢᠭᠤᠨ ᠳᠤ ᠠᠯᠳᠠᠷ ᠮᠠᠨᠳᠤᠵᠠᠢ᠃ ᠲᠡᠭᠦᠨ | ᠠᠴᠠ ᠰᠡᠭᠦᠯᠡᠷ ᠠᠵᠠ ᠲᠠᠭᠠᠷᠠᠵᠤ ᠵᠠᠰᠠᠭ ᠶᠠᠮᠤᠨ ᠳᠤ ᠲᠣᠭᠤᠭᠳᠠᠭᠠᠳ ︽ᠸᠠᠩ ᠤᠨ ᠪᠦᠬᠡ︾ ᠡᠷᠭᠦᠮᠵᠢᠯᠡᠭᠳᠡᠵᠠᠢ᠃ | ᠪᠦᠬᠡ ᠳ᠋ᠠᠨᠽᠠᠡᠯᠤᠷᠤᠢ ᠬᠦᠴᠦ ᠴᠢᠳᠠᠯ᠂ ᠡᠷᠳᠡᠮ ᠣᠬᠠᠭᠠᠨ ᠢᠶᠠᠨ ᠰᠤᠶᠢᠵᠤ ᠶᠡᠭᠡ ᠪᠠᠭᠠ ᠨᠠᠶᠢᠷ ᠲᠤ | ᠰᠦᠷᠳᠡᠰᠢ ᠦᠭᠡᠢ ᠶᠠᠪᠣᠵᠤ᠂ ᠬᠦᠨᠳᠡᠯᠡᠨ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠪᠦᠬᠡᠴᠤᠳ ᠢ ᠣᠳᠠᠭᠠ ᠲᠠᠷᠠᠭᠠᠯᠠᠨ | ᠰᠢᠷᠣᠶᠢᠳᠣᠭᠤᠯᠵᠤ᠂ ᠡᠷᠡ ᠶᠢᠨ ᠰᠠᠶᠢᠨ ᠡᠷᠳᠡᠮ ᠤᠨ ᠰᠠᠶᠢᠨ ᠢᠶᠠᠨ ᠲᠠᠶᠠᠭᠠᠷ ᠲᠤ ᠭᠠᠶᠢᠬᠠᠭᠤᠯᠵᠠᠢ᠃ ᠲᠡᠷᠡ | ᠶᠤᠩᠽᠣᠩ ᠭᠡᠭᠡᠨ ᠢ ᠨᠤᠮ ᠤᠨ ᠰᠢᠷᠡᠭᠡᠨ ᠳᠤ ᠵᠠᠯᠠᠬᠤ ᠨᠠᠶᠢᠷ᠂ ᠨᠣᠶᠠᠨ ᠰᠦᠮᠡ ᠶᠢᠨ ᠪᠠᠨᠴᠢᠨ ᠪᠣᠭᠳᠠ ᠶᠢ | ᠣᠭᠳᠣᠬᠤ ᠨᠠᠶᠢᠷ᠂ ᠬᠠᠨ ᠰᠦᠮᠡ ᠶᠢᠨ ᠨᠠᠶᠢᠷ᠂ ᠪᠠᠯᠴᠢᠷᠤᠳ ᠰᠦᠮᠡ ᠶᠢᠨ ᠨᠠᠶᠢᠷ ᠵᠡᠷᠭᠡ ᠳᠤ ᠲᠡᠷᠢᠭᠦᠨ ᠱᠠᠩ ᠢ | ᠤᠯᠠᠨᠳᠠ ᠢᠳᠡᠵᠠᠢ᠃ | | ᠪᠦᠬᠡ ᠰᠡᠷᠡᠪ | ᠰᠡᠷᠡᠪ ᠪᠣᠯ ᠣᠳᠣ ᠶᠢᠨ ᠰᠠᠶᠢᠬᠠᠨᠳᠠᠯᠠ ᠰᠣᠮᠣ ᠶᠢᠨ ᠣᠯᠠᠭᠠᠨᠪᠣᠷᠭᠠᠰᠤ ᠭᠠᠴᠠᠭᠠ ᠶᠢᠨ ᠪᠤᠷᠪᠢᠴᠢᠨ ᠠᠶᠢᠮᠠᠭ | ᠤᠨ ᠬᠦᠮᠦᠨ ᠶᠤᠮ᠃ ᠡᠷᠳᠡ ᠦᠶᠡ ᠶᠢᠨ ᠠᠶᠢᠯ ᠤᠯᠠᠨ ᠨᠢ ᠲᠡᠭᠦᠨ ᠢ ︽ᠲᠠᠪᠣᠨ ᠪᠣᠳᠠ ᠠᠯᠳᠠᠨ ᠰᠠᠬᠠᠯᠳᠤ︾ | ᠭᠡᠵᠤ ᠲᠠᠭᠤᠳᠠᠳᠠᠭ ᠭᠡᠳᠡᠭ᠃ ᠲᠡᠭᠦᠨ ᠤ ᠬᠦᠦ ᠨᠢ ᠸᠠᠩᠴᠤᠭ᠂ ᠸᠠᠩᠴᠤᠭ ᠤᠨ ᠬᠦᠦ ᠬᠠᠷᠠᠨᠢᠳᠤ᠂ ᠬᠠᠷᠠᠨᠢᠳᠤ ᠶᠢᠨ | ᠬᠦᠦ ᠨᠢ ᠰᠠᠩᠵᠠᠢ᠃ | ᠰᠡᠷᠡᠪ ᠢ ᠪᠠᠭᠠ ᠨᠠᠰᠤᠨ ᠳᠤ ᠨᠢ ᠵᠡᠯᠡ ᠶᠢᠨ ᠰᠦᠮᠡ ᠳᠤ ᠪᠠᠨᠳᠢ ᠪᠣᠯᠭᠠᠪᠠ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ | ᠬᠦᠴᠦ ᠴᠢᠳᠠᠯ ᠰᠠᠶᠢᠳᠠᠢ᠂ ᠤᠢ ᠣᠬᠠᠭᠠᠨ ᠰᠡᠴᠡᠨ ᠠᠴᠠ ᠪᠦᠬᠡ ᠶᠢᠨ ᠬᠦᠷᠢᠶᠡ ᠳᠤ ᠬᠦᠯ ᠭᠢᠰᠭᠢᠵᠤ᠂ ᠶᠡᠬᠡᠴᠣᠤᠯ | ᠲᠠᠢ ᠪᠠᠷᠢᠯᠳᠤᠨ ᠨᠣᠴᠣᠯᠳᠣᠵᠣ᠂ ᠡᠷᠳᠡᠮ ᠪᠠᠷᠢᠴᠠ ᠶᠢ ᠰᠤᠷᠢᠵᠠᠢ᠃ ᠰᠡᠭᠦᠯᠡᠷ ᠨᠢ ᠪᠦᠬᠡ ᠶᠢᠨ ᠡᠷᠳᠡᠮ ᠳᠤ | ᠴᠠᠭᠠᠷᠠᠭᠰᠠᠨ ᠠᠴᠠ ᠵᠡᠯᠡ ᠶᠢᠨ ᠰᠦᠮᠡ ᠶᠢᠨ ᠬᠤᠪᠢᠯᠭᠠᠨ ᠪᠠ ᠬᠤᠰᠢᠭᠤ ᠵᠠᠰᠠᠭ ᠸᠠᠩ ᠤᠨ ᠪᠦᠬᠡ ᠭᠡᠵᠤ | ᠡᠷᠭᠦᠮᠵᠢᠯᠡᠭᠳᠡᠵᠠᠢ᠃ | ᠪᠦᠬᠡ ᠰᠡᠷᠡᠪ ᠤᠯᠠᠨ ᠤᠳᠠᠭᠠᠨ ᠤ ᠨᠠᠶᠢᠷ ᠲᠤ ᠤᠷᠤᠯᠴᠠᠨ ᠬᠤᠯᠠ ᠤᠶᠢᠷᠠ ᠶᠢᠨ ᠴᠣᠤᠳᠤ ᠪᠦᠬᠡᠴᠤᠳ ᠢ | ᠰᠢᠷᠣᠶᠢᠳᠣᠭᠤᠯᠵᠤ ᠲᠡᠷᠢᠭᠦᠨ ᠱᠠᠩ ᠢ ᠤᠯᠠᠨᠳᠠ ᠢᠳᠡᠭᠡᠳ ᠠᠯᠳᠠᠷ ᠨᠡᠷᠡ ᠮᠠᠨᠳᠤᠵᠠᠢ᠃ ᠨᠢᠭᠡᠨ ᠤᠳᠠᠭᠠ ᠵᠠᠷᠤᠳ | ᠬᠤᠰᠢᠭᠤᠨ ᠤ ᠪᠤᠷᠤᠯᠵᠢ ᠶᠢᠨ ᠰᠦᠮᠡ ᠶᠢᠨ ᠨᠠᠶᠢᠷ ᠲᠤ ᠰᠧᠳᠡᠩ ᠭᠡᠭᠴᠢ ᠪᠦᠬᠡ ᠳᠤ ᠬᠠᠶᠠᠭᠳᠠᠵᠠᠢ᠃ ᠲᠡᠮᠡᠢ ᠣᠳᠠᠯ | ᠦᠭᠡᠢ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠨᠤᠶᠠᠨ ᠰᠦᠮᠡ ᠶᠢᠨ ᠨᠠᠶᠢᠷ ᠪᠣᠯᠣᠭᠰᠠᠨ ᠳᠤ ᠰᠧᠳᠡᠩ ᠲᠡᠷᠢᠭᠦᠨ ᠱᠠᠩ ᠢ | ᠢᠳᠡᠬᠦ ᠰᠠᠨᠠᠭᠠ ᠲᠠᠢ ᠢᠷᠡᠪᠡ᠃ ᠰᠡᠷᠡᠪ ᠪᠦᠬᠡ ᠲᠢᠭᠯᠡᠭᠴᠢ ᠳᠤ ᠭᠤᠶᠣᠭᠰᠠᠭᠠᠷ ᠪᠠᠶᠢᠵᠤ ᠲᠦᠷᠦᠭᠦᠦ ᠨᠤᠭᠤᠯᠤᠭᠠ | ᠳᠤ ᠰᠧᠳᠡᠩ ᠲᠠᠢ ᠨᠤᠴᠤᠯᠳᠤᠨ ᠰᠢᠷᠤᠢ ᠶᠢᠨ ᠪᠦᠬᠡ ᠪᠣᠯᠭᠠᠭᠰᠠᠨ ᠭᠡᠳᠡᠭ᠃ | ᠪᠠᠰᠠ ᠨᠢᠭᠡᠨ ᠤᠳᠠᠭᠠ ᠦᠵᠦᠮᠦᠴᠢᠨ ᠠᠶᠠᠨᠴᠢᠨ ᠰᠡᠷᠡᠪ ᠢ ᠡᠷᠢᠨ ᠢᠷᠡᠭᠡᠳ ᠬᠡᠳᠦᠨᠳᠡ ᠪᠦᠬᠡ ᠪᠠᠷᠢᠯᠳᠤᠨ | ᠰᠢᠷᠣᠢ ᠡᠮᠬᠦᠪᠡ᠃ ᠲᠡᠷᠡ ᠠᠶᠠᠨᠴᠢᠨ ᠪᠠᠰᠠ ᠯᠡ ᠵᠤᠷᠢᠭ ᠮᠤᠬᠤᠯ ᠦᠭᠡᠢ ᠪᠠᠷ᠄ ︽ᠰᠤᠨᠤᠰᠤᠬᠤᠯᠠ ᠲᠠ ᠴᠢᠨᠢ ᠨᠢᠭᠡ | ᠲᠤᠯᠤᠮ ᠲᠠᠪᠣᠰᠤ ᠶᠢ ᠡᠭᠦᠷᠦᠭᠡᠳ ᠶᠠᠪᠣᠴᠢᠬᠠᠳᠠᠭ ᠭᠡᠨᠡ᠂ ᠬᠤᠯᠠ ᠶᠢᠨ ᠴᠢᠮᠡᠭᠡ ᠬᠤᠳᠠᠯ ᠮᠠᠭᠠᠳ᠂ ᠴᠢ ᠬᠡᠷᠪᠡ | ᠨᠢᠭᠡ ᠲᠣᠯᠣᠮ ᠲᠠᠪᠣᠰᠤ ᠶᠢ ᠡᠭᠦᠷᠴᠦ ᠰᠦᠮᠡ ᠶᠢᠨ ᠡᠭᠦᠳᠡᠨ ᠳᠤ ᠪᠠᠨ ᠠᠪᠠᠴᠢᠪᠠᠯ ᠴᠢᠮᠠ ᠳᠤ ᠪᠡᠯᠡᠭᠯᠡᠶᠡ︾ ᠭᠡᠵᠠᠢ | ᠃ | ᠡᠭᠦᠨ ᠢ ᠰᠤᠨᠤᠰᠤᠭᠰᠠᠨ ᠰᠡᠷᠡᠪ᠄ ︽ᠬᠡᠯᠡᠪᠡᠯ ᠦᠭᠡ᠂ ᠭᠢᠰᠭᠢᠪᠡᠯ ᠭᠠᠵᠠᠷ᠃ ᠲᠠ ᠬᠠᠷᠢᠨ ᠦᠭᠡ ᠪᠠᠨ | ᠪᠣᠴᠠᠵᠣ ᠪᠣᠯᠬᠤ ᠦᠭᠡᠢ ᠰᠢᠦ︕︾ ᠭᠡᠳ ᠭᠠᠯ ᠤᠨ ᠠᠬᠠ ᠶᠢᠨ ᠬᠢᠨᠢ ᠪᠠᠳᠤᠯᠠᠭᠠ ᠶᠢ ᠠᠪᠴᠤ᠂ ᠲᠤᠯᠤᠮ ᠲᠠᠢ | ᠲᠠᠪᠣᠰᠤ ᠶᠢ ᠲᠡᠷᠭᠡᠨ ᠠᠴᠠ ᠪᠠᠭᠤᠯᠭᠠᠯ ᠦᠭᠡᠢ ᠠᠷᠠᠯ ᠲᠠᠢ ᠨᠢ ᠡᠭᠦᠷᠦᠨ ᠠᠶᠠᠨ ᠤ ᠭᠠᠯ ᠢ ᠵᠦᠪ ᠢᠶᠠᠷ ᠡᠷᠭᠢᠭᠡᠳ | ᠮᠠᠬᠠᠷᠠᠨᠽᠠ ᠶᠢᠨ ᠰᠦᠮᠡ ᠶᠢᠨ ᠡᠭᠦᠳᠡᠨ ᠳᠤ ᠪᠠᠨ ᠠᠵᠢᠭ ᠴᠣ᠋ ᠦᠭᠡᠢ ᠠᠪᠠᠴᠢᠨ ᠴᠢᠳᠬᠤᠵᠠᠢ᠃ ᠦᠵᠦᠮᠦᠴᠢᠨ | ᠠᠶᠠᠨᠴᠢᠨ ᠠᠮᠠ ᠪᠠᠨ ᠪᠠᠷᠢᠨ ᠡᠷᠡᠬᠡᠢ ᠭᠠᠷᠭᠠᠵᠤ ᠵᠤᠭᠰᠤᠪᠠ ᠭᠡᠨᠡ᠃ | ᠲᠡᠷᠡ ᠠᠶᠠᠨᠴᠢᠳ ᠢ ᠭᠡᠷ ᠲᠤ ᠪᠠᠨ ᠵᠠᠯᠠᠨ ᠴᠠᠢ ᠣᠤᠭᠤᠯᠭᠠᠵᠣ ᠪᠣᠴᠠᠬᠤ ᠦᠶᠡ ᠳᠤ ᠨᠢ ᠲᠣᠯᠣᠮ ᠢ ᠨᠢ | ᠮᠤᠩᠭᠤᠯ ᠠᠮᠤ ᠪᠠᠷ ᠲᠦᠭᠦᠷᠭᠡᠵᠤ᠄ ︽ᠬᠦᠮᠦᠨ ᠤ ᠶᠠᠭᠤᠮᠠ ᠶᠢ ᠵᠦᠭᠡᠷ ᠶᠠᠭᠠᠬᠢᠵᠣ ᠠᠪᠬᠤ ᠪᠣᠢ᠂ ᠲᠤᠯᠤᠮ ᠲᠠᠢ | ᠪᠣᠳᠠᠭᠠ ᠶᠢ ᠲᠠᠨᠤᠰ ᠦᠪᠡᠷ ᠢᠶᠠᠨ ᠡᠭᠦᠷᠴᠦ ᠶᠠᠪᠤ ᠳ᠋ᠠ︕︾ ᠭᠡᠵᠤ ᠨᠢᠷᠣᠭᠤ ᠡᠭᠦᠷᠦᠨ ᠵᠣᠭᠰᠤᠪᠠ ᠭᠡᠨᠡ᠃ | ᠰᠡᠷᠡᠪ ᠢ ᠦᠳᠡᠯᠦᠭᠡ ᠨᠠᠰᠤᠨᠠ ᠸᠠᠩ ᠤᠨ ᠤᠷᠳᠤᠨ ᠠᠴᠠ ᠲᠠᠷᠬᠠᠨ ᠪᠦᠬᠡ ᠪᠠᠷ ᠴᠤᠯᠠᠯᠠᠵᠤ ᠸᠠᠩ ᠤᠨ | ᠬᠡᠰᠢᠭ ᠢ ᠬᠦᠷᠳᠡᠭᠡᠪᠡ᠃ ᠬᠤᠵᠢᠮ ᠨᠢ ᠬᠤᠰᠢᠭᠤ ᠨᠠᠶᠢᠷ ᠪᠣᠯᠬᠤ ᠪᠦᠷᠢ ᠲᠡᠭᠦᠨ ᠢ ᠵᠠᠯᠠᠨ ᠤᠯᠠᠨ ᠳᠤ ᠮᠠᠭᠰᠢᠭᠤᠯᠣᠨ | ᠰᠣᠨᠢᠷᠬᠠᠭᠤᠯᠳᠠᠭ ᠭᠡᠨᠡ᠃ | | ᠵᠤᠬᠢᠶᠠᠭᠴᠢ᠄ ᠨᠠ᠊ · ᠵᠢᠷᠭᠠᠯ | ᠨᠠᠶᠢᠷᠠᠭᠤᠯᠣᠭᠴᠢ᠄ ᠪᠦᠷᠢᠨᠰᠠᠶᠢᠨ | | |