| ᠳᠠᠯᠠ ᠨᠤᠳᠤᠭ ᠴᠡᠯᠭᠡᠷᠡᠨ ᠳᠠᠭᠠᠨᠠ ᠬᠦᠮᠡᠯᠢ ᠶᠢᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠳᠠᠪᠤᠨ ᠰᠠᠷᠠ ᠶᠢᠨ ᠡᠬᠢᠨᠡ | ᠣᠤ ᠮᠦᠷᠡᠨ ᠤ ᠡᠬᠢ — ᠶᠠᠩᠽᠢ ᠶᠢᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠳᠡᠨᠵᠢ᠂ ᠰᠦᠷᠯᠢᠭ ᠰᠠᠶᠢᠬᠠᠨ ᠰᠢᠷᠠ ᠦᠨᠳᠦᠷ | ᠠᠭᠤᠯᠠᠨ ᠤ ᠬᠤᠷᠮᠤᠢ ᠳᠤ ᠭᠡᠭᠡᠨ ᠤᠪᠤᠭᠠᠨ ᠤ ᠨᠠᠶᠢᠷ ᠦᠪᠡᠳᠡᠭᠰᠢ ᠰᠠᠶᠢᠬᠠᠨ ᠶᠠᠪᠤᠭᠳᠠᠨᠠ᠃ | ᠭᠡᠭᠡᠨ ᠤᠪᠤᠭᠠ᠂ ᠡᠷᠳᠡ ᠦᠶᠡ ᠶᠠᠩᠽᠢ ᠭᠤᠤᠯ ᠤᠨ ᠡᠪᠴᠢᠭᠦᠴᠢᠨ ᠠᠶᠢᠮᠠᠭ ᠤᠨ ᠬᠦᠪᠡᠭᠦᠨ ᠭᠧᠯᠢᠭ ᠢ ᠯᠠᠪᠷᠤᠩ | ᠬᠡᠶᠢᠳ ᠤᠨ ᠵᠠᠮᠢᠶᠠᠨᠱᠠᠳᠪᠠ ᠶᠢᠨ ᠶᠡᠭᠡ ᠭᠡᠭᠡᠨ ᠪᠠᠷ ᠳᠡᠭᠦᠨ ᠢ ︽ᠦᠯᠵᠡᠶᠢᠳᠦ ᠨᠤᠮ ᠤᠨ ᠬᠦᠷᠳᠦᠳᠦ︾ ᠰᠦᠮᠡ | ᠶᠢᠨ ᠭᠤᠷᠪᠠᠳᠤᠭᠠᠷ ᠲᠦᠷᠢ ᠶᠢᠨ ᠭᠡᠭᠡᠨ ᠤ ᠬᠤᠪᠢᠯᠭᠠᠨ ᠭᠡᠵᠦ ᠳᠤᠳᠤᠯᠠᠭᠠᠳ ᠵᠠᠮᠢᠶᠠᠨᠳᠠᠮᠪᠢᠨᠢᠮᠠ ᠭᠡᠰᠡᠨ ᠨᠤᠮ ᠤᠨ | ᠨᠡᠷᠡ ᠰᠤᠶᠤᠷᠬᠠᠭᠰᠠᠨ ᠶᠤᠮ ᠭᠡᠨᠡ᠃ ᠢᠩᠭᠢᠭᠡᠳ ᠳᠤᠯᠤᠭᠠᠨ ᠨᠠᠰᠤᠨ ᠳᠤᠨᠢ ᠰᠦᠮᠡ ᠶᠢᠨ ᠨᠤᠮ ᠤᠨ ᠰᠢᠷᠡᠭᠡ ᠳᠤ | ᠵᠠᠯᠠᠬᠤ ᠦᠶᠡ ᠠᠳᠡ ᠤᠪᠤᠭᠠ ᠪᠤᠰᠬᠠᠵᠤ ᠦᠪᠡᠳᠡᠭᠰᠢ ᠶᠡᠭᠡ ᠨᠠᠶᠢᠷ ᠨᠠᠭᠠᠳᠤᠮ ᠬᠢᠭᠰᠡᠨ ᠳᠡᠦᠬᠡ ᠲᠠᠢ ᠶᠤᠮ᠃ | ᠪᠦᠬᠦ ᠶᠠᠩᠽᠢ ᠶᠢᠨ ᠠᠶᠢᠯ ᠤᠨ ᠬᠢᠨ ᠪᠤᠯᠤᠨ ᠡᠪᠴᠢᠭᠦᠴᠢᠨ ᠠᠶᠢᠮᠠᠭ ᠡᠨᠡ ᠤᠪᠤᠭᠠ ᠶᠢ ᠭᠡᠭᠡᠨ ᠤᠪᠤᠭᠠ | ᠭᠡᠵᠦ ᠡᠷᠭᠦᠨ ᠳᠠᠭᠤᠳᠠᠳᠠᠭ ᠪᠤᠯᠪᠠ᠃ ᠡᠨᠡ ᠬᠦ ᠦᠪᠦᠷ ᠲᠦᠴᠢ ᠶᠢᠰᠦ᠂ ᠠᠷᠤ ᠳᠠᠪᠢᠨ ᠳᠤᠯᠤᠭᠠᠨ ᠬᠤᠰᠢᠭᠤ᠂ | ᠴᠢᠨᠠᠭᠰᠢᠯᠠᠭᠠᠳ ᠯᠾᠠᠰᠠ᠂ ᠯᠠᠪᠷᠤᠩ᠂ ᠤᠳᠠᠢ ᠤᠷᠤᠨ ᠢᠶᠠᠷ ︽ᠪᠤᠬᠤᠠᠠ ᠵᠠᠮᠢᠶᠠᠨᠳᠠᠮᠪᠢᠨᠢᠮᠠ︾ ᠭᠡᠵᠦ ᠠᠯᠳᠠᠷ | ᠴᠤᠯᠠ ᠮᠠᠨᠳᠤᠵᠤ ᠰᠢᠳᠦᠭᠳᠡᠭᠰᠡᠨ ᠪᠯᠠᠮᠠ ᠪᠠᠨ ᠤᠷᠤᠨ ᠨᠤᠳᠤᠭ ᠪᠠ ᠠᠶᠢᠮᠠᠭ ᠶᠠᠰᠤᠳᠠᠨ ᠨᠢ ᠦᠪᠡᠷ ᠤᠨ ᠢᠶᠠᠨ | ᠤᠮᠤᠭᠰᠢᠯ ᠪᠤᠯᠭᠠᠨ ᠲᠤᠷᠠᠰᠴᠤ ᠳᠡᠮᠳᠡᠭᠯᠡᠬᠦ ᠶᠢᠨ ᠳᠠᠭᠠᠤ ᠳᠡᠭᠦᠨ ᠤ ᠤᠨᠠᠭᠰᠠᠨ ᠨᠤᠳᠤᠭ ᠤᠤᠭᠤᠭᠰᠠᠨ ᠤᠰᠤ | ᠭᠤᠤᠯ ᠤᠨ ᠭᠠᠩᠭᠠᠨ ᠭᠠᠯᠪᠢᠷ ᠳᠡᠯᠡᠬᠡᠢ ᠡᠵᠢ ᠶᠢᠨ ᠠᠮᠢ ᠠᠬᠤᠢ ᠶᠢ ᠴᠦ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠳᠠᠭ ᠮᠤᠩᠭᠤᠯ ᠤᠨ | ᠰᠠᠶᠢᠬᠠᠨ ᠵᠠᠩ ᠵᠢᠷᠦᠮ᠂ ᠰᠠᠨᠠᠭᠠ ᠵᠤᠷᠢᠯᠭᠠ ᠪᠠᠷ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠠᠪᠤᠳᠤᠭᠠᠷ ᠰᠠᠷᠠ | ᠶᠢᠨ ᠰᠢᠨᠡ ᠶᠢᠨ ᠵᠢᠷᠭᠤᠭᠠᠨ ᠤ ᠦᠯᠵᠡᠶᠢᠳᠦ ᠡᠳᠦᠷ ᠤᠪᠤᠭᠠ ᠶᠢ ᠬᠠᠯᠠᠨ ᠰᠢᠨᠡᠳᠬᠡᠵᠦ ᠬᠡᠶᠢᠮᠦᠷᠢ ᠶᠢᠨ ᠳᠠᠷᠴᠤᠭ | ᠳᠠᠯᠪᠠᠭᠠ ᠶᠢ ᠮᠠᠨᠳᠤᠭᠤᠯᠤᠨ ᠡᠷᠡ ᠶᠢᠨ ᠭᠤᠷᠪᠠᠨ ᠡᠷᠳᠡᠮ ᠮᠦᠷᠦᠶᠢᠴᠡᠬᠦ ᠨᠠᠭᠠᠳᠤᠮ ᠨᠠᠶᠢᠷ ᠢ ᠡᠭᠦᠰᠬᠡᠳᠡᠭ ᠤᠷᠳᠤ | ᠤᠳᠠᠭᠠᠨ ᠳᠡᠦᠬᠡ ᠲᠠᠢ ᠪᠤᠯᠪᠠ᠃ ᠭᠡᠳᠡᠯᠡ ᠤᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠬᠠᠤᠯᠢ ᠪᠤᠰᠤ ᠡᠳᠡᠭᠡᠳ ᠰᠠᠮᠠᠭᠤᠷᠠᠨ | ᠠᠭᠤᠯᠠ ᠤᠰᠤᠨ ᠤ ᠮᠢᠨᠢ ᠬᠡᠶᠢᠮᠦᠷᠢ ᠰᠦᠯᠳᠡ᠂ ᠤᠪᠤᠭᠠ ᠱᠠᠩᠰᠢ ᠶᠢᠨ ᠰᠦᠭ ᠰᠦᠨᠡᠰᠦ ᠶᠢ ᠴᠦ ᠦᠯᠡᠳᠡᠭᠡᠬᠦ | ᠦᠭᠡᠢ ᠶᠢ ᠪᠠᠶᠢᠳᠤᠭᠠᠢ᠂ ᠡᠪᠦᠭᠡᠳ ᠳᠡᠭᠡᠳᠦᠰ ᠤᠨ ᠮᠦᠩᠭᠡ ᠣᠷᠤᠰᠢᠯ — ᠤᠩᠭᠤᠨ ᠬᠠᠭᠤᠴᠢᠳ ᠴᠦ ᠠᠮᠤᠷ | ᠠᠮᠤᠷᠯᠢᠩᠭᠤᠢ ᠪᠠᠨ ᠨᠠᠯᠳᠠᠵᠤ ᠠᠭᠤᠳᠠᠯᠤᠨ ᠬᠤᠯᠠᠭᠠᠶᠢᠯᠠᠭᠳᠠᠬᠤ ᠳᠤ ᠲᠤᠯᠪᠠ᠃ ᠡᠨᠡ ᠬᠦ ᠰᠠᠮᠠᠭᠤᠨ ᠴᠦᠪ ᠲᠤ | ᠡᠪᠴᠢᠭᠦᠴᠢᠨ ᠠᠶᠢᠮᠠᠭ ᠤᠨ ᠭᠡᠭᠡᠨ ᠤᠪᠤᠭᠠ ᠴᠦ ᠭᠠᠳᠠᠭᠤᠷ ᠭᠠᠷᠤᠭᠰᠠᠨ ᠦᠭᠡᠢ᠂ ᠡᠯᠢᠭᠡ ᠵᠢᠷᠦᠬᠡ ᠪᠠᠨ ᠠᠮᠢᠳᠤ | ᠪᠠᠷ ᠢᠶᠠᠨ ᠤᠩᠭᠤᠴᠢᠭᠳᠠᠨ ᠠᠭᠤᠳᠠᠯᠤᠭᠳᠠᠬᠤ ᠳᠤ ᠠᠶᠢᠮᠠᠭ ᠶᠠᠰᠤᠳᠠᠨ᠂ ᠤᠰᠤ ᠭᠤᠤᠯ ᠤᠨ ᠰᠦᠭ ᠰᠦᠯᠳᠡ᠂ | ᠪᠡᠯᠭᠡ ᠳᠡᠮᠪᠡᠷᠢᠯ ᠢᠶᠠᠨ ᠢᠩᠭᠢᠵᠦ ᠳᠠᠯᠬᠢᠭᠳᠠᠭᠤᠯᠬᠤ ᠳᠤ ᠶᠠᠭᠠᠬᠢᠵᠤ ᠳᠡᠰᠴᠦ ᠴᠢᠳᠠᠬᠤ ᠪᠤᠢ︖ ᠬᠦᠯᠢᠴᠡᠬᠦ ᠦᠭᠡᠢ | ᠭᠡᠳ ᠬᠡᠨ ᠳᠤ ᠭᠡᠯᠡᠵᠦ ᠬᠡᠨ ᠢᠶᠠᠷ ᠰᠢᠢᠳᠬᠡᠬᠦᠯᠬᠦ ᠪᠤᠢ︖ ᠠᠷᠭᠠ ᠪᠤᠶᠤ︖ ᠳᠠᠬᠢᠨ ᠠᠮᠢᠯᠠᠭᠤᠯᠤᠨ ᠪᠤᠰᠬᠠᠬᠤ | ᠠᠴᠠ ᠦᠭᠡᠷᠡ ᠶᠠᠮᠠᠷ ᠠᠷᠭᠠ ᠪᠠᠶᠢᠬᠤ ᠪᠤᠢ᠃ ᠨᠡᠭᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠨᠡᠭᠦᠳᠡᠯ ᠰᠤᠶᠤᠯ ᠢᠶᠠᠨ ᠦᠪᠡᠷ ᠢᠶᠠᠨ | ᠯᠡ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠲᠠᠢ᠃ ᠢᠩᠭᠢᠭᠡᠳ ᠡᠨᠡ ᠵᠢᠯ ᠤᠨ ᠳᠠᠬᠢᠯᠭᠠ ᠨᠠᠶᠢᠷ ᠡᠷᠬᠢᠯᠡᠬᠦ ᠵᠤᠷᠰᠢᠯ ᠢᠶᠠᠨ ᠮᠦᠷᠳᠡᠨ | ᠵᠢᠷᠤᠮᠯᠠᠵᠤ ᠡᠪᠴᠢᠭᠦᠴᠢᠨ ᠠᠶᠢᠮᠠᠭ ᠤᠨ ᠲᠤᠨᠤᠷᠤᠪ᠂ ᠱᠠᠭᠳᠠᠷ᠂ ᠰᠢᠨᠡᠪᠠᠶᠠᠷ ᠵᠡᠷᠭᠡ 16 ᠡᠷᠦᠬᠡ ᠬᠠᠮᠳᠤᠷᠠᠯᠴᠠᠨ | ᠤᠪᠤᠭᠠ ᠶᠢᠨ ᠰᠦᠭ ᠰᠦᠯᠳᠡ ᠪᠠᠨ ᠳᠠᠬᠢᠨ ᠠᠮᠢᠯᠠᠭᠤᠯᠬᠤ ᠳᠤ᠂ ᠠᠷᠤ ᠬᠤᠷᠴᠢᠨ ᠤ ᠬᠠᠯᠬᠠᠴᠤᠤᠯ ᠠᠶᠢᠮᠠᠭ ᠤᠨ | ᠸᠠᠭᠠ ᠪᠤᠶᠢᠳᠠᠢ ᠶᠢᠨ ᠠᠬᠠᠮᠠᠳ ᠬᠦᠪᠡᠭᠦᠨ ᠪᠤᠯᠵᠤ ᠵᠠᠶᠠᠭᠠᠭᠰᠠᠨ ᠳᠠᠪᠤᠳᠤᠭᠠᠷ ᠲᠦᠷᠢ ᠶᠢᠨ ᠲᠤᠶᠢᠩᠬᠤᠷ ᠭᠡᠭᠡᠨ — | ᠭᠠᠯᠰᠠᠩᠷᠠᠪᠵᠠᠢ — ᠯᠤᠪᠰᠠᠩᠳᠠᠮᠪᠠᠷᠠᠪᠵᠠᠢ ᠪᠠᠷ ᠤᠪᠤᠭᠠ ᠶᠢᠨ ᠰᠦᠭ ᠰᠦᠨᠡᠰᠦ ᠶᠢ ᠤᠷᠢᠵᠤ ᠳᠠᠯᠠᠯᠭᠠ | ᠬᠤᠷᠤᠶᠢᠯᠠᠭᠠ ᠠᠪᠴᠤ ᠠᠮᠢᠯᠠᠭᠤᠯᠤᠨ ᠨᠠᠶᠢᠷ ᠨᠠᠭᠠᠳᠤᠮ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠡᠷᠬᠢᠯᠡᠭᠰᠡᠨ ᠨᠢ ᠡᠨᠡ ᠪᠠᠶᠢᠵᠠᠢ᠃ | ᠡᠨᠡ ᠤᠳᠠᠭᠠᠨ ᠤ ᠨᠠᠶᠢᠷ ᠲᠤ ᠪᠦᠬᠡ 64 ᠬᠤᠤᠰ ᠳᠠᠯᠪᠢᠭᠠᠳ ᠰᠠᠶᠢᠬᠠᠨᠳᠠᠯᠠ ᠰᠤᠮᠤ ᠶᠢᠨ ᠰᠡᠴᠡᠨᠪᠠᠳᠤ | ᠲᠡᠷᠢᠭᠦᠯᠡᠨ᠂ ᠬᠤᠨᠳᠤ ᠪᠠᠯᠭᠠᠰᠤᠨ ᠤ ᠴᠢᠯᠠᠭᠤᠨᠪᠠᠭᠠᠳᠤᠷ ᠳᠡᠳ᠋ᠯᠡᠪᠡ᠃ ᠬᠤᠷᠳᠤᠨ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ | ᠶᠠᠩᠽᠢ ᠭᠠᠴᠠᠭᠠ ᠶᠢᠨ ᠠᠮᠤᠭᠤᠯᠠᠩ ᠤᠨ ᠬᠤᠷᠳᠤᠨ ᠭᠡᠬᠡᠷ ᠮᠠᠩᠯᠠᠶᠢᠯᠠᠭᠰᠠᠨᠠ ᠲᠤᠰ ᠲᠤᠰ ᠬᠠᠯᠠᠭᠤᠨ ᠬᠤᠰᠢᠭᠤᠳᠤ | ᠬᠤᠨᠢ ᠪᠠᠷ ᠱᠠᠩᠨᠠᠭᠳᠠᠪᠠ᠃ ᠪᠠᠰᠠ ᠪᠠᠭᠠᠴᠤᠳ ᠤᠨ ᠪᠦᠬᠡ 16 ᠬᠤᠤᠰ ᠪᠠᠷᠢᠯᠳᠤᠭᠤᠯᠤᠭᠰᠠᠨ ᠤ ᠵᠡᠷᠭᠡ ᠪᠠᠷ ᠨᠠᠶᠢᠷ | ᠤᠨ ᠳᠠᠯᠠᠪᠠᠢ ᠳᠤ ᠲᠦᠷᠪᠡᠨ ᠦᠨᠴᠦᠭ ᠪᠤᠯᠢᠶᠠᠯᠳᠤᠬᠤ ᠮᠦᠷᠦᠶᠢᠴᠡᠭᠡᠨ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠭᠰᠠᠨ᠃ ᠨᠠᠶᠢᠷ | ᠲᠤ ᠴᠤᠭᠯᠠᠷᠠᠨ ᠢᠷᠡᠭᠰᠡᠨ ᠪᠠᠭᠠᠴᠤᠳ ᠬᠡᠦᠬᠡᠳ ᠲᠤ ᠰᠢᠬᠢᠷ ᠤᠨ ᠬᠤᠷᠠ ᠪᠠᠭᠤᠯᠭᠠᠵᠤ ᠬᠦᠬᠡᠷᠦᠯᠳᠦᠭᠦᠯᠦᠨ | ᠪᠤᠯᠢᠶᠠᠯᠳᠤᠭᠤᠯᠵᠤ᠂ ᠨᠠᠶᠢᠷ ᠲᠤ ᠨᠠᠰᠤᠳᠠᠢ᠂ ᠵᠠᠯᠠᠭᠤ᠂ ᠬᠡᠦᠬᠡᠳ ᠪᠦᠬᠦᠨ ᠢ ᠪᠠᠶᠠᠰᠤᠭᠤᠯᠪᠠ᠃ | ᠨᠠᠶᠢᠷ ᠲᠤ ᠮᠤᠷᠢᠯᠠᠨ ᠪᠠᠭᠤᠭᠰᠠᠨ ᠨᠠᠰᠤᠳᠠᠨ ᠪᠤᠭᠤᠷᠤᠯᠴᠤᠳ ᠪᠠ ᠬᠦᠨᠳᠦᠳᠦ ᠵᠤᠴᠢᠳ ᠴᠤᠭᠭᠠᠷ | ᠬᠤᠨᠳᠠᠭᠠ ᠡᠷᠭᠦᠯᠴᠡᠨ ᠠᠷᠢᠬᠢ ᠳᠠᠷᠠᠰᠤ ᠬᠡᠮᠨᠡᠨ᠂ ᠬᠢᠳᠤᠭᠠ ᠳᠠᠯᠪᠢᠯ ᠦᠭᠡᠢ ᠰᠢᠭᠦᠰᠦ ᠵᠤᠭᠤᠭᠯᠠᠨ᠂ ᠨᠠᠶᠢᠷ ᠲᠤ | ᠢᠷᠡᠵᠦ ᠰᠠᠭᠤᠭᠰᠠᠨ ᠳᠠᠶᠠᠭᠠᠷ ᠢᠶᠠᠷ ᠢᠶᠠᠨ ᠬᠦᠬᠡ ᠮᠤᠩᠭᠤᠯ ᠤᠨ ᠵᠠᠩᠰᠢᠯ ᠢᠶᠠᠷ ᠬᠦᠰᠢᠮᠡ ᠦᠬᠡᠬᠦ ᠮᠢᠬᠠ ᠲᠠᠢ — | ᠬᠠᠷᠤᠮ ᠠᠮᠤᠰᠤ ᠤᠪᠤᠭᠠ ᠶᠢᠨ ᠬᠡᠰᠢᠭ ᠢ ᠬᠦᠷᠳᠡᠪᠡ᠃ | ᠭᠤᠷᠪᠠᠳᠤᠭᠠᠷ ᠲᠦᠷᠢ ᠶᠢᠨ ᠲᠤᠶᠢᠩᠬᠤᠷ ᠭᠡᠭᠡᠨ ᠤ ᠳᠡᠦᠬᠡ ᠨᠠᠮᠳᠠᠷ᠂ ᠡᠷᠳᠡᠮ ᠪᠢᠰᠢᠯᠭᠠᠯ ᠢ ᠡᠷᠭᠢᠴᠡᠭᠦᠯᠦᠨ | ᠳᠤᠷᠠᠳᠬᠠᠭᠰᠠᠨ ᠪᠦᠭᠡᠳ ᠳᠠᠪᠤᠳᠤᠭᠠᠷ ᠲᠦᠷᠢ ᠶᠢᠨ ᠲᠤᠶᠢᠩᠬᠤᠷ ᠭᠡᠭᠡᠨ ᠢᠶᠠᠷ ᠴᠦ ᠲᠦᠷᠬᠦᠮ ᠳᠡᠭᠡᠨ ᠵᠠᠯᠠᠭᠳᠠᠵᠤ | ᠢᠷᠡᠭᠡᠳ ᠤᠪᠤᠭᠠᠨ ᠨᠠᠶᠢᠷ ᠲᠤ ᠪᠢᠯᠢᠭ ᠤᠨ ᠵᠡᠭᠡᠷᠳᠡ ᠮᠤᠷᠢ ᠪᠡᠯᠡᠭᠯᠡᠵᠦ ᠲᠦᠷᠬᠦᠮ ᠨᠤᠳᠤᠭ᠂ ᠬᠠᠮᠤᠭ ᠠᠮᠢᠳᠠᠨ | ᠵᠢᠷᠭᠤᠭᠠᠨ ᠵᠦᠢᠯ ᠳᠤ ᠵᠢᠷᠭᠠᠯ ᠪᠠᠶᠠᠰᠤᠯ ᠢ ᠵᠦᠩᠨᠡᠭᠰᠡᠨᠡ᠂ ᠲᠦᠷᠬᠦᠮ ᠤᠨ ᠬᠢᠨᠢ ᠴᠦ ᠭᠡᠭᠡᠨ ᠳᠤ ᠬᠡᠭᠡᠷ ᠮᠤᠷᠢ | ᠤᠨᠤᠭᠤᠯᠵᠤ ᠭᠡᠭᠡᠨ ᠤ ᠯᠠᠭᠰᠢᠨ ᠲᠤᠩᠭᠠᠯᠠᠭ ᠢ ᠨᠠᠮᠠᠨᠴᠢᠯᠠᠨ ᠳᠠᠭᠠᠳᠬᠠᠵᠤ ᠨᠠᠶᠢᠷ ᠬᠤᠪᠢ ᠶᠢᠨ ᠭᠠᠳᠠᠨᠠ ᠬᠠᠷᠢᠯᠴᠠᠨ | ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯ ᠲᠠᠢ ᠪᠠᠷ ᠬᠡᠳᠦ ᠶᠢᠨ ᠤᠳᠬᠠ ᠠᠭᠤᠯᠭᠠ ᠲᠠᠢ᠂ ᠬᠦᠮᠦᠵᠢᠯ ᠬᠦᠷᠳᠡᠭᠡᠯ ᠲᠠᠢ ᠰᠠᠶᠢᠬᠠᠨ | ᠶᠠᠪᠤᠭᠳᠠᠪᠠ᠃ | ᠭᠤᠷᠪᠠᠳᠤᠭᠠᠷ ᠲᠦᠷᠢ ᠶᠢᠨ ᠲᠤᠶᠢᠩᠬᠤᠷ ᠭᠡᠭᠡᠨ — ᠵᠠᠮᠢᠶᠠᠨᠳᠠᠮᠪᠢᠨᠢᠮᠠ ᠶᠢᠨ ᠬᠤᠶᠢᠴᠢᠰ — ᠲᠤᠮᠪᠤᠯᠤ | ᠬᠡᠦᠬᠡᠳ ᠪᠤᠯᠬᠤ ᠲᠤᠨᠤᠷᠤᠪ ᠨᠠᠷ ᠤᠨ ᠳᠠᠨᠢᠯᠴᠠᠭᠤᠯᠭᠠ ᠪᠠᠷ᠂ ᠵᠠᠮᠢᠶᠠᠨᠳᠠᠮᠪᠢᠨᠢᠮᠠ ᠭᠡᠭᠡᠨ ᠤ ᠡᠴᠢᠭᠡ ᠱᠤᠨᠤᠳᠠᠸᠠ | ᠭᠡᠵᠦ ᠵᠠᠷᠢᠮᠠᠳ ᠨᠢ ᠨᠤᠮ ᠪᠢᠴᠢᠭ᠂ ᠵᠤᠬᠢᠶᠠᠯ ᠦᠭᠦᠯᠡᠯᠭᠡ ᠳᠤ ᠳᠡᠮᠳᠡᠭᠯᠡᠨᠡᠮ᠂ ᠡᠨᠡ ᠪᠤᠯ ᠪᠤᠷᠤᠭᠤ᠃ ᠡᠴᠢᠭᠡ ᠨᠢ | ᠲᠤᠭᠤᠨᠳᠡᠮᠦᠷ᠂ ᠡᠬᠡ ᠨᠢ ᠨᠤᠭᠤᠭᠠᠨᠴᠡᠴᠡᠭ᠃ ᠭᠡᠭᠡᠨ ᠤ ᠪᠠᠭᠠ ᠶᠢᠨ ᠨᠡᠷᠡ ᠭᠧᠯᠢᠭ ᠭᠡᠳᠡᠭ᠃ ᠭᠡᠭᠡᠨ ᠠᠬᠠ ᠳᠡᠭᠦᠦ | ᠭᠤᠷᠪᠠᠭᠤᠯᠠ᠃ ᠶᠡᠭᠡ ᠠᠬᠠ ᠨᠢ ᠰᠢᠷᠠᠬᠤᠳᠤᠭ᠂ ᠬᠤᠶᠠᠳᠤᠭᠠᠷ ᠠᠬᠠ ᠨᠢ ᠵᠠᠯᠰᠠᠩ ᠮᠦᠨ᠂ ᠦᠯᠵᠡᠶᠢᠳᠦ ᠨᠤᠮ ᠤᠨ | ᠬᠦᠷᠳᠦᠳᠦ ᠰᠦᠮᠡ ᠶᠢᠨ ᠪᠯᠠᠮᠠ᠃ ᠰᠢᠷᠠᠬᠤᠳᠤᠭ ᠠᠴᠠ ᠮᠦᠨ ᠭᠤᠷᠪᠠᠨ ᠬᠦᠪᠡᠭᠦᠨ ᠲᠠᠢ᠂ ᠰᠤᠨᠤᠳᠠᠸᠠ᠂ ᠲᠡᠷᠵᠢ᠂ | ᠶᠦᠩᠷᠦᠪ ᠭᠡᠳᠡᠭ᠃ ᠭᠡᠭᠡᠨ ᠡᠪᠦᠭᠡ ᠵᠠᠮᠢᠶᠠᠨᠳᠠᠮᠪᠢᠨᠢᠮᠠ ᠪᠤᠯ ᠰᠤᠨᠤᠳᠠᠸᠠ ᠳᠤ ᠠᠪᠠᠭᠠ ᠪᠯᠠᠮᠠ ᠦᠶᠡ ᠲᠠᠢ ᠪᠤᠯᠬᠤ | ᠶᠤᠮ ᠭᠡᠵᠦ ᠰᠠᠶᠢᠬᠠᠨ ᠳᠠᠨᠢᠯᠴᠠᠭᠤᠯᠪᠠ᠃ ᠵᠤᠬᠢᠶᠠᠭᠴᠢ ᠪᠢ ᠡᠨᠡ ᠤᠳᠠᠭᠠ ᠭᠡᠭᠡᠨ ᠭᠠᠯᠰᠠᠩᠷᠠᠪᠵᠠᠢ ᠳᠤ ᠪᠠᠷᠠ ᠪᠤᠯᠵᠤ | ᠨᠠᠶᠢᠷ ᠲᠤ ᠰᠠᠭᠤᠭᠰᠠᠨ ᠬᠠᠮᠤᠭ ᠶᠡᠭᠡ ᠤᠯᠤᠯᠳᠠ ᠪᠤᠯ ᠡᠨᠡ ᠪᠠᠶᠢᠨᠠ᠃ ᠦᠩᠭᠡᠷᠡᠭᠰᠡᠨᠡ ᠪᠢ ᠴᠦ ᠵᠠᠷᠢᠮ ᠵᠤᠬᠢᠶᠠᠯ | ᠳᠠᠭᠠᠨ ᠭᠡᠭᠡᠨ ᠤ ᠠᠪᠤ ᠶᠢᠨ ᠨᠡᠷᠡ ᠶᠢ ᠠᠨᠳᠠᠭᠤ ᠰᠤᠯᠢᠭᠤ ᠳᠡᠮᠳᠡᠭᠯᠡᠵᠦ ᠪᠠᠶᠢᠭᠰᠠᠨ ᠤ ᠨᠢᠭᠡ ᠨᠢ ᠪᠤᠯᠬᠤ ᠶᠢ ᠠᠳᠡ | ᠳᠡᠮᠳᠡᠭᠯᠡᠶᠡ᠃ | ︵︽ᠠᠷᠤ ᠬᠤᠷᠴᠢᠨ ᠰᠤᠨᠢᠨ︾ 2000.6.21︶ | | ᠠ᠊᠂ ᠬᠤᠳᠤᠷᠠᠩᠭᠠ ᠶᠢᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠳᠤᠷᠠᠰᠤᠯ ᠳᠤ | ᠮᠦᠩᠬᠡᠷᠡᠬᠦ ᠬᠤᠷᠸᠠ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠨᠡᠶᠢᠳᠡᠯᠡᠪᠡ | |