| ᠬᠤᠶᠠᠷ ᠠᠮᠠᠨ ᠠᠷᠢᠬᠢ ᠤᠤᠭᠤᠬᠤ ᠬᠤᠷᠢᠮ | ᠠᠳᠡ ᠭᠤᠤᠯᠳᠠᠭᠤ ᠬᠡᠦᠬᠡᠨ ᠤ ᠲᠠᠯᠠ ᠶᠢᠨ ᠠᠪᠤ ᠡᠵᠢ ᠨᠢ ᠲᠤᠰ ᠤᠨ ᠲᠠᠯᠠ ᠳᠠᠭᠠᠨ ᠨᠠᠷᠢᠪᠴᠢᠯᠠᠵᠤ | ᠬᠡᠦᠬᠡᠨ ᠤ ᠪᠠᠨ ᠦᠩᠭᠡ ᠲᠠᠯᠠ ᠶᠢ ᠠᠳᠠᠯᠢᠳᠬᠠᠨ ᠲᠦᠯᠭᠡᠳᠡᠭᠦᠯᠵᠦ᠂ ᠪᠦᠬᠦᠶᠢᠯᠡ ᠠᠶᠢᠮᠠᠭ ᠲᠥᠷᠦᠯ ᠲᠠᠢ ᠪᠠᠨ | ᠵᠦᠪᠳᠡᠵᠦ ᠪᠦᠷᠢᠮᠦᠰᠦᠨ ᠰᠢᠭᠤᠳᠤᠭᠰᠠᠨ ᠦᠶᠡ ᠳᠤ᠂ ᠬᠦᠷᠭᠡᠨ ᠤ ᠲᠠᠯᠠ ᠶᠢᠨ ᠵᠠᠭᠤᠴᠢ ᠢᠷᠡᠵᠦ ᠠᠪᠤ ᠡᠵᠢ ᠳᠤᠨᠢ | ᠤᠴᠠᠷᠠᠵᠤ ᠵᠣᠬᠢᠬᠤ ᠬᠤᠷᠢᠮ ᠬᠢᠵᠦ ᠬᠡᠦᠬᠡᠨ ᠢᠶᠠᠨ ᠥᠭᠬᠦ ᠪᠡᠷᠢ ᠠᠪᠬᠤ ᠤᠴᠢᠷ ᠢ ᠵᠢᠩᠬᠢᠨᠢ ᠲᠣᠭᠲᠠᠨᠠ᠃ ᠠᠪᠴᠤ | ᠦᠭᠬᠦ ᠮᠠᠯ ᠪᠡᠯᠡᠭ ᠤᠨ ᠲᠤᠭᠠ ᠪᠠᠨ ᠲᠤᠭᠳᠠᠨᠠ᠃ | ᠣᠷᠴᠢᠨ ᠦᠶᠡ ᠪᠣᠯᠵᠤ ᠢᠷᠡᠭᠡᠳ ︽ᠠᠮᠠᠨ ᠠᠷᠢᠬᠢ ᠤᠤᠭᠤᠬᠤ ᠬᠤᠷᠢᠮ︾ ᠳᠤ ᠬᠦᠷᠭᠡᠨ ᠬᠦᠦ ᠶᠢ ᠳᠠᠭᠠᠭᠤᠯᠵᠤ᠂ | ᠬᠠᠳᠠᠮ ᠤᠨ ᠪᠣᠷᠬᠠᠨ ᠳᠤ ᠵᠤᠯᠠ ᠶᠢᠨ ᠲᠣᠰᠤ ᠲᠠᠢ ᠢᠷᠡᠵᠦ᠂ ᠬᠦᠷᠭᠡᠨ ︽ᠪᠡᠶᠡ ᠦᠵᠡᠭᠦᠯᠬᠦ︾᠂ ︽ᠬᠦᠷᠭᠡᠨ | ᠬᠡᠦᠬᠡᠨ ᠠᠯᠴᠢᠭᠤᠷ ᠪᠦᠯᠡᠵᠡᠭ ᠰᠣᠯᠢᠯᠴᠠᠵᠤ︾ ︽ᠬᠦᠷᠭᠡᠨ ᠬᠡᠦᠬᠡᠨ ᠤᠴᠠᠷᠠᠭᠤᠯᠬᠤ︾ ᠶᠤᠰᠣ ᠭᠠᠷᠤᠭᠰᠠᠨ ᠪᠠᠶᠢᠨᠠ | ᠃ | | | ᠭᠤᠷᠪᠠ ᠰᠣᠮᠣᠨ ᠪᠡᠯᠭᠡᠲᠦ ᠶᠡᠭᠡ ᠠᠷᠢᠬᠢᠨ ᠬᠤᠷᠢᠮ | ᠤᠷᠤᠭ ᠪᠣᠯᠤᠯᠴᠠᠬᠤ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠵᠢᠩᠬᠢᠨᠢ ᠠᠮᠠ ᠲᠤᠭᠲᠠᠭᠰᠠᠨ ᠬᠤᠶᠢᠨᠠ ᠵᠣᠬᠢᠰ ᠲᠠᠢ | ᠴᠠᠭ ᠲᠤ ᠬᠦᠷᠭᠡᠨ ᠤ ᠲᠠᠯᠠ ᠠᠴᠠ ᠬᠡᠦᠬᠡᠨ ᠤ ᠭᠡᠷ ᠲᠤ ᠣᠴᠢᠵᠤ᠂ ︽ᠰᠣᠮᠣᠨ ᠪᠡᠯᠭᠡᠲᠦ ᠶᠡᠭᠡ ᠠᠷᠢᠬᠢᠨ ᠬᠤᠷᠢᠮ︾ | ᠢ ᠭᠦᠢᠴᠡᠳᠬᠡᠨᠡ᠃ | ᠡᠨᠡ ᠬᠤᠷᠢᠮ ᠳᠤ ᠬᠦᠷᠭᠡᠨ ᠤ ᠲᠠᠯᠠ ᠠᠴᠠ ᠭᠤᠤᠯ ᠮᠡᠳᠡᠬᠦ ᠠᠬᠠᠮᠠᠳ ᠬᠢᠭᠡᠳ ᠵᠠᠭᠤᠴᠢ᠂ ᠬᠡᠯᠡᠮᠦᠷᠴᠢ ᠵᠡᠷᠭᠡ | ᠲᠠᠪᠤ ᠠᠴᠠ ᠳᠣᠯᠤᠭᠠᠨ ᠬᠦᠮᠦᠨ ᠨᠢ ᠰᠣᠮᠣᠨ ᠪᠡᠯᠡᠭ ᠮᠣᠷᠢ ᠶᠢ ᠬᠦᠲᠦᠯᠵᠦ᠂ ᠠᠷᠢᠬᠢ᠂ ᠬᠠᠳᠠᠭ᠂ ᠪᠤᠤᠪᠤ ᠪᠤᠭᠤᠷᠰᠤᠭ | ᠵᠡᠷᠭᠡ ᠪᠡᠯᠡᠭ ᠰᠡᠯᠲᠡ ᠲᠠᠢ ᠣᠴᠢᠨᠠ᠃ ᠬᠡᠦᠬᠡᠨ ᠤ ᠲᠠᠯᠠ ᠠᠴᠠ ᠭᠤᠤᠯ ᠬᠠᠮᠢᠶᠠᠲᠠᠨ᠂ ᠣᠶᠢᠷᠠ ᠲᠦᠷᠦᠯ᠂ ᠡᠴᠢᠬᠡ | ᠡᠬᠡ᠂ ᠠᠬᠠ ᠪᠡᠷᠭᠡᠳ ᠣᠷᠤᠯᠴᠠᠨᠠ᠃ | ᠬᠤᠷᠢᠮ ᠨᠠᠶᠢᠷ ᠬᠢᠵᠦ᠂ ᠠᠷᠢᠬᠢ ᠬᠠᠳᠠᠭ ᠪᠠᠷᠢᠬᠤ ᠳᠤ ᠬᠡᠯᠡᠮᠦᠷᠴᠢ ᠠᠴᠠ ᠬᠤᠨᠳᠠᠭᠠᠨ ᠢᠷᠦᠭᠡᠯ ᠬᠡᠯᠡᠬᠦ ᠢᠨᠤ᠄ | ᠤᠸ᠋ᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ | ᠡᠩᠬᠡ ᠰᠠᠶᠢᠨ ᠵᠢᠷᠭᠠᠯᠠᠩ ᠪᠤᠯᠲᠤᠭᠠᠢ | ᠬᠤᠷᠸᠠ ᠶᠢ ᠭᠡᠶᠢᠭᠦᠯᠦᠭᠴᠢ ᠨᠠᠷᠠᠨ ᠮᠡᠲᠦ | ᠬᠠᠰ ᠤᠨ ᠲᠥᠷᠦ ᠶᠢᠨ ᠡᠮᠦᠨᠡ ᠠᠴᠠ | ᠬᠠᠮᠤᠭ ᠢ ᠭᠡᠲᠦᠯᠭᠡᠭᠴᠢ ᠠᠪᠤᠷᠠᠯᠲᠤ ᠱᠠᠰᠢᠨ | ᠡᠩᠬᠡ ᠲᠥᠷᠦ ᠶᠢᠨ ᠲᠣᠪᠴᠢ ᠪᠣᠯᠵᠤ | ᠲᠦᠮᠡᠨ ᠳᠡᠭᠡᠨ ᠰᠦᠯᠳᠡ ᠪᠣᠯᠵᠤ ᠪᠠᠶᠢᠬᠤᠢ ᠳᠤᠷ | ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠤᠶᠢᠴᠢ ᠶᠢᠨ | ︵ ︶ ᠳ᠋ᠦ᠋ᠭᠡᠷ ᠦᠶᠡ ᠶᠢᠨ | ᠬᠤᠲᠠᠯᠠ ᠠᠯᠳᠠᠷᠰᠢᠭᠰᠠᠨ ᠲᠡᠦᠬᠡᠲᠦ ᠠᠷᠤ ᠬᠤᠷᠴᠢᠨ ᠤ | ᠠᠷᠪᠠᠨ ᠰᠣᠮᠣ ᠨᠣᠲᠤᠭ ᠲᠤ | ︵ ︶ ᠭᠡᠷ ᠲᠤᠷ | ᠡᠯᠪᠡᠭ ᠶᠡᠭᠡ ᠪᠣᠶᠠᠨ ᠲᠠᠢ | ᠳᠡᠯᠭᠡᠷ ᠶᠡᠭᠡ ᠬᠡᠰᠢᠭ ᠲᠠᠢ | ᠡᠷᠳᠡᠨᠢ ᠶᠢᠨ ᠮᠡᠲᠦ ᠡᠪᠳᠡᠷᠡᠯ ᠦᠭᠡᠢ | ᠡᠯᠢᠭᠡ ᠪᠠᠷ ᠢᠶᠠᠨ ᠡᠩᠬᠡ ᠮᠡᠨᠳᠦ | ᠲᠦᠷᠦᠯ ᠢᠶᠠᠷ ᠢᠶᠠᠨ ᠳᠡᠭᠦᠰ ᠮᠡᠨᠳᠦ ᠪᠣᠯᠬᠤ ᠶᠢᠨ | ᠶᠡᠭᠡ ᠰᠣᠮᠣᠨ ᠪᠡᠯᠭᠡᠳᠦ ᠨᠠᠶᠢᠷ ᠪᠣᠯᠵᠤ | ᠪᠡᠯᠭᠡᠲᠦ ᠬᠤᠨᠳᠠᠭᠠ ᠡᠷᠭᠦᠬᠦᠢ ᠳᠤᠷ | ᠴᠡᠩᠬᠡᠨ ᠵᠢᠷᠭᠠᠬᠤ ᠶᠢᠨ ᠪᠡᠯᠭᠡ ᠪᠠᠷ | ᠲᠦᠭᠡᠮᠡᠯ ᠶᠡᠭᠡ ᠰᠠᠷᠬᠤᠳ ᠤᠨ ᠳᠡᠭᠡᠵᠢ ᠶᠢ | ᠡᠷᠭᠦᠨ ᠠᠶᠢᠯᠠᠳᠬᠠᠵᠤ ᠪᠠᠶᠢᠨᠠ | ᠭᠡᠬᠦ ᠮᠡᠲᠦ ᠪᠠᠷ ᠡᠬᠢᠯᠡᠵᠦ ᠢᠷᠦᠭᠡᠯ ᠲᠠᠯᠪᠢᠵᠤ᠂ ᠰᠣᠮᠣᠨ ᠪᠡᠯᠡᠭ ᠤᠨ ᠣᠴᠢᠷ ᠶᠣᠰᠣ ᠶᠢ ᠭᠦᠢᠴᠡᠳᠬᠡᠨᠡ᠃ ᠠᠳᠡ᠂ | ᠬᠤᠷᠢᠮ ᠤᠨ ᠶᠠᠪᠤᠳᠠᠯ᠂ ᠬᠤᠷᠢᠮ ᠤᠨ ᠰᠠᠷᠠ᠂ ᠡᠳᠦᠷ ᠤᠨ ᠲᠦᠯᠦᠪ᠂ ᠬᠡᠦᠬᠡᠨ ᠳᠤ ᠪᠡᠯᠡᠳᠬᠡᠬᠦ ᠲᠣᠯᠤᠭᠠᠢ ᠶᠢᠨ | ᠵᠠᠰᠠᠯ ᠡᠳ᠋ ᠲᠠᠸᠠᠷ᠂ ᠬᠤᠪᠴᠠᠰᠤ ᠬᠦᠷᠦᠩᠬᠡ ᠲᠡᠷᠢᠭᠦᠲᠡᠨ ᠢ ᠬᠡᠯᠡᠯᠴᠡᠵᠦ᠂ ᠮᠠᠯ ᠪᠡᠯᠡᠭ ᠥᠭᠬᠦ ᠡᠳᠦᠷ ᠢ ᠲᠤᠭᠲᠠᠨᠠ᠃ | ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠦᠯᠵᠡᠢ ᠪᠡᠯᠭᠡ ᠶᠢ ᠪᠣᠳᠣᠵᠣ᠂ ᠬᠡᠦᠬᠡᠨ ᠤ ᠲᠠᠯᠠ ᠨᠢ᠄ | ᠡᠵᠡᠨ ᠴᠢᠩᠬᠢᠰ ᠤᠨ ᠦᠶᠡ ᠠᠴᠠ ᠲᠤᠭᠲᠠᠭᠰᠠᠨ | ᠶᠢᠰᠦ ᠶᠢᠰᠦ ᠶᠢᠨ ᠨᠠᠶᠠᠨ ᠨᠢᠭᠡ ᠶᠢᠨ ᠪᠡᠯᠡᠭ ᠲᠡᠷᠢᠭᠦᠯᠡᠨ | ᠬᠠᠪᠤᠲᠤ ᠬᠠᠰᠠᠷ ᠤᠨ ᠦᠶᠡ ᠠᠴᠠ ᠵᠠᠩᠰᠢᠭᠰᠠᠨ | ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠬᠤᠨᠢ ᠳᠠᠷᠠᠭᠠᠯᠠᠨ ᠁ | ᠡᠯᠪᠡᠭ ᠪᠣᠶᠠᠨ ᠤ ᠲᠤᠭᠠ ᠭᠦᠢᠴᠡᠳ ᠠᠪᠤᠨᠠ | ᠭᠡᠳᠡᠭ ᠪᠣᠯᠪᠠᠴᠣ ᠲᠡᠷᠡ ᠪᠦᠬᠦᠨ ᠢ ᠠᠪᠬᠤ ᠪᠢᠰᠢ᠂ ᠪᠠᠶᠢᠳᠠᠯ ᠢ ᠨᠢ ᠦᠵᠡᠵᠦ ︽ᠠᠳᠤᠭᠤᠨ ᠤ ᠠᠶᠠᠲᠠᠢ ᠠᠴᠠ᠂ | ᠦᠬᠡᠷ ᠤᠨ ᠦᠨᠡ ᠲᠠᠢ ᠠᠴᠠ᠂ ᠬᠤᠨᠢ ᠶᠢᠨ ᠬᠤᠪᠢᠲᠠᠢ ᠠᠴᠠ︾ ᠭᠡᠵᠦ ᠲᠣᠭᠲᠠᠳᠠᠭ ᠪᠠᠶᠢᠨᠠ᠃ ᠢᠩᠬᠢᠭᠡᠳ ︽ | ᠶᠢᠰᠦ ᠶᠢᠰᠦ ᠶᠢᠨ ᠪᠡᠯᠡᠭ ᠤᠨ ᠶᠣᠰᠣ︾᠂ ︽ᠶᠢᠰᠦ ᠲᠠᠪᠤ ᠶᠢᠨ ᠪᠡᠯᠡᠭ ᠤᠨ ᠶᠤᠰᠤ︾ ᠭᠡᠬᠦ ᠮᠡᠲᠦ ᠪᠠᠷ | ᠬᠡᠯᠡᠯᠴᠡᠭᠰᠡᠭᠡᠷ᠂ ᠬᠦᠷᠭᠡᠨ ᠤ ᠲᠠᠯᠠ ᠨᠢ ︽ᠠᠮᠠᠯᠠᠭᠰᠠᠨ ᠳᠤᠨᠢ ᠠᠶᠠᠳᠠᠭᠤᠯᠵᠤ᠂ ᠬᠦᠰᠡᠭᠰᠡᠨ ᠳᠤᠨᠢ ᠬᠦᠷᠦᠭᠦᠯᠵᠦ | ᠴᠢᠳᠠᠬᠤᠶᠢᠴᠠ︾ ᠪᠡᠯᠡᠭ ᠰᠡᠯᠲᠡ ᠶᠢ ᠥᠭᠬᠦ ᠪᠠᠷ ᠪᠣᠯᠳᠠᠭ ᠪᠠᠶᠢᠨᠠ᠃ ᠠᠪᠴᠤ ᠥᠭᠬᠦ ᠶᠢ ᠲᠤᠭᠲᠠᠬᠤ ᠶᠢᠨ ᠶᠤᠰᠤᠨ | ᠡᠶᠢᠮᠦ ᠪᠣᠯᠪᠠᠴᠣ᠂ ᠬᠡᠦᠬᠡᠨ ᠤ ᠲᠠᠯᠠ ᠠᠴᠠ ᠬᠡᠦᠬᠡᠨ ᠳᠡᠭᠡᠨ ︽ᠦᠬᠢᠨ ᠤ ᠥᠮᠴᠢ︾ ᠭᠡᠵᠦ ᠢᠨᠵᠢ ᠮᠠᠯ ᠥᠭᠬᠦ᠂ | ᠪᠦᠷᠢᠨ ᠲᠥᠬᠦᠷ ᠮᠣᠩᠭᠤᠯ ᠭᠡᠷ ᠥᠭᠬᠦ᠂ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠠᠪᠳᠠᠷᠠ ᠬᠤᠷᠭᠤ ᠮᠦᠷᠭᠦᠯᠲᠡ ᠶᠢᠨ ᠡᠳ᠋ ᠪᠦᠷᠢᠨ | ᠳᠠᠭᠠᠭᠤᠯᠵᠣ ᠥᠭᠬᠦ ᠶᠤᠰᠤ ᠪᠤᠢ᠃ ᠡᠨᠡ ᠶᠤᠰᠤ ᠵᠢᠩᠬᠢᠨᠢ ᠬᠤᠷᠢᠮ ᠳᠤᠷ ᠶᠠᠪᠤᠭᠳᠠᠨᠠ᠃ | ᠰᠣᠮᠣᠨ ᠪᠡᠯᠭᠡᠲᠦ ᠶᠡᠭᠡ ᠠᠷᠢᠬᠢᠨ ᠬᠤᠷᠢᠮ ᠶᠡᠭᠡ ᠲᠦᠯᠦᠪ ᠡᠶᠢᠮᠦ᠃ | | | ᠳᠥᠷᠪᠡ ᠳᠦᠭᠦᠷᠡᠩ ᠪᠡᠯᠡᠭ ᠬᠦᠷᠭᠡᠬᠦ ᠮᠠᠯ ᠤᠨ ᠬᠤᠷᠢᠮ | ᠮᠦᠨ ᠬᠦ ᠥᠭᠡᠳᠡ ᠰᠠᠷᠠ ᠶᠢᠨ ᠦᠯᠵᠡᠶᠢᠲᠡᠢ ᠡᠳᠦᠷ᠂ ᠬᠦᠷᠭᠡᠨ ᠬᠦᠦ ᠶᠢᠨ ᠲᠠᠯᠠ ᠶᠢᠨ ᠭᠡᠷ ᠲᠤ ᠠᠮᠠᠯᠠᠨ | ᠲᠤᠭᠲᠠᠭᠰᠠᠨ ᠰᠠᠭᠠᠯᠢ ᠪᠡᠯᠡᠭ ᠢ ᠥᠭᠬᠦ ᠬᠤᠷᠢᠮ ᠬᠢᠨᠡ᠃ ᠡᠭᠦᠨ ᠢ ︽ᠮᠠᠯ ᠪᠡᠯᠡᠭ ᠤᠨ ᠬᠤᠷᠢᠮ︾ ᠭᠡᠵᠦ ᠪᠠᠰᠠ | ᠬᠡᠯᠡᠳᠡᠭ᠃ ᠡᠨᠡ ᠬᠦ ᠡᠳᠦᠷ ᠢ ᠪᠣᠯ ᠶᠡᠭᠡ ᠠᠷᠢᠬᠢᠨ ᠬᠤᠷᠢᠮ ᠳᠡᠭᠡᠷᠡ ᠲᠣᠭᠲᠠᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠃ ᠬᠡᠦᠬᠡᠨ ᠤ | ᠲᠠᠯᠠ ᠠᠴᠠ ᠳᠥᠷᠪᠡ ᠠᠴᠠ ᠵᠢᠷᠭᠤᠭᠠᠨ ᠬᠦᠮᠦᠨ ᠬᠦᠷᠴᠦ ᠢᠷᠡᠨᠡ᠃ ᠬᠡᠦᠬᠡᠨ ᠤ ᠲᠤᠯᠤᠭᠠᠢ ᠶᠢᠨ ᠡᠳ᠋ᠯᠡᠯ᠂ ᠡᠳ᠋ | ᠡᠷᠳᠡᠨᠢᠰ᠂ ︵ᠲᠠᠪᠤ᠂ ᠭᠤᠷᠪᠠᠨ︶ ᠬᠠᠳᠬᠤᠭᠤᠷ᠂ ᠦᠰᠦᠨ ᠲᠤᠯᠤᠭᠠᠰᠤ ᠲᠦᠩᠽᠢ᠂ ᠤᠨᠵᠢᠯᠠᠭᠠ ᠰᠢᠪᠢᠭᠡ᠂ | ᠪᠤᠤᠲ᠋ᠤ᠂ ᠲᠠᠳᠠᠭᠤᠷ᠂ ᠰᠦᠢᠬᠡ᠂ ᠪᠠᠭᠤᠤ ᠪᠦᠯᠡᠵᠡᠭ᠂ ᠲᠣᠷᠭᠠ ᠳᠣᠷᠳᠤᠩ ᠭᠠᠳᠠᠷ᠂ ᠬᠤᠷᠠᠭᠠ ᠰᠠᠩᠰᠠ ᠶᠢᠨ | ᠳᠡᠪᠡᠯ᠂ ᠡᠩ ᠤᠨ ᠨᠠᠷᠢᠨ ᠦᠰᠦᠲᠡᠢ ᠳᠡᠪᠡᠯ ᠵᠡᠷᠭᠡ ᠳᠦᠷᠪᠡᠨ ᠴᠠᠭ ᠤᠨ ᠬᠤᠪᠴᠠᠯᠠᠭᠠ ᠪᠠ ᠥᠭᠬᠦ ᠪᠡᠯᠡᠭ ᠤᠨ | ᠮᠠᠯ ᠤᠳ ᠢ ᠥᠭᠬᠦ ᠪᠣᠯᠤᠨᠠ᠃ ᠮᠠᠯ ᠤᠳ ᠢ ᠪᠦᠷ ᠵᠡᠯᠡ ᠲᠠᠲᠠᠵᠣ ᠤᠶᠠᠭᠰᠠᠨ ᠪᠠᠶᠢᠳᠠᠭ᠃ | ᠬᠦᠦ ᠶᠢᠨ ᠲᠠᠯᠠ ᠶᠢᠨ ᠮᠠᠯ ᠤᠨ ᠬᠤᠷᠢᠮ ᠤᠨ ᠲᠦᠷᠦᠭᠦᠦ ᠨᠣᠶᠠᠨ ᠨᠢ ᠠᠷᠢᠬᠢ ᠬᠠᠳᠠᠭ ᠲᠠᠢ ᠪᠠᠨ ᠬᠡᠦᠬᠡᠨ ᠤ | ᠠᠪᠤ ᠡᠵᠢ ᠳᠤ ᠪᠠᠷᠢᠭᠠᠳ᠄ | ᠵᠠ︕ | ᠲᠣᠭᠲᠠᠭᠰᠠᠨ ᠢ ᠲᠤᠭᠠ ᠪᠠᠷ ᠨᠢ | ᠬᠦᠰᠡᠭᠰᠡᠨ ᠢ ᠬᠥᠯ ᠢᠶᠠᠷ ᠨᠢ | ᠬᠦᠷᠭᠡᠵᠦ ᠢᠷᠡᠪᠡ ᠡᠨᠡ ᠡᠳᠦᠷ | ᠡᠷᠬᠢᠨ ᠬᠤᠳᠠ ᠡᠨᠡᠷᠢᠯᠲᠦ ᠬᠤᠳᠠᠭᠠᠢ | ᠲᠣᠭᠲᠠᠭᠠᠨ ᠠᠪᠳᠤᠭᠠᠢ | ᠭᠡᠵᠦ ᠬᠡᠯᠡᠭᠡᠳ ︽ᠰᠠᠭᠠᠯᠢ ᠪᠡᠯᠡᠭ ᠠᠪᠳᠠᠷᠠ ᠳᠡᠭᠡᠷᠡ᠂ ᠮᠠᠯ ᠪᠡᠯᠡᠭ ᠵᠡᠯᠡ ᠳᠡᠭᠡᠷᠡ︾ ᠭᠡᠵᠦ ᠲᠤᠰᠢᠶᠠᠨᠠ᠃ | ᠪᠡᠯᠡᠭ ᠢ ᠲᠤᠰᠢᠶᠠᠵᠤ᠂ ᠮᠠᠯ ᠤᠨ ᠬᠤᠷᠢᠮ ᠡᠬᠢᠯᠡᠬᠦ ᠳᠤ ᠰᠠᠷᠬᠤᠳ ᠤᠨ ᠢᠷᠦᠭᠡᠯ ᠲᠠᠯᠪᠢᠬᠤ ᠶᠤᠰᠤᠨ ᠤ ᠦᠭᠡ᠄ | ︵ᠬᠦᠷᠭᠡᠨ ᠤ ᠲᠠᠯᠠ ᠬᠡᠯᠡᠨᠡ︶ | ᠡᠷᠲᠡ ᠲᠦᠷᠦᠯ ᠤᠨ ᠢᠷᠦᠭᠡᠯ ᠢᠶᠠᠷ | ᠡᠨᠡ ᠡᠳᠦᠷ ᠤᠨ ᠵᠣᠬᠢᠶᠠᠯ ᠢᠶᠠᠷ | ᠡᠷᠬᠢᠮ ᠤᠷᠤᠭ ᠪᠤᠯᠤᠯᠴᠠᠬᠤᠢ ᠳᠤᠷ | ᠡᠳ᠋ ᠡᠷᠳᠡᠨᠢᠰ ᠮᠠᠯ ᠪᠡᠯᠡᠭ ᠢ | ᠵᠠᠩ ᠵᠢᠷᠤᠮ ᠤᠨ ᠶᠤᠰᠤᠭᠠᠷ ᠲᠤᠰᠢᠶᠠᠵᠣ ᠪᠠᠶᠢᠨᠠ᠃ | ᠡᠷᠲᠡ ᠮᠠᠬᠠᠰᠠᠮᠳᠢ ᠬᠠᠭᠠᠨ | ᠡᠷᠬᠡᠲᠦ ᠰᠤᠷᠤᠭᠼᠢᠨ ᠭᠤᠮᠪᠤ ᠲᠡᠷᠢᠭᠦᠲᠡᠨ | ᠡᠯᠳᠡᠪ ᠨᠣᠮᠲᠣ ᠰᠠᠶᠢᠨ ᠬᠠᠳ ᠤᠨ | ᠵᠢᠷᠤᠮ ᠶᠣᠰᠣ ᠬᠢᠭᠡᠳ | ᠡᠵᠡᠨ ᠴᠢᠩᠬᠢᠰ ᠡᠪᠦᠭᠡ ᠬᠠᠰᠠᠷ ᠤᠨ | ᠡᠳ᠋ ᠢ ᠶᠣᠰᠣᠨ ᠤ ᠲᠡᠳᠦᠢ | ᠪᠡᠯᠭᠡ ᠶᠢ ᠨᠠᠶᠢᠷ ᠤᠨ ᠲᠡᠷᠢᠭᠦᠨ ᠬᠡᠮᠡᠳᠡᠭ | ᠡᠨᠡ ᠦᠯᠢᠭᠡᠷ ᠢᠶᠠᠷ | ᠡᠩ ᠶᠡᠭᠡ ᠬᠠᠨ ᠠᠭᠤᠯᠠ ᠶᠢᠨ ᠡᠩᠭᠡᠷ | ᠡᠷᠭᠢᠨ ᠠᠷᠪᠠᠨ ᠰᠣᠮᠣ ᠭᠤᠷᠪᠠᠨ ᠭᠤᠤᠯ ᠳᠤᠷ | ᠡᠶᠢᠮᠦ ᠶᠣᠰᠣ ᠤᠯᠠᠮᠵᠢᠯᠠᠯ ᠲᠠᠢ ᠪᠣᠯᠬᠤᠷ | ᠡᠪᠡᠢ ᠬᠤᠩᠭᠤᠷ ᠬᠤᠶᠠᠷ ᠦᠷᠡ ᠶᠢᠨ ᠢᠶᠠᠨ | ᠡᠶᠢᠨᠬᠦ ᠪᠠᠶᠠᠷ ᠲᠤᠷ | ᠡᠨᠡ ᠬᠤᠨᠳᠠᠭᠠ ᠶᠢ ᠪᠢᠯᠭᠡᠭᠦᠯᠵᠦ ᠪᠠᠶᠢᠨᠠ | ᠭᠡᠬᠦ ᠮᠡᠲᠦ ᠪᠠᠷ ᠰᠠᠶᠢᠨ ᠦᠭᠡ ᠶᠢ ᠬᠡᠯᠡᠵᠦ᠂ ᠨᠠᠶᠢᠷ ᠤᠨ ᠶᠤᠰᠤ ᠶᠢ ᠶᠠᠪᠤᠭᠤᠯᠤᠨᠠ᠃ ᠲᠥᠷᠦ ᠶᠢᠨ ᠳᠠᠭᠤᠤ ᠶᠢ | ᠪᠠᠶᠢᠳᠠᠯ ᠳᠤ ᠵᠤᠬᠢᠴᠠᠭᠤᠯᠤᠨ ᠳᠠᠭᠤᠯᠠᠵᠤ ᠪᠣᠯᠤᠨᠠ᠃ ᠪᠠᠰᠠ ᠳᠠᠷᠠᠭᠠᠴᠢ ᠶᠢ ᠭᠤᠤᠯ ᠬᠤᠷᠢᠮ ᠤᠨ ᠶᠠᠪᠣᠳᠠᠯ᠂ ᠡᠳᠦᠷ | ᠬᠤᠭᠤᠴᠠᠭᠠ ᠶᠢ ᠶᠠᠷᠢᠯᠴᠠᠨᠠ᠃ ᠡᠭᠦᠨ ᠳᠤ᠄ | ᠰᠠᠷᠠ ᠣᠯᠠᠨ ᠪᠠᠶᠢᠪᠠᠴᠤ | ᠡᠳᠦᠷ ᠦᠯᠡᠮᠵᠢ ᠪᠠᠶᠢᠪᠠᠴᠤ | ᠦᠨᠡᠨ ᠨᠤᠮ ᠤᠨ ᠭᠤᠷᠪᠠᠨ ᠡᠷᠳᠡᠨᠢ ᠠᠴᠠ | ᠦᠯᠵᠡᠢ ᠲᠠᠢ ᠶᠢ ᠳᠠᠭᠠᠳᠬᠠᠨ ᠡᠷᠢᠳᠡᠭ ᠤᠴᠢᠷ ᠠᠴᠠ ᠭᠡᠵᠦ ᠬᠤᠶᠠᠷ ᠲᠠᠯᠠ ᠪᠠᠷ ᠵᠦᠪᠳᠡᠯᠴᠡᠵᠦ᠂ | ᠬᠤᠷᠢᠮ ᠤᠨ ᠡᠳᠦᠷ ᠢ ᠰᠦᠮᠡ ᠳᠠᠬᠢ ᠦᠵᠡᠯᠭᠡᠴᠢ ᠯᠠᠮᠠ ᠪᠠ ᠶᠤᠰᠤ ᠡᠷᠳᠡᠮ ᠲᠠᠢ ᠰᠤᠷᠲᠠᠯ ᠠᠷᠢᠭᠤᠨ ᠬᠠᠷᠠ | ᠬᠦᠮᠦᠨ ᠢᠶᠠᠷ ᠦᠵᠡᠭᠦᠯᠵᠦ ᠲᠤᠭᠲᠠᠭᠠᠬᠤ ᠶᠢ ᠪᠤᠯᠵᠤᠨᠠ᠃ ᠬᠡᠦᠬᠡᠨ ᠬᠦᠷᠭᠡᠨ ᠤ ᠲᠠᠯᠠ ᠰᠠᠷᠠ᠂ ᠡᠳᠦᠷ᠂ ᠴᠠᠭ ᠢ | ᠬᠦᠷᠲᠡᠯᠡ ᠪᠣᠳᠣᠵᠣ᠂ ᠵᠢᠷᠭᠤᠭᠠᠨ ᠵᠢᠷᠤᠬᠠᠢ᠂ ᠦᠯᠵᠡᠶᠢᠲᠦ ᠰᠢᠷᠠ ᠵᠠᠮ ᠭᠡᠬᠦ ᠵᠡᠷᠭᠡ ᠬᠤᠷᠢᠮ ᠤᠨ ᠦᠵᠡᠯᠭᠡ | ᠰᠤᠳᠤᠷ ᠢ ᠦᠵᠡᠭᠦᠯᠦᠨᠡ᠃ ᠡᠳᠡᠭᠡᠷ ᠢ ᠬᠦᠷᠭᠡᠨ ᠤ ᠲᠠᠯᠠ ᠬᠠᠷᠢᠭᠤᠴᠠᠵᠤ ᠳᠤᠭᠲᠠᠭᠰᠠᠨ ᠡᠳᠦᠷ ᠰᠠᠷᠠ ᠶᠢᠨ | ᠪᠢᠴᠢᠭ ᠢ ᠬᠡᠦᠬᠡᠨ ᠤ ᠲᠠᠯᠠ ᠳᠤ ᠢᠯᠡᠭᠡᠨᠡ᠃ | ᠳᠦᠭᠦᠷᠡᠩ ᠪᠡᠯᠡᠭ ᠬᠦᠷᠭᠡᠬᠦ ᠮᠠᠯ ᠤᠨ ᠬᠤᠷᠢᠮ ᠶᠡᠭᠡ ᠲᠥᠯᠦᠪ ᠡᠶᠢᠮᠦ᠃ | ︵ᠬᠤᠷᠢᠮ ᠤᠨ ᠭᠤᠣᠯ ᠶᠣᠰᠣᠨ ᠳᠤ ᠳᠠᠭᠠᠯᠳᠤᠭᠤᠯᠵᠤ ︽ᠬᠡᠦᠬᠡᠨ ᠴᠠᠶᠢᠯᠠᠬᠤ ᠵᠠᠩᠰᠢᠯ︾ ᠢ ᠲᠡᠮᠳᠡᠭᠯᠡᠵᠦ | ᠦᠯᠡᠳᠡᠭᠡᠬᠦ ᠤᠴᠢᠷ ᠪᠠᠶᠢᠨᠠ᠃ ᠬᠤᠷᠢᠮ ᠤᠨ ᠡᠳᠦᠷ ᠭᠠᠷᠤᠭᠰᠠᠨ ᠤ ᠬᠤᠶᠢᠨᠠ᠂ ᠬᠡᠦᠬᠡᠨ ᠤ ᠣᠶᠢᠷᠠ ᠲᠦᠷᠦᠯ ᠭᠡᠷ | ᠠᠶᠢᠮᠠᠭ ᠤᠳ ᠨᠢ ᠬᠡᠦᠬᠡᠨ ᠢᠶᠠᠨ ᠴᠠᠶᠢᠯᠠᠮᠤᠢ ᠭᠡᠵᠦ ᠬᠤᠨᠤᠭ ᠢᠶᠠᠷ ᠵᠠᠯᠠᠵᠤ᠂ ᠬᠤᠪᠴᠠᠰᠤ ᠬᠤᠨᠠᠷ ᠬᠢᠵᠦ ᠥᠭᠬᠦ ᠪᠠ | ᠦᠶᠡ ᠶᠢᠨ ᠡᠭᠡᠴᠢ ᠳᠡᠭᠦᠦ ᠨᠠᠷ ᠲᠠᠢ ᠨᠢ ᠨᠠᠭᠠᠳᠤᠭᠤᠯᠵᠤ ᠬᠦᠬᠡᠷᠦᠭᠦᠯᠦᠨᠡ᠃ ᠡᠮᠡᠭᠡᠳ ᠬᠥᠭᠰᠢᠳ ᠠᠴᠠ ᠬᠠᠷᠢ ᠳᠤ | ᠥᠭᠬᠦ ᠪᠠᠷ ᠲᠣᠭᠲᠠᠭᠰᠠᠨ ᠬᠡᠦᠬᠡᠨ ᠤ ᠰᠡᠳᠬᠢᠯ ᠢ ᠲᠠᠶᠢᠳᠬᠤᠷᠠᠭᠤᠯᠵᠤ᠂ ᠡᠷᠲᠡ ᠣᠷᠢᠳᠣ ᠠᠴᠠ ᠲᠣᠭᠲᠠᠭᠰᠠᠨ ᠵᠠᠩ | ᠵᠢᠷᠤᠮ ᠢ ᠬᠡᠯᠡᠵᠦ ᠥᠭᠬᠦ ᠣᠴᠢᠷ ᠪᠠᠶᠢᠨᠠ᠃ ︵ᠣ · ᠪᠣᠶ᠋ᠬᠠᠦ᠋ᠯᠵᠡᠢ ᠡᠮᠬᠢᠳᠬᠡᠪᠡ︶ | | |