| ᠲᠠᠪᠤ ᠲᠥᠷᠦ ᠶᠣᠰᠣᠨ ᠤ ᠶᠡᠭᠡ ᠬᠤᠷᠢᠮ | ᠲᠥᠷᠦ ᠶᠣᠰᠣᠨ ᠤ ᠶᠡᠭᠡ ᠬᠤᠷᠢᠮ ᠢ ᠪᠠᠰᠠ ︽ᠲᠥᠪᠰᠢᠨ ᠪᠡᠯᠭᠡᠲᠦ ᠬᠤᠷᠢᠮ︾ ᠭᠡᠵᠦ ᠬᠡᠯᠡᠳᠡᠭ᠃ | ᠬᠤᠷᠢᠮ ᠤᠨ ᠡᠳᠦᠷ ᠢ ᠠᠯᠢ ᠡᠷᠲᠡ ᠦᠵᠡᠯᠭᠡ ᠲᠥᠯᠭᠡᠴᠢ ᠪᠠᠷ ᠦᠵᠡᠭᠦᠯᠵᠦ ᠬᠡᠦᠬᠡᠨ ᠤ ᠲᠠᠯᠠ ᠳᠤ ᠮᠡᠳᠡᠭᠳᠡᠴᠢᠬᠡᠭᠰᠡᠨ | ᠪᠠᠶᠢᠳᠠᠭ᠃ ᠬᠡᠦᠬᠡᠨ ᠬᠢᠭᠡᠳ ᠬᠦᠷᠭᠡᠨ ᠤ ᠲᠤᠰ ᠲᠤᠰ ᠤᠨ ᠮᠣᠷᠳᠠᠬᠤ ᠴᠠᠭ᠂ ᠵᠦᠭ᠂ ᠤᠨᠤᠬᠤ ᠮᠣᠷᠢ᠂ ᠮᠣᠷᠢ | ᠬᠦᠲᠦᠯᠬᠦ ᠬᠦᠮᠦᠨ ᠤ ᠵᠢᠯ ᠢᠪᠡᠭᠡᠯ ᠵᠡᠷᠭᠡ ᠶᠢ ᠪᠦᠷ ᠲᠤᠭᠲᠠᠴᠢᠬᠠᠭᠰᠠᠨ ᠪᠠᠶᠢᠳᠠᠭ᠃ | ᠶᠡᠭᠡ ᠬᠤᠷᠢᠮ ᠤᠨ ᠶᠠᠪᠤᠴᠠ ᠨᠢ ᠬᠦᠷᠭᠡᠨ ᠰᠠᠭᠠᠳᠠᠭ ᠮᠣᠷᠳᠠᠵᠤ ᠬᠡᠦᠬᠡᠨ ᠢᠶᠠᠨ ᠮᠣᠷᠳᠠᠭᠤᠯᠵᠤ ᠠᠪᠴᠢᠷᠠᠬᠤ᠂ | ᠬᠡᠦᠬᠡᠨ ᠤ ᠲᠠᠯᠠ ᠠᠴᠠ ᠬᠡᠦᠬᠡᠨ ᠢᠶᠠᠨ ᠬᠦᠷᠭᠡᠵᠦ ᠣᠴᠢᠬᠤ ︽ᠨᠢᠭᠡ ᠲᠦᠷᠥ ᠬᠤᠶᠠᠷ ᠬᠠᠷᠢ︾ ᠭᠡᠭᠴᠢ ᠶᠢᠨ | ᠬᠠᠷᠢᠴᠠᠭᠠ ᠬᠤᠷᠢᠮ ᠪᠣᠯᠣᠨᠠ᠃ ᠡᠭᠦᠨ ᠢ ᠠᠷᠪᠠᠨ ᠰᠣᠮᠣ ᠨᠣᠲᠤᠭ ᠲᠤ ᠪᠣᠯ ︽ᠲᠤᠭᠤᠨᠤ ᠲᠠᠢ ᠭᠡᠷ ᠲᠤ ᠲᠤᠯᠤᠭᠠᠢ | ᠬᠤᠯᠪᠤᠭᠤᠯᠵᠤ᠂ ᠲᠣᠭᠤᠭᠠ ᠲᠠᠢ ᠱᠥᠯᠦ ᠳᠤ ᠬᠤᠰᠢᠭᠤ ᠬᠤᠯᠪᠤᠭᠰᠠᠨ︾ ᠲᠦᠪᠰᠢᠨ ᠨᠠᠶᠢᠷ ᠤᠨ ᠶᠡᠭᠡ ᠬᠤᠷᠢᠮ | ᠭᠡᠵᠦ ᠰᠢᠯᠦᠭᠯᠡᠳᠡᠭ ᠪᠠᠶᠢᠨᠠ᠃ ︽ᠬᠤᠷᠢᠮ ᠲᠥᠷᠦ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠬᠠᠳᠠ︾ ᠬᠡᠮᠡᠬᠦ ᠪᠢᠴᠢᠭ ᠤᠨ ᠡᠬᠢᠨ ᠳᠤ | ᠡᠭᠦᠨ ᠢ ︽ᠬᠡᠢ ᠠᠭᠠᠷ ᠡᠭᠦᠰᠴᠦ᠂ ᠬᠥᠷᠦᠰᠦ ᠰᠢᠷᠤᠢ ᠪᠦᠷᠢᠯᠳᠦᠵᠦ᠂ ᠬᠥᠪᠴᠢ ᠶᠢᠨ ᠳᠡᠯᠡᠬᠡᠢ ᠲᠣᠭᠲᠠᠵᠤ᠂ ᠰᠠᠷᠠ | ᠨᠠᠷᠠᠨ ᠭᠡᠷᠡᠯᠳᠦᠵᠦ᠂ ᠽᠠᠮᠪᠤᠲᠢᠪ ᠨᠡᠷᠡᠶᠢᠳᠦᠭᠳᠡᠵᠦ᠂ ᠰᠠᠪᠠ ᠰᠢᠮᠡ ᠶᠢᠨ ᠬᠦᠴᠦᠨ ᠪᠠᠷ ᠬᠦᠮᠦᠨ ᠬᠠᠷᠠ ᠲᠡᠷᠢᠭᠦᠲᠡᠨ | ᠡᠭᠦᠰᠴᠦ᠂ ᠰᠠᠶᠢᠨ ᠤ ᠦᠷᠡ ᠶᠢ ᠣᠯᠭᠤᠬᠤ ᠶᠢᠨ ᠲᠤᠯᠠᠳᠠ ᠱᠠᠭᠱᠠᠪᠠᠳ ᠪᠣᠷᠬᠠᠨ ᠪᠠᠭᠰᠢ ᠰᠠᠮᠠᠭᠠ ᠯᠢᠩᠬᠸᠠ ᠶᠢᠨ | ᠲᠠᠪᠴᠠᠩ ᠳᠤᠷ ᠮᠡᠨᠳᠦᠯᠡᠵᠦ ᠱᠠᠰᠲᠢᠷ ᠲᠡᠦᠬᠡ ᠶᠢᠨ ᠬᠠᠭᠤᠳᠠᠰᠣᠨ ᠳᠤ ᠲᠥᠮᠡ ᠨᠢᠭᠡ ᠮᠢᠩᠭᠠ ᠭᠤᠷᠪᠠᠨ ᠵᠠᠭᠤᠨ | ᠨᠠᠶᠠᠨ ᠣᠨ ᠢᠶᠠᠷ ᠲᠡᠮᠳᠡᠭᠯᠡᠪᠡᠢ ︵ᠡᠨᠡ ᠢᠨᠤ ᠳᠤᠮᠤᠭ ᠲᠤᠤᠯᠢᠰ ᠠᠴᠠ ᠦᠨᠳᠦᠰᠦᠯᠡᠭᠰᠡᠨ ᠪᠠᠶᠢᠵᠤ ᠮᠡᠳᠡᠨᠡ᠃ | ᠡᠰᠡᠪᠡᠯᠡ ᠬᠦᠮᠦᠨ ᠠᠮᠢᠲᠠᠨ ᠡᠭᠦᠰᠦᠭᠰᠡᠨ ᠰᠢᠨᠡ ᠠᠮᠢᠳᠤᠷᠠᠯ ᠤᠨ ᠭᠠᠯᠪᠠ ᠶᠢᠨ ᠰᠡᠭᠦᠯᠴᠢ ᠶᠢ ᠬᠡᠯᠡᠭᠰᠡᠨ ᠮᠠᠭᠠᠳ— | ᠨᠠᠶᠢᠷᠠᠭᠤᠯᠤᠭᠴᠢ︶ ᠠᠷᠭᠠ ᠪᠢᠯᠢᠭ ᠤᠨ ᠡᠬᠢᠯᠡᠭᠰᠡᠨ᠂ ᠠᠰᠣᠷᠣ ᠡᠨᠡ ᠴᠠᠭ ᠠᠴᠠ ᠠᠴᠢᠷ ᠦᠷᠡ ᠳᠡᠯᠭᠡᠷᠡᠵᠦ᠂ | ᠠᠶᠢᠮᠠᠭ ᠲᠥᠷᠦᠯ ᠢᠯᠭᠠᠷᠠᠵᠣ ︵ᠢᠯᠡᠷᠡᠵᠦ） ᠁ ᠦᠷᠡ ᠬᠡᠦᠬᠡᠳ ᠢᠶᠠᠨ ᠬᠤᠷᠢᠮᠯᠠᠵᠤ᠂ ᠡᠭᠦᠳᠡ ᠡᠷᠦᠭᠡ | ᠵᠠᠯᠭᠠᠬᠤ ᠨᠢᠭᠡ ᠲᠥᠷᠦ ᠬᠤᠶᠠᠷ ᠬᠠᠷᠢ ᠶᠢᠨ ᠨᠡᠶᠢᠭᠡᠮ ᠤᠨ ᠶᠤᠰᠣ ᠬᠦᠭᠵᠢᠨ ᠢᠷᠡᠭᠰᠡᠭᠡᠷ ᠁ ᠠᠯᠲᠠᠨ | ᠲᠥᠷᠦ ᠶᠢᠨ ᠡᠵᠡᠨ᠂ ᠠᠷᠪᠠᠨ ᠨᠠᠢᠮᠠᠨ ᠬᠠᠳ ᠤᠨ ᠶᠣᠰᠣ ᠶᠢ ᠲᠣᠭᠲᠠᠭᠠᠵᠣ᠂ ᠬᠤᠷᠢᠮ ᠨᠠᠶᠢᠷ ᠤᠨ ᠳᠥᠷᠢᠮ ᠬᠡᠮᠡᠵᠦ | ᠬᠡᠷᠡᠭᠵᠢᠭᠦᠯᠦᠨ ᠲᠣᠭᠲᠠᠭᠠᠭᠰᠠᠨ ᠪᠢᠯᠡ︾ ᠭᠡᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠬᠡᠦᠬᠡᠨ᠂ ᠬᠦᠷᠭᠡᠨ ᠮᠣᠷᠳᠠᠭᠤᠯᠬᠤ ᠶᠢᠨ ᠲᠦᠷᠦᠭᠦᠦ ᠡᠳᠦᠷ ᠨᠢ ᠬᠤᠶᠠᠷ ᠲᠠᠯᠠ ᠨᠢ ᠲᠤᠰ ᠲᠤᠰ ᠲᠠᠭᠠᠨ | ᠬᠤᠪᠢ ᠬᠤᠪᠢ ᠶᠢᠨ ᠬᠠᠮᠢᠶᠠᠳᠠᠨ ᠰᠠᠳᠤᠨ᠂ ᠲᠥᠷᠦᠯ ᠭᠡᠷ ᠣᠶᠢᠷᠠ ᠰᠠᠳᠣᠨ᠂ ᠬᠠᠷᠢᠴᠠᠭᠠ ᠶᠠᠪᠤᠯᠴᠠᠭᠠ ᠲᠠᠢ | ᠠᠶᠢᠯ ᠳᠠᠭᠠᠨ ᠬᠤᠷᠢᠮ ᠤᠨ ᠤᠷᠢᠯᠭᠠ ᠬᠦᠷᠭᠡᠵᠦ ᠡᠭᠦᠨ ᠢᠶᠠᠨ ︽ᠬᠤᠷᠢᠮ ᠳᠤ ᠵᠠᠯᠠᠮᠣᠢ︾ ᠭᠡᠳᠡᠭ᠃ ᠮᠦᠨ | ᠡᠳᠦᠷ ᠤᠨ ᠰᠦᠨᠢ ᠨᠢ ᠤᠷᠢᠵᠤ ᠵᠠᠯᠠᠭᠰᠠᠨ ᠬᠦᠮᠦᠰ ᠲᠠᠢ ᠬᠡᠦᠬᠡᠨ ᠤ ᠲᠠᠯᠠ ᠨᠢ ︽ᠰᠦᠨᠢ ᠶᠢᠨ ᠰᠠᠭᠤᠳᠠᠯ︾ ᠭᠡᠬᠦ | ᠬᠤᠷᠢᠮ ᠲᠠᠯᠪᠢᠨᠠ᠃ ᠬᠦᠷᠭᠡᠨ ᠤ ᠲᠠᠯᠠ ᠨᠢ ᠪᠠᠰᠠ ᠰᠦᠨᠢ ᠶᠢᠨ ᠬᠤᠷᠢᠮ ᠬᠢᠨᠡ᠃ ᠤᠷᠢᠭᠳᠠᠵᠤ ᠢᠷᠡᠭᠰᠡᠨ ᠬᠦᠮᠦᠰ | ᠭᠡᠷ ᠭᠡᠷ ᠢᠶᠠᠨ ᠲᠦᠯᠦᠭᠡᠯᠡᠵᠦ ᠬᠠᠷᠢᠭᠤ ᠲᠠᠯᠠ ᠪᠠᠨ ᠭᠦᠢᠴᠡᠳᠬᠡᠵᠦ ︽ᠬᠤᠷᠢᠮ ᠤᠨ ᠨᠡᠮᠡᠷᠢ︾ ᠪᠡᠯᠡᠭ ᠲᠠᠢ ᠢᠷᠡᠵᠦ | ᠭᠡᠷ ᠤᠨ ᠡᠵᠡᠨ ᠳᠤ ᠪᠠᠷᠢᠨᠠ᠃ ᠪᠠᠰᠠ ᠲᠤᠰᠬᠠᠶᠢᠯᠠᠨ ᠬᠡᠦᠬᠡᠨ ᠳᠤᠨᠢ ᠲᠤᠰᠬᠠᠢ ᠪᠡᠯᠡᠭ ᠲᠠᠢ ᠢᠷᠡᠬᠦ᠂ ᠬᠦᠦ ᠳᠤᠨᠢ | ᠲᠤᠰᠬᠠᠢ ᠳᠤᠷᠠᠰᠬᠠᠯ ᠲᠠᠢ ᠢᠷᠡᠬᠦ ᠴᠣ᠋ ᠪᠣᠢ᠃ ᠡᠨᠡ ᠪᠣᠯ ᠳᠤᠷᠠ ᠪᠠᠷ ᠢᠶᠠᠨ ᠤᠤᠭᠤᠬᠤ ᠳᠣᠲᠤᠷᠠ ᠶᠢᠨ ᠬᠤᠷᠢᠮ | ᠪᠤᠯᠤᠨᠠ᠃ | ᠰᠦᠨᠢ ᠶᠢᠨ ᠰᠠᠭᠤᠳᠠᠯ ᠤᠨ ᠬᠤᠷᠢᠮ ᠡᠬᠢᠯᠡᠬᠦ ᠳᠤ ᠭᠤᠤᠯ ᠰᠢᠷᠡᠭᠡᠨ ᠳᠡᠭᠡᠷᠡ ︽ᠰᠦᠩ ᠵᠠᠰᠠᠬᠤ︾ ᠶᠣᠰᠣᠨ | ᠪᠣᠢ᠃ ᠬᠤᠣᠰ ᠲᠣᠮᠣ ᠬᠤᠨᠳᠠᠭᠠ ᠳᠤ ᠪᠡᠯᠭᠡᠲᠦ ᠰᠠᠷᠬᠤᠳ ᠪᠢᠯᠭᠡᠭᠦᠯᠵᠦ᠂ ᠳᠠᠪᠢᠰᠭᠡᠷ ᠬᠠᠳᠠᠭ ᠢ ᠰᠢᠷᠡᠭᠡᠨ | ᠭᠤᠤᠯ ᠳᠤ ᠲᠠᠯᠪᠢᠵᠤ ᠳᠡᠭᠡᠷᠡ ᠨᠢ ᠰᠦᠩ ᠤᠨ ᠬᠤᠶᠠᠷ ᠬᠤᠨᠳᠠᠭᠠ ᠶᠢ ᠲᠠᠯᠪᠢᠵᠤ ᠪᠣᠰᠣᠳ ᠬᠤᠨᠳᠠᠭᠠ ᠪᠠᠨ | ᠲᠤᠭᠤᠷᠢᠭᠤᠯᠤᠨ ᠵᠠᠰᠠᠵᠤ ᠰᠦᠩᠨᠡᠭᠡᠳ ᠵᠣᠴᠢᠳ ᠲᠤ ᠡᠷᠭᠦᠵᠦ᠂ ᠭᠤᠤᠯ ᠰᠦᠩ ᠢ ᠶᠡᠭᠡ ᠬᠤᠷᠢᠮ ᠳᠡᠭᠦᠰᠲᠡᠯᠡ ᠶᠡᠷᠦ | ᠬᠦᠳᠡᠯᠭᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃ ︽ᠰᠦᠨᠢ ᠶᠢᠨ ᠰᠠᠭᠤᠳᠠᠯ︾ ᠤᠨ ᠬᠤᠷᠢᠮ ᠨᠢ ᠵᠣᠴᠢᠳ ᠴᠠᠶᠢᠯᠠᠵᠤ ᠪᠠᠷᠠᠭᠰᠠᠨ ᠤ | ᠳᠠᠷᠠᠭᠠ ᠣᠷᠢᠭᠳᠠᠭᠰᠠᠨ ᠬᠦᠮᠦᠰ ᠢᠷᠡᠵᠦ ᠭᠦᠢᠴᠡᠭᠰᠡᠨ ᠤ ᠬᠤᠶᠢᠨᠠ ᠨᠠᠷᠠ ᠰᠢᠩᠭᠡᠬᠦ ᠶᠢᠨ ᠠᠶᠠᠰ ᠢᠶᠠᠷ ᠠᠷᠢᠬᠢ | ᠰᠦᠩᠨᠡᠵᠦ᠂ ᠢᠷᠡᠭᠰᠡᠨ ᠵᠣᠴᠢᠳ ᠨᠢ ᠰᠠᠭᠤᠬᠤ ᠶᠣᠰᠤᠲᠠᠢ ᠰᠠᠭᠤᠳᠠᠯ ᠳᠠᠭᠠᠨ ᠳᠡᠰ ᠳᠠᠷᠠᠭᠠ ᠲᠠᠢ ᠶᠣᠰᠤ ᠵᠢᠷᠦᠮ | ᠲᠠᠢ ᠰᠠᠭᠤᠵᠠᠭᠠᠨᠠ᠃ ᠪᠣᠷᠵᠢᠨ ᠣᠪᠤᠭᠲᠠᠨ ︵ᠲᠠᠶᠢᠵᠢ︶ ᠭᠤᠣᠯ ᠳᠤ ᠰᠠᠭᠤᠬᠤ ᠶᠣᠰᠣ ᠪᠣᠢ᠃ ᠡᠮᠡᠭᠲᠡᠢ | ᠵᠣᠴᠢᠳ ᠢ ᠲᠤᠰᠬᠠᠢ ᠭᠡᠷ ᠲᠤ ᠬᠤᠷᠢᠮ ᠵᠠᠰᠠᠬᠤ ᠴᠣ᠋ ᠪᠣᠢ᠃ ᠬᠡᠷᠪᠡ ᠨᠢᠭᠡ ᠯᠡ ᠭᠡᠷ ᠲᠤ ᠰᠠᠭᠤᠯᠴᠠᠪᠠᠯ | ᠡᠷᠡᠭᠲᠡᠶᠢᠴᠣᠣᠯ ᠨᠢ ᠬᠤᠶᠢᠮᠤᠷ ᠠᠴᠠ ᠪᠠᠷᠠᠭᠤᠨ ᠲᠡᠰᠢ ᠡᠮᠡᠭᠲᠡᠶᠢᠴᠣᠣᠯ ᠨᠢ ᠬᠤᠶᠢᠮᠤᠷ ᠠᠴᠠ ᠵᠡᠭᠦᠨ ᠲᠡᠰᠢ | ᠰᠠᠭᠤᠯᠴᠠᠨᠠ᠃ ᠡᠨᠡ ᠶᠣᠰᠣ ᠨᠢ ᠪᠦᠬᠦᠶᠢᠯᠡ ᠬᠤᠷᠢᠮ ᠳᠤ ᠶᠠᠪᠤᠭᠳᠠᠨᠠ᠃ | ᠰᠦᠨᠢ ᠶᠢᠨ ᠰᠠᠭᠤᠳᠠᠯ ᠨᠢ ᠠᠷᠢᠬᠢ ᠬᠡᠮᠨᠡᠵᠦ ᠰᠦᠩᠴᠢ ᠨᠠᠷ ᠠᠷᠢᠬᠢ ᠪᠠᠷᠢᠵᠤ ᠬᠡᠳᠦ ᠡᠷᠭᠢᠭᠰᠡᠨ ᠤ ᠬᠤᠶᠢᠨᠠ | ᠂ ᠬᠤᠷᠢᠮ ᠤᠨ ᠲᠦᠷᠦᠬᠦᠦ ᠶᠢᠨ ᠤᠷᠢᠯᠭᠠ ᠪᠠᠷ ᠳᠠᠭᠤᠴᠢ ᠨᠠᠷ ︽ᠲᠥᠷᠦ ᠶᠢᠨ ᠳᠠᠭᠤᠤ︾ ᠳᠠᠭᠤᠯᠠᠨᠠ᠃ | ᠣᠯᠠᠨ ᠢᠶᠠᠷ ᠢᠶᠠᠨ ᠳᠥᠷᠢᠯᠭᠡ ᠳᠠᠭᠤᠯᠠᠨᠠ᠃ ᠳᠠᠭᠤᠴᠢ ᠳᠤ ᠬᠤᠷᠢᠮ ᠤᠨ ᠲᠦᠷᠦᠭᠦᠦ ᠨᠢ ᠳᠠᠭᠤᠤ ᠶᠢᠨ ᠱᠠᠩᠨᠠᠯ ᠳᠤ | ᠬᠠᠳᠠᠭ ᠱᠠᠩᠨᠠᠨᠠ᠃ ᠡᠨᠡ ᠶᠣᠰᠣ ᠬᠤᠷᠢᠮ ᠪᠦᠬᠦᠨ ᠳᠤ ᠠᠳᠠᠯᠢ ᠪᠣᠢ᠃ ᠠᠷᠢᠬᠢᠨ ᠰᠦᠩᠴᠢ ᠨᠠᠷ ᠬᠤᠨᠳᠠᠭᠠ | ᠪᠠᠷᠢᠭᠠᠳ ᠮᠦᠷᠭᠦᠭᠦ ᠦᠶᠡ ᠳᠤ ᠬᠤᠷᠢᠮ ᠤᠨ ᠲᠦᠷᠦᠬᠦᠦ ᠪᠣᠶᠣ ᠬᠡᠯᠡᠮᠦᠷᠴᠢ ᠠᠴᠠ ᠶᠣᠰᠣᠨ ᠤ ᠢᠷᠦᠭᠡᠯ ᠲᠠᠯᠪᠢᠨᠠ᠃ | ᠢᠷᠦᠭᠡᠯ ᠨᠢ ᠣᠯᠠᠨ ᠵᠦᠢᠯ ᠤᠨ ᠪᠣᠢ᠃ ᠭᠤᠤᠯᠳᠠᠭᠤ ᠬᠡᠰᠢᠭ ᠬᠤᠳᠤᠭ᠂ ᠦᠯᠵᠡᠢ ᠬᠡᠶᠢᠮᠦᠷᠢ᠂ ᠪᠠᠶᠠᠨ ᠲᠠᠷᠭᠤᠨ ᠢ | ᠪᠡᠯᠭᠡᠳᠡᠬᠦ ᠪᠤᠯᠤᠨᠠ᠃ ᠠᠳᠡ ᠨᠡᠶᠢᠲᠡ ᠮᠣᠩᠭᠤᠯ ᠤᠨ ᠢᠷᠦᠭᠡᠯ ᠠᠴᠠ ᠡᠰᠢ ᠲᠠᠳᠠᠪᠠᠰᠤ᠄ | ᠬᠤᠨᠳᠠᠨ ᠴᠠᠭᠠᠨ ᠬᠤᠨᠢ ᠪᠠᠷ | ᠬᠤᠲᠠ ᠪᠠᠨ ᠳᠦᠭᠦᠷᠭᠡᠵᠦ | ᠬᠤᠯᠠ ᠪᠠᠷᠠᠭᠠᠠ ᠠᠳᠤᠭᠤ ᠪᠠᠷ | ᠲᠠᠯᠠ ᠪᠠᠨ ᠳᠦᠭᠦᠷᠭᠡᠵᠦ | ᠬᠡᠢ ᠰᠢᠷᠠ ᠦᠭᠡᠢ ᠴᠡᠭᠡᠵᠢ ᠲᠤᠩᠭᠠᠯᠠᠭ | ᠬᠡᠯᠡ ᠠᠮᠠ ᠦᠭᠡᠢ ᠰᠡᠳᠬᠢᠯ ᠲᠤᠩᠭᠠᠯᠠᠭ | ᠬᠢᠪᠡᠰᠦ ᠦᠢᠯᠡ ᠴᠢᠨᠢ ᠪᠦᠲᠦᠭᠡᠳ | ᠶᠠᠪᠤᠪᠠᠰᠣ ᠶᠠᠪᠤᠳᠠᠯ ᠴᠢᠨᠢ ᠡᠰᠡᠷᠡᠭ ᠪᠤᠯᠵᠤ | ᠦᠷᠡ ᠬᠡᠦᠬᠡᠳ ᠢᠶᠠᠷ ᠦᠨᠢᠷ | ᠦᠷᠢᠶᠡ ᠳᠠᠭᠠ ᠪᠠᠷ ᠪᠠᠶᠠᠨ | ᠲᠥᠷᠦ ᠣᠯᠣᠰ ᠲᠠᠭᠠᠨ ᠲᠥᠪᠰᠢᠨ ᠬᠡᠮᠡᠭᠳᠡᠵᠦ | ᠲᠦᠮᠡᠨ ᠣᠯᠠᠨ ᠳᠠᠭᠠᠨ ᠲᠤᠮᠤᠭᠠᠳᠠᠨ ᠬᠡᠮᠡᠭᠳᠡᠵᠦ | ᠪᠠᠳᠠᠷᠠᠨ ᠳᠡᠯᠭᠡᠷᠡᠵᠦ ᠶᠠᠪᠤᠲᠤᠭᠠᠢ | ᠭᠡᠬᠦ ᠮᠡᠲᠦ ᠪᠣᠢ᠃ | ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠬᠦᠷᠭᠡᠨ ᠤ ᠲᠠᠯᠠ ᠰᠠᠭᠠᠳᠠᠭ ᠮᠣᠷᠳᠠᠬᠤ᠂ ᠬᠡᠦᠬᠡᠨ ᠤ ᠲᠠᠯᠠ ᠰᠠᠭᠠᠳᠠᠭ ᠣᠭᠲᠤᠬᠤ | ᠮᠡᠲᠦ ᠶᠢᠨ ᠵᠠᠩ ᠦᠢᠯᠡ ᠦᠷᠭᠦᠯᠵᠢᠯᠡᠨᠡ᠃ ᠡᠨᠡ ᠬᠡᠳᠦᠨ ᠶᠠᠪᠤᠴᠠ ᠶᠢ ᠳᠡᠰ ᠳᠠᠷᠠᠭᠠ ᠪᠠᠷ ᠦᠭᠦᠯᠡᠨᠡ᠄ | ︵ᠨᠢᠭᠡ︶ ᠰᠠᠭᠠᠳᠠᠭ ᠮᠣᠷᠳᠠᠬᠤ ︵ᠬᠦᠷᠭᠡᠨ ᠮᠣᠷᠳᠠᠬᠤ︶ | ᠬᠦᠷᠭᠡᠯᠡᠬᠦ ᠬᠦᠦ ᠬᠤᠷᠤᠮᠰᠠᠭᠠ ᠰᠠᠭᠠᠳᠠᠭ ᠠᠭᠰᠠᠵᠤ᠂ ᠪᠡᠯᠭᠡᠲᠦ ᠵᠢᠰᠦᠮ ᠤᠨ ᠰᠠᠶᠢᠨ ᠮᠣᠷᠢ ᠤᠨᠤᠵᠤ᠂ | ᠬᠤᠷᠢᠮ ᠤᠨ ᠲᠦᠷᠦᠭᠦᠦ ᠨᠣᠶᠠᠨ ︵ᠬᠤᠳᠠ ᠲᠡᠷᠢᠭᠦᠯᠡᠨ︶ ᠬᠤᠷᠢᠮ ᠤᠨ ᠮᠡᠳᠡᠭᠡᠴᠢᠨ᠂ ᠬᠦᠷᠭᠡᠨ ᠳᠠᠭᠠᠬᠤ ᠬᠦᠮᠦᠨ᠂ | ᠬᠡᠯᠡᠮᠦᠷᠴᠢ᠂ ᠰᠦᠩᠴᠢ ᠨᠠᠷ ᠳᠠᠭᠠᠯᠳᠣᠵᠣ ᠬᠠᠷᠢᠴᠠᠭᠠ ᠲᠠᠯᠠ ᠶᠢᠨ ᠪᠣᠰᠣᠳ ᠰᠠᠳᠣᠨ ᠲᠥᠷᠦᠯ ᠵᠡᠷᠭᠡ ᠨᠡᠯᠢᠶᠡᠳ | ᠬᠦᠮᠦᠰ ᠳᠠᠭᠠᠯᠴᠠᠵᠤ ᠮᠣᠷᠳᠠᠨᠠ᠃ ᠰᠠᠭᠠᠳᠠᠭ ᠮᠣᠷᠳᠠᠬᠤ ᠴᠠᠭ ᠢ ᠣᠷᠢᠳᠠᠪᠠᠷ ᠲᠤᠭᠲᠠᠭᠰᠠᠨ ᠶᠤᠰᠤᠭᠠᠷ ᠴᠠᠭ᠂ | ᠵᠦᠭ ᠢ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠪᠠᠶᠢᠳᠠᠭ᠃ ᠬᠦᠷᠭᠡᠯᠡᠬᠦ ᠬᠤᠪᠴᠠᠰᠤ ᠪᠣᠯᠪᠠᠰᠣ ᠮᠠᠨᠵᠤ ᠮᠠᠶ᠋ᠢᠭ ᠤᠨ ᠣᠷᠳᠣ ᠲᠡᠷᠯᠢᠭ | ᠂ ᠳᠤᠭᠤᠢ ᠮᠠᠯᠠᠭᠠᠢ᠂ ᠲᠣᠷᠭᠠᠨ ᠰᠠᠴᠤᠭᠲᠤ ᠪᠦᠰᠡ᠂ ᠰᠡᠶᠢᠯᠪᠤᠷᠢᠲᠡᠢ ᠦᠭᠡᠳᠡᠩ ᠭᠤᠲᠤᠯ ᠡᠮᠦᠰᠴᠦ᠂ ᠮᠦᠩᠬᠦᠨ | ᠬᠤᠢ ︵ᠬᠡ︶ ᠲᠠᠢ ᠮᠣᠩᠭᠤᠯ ᠬᠢᠲᠤᠭᠠ᠂ ᠬᠡᠲᠡ ᠵᠡᠭᠦᠵᠦ ᠬᠥᠬᠡ ᠪᠥᠰ ᠢᠶᠠᠷ ᠣᠷᠢᠶᠠᠭᠰᠠᠨ ᠬᠤᠷᠤᠮᠰᠠᠭᠠ ᠠᠭᠰᠠᠨᠠ | ᠃ | ᠬᠦᠲᠦᠯ ᠮᠠᠶᠢᠬᠠᠨ ᠲᠡᠭᠡᠭᠡᠭᠰᠡᠨ ᠬᠦᠰᠬᠡ ᠲᠡᠷᠭᠡ ᠲᠠᠢ ᠮᠣᠷᠳᠠᠨᠠ᠃ ᠰᠠᠭᠠᠳᠠᠭ ᠮᠣᠷᠳᠠᠬᠤ ᠶᠢᠨ ᠡᠮᠦᠨᠡ | ᠮᠣᠷᠳᠠᠭᠤᠯ ᠬᠦᠮᠦᠰ ᠲᠤ ᠬᠦᠷᠭᠡᠨ ᠪᠡᠶᠡ ᠪᠠᠷ ᠢᠶᠠᠨ ᠠᠷᠢᠬᠢ ᠪᠠᠷᠢᠨᠠ᠃ ᠳᠠᠷᠠᠭᠠ ᠨᠢ ᠱᠥᠯᠦ ᠪᠤᠳᠠᠭᠠ ᠣᠷᠤᠳᠠᠭ᠃ | ᠮᠣᠷᠳᠠᠭᠰᠠᠨ ᠤ ᠬᠤᠶᠢᠨᠠ ᠨᠡᠯᠢᠶᠡᠳ ᠮᠣᠷᠢ ᠬᠠᠯᠠᠰᠬᠠᠵᠤ ᠢᠷᠡᠪᠡᠯ ᠬᠦᠨᠡᠰᠦᠨ ᠠᠷᠢᠬᠢ ᠤᠤᠭᠤᠵᠤ ᠳᠦᠷᠦᠭᠡ | ᠴᠢᠩᠭᠠᠷᠠᠭᠤᠯᠤᠨᠠ᠃ ᠭᠡᠦᠬᠡᠨ ᠤ ᠭᠡᠷ ᠲᠤ ᠣᠶᠢᠷᠠᠳᠤᠪᠠᠯ ᠳᠦᠷᠪᠡᠨ ᠮᠣᠷᠢᠲᠠᠨ ᠢ ᠲᠣᠮᠢᠯᠠᠵᠣ ︽ᠮᠡᠨᠳᠦ ᠶᠢᠨ ᠤᠷᠤᠭ︾ | ᠢᠶᠠᠷ ᠣᠷᠢᠳᠠᠪᠠᠷ ᠶᠠᠪᠤᠭᠤᠯᠤᠨᠠ᠃ ᠮᠡᠨᠳᠦ ᠶᠢᠨ ᠤᠷᠤᠭ ᠢ ᠭᠤᠤᠯ ᠦᠷᠦᠭᠡ ᠭᠡᠷ ᠲᠤ ᠣᠷᠤᠭᠤᠯᠵᠤ᠂ ᠠᠮᠤᠷ ᠮᠡᠨᠳᠦ | ᠠᠰᠠᠭᠤᠯᠴᠠᠨᠠ᠃ ᠠᠷᠢᠬᠢ ᠬᠠᠳᠠᠭ ᠢ ᠨᠢ ᠲᠤᠭᠲᠠᠭᠠᠨ ᠠᠪᠴᠤ ᠲᠣᠮᠤ ᠬᠤᠨᠳᠠᠭᠠ ᠪᠠᠷ ᠠᠷᠢᠬᠢ ᠱᠠᠯᠠᠵᠤ ᠳᠠᠶᠢᠯᠠᠭᠠᠳ | ᠪᠠᠶᠢᠬᠤ ᠳᠤ ᠰᠠᠭᠠᠳᠠᠭ ᠬᠦᠷᠴᠦ ᠢᠷᠡᠭᠡᠳ ᠬᠡᠦᠬᠡᠨ ᠤ ᠭᠡᠷ ᠤᠨ ᠡᠭᠦᠳᠡ ᠣᠶᠢᠷᠠᠬᠠᠨ ᠪᠠᠭᠤᠵᠠᠭᠠᠵᠤ᠂ ᠬᠦᠷᠭᠡᠨ ᠤ | ᠲᠠᠯᠠ ᠶᠢᠨ ᠲᠦᠷᠦᠭᠦᠦ ᠬᠢᠭᠡᠳ ᠪᠣᠰᠣᠳ ᠬᠦᠮᠦᠰ ᠤᠷᠤᠭ ᠤᠨ ᠮᠡᠨᠳᠦ ᠳᠤ ᠢᠷᠡᠭᠰᠡᠨ ᠬᠦᠮᠦᠨ ᠢᠶᠠᠨ ᠬᠦᠯᠢᠶᠡᠵᠦ | ᠠᠪᠤᠭᠠᠳ ᠪᠠᠶᠢᠬᠤ ᠳᠤ ᠬᠦᠷᠭᠡᠨ ᠬᠢᠭᠡᠳ ᠬᠦᠷᠭᠡᠨ ᠳᠠᠭᠠᠭᠴᠢ ᠨᠢ ᠮᠣᠷᠢᠨ ᠠᠴᠠ ᠪᠠᠭᠤᠯ ᠦᠭᠡᠢ ᠪᠠᠷ ᠬᠡᠦᠬᠡᠨ ᠤ ᠭᠡᠷ | ᠬᠤᠷᠤᠭᠠ ᠶᠢ ᠵᠦᠪ ᠨᠢᠭᠡ ᠡᠷᠭᠢᠵᠦ ᠠᠪᠤᠭᠠᠳ ᠰᠠᠶ᠋ᠢ ᠪᠠᠭᠤᠨᠠ᠃ ᠰᠠᠭᠠᠳᠠᠭ ᠤᠨ ᠬᠦᠮᠦᠰ ᠬᠤᠷᠢᠮ ᠤᠨ ᠲᠦᠷᠦᠭᠦᠦ | ᠨᠣᠶᠠᠨ ᠨᠢ ᠭᠡᠷ ᠲᠤ ᠣᠷᠣᠭᠰᠠᠨ ᠬᠤᠶᠢᠨᠠ ᠬᠡᠦᠬᠡᠨ ᠤ ᠲᠠᠯᠠ ᠶᠢᠨ ᠲᠦᠷᠦᠭᠦᠦ ᠳᠦᠷᠪᠡᠨ ᠪᠡᠷᠭᠡᠨ ᠬᠦᠷᠭᠡᠨ ᠢ | ᠬᠠᠰᠢᠨᠠ᠃ ᠬᠥᠰᠬᠡ ᠲᠡᠷᠭᠡ ᠨᠢ ᠬᠦᠷᠴᠦ ᠢᠷᠡᠮᠡᠭᠴᠡ ᠬᠡᠦᠬᠡᠨ ᠤ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠨᠢ ᠮᠠᠶᠢᠬᠠᠨ | ᠪᠣᠰᠬᠠᠨᠠ᠃ ︵ᠣ · ᠪᠣᠶ᠋ᠬᠠᠦ᠋ᠯᠵᠡᠢ ᠡᠮᠬᠢᠳᠬᠡᠪᠡ︶ | |