| ᠮᠠᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠡᠷᠳᠡ ᠳᠡᠭᠡᠳᠦ ᠠᠴᠠ ᠪᠠᠨ ᠠᠪᠤᠭᠠᠳ ᠮᠠᠯ ᠳᠡᠵᠢᠭᠡᠨ ᠠᠮᠢᠳᠤᠷᠠᠵᠤ᠂ | ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠡᠷᠬᠢᠮᠯᠡᠵᠦ ᠲᠦᠷᠦᠯ ᠪᠦᠷᠢ ᠶᠢᠨ ᠮᠠᠯ | ᠤᠨ ᠡᠭᠦᠯᠳᠡᠷ ᠤᠭᠰᠠᠭᠠ ᠶᠢ ᠰᠢᠯᠢᠵᠦ ᠰᠤᠩᠭᠤᠨ ᠤᠳᠤᠮ ᠢ ᠠᠩᠬᠠᠷᠤᠨ᠂ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠦᠨ | ᠬᠦᠭᠵᠢᠭᠦᠯᠵᠦ ᠢᠷᠡᠭᠰᠡᠨ ᠪᠦᠭᠡᠳ ᠲᠦᠷᠦᠯ ᠪᠦᠷᠢ ᠶᠢᠨ ᠮᠠᠯ ᠤᠨ ᠤᠷᠤᠭᠠ ᠶᠢᠨ ᠬᠤᠭᠤᠴᠠᠭᠠ᠂ ᠲᠦᠯᠯᠡᠬᠦ | ᠬᠤᠭᠤᠴᠠᠭᠠ ᠶᠢ ᠠᠯᠳᠠᠯ ᠦᠭᠡᠢ ᠤᠷᠢᠳᠴᠢᠯᠠᠨ ᠰᠢᠨᠵᠢᠵᠦ ᠰᠡᠷᠡᠵᠦ ᠮᠡᠳᠡᠳᠡᠭ ᠪᠠᠶᠢᠨᠠ᠃ | ᠨᠢᠭᠡ᠂ ᠤᠷᠤᠭᠠ ᠶᠢᠨ ᠬᠤᠭᠤᠴᠠᠭᠠ᠃ ᠡᠭᠦᠨ ᠳᠤ ᠦᠬᠡᠷ᠂ ᠬᠤᠨᠢ᠂ ᠢᠮᠠᠭᠠ ᠵᠡᠷᠭᠡ ᠭᠤᠷᠪᠠᠨ ᠲᠦᠷᠦᠯ | ᠤᠨ ᠮᠠᠯ ᠳᠠᠷᠭᠤ ᠬᠦᠴᠦ ᠨᠢ ᠰᠠᠶᠢᠨ᠂ ᠤᠷᠴᠢᠨ ᠠᠬᠤᠢ ᠶᠢᠨ ᠠᠭᠤᠷ ᠠᠮᠢᠰᠬᠤᠯ ᠲᠤᠬᠢᠷᠠᠮᠵᠢᠳᠠᠢ ᠦᠶᠡ ᠳᠤ᠂ | ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ᠂ ᠡᠪᠦᠯ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠪᠦᠷ ᠤᠷᠤᠭᠠ ᠤᠷᠤᠨᠠ᠂ ᠬᠡᠭᠡᠯ ᠲᠤᠭᠳᠠᠨᠠ᠃ ᠮᠤᠷᠢ | ᠤᠯᠩᠭᠢ ᠳᠠᠭᠠᠨ ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ ᠤᠨ ᠤᠯᠠᠷᠢᠯ ᠳᠤ ᠤᠷᠤᠭᠠ ᠤᠷᠤᠳᠠᠭ᠃ ᠳᠡᠮᠡᠭᠡ ᠡᠪᠦᠯ ᠤᠨ ᠭᠤᠷᠪᠠ | ᠶᠢᠰᠦ ᠠᠴᠠ ᠬᠤᠶᠢᠰᠢ ᠤᠷᠤᠭᠠ ᠤᠷᠤᠨᠠ᠃ ᠤᠴᠢᠷ ᠨᠢ ᠳᠡᠮᠡᠭᠡ ᠭᠡᠳᠡᠭ ᠠᠮᠢᠳᠠᠨ ᠤ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ | ᠤᠷᠳᠤ᠂ ᠭᠤᠷᠪᠠᠨ ᠵᠢᠯ ᠳᠤ ᠬᠤᠶᠠᠷ ᠤᠳᠠᠭᠠ ᠲᠦᠯᠯᠡᠬᠦ ᠤᠨᠴᠠ ᠲᠦᠷᠦᠯ ᠤᠨ ᠮᠠᠯ ᠶᠤᠮ᠃ ᠪᠤᠤᠷᠠ ᠵᠠᠪᠠᠯ | ᠭᠤᠷᠪᠠ ᠶᠢᠰᠦ ᠳᠤ ᠤᠷᠤᠨᠠ᠃ ᠪᠤᠤᠷᠠ ᠤᠷᠤᠨᠠ ᠭᠡᠳᠡᠭ ᠨᠢ ᠭᠤᠷᠪᠠ ᠶᠢᠰᠦ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠡᠪᠡᠰᠦ | ᠢᠳᠡᠵᠦ ᠤᠰᠤ ᠤᠤᠭᠤᠬᠤ ᠨᠢ ᠪᠠᠭᠠᠰᠴᠤ᠂ ᠪᠡᠶᠡ ᠪᠠᠨ ᠰᠤᠶᠢᠵᠤ᠂ ᠦᠨᠳᠦᠷ ᠬᠦᠵᠦᠭᠦᠦ ᠪᠠᠨ ᠠᠷᠤᠨᠰᠢ ᠪᠠᠨ | ᠬᠠᠨᠳᠠᠷᠴᠤ᠂ ᠳᠠᠰᠢᠶᠠᠨ ᠳᠡᠭᠡᠷᠡ ᠪᠠᠨ ᠠᠴᠢᠵᠤ᠂ ᠰᠡᠭᠦᠯ ᠤᠨ ᠳᠡᠭᠡᠷᠡ ᠪᠠᠨ ᠪᠠᠶᠢᠨ ᠳᠠᠬᠢᠨ ᠪᠠᠭᠠ ᠪᠠᠭᠠ ᠪᠠᠷ | ᠰᠢᠭᠡᠰᠦ ᠠᠯᠳᠠᠵᠤ᠂ ᠰᠢᠭᠡᠰᠦ ᠲᠠᠢ ᠰᠡᠭᠦᠯ ᠢᠶᠠᠷ ᠢᠶᠠᠨ ᠰᠢᠯᠢᠨ ᠬᠦᠵᠦᠭᠦᠦ᠂ ᠲᠤᠬᠤ ᠶᠢᠨ ᠦᠰᠦ ᠪᠠᠨ ᠱᠠᠪᠰᠢᠵᠣ | ᠰᠢᠭᠢᠳᠦᠭᠦᠯᠦᠨ ᠪᠠᠶᠢᠵᠤ᠂ ᠰᠦᠷᠦᠭ ᠲᠠᠢ ᠳᠡᠮᠡᠭᠡ ᠪᠠᠨ ᠬᠤᠮᠢᠨ ᠬᠠᠰᠢᠵᠤ᠂ ᠰᠢᠳᠤ ᠪᠠᠨ ᠵᠠᠵᠢᠭᠢᠨᠠᠭᠤᠯᠤᠨ ᠬᠠᠪᠢᠷᠴᠤ | ᠰᠢᠯᠤᠰᠤ ᠪᠠᠨ ᠰᠠᠪᠢᠷᠠᠭᠤᠯᠤᠨ ᠬᠦᠮᠦᠨ ᠠᠮᠢᠳᠠᠨ ᠳᠤ ᠤᠷᠤᠬᠤ ᠶᠢ ᠪᠤᠤᠷᠠ ᠤᠷᠤᠨᠠ ᠭᠡᠳᠡᠭ᠃ ᠡᠨᠡ ᠬᠤᠭᠤᠴᠠᠭᠠᠨ | ᠳᠤ ᠳᠡᠮᠡᠭᠡᠴᠢᠨ ᠠᠴᠠ ᠪᠤᠰᠤᠳ ᠬᠦᠮᠦᠨ ᠰᠦᠷᠦᠭ ᠲᠤᠨᠢ ᠤᠶᠢᠷᠠᠳᠤᠪᠠᠯ ᠰᠢᠭᠤᠳ ᠬᠦᠵᠦᠭᠦᠦ ᠰᠤᠩᠭᠠᠨ ᠳᠠᠭᠠᠷᠢᠵᠤ | ᠬᠠᠵᠠᠬᠤ᠂ ᠬᠠᠮᠤᠬᠤ᠂ ᠳᠠᠷᠤᠬᠤ ᠵᠡᠷᠭᠡ ᠪᠠᠷ ᠬᠦᠮᠦᠨ ᠠᠮᠢᠳᠠᠨ ᠢ ᠬᠤᠤᠷᠯᠠᠵᠤ ᠬᠦᠨᠦᠭᠡᠳᠡᠭ ᠠᠳᠤᠭᠤᠰᠤ ᠶᠤᠮ᠃ | ᠬᠤᠶᠠᠷ᠂ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠬᠡᠬᠡᠯ ᠤᠨ ᠬᠤᠭᠤᠴᠠᠭᠠ᠃ ᠡᠭᠦᠨ ᠳᠤ ᠦᠬᠡᠷ᠂ ᠬᠡᠭᠡᠯ ᠲᠠᠢ | ᠬᠤᠭᠤᠴᠠᠭᠠ ᠠᠷᠪᠠᠨ ᠰᠠᠷᠠ ᠭᠡᠵᠦ ᠬᠡᠯᠡᠳᠡᠭ᠃ ᠪᠤᠳᠠᠳᠠᠢ ᠲᠦᠯᠯᠡᠬᠦ ᠡᠳᠦᠷ 275 - 285 ᠡᠳᠦᠷ ᠤᠨ ᠳᠤᠳᠤᠷᠠ | ᠲᠦᠯᠯᠡᠨᠡ᠃ ᠤᠨᠴᠠ ᠴᠦᠭᠡᠭᠡᠨ ᠲᠤᠭᠠᠨ ᠤ ᠦᠨᠢᠶᠡ 265 ᠡᠳᠦᠷ ᠪᠤᠯᠬᠤ ᠴᠦ ᠪᠤᠢ᠂ ᠬᠠᠮᠤᠭ ᠤᠳᠠᠭᠠᠨ ᠳᠠᠭᠠᠨ | 300 ᠡᠳᠦᠷ ᠠᠴᠠ ᠳᠠᠪᠠᠭ᠋ᠤ ᠦᠭᠡᠢ᠃ ᠦᠭᠡᠷ ᠤᠨ ᠬᠡᠭᠡᠯᠳᠦᠬᠦ ᠨᠤᠷᠮᠠ 83% ᠭᠡᠵᠦ ᠬᠡᠯᠡᠳᠡᠭ ᠪᠤᠯᠪᠠᠴᠤ | ᠪᠤᠷᠤᠭᠠᠨ ᠤᠰᠤ ᠡᠯᠪᠡᠭ ᠤᠰᠤ ᠪᠡᠯᠴᠢᠭᠡᠷ ᠰᠠᠶᠢᠨ ᠵᠢᠯ 90% ᠬᠡᠭᠡᠯ ᠲᠤᠭᠳᠠᠬᠤ ᠪᠦᠭᠡᠳ ᠡᠶᠢᠮᠦ ᠵᠢᠯ ᠳᠤ ᠪᠢᠷᠠᠭᠤ | ᠪᠠᠰᠠ ᠤᠷᠤᠭᠠ ᠤᠷᠤᠵᠤ ᠬᠡᠭᠡᠯ ᠲᠤᠭᠳᠠᠳᠠᠭ᠃ ᠪᠠᠷᠢᠭᠤ ᠬᠡᠭᠡᠯ ᠲᠤᠭᠳᠠᠭᠠᠳ ᠲᠦᠯᠯᠡᠪᠡᠯ ᠮᠠᠯ ᠤᠨ ᠬᠠᠰᠢᠶᠠ | ᠬᠤᠷᠤᠭᠠ ᠪᠠᠨ ᠶᠡᠬᠡᠳᠭᠡᠨ ᠪᠠᠷᠢᠳᠠᠭ ᠶᠤᠰᠤ ᠴᠡᠭᠡᠷ ᠲᠠᠢ᠃ | ᠠᠳᠤᠭᠤᠨ ᠤ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠠᠷᠪᠠᠨ ᠨᠢᠭᠡ ᠰᠠᠷᠠ ᠭᠡᠵᠦ ᠬᠡᠯᠡᠳᠡᠭ ᠪᠤᠯᠪᠠᠴᠤ ᠲᠦᠯᠯᠡᠬᠦ ᠡᠳᠦᠷ ᠨᠢ | 290 - 320 ᠡᠳᠦᠷ ᠲᠤ ᠲᠦᠯᠯᠡᠵᠦ ᠪᠠᠷᠠᠨᠠ᠃ ᠭᠡᠭᠦᠦ ᠶᠢᠨ ᠬᠡᠭᠡᠯᠳᠦᠬᠦ ᠨᠤᠷᠮᠠ ᠬᠤᠷᠠ ᠪᠤᠷᠤᠭᠠᠨ ᠰᠠᠶᠢᠨ ᠵᠢᠯ | 90% ᠳᠤ ᠬᠦᠷᠬᠦ ᠪᠦᠭᠡᠳ ᠴᠦᠭᠡᠨ ᠲᠤᠭᠠᠨ ᠤ ᠳᠠᠭᠠ ᠤᠷᠤᠭᠠ ᠤᠷᠤᠵᠤ ᠬᠡᠭᠡᠯ ᠲᠤᠭᠳᠠᠵᠤ ᠲᠦᠯᠯᠡᠳᠡᠭ ᠶᠤᠮ᠃ | | ᠳᠡᠮᠡᠭᠡ ᠶᠢᠨ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠠᠷᠪᠠᠨ ᠲᠦᠷᠪᠡᠨ ᠰᠠᠷᠠ ᠬᠡᠵᠦ ᠬᠡᠯᠡᠳᠡᠭ᠃ ᠳᠡᠮᠡᠭᠡ ᠭᠡᠳᠡᠭ ᠠᠮᠢᠳᠠᠨ | ᠭᠤᠷᠪᠠ ᠶᠢᠰᠦ ᠶᠢᠨ ᠭᠦᠢᠳᠡᠨ ᠳᠤ ᠤᠷᠤᠭᠠ ᠤᠷᠤᠬᠤ ᠲᠤᠯᠠ ᠭᠤᠤᠯ ᠬᠡᠭᠡᠯ ᠲᠤᠭᠳᠠᠬᠤ ᠬᠤᠭᠤᠴᠠᠭᠠ ᠨᠢ ᠠᠷᠪᠠᠨ | ᠬᠤᠶᠠᠷ ᠰᠠᠷᠠ ᠠᠴᠠ ᠴᠠᠭᠠᠨ ᠰᠠᠷᠠ ᠳᠤ ᠬᠡᠭᠡᠯ ᠲᠤᠭᠳᠠᠨᠠ᠃ 380 -420 ᠡᠳᠦᠷ ᠤᠨ ᠳᠤᠳᠤᠷᠠ ᠲᠦᠯᠯᠡᠵᠦ | ᠪᠠᠷᠠᠨᠠ᠃ ᠬᠤᠨᠢᠨ ᠤ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠵᠢᠷᠭᠤᠭᠠᠨ ᠰᠠᠷᠠ ᠭᠡᠵᠦ ᠬᠡᠯᠡᠳᠡᠭ᠃ ᠭᠡᠪᠡᠴᠦ ᠪᠤᠳᠠᠳᠠᠢ ᠲᠦᠯᠯᠡᠬᠦ | ᠡᠳᠦᠷ ᠨᠢ ᠢᠮᠠᠭᠠ ᠲᠠᠢ ᠳᠡᠮᠡᠢ ᠵᠦᠷᠢᠶᠡ ᠦᠭᠡᠢ᠂ 150 ᠡᠳᠦᠷ ᠠᠴᠠ ᠡᠬᠢᠯᠡᠵᠦ ᠲᠦᠯᠯᠡᠨᠡ᠃ ᠬᠡᠭᠡᠯ ᠲᠤᠭᠳᠠᠬᠤ | ᠨᠤᠷᠮᠠ 100% ᠳᠤ ᠬᠦᠷᠬᠦ ᠪᠦᠭᠡᠳ ᠴᠦᠭᠡᠨ ᠲᠤᠭᠠᠨ ᠤ ᠢᠬᠢᠷᠡᠯᠡᠳᠡᠭ᠃ ᠪᠠᠰᠠ ᠦᠬᠢᠨ ᠬᠤᠷᠠᠭᠠ ᠬᠡᠭᠡᠯ | ᠲᠤᠭᠳᠠᠵᠤ ᠲᠤᠰ ᠵᠢᠯ ᠳᠡᠭᠡᠨ ᠲᠦᠯᠯᠡᠳᠡᠭ ᠤᠴᠢᠷ ᠭᠠᠷᠳᠠᠭ᠃ ᠡᠶᠢᠮᠦ ᠠᠴᠠ ᠵᠠᠭᠤᠨ ᠡᠬᠡ ᠠᠴᠠ ᠵᠠᠭᠤ ᠢᠯᠡᠭᠦᠦ | ᠲᠦᠯ ᠲᠤᠰᠳᠠᠭ᠃ ᠢᠮᠠᠭᠠ ᠶᠢᠨ ᠬᠡᠭᠡᠯ ᠤᠨ ᠬᠤᠭᠤᠴᠠᠭᠠ ᠳᠠᠪᠤᠨ ᠰᠠᠷᠠ᠂ 150 ᠡᠳᠦᠷ ᠠᠴᠠ ᠡᠬᠢᠯᠡᠵᠦ | ᠲᠦᠯᠯᠡᠨᠡ᠃ ᠬᠡᠭᠡᠯ ᠲᠤᠭᠳᠠᠬᠤ ᠨᠤᠷᠮᠠ 100% ᠳᠤ ᠬᠦᠷᠬᠦ ᠪᠦᠭᠡᠳ ᠮᠢᠬᠠ ᠳᠠᠷᠭᠤ ᠰᠠᠶᠢᠨ ᠵᠢᠯ ᠳᠤ ᠬᠤᠶᠠᠷ | ᠤᠳᠠᠭᠠ ᠲᠦᠯᠯᠡᠬᠦ ᠪᠦᠭᠡᠳ ᠢᠮᠠᠭᠠ ᠶᠢᠨ ᠢᠬᠢᠷᠡᠯᠡᠬᠦ ᠨᠤᠷᠮᠠ ᠦᠨᠳᠦᠷ ᠪᠦᠭᠡᠳ ᠲᠤᠰ ᠵᠢᠯ ᠤᠨ ᠦᠬᠢᠨ ᠢᠰᠢᠭᠡ | ᠤᠷᠤᠭᠠ ᠤᠷᠤᠵᠤ ᠬᠡᠭᠡᠯ ᠲᠤᠭᠳᠠᠳᠠᠭ᠃ ᠡᠶᠢᠮᠦ ᠠᠴᠠ ᠶᠠᠭᠠᠷᠠᠭᠰᠠᠨ ᠬᠦᠮᠦᠨ ᠢᠮᠠᠭᠠ ᠲᠡᠵᠢᠭᠡ ᠭᠡᠵᠦ ᠬᠡᠯᠡᠳᠡᠭ᠃ | ᠵᠠᠷᠢᠮ ᠵᠢᠯ ᠳᠤ ᠴᠦᠬᠡᠨ ᠲᠤᠭᠠᠨ ᠤ ᠢᠮᠠᠭᠠ ᠭᠤᠷᠪᠠ ᠢᠬᠢᠷᠡᠯᠡᠬᠦ ᠭᠠᠷᠤᠨᠠ᠃ ᠬᠡᠷᠪᠡ ᠭᠤᠷᠪᠠ ᠢᠬᠢᠷᠡᠯᠡᠬᠦ ᠳᠤ | ᠬᠦᠷᠪᠡᠯ ᠬᠡᠦᠬᠡᠳ ᠤᠷᠤᠯᠳᠤᠭᠤᠯᠵᠤ ᠤᠷᠢᠳᠤᠭᠰᠠᠨ ᠬᠡᠦᠬᠡᠳ ᠲᠤ ᠨᠢᠭᠡ ᠢᠰᠢᠭᠡ ᠶᠢ ᠱᠠᠩᠨᠠᠳᠠᠭ ᠶᠤᠰᠤ ᠵᠠᠩᠰᠢᠯ | ᠲᠠᠢ᠃ | ᠭᠤᠷᠪᠠ᠂ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠦᠷᠡᠰ ᠮᠠᠯ ᠢ ᠰᠤᠩᠭᠤᠬᠤ ᠳᠠᠭᠠᠨ ᠦᠩᠭᠡ ᠵᠢᠰᠦᠮ᠂ ᠪᠡᠶᠡ ᠪᠢᠯᠳᠠᠷ | ᠂ ᠤᠳᠤᠮ ᠤᠭᠰᠠᠭᠠ ᠶᠢ ᠢᠯᠭᠠᠨ ᠰᠢᠨᠵᠢᠯᠡᠵᠦ ᠰᠤᠩᠭᠤᠨ ᠳᠠᠯᠪᠢᠳᠠᠭ᠃ ᠡᠭᠦᠨ ᠳᠤ ᠪᠤᠬᠠ ᠳᠠᠯᠪᠢᠬᠤ ᠳᠠᠭᠠᠨ | ᠵᠢᠰᠦᠮ ᠢ ᠰᠤᠩᠭᠤᠨᠠ᠂ ᠬᠠᠷᠠ᠂ ᠬᠦᠷᠡᠩ᠂ ᠤᠯᠠᠭᠠᠨ᠂ ᠬᠦᠭᠡ ᠵᠡᠷᠭᠡ ᠳᠠᠩ ᠵᠢᠰᠦᠮ ᠤᠨ ᠪᠢᠷᠠᠭᠤ ᠶᠢ | ᠦᠯᠡᠳᠡᠭᠡᠳᠡᠭ᠃ ᠪᠡᠶᠡ ᠶᠢ ᠰᠤᠩᠭᠤᠨᠠ᠂ ᠬᠦᠵᠦᠭᠦᠦ ᠲᠤᠯᠤᠭᠠᠢ ᠪᠦᠳᠦᠭᠦᠨ᠂ ᠨᠢᠷᠤᠭᠤ ᠨᠤᠭᠤᠰᠤ ᠤᠷᠳᠤ᠂ | ᠳᠠᠰᠢᠶᠠ ᠲᠦᠷᠪᠡᠯᠵᠢᠨ᠂ ᠰᠡᠭᠦᠯ ᠦᠨᠳᠦᠷ ᠤᠳᠤᠮ ᠢ ᠰᠤᠩᠭᠤᠨᠠ᠃ ᠵᠢᠯ ᠵᠢᠯ ᠲᠦᠯᠯᠡᠳᠡᠭ᠂ ᠰᠦ ᠰᠢᠮᠡ ᠰᠠᠶᠢᠨ | ᠦᠨᠢᠶᠡᠨ ᠤ ᠲᠦᠯ ᠢ ᠰᠤᠩᠭᠤᠨᠠ᠃ ᠡᠭᠦᠨ ᠳᠤ᠂ ᠬᠠᠷᠠ᠂ ᠬᠡᠭᠡᠷ᠂ ᠬᠦᠷᠡᠩ᠂ ᠵᠡᠭᠡᠷᠳᠡ᠂ ᠬᠤᠸᠠ ᠵᠢᠰᠦᠮ ᠢ | ᠭᠤᠤᠯᠳᠠᠭᠤ ᠰᠤᠩᠭᠤᠨᠠ᠃ ᠪᠡᠶᠡ ᠶᠠᠩᠵᠤ ᠶᠢ ᠰᠤᠩᠭᠤᠨᠠ᠂ ᠡᠭᠦᠨ ᠳᠤ ᠳᠤᠯᠤᠭᠠᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ ᠦᠷᠢᠶᠡ | ᠶᠢ ᠰᠤᠩᠭᠤᠨᠠ᠃ ᠰᠢᠬᠢ ᠰᠤᠷᠭᠤᠭ᠂ ᠨᠢᠳᠦ ᠭᠡᠷᠡᠯ ᠲᠠᠢ᠂ ᠮᠠᠩᠨᠠᠢ ᠦᠷᠭᠡᠨ᠂ ᠬᠠᠮᠠᠷ ᠤᠨ ᠨᠦᠬᠡ ᠪᠦᠳᠦᠭᠦᠨ᠂ | ᠤᠮᠤᠷᠤ ᠤᠨᠵᠢᠭᠠᠷ᠂ ᠳᠠᠰᠢᠶᠠ ᠲᠦᠷᠪᠡᠯᠵᠢᠨ᠂ ᠲᠤᠭᠤᠷᠠᠢ ᠴᠤᠮᠪᠤᠭ᠂ ᠡᠳᠡᠭᠡᠷ ᠲᠤᠯᠤᠭᠠᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ | ᠦᠷᠢᠶᠡ ᠶᠢ ᠰᠤᠩᠭᠤᠵᠤ ᠠᠵᠢᠷᠭᠠ ᠪᠠᠷ ᠦᠯᠡᠳᠡᠭᠡᠳᠡᠭ᠃ ᠪᠤᠤᠷᠠ ᠶᠢ ᠰᠤᠩᠭᠤᠬᠤ ᠳᠠᠭᠠᠨ ᠪᠡᠶᠡ ᠪᠤᠵᠠᠭᠠᠢ᠂ ᠦᠰᠦ | ᠨᠤᠤᠰᠤ ᠵᠤᠵᠠᠭᠠᠨ ᠳᠡᠮᠡᠭᠡ ᠶᠢ ᠰᠤᠩᠭᠤᠨᠠ᠃ ᠵᠢᠰᠦᠮ ᠤᠨ ᠳᠠᠯᠠ ᠪᠠᠷ ᠤᠯᠠᠭᠠᠨ᠂ ᠬᠦᠷᠡᠩ᠂ ᠬᠤᠸᠠ ᠵᠢᠰᠦᠮ ᠢ | ᠰᠤᠩᠭᠤᠨᠠ᠃ ᠬᠤᠴᠠ ᠳᠠᠯᠪᠢᠬᠤ ᠳᠠᠭᠠᠨ ᠪᠡᠶᠡ ᠪᠦᠳᠦᠭᠦᠨ᠂ ᠨᠤᠤᠰᠤ ᠤᠷᠳᠤ᠂ ᠰᠡᠭᠦᠯ ᠪᠤᠵᠠᠭᠠᠢ᠂ ᠡᠪᠡᠷ ᠲᠠᠢ | ᠬᠤᠷᠠᠭᠠ ᠶᠢ ᠰᠤᠩᠭᠤᠨᠠ᠃ ᠵᠢᠰᠦᠮ ᠤᠨ ᠳᠠᠯᠠ ᠪᠠᠷ ᠮᠠᠩᠬᠠᠨ ᠴᠠᠭᠠᠨ᠂ ᠬᠠᠷᠠ ᠬᠠᠯᠵᠠᠨ᠂ ᠬᠠᠷᠠ ᠬᠤᠩᠰᠢᠶᠠᠷ | ᠲᠠᠢ ᠬᠤᠷᠠᠭᠠ ᠶᠢ ᠰᠤᠩᠭᠤᠳᠠᠭ᠃ ᠤᠳᠤᠮ ᠤᠨ ᠳᠠᠯᠠ ᠪᠠᠷ ᠰᠦ ᠰᠠᠶᠢᠳᠠᠢ᠂ ᠲᠦᠯ ᠲᠡᠭᠡᠨ ᠰᠠᠶᠢᠨ᠂ ᠤᠯᠠᠨ | ᠤᠳᠠᠭᠠ ᠢᠬᠢᠷᠡᠯᠡᠳᠡᠭ ᠬᠤᠨᠢᠨ ᠤ ᠬᠤᠷᠠᠭᠠ ᠶᠢ ᠰᠤᠩᠭᠤᠵᠤ ᠬᠤᠴᠠ ᠳᠠᠯᠪᠢᠨᠠ᠃ ᠤᠬᠤᠨᠠ ᠳᠠᠯᠪᠢᠬᠤ ᠳᠠᠭᠠᠨ | ᠪᠡᠶᠡ ᠪᠤᠵᠠᠭᠠᠢ᠂ ᠪᠡᠶᠡ ᠪᠦᠳᠦᠭᠦᠨ ᠪᠦᠭᠡᠳ ᠳᠠᠯᠪᠠᠭᠠᠢ᠂ ᠭᠠᠨᠵᠤᠭᠠ ᠦᠰᠦ ᠲᠠᠢ᠂ ᠨᠤᠤᠰᠤ ᠵᠤᠵᠠᠭᠠᠨ ᠢᠰᠢᠭᠡ ᠶᠢ | ᠰᠤᠩᠭᠤᠨᠠ᠃ ᠵᠢᠰᠦᠮ ᠤᠨ ᠳᠠᠯᠠ ᠪᠠᠷ ᠳᠡᠮᠳᠡᠭ ᠦᠭᠡᠢ ᠴᠠᠭᠠᠨ᠂ ᠢᠬᠢᠷᠡᠯᠡᠳᠡᠭ ᠤᠳᠤᠮ ᠲᠠᠢ ᠢᠮᠠᠭᠠᠨ ᠤ ᠢᠰᠢᠭᠡ | ᠶᠢ ᠰᠤᠩᠭᠤᠵᠤ ᠤᠬᠤᠨᠠ ᠳᠠᠯᠪᠢᠨᠠ᠃ ᠠᠩᠬᠠᠷᠬᠤ ᠨᠢ ᠬᠦᠭᠡ᠂ ᠬᠠᠷᠠ᠂ ᠪᠤᠭᠤᠷᠤᠯ ᠵᠢᠰᠦᠮ ᠢ ᠳᠠᠰᠤ ᠴᠡᠭᠡᠷᠯᠡᠳᠡᠭ | ᠤᠷᠤᠭ ᠰᠠᠭᠠᠷᠠᠯ ᠢᠶᠠᠷ ᠤᠬᠤᠨᠠ ᠪᠤᠤ ᠳᠠᠯᠪᠢ᠂ ᠤᠷᠤᠭᠤᠯ ᠴᠠᠭᠠᠴᠢᠨ ᠢᠶᠠᠷ ᠮᠡᠳᠡᠭᠡᠴᠢᠨ ᠪᠤᠤ ᠳᠠᠯᠪᠢ ᠭᠡᠵᠦ | ᠬᠡᠯᠡᠳᠡᠭ᠃ | | ᠡᠪᠴᠢᠭᠦᠴᠢᠨ · ᠳᠣᠨᠤᠷᠤᠪ ᠤᠨ ︽ᠠᠷᠣ ᠬᠤᠷᠴᠢᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ︾ ᠭᠡᠬᠦ | ᠨᠣᠮ ᠠᠴᠠ ᠰᠤᠩᠭᠤᠪᠠ |