| ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠬᠠᠨᠰᠦ᠋ᠮᠡ ᠰᠤᠮᠤ ᠶᠢᠨ ᠤᠷᠢᠳᠤᠬᠦ᠋ᠪ ᠭᠠᠴᠠᠭᠠᠨ ᠤ ᠬᠦᠪ ᠲᠤᠭᠤᠶᠢᠯᠠᠩ | ᠳᠤ ᠮᠠᠩᠬᠠ ᠵᠤᠤ ᠪᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠨᠠᠭᠤᠷ ᠪᠦᠷᠢᠳᠦ ᠲᠠᠢ᠂ ᠵᠡᠭᠡᠰᠤ ᠬᠤᠯᠤᠰᠤ ᠲᠠᠢ ᠲᠡᠭᠰᠢ ᠰᠠᠶᠢᠬᠠᠨ ᠲᠠᠯᠠ | ᠭᠠᠵᠠᠷ ᠪᠠᠶᠢᠳᠠᠭ ᠢ ︽ᠬᠦᠪ ᠤᠨ ᠲᠠᠯᠠ︾ ᠭᠡᠵᠤ ᠨᠡᠷᠡᠶᠢᠳᠦᠳᠡᠭ ᠶᠤᠮ᠃ | ᠡᠨᠡ ᠬᠦ ᠲᠦᠮᠡ ᠢᠯᠡᠭᠦᠤ ᠮᠤ᠋ ᠶᠢᠨ ᠠᠭᠤᠳᠠᠮ ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠵᠡᠭᠦᠨ ᠬᠦᠪᠡᠭᠡ ᠨᠢ ᠡᠯᠡᠰᠤ ᠮᠠᠩᠬᠠ | ᠪᠠᠷ ᠬᠦᠷᠢᠶᠡᠯᠡᠭᠳᠡᠵᠤ᠂ ᠡᠯᠡᠰᠤ ᠮᠠᠩᠬᠠᠨ ᠳᠤᠨᠢ ᠪᠤᠷᠭᠠᠰᠤ᠂ ᠠᠯᠳᠠᠭᠠᠨᠠ ᠢᠭᠴᠤᠷᠠᠨ ᠤᠷᠭᠤᠵᠤ᠂ ᠨᠠᠭᠤᠷ ᠱᠠᠩᠳᠠ | ᠳᠤᠨᠢ ᠨᠤᠭᠤᠰᠤ ᠭᠠᠯᠠᠭᠤ ᠵᠡᠷᠭᠡ ᠤᠰᠤᠨ ᠤ ᠰᠢᠪᠠᠭᠤ ᠵᠤᠨᠵᠢᠵᠤ᠂ ᠨᠤᠭᠤᠭᠠᠨ ᠲᠠᠯᠠ ᠶᠢᠨ ᠦᠷᠦᠴᠡᠨ ᠳᠤ ᠵᠠᠭᠤᠨ | ᠵᠦᠢᠯ ᠤᠨ ᠡᠪᠡᠰᠤ ᠤᠷᠭᠤᠮᠠᠯ ᠴᠡᠴᠡᠭ ᠨᠠᠪᠴᠢ ᠦᠩᠭᠡ ᠢᠯᠭᠠᠷᠠᠨ ᠮᠢᠷᠠᠯᠵᠠᠵᠤ᠂ ᠨᠠᠮᠤᠷ ᠴᠠᠭ ᠲᠤ ᠠᠯᠳᠠᠨ ᠰᠢᠷᠭᠠᠯ | ᠦᠩᠭᠡ ᠪᠠᠷ ᠬᠠᠯᠢᠭᠤᠷᠠᠵᠤ᠂ ᠵᠠᠷᠠᠭᠠ ᠮᠦᠭᠡᠷᠴᠤ ᠬᠠᠷᠢᠶᠠᠴᠠᠢ ᠪᠤᠴᠠᠨ᠂ ᠬᠦᠪ ᠤᠨ ᠮᠠᠯᠴᠢᠳ ᠡᠪᠡᠰᠤᠨ ᠳᠤ ᠪᠠᠨ | ᠭᠠᠷᠳᠠᠭ ᠭᠤᠶᠤᠮᠰᠤᠭ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠲᠠᠢ᠃ ᠬᠦᠪ ᠤᠨ ᠲᠠᠯᠠ ᠶᠢᠨ ᠪᠠᠷᠠᠭᠤᠨ ᠬᠦᠪᠡᠭᠡ ᠪᠠᠷ | ᠨᠢ ᠴᠢᠪᠠᠭᠠ — ᠪᠠᠶ᠋ᠬᠠᠦ᠋ᠨᠳᠤᠷ ᠵᠠᠰᠠᠮᠠᠯ ᠢᠶᠠᠷ ᠨᠡᠶᠢᠳᠡ ᠶᠢᠨ ᠮᠠᠰᠢᠨ ᠲᠠᠪᠬᠢᠵᠤ᠂ ᠬᠦᠮᠤᠰ ᠤᠨ ᠰᠡᠳᠬᠢᠯ ᠢ | ᠪᠠᠶᠠᠰᠬᠠᠮᠠ ᠰᠠᠶᠢᠬᠠᠨ ᠨᠤᠲᠤᠭ ᠶᠤᠮ᠃ ᠤᠳᠤ ᠪᠢ ᠡᠨᠡ ᠨᠤᠲᠤᠭ ᠤᠨ ᠦᠯᠢᠭᠡᠷ ᠲᠡᠤᠬᠡ ᠲᠠᠢ ᠭᠤᠷᠪᠠᠨ ᠮᠤᠳᠤ | ᠶᠢᠨ ᠲᠤᠬᠠᠢ ᠶᠠᠷᠢᠶᠠ᠃ | ᠮᠤᠳᠤᠳᠤ ᠬᠤᠸᠠ ᠶᠢᠨ ᠮᠤᠳᠤ | ᠬᠦᠪ ᠤᠨ ᠲᠠᠯᠠ ᠶᠢᠨ ᠪᠠᠷᠠᠭᠤᠨ ᠬᠦᠪᠡᠭᠡ ᠪᠠᠷ ᠭᠠᠷᠤᠭᠰᠠᠨ ᠵᠠᠰᠠᠮᠠᠯ ᠵᠠᠮ ᠤᠨ ᠪᠠᠷᠠᠭᠤᠨ ᠳᠤ ᠪᠠᠶᠢᠭᠠ | ᠬᠤᠸᠠ ᠶᠢ ᠮᠤᠷᠢᠳᠤ ᠬᠤᠸᠠ ᠭᠡᠳᠡᠭ ᠪᠦᠭᠡᠳ ᠲᠡᠭᠦᠨ ᠠᠴᠠ ᠦᠷᠭᠦᠯᠵᠢᠯᠡᠭᠰᠡᠨ ᠲᠤᠮᠤᠬᠠᠨ ᠰᠢᠭ᠋ ᠬᠤᠸᠠ ᠶᠢ | ᠮᠤᠳᠤᠳᠤ ᠬᠤᠸᠠ ᠭᠡᠳᠡᠭ᠃ ᠡᠨᠡ ᠬᠦ ᠮᠤᠳᠤᠳᠤ ᠬᠤᠸᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠬᠤᠶᠠᠷ ᠰᠠᠭᠤᠷᠢ ᠠᠪᠤᠷᠭᠤ ᠲᠤᠮᠤ | ᠬᠠᠶᠢᠯᠠᠰᠤᠨ ᠮᠤᠳᠤ ᠪᠠᠶᠢᠬᠤ ᠪᠦᠭᠡᠳ ᠲᠤᠰ ᠮᠤᠳᠤ ᠶᠢ ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠰᠦᠭᠡᠭ ᠪᠤᠳᠤ ᠮᠡᠳᠤ | ᠦᠵᠡᠭᠳᠡᠪᠡᠴᠤ ᠬᠠᠵᠠᠭᠤ ᠳᠤᠨᠢ ᠤᠴᠢᠭᠠᠳ ᠦᠵᠡᠪᠡᠯ ᠨᠢᠭᠡ ᠤᠭ ᠠᠴᠠ ᠤᠷᠭᠤᠭᠰᠠᠨ ᠲᠡᠪᠡᠷᠢ ᠢᠯᠡᠭᠦᠤ ᠪᠦᠳᠦᠭᠦᠨ | ᠬᠤᠶᠠᠷ ᠮᠤᠳᠤ ᠪᠠᠶᠢᠵᠤ᠂ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠵᠠᠭᠤᠨ ᠵᠢᠯ ᠤᠨ ᠤᠷᠳᠤ ᠤᠳᠠᠭᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠤ | ᠰᠠᠯᠬᠢ ᠰᠢᠭᠤᠷᠭᠠ᠂ ᠪᠤᠷᠤᠭᠠᠨ ᠴᠠᠰᠤ᠂ ᠭᠠᠩ ᠬᠠᠭᠰᠠᠷᠭᠠᠨ ᠢ ᠦᠩᠭᠡᠷᠡᠭᠡᠵᠤ᠂ ᠤᠯᠠᠨ ᠦᠶᠡ ᠶᠢᠨ ᠬᠦᠮᠤᠰ ᠤᠨ | ᠨᠠᠰᠤ ᠶᠢ ᠡᠯᠡᠭᠡᠵᠤ᠂ ᠦᠰᠦ ᠶᠢ ᠴᠠᠶᠢᠯᠠᠭᠠᠭᠰᠠᠨ ᠨᠢ ᠢᠯᠡᠷᠭᠡᠢ ᠠᠵᠤᠭᠤ᠃ ᠡᠨᠡ ᠮᠤᠳᠤ ᠶᠠᠮᠠᠷᠴᠤ ᠭᠠᠩ | ᠬᠠᠭᠰᠠᠷᠭᠠᠨ ᠲᠠᠢ ᠵᠢᠯ ᠨᠠᠪᠴᠢᠯᠠᠵᠤ ᠨᠠᠬᠢᠶᠠᠯᠠᠬᠤ ᠪᠠᠨ ᠶᠡᠷᠤ ᠵᠤᠭᠰᠤᠭᠰᠠᠨ ᠦᠭᠡᠢ ᠴᠠᠭᠯᠠᠰᠢ ᠦᠭᠡᠢ ᠠᠮᠢᠵᠢᠷᠠᠯ ᠤᠨ | ᠬᠦᠴᠦᠨ ᠲᠠᠢ᠂ ᠨᠤᠲᠤᠭ ᠤᠰᠤᠨ ᠳᠤ ᠪᠠᠨ ᠰᠦᠷ ᠵᠢᠪᠬᠤᠭᠠ ᠨᠡᠮᠡᠷᠢᠯᠡᠭᠰᠡᠭᠡᠷ ᠤᠳᠤ ᠪᠤᠯᠳᠠᠯᠠ ᠰᠦᠭᠯᠦᠶᠢᠨ | ᠤᠷᠭᠤᠭᠰᠠᠭᠠᠷ᠃ ᠨᠡᠩ ᠭᠠᠶᠢᠬᠠᠭᠤᠰᠢᠳᠠᠢ ᠨᠢ ᠭᠡᠪᠡᠯ ᠲᠤᠰ ᠮᠤᠳᠤ ᠨᠢ ᠠᠯᠢ ᠡᠷᠳᠡ ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ | ᠦᠶᠡ ᠳᠤ ᠬᠦᠪ ᠤᠨ ᠲᠠᠯᠠ ᠳᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ ᠪᠡᠶᠢᠯᠡ ᠨᠤᠶᠠᠨ ᠲᠤᠰ ᠬᠤᠸᠠ ᠶᠢᠨ ᠤᠷᠤᠢ ᠳᠤ ᠤᠪᠤᠭᠠ | ᠪᠤᠰᠬᠠᠬᠤ ᠳᠤ ᠤᠪᠤᠭᠠᠨ ᠴᠢᠯᠠᠭᠤᠨ ᠤ ᠲᠤᠳᠤᠷᠠ ᠠᠴᠠ ᠤᠷᠭᠤᠵᠤ ᠭᠠᠷᠤᠭᠰᠠᠨ ᠳᠤ ᠨᠢ ᠪᠠᠶᠢᠭᠠ ᠶᠤᠮ᠃ | ᠬᠦᠢᠰᠤ ᠶᠢᠨ ᠮᠤᠳᠤ | ᠬᠦᠪ ᠤᠨ ᠲᠠᠯᠠ ᠶᠢᠨ ᠲᠤᠮᠳᠠ ᠵᠡᠭᠦᠨ ᠬᠦᠪᠡᠭᠡ ᠠᠶᠠᠳᠠᠭᠤ ᠵᠢᠷᠠ ᠠᠴᠠ ᠲᠠᠯᠠᠨ ᠮᠤ᠋ ᠶᠢᠨ ᠬᠡᠪᠴᠢᠶᠡᠨ ᠳᠤ | ᠪᠠᠭᠰᠢᠷᠠᠨ ᠤᠷᠭᠤᠭᠰᠠᠨ ᠠᠪᠤᠷᠭᠤ ᠬᠠᠶᠢᠯᠠᠰᠤᠨ ᠰᠢᠭᠤᠢ ᠶᠢ ᠬᠦᠢᠰᠤ ᠶᠢᠨ ᠮᠤᠳᠤ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠡᠨᠡ ᠬᠦ | ᠬᠦᠰᠤ ᠶᠢᠨ ᠮᠤᠳᠤ ᠢᠭᠴᠤ ᠰᠠᠬᠤᠯᠠᠭ ᠮᠦᠷᠲᠡᠭᠡᠨ ᠮᠤᠳᠤ ᠪᠦᠷᠢ ᠨᠢ ᠪᠠᠷᠤᠭ ᠲᠡᠪᠡᠷᠢ ᠠᠴᠠ ᠲᠡᠭᠡᠭᠰᠢ ᠪᠦᠳᠦᠭᠦᠨ | ᠪᠦᠭᠡᠳ ᠰᠠᠯᠠᠭᠠ ᠨᠠᠮᠠᠭᠠ ᠳᠤᠨᠢ ᠵᠦᠢᠯ ᠤᠨ ᠰᠢᠪᠠᠭᠤᠳ ᠡᠭᠦᠷᠯᠡᠵᠤ ᠰᠦᠷᠯᠢᠭ ᠰᠠᠶᠢᠬᠠᠨ ᠬᠠᠷᠠᠭᠳᠠᠳᠠᠭ ᠶᠤᠮ᠃ | ᠠᠷᠤ ᠬᠤᠷᠴᠢᠨ ᠤ ᠲᠤᠯᠤᠳᠤᠭᠠᠷ ᠦᠶᠡ ᠶᠢᠨ ᠵᠠᠰᠠᠭ ᠪᠡᠶᠢᠯᠡ ᠲᠠᠭᠳᠠᠨᠸᠠᠩᠴᠤᠭ ᠨᠤᠶᠠᠨ ᠨᠢᠭᠡ ᠮᠢᠩᠭᠠ | ᠲᠤᠯᠤᠭᠠᠨ ᠵᠠᠭᠤ ᠲᠠᠯᠠᠭᠠᠳ ᠤᠨ ᠤ ᠦᠶᠡ ᠪᠠᠷ ᠠᠷᠤ ᠬᠤᠷᠴᠢᠨ ᠤ ᠶᠡᠭᠡ ᠬᠠᠨ ᠬᠠᠶᠢᠷᠬᠠᠨ ︵ᠭᠤᠭᠤᠰᠤᠳᠠᠢ ᠬᠠᠨ | ᠠᠭᠤᠯᠠ︶ ᠶᠢ ᠲᠠᠬᠢᠬᠤ ᠪᠠᠷ ᠨᠤᠶᠠᠨ ᠰᠦᠮᠡ ᠶᠢᠨ ᠵᠡᠭᠦᠨ ᠳᠤ ᠪᠠᠶᠢᠭᠠ ᠨᠤᠶᠠᠨ ᠤ ᠤᠷᠳᠤᠨ ᠠᠴᠠ ᠪᠠᠨ ᠮᠤᠩᠭᠤᠯ | ᠭᠡᠷ᠂ ᠴᠡᠴᠡᠷ ᠮᠠᠶᠢᠬᠠᠨ ᠢᠶᠠᠨ ᠲᠡᠭᠡᠭᠡᠵᠤ᠂ ᠰᠠᠶᠢᠳ ᠲᠦᠰᠢᠮᠡᠳ ᠢᠶᠠᠨ ᠲᠠᠭᠠᠭᠤᠯᠤᠨ ᠠᠶᠠᠯᠠᠨ ᠮᠤᠷᠳᠠᠬᠤ ᠳᠠᠭᠠᠨ | ᠬᠦᠢᠰᠤ ᠶᠢᠨ ᠮᠤᠳᠤᠨ ᠳᠤ ᠦᠳᠡ ᠶᠢᠨ ᠪᠠᠭᠤᠴᠠ ᠪᠠᠭᠤᠵᠤ᠂ ᠬᠠᠭᠠᠨ ᠰᠦᠮᠡ ᠳᠤ ᠬᠤᠨᠤᠭᠯᠠᠳᠠᠭ ᠭᠡᠨᠡ᠃ | ᠡᠭᠦᠪᠡᠷ ᠦᠵᠡᠬᠦ ᠳᠤ ᠬᠦᠢᠰᠤ ᠶᠢᠨ ᠮᠤᠳᠤ ᠨᠢ ᠭᠤᠷᠪᠠᠨ ᠵᠠᠭᠤᠭᠠᠳ ᠤᠨ ᠤ ᠲᠡᠤᠬᠡ ᠲᠠᠢ ᠬᠠᠶᠢᠯᠠᠰᠤᠨ ᠰᠢᠭᠤᠢ | ᠶᠤᠮ᠃ | ᠬᠦᠪ ᠤᠨ ᠮᠠᠯᠴᠢᠳ ᠲᠤᠰ ᠮᠤᠳᠤ ᠪᠠᠨ ᠪᠠᠶᠢᠭᠠᠯᠢ ᠶᠢᠨ ᠰᠢᠳᠦᠭᠡᠨ ᠮᠤᠳᠤ ᠪᠠᠷ ᠦᠵᠡᠵᠤ᠂ ᠬᠠᠶᠢᠷᠠᠯᠠᠵᠤ | ᠬᠠᠮᠠᠭᠠᠯᠠᠵᠤ ᠢᠷᠡᠭᠰᠡᠨ ᠪᠦᠭᠡᠳ ᠬᠠᠭᠤᠷᠠᠢ ᠰᠠᠯᠠᠭᠠ ᠴᠦᠪᠦᠳᠡᠯ ᠢ ᠨᠢ ᠴᠦ ᠬᠦᠳᠡᠯᠭᠡᠳᠡᠭ ᠦᠭᠡᠢ ᠬᠠᠳᠠᠭᠤ ᠴᠡᠭᠡᠷ | ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠤᠨ ᠤ ᠦᠢᠮᠡᠭᠡᠨ ᠲᠡᠪᠵᠢᠶᠡᠨ ᠲᠠᠢ ᠤᠨ ᠵᠢᠯ ᠤᠳ ᠲᠤ | ᠵᠠᠷᠢᠮ ᠶᠤᠰᠤ ᠲᠦᠷᠢᠮ ᠦᠭᠡᠢ ᠬᠦᠮᠤᠰ ᠲᠤᠰ ᠬᠠᠶᠢᠯᠠᠰᠤᠨ ᠤᠢ ᠶᠢᠨ ᠵᠠᠬᠠ ᠵᠤᠬᠠ ᠠᠴᠠ ᠨᠢ ᠪᠠᠭᠠ ᠰᠠᠭᠠ | ᠤᠭᠳᠤᠯᠤᠭᠰᠠᠨ ᠪᠤᠯᠪᠠᠴᠤ ᠬᠦᠪ ᠤᠨ ᠮᠠᠯᠴᠢᠳ ᠤᠨ ᠬᠠᠮᠠᠭᠠᠯᠠᠯᠳᠠ ᠲᠤᠤᠷᠠ ᠶᠡᠬᠡᠩᠭᠢ ᠬᠡᠰᠡᠭ ᠨᠢ ᠡᠷᠡᠭᠦᠯ ᠢᠶᠠᠷ | ᠦᠯᠡᠳᠡᠵᠤ ᠤᠤᠯ ᠤᠨ ᠶᠠᠩᠵᠤ ᠪᠠᠷ ᠢᠶᠠᠨ ᠴᠡᠯᠭᠡᠷᠡᠨ ᠨᠤᠭᠤᠭᠠᠷᠠᠵᠤ ᠪᠠᠶᠢᠬᠤ ᠪᠦᠭᠡᠳ ᠠᠳᠡᠬᠢ ᠮᠠᠯᠴᠢᠳ ᠵᠢᠯ | ᠪᠤᠯᠭᠠᠨ ᠤ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠤ ᠡᠳᠤᠷ᠂ ᠲᠤᠰ ᠬᠠᠶᠢᠯᠠᠰᠤᠨ ᠰᠢᠭᠤᠢ | ᠶᠢᠨ ᠵᠡᠭᠦᠨ ᠡᠮᠤᠨᠡ ᠪᠠᠶᠢᠭᠠ ᠬᠦᠪ ᠤᠨ ᠤᠪᠤᠭᠠ ᠪᠠᠨ ᠰᠢᠳᠤᠨ ᠲᠠᠬᠢᠵᠤ᠂ ᠴᠢᠯᠠᠭᠤ ᠨᠡᠮᠡᠨ ᠯᠠᠪᠳᠠᠭᠤᠯ ᠮᠤᠳᠤ ᠶᠢ | ᠨᠢ ᠰᠢᠨᠡᠳᠬᠡᠨ᠂ ᠯᠠᠮᠠ ᠵᠠᠯᠠᠵᠤ ᠤᠪᠤᠭᠠᠨ ᠰᠠᠩ ᠤᠩᠰᠢᠭᠤᠯᠤᠨ᠂ ᠲᠠᠬᠢᠯᠭᠠ ᠡᠷᠭᠦᠴᠡ ᠪᠠᠨ ᠡᠷᠭᠦᠵᠤ ᠲᠠᠯᠠᠯᠭᠠ | ᠠᠪᠴᠤ᠂ ᠠᠭᠤᠯᠠᠨ ᠠᠴᠠ ᠪᠠᠨ ᠪᠠᠭᠤᠵᠤ ᠢᠷᠡᠭᠡᠳ ᠲᠤᠰ ᠮᠤᠳᠤᠨ ᠤ ᠪᠠᠨ ᠰᠡᠭᠦᠳᠡᠷ ᠲᠤ ᠤᠪᠤᠭᠠᠨ ᠨᠠᠶᠢᠷ ᠬᠢᠵᠤ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠳᠡᠭ᠃ | ᠡᠷᠳᠡᠨ ᠠᠴᠠ ᠦᠯᠡᠳᠡᠭᠳᠡᠵᠤ ᠢᠷᠡᠭᠰᠡᠨ ᠤᠳᠠᠭᠠᠨ ᠤᠨ ᠤ ᠲᠡᠤᠬᠡ ᠲᠠᠢ ᠬᠦᠢᠰᠤ ᠶᠢᠨ ᠮᠤᠳᠤ ᠪᠠᠨ ᠡᠳᠤᠭᠡ | ᠪᠢᠳᠡ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠶᠤᠮ᠃ | ᠬᠦᠪ ᠲᠤᠭᠤᠶᠢᠯᠠᠩ ᠤᠨ ᠬᠠᠮᠳᠤ ᠨᠡᠶᠢᠳᠡ ᠶᠢᠨ ᠮᠤᠳᠤ | ᠬᠦᠪ ᠤᠨ ᠲᠠᠯᠠ ᠶᠢᠨ ᠬᠤᠶᠢᠳᠤ ᠬᠦᠪᠡᠭᠡ ᠳᠤ ᠮᠠᠩᠬᠠ ᠶᠢ ᠬᠠᠰᠢᠵᠤ ᠵᠡᠭᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠪᠠᠨ | ᠦᠷᠬᠦᠯᠵᠢᠯᠡᠭᠰᠡᠨ ᠬᠤᠶᠠᠷ ᠵᠠᠭᠤ ᠢᠯᠡᠭᠦᠤ ᠮᠤ᠋ ᠭᠠᠵᠠᠷ ᠲᠤ᠂ ᠨᠢᠭᠡ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠵᠢᠷᠠᠭᠠᠳ ᠤᠨ ᠠᠴᠠ | ᠡᠬᠢᠯᠡᠵᠤ ᠬᠦᠪ ᠤᠨ ᠮᠠᠯᠴᠢᠳ ᠨᠡᠶᠢᠳᠡ ᠪᠠᠷ ᠬᠦᠳᠡᠯᠤᠯᠴᠡᠨ ᠮᠤᠳᠤ ᠲᠠᠷᠢᠭᠠᠳ᠂ ᠬᠦᠪ ᠲᠤᠭᠤᠶᠢᠯᠠᠩ ᠤᠨ ᠪᠠᠳᠤ | ᠨᠠᠰᠤᠳᠠᠨ ᠬᠤᠷᠢᠭᠠᠳ ᠵᠢᠯ ᠡᠳᠤᠷ ᠰᠦᠨᠢ ᠢᠯᠭᠠᠯ ᠦᠭᠡᠢ᠂ ᠡᠪᠤᠯ ᠵᠤᠨ ᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠠᠷᠠᠴᠢᠯᠠᠨ | ᠲᠤᠳᠤᠮᠳᠠᠵᠤ᠂ ᠬᠦᠷᠢᠶᠡ ᠲᠠᠳᠠᠨ ᠪᠢᠳᠡᠭᠦᠮᠵᠢᠯᠡᠭᠡᠳ ᠬᠦᠮᠤᠨ ᠮᠠᠯ ᠤᠨ ᠬᠦᠯ ᠢ ᠬᠤᠷᠢᠵᠤ᠂ ᠰᠠᠯᠠᠭᠠ ᠨᠠᠮᠠᠭᠠ ᠶᠢ ᠨᠢ | ᠵᠠᠰᠠᠵᠤ᠂ ᠪᠤᠵᠠᠷ ᠪᠤᠷᠳᠠᠭ ᠢ ᠠᠷᠢᠯᠭᠠᠵᠤ ᠰᠠᠶᠢᠳᠤᠷ ᠬᠠᠮᠠᠭᠠᠯᠠᠭᠰᠠᠨ ᠤ ᠰᠠᠶᠢᠨ ᠢᠶᠠᠷ ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ | ᠤᠨ ᠪᠤᠯᠬᠤ ᠳᠤ ᠬᠡᠷᠡᠭᠰᠡᠯ ᠳᠤ ᠤᠷᠤᠵᠤ᠂ ᠬᠦᠪ ᠲᠤᠭᠤᠶᠢᠯᠠᠩ ᠤᠨ ᠵᠠᠭᠤ ᠰᠢᠬᠠᠮ ᠡᠷᠤᠭᠡ ᠶᠢᠨ ᠡᠷᠦᠭᠡ ᠪᠦᠷᠢ ᠳᠤ | ᠲᠦᠷᠪᠡᠨ ᠢᠮᠠᠬᠤ ᠠᠴᠠ ᠲᠡᠭᠡᠭᠰᠢ ᠬᠤᠷᠢᠨ ᠨᠢᠭᠡᠨ ᠨᠢᠷᠤᠭᠤ ᠬᠤᠪᠢᠶᠠᠨ ᠦᠭᠴᠤ᠂ ᠦᠯᠡᠳᠡᠭᠰᠡᠨ ᠢ ᠨᠢ ᠨᠡᠶᠢᠳᠡ ᠶᠢᠨ | ᠬᠤᠷᠠᠮᠳᠤᠯ ᠳᠤ ᠬᠡᠷᠡᠭᠯᠡᠪᠡ᠃ | ᠡᠭᠦᠨ ᠤ ᠲᠠᠷᠠᠭᠠ ᠲᠤᠰ ᠲᠠᠷᠢᠮᠠᠯ ᠤᠢ ᠶᠢᠨ ᠤᠭ ᠠᠴᠠ ᠲᠠᠬᠢᠨ ᠤᠷᠭᠤᠭᠰᠠᠨ ᠮᠤᠳᠤᠳ ᠨᠢ ᠡᠯᠡᠰᠤ ᠮᠠᠩᠬᠠ | ᠶᠢ ᠬᠠᠯᠬᠠᠯᠠᠨ᠂ ᠬᠦᠪ ᠤᠨ ᠲᠠᠯᠠ ᠶᠢᠨ ᠬᠠᠯᠬᠠᠪᠴᠢ ᠤᠢ ᠪᠤᠯᠵᠤ᠂ ᠵᠤᠨ ᠳᠠᠭᠠᠨ ᠴᠡᠯᠭᠡᠷᠡᠨ ᠨᠤᠭᠤᠭᠠᠷᠠᠵᠤ ᠨᠤᠲᠤᠭ | ᠤᠨ ᠢᠶᠠᠨ ᠴᠢᠮᠡᠭ ᠪᠤᠯᠵᠤ᠂ ᠡᠪᠤᠯ ᠳᠡᠭᠡᠨ ᠮᠠᠯ ᠤᠨᠤᠭᠠ ᠶᠢᠨ ᠨᠦᠮᠦᠷᠢ ᠪᠤᠯᠵᠤ ᠪᠠᠶᠢᠳᠠᠭ ᠶᠤᠮ᠃ | | | ᠵᠤᠬᠢᠶᠠᠭᠴᠢ᠄ ᠪᠤᠷᠵᠢᠭᠢᠨ ᠰᠠᠮᠪᠠᠯ ︵ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠴᠢᠪᠠᠭᠠ ᠪᠠᠯᠭᠠᠰᠤᠨ ᠤ ᠠᠵᠢᠯ ᠠᠴᠠ | ᠪᠠᠨ ᠠᠮᠠᠷᠠᠭᠰᠠᠨ ᠺᠠᠳ᠋ᠷ᠂ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠮᠤᠷᠢᠨ | ᠡᠮᠡᠭᠡᠯ ᠤᠨ ᠤᠯᠠᠮᠵᠢᠯᠠᠭᠴᠢ︶ | |