ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠨᠠᠮ ᠤᠨ ᠲᠡᠦᠬᠡ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠦᠩᠭᠡ ᠵᠢᠰᠦᠮ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019/6/25
     ᠨᠢᠭᠡ᠂ ᠦᠬᠡᠷ ᠤᠨ ᠳᠠᠩ ᠵᠢᠰᠦᠮ ᠳᠤ ᠣᠯᠠᠭᠠᠨ᠂ ᠬᠠᠷ᠎ᠠ᠂ ᠬᠦᠷᠡᠩ᠂ ᠬᠤᠸᠠ᠂ ᠴᠠᠭᠠᠨ᠂ ᠲᠡᠷᠯᠡᠨ᠂ ᠠᠯᠠᠭ᠂ ᠪᠤᠭᠤᠷᠤᠯ᠂ ᠬᠠᠯᠢᠭᠤᠨ᠂ ᠴᠠᠶᠢᠪᠤᠷ᠂ ᠬᠦᠬᠡ ᠁ ᠵᠢᠰᠦᠮ ᠪᠤᠢ᠃ ᠳᠠᠪᠬᠤᠷ ᠵᠢᠰᠦᠮ ᠳᠤ ᠠᠳᠠᠯᠢ ᠪᠤᠰᠤ ᠬᠤᠶᠠᠷ ᠦᠩᠭᠡ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠲᠠᠢ ᠮᠠᠯ ᠢ ᠬᠡᠯᠡᠨ᠎ᠡ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠦᠮᠦᠰᠭᠡ ᠴᠠᠭᠠᠨ ᠬᠠᠷ᠎ᠠ᠂ ᠴᠠᠪᠢ ᠴᠠᠭᠠᠨ ᠤᠯᠠᠭᠠᠨ᠂ ᠰᠠᠷᠠ ᠲᠠᠢ ᠬᠦᠷᠡᠩ᠂ ᠰᠡᠭᠦᠯ ᠴᠠᠭᠠᠨ ᠬᠤᠸᠠ᠂ ᠬᠠᠷ᠎ᠠ ᠲᠡᠷᠯᠡᠨ᠂ ᠱᠠᠭᠠᠵᠠᠭᠠᠢ ᠠᠯᠠᠭ᠂ ᠬᠦᠭᠡ ᠴᠠᠶᠢᠪᠤᠷ᠂ ᠡᠷᠢᠶᠡᠨ ᠬᠦᠷᠡᠩ᠂ ᠪᠤᠷᠤ ᠴᠤᠬᠤᠷ ᠵᠡᠷᠭᠡ ᠳᠠᠭᠤᠳᠠᠯᠭ᠎ᠠ ᠵᠢᠰᠦᠮ ᠪᠤᠢ᠃ ᠮᠠᠯ ᠤᠨ ᠤᠨᠴᠠᠯᠢᠭ ᠤᠨ ᠳᠠᠯ᠎ᠠ ᠶᠢᠨ ᠳᠠᠭᠤᠳᠠᠯᠭ᠎ᠠ ᠳᠤ ᠬᠤᠩᠭᠤ ᠤᠯᠠᠭᠠᠨ᠂ ᠮᠦᠷᠭᠦᠭᠡᠴᠢ ᠬᠠᠷ᠎ᠠ᠂ ᠶᠠᠪᠤᠭᠠᠴᠢ ᠬᠦᠷᠡᠩ᠂ ᠵᠤᠵᠢᠭ ᠬᠤᠸᠠ᠂ ᠳᠤᠭᠤᠯᠠᠩ ᠴᠠᠭᠠᠨ ᠵᠡᠷᠭᠡ ᠤᠯᠠᠨ ᠳᠠᠭᠤᠳᠠᠯᠭ᠎ᠠ ᠪᠤᠢ᠃ ᠳᠤᠳᠤᠷᠬᠠᠶᠢᠯᠠᠬᠤ ᠨᠢ ᠳᠠᠩ ᠵᠢᠰᠦᠮ ᠲᠠᠢ ᠮᠠᠯ ᠤᠨ ᠪᠦᠬᠦ ᠪᠡᠶ᠎ᠡ ᠶᠢᠨ ᠬᠠᠭᠠᠰ ᠤᠷᠴᠢᠮ ᠴᠠᠭᠠᠨ ᠦᠰᠦ ᠲᠠᠢ ᠮᠠᠯ ᠢ ᠠᠯᠠᠭ ᠮᠠᠯ ᠭᠡᠨ᠎ᠡ᠂ ᠳᠠᠩ ᠵᠢᠰᠦᠮ ᠳᠡᠭᠡᠷ᠎ᠡ ᠵᠢᠵᠢᠭ ᠲᠤᠯᠪᠤ ᠴᠠᠭᠠᠨ ᠦᠰᠦ ᠲᠠᠢ ᠮᠠᠯ ᠢ ᠴᠤᠬᠤᠷ ᠪᠤᠶᠤ ᠲᠡᠷᠯᠡᠨ ᠵᠢᠰᠦᠮ ᠤᠨ ᠮᠠᠯ ᠭᠡᠵᠦ ᠬᠡᠯᠡᠨ᠎ᠡ᠃ ᠬᠠᠷ᠎ᠠ ᠵᠢᠰᠦᠮ ᠳᠡᠭᠡᠷ᠎ᠡ ᠠᠮᠠ ᠬᠤᠩᠰᠢᠶᠠᠷ᠂ ᠡᠪᠡᠷ ᠤᠨ ᠤᠭ᠂ ᠵᠤ ᠨᠢᠷᠤᠭᠤ ᠪᠠᠨ ᠳᠠᠭᠠᠭᠠᠳ ᠴᠠᠭᠠᠪᠳᠤᠷ ᠤᠯᠠᠭᠠᠨ ᠦᠰᠦ ᠲᠠᠢ ᠮᠠᠯ ᠢ ᠬᠠᠯᠢᠭᠤᠨ ᠮᠠᠯ ᠭᠡᠵᠦ ᠬᠡᠯᠡᠨ᠎ᠡ᠃ ᠤᠯᠠᠭᠠᠨ᠂ ᠴᠠᠭᠠᠨ᠂ ᠦᠰᠦ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠤᠨ ᠮᠠᠯ ᠢ ᠪᠤᠷᠤᠭᠤᠯ ᠮᠠᠯ ᠭᠡᠵᠦ ᠬᠡᠯᠡᠨ᠎ᠡ᠃ ᠬᠤᠨᠳᠠᠨ ᠰᠢᠷᠭᠠᠯ ᠦᠰᠦ ᠲᠠᠢ ᠮᠠᠯ ᠢ ᠴᠠᠶᠢᠪᠤᠷ ᠵᠢᠰᠦᠮ ᠤᠨ ᠮᠠᠯ ᠭᠡᠵᠦ ᠬᠡᠯᠡᠨ᠎ᠡ᠃      ᠬᠤᠶᠠᠷ᠂ ᠠᠳᠤᠭᠤᠨ ᠤ ᠳᠠᠩ ᠵᠢᠰᠦᠮ᠃ ᠡᠭᠦᠨ ᠳᠤ ᠬᠠᠷ᠎ᠠ᠂ ᠬᠡᠭᠡᠷ᠎ᠡ᠂ ᠵᠡᠭᠡᠷᠳᠡ᠂ ᠰᠠᠭᠠᠷᠠᠯ᠂ ᠪᠤᠷᠤ᠂ ᠬᠤᠸᠠ᠂ ᠬᠤᠯᠠ᠂ ᠴᠠᠶᠢᠪᠳᠤᠷ᠂ ᠰᠢᠷᠭ᠎ᠠ᠂ ᠪᠤᠭᠤᠷᠤᠯ᠂ ᠠᠯᠠᠭ᠂ ᠬᠠᠯᠳᠠᠷ᠂ ᠬᠠᠯᠢᠭᠤᠨ᠂ ᠴᠤᠬᠤᠷ᠂ ᠵᠢᠪᠠ ᠶᠢᠨ ᠤᠯᠠᠭᠠᠨ ᠵᠡᠷᠭᠡ ᠵᠢᠰᠦᠮ ᠪᠤᠢ᠃      ᠬᠡᠭᠡᠷ ᠵᠢᠰᠦᠮ᠄ ᠬᠠᠷ᠎ᠠ᠂ ᠤᠯᠠᠭᠠᠨ᠂ ᠪᠤᠷᠤ ᠦᠰᠦ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠢ ᠬᠡᠭᠡᠷ ᠮᠤᠷᠢ ᠭᠡᠨ᠎ᠡ᠃ ᠬᠡᠭᠡᠷ᠎ᠡ ᠮᠤᠷᠢ ᠶᠢᠨ ᠭᠤᠷᠪᠠᠨ ᠵᠢᠰᠦᠮ᠄ ᠬᠠᠷᠠᠪᠳᠤᠷ ᠤᠯᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠷ᠎ᠠ ᠬᠡᠭᠡᠷ ᠮᠤᠷᠢ ᠭᠡᠨ᠎ᠡ᠃ ᠰᠢᠷᠠᠪᠳᠤᠷ ᠭᠡᠶᠢᠪᠦᠷ ᠤᠯᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠰᠢᠷ᠎ᠡ ᠬᠡᠭᠡᠷ ᠮᠤᠷᠢ ᠭᠡᠨ᠎ᠡ᠃ ᠤᠯᠠᠪᠳᠤᠷ ᠪᠤᠷᠤ ᠦᠰᠦ ᠲᠠᠢ ᠮᠤᠷᠢ ᠶᠢ ᠤᠯᠠᠭᠠᠨ ᠬᠡᠭᠡᠷ ᠮᠤᠷᠢ ᠭᠡᠨ᠎ᠡ᠃      ᠵᠡᠭᠡᠷᠳᠡ ᠵᠢᠰᠦᠮ᠄ ᠴᠢᠰᠤᠨ ᠤᠯᠠᠭᠠᠨ ᠦᠩᠭᠡ ᠶᠢᠨ ᠵᠢᠰᠦᠮ ᠢ ᠵᠡᠭᠡᠷᠳᠡ ᠮᠤᠷᠢ ᠭᠡᠨ᠎ᠡ᠃ ᠵᠡᠭᠡᠷᠳᠡ ᠮᠤᠷᠢᠨ  ᠤ ᠭᠤᠷᠪᠠᠨ ᠵᠢᠰᠦᠮ᠄ ᠴᠢᠰᠣᠨ ᠤᠯᠠᠭᠠᠨ ᠦᠩᠭᠡ ᠶᠢᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠴᠢᠪᠠᠭᠠᠨ ᠤᠯᠠᠭᠠᠨ ᠵᠡᠭᠡᠷᠳᠡ ᠮᠤᠷᠢ ᠭᠡᠨ᠎ᠡ᠃ ᠠᠭᠰᠢᠭᠤᠨ ᠬᠦᠷᠡᠩ ᠤᠯᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠦᠷᠡᠩ ᠵᠡᠭᠡᠷᠳᠡ ᠮᠤᠷᠢ ᠭᠡᠨ᠎ᠡ᠃ ᠳᠡᠯ᠂ ᠰᠡᠭᠦᠯ᠂ ᠠᠮᠠ ᠬᠤᠩᠰᠢᠶᠠᠷ᠂ ᠴᠠᠪᠢ ᠰᠤᠭᠤ᠂ ᠰᠢᠭᠢᠷ᠎ᠡ ᠳᠠᠭᠠᠤ ᠴᠠᠭᠠᠪᠳᠤᠷ ᠦᠰᠦ ᠲᠠᠢ ᠮᠤᠷᠢ ᠶᠢ ᠴᠠᠶᠢᠪᠳᠤᠷ ᠵᠡᠭᠡᠷᠳᠡ ᠮᠤᠷᠢ ᠭᠡᠵᠦ ᠬᠡᠯᠡᠨ᠎ᠡ᠃      ᠬᠠᠷ᠎ᠠ ᠵᠢᠰᠦᠮ᠄ ᠭᠠᠭᠴᠠ ᠵᠢᠰᠦᠮ ᠲᠠᠢ᠂ ᠬᠤᠯᠢᠮᠠᠭ ᠦᠭᠡᠢ ᠦᠭᠡᠳᠡᠩ ᠬᠠᠷ᠎ᠠ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠷ᠎ᠠ ᠮᠤᠷᠢ ᠭᠡᠨ᠎ᠡ᠃      ᠬᠤᠸᠠ ᠵᠢᠰᠦᠮ᠄ ᠴᠠᠭᠠᠪᠳᠤᠷ ᠤᠯᠠᠭᠠᠨ ᠦᠰᠦ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠢ ᠬᠤᠸᠠ ᠮᠤᠷᠢ ᠭᠡᠨ᠎ᠡ᠃ ᠴᠠᠭᠠᠪᠳᠤᠷ ᠬᠤᠨᠳᠠᠨ ᠶᠠᠭᠠᠨ ᠦᠩᠭᠡ ᠶᠢᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠤᠶᠢᠰᠤ ᠶᠢᠨ ᠬᠤᠸᠠ ᠮᠤᠷᠢ ᠭᠡᠨ᠎ᠡ᠃ ᠴᠠᠶᠢᠪᠤᠷ ᠰᠢᠩᠭᠡᠨ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠤᠭᠤᠨᠤ ᠶᠢᠨ ᠬᠤᠸᠠ ᠮᠤᠷᠢ ᠭᠡᠨ᠎ᠡ᠃ ᠬᠤᠸᠠ ᠵᠢᠰᠦᠮ ᠳᠡᠭᠡᠷ᠎ᠡ ᠬᠤᠩᠰᠢᠶᠠᠷ ᠠᠮᠠ᠂ ᠴᠠᠪᠢ ᠰᠤᠭᠤ᠂ ᠭᠡᠳᠡᠰᠦ᠂ ᠳᠡᠯ ᠰᠡᠭᠦᠯ ᠨᠢ ᠴᠠᠭᠠᠪᠳᠤᠷ ᠦᠰᠦ ᠲᠠᠢ ᠮᠤᠷᠢ ᠶᠢ ᠴᠠᠭᠠᠨ ᠬᠤᠸᠠ ᠮᠤᠷᠢ ᠭᠡᠵᠦ ᠬᠡᠯᠡᠨ᠎ᠡ᠃      ᠰᠠᠭᠠᠷᠠᠯ ᠵᠢᠰᠦᠮ᠄ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠰᠠᠭᠠᠷᠠᠯ ᠮᠤᠷᠢ ᠭᠡᠨ᠎ᠡ᠃ ᠰᠠᠭᠠᠷᠠᠯ ᠮᠤᠷᠢᠨ ᠤ ᠵᠢᠷᠭᠤᠭᠠᠨ ᠵᠢᠰᠦᠮ᠄ ᠳᠡᠯ᠂ ᠰᠡᠭᠦᠯ᠂ ᠨᠢᠳᠤᠨ ᠰᠤᠷᠮᠤᠤᠰᠤ ᠶᠢᠨ ᠦᠰᠦ ᠬᠦᠷᠳᠡᠯ᠎ᠡ ᠪᠦᠬᠦᠯᠢ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠴᠠᠭᠠᠨ ᠰᠠᠭᠠᠷᠠᠯ ᠮᠤᠷᠢ ᠭᠡᠨ᠎ᠡ᠃ ᠳᠡᠯ᠂ ᠰᠡᠭᠦᠯ ᠤᠨ ᠭᠤᠤᠯ ᠨᠢ ᠬᠦᠬᠡᠪᠳᠦᠷ᠂ ᠨᠢᠳᠦᠨ ᠰᠤᠷᠮᠤᠤᠰᠤ ᠶᠢᠨ ᠦᠰᠦ  ᠨᠢ ᠬᠠᠷ᠎ᠠ ᠵᠢᠰᠦᠮ ᠤᠨ ᠮᠤᠷᠢ ᠶᠢ ᠴᠢᠨᠳᠠᠮᠤᠨᠢ ᠶᠢᠨ ᠰᠠᠭᠠᠷᠠᠯ ᠮᠤᠷᠢ ᠭᠡᠨ᠎ᠡ᠃ ᠰᠠᠭᠠᠷᠠᠯ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠤᠷᠤᠭᠤᠯ ᠬᠤᠩᠰᠢᠶᠠᠷ ᠨᠢ ᠤᠯᠠᠭᠠᠨ᠂ ᠨᠢᠳᠦ ᠨᠢ ᠴᠡᠩᠬᠡᠷ ᠵᠢᠰᠦᠮ ᠲᠠᠢ ᠮᠤᠷᠢ ᠶᠢ ᠴᠠᠯᠪᠢᠩ ᠰᠠᠭᠠᠷᠠᠯ ᠮᠤᠷᠢ ᠭᠡᠵᠦ ᠬᠡᠯᠡᠨ᠎ᠡ᠃ ᠴᠠᠭᠠᠨ ᠪᠠ ᠬᠠᠷ᠎ᠠ ᠦᠩᠭᠡ ᠶᠢᠨ  ᠦᠰᠦ ᠬᠤᠯᠢᠯᠳᠤᠭᠰᠠᠨ ᠬᠠᠷᠠᠩᠭᠤᠪᠳᠤᠷ ᠴᠠᠭᠠᠨ ᠵᠢᠰᠦᠮ ᠲᠠᠢ ᠮᠤᠷᠢ  ᠶᠢ ᠬᠠᠷ᠎ᠠ ᠰᠠᠭᠠᠷᠠᠯ ᠮᠤᠷᠢ ᠭᠡᠵᠦ ᠬᠡᠯᠡᠨ᠎ᠡ᠃ ᠰᠢᠩᠭᠡᠪᠳᠦᠷ ᠴᠠᠭᠠᠨ ᠴᠠᠶᠢᠪᠤᠷ ᠦᠩᠭᠡ ᠶᠢᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠤᠸᠠ ᠰᠠᠭᠠᠷᠠᠯ ᠮᠤᠷᠢ ᠭᠡᠨ᠎ᠡ᠃ ᠨᠢᠳᠦᠨ ᠤᠬᠤᠷᠬᠠᠢ᠂ ᠳᠡᠯ ᠰᠡᠭᠦᠯ᠂ ᠨᠢᠷᠤᠭᠤ ᠵᠤ ᠪᠠᠨ ᠳᠠᠭᠠᠭᠠᠳ ᠤᠯᠠᠪᠳᠤᠷ ᠰᠢᠷ᠎ᠠ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠯᠢᠭᠤᠨ ᠰᠠᠭᠠᠷᠠᠯ ᠮᠤᠷᠢ ᠭᠡᠨ᠎ᠡ᠃      ᠠᠯᠠᠭ ᠵᠢᠰᠦᠮ᠄ ᠳᠠᠩ ᠵᠢᠰᠦᠮ ᠳᠡᠭᠡᠷ᠎ᠡ ᠶᠡᠭᠡ ᠬᠡᠰᠡᠩ ᠤᠨ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠠᠯᠠᠭ ᠮᠤᠷᠢ ᠭᠡᠨ᠎ᠡ᠃ ᠬᠠᠷ᠎ᠠ ᠵᠢᠰᠦᠮ ᠳᠡᠭᠡᠷ᠎ᠡ ᠶᠡᠭᠡ ᠬᠡᠰᠡᠭ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠷ᠎ᠠ ᠠᠯᠠᠭ ᠭᠡᠨ᠎ᠡ᠃ ᠡᠨᠡ ᠮᠡᠳᠦ  ᠪᠠᠷ ᠬᠡᠭᠡᠷ ᠠᠯᠠᠭ᠂ ᠬᠤᠯᠠ ᠠᠯᠠᠭ᠂ ᠪᠤᠷᠤ ᠠᠯᠠᠭ ᠵᠡᠷᠭᠡ ᠤᠯᠠᠨ ᠵᠢᠰᠦᠮ ᠤᠨ ᠠᠯᠠᠭ ᠮᠤᠷᠢ ᠪᠠᠶᠢᠨ᠎ᠠ᠃      ᠪᠤᠷᠤ ᠵᠢᠰᠦᠮ᠄ ᠬᠦᠭᠡ ᠦᠩᠭᠡ ᠶᠢᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠪᠤᠷᠤ ᠮᠤᠷᠢ ᠭᠡᠨ᠎ᠡ᠃ ᠪᠤᠷᠤ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠳᠡᠯ ᠰᠡᠭᠦᠯ ᠨᠢ ᠬᠠᠷᠠᠪᠳᠤᠷ ᠭᠦᠨ ᠦᠩᠭᠡ ᠶᠢᠨ ᠬᠦᠬᠡ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠷ᠎ᠠ ᠪᠤᠷᠤ ᠮᠤᠷᠢ ᠭᠡᠨ᠎ᠡ᠃ ᠳᠡᠯ᠂ ᠰᠡᠭᠦᠯ ᠪᠠ ᠭᠡᠳᠡᠰᠦ ᠴᠠᠪᠢ ᠪᠠᠨ ᠳᠠᠭᠠᠭᠠᠳ ᠪᠦᠬᠦᠯᠢ ᠪᠡᠶ᠎ᠡ ᠬᠡᠶᠢᠪᠡᠷᠬᠡᠨ ᠬᠦᠬᠡ ᠦᠰᠦ ᠲᠠᠢ ᠮᠤᠷᠢ ᠶᠢ ᠪᠤᠷᠤ ᠮᠤᠷᠢ ᠭᠡᠨ᠎ᠡ᠃ ᠬᠦᠬᠡ ᠵᠢᠰᠦᠮ ᠳᠡᠭᠡᠷ᠎ᠡ ᠳᠡᠯ ᠰᠡᠭᠦᠯ ᠨᠢ ᠴᠠᠭᠠᠪᠳᠤᠷ ᠬᠦᠶᠦᠬᠡᠨ ᠴᠡᠩᠬᠡᠷ ᠦᠰᠦ  ᠲᠠᠢ ᠮᠤᠷᠢ ᠶᠢ ᠴᠡᠩᠬᠡᠷ ᠪᠤᠷᠤ ᠮᠤᠷᠢ ᠭᠡᠨ᠎ᠡ᠃      ᠰᠢᠷᠭ᠎ᠠ ᠵᠢᠰᠦᠮ᠄ ᠤᠯᠠᠪᠳᠤᠷ ᠰᠢᠩᠭᠡᠨ ᠰᠢᠷ᠎ᠠ ᠦᠩᠭᠡ ᠶᠢᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠰᠢᠷᠭ᠎ᠠ ᠮᠤᠷᠢ ᠭᠡᠨ᠎ᠡ᠃ ᠰᠢᠷᠭ᠎ᠠ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠴᠠᠭᠠᠪᠳᠤᠷ ᠤᠯᠠᠭᠠᠨ ᠰᠢᠷᠭᠠᠯ ᠦᠰᠦ ᠲᠠᠢ ᠮᠤᠷᠢ ᠶᠢ ᠰᠢᠷᠭ᠎ᠠ ᠮᠤᠷᠢ ᠭᠡᠨ᠎ᠡ᠃ ᠰᠢᠷᠭ᠎ᠠ ᠵᠢᠰᠦᠮ ᠳᠡᠭᠡᠷ᠎ᠡ ᠬᠤᠯᠤᠰᠤᠨ ᠰᠢᠷᠭ᠎ᠠ ᠦᠩᠭᠡ ᠶᠢ ᠬᠠᠳᠠᠭᠠᠯᠠᠭᠰᠠᠨ ᠰᠢᠷᠠᠩᠭᠤᠢ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠤᠯᠤᠰᠤᠨ ᠰᠢᠷᠭ᠎ᠠ ᠮᠤᠷᠢ ᠭᠡᠨ᠎ᠡ᠂ ᠤᠯᠠᠭᠠᠪᠳᠤᠷ ᠪᠤᠷᠤ ᠦᠰᠦ ᠬᠤᠯᠢᠯᠳᠤᠨ ᠤᠷᠭᠤᠭᠰᠠᠨ ᠮᠤᠷᠢ ᠶᠢ ᠤᠯᠠᠭᠠᠨ ᠰᠢᠷᠭ᠎ᠠ ᠮᠤᠷᠢ ᠭᠡᠨ᠎ᠡ᠃      ᠬᠠᠯᠢᠭᠤᠨ ᠵᠢᠰᠦᠮ᠄ ᠬᠦᠬᠡ᠂ ᠬᠠᠷ᠎ᠠ᠂ ᠤᠯᠠᠭᠠᠨ᠂ ᠴᠠᠭᠠᠨ ᠤᠯᠠᠨ ᠦᠩᠭᠡ ᠶᠢᠨ ᠦᠰᠦ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠢ ᠬᠠᠯᠢᠭᠤᠨ ᠮᠤᠷᠢ ᠭᠡᠨ᠎ᠡ᠃ ᠬᠠᠯᠢᠭᠤᠨ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠬᠤᠸᠠ ᠵᠢᠰᠦᠮ ᠳᠡᠭᠡᠷ᠎ᠡ ᠳᠡᠯ ᠰᠡᠭᠦᠯ᠂ ᠨᠢᠷᠣᠭᠤ ᠵᠤ᠂ ᠬᠦᠯ ᠢᠶᠠᠨ ᠳᠠᠭᠠᠭᠠᠳ ᠬᠠᠷ᠎ᠠ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠷ᠎ᠠ ᠬᠠᠯᠢᠭᠤᠨ ᠮᠤᠷᠢ ᠭᠡᠨ᠎ᠡ᠃ ᠳᠡᠯ ᠰᠡᠭᠦᠯ᠂ ᠨᠢᠷᠤᠭᠤ ᠵᠤ ᠪᠠᠨ ᠳᠠᠭᠠᠭᠠᠳ ᠤᠯᠠᠪᠳᠤᠷ ᠰᠢᠷ᠎ᠠ ᠦᠰᠦ ᠲᠠᠢ ᠮᠤᠷᠢ ᠶᠢ ᠰᠢᠷ᠎ᠠ ᠬᠠᠯᠢᠭᠤᠨ ᠮᠤᠷᠢ ᠭᠡᠨ᠎ᠡ᠃ ᠳᠡᠯ ᠰᠡᠭᠦᠯ᠂ ᠵᠤ ᠨᠢᠷᠤᠭᠤ᠂ ᠬᠡᠳᠡᠰᠦ᠂ ᠴᠠᠪᠢ ᠰᠤᠭᠤ ᠪᠠᠨ ᠳᠠᠭᠠᠭᠠᠳ ᠬᠦᠬᠡᠪᠳᠦᠷ ᠤᠯᠠᠭᠠᠨ ᠦᠰᠦ  ᠲᠠᠢ ᠮᠤᠷᠢ ᠶᠢ ᠪᠤᠭᠤᠨ ᠬᠠᠯᠢᠭᠤᠨ ᠮᠤᠷᠢ ᠭᠡᠨ᠎ᠡ᠃      ᠪᠤᠭᠤᠷᠤᠯ ᠵᠢᠰᠦᠮ᠄ ᠬᠠᠷ᠎ᠠ ᠤᠯᠠᠭᠠᠨ᠂ ᠴᠠᠭᠠᠨ ᠦᠩᠭᠡ ᠶᠢᠨ ᠦᠰᠦ ᠬᠤᠯᠢᠯᠳᠤᠨ ᠤᠷᠭᠤᠭᠰᠠᠨ ᠮᠤᠷᠢ ᠶᠢ ᠪᠤᠭᠤᠷᠤᠯ ᠮᠤᠷᠢ ᠭᠡᠨ᠎ᠡ᠃ ᠪᠤᠭᠤᠷᠤᠯ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠤᠯᠠᠭᠠᠨ ᠴᠠᠭᠠᠨ ᠦᠰᠦ ᠬᠤᠯᠢᠯᠳᠤᠭᠰᠠᠨ ᠵᠢᠰᠦᠮ ᠤᠨ ᠮᠤᠷᠢᠨ ᠤ ᠴᠠᠭᠠᠨ ᠦᠰᠦ ᠨᠢ ᠳᠡᠶᠢᠯᠦᠩᠭᠦᠢ ᠪᠤᠯ ᠪᠤᠭᠤᠷᠤᠯ ᠮᠤᠷᠢ ᠭᠡᠨ᠎ᠡ᠃ ᠤᠯᠠᠭᠠᠨ ᠴᠠᠭᠠᠨ ᠦᠰᠦᠨ ᠤ ᠤᠯᠠᠭᠠᠨ ᠦᠰᠦ ᠨᠢ ᠳᠡᠶᠢᠯᠦᠩᠭᠦᠢ ᠠᠷᠪᠢᠨ ᠪᠤᠯ ᠤᠯᠠᠭᠠᠨ ᠪᠤᠭᠤᠷᠤᠯ ᠮᠤᠷᠢ ᠭᠡᠨ᠎ᠡ᠃ ᠬᠦᠬᠡ ᠤᠯᠠᠭᠠᠨ ᠵᠢᠰᠦᠮ ᠤᠨ ᠬᠤᠯᠢᠮᠠᠭ ᠦᠰᠦ ᠲᠠᠢ᠂ ᠮᠤᠷᠢᠨ ᠤ ᠬᠦᠬᠡ ᠨᠢ ᠳᠡᠶᠢᠯᠦᠩᠭᠦᠢ ᠪᠤᠯ ᠬᠦᠬᠡ ᠪᠤᠭᠤᠷᠤᠯ ᠮᠤᠷᠢ ᠭᠡᠨ᠎ᠡ᠃      ᠬᠦᠷᠡᠩ ᠵᠢᠰᠦᠮ᠄ ᠬᠠᠷ᠎ᠠ ᠤᠯᠠᠭᠠᠨ ᠰᠢᠷ᠎ᠠ ᠦᠩᠭᠡ ᠶᠢᠨ ᠦᠰᠦ ᠬᠤᠯᠢᠮᠠᠭ ᠵᠢᠰᠦᠮ ᠲᠠᠢ ᠶᠢ ᠬᠦᠷᠡᠩ ᠮᠤᠷᠢ ᠭᠡᠨ᠎ᠡ᠃ ᠬᠦᠷᠡᠩ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠬᠠᠷ᠎ᠠ ᠬᠡᠭᠡᠷ ᠵᠢᠰᠦᠮ ᠳᠡᠭᠡᠷ᠎ᠡ ᠪᠤᠷᠤ᠂ ᠤᠯᠠᠭᠠᠨ ᠦᠰᠦ ᠬᠤᠯᠢᠮᠠᠭ ᠤᠷᠭᠤᠭᠰᠠᠨ ᠮᠤᠷᠢ ᠶᠢ ᠬᠦᠷᠡᠩ ᠮᠤᠷᠢ ᠭᠡᠨ᠎ᠡ᠃ ᠤᠯᠠᠭᠠᠨ ᠬᠡᠭᠡᠷ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠬᠠᠷ᠎ᠠ ᠪᠤᠷᠤ ᠬᠤᠯᠢᠮᠠᠭ ᠦᠰᠦ ᠲᠠᠢ ᠮᠤᠷᠢ ᠶᠢ ᠽᠠᠨᠳᠠᠨ ᠬᠦᠷᠡᠩ ᠮᠤᠷᠢ ᠭᠡᠨ᠎ᠡ᠃ ᠰᠢᠷ᠎ᠠ ᠬᠡᠭᠡᠷ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠴᠠᠶᠢᠪᠤᠷ ᠰᠢᠷᠠᠩᠭᠤᠢ ᠬᠤᠯᠢᠮᠠᠭ ᠦᠰᠦ ᠲᠠᠢ ᠮᠤᠷᠢ ᠶᠢ ᠰᠢᠷ᠎ᠠ ᠬᠦᠷᠡᠩ ᠮᠤᠷᠢ ᠭᠡᠨ᠎ᠡ᠃      ᠬᠠᠯᠳᠠᠷ ᠵᠢᠰᠦᠮ᠄ ᠬᠠᠷ᠎ᠠ᠂ ᠬᠡᠭᠡᠷ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠠᠮᠠ ᠬᠤᠩᠰᠢᠶᠠᠷ᠂ ᠴᠠᠪᠢ ᠰᠤᠭᠤ᠂ ᠬᠡᠳᠡᠰᠦ᠂ ᠬᠦᠯ ᠢᠶᠠᠨ ᠳᠠᠭᠠᠭᠠᠳ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠯᠳᠠᠷ ᠮᠤᠷᠢ ᠭᠡᠨ᠎ᠡ᠃ ᠬᠠᠯᠳᠠᠷ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠬᠠᠷ᠎ᠠ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠬᠠᠯᠳᠠᠷ ᠮᠤᠷᠢᠨ ᠤ ᠰᠢᠨᠵᠢ ᠳᠡᠮᠳᠡᠭ ᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠤᠯ ᠬᠠᠷ᠎ᠠ ᠬᠠᠯᠳᠠᠷ ᠮᠤᠷᠢ ᠭᠡᠨ᠎ᠡ᠃ ᠬᠡᠭᠡᠷ ᠵᠢᠰᠦᠮ ᠳᠡᠭᠡᠷ᠎ᠡ ᠬᠠᠯᠳᠠᠷ ᠮᠤᠷᠢᠨ ᠤ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ ᠪᠤᠯ ᠬᠡᠭᠡᠷ ᠬᠠᠯᠳᠠᠷ ᠮᠤᠷᠢ ᠭᠡᠨ᠎ᠡ᠃ ᠬᠤᠯᠠ  ᠮᠤᠷᠢᠨ ᠤ ᠵᠢᠰᠦᠮ ᠳᠡᠭᠡᠷ᠎ᠡ ᠬᠠᠯᠳᠠᠷ ᠮᠤᠷᠢᠨ ᠤ ᠰᠢᠨᠵᠢ ᠳᠡᠮᠳᠡᠭ ᠢ ᠪᠤᠷᠢᠯᠳᠦᠭᠦᠯᠦᠭᠰᠡᠨ ᠪᠤᠯ ᠬᠤᠯᠠ ᠬᠠᠯᠳᠠᠷ ᠮᠤᠷᠢ ᠭᠡᠨ᠎ᠡ᠃      ᠴᠤᠬᠤᠷ ᠵᠢᠰᠦᠮ᠄ ᠳᠠᠩ ᠵᠢᠰᠦᠮ ᠳᠡᠭᠡᠷ᠎ᠡ ᠳᠤᠯᠪᠤ ᠳᠤᠯᠪᠤ ᠬᠠᠷ᠎ᠠ ᠤᠯᠠᠭᠠᠨ ᠴᠠᠭᠠᠨ ᠦᠰᠦ ᠤᠷᠭᠤᠭᠰᠠᠨ ᠮᠤᠷᠢ ᠶᠢ ᠴᠤᠬᠤᠷ ᠮᠤᠷᠢ ᠭᠡᠨ᠎ᠡ᠃ ᠳᠠᠩ ᠵᠢᠰᠦᠮ ᠳᠡᠭᠡᠷ᠎ᠡ ᠡᠰᠡᠷᠬᠦ ᠦᠩᠭᠡ ᠶᠢᠨ ᠵᠢᠵᠢᠭ ᠵᠵᠢᠭ ᠳᠤᠯᠪᠤ ᠲᠠᠢ ᠮᠤᠷᠢ  ᠶᠢ ᠴᠤᠬᠤᠷ ᠮᠤᠷᠢ ᠭᠡᠨ᠎ᠡ᠃ ᠬᠤᠸᠠ ᠵᠢᠭᠡᠷᠳᠡ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠵᠢᠵᠢᠭ ᠴᠠᠭᠠᠨ ᠳᠤᠯᠪᠤ ᠨᠤᠭᠤᠳ ᠲᠠᠢ ᠮᠤᠷᠢ  ᠶᠢ ᠪᠤᠭᠤ ᠶᠢᠨ ᠴᠤᠬᠤᠷ ᠮᠤᠷᠢ ᠭᠡᠨ᠎ᠡ᠃ ᠬᠠᠷ᠎ᠠ ᠬᠦᠷᠡᠩ ᠵᠢᠰᠦᠮ ᠳᠡᠭᠡᠷ᠎ᠡ ᠬᠠᠷ᠎ᠠ᠂ ᠴᠠᠭᠠᠨ᠂ ᠤᠯᠠᠭᠠᠨ ᠵᠢᠵᠢᠭ ᠳᠤᠯᠪᠤ ᠲᠠᠢ ᠮᠤᠷᠢ ᠶᠢ ᠪᠦᠳᠦᠨ᠎ᠡ ᠴᠤᠬᠤᠷ ᠮᠤᠷᠢ ᠭᠡᠨ᠎ᠡ᠃      ᠤᠯᠠᠭᠠᠨ ᠮᠤᠷᠢ᠄ ᠭᠤᠤᠯᠳᠠᠭᠤ ᠪᠤᠷᠤ᠂ ᠬᠡᠭᠡᠷ ᠵᠢᠰᠦᠮ ᠳᠡᠭᠡᠷ᠎ᠡ ᠤᠯᠠᠪᠳᠤᠷ ᠬᠦᠬᠡ ᠦᠩᠭᠡ ᠬᠤᠯᠢᠮᠠᠭ ᠤᠷᠭᠤᠭᠰᠠᠨ ᠳᠡᠮᠦᠷ ᠤᠨ ᠵᠢᠪᠡ ᠶᠢᠨ ᠦᠩᠭᠡ ᠲᠠᠢ ᠮᠤᠷᠢ ᠶᠢ ᠵᠢᠪᠡ ᠶᠢᠨ ᠤᠯᠠᠭᠠᠨ ᠮᠤᠷᠢ ᠭᠡᠳᠡᠭ᠃      ᠬᠤᠯᠠ  ᠵᠢᠰᠦᠮ᠄ ᠦᠨᠳᠦᠰᠦᠨ ᠳᠡᠭᠡᠨ ᠪᠤᠷᠤᠪᠳᠤᠷ ᠬᠤᠸᠠ ᠬᠤᠨᠳᠠᠨ ᠦᠩᠭᠡ ᠲᠠᠢ ᠮᠤᠷᠢ ᠶᠢ ᠬᠤᠯᠠ ᠮᠤᠷᠢ ᠭᠡᠨ᠎ᠡ᠃ ᠬᠤᠯᠠ ᠮᠤᠷᠢᠨ ᠤ ᠭᠤᠷᠪᠠᠨ ᠵᠢᠰᠦᠮ᠄ ᠬᠤᠸᠠ ᠵᠢᠰᠦᠮ ᠤᠨ ᠳᠡᠭᠡᠷ᠎ᠡ ᠳᠡᠯ ᠰᠡᠭᠦᠯ᠂ ᠨᠢᠷᠤᠭᠤ ᠵᠤ᠂ ᠳᠦᠷᠪᠡᠨ ᠰᠢᠭᠢᠷ᠎ᠡ᠂ ᠨᠢᠳᠤᠨ ᠤ ᠤᠬᠤᠷᠬᠠᠢ ᠪᠠᠨ ᠳᠠᠭᠠᠭᠠᠳ ᠬᠠᠷ᠎ᠠ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠠᠷ᠎ᠠ ᠬᠤᠯᠠ ᠮᠤᠷᠢ ᠭᠡᠨ᠎ᠡ᠃ ᠬᠤᠸᠠ ᠵᠢᠰᠦᠮ ᠳᠡᠭᠡᠷ᠎ᠡ ᠠᠮᠠ ᠬᠤᠩᠰᠢᠶᠠᠷ᠂ ᠳᠡᠯ ᠰᠡᠭᠦᠯ᠂ ᠴᠠᠪᠢ ᠰᠤᠭᠤ ᠪᠠᠨ ᠳᠠᠭᠠᠭᠠᠳ ᠴᠠᠶᠢᠪᠤᠷ ᠴᠠᠭᠠᠨ ᠦᠰᠦ ᠲᠠᠢ ᠮᠤᠷᠢ ᠶᠢ ᠴᠠᠭᠠᠨ ᠬᠤᠯᠠ ᠮᠤᠷᠢ ᠭᠡᠨ᠎ᠡ᠃ ᠬᠤᠸᠠ ᠵᠢᠰᠦᠮ ᠳᠡᠭᠡᠷ᠎ᠡ ᠰᠢᠷᠠᠩᠭᠤᠶᠢᠪᠳᠤᠷ ᠬᠤᠨᠳᠠᠨ ᠦᠩᠭᠡ ᠶᠢᠨ ᠬᠤᠯᠢᠮᠠᠭ ᠦᠰᠦ ᠲᠠᠢ ᠮᠤᠷᠢ ᠶᠢ ᠬᠤᠸᠠ ᠬᠤᠯᠠ ᠮᠤᠷᠢ ᠭᠡᠨ᠎ᠡ᠃      ᠴᠠᠶᠢᠪᠳᠤᠷ ᠵᠢᠰᠦᠮ᠄ ᠬᠤᠸᠠ ᠵᠢᠰᠦᠮ ᠳᠡᠭᠡᠷ᠎ᠡ ᠠᠮᠠ ᠬᠤᠩᠰᠢᠶᠠᠷ᠂ ᠴᠠᠪᠢ ᠰᠤᠭᠤ ᠪᠠᠨ ᠳᠠᠭᠠᠭᠠᠳ ᠤᠯᠠᠪᠳᠤᠷ ᠰᠢᠷᠠᠩᠭᠤᠢ ᠦᠰᠦ ᠲᠠᠢ ᠮᠤᠷᠢ ᠶᠢ ᠴᠠᠶᠢᠪᠳᠤᠷ ᠮᠤᠷᠢ ᠭᠡᠨ᠎ᠡ᠃      ᠠᠳᠤᠭᠤ ᠶᠢᠨ ᠤᠨᠴᠠᠯᠢᠭ ᠰᠢᠨᠵᠢ᠂ ᠵᠠᠷᠤᠳᠠᠯ ᠶᠠᠪᠤᠳᠠᠯ᠂ ᠵᠠᠩ ᠴᠢᠨᠠᠷ ᠤᠨ ᠳᠠᠯ᠎ᠠ ᠪᠠᠷ ᠤᠯᠠᠨ ᠵᠦᠢᠯ ᠤᠨ ᠳᠠᠭᠤᠳᠠᠯᠭ᠎ᠠ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠳᠡᠷᠭᠡᠨ ᠬᠡᠭᠡᠷ᠂ ᠤᠷᠭᠠᠨ ᠰᠠᠭᠠᠷᠠᠯ᠂ ᠬᠤᠨᠢᠨ ᠤ ᠪᠤᠷᠤ᠂ ᠵᠢᠷᠤᠭ᠎ᠠ ᠬᠤᠯᠠ᠂ ᠬᠠᠳᠠᠷᠢᠭ᠎ᠠ ᠵᠡᠭᠡᠷᠳᠡ᠂ ᠰᠠᠷᠠ ᠲᠠᠢ ᠵᠡᠭᠡᠷᠳᠡ᠂ ᠰᠢᠪᠠᠭᠤᠨ ᠴᠠᠭᠠᠨ᠂ ᠰᠢᠬᠢᠷ᠎ᠡ ᠴᠠᠭᠠᠨ᠂ ᠬᠠᠱᠠᠩ ᠬᠠᠷ᠎ᠠ᠂ ᠶᠠᠪᠤᠭᠠᠴᠢ ᠬᠠᠯᠢᠭᠤᠨ᠂ ᠤᠷᠤᠭ᠎ᠠ ᠰᠢᠷᠭ᠎ᠠ᠂ ᠳᠤᠭᠤᠯᠠᠩ ᠤᠯᠠᠭᠠᠨ ᠭᠡᠬᠦ ᠮᠡᠳᠦ ᠶᠢᠨ ᠤᠨᠴᠠᠯᠢᠭ ᠲᠤᠨᠢ ᠲᠤᠬᠢᠷᠠᠭᠰᠠᠨ ᠤᠯᠠᠨ ᠳᠠᠭᠤᠳᠠᠯᠭ᠎ᠠ ᠪᠠᠶᠢᠳᠠᠭ᠃      ᠭᠤᠷᠪᠠ᠂ ᠳᠡᠮᠡᠭᠡᠨ ᠤ ᠵᠢᠰᠦᠮ᠃ ᠴᠤᠯ ᠤᠯᠠᠭᠠᠨ ᠦᠰᠦ ᠲᠠᠢ ᠳᠡᠮᠡᠭᠡ ᠶᠢ ᠤᠯᠠᠭᠠᠨ ᠳᠡᠮᠡᠭᠡ ᠭᠡᠨ᠎ᠡ᠃ ᠵᠤᠭᠳᠤᠷ ᠪᠤᠶᠤ ᠳᠡᠯ ᠢᠶᠠᠨ ᠳᠠᠭᠠᠭᠠᠳ ᠬᠠᠷᠠᠪᠳᠤᠷ᠂ ᠨᠤᠤᠰᠤ ᠨᠢ ᠪᠠᠷᠠᠭᠠᠨ ᠦᠩᠭᠡᠳᠠᠢ ᠳᠡᠮᠡᠭᠡ ᠶᠢ ᠬᠠᠷ᠎ᠠ ᠳᠡᠮᠡᠭᠡ ᠭᠡᠨ᠎ᠡ᠃ ᠬᠠᠷᠠᠪᠳᠤᠷ ᠤᠯᠠᠭᠠᠨ ᠦᠰᠦ ᠲᠠᠢ ᠳᠡᠮᠡᠭᠡ ᠶᠢ ᠪᠤᠷᠤ ᠳᠡᠮᠡᠭᠡ ᠭᠡᠨ᠎ᠡ᠃ ᠴᠤᠯ ᠴᠠᠭᠠᠨ ᠨᠤᠤᠰᠤ ᠲᠠᠢ ᠳᠡᠮᠡᠭᠡ  ᠶᠢ ᠴᠠᠭᠠᠨ ᠳᠡᠮᠡᠭᠡ ᠭᠡᠨ᠎ᠡ᠃ ᠮᠠᠨ ᠤ ᠨᠤᠳᠤᠭ ᠲᠤ ᠳᠡᠮᠡᠭᠡ ᠦᠭᠡᠢ ᠪᠤᠯᠬᠤᠷ ᠨᠠᠷᠢᠯᠢᠭ ᠰᠠᠶᠢᠬᠠᠨ ᠮᠡᠳᠡᠬᠦ ᠦᠭᠡᠢ᠃      ᠲᠦᠷᠪᠡ᠂ ᠬᠤᠨᠢᠨ ᠤ ᠳᠠᠩ ᠵᠢᠰᠦᠮ ᠳᠤ ᠴᠠᠭᠠᠨ᠂ ᠬᠠᠷ᠎ᠠ᠂ ᠪᠤᠷᠤ ᠵᠡᠷᠭᠡ ᠵᠢᠰᠦᠮ ᠪᠠᠶᠢᠬᠤ ᠪᠦᠭᠡᠳ ᠳᠠᠪᠬᠤᠷ ᠵᠢᠰᠦᠮ ᠳᠤ ᠬᠠᠷ᠎ᠠ ᠠᠯᠠᠭ᠂ ᠪᠤᠷᠤ ᠠᠯᠠᠭ᠂ ᠬᠦᠬᠡ ᠠᠯᠠᠭ᠂ ᠬᠠᠷ᠎ᠠ᠂ ᠪᠤᠷᠤ ᠲᠦᠷᠦᠭᠦᠳᠦ᠂ ᠬᠠᠷ᠎ᠠ᠂ ᠪᠤᠷᠤ ᠬᠠᠯᠵᠠᠨ ᠵᠡᠷᠭᠡ ᠶᠢᠨ ᠦᠩᠭᠡ ᠵᠢᠰᠦᠮ ᠪᠠᠶᠢᠳᠠᠭ᠃ ᠤᠨᠴᠠᠯᠢᠭ ᠤᠨ ᠳᠠᠯ᠎ᠠ ᠪᠠᠷ ᠭᠤᠯᠤᠩᠬᠠᠢ ᠴᠠᠭᠠᠨ᠂ ᠢᠬᠡᠷ᠎ᠡ  ᠶᠢᠨ ᠤᠳᠤᠮ᠂ ᠵᠤᠵᠢᠭ ᠪᠤᠷᠤ ᠵᠡᠷᠭᠡ ᠳᠠᠭᠤᠳᠠᠯᠭ᠎ᠠ ᠪᠠᠶᠢᠳᠠᠭ᠃      ᠳᠠᠪᠤ᠂ ᠢᠮᠠᠭᠠᠨ ᠤ ᠳᠠᠩ ᠵᠢᠰᠦᠮ ᠳᠤ ᠴᠠᠭᠠᠨ᠂ ᠬᠠᠷ᠎ᠠ᠂ ᠬᠦᠬᠡ᠂ ᠤᠯᠠᠭᠠᠨ ᠵᠡᠷᠭᠡ ᠵᠢᠰᠦᠮ ᠪᠠᠶᠢᠬᠤ ᠪᠦᠬᠡᠳ ᠳᠠᠪᠬᠤᠷ ᠵᠢᠰᠦᠮ ᠳᠤ ᠬᠠᠷ᠎ᠠ ᠬᠠᠯᠳᠠᠷ᠂ ᠬᠦᠬᠡ ᠬᠠᠯᠳᠠᠷ᠂ ᠪᠤᠭᠤᠷᠤᠯ᠂ ᠤᠷᠤᠭ ᠵᠡᠷᠭᠡ ᠵᠢᠰᠦ ᠪᠠᠶᠢᠳᠠᠭ᠃ ᠤᠨᠴᠠᠯᠢᠭ ᠤᠨ ᠳᠠᠯ᠎ᠠ ᠪᠠᠷ ᠮᠦᠷᠭᠦᠭᠡᠴᠢ᠂ ᠭᠤᠯᠤᠩᠬᠠᠢ᠂  ᠶᠠᠪᠤᠭᠠᠴᠢ᠂ ᠳᠦᠢᠳᠦᠭᠡᠴᠢ ᠵᠡᠷᠭᠡ ᠤᠯᠠᠨ ᠳᠠᠭᠤᠳᠠᠯᠭ᠎ᠠ ᠪᠠᠶᠢᠳᠠᠭ᠃         ᠡᠪᠴᠢᠭᠦᠴᠢᠨ · ᠳᠣᠨᠤᠷᠤᠪ ᠤᠨ ︽ᠠᠷᠣ ᠬᠤᠷᠴᠢᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ︾ ᠭᠡᠬᠦ         ᠨᠣᠮ ᠠᠴᠠ ᠰᠤᠩᠭᠤᠪᠠ  
  
ᠢᠷᠡᠯᠲᠡ᠄ ᠠᠷᠣ ᠬᠤᠷᠴᠢᠨ ᠬᠤᠰᠢᠭᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠠᠴᠢᠶᠠᠯᠠᠪᠤᠷᠢ ᠶᠢᠨ ᠵᠢᠷᠭᠤᠭᠠᠨ ᠲᠡᠷᠭᠡ
ᠶᠡᠭᠡ ᠡᠷᠳᠡᠮᠳᠡᠨ ᠪᠢᠮᠪᠠ ᠶᠢᠨ ᠷᠢᠨᠴᠢᠨ ᠪᠠᠭᠰᠢ ᠳᠤ ᠭᠠᠶᠢᠬᠠᠭᠳᠠᠭᠰᠠᠨ ᠬᠦᠮᠤᠨ
ᠨᠤᠶᠠᠨ ᠠᠭᠤᠯᠠ ᠶᠢᠨ ᠤᠪᠤᠭ᠎ᠠ
ᠠᠷᠤ ᠬᠤᠷᠴᠢᠨ ᠤ ᠪᠦᠰᠡᠭᠦᠶᠢᠴᠦᠳ ᠤᠨ ᠦᠰᠦ ᠱᠠᠩᠬᠤᠯᠠᠵᠤ ᠲᠠᠪᠤᠨ ᠬᠠᠳᠬᠤᠭᠤᠷ ᠬᠡᠷᠡᠭᠯᠡᠬᠦ ᠲᠤᠬᠠᠢ
ᠢᠳᠡᠰᠢᠨ ᠮᠠᠯ ᠤᠨ ᠶᠠᠰᠤ ᠮᠢᠬ᠎ᠠ ᠶᠢ ᠲᠤᠶᠠᠴᠢᠵᠤ ᠰᠠᠯᠭᠠᠬᠤ ᠶᠤᠰᠤᠨ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05003979号