| ᠨᠢᠭᠡ᠂ ᠬᠤᠨᠢᠨ ᠪᠦᠬᠦᠯᠢ ᠰᠢᠭᠦᠰᠦ᠃ ᠬᠤᠨᠢᠨ ᠤ ᠤᠭᠤᠴᠠ ᠪᠠᠨ ᠭᠤᠷᠪᠠᠨ ᠰᠦᠪᠡᠷᠭᠡᠰᠦ ᠲᠠᠢ ᠭᠠᠷᠭᠠᠨᠠ᠃ | ᠬᠤᠨᠢᠨ ᠤ ᠲᠤᠯᠤᠭᠠᠢ ᠪᠠᠨ ᠬᠤᠶᠢᠬᠠᠯᠠᠵᠤ᠂ ᠴᠢᠨᠠᠵᠤ ᠪᠤᠯᠭᠤᠭᠰᠠᠨ ᠤ ᠰᠡᠭᠦᠯᠡᠷ ᠬᠠ᠂ ᠭᠤᠶᠠ᠂ ᠰᠡᠭᠡᠷ ᠤᠨ | ᠮᠢᠬᠠ ᠶᠢ ᠦᠶᠡ ᠦᠶᠡ ᠪᠠᠷ ᠰᠠᠯᠭᠠᠨ ᠴᠢᠨᠠᠵᠤ ᠪᠤᠯᠭᠤᠭᠠᠳ ᠶᠡᠭᠡ ᠲᠠᠪᠠᠭ ᠪᠣᠶᠤ ᠫᠢᠯᠠ ᠳᠤ ᠬᠠ᠂ ᠭᠤᠶᠠ ᠶᠢᠨ | ᠮᠢᠬᠠ ᠶᠢ ᠬᠡᠪᠲᠡᠭᠡ ᠬᠤᠨᠢᠨ ᠤ ᠶᠠᠩᠵᠤ ᠪᠠᠷ ᠪᠠᠶᠢᠷᠢᠯᠠᠭᠤᠯᠵᠤ᠂ ᠬᠤᠶᠠᠷ ᠬᠠ ᠶᠢᠨ ᠳᠤᠮᠳᠠ ᠰᠡᠭᠡᠷ ᠤᠨ ᠰᠡᠷᠪᠡᠭᠡ ᠶᠢ | ᠳᠤᠲᠤᠭᠰᠢ ᠬᠠᠨᠳᠤᠭᠤᠯᠤᠨ ᠬᠦᠨᠳᠡᠯᠡᠨ ᠲᠠᠯᠪᠢᠵᠤ᠂ ᠳᠡᠭᠡᠷᠡ ᠠᠴᠠ ᠨᠢ ᠪᠤᠯᠭᠤᠭᠰᠠᠨ ᠤᠭᠤᠴᠠ ᠪᠠᠨ ᠬᠦᠮᠦᠷᠢᠵᠤ | ᠲᠠᠯᠪᠢᠭᠠᠳ ᠤᠭᠤᠴᠠ ᠶᠢᠨ ᠳᠡᠭᠡᠷᠡ ᠬᠤᠨᠢᠨ ᠤ ᠲᠤᠯᠤᠭᠠᠢ ᠪᠠᠨ ᠲᠠᠯᠪᠢᠵᠤ ᠣᠷᠣᠭᠤᠯᠬᠤ ᠶᠢ ᠪᠦᠬᠦᠯᠢ ᠬᠤᠨᠢᠨ ᠤ | ᠰᠢᠭᠦᠰᠦ ᠭᠡᠨᠡ᠃ ᠮᠠᠨ ᠤ ᠮᠤᠩᠭᠤᠯᠴᠣᠳ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠠᠪᠤᠭᠠᠳ ᠪᠦᠬᠦᠯᠢ ᠬᠤᠨᠢᠨ ᠤ ᠰᠢᠭᠦᠰᠦ ᠪᠠᠷ | ᠶᠡᠬᠡᠴᠣᠣᠯ᠂ ᠭᠡᠭᠡᠨ ᠬᠤᠪᠢᠯᠭᠠᠨ᠂ ᠨᠣᠶᠠᠳ ᠬᠡᠷᠬᠡᠮᠲᠡᠨ ᠪᠠ ᠬᠦᠨᠳᠦᠳᠦ ᠵᠤᠴᠢᠨ᠂ ᠲᠦᠷᠦᠯ ᠲᠦᠷᠦᠭᠰᠡᠳ᠂ ᠬᠤᠳᠠ | ᠤᠷᠤᠭ ᠢᠶᠠᠨ ᠳᠠᠶᠢᠯᠠᠳᠠᠭ᠃ | ᠬᠤᠶᠠᠷ᠂ ᠬᠤᠨᠢᠨ ᠤ ᠬᠠᠭᠠᠰ ᠰᠢᠭᠦᠰᠦ᠃ ᠬᠤᠨᠢᠨ ᠤ ᠤᠭᠤᠴᠠ᠂ ᠬᠤᠨᠢᠨ ᠤ ᠲᠤᠯᠤᠭᠠᠢ᠂ ᠳᠦᠷᠪᠡᠨ | ᠦᠨᠳᠦᠷ ᠬᠠᠪᠢᠷᠭᠠ᠂ ᠰᠡᠭᠡᠷ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠦᠨᠡ᠃ ᠬᠠᠪᠢᠷᠭᠠ ᠰᠡᠭᠡᠷ ᠵᠡᠷᠭᠡ ᠮᠢᠬᠠ ᠶᠢ ᠴᠢᠨᠠᠵᠤ | ᠪᠤᠯᠭᠤᠭᠰᠠᠨ ᠤ ᠰᠡᠭᠦᠯᠡᠷ ᠲᠠᠪᠠᠭ᠂ ᠫᠢᠯᠠ ᠳᠠᠭᠠᠨ ᠳᠡᠪᠢᠰᠭᠡᠷ ᠲᠠᠯᠪᠢᠵᠤ᠂ ᠳᠡᠭᠡᠷᠡ ᠲᠠᠯᠠ ᠳᠤ ᠨᠢ ᠬᠤᠨᠢᠨ ᠤ | ᠤᠭᠤᠴᠠ ᠪᠠᠨ ᠬᠦᠮᠦᠷᠢᠵᠤ ᠲᠠᠯᠪᠢᠵᠤ᠂ ᠤᠭᠤᠴᠠᠨ ᠤ ᠳᠡᠭᠡᠷᠡ ᠬᠤᠨᠢᠨ ᠲᠤᠯᠤᠭᠠᠢ ᠪᠠᠨ ᠲᠠᠯᠪᠢᠭᠰᠠᠨ ᠢ ᠬᠠᠭᠠᠰ | ᠰᠢᠭᠦᠰᠦ ᠭᠡᠨᠡ᠃ ᠡᠶᠢᠮᠦᠷᠬᠦᠦ ᠰᠢᠭᠦᠰᠦ ᠶᠢ ᠬᠦᠨᠳᠦᠲᠦ ᠵᠤᠴᠢᠨ ᠢᠶᠠᠨ ᠳᠠᠶᠢᠯᠠᠬᠤ ᠪᠤᠶᠤ ᠬᠤᠷᠢᠮ ᠨᠠᠶᠢᠷ ᠤᠨ | ᠳᠠᠶᠢᠯᠠᠯᠭᠠᠨ ᠳᠤ ᠣᠷᠤᠭᠤᠯᠳᠠᠭ᠃ | ᠭᠤᠷᠪᠠ᠂ ᠬᠤᠨᠢᠨ ᠤ ᠦᠷᠦᠭᠡᠯ ᠰᠢᠭᠦᠰᠦ᠃ ᠡᠭᠦᠨ ᠳᠤ ᠬᠤᠨᠢᠨ ᠤ ᠤᠭᠤᠴᠠ᠂ ᠬᠤᠨᠢᠨ ᠤ ᠲᠤᠯᠤᠭᠠᠢ᠂ | ᠬᠤᠨᠢᠨ ᠤ ᠵᠥᠪ ᠲᠠᠯᠠ ᠶᠢᠨ ᠬᠠ᠂ ᠪᠤᠷᠤᠭᠤ ᠲᠠᠯᠠ ᠶᠢᠨ ᠭᠤᠶᠠ ᠪᠠᠷ ᠪᠦᠷᠢᠯᠳᠦᠨᠡ᠃ ᠬᠤᠨᠢᠨ ᠤ ᠬᠠ ᠭᠤᠶᠠ ᠪᠠᠨ | ᠦᠶᠡᠯᠡᠵᠦ ᠰᠠᠯᠭᠠᠬᠤ ᠦᠭᠡᠢ ᠪᠦᠬᠦᠯᠢ ᠪᠠᠷ ᠨᠢ ᠪᠣᠷᠤᠯᠠᠭᠤᠯᠵᠤ ᠠᠪᠤᠭᠠᠳ ᠲᠠᠪᠠᠭ ᠫᠢᠯᠠ ᠳᠠᠭᠠᠨ ᠬᠠ ᠶᠢ ᠵᠥᠪ | ᠲᠠᠯᠠ ᠳᠤ ᠨᠢ ᠭᠤᠶᠠ ᠶᠢ ᠪᠤᠷᠤᠭᠤ ᠲᠠᠯᠠ ᠳᠤ ᠨᠢ᠂ ᠳᠣᠲᠤᠷ ᠲᠠᠯᠠ ᠶᠢ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ | ᠪᠠᠶᠢᠷᠢᠯᠠᠭᠤᠯᠤᠨ᠂ ᠤᠭᠤᠴᠠ ᠪᠠᠨ ᠬᠦᠮᠦᠷᠢᠵᠤ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠨᠢ ᠬᠤᠨᠢᠨ ᠤ ᠲᠤᠯᠤᠭᠠᠢ ᠪᠠᠨ ᠲᠠᠯᠪᠢᠨᠠ᠃ | ᠡᠶᠢᠮᠦ ᠮᠠᠶ᠋ᠢᠭ ᠤᠨ ᠰᠢᠭᠦᠰᠦ ᠶᠢ ᠦᠷᠦᠭᠡᠯ ᠰᠢᠭᠦᠰᠦ ᠭᠡᠨᠡ᠃ ᠡᠶᠢᠮᠦ ᠰᠢᠭᠦᠰᠦ ᠪᠠᠷ ᠠᠭᠤᠯᠠ ᠬᠠᠶᠢᠷᠬᠠᠨ᠂ ᠣᠪᠣᠭᠠ | ᠱᠠᠩᠰᠢ᠂ ᠭᠤᠣᠯ ᠪᠤᠯᠠᠭ ᠢ ᠲᠠᠬᠢᠬᠤ ᠳᠤ ᠬᠡᠷᠡᠭᠯᠡᠬᠦ ᠪᠥᠭᠡᠳ ᠰᠢᠨᠡ ᠬᠦᠷᠭᠡᠨ ᠬᠠᠳᠠᠮ ᠤᠨ ᠪᠣᠷᠬᠠᠨ ᠳᠤ ᠮᠦᠷᠭᠦᠬᠦ᠂ | ᠬᠠᠷᠢ ᠳᠤ ᠮᠣᠷᠳᠠᠭᠰᠠᠨ ᠬᠡᠦᠬᠡᠨ ᠤ ᠠᠩᠬᠠᠨ ᠤ ᠡᠷᠭᠢᠯᠲᠡ ᠳᠤ ᠡᠶᠢᠮᠦ ᠰᠢᠭᠦᠰᠦ ᠶᠢ ᠬᠡᠷᠡᠭᠯᠡᠳᠡᠭ᠃ | ᠳᠥᠷᠪᠡ᠂ ᠠᠯᠢᠪᠠ ᠰᠢᠭᠦᠰᠦ ᠶᠢ ᠳᠠᠶᠢᠯᠠᠯᠭᠠ ᠳᠤ ᠣᠷᠤᠭᠤᠯᠬᠤ ᠳᠠᠭᠠᠨ᠂ ᠬᠦᠵᠦᠭᠦᠦ᠂ ᠪᠣᠭᠤᠨᠢ ᠬᠠᠪᠢᠷᠭᠠ᠂ | ᠪᠣᠭᠲᠤᠰ ᠴᠢᠮᠦᠭᠡ ᠵᠡᠷᠭᠡ ᠶᠢ ᠣᠷᠤᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠪᠦᠭᠡᠳ ᠰᠢᠭᠦᠰᠦ ᠪᠠᠨ ᠡᠷᠬᠡᠪᠰᠢ ᠬᠠᠯᠢᠮᠯᠠᠬᠤ ᠬᠡᠷᠡᠭᠲᠡᠢ᠃ | ᠬᠤᠨᠢᠨ ᠤ ᠡᠪᠴᠢᠭᠦᠦ ᠶᠢ ᠠᠰ ᠲᠤ ᠨᠢ ᠵᠣᠴᠢᠨ ᠳᠠᠶᠢᠯᠠᠬᠤ ᠳᠤ ᠣᠷᠤᠭᠤᠯᠳᠠᠭ᠂ ᠡᠪᠴᠢᠭᠦᠦ ᠪᠠᠷ ᠭᠤᠤᠯᠳᠠᠭᠤ | ᠡᠮᠡᠭᠲᠡᠢ ᠵᠣᠴᠢᠨ ᠢ ᠳᠠᠶᠢᠯᠠᠳᠠᠭ ᠵᠠᠩ ᠵᠢᠷᠤᠮ ᠲᠠᠢ᠃ ᠰᠡᠭᠡᠷ ᠬᠠᠪᠢᠷᠭᠠ ᠵᠡᠷᠭᠡ ᠮᠢᠬᠠ ᠶᠢ ᠲᠠᠪᠠᠭ ᠲᠤ ᠳᠡᠪᠢᠰᠭᠡᠷ | ᠲᠠᠯᠪᠢᠵᠤ᠂ ᠡᠪᠴᠢᠭᠦᠦ ᠶᠢᠨ ᠡᠯᠢᠭᠡᠨ ᠲᠠᠯᠠ ᠶᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ᠂ ᠲᠠᠪᠠᠭ ᠲᠠᠢ ᠮᠢᠬᠠᠨ ᠳᠡᠭᠡᠷᠡ ᠪᠠᠨ | ᠲᠠᠯᠪᠢᠭᠠᠳ ᠵᠣᠴᠢᠨ ᠳᠠᠶᠢᠯᠠᠳᠠᠭ᠃ ᠡᠭᠦᠨ ᠳᠤ ᠡᠪᠴᠢᠭᠦᠦ ᠶᠢᠨ ᠪᠦᠳᠦᠷᠬᠡᠢ ᠶᠢ ᠣᠭᠲᠤᠯᠤᠨ ᠠᠪᠬᠤ ᠪᠦᠭᠡᠳ | ᠬᠤᠷᠮᠤᠢ ᠶᠢ ᠨᠢ ᠲᠡᠭᠰᠢᠬᠡᠨ ᠰᠠᠶᠢᠬᠠᠨ ᠬᠡᠷᠪᠢᠵᠤ ᠠᠪᠬᠤ ᠬᠡᠷᠡᠭᠲᠡᠢ᠃ | ᠲᠠᠪᠤ᠂ ᠰᠢᠭᠦᠰᠦ ᠮᠡᠳᠡᠭᠦᠯᠬᠦ᠂ ᠰᠢᠭᠦᠰᠦ ᠬᠠᠰᠢᠬᠤ᠂ ᠰᠢᠭᠦᠰᠦ ᠪᠣᠴᠠᠬᠤ ᠶᠣᠰᠤ ᠣᠴᠢᠷ᠃ ᠲᠠᠪᠠᠭ ᠲᠠᠢ | ᠰᠢᠭᠦᠰᠦ ᠪᠠᠨ ᠰᠢᠷᠡᠭᠡᠨ ᠳᠤ ᠲᠠᠯᠪᠢᠭᠰᠠᠨ ᠤ ᠰᠡᠭᠦᠯᠡᠷ᠂ ᠭᠡᠷ ᠤᠨ ᠡᠵᠡᠨ ᠨᠢ ᠵᠣᠴᠢᠨ ᠳᠠᠭᠠᠨ ᠠᠷᠢᠬᠢ ᠬᠠᠳᠠᠭ ᠲᠠᠢ | ᠪᠠᠷᠢᠵᠤ ᠰᠢᠭᠦᠰᠦ ᠮᠡᠳᠡᠭᠦᠯᠦᠨᠡ᠃ ᠳᠠᠷᠠᠭᠠ ᠨᠢ ᠰᠦᠩ ᠤᠨ ᠬᠡᠦᠬᠡᠳ ᠪᠠᠭᠠ ᠲᠠᠪᠠᠭ ᠤᠨ ᠳᠣᠲᠤᠷᠠ ᠬᠢᠲᠤᠭᠠ | ᠬᠢᠵᠦ ᠤᠷᠤᠵᠤ ᠢᠷᠡᠭᠡᠳ ᠬᠢᠲᠤᠭᠠ ᠶᠢᠨ ᠡᠰᠢ ᠪᠠᠷᠢᠭᠤᠯ ᠤᠨ ᠲᠠᠯᠠ ᠶᠢ ᠵᠣᠴᠢᠨ ᠤ ᠥᠭᠡᠳᠡ ᠬᠠᠨᠳᠤᠭᠤᠯᠵᠤ | ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠨᠠ᠃ ᠢᠩᠭᠢᠭᠰᠡᠨ ᠤ ᠰᠡᠭᠦᠯᠡᠷ ᠰᠢᠷᠡᠭᠡᠨ ᠳᠤ ᠰᠠᠭᠤᠭᠰᠠᠨ ᠵᠣᠴᠢᠨ ᠬᠢᠲᠤᠭᠠ ᠶᠢ ᠠᠪᠴᠣ | ᠬᠤᠨᠢᠨ ᠤ ᠲᠤᠯᠤᠭᠠᠢ ᠶᠢᠨ ᠮᠠᠩᠨᠠᠢ ᠳᠡᠭᠡᠷᠡ ᠲᠣᠨᠤᠯᠵᠢᠨ ᠲᠡᠮᠳᠡᠭ ᠬᠠᠭᠠᠯᠬᠤ ᠪᠣᠶᠣ ᠪᠠᠷᠠᠭᠤᠨ ᠴᠢᠬᠢ ᠶᠢ ᠨᠢ | ᠢᠮᠨᠡᠭᠡᠳ᠂ ᠤᠭᠤᠴᠠ ᠶᠢᠨ ᠤᠷᠤᠭ ᠰᠡᠭᠦᠯ ᠠᠴᠠ ᠪᠠᠭᠠ ᠬᠡᠰᠡᠭ ᠣᠭᠲᠤᠯᠤᠨ ᠠᠪᠴᠤ᠂ ᠬᠤᠨᠢᠨ ᠲᠤᠯᠤᠭᠠᠢ ᠲᠠᠢ | ᠬᠠᠮᠲᠤ ᠳᠤ ᠨᠢ ᠪᠠᠭᠠ ᠲᠠᠪᠠᠭ ᠤᠨ ᠳᠣᠲᠤᠷᠠ ᠬᠢᠵᠦ ᠪᠤᠴᠠᠭᠠᠨᠠ᠃ ᠡᠭᠦᠨ ᠤ ᠳᠠᠷᠠᠭᠠ ᠭᠡᠷ ᠤᠨ ᠡᠵᠡᠨ ᠪᠤᠶᠤ | ᠰᠦᠩ ᠤᠨ ᠬᠡᠦᠬᠡᠳ ᠬᠤᠨᠢᠨ ᠤ ᠤᠭᠤᠴᠠ ᠪᠠᠨ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠡᠬᠢᠯᠡᠨ ᠬᠠᠰᠢᠵᠤ᠂ ᠬᠤᠶᠠᠷ ᠲᠠᠯᠠ ᠶᠢᠨ | ᠬᠠᠪᠢᠰᠦ ᠶᠢ ᠤᠭᠤᠴᠠ ᠶᠢᠨ ᠳᠡᠭᠡᠭᠦᠷ ᠤᠨᠤᠭᠤᠯᠤᠨ ᠰᠣᠯᠢᠵᠤ ᠲᠠᠯᠪᠢᠨᠠ᠃ ᠳᠠᠷᠠᠭᠠ ᠨᠢ ᠵᠣᠴᠢᠨ ᠰᠢᠭᠦᠰᠦ ᠶᠢᠨ | ᠳᠡᠭᠡᠵᠢ ᠶᠢ ᠭᠠᠯ ᠪᠣᠷᠬᠠᠨ ᠳᠤ ᠠᠳᠢᠰᠯᠠᠨ ᠡᠷᠭᠦᠭᠡᠳ ᠰᠠᠶ᠋ᠢ ᠢᠳᠡᠵᠦ ᠵᠣᠭᠤᠭᠯᠠᠳᠠᠭ ᠶᠣᠰᠤ ᠲᠠᠢ᠃ | | | ᠡᠪᠴᠢᠭᠦᠴᠢᠨ · ᠳᠣᠨᠤᠷᠤᠪ ᠤᠨ ︽ᠠᠷᠣ ᠬᠤᠷᠴᠢᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ︾ ᠭᠡᠬᠦ | ᠨᠣᠮ ᠠᠴᠠ ᠰᠤᠩᠭᠤᠪᠠ | | |