| ᠰᠦᠩ ᠤᠨ ᠬᠤᠨᠳᠠᠭᠠ ᠵᠠᠰᠠᠵᠤ᠂ ᠰᠦᠩ ᠲᠠᠯᠪᠢᠬᠤ ᠶᠣᠰᠣ ᠣᠴᠢᠷ ᠪᠣᠯ ᠬᠤᠶᠠᠷ ᠬᠡᠦᠭᠡᠳ ᠤᠨ ᠣᠷᠤᠭ | ᠬᠤᠷᠢᠮ ᠳᠤ ᠯᠡ ᠬᠡᠷᠡᠭᠯᠡᠳᠡᠭ ᠵᠠᠩ ᠦᠢᠯᠡ ᠮᠦᠨ᠃ ᠨᠢᠭᠡ ᠬᠦᠮᠦᠨ ᠨᠢᠭᠡ ᠨᠠᠰᠣᠨ ᠳᠠᠭᠠᠨ ᠨᠢᠭᠡ ᠯᠡ ᠤᠳᠠᠭᠠ | ᠰᠦᠩ ᠤᠨ ᠬᠤᠨᠳᠠᠭᠠ ᠵᠠᠰᠠᠳᠠᠭ᠂ ᠵᠢᠱᠢᠶᠡᠯᠡᠪᠡᠯ᠂ ᠬᠦᠦ ᠳᠡᠭᠡᠨ ᠪᠡᠷᠢ ᠪᠠᠭᠤᠯᠭᠠᠬᠤ᠂ ᠬᠡᠦᠬᠡᠨ ᠢᠶᠠᠨ ᠬᠠᠷᠢ ᠳᠤ | ᠮᠣᠷᠳᠠᠭᠤᠯᠬᠤ ᠬᠤᠷᠢᠮ ᠳᠤ ᠰᠠᠶ᠋ᠢ ᠰᠦᠩ ᠤᠨ ᠬᠤᠨᠳᠠᠭᠠ ᠵᠠᠰᠠᠳᠠᠭ᠃ ᠮᠠᠨ ᠤ ᠮᠤᠩᠭᠤᠯᠴᠣᠳ ᠲᠤ ᠤᠷᠤᠭ | ᠬᠤᠷᠢᠮ ᠳᠤ ᠬᠡᠷᠡᠭᠯᠡᠬᠦ ᠲᠤᠰᠬᠠᠢ ᠰᠦᠩ ᠤᠨ ᠰᠢᠷᠡᠭᠡ ᠪᠠᠶᠢᠳᠠᠭ᠃ ᠨᠢᠭᠡ ᠪᠦᠯᠦᠭ ᠠᠶᠢᠯ ᠳᠤ ᠨᠢᠭᠡ ᠰᠦᠩ ᠤᠨ | ᠰᠢᠷᠡᠭᠡ ᠪᠠᠶᠢᠪᠠᠯ ᠵᠠᠷᠣᠭᠠᠳ ᠬᠦᠷᠴᠢᠬᠡᠨᠡ᠂ ᠬᠡᠨ ᠤ ᠭᠡᠷ ᠲᠤ ᠪᠡᠷᠢ ᠪᠠᠭᠤᠯᠭᠠᠬᠤ ᠪᠣᠶᠤ ᠬᠡᠦᠬᠡᠨ ᠮᠣᠷᠳᠠᠭᠤᠯᠬᠤ | ᠬᠤᠷᠢᠮ ᠬᠢᠪᠡᠯ ᠲᠡᠷᠡ ᠰᠢᠷᠡᠭᠡ ᠶᠢ ᠵᠢᠭᠡᠯᠡᠨ ᠵᠠᠷᠣᠳᠠᠭ᠃ | ᠰᠦᠩ ᠵᠠᠰᠠᠬᠤ ᠵᠠᠩ ᠦᠢᠯᠡ ᠪᠣᠯ ᠮᠠᠨ ᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ | ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠬᠤᠶᠠᠷ ᠬᠡᠦᠭᠡᠳ ᠤᠨ ᠬᠤᠣᠰ ᠪᠠᠶᠠᠷ ᠢ ᠪᠡᠯᠭᠡᠳᠡᠭᠰᠡᠨ ᠰᠣᠶᠣᠯ ᠮᠦᠨ᠂ ᠮᠦᠨ ᠴᠤ | ᠬᠤᠷᠢᠮ ᠲᠥᠷᠥ ᠶᠢᠨ ᠬᠦᠨᠳᠦᠳᠬᠡᠭᠰᠡᠨ ᠵᠠᠩ ᠦᠢᠯᠡ ᠮᠦᠨ᠃ ᠰᠦᠩ ᠵᠠᠰᠠᠬᠤ ᠨᠢ ᠵᠦᠪᠬᠡᠨ ᠣᠷᠤᠭ ᠬᠤᠷᠢᠮ ᠳᠤ | ᠬᠡᠷᠡᠭᠡᠯᠳᠡᠭ᠂ ᠪᠣᠰᠣᠳ ᠶᠠᠮᠠᠷ ᠨᠢᠭᠡᠨ ᠨᠠᠶᠢᠷ ᠬᠤᠷᠢᠮ᠂ ᠵᠢᠯ ᠤᠨ ᠪᠠᠶᠠᠷ᠂ ᠨᠠᠰᠤᠨ ᠪᠠᠶᠠᠷ᠂ ᠬᠡᠦᠬᠡᠳ ᠤᠨ ᠣᠢ᠂ | ᠰᠠᠷᠠ ᠶᠢᠨ ᠬᠤᠷᠢᠮ ᠳᠤ ᠰᠦᠩ ᠤᠨ ᠰᠢᠷᠡᠭᠡ ᠵᠠᠰᠠᠳᠠᠭ ᠦᠭᠡᠢ᠃ | ᠰᠦᠩ ᠤᠨ ᠰᠢᠷᠡᠭᠡ ᠶᠢ ᠪᠠᠶᠢᠷᠢᠯᠠᠭᠤᠯᠬᠤ᠂ ᠰᠦᠩ ᠵᠠᠰᠠᠬᠤ ᠶᠣᠰᠣ ᠣᠴᠢᠷ᠃ ᠰᠦᠩ ᠤᠨ ᠪᠢᠴᠢᠬᠠᠨ | ᠰᠢᠷᠡᠭᠡ ᠪᠠᠨ ᠡᠷᠬᠡᠪᠰᠢ ᠬᠤᠷᠢᠮ ᠤᠨ ᠭᠤᠣᠯ ᠰᠢᠷᠡᠭᠡᠨ ᠤ ᠡᠮᠦᠨᠡ ᠪᠠᠶᠢᠷᠢᠯᠠᠭᠤᠯᠤᠨᠠ᠃ ᠮᠣᠩᠭᠤᠯ ᠭᠡᠷ ᠲᠤ ᠪᠣᠯ | ᠲᠤᠯᠭᠠ ᠶᠢᠨ ᠬᠤᠶᠢᠨᠠ ᠡᠮᠦᠨᠡ ᠪᠦᠷ ᠪᠠᠶᠢᠷᠢᠯᠠᠭᠤᠯᠵᠤ ᠪᠣᠯᠣᠨᠠ᠃ ᠪᠠᠶᠢᠰᠢᠩ ᠭᠡᠷ ᠪᠣᠯ ᠭᠤᠣᠯ ᠰᠢᠷᠡᠭᠡᠨ ᠤ | ᠡᠮᠦᠨᠡ ᠨᠢ ᠬᠠᠨᠵᠤᠨ ᠳᠡᠭᠡᠷᠡ ᠪᠠᠶᠢᠷᠢᠯᠠᠭᠤᠯᠤᠨᠠ᠃ ᠰᠦᠩ ᠤᠨ ᠰᠢᠷᠡᠭᠡᠨ ᠤ ᠳᠡᠭᠡᠷᠡ ᠪᠠᠨ ᠬᠠᠳᠠᠭ ᠪᠣᠶᠣ | ᠵᠣᠭᠤᠰ ᠢᠶᠠᠷ ᠳᠡᠪᠢᠰᠭᠡᠷ ᠲᠠᠯᠪᠢᠵᠤ ᠳᠡᠭᠡᠷᠡ ᠨᠢ ᠬᠤᠣᠰ ᠮᠦᠩᠬᠦᠨ ᠠᠶᠠᠭᠠ ᠪᠣᠶᠣ ᠪᠠᠶᠠᠨ ᠴᠠᠭᠠᠨ ᠬᠤᠨᠳᠠᠭᠠᠨ ᠳᠤ | ᠠᠷᠢᠬᠢ ᠬᠡᠮᠨᠡᠵᠦ ᠲᠠᠯᠪᠢᠨᠠ᠃ ᠡᠭᠦᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠬᠤᠷᠢᠮ ᠤᠨ ᠭᠤᠣᠯ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠢᠴᠢᠬᠠᠨ | ᠬᠤᠨᠳᠠᠭᠠ ᠪᠠᠷ ᠬᠡᠮ ᠵᠠᠰᠠᠨᠠ᠃ ᠭᠡᠬᠦ ᠳᠡᠭᠡᠨ ᠬᠤᠨᠳᠠᠭᠠ ᠪᠠᠨ ᠵᠠᠪᠠᠯ ᠬᠤᠣᠰ ᠲᠤᠭᠠ ᠪᠠᠷ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ | ᠪᠥᠭᠡᠳ ᠬᠠᠭᠠᠯᠭᠠ ᠲᠠᠯᠠ ᠶᠢ ᠨᠢ ᠳᠣᠲᠣᠭᠰᠢ ᠬᠠᠨᠳᠤᠭᠤᠯᠵᠤ ᠵᠠᠰᠠᠨᠠ᠃ ᠵᠠᠰᠠᠵᠣ ᠲᠠᠯᠪᠢᠭᠰᠠᠨ ᠬᠡᠮ ᠤᠨ | ᠬᠤᠨᠳᠠᠭᠠᠨ ᠳᠠᠭᠠᠨ ᠠᠷᠢᠬᠢ ᠪᠠᠨ ᠬᠡᠮᠨᠡᠭᠡᠳ ᠬᠤᠷᠢᠮ ᠳᠤ ᠵᠠᠯᠠᠷᠠᠵᠣ ᠰᠠᠭᠠᠲᠠᠭᠰᠠᠨ ᠣᠷᠢᠶᠠᠯ ᠲᠠᠯᠠ ᠶᠢᠨ ᠠᠬᠠ | ᠳᠡᠭᠦᠦ ᠣᠷᠤᠭ ᠤᠨ ᠲᠠᠯᠠ ᠶᠢᠨ ᠵᠣᠴᠢᠨ ᠳᠤ ᠬᠤᠶᠠᠷ ᠰᠦᠩ ᠤᠨ ᠬᠡᠦᠬᠡᠳ ᠠᠷᠢᠬᠢ ᠪᠠᠷᠢᠳᠠᠭ ᠶᠣᠰᠣ ᠲᠠᠢ᠂ | ᠭᠡᠬᠦ ᠳᠡᠭᠡᠨ ᠡᠷᠬᠡᠪᠰᠢ ᠭᠤᠣᠯ ᠰᠢᠷᠡᠭᠡᠨ ᠤ ᠬᠤᠷᠢᠮ ᠤᠨ ᠬᠤᠶᠠᠷ ᠲᠦᠷᠦᠬᠦᠦ ᠨᠣᠶᠠᠨ ᠠᠴᠠ ᠡᠬᠢᠯᠡᠵᠦ᠂ ᠬᠤᠶᠠᠷ | ᠲᠡᠶᠢᠰᠢ ᠪᠠᠨ ᠬᠠᠭᠠᠯᠵᠤ ᠪᠠᠷᠢᠬᠤ ᠪᠤᠶᠤ ᠨᠠᠷᠠᠨ ᠤ ᠡᠷᠭᠢᠯᠲᠡ ᠪᠠᠷ ᠲᠤᠭᠤᠷᠢᠭᠤᠯᠤᠨ ᠪᠠᠷᠢᠬᠤ ᠴᠤ ᠪᠣᠢ᠂ ᠡᠭᠦᠨ ᠤ | ᠳᠠᠷᠠᠭᠠ ᠰᠠᠶ᠋ᠢ ᠪᠣᠰᠣᠳ ᠰᠢᠷᠡᠭᠡ ᠪᠠᠷ ᠪᠣᠰᠣᠳ ᠭᠡᠷ ᠲᠤ ᠠᠷᠢᠬᠢ ᠪᠠᠷᠢᠳᠠᠭ ᠶᠣᠰᠣ ᠣᠴᠢᠷ ᠲᠠᠢ᠂ ᠬᠤᠷᠢᠮ ᠤᠨ | ᠭᠤᠣᠯ ᠰᠢᠷᠡᠭᠡ ᠭᠡᠳᠡᠭ ᠨᠢ ᠲᠣᠰ ᠡᠳᠦᠷ ᠤᠨ ᠬᠤᠷᠢᠮ ᠳᠤ ᠲᠤᠰᠬᠠᠶᠢᠯᠠᠨ ᠵᠠᠯᠠᠭᠰᠠᠨ ᠬᠤᠷᠢᠮ ᠤᠨ ᠲᠦᠷᠦᠭᠦᠦ | ᠨᠣᠶᠣᠨ ᠲᠦᠰᠢᠮᠡᠯ᠂ ᠬᠤᠷᠢᠮ ᠬᠢᠵᠦ ᠪᠠᠶᠢᠬᠤ ᠠᠶᠢᠯ ᠤᠨ ᠭᠤᠣᠯ ᠪᠣᠯᠬᠤ ᠰᠠᠳᠣᠨ ᠲᠦᠷᠦᠯ ᠠᠶᠢᠯ ᠠᠶᠢᠮᠠᠭ ᠤᠨ | ᠨᠠᠰᠣᠲᠠᠨ ᠲᠤᠮᠤᠭᠠᠲᠠᠳ ᠭᠤᠣᠯ ᠰᠢᠷᠡᠭᠡᠨ ᠳᠡᠭᠡᠷᠡ ᠮᠣᠷᠢᠯᠠᠨ ᠰᠠᠭᠠᠲᠠᠳᠠᠭ ᠣᠴᠢᠷ ᠲᠠᠢ᠃ | ᠦᠩᠭᠡᠷᠡᠭᠰᠡᠨ ᠳᠤ ᠬᠤᠷᠢᠮ ᠤᠨ ᠲᠦᠷᠦᠭᠦᠦ ᠨᠣᠶᠠᠨ ᠢ ᠡᠪᠦᠭᠡ ᠳᠡᠭᠡᠳᠦ ᠶᠢᠨ ᠣᠯᠠᠮᠵᠢᠯᠠᠯ ᠶᠣᠰᠣ ᠪᠠᠷ | ᠡᠷᠬᠡᠪᠰᠢ ᠪᠣᠷᠵᠢᠭᠢᠨ ᠣᠪᠣᠭᠲᠠᠨ ᠢ ᠰᠣᠩᠭᠤᠵᠣ᠂ ᠬᠤᠷᠢᠮ ᠤᠨ ᠲᠦᠷᠦᠭᠦᠦ ᠨᠣᠶᠠᠨ ᠰᠠᠭᠤᠯᠭᠠᠳᠠᠭ᠃ ᠲᠦᠷᠦᠭᠦᠦ | ᠨᠣᠶᠠᠨ ᠪᠤᠯᠤᠭᠰᠠᠨ ᠬᠦᠮᠦᠨ ᠨᠠᠰᠤ ᠵᠢᠯ ᠢᠶᠠᠷ ᠬᠡᠳᠦᠢ ᠪᠠᠭᠠ ᠪᠣᠯᠪᠠᠴᠣ ᠬᠤᠶᠠᠷ ᠬᠠᠷᠢ ᠨᠢᠭᠡ ᠲᠥᠷᠦ ᠶᠢᠨ ᠭᠤᠣᠯ | ᠪᠣᠯᠬᠤ ᠬᠦᠮᠦᠰ ᠲᠠᠢ ᠳᠡᠭᠡᠷᠡ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠠᠭᠤᠬᠤ ᠶᠤᠰᠤ ᠲᠠᠢ ᠪᠦᠭᠡᠳ ᠬᠤᠷᠢᠮ ᠤᠨ ᠶᠣᠰᠤ ᠣᠴᠢᠷ ᠳᠡᠰ | ᠳᠠᠷᠠᠭᠠᠯᠠᠯ ᠢ ᠵᠠᠬᠢᠷᠴᠣ ᠶᠠᠪᠤᠭᠤᠯᠬᠤ ᠡᠷᠬᠡ ᠲᠠᠢ᠃ ᠬᠤᠷᠢᠮ ᠳᠠᠭᠠᠭᠠᠭᠰᠠᠨ ᠳᠠᠭᠠᠭᠠᠮᠠᠯ ᠬᠤᠷᠢᠮ ᠤᠨ ᠳᠡᠰ | ᠳᠠᠷᠠᠭᠠ ᠶᠢ ᠶᠠᠪᠣᠭᠤᠯᠬᠤ ᠳᠠᠭᠠᠨ ᠰᠦᠩ ᠤᠨ ᠬᠤᠶᠠᠷ ᠬᠤᠨᠳᠠᠭᠠᠨ ᠳᠡᠭᠡᠷᠡ ᠪᠠᠨ ᠠᠷᠢᠬᠢ ᠬᠡᠮᠨᠡᠭᠡᠳ᠂ ᠳᠠᠷᠠᠭᠠ ᠨᠢ | ᠬᠤᠷᠢᠮ ᠤᠨ ᠬᠤᠶᠠᠷ ᠲᠦᠷᠦᠭᠦᠦ ᠨᠣᠶᠠᠨ ᠳᠤ ᠠᠷᠢᠬᠢ ᠪᠠᠷᠢᠵᠤ ᠵᠦᠪᠰᠢᠶᠡᠷᠡᠯ ᠠᠪᠬᠤ ᠶᠤᠰᠣ ᠣᠴᠢᠷ ᠲᠠᠢ᠃ | ᠬᠤᠷᠢᠮ ᠳᠤ ᠣᠯᠠᠨ ᠠᠷᠪᠢᠨ ᠶᠤᠰᠤ ᠣᠴᠢᠷ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠬᠦᠷᠭᠡᠨ ᠬᠡᠦᠬᠡᠨ ᠲᠤᠯᠤᠭᠠᠢ ᠮᠦᠷᠭᠦᠭᠦ᠂ | ᠠᠶᠠᠭᠠ ᠰᠣᠯᠢᠵᠤ ᠳᠤᠭᠤᠷᠠ ᠣᠷᠣᠭᠤᠯᠬᠤ᠂ ᠠᠶᠠᠰ ᠮᠡᠳᠡᠭᠦᠯᠵᠦ ᠳᠠᠭᠤᠣ ᠳᠠᠭᠤᠯᠠᠬᠤ᠂ ᠬᠦᠷᠭᠡᠨ ᠬᠤᠪᠴᠠᠯᠠᠵᠤ | ᠱᠥᠯᠦ ᠣᠷᠣᠭᠤᠯᠬᠤ᠂ ᠬᠠᠯᠠᠭᠤᠨ ᠬᠤᠷᠢᠮ ᠮᠡᠳᠡᠭᠦᠯᠵᠦ᠂ ᠪᠤᠳᠠᠭᠠ ᠣᠷᠣᠭᠤᠯᠬᠤ ᠵᠡᠷᠭᠡ ᠣᠯᠠᠨ ᠵᠠᠩ ᠦᠢᠯᠡ | ᠶᠣᠰᠣ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠶᠣᠰᠣ ᠣᠴᠢᠷ ᠢ ᠶᠠᠪᠤᠭᠤᠯᠬᠤ ᠳᠤ ᠵᠠᠪᠠᠯ ᠤᠷᠢᠳ ᠢᠶᠠᠷ ᠰᠦᠩ ᠤᠨ ᠬᠤᠶᠠᠷ | ᠬᠤᠨᠳᠠᠭᠠᠨ ᠳᠤ ᠠᠷᠢᠬᠢ ᠨᠡᠮᠡᠵᠦ᠂ ᠬᠤᠷᠢᠮ ᠤᠨ ᠬᠤᠶᠠᠷ ᠨᠣᠶᠠᠨ ᠳᠤ ᠠᠷᠢᠬᠢ ᠪᠠᠷᠢᠵᠤ ᠵᠦᠪᠰᠢᠶᠡᠷᠡᠯ ᠠᠪᠬᠤ | ᠪᠣᠯᠪᠠᠰᠣᠨ ᠵᠠᠩ ᠦᠢᠯᠡ ᠪᠠᠶᠢᠳᠠᠭ᠃ ᠰᠦᠩ ᠤᠨ ᠬᠤᠨᠳᠠᠭᠠ ᠶᠢ ᠡᠨᠡ ᠠᠶᠢᠯ ᠤᠨ ᠬᠤᠷᠢᠮ ᠨᠠᠶᠢᠷ ᠲᠡᠭᠦᠰᠲᠡᠯᠡ | ᠬᠥᠳᠡᠯᠭᠡᠵᠦ ᠪᠣᠯᠬᠤ ᠦᠭᠡᠢ ᠶᠣᠰᠣ ᠣᠴᠢᠷ ᠲᠠᠢ᠃ | ᠰᠦᠩ ᠤᠨ ᠬᠤᠨᠳᠠᠭᠠ ᠪᠣᠯ ᠲᠣᠰ ᠡᠳᠦᠷ ᠢ ᠬᠤᠷᠢᠮ ᠤᠨ ᠭᠤᠣᠯ ᠬᠦᠮᠦᠨ ᠪᠣᠯᠬᠤ ᠬᠤᠶᠠᠷ ᠬᠡᠦᠭᠡᠳ ᠤᠨ | ᠬᠤᠵᠢᠮ ᠤᠨ ᠠᠮᠢᠳᠣᠷᠠᠯ ᠤᠨ ᠠᠯᠢᠪᠠ ᠰᠠᠶᠢᠨ ᠰᠠᠶᠢᠬᠠᠨ ᠢ ᠪᠡᠯᠭᠡᠳᠡᠭᠰᠡᠨ ᠬᠤᠣᠰ ᠬᠤᠨᠳᠠᠭᠠ ᠪᠣᠯᠣᠨᠠ᠃ ᠨᠢᠭᠡ ᠳᠤ | ᠬᠤᠶᠠᠷ ᠬᠡᠦᠭᠡᠳ ᠤᠨ ᠪᠡᠶᠡ ᠪᠦᠲᠦᠵᠦ ᠬᠤᠣᠰᠯᠠᠭᠰᠠᠨ ᠬᠤᠣᠰ ᠪᠠᠶᠠᠷ᠂ ᠬᠤᠶᠠᠷ ᠲᠤ ᠬᠤᠶᠠᠷ ᠠᠶᠢᠯ ᠢ | ᠣᠶᠢᠷᠠᠲᠤᠭᠤᠯᠵᠤ ᠬᠤᠲᠠ ᠣᠷᠤᠭ ᠪᠣᠯᠣᠭᠰᠠᠨ ᠬᠤᠣᠰ ᠪᠠᠶᠠᠷ᠂ ᠭᠤᠷᠪᠠ ᠳᠤ ᠬᠤᠶᠠᠷ ᠬᠡᠦᠬᠡᠳ ᠤᠨ ᠰᠢᠨᠡ | ᠠᠮᠢᠳᠣᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠬᠤᠣᠰ ᠪᠠᠶᠠᠷ ᠢ ᠪᠡᠯᠭᠡᠳᠡᠵᠦ᠂ ᠬᠤᠣᠰ ᠠᠶᠠᠭᠠᠨ ᠳᠤ ᠠᠷᠢᠬᠢ ᠳᠦᠭᠦᠷᠭᠡᠵᠦ᠂ | ᠬᠡᠵᠢᠶᠡ ᠡᠭᠦᠷᠢᠳᠡ ᠪᠠᠨ ᠳᠣᠨᠳᠠᠷᠠᠰᠢ ᠦᠭᠡᠢ ᠳᠦᠭᠦᠷᠡᠩ᠂ ᠳᠣᠲᠠᠰᠢ ᠦᠭᠡᠢ ᠪᠠᠶᠠᠨ᠂ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠦᠭᠡᠢ | ᠡᠩᠬᠡ ᠮᠡᠨᠳᠦ᠂ ᠦᠷᠡ ᠬᠡᠦᠭᠡᠳ ᠲᠠᠢ ᠪᠣᠯᠵᠤ᠂ ᠦᠨᠳᠦᠰᠦ ᠨᠠᠮᠠᠭᠠ ᠵᠠᠯᠭᠠᠬᠤ ᠪᠠᠷ ᠪᠡᠯᠭᠡᠳᠡᠭᠰᠡᠨ ᠮᠤᠩᠭᠤᠯ ᠤᠨ | ᠪᠣᠯᠪᠠᠰᠣᠨ ᠰᠠᠶᠢᠬᠠᠨ ᠰᠣᠶᠣᠯ ᠵᠠᠩ ᠦᠢᠯᠡ ᠪᠤᠯᠤᠨᠠ᠃ | | | ᠡᠪᠴᠢᠭᠦᠴᠢᠨ · ᠳᠣᠨᠤᠷᠤᠪ ᠤᠨ ︽ᠠᠷᠣ ᠬᠤᠷᠴᠢᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ︾ ᠭᠡᠬᠦ | ᠨᠣᠮ ᠠᠴᠠ ᠰᠤᠩᠭᠤᠪᠠ | | |