| ᠬᠤᠰᠠᠷᠠᠩ ᠦᠨᠢᠶᠡ ᠶᠢ ᠰᠠᠭᠠᠬᠤ ᠴᠢᠬᠤᠯᠠ ᠲᠠᠢ ᠦᠶᠡ ᠳᠤ ᠪᠢᠷᠠᠭᠤ ᠳᠠᠭᠠᠨ ᠱᠦᠷᠭᠡ ᠵᠡᠭᠦᠯᠭᠡᠵᠦ ᠡᠬᠡ ᠶᠢ | ᠨᠢ ᠳᠠᠭᠠᠭᠤᠯᠤᠨ ᠰᠦᠷᠦᠭ ᠲᠤ ᠶᠠᠪᠤᠭᠤᠯᠵᠤ᠂ ᠦᠷᠯᠦᠭᠡ ᠤᠷᠤᠢ ᠳᠠᠭᠠᠨ ᠦᠨᠢᠶᠡ ᠪᠠᠨ ᠰᠠᠭᠠᠳᠠᠭ᠃ ᠤᠷᠤᠢ | ᠳᠠᠭᠠᠨ ᠮᠠᠯ ᠭᠠᠳᠠᠨᠠ ᠪᠠᠨ ᠢᠷᠡᠭᠰᠡᠨ ᠤ ᠰᠡᠭᠦᠯᠡᠷ ᠦᠨᠢᠶᠡ ᠪᠢᠷᠠᠭᠤ ᠪᠠᠨ ᠬᠦᠭᠡᠵᠦ ᠢᠷᠡᠭᠡᠳ ᠪᠢᠷᠠᠭᠤ ᠶᠢᠨ ᠱᠦᠷᠭᠡ | ᠶᠢ ᠠᠪᠤᠭᠠᠳ ᠡᠬᠡ ᠶᠢ ᠨᠢ ᠮᠦᠮᠦᠭᠦᠯᠵᠦ ᠢᠪᠢᠯᠭᠡᠨ ᠦᠨᠢᠶᠡ ᠪᠠᠨ ᠰᠠᠭᠠᠵᠤ ᠪᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ ᠳᠠᠬᠢᠨ ᠪᠢᠷᠠᠭᠤ | ᠳᠠᠭᠠᠨ ᠱᠦᠷᠭᠡ ᠶᠢ ᠨᠢ ᠵᠡᠭᠦᠯᠭᠡᠵᠦ ᠡᠬᠡ ᠶᠢ ᠨᠢ ᠳᠠᠭᠠᠭᠤᠯᠵᠤ ᠰᠦᠷᠦᠭ ᠲᠤ ᠶᠠᠪᠤᠭᠤᠯᠤᠨᠠ᠃ ᠡᠨᠡ ᠬᠦ ᠠᠷᠭᠠ ᠨᠢ | ᠪᠢᠷᠠᠭᠤ ᠶᠢ ᠰᠦᠷᠦᠭ ᠠᠴᠠ ᠦᠯᠡᠳᠡᠭᠡᠨ ᠬᠠᠷᠢᠭᠤᠯᠬᠤ ᠶᠠᠪᠤᠳᠠᠯ ᠦᠭᠡᠢ ᠪᠦᠭᠡᠳ ᠮᠢᠬᠠ ᠳᠠᠷᠭᠤ ᠠᠪᠬᠤ ᠳᠤ | ᠠᠰᠢᠭᠳᠠᠢ᠃ ᠬᠤᠰᠠᠷᠠᠩ ᠤᠨ ᠪᠢᠷᠠᠭᠤᠨ ᠳᠤ ᠵᠡᠭᠦᠯᠭᠡᠬᠦ ᠱᠦᠷᠭᠡ ᠬᠤᠶᠠᠷ ᠵᠦᠢᠯ ᠪᠤᠢ᠃ ᠨᠢᠭᠡ ᠨᠢ ᠮᠤᠳᠤᠨ ᠱᠦᠷᠭᠡ | ᠃ ᠮᠤᠳᠤᠨ ᠱᠦᠷᠭᠡ ᠶᠢ ᠬᠢᠬᠦ ᠳᠤ ᠡᠷᠡᠬᠡᠢ ᠬᠤᠷᠤᠭᠤ ᠠᠴᠠ ᠪᠦᠳᠦᠭᠦᠨ ᠬᠤᠶᠠᠷ ᠲᠤᠬᠤᠢ ᠰᠢᠬᠠᠮ ᠤᠷᠳᠤ ᠲᠦᠷᠪᠡᠨ | ᠮᠤᠳᠤ ᠶᠢ ᠶᠠᠷᠠ ᠭᠡᠰᠢᠭᠦᠦ ᠶᠢ ᠨᠢ ᠵᠠᠰᠠᠵᠤ ᠮᠤᠩᠭᠤᠯ ᠭᠡᠷ ᠤᠨ ᠬᠠᠨᠠ ᠦᠳᠡᠬᠦ ᠰᠢᠭ ᠦᠵᠦᠭᠦᠷ ᠦᠵᠦᠭᠦᠷ ᠢᠶᠠᠷ | ᠨᠢ ᠬᠤᠯᠪᠤᠵᠤ ᠰᠤᠷ ᠢᠶᠠᠷ ᠦᠳᠡᠨᠡ᠃ ᠱᠦᠷᠭᠡ ᠬᠢᠬᠦ ᠮᠤᠳᠤᠨ ᠤ ᠤᠷᠳᠤ ᠤᠬᠤᠷ ᠢ ᠪᠢᠷᠠᠭᠤ ᠶᠢᠨ ᠲᠤᠯᠤᠭᠠᠢ ᠶᠢᠨ | ᠶᠡᠭᠡ ᠪᠠᠭᠠ ᠪᠠᠷ ᠲᠤᠭᠳᠠᠭᠠᠵᠤ᠂ ᠡᠮᠦᠨᠡ ᠦᠵᠦᠭᠦᠷ ᠤᠨ ᠬᠤᠶᠠᠷ ᠮᠤᠳᠤ ᠶᠢ ᠱᠤᠷ ᠭᠠᠷᠭᠠᠨᠠ᠃ ᠱᠦᠷᠭᠡ ᠶᠢ | ᠪᠢᠷᠠᠭᠤᠨ ᠤ ᠲᠤᠯᠤᠭᠠᠢ ᠳᠤ ᠵᠡᠭᠦᠯᠭᠡᠬᠦ ᠳᠡᠭᠡᠨ ᠲᠤᠬᠤ ᠶᠢᠨ ᠳᠠᠯᠠ ᠶᠢ ᠪᠢᠷᠠᠭᠤ ᠶᠢᠨ ᠡᠪᠡᠷ ᠤᠨ ᠬᠤᠶᠢᠭᠤᠷ ᠤᠭᠯᠠᠵᠤ | ᠵᠡᠭᠦᠯᠭᠡᠵᠦ᠂ ᠡᠷᠡᠦ ᠪᠠ ᠬᠦᠵᠦᠭᠦᠦ ᠶᠢᠨ ᠲᠤᠤᠭᠤᠷ ᠨᠢ ᠨᠤᠭᠳᠤ ᠶᠢᠨ ᠡᠷᠡᠦᠪᠴᠢ ᠰᠡᠯᠳᠦᠷᠡᠭᠡ ᠠᠳᠠᠯᠢ ᠤᠭᠤᠰᠤᠷ | ᠳᠠᠭᠠᠷᠠᠭᠤᠯᠵᠤ ᠤᠶᠠᠵᠤ ᠵᠡᠭᠦᠯᠭᠡᠨᠡ᠃ ᠤᠳᠤ ᠨᠢᠭᠡ ᠵᠦᠢᠯ ᠨᠢ ᠵᠠᠷᠠᠭᠠ ᠶᠢᠨ ᠱᠦᠷᠭᠡ ᠭᠡᠳᠡᠭ᠃ ᠵᠠᠷᠠᠭᠠ ᠶᠢᠨ | ᠱᠦᠷᠭᠡ ᠶᠢ ᠬᠢᠬᠦ ᠳᠤ ᠰᠤᠷ ᠪᠤᠶᠤ ᠳᠡᠭᠡᠰᠦ ᠪᠠᠷ ᠪᠢᠷᠠᠭᠤ ᠶᠢᠨ ᠲᠤᠯᠤᠭᠠᠢ ᠳᠤ ᠳᠠᠭᠠᠷᠠᠭᠰᠠᠨ ᠨᠤᠭᠳᠤ ᠵᠤᠬᠢᠶᠠᠵᠤ | ᠬᠠᠮᠠᠷ ᠤᠨ ᠳᠡᠭᠡᠷᠡ ᠳᠠᠯᠠ ᠶᠢᠨ ᠦᠷᠭᠡᠨ ᠰᠢᠭ ᠰᠤᠷ ᠢᠶᠠᠷ ᠬᠢᠬᠦ ᠪᠤᠶᠤ ᠮᠠᠭᠤ ᠭᠤᠳᠤᠯ ᠱᠠᠬᠠᠢ ᠶᠢᠨ ᠵᠤᠯᠤᠭ ᠲᠦᠷᠡᠢ | ᠶᠢᠨ ᠤᠶᠤᠳᠠᠯ ᠲᠠᠢ ᠪᠦᠰ ᠢ ᠬᠠᠳᠠᠵᠤ ᠤᠶᠤᠭᠠᠳ᠂ ᠲᠡᠷᠡ ᠳᠡᠭᠡᠷᠡ ᠪᠠᠨ ᠵᠠᠷᠠᠭᠠ ᠶᠢᠨ ᠠᠷᠠᠰᠤ ᠶᠢ ᠬᠠᠳᠠᠵᠤ ᠬᠢᠨᠡ | ᠃ ᠦᠨᠢᠶᠡ ᠪᠠᠨ ᠰᠠᠭᠠᠵᠣ ᠪᠠᠷᠠᠪᠠᠯ ᠳᠠᠬᠢᠨ ᠪᠢᠷᠠᠭᠤᠨ ᠳᠠᠭᠠᠨ ᠱᠦᠷᠭᠡ ᠶᠢ ᠵᠡᠭᠦᠯᠭᠡᠵᠦ ᠳᠠᠯᠪᠢᠨᠠ᠃ | ᠬᠤᠰᠠᠷᠠᠩ ᠦᠨᠢᠶᠡ ᠶᠢ ᠰᠠᠭᠠᠬᠤ ᠴᠢᠬᠤᠯᠠ ᠦᠭᠡᠢ᠂ ᠰᠦ ᠶᠢ ᠨᠢ ᠰᠢᠷᠭᠢᠬᠡᠬᠦ ᠴᠢᠬᠤᠯᠠ ᠲᠠᠢ ᠪᠤᠯ ᠪᠢᠷᠠᠭᠤ | ᠳᠠᠭᠠᠨ ᠮᠤᠳᠤᠨ ᠬᠠᠮᠠᠷ ᠪᠤᠶᠤ ᠪᠠᠩᠵᠠ ᠪᠠᠷ ᠪᠤᠶᠢᠷᠠᠭ ᠬᠢᠵᠦ ᠬᠠᠮᠠᠷ ᠲᠤᠨᠢ ᠵᠡᠭᠦᠯᠭᠡᠵᠦ ᠳᠠᠯᠪᠢᠨᠠ᠃ ᠮᠤᠳᠤᠨ ᠬᠠᠮᠠᠷ | ᠬᠢᠬᠦ ᠳᠤ ᠰᠠᠪᠬᠠ ᠠᠴᠠ ᠪᠦᠳᠦᠭᠦᠨ ᠰᠢᠭ ᠨᠤᠶᠢᠳᠠᠨ ᠰᠠᠯᠠᠭᠠ ᠲᠠᠢ ᠳᠡᠯᠳᠦ ᠪᠤᠶᠤ ᠬᠠᠶᠢᠯᠠᠰᠤᠨ ᠮᠤᠳᠤ ᠪᠠᠷ ᠬᠢᠨᠡ᠃ | ᠰᠠᠯᠠᠭᠠ ᠲᠠᠢ ᠮᠤᠳᠤᠨ ᠤ ᠬᠤᠶᠠᠷ ᠳᠠᠯᠠ ᠶᠢᠨ ᠭᠤᠷᠪᠠᠨ ᠦᠵᠦᠭᠦᠷ ᠲᠤ ᠪᠦᠷ ᠱᠤᠷᠤ ᠭᠠᠷᠭᠠᠵᠤ ᠰᠠᠯᠠᠭᠠ ᠮᠤᠳᠤ | ᠶᠢ ᠨᠤᠮᠤ ᠶᠢᠨ ᠬᠡᠯᠪᠡᠷᠢᠳᠠᠢ ᠮᠡᠳᠠᠵᠤ ᠭᠤᠤᠯ ᠮᠤᠳᠤᠨ ᠤ ᠦᠵᠦᠭᠦᠷ ᠲᠤ ᠰᠤᠯᠪᠢᠵᠤ ᠤᠶᠠᠵᠤ ᠬᠠᠳᠠᠭᠠᠭᠠᠳ ᠰᠠᠶ᠋ᠢ | ᠪᠢᠷᠠᠭᠤ ᠶᠢᠨ ᠬᠠᠮᠠᠷ ᠤᠨ ᠳᠠᠰᠤᠯᠪᠤᠷᠢ ᠶᠢᠨ ᠨᠢᠮᠭᠡᠨ ᠮᠦᠬᠡᠷᠰᠦ ᠶᠢ ᠬᠦᠨᠳᠡᠯᠡᠨ ᠴᠤᠭᠤᠯᠵᠤ ᠲᠡᠷᠡ ᠨᠦᠬᠡ ᠪᠠᠷ ᠬᠠᠮᠠᠷ | ᠤᠨ ᠮᠤᠳᠤᠨ ᠤ ᠮᠠᠳᠠᠭᠰᠠᠨ ᠳᠠᠯᠠ ᠶᠢ ᠰᠢᠷᠭᠤᠭᠤᠯᠵᠤ ᠭᠤᠤᠯ ᠮᠤᠳᠤᠨ ᠳᠤᠨᠢ ᠰᠤᠯᠪᠢᠴᠠᠨ ᠤᠶᠠᠵᠤ ᠪᠢᠷᠠᠭᠤ ᠶᠢᠨ | ᠬᠠᠮᠠᠷ ᠲᠤ ᠵᠡᠭᠦᠯᠭᠡᠵᠦ ᠳᠠᠯᠪᠢᠨᠠ᠃ ᠪᠠᠩᠵᠠ ᠪᠠᠷ ᠬᠢᠭᠰᠡᠨ ᠪᠤᠶᠢᠷᠠᠭ ᠢ ᠬᠢᠬᠦ ᠳᠤ ᠲᠦᠭᠡ ᠢᠯᠡᠭᠦᠦ ᠤᠷᠳᠤ᠂ | ᠲᠦᠷᠪᠡᠨ ᠬᠤᠷᠤᠭᠤ ᠦᠷᠭᠡᠨ᠂ ᠬᠤᠷᠤᠭᠤ ᠵᠤᠵᠠᠭᠠᠨ ᠬᠠᠪᠳᠠᠰᠤ ᠮᠤᠳᠤ ᠪᠠᠷ ᠬᠢᠨᠡ᠃ ᠬᠠᠪᠳᠠᠰᠤᠨ ᠮᠤᠳᠤᠨ ᠤ | ᠤᠷᠳᠤ ᠳᠠᠯᠠ ᠶᠢᠨ ᠬᠦᠪᠡᠭᠡ ᠶᠢᠨ ᠳᠤᠮᠳᠠ ᠬᠡᠰᠡᠭ ᠲᠤ ᠬᠤᠷᠤᠭᠤ ᠳᠤᠳᠤᠷᠠ ᠤᠷᠳᠤ ᠳᠦᠷᠪᠡᠯᠵᠢᠨ ᠨᠦᠬᠡ | ᠴᠤᠭᠤᠯᠵᠤ ᠨᠠᠷᠢᠨ ᠰᠡᠳᠡᠷᠬᠡᠢ ᠠᠮᠠ ᠭᠠᠷᠭᠠᠵᠤ ᠭᠠᠷ ᠤᠨ ᠪᠠᠭᠤᠪᠴᠢ ᠶᠢᠨ ᠠᠮᠠ ᠰᠢᠭ᠋ ᠪᠤᠯᠭᠠᠨᠠ᠃ ᠪᠤᠶᠢᠷᠠᠭ ᠢ | ᠪᠢᠷᠠᠭᠤ ᠶᠢᠨ ᠬᠠᠮᠠᠷ ᠲᠤ ᠵᠡᠭᠦᠯᠭᠡᠬᠦ ᠳᠡᠭᠡᠨ ᠬᠠᠮᠠᠷ ᠤᠨ ᠳᠠᠰᠤᠯᠪᠤᠷᠢ ᠶᠢ ᠭᠠᠳᠠᠭᠰᠢ ᠳᠠᠳᠠᠵᠤ ᠪᠤᠶᠢᠷᠠᠭ ᠤᠨ ᠰᠡᠳᠡᠷᠬᠡᠢ | ᠠᠮᠠ ᠪᠠᠷ ᠰᠢᠬᠠᠨ ᠤᠷᠤᠭᠤᠯᠵᠤ ᠵᠡᠭᠦᠯᠭᠡᠨᠡ᠃ ᠦᠨᠢᠶᠡ ᠶᠢᠨ ᠰᠦ ᠰᠢᠷᠭᠢᠵᠦ ᠪᠢᠷᠠᠭᠤ ᠡᠬᠡ ᠪᠠᠨ ᠮᠦᠮᠦᠬᠦ ᠪᠠᠨ | ᠮᠠᠷᠳᠠᠭᠰᠠᠨ ᠤ ᠰᠡᠭᠦᠯᠡᠷ ᠬᠠᠮᠠᠷ ᠪᠤᠶᠤ ᠪᠤᠶᠢᠷᠠᠭ ᠢ ᠠᠪᠴᠤ ᠬᠤᠷᠢᠶᠠᠵᠤ ᠳᠠᠯᠪᠢᠭᠠᠳ ᠳᠠᠷᠠᠭᠠ ᠵᠢᠯ ᠨᠢ ᠪᠠᠰᠠ | ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ ᠡᠨᠡ ᠬᠦ ᠠᠷᠭᠠ ᠨᠢ ᠦᠨᠢᠶᠡ ᠶᠢᠨ ᠮᠢᠬᠠ ᠳᠠᠷᠭᠤ ᠶᠢ ᠪᠠᠳᠤᠯᠠᠬᠤ ᠪᠠ ᠤᠷᠤᠭᠠ ᠤᠷᠤᠬᠤ | ᠳᠤ ᠠᠰᠢᠭᠳᠠᠢ ᠪᠦᠭᠡᠳ ᠪᠢᠷᠠᠭᠤ ᠶᠢᠨ ᠡᠪᠡᠰᠦ ᠢᠳᠡᠵᠦ ᠤᠰᠤ ᠤᠤᠭᠤᠬᠤ ᠳᠤ ᠬᠠᠷᠰᠢ ᠪᠤᠯᠬᠤ ᠦᠭᠡᠢ ᠶᠤᠮ᠃ | ᠮᠠᠯᠵᠢᠬᠤ ᠤᠷᠤᠨ ᠳᠤ ᠤᠯᠠᠩᠬᠢ ᠠᠶᠢᠯ ᠬᠤᠰᠠᠷᠠᠩ ᠦᠨᠢᠶᠡ ᠪᠠᠨ ᠰᠠᠭᠠᠳᠠᠭ᠃ ᠤᠴᠢᠷ ᠨᠢ ᠬᠤᠰᠠᠷᠠᠩ ᠤᠨ | ᠰᠦ ᠪᠤᠯ ᠠᠭᠰᠢᠭᠤᠨ ᠪᠤᠯᠬᠤᠷ ᠦᠷᠦᠮᠡ ᠰᠠᠭᠤᠬᠤ ᠨᠢ ᠰᠠᠶᠢᠨ ᠪᠠᠶᠢᠳᠠᠭ᠃ ᠪᠢᠷᠠᠭᠤ ᠶᠢ ᠲᠤᠭᠤᠯ ᠲᠠᠢ | ᠬᠠᠷᠢᠭᠤᠯᠪᠠᠯ ᠬᠦᠯ ᠳᠠᠭᠠᠷᠠᠬᠤ ᠦᠭᠡᠢ ᠪᠦᠭᠡᠳ ᠦᠰᠦᠯᠳᠡ ᠪᠤᠶᠢᠵᠢᠯᠳᠠ ᠶᠢ ᠨᠦᠯᠦᠭᠡᠯᠡᠨᠡ᠃ ᠡᠶᠢᠮᠦ ᠠᠴᠠ | ᠬᠤᠰᠠᠷᠠᠩ ᠦᠨᠢᠶᠡ ᠶᠢᠨ ᠪᠢᠷᠠᠭᠤ ᠳᠤ ᠱᠦᠷᠭᠡ ᠵᠡᠭᠦᠯᠭᠡᠵᠦ ᠡᠬᠡ ᠪᠠᠨ ᠮᠦᠮᠦᠬᠦ ᠶᠢ ᠬᠢᠵᠠᠭᠠᠷᠯᠠᠬᠤ ᠠᠷᠭᠠ ᠪᠤᠢ | ᠪᠤᠯᠵᠠᠢ᠃ ᠡᠨᠡ ᠬᠦ ᠠᠷᠭᠠ ᠮᠠᠶ᠋ᠢᠭ ᠨᠢ ᠮᠤᠩᠭᠤᠯᠴᠤᠳ ᠤᠨ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠢᠯᠡᠳᠦᠯᠭᠡ ᠳᠤᠮᠳᠠᠬᠢ | ᠡᠭᠦᠳᠦᠯᠳᠡ ᠪᠠᠶᠢᠵᠤ᠂ ᠮᠠᠰᠢ ᠳᠦᠭᠦᠮ ᠪᠦᠳᠦᠮᠵᠢᠳᠠᠢ ᠰᠠᠶᠢᠨ ᠠᠷᠭᠠ ᠪᠤᠯᠬᠤ ᠶᠤᠮ᠃ | | ᠡᠪᠴᠢᠭᠦᠴᠢᠨ · ᠳᠣᠨᠤᠷᠤᠪ ᠤᠨ ︽ᠠᠷᠣ ᠬᠤᠷᠴᠢᠨ ᠨᠤᠲᠤᠭ ᠤᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ︾ ᠭᠡᠬᠦ | ᠨᠣᠮ ᠠᠴᠠ ᠰᠤᠩᠭᠤᠪᠠ |