| ᠲᠦᠭᠦᠬᠡᠢ ᠰᠦ᠃ ᠰᠠᠶ᠋ᠢ ᠰᠠᠭᠠᠭᠰᠠᠨ ᠢᠰᠦᠭᠡᠳᠦᠢ ᠰᠢᠨᠡ ᠰᠦ ᠶᠢ ᠲᠦᠭᠦᠬᠡᠢ ᠰᠦ ᠭᠡᠳᠡᠭ᠃ ᠲᠦᠭᠦᠬᠡᠢ | ᠰᠦ ᠳᠤ ᠤᠭᠤᠷᠠᠭ᠂ ᠸᠢᠲ᠋ᠠᠮᠢᠨ ᠡᠯᠪᠡᠭ ᠠᠬᠤᠭᠤᠯᠤᠭᠳᠠᠵᠤ ᠪᠠᠶᠢᠬᠤ ᠪᠤᠯᠬᠤᠷ ᠰᠢᠮᠡ ᠳᠡᠵᠢᠭᠡᠯ ᠰᠠᠶᠢᠳᠠᠢ ᠪᠠᠶᠢᠳᠠᠭ᠃ | ᠭᠡᠬᠦ ᠳᠡᠭᠡᠨ ᠰᠢᠮᠡ ᠲᠠᠷᠭᠤ ᠰᠠᠶᠢᠳᠠᠢ ᠦᠨᠢᠶᠡᠨ ᠤ ᠰᠦ ᠰᠢᠷᠭᠠᠯ ᠦᠩᠭᠡ ᠲᠠᠢ᠂ ᠠᠭᠰᠢᠭᠤᠨ ᠪᠠᠶᠢᠳᠠᠭ᠃ ᠡᠶᠢᠮᠦ | ᠰᠦ ᠦᠷᠦᠮᠡ ᠲᠤᠰᠤ ᠡᠯᠪᠡᠭ ᠭᠠᠷᠬᠤ ᠪᠦᠭᠡᠳ ᠴᠠᠢ ᠨᠡᠶᠢᠯᠡᠭᠦᠯᠬᠦ ᠳᠤ ᠰᠠᠶᠢᠨ ᠲᠤᠬᠢᠷᠠᠳᠠᠭ᠃ ᠰᠢᠮᠡ ᠬᠦᠴᠦ | ᠮᠠᠭᠤ ᠦᠨᠢᠶᠡᠨ ᠤ ᠰᠦ ᠰᠢᠩᠭᠡᠨ ᠪᠦᠭᠡᠳ ᠴᠡᠩᠬᠡᠷᠯᠢᠭ ᠦᠩᠭᠡ ᠲᠠᠢ᠂ ᠡᠶᠢᠮᠦ ᠰᠦ ᠦᠷᠦᠮᠡ ᠲᠤᠰᠤ ᠭᠠᠷᠬᠤ ᠨᠢ | ᠪᠠᠭᠠ ᠪᠦᠬᠡᠳ ᠴᠠᠢ ᠨᠡᠶᠢᠯᠡᠭᠦᠯᠬᠦ ᠳᠤ ᠲᠤᠬᠢᠷᠠᠳᠠᠭ ᠦᠭᠡᠢ᠃ | ᠪᠤᠯᠤᠭᠰᠠᠨ ᠰᠦ᠃ ᠲᠦᠭᠦᠬᠡᠢ ᠰᠦ ᠪᠠᠨ ᠪᠤᠴᠠᠯᠭᠠᠭᠰᠠᠨ ᠢ ᠪᠤᠯᠤᠭᠰᠠᠨ ᠰᠦ ᠭᠡᠳᠡᠭ᠃ ᠪᠤᠯᠤᠭᠰᠠᠨ ᠰᠦ ᠨᠢ | ᠰᠢᠬᠢᠷ ᠤᠨ ᠠᠬᠤᠭᠤᠯᠤᠭᠳᠠᠴᠠ ᠦᠨᠳᠦᠷ᠂ ᠰᠢᠮᠡ ᠳᠡᠵᠢᠭᠡᠯ ᠢᠶᠠᠷ ᠡᠯᠪᠡᠭ ᠪᠠᠶᠢᠳᠠᠭ᠃ | ᠡᠭᠡᠳᠡᠭᠰᠡᠨ ᠰᠦ᠃ ᠰᠠᠭᠠᠭᠰᠠᠨ ᠦᠨᠢᠶᠡᠨ ᠰᠦ ᠪᠠᠨ ᠲᠤᠤᠷ ᠪᠦᠰ ᠢᠶᠠᠷ ᠰᠠᠶᠢᠨ ᠱᠦᠭᠦᠵᠦ ᠭᠠᠩ ᠰᠠᠪᠠ ᠳᠤ | ᠬᠢᠵᠦ ᠳᠠᠯᠪᠢᠭᠠᠳ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠴᠠᠭ ᠢ ᠦᠩᠭᠡᠷᠡᠭᠦᠯᠪᠡᠯ ᠰᠦ ᠨᠢ ᠡᠭᠡᠳᠡᠳᠡᠭ᠂ ᠡᠭᠦᠨ ᠢ ᠡᠭᠡᠳᠡᠭᠰᠡᠨ ᠰᠦ | ᠭᠡᠨᠡ᠃ ᠡᠭᠡᠳᠡᠭᠰᠡᠨ ᠰᠦᠨ ᠳᠤ ᠸᠢᠲ᠋ᠠᠮᠢᠨ ᠡᠯᠪᠡᠭ ᠪᠤᠯᠬᠤᠷ ᠬᠦᠮᠦᠨ ᠤ ᠪᠡᠶᠡ ᠳᠤ ᠬᠡᠷᠡᠭᠰᠡᠬᠦ ᠰᠢᠮᠡ ᠳᠡᠵᠢᠭᠡᠯ | ᠡᠯᠪᠡᠭ ᠠᠬᠤᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ᠃ | ᠦᠨᠢᠶᠡᠨ ᠰᠦ ᠶᠢᠨ ᠬᠤᠷᠤᠳ᠃ ᠰᠠᠭᠠᠭᠰᠠᠨ ᠰᠦ ᠪᠠᠨ ᠴᠢᠯᠠᠭᠤᠨ ᠭᠠᠩ ᠪᠤᠶᠤ ᠯᠤᠩᠬᠤᠨ ᠳᠤ ᠬᠢᠵᠦ | ᠳᠠᠯᠪᠢᠭᠠᠳ ᠡᠭᠡᠳᠡᠭᠦᠯᠦᠨᠡ᠃ ᠰᠦ ᠡᠭᠡᠳᠡᠭᠰᠡᠨ ᠤ ᠰᠡᠭᠦᠯᠡᠷ ᠳᠡᠭᠡᠭᠦᠷ ᠨᠢ ᠰᠠᠭᠤᠭᠰᠠᠨ ᠦᠷᠦᠮᠡ ᠶᠢ ᠰᠢᠨᠠᠭᠠ ᠪᠠᠷ | ᠬᠠᠮᠤᠵᠤ ᠬᠤᠳᠬᠤᠨ ᠠᠪᠤᠭᠠᠳ ᠰᠡᠶᠢᠮᠡᠬᠡᠢ ᠴᠠᠭᠠᠨ ᠪᠦᠰ ᠢᠶᠠᠷ ᠬᠢᠭᠰᠡᠨ ᠤᠭᠤᠳᠠᠨ ᠳᠤ ᠦᠷᠦᠮᠡ ᠪᠠᠨ ᠬᠢᠵᠦ | ᠱᠦᠭᠦᠷᠡᠭᠦᠯᠳᠡᠭ᠃ ᠡᠭᠡᠳᠡᠭᠰᠡᠨ ᠰᠦ ᠪᠠᠨ ᠳᠡᠮᠦᠷ ᠲᠤᠭᠤᠭᠠᠨ ᠳᠤ ᠬᠢᠵᠦ ᠵᠦᠭᠡᠯᠡᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨ ᠰᠦ ᠨᠢ | ᠬᠦᠰᠢᠭᠡᠳ ᠢᠷᠡᠬᠦ ᠦᠶᠡ ᠳᠤ ᠴᠠᠭᠠᠯᠠᠭᠰᠠᠨ ᠪᠤᠷᠭᠠᠰᠤᠨ ᠭᠦᠷᠦᠮᠡᠯ ᠤᠨ ᠵᠤᠤᠯᠢ ᠪᠠᠷ ᠰᠢᠷᠠᠰᠤ ᠶᠢ ᠨᠢ ᠱᠦᠭᠦᠵᠦ | ᠬᠦᠰᠢᠭᠰᠡᠨ ᠰᠦ ᠪᠠᠨ ᠳᠠᠬᠢᠨ ᠪᠤᠴᠠᠯᠭᠠᠨ ᠨᠤᠬᠤᠯᠠᠵᠤ ᠬᠤᠷᠤᠳ ᠪᠤᠯᠭᠠᠨ ᠮᠤᠳᠤᠨ ᠬᠡᠪ ᠪᠤᠶᠤ ᠱᠠᠭᠠᠵᠠᠩ ᠫᠢᠯᠠ | ᠵᠡᠷᠭᠡ ᠳᠤ ᠬᠢᠵᠦ ᠳᠠᠷᠤᠳᠠᠭ᠃ ᠬᠤᠷᠤᠳ ᠬᠢᠬᠦ ᠳᠤ ᠰᠦ ᠶᠢᠨ ᠢᠰᠦᠯᠭᠡ ᠶᠢ ᠳᠡᠩᠴᠡᠭᠦᠯᠬᠦ ᠬᠡᠷᠡᠭᠲᠠᠢ᠃ ᠢᠰᠦᠯᠭᠡ | ᠨᠢ ᠳᠡᠩᠴᠡᠪᠡᠯ ᠬᠤᠷᠤᠳ ᠰᠠᠶᠢᠬᠠᠨ ᠭᠠᠷᠬᠤ ᠪᠦᠭᠡᠳ ᠠᠷᠪᠢᠳᠠᠢ᠃ ᠢᠰᠦᠯᠭᠡ ᠨᠢ ᠪᠠᠭᠠᠳᠠᠪᠠᠯ ᠬᠤᠷᠤᠳ ᠨᠢ | ᠰᠢᠷᠪᠦᠰᠦᠯᠢᠭ ᠪᠤᠯᠵᠤ ᠰᠠᠶᠢᠬᠠᠨ ᠨᠢᠭᠳᠠᠷᠠᠨ ᠨᠡᠶᠢᠯᠡᠳᠡᠭ ᠦᠭᠡᠢ᠃ ᠡᠨᠡ ᠦᠶᠡ ᠳᠤ ᠰᠢᠷᠠᠰᠤᠨ ᠤ ᠳᠡᠭᠡᠭᠦᠷᠬᠢ | ᠬᠦᠭᠡᠰᠦ ᠪᠠ ᠰᠢᠩᠭᠡᠨ ᠦᠷᠦᠮᠡ ᠬᠢᠵᠦ ᠪᠠᠶᠢᠨ ᠳᠠᠬᠢᠨ ᠪᠤᠴᠠᠯᠭᠠᠵᠤ ᠰᠠᠶᠢᠬᠠᠨ ᠨᠤᠬᠤᠯᠠᠪᠠᠯ ᠬᠤᠷᠤᠳ ᠨᠢᠭᠳᠠᠷᠠᠨ | ᠨᠡᠶᠢᠯᠡᠵᠦ ᠰᠠᠶᠢᠬᠠᠨ ᠬᠤᠷᠤᠳ ᠪᠤᠯᠳᠠᠭ᠃ ᠢᠰᠦᠯᠭᠡ ᠨᠢ ᠠᠬᠠᠳᠠᠪᠠᠯ ᠬᠤᠷᠤᠳ ᠰᠢᠩᠭᠡᠷᠡᠨ ᠤᠷᠤᠰᠤᠨᠠ᠃ ᠡᠶᠢᠮᠦ | ᠦᠶᠡ ᠳᠤ ᠪᠠᠭᠠ ᠰᠠᠭᠠ ᠭᠤᠯᠢᠷ ᠬᠢᠵᠦ ᠰᠠᠶᠢᠨ ᠴᠢᠨᠠᠵᠤ ᠨᠤᠬᠤᠯᠠᠪᠠᠯ ᠬᠤᠷᠤᠳ ᠠᠭᠰᠢᠷᠠᠵᠤ ᠰᠠᠶᠢᠷᠠᠮᠠᠭ ᠰᠢᠭ᠋ | ᠬᠤᠷᠤᠳ ᠭᠠᠷᠳᠠᠭ᠃ | ᠠᠭᠠᠷᠴᠠ ᠶᠢᠨ ᠬᠤᠷᠤᠳ᠃ ᠠᠭᠠᠷᠴᠠ ᠶᠢᠨ ᠬᠤᠷᠤᠳ ᠪᠤᠯ ᠦᠨᠢᠶᠡ ᠬᠤᠨᠢᠨ ᠤ ᠰᠦ ᠪᠠᠷ ᠬᠢᠭᠰᠡᠨ | ᠬᠦᠴᠢᠯᠢᠭ ᠬᠤᠷᠤᠳ ᠪᠤᠯᠤᠨᠠ᠃ ᠠᠭᠠᠷᠴᠠ ᠶᠢᠨ ᠬᠤᠷᠤᠳ ᠢ ᠬᠢᠬᠦ ᠳᠤ ᠰᠠᠭᠠᠭᠰᠠᠨ ᠰᠦ ᠪᠠᠨ ᠦᠯᠡᠳᠡᠭᠰᠡᠨ ᠰᠦ | ᠶᠢᠨ ᠬᠦᠷᠦᠩᠭᠡ ᠲᠠᠢ ᠮᠤᠳᠤᠨ ᠭᠠᠩ ᠳᠤ ᠬᠢᠵᠦ ᠴᠤᠭᠯᠠᠭᠤᠯᠤᠭᠠᠳ ᠬᠡᠳᠦ ᠬᠤᠨᠤᠭᠰᠠᠨ ᠴᠦ ᠬᠠᠮᠢᠶᠠ ᠦᠭᠡᠢ᠂ | ᠬᠡᠵᠢᠶᠡ ᠭᠠᠩ ᠨᠢ ᠲᠦᠭᠦᠷᠪᠡᠯ ᠮᠤᠳᠤᠨ ᠭᠠᠩ ᠤᠨ ᠠᠮᠠᠰᠠᠷ ᠢᠶᠠᠨ ᠰᠠᠶᠢᠨ ᠳᠠᠷᠤᠵᠤ ᠵᠠᠢ ᠵᠠᠪᠰᠠᠷ ᠢᠶᠠᠷ ᠨᠢ ᠬᠦᠪᠦᠩ | ᠢᠶᠠᠷ ᠰᠠᠶᠢᠨ ᠴᠢᠭᠵᠢᠭᠡᠳ ᠭᠠᠩ ᠲᠠᠢ ᠰᠦ ᠪᠠᠨ ᠪᠦᠯᠢᠭᠦᠷ ᠮᠤᠳᠤ ᠪᠠᠷ ᠪᠠᠶᠢᠨ ᠳᠠᠬᠢᠨ ᠰᠠᠶᠢᠨ ᠪᠦᠯᠢᠵᠦ᠂ ᠰᠦ ᠨᠢ | ᠢᠰᠴᠦ ᠦᠷᠦᠮᠡ ᠨᠢ ᠬᠡᠰᠡᠭ ᠬᠡᠰᠡᠭ ᠪᠦᠬᠦᠯᠢ ᠴᠠᠭᠠᠨ ᠲᠤᠰᠤ ᠪᠦᠭᠡᠮᠨᠡᠷᠡᠵᠦ ᠢᠯᠭᠠᠷᠠᠬᠤ ᠦᠶᠡ ᠳᠤ ᠴᠠᠭᠠᠨ ᠲᠤᠰᠤ | ᠪᠠᠨ ᠪᠤᠷᠭᠠᠰᠤᠨ ᠵᠤᠤᠯᠢ ᠪᠠᠷ ᠱᠦᠬᠦᠨ ᠠᠪᠴᠣ ᠪᠦᠯᠢᠭᠰᠡᠨ ᠰᠦ ᠪᠠᠨ ᠲᠡᠮᠦᠷ ᠲᠤᠭᠤᠭᠠᠨ ᠳᠤ ᠬᠢᠵᠦ ᠬᠠᠳᠠᠭᠤ ᠰᠢᠭ᠋ | ᠭᠠᠯ ᠢᠶᠠᠷ ᠨᠡᠯᠢᠶᠡᠳ ᠤᠷᠳᠤ ᠬᠤᠭᠤᠴᠠᠭᠠ ᠴᠢᠨᠠᠵᠤ ᠪᠤᠴᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠰᠦ ᠪᠠᠨ ᠬᠦᠷᠦᠭᠡᠵᠦ ᠪᠦᠰ | ᠤᠭᠤᠳᠠᠨ ᠳᠤ ᠠᠭᠤᠳᠠᠯᠠᠵᠤ ᠠᠪᠤᠭᠠᠳ ᠬᠤᠶᠠᠷ ᠠᠮᠪᠠᠨ ᠤ ᠳᠤᠮᠳᠠ ᠬᠠᠪᠴᠢᠨ ᠳᠠᠷᠤᠵᠤ ᠳᠠᠯᠪᠢᠨ᠂ ᠰᠢᠩᠭᠡᠨ ᠰᠢᠷᠠ | ᠤᠰᠤ ᠨᠢ ᠢᠯᠭᠠᠷᠠᠨ ᠤᠷᠤᠰᠴᠤ ᠭᠠᠷᠤᠭᠰᠠᠨ ᠤ ᠰᠡᠭᠦᠯᠡᠷ ᠱᠦᠭᠦᠮᠡᠯ ᠤᠨ ᠤᠭᠤᠳᠠᠨ ᠳᠤ ᠦᠯᠡᠳᠡᠭᠰᠡᠨ ᠨᠢ ᠳᠠᠷᠤᠢ | ᠠᠭᠠᠷᠴᠠ ᠶᠢᠨ ᠬᠤᠷᠤᠳ ᠪᠤᠯᠤᠨᠠ᠃ ᠠᠭᠠᠷᠴᠠ ᠶᠢᠨ ᠬᠤᠷᠤᠳ ᠬᠦᠴᠢᠯᠢᠭ ᠠᠮᠳᠠ ᠲᠠᠢ᠂ ᠰᠢᠮᠡ ᠳᠡᠵᠢᠭᠡᠯ ᠡᠯᠪᠡᠭ | ᠪᠠᠶᠢᠳᠠᠭ᠃ ᠠᠭᠠᠷᠴᠠ ᠶᠢᠨ ᠬᠤᠷᠤᠳ ᠬᠢᠬᠦ ᠳᠤ ᠮᠤᠳᠤᠨ ᠭᠠᠩ ᠤᠨ ᠳᠤᠳᠤᠷᠠ ᠪᠠᠨ ᠡᠷᠬᠡᠪᠰᠢ ᠰᠦ ᠶᠢᠨ ᠬᠦᠮᠦᠷᠭᠡ | ᠪᠠᠨ ᠦᠯᠡᠳᠡᠭᠡᠵᠦ᠂ ᠳᠠᠬᠢᠨ ᠰᠢᠨᠡ ᠰᠦ ᠪᠠᠨ ᠡᠨᠡ ᠬᠦᠮᠦᠷᠭᠡ ᠳᠡᠭᠡᠷᠡ ᠪᠠᠨ ᠬᠢᠵᠦ ᠴᠤᠭᠯᠠᠭᠤᠯᠳᠠᠭ᠃ | ᠪᠢᠰᠢᠯᠠᠭ ᠤᠨ ᠬᠤᠷᠤᠳ ᠪᠠ ᠬᠠᠳᠠᠭᠠᠭᠰᠠᠨ ᠦᠷᠦᠮᠡ᠃ ᠪᠢᠰᠢᠯᠠᠭ ᠤᠨ ᠬᠤᠷᠤᠳ ᠬᠡᠳᠡᠭ ᠨᠢ ᠨᠠᠮᠤᠷ ᠡᠪᠦᠯ | ᠤᠨ ᠤᠯᠠᠷᠢᠯ ᠳᠤ ᠦᠨᠢᠶᠡᠨ ᠰᠦ ᠪᠠᠷ ᠦᠷᠦᠮᠡ ᠬᠦᠭᠡᠷᠦᠭᠦᠯᠵᠦ ᠬᠠᠳᠠᠭᠠᠳᠠᠭ᠃ ᠦᠷᠦᠮᠡ ᠬᠠᠳᠠᠭᠠᠬᠤ ᠭᠡᠳᠡᠭ ᠨᠢ | ᠰᠠᠶ᠋ᠢ ᠰᠠᠭᠠᠭᠰᠠᠨ ᠦᠨᠢᠶᠡᠨ ᠰᠦ ᠪᠠᠨ ᠲᠡᠮᠦᠷ ᠲᠤᠭᠤᠭᠠᠨ ᠳᠤ ᠬᠢᠵᠦ ᠵᠦᠭᠡᠯᠡᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨᠠ᠃ ᠭᠡᠬᠦ | ᠳᠡᠭᠡᠨ ᠰᠦ ᠪᠠᠨ ᠰᠠᠶᠢᠨ ᠬᠦᠳᠡᠯᠭᠡᠵᠦ ᠰᠢᠨᠠᠭᠠ ᠪᠠᠷ ᠰᠠᠶᠢᠨ ᠰᠠᠮᠤᠷᠤᠨᠠ᠃ ᠰᠦ ᠶᠢᠨ ᠬᠦᠭᠡᠰᠦ ᠨᠢ ᠵᠤᠵᠠᠭᠠᠷᠠᠨ | ᠬᠦᠬᠡᠷᠬᠦ ᠦᠶᠡ ᠳᠤ ᠭᠠᠯ ᠢᠶᠠᠨ ᠵᠤᠭᠰᠤᠭᠠᠵᠤ᠂ ᠲᠤᠭᠤᠭᠠ ᠲᠠᠢ ᠰᠦ ᠪᠠᠨ ᠬᠦᠳᠡᠯᠭᠡᠬᠦ ᠦᠭᠡᠢ ᠪᠠᠷ ᠦᠷᠦᠮᠡ ᠪᠠᠨ | ᠰᠠᠭᠤᠯᠭᠠᠨᠠ᠃ ᠲᠤᠭᠤᠭᠠᠨ ᠳᠡᠭᠡᠭᠦᠷ ᠰᠠᠭᠤᠭᠰᠠᠨ ᠦᠷᠦᠮᠡ ᠨᠢ ᠬᠠᠳᠠᠭᠤᠷᠠᠵᠤ ᠴᠠᠷᠴᠠᠭᠰᠠᠨ ᠤ ᠰᠡᠭᠦᠯᠡᠷ | ᠬᠤᠰᠤᠭᠤᠷ ᠢᠶᠠᠷ ᠦᠷᠦᠮᠡ ᠪᠠᠨ ᠲᠤᠭᠤᠷᠢᠭᠤᠯᠤᠨ ᠬᠤᠰᠤᠵᠤ ᠲᠤᠭᠤᠭᠠᠨ ᠠᠴᠠ ᠰᠠᠯᠭᠠᠵᠤ ᠴᠡᠪᠡᠷ ᠲᠠᠷᠠᠰᠤ ᠪᠤᠶᠤ | ᠴᠠᠭᠠᠯᠠᠭᠰᠠᠨ ᠨᠠᠷᠢᠨ ᠪᠤᠷᠭᠠᠰᠤ ᠶᠢ ᠦᠷᠦᠮᠡ ᠶᠢᠨ ᠲᠤᠤᠭᠤᠷ ᠰᠢᠷᠭᠤᠭᠤᠯᠵᠤ ᠡᠯᠭᠦᠨ ᠠᠪᠴᠤ ᠬᠠᠪᠰᠤᠷᠤᠨ | ᠨᠤᠭᠤᠯᠵᠤ ᠬᠦᠢᠳᠡᠨ ᠭᠠᠵᠠᠷ ᠳᠠᠯᠪᠢᠨᠠ᠃ ᠢᠩᠭᠢᠪᠡᠯ ᠳᠠᠷᠤᠢ ᠬᠠᠳᠠᠭᠠᠭᠰᠠᠨ ᠦᠷᠦᠮᠡ ᠪᠤᠯᠳᠠᠭ᠃ ᠬᠠᠳᠠᠭᠠᠭᠰᠠᠨ | ᠦᠷᠦᠮᠡ ᠰᠢᠮᠡ ᠳᠡᠵᠢᠭᠡᠯ ᠡᠯᠪᠡᠭ ᠪᠦᠬᠡᠳ ᠢᠳᠡᠬᠦ ᠳᠤ ᠲᠦᠢᠯ ᠤᠨ ᠠᠮᠳᠠᠳᠠᠢ ᠪᠠᠶᠢᠳᠠᠭ᠃ ᠦᠷᠦᠮᠡ ᠶᠢᠨ | ᠲᠤᠤᠷᠠᠬᠢ ᠪᠤᠯᠤᠭᠰᠠᠨ ᠰᠦ ᠪᠠᠷ ᠪᠢᠰᠢᠯᠠᠭ ᠤᠨ ᠬᠤᠷᠤᠳ ᠬᠢᠳᠡᠭ᠃ ᠰᠦ ᠶᠢᠨ ᠳᠡᠭᠡᠭᠦᠷᠬᠢ ᠦᠷᠦᠮᠡ ᠶᠢ | ᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠰᠦ ᠪᠠᠨ ᠳᠠᠬᠢᠨ ᠭᠠᠯ ᠳᠡᠭᠡᠷᠡ ᠪᠤᠴᠠᠯᠭᠠᠵᠤ ᠰᠦ ᠳᠡᠭᠡᠨ ᠨᠢᠭᠡ ᠰᠢᠨᠠᠭᠠ ᠠᠶᠢᠷᠠᠭ ᠬᠢᠪᠡᠯ | ᠰᠦ ᠨᠢ ᠡᠭᠡᠳᠡᠵᠦ ᠰᠢᠷᠠᠰᠤᠯᠠᠨᠠ᠂ ᠡᠨᠡ ᠦᠶᠡ ᠳᠤ ᠪᠤᠷᠭᠠᠰᠤᠨ ᠵᠤᠤᠯᠢ ᠪᠠᠷ ᠱᠦᠭᠦᠵᠦ ᠠᠪᠤᠪᠠᠯ ᠳᠠᠷᠤᠢ ᠪᠢᠰᠢᠯᠠᠭ | ᠪᠤᠯᠳᠠᠭ᠃ ᠪᠢᠰᠢᠯᠠᠭ ᠤᠨ ᠬᠤᠷᠤᠳ ᠪᠤᠯᠤᠭᠰᠠᠨ ᠰᠦ ᠪᠠᠷ ᠬᠢᠭᠰᠡᠨ ᠪᠤᠯᠬᠤᠷ ᠰᠢᠬᠢᠷᠯᠢᠭ ᠠᠮᠳᠠᠳᠠᠢ ᠪᠦᠭᠡᠳ ᠰᠢᠮᠡ | ᠳᠡᠵᠢᠭᠡᠯ ᠴᠦ ᠡᠯᠪᠡᠭ ᠠᠬᠤᠭᠤᠯᠤᠭᠳᠠᠳᠠᠭ᠃ | ᠠᠶᠢᠷᠠᠭ᠃ ᠬᠤᠷᠤᠳ ᠬᠢᠬᠦ ᠦᠶᠡ ᠳᠤ ᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠰᠢᠩᠭᠡᠨ ᠰᠢᠷᠠᠰᠤ ᠪᠠᠨ ᠬᠤᠷᠤᠳ ᠬᠢᠭᠰᠡᠨ | ᠬᠠᠯᠠᠭᠤᠨ ᠲᠤᠭᠤᠭᠠᠨ ᠳᠠᠭᠠᠨ ᠬᠢᠵᠦ ᠳᠠᠬᠢᠨ ᠪᠤᠴᠠᠯᠭᠠᠭᠠᠳ ᠲᠤᠭᠤᠭᠠ ᠲᠠᠢ ᠨᠢ ᠭᠠᠷᠭᠠᠵᠤ ᠳᠠᠯᠪᠢᠨᠠ᠃ ᠰᠢᠷᠠᠰᠤ | ᠶᠢᠨ ᠠᠭᠰᠢᠭᠤᠨ ᠨᠢ ᠲᠤᠤᠷᠠ ᠪᠠᠨ ᠰᠠᠭᠤᠬᠤ ᠦᠶᠡ ᠳᠤ ᠰᠢᠩᠭᠡᠨ ᠤᠰᠤ ᠶᠢ ᠨᠢ ᠰᠢᠨᠠᠭᠠ ᠪᠠᠷ ᠠᠭᠠᠵᠢᠮ | ᠬᠤᠳᠬᠤᠨ ᠠᠪᠴᠤ᠂ ᠠᠭᠰᠢᠭᠤᠨ ᠢ ᠨᠢ ᠭᠠᠩ ᠰᠠᠪᠠ ᠪᠠ ᠯᠤᠩᠬᠤᠨ ᠳᠤ ᠬᠢᠵᠦ ᠬᠠᠳᠠᠭᠠᠯᠠᠳᠠᠭ᠃ ᠡᠨᠡ ᠨᠢ ᠳᠠᠷᠤᠢ | ᠠᠶᠢᠷᠠᠭ ᠪᠤᠯᠤᠨᠠ᠃ ᠠᠶᠢᠷᠠᠭ ᠤᠨ ᠳᠡᠭᠡᠷᠡ ᠡᠪᠦᠯ ᠬᠠᠪᠤᠷ ᠤᠨ ᠴᠠᠭ ᠲᠤ ᠦᠨᠢᠶᠡ ᠪᠠᠨ ᠰᠠᠭᠠᠭᠠᠳ ᠬᠠᠯᠠᠭᠤᠨ ᠰᠦ | ᠪᠠᠨ ᠬᠢᠪᠡᠯ ᠳᠡᠭᠡᠭᠦᠷ ᠢᠶᠠᠨ ᠬᠦᠭᠡᠰᠦᠷᠡᠨ ᠠᠭᠰᠢᠭᠠᠳ ᠬᠦᠭᠡᠰᠦ ᠰᠠᠭᠤᠳᠠᠭ᠃ ᠠᠶᠢᠷᠠᠭ ᠤᠨ ᠬᠦᠭᠡᠰᠦ ᠨᠢ ᠬᠠᠭᠤᠷᠠᠢ | ᠪᠤᠳᠠᠭᠠ ᠲᠠᠢ ᠢᠳᠡᠬᠦ ᠳᠤ ᠦᠷᠦᠮᠡ ᠠᠳᠠᠯᠢ ᠠᠮᠳᠠᠳᠠᠢ᠃ ᠠᠶᠢᠷᠠᠭ ᠢ ᠡᠪᠦᠯ ᠬᠠᠪᠤᠷ ᠤᠨ ᠴᠠᠭ ᠲᠠᠭᠠᠨ ᠴᠢᠨᠠᠭᠰᠠᠨ | ᠪᠤᠳᠠᠭᠠᠨ ᠳᠤ ᠬᠢᠵᠦ ᠢᠳᠡᠳᠡᠭ᠃ ᠠᠶᠢᠷᠠᠭ ᠨᠢ ᠰᠢᠮᠡ ᠳᠡᠵᠢᠭᠡᠯ ᠡᠯᠪᠡᠭ ᠪᠦᠭᠡᠳ ᠵᠠᠷᠢᠮ ᠡᠪᠡᠳᠴᠢᠨ ᠢ ᠵᠠᠰᠠᠬᠤ | ᠦᠢᠯᠡᠳᠦᠯ ᠨᠢ ᠴᠦ ᠰᠠᠶᠢᠨ ᠪᠠᠶᠢᠳᠠᠭ᠃ | ᠡᠭᠡᠵᠡᠭᠡᠢ᠃ ᠬᠤᠷᠤᠳ ᠬᠢᠭᠡᠳ ᠦᠯᠡᠳᠡᠭᠰᠡᠨ ᠰᠢᠷᠠᠰᠤ ᠪᠠ ᠳᠠᠬᠢᠨ ᠪᠤᠴᠠᠯᠭᠠᠵᠤ ᠬᠦᠷᠦᠭᠡᠭᠰᠡᠨ ᠤ ᠰᠡᠭᠦᠯᠡᠷ | ᠰᠡᠶᠢᠮᠡᠭᠡᠢ ᠪᠦᠰ ᠢᠶᠠᠷ ᠤᠶᠤᠭᠰᠠᠨ ᠱᠦᠭᠦᠮᠡᠯ ᠤᠨ ᠤᠭᠤᠳᠠᠨ ᠳᠤ ᠬᠢᠵᠦ ᠳᠡᠭᠦᠵᠢᠯᠡᠵᠦ ᠳᠠᠯᠪᠢᠨᠠ᠃ ᠪᠠᠷᠤᠭ ᠨᠢᠭᠡ | ᠡᠳᠦᠷ ᠱᠦᠭᠦᠷᠡᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ ᠠᠪᠴᠤ ᠬᠠᠳᠠᠭᠠᠨ ᠡᠭᠡᠵᠡᠭᠡᠢ ᠪᠤᠯᠭᠠᠳᠠᠭ᠃ ᠡᠭᠡᠵᠡᠭᠡᠢ ᠬᠦᠴᠢᠯᠢᠭ ᠰᠢᠬᠢᠷᠯᠢᠭ | ᠠᠮᠳᠠᠳᠠᠢ᠃ ᠰᠠᠶᠢᠨ ᠬᠠᠳᠠᠭᠠᠭᠰᠠᠨ ᠤ ᠰᠡᠭᠦᠯᠡᠷ ᠬᠡᠳᠦᠢ ᠤᠳᠠᠭᠠᠨ ᠬᠠᠳᠠᠭᠠᠯᠠᠪᠠᠴᠤ ᠴᠢᠨᠠᠷ ᠬᠤᠪᠢᠷᠠᠬᠤ ᠦᠭᠡᠢ | ᠪᠠᠶᠢᠳᠠᠭ᠃ | ᠴᠠᠭᠠ᠃ ᠭᠠᠩ ᠰᠠᠪᠠᠨ ᠳᠤ ᠴᠤᠭᠯᠠᠭᠤᠯᠤᠭᠰᠠᠨ ᠠᠶᠢᠷᠠᠭ ᠢᠶᠠᠨ ᠳᠠᠬᠢᠨ ᠲᠤᠭᠤᠭᠠᠨ ᠳᠤ ᠬᠢᠵᠦ | ᠪᠤᠴᠠᠯᠭᠠᠭᠰᠠᠨ ᠢ ᠴᠠᠭᠠ ᠭᠡᠳᠡᠭ᠃ ᠤᠳᠠᠭᠠᠨ ᠡᠳᠦᠷ ᠤᠨ ᠬᠠᠳᠠᠭᠠᠯᠠᠭᠰᠠᠨ ᠠᠶᠢᠷᠠᠭ ᠢ ᠳᠠᠬᠢᠨ ᠪᠤᠴᠠᠯᠭᠠᠭᠰᠠᠨ | ᠪᠤᠯᠬᠤᠷ ᠬᠦᠴᠦ ᠨᠢ ᠠᠶᠢᠷᠠᠭ ᠠᠴᠠ ᠬᠤᠯᠠ ᠢᠯᠡᠭᠦᠦ᠂ ᠪᠤᠳᠠᠭᠠ ᠴᠢᠨᠠᠵᠤ ᠢᠳᠡᠬᠦ ᠳᠤ ᠠᠶᠢᠷᠠᠭ ᠠᠴᠠ ᠠᠷᠪᠢᠳᠠᠢ᠂ | ᠰᠢᠮᠡ ᠳᠡᠵᠢᠭᠡᠯ ᠡᠯᠪᠡᠭ ᠪᠦᠭᠡᠳ ᠬᠤᠤᠷᠳᠠᠯ ᠢ ᠳᠠᠷᠤᠬᠤ ᠴᠢᠳᠠᠯ ᠲᠠᠢ᠂ ᠭᠡᠳᠡᠰᠦ ᠡᠪᠡᠳᠴᠦ ᠳᠦᠭᠦᠷᠬᠦ᠂ ᠢᠳᠡᠭᠡᠨ | ᠪᠤᠶᠤ ᠡᠮ ᠳᠤ ᠬᠤᠤᠷᠳᠠᠭᠰᠠᠨ ᠦᠶᠡ ᠳᠤ ᠨᠢᠭᠡ ᠠᠶᠠᠭᠠ ᠴᠠᠭᠠ ᠶᠢ ᠬᠠᠯᠠᠭᠤᠯᠵᠤ ᠪᠠᠶᠢᠭᠠᠳ ᠤᠤᠭᠤᠪᠠᠯ ᠡᠪᠡᠳᠬᠦ | ᠨᠢ ᠲᠤᠤᠷᠠ ᠪᠠᠨ ᠰᠠᠶᠢᠨ ᠪᠤᠯᠬᠤ ᠪᠤᠶᠤ ᠬᠤᠤᠷ ᠢ ᠳᠠᠶᠢᠯᠳᠠᠭ᠃ ᠡᠪᠦᠯ ᠤᠨ ᠤᠯᠠᠷᠢᠯ ᠳᠤ ᠲᠦᠯ ᠮᠠᠯ ᠤᠨ | ᠳᠠᠭᠠᠷᠠᠵᠤ ᠪᠡᠭᠡᠷᠡᠭᠰᠡᠨ ᠦᠶᠡ ᠳᠤ ᠴᠠᠭᠠ ᠶᠢ ᠬᠠᠯᠠᠭᠤᠯᠵᠤ ᠪᠠᠶᠢᠭᠠᠳ ᠪᠠᠭᠠ ᠬᠡᠮᠵᠢᠶᠡᠨ ᠤ ᠰᠢᠷᠠ ᠲᠤᠰᠤ ᠬᠢᠭᠡᠳ | ᠴᠢᠳᠬᠤᠵᠤ ᠦᠭᠪᠡᠯ ᠲᠤᠤᠷᠠ ᠪᠠᠨ ᠰᠠᠶᠢᠨ ᠪᠤᠯᠬᠤ ᠡᠮᠨᠡᠯᠭᠡ ᠶᠢᠨ ᠦᠢᠯᠡᠳᠦᠯ ᠲᠠᠢ᠃ | ᠠᠭᠠᠷᠤᠤᠯ᠃ ᠴᠠᠭᠠ ᠶᠢ ᠳᠠᠬᠢᠨ ᠪᠤᠴᠠᠯᠭᠠᠵᠤ ᠱᠦᠭᠦᠮᠡᠯ ᠤᠨ ᠤᠭᠤᠳᠠᠨ ᠳᠤ ᠬᠢᠵᠦ ᠰᠢᠩᠭᠡᠨ ᠢ ᠨᠢ | ᠱᠦᠭᠦᠷᠡᠭᠦᠯᠦᠭᠡᠳ ᠦᠯᠡᠳᠡᠭᠰᠡᠨ ᠠᠭᠰᠢᠭᠤᠨ ᠢ ᠨᠢ ᠠᠭᠠᠷᠤᠤᠯ ᠭᠡᠳᠡᠭ᠃ ᠠᠭᠠᠷᠤᠤᠯ ᠢ ᠰᠠᠶᠢᠨ ᠬᠠᠳᠠᠭᠠᠵᠤ | ᠬᠠᠳᠠᠭᠠᠯᠠᠭᠠᠳ ᠠᠶᠠᠨ ᠳᠡᠭᠡᠭᠡᠪᠦᠷᠢ᠂ ᠬᠤᠯᠠ ᠵᠠᠮ ᠶᠠᠪᠤᠬᠤ ᠪᠤᠶᠤ ᠬᠡᠳᠦᠨ ᠡᠳᠦᠷ ᠢᠶᠠᠷ ᠬᠡᠭᠡᠷᠡ ᠭᠠᠳᠠᠨᠠ ᠠᠵᠢᠯ | ᠬᠦᠳᠡᠯᠮᠦᠷᠢ ᠳᠤ ᠶᠠᠪᠤᠬᠤ ᠳᠠᠭᠠᠨ ᠠᠪᠴᠤ ᠶᠠᠪᠤᠭᠠᠳ ᠪᠤᠳᠠᠭᠠ ᠴᠢᠨᠠᠬᠤ ᠳᠠᠭᠠᠨ ᠠᠶᠢᠷᠠᠭ ᠴᠠᠭᠠ ᠶᠢᠨ ᠤᠷᠤᠨ ᠳᠤ | ᠬᠡᠷᠡᠭᠯᠡᠳᠡᠭ ᠪᠦᠭᠡᠳ ᠴᠢᠭᠢᠭ ᠨᠤᠶᠢᠳᠠᠨ ᠳᠤ ᠭᠡᠳᠡᠰᠦ ᠳᠤᠳᠤᠷ ᠡᠪᠡᠳᠬᠦ ᠳᠤ ᠢᠳᠡᠪᠡᠯ ᠡᠮ ᠳᠠᠩ ᠤᠨ ᠦᠢᠯᠡᠳᠦᠯ | ᠭᠠᠷᠭᠠᠳᠠᠭ᠃ | ᠰᠢᠷᠠ ᠲᠤᠰᠤ᠃ ᠦᠷᠦᠮᠠ ᠪᠠᠨ ᠱᠦᠭᠦᠮᠡᠯ ᠳᠤ ᠬᠢᠵᠦ ᠱᠦᠭᠦᠷᠡᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ ᠲᠡᠮᠦᠷ ᠲᠤᠭᠤᠭᠠᠨ | ᠳᠤ ᠬᠢᠵᠦ ᠦᠩᠭᠦᠷᠢᠭᠦᠯ ᠮᠤᠳᠤ ᠪᠠᠷ ᠬᠦᠳᠡᠯᠭᠡᠵᠦ ᠡᠷᠴᠢᠭᠡᠨᠡ᠃ ᠱᠦᠭᠦᠷᠡᠭᠰᠡᠨ ᠦᠷᠦᠮᠡ ᠨᠢ ᠨᠡᠯᠢᠶᠡᠳ ᠰᠢᠩᠭᠡᠷᠡᠨ | ᠨᠤᠤᠷᠠᠭᠠᠳ ᠢᠷᠡᠬᠦ ᠦᠶᠡ ᠳᠤ ᠬᠦᠢᠳᠡᠨ ᠰᠢᠷᠠᠰᠤ ᠬᠢᠵᠦ ᠳᠠᠬᠢᠨ ᠬᠦᠳᠡᠯᠭᠡᠪᠡᠯ ᠦᠷᠦᠮᠡ ᠨᠢ ᠬᠡᠰᠡᠭ ᠬᠡᠰᠡᠭ ᠢᠶᠠᠷ | ᠪᠦᠭᠡᠮᠨᠡᠷᠡᠵᠦ ᠬᠠᠳᠠᠭᠤᠷᠠᠨ᠂ ᠣᠭᠢᠶᠠᠳᠠᠰᠤ ᠨᠢ ᠢᠯᠭᠠᠷᠠᠬᠤ ᠦᠶᠡ ᠳᠤ ᠵᠤᠤᠯᠢ ᠪᠠᠷ ᠦᠷᠦᠮᠡ ᠪᠠᠨ ᠱᠦᠭᠦᠨ ᠠᠪᠴᠤ | ᠳᠡᠮᠦᠷ ᠲᠤᠭᠤᠭᠠᠨ ᠳᠤ ᠬᠢᠵᠦ ᠠᠷᠭᠠᠯ ᠤᠨ ᠵᠦᠭᠡᠯᠡᠨ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠬᠤ ᠳᠠᠭᠠᠨ ᠰᠢᠨᠠᠭᠠ ᠪᠠᠷ ᠰᠠᠶᠢᠨ | ᠬᠦᠳᠡᠯᠭᠡᠵᠦ ᠲᠤᠭᠤᠭᠠᠨ ᠤ ᠢᠷᠤᠭᠠᠷ ᠲᠤ ᠬᠤᠮᠤᠰᠳᠤᠵᠤ ᠰᠠᠭᠤᠬᠤ ᠶᠢ ᠬᠢᠴᠢᠶᠡᠬᠦ ᠬᠡᠷᠡᠭᠲᠠᠢ᠃ ᠢᠩᠭᠢᠵᠦ ᠨᠡᠯᠢᠶᠡᠳ | ᠪᠤᠴᠠᠯᠭᠠᠪᠠᠯ ᠲᠤᠰᠤ ᠨᠢ ᠢᠯᠭᠠᠷᠠᠵᠤ᠂ ᠴᠦᠴᠦᠭᠡᠢ ᠨᠢ ᠲᠤᠤᠷᠠ ᠪᠠᠨ ᠠᠭᠰᠢᠷᠠᠨ ᠦᠯᠡᠳᠡᠵᠦ᠂ ᠳᠡᠭᠡᠭᠦᠷ ᠨᠢ | ᠢᠯᠭᠠᠷᠠᠨ ᠭᠠᠷᠤᠭᠰᠠᠨ ᠲᠤᠰᠤ ᠪᠤᠯ ᠲᠠᠷᠤᠢ ᠰᠢᠷᠠ ᠲᠤᠰᠤ ᠪᠤᠯᠤᠨᠠ᠃ ᠰᠢᠷᠠ ᠲᠤᠰᠤ ᠨᠢ ᠴᠠᠭᠠᠨ ᠢᠳᠡᠭᠡᠨ ᠤ | ᠲᠤᠳᠤᠷᠠᠬᠢ ᠤᠬᠢ ᠰᠠᠶᠢᠨ ᠢᠳᠡᠭᠡᠨ ᠮᠦᠨ᠃ ᠰᠢᠮᠡ ᠳᠡᠵᠢᠭᠡᠯ ᠢᠶᠠᠷ ᠡᠯᠪᠡᠭ᠂ ᠸᠢᠲ᠋ᠠᠮᠢᠨ ᠤᠭᠤᠷᠠᠭ ᠤᠨ | ᠠᠬᠤᠭᠤᠯᠤᠭᠳᠠᠴᠠ ᠦᠨᠳᠦᠷ ᠪᠦᠭᠡᠳ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠡᠮ ᠤᠨ ᠦᠢᠯᠡᠳᠦᠯ ᠢᠶᠠᠷ ᠴᠦ ᠰᠠᠶᠢᠨ ᠪᠠᠶᠢᠳᠠᠭ᠃ | ᠵᠠᠩᠰᠢᠯ ᠢᠶᠠᠷ ᠠᠷᠭᠠ ᠶᠢᠨ ᠤᠯᠠᠷᠢᠯ ᠤᠨ 8 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠠᠴᠠ ᠡᠮᠦᠨᠡ ᠯᠤᠩᠬᠤ ᠲᠠᠢ ᠰᠢᠷᠠ ᠲᠤᠰᠤ | ᠪᠠᠨ ᠬᠤᠨᠢᠨ ᠭᠦᠵᠡᠭᠡ ᠪᠤᠶᠤ ᠤᠯᠤᠭᠠᠢ ᠳᠤ ᠬᠢᠵᠦ ᠠᠪᠬᠤ ᠬᠡᠷᠡᠭᠲᠠᠢ ᠭᠡᠳᠡᠭ᠃ ᠬᠡᠷᠪᠡ ᠶᠡᠭᠦᠯᠡᠵᠦ ᠵᠠᠪᠳᠤᠬᠤ ᠦᠭᠡᠢ | ᠪᠤᠯ ᠮᠤᠳᠤ ᠪᠠᠷ ᠰᠤᠷ ᠵᠤᠷᠭᠤᠵᠤ ᠯᠤᠩᠬᠤ ᠲᠠᠢ ᠲᠤᠰᠤᠨ ᠳᠠᠭᠠᠨ ᠬᠠᠳᠬᠤᠵᠤ ᠳᠠᠯᠪᠢᠬᠤ ᠬᠡᠷᠡᠭᠲᠠᠢ᠃ ᠤᠴᠢᠷ ᠨᠢ | 8 ᠰᠠᠷᠠ ᠶᠢᠨ 15 ᠤ ᠦᠶᠡ ᠪᠤᠯ ᠪᠤᠭᠤᠨ ᠤ ᠤᠷᠤᠭᠠ ᠶᠢᠨ ᠬᠤᠭᠤᠴᠠᠭᠠ ᠪᠤᠯᠬᠤᠷ ᠦᠷᠦᠮᠳᠡᠵᠦ ᠮᠦᠬᠡᠷᠡᠬᠦ ᠦᠶᠡ | ᠳᠤ ᠠᠰ ᠱᠤᠭᠤᠮ ᠳᠠᠭᠠᠷᠠᠪᠠᠯ ᠯᠤᠩᠬᠤ ᠰᠠᠪᠠ ᠬᠠᠭᠠᠷᠠᠬᠤ ᠠᠶᠤᠮᠰᠢᠭᠳᠠᠢ ᠭᠡᠳᠡᠭ᠃ | ᠴᠦᠴᠦᠭᠡᠢ᠃ ᠰᠢᠷᠠ ᠲᠤᠰᠤ ᠬᠠᠶᠢᠯᠬᠤ ᠦᠶᠡ ᠳᠤ ᠢᠯᠭᠠᠷᠠᠨ ᠦᠯᠡᠳᠡᠭᠰᠡᠨ ᠠᠭᠰᠢᠭᠤᠨ ᠢ ᠴᠦᠴᠦᠭᠡᠢ | ᠭᠡᠨᠡ᠃ ᠴᠦᠴᠦᠭᠡᠢ ᠶᠢ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ᠲᠠᠢ ᠬᠤᠳᠬᠤᠨ ᠢᠳᠡᠵᠦ ᠪᠤᠯᠬᠤ ᠪᠦᠭᠡᠳ ᠡᠭᠡᠵᠡᠭᠡᠢ ᠰᠢᠭ | ᠬᠠᠳᠠᠭᠠᠭᠠᠳ ᠡᠪᠦᠯ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠴᠠᠢ ᠶᠢᠨ ᠬᠤᠯᠢᠶᠠ ᠬᠢᠳᠡᠭ᠃ ᠡᠷᠴᠢᠭᠡᠭᠰᠡᠨ ᠦᠭᠡᠢ ᠦᠷᠦᠮᠡ ᠪᠠᠷ | ᠲᠤᠰᠤ ᠬᠠᠶᠢᠯᠤᠭᠤᠯᠪᠠᠯ ᠴᠦᠴᠦᠭᠡᠢ ᠨᠢ ᠠᠷᠪᠢᠨ ᠭᠠᠷᠳᠠᠭ᠃ ᠴᠦᠴᠦᠭᠡᠢ ᠪᠤᠯ ᠲᠤᠰᠤᠯᠢᠭ ᠬᠦᠴᠢᠯᠢᠭ ᠠᠮᠳᠠᠳᠠᠢ | ᠰᠢᠮᠡ ᠳᠡᠵᠢᠭᠡᠯ ᠢᠶᠠᠷ ᠰᠠᠶᠢᠨ ᠢᠳᠡᠭᠡᠨ ᠪᠤᠯᠤᠨᠠ᠃ | ᠴᠠᠭᠠᠨ ᠲᠤᠰᠤ᠃ ᠦᠷᠦᠮᠡ ᠪᠠᠨ ᠡᠷᠴᠢᠭᠡᠬᠦ ᠦᠶᠡ ᠳᠤ ᠰᠠᠶᠢᠨ ᠡᠷᠴᠢᠭᠡᠭᠰᠡᠨ ᠬᠠᠳᠠᠭᠤ ᠦᠷᠦᠮᠡ ᠪᠠ | ᠠᠭᠠᠷᠴᠠ ᠶᠢᠨ ᠬᠤᠷᠤᠳ ᠬᠢᠬᠦ ᠳᠤ ᠪᠤᠯᠤᠭᠰᠠᠨ ᠰᠦ ᠶᠢᠨ ᠳᠡᠭᠡᠭᠦᠷ ᠪᠦᠭᠡᠮᠨᠡᠷᠡᠨ ᠢᠯᠭᠠᠷᠠᠭᠰᠠᠨ ᠬᠠᠳᠠᠭᠤ ᠦᠷᠦᠮᠡ | ᠶᠢ ᠴᠠᠭᠠᠨ ᠲᠤᠰᠤ ᠭᠡᠳᠡᠭ᠃ ᠴᠠᠭᠠᠨ ᠲᠤᠰᠤ ᠶᠢ ᠡᠪᠦᠯ ᠬᠠᠪᠤᠷ ᠤᠨ ᠰᠡᠷᠢᠭᠦᠨ ᠤᠯᠠᠷᠢᠯ ᠳᠤ ᠢᠳᠡᠳᠡᠭ ᠰᠢᠮᠡ | ᠳᠡᠵᠢᠭᠡᠯ ᠰᠠᠶᠢᠳᠠᠢ ᠢᠳᠡᠭᠡᠨ ᠮᠦᠨ᠃ ᠦᠩᠭᠡᠷᠡᠭᠰᠡᠨ ᠳᠤ ᠪᠤᠷᠬᠠᠨ ᠳᠡᠬᠢᠬᠤ ᠦᠶᠡ ᠳᠤ ᠭᠤᠯᠢᠷ ᠢᠶᠠᠷ ᠪᠠᠷᠢᠭᠰᠠᠨ | ᠪᠠᠯᠢᠩ ᠤᠨ ᠤᠷᠤᠢ ᠪᠠ ᠬᠦᠢᠰᠦ ᠶᠢ ᠬᠢᠬᠦ ᠳᠤ ᠴᠦ ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ | | | ᠡᠪᠴᠢᠭᠦᠴᠢᠨ᠂ ᠳᠣᠨᠤᠷᠤᠪ ᠤᠨ ᠨᠠᠶᠢᠷᠠᠭᠤᠯᠣᠨ ᠵᠣᠬᠢᠶᠠᠭᠰᠠᠨ ︽ᠠᠷᠤ ᠬᠤᠷᠴᠢᠨ ᠨᠤᠲᠤᠭ ᠤᠨ | ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ︾ ᠭᠡᠬᠦ ᠨᠣᠮ ᠠᠴᠠ ᠰᠣᠩᠭᠤᠪᠠ | | |