| ᠠᠪᠠ ᠠᠩᠨᠠᠬᠤ ᠳᠤ ᠭᠤᠷᠪᠠᠨ ᠵᠦᠢᠯ ᠤᠨ ᠠᠪᠠᠯᠠᠬᠤ ᠠᠷᠭᠠ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠬᠦᠷᠢᠶᠡ ᠠᠪᠠ | ᠬᠦᠷᠢᠶᠡ ᠠᠪᠠ ᠭᠡᠳᠡᠭ ᠨᠢ ᠨᠢᠭᠡᠴᠡ ᠪᠠ ᠬᠤᠪᠢ ᠬᠦᠮᠦᠨ ᠬᠠᠮᠳᠤᠷᠠᠨ ᠬᠤᠯᠪᠤᠭᠠᠯᠠᠵᠤ ᠠᠪᠠᠯᠠᠬᠤ ᠬᠡᠯᠡᠨᠡ᠃ | ᠵᠤᠬᠢᠶᠠᠨ ᠪᠠᠶᠢᠭᠤᠯᠬᠤ ᠨᠢᠭᠡᠴᠡ ᠪᠠ ᠬᠤᠪᠢ ᠬᠦᠮᠦᠨ ᠨᠢ ᠵᠠᠷ ᠮᠡᠳᠡᠭᠡ ᠲᠠᠷᠬᠠᠭᠠᠵᠤ᠂ ᠬᠡᠳᠦᠨ ᠰᠤᠮᠤ ᠬᠡᠳᠦᠨ | ᠭᠠᠴᠠᠭᠠ ᠨᠡᠶᠢᠯᠡᠵᠦ᠂ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠠᠩᠴᠢᠨ ᠢᠶᠠᠷ ᠠᠪᠠ ᠶᠢᠨ ᠳᠠᠭᠠᠭᠠᠮᠠᠯ ᠳᠠᠯᠪᠢᠵᠤ᠂ ᠲᠤᠰ ᠬᠦᠮᠦᠨ | ᠤ ᠵᠠᠷᠯᠢᠭ ᠵᠢᠭᠠᠪᠤᠷᠢ ᠪᠠᠷ ᠶᠠᠪᠤᠵᠤ᠂ ᠠᠪᠠᠯᠠᠬᠤ ᠭᠠᠵᠠᠷ ᠤᠷᠤᠨ ᠢᠶᠠᠨ ᠲᠤᠭᠳᠠᠭᠠᠭᠰᠠᠨ ᠤ ᠰᠡᠭᠦᠯᠡᠷ ᠠᠪᠠ ᠶᠢᠨ | ᠳᠠᠭᠠᠭᠠᠮᠠᠯ ᠨᠢ ᠬᠦᠮᠦᠨ ᠤ ᠬᠦᠴᠦᠨ ᠢᠶᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ ᠳᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠠᠴᠠ | ᠳᠤᠳᠤᠭᠰᠢ ᠬᠦᠷᠢᠶᠡ ᠳᠠᠳᠠᠨ ᠭᠠᠳᠠᠨᠠ ᠠᠴᠠ ᠳᠤᠳᠤᠭᠰᠢ ᠬᠤᠮᠢᠵᠤ ᠠᠪᠠᠯᠠᠬᠤ ᠶᠢ ᠬᠦᠷᠢᠶᠡ ᠠᠪᠠ ᠭᠡᠵᠦ ᠬᠡᠯᠡᠨᠡ᠃ | ᠡᠭᠦᠨ ᠳᠤ ᠠᠯᠢ ᠵᠦᠭ ᠠᠴᠠ ᠠᠯᠢ ᠰᠤᠮᠤ ᠠᠯᠢ ᠭᠠᠴᠠᠭᠠ ᠬᠤᠮᠢᠵᠤ ᠬᠠᠰᠢᠬᠤ ᠶᠢ ᠲᠤᠭᠳᠠᠭᠠᠵᠤ ᠳᠡᠰ ᠳᠠᠷᠠᠭᠠ ᠲᠠᠢ | ᠨᠢᠭᠡ ᠠᠴᠠ ᠪᠠᠨ ᠨᠢᠭᠡ ᠨᠢ ᠵᠠᠯᠭᠠᠵᠤ ᠬᠦᠷᠢᠶᠡ ᠳᠠᠳᠠᠨ ᠠᠪᠠᠯᠠᠨᠠ᠃ ᠢᠩᠭᠢᠵᠦ ᠭᠠᠳᠠᠨᠠ ᠠᠴᠠ ᠳᠤᠳᠤᠭᠰᠢ | ᠰᠢᠬᠠᠵᠤ ᠬᠤᠮᠢᠭᠰᠠᠭᠠᠷ ᠪᠠᠶᠢᠭᠠᠳ ᠬᠠᠮᠤᠭ ᠰᠡᠭᠦᠯ ᠳᠤᠨᠢ ᠲᠤᠭᠳᠠᠭᠰᠠᠨ ᠴᠡᠭ ᠤᠷᠤᠭᠤ ᠠᠩ ᠠᠮᠢᠳᠠᠨ ᠢ ᠬᠦᠭᠡᠭᠡᠨ | ᠤᠷᠤᠭᠤᠯᠵᠤ ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨ ᠢ ᠠᠩᠨᠠᠨ ᠠᠯᠠᠳᠠᠭ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠠᠩ ᠤᠨ ᠬᠦᠷᠢᠶᠡᠨ ᠳᠤ | ᠬᠤᠮᠢᠭᠳᠠᠨ ᠤᠷᠤᠭᠰᠠᠨ ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨ ᠢ ᠪᠦᠳᠦᠭᠦᠨ ᠪᠠᠭᠠ ᠭᠡᠵᠦ ᠢᠯᠭᠠᠯ ᠦᠭᠡᠢ ᠠᠯᠠᠨᠠ᠃ ᠠᠯᠠᠪᠠᠯ | ᠮᠢᠬᠠ᠂ ᠠᠯᠳᠠᠪᠠᠯ ᠪᠠᠬᠠ᠂ ᠪᠦᠳᠦᠨᠡ ᠠᠯᠠᠪᠠᠴᠤ ᠭᠠᠨᠵᠤᠭᠠ ᠪᠦᠳᠦᠭᠦᠷᠡᠵᠦ᠂ ᠤᠨᠠᠪᠠᠴᠤ ᠤᠷᠤᠭᠰᠢ ᠪᠠᠨ ᠭᠡᠵᠦ | ᠬᠡᠯᠡᠳᠡᠭ᠃ | ᠬᠤᠶᠠᠷ᠂ ᠳᠠᠷᠤᠭᠠ ᠠᠪᠠ | ᠳᠠᠷᠤᠭᠠ ᠠᠪᠠ ᠭᠡᠳᠡᠭ ᠨᠢ ᠠᠭᠤᠯᠠ ᠶᠢᠨ ᠪᠠᠷᠳᠠᠭᠠᠨ ᠠᠴᠠ ᠠᠩ ᠤᠨ ᠠᠮᠢᠳᠠᠨ ᠢ ᠠᠶᠤᠯᠭᠠᠨ ᠬᠦᠭᠡᠭᠡᠵᠦ᠂ | ᠭᠠᠵᠠᠷ ᠤᠨ ᠴᠠᠭᠠᠨ ᠪᠤᠶᠤ ᠠᠭᠤᠯᠠ ᠶᠢᠨ ᠬᠦᠳᠦᠯ ᠲᠤᠮ ᠦᠭᠡᠳᠡ ᠳᠠᠷᠤᠵᠤ ᠠᠪᠠᠴᠢᠬᠤ ᠶᠢ ᠳᠠᠷᠤᠭᠠ ᠠᠪᠠ ᠭᠡᠨᠡ᠃ | ᠳᠠᠷᠤᠭᠠ ᠠᠪᠠ ᠠᠩᠨᠠᠬᠤ ᠳᠤ ᠭᠤᠤᠯᠳᠠᠭᠤ ᠬᠡᠭᠡᠷᠡ ᠶᠢᠨ ᠭᠠᠭ᠋ᠠᠢ᠂ ᠴᠢᠨ᠋ᠸᠠ᠂ ᠰᠢᠯᠦᠭᠦᠰᠦ᠂ ᠦᠨᠡᠭᠡ ᠵᠡᠷᠭᠡ ᠵᠡᠷᠯᠢᠭ | ᠬᠤᠯᠵᠢᠨ ᠠᠮᠢᠳᠠᠨ ᠢ ᠠᠩᠨᠠᠳᠠᠭ ᠪᠠᠶᠢᠨᠠ᠃ ᠡᠭᠦᠨ ᠳᠤ ᠠᠪᠠ ᠶᠢᠨ ᠳᠠᠭᠠᠭᠠᠮᠠᠯ ᠠᠴᠠ ᠠᠪᠠᠯᠠᠬᠤ ᠭᠤᠤᠯ ᠤᠷᠤᠨ | ᠭᠠᠵᠠᠷ ᠢᠶᠠᠨ ᠲᠤᠭᠳᠠᠭᠠᠭᠠᠳ ᠬᠦᠮᠦᠨ ᠤ ᠬᠦᠴᠦᠨ ᠢᠶᠠᠨ ᠲᠤᠬᠢᠷᠠᠭᠤᠯᠤᠨᠠ᠃ ᠤᠷᠢᠳ ᠢᠶᠠᠷ ᠠᠳᠡ ᠠᠴᠠ | ᠪᠤᠰᠤᠭᠰᠠᠨ ᠠᠩ ᠭᠦᠷᠦᠭᠡᠰᠦ ᠠᠯᠢ ᠠᠭᠤᠯᠠᠨ ᠠᠴᠠ ᠠᠯᠢ ᠬᠦᠳᠦᠯ ᠢᠶᠠᠷ ᠳᠠᠭᠠᠷᠢᠵᠤ ᠴᠠᠭᠠᠳᠠᠢ ᠠᠭᠤᠯᠠ ᠶᠢᠨ ᠠᠯᠢ | ᠬᠦᠳᠦᠯ ᠳᠤᠮ ᠢᠶᠠᠷ ᠤᠴᠢᠬᠤ ᠶᠢ ᠳᠦᠰᠦᠪᠯᠡᠨ ᠪᠤᠳᠤᠵᠤ᠂ ᠲᠡᠷᠡ ᠭᠠᠵᠠᠷ ᠨᠢ ᠮᠡᠷᠭᠡᠨ ᠫᠤᠤᠵᠢ ᠶᠢ ᠰᠠᠭᠤᠯᠭᠠᠵᠤ᠂ | ᠴᠠᠭᠠᠳᠠᠢ ᠠᠭᠤᠯᠠᠨ ᠤ ᠳᠠᠪᠬᠤᠷ ᠰᠠᠭᠤᠳᠠᠯ ᠳᠤ ᠰᠠᠶᠢᠨ ᠨᠤᠬᠠᠢ ᠲᠠᠢ ᠬᠠᠰᠢᠷ ᠠᠩᠴᠢᠨ ᠢ ᠰᠠᠭᠤᠳᠠᠯ ᠳᠤ | ᠰᠠᠭᠤᠯᠭᠠᠭᠰᠠᠨ ᠤ ᠰᠡᠭᠦᠯᠡᠷ ᠳᠠᠷᠤᠭᠠᠨ ᠳᠤ ᠶᠠᠪᠤᠬᠤ ᠬᠦᠮᠦᠨ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠢ ᠠᠶᠤᠯᠭᠠᠨ ᠦᠷᠭᠦᠭᠡᠵᠦ ᠶᠡᠭᠡ | ᠳᠠᠭᠤᠨ ᠢᠶᠠᠷ ᠪᠠᠷᠬᠢᠷᠠᠵᠤ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠰᠠᠨ ᠬᠦᠮᠦᠨ ᠤ ᠦᠭᠡᠳᠡ ᠠᠩ ᠤᠨ ᠠᠮᠢᠳᠠᠨ ᠢ ᠬᠦᠭᠡᠭᠡᠵᠦ | ᠠᠪᠠᠴᠢᠨᠠ᠂ ᠠᠭᠤᠯᠠ ᠳᠠᠷᠤᠬᠤ ᠳᠠᠭᠠᠨ ᠠᠩ ᠤᠨ ᠠᠮᠢᠳᠠᠨ ᠢ ᠭᠡᠳᠡᠷᠭᠦ ᠬᠤᠯᠬᠢᠵᠤ ᠪᠤᠴᠠᠬᠤ ᠶᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ | ᠲᠦᠯᠦᠭᠡ ᠠᠭᠤᠯᠠᠨ ᠤ ᠳᠡᠭᠡᠭᠦᠷ ᠨᠢᠭᠡ ᠪᠦᠯᠦᠭ ᠬᠦᠮᠦᠨ ᠠᠭᠤᠯᠠᠨ ᠤ ᠳᠤᠮᠳᠠ ᠪᠡᠶᠡ ᠪᠠᠷ᠂ ᠨᠢᠭᠡ ᠪᠦᠯᠦᠭ ᠬᠦᠮᠦᠨ | ᠠᠭᠤᠯᠠᠨ ᠤ ᠬᠤᠷᠮᠤᠢ ᠪᠠᠷ ᠬᠠᠰᠢᠭᠤᠷ ᠲᠤ᠂ ᠨᠢᠭᠡ ᠪᠦᠯᠦᠭ ᠬᠦᠮᠦᠨ ᠳᠠᠷᠤᠭᠠᠨ ᠳᠤ ᠶᠠᠪᠤᠨᠠ᠂ ᠳᠠᠷᠤᠭᠠᠨ ᠤ | ᠬᠦᠮᠦᠨ ᠨᠢᠭᠡ ᠨᠢᠭᠡᠨ ᠲᠠᠢ ᠪᠠᠨ ᠳᠠᠭᠤ ᠬᠤᠭᠤᠯᠠᠢ ᠠᠪᠴᠠᠯᠳᠤᠭᠤᠯᠤᠨ ᠪᠠᠷᠬᠢᠷᠠᠵᠤ ᠠᠭᠤᠯᠠᠨ ᠤ ᠤᠷᠤᠢ ᠪᠠᠷ ᠶᠠᠪᠤᠬᠤ | ᠬᠦᠮᠦᠨ ᠪᠠ ᠳᠤᠤᠷᠠ ᠬᠤᠷᠮᠤᠢ ᠪᠠᠷ ᠶᠠᠪᠤᠬᠤ ᠬᠦᠮᠦᠨ ᠨᠢ ᠳᠤᠮᠳᠠᠭᠤᠷ ᠤᠷᠤᠭᠰᠠᠨ ᠬᠦᠮᠦᠨ ᠠᠴᠠ ᠪᠠᠨ ᠪᠠᠭᠠ | ᠬᠤᠰᠢᠭᠤᠷᠠᠵᠤ ᠤᠭᠤᠳᠠᠯᠠᠨ ᠶᠠᠪᠤᠨᠠ᠂ ᠳᠠᠷᠤᠭᠠᠨ ᠤ ᠬᠦᠮᠦᠨ ᠠᠴᠠ ᠦᠷᠭᠦᠵᠦ ᠰᠤᠴᠢᠭᠰᠠᠨ ᠠᠩ ᠭᠦᠷᠦᠭᠡᠰᠦ ᠡᠨᠡ | ᠠᠭᠤᠯᠠᠨ ᠠᠴᠠ ᠲᠡᠷᠡ ᠠᠭᠤᠯᠠ ᠵᠦᠭ ᠶᠠᠪᠤᠵᠤ ᠡᠷᠬᠡᠪᠰᠢ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠰᠠᠨ ᠫᠤᠤ ᠲᠠᠢ ᠬᠦᠮᠦᠨ ᠤ | ᠬᠠᠵᠠᠭᠤ ᠳᠠᠯᠠ ᠶᠢᠨ ᠬᠦᠳᠦᠯ ᠲᠤᠮ ᠢᠶᠠᠷ ᠤᠴᠢᠬᠤ ᠶᠤᠰᠤᠳᠠᠢ᠂ ᠡᠨᠡ ᠦᠶᠡ ᠳᠤ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠰᠠᠨ | ᠬᠦᠮᠦᠨ ᠰᠠᠨᠳᠤᠷᠴᠤ ᠠᠩ ᠤᠨ ᠠᠮᠢᠳᠠᠨ ᠤ ᠦᠭᠡᠳᠡ ᠠᠴᠠ ᠫᠤᠤᠳᠠᠵᠤ ᠪᠤᠯᠬᠤ ᠦᠭᠡᠢ᠂ ᠡᠷᠬᠡᠪᠰᠢ ᠳᠡᠷᠢᠭᠦᠨ ᠤ ᠠᠩ | ᠢ ᠪᠡᠶᠡ ᠠᠴᠠ ᠪᠠᠨ ᠬᠡᠳᠦᠷᠡᠭᠦᠯᠵᠦ ᠪᠠᠶᠢᠭᠠᠳ ᠰᠠᠶ᠋ᠢ ᠫᠤᠤᠳᠠᠨᠠ᠂ ᠢᠩᠭᠢᠭᠡᠳ ᠬᠡᠳᠦᠢ ᠠᠯᠠᠪᠠᠯ ᠠᠯᠠᠵᠠᠢ᠂ | ᠦᠯᠡᠳᠡᠭᠰᠡᠨ ᠠᠩ ᠫᠤᠤ ᠶᠢᠨ ᠳᠠᠭᠤᠨ ᠠᠴᠠ ᠰᠤᠴᠢᠵᠤ ᠠᠮᠢ ᠳᠡᠮᠡᠴᠡᠨ ᠬᠦᠶᠦᠵᠦ ᠴᠠᠭᠠᠳᠠᠢ ᠠᠭᠤᠯᠠᠨ ᠤ ᠬᠦᠳᠦᠯ | ᠳᠡᠭᠡᠷᠡ ᠳᠠᠪᠬᠤᠷ ᠰᠠᠭᠤᠭᠰᠠᠨ ᠰᠠᠭᠤᠳᠠᠯ ᠤᠨ ᠭᠠᠵᠠᠷ ᠬᠦᠷᠬᠦ ᠦᠶᠡ ᠳᠤ ᠲᠦᠷᠭᠡᠨ ᠬᠦᠶᠦᠳᠡᠯ ᠨᠢ ᠮᠤᠬᠤᠵᠤ | ᠤᠳᠠᠭᠠᠨ ᠬᠦᠶᠦᠵᠦ ᠤᠴᠢᠬᠤ ᠪᠤᠯᠬᠤᠷ ᠴᠠᠭᠠᠨᠠ ᠳᠠᠪᠬᠤᠷ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠰᠠᠨ ᠰᠠᠶᠢᠨ ᠨᠤᠬᠠᠢ ᠲᠠᠢ | ᠠᠩᠴᠢᠨ ᠨᠤᠬᠠᠢ ᠳᠠᠯᠪᠢᠵᠤ ᠰᠢᠷᠬᠠ ᠲᠠᠢ ᠠᠩ ᠪᠠ ᠮᠠᠭᠤᠳᠠᠭᠰᠠᠨ ᠠᠩ ᠢ ᠨᠤᠬᠠᠢ ᠪᠠᠷ ᠪᠠᠷᠢᠭᠤᠯᠵᠤ ᠠᠯᠠᠳᠠᠭ | ᠪᠠᠶᠢᠨᠠ᠃ | ᠭᠤᠷᠪᠠ᠂ ᠵᠠᠳᠠᠭᠠᠢ ᠠᠪᠠ | ᠵᠠᠳᠠᠭᠠᠢ ᠠᠪᠠ ᠭᠡᠳᠡᠭ ᠨᠢ ᠭᠤᠤᠯᠳᠠᠭᠤ ᠵᠡᠭᠡᠷᠡ᠂ ᠪᠤᠷᠤ ᠭᠦᠷᠦᠭᠡᠰᠦ᠂ ᠳᠠᠤᠯᠠᠢ᠂ ᠭᠤᠷᠭᠤᠤᠯ ᠵᠡᠷᠭᠡ ᠠᠩ ᠢ | ᠳᠠᠯᠠ ᠵᠤ ᠭᠠᠵᠠᠷ ᠠᠩᠨᠠᠳᠠᠭ ᠠᠪᠠ ᠶᠢ ᠬᠡᠯᠡᠨᠡ᠂ ᠦᠩᠭᠡᠷᠡᠭᠰᠡᠨ ᠳᠡᠭᠡᠨ ᠵᠡᠭᠡᠷᠡ ᠶᠢᠨ ᠠᠪᠠ᠂ ᠳᠠᠤᠯᠠᠢ ᠶᠢᠨ ᠠᠪᠠ ᠶᠢ | ᠠᠪᠠᠯᠠᠬᠤ ᠳᠤ ᠲᠤᠭᠳᠠᠭᠰᠠᠨ ᠡᠳᠦᠷ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠳᠤ | ᠳᠠᠤᠯᠠᠢ ᠶᠢᠨ ᠠᠪᠠ ᠳᠠᠯᠪᠢᠨᠠ᠂ ᠳᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠳᠠᠪᠤᠨ ᠳᠤ ᠵᠡᠭᠡᠷᠡ ᠶᠢᠨ ᠠᠪᠠ ᠠᠪᠠᠯᠠᠳᠠᠭ | ᠪᠠᠶᠢᠨᠠ᠃ ᠡᠨᠡ ᠠᠪᠠ ᠶᠢ ᠬᠢᠬᠦ ᠳᠤ ᠳᠠᠷᠤᠭᠠᠨ ᠤ ᠬᠦᠮᠦᠨ ᠰᠠᠭᠤᠳᠠᠯ ᠤᠨ ᠬᠦᠮᠦᠨ ᠭᠡᠵᠦ ᠲᠤᠬᠢᠷᠠᠭᠤᠯᠳᠠᠭ ᠦᠭᠡᠢ | ᠳᠤᠷᠠ ᠳᠠᠪᠠ ᠪᠠᠷ ᠢᠶᠠᠨ ᠳᠠᠪᠤ ᠭᠤᠷᠪᠠ ᠪᠠᠷ ᠨᠡᠶᠢᠯᠡᠵᠦ ᠳᠠᠷᠬᠠᠵᠤ ᠠᠩᠨᠠᠳᠠᠭ᠂ ᠠᠩ ᠤᠨ ᠠᠮᠢᠳᠠᠨ ᠪᠤᠰᠪᠠᠯ ᠵᠦᠭ | ᠵᠦᠭ ᠠᠴᠠ ᠨᠢ ᠮᠤᠷᠢ ᠳᠤᠪᠳᠤᠯᠭᠠᠵᠤ ᠨᠤᠬᠠᠢ ᠳᠠᠯᠪᠢᠨ ᠪᠢᠯᠠᠭᠤ ᠰᠢᠳᠠᠮ ᠰᠢᠯᠠᠮᠠᠳᠠᠨ ᠤᠷᠤᠵᠤ ᠠᠩ ᠤᠨ ᠠᠮᠢᠳᠠᠨ ᠢ | ᠠᠯᠠᠳᠠᠭ᠃ ᠡᠶᠢᠮᠦ ᠠᠪᠠ ᠳᠤ ᠬᠦᠮᠦᠨ ᠠᠷᠪᠢᠨ ᠪᠤᠯᠬᠤᠷ ᠪᠠᠷᠤᠭᠳᠠᠢ ᠳᠤ ᠫᠤᠤ ᠰᠤᠮᠤ ᠬᠠᠷᠪᠤᠳᠠᠭ ᠦᠭᠡᠢ᠂ ᠠᠯᠳᠠᠰᠢ | ᠭᠠᠷᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ ᠪᠠᠶᠢᠨᠠ᠃ | ᠲᠦᠷᠪᠡ᠂ ᠠᠪᠠ ᠠᠪᠠᠯᠠᠬᠤ ᠳᠤ ᠲᠤᠭᠳᠠᠭᠰᠠᠨ ᠬᠡᠳᠦᠨ ᠵᠦᠢᠯ ᠤᠨ ᠴᠡᠭᠡᠷ ᠶᠤᠰᠤ ᠪᠠᠶᠢᠳᠠᠭ᠃ ᠠᠯᠢᠪᠠ | ᠪᠦᠳᠦᠭᠦᠨ ᠠᠩ ᠢ ᠬᠢᠳᠤᠭᠠᠯᠠᠵᠤ ᠠᠯᠠᠭᠰᠠᠨ ᠪᠠ ᠫᠤᠤᠳᠠᠵᠤ ᠠᠯᠠᠭᠰᠠᠨ ᠬᠦᠮᠦᠨ ᠠᠩ ᠤᠨ ᠠᠷᠠᠰᠤ ᠪᠤᠶᠤ ᠵᠦᠯᠳᠡ | ᠶᠢ ᠠᠪᠳᠠᠭ ᠶᠤᠰᠤ ᠲᠠᠢ᠃ ᠵᠦᠯᠳᠡ ᠭᠡᠳᠡᠭ ᠨᠢ ᠡᠷᠡᠦ᠂ ᠤᠯᠠᠭᠠᠨ ᠬᠤᠭᠤᠯᠠᠢ᠂ ᠠᠭᠤᠰᠬᠢ᠂ ᠵᠢᠷᠦᠬᠡ ᠲᠠᠢ ᠨᠢ | ᠦᠷᠬᠦᠯᠵᠢ ᠰᠠᠯᠭᠠᠨ ᠠᠪᠬᠤ ᠶᠢ ᠬᠡᠯᠡᠨᠡ᠃ ᠬᠡᠭᠡᠷᠡ ᠶᠢᠨ ᠭᠠᠭ᠋ᠠᠢ ᠠᠯᠠᠪᠠᠯ ᠲᠤᠯᠤᠭᠠᠢ ᠶᠢ ᠪᠠᠰᠠ ᠠᠯᠠᠭᠰᠠᠨ ᠬᠦᠮᠦᠨ | ᠠᠪᠤᠨᠠ᠃ ᠵᠡᠭᠡᠷᠡ ᠪᠠ ᠪᠤᠷᠤ ᠭᠦᠷᠦᠭᠡᠰᠦ ᠵᠡᠷᠭᠡ ᠠᠮᠢᠳᠠᠨ ᠢ ᠬᠡᠨ ᠫᠤᠤᠳᠠᠵᠤ ᠠᠯᠠᠭᠰᠠᠨ ᠪᠤᠶᠤ ᠴᠤᠬᠢᠵᠤ ᠠᠯᠠᠭᠰᠠᠨ | ᠪᠤᠯ ᠲᠡᠷᠡ ᠬᠦᠮᠦᠨ ᠠᠷᠠᠰᠤ ᠪᠠ ᠵᠦᠯᠳᠡ ᠶᠢ ᠠᠪᠬᠤ ᠶᠤᠰᠤᠳᠠᠢ᠃ ᠵᠡᠭᠡᠷᠡ ᠭᠤᠷᠠ ᠶᠢ ᠤᠯᠠᠨ ᠠᠪᠠ ᠶᠢᠨ ᠲᠤᠮᠳᠠ | ᠨᠤᠬᠠᠢ ᠪᠠᠷᠢᠭᠰᠠᠨ ᠪᠤᠯ᠂ ᠬᠡᠨ ᠬᠦᠮᠦᠨ ᠤᠷᠢᠳᠠᠵᠤ ᠪᠠᠭᠤᠪᠠᠯ ᠲᠡᠷᠡ ᠬᠦᠮᠦᠨ ᠰᠡᠭᠦᠯ ᠢ ᠤᠭᠳᠤᠯᠵᠤ ᠠᠪᠤᠨᠠ᠃ | ᠰᠡᠭᠦᠯ ᠢ ᠠᠪᠤᠭᠰᠠᠨ ᠬᠦᠮᠦᠨ ᠠᠷᠠᠰᠤ ᠪᠠ ᠤᠭᠤᠴᠠ ᠶᠢ ᠠᠪᠬᠤ ᠶᠤᠰᠤᠳᠠᠢ᠃ ᠦᠨᠡᠭᠡ᠂ ᠴᠢᠨ᠋ᠸᠠ᠂ ᠰᠢᠯᠦᠭᠦᠰᠦ | ᠵᠡᠷᠭᠡ ᠠᠩ ᠢ ᠬᠡᠨ ᠫᠤᠤᠳᠠᠵᠤ ᠠᠯᠠᠭᠰᠠᠨ ᠪᠤᠶᠤ ᠬᠡᠨ ᠤ ᠨᠤᠬᠠᠢ ᠪᠠᠷᠢᠭᠰᠠᠨ ᠪᠤᠯ ᠲᠡᠷᠡ ᠬᠦᠮᠦᠨ ᠵᠦᠯᠳᠡ ᠶᠢ | ᠠᠪᠤᠨᠠ᠃ ᠠᠷᠠᠰᠤ ᠶᠢ ᠪᠢᠳᠡᠭᠦᠦ ᠪᠠᠷ ᠦᠪᠴᠢᠵᠦ ᠠᠪᠤᠭᠠᠳ ᠳᠤᠳᠤᠷᠠ ᠨᠢ ᠡᠪᠡᠰᠦ ᠴᠢᠬᠢᠵᠦ ᠦᠨᠳᠦᠷ ᠮᠤᠳᠤᠨ | ᠳᠤ ᠳᠡᠭᠦᠵᠢᠯᠡᠵᠦ ᠬᠠᠳᠠᠭᠠᠭᠰᠠᠨ ᠤ ᠰᠡᠭᠦᠯᠡᠷ ᠬᠤᠳᠠᠯᠳᠤᠭᠠᠳ ᠡᠨᠡ ᠤᠳᠠᠭᠠᠨ ᠤ ᠠᠪᠠ ᠳᠤ ᠶᠠᠪᠤᠭᠰᠠᠨ ᠬᠦᠮᠦᠨ | ᠪᠦᠬᠦᠨ ᠵᠤᠭᠤᠰ ᠶᠢ ᠬᠤᠪᠢᠶᠠᠨ ᠠᠪᠬᠤ ᠶᠤᠰᠤᠳᠠᠢ᠃ ᠦᠨᠡᠭᠡ ᠴᠢᠨ᠋ᠸᠠ ᠶᠢᠨ ᠠᠷᠠᠰᠤ ᠶᠢ ᠦᠪᠴᠢᠬᠦ ᠳᠡᠭᠡᠨ | ᠲᠤᠯᠤᠭᠠᠢ ᠰᠢᠭᠢᠷᠡ ᠳᠤᠨᠢ ᠦᠰᠦ ᠦᠯᠡᠳᠡᠭᠡᠭᠦ ᠶᠢ ᠴᠡᠭᠡᠷᠯᠡᠨᠡ᠂ ᠱᠠᠯᠳᠠᠩ ᠮᠢᠬᠠ ᠶᠢ ᠦᠶᠡ ᠮᠤᠵᠢ ᠪᠠᠷ ᠰᠠᠯᠭᠠᠵᠤ | ᠵᠦᠭ ᠵᠦᠭ ᠲᠤ ᠬᠠᠶᠠᠬᠤ ᠪᠤᠶᠤ ᠴᠡᠭᠡᠵᠢᠨ ᠬᠦᠨᠳᠡᠢ ᠳᠤᠨᠢ ᠴᠢᠯᠠᠭᠤ ᠬᠢᠵᠦ ᠳᠠᠯᠪᠢᠬᠤ ᠴᠡᠭᠡᠷ ᠲᠠᠢ᠂ ᠶᠠᠮᠠᠷᠪᠠ ᠠᠩ | ᠢ ᠤᠨᠳᠠᠭᠠ ᠪᠠᠷ ᠠᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠵᠠᠪᠠᠯ ᠳᠤᠤᠭᠠᠷᠴᠤ ᠪᠤᠰᠬᠠᠵᠤ ᠪᠠᠶᠢᠭᠠᠳ ᠠᠯᠠᠳᠠᠭ ᠴᠡᠭᠡᠷ ᠲᠠᠢ᠂ | ᠳᠠᠤᠯᠠᠢ ᠭᠤᠷᠭᠤᠤᠯ ᠵᠡᠷᠭᠡ ᠵᠢᠵᠢᠭ ᠠᠩ ᠢ ᠬᠡᠨ ᠤ ᠨᠤᠬᠠᠢ ᠪᠠᠷᠢᠭᠰᠠᠨ ᠴᠦ ᠬᠠᠮᠢᠶᠠ ᠦᠭᠡᠢ ᠬᠡᠨ ᠬᠦᠮᠦᠨ | ᠤᠷᠢᠳᠠᠵᠤ ᠠᠪᠤᠪᠠᠯ ᠲᠡᠷᠡ ᠬᠦᠮᠦᠨ ᠠᠪᠬᠤ ᠶᠤᠰᠤ ᠲᠠᠢ᠃ ᠬᠠᠷᠢᠭᠤ ᠲᠠᠢ ᠠᠩ ᠢ ᠠᠷᠪᠢᠨ ᠠᠯᠠᠵᠤ ᠪᠤᠯᠬᠤ ᠦᠭᠡᠢ᠂ | ᠮᠠᠭᠤ ᠢᠷᠸᠠ ᠪᠤᠯᠤᠨᠠ ᠭᠡᠵᠦ ᠴᠡᠭᠡᠷᠯᠡᠳᠡᠭ᠃ ᠡᠭᠦᠨ ᠳᠤ ᠦᠨᠡᠭᠡ᠂ ᠵᠡᠷᠡᠭᠡ᠂ ᠪᠤᠭᠤ ᠵᠡᠷᠭᠡ ᠠᠮᠢᠳᠠᠨ ᠢ ᠬᠠᠷᠢᠭᠤ | ᠲᠠᠢ ᠠᠪᠠ ᠭᠡᠵᠦ ᠬᠡᠯᠡᠳᠡᠭ᠂ ᠲᠤᠬᠤᠮ ᠤᠨ ᠬᠦᠯᠦᠰᠦ ᠲᠠᠢ ᠬᠦᠷᠦᠭᠡᠰᠦ ᠶᠢ ᠠᠯᠠᠵᠤ ᠪᠤᠯᠬᠤ ᠦᠭᠡᠢ ᠴᠡᠭᠡᠷ ᠶᠤᠰᠤ | ᠲᠠᠢ᠂ ᠡᠶᠢᠮᠦ ᠬᠦᠷᠦᠭᠡᠰᠦ ᠶᠢ ᠡᠵᠡᠳ ᠰᠠᠬᠢᠭᠤᠯᠰᠤᠨ ᠤ ᠤᠨᠤᠭᠠ ᠬᠦᠯᠦᠭ ᠭᠡᠵᠦ ᠬᠡᠯᠡᠳᠡᠭ᠃ | | ᠡᠪᠴᠢᠭᠦᠴᠢᠨ᠂ ᠳᠣᠨᠤᠷᠤᠪ ᠤᠨ ᠨᠠᠶᠢᠷᠠᠭᠤᠯᠣᠨ ᠵᠣᠬᠢᠶᠠᠭᠰᠠᠨ ︽ᠠᠷᠤ ᠬᠤᠷᠴᠢᠨ ᠨᠤᠲᠤᠭ ᠤᠨ | ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ︾ ᠭᠡᠬᠦ ᠨᠣᠮ ᠠᠴᠠ ᠰᠣᠩᠭᠤᠪᠠ | | |